BTV NEWS

សម្ដេចកិត្តិសង្គហបណ្ឌិត ម៉ែន សំអន វាយតម្លៃខ្ពស់ចំពោះACUក្នុងការស៊ើបអង្កេត និងបំបែកសំណុំរឿងធំៗ

រដ្ឋមន្ត្រីក្រសួងយុត្តិធម៌បញ្ជាក់អំពីវិធានការចំនួន៣ដែលនឹងត្រូវដាក់ឲ្យអនុវត្តន៍ចំពោះករណីក្មេងទំនើង

រដ្ឋមន្ត្រីការបរទេស៖ ចង់ឱ្យកម្ពុជាឈប់បង្ហាញទៅឆាកអន្តរជាតិ មិនពិបាកទេ ឱ្យតែថៃឈប់ប្រព្រឹត្តខុសច្បាប់

ឯកឧត្តមឧបនាយករដ្ឋមន្ត្រី ហ៊ុន ម៉ានី ដាក់ចេញទិសដៅពង្រឹងការគ្រប់គ្រង និងអត្ថប្រយោជន៍ជូនមន្ត្រីរាជការស៊ីវិល ក្នុងកិច្ចប្រជុំប្រចាំខែមេសា

ព័ត៌មានជាតិ

សមាគមអភិវឌ្ឍន៍សង្គមខ្មែរ សហការជាមួយដៃគូក្នុងស្រុក ចូលរួមលើកកម្ពស់ផលិតផលខ្មែរ

ភ្នំពេញ ៖ សមាគមអភិវឌ្ឍន៍សង្គមខ្មែរ សហការជាមួយម្ចាស់ផលិតកម្ម សិប្បកម្ម ជំរុញការផ្សព្វផ្សាយ និងការប្រើប្រាស់ផលិតផលខ្មែរ ដើម្បី លើកកម្ពស់ផលិតផលក្នុងស្រុក ការបង្កើតការងារ និងប្រាក់ចំណូលក្នុងគ្រួសារ ដើម្បីជំរុញឱ្យចលនាសេដ្ឋកិច្ចក្នុង និងក្រៅប្រព័ន្ធកាន់ តែរឹងមាំ។ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងនៅក្នុងកិច្ចប្រជុំលើកទី២៩ ស្តីពីជំនួបថ្នាក់ដឹកនាំ និងសមាជិក-សមាជិការ នៃសមាគមអភិវឌ្ឍន៍សង្គមខ្មែរ និងការចុះអនុស្សារណៈយោគយល់គ្នា ជាមួយសហគ្រាសក្នុងស្រុក នៅថ្ងៃទី ២១ ខែសីហា ឆ្នាំ២០២៥ នេះថា បន្ទាប់ពីប្រទេសទទួលបាននូវសុខសន្តិភាព ឃើញថា ហេដ្ឋារចនាសម្ព័ន្ធផ្សេងៗសម្រាប់ជាតិ បានកើតឡើងយ៉ាងឆាប់រហ័ស បានធ្វើសេដ្ឋកិច្ចកម្ពុជារឹងមាំជាបណ្តើរៗ, ប្រជាពលរដ្ឋក៏ទទួលបានការសិក្សា, ការអភិវឌ្ឍចំណេះ-ជំនាញ, តាមរយៈគ្រប់រូបភាព ខណៈរាជរដ្ឋាភិបាលបាននិងកំពុងយកចិត្តទុកដាក់ខ្ពស់ លើការកែលម្អជីវភាពប្រជាជន ក្នុងនោះបាន ធ្វើឱ្យសិប្បកម្ម សហគ្រាសតូច-ធំក្នុងស្រុក បានកើតឡើងព្រោងព្រាត ដោយបានបង្កើតនូវជម្រើសលើទីផ្សារកាន់តែសម្បូរបែប។ ឯកឧត្តម បន្តថា ជាក់ស្តែងតាមរយៈនៃកិច្ចសហការជាមួយដៃគូផលិតកម្ម សិប្បកម្មក្នុងស្រុក របស់សមាគមអភិវឌ្ឍន៍ សង្គមខ្មែរ និងផ្សារសមាគមខ្មែរ ពិតជាមានសារៈសំខាន់ណាស់ ក្នុងគោលបំណងដើម្បីចូលរួមលើកកម្ពស់ផលិតផលខ្មែរ លើ សមត្ថភាពការផលិត កែច្នៃ និងការផ្គត់ផ្គង់ចូលទីផ្សារទាំងក្នុងនិងក្រៅស្រុក ក្នុងគោលដៅជំរុញធ្វើពិពិធកម្មមុខបរ ការរកស៊ីទទួល ទានរបស់បងប្អូនម្ចាស់អាជីវកម្មឱ្យកាន់តែទូលំទូលាយ និងមានជម្រើសច្រើនសម្រាប់បរិបថសេដ្ឋកិច្ចថ្មីរបស់កម្ពុជា។ជុំវិញទីផ្សារចែកចាយផលិតផលនេះ, ឯកឧត្តម ស្វាយ សុវណ្ណរិទ្ធ លើកឡើងបន្ថែមថា បន្ទាប់ពីមានជម្លោះនៅតាមព្រំដែន បានធ្វើឱ្យ ប្រជាជនខ្មែរជួបការលំបាកជាច្រើនដូចជា ប្រជាពលករខ្មែរជិត ១ លាននាក់ បានវិលត្រឡប់មកប្រទេសជាតិដោយសារការភ័យខ្លាច, ចំណែកប្រជាពលរដ្ឋនៅតាមព្រំដែន បានភៀសសឹកមកនៅតំបន់សុវត្ថិភាព ជាពិសេសហេដ្ឋារចនាសម្ព័ន្ធមួយចំនួននៅតាមព្រំដែន បានរងនូវការខូចខាតជាដើម ដែលបញ្ហានេះ ឃើញថា, ប្រជាពលរដ្ឋកម្ពុជាបានបង្ហាញនៅក្នុងបណ្តាញសង្គម (គាំទ្រផលិតផល ជាតិ)។ ឯកឧត្តម សង្កត់ធ្ងន់ថា កម្ពុជាមិនរើសអើងទំនិញប្រទេសណាមួយឡើយ ហើយកម្ពុជាក៏មិនហាមឃាត់ការនាំចូលទំនិញ និងក៏មិនចង្អៀតចង្អល់ប្រើប្រាស់ផលិតគេនោះដែរ។ បញ្ហានេះ, ការប្រើប្រាស់ផលិតផលក្នុងស្រុករបស់បងប្អូន គឺជាការគាំទ្រដល់ការ ចំណាក់ស្រុករបស់ប្រជាពលរដ្ឋយើង តាមរយៈការទទួលបានការងារធ្វើ, បង្កើតប្រាក់ចំណូលទាំងអស់គ្នានៅក្នុងស្រុក ដើម្បីធ្វើឱ្យ ចរន្តរសេដ្ឋកិច្ចជាតិដើរឆ្ពោះទៅឥតឈប់ឈរ៕ អត្ថបទ៖ សុន រ៉ាឌី

ឯកឧត្តម សុខ ពុទ្ធិវុធ៖ ឱកាសអាហារូបករណ៍នឹងផ្តល់ជូនតែបេក្ខជនដែលមានឆន្ទៈ និងមានទឹកចិត្តសិក្សា ពិតប្រាកដតែប៉ុណ្ណោះ

នាព្រឹកថ្ងៃទី២២ ខែសីហា ឆ្នាំ២០២៥ នេះ ឯកឧត្តម សុខ ពុទ្ធិវុធ អនុប្រធានគណៈកម្មាធិការ តំណាងដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ប្រធានគណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ថ្លែងក្នុងឱកាសអញ្ជើញចូលរួមជាអធិបតីភាពក្នុងកិច្ចប្រជុំពិភាក្សា និងពិគ្រោះយោបល់ជាមួយបណ្តាអង្គភាពពាក់ព័ន្ធលើកិច្ចការអាហារូបករណ៍ ដែលប្រព្រឹត្តទៅនាព្រឹកថ្ងៃទី២២ ខែសីហា ឆ្នាំ២០២៥។សូមគូសបញ្ជាក់ផងដែរថា ដោយទទួលបានការអនុញ្ញាតជាគោលការណ៍ដ៏ខ្ពង់ខ្ពស់ពី លោកជំទាវបណ្ឌិត ពេជ ចន្ទមុន្នី ប្រធានគណៈកម្មាធិការ នៅឆ្នាំសិក្សា២០២៤-២០២៥ និងឆ្នាំសិក្សាបន្តបន្ទាប់ គណៈកម្មាធិការអាហារូបករណ៍ អ.ម.ត បាន និងកំពុងធ្វើកំណែទម្រង់នីតិវិធីចុះឈ្មោះ និងការផ្គូផ្គងគ្រឹះស្ថានសិក្សាសម្រាប់បេក្ខជន ផ្លាស់ប្តូរទៅជាការអនុវត្តតាមប្រព័ន្ធឌីជីថល ដែលការផ្លាស់ប្តូរតាមបែបឌីជីថលនេះ គឺដើម្បីធានាសុក្រឹតភាពនៃដំណើរការជ្រើសរើសនិស្សិតអាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្តល់ជូនតាមរយៈ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ប្រកបដោយគុណភាព តម្លាភាព យុត្តិធម៌ និងបរិយាបន្ន៕

ឯកឧត្តម សុខ សូកេន៖ «ការសាមគ្គីភាពជាធ្លុងមួយ ជាកត្តានៃការរក្សាសន្តិភាព»

ការសាមគ្គីភាពជាធ្លុងមួយ គឺជាកត្តានៃការរក្សាសន្តិភាព រីឯការគោរពបទបញ្ជារ និងក្រមសីលធម៌ ជាប្រពៃណីយ៍របស់កងកម្លាំងប្រដាប់អាវុធកម្ពុជាក្នុងកិច្ចការពារអធិបតេយ្យជាតិ តែម៉ឺងម៉ាត់អង់អាចក្លាហាន ដើម្បីទប់ទល់នឹងសត្រូវឈ្លានពាន។ នេះជាប្រសាសន៍របស់កឧត្តម សុខ សូកេន រដ្ឋមន្រ្តីក្រសួងអធិការកិច្ច ក្នុងពេលដែល ឯកឧត្តមបានដឹកនាំគណៈប្រតិភូក្រសួងចុះជួបសំណេះសំណាលសួរសុខទុក្ខ និងនាំយកអំណោយជាសម្ភារៈបរិក្ខារ ប្រើប្រាស់ រួមនឹងគ្រឿងឧបភោគបរិភោគប្រគល់ជូនដលកង់វរសេនាតូចនគរបាលការពារព្រំដែនគោកលេខ៨២៧ និង វរសេនាតូចនគរបាលការពារព្រំដែនទឹកលេខ២៦៩ ដែលឈរជើងការពារនៅព្រំដែន កម្ពុជា-ថៃ ក្នុងភូមិសាស្ត្រខេត្ត កោះកុង ដែលជាដៃគូសម្ព័ន្ធមេត្រីភាពជាមួយក្រសួងអធិការកិច្ច និងក្រុមហ៊ុន ម៉ុង ឫទ្ធីគ្រុប កាលពីថ្ងៃទី២១ ខែសីហា ឆ្នាំ២០២៥។ ជាមួយគ្នានេះឯកឧត្តម សុខ សូកេន បានពាំនាំនូវប្រសាសន៍ផ្តាំផ្ញើសាកសួរសុខទុក្ខរបស់ម្តេចអគ្គមហាសេនា បតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា ចក្រកម្ពុជា ជូនចំពោះកងវីវីរ:យុទ្ធជនប្រកបដោយក្តីនឹករលឹក អាណិតស្រឡាញ់ និងបានអរគុណកោតសរសើរចំពោះ ការលះបង់អស់ពីកម្លាំងកាយចិត្ត បញ្ញាស្មារតី និងធ្វើពលីកម្មគ្រប់បែបយ៉ាងរបស់បងប្អូននៅជួរមុខ ក្នុងបុព្វហេតុការ ពារទឹកដី ការពារជាតិមាតុភូមិរបស់យើងបានគង់វង់។ទន្ទឹមនឹងនេះ ឯកឧត្តមរដ្ឋមន្ត្រី បានលើកឡើងអំពីការខិតខំដឹកនាំរកដំណោះស្រាយបញ្ហាព្រំដែនកម្ពុជា-ថៃ និងខិតខំស្វែងរកកិច្ចព្រមព្រៀងបទឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥ និងថ្ងៃទី៧ ខែសីហា ឆ្នាំ២០២៥ នៅប្រទេសម៉ាឡេស៊ី នៃដំណើរការនៃការអនុវត្តបទឈប់បាញ់ និងបានអរគុណចំពោះបងប្អូនកងកម្លាំងទាំងអស់ ដែលមានជំនឿទុកចិត្តលើចំណាត់ការដ៏ច្បាស់លាស់ និងមោះមុតរបស់ប្រមុខរាជរដ្ឋាភិបាលនៅគ្រប់កាលៈទេសៈ។ ឯកឧត្តមរដ្ឋមន្ត្រី បានថ្លែងអំណរគុណដល់សប្បុរសជន ដែលមានឯកឧត្តម លោកជំទាវ លោក លោកស្រី ជា ថ្នាក់ដឹកនាំ មន្ត្រីរាជការក្រសួងអធិការកិច្ច មន្ទីរអធិការកិច្ចទាំង២៥ខេត្ត-ក្រុង និងក្រុមហ៊ុនឯកជនដូចជា៖ ឯកឧត្តម អ្នឧកញ៉ា បណ្ឌិត ម៉ុង ឫទ្ធី (ក្រុមហ៊ុនម៉ុងឫទ្ធីគ្រុប), ក្រុមហ៊ុន សោម៉ា គ្រុប, ក្រុមហ៊ុន Vattanac Brewery, សភាពា ណិជ្ជកម្មខេត្តហ៊ូណានប្រចាំនៅកម្ពុជា, និងក្រុមហ៊ុន Jinfu Renewable Resources Development Co., Ltd ជាពិសេសគឺការចូលរួមដ៏ថ្លៃថ្លាពីលោកជំទាវ អាន្នី សុខអាន និងក្រុមគ្រួសារសម្តេចវិបុលបញ្ញា សុខ អាន ផងដែរ។សូមរំលឹកថា ក្រសួងអធិការកិច្ច និងក្រុមហ៊ុនម៉ុងឫទ្ធីគ្រុប បានចងសម្ព័ន្ធមេត្រីភាពជាមួយវរសេនាតូចនគរ បាលការពារព្រំដែនគោកលេខ៨២៧ និងវរសេនាតូចនគរបាលការពារព្រំដែនទឹកលេខ២៦៩ តាំងពីឆ្នាំ២០១០ រហូតដល់បច្ចុប្បន្ន ក្រោមការចង្អុលបង្ហាញដ៏ឈ្លាសវៃ និងគតិបណ្ឌិតរបស់សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចធិបតីនាយករដ្ឋមន្ត្រី ក្នុងគោលបំណងគាំទ្រ និងជំរុញការអនុវត្តគោលនយោបាយរបស់រាជរដ្ឋាភិបាល ព្រម ទាំងរឹតចំណងមេត្រីភាព សាមគ្គីភាព ភាតរភាព រវាងកងនគរបាលជាតិ និងស្ថាប័ន អង្គភាពស៊ីវិលឱ្យកាន់តែរឹងមាំ និងជិតស្និទ្ធ ព្រមទាំងលើកកម្ពស់ជីវភាពរស់នៅរបស់កងនគរបាលឱ្យកាន់តែប្រសើរ៕

សម្តេចសង្ឃរាជ បួរ គ្រី ប្រទានព្រះរាជអំណោយដល់គណៈគ្រប់គ្រង មន្ដ្រីរាជការ ក្រុមគ្រូពេទ្យ ក្រុមការងារ និងនិស្សិតស្នាក់នៅអគារចំនួន ២៨១អង្គ/នាក់

ភ្នំពេញ៖ សម្តេចព្រះមហាសង្ឃរាជ បួរ គ្រី ព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហមុនីរាជា និងជាព្រះប្រធានប៉ុស្តិ៍សុខភាពសម្តេចព្រះរាជគ្រូ បួរ គ្រី ព្រះករុណាព្រះមហាក្សត្រ សីហមុនីបានប្រោសព្រះរាជទានព្រះរាជអំណោយ និងចែកអំណោយដល់គណៈគ្រប់គ្រង មន្ដ្រីរាជការ ក្រុមគ្រូពេទ្យ ក្រុមការងារ និងនិស្សិតស្នាក់នៅអគារអន្តេវាសិកដ្ឋានតេជោសន្តិភាព។ពិធីនេះ មានកានិមន្តនិងអញ្ជើញចូលរួមពីលោក ងួន ស្តេចភក្តី ទីប្រឹក្សាផ្ទាល់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជារដ្ឋលេខាធិការទទួលបន្ទុក ពុទ្ធិកសាកលវិទ្យាល័យព្រះសីហមុនីរាជា លោកស្រីឧកញ៉ា ទាវ ប៊ុនចិន្ដា ព្រមទាំងសប្បុរជនជាច្រើនរូប នៅថ្ងៃទី២១ ខែសីហា ឆ្នាំ២០២៥ ។សម្តេចជាអង្គម្ចាស់បានមានព្រះរាជបន្ទូលថា អគារអន្តេវាសិកដ្ឋាន តេជោសន្តិភាព ត្រូវបានសម្ពោធដាក់ឱ្យប្រើប្រាស់នៅក្នុងវត្តស្វាយពពែ រាជធានីភ្នំពេញ ដែលជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។ អគារនេះមានកម្ពស់ ៥ ជាន់ ស្មើនឹង ៣០ បន្ទប់ អាចឱ្យនិស្សិតស្នាក់នៅបាន ១៨០នាក់។សម្តេចព្រះសាកលវិទ្យាធិការ មានព្រះបន្ទូលកោតសរសើរ និងថ្លែងអំណរគុណយ៉ាងកក់ក្តៅ ចំពោះទឹកចិត្តដ៏ថ្លៃថ្លា គណៈគ្រប់គ្រង មន្រ្តីរាជការ សាស្រ្តាចារ្យ គ្រប់រូប ដែលបានខិតខំលះបង់ពេលវេលា កម្លាំងកាយចិត្តស្មារតីបញ្ញា ក្នុងការបំពេញការងារនិងបង្ហាត់ បង្រៀន សមណនិស្សិត និស្សិត ក្នុងបរិបទនៃជំងឺកូវីដ១៩ ក្នុងបេសកកម្មរបស់មហាគ្រួសារ PSB University មនុស្សធម៌ អប់រំ ផ្សព្វផ្សាយ ដើម្បីជាតិ សាសនា ព្រះមហាក្សត្រ ក្នុងវឌ្ឍនភាពការងារ ចូលរួមចំណែកជាមួយរាជរដ្ឋាភិបាល។សម្តេចជាអង្គម្ចាស់មានព្រះរាជបន្ទូលបន្តថា ធនធានមនុស្សគឺជា កត្តាសំខាន់សម្រាប់ការអភិវឌ្ឍប្រទេសជាតិ ហើយធនធានមនុស្សល្អ ត្រូវតែមានទាំងសុខភាព សមត្ថភាព និងចំណេះដឹង។ រាជរដ្ឋាភិបាល បន្តផ្តល់អាទិភាពលើការវិនិយោគលើ វិស័យសុខាភិបាល និងការអប់រំ ដើម្បីលើកកម្ពស់សុខុមាលភាពប្រជាពលរដ្ឋ និងអភិវឌ្ឍមូលធនមនុស្សឱ្យមានសក្តានុពលខ្ពស់ ទាំងជំនាញរឹង សីលធម៌ និងជំនាញទន់ផ្សេងៗ។ យុទ្ធសាស្ត្របញ្ចកោណរបស់រាជរដ្ឋាភិបាល ផ្តោតលើការកសាងមូលធនមនុស្ស តាមរយៈការពង្រឹងគុណភាពអប់រំ ការផ្តល់ជំនាញបច្ចេកទេស ការលើកកម្ពស់សុខភាព និងការពង្រឹងប្រព័ន្ធគាំពារសង្គម។ក្រោយទទួលព្រះរាជអំណោយគណ:គ្រប់គ្រង មន្រ្តីរាជការ ក្រុមគ្រូពេទ្យ ក្រុមការងារ និងនិស្សិត បានសម្តែងអារម្មរំភើបសប្បាយរីករាយ និងគោរពថ្លែងអំណរព្ររាជគុណ ដល់សម្តេចព្រះមហាសង្ឃរាជ បួរ គ្រីដែលព្រះរាជទានអំណោយ និងអំណោយដែលកំពុងសិក្សារៀនសូត្រ។សូមជម្រាបជូនថា ព្រះរាជអំណោយសង្គហទាន សម្តេចព្រះមហាសង្ឃរាជ បួរ គ្រី ប្រោសប្រទានដល់គណៈគ្រប់គ្រង មន្រ្តីរាជការ សាស្រ្តាចារ្យ ចំនួន២៨១អង្គនាក់ នៃពុទ្ធិកសាកលវិទ្យាល័យព្រះសីហមុនីរាជានេះ គឺក្នុងម្នាក់ៗទទួលបាននាពេលនេះរួមមាន អង្ករ ២៥ គីឡូ មី១កេស និងថវិកាមួយចំនួនផងដែរ៕ អត្ថបទ៖ បាន សុខរិទ្ធិ

ឯកឧត្តម ឃឹម ហ្វីណង់៖ ការធ្លាក់ចុះថ្លៃស្រូវពាក់ព័ន្ធផ្ទាល់ពីការផ្អាកបញ្ជាទិញពីប្រទេសនាំចូលអង្ករ និងការប្រជែងទម្លាក់ថ្លៃអង្ករយ៉ាងគំហុកពីសំណាក់ប្រទេសនាំចេញ

ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្មរុក្ខាប្រមាញ់ និងនេសាទ នៅថ្ងៃទី២២ សីហា ឆ្នាំ២០២៥នេះថា ការធ្លាក់ចុះថ្លៃស្រូវចាប់តាំងពីពាក់កណ្តាលខែកក្កដា ឆ្នាំ២០២៥ គឺពាក់ព័ន្ធដោយផ្ទាល់ទៅនឹងការផ្អាកបញ្ជាទិញពីប្រទេសនាំចូលអង្ករ ស្របពេលដែលមានការប្រជែងទម្លាក់ថ្លៃអង្ករយ៉ាងគំហុកពីសំណាក់ប្រទេសនាំចេញ ដែលបង្កឱ្យមានបញ្ហាជាសកលនៅលើទីផ្សារអង្ករអន្តរជាតិ។ ឯកឧត្តម ឃឹម ហ្វីណង់ បានឱ្យដឹងថា ស្ថានភាពនេះបានធ្វើឱ្យថ្លៃស្រូវសើមនៅតាមប្រទេសនានាក្នុងតំបន់ រួមមានទាំងកម្ពុជាដែរនោះ បន្តធ្លាក់ចុះជាបន្តបន្ទាប់ ខណៈពេលដែលរោងម៉ាស៊ីនកិនស្រូវក្នុងស្រុកភាគច្រើនក៏កំពុងមានការកកស្ទះស្តុកអង្ករចាស់ ចុងអង្ករ និងកន្ទក់ជាច្រើនផងដែរ។ ជាវិធានការបន្ទាន់ដើម្បីជួយកាត់បន្ថយសម្ពាធលើថ្លៃស្រូវនៅតាមវាលស្រែ ក្រសួងកសិកម្មបានសហការជាមួយនឹងក្រសួងសេដ្ឋកិច្ចនិងហិរញ្ញវត្ថុ ក្រសួងពាណិជ្ជកម្ម ធនាគារ ARDB អាជ្ញាធរថ្នាក់ក្រោមជាតិ និងសហព័ន្ធស្រូវអង្ករកម្ពុជា តាមរយៈការផ្ដល់ប្រាក់កម្ចីពិសេសឱ្យរោងម៉ាស៊ីនដៃគូជួយទិញស្រូវសើមដល់វាល ព្រមទាំងបានដាក់ពង្រាយមន្ត្រីទាំងថ្នាក់ជាតិនិងថ្នាក់ក្រោមជាតិឱ្យជួយសម្របសម្រួលរកម្ចាស់រោងម៉ាស៊ីនទិញស្រូវ និងរករថយន្តដឹកឱ្យទាន់ពេលវេលា។ គោលដៅចម្បងនៃការអន្តរាគមន៍ទាំងនេះ គឺដើម្បីជួយស្តារថ្លៃស្រូវឱ្យបានកើនឡើងវិញមួយកម្រិត និងបញ្ចៀសការកកស្ទះការប្រមូលផលរបស់ប្រជាកសិករនៅតាមទីវាល។ ឯកឧត្តម បានបន្តថា ជាដំណោះស្រាយនៅរដូវកាលក្រោយៗ ក្រសួងកំពុងជំរុញលើកទឹកចិត្តឱ្យប្រជាកសិករងាកមកចូលរួមជាមួយសហគមន៍កសិកម្មទំនើប ដើម្បីរាជរដ្ឋាភិបាលអាចមានលទ្ធភាពអាចជួយទ្រទ្រង់ជាដើមទុនស្តារសមត្ថភាពផលិតកម្មឡើងវិញ តាមរយៈការផ្តល់កម្ចីការប្រាក់ទាប ការជួយកាត់បន្ថយថ្លៃដើម និងការងាកមកចាប់យកការធ្វើកសិកម្មតាមកិច្ចសន្យា ដែលជាមធ្យោបាយដ៏មានប្រសិទ្ធភាពក្នុងការការពារកសិករពីបញ្ហាវិបត្តិថ្លៃដូចពេលបច្ចុប្បន្ន។ បើតាម ឯកឧត្តម ឃឹម ហ្វីណង់ បានបញ្ជាក់ថា កសិករដែលបានចូលរួមក្នុងសហគមន៍កសិកម្មទំនើបក្នុងរដូវកាលនេះ មិនបានជួបបញ្ហាធ្លាក់ថ្លៃដូចអ្នកនៅក្រៅសហគមន៍ឡើយ ដោយហេតុថារោងម៉ាស៊ីនដៃគូនៅតែបន្តទទួលទិញក្នុងថ្លៃខ្ពស់ដែលបានព្រមព្រៀងក្នុងកិច្ចសន្យាពីដើមរដូវ៕

ក្រុមការងាររាជរដ្ឋាភិបាលចុះជួយមូលដ្ឋាន នាំយកទេយ្យទាន និងបច្ច័យប្រគេនព្រះសង្ឃ០៣វត្ត និងអាស្រមមួយនៅស្រុកបាទី

តាកែវ៖ ក្រុមការងាររាជរដ្ឋាភិបាល ចុះជួយមូលដ្ឋានឃុំកណ្ដឹងដឹកនាំដោយ ឯកឧត្តម គូន សារឿន កាលពីថ្ងៃទី២០ ខែសីហា ឆ្នាំ២០២៥ បាននាំយកទៀនព្រះវស្សា ទេយ្យវត្ថុ បច្ច័យប្រគេនព្រះសង្ឃដែលគង់ចាំព្រះវស្សាចំនួន០៣វត្ត និងអាស្រម០១ រួមមាន វត្តបន្ទាយត្រាវ ស្ថិតនៅភូមិឱភាសាំង វត្តឃ្លាំងសៀម ស្ថិតភូមិក្រសាំង វត្តសុភីរ ហៅ វត្តកកោះ ស្ថិតនៅភូមិកណ្តឹងធំ និងអាស្រមថ្មអន្ទង ហៅ គិរីធម្មវ័ន ស្ថិតនៅភូមិឱភាសាំង ឃុំកណ្ដឹង ស្រុកបាទី ខេត្តតាកែវ។ឱកាសនោះក្រុមការងារគណបក្សចុះជួយមូលដ្ឋានឃុំកណ្ដឹង រួមទាំងពុទ្ធបរិស័ទ្ធបាននាំយកនូវសម្ភារៈ ដូចជា ទៀនវស្សា ០៤គូ អង្ករ ០៩បាវស្មើ និង ៤៥០គីឡូក្រាម មី ២០កេស ទឹកត្រី ៣០យួរ ទឹកស៊ីអ៊ីវ ៣០យួរ ទឹកក្រូច ទឹកភេសជ្ជៈ ២០កេស ស្ករស ៣០ គីឡូក្រាម អំបិល ២០គីឡូក្រាម ទឹកសុទ្ធ ២០កេស ត្រីខកំប៉ុង ២០យួរ និងបច្ច័យប្រគេន ៤វត្ត សរុបជាថវិកា ៧,៩៨៨,២០០រៀល។សមាជិកក្រុមការងារ បានលើកឡើងថា កន្លងទៅបើទោះបីមានបញ្ហាជម្លោះព្រំដែន ក៏ក្រុមការងាររាជរដ្ឋាភិបាល ក៏ដូចជាក្រុមការងារគណបក្សប្រជាជនកម្ពុជា ចុះជួយមូលដ្ឋានឃុំកណ្តឹង ស្រុកបាទី ខេត្តតាកែវ តែងឆ្លៀតឱកាសប្រគេនព្រះសង្ឃនូវទៀនព្រះវស្សា ទេយ្យវត្ថុ បច្ច័យ ដើម្បីសុំសេចក្តីសុខ សេចក្តីចំរើនជូនដល់វីរកងទ័ពកម្ពុជា និងថ្នាក់ដឹកនាំ ព្រមទាំងប្រជាជនកម្ពុជាទាំងអស់គ្នា ៕ តារាវុទ្ធី

លទ្ធផលកិច្ចប្រជុំRBC យោធភូមិភាគទី៥កម្ពុជា និងកងទ័ពភូមិភាគទី១ថៃ ភាគីទាំងពីរប្តេជ្ញាចិត្តយ៉ាងមុតមាំ ក្នុងការអនុវត្តបទឈប់បាញ់ និងគោលការណ៍ឯកភាពទាំង១៣ចំណុច

ភ្នំពេញ៖ លទ្ធផលកិច្ចប្រជុំ RBC យោធភូមិភាគទី៥កម្ពុជា និងកងទ័ពភូមិភាគទី១ថៃ នៅព្រឹកថ្ងៃទី២២ ខែសីហានេះ នៅខេត្តស្រះកែវ ព្រះរាជាណាចក្រថៃ ភាគីទាំងពីរ បានប្តេជ្ញាចិត្តយ៉ាងមុតមាំ ក្នុងការអនុវត្តបទឈប់បាញ់ និងគោលការណ៍ឯកភាពទាំង១៣ចំណុច។ នេះបើយោងតាម សេចក្តីប្រកាសព័ត៌មាន អំពីលទ្ធផលនៃកិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី៥របស់កម្ពុជា និងកងទ័ពភូមិភាគទី១ របស់ថៃនៅព្រឹកនេះ។ សេចក្ដីប្រកាសព័ត៌មានបញ្ជាក់ថា គណៈប្រតិភូកម្ពុជា ដឹកនាំដោយ ឧត្តមសេនីយ៍ឯក ឯក សំអូន មេបញ្ជាការយោធភូមិភាគទី៥ និងជាសហប្រធាននៃកិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគ (RBC)។ គណៈប្រតិភូថៃ ដឹកនាំដោយ ឧត្តមសេនីយ៍ឯក Amarit Boonsuya មេបញ្ជាការ កងទ័ពភូមិភាគទី១ និងជាសហប្រធាននៃកិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគ (RBC)។ បើតាមសេចក្ដីប្រកាសព័ត៌មានដដែល កិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) បានបញ្ចប់ដោយជោគជ័យនៅវេលាម៉ោង១១:១៥នាទីព្រឹកថ្ងៃដដែល ដោយភាគីកម្ពុជា និងថៃបានបញ្ជាក់ពីការប្តេជ្ញាចិត្តយ៉ាងមុតមាំ ក្នុងការអនុវត្តបទឈប់បាញ់ និងគោលការណ៍ឯកភាពទាំង១៣ចំណុច ការពង្រឹងបន្ថែមទៀតនូវទំនាក់ទំនងទ្វេភាគី និងការស្តារប្រក្រតីភាពឡើងវិញនៅតាមតំបន់ព្រំដែន។ ភាគីទាំងពីរក៏បានឯកភាពគ្នាក្នុងការរៀបចំកិច្ចប្រជុំបន្ទាប់របស់គណៈកម្មាធិការកិច្ចការព្រំដែនថ្នាក់យោធភូមិភាគ (RBC) ក្នុងរយៈពេលមួយខែក្រោយកិច្ចប្រជុំវិសាមញ្ញនេះ ឬតាមពេលវេលាសមស្រប ដោយប្រទេសកម្ពុជាធ្វើជាម្ចាស់ផ្ទះ៕

ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញផ្តល់បទឧទ្ទេសនាមក្នុងវគ្គអប់រំនយោបាយរបស់គណបក្ស កម្រិត២ ជំនាន់ទី២០

នារសៀលថ្ងៃទី២១ ខែសីហា ឆ្នាំ២០២៥ ឯកឧត្តមឧបនាយករដ្ឋមន្រ្តី ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជារដ្ឋមន្រ្តីក្រសួងមុខងារសាធារណៈ បានអញ្ជើញផ្តល់បទឧទ្ទេសនាមស្តីពី «ភាពជាអ្នកដឹកនាំ នវានុវត្តន៍ និងគុណាធិបតេយ្យក្នុងរដ្ឋបាលសាធារណៈ» ក្នុងវគ្គអប់រំនយោបាយរបស់គណបក្ស កម្រិត២ ជំនាន់ទី២០ ជូនដល់សមាជិក សមាជិកាគណបក្សប្រមាណ ១៤០នាក់ នៅទីស្នាក់ការកណ្តាលគណបក្សប្រជាជនកម្ពុជា (វិមាន ៧មករា រាជធានីភ្នំពេញ)។ក្នុងបទឧទ្ទេសនាម ឯកឧត្តមឧបនាយករដ្ឋមន្រ្តី បានរំលឹកអំពីទិដ្ឋភាពទូទៅនៃការកែទម្រង់រដ្ឋបាលសាធារណៈនៅក្នុងបរិបទកម្ពុជាចាប់តាំងពីប្រវត្តិនៃការកកើតរហូតមកដល់បច្ចុប្បន្ន។ ក្នុងនោះ ឯកឧត្តម ក៏បានរំលេចពីការអនុវត្តវិធានការគន្លឹះទាំង៣ ក្នុងការកែទម្រង់រដ្ឋបាលសាធារណៈ ក្នុងយុទ្ធសាស្រ្តបញ្ចកោណ ដំណាក់កាលទី១ ដែលជាកិច្ចការងារអាទិភាពរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា តាមរយៈគណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា (គ.វ.រ.) ដែលដឹកនាំអនុវត្តដោយក្រសួងមុខងារសាធារណៈ។ ទន្ទឹមនេះ ឯកឧត្តម បានបន្ថែមថាការងារបន្ទាប់សំខាន់ដែលជាការងារអាទិភាពចំពោះមុខមួយទៀត គឺការអនុវត្តយុទ្ធនាការធ្វើបច្ចុប្បន្នភាពរចនាសម្ព័ន្ធ និងការជំរឿនមន្រ្តីជាក់ស្តែងនៅតាមគ្រឹះស្ថានសិក្សាសាធារណៈ, នៅតាមអង្គភាពសុខាភិបាលមូលដ្ឋាន, និងនៅតាមក្រសួង ស្ថាប័នចំណុះអង្គការនីតិប្រតិបត្តិ ដែលនឹងចាប់ផ្តើមអនុវត្តនាពេលឆាប់ៗខាងមុខនេះ។ ឯកឧត្តម បានលើកទឹកចិត្តឱ្យសិក្ខាកាមទាំងអស់ចូលរួមផ្សព្វផ្សាយពីគោលបំណងពិតប្រាកដនៃការធ្វើជំរឿន ដោយក្នុងនោះ ឯកឧត្តមបានផ្តាំផ្ញើថា “ស្មារតីនៃការធ្វើជំរឿននេះ គឺមិនមែនមានគោលបំណងដើម្បីស្វែងរកកំហុស មិនមែនជាការឈានដល់ការវះកាត់ ឬសើរើទិន្នន័យឯកសារចាស់ៗ ដើម្បីមានចំណាត់ការវិន័យ ឬធ្វើឱ្យបាត់ប្រយោជន៍ក្នុងនាមជាមន្រ្តីរាជការដែលខិតខំបំពេញការងារពិតប្រាកដនោះទេ។ គោលបំណងពិតប្រាកដនៃការធ្វើជំរឿន គឺដើម្បីកំណត់បានទិន្នន័យច្បាស់លាស់អំពីរចនាសម្ព័ន្ធមន្រ្តីជាក់ស្តែង ដែលទិន្នន័យទាំងអស់នេះគឺជាមូលដ្ឋានគ្រឹះមិនអាចខ្វះបានសម្រាប់ការរៀបចំផែនការគ្រប់គ្រង និងអភិវឌ្ឍធនធានមនុស្ស ការបែងចែកថវិកា និងការរៀបចំគោលនយោបាយនានាឱ្យមានប្រសិទ្ធភាព។” ឯកឧត្តមបានបន្ថែម៕

សាកលវិទ្យាល័យជាតិមានជ័យរៀបចំកម្មវិធីប្រកួតប្រជែងគំរូអាជីវកម្មនិស្សិត

បន្ទាយមានជ័យ៖ក្រោមកិច្ចសហការ និងការគាំទ្រពីសហគ្រិនខ្មែរ សាកលវិទ្យាល័យជាតិមានជ័យបានរៀបចំកម្មវិធីគំរូអាជីវកម្មនិស្សិត នៃកម្មវិធីសហគ្រិនមហាវិទ្យាល័យរដូវកាលទី៣ ដែលមាននិស្សិតចូលរួមចំនួនប្រមាណ៣០នាក់ចូលរួមប្រកួតប្រជែង។នាថ្ងៃទី២១ ខែសីហា ឆ្នាំ ២០២៥ ក្រោមវត្តមាន ឯកឧត្តម ជា សឿន សាកលវិទ្យាធិការ នៃសាកលវិទ្យាល័យជាតិមានជ័យ និង គណៈកម្មការវាយតម្លៃពីមន្ទីរពាណិជ្ជកម្មខេត្ត សមាគមសហគ្រិនវ័យក្មេងខេត្តបន្ទាយមានជ័យ គណៈគ្រប់គ្រង សាស្ត្រាចារ្យ ក្រុមនិស្សិតបេក្ខជន និស្សិតប្រមាណជិត១៥០នាក់ ប្រារព្ធធ្វើឡើង នៅសាកលវិទ្យាល័យជាតិមានជ័យ។កម្មវិធីប្រកួតប្រជែងគំរូអាជីវកម្មនេះ រៀបចំកម្មវិធីបណ្តុះបណ្តាលរយៈពេល៤ថ្ងៃ សម្រាប់ផ្តល់ចំណេះដឹង និងគំនិតច្នៃប្រឌិតផ្សេងៗអោយមានគំនិតសហគ្រិនភាព និងបានជម្រុញដល់និស្សិតអោយមានការរៀបចំគំរូអាជីវកម្មថ្មី និងទទួលការរៀនសូត្របន្ថែមពីគ្រូបង្វឹករបស់យើងទាក់ទងការរៀបចំផែនការអាជីវកម្ម និងការផលិតផលគម្រូលើវិស័យកសិកម្ម និងបច្ចេកវិទ្យា។ ឯកឧត្តម បណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិនៃសហគ្រិនខ្មែរ បានមានប្រសាសន៍ក្នុងកម្មវិធីសម្ពោធគម្រោងសហគ្រិនមហាវិទ្យាល័យរដូវកាលទី៣ ថា «ប្រព័ន្ធអេកូឡូស៊ីសហគ្រិនភាពដែលមានភាពរស់រវើក តែងតែមានការបង្កើតនវានវត្តន៍ថ្មី ថែទាំនវានុវត្តន៍ដែលមានស្រាប់ ជម្រុញនវានុវត្តន៍ដែលមានសក្តានុពល ហើយកម្មវិធីនេះ យុវសិស្សមានឱកាសបង្កើតនវានុវត្តន៍ថ្មី ដើម្បីទុកជាទុនសម្រាប់គំនិតច្នៃប្រឌិតថ្ងៃក្រោយ ដែលជាការអភិវឌ្ឍមូលធនមនុស្សស្របតាម យុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា»។ ឯកឧត្តម ជា សឿន សាកលវិទ្យាធិការ នៃសាកលវិទ្យាល័យជាតិមានជ័យ បានមានប្រសាសន៍ថា សាកលវិទ្យាល័យជាតិមានជ័យមិនត្រឹមតែផ្តោតទៅលើការបង្រៀន និងការស្រាវជ្រាវប៉ុណ្ណោះទេ សាកលវិទ្យាល័យក៍មានបេសកម្មតម្រង់ទិសអភិវឌ្ឍន៍សមត្ថភាពស្រាវជ្រាវដោយផ្សារភ្ជាប់ ជាមួយឧស្សាហកម្មដើម្បីចូលរួមចំណែកក្នុងការអភិវឌ្ឍសេដ្ឋកិច្ចក្នុងខេត្តបន្ទាយមានជ័យ និងខេត្តជាប់ព្រំប្រទល់ផងដែរ។ឯកឧត្ដម បន្ថែមថា កម្មវិធីនេះគឺជាផ្នែកមួយរបស់កម្មវិធី សហគ្រិនមហាវិទ្យាល័យ (UniPreneur) ដែលបង្កើតឡើងក្នុងគោលបំណងលើកកម្ពស់នវានុវត្តភាព និងសហគ្រិនភាព ទៅកាន់និស្សិត ដោយប្រែក្លាយគំនិតច្នៃប្រឌិតរបស់និស្សិត ឱ្យក្លាយទៅជាផលិតផលឬសេវាកម្ម ដែលអាចដោះស្រាយបញ្ហាប្រឈមប្រចាំថ្ងៃរបស់ប្រជាជន វិស័យសាធារណៈ និងវិស័យឯកជនជាដើម។ ក្រុមនិស្សិតឆ្នើមដែលទទួលបានជ័យលាភី នឹងមានឱកាសទៅចូលរួមក្នុងកម្មវិធីបណ្តុះគំនិតធុរកិច្ចថ្មី UnipreneurCamp រយៈពេល ៣ថ្ងៃ ពីថ្ងៃទី១២ រហូត ដល់ ថ្ងៃទី១៤ ខែកញ្ញា ឆ្នាំ២០២៥ នៅសាកលវិទ្យាល័យជាតិមានជ័យ ក្នុងចំណោមនិស្សិតសាកលវិទ្យាល័យផ្សេងៗទៀតប្រមាណ៣០០នាក់។ សូមបញ្ជាក់ថា ក្រុមនិស្សិតជ័យលាភី៣ក្រុមត្រូវបានជ្រើសរើសដើម្បីទទួលបានពានរង្វាន់ និងមានឱកាសចូលរួមក្នុងកម្មវិធីបណ្តុះបណ្តាលធុរៈកិច្ចថ្មីក្នុងកម្មវិធី UnipreneurSprint តាមអនឡាញរយៈពេល៤សប្តាហ៍មុននឹងពួកគេទៅបន្តការប្រកួតប្រជែងថ្នាក់ជាតិ (Unipreneur National Challenge ) ដើម្បីទទួលបានពានរង្វាន់ក្នុងព្រឹត្តិការណ៍ Awards Night ពីសហគ្រិនខ្មែរ (Khmer Enterprise) នៅពេលខាងមុខ៕

ឯកឧត្តមកិត្តិសង្គហបណ្ឌិត គន់ គីម ណែនាំដល់អាជ្ញាធរខេត្តមានជនភៀសសឹកបន្តយកចិត្តទុកដាក់ពីសុខទុក្ខពួកគាត់ឱ្យបានប្រសើរ

យោងតាមរបាយការណ៍ គិតត្រឹមថ្ងៃទី២១ ខែសីហា ឆ្នាំ២០២៥ ជនភៀសសឹកបានត្រឡប់ទៅលំនៅដ្ឋានចំនួន ៨៨៦គ្រួសារ និងមានជនភៀសសឹកបន្តស្នាក់នៅមណ្ឌលសុវត្ថិភាពសរុបចំនួន ៨,៦៩៤គ្រួសារ ស្មើនឹងចំនួនមនុស្ស ២៨,៤៤២នាក់ ដោយក្នុងនោះ មានខេត្តចំនួន៤ រួមមាន ឧត្តរមានជ័យ, បន្ទាយមានជ័យ, ព្រះវិហារ និងសៀមរាប។តាងនាម សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកមម្ពុជា និង ជាប្រធាន គណៈកម្មាធិការជាតិគ្រប់គ្រងគ្រោះមហន្តរាយ រាជរដ្ឋាភិបាលបានបន្តគិតគូរយកចិត្តទុកដាក់ចំពោះសុខទុក្ខបងប្អូនប្រជាពលរដ្ឋជនភៀសសឹកទាំងអស់ និងបានត្រៀមស្បៀងបម្រុងគ្រប់គ្រាន់ ដែលមានរដ្ឋបាលថ្នាក់ក្រោមជាតិជាសេនាធិការ និងជាលេខាធិការដ្ឋាន គ.ជ.គ.ម។ក្នុងនាម គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តមកិត្តិសង្គហបណ្ឌិត គន់ គីម បានណែនាំដល់អាជ្ញាធរខេត្ត, មន្រ្តីជំនាញ និងសមត្ថកិច្ចគ្រប់លំដាប់ថ្នាក់ សូមបន្តយកចិត្តទុកដាក់ពីសុខទុក្ខបងប្អូនប្រជាពលរដ្ឋភៀសសឹកដែលបន្តស្នាក់នៅជំរុំឱ្យទទួលបានស្បៀងគ្រប់គ្រាន់ និងជួយលើការថែទាំសុខុមាលភាពភៀសសឹក ពិសេសស្រ្តី និងកុមារឱ្យបានល្អប្រសើរ។

បណ្ដាញសង្គម

ព័ត៌មានថ្មីៗ

EU៖ ការដាក់ពង្រាយកងទ័ព នៅអឺរ៉ុប គឺ «ដើម្បីផលប្រយោជន៍របស់សហរដ្ឋអាមេរិក»

លោក Trump ៖ សហរដ្ឋអាមេរិកនឹងបញ្ចេញឯកសារមនុស្សពិភពផ្កាយក្នុងពេលដ៏ខ្លីខាងមុខនេះ

ជនជាតិជ្វីហ្វអង់គ្លេស ទាមទារកិច្ចប្រឹងប្រែងបន្ថែមទៀតពីរដ្ឋាភិបាល ក្រោយការវាយប្រហារដោយកាំបិត

កណ្តុររាតត្បាតជំរំតង់នៅតំបន់ហ្គាហ្សា ខាំក្មេងៗ និងធ្វើឲ្យរីករាលដាលជំងឺ

អធិការបតីអាល្លឺម៉ង់ អំពាវនាវឲ្យមាន «ភាពជាដៃគូឆ្លងមហាសមុទ្រអាត្លង់ទិកអាចទុកចិត្តបាន»

អាស៊ានប្ដេជ្ញាបញ្ចៀសការហាមឃាត់ការនាំចេញ និងចែករំលែកប្រេងឥន្ធនៈ ខណៈតម្លៃប្រេងហក់ឡើង

ប្រធានថាមពលអាមេរិក៖ អារ៉ាប៊ីសាអ៊ូឌីត និងអារ៉ាប់រួមនឹងបង្កើនការផលិតប្រេង ក្រោយជម្លោះអ៊ីរ៉ង់

ចិនគំរាមសងសឹក EU ប្រសិនបើប្លុកហាមឃាត់ឧបករណ៍របស់ក្រុមហ៊ុន Huawei

ក្រុមសិទ្ធិមនុស្ស៖ មនុស្សយ៉ាងតិច ៣៥៨នាក់ ត្រូវបានប្រហារជីវិត ក្រោមការដឹកនាំរបស់លោក គីម ជុងអ៊ុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877