BTV NEWS

រដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់អាហារជូនបងប្អូនភៀសខ្លួនពីខេត្តឧត្តរមានជ័យ និងខេត្តព្រះវិហារ

TOP STORY | សម្ដេចតេជោ៖ថាក់ សុីន ប្រើប្រាស់សង្រ្គាមដើម្បីសងសឹក ហ៊ុន សែន ដែលលទ្ធផលចុងក្រោយគឺប្រជាជនជាអ្នករងគ្រោះ

ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី

ទេសរដ្ឋមន្រ្តី គន់ គីម ចុះសួរសុខទុក្ខ និងរៀបចំបញ្ជូនអំណោយជូនជនភៀសសឹកក្នុងខេត្តឧត្តរមានជ័យ

ព័ត៌មានជាតិ

ឯកឧត្តម ហ៊ុន ម៉ានី អញ្ជើញសំណេះសំណាលជាមួយរចនាសម្ព័ន្ធគណៈចលនាមហាជនខេត្តរតនគិរី

នាព្រឹកថ្ងៃទី៩ ខែតុលា ឆ្នាំ២០២៤នេះ ឯកឧត្តម ហ៊ុន ម៉ានី សមាជិកគណៈអចិន្រ្តៃយ៍ និងជាអគ្គលេខាធិការគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជាបានអញ្ជើញជាអធិបតីក្នុងពិធីសំណេះសំណាលជាមួយរចនាសម្ព័ន្ធគណៈចលនាមហាជនខេត្តរតនគិរី។ ពិធីនេះ មានការអញ្ជើញចូលរួមពីថ្នាក់ដឹកនាំអគ្គលេខាធិការដ្ឋានគណៈមហាជន គណៈកម្មាធិការកណ្តាល សមាជិក សមាជិកាជនបង្គោលគណៈចលនាមហាជន ខេត្ត ក្រុង-ស្រុក និងឃុំ-សង្កាត់ ក្នុងខេត្តរតនគិរី សរុប ២៧៤ រូប។ឯកឧត្តម ណាប់ ប៊ុនហេង អនុប្រធានប្រចាំការ គណៈកម្មាធិការបក្សខេត្តរតនគិរី បានថ្លែងអំណរគុណ និងសូមស្វាគមន៍យ៉ាងកក់ក្តៅចំពោះវត្តមានរបស់ ឯកឧត្តមអគ្គលេខាធិការ និងគណៈប្រតិភូ ដែលបានផ្តល់កិត្តិយសដល់គណៈកម្មាធិការបក្សខេត្ត អញ្ជើញមកសំណេះសំណាលដោយផ្ទាល់ នាឱកាសនេះ។បន្ទាប់ពីស្តាប់របាយការណ៍របស់ឯកឧត្តមតំណាងគណបក្សខេត្ត ឯកឧត្តមអគ្គលេខាធិការ បានធ្វើការកោតសរសើរដល់ក្រុមការងារទាំងអស់ដែលបានខិតខំប្រឹងប្រែងកសាងនូវសមិទ្ធផលជាច្រើនក្នុងខេត្តរតនគិរី ជាពិសេសការបង្ហាញការគាំទ្រដល់គម្រោង «ព្រែកជីកហ្វូណនតេជោ»នាពេលកន្លងមកនេះ។ ទន្ទឹមនេះ ឯកឧត្តមក៏បានសំណូមពរដល់ថ្នាក់ដឹកនាំក្រុមការងារមហាជនខេត្តរតនគិរី គ្រប់លំដាប់ថ្នាក់ទាំងអស់ ជឿជាក់លើការដឹកនាំ របស់ប្រមុខគណបក្ស ហើយត្រូវអនុវត្តឱ្យបានយ៉ាងម៉ឺងម៉ាត់នូវការចង្អុលការទាំងអស់ ស្របតាមទៅសភាពការណ៍ជាក់ស្ដែងក្នុងមូលដ្ឋាន និងត្រូវធ្វើយ៉ាងណាថែរក្សាសាមគ្គី ឯកភាពផ្ទៃក្នុងដែលជាកត្តាគន្លឹះរបស់គណបក្ស ព្រមទាំងចូលរួមជំរុញដល់ការផ្សព្វផ្សាយ ទៅដល់សមាជិក សមាជិកាគណបក្ស ឱ្យស្វែងយល់ និងគាំទ្រដល់ការសម្រេចចិត្តនានារបស់រាជរដ្ឋាភិបាល។ ឯកឧត្តមបានគូសបញ្ជាក់បន្ថែមទៀតថា ពិតណាស់ប្រសិនបើមិនមានវត្តមានរបស់អ្នកជំនាន់មុន គឺមិនអាចមានវត្តមានយុវជនជំនាន់ក្រោយដែរ។ ក្នុងន័យនេះ ឯកឧត្តមចង់បង្ហាញឱ្យយុវជនជំនាន់ក្រោយយល់ពីតម្លៃនៃការលះបង់របស់អ្នកជំនាន់មុន ហើយបន្តរួមគ្នាថែរក្សា សមិទ្ធិផលនានាដែលសម្រេចបានរបស់គណបក្ស និងសូមឱ្យសមាជិកទាំងអស់ជឿជាក់លើការដឹកនាំរបស់រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា និងមានសម្តេចមហាបវធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា ជានាយករដ្ឋមន្ត្រី។ ពិធីសំណេះសំណាលនាពេលនេះ ត្រូវបានរៀបចំឡើងក្នុងគោលបំណងជួបសំណេះសំណាល សួរសុខទុក្ខអង្គបោះឆ្នោត និងបេក្ខជនពេញសិទ្ធរបស់គណបក្សប្រជាជនកម្ពុជា ក្នុងគោលដៅពង្រឹងរចនាសម្ព័ន្ធ និងតួនាទីរបស់ការងារចលនាមហាជនរបស់គណបក្សនៅថ្នាក់មូលដ្ឋានរបស់គណបក្ស ដើម្បីរួមចំណែកដល់ការធានាជ័យជំនះជូនគណបក្សនៅគ្រប់ការបោះឆ្នោត៕

ក្រសួងកសិកម្មសហការជាមួយរោងម៉ាស៊ីនកិនស្រូវធំៗទទួលទិញស្រូវរក្សាស្ថិរភាពតម្លៃស្រូវជូនពលរដ្ឋ

ក្រសួងកសិកម្ម រុក្ខាប្រមាញ់ និងនេសាទ បានសហការជាមួយបណ្តារោងម៉ាស៊ីនកិនស្រូវធំៗមួយចំនួន ត្រៀមទទួលទិញរបស់ប្រជាពលរដ្ឋនៅតាមមូលដ្ឋាន ក្នុងតម្លៃសមរម្យ ដើម្បីរក្សាស្ថេរភាពថ្លៃ និងបញ្ចៀសការកកកុញនៃការប្រមូលផលស្រូវរបស់ពលរដ្ឋ ដែលជាហេតុធ្វើឲ្យតម្លៃស្រូវមានការធ្លាក់ចុះ។ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានថ្លែងប្រាប់ BTV នៅថ្ងៃទី៩ ខែតុលានេះថា នៅពេលនេះ ក្រសួងកសិកម្ម បានសម្រេចបើកកិច្ចសហការជាមួយបណ្តារោងម៉ាស៊ីនកិនស្រូវធំៗមួយចំនួន ត្រៀមទទួលទិញស្រូវឡើងវិញ ពីបណ្តាប្រជាពលរដ្ឋនៅតាមមូលដ្ឋាន ដោយផ្តល់ជូននូវតម្លៃសមរម្យ ទៅតាមគុណភាពស្រូវនីមួយៗរបស់មួយៗពលរដ្ឋ ដើម្បីយកមកស្តុកទុក ចៀសវាងការកកកុញផលស្រូវ និងកែច្នៃនាំចេញផងដែរ។ឯកឧត្តម ឃឹម ហ្វីណង់ អ្នកនាំពាក្យបានមានប្រសាសន៍ថា ក្រសួងកសិកម្ម បានធ្វើការជាមួយរោងម៉ាស៊ីនធំៗមួយចំនួន ត្រៀមប្រមូលទិញស្រូវឡើងវិញពីប្រជាពលរដ្ឋនៅតាមមូលដ្ឋាន ពិសេសចៀសឲ្យបានការកកកុញផលស្រូវ និងធ្វើឲ្យស្រូវលក់ចេញបានតម្លៃសមរម្យ។ ឯកឧត្ដមបន្តក្រសួងបានធ្វើការងារនេះបានល្អរលូន ជោគជ័យ ហើយរហូតដល់ពេលនេះតម្លៃស្រូវកើនឡើងក្នុងកម្រិតមួយដែលពលរដ្ឋអាចទទួលយកបាន។ នៅក្នុងដំណើរការប្រមូលទិញស្រូវឡើងវិញ និងការធ្វើឲ្យតម្លៃស្រូវមានភាពល្អប្រសើរ ឯកឧត្តម ឃឹម ហ្វីណង់ ក៏បានណែនាំដល់បណ្តាកសិករ និងបណ្តាអ្នកផលិតស្រូវអង្ករ គួរនាំគ្នាធ្វើយ៉ាងណាឲ្យស្រូវដុះទុំល្អ ការប្រមូលផលស្រូវចៀសវាងការលាយកំទិចកំទីផ្សេងៗដែលនាំឲ្យប៉ះពាល់តម្លៃស្រូវអង្ករ។ព្រមជាមួយគ្នានេះ ឯកឧត្តម ក៏បានជំរុញឲ្យកសិករនាំគ្នាប្រើប្រាស់ពូជស្រូវខ្មែរ ដែលស្រូវធ្វើឲ្យក្រសួង ក៏ដូចជារោងម៉ាស៊ីននានាងាយអន្តរាគមន៍ប្រមូលទិញយកមកស្តុកទុក និងកែច្នៃដើម្បីធ្វើការនាំចេញទៅលក់នៅលើទីផ្សារអន្តរជាតិ។ឯកឧត្តម ឃឹម ហ្វីណង់ បានបញ្ជាក់ថា ចំពោះកសិករ ដែលប្រើប្រាស់ពូជស្រូវបរទេស គឺក្រសួង និងរោងម៉ាស៊ីនគឺមានការពិបាកអន្តរាគមន៍ប្រមូលទិញយកមកស្តុកទុកធ្វើការកែច្នៃនាំចេញ ដោយសារ កម្ពុជា មិនអាចនាំចេញអង្ករពូជបរទេសទៅលក់នៅលើទីផ្សារអន្តរជាតិបាននោះទេ។សូមបញ្ជាក់ថា តម្លៃស្រូវសើម នៅខេត្តបាត់ដំបង ពោធិ៍សាត់ បន្ទាយមានជ័យ និងខេត្តសៀមរាប ដែលបង្ហាញដោយសហព័ន្ធស្រូវអង្ករកម្ពុជា នៅក្នុងខែតុលាឆ្នាំ២០២៤នេះ ស្រូវសែនក្រអូប ១គ.ក តម្លៃជាមធ្យម ១២៣៥រៀល ស្រូវOM តម្លៃ១០២០រៀល និងស្រូវស្រង៉ែ តម្លៃ១០៣៥រៀល៕ អត្ថបទ៖ ស៊ុម សុខជា

ពលរដ្ឋអរគុណប្រមុខរាជរដ្ឋាភិបាលចំពោះការលើកកម្ពស់សុខភាពពួកគាត់តាមរយៈមូលនិធិ ប.ស.ស

ប្រជាពលរដ្ឋ អរគុណប្រមុខរាជរដ្ឋាភិបាល បានលើកកម្ពស់សុខភាព តាមរយៈការប្រើប្រាស់ប័ណ្ណមូលនិធិសមធម៌ និងរបបសន្តិសុខសង្គមហៅកាត់ថា ប.ស.ស.។បងប្អូនប្រជាពលរដ្ឋ ក្មេង ចាស់ ប្រុស ស្រី មកពីតាមបណ្តារាជធានី-ខេត្ត មកទទួលសេវាសុខាភិបាល នៅមនី្ទរពេទ្យរដ្ឋថ្នាក់ជាតិ នៃមនី្ទរពេទ្យព្រះអង្គឌួង ដែលមានភ្ជាប់មកជាមួយនូវប័ណ្ណមូលនិធិសមធម៌ និងប័ណ្ណរបបសន្តិសុខសង្គម (ប.ស.ស) បានថ្លែងប្រាប់ BTV ព័ត៌មានថា មានប័ណ្ណមូលនិធិសមធម៌ និងប័ណ្ណប.ស.ស មកទទួលសេវាពិគ្រោះ ពិនិត្យ ព្យាបាលជំងឺ និងទទួលថ្នាំ នៅក្នុងមនី្ទរពេទ្យព្រះអង្គឌួង មិនអស់កម្រៃថ្លៃសេវានោះទេ ផ្ទុយទៅវិញលោកគ្រូពេទ្យ អ្នកគ្រូពេទ្យ មានក្រមសីលធម៌វិជ្ជាជីវៈសុខាភិបាល សំដីរុសរាយរាក់ទាក់ មើលថែទាំអ្នកជំងឺបានដិតដល់ ជាពិសេសសូមគោរពថ្លែងអំណរគុណដល់សម្តេចមហាវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា ដែលបានផ្តល់ប័ណ្ណមូលនិធិសមធម៌ និងប័ណ្ណរបបសន្តិសុខសង្គម (ប.ស.ស) ដើម្បីជាប្រយោជន៍ដល់បងប្អូនប្រជាពលរដ្ឋទូទាំងប្រទេស បានទទួលសេវាសុខាភិបាល។ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានបញ្ជាក់ថា រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិត ឈ្លាសវៃ ប្រកបដោយវិទ្យាសាស្រ្តរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្ត នៃព្រះរាជាណាចក្រកម្ពុជា បានដាក់ចេញនូវយុទ្ធសាស្រ្តបញ្ចកោណដំណាក់កាលទី១ និងកម្មវិធីនយោបាយអាទិភាពចំនួន៦ ក្នុងនោះអាទិភាពទី១ គឺពង្រីកនូវការថែទាំសុខភាព ឆ្ពោះទៅការគ្របដណ្តប់សុខភាពជាសកល តាមរយៈការពង្រីក ការគ្របដណ្តប់នូវកម្មវិធីមូលនិធិសមធម៌ សម្រាប់គ្រួសារងាយរងគ្រោះ សម្រាប់របបសន្តិសុខសង្គម (ហៅកាត់ថា ប.ស.ស) ជូនចំពោះសមាជិកគ្រួសារ ក៏ដូចជាអ្នកដែលនៅក្នុងបន្ទុក ក្នុងការស្ម័គ្រចិត្ត រួមជាមួយនិងការអនុវត្តនូវវិធានគន្លឹះក្នុងវិស័យសុខាភិបាលនៅកម្ពុជា ដោយផ្តោតទៅការលើកកម្ពស់គុណភាពសេវា និងការពង្រឹងសមត្ថភាព ផ្តល់សេវាសុខភាពបឋមជូនដល់ប្រជាពលរដ្ឋ ជាពិសេសនៅក្នុងមូលដ្ឋាន៕ អត្ថបទ រដ្ឋា

ឯកឧត្តម គីម រិទ្ធី ជួបសំណេះសំណាល ជាមួយមេឃុំ ចៅសង្កាត់ នៃសាលាសង្កាត់ប៉ាលហាល ក្រុងព្រះវិហារ

ព្រះវិហារ៖ នៅព្រឹកថ្ងៃទី០៨ ខែតុលា ឆ្នាំ២០២៤ ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ បានអញ្ជើញសំណេះសំណាល ជាមួយមេឃុំ ចៅសង្កាត់ នៃសាលាសង្កាត់ប៉ាលហាល ក្រុងព្រះវិហារ ដោយមានការចូលរួមពីសំណាក់ អភិបាលរងខេត្ត អភិបាលក្រុង ប្រធានមន្ទីរពាក់ព័ន្ធ ព្រមទាំងសមាជិក សមាជិកា ជាច្រើនរូបទៀត។ក្នុងឱកាសនោះឯកឧត្តម គីម រិទ្ធី អភិបាលខេត្ត បានកោតសរសើរចំពោះ រដ្ឋបាលឃុំ សង្កាត់ប៉ាលហាល នឹងអ្នកពាក់ព័ន្ធទាំងអស់ ដែលបានខិតខំប្រឹងប្រែងសម្រេចបាននូវភារ កិច្ចរបស់ខ្លួនបានយ៉ាងល្អប្រសើរនាពេលកន្លងមក ក្នុងការលើកកម្ពស់គណនេយ្យភាព និងតម្លាភាព នៅក្នុងការអនុវត្ដការងាររបស់ខ្លួនជាប្រចាំ និងសហការជាមួយសមត្ថកិច្ច និងប្រជាពលរដ្ឋ ដើម្បីអនុវត្ដឱ្យសម្រេចបានជោគជ័យនូវរាល់គោលនយោបាយនានា របស់រាជរដ្ឋាភិបាល ពិសេសជំរុញការចូលរួមអនុវត្តគោលនយោបាយ “ភូមិ ឃុំ សង្កាត់ មាន សុវត្ថិភាព” របស់រាជរដ្ឋាភិបាល។ឯកឧត្តមបន្តថា ការផ្តល់សេវាសាធារណៈលើគ្រប់វិស័យជូនប្រជាពលរដ្ឋ គឺជាតួនាទី និងការទទួលខុសត្រូវដ៏សំខាន់មួយក្នុងចំណោមតួនាទី និងការទទួលខុសត្រូវសំខាន់ៗនានា របស់រដ្ឋបាលឃុំសង្កាត់នីមួយៗ ដើម្បីឆ្លើយតប និងដោះស្រាយនូវសំណើ សំណូមពរ ប្រកបដោយការទទួលខុសត្រូវខ្ពស់ បង្កើនសាមគ្គីភាព ឯកភាពផ្ទៃក្នុង ដោយផ្តោតការយកចិត្តទុកដាក់ចុះមូលដ្ឋាន ដើម្បីជួបប្រជាពលរដ្ឋ សាកសួរសុខទុក្ខ ស្តាប់បញ្ហាប្រឈម និងសំណូមពរ ជួយដល់ពួកគាត់ឱ្យអស់ពីសមត្ថភាព រួមទាំងការផ្តល់សេវាសាធារណៈ និងតម្រូវការចាំបាច់នានារបស់ប្រជាពលរដ្ឋ។ បន្ថែមពីនេះ ត្រូវយកចិត្ដទុកដាក់ អនុវត្ដឱ្យបានត្រឹមត្រូវតាមគោលនយោបាយច្បាប់ និងលិខិតបទដ្ឋានគតិយុត្ដិនានា របស់រាជរដ្ឋាភិបាល បំពេញការងារចំពោះមុខឱ្យបានម៉ត់ចត់ រួមទាំងការធានាបាននូវសាមគ្គី ភាពផ្ទៃក្នុង និងការយោគយល់គ្នានៅក្នុងការបំពេញការងាររបស់ខ្លួន៕

ឯកឧត្តម ជា វ៉ាន់ដេត អញ្ជើញបើកវគ្គបណ្ដុះបណ្ដាលស្ដីពី “ការចាប់យកបរិវត្តកម្មឌីជីថល៖ បច្ចេកវិទ្យាឈានមុខថ្មីៗ នវានុវត្តន៍ និងបច្ចេកវិទ្យាក្លោដសម្រាប់ថ្នាក់ដឹកនាំគណៈកម្មាធិការរដ្ឋាភិបាលឌីជីថល

នៅព្រឹកថ្ងៃទី៩ ខែតុលា ឆ្នាំ២០២៤ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល (គ.រ.ឌ.) បានអញ្ជើញជាអធិបតីភាពក្នុងពិធីបើកវគ្គបណ្ដុះបណ្ដាលស្ដីពី “ការចាប់យកបរិវត្តកម្មឌីជីថល៖ បច្ចេកវិទ្យាឈានមុខថ្មីៗ នវានុវត្តន៍ និងបច្ចេកវិទ្យាក្លោដសម្រាប់ថ្នាក់ដឹកនាំគណៈកម្មាធិការរដ្ឋាភិបាលឌីជីថល (Embracing Digital Transformation: Navigating Emerging Technologies, Innovation, and Cloud Services for Government Leaders)” ដែលរៀបចំឡើងនៅសណ្ឋាគារ បុរីអង្គរ រីសត និងស្ប៉ា ខេត្តសៀមរាប ដោយមានការចូលរួមពីថ្នាក់ដឹកនាំជាអនុប្រធាន និងសមាជិក គ.រ.ឌ. ប្រមាណ ៤០ រូប។វគ្គបណ្ដុះបណ្ដាលនេះ នឹងប្រព្រឹត្តទៅរយៈពេល ៥ ថ្ងៃ ចាប់ពីថ្ងៃទី ៩-១៣ ខែតុលា ឆ្នាំ២០២៤ ដោយមានការចូលរួមពីសំណាក់សាស្រ្តាចារ្យដែលអញ្ជើញមកពីស្ថាប័នបណ្តុះបណ្តាលល្បីកម្រិតអន្តរជាតិ ចំនួន ២ រូប វាគ្មិនកិត្តិយសដែលជាថ្នាក់ដឹកនាំនៃប្រទេសជាមិត្តក្នុងតំបន់ និងអ្នកជំនាញជាន់ខ្ពស់ផ្នែកបច្ចេកវិទ្យាក្លោដមកពីក្រុមហ៊ុន Microsoft និងក្រុមហ៊ុន AWS ក្នុងគោលបំណងចែករំលែកចំណេះដឹងនិងបទពិសោធនៃការចាប់យកបច្ចេកវិទ្យាថ្មីៗសម្រាប់អ្នកដឹកនាំការងារបរិវត្តកម្មរដ្ឋាភិបាលឌីជីថល (Digital Government Transformation) ជាអាទិ៍ បច្ចេកវិទ្យាដែលប្រើក្លោដជាគោល (Cloud-based Technology) ការយល់ដឹងអំពីសន្តិសុខ (Security) និងអធិបតេយ្យភាពនៃទិន្នន័យ (Data Sovereignty) ពាក់ព័ន្ធនឹងការប្រើប្រាស់សម្រាប់បញ្ញាសិប្បនិម្មិត (AI) ប្លុកឆេន (Blockchain) និងវិធីសាស្ត្រផ្សេងទៀតដែលប្រើទិន្នន័យ (Other data-driven methods)។ ថ្នាក់ដឹកនាំនៃ គ.រ.ឌ. ក៏អាចស្វែងយល់បន្ថែមផងដែរអំពីបច្ចេកទេសនៃការគ្រប់គ្រងការផ្លាស់ប្តូរ (Change Management) ក្នុងការងារបរិវត្តកម្មឌីជីថល ផលប្រយោជន៍យុទ្ធសាស្ត្រនៃបរិវត្តកម្មឌីជីថលសម្រាប់ប្រតិបត្តិការរបស់រដ្ឋាភិបាល និងការកសាងការជឿទុកចិត្តលើការចាប់យកឌីជីថល ដើម្បីបង្កើនប្រសិទ្ធភាព តម្លាភាព និងការផ្តល់សេវាសាធារណៈ។

ថ្ងៃចុងក្រោយ! ការប្រឡងបាក់ឌុបសិស្សត្រូវប្រឡងមុខវិជ្ជាគោលដៅសំខាន់ គឺអក្សរសាស្ត្រខ្មែរ និងគណិត

ការប្រឡងបាក់ឌុបានឈានចូលដល់ថ្ងៃចុងក្រោយនៅថ្ងៃទី៩ ខែតុលា ឆ្នាំ ២០២៤នេះ។ ការប្រឡងថ្ងៃចុងក្រោយ ជាការប្រឡងដែលមាន មុខវិជ្ជាគោលសំខាន់ គឺអក្សរសាស្ត្រខ្មែរ សម្រាប់សិស្សថ្នាក់សង្គម និងមុខវិជ្ជា គណិត សម្រាប់សិស្សថ្នាក់វិទ្យាសាស្ត្រ។ការប្រឡងបាក់ឌុប នៅថ្ងៃទី ១បានបិទបញ្ចប់ ដោយបេក្ខជនទាំងថ្នាក់សង្គម និងថ្នាក់វិទ្យាសាស្ត្រ បានប្រឡងរួចរាល់ចំនួន ៤វិជ្ជា។ ការប្រឡងនៅថ្ងៃចុងក្រោយ ក៏បានចាប់ផ្ដើមជាប្រក្រតីនៅថ្ងៃទី ៩ ខែតុលា ឆ្នាំ ២០២៤នេះ ទោះមានបញ្ហាភ្លៀងធ្លាក់មួយចំនួនក្ដី។ នៅថ្ងៃប្រឡងចុងក្រោយនេះ សម្រាប់មណ្ឌលប្រឡង វិទ្យាល័យ សម្ដេច ហ៊ុនសែន ប៊ុនរ៉ានី ច្បារអំពៅ បានបន្តរក្សាភាពតឹងរឹងត្រួតពិនិត្យដោយមិនអនុញ្ញាតឱ្យបេក្ខជនយកសំណៅឯកសារ និងគ្រឿងអេឡិចត្រូនិកចូលមណ្ឌលប្រឡងជាដាច់ខាត។ ការប្រឡងថ្ងៃចុងក្រោយនេះ ជាការប្រឡងដ៏សំខាន់ ព្រោះមានមុខវិជ្ជាគោលដែលប្រើប្រាស់ពេលវេលាយូរជាងគេ និងពិន្ទុច្រើនជាងគេ។ ជាក់ស្ដែងថ្នាក់វិទ្យាសាស្ត្រ មានគណិតវិទ្យា រីឯថ្នាក់សង្គមមាន អក្សរសាស្ត្រខ្មែរ។ មុនត្រៀមប្រឡងថ្ងៃចុងក្រោយនេះបេក្ខជនបានលើកឡើងពីភាពជឿជាក់ និងប្រឹងប្រែងធ្វើឱ្យបានល្អបំផុតសម្រាប់មុខវិជ្ជាគោល ដើម្បីទទួលបានពិន្ទុខ្ពស់ជួយឱ្យលទ្ធផលរួមនៃការប្រឡងកាន់តែប្រសើរ។ ស្របពេលដែលបេក្ខជនចូលទៅដល់មណ្ឌលប្រឡង អាណាព្យាបាលជាច្រើន បានបន្តអង្គុយរង់ចាំ កូនៗនៅខាងក្រៅ។ ពួកគាត់បានចាកចេញពីផ្ទះ ជូនកូនមកមណ្ឌលប្រឡង តាំងពីម៉ោងប្រមាណ ៥ព្រឹក ហើយបន្តរង់ចាំរហូតដល់ការប្រឡងបញ្ចប់នៅពេលល្ងាច។ ជាអាណាព្យាបាល ពួកគាត់មានតែជូនពរកូនឱ្យសម្រេចជោគជ័យក្នុងការប្រឡងនេះ។ការប្រឡងនៅថ្ងៃចុងក្រោយ ទាំងសិស្សថ្នាក់សង្គម និងសិស្សថ្នាក់វិទ្យាសាស្ត្រត្រូវប្រឡងចំនួន ៣មុខវិជ្ជា។ សម្រាប់សិស្សថ្នាក់វិទ្យាសាស្ត្រ ត្រូវប្រឡងអក្សរសាស្ត្រខ្មែរ រូបវិទ្យា និងគណិតវិទ្យា រីសិស្សថ្នាក់វិទ្យាសាស្ត្រត្រូវប្រឡង គណិតវិទ្យា សីលធម៌ពលរដ្ឋ និងអក្សរសាស្ត្រខ្មែរ។ បើតាមក្រសួងអប់រំបានឱ្យដឹងថា ការប្រឡងសញ្ញាបត្រមធ្យមសិក្សាទុតិយភូមិនាថ្ងៃទី១កន្លងទៅ បានប្រព្រឹត្តទៅដោយរលូន និងមិនមានបាតុភាពមិនប្រក្រតីណាមួយកើតឡើងគួរឱ្យកត់សម្គាល់ឡើយ ដោយបេក្ខជនបានគោរពតាមបទប្បញ្ញត្តិ ដែលក្រសួងបានដាក់ចេញ ចំណែកមន្ដ្រីអប់រំគ្រប់លំដាប់ថ្នាក់ បានអនុវត្តការងារប្រកបដោយការទទួលខុសត្រូវខ្ពស់ និងគោរពតាមកម្រងភារកិច្ច និងសេចក្ដីណែនាំបច្ចេកទេសរបស់ក្រសួង៕ អត្ថបទ៖ គឹមហុក

និស្សិតជំនាញបច្ចេកទេស ចែករំលែកបទពិសោធន៍ការសិក្សា និងឱកាសការងារសម្រាប់អនាគត

ស្របពេលកំពុងដំណើរការប្រឡងសញ្ញាប័ត្រមធ្យមសិក្សាទុតិយភូមិ (បាក់ឌុប) ក្រុមនិស្សិតរៀនជំនាញផ្នែកបច្ចេកទេស និងវិជ្ជាជីវៈ ធ្វើការចែករំលែកបទពិសោធន៍មួយចំនួនក្នុងការរៀនសូត្រ និងអំពាវនាវដល់យុវជនដែលពុំទាន់មានគោលដៅ ឲ្យងាកមកចាប់អារម្មណ៍រៀនជំនាញបច្ចេកទេស និងវិជ្ជាជីវៈ ព្រោះជាជំនាញដែលកំពុងមានទីផ្សារ និងតម្រូវការខ្ពស់ពីបណ្តាក្រុមហ៊ុនរោងចក្រទៅថ្ងៃអនាគត។យុវជន វិន ភិរិន មកពីស្រុកខ្សាច់កណ្តាល ខេត្តកណ្តាល បច្ចុប្បន្នជានិស្សិតឆ្នាំទី២ ជំនាញវិស្វកម្មអគ្គិសនី នៅវិទ្យាស្ថានបច្ចេកទេសឧស្សាហកម្ម បានឲ្យព័ត៌មាន ប៊ីធីវី ដឹងថា មុនសម្រេចចាប់យកជំនាញអ្វីមួយ ត្រូវតែគិតគូរឲ្យបានម៉ត់ចត់ ហើយគួរស្វែងយល់ពីចំណង់ចំណូលចិត្តរបស់ខ្លួនឯងជាមុន ចៀសវាងរៀនតាមគ្នា បើជ្រើសរើសខុស នោះអាចនឹងនាំឲ្យខាតទាំងពេលវេលា និងប្រាក់កាក់ថែមទៀតផង ជាពិសេសត្រូវសម្លឹងឲ្យបានឆ្ងាយពីតម្រូវការទីផ្សារការងារ។ ដោយឡែក ក្រុមនិស្សិតឆ្នាំទី២ នៅក្នុងវិទ្យាស្ថានដូចគ្នាខាងលើ ជំនាញផ្នែកមេកានិចរថយន្ត បានឲ្យដឹងស្រដៀងថា ការសម្រេចចិត្តចូលរៀនមុខជំនាញណាមួយ ជាក់ស្តែងដូចជាខាងផ្នែកមេកានិចរថយន្តនេះ ដោយសារការមើលឃើញអំពីត្រូវការទីផ្សារការងារនៅក្នុងប្រទេសកម្ពុជាកំពុងមានតម្រូវការច្រើនក្នុងការប្រើប្រាស់ និងមានប្រាក់ឈ្នួលខ្ពស់។ ជាពិសេសចូលរួមអភិវឌ្ឍន៍ប្រទេសជាតិឱ្យកាន់តែរីកចម្រើនលើវិស័យយានយន្តផងដែរ។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានផ្ញើសារលើកទឹកចិត្ត និងផ្តល់ជាកម្លាំងដល់យុវជនដែលកំពុងដំណើរប្រឡងថ្នាក់បាក់ឌុប ឲ្យទទួលបានលទ្ធផលល្អនិងជាប់ទាំងអស់គ្នា។ ប៉ុន្តែប្រសិនបើក្នុងករណីដែលយុវជនរូបណាពុំបានប្រឡងជាប់ សុំកុំអស់សង្ឃឹម ពីព្រោះថា គ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈនៅក្រោមក្រសួងការងារ និងបណ្តុះបណ្តាលវិជ្ជាជីវៈចំនួនជិត៤០គ្រឹះស្ថាន នៅតែបើកទ្វារចំហរទទួលយុវជនដែលបានបោះបង់ការសិក្សាកន្លងទៅក្តី ឬមិនជាប់សញ្ញាប័ត្របាក់ឌុបក្តី ក៏អាចចូលរៀនជំនាញមួយច្បាស់លាស់ក្នុងជីវិត ដែលអាចមានការងារល្អធ្វើ និងប្រាក់ខែសមរម្យ។រាជរដ្ឋាភិបាលកម្ពុជាអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានយកចិត្តទុកដាក់អាទិភាព គន្លឹះក្នុងការបណ្តុះបណ្តាលជំនាញបច្ចេកទេស និងវិជ្ជាជីវៈ ដើម្បីប្រែក្លាយកម្ពុជាពីប្រទេសអតិពលកម្ម ទៅជាប្រទេសដែលប្រើប្រាស់កម្លាំងពលកម្មជំនាញ៕ អត្ថបទ ឈិត បូរ៉ាវី

កម្ពុជាប្រកាន់យកគោលដៅកំណើនសេដ្ឋកិច្ច ៦,០% ក្នុងឆ្នាំ២០២៤ ទោះបីកត្តាខាងក្រៅមិនប្រាកដប្រជាក៏ដោយ

កម្ពុជាបានប្រកាន់យកគោលដៅ ក្នុងការសម្រេចកំណើនសេដ្ឋកិច្ចរបស់ខ្លួន ឱ្យបានក្នុងរង្វង់ ៦,០% ក្នុងឆ្នាំ ២០២៤ និង ៦,៣% ឆ្នាំ ២០២៥ ទោះបីមានភាពមិនប្រាកដប្រជាខ្ពស់នៃកត្តាខាងក្រៅក៏ដោយ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច នៅក្នុងជំនួបសម្តែងការគួរសម ជាមួយលោក Robert Kaproth ឧបការីរងទទួលបន្ទុកតំបន់អាស៊ី នៃក្រសួងរតនាគារសហរដ្ឋអាម៉េរិក នៅថ្ងៃទី ៧ ខែ តុលា ឆ្នាំ ២០២៤ នេះ ឯកឧត្តមអគ្គបណ្ឌិតសភាចារ្យ បានស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅ ចំពោះដំណើរទស្សនកិច្ច ស្វែងយល់អំពីវិស័យសេដ្ឋកិច្ច និងហិរញ្ញវត្ថុកម្ពុជា ក៏ដូចជាដើម្បីពង្រឹងបន្ថែមទៀត នៃកិច្ចសហប្រតិបត្តិការទ្វេភាគីរវងាកម្ពុជា-អាមេរិក របស់លោក Robert Kaproth នៅកម្ពុជា។ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី បានជម្រាបជូនជារួមអំពីការខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការដាក់ចេញនូវគោលនយោបាយយុទ្ធសាស្រ្ត និងវិធានការនានា ដើម្បីកំណើនសង្គម-សេដ្ឋកិច្ចនៅកម្ពុជា។ ជាមួយគ្នានេះ, ទោះបី ជាមានភាពមិនប្រាកដប្រជាខ្ពស់នៃកត្តាខាងក្រៅ, កម្ពុជាបានប្រកាន់យកគោលដៅក្នុងការសម្រេចកំណើនសេដ្ឋកិច្ចឱ្យបាន ៦,០% ក្នុងឆ្នាំ ២០២៤ និង ៦,៣% ឆ្នាំ ២០២៥ នេះ។ជាក់ស្តែង, រាជរដ្ឋាភិបាលបាននិងកំពុងរៀបចំគោលនយោបាយ និងយន្តការនានា ក្នុងការបង្កើនប្រសិទ្ធភាពចំណូល-ចំណាយ, ការគ្រប់គ្រងសេដ្ឋកិច្ច, ហិរញ្ញវត្ថុសាធារណៈ ដែលរួមចំណែកដល់ការរក្សាភាពធន់ សេដ្ឋកិច្ចរួមមាន “យុទ្ធសាស្ត្រកៀរគរចំណូល២០២៤-២០២៨” និង “កម្មវិធីលើកកម្ពស់ភាពប្រកួតប្រជែងបង្កើនពិពិធកម្ម និងពង្រឹង ភាពធន់ ដើម្បីកំណើនសេដ្ឋកិច្ច នៅក្នុងបរិការណ៍សកល ដែលមានភាពមិនប្រាកដប្រជាខ្ពស់ឆ្នាំ ២០២៤-២០២៨” ជាដើម ។ ជារួម, ក្រសួងសេដ្ឋកិច្ច និងហិរញ្ញវត្ថុ នឹងបន្តសហការរីករាយជាមួយភាគីអាម៉េរិក ក្នុងការសម្របសម្រួលជំរុញកិច្ចសហប្រតិបត្តិការទ្វេភាគី ជាពិសេសការពង្រីក ពាណិជ្ជកម្ម និងការវិនិយោគរវាងប្រទេសទាំងពីរ ដែលនឹងផ្ដល់ប្រយោជន៍ទៅវិញទៅមក។ក្នុងជំនួបនេះ, លោក Robert Kaproth បានបង្ហាញសុទិដ្ឋិនិយមខ្ពស់ នូវកិច្ចខិតខំរបស់កម្ពុជា ក្នុងការគ្រប់គ្រងសេដ្ឋកិច្ច និង ហិរញ្ញវត្ថុសាធារណៈ និងលទ្ធផលល្អនានា ដែលកម្ពុជាទទួលបាននាពេលកន្លងមក ក៏ដូចជាគោលដៅរយៈពេលវែងខាងមុខ ដែល រាជរដ្ឋាភិបាល បាននិងកំពុងខិតខំបង្កើតឡើងក្នុងការជំរុញកំណើន និងការអភិវឌ្ឍសេដ្ឋកិច្ច និងបានធ្វើការកោតសរសើរ ចំពោះរាជរដ្ឋាភិបាលកម្ពុជា ការខិតខំបន្តដោះស្រាយបញ្ហា ប្រឈមនានារបស់ខ្លួន និងស្វែងរកដំណោះស្រាយទាំងក្នុងកម្រិតគោលនយោ- បាយ និងបច្ចេកទេសជាដើម៕ អត្ថបទ៖ សុន រ៉ាឌី

ការរៀបចំឥណទានឡើងវិញជាការដោះស្រាយ និងសម្រួលដល់លំហូរសាច់ប្រាក់ប្រចាំថ្ងៃ របស់ប្រជាជន

ការរៀបចំឥណទានឡើងវិញរបស់គ្រឹះស្ថានធនាគារ និងហិរញ្ញវត្ថុ គឺជាការដោះស្រាយនូវការលំបាករបស់ប្រជាជន ក្នុងការស្វែងរកប្រាក់ចំណូល ដើម្បីសម្រួលដល់លំហូរសាច់ប្រាក់សម្រាប់ជីវភាពប្រចាំថ្ងៃ និងក៏ជាផលប្រយោជន៍សម្រាប់សេដ្ឋកិច្ចផងដែរ។លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា លើកឡើងនៅក្នុងសន្និសីទសារព័ត៌មាន ទាក់ទងនឹងប្រធាន បទ៖(ពន្យល់ពីខ្លឹមសារបច្ចេកទេស និងបកស្រាយចម្ងល់នានារបស់អ្នកសារព័ត៌មានទាក់ទងនឹងស្ថានភាពវិស័យធនាគារ) នៅថ្ងៃទី ៨ ខែ តុលា ឆ្នាំ ២០២៤ នេះថា ជុំវិញការរៀបចំឥណទានឡើងវិញនេះ នៅពេលផ្ទុះឡើងនូវជំងឺកូវីដ-១៩ ធនាគារជាតិនៃកម្ពុជា បាន ដាក់ចេញនូវវិធានការមួយចំនួន ដោយសារនៅក្នុងពេលនេះសេដ្ឋកិច្ចកម្ពុជា ក៏ដូចជាសេដ្ឋកិច្ចពិភពលោក ទទួលនូវផលប៉ះពាល់ ជាច្រើន ជាពិសេសខ្សែច្រវាក់ផលិតកម្មត្រូវបានរអាក់រអួល ឬបញ្ឈប់ ការដឹកជញ្ជូនទាំងក្នុងនិងក្រៅប្រទេសក៏ជួបបញ្ហា និងការប៉ះ ពាល់ទាំងវិស័យទេសចរ បានធ្វើឱ្យភោជនីយដ្ឋាន និងសណ្ឋាគារមួយចំនួនត្រូវបិតទ្វាជាដើម។ លោកជំទាវបណ្ឌិត បន្តថា ទាក់ទិនបញ្ហាប្រឈមទាំងអស់នេះ បានធ្វើឱ្យប្រជាជនមួយចំនួនបាត់បង់ការងារ និងប្រាក់ ចំណូលជាដើម, ចំពោះប្រជាជនដែលបានខ្ចីលុយពីគ្រឹះស្ថានហិរញ្ញវត្ថុ ពួកគាត់បានប្រឈម និងឧបសគ្គ នៃការសងត្រឡប់ទៅគ្រឹះ ស្ថានហិរញ្ញវត្ថុវិញ។ បញ្ហានេះ, រាជរដ្ឋាភិបាលក៏បានចង្អុលបង្ហាញ ឱ្យមានការពិភាក្សាជាមួយវិស័យឯកជន ធនាគារជាតិ នៃកម្ពុជា ក៏បានដាក់ចេញនូវវិធានការកន្លងមកជាហូរ ដើម្បីជួយសម្រួលដល់អតិថិជន ដោយក្នុងនោះធនាគារជាតិ នៃកម្ពុជា បានដាក់ចេញនូវ បទប្បញ្ញត្តិមួយចំនួន ដើម្បីឱ្យអ្នកខ្ចីមានលទ្ធភាពសង។ជុំវិញបញ្ហានេះ, លោក រ័ត្ន សោភ័ណ្ឌ ប្រធានសមាគមធនាគារនៅកម្ពុជា លើកឡើងថា នៅក្នុងស្ថានភាពលំបាក សមាជិក របស់សមាគម បានចូលគាំទ្រនូវរាល់វិធានការរបស់ធនាគារជាតិនៃកម្ពុជា ទៅដល់អតិថិជនរបស់ខ្លួន។ ស្របពេលនេះដែរ, គ្រឹះស្ថាន ធនាគារ ត្រូវតែព្យាយាមរក្សានូវតុល្យភាព ដើម្បីធានាពីស្ថិរភាព និងនិរន្តរភាពរបស់វិស័យធនាគារឱ្យនៅបន្ត ជាក់ស្តែងការរៀបចំ ឥណទានឡើងវិញនេះ គឺមានជាច្រើនទម្រង់ ដែលយើងបានកំពុងអនុវត្ត ក្នុងនោះបើគិតត្រឹមខែ សីហា ឆ្នាំ ២០២៤ អតិថិជនដែល មកស្នើរសុំ មានចំនួន ២៨៦ ពាន់នាក់ ដោយមានទំហំទឹកប្រាក់ក្នុងរង្វង់ ៤ ពាន់លានដុល្លារ។ ទាក់ទិនការរៀបចំឥណទាននេះដែរ, លោកជំទាវ ឌិត នីតា ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា លើក ឡើងផងដែរថា បន្ទាប់ពីទទួលបានសារាចរណ៍ណែនាំ នៃការរៀបចំឥណទានឡើងវិញនេះ សមាគមបានចេញប្រកាសមួយជូនដល់ សមាជិក ឱ្យចូលក្នុងការរៀបចំឥណទាននេះ ក្នុងនោះបានសង្កេតឃើញថា ចាប់ពីខែ មិថុនា មកដល់ខែ សីហា ឆ្នាំ ២០២៤ នេះ មានការកើនឡើងគួរកត់សម្គាល់ ហើយនឹងអាចកើនឡើងថែមទៀត បន្ទាប់ពីមានការប្រកាសនៃការរៀបចំឥណទានឡើងវិញ ដោយ មិនធ្វើសំវិធានធន។សូមបញ្ជាក់ថា នាពេលកន្លងមកនេះ ធនាគារជាតិនៃកម្ពុជា ចេញសារាចរណែនាំដល់គ្រឹះស្ថានធនាគារ និងហិរញ្ញវត្ថុ ឱ្យបន្តរៀបចំ ឥណទានឡើងវិញ ដើម្បីជួយសម្រាលបន្ទុកចំណាយប្រចាំគ្រារបស់អតិថិជន ក្នុងការបំពេញកាតព្វកិច្ចសងត្រឡប់ឥណទាន ដោយ វិធានការអនុគ្រោះនេះនឹងបន្តរហូតដល់ ខែធ្នូ ឆ្នាំ ២០២៥៕ អត្ថបទ៖ សុន រ៉ាឌី

សម្តេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលពេញអង្គអាស៊ានលើកទី៤៤ នៅទីក្រុងវៀងចន្ទន៍

ភ្នំពេញ៖ នៅព្រឹកថ្ងៃទី៩ ខែតុលា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួម កិច្ចប្រជុំកំពូលពេញអង្គអាស៊ានលើកទី៤៤ នៅទីក្រុងវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ។

បណ្ដាញសង្គម

ព័ត៌មានថ្មីៗ

អ៊ីស្រាអែល និងអាមេរិក ហៅត្រឡប់មកវិញនូវក្រុមការងារចរចាបទឈប់បាញ់ហ្កាហ្សា ដោយអះអាងថា ក្រុមហាម៉ាសមិនបង្ហាញភាពស្មោះត្រង់

បារាំង នឹងទទួលស្គាល់រដ្ឋប៉ាឡេស្ទីននៅខែកញ្ញា ដែលធ្វើឲ្យអ៊ីស្រាអែលមានកំហឹង

ប្រទេសទួរគី និងស៊ីប ប្រឹងប្រែងទប់ស្កាត់ចំហេះព្រៃ ខណៈរលកកម្ដៅគ្របដណ្ដប់ពាសពេញតំបន់

អាមេរិក ដកទណ្ឌកម្មលើសម្ព័ន្ធមិត្តយោធាមីយ៉ាន់ម៉ា បន្ទាប់ពីប្រមុខរបបសឹកសរសើរលោក Trump

[BREAKING NEWS] ក្រុមប្រឹក្សាសន្តិសុខអង្គការសហប្រជាជាតិ នឹងជួបគ្នានៅថ្ងៃសុក្រនេះ ស្ដីពីការប៉ះទង្គិចគ្នារវាងថៃនិងកម្ពុជា

កុមារខ្វះអាហារូបត្ថម្ភទទួលការព្យាបាលនៅមន្ទីរពេទ្យហ្កាហ្សា ខណៈវិបត្តិអត់ឃ្លានកាន់តែអាក្រក់ខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ឯកឧត្តម ហ៊ុន ម៉ានី អញ្ជើញសំណេះសំណាលជាមួយរចនាសម្ព័ន្ធគណៈចលនាមហាជនខេត្តរតនគិរី

ក្រសួងកសិកម្មសហការជាមួយរោងម៉ាស៊ីនកិនស្រូវធំៗទទួលទិញស្រូវរក្សាស្ថិរភាពតម្លៃស្រូវជូនពលរដ្ឋ

ពលរដ្ឋអរគុណប្រមុខរាជរដ្ឋាភិបាលចំពោះការលើកកម្ពស់សុខភាពពួកគាត់តាមរយៈមូលនិធិ ប.ស.ស

ឯកឧត្តម គីម រិទ្ធី ជួបសំណេះសំណាល ជាមួយមេឃុំ ចៅសង្កាត់ នៃសាលាសង្កាត់ប៉ាលហាល ក្រុងព្រះវិហារ

ថ្ងៃចុងក្រោយ! ការប្រឡងបាក់ឌុបសិស្សត្រូវប្រឡងមុខវិជ្ជាគោលដៅសំខាន់ គឺអក្សរសាស្ត្រខ្មែរ និងគណិត

និស្សិតជំនាញបច្ចេកទេស ចែករំលែកបទពិសោធន៍ការសិក្សា និងឱកាសការងារសម្រាប់អនាគត

កម្ពុជាប្រកាន់យកគោលដៅកំណើនសេដ្ឋកិច្ច ៦,០% ក្នុងឆ្នាំ២០២៤ ទោះបីកត្តាខាងក្រៅមិនប្រាកដប្រជាក៏ដោយ

ការរៀបចំឥណទានឡើងវិញជាការដោះស្រាយ និងសម្រួលដល់លំហូរសាច់ប្រាក់ប្រចាំថ្ងៃ របស់ប្រជាជន

សម្តេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលពេញអង្គអាស៊ានលើកទី៤៤ នៅទីក្រុងវៀងចន្ទន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ឯកឧត្តម ហ៊ុន ម៉ានី អញ្ជើញ​សំណេះសំណាលជាមួយ​រចនា​សម្ព័ន្ធ​គណៈចលនា​មហាជន​ខេត្តរតនគិរី

ក្រសួងកសិកម្មសហការជាមួយរោងម៉ាស៊ីនកិនស្រូវធំៗទទួលទិញស្រូវរក្សាស្ថិរភាពតម្លៃស្រូវជូនពលរដ្ឋ

ពលរដ្ឋអរគុណប្រមុខរាជរដ្ឋាភិបាលចំពោះការលើកកម្ពស់សុខភាពពួកគាត់តាមរយៈមូលនិធិ ប.ស.ស

ឯកឧត្តម គីម រិទ្ធី ជួបសំណេះសំណាល ជាមួយមេឃុំ ចៅសង្កាត់ នៃសាលាសង្កាត់ប៉ាលហាល ក្រុងព្រះវិហារ

ថ្ងៃចុងក្រោយ! ការប្រឡងបាក់ឌុបសិស្សត្រូវប្រឡងមុខវិជ្ជាគោលដៅសំខាន់ គឺអក្សរសាស្ត្រខ្មែរ និងគណិត

និស្សិតជំនាញបច្ចេកទេស ចែករំលែកបទពិសោធន៍ការសិក្សា និងឱកាសការងារសម្រាប់អនាគត

កម្ពុជាប្រកាន់យកគោលដៅកំណើនសេដ្ឋកិច្ច ៦,០% ក្នុងឆ្នាំ២០២៤ ទោះបីកត្តាខាងក្រៅ​មិនប្រាកដប្រជា​ក៏ដោយ

ការរៀបចំឥណទានឡើងវិញជាការដោះស្រាយ និងសម្រួលដល់លំហូរសាច់ប្រាក់ប្រចាំថ្ងៃ របស់ប្រជាជន

សម្តេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលពេញអង្គអាស៊ានលើកទី៤៤ នៅទីក្រុងវៀងចន្ទន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ហ៊ុន ម៉ានី អញ្ជើញសំណេះសំណាលជាមួយរចនាសម្ព័ន្ធគណៈចលនាមហាជនខេត្តរតនគិរី

កម្ពុជាប្រកាន់យកគោលដៅកំណើនសេដ្ឋកិច្ច ៦,០% ក្នុងឆ្នាំ២០២៤ ទោះបីកត្តាខាងក្រៅមិនប្រាកដប្រជាក៏ដោយ