នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ទិវាវាយតម្លៃទទួលស្គាល់ គាំទ្រដល់ SME ប្រើប្រាស់សេវាកម្មវាយតម្លៃទទួលស្គាល់ក្នុងដំណើរការអាជីវកម្ម
គណៈកម្មការគ្រប់គ្រងល្បែងពាណិជ្ជកម្មកម្ពុជាព្យួរអាជ្ញាបណ្ណកាស៊ីណូហេងហេង1នៅស្រុកស្នូលខេត្តក្រចេះ សង្ស័យលួចលាក់បង្កប់អំពើឆបោកតាមប្រព័ន្ធបច្ចេកវិទ្យា
ទូតវៀតណាមគាំទ្រ១០០%លើកិច្ចសហប្រតិបត្តិការបង្រ្កាបការឆបោកតាមប្រព័ន្ធបច្ចេកវិទ្យា និងត្រៀមជួយកម្ពុជាលើការងារនេះ
កម្ពុជា-ជប៉ុន បើកទំព័រកិច្ចសហប្រតិបត្តិការ ត្រួតពិនិត្យបរិស្ថានតាមផ្កាយរណប ដើម្បីប្រយុទ្ធប្រឆាំងការប្រែប្រួលអាកាសធាតុសកល

ព័ត៌មានជាតិ

មណ្ឌលប្រឡងចាប់ផ្ដើមបិទបញ្ជីឈ្មោះ លេខបន្ទប់ លេខតុ បេក្ខជនប្រឡងបាក់ឌុប

2024/10/07 11:54:00 am        514
Facebook Telegram Linkin
គ្រប់មណ្ឌលប្រឡងសញ្ញាបត្រមធ្យមសិក្សាទុតិយភូមិ ទូទាំងប្រទេសនៅថ្ងៃទី៧ ខែតុលា ឆ្នាំ​២០២៤​នេះ​ បានចាប់ផ្ដើមបិទបញ្ជីឈ្មោះ ប្លង់បន្ទប់ លេខបន្ទប់ លេខតុរបស់បេក្ខជនប្រឡង ខណៈ​ការបិទបញ្ជីឈ្មោះ លេខបន្ទប់ លេខតុនេះធ្វើឡើងមុនការប្រឡងចូលមកដល់នៅថ្ងៃទី៨-៩ ខែតុលានេះ។ ភ្ជាប់ជាមួយការបិទបញ្ជីឈ្មោះ លេខបន្ទប់ លេខតុរបស់បេក្ខជននេះ គ្រប់​មណ្ឌល​ប្រឡង​ក៏បា​ន​ប្រើ​ប្រាស់ប្រព័ន្ធឃោសនាស័ព្ទផ្សព្វផ្សាយនូវបទប្បញ្ញត្តិ ហាមឃាត់ទាំងឡាយ​នៅក្នុង​ដំណើរ​ការ​ប្រឡង​ផង​ដែរ។ ការបិទឈ្មោះនៅថ្ងៃនេះ ក៏អនុញ្ញាតឱ្យគ្រប់បេក្ខជន អាចទៅពិនិត្យមើល​បន្ទប់​ប្រឡង​របស់​ខ្លួនឱ្យបានស្គាល់ច្បាស់ ងាយស្រួលសម្រាប់ការចូលរួមប្រឡងនៅថ្ងៃស្អែកនេះ។ រី​ឯ​ការ​ផ្សព្វ​ផ្សាយរាល់បទប្បញ្ញត្តិ ជាការក្រើនរម្លឹកដល់បេក្ខជន កុំឱ្យប្រព្រឹត្តិខុសឆ្គង ចៀសវាង​ការ​ធ្លាក់​ដោយ​ស្វ័យប្រវត្តិ។សម្រាប់បេក្ខជន ដែលបានមកពិនិត្យឈ្មោះ នៅមណ្ឌលប្រឡងវិទ្យាល័យ ហ៊ុនសែន ប៊ុនរ៉ានី ច្បារ​អំពៅ លើកឡើងនូវក្ដីបារម្ភតិចតួចប៉ុណ្ណោះសម្រាប់ការប្រឡង។ ភាពជឿជាក់នេះ ដោយ​សារ​ពួក​គេ​បាន​ពង្រឹង​សមត្ថភាព ប្រឹងប្រែងរៀនសូត្រ និងមានការត្រៀមខ្លួនជាស្រេច ថែមទាំង​មាន​គោល​ដៅ​យក​និទ្ទេសល្អសម្រាប់ការប្រឡងទៀតផង។ ទន្ទឹមនឹងភាពជឿជាក់សម្រាប់ការប្រឡងស្អែកនេះ ពួកគេក៏បានអរគុណដល់ ឪពុកម្ដាយ ជាអ្នក​មាន​គុណ និងអរគុណដល់លោកគ្រូ អ្នកគ្រូ ជាអ្នកមា​ន​គុណ​ទី​២​ដែល​បាន​ខិត​ខំ​បង្រៀន​ពួក​គេ​ផង​ដែរ​។ ពួកគេសន្យាធ្វើឱ្យបានល្អធ្វើឱ្យអស់ពីសមត្ថភាពសម្រាប់ការប្រឡងបាក់ឌុបនេះ។ការប្រឡងបាក់ឌុបដែលនឹងប្រព្រឹត្តិទៅនៅថ្ងៃទី ៨-៩ ខែតុលា ឆ្នាំ ២០២៤ គ្រប់បេក្ខជន ទាំង​សិស្ស​ថ្នាក់​វិទ្យាសាស្ត្រ និងសិស្សថ្នាក់វិទ្យាសាស្ត្រសង្គម ត្រូវប្រឡងចំនួន៧មុខវិជ្ជា។ សិស្ស​វិទ្យា​សាស្ត្រ ត្រូវប្រឡងលើមុខវិជ្ជា ប្រវត្តិវិទ្យា ជីវវិទ្យា គីមី ភាសាបរទេស អក្សរសាស្ត្រខ្មែរ រូបវិទ្យា និង​គណិត​វិទ្យា។ រីឯសិស្សថ្នាក់វិទ្យាសាស្ត្រសង្គម ត្រូវប្រឡងលើមុខវិទ្យា ផែនដីនិងបរិស្ថានវិទ្យា ប្រវត្តិវិទ្យា ភូមិវិទ្យា ភាសាបរទេស គណិតវិទ្យា សីលធម៌ ពលរដ្ឋវិទ្យា និងអក្សរសាស្ត្រខ្មែរ។សូម​ជម្រាបថាការប្រឡងបាក់ឌុបឆ្នាំសិក្សា ២០២៣-២០២៤នេះមានបេក្ខជនប្រឡងសរុប ១៣៧ ០៤០នាក់ ក្នុងនោះបេក្ខនថ្នាក់វិទ្យាសាស្ត្រសង្គមមាណប្រមាណ៧០ភាគរយ រីឯបេក្ខ​ជ្រើស​រើសថ្នាក់វិទ្យាសាស្ត្រមានប្រមាណ៣០ភាគរយប៉ុណ្ណោះ។ ចំណែកមណ្ឌល​ប្រឡង​ទូទាំង​ប្រទេស​មាន​ចំនួន ២៣០មណ្ឌលត្រូវជា ៥ ៥៣៣បន្ទប់៕ អត្ថបទ៖ គឹម ហុក

ព្រះមហាក្សត្រ យាងនិវត្តពីចូលរួមកិច្ចប្រជុំកំពូលហ្វ្រង់កូហ្វូនីលើកទី១៩ នៅសាធារណរដ្ឋបារាំង

2024/10/07 11:37:58 am        182
Facebook Telegram Linkin
ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃ​ព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ស្តេចយាងនិវត្តពី​ចូលរួមកិច្ច​ប្រជុំ​កំពូល​ហ្វ្រង់​កូហ្វូនី លើកទី១៩ នៅសាធារណរដ្ឋបារាំង នៅព្រឹកថ្ងៃទី៧ ខែតុលា ឆ្នាំ២០២៤។តបតាមការសូមយាងរបស់ ឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតី នៃ​សាធារណរដ្ឋបារាំង ព្រះករុណាជាអម្ចាស់ជីវិត​លើ​ត្បូង​ជា​ទី​គោរព​សក្ការៈ​ដ៏​ខ្ពង់​ខ្ពស់​បំផុត ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណា​ចក្រ​កម្ពុជា​ ព្រះអង្គបានសព្វព្រះរាជហឫទ័យយាងចូលរួមកិច្ចប្រជុំកំពូលហ្វ្រង់កូហ្វូនីលើកទី១៩ ដែល​បាន​ប្រព្រឹត្ត​ទៅពីថ្ងៃទី៤ ដល់ ទី៥ ខែតុលា ឆ្នាំ២០២៤ នៅ Villers-Cotterêts និងនៅទីក្រុង​ប៉ារីស​។កិច្ចប្រជុំកំពូលហ្វ្រង់កូហ្វូនីលើកទី១៩នេះធ្វើឡើងក្រោមមូលបទ «ការបង្កើតថ្មី នវានុវត្តន៍ និង​សហគ្រិន​ភាពជាភាសាបារាំង»។ កិច្ចប្រជុំកំពូលនេះជាឱកាសមួយសម្រាប់ប្រមុខរដ្ឋ និងប្រមុខ​រដ្ឋាភិបាល​ដើម្បី​ពិភាក្សា​ពី​ដំណោះ​ស្រាយ​នៃ​បញ្ហា​ប្រឈម​នានា​ដូច​ជា​ការ​បង្កើត​ការងារ​សម្រាប់​យុវជន​ក្នុង​តំបន់ប្រើប្រាស់ភាសាបារាំង។ តាមរយៈកិច្ចប្រជុំនេះក៏បានបង្កើតបរិយាកាសដែលមានលក្ខណៈអំណោយផលសម្រាប់ការអភិវឌ្ឍ​សេដ្ឋកិច្ច ដែលគោរពសេរីភាពនៃការបង្កើតថ្មី និងសហគ្រិនភាព​ព្រម​ទាំង​ធ្វើ​ឱ្យ​ពហុភាគីនិ​យម​មាន​ភាព​រស់​រវើកឡើងវិញដោយមានការរួមចំណែកពីស្ថាប័នហ្វ្រង់កូហ្វូនផងដែរ។ក្នុងឱកាស​ចូលរួមកិច្ចប្រជុំកំពូលហ្វ្រង់កូហ្វូនី លើកទី១៩ ជាលទ្ធផលដ៏លើស​លប់​ប្រទេ​សក​ម្ពុ​ជា​នឹង​​ធ្វើ​ជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ នៅឆ្នាំ២០២៦ ខណៈដែល​ឯកឧត្តម អេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង បានប្រកាស​ជា​ផ្លូវ​ការ​បែប​នេះ​នៅ​វិមាន Grand Palais ទីក្រុងប៉ារីស ដោយមានការទះ​ដៃអបអរសាទរ​យ៉ាង​កងរំពង​ពីបណ្តាប្រមុខរដ្ឋ និងរដ្ឋាភិបាល។បន្ទាប់ពី​ការប្រកាសពីឯកមានការចាក់បញ្ចាំងវីដេអូស្តីពីប្រទេសកម្ពុជា ដែលបង្ហាញ​ថា​កម្ពុជា​ជា​ប្រទេស ដែលមានវប្បធម៌ជាចលករមួយសម្រាប់ការអភិវឌ្ឍ និងជាចំណុចមួយដែលអតីតកាល និង​អនាគតរួបរួមគ្នាប្រកបដោយសុខដុមរមនា។ ក្នុងឱកាសកិច្ចប្រជុំនេះ ព្រះករុណា ព្រះបាទ​សម្តេច​ព្រះ​បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានយា​ង​ថ្លែង​សុន្ទ​រកថាបិទ កិច្ចប្រជុំ ដែលព្រះអង្គ មានព្រះរាជ​កិត្តិយស​ទទួល​ឱ្យប្រ​ទេសក​ម្ពុ​ជា​ធ្វើ​ជា​ម្ចាស់​ផ្ទះ​រៀប​ចំ​កិច្ចប្រជុំ កំពូលហ្វ្រង់កូហ្វូនីលើកទី២០ នៅឆ្នាំ២០២៦។ក្នុងភាពស្ងៀមស្ងាត់ដ៏អស្ចារ្យ និងក្រោមក្រសែភ្នែកកោតសសើររបស់អង្គប្រជុំទាំងមូល ព្រះករុណា ព្រះមហាក្សត្រ បានថ្លែងព្រះរាជសុន្ទរកថាដ៏ឱឡារិក ហើយមានព្រះរាជបន្ទូលថ្លែង អំណរគុណយ៉ា​ងជ្រាលជ្រៅចំពោះប្រទេសសមាជិកទាំងអស់ ដែលបានគាំទ្រ​បេក្ខភាព​របស់​កម្ពុជា​។ ព្រះអង្គក៏បានគូសបញ្ជាក់ពីការប្តេជ្ញាចិត្តយ៉ាងមុតមាំរបស់ រាជរដ្ឋាភិបាល និងប្រជាជន​កម្ពុជា​ក្នុងនាមជាប្រទេសម្ចាស់ផ្ទះដើម្បីរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ឱ្យក្លាយជា​ឱកាស​ដ៏ពិសេសមួយសម្រាប់ការចែករំលែក និងការប្រារព្ធពិធីមួយដ៏សប្បាយរីករាយ។សូមបញ្ជាក់ថា នៅក្នុងអំឡុងពេលដែលព្រះអង្គស្ដេចគង់នៅក្នុងទីក្រុងប៉ារីស ព្រះករុណា​ជា​អម្ចាស់​ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គ​ក៏​បាន​ព្រះរាជ​ទាន​ព្រះរា​ជស​វនាការ​ទ្វេភាគីជាមួយនឹង ឯកឧត្តម អេម៉ានុយអែល ម៉ាក្រុង ប្រធានាធិបតីនៃ​សាធារណរ​ដ្ឋ​បារាំង​ដោយ​បាន​ពិភាក្សាអំពីទំនាក់ទំនងមិត្តភាពជាប្រពៃណី រវាងកម្ពុជានិងបារាំងផងដែរ៕

កម្ពុជាបន្តពិនិត្យពិភាក្សានូវចំណុចគន្លឹះផ្សេងៗ ដើម្បីលើកកម្ពស់ការធ្វើធុរកិច្ច និងការ​ប្រកួត​ប្រជែង

2024/10/07 10:59:39 am        176
Facebook Telegram Linkin
រាជរដ្ឋាភិបាលតំណាងដោយក្រសួងសេដ្ឋកិច្ច និងហិរញ្ញវត្ថុ បាន​ពិនិត្យ និង​ពិភាក្សា​លើ​បញ្ហា​ប្រឈម​ រួមជាមួយសំណូមពរផ្សេងៗ ដើម្បីដាក់ចេញវិធានការបន្តដោះស្រាយជូនវិស័យឯកជន វិនិយោគិន និងធុរជននៅកម្ពុជា លើផ្នែកនីតិកម្មពន្ធដារ និងអភិបាលកិច្ច។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង​ហិរញ្ញវត្ថុ និងជាសហប្រធាន ក្រុមការងារផ្នែកនីតិកម្មពន្ធដារ និងអភិបាលកិច្ច “ក្រុម ឃ” នៃ​វេទិកា​រាជ​រដ្ឋាភិបាល-ផ្នែកឯកជន នឹងលោក អានូដ ដាក (Arnaud Darc) សហប្រធាន “ក្រុម ឃ” (ផ្នែកឯកជន) បានដឹកនាំកិច្ចប្រជុំ “ក្រុម ឃ” ក្នុងគោលបំណងដើម្បីពិនិត្យ និង​ពិភាក្សា​លើ​បញ្ហាប្រឈម និងសំណូមពរផ្សេងៗទាក់ទិនផ្នែកនីតិកម្មពន្ធដារ និងអភិបាលកិច្ច ដើម្បី​ជំរុញ​ដាក់​ចេញ​វិធាន​ការបន្ត ឱ្យបានសមស្របជូន វិស័យឯកជន វិនិយោគិន និងធុរជន​នៅ​ក្នុង​ប្រទេស​កម្ពុជា​។កិច្ចប្រជុំថ្ងៃនេះត្រូវបានរៀបចំឡើងក្នុងគោលដៅបន្តជំរុញធុរកិច្ច និង​លើក​កម្ពស់​បរិយាកាស​វិនិយោគ ក្នុងខណៈដែលកម្ពុជា សម្រេចបានសមិទ្ធិផលជាក់ស្តែងធំៗ និងកំពុង​បន្ត​កិច្ច​ខិតខំ​ប្រឹង​ប្រែង​ក្នុង​ការអភិវឌ្ឍ និងមានការចូលរួមពីសហសេវិកទាំងផ្នែក រាជរដ្ឋាភិបាល វិស័យឯកជន ក្រសួង​-ស្ថាប័ន និងតំណាងសមាគមពាក់ព័ន្ធជាដើម។ជាក់ស្តែងទាក់ទិនការវិនិយោគវិញ នៅក្នុងខែ សីហា ឆ្នាំ២០២៤ នេះ ក្រុមប្រឹក្សាអភិវឌ្ឍន៍កម្ពុជា បាន​អនុម័តគម្រោងថ្មីចំនួន ៤៦ និងគម្រោងពង្រីកផលិតកម្មចំនួន ៧ មានទុន​វិនិយោគ​សរុប​ជាង​ ១,២ ពាន់លានដុល្លារអាម៉េរិក ក្នុងនោះចិនវិនិយោគជាប់ លំដាប់លេខរៀងទី១ ដោយ​បាន​រួម​ចំណែក​ជាង ៨៤ភាគរយ ខណៈការវិនិយោគក្នុងស្រុកគ្របដណ្តប់ជាង ៩ភាគរយ នៃទុន​វិនិយោគ សរុប។ ដោយឡែកការធ្វើពាណិជ្ជកម្មអន្តរជាតិវិញ, ក្នុងរយៈពេល ៨ ខែ នេះ មាន​ទំហំ​ទឹក​ប្រាក់​សរុបជាង ៣៦ ពាន់លានដុល្លារ កើនឡើងជាង ១៦ ភាគរយ បើធៀបរយៈ​ពេល​ដូច​គ្នា​ឆ្នំា២០២៣ ក្នុងនោះការនាំចេញទំនិញកម្ពុជាមានទំហំទឹកជាង ១៧ ពាន់លានដុល្លារ កើន​ឡើង​ប្រមាណជាង ១៦ភាគរយ គាំទ្រដោយប្រទេសដៃគូរសំខាន់ៗរបស់កម្ពុជាជាច្រើន, ខណៈការ​នាំ​ទំនិញ​ចូល​មកកម្ពុជា មានទឹកប្រាក់ជិត ១៩ ពាន់លាន ដុល្លារ កើនឡើងជាង ១៦ ភាគរយ​ផង​ដែរ បើធៀបរយៈពេលដូចគ្នាឆ្នំា ២០២៣៕ អត្ថបទ៖ សុន រ៉ាឌី 

ពលរដ្ឋបានទស្សនកិច្ចនៅព្រំដែននិយាយថាបង្គោលព្រំដែនខ្មែរដែលបានបោះហើយនៅតែជារបស់ខ្មែរមិនអាចរំកិលបាននោះទេ

2024/10/07 10:22:09 am        81
Facebook Telegram Linkin
បងប្អូនប្រជាពលរដ្ឋខ្មែរ ដែលបានទៅទស្សនាកម្សាន្តនៅតាមព្រំដែនបាននិយាយថា បង្គោល​ព្រំដែន​របស់​កម្ពុជា​ដែល​បា​ន​បោះ​រួច​ហើយ​នៅ​ដដែល​គ្មាន​ការ​បង្ខិត​ដូច​ការ​លើក​ឡើង​របស់​ជន​អគតិ​មួយ​ក្តាប់តូចនោះឡើយ ខណៈខេត្តនានានៅក្នុងតំបន់ភូមិភាគឦសាន ក៏បានកំពុង​អភិវឌ្ឍន៍​ជា​បន្តបន្ទាប់ផងដែរជាពិសេស គឺហេដ្ឋារចនាសម្ព័ន្ធ​តែ​ម្តង​ដើម្បី​ផ្តល់​ភាព​ងាយ​ស្រួលប​ន្ថែម​ទៀត​សម្រាប់បងប្អូនប្រជាពលរដ្ឋធ្វើចរាចរណ៍ និងការរកស៊ីជាដើម។តាមរយៈកិច្ចសម្ភាសន៍ជាមួយក្រុមការងារដែលបានសម្របសម្រួលជូនបងប្អូនប្រជាពលរដ្ឋមកពី គ្រប់​ទិសទីទៅទស្សនាកម្សាន្តនៅ​តំបន់ភូមិ​ភាគឦសាន​ដោយ​ឥត​គិត​ថ្លៃ​ជា​រៀង​រាល់​ចុង​សប្តាហ៍​នោះ បានលើកឡើងថា ពួកគេពិតជា​សប្បាយ​ចិត្ត​យ៉ាង​ខ្លាំង​បន្ទាប់​ពី​បាន​ឃើញ​ដោយ​ផ្ទាល់​ភ្នែក​ចំពោះ​ការ​អភិវឌ្ឍ នៅតាមខេត្តនានានៅក្នុងតំបន់ភូមិភាគឦសាន រួមទាំងបានទៅ​ដល់​ផ្ទាល់​នៅ​តាម​បង្គោល​ព្រំដែនមួយចំ នួនដែលកម្ពុជា​យើង​បាន​បោះ​បញ្ជាក់​គោលដៅ​ច្បាស់​លាស់​ជាមួយ​ប្រទេស​ជិត​ខាងផងដែរ។សូមរំលឹកថា រាជរដ្ឋាភិបាលកម្ពុជា​បាន​ប្រកាស​ដាក់​ចេញ​គោលការណ៍​រៀបចំ​កម្ម​វិធីដំ​ណើរ​កម្សាន្ត​ជូន​ពលរដ្ឋ និងយុវជនទៅកាន់ខេត្តក្រចេះ ស្ទឹងត្រែង មណ្ឌលគិរី និងរតនគិរី ដោយឥត​ថ្លៃ​រៀង​រាល់​ចុង​សប្ដាហ៍គឺបានចាប់ពីខែកញ្ញា ដល់ខែធ្នូ ដើម្បីពួកគាត់បានឃើញនូវទិដ្ឋភាពការអភិវឌ្ឍ ក៏​ដូចជាការអភិវឌ្ឍរបស់ប្រជាជនជាក់ស្ដែងនៅតាមបណ្ដោយព្រំដែនកម្ពុជា ឡាវ និងវៀតណាម។ការ​រៀបចំដំណើរកម្សាន្តនេះមានបំណងលុបបំបាត់មន្ទិលសង្ស័យ របស់ប្រជាពលរដ្ឋ​មក​លើ​រដ្ឋាភិបាល​ពាក់ព័ន្ធនឹងកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ និងវៀតណាម (CLV-DTA) ដែលពួកគេបានសម្ដែងការព្រួយបារម្ភខ្លាចបាត់បង់ទឹកដីទៅប្រទេសវៀតណាម។ ប៉ុន្តែ​រាជរដ្ឋាភិបាលបានអះអាងថា កិច្ចសហប្រតិបត្តិការនេះ ជាឧត្តមប្រយោជន៍ជាតិ ជា​ពិសេ​ស​នាំ​ម​កនូវវិបុលភាពក្នុងខេត្តជាប់ព្រំដែនប្រទេសទាំងបី។ យ៉ាង​ណាក៏​ដោយ​នា​ពេល​នេះ​រាជ​រដ្ឋាភិបាល​បាន​បញ្ចប់នូវកិច្ចសហប្រតិបត្តិការ តំបន់អភិវឌ្ឍន៍ត្រីកោណរវាងកម្ពុជា ឡាវ និង​វៀតណាម​ជាផ្លូវការហើយ ដោយការបញ្ចប់កិច្ចសហប្រតិបត្តិ ការនេះគឺប្រៀបបាននឹងការដកដាវ និង​ដក​គ្រាប់កាំភ្លើងពីក្រុមប្រឆាំងនៅក្រៅប្រទេស ដែលបានយក បញ្ហានេះមក​ចាក់​ប្រជា​ពលរដ្ឋ​ឲ្យ​មាន​ការបារម្ភអំពីបញ្ហាបាត់ទឹកដី៕ អត្ថបទ៖ បាន ចក់ 

ឯកឧត្តម ហ៊ុន ម៉ានី អញ្ជើញប្រកាសបញ្ចូលសមាជិកគណបក្សចំនួន៣៧៤នាក់នៃឃុំអូរ ស្រុកភ្នំស្រួច ខេត្តកំពង់ស្ពឺ

2024/10/07 10:00:05 am        113
Facebook Telegram Linkin
ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធាន​ក្រុម​ការងារ​គណបក្សប្រជាជនកម្ពុជា ចុះជួយខេត្តកំពង់ស្ពឺ បានអញ្ជើញ​ជា​អធិបតី​ក្នុង​ពិធី​ប្រកាស​បញ្ចូល​សមាជិកគណបក្សចំនួន៣៧៤នាក់ នៃឃុំអូរ ស្រុកភ្នំស្រួច ខេត្តកំពង់ស្ពឺ នាព្រឹកថ្ងៃទី០៦ ខែតុលា ឆ្នាំ២០២៤។ ក្រោមបរិយាកាសដ៏រីករាយនាឱកាសនោះ ឯកឧត្តម ហ៊ុន ម៉ានី បាន​សម្តែង​នូវ​ការ​ស្វាគមន៍​ប្រកប​ដោយ​ភាព​កក់ក្តៅបំផុតជូនចំពោះសមាជិក សមាជិកាគណបក្សប្រជាជនកម្ពុជាថ្មី ទាំង៣៧៤រូប ដែល​បានចំណាយពេលវេលាមកចូលរួមក្នុងឱកាសនោះ។ ឯកឧត្តម បានចូលរួម​អបអរ​សាទរ​ចំពោះ​សមាជិក សមាជិកាថ្មី ដែលបានមករួមរស់​ជីវភាព​នយោបាយ​ជាមួយ​គណបក្ស​ប្រជាជន​កម្ពុជា​។ ឯកឧត្តម ហ៊ុន ម៉ានី បានបន្តថា ការសម្រេចចិត្តរបស់បងប្អូនប្រជាពលរដ្ឋ គឺជាការ​សម្រេច​ចិត្ត​ដ៏ត្រឹមត្រូវ ដោយហេតុថា ការចូលរួមនេះមិនមែនដើម្បីខ្លួនឯងប៉ុណ្ណោះទេ តែជា​ការ​ចូល​រួម​ជាមួយគណបក្សប្រជាជនកម្ពុជា ដើម្បីបន្តបេសកកម្ម និងបុព្វហេតុ​ក្នុង​ការ​អភិវឌ្ឍ​ប្រទេស​ជាតិ​។ ជាមួយគ្នានោះ ឯកឧត្តម ហ៊ុន ម៉ានី ក៏បានរំលឹកពីប្រវត្តិសាស្រ្ត នៃការតស៊ូលះបង់ និង​ស្នាដៃ​ក្នុង​ការ​សម្រេច​សមិទ្ធផលនានារបស់គណបក្សប្រជាជនកម្ពុជា ជាពិសេសនោះគឺរំដោះប្រជាជនចេញ ពី​ការ​កាប់សម្លាប់ ក្នុងរបបប្រល័យពូជសាសន៍ប៉ុលពត និងការអនុវត្តនយោបាយឈ្នះ-ឈ្នះ ដែល​នាំ​មក​នូវ​ការរួបរួមសាមគ្គី ក្នុងការបន្តចូលរួមផ្លាស់ប្តូរមុខមាត់ របស់ព្រះរាជណាចក្រកម្ពុជា ជា​ពិសេស​ខេត្ត​កំពង់ស្ពឺតែម្តង។ ឯកឧត្តម បានបញ្ជាក់ថា ការអភិវឌ្ឍបានផ្តល់ឱកាសឱ្យរាជរដ្ឋាភិបាលអាណាត្តិទី៧ ដែល​ដឹកនាំ​ដោយ​សម្តេច​មហាបវរធិបតី ហ៊ុន ម៉ាណែត ជាប្រមុខ បន្តបេសកកម្ម និងបុព្វហេតុពី​សម្តេច​អគ្គ​មហា​សេនា​បតីតេជោ ហ៊ុន សែន អតីតនាយករដ្ឋមន្រី្ត ដើម្បីដឹកនាំនាវាកម្ពុជា ឆ្ពោះទៅកាន់​ការ​អភិវឌ្ឍ ​និងភាពសម្បូរសប្បាយជូនប្រជាជនកម្ពុជាគ្រប់រូប៕ អត្ថបទ រដ្ឋា 

សម្ដេចតេជោ៖ ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយទើបអង្គកឋិនទានដង្ហែ ទៅវត្តខ្មែរក្រោមដាក់ឈ្មោះថា «មហាសាមគ្គីគ្រួសារខ្មែរ»

2024/10/07 09:50:27 am        211
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា នាព្រឹកថ្ងៃទី៧ ខែតុលា ឆ្នាំ ២០២៤នេះ បានបង្ហោះសរតាមបណ្ដាញសង្គមហ្វេសប៊ុក បញ្ជាក់​បន្ថែម​ពាក់​ព័ន្ធ​នឹង​ការ​ដង្ហែ​កឋិនទានទៅវត្តខ្មែរក្រោមដោយដាក់ឈ្មោះថា «មហាសាមគ្គីគ្រួសារខ្មែរ»។ សម្ដេចតេជោមានប្រសាសន៍ថា ភរិយារបស់សម្ដេចបានគិតច្រើនឆ្នាំមកហើយ រឿងដង្ហែអង្គ​កឋិន​ទាន​ទៅ​វត្តខ្មែរក្រោម បន្ទាប់ពីដង្ហែចូលច្រើនវត្តនៅកម្ពុជា។ ប៉ុន្ដែជាអកុសល​ឪពុក​របស់​សម្ដេច​បាន​ទទួលម​រណភាពនៅឆ្នាំ២០១៣ ដែលគ្រួសារសម្ដេចសម្រេចផ្អាក ការធ្វើបុណ្យ​កឋិន​រយៈ​ពេល​៥​ឆ្នាំ។ សម្ដេចតេជោបានបញ្ជាក់ថា រឿងថ្មីបានកើតឡើងគឺម្តាយក្មេកសម្ដេចមានជំងឺ និង​បាន​ទទួលមរណភាពនៅឆ្នាំ២០២០ ដូច្នេះសម្រេចផ្អាកធ្វើកឋិនទានបន្តទៀត។សម្ដេច​តេជោបានបញ្ជាក់ថា៖«ឆ្នាំនេះភរិយាខ្ញុំបានលើករឿងកឋិនទាន ទៅវត្តខ្មែរក្រោមម្តងទៀត យើង​បាន​ឯកភាពគ្នាទាំងឪពុកម្តាយ និងកូនដែលជានាយករដ្ឋមន្ត្រីស្រាប់ និងដោយ​ការ​ខិត​ខំរ​បស់ សម្តេច ម៉ែន សំអន យើងបានឈានដល់ការសម្រេចក្តីសុបិនច្រើនឆ្នាំ ក្នុងការដង្ហែ​អង្គ​កឋិន​មហា​សាមគ្គីគ្រួសារខ្មែរមួយទៅវត្តខ្មែរក្រោម ដែលនឹងហែទៅដល់នៅថ្ងៃទី៤ ខែវិច្ចិកា ឆ្នាំ២០២៤ ខាង​មុខដោយមានភរិយាខ្ញុំរួមជាមួយ សម្តេច ម៉ែន សំអន និងថ្នាក់​ដឹក​នាំ​ជាន់​ខ្ពស់ផ្សេ​ង​ទៀត​ដង្ហែ​ទៅ​ដោយផ្ទាល់»។សូមបញ្ជាក់ថា អង្គកឋិនទាននេះធ្វើឡើងដោយ គណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត។ បើតា​មប្រសាសន៍​សម្ដេចតេជោ ការរៀបចំពិធីធ្វើនៅ វិមាន៧មករា ស្នាក់ការ​គណប​ក្ស​ប្រជាជន​កម្ពុជា នាល្ងាចថ្ងៃទី៣ ខែវិច្ចកា ឆ្នាំ២០២៤ ដែលមានសម្ដេចតេជោ និងសម្ដេច​កិត្តិព្រឹទ្ធ​បណ្ឌិត​ចូល​រួម​ដោយផ្ទាល់។សម្ដេចតេជោបញ្ជាក់បន្ថែមថា៖«ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយ ទើបយើងដាក់​ឈ្មោះ​អង្គ​កឋិនទាននេះថា (អង្គកឋិនទាន មហាសាមគ្គីគ្រួសារខ្មែរ) ដែលបងប្អូន​ខ្មែរ​នៅ​គ្រប់​ទី​កន្លែង គ្រប់គណបក្សនយោបាយ គ្រប់និន្នាការនយោបាយ អាចចូលរួមបានទាំងអស់គ្នា។ បង​ប្អូន​ប្រជាជនគ្រប់ស្រទាប់វណ្ណៈ សូមអញ្ជើញ​ទៅ​លេង​បុណ្យ​កឋិន​ទាន​នេះ​បាន​ដោយ​បំពេញ​បែប​បទ​ឆ្លង​ប្រទេស ព្រោះជាកឋិនឆ្លងដែនប្រទេស។ ចាប់គិតតាំងពីឆ្នាំ២០១២ មកសម្រេច​ឆ្នាំ​២០២៤ គឺប្រើពេល១២ឆ្នាំ ទើបសម្រេចក្តីសុបិនមួយនេះ»៕

បេក្ខជន ត្រៀមប្រឡងបាក់ឌុប ទៅបួងសួងនៅព្រះអង្គដងកើ ដើម្បីប្រាថ្នាសុំប្រឡងជាប់បាននិទ្ទេសល្អ

2024/10/06 04:39:48 pm        1143
Facebook Telegram Linkin
ភ្នំពេញ ៖ សម្រាប់បេក្ខជនត្រៀមប្រឡងសញ្ញាបត្រមធ្យមសិក្សាទុតិយភូមិ ឫហៅថា បាក់ឌុប សង្កេតឃើញមានបេក្ខជនច្រើន បាននាំគ្នាទៅបួងសួងព្រះអង្គដងកើ ស្ថិតនៅមុខព្រះបរមរាជវាំង ដើម្បីសូមសេចក្តីសុខ និងជោគជ័យការប្រឡងនៅឆ្នាំនេះ ពិសេសដើម្បីប្រាថ្នាសុំប្រឡងជាប់បាននិទ្ទេសល្អ។បញ្ជាក់ប្រាប់បាយ័នព្រឹកនេះ ខណៈបួងសួងនៅព្រះអង្គដងកើ បេក្ខជនត្រៀមប្រឡងបាក់ឌុបបានប្រាប់ថា មូលហេតុដែលពួកគេមកបួងសួងនៅព្រះអង្គដងកើ គឺដើម្បីប្រាថ្នាសុំប្រឡងជាប់បាននិទ្ទេសល្អ សូមឱ្យផ្លូវចិត្តរឹងមាំ កុំឱ្យភ័យពេលប្រឡង និងពេលធ្វើដំណើរទៅប្រឡងប្រកបដោយសុវត្ថិភាពគ្មានបញ្ហាអ្វីកើត។ចំណែកលោកជំទាវ ឃួន វិច្ឆិកា អ្នកនាំពាក្យក្រសួងអប់រំយុវជននិងកីឡា បានប្រាប់ថា អ្នកនាំពាក្យរូបនេះ បានប្រាប់បន្តថា ឆ្នាំនេះក៏ដូចឆ្នាំមុនៗដែរ ក្រសួងអប់រំនៅតែប្រកាន់ភ្ជាប់គោលការណ៍អ្នកចេះគឺជាប់ ហើយក្នុងករណីមានបេក្ខជននាំយកវិញ្ញាសារចូលក្នុងមណ្ឌលឬចូលដល់ក្នុងបន្ទប់ប្រឡង អាចនឹងត្រូវធ្លាក់ដោយស្វ័យប្រវត្តិ មានន័យថា ល័ក្ខ័ណ្ឌគឺដោយឆ្នាំមុនៗ ហើយក៏មានស្ថាប័នពាក់ព័ន្ធចូលរួមអង្កេតការណ៍ដែរ ដោយការប្រឡងមួយនេះ ត្រូវតែធានាបាននូវអ្នកចេះគឺជាតិដោយតម្លាភាព សូមបញ្ជាក់ថា សម្រាប់ការប្រឡងបាក់ឌុបឆ្នាំនេះ ក្រសួងអប់រំយុវជននិងកីឡា បានត្រៀមរួចរាល់ចំពោះដំណើរការប្រឡងបាក់ឌុប ដោយឆ្នាំនេះមានបេក្ខជនដាក់ពាក្យចូលរួមប្រឡងមានប្រមាណ១៣ម៉ឺន៧ពាន់៤០នាក់ បានចែកជា២៣០មណ្ឌល ហើយក្នុងមួយបន្ទប់បានត្រៀមដាក់បេក្ខជនប្រឡងចំនួន២៥នាក់។ សូមបញ្ជាក់ដែរថា ការប្រឡងបាក់ឌុបឆ្នាំនេះមានរយៈពេល២ថ្ងៃដោយចាប់ផ្តើមនៅថ្ងៃទី៨តុលាស្អែកនេះ ហើយនឹងបញ្ចប់នៅថ្ងៃទី៩តុលា ហើយក្នុងការប្រឡងនេះបានបែងចែកជាបេក្ខជនថ្នាក់វិទ្យាសាស្ត្រមានចំនួនជិត៤ម៉ឺននាក់ ក្នុង និងបេក្ខជនថ្នាក់វិទ្យាសាស្ត្រសង្គម មានចំនួនជាង៩ម៉ឺននាក់ ៕ដោយ គង់ រ៉េន

ក្រសួងអប់រំ អំពាវនាវដល់បេក្ខជនប្រឡងបាក់ឌុបត្រៀមខ្លួនឱ្យរៀបរយ និងថែទាំសុខភាពឱ្យបានល្អ

2024/10/06 04:32:54 pm        124
Facebook Telegram Linkin
ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នឹងចាប់ផ្ដើមនៅថ្ងៃទី០៨ ខែតុលា ឆ្នាំ២០២៤ ពោលគឺបាំងតែ០២ ថ្ងៃទៀតតែប៉ុណ្ណោះ។ ជុំវិញការប្រឡងបាក់ឌុបឆ្នាំនេះ លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានអំពាវនាវឱ្យសិស្សានុសិស្សដែលជាបេក្ខជន ត្រូវត្រៀមខ្លួនឱ្យបានរៀបរយក្នុងការប្រឡង ត្រូវសម្រាកឱ្យបានគ្រប់គ្រាន់ និងទៅពិនិត្យបញ្ជីឈ្មោះ លេខតុ លេខបន្ទប់ នៅតាមមណ្ឌលប្រឡងរៀងៗខ្លួនឱ្យបានមុនថ្ងៃប្រឡងចូលមកដល់។

អាជ្ញាធរខេត្តក្រចេះនាំយកពូជស្រូវជាអំណោយរបស់រាជរដ្ឋាភិបាល ចែកជូនប្រជាពលរដ្ឋ ១៨៣ គ្រួសារនៅក្រុងក្រចេះ

2024/10/06 01:22:42 pm        49
Facebook Telegram Linkin
ក្រចេះ ៖ នាថ្ងៃទី៦ ខែតុលា ឆ្នាំ២០២៤ អាជ្ញាធរខេត្តក្រចេះ ដឹកនាំដោយឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត លោក គង់ គឹមនី អភិបាលរងខេត្ត និងជាប្រធានលេខាធិការរដ្ឋាននៃគណៈកម្មាធិការគ្រប់គ្រង់គ្រោះមហ្តរាយខេត្ត និងលោក ហេង សុថាអភិបាលរងខេត្ត ទទួលចុះមូលដ្ឋានក្រុងក្រចេះ បាននាំយកពូជស្រូវ ដែលជាអំណោយរបស់រាជរដ្ឋាភិបាល ចែកជូនប្រជាពលរដ្ឋ ចំនួន ១៨៣គ្រួសារ រស់នៅ ក្នុងសង្កាត់ចំនួន ៣សង្កាត់ នៅក្រុងក្រចេះ ខេត្តក្រចេះ។ ការផ្ដល់ពូជស្រូវជូនពលរដ្ឋ ក្នុងក្រុងក្រចេះ នាព្រឹកនោះ គឺធ្វើឡើងបន្ទាប់ពីជំនន់ទឹកភ្លៀង និងជំនន់ទឹកទន្លេមេគង្គក្រចេះ បានស្រកចុះទៅវិញ ដោយផ្តលនូវស្រូវពូជមានចំនួន ១៨,៣០០គីឡូក្រាម ស្មើនឹងផ្ទៃដីមានលទ្ធភាពស្ដារឡើងវិញ សរុបចំនួន ១៩៤ហិចតា ។ថ្លែងទៅកាន់បងប្អូនប្រជាពលរដ្ឋក្នុងក្រុងក្រចេះ ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត បានគូសបញ្ជាក់ថា ការគ្រប់គ្រងប្រព័ន្ធស្បៀងបម្រុងកម្ពុជា ក្រោមការដឹងនាំរបស់សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សម្តេចបានយកចិត្តទុកដាក់ខ្ពស់នូវសុខទុក្ខបងប្អូនប្រជាពលរដ្ឋ ជាពិសេស ប្រជាពលរដ្ឋក្រីក្រ កសិករ កម្មករ ដែលទទួលរងគ្រោះប៉ះពាល់ពីគ្រោះមហន្តរាយ និងលើការងារស្តារឡើងវិញ ។ ចំពោះការដាំដុះរបស់ប្រជាកសិករ រាជរដ្ឋាភិបាលកម្ពុជា បានចាត់ឱ្យមន្ត្រីជំនាញពាក់ព័ន្ធចុះវាយតម្លៃផលប៉ះពាល់បន្ទាន់ និងដឹកស្រូវពូជចែកជូនកសិករឱ្យបានលឿនបំផុត ដើម្បីមានលទ្ធភាពស្តារឡើងវិញឲ្យទាន់រដូវ ។លោក បានបន្តថា ក្នុងយុទ្ធសាស្ត្របញ្ចកោណ ដំណាក់កាលទី១ បាវចនាទាំង៥ មាន កំណើន ការងារ សមធម៌ ប្រសិទ្ធភាព និងចីរភាព ។ ហើយក្នុងបាវចនាទី៣ សមធម៌ គឺការកាត់បន្ថភាពក្រីក្រ ក្នុងនោះ សម្តេចធិបតីបានរៀបចំដើម្បីដាក់មន្ត្រីជំនាញកសិកម្មតាមឃុំ-សង្កាត់ ទូទាំងប្រទេស ដើម្បីជួយសម្រួមជីភាពបងប្អូនប្រជាកសិករឱ្យមានជីវភាពកាន់តែប្រសើរ ។ ជាមួយគ្នានោះ លោក គង់ គឹមនី ប្រធានលេខាធិការដ្ឋាននៃគណៈកម្មាធិការគ្រប់គ្រង់គ្រោះមហន្តរាយខេត្ត បានថ្លែងអំណរគុណចំពោះប្រមុខរាជរដ្ឋាភិបាល ដែលបានគិតគូរនិងយកចិត្តទុកដាក់លើសុខទុក្ខជីវភាពប្រជាជន ជាប្រជាកសិករ និងបានឆ្លើយតបបានទាន់ពេលវេលាលើការងារដាំដុះទាន់រដូវ និងបានណែនាំឲ្យបងប្អូនប្រើប្រាស់ទៅតាមបច្ចេកទេសណែនាំរបស់មន្រ្តីជំនាញ ដើម្បីទទួលបានទិន្នផលល្អនិងតម្លៃខ្ពស់ ។​ក្រោយពីទទួលបានពូជស្រូវពីរាជរដ្ឋាភិបាល ពលរដ្ឋ បានបង្ហាញនូវភាពសប្បាយរីករាយ និងថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាល ដែលមានសម្តេចធិបតី ហ៊ុន ម៉ាណែន ដែលបានផ្តល់ពូជស្រូវធ្វើឲ្យពួកគាត់មានលទ្ធភាពស្ដារឡើងវិញ បានទាន់ពេលវេលា ។គូសបញ្ជាក់ថា នៅក្រុងក្រចេះ មាន ៣សង្កាត់ ស្មើនឹង១០ភូមិ ស្មើនឹង១៨៣គ្រួសារ មានផ្ទៃដីស្ដារឡើងវិញ សរុបចំនួន ១៩៤ហិចតា ក្រោយរងការខូចខាតពីគ្រោះមហន្តរាយទឹកជំនន់ទឹកភ្លៀង និងជំនន់ទឹកភ្លៀងទន្លេមេគង្គ ៕ ដោយ សេង ម័រ

បេក្ខជនប្រលងបាក់ឌុបជាង២០០នាក់នៅក្រុងរុនតាឯកតេជោសែនទទួលបានការលើកទឹកចិត្ដពីក្រុមការងារាជរដ្ឋាភិបាល មុនពេលប្រឡង

2024/10/06 01:19:54 pm        86
Facebook Telegram Linkin
សៀមរាប ៖ ក្រុមការងាររាជរដ្ឋាភិបាលចុះមូលដ្ឋាន ក្រុងរុនតាឯកតេជោសែន ខេត្ដសៀមរាប បានជួបសំណេះសំណាល និងសួរសុខទុក្ខ ព្រមទាំងផ្ដល់ថវិកាមួចំនួនដល់បេក្ខជន ដើម្បីលើកទឹកចិត្ដដល់បេក្ខជនទាំងអស់ ក្នុងពេលប្រលងសញ្ញាបត្រមធ្យមសិក្សាទុតិយភូមិ នាថ្ងៃទី៨ ខែតុលាឆ្នាំ២០២៤ខាងមុខនេះ។ ពិធីនេះធ្វើឡើងនៅថ្ងៃទី៦ ខែតុលាឆ្នាំ២០២៤ នៅសាលាក្រុងរុនតាឯកតេជោសែន ដោយមានបេក្ខជនប្រលងចូលរួមជាង២០០នាក់។​ឯកឧត្ដម សែម សុវណ្ណនី ប្រធានក្រុមការងាររាជរដ្ឋាភិបាល ចុះមូលរដ្ឋានក្រុងរុនតាឯកតេជោសែន មានប្រសាសន៍ថា មានតែចំណេះវិជ្ជាទេ ដែលធ្វើអោយប្រទេសជាតិ និងសង្គមគ្រួសារមានការរីកចម្រើន ដូចនេះក្រុមការងារគ្រប់ស្ថាប័នអ្នកពាក់ព័ន្ធត្រូវចែករំលែកចំណេះដឹងបន្ថែម ដើម្បីលើកទឹកចិត្ដដល់យុវជនក៏ដូចជាបេក្ខជនទាំងអស់ឱ្យមានការខិតខំប្រឹងប្រែងមើលមេរៀនថែមទៀត ដើម្បីសម្រេចបានជោគវាសនាល្អរបស់ខ្លួននាពេលប្រឡងបាក់ឌុបខាងមុខនេះ។ ឯកឧត្តមបន្តថា ការប្រលងទទួលបានលទ្ធផលល្អ ជាមុខមាត់គ្រួសារខ្លួនឯងផង និងសង្គមជាតិផង ជាពិសេស កិត្ដិយសខេត្ដសៀមរាប ព្រមទាំងបានបន្ដការសិក្សានៅថ្នាក់ឧត្ដមថែមទៀត។ ឯកឧត្ដម បញ្ជាក់ថា បច្ចុប្បន្ននេះ ការសិក្សារៀនសូត្រមានភាពជឿនលឿន ដោយសារមានសាលារៀនល្អ នៅជិតផ្ទះ គ្រួសារល្អ គ្រូបង្រៀនល្អ ក៏ដូចជាវិនិយោគសន្តិភាព ធ្វើធម្មទានដោយចែករំលែក ការផ្តល់ពុទ្ធិ ចំណេះដឹង ចំណេះធ្វើ បទពិសោធន៍ យុទ្ធវិធីប្រឡង និងការរស់នៅជាពលរដ្ឋល្អជាពិសេសប្រទេសជាតិមានសុខសុវត្ថិភាព និងសន្ដិភាពនាពេលនេះ។ ក្នុងឱកាសនោះឯកឧត្ដមបានជំរុញដល់បេក្ខជនប្រលងត្រូវខិតខំយកចិត្ដទុករំលឹករៀនបន្ថែមទៀត ហើយនៅពេលប្រលងមិនត្រូវអវត្ដមាន និងត្រូវធ្វើយ៉ាងឱ្យសំណេរប្រលងរបស់ខ្លួនមានភាពជាក់លាក់និងត្រឹមត្រូវ។ ឯកឧត្ដមក៏បានផ្ដល់ថវិកាមួយចំនួនដល់បេក្ខជនផងដែរ ដើម្បីជួយសម្រួលក្នុងពេលធ្វើដំណើរទៅប្រលងយកសញ្ញាបត្រមធ្យមសិក្សាទុតិយភូមិនៅក្នុងក្រុងសៀមរាប។លោក អ៊ឹង សុភ័ណ អភិបាលក្រុងរុនតាឯកតេជោសែន មានប្រសាសន៍ថា ការជួបសំណេះសំណាលជាមួយបេក្ខជនបាក់ឌុបនេះ បានបញ្ជាក់ឱ្យឃើញអំពីការយកចិត្តទុកដាក់របស់រាជរដ្ឋាភិបាលកម្ពុជានីតិកាលទី៧ នៃរដ្ឋសភា ក្រោមការដឹកនាំរបស់គណបក្សប្រជាជនកម្ពុជា ពិសេសការដឹកនាំរបស់ សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី ចំពោះសិស្សានុសិស្សដែលត្រូវប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤នេះ។ លោកឱ្យដឹងថា នៅឆ្នាំ២០២៤នេះ មានបេក្ខជនប្រឡងចំនួន២៤៧នាក់មកពីវិទ្យាល័យចំនួន៣ គឺវិទ្យាល័យស្រីវិបុលកេរ្តិ៍ចំនួន៦៥នាក់ វិទ្យាល័យស្នាតេជោចំនួន៤៣នាក់ និងវិទ្យាល័យរុនតាឯកចំនួន១៣៩នាក់ ខណៈដែលវិទ្យាល័យហ៊ុនសែនរុនតាឯក ពុំទាន់មានសិស្សានុសិស្សប្រឡងនៅឡើយ។យោងតាមរបាយការណ៍របស់មន្ទីរអប់រំយុវជន និងកីឡា ខេត្ដសៀមរាបបង្ហាញថា ការប្រលងសញ្ញាបត្រមធ្យមសិក្សាទុតិយភូមិឆ្នាំ២០២៣ឆ្នាំ២០២៤នេះ នឹងប្រព្រឹត្ដិទៅនៅថ្ងៃទី៨ខែតុលាឆ្នាំ២០២៤នេះ។របាយការណ៍ដដែលបន្ដថា ខេត្ដសៀមរាប មានបេក្ខជនប្រលង១០,៧៣៦នាក់ និងមានមណ្ឌលប្រលងចំនួន១៦មណ្ឌល ស្មើរនឹង៤៣៣បន្ទប់ ក្នុងនោះ ថ្នាក់វិទ្យាសាស្ដ្រមានចំនួន៥មណ្ឌល និងថ្នាក់វិទ្យាសាស្ដ្រសង្គមមានចំនួន១១មណ្ឌល។ ការប្រលងនេះ បានបែងចែកជាបួនប្រភេទ រួមមាន បេក្ខជនចំណេះទូទៅ បេក្ខជនស្វៃរិនចំណេះទូទៅ បេក្ខជនបំពេញវិជ្ជា និងបេក្ខជនស្វៃរិនបំពេញវិជ្ជា ៕

បណ្ដាញសង្គម

ព័ត៌មានថ្មីៗ

ម្លប់ ទឹក និងភេសជ្ជៈ ជួយតំបន់បាល់កង់ទប់ទល់នឹងរលកកម្តៅធ្ងន់ធ្ងរនារដូវក្តៅ
07/23/2025 08:07 PM
Facebook Telegram Linkin
គណៈប្រតិភូអ៊ុយក្រែនជួបប្រធានាធិបតីទួរគីលោក Erdogan មុនកិច្ចប្រជុំជាមួយរុស្ស៊ី
07/23/2025 08:07 PM
Facebook Telegram Linkin
អ៊ីតាលី និងអាល់ហ្សេរី ព្រមព្រៀងធ្វើការ ដើម្បីដោះស្រាយបញ្ហាអំពើភេរវកម្ម និងជនអន្តោប្រវេសន៍
07/23/2025 08:07 PM
Facebook Telegram Linkin
EU នឹងដាក់វិធានការតបតលើទំនិញអាមេរិក ដើម្បីបញ្ចៀសការដំឡើងពន្ធ
07/23/2025 08:07 PM
Facebook Telegram Linkin
ទិវាវាយតម្លៃទទួលស្គាល់ គាំទ្រដល់ SME ប្រើប្រាស់សេវាកម្មវាយតម្លៃទទួលស្គាល់ក្នុងដំណើរការអាជីវកម្ម
07/23/2025 08:07 PM
Facebook Telegram Linkin
បាតុករលីបង់ នៅទីក្រុងបេរូតនាំគ្នាតវ៉ាប្រឆាំងវិបត្តិស្រេកឃ្លាននៅតំបន់ហ្កាហ្សា
07/23/2025 07:07 PM
Facebook Telegram Linkin
ពលរដ្ឋហ្កាហ្សាប្រញាប់ប្រញាល់ទៅដណ្តើមជំនួយ ស្របពេលទីភ្នាកងារព្រមានពីភាពអត់ឃ្លានទ្រង់ទ្រាយធំ
07/23/2025 07:07 PM
Facebook Telegram Linkin
លោកស្រី von der Leyen៖ EU និងជប៉ុន នឹងធ្វើការកាន់តែជិតស្និទ្ធបន្ថែមទៀត ដើម្បីដោះស្រាយពាណិជ្ជកម្មអយុត្តិធម៌
07/23/2025 07:07 PM
Facebook Telegram Linkin
គណៈកម្មការគ្រប់គ្រងល្បែងពាណិជ្ជកម្មកម្ពុជាព្យួរអាជ្ញាបណ្ណកាស៊ីណូហេងហេង1នៅស្រុកស្នូលខេត្តក្រចេះ សង្ស័យលួចលាក់បង្កប់អំពើឆបោកតាមប្រព័ន្ធបច្ចេកវិទ្យា
07/23/2025 07:07 PM
Facebook Telegram Linkin
វីដេអូយានដ្រូនកងទ័ពអ៊ីស្រាអែល បង្ហាញស្តុកជំនួយរង់ចាំចែកចាយទៅកាន់តំបន់ហ្កាហ្សា
07/23/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.