BTV NEWS

រាជរដ្ឋាភិបាលកំពុងគិតគូរដល់ជីវភាពរស់នៅរបស់ក្រុមគ្រួសារវីរយុទ្ធជនទាំងបច្ចុប្បន្ន និងអនាគត ជាពិសេសស្ថានភាពបំណុលពួកគាត់

ផលិតផលសមូហភាពត្រូវបានគេស្គាល់យ៉ាងទូលំទូលាយ និងមានតម្រូវការទីផ្សារកាន់តែខ្ពស់

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សម្ដេចធិបតី៖ «អាជ្ញាធររាជធានី-ខេត្ត និងកងកម្លាំងពាក់ព័ន្ធត្រូវបន្តអនុវត្តឱ្យបានតឹងរ៉ឹង និងមិនត្រូវបន្ធូរដៃឡើយក្នុងការទប់ស្កាត់ និងបង្ក្រាបក្មេងទំនើង»

ព័ត៌មានជាតិ

ក្រុមអ្នកសង្កេតការណ៍អន្តរកាលយោធាមកពីប្រទេស៧ ជួបមេបញ្ជការយោធភូមិភាគទី៥ ដើម្បីស្វែងយល់លម្អិតពីស្ថានភាពសន្តិសុខតាមព្រំដែន

នាព្រឹកថ្ងៃទី១៤ ខែសីហា ឆ្នាំ២០២៥ អ្នកសង្កេតការណ៍អន្តរកាល (IOT) ដឹកនាំដោយ លោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ីប្រចាំកម្ពុជា ដែលមានតំណាងមកពីប្រទេសចំនួន៧ ចូលរួម (ប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងវៀតណាម) បានអញ្ជើញក្នុងកិច្ចប្រជុំស្តាប់របាយការណ៍ស្ដីពីការវឌ្ឍនភាពអនុវត្តន៍បទឈប់បាញ់ និងស្ថានភាពក្រោយកិច្ចប្រជុំគណៈកម្មាធិការព្រំដែនទូទៅតាមបន្ទាត់ព្រំដែនក្នុងភូមិសាស្រ្តចំណុះយោធភូមិភាគទី៥ ដឹកនាំបញ្ជាដោយ ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក និងជាមេបញ្ជាការ នៃបញ្ជាការដ្ឋានយោធភូមិភាគទី៥។ បន្ទាប់ពីស្តាប់របាយការណ៍ស្ដីពីការវឌ្ឍនភាពអនុវត្តន៍បទឈប់បាញ់នៅបញ្ជាការដ្ឋានយោធភូមិភាគទី៥ ក្រុមអ្នកសង្កេតការណ៍អន្តរកាល (IOT) តំណាងមកពីប្រទេសចំនួន ៧ នឹងធ្វើដំណើរទៅកាន់ទីតាំងជាក់ស្តែងផ្សេងៗ ដើម្បីសង្កេតមើលស្ថានភាពសន្តិសុខតាមព្រំដែន ដែលប៉ះពាល់ផ្ទាល់ក្នុងអំឡុងជម្លោះព្រំដែនកម្ពុជា-ថៃ ក្នុងខេត្តបន្ទាយមានជ័យ រួមមាន ច្រកព្រំដែនអន្តរជាតិប៉ោយប៉ែត, ច្រកអូបីជាន់(ភូមិជោគជ័យ) និងច្រកបឹងត្រកួន និងថ្ងៃបន្ទាប់ធ្វើដំណើរទៅកាន់ខេត្តព្រះវិហារ នៅចំណុចច្រកព្រំដែនអានសេះ។សូមជម្រាបថា បេសកកម្មនេះបានកើតចេញពីលទ្ធផលនៃកិច្ចប្រជុំពិសេសដែលបានធ្វើឡើងនៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាយៃយ៉ា ប្រទេសម៉ាឡេស៊ី និងកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបានបញ្ចប់កាលពីថ្ងៃទី៧ ខែសីហា ឆ្នាំ២០២៥ ដែលបានបញ្ជាក់សារជាថ្មីអំពីសារៈសំខាន់នៃការបង្កើតឱ្យមានក្រុម IOT៕

សម្ដេចតេជោ ហ៊ុន សែន៖ «ប៉ុន្មានថ្ងៃនេះផ្ទុះរឿងផ្លែស្ពឺ «ហូបស្ពឺអត់» លុះស្រាវជ្រាវទៅទើបដឹងថាជារឿងរបស់នាយករដ្ឋមន្ត្រីបច្ចុប្បន្នជាមួយស្ត្រីទី១ កាលពីក្មេង»

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា តាមរយៈបណ្ដាញសង្គមនៅព្រឹកថ្ងៃទី១៤ ខែសីហា ឆ្នាំ២០២៤នេះ បានសរសេរ «ប៉ុន្មានឆ្នាំមុនផ្ទុះរឿងផ្លែពោតជាអាវុធប្រល័យលោក។ ប៉ុន្មានថ្ងៃនេះផ្ទុះរឿងផ្លែស្ពឺ ខ្ញុំចេះតែឆ្ងល់ថាមានរឿងអីទៀតហើយ? លុះដល់ស្រាវជ្រាវទៅទើបដឹងថាវាជារឿងរបស់នាយករដ្ឋមន្ត្រីបច្ចុប្បន្នជាមួយស្ត្រីទីមួយកាលពីក្មេងដែលផ្អែកសំខាន់លើសៀវភៅដែលសរសេរដោយលោក ឆាយ សុផល។»សម្ដេចបន្តថា «វាជារឿងចាប់ផ្តើមពីការមិនចូលចិត្តដូចគ្នារវាងខ្ញុំ និងភរិយានៅពេលដែលមិនទាន់ស្គាល់គ្នា។ ឯកូនរបស់ខ្ញុំចាប់ផ្តើមពីផ្លែស្ពឺ ឬ(ហូបស្ពឺអត់)។ ខ្ញុំស្រាវជ្រាវរឿងនេះពីគ្រុបគ្រួសារដែលប្អូនៗពិសេសស្រីពៅបង្អាប់បងថ្លៃ (ហូបស្ពឺអត់)។»

វិនិយោគិនចិនមកពីទីក្រុងប៉េកាំង និងខេត្តអានហួយ ស្វែងយល់លើបរិយាកាសវិនិយោគនៅកម្ពុជា

វិនិយោគិនចិនមកពីទីក្រុងប៉េកាំង និងខេត្តអានហួយ កំពុងធ្វើការសិក្សាស្វែងយល់ពីសក្តានុពល លើឱ្យកាវិនិយោគក្នុងវិស័យ ឧស្សាហកម្មដាំឈើ និងការវិនិយោគក្នុងវិស័យកម្មន្តសាលវាយនភណ្ឌ (ពីដើមទីដល់ចុងទី) ដើម្បីជំរុញបរិយាកាសការធ្វើធុរកិច្ចនៅ កម្ពុជាឲ្យកាន់តែប្រសើរ។ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា និងសហការី នៅថ្ងៃទី១៣ ខែសីហា ឆ្នាំ២០២៥, បានទទួលជួបពិភាក្សាការងារជាមួយគណៈប្រតិភូវិនិយោគិនចិន មកពីទីក្រុងប៉េកាំង និងខេត្ត អានហួយ នៃសាធារណរដ្ឋប្រជាមានិតចិន ក្នុងជំនួបនោះ, ឯកឧត្តមបានសម្តែងនូវការស្វាគមន៍យ៉ាងកក់ក្តៅ និងបានលើកឡើងពី ទំនាក់ទំនងដ៏ជិតស្និទ្ធរវាងកម្ពុជានិងចិន ក៏ដូចជាកិច្ចសហប្រតិបត្តិការអភិវឌ្ឍន៍ ក្នុងការកសាងហេដ្ឋារចនាសម្ព័ន្ធ ក្រោមការឧបត្ថម្ភ គាំទ្រពីរដ្ឋាភិបាលនិងប្រជាជនចិន។ ឯកឧត្តម ក៏បានជម្រាបជូន អំពីស្ថានភាពទូទៅនៃការវិនិយោគនៅកម្ពុជា ច្បាប់ និងបទប្បញ្ញត្តិពាក់ព័ន្ធនឹងការវិនិយោគ ព្រម ទាំងបានធ្វើការអត្ថាធិប្បាយលម្អិតអំពីរបបលើកទឹកចិត្តវិនិយោគ និងបានគូសបញ្ជាក់អំពីយន្តការកិច្ចសន្ទនា រវាងរដ្ឋនិងវិស័យឯកជន នៃបណ្តាប្រទេសមួយចំនួន ក្រោមការរៀបចំរបស់ក្រុមប្រឹក្សាអភិវឌ្ឍន៍កម្ពុជា ដែលបានដើរតួនាទីយ៉ាងសំខាន់ក្នុងការថែទាំវិនិយោគ និងទាក់ទាញវិនិយោគ។ តំណាងគណៈប្រតិភូចិន បានថ្លែងអំណរគុណដល់ឯកឧត្តមអគ្គលេខាធិការរង ដែលបានចំណាយពេលវេលាដ៏មានតម្លៃ ទទួលជួបពិភាក្សាការងារ ក្នុងនោះចំពោះគោលបំណងដែលមកទស្សនកិច្ចនៅកម្ពុជា គឺដើម្បីស្វែងយល់បន្ថែមពីបរិយាកាសវិនិយោគ ពិសេសការវិនិយោគក្នុងវិស័យឧស្សាហកម្មដាំឈើ និងការវិនិយោគក្នុងវិស័យកម្មន្តសាលវាយនភណ្ឌ ពីដើមទីដល់ចុងទី។ ជាការឆ្លើយតប, ឯកឧត្តម លឹម វិសាល បានសម្តែងនូវការស្វាគមន៍ និងគាំទ្រគម្រោងវិនិយោគដែលគណៈប្រតិភូមានបំណង បណ្តាក់ទុននៅកម្ពុជា ព្រោះគម្រោងទាំងពីរនេះជាប្រភេទគម្រោងដែលទទួលបានការលើកទឹកចិត្ត ដូចមានចែងក្នុងច្បាប់ និង បទប្បញ្ញត្តិជាធរមាន។ ការវិនិយោគក្នុងកម្មន្តសាលវាយនភណ្ឌពីដើមទីដល់ចុងទី (ការផលិតក្រណាត់ ឡេវ រហូតដល់ចេញជា សម្លៀកបំពាក់) ដែលនេះគឺស្របនឹងគោលនយោបាយរបស់រាជរដ្ឋាភិបាល ដែលកំពុងជំរុញលើកទឹកចិត្តឱ្យមានការផលិតវត្ថុធាតុដើម ក្នុងស្រុក ឱ្យបានច្រើនជាអតិបរិមា ដើម្បីបង្កើនតម្លៃបន្ថែម និងបំពេញតម្រូវការទីផ្សារនាំចេញ ខណៈដែលកម្ពុជានឹងចាកចេញពីក្រុម ប្រទេសអភិវឌ្ឍន៍តិចតួច (LDC) នៅចុងឆ្នាំ២០២៩ ខាងមុខនេះ៕អត្ថបទ៖ សុន រ៉ាឌី

កម្ពុជា បន្តអំពាវនាវយ៉ាងទទូចឲ្យថៃ ប្រគល់ទាហានខ្មែរ១៨នាក់មកវិញ និងដាសតឿនឲ្យថៃប្រកាន់ខ្ជាប់នូវកិច្ចព្រមព្រៀងទាំងឡាយ

អ្នកនាំពាក្យក្រសួងការពារជាតិកម្ពុជា លោកជំទាវឧត្តមសេនីយ៍ឯក ម៉ាលី សុជាតា បានបន្តអំពាវនាវយ៉ាងទទូចឲ្យភាគីថៃប្រគល់ទាហានកម្ពុជា១៨នាក់ ដែលថៃចាប់ទៅដោយខុសច្បាប់នោះមកកម្ពុជាវិញឲ្យបានឆាប់ស្របទៅតាមច្បាប់ មនុស្សធម៌អន្តរជាតិ និងតាមការទាមទាររបស់សហគមន៍អន្តរជាតិ ហើយមួយវិញទៀតថៃ គប្បីគោរពឲ្យបានខ្ជាប់ខ្ជួន នូវកិច្ចព្រមព្រៀងទាំងឡាយដែលបានឯកភាពគ្នា នាពេលកន្លងទៅផងដែរ។ក្នុងសន្និសីទសារព័ត៌មានប្រចាំថ្ងៃស្តីពីការអនុវត្តបទឈប់បាញ់ នាព្រឹកថ្ងៃទី១៤ ខែសីហា ឆ្នាំ២០២៥នេះ លោកជំទាវ ម៉ាលី សុជាតា បានថ្លែងថា គិតមកដល់ថ្ងៃទី១៤ ខែសីហា ឆ្នាំ២០២៥នេះ គឺមានរយៈពេលពី១៦ថ្ងៃហើយ ដែលទាហានថៃបានចាប់ទាហានកម្ពុជាដោយខុសច្បាប់ អំឡុងពេលកំពុងអនុវត្តកិច្ចព្រមព្រៀងបទឈប់បាញ់ ដូច្នេះកម្ពុជាសូមអំពាវនាវយ៉ាងទទូចឲ្យភាគីថៃគោរពនូវកិច្ចព្រមព្រៀង និងធ្វើការដោះលែងទាហានកម្ពុជា ដែលខ្លួនចាប់ទៅនោះមកកម្ពុជាវិញឲ្យបានឆាប់ ខណៈក្រុមគ្រួសារជនរងគ្រោះកំពុងទទឹងរងចាំពួកគេយ៉ាងអន្ទះសារទាំងយប់ទាំងថ្ងៃ។អ្នកនាំពាក្យក្រសួងការពារជាតិកម្ពុជា បានថ្លែងថា ក្រសួងការពារជាតិ និងកងយោធពលខេមរភូមិន្ទ មិនបានព្រងើយកន្តើយ ឬទុកសមាជិករបស់ខ្លួនណាមួយចោលនោះទេ ទោះក្នុងកាលៈទេសៈណាក៏ដោយ ខណៈរាជរដ្ឋាភិបាលកម្ពុជាក៏ដូចជាសហគមន៍អន្តរជាតិ បានកំពុងធ្វើការយ៉ាងយកចិត្តទុកដាក់ ដើម្បីធ្វើយ៉ាងណាជំរុញឲ្យភាគីថៃ ដោះលែងពួកគេមកកម្ពុជាវិញឲ្យបានឆាប់ៗនោះ។ តាមរយៈអ្នកនាំពាក្យក្រសួងការពារជាតិ រាជរដ្ឋាភិបាលកម្ពុជាក៏ដូចជាក្រសួងការពារជាតិកម្ពុជា ក៏សូមថ្លែងអំណរគុណយ៉ាងខ្លាំងចំពោះសហគមន៍អន្តរជាតិ ដែលបានជួយធ្វើការទាមទារឲ្យភាគីថៃ ដោះលែងទាហានកម្ពុជាទាំង១៨នាក់ ដែលថៃបានចាប់ទៅដោយខុសច្បាប់ប្រគល់មកឲ្យកម្ពុជាវិញផងដែរ។ជាមួយគ្នានោះដែរលោកជំទាវ ម៉ាលី សុជាតា ក៏បានដាសតឿន ឲ្យភាគីថៃប្រកាន់ខ្ជាប់ខ្ជួននូវកិច្ច ព្រមព្រៀងទាំងឡាយ កាលពីថ្ងៃទី២៨ ខែកក្កដា ឆ្នាំ២០២៥ និងស្មារតីឯកភាពគ្នានៅក្នុងកិច្ចប្រជុំ GBC និងកិច្ចប្រជុំកម្រិតភូមិភាគ RBCនេះ ឲ្យបានពេញលេញ និងប្រកបដោយប្រសិទ្ធភាពដូចអ្វីដែលសហគមន៍អន្តរជាតិ បានដឹងបានឮមកហើយនោះផងដែរ៕អត្ថបទបាន ចក់

ថ្ងៃនេះ ក្រុមអ្នកសង្កេតការណ៍អន្តរកាលយោធាមកពីប្រទេស៧ ចាប់ផ្តើមចុះពិនិត្យស្ថានភាពសន្តិសុខតាមព្រំដែនកម្ពុជា-ថៃ

ថ្ងៃទី១៤ ខែសីហា ឆ្នាំ២០២៥ ក្រសួងការពារជាតិ បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដឹកនាំដោយ លោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំកម្ពុជា ដែលមានតំណាងមកពីប្រទេសចំនួន ៦ ចូលរួម (ប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងវៀតណាម) ដែលមាននិវេសន្នដ្ឋានក្នុង និងក្រៅប្រទេសកម្ពុជា ដោយមានសមាជិកសរុបចំនួន ៧ប្រទេស បានចេញដំណើរទៅកាន់ទីតាំងជាក់ស្តែងផ្សេងៗ ដើម្បីសង្កេតមើលស្ថានភាពសន្តិសុខតាមព្រំដែន ដែលប៉ះពាល់ផ្ទាល់ក្នុងអំឡុងជម្លោះព្រំដែនកម្ពុជា-ថៃ ដូចខាងក្រោម៖១- ខេត្តបាត់ដំបង (យោធភូមិភាគទី៥) ២-ខេត្តបន្ទាយមានជ័យ៖ ច្រកព្រំដែនអន្តរជាតិប៉ោយប៉ែត ច្រកអូបីជាន់(ភូមិជោគជ័យ) និងច្រកបឹងត្រកួន ៣- ខេត្តព្រះវិហារ (ច្រកព្រំដែនអានសេះ)សូមជម្រាបថា បេសកកម្មនេះបានកើតចេញពីលទ្ធផលនៃកិច្ចប្រជុំពិសេសដែលបានធ្វើឡើងនៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាយៃយ៉ា ប្រទេសម៉ាឡេស៊ី និងកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបានបញ្ចប់កាលពីថ្ងៃទី៧ ខែសីហា ឆ្នាំ២០២៥ ដែលបានបញ្ជាក់សារជាថ្មីអំពីសារៈសំខាន់នៃការបង្កើតឱ្យមានក្រុម IOT៕

រដ្ឋបាលខេត្តស្វាយរៀងរៀបចំវេទិការផ្ដល់ឱកាសជូនដល់ពលករមកពីប្រទេសថៃចុះឈ្មោះស្វែងរកការងារធ្វើ

ស្វាយរៀង ៖ រដ្ឋបាលខេត្តស្វាយរៀង រួមនិង មន្ទីរ អង្គភាព ពាក់ព័ន្ធ ម្ចាស់រោងចក្រ សហគ្រាស នៅថ្ងៃទី១៣ ខែសីហា ឆ្នាំ២០២៥នេះ មានរៀបចំវេទិកាផ្ដល់ឱកាសជូនពលករមកពីប្រទេសថៃនិងប្រទេសផ្សេងៗទៀតមកធ្វើការចុះឈ្មោះស្វែងរកការងារធ្វើបន្តនៅក្នុងមូលដ្ឋានខេត្ត ខណៈដែលពួកគាត់ទើបតែនឹងបានធ្វើមាតុភូមិនិវត្តន៍វិលចូលប្រទេស បន្ទាប់ពីប្រទេសកម្ពុជា និងប្រទេសថៃ មានការប៉ះពាល់គ្នាដោយអាវុធ ដែលពិធីនេះបានប្រព្រឹត្តទៅនៅសាលាស្រុករមាសហែក ក្រោមវត្តមានឯកឧត្តម ប៉េង ពោធិសា អភិបាលខេត្តស្វាយរៀង និងលោក លោកស្រី នៅក្នុងថ្នាក់ដឹកនាំ រដ្ឋបាលខេត្ត រដ្ឋបាលស្រុកលោក លោកស្រី នៅក្នុងមន្ទីរ អង្គភាពពាក់ព័ន្ធ មន្ត្រីក្រុមប្រឹក្សាឃុំទាំង១៦ និងពលករជាច្រើនពាន់នាក់ផងដែរ ។ថ្លែងមានប្រសាសន៏បើកអង្គវេទិការចុះឈ្មោះស្វែងរកការងារធ្វើបន្ត នាឪកាសនោះឯកឧត្តម ប៉េង ពោធិសា បាននាំមកនូវបណ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ប្រធានគណបក្សប្រជាជនកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សម្តេចកិត្តិសង្គហបណ្ឌិត ម៉ែន សំអន សមាជិកឧត្តមក្រុមប្រឹក្សា ព្រះមហាក្សត្រ និងជាអ្នកតំណាងរាស្រ្តមណ្ឌលស្វាយរៀង ជូនចំពោះបងប្អូនពលករទាំងអស់ដែលបានធ្វើដំណើរវិលចូលមកកម្ពុជាតាមការអំពាវនាវរបស់រាជរដ្ឋាភិបាល ក៏ដូចជាសម្តេចតេជោ ដើម្បីបញ្ជៀស ពីការធ្វើទុកបុកម្នេញ ពីទាហាននិងពលរដ្ឋសៀមមកសន្តិសុខរបស់បងប្អូន ។ឯកឧត្តមបានបន្តថា ការវិលត្រឡប់របស់បងប្អូននៅពេលនេះ គឺជាពេលវេលាមួយដែលរាជរដ្ឋាភិបាល ក្រោមការដឹកនាំនិងតម្រង់ទិសពីសម្តេចមហាបវរ ធិបតី ហ៊ុន ម៉ាណែត ស្តីពីការឆ្លើយតបទៅនិងជីវភាព និងការស្នាក់នៅ ថ្ងៃនេះរដ្ឋបាលខេត្តស្វាយរៀង បានរៀបចំវេទិការផ្តល់ឪកាសអោយពលករ មកពីប្រទេសថៃ និងប្រទេសផ្សេងៗបានជួបជុំ ចុះឈ្មោះដើម្បីស្វែងរកការងារធ្វើដោយផ្ទាល់នៅក្នុមូលដ្ឋានស្រុក ។ ហើយចំពោះការសម្របសម្រួលថ្ងៃនេះយើងបានរៀបចំអោយមានទាំងតំណាងរោងចក្រមកផ្ទាល់តែម្តង ដើម្បីមកសម្ភាសន៏ឬចុះឈ្មោះផ្ទាល់ហើយយើងក៏មានក្រុមការងារស្រុក ដើម្បីសម្របសម្រួលធ្វើអត្ថសញ្ញាណបណ្ត័ សៀវភៅគ្រួសារ សៀវភៅស្នាក់នៅ ដោយសារបងប្អូនទៅប្រទេសថៃធ្វើការយូរ អញ្ចឹងនៅពេលគាត់មកវិញអត្តសញ្ញាណបណ្ណ័ខ្លះហួសសុពលភាព អ្នកខ្លះបាត់ សៀវភៅគ្រួសារ សំបុត្រកំណើតជាដើម អញ្ចឹងយើងមានរៀបចំធ្វើអត្រានុកូលដ្ឋាន ធ្វើសំបុត្រកំណើតសៀវភៅគ្រួសារ សៀវភៅស្នាក់នៅមាននៅទីនេះផ្ទាល់តែម្តង ដើម្បីកុំអោយគាត់មានការលំបាក ចំពោះអ្នកដែលមិនមានឯកសារយើងបំពេញអោយតែម្តង ហើយចំពោះការចុះឈ្មោះក្រុមហ៊ុននិ ងសម្ភាសន៏គាត់ផ្ទាល់តែម្តង ដឹងពីជំនាញរបស់គាត់ថាគាត់ចេះអ្វីខ្លះដើម្បីដាក់គាត់អោយត្រូវនិងតម្រូវការរបស់ក្រុមហ៊ុន ។ ពាក់ពន្ធ័ទៅនិងរដ្ឋបាលខេត្តរៀបចំវេទិការ ចុះឈ្មោះស្វែងរកការងារធ្វើ តំណាងពលករ បានមានចំណាប់អារម្មណ៏ ដោយគោរពសំដែងសារទរចំពោះរដ្ឋបាលស្រុក រដ្ឋបាលខេត្ត និងក្រុមហ៊ុន រោងចក្រ សហគ្រាស ដែលបានបង្កើតអោយមានវេទិការនៅក្នុងស្រុក បង្កអោយពួកគាត់ងាយស្រួលមកចុះឈ្មោះស្វែងរកការងារធ្វើ ដូច្នេះពួកយើងខ្ញុំសូមថ្លែងអំណរគុណចំពោះប្រមុខរាជរដ្ឋាភិបាល ក៏ដូចរដ្ឋបាលខេត្តដែលបានគិតគូរខ្ពស់មកលើពួកគាត់ ។ តាមរបាយការណ៏របស់រដ្ឋបាលខេត្ត គិតត្រឹមថ្ងៃទី៧ខែសីហា ឆ្នាំ២០២៥ ពលករស្វាយរៀងបានវិលពីប្រទេសថៃ និងប្រទេសផ្សេងចូលមកកម្ពុជា មានចំនួនជាង២ពាន់នាក់ ក្នុចំណោមពលរដ្ឋចំណាក់ស្រុកជាង៥ពាន់ ។ ដោយ ៖ ភា សារិទ្ធ

រដ្ឋមន្រ្តីសុខាភិបាល ណែនាំដល់ថ្នាក់ដឹកនាំសុខាភិបាល បង្កើនការយកចិត្តទុកដាក់ខ្ពស់ទប់ស្កាត់ជំងឺគ្រុនឈាម ពិសេសចំពោះស្ត្រីមានផ្ទៃពោះ ទារក និងកុមារ ក្នុងរដូវវស្សានេះ

ភ្នំពេញ ៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានដឹកនាំកិច្ចប្រជុំដើម្បីពិនិត្យវឌ្ឍនភាព និងពង្រឹងការបង្ការជំងឺគ្រុនឈាមឱ្យកាន់តែប្រសើរថែមទៀត ដោយស្វែងរកចំណុចគន្លឹះក្នុងការការពារ ការព្យាបាលជំងឺគ្រុនឈាម និងការឆ្លើយតបបានទាន់ពេលវេលាទាំងកម្រិតមន្ទីរពេទ្យ ទាំងក្នុងសហគមន៍, នាព្រឹកថ្ងៃទី១៣ ខែសីហា ឆ្នាំ២០២៥នេះ។ឯកឧត្តមសាស្រ្តាចារ្យ ឈាង រ៉ា បានណែនាំដល់ថ្នាក់ដឹកនាំទទួលបន្ទុក និងមន្រ្តីជំនាញ បង្កើនការតាមដាន និងឆ្លើយតបឱ្យបានរហ័សទាន់ពេលវេលា អំពីជំងឺគ្រុនឈាម ពិសេសរយៈពេលចំណុចខ្ពស់ ដោយត្រូវបង្កើនការរាយការណ៍ករណីសង្ស័យពីគ្រប់មូលដ្ឋានសុខាភិបាល ដើម្បីឱ្យក្រុមការងារឆ្លើយតបរហ័សពិនិត្យការងារ និងចុះអន្តរាគមន៍ ដូចជាចុះអប់រំសុខភាព ការចុះកម្ចាត់ជំរកមូស ដាក់ថ្នាំអាប៊ែតនៅពាងទឹក និងវត្ថុ ដែលដក់ទឹក និងបង្កើនការបាញ់ថ្នាំសម្លាប់មូសនៅកន្លែងឆ្លងខ្លាំង ដោយមានចលនាការចូលរួមពីសហគមន៍។ បន្ថែមពីនេះ ត្រូវបន្តបង្កើនការយកចិត្តទុកដាក់ផ្សព្វផ្សាយតាមគ្រប់មធ្យោបាយ និងបណ្តាញសង្គម ដល់ប្រជាពលរដ្ឋពីវិធីសាស្រ្តការពារខ្លួន សម្រាន្តត្រូវចងមុង សម្លៀកបំពាក់ឱ្យជិតចុងដៃ ចុងជើង និងយកចិត្តទុកដាក់ស្រ្តីមានផ្ទៃពោះ។ មន្ទីរសុខាភិបាល ត្រូវសហការ និងជម្រុញការគាំទ្រពីគ្រប់ផ្នែកពាក់ព័ន្ធ អាជ្ញាធរមូលដ្ឋាន សាលារៀន វត្តអារាម កងកំលាំងប្រដាប់អាវុធ ដើម្បីចូលរួមលុបបំបាត់ប្រភពដង្កូវទឹក និងមូសខ្លា ពិសេសក្នុងរដូវភ្លៀងនេះ។ ឯកឧត្តមសាស្រ្តាចារ្យ ក៏បានផ្តល់អនុសាសន៍លើការបង្កើនសមត្ថភាពនៃការធ្វើរោគវិនិច្ឆ័យ ការប្រើវិធីសាស្ត្រព្យាបាល ទាំងសេវាសាធារណៈ និងឯកជន។កិច្ចប្រជុំខាងលើនេះមានសមាសភាពចូលរួមពី ថ្នាក់ដឹកនាំក្រសួងសុខាភិបាល នាយកដ្ឋានប្រយុទ្ធនឹងជំងឺឆ្លង នាយកដ្ឋានមន្ទីរពេទ្យ មជ្ឈមណ្ឌលជាតិ គាំពារមាតា និងទារក និងមជ្ឈមណ្ឌលជាតិប្រយុទ្ធ នឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត នៃក្រសួងសុខាភិបាល៕អត្ថបទ រដ្ឋា

អ្នកនាំពាក្យ៖ម្សិលមិញនិងថ្ងៃនេះទាហានថៃប្រដាប់ដោយអាវុធមករាយបន្លាលួស និងដាក់កងឡាននៅច្រកជោគជ័យខេត្តបន្ទាយមានជ័យ

ភ្នំពេញ ៖ អ្នកនាំពាក្យក្រសួងការពារជាតិកម្ពុជា លោកជំទាវម៉ាលី សុជាតា បានប្រកាសឲ្យដឹងថា នៅថ្ងៃទី១២ និងទី ១៣ ខែសីហា ឆ្នាំ២០២៥នេះទាហានថៃដែលប្រដាប់ដោយអាវុធបានចូលមករាយបន្លាលួស ដាក់កង ឡាននៅច្រកជោគជ័យ ឃុំអូរបីជាន់ ស្រុកអរជ្រៅ ខេត្តបន្ទាយមានជ័យ ខណៈសកម្មភាពនេះគឺជាទង្វើរំលោភបំពាន កិច្ចព្រមព្រៀងបទឈប់បាញ់រវាងប្រទេសទាំងពីរ។ ថ្លែងនៅក្នុងសន្និសីទសារព័ត៌មានប្រចាំថ្ងៃ ស្តីពីការអនុវត្តបទឈប់បាញ់នៅរសៀលថ្ងៃទី១៣ ខែ សីហា ឆ្នាំ២០២៥នេះ លោកជំទាវម៉ាលី សុជាតា បានបញ្ជាក់ថា ក្នុងរយៈពេលពីរថ្ងៃមកនេះពួកទាហានប៉ារ៉ា រួមទាំងតម្រួតព្រំដែនថៃបានរំលោកបំពានកិច្ចព្រមព្រៀងរវាងកម្ពុជា និងថៃដែលបានធ្វើឡើងនៅថ្ងៃទី ២៨ ខែកក្កដា និងគោលការណ៍ឯកភាពគ្នានៅក្នុងកិច្ចប្រជុំGBC ដែលធ្វើឡើងនៅប្រទេសម៉ាឡេស៊ី ដោយ ទាហានថៃបានយកបន្លាលួស និងកងឡានមកដាក់ពាំងផ្លូវនៅតំបន់ច្រកជោគជ័យ ខេត្តបន្ទាយមានជ័យ។ យ៉ាងណាក៏ដោយលោកជំទាវម៉ាលី សុជាតា ក៏បានអំពាវនាវដល់ភាគីថៃគប្បីគោរពឲ្យបានម៉ឺងម៉ាត់នូវបទឈប់បាញ់ហើយត្រូវរុះរើបន្លាលួសនិងកងឡានដែលខ្លួនបានរាយនៅច្រកខាងលើនេះជាបន្ទាន់ ដោយគ្មានលក្ខខណ្ឌអ្វីនោះឡើយ ហើយមួយវិញទៀតកម្ពុជាក៏បន្តអំពាវនាវឲ្យថៃអនុវត្តរាល់កិច្ចព្រម ព្រៀងទាំងអស់ ហើយត្រូវប្រគល់ទាហានខ្មែរទាំង១៨នាក់ដែលថៃចាប់ទៅមកឲ្យកម្ពុជាវិញឲ្យបានឆាប់ៗផងដែរ ស្របទៅតាមច្បាប់មនុស្សធម៌អន្តរជាតិ និងតាមការទាមទាររបស់សហគមន័អន្តរជាតិជាដើម៕អត្ថបទ ៖ បាន ចក់

កម្ពុជាបន្តអំពាវនាវឲ្យថៃប្រគល់ទាហានខ្មែរ១៨នាក់មកកម្ពុជាវិញឲ្យបានឆាប់ខណៈក្រុមគ្រួសារជនរងគ្រោះកំពុងចាំទាំងយប់ទាំងថ្ងៃ

ភ្នំពេញ ៖ រាជរដ្ឋាភិបាលកម្ពុជា តាមរយៈអ្នកនាំពាក្យក្រសួងការពារជាតិកម្ពុជា បានបន្តអំពាវនាវយ៉ាងទទួចឲ្យភាគី ថៃប្រគល់ទាហានកម្ពុជា១៨នាក់ ដែលថៃចាប់ទៅដោយខុសច្បាប់នោះមកកម្ពុជាវិញជាបន្ទាន់ ស្របទៅ តាមច្បាប់មនុស្សធម៌អន្តរជាតិ និងតាមការទាមទាររបស់សហគមន៍អន្តរជាតិ ខណៈរយៈពេល១៥ថ្ងៃក្រោយទាហានថៃចាប់ពួកគេទៅបានធ្វើឲ្យក្រុមគ្រួសារជនរងគ្រោះទទឹងរងចាំដោយអន្ទះសារទាំងយប់ ទាំងថ្ងៃនោះ។ក្នុងសន្និសីទសារព័ត៌មានប្រចាំថ្ងៃ ស្តីពីការអនុវត្តបទឈប់បាញ់ នារសៀលថ្ងៃទី១៣ ខែសីហា ឆ្នាំ២០២៥នេះ លោកជំទាវម៉ាលី សុជាតា បានថ្លែងថា គិតមកដល់ថ្ងៃទី១៣ ខែសីហា ឆ្នាំ២០២៥នេះ គឺមាន រយៈពេល១៥ថ្ងៃហើយ ដែលទាហានថៃបានចូលមកចាប់ទាហានកម្ពុជាដោយខុសច្បាប់ អំឡុងពេលកំពុងអនុវត្តកិច្ចព្រមព្រៀងបទឈប់បាញ់ ដូច្នេះកម្ពុជាសូមអំពាវនាវយ៉ាងទទួចឲ្យភាគីថៃគោរពនូវកិច្ចព្រមព្រៀង និងធ្វើការដោះលែងទាហានកម្ពុជាដែលខ្លួនចាប់ទៅនោះមកកម្ពុជាវិញឲ្យបានឆាប់ដោយគ្មាន លក្ខខណ្ឌអ្វីនោះឡើយ។អ្នកនាំពាក្យក្រសួងការពារជាតិកម្ពុជាបានថ្លែងថាក្រសួងការពារជាតិនិងកងយោធពលខេមរភូមិន្ទ មិនបានព្រងើយកន្តើយ ឬទុកសមាជិករបស់ខ្លួនណាមួយចោលនោះទេទោះក្នុងកាលៈទេសៈណាក៏ដោយ ហើយ រាជរដ្ឋាភិបាលកម្ពុជាក៏បានស្នើឲ្យម៉ាឡេស៊ីដែលជាប្រធានអាស៊ានប្តូរវេន ក៏ដូចជាសហគមន៍អន្តរជាតិឲ្យជួយអន្តរាគមន៍ ដើម្បីជំរុញឲ្យភាគីថៃឆាប់បញ្ជូនពួកគាត់ឲ្យមកកម្ពុជាវិញឲ្យបានឆាប់ៗផងដែរ។ឆ្លៀតក្នុងឱកាសនោះដែរ អ្នកនាំពាក្យក្រសួងការពារជាតិកម្ពុជា ក៏បានថ្លែងអំណរគុណយ៉ាងខ្លាំងចំពោះសហគមន៍អន្តរជាតិដែលបានជួយធ្វើការទាមទារឲ្យភាគីថៃ ដោះលែងទាហានកម្ពុជាទាំង១៨នាក់ ដែលថៃបានចាប់ទៅដោយខុសច្បាប់ប្រគល់មកឲ្យកម្ពុជាវិញផងដែរ៕

ក្រុមហ៊ុនដែលកំពុងដំណើរក្នុងស្រុក គ្រោងសហការជាមួយចិនដើម្បីពង្រីកវិសាលភាពវិនិយោគបន្ថែម

ភ្នំពេញ ៖ ក្រុមហ៊ុនដែលកំពុងវិនិយោគនៅក្នុងស្រុក គ្រោងពង្រីកវិសាលភាពលើការវិនិយោគ ដោយសហការជាមួយដៃគូវិនិយោគចិន ដើម្បី បង្កើតការវិនិយោគថ្មីៗ លើលើវិស័យកសិកម្ម ការបង្កើតសួនឧស្សាហកម្ម និងតំបន់សេដ្ឋកិច្ចពិសេស និងកាវិនិយោគលើផ្នែកដឹកជញ្ជូន នាំចេញ-នាំចូលជាដើម។ឧកញ៉ា លី ហ្គួលាន ប្រធានក្រុមប្រឹក្សាភិបាលក្រុមហ៊ុន ហ្គ័រស៊ីងគ្រុប នៅក្នុងជំនួបសម្តែងការគួរសម និងពិភាក្សាការងារ ជាមួយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១៣ ខែសីហា ឆ្នាំ២០២៥ នេះ បានលើកឡើងអំពីសាវតានៃការចាប់ផ្តើមការវិនិយោគនៅកម្ពុជា និងបច្ចុប្បន្នភាពនៃដំណើរប្រតិបត្តិការរបស់ក្រុមហ៊ុន ដែលស្ថិតនៅ ក្រោមការគ្រប់គ្រងរបស់ហ្គ័រស៊ីងគ្រុបមានជាអាទិ៍៖ រោងចក្រឧស្សាហកម្មកែច្នៃក្តារបន្ទះពីដើមកៅស៊ូ, ក្រុមហ៊ុននាំចេញនាំចូល គ្រឿង សំណង់, និងក្រុមហ៊ុនសាងសង់ជាដើម។ប្រធានក្រុមប្រឹក្សាភិបាលរូបនេះ បានជម្រាបអំពីផែនការលើការពង្រីកវិសាលភាព នៃការវិនិយោគរបស់ខ្លួននៅកម្ពុជាបន្ថែម ដោយគ្រោងនឹងសហការជាមួយដៃគូវិនិយោគចិន ដែលមានបទពិសោធន៍ក្នុងវិស័យឧស្សាហកម្ម និងកសិកម្ម ដើម្បីបង្កើតការ វិនិយោគថ្មីៗដូចជា៖ ការវិនិយោគលើផ្នែកកសិកម្ម, ការបង្កើតសួនឧស្សាហកម្ម និងតំបន់សេដ្ឋកិច្ចពិសេស, និងកាវិនិយោគលើផ្នែក ដឹកជញ្ជូននាំចេញ-នាំចូលជាដើម។ជាការឆ្លើយតប, ឯកឧត្តមឧបនាយករដ្ឋមន្ត្រី បានសម្តែងនូវការស្វាគមន៍យ៉ាងកក់ក្តៅ ចំពោះចំណាប់អារម្មណ៍លើការពង្រីក វិសាលភាពវិនិយោគនៅកម្ពុជា និងបានលើកឡើងពីវិស័យសក្កានុពលនានាបន្ថែម ដែលមានភាពអំណោយផលខ្ពស់ដល់វិនិយោគិន បរទេសរួមមាន៖ ឧស្សាហកម្មគ្រឿងអេឡិចត្រូនិក, ឧស្សាហកម្មកែច្នៃចំណីអាហារ និងគ្រឿងឧបភោគបរិភោគ, និងឧស្សាហកម្ម ពាក់ព័ន្ធនឹងគ្រឿងបង្គុំរថយន្តជាដើម។ ឯកឧត្តមឧបនាយករដ្ឋមន្ត្រី បានជម្រាបថា ក្រុមប្រឹក្សាអភិវឌ្ឍន៍កម្ពុជា ដែលជាសេនាធិការច្រកចេញចូលតែមួយរបស់ រាជរដ្ឋាភិបាលកម្ពុជា លើការងារវិនិយោគ, រីករាយក្នុងការផ្តល់ការណែនាំ ការសម្របសម្រួល សំដៅធ្វើឱ្យការសម្រេចចិត្តវិនិយោគ កាន់តែមានភាពច្បាស់លាស់ត្រឹមត្រូវ មានអនុលោមភាពតាមច្បាប់ ប្រកបដោយភាពងាយស្រួល និងកាត់បន្ថយការចំណាយពេល វេលា និងបានលើកទឹកចិត្តឱ្យឧកញ៉ា ប្រធានក្រុមប្រឹក្សាភិបាល ប្រើប្រាស់នូវប្រព័ន្ធគ្រប់គ្រងគម្រោងវិនិយោគកម្ពុជា cdcIPM ក្នុងការ ដាក់ពាក្យស្នើសុំវិនិយោគផងដែរ៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

គ្រាន់តែលួចផ្សាយការប្រកួត Premier League ខុសច្បាប់ប្រឈមជាប់ពន្ធនាគារដល់ ២១ឆ្នាំ

មន្ដ្រីជាន់ខ្ពស់ក្រសួងអប់រំ ចាត់ទុកពានបាល់ទាត់កុមារ ជាមាគ៌ាដ៏សំខាន់ ដើម្បីរួមចំណែកអភិវឌ្ឍយុវជននៅកម្ពុជា

រដ្ឋបាលខេត្តឧត្ដរមានជ័យ និងរដ្ឋបាលខេត្តសៀមរាប រៀបចំពិធីបួងសួងសុំយាងព្រះវិស្ណុគង់លើស្ដេចគ្រុឌពីខេត្តឧត្តរមានជ័យ ទៅកាន់ខេត្តសៀមរាបវិញ

សម្តេចធិបតី ហ៊ុន ម៉ាណែត នឹងមានជំនួបទ្វេភាគីជាមួយមេដឹកនាំប្រទេសសមាជិកអាស៊ានមួយចំនួនក្នុងកិច្ចប្រជុំអាស៊ាននាចុងសប្ដាហ៍នេះនៅហ្វីលីពីន

ប្រធានស្តីទីព្រឹទ្ធសភា អញ្ជើញជាអធិបតី បើកកិច្ចប្រជុំគណៈកម្មការនយោបាយ នៃសភាប្រើភាសាបារាំង នៅខេត្តសៀមរាប

ចិន ថ្កោលទោសដំណើរមេដឹកនាំកោះតៃវ៉ាន់ Lai Ching-te ទៅប្រទេសអ៊ីស្វាទីនី ដោយប្រៀបធៀបលោកទៅនឹងសត្វកណ្ដុរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877