នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
​ សមាជិកព្រឹទ្ធសភា៣រូបមកពីគណបក្សឆន្ទៈខ្មែរស្ញើបស្ងែង និងកោតសរសើរសម្តេចតេជោ រយៈពេលជាង ៤០ឆ្នាំចុងក្រោយនេះតែងតែរកផ្លូវចេញបានរហូត មិនដែលមានការទល់ច្រក និង បរាជ័យទេក្នុងការដឹកនាំកម្ពុជា
«គុណភាព សុវត្ថិភាព និងប្រសិទ្ធភាព នៃផលិតផលឱសថ និងវ៉ាក់សាំង គឺមានសារៈសំខាន់ ដើម្បីចូលរួមការអភិវឌ្ឍប្រព័ន្ធសុខាភិបាលកម្ពុជា»
គ.វ.ជ. ចាប់ផ្តើមផ្សព្វផ្សាយនីតិវិធី និងវិធីសាស្រ្តនៃការវាយតម្លៃ និងការទទួលស្គាល់អង្គភាពផ្ដល់សេវាសាធារណៈគំរូក្នុងវិស័យអប់រំ និងវិស័យសុខាភិបាល ឆ្នាំ២០២៥
រដ្ឋបាលរាជធានីភ្នំពេញចែកទឹកស្អាតដល់ពលរដ្ឋរស់នៅក្នុងបុរី VIP ដែលខ្វះទឹកស្អាតប្រើប្រាស់ ៣ថ្ងៃមកហើយ

ព័ត៌មានជាតិ

គណៈកម្មការទី៨នៃរដ្ឋសភា ចុះស្វែងយល់ការអនុវត្តការងារលើវិស័យមួយចំនួនរបស់រដ្ឋបាលខេត្តពោធិ៍សាត់

2024/06/25 06:35:42 pm        49
Facebook Telegram Linkin
ពោធិ៍សាត់ ៖ ដោយមានការអនុញ្ញាតពីសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅរសៀលថ្ងៃទី២៥ ខែមិថុនា ឆ្នាំ២០២៤ គណៈប្រតិភូគណៈកម្មការទី៨នៃរដ្ឋសភា ដឹកនាំដោយលោកជំទាវ ឡោក ខេង ប្រធានគណៈកម្មការ បានអញ្ជើញជាអធិបតី ក្នុងកិច្ចប្រជុំជាមួយ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ដើម្បីចុះពិនិត្យស្វែងយល់អំពីប្រសិទ្ធភាពនៃការអនុវត្តច្បាប់ និងគោលនយោបាយនានា ពាក់ព័ន្ធនិងវិស័យសុខាភិបាល វិស័យសង្គមកិច្ច អតីតយុទ្ធជន និងយុវនីតិសម្បទា វិស័យការងារ និងបណ្តុះបណ្តាលវិជ្ជាជីវៈ និងវិស័យកិច្ចការនារី នៅសាលប្រជុំសាលាខេត្តពោធិ៍សាត់។ បេសកកម្មរបស់គណៈប្រតិភូរដ្ឋសភានាពេលនេះ គឺដើម្បីចូលរួមចំណែកនៅក្នុងការលើកកម្ពស់ការអនុវត្តយុទ្ធសាស្រ្ត បញ្ចកោណដំណាក់កាលទី១ ដោយផ្តោតសំខាន់លើ កំណើន ការងារ សមធម៌ ប្រសិទ្ធភាព និងចីរភាព ដើម្បីកសាង មូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជានាឆ្នាំ២០៣០ និងឆ្នាំ២០៥០។ ក្នុងឱកាសនោះដែរ ឯកឧត្តម ខូយ រីដា បានជម្រាបជូនពីវឌ្ឍនភាពការងារ និងការរីកចម្រើនរបស់ខេត្ត ក៏ដូចជាបញ្ហាប្រឈមមួយចំនួនទាក់ទងនឹងវិស័យសុខាភិបាល វិស័យសង្គមកិច្ច អតីតយុទ្ធជន និងយុវនីតិសម្បទា វិស័យការងារ និងបណ្តុះបណ្តាល វិជ្ជាជីវៈ ព្រមទាំង វិស័យកិច្ចការនារីផងដែរ។ ក្រោយពីបានស្តាប់របាយការណ៍របស់រដ្ឋបាលខេត្ត ក៏ដូចជាមន្ទីរជំនាញពាក់ព័ន្ធរួចមកលោកជំទាវ ឡោក ខេង បានធ្វើការកោតសរសើរ និងវាយតម្លៃខ្ពស់ចំពោះអាជ្ញាធរខេត្ត ដែលខិតខំបំពេញការងារជូនប្រជាពលរដ្ឋស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលបានដាក់ចេញនូវអភិក្រម៥គឺ មនុស្ស ផ្លូវ ទឹក ភ្លើង និងបច្ចេកវិទ្យា និងបានដាក់ចេញនូវគោលនយោបាយ៦ចំណុចបន្ថែមទៀត រួមមាន ការពង្រឹងវិជ្ជាជីវៈបច្ចេកទេស ការប្រើប្រាស់ប័ណ្ណប.ស.ស ប័ណ្ណសម៌ធម៌ ការលើកម្ពស់សុខមាលភាពសង្គម ការអភិវឌ្ឍឯកជនទាក់ទងនិងការងារ ប.ស.ស ការអភិវឌ្ឍ សហគ្រាសធនតូចនិងមធ្យម សហគ្រិនភាព ការអភិវឌ្ឍទីផ្សារការងានិងសេដ្ឋកិច្ចក្រៅប្រព័ន្ធ ការអភិវឌ្ឍដោយភាពធនចីរភាព ការពង្រឹងផលលាភវិទ្យាសាស្ត្រ និងការលើកកម្ពស់សមភាពយេនឌ័រ។ លោកជំទាវក៏បានជំរុញឱ្យអាជ្ញាធរខេត្តក៏ដូចជាមន្ទីរជំនាញពាក់ព័ន្ធទាំងអស់ត្រូវខិតខំធ្វើការផ្សព្វផ្សាយឱ្យប្រជាពលរដ្ឋបានយល់ដឹងកាន់តែច្បាស់អំពីជំងឺមិនឆ្លង ក៏ដូចជាជំងឺផ្សេងៗ ជាពិសេសគឺការលើកទឹកចិត្តឱ្យប្រជាជនចុះឈ្មោះជាសមាជិក ប.ស.ស ដើម្បីងាយស្រួលទទួលយកនូវសេវាសុខាភិបាលដោយមិនគិតថ្លៃ ដើម្បីជួយសម្រួលដល់ជីវភាពរស់នៅរបស់បងប្អូនប្រជាពលរដ្ឋ ជាពិសេសបន្តជំរុញ និងផ្សព្វផ្សាយ កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសទៅដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១,៥ លាននាក់ ដែលជាកម្មវិធីថ្នាក់ជាតិរបស់រាជរដ្ឋាភិបាលកម្ពុជាក្នុងអាណត្តិទី៧នេះ ដើម្បីឱ្យយុវជនមកពីគ្រួសារក្រីក្រ និងងាយរងគ្រោះអាចឆាប់មានជំនាញវិជ្ជាជីវៈ និងឆាប់មានការងារធ្វើសមរម្យដើម្បីលើកកម្ពស់ជីវភាពគ្រួសារ ស្របពេលដែល ក្រុមហ៊ុនមីនីបៀ (Minebea) របស់ប្រទេសជប៉ុន នឹងបើករោងចក្រទី២ របស់ខ្លួននៅលើផ្ទៃដីទំហំ៥០ហិកតា ក្នុងស្រុកក្រគរ ហើយត្រូវការបុគ្គលិកជំនាញជាច្រើនពាន់នាក់ ៕

ADITI បង្កើតកិច្ចសហប្រតិបត្តិការទៅកាន់បណ្ដាប្រទេសអឺរ៉ុប​ ដើម្បីការលូតលាស់វិស័យបច្ចេកវិទ្យានៅកម្ពុជា

2024/06/25 05:25:30 pm        78
Facebook Telegram Linkin
កាលពីពេលថ្មីៗនេះ លោកស្រី ហ៊ាង​ អូមួយ នាយកប្រតិបត្តិនៃក្រុមហ៊ុន Asia Digital Technology Innovation (ADITI) និងជាស្ថាបនិកនៃប្រព័ន្ធអេកូ ដែលរួមបញ្ចូលបរិវត្តកម្មបច្ចេកវិទ្យាឌីជីថល ការអប់រំ​បច្ចេកវិទ្យា និងការពង្រឹកសមត្ថភាពស្រ្ដី និងក្មេងស្រីក្នុងវិស័យបច្ចេកវិទ្យា បានធ្វើទស្សនកិច្ចទៅកាន់ទ្វីប​អឺរ៉ុប ក្នុងគោលបំណងយ៉ាងមុតមាំដើម្បីជំរុញវិស័យបច្ចេកវិទ្យារបស់ប្រទេសកម្ពុជា ទៅកាន់ជួរមុខនៃឆាក​ឌីជីថលនៅអាស៊ី។គំនិតផ្តួចផ្តើមនេះ ត្រូវបានសម្រេចធ្វើឡើងដោយដើរស្របតាមចក្ខុវិស័យរបស់ប្រទេសកម្ពុជាក្នុងការកសាងសេដ្ឋកិច្ចឌីជីថលឱ្យមានភាពរីកចម្រើន ហើយក៏ស្របតាមបេសកកម្មរបស់លោកស្រី ក្នុងការបង្កើតភាពជាដៃគូយុទ្ធសាស្រ្ដជាមួយក្រុមហ៊ុនបរទេស ដើម្បីបើកឱកាសការងារពីចម្ងាយ សម្រាប់ធនធានបច្ចេក​វិទ្យានៅកម្ពុជាផងដែរ។ដំណើរទស្សនកិច្ចនេះបានរួមបញ្ចូលកិច្ចប្រជុំជាច្រើន ពោលគឺជាច្រកនៃការបើកទ្វារជំរុញឱ្យកិច្ចសហប្រតិបត្តិការអន្តរជាតិកើតឡើង។ ក្នុងចំណោមកិច្ចប្រជុំទាំងនោះ លោកស្រី ហ៊ាង​ អូមួយ បានចូលជួបសម្តែងការគួរសម និងសួរសុខទុក្ខ ជាមួយអគ្គរដ្ឋទូតកម្ពុជាប្រចាំប្រទេសបារាំង ស្វីស និងសហភាពអឺរ៉ុប ដោយ​ទទួលបានការស្វាគមន៍ដ៏កក់ក្ដៅ និងការគាំទ្រយ៉ាងខ្លាំង។ លើសពីនេះ លោកស្រីបានជួបពិភាក្សាជាមួយ​ក្រុមហ៊ុនបច្ចេកវិទ្យា និងស្ថាប័នអប់រំជាច្រើនទៀត ក្នុងគោលបំណងស្វែងរកយុទ្ធសាស្រ្ដពង្រឹងកិច្ចសហការ និងពាំនាំការងារពីចម្ងាយមកឱ្យវិស្វករបច្ចេកវិទ្យានៅកម្ពុជា។ដំណើរទស្សនកិច្ចនេះ បានផ្ដើមពីទីក្រុងប៉ារីសរួចបន្តទៅកាន់បែលហ្ស៊ិក ហូឡង់ និងស្វីស និងបញ្ចប់ត្រឹមប្រទេស​លុចសំបួ។​ នៅក្នុងដំណើរនោះ លោកស្រី និងក្រុមការងារបានមានឱកាសចូលរួមក្នុងពិព័រណ៍ VivaTech Expo ដែលធំបំផុតរបស់សហគមន៍អឺរ៉ុប ​បង្ហាញពីភាពប្តេជ្ញាដ៏មានកិត្យានុភាពរបស់កម្ពុជា ដែល​​មានចំពោះនវានុវត្តន៍បច្ចេកវិទ្យា។ ក្នុងឱកាសនាដំណើរទស្សនកិច្ចនេះដែរលោកស្រី ហ៊ាង​ អូមួយ បានចូលរួមបង្ហាញទីផ្សារបច្ចេកវិទ្យារបស់កម្ពុជាទៅកាន់ពិភពលោកបានដឹង ក្នុងព្រឹត្តិការណ៍ Luxembourg ASEAN DAY ដែលរៀបចំដោយសភាពាណិជ្ជកម្មលុចសំបួ។ តាមរយៈការគាំទ្រ និងជួយជ្រោមជ្រែងពីឯកឧត្តម នង សាកល ឯកអគ្គរាជទូតកម្ពុជា​ប្រចាំសហភាពអឺរ៉ុប លោកស្រី អូមួយ បានបង្ហាញទិដ្ឋភាពឌីជីថលដែលកំពុងរីកចម្រើន និងសក្តានុពលដ៏ធំធេងរបស់កម្ពុជា ដែលទាក់ទាញចំណាប់អារម្មណ៍យ៉ាងខ្លាំងពីដៃគូដ៏មានសក្តានុពលនៅអឺរ៉ុប។នៅឯប្រទេសស្វីស ​បន្ថែមពីលើការជួបប្រជុំកិច្ចពិភាក្សាសហប្រត្តិបត្តិការជាមួយស្ថាប័នរដ្ឋ ឯកជន និងអង្គការអន្តរជាតិ លោកស្រី អូមួយ ដែល​ក្នុងនាមជាផ្នែកមួយនៃ  E-Trade for Women, UN Women និង UNCTAD បានមានកិត្តិយសអញ្ជើញឱ្យចូលរួមក្នុងកិច្ចពិភាក្សាដោយបង្ហាញពីគោលបំណងក្នុងការបើកទ្វារដើម្បីតភ្ជាប់ប្រទេសកម្ពុជា ទៅកាន់បណ្ដាប្រទេសអឺរ៉ុបដើម្បីភាពរីកចម្រើននៃកំណើតសេដ្ឋកិច្ច។ លោកស្រីទទួលបានការគាំទ្រពី UNCTAD ដើម្បីសម្រេចបាននូវគោលដៅដែលផ្តល់អត្ថប្រយោជន៍មិនត្រឹមតែក្រុមហ៊ុន និងសហគមន៍របស់លោកស្រីប៉ុណ្ណោះទេ ប៉ុន្តែសម្រាប់ប្រទេសកម្ពុជាទាំងមូល។ដំណើរទស្សនកិច្ចទៅកាន់បណ្ដាប្រទេសអឺរ៉ុបនេះ គឺជាពេលវេលាដ៏សំខាន់មួយសម្រាប់វិស័យឌីជីថល។ ការគាំទ្រដ៏លើសលប់ពីដៃគូអន្តរជាតិ និងស្ថាប័នខ្មែរ​ បង្ហាញពីសករាជថ្មីនៃកិច្ចសហការ និងឱកាស។ ភាព​ជាអ្នកដឹកនាំប្រកបដោយចក្ខុវិស័យរបស់លោកស្រី អូមួយ កំពុងត្រួសត្រាយផ្លូវសម្រាប់វិស្វករបច្ចេកវិទ្យាកម្ពុជាឱ្យរីកចម្រើននៅលើឆាកអន្តរជាតិ ដែលនឹងពាំនាំប្រទេសកម្ពុជាឱ្យកាន់តែមានកេរ្តិ៍ឈ្មោះខ្លាំងនៅអាស៊ី។

ក្រសួងអភិឌ្ឍន៍ជនបទ កំពុងបន្តស្ថាបនាផ្លូវជនបទ ផ្ដល់ភាពងាយស្រួលការធ្វើដំណើរពលរដ្ឋ នៅតំបន់ដាច់ស្រយាល

2024/06/25 04:59:13 pm        109
Facebook Telegram Linkin
តាកែវ៖ រាជរដ្ឋាភិបាលកម្ពុជា ដែលមានក្រសួងអភិវឌ្ឍន៍ជទបទ ជាសេនាធិការ បាននឹងកំពុងខិតខំស្ថាបនាផ្លូវនៅទីជនបទឱ្យកាន់តែល្អប្រសើរ ដែលក្នុងនោះមានផ្លូវចាក់បេតុង ផ្លូវក្រាលកៅស៊ូពីរជាន់ និងផ្លូវក្រាលគ្រួសក្រហមជាដើម ដើម្បីបង្កភាពងាយស្រួល ក្នុងការធ្វើដំណើររបស់ពលរដ្ឋនៅទីជនបទ ក៏ដូចជាការដឹកជញ្ជូនកសិផល ជាពិសេសនៅក្នុងរដូវវស្សានេះ ។នៅក្នុងពេលដឹកនាំគណៈកម្មការអន្តរក្រសួង ចុះពិនិត្យវាយតម្លៃផ្លូវក្រាលកៅស៊ូពីរជាន់ (DBST) ចំនួន១ខ្សែ និងជួបសំណេះសំណាល ជាមួយពលរដ្ឋរស់នៅអមសងខាងផ្លូវ ស្ថិតក្នុងភូមិជ្រោយស្លែង ភូមិជើងបេង ឃុំគិរីចុងកោះ ស្រុកគិរីវង់ ខេត្តតាកែវ នៅថ្ងៃទី២៥ ខែមិថុនា ឆ្នាំ២០២៤ ឯកឧត្តមបណ្ឌិត នួន ដាញ៉ិល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ មានប្រសាសន៍ថា ផ្លូវគឺជាសរសៃឈាម ដ៏សំខាន់មួយ ក្នុងការអភិវឌ្ឍសេដ្ឋកិច្ចនៅកម្ពុជា ដូចនេះ រាជរដ្ឋាភិបាលតាំងពីអាណត្តិមុន រហូតដល់រាជរដ្ឋាភិបាលទី៧ នៅតែចាត់ទុក និងដាក់ចូលវិស័យនេះ នៅក្នុងយុទ្ធសាស្ត្រ បញ្ចកោណ ដំណាក់កាលទី១ ។ឯកឧត្តមបណ្ឌិតរដ្ឋលេខាធិការ បានបនុ្តថា មួយវិញទៀត ការអភិវឌ្ឍផ្លូវជនបទ ដើម្បីតភ្ជាប់រវាងទីជនបទ និង ទីប្រជុំជន ឬទីក្រុង ឱ្យកាន់តែខិតជិតគៀកគ្នា ពលរដ្ឋងាយស្រួលធ្វើដំណើរទៅមក ជាពិសេស ការនាំយកកសិផល ឬផលិតផលផ្សេងៗ ទៅកាន់ទីផ្សារបានឆាប់រហ័ស ។ឯកឧត្តមបណ្ឌិត នួន ដាញ៉ិល បន្ថែមទៀតថា មិនត្រឹមតែប៉ុណ្ណោះ ការប្រែក្លាយផ្លូវជនបទ ដែលពីមុនមាន សភាពភក់ជ្រាំ លំបាកក្នុងការធ្វើដំណើរនេះ វាជួយកាត់បន្ថយពេលវេលា ថវិកា មានសុវត្ថិភាព មិនបង្កការរំខាន សម្រាប់សិស្សានុសិស្សទៅកាន់សាលារៀន និងប្រជាពលរដ្ឋទៅកាន់មន្ទីរពេទ្យ កាន់តែឆាប់រហ័សជាងមុន ដែលទាំងនេះ គឺជាការគិតគូររបស់រាជរដ្ឋាភិបាល មិនថាត្រឹម តែនៅខេត្តតាកែវ មួយប៉ុណ្ណោះទេ គឺនៅទូទាំងប្រទេស ។ជាមួយនេះ ឯកឧត្តមបណ្ឌិតរដ្ឋលេខាធិការ ក៏បានអំពាវនាវដល់ប្រជាពលរដ្ឋ ដែលប្រើប្រាស់ផ្លូវនេះ សូមចូលរួមថែទាំ កុំដឹកលើសទម្ងន់កម្រិតកំណត់ មិនកាយកាប់គាស់ផ្លូវ មិនចង់សត្វពាហនៈលើផ្លូវ ឬចាក់ដីផ្ទះខ្ពស់ជាងផ្លូវ ដែលធ្វើឲ្ឱ្យមានទឹកដក់ ពេលមានភ្លៀងម្ដង បង្កឲ្យខូចផ្លូវជាដើម ។គួរបញ្ជាក់ថា ផ្លូវក្រាលកៅស៊ូពីរជាន់មួយខ្សែ ដែលគណៈកម្មការអន្តរក្រសួង ចុះពិនិត្យ និងវាយតម្លៃនេះ អនុវត្តស្ថាបនាដោយនាយកដ្ឋានវិស្វកម្ម នៃក្រសួងការពារជាតិ មាន ប្រវែង ៤ ៩០០ម៉ែត្រ ប្រភពថវិកាពីរាជរដ្ឋាភិបាល ស្ថាបនាដោយកងវិស្វកម្មលេខ១៨១ របស់នាយកដ្ឋានវិស្វកម្ម នៃក្រសួងការពារជាតិ ៕អត្ថបទ បាន សុខរិទ្ធិ

មន្ត្រីជំនាញកសិកម្ម បន្តចុះវាយតម្លៃលទ្ធផលនៃការអន្តរាគមន៍លើការកម្ចាត់ដង្កូវហ្វូង នៅខេត្តពោធិ៍សាត់

2024/06/25 04:52:16 pm        97
Facebook Telegram Linkin
ពោធិ៍សាត់ ៖ ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ទទួលបន្ទុកខេត្តពោធិ៍សាត់ នៅថ្ងៃទី២៥ មិថុនា ឆ្នាំ២០២៤នេះ បានដឹកនាំមន្ត្រីជំនាញចុះពិនិត្យវាយតម្លៃលទ្ធផលនៃការអន្តរាគមន៍ និងនាំយកដ្រូនដើម្បីបាញ់ថ្នាំកសិកម្មកម្ចាត់ដង្កូវហ្វូងបង្ហាញប្រជាកសិករ។​នៅក្នុងបណ្តាញសង្គម ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ការបន្តចុះពិនិត្យអន្តរាគមន៍នេះ ធ្វើឡើងនៅភូមិត្បែងជ្រុំ ឃុំត្នោតជុំ ស្រុកក្រគរ ខេត្តពោធិ៍សាត់ ក្នុងគោលបំណងសិក្សានិងវាយតម្លៃលើការរាតត្បាតរបស់ដង្កូវហ្វូង ហើយណែនាំដល់ប្រជាកសិករដែលចូលរួមប្រមាណជិត ២០០គ្រួសារ អំពីរបៀបប្រើថ្នាំកសិកម្មបាញ់កម្ចាត់ដង្កូវក្នុងតម្លៃសមរម្យ ហើយមិនប៉ះពាល់ដល់បរិស្ថាន និងសុខភាពប្រជាពលរដ្ឋ ស្របតាមស្តង់ដារបច្ចេកទេសត្រឹមត្រូវប្រកបដោយប្រសិទ្ធភាព និងប្រសិទ្ធផលខ្ពស់។ នាឱកាសនោះ ឯកឧត្តម ឃឹម ហ្វីណង់ បានអំពាវនាវទៅដល់កសិករទាំងអស់ត្រូវចុះពិនិត្យស្រែជាប្រចាំ ដោយសារបច្ចុប្បន្ននេះ ស្ថិតនៅក្នុងដំណាក់កាលផ្ទុះឡើងនៅដង្កូវហ្វូងនៅឡើយ។ បើសិនជាប្រជាកសិករមានភាពយឺតយ៉ាវក្នុងការចុះពិនិត្យឱ្យបានទាន់ពេលទេ ដង្កូវហ្វូងនោះអាចបំផ្លាញដំណាំស្រូវក្នុងរយៈពេល ២ទៅ៣ថ្ងៃ អស់តែម្តង។ ឯកឧត្តម បន្ថែមថា បើប្រជាកសិករជួបប្រទះនិងដង្កូវបំផ្លាញដំណាំស្រូវ ត្រូវរាយការណ៍ ឬទំនាក់ទំនងទៅអាជ្ញាធរមូលដ្ឋានដែលនៅជិតបំផុត ឬអាចទំនាក់ទំនងទៅមន្ត្រីកសិកម្មនៅតាមឃុំ-ស្រុក ដើម្បីឱ្យពួកគាត់ជួយផ្តល់ការណែនាំផ្នែកបច្ចេកទេស ឬរបៀបនៃការជ្រើសរើសថ្នាំសម្រាប់បាញ់សម្លាប់ដង្កូវនោះផងដែរ។ ឯកឧត្តម បានបញ្ជាក់ទៀតថា បើមិនមានការប្រែប្រួលទេ តាមការបញ្ជាផ្ទាល់ពីឯកឧត្តមរដ្ឋមន្រ្តី ឌិត ទីណា ចាប់ពីនេះ និងថ្ងៃបន្តបន្ទាប់ទៀត ថ្នាក់ដឹកនាំក្រសួងកសិកម្ម ព្រមទាំងក្រុមការងារក្រសួង រួមទាំងអាជ្ញាធរពាក់ព័ន្ធនៅទូទាំងប្រទេស នៅតែបន្តចុះយ៉ាងសស្រាក់សស្រាំយទៅគ្រប់ទីតាំងដែលមានការផ្ទុះរាតត្បាតដង្កូវហ្វូងបំផ្លាញ់ដំណាំស្រូវ ដើម្បីធ្វើការណែនាំអំពីរបៀបប្រើប្រាស់ថ្នាំកសិកម្មកម្ចាត់ដង្កូវហ្វូងជូនប្រជាកសិកម្មឱ្យបានជោគជ័យ។ គួរបញ្ជាក់ថា ខេត្តពោធិ៍សាត់រងផលប៉ះពាល់ដោយសារដង្កូវហ្វូងបំផ្លាញដំណាំស្រូវប្រជាកសិករតិចជាងគេ ក្នុងចំណោម១៥ផ្សេងទៀត ដោយសារមានការទប់ស្កាត់បានទាន់ពេល ធ្វើឱ្យកាត់ផ្តាច់ការវាយលុក និងការរីករាលដាលរបស់ដង្កូវ ទាំងតំបន់ដែលដង្កូវវាយលុក និងតំបន់ផ្សេងៗដែលកសិករបាញ់ថ្នាំកសិកម្មទប់ស្កាត់៕អត្ថបទ ៖ ឈិត បូរ៉ាវី

វីដេអូរបស់ក្រសួងកសិកម្ម ស្ដីពី «សំណង់ជម្រកត្រីសិប្បនិម្មិត៖ ក្ដីសង្ឃឹមថ្មីនៃប្រព័ន្ធអេកូឡូស៊ីបាតសមុទ្រកម្ពុជា» នឹងចាក់បញ្ចាំងក្នុងពិធីសម្ពោធមហោស្រពភាពយន្តអន្ដរជាតិកម្ពុជា លើកទី១៣

2024/06/25 04:49:52 pm        53
Facebook Telegram Linkin
ភ្នំពេញ ៖ នៅរាត្រីថ្ងៃទី២៥ ខែមិថុនា ឆ្នាំ២០២៤នេះ វីដេអូផលិតដោយក្រសួងកសិកម្ម រុក្ខាប្រមាញ់ និងនេសាទ នឹងត្រូវចាក់បញ្ចាំងនៅក្នុងពិធីសម្ពោធមហោស្រពភាពយន្តអន្ដរជាតិកម្ពុជា លើកទី១៣ ដែលរៀបចំធ្វើនៅសាលសន្និសីទចតុម្មុខ ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិតសភាចារ្យ ភឿង សកុណា រដ្ឋមន្ដ្រីក្រសួងវប្បធម៌និងវិចិត្រសិល្បៈ។មានរយៈពេល៥នាទី វីដេអូ ស្ដីពី «សំណង់ជម្រកត្រីសិប្បនិម្មិត៖ ក្ដីសង្ឃឹមថ្មីនៃប្រព័ន្ធអេកូឡូស៊ីបាតសមុទ្រកម្ពុជា» នឹងនាំអ្នកទស្សនាទៅកាន់កោះអាចម៍សេះ ក្នុងភូមិសាស្ត្រខេត្តកែប ដើម្បីឈ្វេងយល់អំពីកិច្ចការងារអភិរក្សធនធានជលផលបាតសមុទ្រ អនុវត្តដោយរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការអភិរក្សសមុទ្រកម្ពុជា ហៅកាត់ថា MCC តាមរយៈការទម្លាក់សំណង់ជម្រកត្រីសិប្បនិម្មិតនៅក្នុងតំបន់នេះ។សូមជម្រាបថា នេះជាលើកដំបូងនៅក្នុងប្រវត្តិសាស្ត្រមហោស្រពភាពយន្តអន្ដរជាតិកម្ពុជា ដែលក្រសួងកសិកម្ម រុក្ខាប្រមាញ់ និងនេសាទ​ នាំយកវីដេអូស្ដីពីលទ្ធផលនៃការងាររបស់ខ្លួន ចូលរួមចាក់បញ្ចាំងជូនដល់សាធារណជនទស្សនា។បន្ថែមពីលើការចាក់បញ្ចាំងនារាត្រីថ្ងៃនេះ ឯកឧត្តមរដ្ឋមន្ដ្រី ឌិត ទីណា នឹងអញ្ជើញចូលរួមជាអធិបតី បើកកម្មវិធី «ជុំវិញទន្លេមេគង្គ» ដែលជាផ្នែកមួយនៃមហោស្រពភាពយន្តអន្ដរជាតិកម្ពុជា នៅមជ្ឈមណ្ឌលសហប្រតិបត្តិការកម្ពុជា-ជប៉ុន នាព្រឹកថ្ងៃទី២៧ ខែមិថុនា ឆ្នាំ២០២៤ ផងដែរ៕ ដោយ ៖ ដារ៉ា

មនី្ទរវប្បធម៌ ខេត្តស្វាយរៀង ក្រើនរំឭកយុវជនគ្រប់ជំនាន់ឲ្យភ្ញាក់រឭក និងស្រឡាញ់វប្បធម៌ជាតិខ្លួនឯង

2024/06/25 03:48:26 pm        33
Facebook Telegram Linkin
ស្វាយរៀង ៖ លោកស្រី ឥន្ទ ណាគ្រី ប្រធានមនី្ទរវប្បធម៌ និងវិចិត្រសិល្បៈខេត្តស្វាយរៀង តាមរយៈBTV ព័ត៌មាន នាថ្ងៃទី២៥ ខែមិថុនា ឆ្នាំ២០២៤នេះ បានក្រើនរំឭកយុវជនគ្រប់ជំនាន់ឲ្យភ្ញាក់រឭក និងស្រឡាញ់វប្បធម៌ជាតិខ្លួនឯង។​លោកស្រី ឥន្ទ ណាគ្រី បានបន្តថា ក្នុងឆមាសទី១ ឆ្នាំ២០២៤នេះ ការអភិវឌ្ឍ និងអនុវត្តលើវិស័យវប្បធម៌ គឺមនី្ទរវប្បធម៌ ខេត្តស្វាយរៀង បានធ្វើការបង្ហាត់របាំគ្រប់ទម្រង់ ជូនសិស្សានុសិស្សនៅតាមអនុវិទ្យាល័យ វិទ្យាល័យ និងសាកលវិទ្យាល័យ រៀងរាល់ថ្ងៃសៅរ៍ និងថ្ងៃអាទិត្យ ដោយមិនគិតថវិកា នៅមនី្ទរវប្បធម៌ខេត្ត។ ក្រៅពីនោះមន្រី្តជំនាញ ក៏បានសហការជាមួយអាជ្ញាធរភូមិ ឃុំ ស្រុក និងមន្រី្តភូមិបាល ទាំង៨ស្រុក-ក្រុង ចុះវាស់វែងដីទីទួលបុរាណ និងធ្វើប្លង់ជាកម្មសិទិ្ធដីទ្រព្យសម្បតិ្តរដ្ឋ ដែលជាសម្បតិ្តបេតិកភណ្ឌវប្បធម៌ជាតិ។ ក្នុងនោះមនី្ទរវប្បធម៌ខេត្ត បានធ្វើឯកសារ ដែលធ្វើកម្មសិទិ្ធដីធ្លីរួចរាល់បានចំនួន៣៦០ប្លង់ ហើយយើងក៏កំពុងចុះធ្វើសកម្មភាពរាល់ថ្ងៃជាមួយអាជ្ញាធរទាំង៨ស្រុក ក្រុង និងជាពិសេសការងារការពារ ថែរក្សាដីទីទួលបុរាណដ្ឋាន ក្នុងនោះយើងបានចុះបញ្ជីកំណត់ព្រំ បោះបង្គោលការពារ បានចំនួន៥៥បង្គោលផងដែរ។ លោកស្រី ឥន្ទ ណាគ្រី បានសង្កត់ធ្ងន់ថា បច្ចុប្បន្នមន្រី្តជំនាញ បានចុះប្រមូលវត្ថុបុរាណ នៅតាមទីវត្តអារាម និងទីសាធារណៈ បានចំនួន១៧១ផ្ទាំង ដើម្បីយកមកអភិរក្ស ថែរក្សាទុក នៅក្នុងឃ្លាំងសារមនី្ទរខេត្តស្វាយរៀងផងដែរ។ ដូច្នេះដើម្បីជាកិច្ចតបស្នងដល់បុព្វបុរសយើង យើងជាកូនចៅជំនាន់ក្រោយត្រូវចូលរួមថែរក្សាវប្បធម៌ ប្រពៃណី សីលធម៌ ឱ្យបានជាដាច់ខាត៕អត្ថបទ៖ រដ្ឋា

អគារសាលប្រជុំសាលាស្រុកបន្ទាយអំពិល សម្ពោធដាក់ឱ្យប្រើប្រាស់ជាផ្លូវការ

2024/06/25 03:42:26 pm        167
Facebook Telegram Linkin
អគារសាលប្រជុំរបស់សាលាស្រុកបន្ទាយអំពិល ដ៏ថ្មីស្រឡាងមួយខ្នង ដែលទើប​បានបញ្ចប់​ការ​សាងសង់ ត្រូវបានសម្ពោធដាក់ឲ្យដំណើរការប្រើប្រាស់ជាផ្លូវការ ​ក្រោមអធិបតីភាពឯកឧត្ដម ប៉ែន កុសល្យ ​អភិបាលខេត្តឧត្ដរមានជ័យ ពិធីនេះធ្វើឡើងនៅបរិវេណសាលាស្រុកផ្ទាល់ ដោយមាន​សមាសភាព​ចូលរួម​យ៉ាងច្រើន​កុះករផងដែរ។លោក នៅ សំតារារិទ្ធ អភិបាលស្រុកបន្ទាយអំពិល បានលើកឡើងថា សាលប្រជុំថ្មីនេះ គឺជាសមិទ្ធផលថ្មីមួយបន្ថែមទៀត​របស់រដ្ឋបាលស្រុក ​សម្រាប់​ជួយ​សម្រួល​ក្នុងការអនុវត្តការងារ និង​ផ្តល់សេវាសាធារណៈ ជូនប្រជាពលរដ្ឋឱ្យបានទាន់ពេលវេលា​ ស្របតាមការយកចិត្តទុកដាក់ របស់ប្រមុខរាជរដ្ឋាភិបាលកម្ពុជា។ ​អគារសាលប្រជុំមួយខ្នងនេះ មានទំហំ ៨ ម៉ែត្រគុណ២០ ម៉ែត្រ ចំណាយ​ថវិកាសរុបចំនួន​ ៥៦៨០០ដុល្លារផងដែរ។ក្នុងពិធីនោះដែរ​ឯកឧត្ដម ប៉ែន កុសល្យ មានប្រសាសន៍ថា អគារសាលប្រជុំថ្មីនេះ​ពិតជា​មាន​សារៈប្រយោជន៍ខ្លាំង ​ក្នុងការសម្រួលដល់ការបំពេញការងារ ​និង​ការបង្កើន​ប្រសិទ្ធភាពការងារ​របស់រដ្ឋបាលស្រុក និងបម្រើដល់ផលប្រយោជន៍​សាធារណៈជូនប្រជាពលរដ្ឋ។ឯកឧត្តមអភិបាលខេត្ត ក៏បានជំរុញដល់រដ្ឋបាលស្រុក រដ្ឋបាលឃុំទាំងអស់​ត្រូវពង្រឹងនូវកិច្ចការងារ​បន្ថែម ​ជាពិសេសត្រូវរក្សាឲ្យបាន​នូវ​ស្ថេរភាព​នយោបាយ សុខសន្តិភាព​ សណ្តាប់ធ្នាប់សាធារណៈ និង​ការទប់ស្កាត់នូវល្បែងស៊ីសងគ្រប់ប្រភេទ ​ជំរុញនូវការអនុវត្តគោលនយោបាយ​ ភូមិ ឃុំ សង្កាត់ មាន​សុវត្ថិភាព និង​បន្តគាំទ្រនូវ​យុទ្ធសាស្ត្រ​ចតុកោណ​របស់​រាជរដ្ឋាភិបាល​ ក្នុងការផ្តល់សេវា​សាធារណៈ ត្រូវ​ដោះស្រាយបញ្ហា​ ជូនប្រជាពលរដ្ឋឲ្យបានទាន់ពេលវេលា​ ប្រកបដោយ​ យុត្តិធម៌ គុណធម៌ សមធម៌ តម្លាភាព ​និងប្រសិទ្ធភាពផងដែរ៕ 

អាជ្ញាធរខេត្តព្រះសីហនុ បង្ហាញវត្ថុតាងគ្រឿងញៀនជិត២តោន ដែលសមត្ថកិច្ចចំរុះបង្ក្រាបរឹបអូស មុននឹងយកទៅដុតកម្ទេចចោល

2024/06/25 03:13:03 pm        52
Facebook Telegram Linkin
ព្រះសីហនុ៖ អាជ្ញាធរខេត្តព្រះសីហនុ មានចូលរួមពីនគរបាលមន្ទីរប្រឆាំងគ្រឿងញៀនបានបង្ហាញវត្ថុតាងគ្រឿងញៀនជិត២តោន ដែលសមត្ថកិច្ចចំរុះបង្ក្រាបរឹបអូសបានក្នុងខេត្តព្រះសីហនុ ជាបន្តបន្ទាប់កន្លងមក មុននឹងយកទៅដុតកម្ទេចចោល។ សកម្មភាពបង្ហាញត្រួតពិនិត្យតាមនិតិវិធីនេះធ្វើឡើងនៅ ព្រឹកថ្ងៃឋតី២៥ ខែមិថុនា ឆ្នាំ២០២៤ នៅសាលាដំបូងខេត្តព្រះសីហនុ ក្រោមវត្តមាន ឯកឧត្តម សៀង សុខ ព្រះរាជអាជ្ញាអយ្យការអមសាលាដំបូងខេត្តព្រះសីហនុ និងអញ្ជើញចូលរួមពីលោកឧត្ដមសេនីយ៍ ឯក ឃឹង សារ៉ាត់ ប្រធានមន្ទីរ ប្រឆាំង បទល្មើស គ្រឿងញៀន ព្រមទាំងតំណាងកងកម្លាំងមានសមត្ថកិច្ចរួមមាននគរបាល កងរាជអាវុធហត្ថ មន្ត្រីតំណាងអាជ្ញាធររដ្ឋបាលខេត្ត និងមន្ត្រីបច្ចេកទេសពាក់ពន្ធ័។ឯកឧត្តម សៀង សុខ ព្រះរាជអាជ្ញាអយ្យការអមសាលាដំបូងខេត្តព្រះសីហនុ បានបញ្ជាក់ថា វត្ថុតាងគ្រឿងញៀនទាំងអស់នេះ នឹងយកទៅដុតកម្ទេចចោលជាសាធារណៈមុខមហាជនឆាប់ៗនេះ ៕ អត្ថបទ៖ កុម្ភះ

សេចក្តីថ្លែងការណ៍៖ សហភាពពលកម្មជាតិកម្ពុជា ប្រាប់ទៅបណ្ដាញអ្នកបញ្ជាទិញពីរបាយការណ៍បំភ្លៃរបស់សង់ត្រាល់

2024/06/25 03:11:08 pm        111
Facebook Telegram Linkin
ភ្នំពេញ៖ សហភាពពលកម្មជាតិកម្ពុជា (NLC) តំណាងឱ្យកម្មករនិយោជិត៧ម៉ឺននាក់ កាលពីថ្ងៃទី២៤ ខែមិថុនា បានចេញសេចក្តីថ្លែងការណ៍ ជូនបណ្ដាញអ្នកបញ្ជាទិញចំពោះរបាយការណ៍របស់ មជ្ឈមណ្ឌលសម្ព័ន្ធភាពការងារ និងសិទ្ធិមនុស្សហៅកាត់ថា «សង់ត្រាល់» ដែលផ្សព្វផ្សាយ បំភ្លៃការពិត ជ្រៀតជ្រែក ញុះញង់ បំបែកបំបាក់ លាបពណ៌សហជីពនៅកម្ពុជា។ ខ្លឹមសារនៃសេចក្តីថ្លែងការណ៍បានប្រាប់ទៅបណ្តាញអ្នកបញ្ជាទិញទាំងអស់ កុំជឿលើរបាការណ៍អង្គការសង់ត្រាល់ ព្រោះរបាយការណ៍លើកឡើងតែបញ្ហាដែលកើតឡើងរវាងសហជីព និងសហជីពក្នុងក្រុមហ៊ុនមួយតែប៉ុណ្ណោះ។ ខ្លឹមសារនោះមិនស៊ីគា្ន និងចំណងជើង នៃរបាយការណ៍ ហើយពុំអាចចាត់ទុកថាជាឧបសគ្គរារាំងភាពជា តំណាងសេរីភាពសហជីពទាំងអស់នៅកម្ពុជាឡើយ។ សហភាពពលកម្មជាតិកម្ពុជា (NLC) យល់ឃើញពាក្យថា សហជីព គឺជាអង្គការវិជ្ជាជីវៈឯករាជ្យ ដែលបង្កើត ឡើងដោយកម្មករនិយោជិតមួយក្រុម ដែលបានមូលមតិគ្នាក្នុងការបង្កើតឡើង ក្នុងគោលបំណងសម្រាប់ ការពារសិទ្ធិសេរីភាព និងបម្រើផលប្រយោជន៍ស្របច្បាប់របស់កម្មករនិយោជិត។ ក្នុងសេចក្តីថ្លែងការណ៍បញ្ជាក់ថា៖«នៅក្នុងប្រទេសកម្ពុជាសហជីពណាក៏ ឯករាជ្យដែរគ្រាន់តែមានស្ថាប័នមួយចំនួនចេះតែវាយតម្លៃដោយថាសហជីពនេះឯករាជ្យ សហជីពនោះមិនឯក រាជ្យតែប៉ុណ្ណោះ»។ ប្រភពដដែលបន្តថា មានសហព័ន្ធសហជីព និងអង្គការមួយចំនួនស្ថិតនៅក្រោម ការបង្គាប់បញ្ជារបស់អង្គការសង្គមស៊ីវិល ដែលទទួលជំនួយពីបរទេល និងបម្រើនយោបាយឱ្យជនបរទេសខិលខូចមួយចំនួន ហើយពួកគេតែងញុះញង់ឱ្យសហព័ន្ធសហជីពទាំងនោះ បង្កើតនូវរូបភាព ឬបញ្ហាផ្សេងៗ ដែលពួកគេចង់បាន ដើម្បីបង្កាច់បង្ខូចបំផ្លាញមុខមាត់ប្រទេសជាតិខ្លួនឯងលើ ឆាកអន្តរជាតិ បំផ្លាញសេដ្ឋកិច្ចជាតិ បំផ្លាញសេដ្ឋកិច្ចគ្រួសារ និងធ្វើឱ្យបងប្អូនកម្មករនិយោជិតភ័យខ្លាចបាត់បង់ការងារខាតបង់លុយកាក់ទៀតផង។ ក្នុងសេចក្តីថ្លែងការណ៍ដដែលបញ្ជាក់ថា៖«សហព័ន្ធ និងអង្គ ការប្រភេទនេះ តែងតែទទួលបាននូវជំនួយពីបរទេស ធ្វើការឱ្យបរទេស ដើម្បីបំផ្លាញផលប្រយោជន៍រួមរបស់ជនរួមជាតិ និងបំផ្លាញមុខមាត់ប្រទេសជាតិខ្លួនឯង»។ សហភាពពលកម្មជាតិកម្ពុជា (NLC) បានសង្កេតឃើញថាបច្ចុប្បន្នការចុះបញ្ចិការ សហភាពសហព័ន្ធសហជីព សហជីពមូលដា្ឋនណាក៏អាចចុះបញ្ជីបានដែរ ឱ្យតែគោរពតាមលក្ខខ័ណ្ឌដែលបានចែងក្នុងច្បាប់ស្តីពីសហជីព។ ក្នុងសេចក្តីថ្លែងការណ៍របស់ខ្លួន NLC បានស្នើសុំអង្គការសង់ត្រាល់ពិនិត្យ មើលចំណងជើងរបាយការណ៍របស់ខ្លួនឡើងវិញ ជៀសវាងជះឥទ្ធិពលអាក្រក់ខ្លាំង ដល់សតិអារម្មណ៍របស់អ្នកវិនិយោគទុន ដែលមានស្រាប់ និងកុំឱ្យប៉ះពាល់ដល់អារម្មណ៍ អ្នកវិនិយោគទុនមកថ្មីៗ ដែលមានបំណងចង់មកវិនិយោគទុននៅប្រទេសកម្ពុជាផងដែរ។ ជាមួយគ្នានោះ NLC ក៏បានស្នើសុំទៅស្ថាប័នសមត្ថកិច្ចពាក់ព័ន្ធធ្វើការស្រាវជ្រាវ ចាត់វិធានការតាមផ្លូវច្បាប់ចំពោះអ្នកនៅពីក្រោយខ្នងអង្គការ សង់ត្រាល់ និងអង្គេតទៅលើជំនួយផ្សេងៗ ដែលអង្គ ការ សង់ត្រាល់ បានទទួលមកដើម្បីធ្វើសកម្មភាពជាប្រចាំក្នុងចេតនាបញ្ហា បំប៉ោងការពិត ញុះញ៉ង បំផ្លិចបំផ្លាញសន្តិ សុខសណ្តាប់ធ្នាប់សាធារណៈ ធ្វើឱ្យមានអស្ថេរភាព ខាតប្រយោជន៍កម្មករ និយោជិត និងសង្គមជាតិយើងទាំងមូល៕

ក្រុមហ៊ុនហុងដាបានរួមចំណែកដល់ការងារ ការរលើកកម្ពស់ជីវភាពប្រជាជន និងសេដ្ឋកិច្ចកម្ពុជា

2024/06/25 03:00:46 pm        119
Facebook Telegram Linkin
ភ្នំពេញ ៖ រោងចក្រផ្គុំ និងដំឡើងម៉ូតូហុងដា មានសមត្ថភាពផលិតក្នុងមួយថ្ងៃ បានចំនួន ១ ៥០០ គ្រឿង, គិតមកដល់បច្ចុប្បន្ន ក្រុមហ៊ុន មួយនេះ ផលិតម៉ូតូសរុបបានចំនួនជាង ៤,៣ លានគ្រឿង និងបានកំពុងចូលរួមចំណែកដល់ជីវភាពរស់នៅប្រចាំថ្ងៃរបស់ប្រជាជន និងសេដ្ឋកិច្ចកម្ពុជា។​លោក ជា ហ៊ុយ អនុប្រធានក្រុមហ៊ុន NCX លើកឡើងនៅក្នុងដំណើរទស្សនកិច្ចរបស់ឯកឧត្តម ហែម វណ្ណឌី រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងប្រតិភូក្រសួង នៅរោងចក្រផលិតម៉ូតូ ហុងដា ថ្ងៃទី ២៤ ខែ មិថុនា ឆ្នាំ២០២៤ នេះ បានបង្ហាញទិដ្ឋភាពទូទៅនៃខ្សែច្រវាក់ផលិតកម្មរបស់ក្រុមហ៊ុន, មកដល់បច្ចុប្បន្នគ្រឿងបង្គុំម៉ូតូហុងដាឌ្រីម (Honda Dream) ភាគច្រើនត្រូវបានផលិតនៅក្នុងប្រទេសកម្ពុជា, មិនតែប៉ុណ្ណោះ គ្រឿងបង្គុំមួយចំនួន ក៏ត្រូវបានផលិតនាំចេញទៅប្រទេសជិតខាង ផងដែរ។ ការអភិវឌ្ឍនេះបានលើកមុខមាត់ផលិតផលកម្ពុជា និងបង្ហាញពីការរីកចម្រើននៃវិស័យឧស្សាហកម្មក្នុងស្រុក។តំណាងក្រុមហ៊ុនរូបនេះ បានបង្ហាញឲ្យដឹងទៀតថា ចំពោះដំណើរការផលិតនេះ ក្រុមហ៊ុនបានចាប់ផ្តើមពីការសង្កត់ពុម្ព និង ការផ្សាគ្រឿងបង្គុំ រហូតដល់ការជ្រលក់ថ្នាំ និងផ្គុំដំឡើង។ បច្ចុប្បន្នរោងចក្រមានសមត្ថភាពផលិតម៉ូតូហុងដាឌ្រីម បានចំនួន ១ ៥០០ គ្រឿង ក្នុងមួយវេន (មាន៨ម៉ោង), មកទល់ពេលបច្ចុប្បន្នក្រុមហ៊ុនហុងដា បានផលិតម៉ូតូសរុបជាង ៤,៣ លានគ្រឿង និងមាន បណ្តាញចែកចាយដ៏ទូលំទូលាយនៅទូទាំងប្រទេសផងដែរ។ជាការឆ្លើយតប, ឯកឧត្តម ហែម វណ្ណឌី បានកោតសរសើរក្រុមហ៊ុន ចំពោះនវានុវត្តន៍ការផលិតក្នុងស្រុក ជំនួសការនាំចូល និងបច្ច័យសេដ្ឋកិច្ចរបស់ក្រុមហ៊ុនសម្រាប់កម្ពុជា។ ឯកឧត្តមរដ្ឋមន្ត្រី បានលើកឡើងថា ម៉ូតូជាមធ្យោបាយធ្វើដំណើរដ៏មានសារៈសំខាន់ ទាំងសម្រាប់ជីវភាពរស់នៅប្រចាំថ្ងៃ និងសម្រាប់សេដ្ឋកិច្ចរបស់ប្រជាជនកម្ពុជា និងបានកោតសរសើរចំពោះប្រតិបត្តិការផលិត ក្នុងរយៈ ពេលជាង ២៥ ឆ្នាំកន្លងមកនេះ ជាពិសេសតួនាទីរបស់ក្រុមហ៊ុន ក្នុងការលើកកម្ពស់ផលិតផល "Made-In-Cambodia" ។ ឯកឧត្តមរដ្ឋមន្ត្រី បានលើកទឹកចិត្តឱ្យក្រុមហ៊ុន បើកខ្សែច្រវាក់ផលិតកម្មរបស់ខ្លួន ដល់សហគ្រាសធុនតូច និងមធ្យម បានមក សិក្សាស្វែងយល់ពីស្តង់ដារ និងវិន័យការងាររបស់ក្រុមហ៊ុន និងលើកទឹកចិត្តក្រុមហ៊ុនពិនិត្យលទ្ធភាព សហការជាមួយសហគ្រាស ធុនតូច និងមធ្យមក្នុងស្រុក ដើម្បីសិក្សាសក្តានុពលនៃការផលិត គ្រឿងបង្គុំមួយចំនួន ក្នុងចំណោមគ្រឿងបង្គុំជាង ៥០០ សម្រាប់ម៉ូតូ ហុងដាមួយគ្រឿង។ ក្រៅពីគោលការណ៍ខាងលើ, ឯកឧត្តមរដ្ឋមន្ត្រីបានស្នើឱ្យក្រុមហ៊ុន ហុងដា ពិចារណាបើកឱកាសដល់វិចិត្រករខ្មែរ អាចរួមចំណែកដល់ការរចនាម៉ូត និងការស្វែងរកជម្រើសផ្តល់ហិរញ្ញប្បទាន ដើម្បីពង្រីកលទ្ធភាពដល់ប្រជាជនកម្ពុជា ក្នុងការទិញម៉ូតូ ហុងដា និងបង្កើនភាពងាយស្រួលក្នុងការធ្វើដំណើរ។សូមបញ្ជាក់ថា ក្រុមហ៊ុន ហុងដា មានដៃគូក្នុងស្រុក គឺក្រុមហ៊ុន NCX Co., Ltd. បច្ចុប្បន្នបានបង្កើតការងារជាង ២ ០០០ កន្លែង ក្នុង ប្រទេសកម្ពុជា ។ NCX គឺជាក្រុមហ៊ុនផលិត និងចែកចាយផ្តាច់មុខ ម៉ូតូហុងដានៅកម្ពុជា ហើយបានរួមចំណែកយ៉ាងសំខាន់ដល់ការ បង្កើតការងារ តាមរយៈប្រតិបត្តិការផលិត ផ្គុំ និងចែកចាយផលិតផលហុងដារបស់ខ្លួនលើទីផ្សារ៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

រុស្ស៊ី៖ សញ្ញា ដើម្បីចាប់ផ្តើមការចរចាសន្តិភាពដោយផ្ទាល់ គួរតែចេញពីអ៊ុយក្រែន
04/28/2025 05:04 PM
Facebook Telegram Linkin
ប្រមុខការទូតបែលហ្ស៊ិក៖ សកម្មភាពរបស់ប្រទេសរ្វ៉ាន់ដានៅកុងហ្គោ មិនសមហេតុផលទាល់តែសោះ
04/28/2025 05:04 PM
Facebook Telegram Linkin
ស្នងការថាមពលសហភាពអឺរ៉ុប និយាយថា អឺរ៉ុបនៅតែពឹងផ្អែកលើឧស្ម័នរុស្ស៊ី
04/28/2025 05:04 PM
Facebook Telegram Linkin
អ្នកនាំពាក្យរដ្ឋាភិបាលហ្សកដានី និយាយថា ប្រទេសនេះ នៅតែគាំទ្រប៉ាឡេស្ទីនយ៉ាងរឹងមាំ
04/28/2025 05:04 PM
Facebook Telegram Linkin
កូរ៉េខាងត្បូងបញ្ជាឲ្យជម្លៀសមនុស្សជាង ១.២០០នាក់ ចេញពីទីក្រុង Daegu ដោយសារភ្លើងឆេះព្រៃ
04/28/2025 05:04 PM
Facebook Telegram Linkin
ក្រុមឃ្លាំមើលនុយក្លេអ៊ែររបស់ UN ស្ថិតនៅអ៊ីរ៉ង់ ដើម្បីបើកកិច្ចពិភាក្សាបច្ចេកទេស
04/28/2025 05:04 PM
Facebook Telegram Linkin
​ សមាជិកព្រឹទ្ធសភា៣រូបមកពីគណបក្សឆន្ទៈខ្មែរស្ញើបស្ងែង និងកោតសរសើរសម្តេចតេជោ រយៈពេលជាង ៤០ឆ្នាំចុងក្រោយនេះតែងតែរកផ្លូវចេញបានរហូត មិនដែលមានការទល់ច្រក និង បរាជ័យទេក្នុងការដឹកនាំកម្ពុជា
04/28/2025 05:04 PM
Facebook Telegram Linkin
«គុណភាព សុវត្ថិភាព និងប្រសិទ្ធភាព នៃផលិតផលឱសថ និងវ៉ាក់សាំង គឺមានសារៈសំខាន់ ដើម្បីចូលរួមការអភិវឌ្ឍប្រព័ន្ធសុខាភិបាលកម្ពុជា»
04/28/2025 05:04 PM
Facebook Telegram Linkin
កូរ៉េខាងត្បូងច្រានចោលការមានកិច្ចព្រមព្រៀងពន្ធជាមួយអាមេរិក មុនការបោះឆ្នោតថ្ងៃទី៣ ខែមិថុនា
04/28/2025 05:04 PM
Facebook Telegram Linkin
កូរ៉េខាងត្បូង៖ ការបញ្ជាក់ការបញ្ជូនទាហានទៅធ្វើសង្រ្គាមអ៊ុយក្រែនរបស់កូរ៉េខាងជើង គឺជាការទទួលស្គាល់ទង្វើឧក្រិដ្ឋកម្ម
04/28/2025 05:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.