BTV NEWS

‎អនុប្រធាន សមាគមអតីតយុទ្ធជន អញ្ជើញប្រគល់ផ្ទះជូនគ្រួសារសមាជិកពលីមានជីវភាពខ្វះខាត ក្នុងខេត្តកំពង់ចាម

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្ដេចកិត្តិព្រឹទ្ធបណ្ឌិត៖ ការវិនិយោគលើឆ្មប ជាការវិនិយោគលើស្ត្រី កុមារ គ្រួសារ និងអនាគតនៃសង្គមជាតិ

ព័ត៌មានជាតិ

កម្ពុជា-ម៉ាឡេស៊ី រក្សាកិច្ចសហប្រតិបត្តិការទ្វេភាគីដ៏ល្អ និងសម្រេចបាននូវលទ្ធផលផ្លែផ្កាលើការអភិវឌ្ឍវិស័យសុខាភិបាល

ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានទទួលស្វាគមន៍ ឯកឧត្តម ស្យាហារ៉ូឌីន អ៊ន (HE Mr. Shaharuddin Onn) ឯកអគ្គរាជទូតម៉ាឡេស៊ី ប្រចាំព្រះរាជាណាចក្រកម្ពុជា និងគណៈប្រតិភូជួបសម្តែងការគួរសម និងពិភាក្សាការងារលើកិច្ចសហប្រតិបត្តិការកម្ពុជា-ម៉ាឡេស៊ី, នាព្រឹកថ្ងៃទី៦ ខែសីហា ឆ្នាំ២០២៥នេះ។ឯកឧត្តមសាស្ត្រាចារ្យរដ្ឋមន្ត្រី បានថ្លែងអំណរគុណដល់រដ្ឋាភិបាលម៉ាឡេស៊ី លើកិច្ចសហការគាំទ្រវិស័យសុខាភិបាល ចូលរួមលើកកំពស់សុខុមាលភាពប្រជាជនកម្ពុជា និងបានរួមចំណែកធ្វើឱ្យប្រសើរឡើងប្រព័ន្ធសុខាភិបាល នៅកម្ពុជានាពេលកន្លងមក។ ឯកឧត្តមឯកអគ្គរាជទូត បានថ្លែងអំណរគុណ ឯកឧត្តមសាស្ត្រាចារ្យរដ្ឋមន្ត្រី ដែលបានទទួលជួបពិភាក្សាការងារនាឱកាសដ៏សែនមមាញឹកនេះ និងបានបង្ហាញអំពីជំហរដ៏រឹងមាំក្នុងការពង្រឹង និងពង្រីកកិច្ចសហប្រតិបត្តិការលើវិស័យសុខាភិបាល បន្ថែមទៀត រួមមានការបណ្តុះបណ្តាលធនធានមនុស្ស ការផ្លាស់ប្តូរបទពិសោធន៍ ការសហការស្រាវជ្រាវពីជំងឺគ្រុនឈាម ជំងឺគ្រុនចាញ់ និងសុខភាពទេសចរ។កម្ពុជា-ម៉ាឡេស៊ី តាមរយៈជំនួប បានបញ្ជាក់ជាថ្មីម្តងទៀតពីការបេ្តជ្ញារួមគ្នាស្វាគមន៍កិច្ចសហប្រតិបត្តិការជាដៃគូល្អ មិត្តល្អ ពង្រឹង និងពង្រីក ភាពជិតស្និទ្ធរវាងសុខាភិបាល នៃប្រទេសទាំងពីរ ដើម្បីលើកកម្ពស់សុខុមាលភាពរបស់ប្រជាជនកម្ពុជា ស្របតាមយុទ្ធសាស្រ្តបញ្ចកោណដំណាក់កាលទី១ នៃរាជរដ្ឋាភិបាលអាណត្តិទី៧ ក្រោមការដឹកនាំប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕ អត្ថបទ៖ រដ្ឋា

អគ្គស្នងការដ្ឋាននគរបាលជាតិ កែសម្រួលសមាសភាពក្រុមព័ត៌មានទាន់ហេតុការណ៍ជាមួយជនបរទេស

ភ្នំពេញ៖ នាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ បានធ្វើការកែសម្រួលសមាសភាពក្រុមការងារទាន់ហេតុការណ៍ (HOTLINE) ជាមួយជនបរទេសទាំងអស់ប្រចាំនៅក្នុងប្រទេសកម្ពុជា ដើម្បីបង្កលក្ខណៈងាយស្រួល ដល់កិច្ចសហការ និងទំនាក់ទំនងល្អ ក្នុងផ្ដល់ព័ត៌មានទៅវិញទៅមក ទាក់ទងនឹងការងារ សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ក្នុងពិធីប្រកាសជាផ្លូវការ នៃការកែសម្រួល នៅថ្ងៃទី៦ ខែសីហា ឆ្នាំ២០២៥នេះ មានការចូលរួមពីគ្រប់ស្ថានទូត និងស្ថានកុងស៊ុលទាំងអស់ប្រចាំប្រទេសកម្ពុជា នាយឧត្តមសេនីយ៍ ស ថេត បានថ្លែងថា ក្រុមព័ត៌មានទាន់ហេតុការណ៍នេះ ជាយន្តការដ៏ចាំបាច់មួយដែលត្រូវបង្កើតឡើង ក្នុងគោលបំណងសំខាន់ៗ រួមមាន លើកកម្ពស់ប្រសិទ្ធភាពនៃការផ្លាស់ប្ដូរ ឬចែករំលែកព័ត៌មានអំពីសភាពការណ៍ និងស្ថានភាពរបស់ជនបរទេស ដើម្បីធានាឲ្យបាននូវសន្តិសុខ សុវត្ថិភាព និងការពារផលប្រយោជន៍ជូន ពួកគាត់ឲ្យបានល្អប្រសើរ, ធ្វើកិច្ចសហការ និងទំនាក់ទំនងល្អរវាងជនបរទេសទាំងអស់ និងកងកម្លាំងមានសមត្ថកិច្ច នៃអគ្គស្នងការដ្ឋាននគរបាលជាតិ ដើម្បីផ្តល់ព័ត៌មានទៅវិញទៅមក ក្នុងគោលដៅបង្ការ ទប់ស្កាត់ និងបង្ក្រាប រាល់បាតុភាព អំពើភេរវកម្ម អំពើដែលបង្កឲ្យមានអសន្តិសុខ អំពើល្មើសច្បាប់ ឬបញ្ហាផ្សេងទៀត ឲ្យបានទាន់ពេលវេលា ។ឯកឧត្តមបន្ថែមថា ពង្រឹងនិងលើកកម្ពស់ប្រសិទ្ធភាព ការងារការពារសន្តិសុខ សណ្តាប់ធ្នាប់ សាធារណៈ និងសេចក្តីសុខសុវត្ថិភាពដល់ជនបរទេស ដោយរួមបញ្ចូលទាំងនិវេសនដ្ឋាន ទីតាំង ស្ថានទូត ស្ថានកុងស៊ុល និងមន្ត្រីការទូតទាំងអស់ និងការពារសន្តិសុខ និងសុវត្ថិភាព ជូនវិនិយោគិន និងអ្នកទេសចរណ៍បរទេសទាំងអស់ឲ្យបានកាន់តែល្អប្រសើរ ក្នុងគោលដៅទាក់ទាញវិនិយោគិន និងទេសចរណ៍អន្តរជាតិចូលកម្ពុជា ។នាយឧត្តមសេនីយ៍ ស ថេត បានអះអាងថា ដោយមានការយកចិត្តទុកដាក់ខ្ពស់ និងការគាំទ្រពីរាជរដ្ឋាភិបាលកម្ពុជា និងក្រសួងមហាផ្ទៃ អគ្គស្នងការដ្ឋាននគរបាលជាតិ បានខិតខំប្រឹងប្រែងបំពេញបេសកកម្មស្នូលរបស់ខ្លួន ក្នុងស្មារតីទទួលខុសត្រូវ និងការប្តេជ្ញាចិត្តខ្ពស់ តាមរយៈការដាក់ចេញនូវយន្តការនិងវិធានការនានា ដើម្បីធ្វើការបង្ការទប់ស្កាត់ និងបង្ក្រាបបទល្មើសគ្រប់ប្រភេទ រួមទាំង បទល្មើសឆបោក តាមប្រព័ន្ធបច្ចេកវិទ្យា ដោយសម្រេចបានលទ្ធផលជាបន្តបន្ទាប់ ដូចជា ការចាប់បញ្ចូន ជនល្មើសទៅតុលាការដើម្បីផ្តន្ទាទោសតាមច្បាប់ ការចាត់បញ្ចូនជនបទេសទៅប្រទេសកំណើតវិញតាមនីតិវិធី ការជួយសង្គ្រោះជនរងគ្រោះជាដើម ។គួរបញ្ជាក់ថា អគ្គស្នងការដ្ឋាននគរបាលជាតិ ដែលមានក្រុមព័ត៌មានទាន់ហេតុការណ៍ (HOTLINE) ថ្មីនេះ ជាសេនាធិការ ប្តេជ្ញាបន្តបំពេញបេសកកម្មស្នូលរបស់ខ្លួន ប្រកបដោយប្រសិទ្ធភាព ដើម្បីទទួលដោះស្រាយរាល់ទុក្ខកង្វល់ និងសំណើនានារបស់ជនបរទេសគ្រប់រូប ដែលកំពុងមានវត្តមាននៅកម្ពុជា ដោយផ្ទាល់ភ្លាមៗឲ្យបានឆាប់រហ័ស និងទាន់ពេលវេលា តាមលទ្ធភាពដែលអាចធ្វើបាន ឬតាមរយៈស្ថានទូត ស្ថាន កុងស៊ុលសាមី ប្រចាំព្រះរាជាណាចក្រកម្ពុជា ក្នុងគោលដៅទទួលបាននូវការជឿជាក់ ទាំងក្នុងក្របខ័ណ្ឌជាតិ និងអន្តរជាតិ លើការដឹកនាំរបស់រាជរដ្ឋាភិបាលកម្ពុជា និងក្រសួងមហាផ្ទៃ ព្រមទាំងជឿទុកចិត្តលើការប្ដេជ្ញាចិត្តខ្ពស់របស់អគ្គស្នងការដ្ឋាននគរបាលជាតិ លើកិច្ចការងារនេះ ៕ អត្ថបទ បាន សុខរិទ្ធិ

PRESS BRIEFING -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )

Press Briefing -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )Keynote Address by H.E. LTG. Maly Socheata, the Ministry of National Defense Spokesperson:I would like to update about the situation at the frontlines border, from 6:00 a.m. to 10:00 a.m. this morning, the situation along the frontlines in Preah Vihear and Oddar Meanchey provinces remained calm and stable. The Cambodian Armed Forces continue to maintain a strong presence, demonstrating full vigilance and unwavering commitment to carrying out their duties with professionalism. The situation in the An Ses area is being closely monitored by Cambodian forces to further reinforce the spirit of the ceasefire. Cambodia reaffirms its steadfast commitment to respecting and fully implementing the ceasefire agreement reached on 28 July 2025 in Putrajaya, Malaysia.The Cambodian Armed Forces support the Royal Government’s position to resolve the dispute in accordance with international law and through peaceful means. Cambodia intends to build its borders with all neighboring countries as zones of peace, friendship, collaboration, and development, and is committed to preserving its territorial integrity of Cambodia. I would also like to reiterate the terms and conditions agreed upon in the ceasefire agreement between the Cambodian forces and Thai force, including:1. Cessation of Hostilities2. Non-Deployment of Additional Forces3. Maintenance of Current Positions4. Joint Monitoring and Communication MechanismsThese principles are being upheld through the clear, firm, and unwavering determination of the Royal Government of Cambodia, along with the full commitment of the Cambodian Armed Forces, to fully and faithfully implement the ceasefire agreement. This commitment reflects Cambodia’s sincere efforts to achieve a swift and peaceful resolution to the current situation. The Cambodian Armed Forces fully support the Royal Government’s position to resolve the dispute through peaceful means and in accordance with international law. Cambodia remains firmly committed to preserving its territorial integrity and envisions its borders with all neighboring countries as zones of peace, friendship, cooperation, and development.For more information, I will keep you posted in the next update at 4pm.

អ្នកនំាពាក្យ៖ គ្រឹះស្ថានធនាគារ និងហិរញ្ញវត្ថុ ៦៨ហើយ បានប្រកាសលុបបំណុលជូនយោធិនពលី

ចាប់តាំងពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអំពាវនាវឲ្យគ្រឹះស្ថានធនាគារ និងហិរញ្ញវត្ថុពិនិត្យលទ្ធភាពក្នុងការជួយសម្រាលបន្ទុកហិរញ្ញវត្ថុសម្រាប់វិរកងទ័ព ដែលកំពុងធ្វើប្រតិបត្តិការយ៉ាងសកម្មនៅក្នុងបុព្វហេតុការពារបូរណភាពទឹកដីនៅក្នុងតំបន់ប្រយុទ្ធតាមខ្សែបន្ទាត់ព្រំដែនកម្ពុជា-ថៃ រហូតមកដល់ពេលនេះ គ្រឹះស្ថានធនាគារ និងហិរញ្ញវត្ថុចំនួន ៦៨ គ្រឹះស្ថានហើយ បានសម្រេចលុបបំណុលទាំងស្រុងជូនយោធិនពលីក្នុងការប៉ះទង្គិចគ្នាជាមួយយោធាថៃ។ នេះគឺជាការអនុវត្តន៍យ៉ាងពេញលេញទៅតាមសេចក្តីណែនាំរបស់ប្រមុខរាជរដ្ឋាភិបាល និងធនាគារជាតិ នៃកម្ពុជា។ក្នុងស្មារតីសាមគ្គីភាព មនុស្សធម៌ និងរួមគ្នាដើម្បីជួយសម្រាលបន្ទុកដល់យោធិនដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ ក្នុងការប៉ះទង្គិចគ្នាដោយប្រដាប់អាវុធនៅតាមបន្ទាត់ព្រំដែនកម្ពុជា-ថៃ មានគ្រឹះស្ថានធានាគារ និងហិរញ្ញវត្ថុជាច្រើនបានសម្រេចលុបចោលបំណុលទាំងស្រុង ជូនដល់យោធិនពលី និងអ្នករួមខ្ចី ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ លោក កាំង តុងងី អ្នកនាំពាក្យសមាគមគ្រឹះស្ថានមីក្រូហិរញ្ញវត្ថុកម្ពុជា បានប្រាប់វិទ្យុបាយ័នថា សម្រាប់សេចក្តីណែនាំដែលចេញដោយធនាគារ ជាតិនៃកម្ពុជា គឺសមាជិកនៃសមាគមមីក្រូហិរញ្ញវត្ថុកម្ពុជាទាំងអស់គាំទ្រពេញទំហឹង និងចូលរួមអនុវត្តន៍យ៉ាងពេញលេញតាមសេចក្តីណែនាំរបស់ធនាគារជាតិ នៃកម្ពុជា ក៏ដូចជា ប្រមុខរាជរដ្ឋាភិបាល។លោក កាំង តុងងី មានប្រសាសន៍ថា៖ «រហូតមកដល់បច្ចុប្បន្ននេះ គឺគ្រឹះស្ថានជាសមាជិករបស់សមាគមមីក្រូហិរញ្ញវត្ថុចំនួន ៦៨ ហើយ ដែលគាត់បានប្រកាសជាសាធារណៈថាគាត់នឹងលុបបំណុលក្រុមគ្រួសារយោធិនពលីរបស់យើង។ក្នុងនោះរួមមាន គ្រឹះស្ថានធនាគារ ចំនួន ២២, គ្រឹះស្ថានមីក្រូហិរញ្ញវត្ថុ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ៣៤,គ្រឹះស្ថានឥណទានជនបទ១០ និង ២ក្រុមហ៊ុនភតិសន្យា»។លោក តុងងី បន្ថែមថា ជាក់ស្តែង គ្រឹះស្ថានរបស់សមាគមទាំងអស់បានអនុវត្តន៍លើសពីអ្វីដែលធនាគារ ជាតិនៃកម្ពុជាថែមទៀតផង បើទោះជា គ្រឹះស្ថានផ្សេងទៀត អត់បានប្រកាសជាសាធារណៈក៏ដោយ ក៏ពួកគាត់នៅតែបន្តអនុវត្តន៍យ៉ាងពេញលេញតាមសេចក្តីណែនាំរបស់ធនាគារ ជាតិ នៃកម្ពុជា ហើយ ម្យ៉ាងទៀតមានគ្រឹះស្ថានខ្លះអតថិជនរបស់គាត់មិនសូវមានជាក្រុមយោធា ឬក៏មិនសូវមានប្រតិបត្តិការនៅតំបន់ព្រំដែន ជាដើម ដូច្នេះហើយ ទើបគាត់អត់ប្រកាសនោះទេ ដោយសារគាត់អត់មានអតិថិជននៅម្តុំហ្នឹង។លោកបញ្ជាក់ទៀតថា ៖ «ចំពោះការអនុវត្តន៍ យើងបានចាប់ផ្តើមអនុវត្តន៍តាំងពីចេញសេចក្តីណែនាំហ្នឹងមកម្លេះ គឺគ្រឹះស្ថានគាត់នឹងធ្វើការជាមួយហ្នឹងអតិថិជន ឬអាជ្ញាធរក្នុងតំបន់ដោយសារតែ ហើយក៏មានករណីក្រុមគ្រួសារខ្លះកំពុងមានទុក្ខធុរៈមានបុណ្យសព យើងក៏មិនទាន់ចូលទៅដែរ ដោយសារទុកឱកាសឱ្យក្រុមគ្រួសារធ្វើពិធីកាន់ទុក្ខសិន បន្ទាប់មកបានយើងចាប់ផ្តើមធ្វើការជាមួយហ្នឹង ក្រុមគ្រួសារយោធិនពលីរបស់យើង ក៏ដូចជា ក្រុមគ្រួសារផ្សេងទៀត ជាជនភៀសសឹក ផងដែរ»។ក្នុងចំណោមសេចក្តីសម្រេចរបស់ធនាគារ ជាតិ នៃកម្ពុជា ៤ចំណុច គឺមានចំណុចមួយបានបញ្ជាក់ថា គ្រឹះស្ថានធនាគារនិងហិរញ្ញវត្ថុ គឺនឹងលុបចោលឥណទានរហូតដល់ចំនួន ១០ (ដប់លាន)រៀលរបស់អតិថិជនជាយោធិនពិការនៅសមរភូមិបច្ចុប្បន្ន និងលុបចោលឥណទានរហូតដល់ចំនួន ៨០(ប៉ែតសិប) លានរៀល (ប្រហែល ២០ ០០០ដុល្លារ) របស់អតិថិជន ឬអ្នករួមខ្ចីជាយោធិនពលី។ លើសពីនេះ គ្រឹះស្ថានធនាគារ និងមីក្រូហិរញ្ញវត្ថុ ក៏នឹងផ្តល់លក្ខខ័ណ្ឌពិសេសមួយចំនួនទៀត ដល់ជនភៀសសឹងផងដែរ៕

ខេត្តចំនួន៦នៅកម្ពុជា ប្រកាសមានតម្រូវការកម្លាំងពលកម្មចំនួនជាង ២ម៉ឺនកន្លែង

តាមការផ្សព្វផ្សាយឱកាសការងារ នៅតាមរាជធានីខេត្តទូទាំងប្រទេសរបស់ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី៦ ខែសីហានេះ បណ្ដាខេត្តចំនួន៦ កំពុងមានតម្រូវការកម្លាំងពលកម្មពីបណ្តាក្រុមហ៊ុន រោងចក្រ សហគ្រាស ចំនួនសរុបជាង ២ម៉ឺន ២ពាន់កន្លែង ដែលភាគច្រើន គឺជាវិស័យឧស្សាហកម្ម និងសេវាកម្ម។ខេត្តទាំង៦នោះ រួមមាន ខេត្តកំពង់ចាម កំពង់ឆ្នាំង កំពង់ធំ កំពត ត្បូងឃ្មុំ និងខេត្តបន្ទាយមានជ័យ ដែលមានក្រុមហ៊ុន រោងចក្រ សហគ្រាសចំនួន ១១៤ កំពុងមានតម្រូវការកម្លាំងពលកម្ម ២២ ៩៤៥ កន្លែង ដែលភាគច្រើនគឺជាវិស័យឧស្សាហកម្ម និងសេវាកម្ម។ពាក់ព័ន្ធទៅនឹងតម្រូវការកម្លាំងពលកម្មនេះ លោក សំ សឿន ប្រធានសហព័ន្ធសហជីពដើម្បីសិទ្ធិការងារ បានឱ្យដឹងថា ក្នុងនាមជាសហជីពដែលតំណាងឱ្យភាគីកម្មករនិយោជិត និងមានទំនាក់ទំនងច្រើនជាមួយភាគីនិយោជក បានមើលឃើញថា រោងចក្រ សហគ្រាស នៅមានតម្រូវការកម្លាំងពលកម្មជាច្រើន នេះនិយាយចំពោះរោងចក្រ សហគ្រាសដែលបានបើកដំណើរការរួចហើយ។ ដោយឡែក រោងចក្រ សហគ្រាស ដែលកំពុងតែរៀបចំបើកដំណើរការនៅខាងមុខឆាប់ៗនេះ ក៏ត្រូវការកម្លាំងពលកម្មជាច្រើនកន្លែងផងដែរ ហើយអ្វីដែលមើលឃើញទៀតថា ប្រជាពលរដ្ឋ ក៏ដូចជាពលករត្រឡប់មកពីប្រទេសថៃចូលបំពេញការងារនៅកម្ពុជាវិញនេះ នឹងធ្វើឱ្យអ្នកវិនិយោគកាន់តែមានជំនឿចិត្តក្នុងការសម្រេចបាននូវផែនការផលិត តាមរយៈកម្លាំងពលកម្មដែលមានគ្រប់គ្រាន់។អ្នកស្រី ម៉េត ស្រីពៅ មានស្រុកកំណើតនៅខេត្តកណ្តាល បច្ចុប្បន្នជាកម្មការិនីរោងចក្រកាត់ដេរនៅរាជធានីភ្នំពេញ បានឱ្យដឹងថា គិតមកទល់ពេលនេះបានធ្វើការងារក្នុងវិស័យរោងចក្ររយៈពេល ១៣ឆ្នាំមកហើយ ដោយមិនមានបញ្ហាអ្វីនោះទេ ពីព្រោះមានការយកចិត្តទុកដាក់ពីរាជរដ្ឋាភិបាលកម្ពុជា ក៏ដូចជាថៅកែរោងចក្រ ដែលមានប្រាក់ខែបើកទៀងទាត់ចំនួន២លើក ក្នុងមួយខែ និងការទទួលបានការដំឡើងប្រាក់ឈ្នួលអប្បបរមាជារៀងរាល់ឆ្នាំផងដែរ។ក្រុមកម្មការិនី ក៏បានអំពាវនាវដល់ប្រជាពលរដ្ឋ ជាពិសេសពលករខ្មែរនៅប្រទេសថៃ ឱ្យត្រឡប់មកស្រុកកំណើតវិញ ព្រោះបច្ចុប្បន្នកម្ពុជាសម្បូរការងារធ្វើ ទទួលបានចំណូលមិនចាញ់ការងារនៅប្រទេសថៃ ហើយមានអត្ថប្រយោជន៍ច្រើនទៀតផង។បើតាមក្រសួងការងារ គិតត្រឹមថ្ងៃទី៦ ខែសីហានេះ ពលករខ្មែរឆ្លងដែនតាមច្រកនានាចេញពីប្រទេសថៃមកកាន់ប្រទេសកម្ពុជាវិញ មានចំនួនប្រមាណ ៧៥ ម៉ឺននាក់ ក្នុងនោះពលករចំនួនជាង ១ម៉ឺននាក់ ទទួលបានឱកាសការងារដែលធ្វើការនៅក្នុងរោងចក្រ សហគ្រាសនៅកម្ពុជា។ ក្រសួងក៏បានអំពាវនាវដល់ប្រជាពលរដ្ឋ និងពលករ ដែលមានបំណងស្វែងរកការងារ អាចទំនាក់ទំនងបានទៅកាន់លេខ ១២៩៧ ដើម្បីទទួលបានឱកាសការងារភ្លាមៗផងដែរ៕ អត្ថបទ៖ ឈិត បូរ៉ាវី

រដ្ឋបាលខេត្តបាត់ដំបងកំពុងជួយសម្របសម្រួលពលករខ្មែរមកពីប្រទេសថៃតាមច្រកព្រំដែនអន្តរជាតិដូង ខណៈមានពលករខ្មែរជាង១០ម៉ឺននាក់បានត្រឡប់មកវិញនៅព្រឹកនេះ

ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ ម៉េត រ៉ាវីចិត្រ សុខ លូ ព្រមទាំងក្រុមការងារគ្រប់ផ្នែកទាំងអស់កំពុងសស្រាក់សស្រាំក្នុងការជួយសម្របសម្រួលដំណើរវិលត្រឡប់របស់ពលករខ្មែរមកពីប្រទេសថៃតាមច្រកទ្វារព្រំដែនអន្តរជាតិដូង ស្រុកកំរៀង ខណៈតាមតួលេខបឋមនៅថ្ងៃទី៦ ខែសីហា ឆ្នាំ២០២៥នេះ មានពលករខ្មែរប្រមាណជាង១០ម៉ឺននាក់បាននិងកំពុងសម្រុកចាកចេញពីប្រទេសថៃវិលត្រឡប់មកស្រុកកំណើតវិញ។ក្នុងឱកាសនោះ ឯកឧត្តម សុខ លូ ថ្លែងឱ្យដឹងថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានយកចិត្តទុកដាក់ និងផ្ដល់រថយន្តក្រុងរាប់រយគ្រឿងដើម្បីដឹកជញ្ជូនបងប្អូនពលករខ្មែរទៅដល់ស្រុកកំណើតរៀងៗខ្លួនប្រកបដោយសុខសុវត្ថិភាព។ឯកឧត្តម សុខ លូ សង្កត់ធ្ងន់ថា អាជ្ញាធរ កងកម្លាំង មន្រ្តីរាជការ យុវជន និងគ្រប់ភាគីពាក់ព័ន្ធកំពុងខិតខំជួយសម្របសម្រួល និងជញ្ជូនអីវ៉ាន់ពលករខ្មែរដោយមិនគិតពីការនឿយហត់នោះឡើយ។បងប្អូនពលករខ្មែរ បានបង្ហាញអារម្មណ៍សប្បាយរីករាយដែលបានវិលត្រឡប់មកដល់ស្រុកកំណើតវិញដោយមានការទទួលស្វាគមន៍យ៉ាងកក់ក្ដៅពីអាជ្ញាធរ មន្ត្រីពាក់ព័ន្ធដែលបានជួយសម្របសម្រួល។បងប្អូនពលករខ្មែរបានថ្លែងអំណរគុណដល់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាដែលតែងតែយកចិត្តទុកដាក់គិតគូរពីសុខទុក្ខ និងផ្ដល់រថយន្តក្រុងសម្រាប់ដឹកជញ្ជូនទៅដល់ស្រុកកំណើតដោយឥតគិតថ្លៃ។សូមរំលឹកថា ជាបន្តបន្ទាប់ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានណែនាំដល់អាជ្ញាធរ មន្រ្តីជំនាញ កងកម្លាំង និងគ្រប់ភាគីពាក់ព័ន្ធទាំងអស់ដែលកំពុងប្រចាំការនៅច្រកទ្វារព្រំដែនអន្តរជាតិដូង ស្រុកកំរៀង ត្រូវបន្តខិតខំយកចិត្តទុកដាក់បង្កលក្ខណៈងាយស្រួល និងជួយសម្របសម្រួលដំណើរវិលត្រឡប់របស់ពលករខ្មែរមកពីប្រទេសថៃ៕

សមត្ថកិច្ចជំនាញ ចុះចាប់រថយន្ត ១គ្រឿង ដឹកសាច់សត្វបង្កកចំនួន ៦៧៨០គីឡូក្រាម

ភ្នំពេញ ៖ នៅវេលាម៉ោង២២នឹង៣៥នាទី នាថ្ងៃទី០៥ ខែសីហា ឆ្នាំ២០២៥ ដោយមានការសម្របសម្រួលនីតិវិធីពីព្រះរាជអាជរងនៃអយ្យការអមសាលាដំបូងរាជធានីភ្នំពេញ ឱ្យក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ ចុះចាប់រថយន្ត ១គ្រឿង ម៉ាកHYUNDIA ដឹកសាច់សត្វបង្កកចំនួន ៦៧៨០គីឡូក្រាម រួមមាន ជើងមាន់, គូទមាន់, ស្លាបមាន់, សាច់ជ្រូក, ខ្លាញ់ជ្រូក, ទាមូល, សាច់គោ, សាច់មាន់កិន, សសៃជើងមាន់ ។ រថយន្តខាងលើបានដឹកសាច់សត្វបង្កក ចេញពីរាជធានីភ្នំពេញ ឆ្ពោះមកលក់ចែកចាយនៅតាមបណ្តាខេត្ត ដោយគ្មានលិខិតអនុញ្ញាតអ្វីទាំងអស់ សាច់បង្កកទាំងនេះ គ្មានប្រភពច្បាស់លាស់ និងដឹកជញ្ជូនខុសលក្ខណៈបច្ចេកទេស មានន័យថា ការដឹកជញ្ជូនសាច់បង្កកទាំងនេះគឺដឹកបំបែកគ្នាតាមម៉ូតូរឺម៉កកង់បី ចេញពីទិសដៅផ្សេងៗគ្នាដែលកំណត់ទីតាំងមិនច្បាស់លាស់ យកមកប្រមូលផ្ដុំគ្នានៅបេនឡាន រួចជញ្ជូនដាក់រថយន្តខាងលើទើបដឹកបន្តទៅចែកចាយតាមបណ្ដាខេត្ត។ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គដ្ឋានសុខភាពសត្វ និងផលិតកម្មសត្វ បាននាំយកវត្ថុតាំងបទល្មើសខាងលើមករក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់។

ក្រសួងការងារ ច្រានចោលការបំភ្លៃរបស់កាសែតថៃដែលថា “ពលករខ្មែរចាកចេញពីថៃដោយសារការគំរាមដកសញ្ជាតិ និងរឹបអូសដីធ្លី”

ក្រសួងការងារ និងបណ្តុះបណ្តាលវិជ្ជាជីវៈ បានប្រកាសទាត់ចោលការផ្សព្វផ្សាយបែបបំភ្លៃរបស់កាសែតថៃ Khaosod English ដែលបានលើកឡើងថា ពលរដ្ឋកម្ពុជាវិលមកកម្ពុជាយ៉ាងគំហុកនេះ ក្រោមហេតុផលការគំរាមដកសញ្ជាតិ និងការរឹបអូសដីធ្លី។ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ស៊ុន មេសា បានអះអាងថា កម្ពុជាគ្មានការគំរាមកំហែងបែបនេះឡើយ ហើយមូលហេតុចម្បងដែលធ្វើឱ្យពលរដ្ឋខ្មែរត្រឡប់មកកម្ពុជាយ៉ាងគំហុកនេះ គឺដោយសារអំពើហិង្សាពីក្រុមជ្រុលនិយមថៃមកលើពលរដ្ឋខ្មែរដែលមិនទាន់មានចំណាត់ការនៅឡើយ ការឈ្លានពានពីយោធាថៃមកកម្ពុជា និងការអំពាវនាវពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាល រួមទាំងការចង់វិលមកជួយសេដ្ឋកិច្ចប្រទេសជាតិវិញរបស់ពលរដ្ឋ។ លោក ស៊ុន មេសា បញ្ជាក់ថា “ខ្ញុំសូមច្រានចោលការលើកឡើងរបស់កាសែតថៃនេះដែលជារឿយៗផ្សាយព័ត៌មានមិនពិតហើយបំភ្លៃស្ថានការណ៍។ នេះមិនមែនជាលើកទី១នោះឡើយ។ ជាមួយគ្នានេះ ខ្ញុំសូមអំពាវនាវដល់ពលរដ្ឋខ្មែរ និងសហគមន៍អន្តរជាតិសូមមេត្តាកុំជឿលើការផ្សាយនេះឱ្យសោះ”។ការបញ្ជាក់ឆ្លើយតបនេះ គឺស្របពេលដែលពលរដ្ឋខ្មែរដែលធ្វើការ និងស្នាក់នៅក្នុងប្រទេសថៃប្រមាណ ៧៥ម៉ឺននាក់បានវិលមកកាន់កម្ពុជាវិញ។ នេះបើតាមការបញ្ជាក់ពីអ្នកនាំពាក្យក្រសួងការងារនៅថ្ងៃទី៦ ខែសីហា ឆ្នាំ២០២៥នេះ។ ទន្ទឹមនឹងនេះ ក្រសួងការងារ សូមបន្តអំពាវនាវឱ្យពលរដ្ឋខ្មែរដែលនៅប្រទេសថៃសូមបន្តវិលមកស្រុកកំណើតយើងវិញ នៅពេលដែលបងប្អូនទទួលរងការបំភិតបំភ័យ វាយធ្វើបាប និងមិនឱ្យតម្លៃ។ បន្ថែមពីនេះ ក្រសួងការងារ សូមបញ្ជាក់ជូនបងប្អូនមេត្តាជ្រាបថា ក្រសួងការងារបាននិងកំពុងធ្វើយុទ្ធនាការជំហានទី២ ដើម្បីផ្តល់ឱកាសការងារជូនបងប្អូនពលរដ្ឋខ្មែរដែលទើបត្រឡប់មកពីប្រទេសថៃនៅតាមឃុំចំនួន ៣០០កន្លែងនៅទូទាំងប្រទេស។ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈ សូមឱ្យពលរដ្ឋខ្មែរនៅក្នុងស្រុកមេត្តាជួយផ្សព្វផ្សាយស្តីពីឱកាសការងារដ៏ច្រើនសម្បូរបែបរបស់កម្ពុជាដែលយើងមានឱកាសការងារទាំងថ្មី និងចាស់ប្រមាណជាង ៥៥ម៉ឺនកន្លែង និងការបណ្តុះបណ្តាលជំនាញបច្ចេកទេស និងវិជ្ជាជីវៈដោយឥតគិតថ្លៃដោយគ្រាន់តែបញ្ជាក់ថា “ត្រូវការការងារ និងការរៀនជំនាញសូមទាក់ទងតាមលេខទូរសព្ទ ១២៩៧”៕

ឯកឧត្ដម លី ធុជ ស្នើសុំអង្គការជំនួយរបស់ប្រជាពលរដ្ឋន័រវែស NPA ជួយធ្វើយុទ្ធនាការជាសកលប្រយុទ្ធប្រឆាំងនឹងការប្រើប្រាស់គ្រាប់បែកចង្កោមរបស់យោធាថៃ

នៅព្រឹកថ្ងៃទី០៦ ខែសីហា ឆ្នាំ២០២៥ នៅទីស្នាក់ការអាជ្ញាធរមីន ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអនុញ្ញាតឱ្យ លោក Hans Risser នាយកអង្គការជំនួយរបស់ប្រជាពលរដ្ឋន័រវែស (NPA) ប្រចាំកម្ពុជា ចូលជួបពិភាក្សាការងារ។ក្នុងឱកាសនោះ ឯកឧត្តម លី ធុជ បានលើកឡើងថា ក្នុងជម្លោះប្រដាប់អាវុធរវាងកម្ពុជា-ថៃ រយៈពេល ៥ថ្ងៃ ចាប់ពីថ្ងៃទី២៤-២៨ ខែកក្កដា ឆ្នាំ២០២៥ កន្លងនេះ យោធាថៃបានប្រើប្រាស់សព្វាវុធធុនធ្ងន់គ្រប់ប្រភេទដែលពិភពលោកហាមប្រាម ក្នុងនោះរួមទាំងការប្រើប្រាស់គ្រាប់បែកចង្កោម ដើម្បីធ្វើការឈ្លានពានមកលើទឹកដីប្រទេសកម្ពុជា។ឯកឧត្តមបណ្ឌិត បន្តទៀតថា ការប្រើប្រាស់គ្រាប់បែកចង្កោមរបស់យោធាថៃ បានបង្កនូវផលប៉ះពាល់យ៉ាងធ្ងន់ធ្ងរ និងបង្កគ្រោះថ្នាក់យូរអង្វែងដល់ប្រជាជនកម្ពុជាស្លូតត្រង់ ជាពិសេសក្មេងតូចៗ ក៏ដូចបង្កភាពភ័យខ្លាចដល់សហគមន៍ជាច្រើនជំនាន់ទៅមុខ ទៀតផង។តាងនាមឱ្យរាជរដ្ឋាភិបាល និងប្រជាជនកម្ពុជា ឯកឧត្ដមបណ្ឌិត លី ធុជ បានស្នើសុំឱ្យអង្គការ NPA នៃប្រទេសន័រវេស គាំទ្រកម្ពុជា និងជួយធ្វើយុទ្ធនាការជាសកល ដើម្បីប្រយុទ្ធប្រឆាំងនឹងការប្រើប្រាស់គ្រាប់បែកចង្កោមរបស់យោធាថៃ មកលេីប្រទេសកម្ពុជា។

Press Briefing - Update on the implementation of the immediate and unconditional ceasefire agreement between Cambodia and Thailand (August 6, 2025 )

Keynote Address by H.E. LTG. Maly Socheata, the Ministry of National Defense Spokesperson: On 6 August 2025 from 12:00 AM to 6:00 AM, the situation along the frontlines in Preah Vihear and Oddar Meanchey provinces has remained calm and stable. The Cambodian Armed Forces remain steadfast and fully vigilant in carrying out their duties with discipline and professionalism. Cambodia reaffirms its full commitment to respecting and implementing the ceasefire agreement reached on 28 July 2025 in Putrajaya, Malaysia.Today, I would like to provide an update on the situation along the Cambodia–Thailand border, in light of the ceasefire agreement currently in effect through 6 August 2025.As of 6:00 AM on 6 August 2025, the situation in the An Sesarea remains calm. However, on 4 August 2025, at approximately 11:00 a.m., Thai armed forces and machinery entered the An Ses area, which lies within Cambodia’s sovereign territory. Despite clear warnings from the Cambodian side, they proceeded to install barbed wire—an action strictly prohibited by our forces.On the morning of 5 August 2025, the Cambodian Armed Forces contacted their Thai counterparts, requesting the immediate removal of the barbed wire and the withdrawal of all machinery from Cambodian territory. Nevertheless, at 9:09 AM, Thai machinery continued excavation activities in clear violation of the ceasefire agreement and Cambodia’s sovereignty.At 9:50 AM on 5 August 2025, Thai military trucks arrived in front of their post, transporting trees, barbed wire, concrete trunks, segments, ties, and covers. By 9:53 AM, Thai armed forces resumed trench-digging operations. At 10:55AM, another piece of Thai machinery began clearing land behind their police post, approximately 15 meters from the Cambodian military position, and continued placing covers and ties into their trenches.Throughout the day, Cambodian forces consistently made efforts to engage with the Thai side, explaining and urging them to immediately cease all provocative actions that risk escalating tensions and undermining the process toward a systematic and peaceful resolution. Such activities contradict Cambodia’s sincere and unwavering commitment to promoting long-term peace and stability in the region. In response to these developments, the Cambodian side contacted the Thai forces stationed in the An Ses area and initiated discussions and negotiations. Consequently, at 3:14 PM, Cambodian forces began removing the barbed wire, with the dismantling process fully completed by 5:30 PM on 5 August 2025. At that point, Thai machinery operations were halted. Cambodia reiterates that the An Sesarea lies within Cambodian sovereign territory and has remained under the effective control of Cambodian armed forces since the ceasefire came into effect at midnight on 28 July 2025.

បណ្ដាញសង្គម

ព័ត៌មានថ្មីៗ

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

អគ្គស្នងការដ្ឋាននគរបាលជាតិ កែសម្រួលសមាសភាពក្រុមព័ត៌មានទាន់ហេតុការណ៍ជាមួយជនបរទេស

PRESS BRIEFING -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )

អ្នកនំាពាក្យ៖ គ្រឹះស្ថានធនាគារ និងហិរញ្ញវត្ថុ ៦៨ហើយ បានប្រកាសលុបបំណុលជូនយោធិនពលី

ខេត្តចំនួន៦នៅកម្ពុជា ប្រកាសមានតម្រូវការកម្លាំងពលកម្មចំនួនជាង ២ម៉ឺនកន្លែង

សមត្ថកិច្ចជំនាញ ចុះចាប់រថយន្ត ១គ្រឿង ដឹកសាច់សត្វបង្កកចំនួន ៦៧៨០គីឡូក្រាម

Press Briefing - Update on the implementation of the immediate and unconditional ceasefire agreement between Cambodia and Thailand (August 6, 2025 )

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

អគ្គស្នងការដ្ឋាននគរបាលជាតិ កែសម្រួលសមាសភាពក្រុម​ព័ត៌មានទាន់​ហេតុការណ៍​ជាមួយ​ជន​បរទេស

PRESS BRIEFING -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )

អ្នកនំាពាក្យ៖ គ្រឹះស្ថានធនាគារ និងហិរញ្ញវត្ថុ ៦៨ហើយ បានប្រកាស​លុបបំណុល​ជូនយោធិន​ពលី

ខេត្តចំនួន៦នៅកម្ពុជា ប្រកាសមានតម្រូវការកម្លាំងពលកម្មចំនួនជាង ២ម៉ឺនកន្លែង

សមត្ថកិច្ចជំនាញ ចុះចាប់រថយន្ត ១គ្រឿង ដឹកសាច់សត្វបង្កកចំនួន ៦៧៨០គីឡូក្រាម

Press Briefing - Update on the implementation of the immediate and unconditional ceasefire agreement between Cambodia and Thailand (August 6, 2025 )

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អគ្គស្នងការដ្ឋាននគរបាលជាតិ កែសម្រួលសមាសភាពក្រុមព័ត៌មានទាន់ហេតុការណ៍ជាមួយជនបរទេស

អ្នកនំាពាក្យ៖ គ្រឹះស្ថានធនាគារ និងហិរញ្ញវត្ថុ ៦៨ហើយ បានប្រកាសលុបបំណុលជូនយោធិនពលី