BTV NEWS

ឯកអគ្គរាជទូតថៃថ្មីប្ដេជ្ញាជំរុញទំនាក់ទំនងកម្ពុជា-ថៃឱ្យកាន់តែល្អប្រសើរ និងជាឧត្តមប្រយោជន៍ប្រទេសទាំងពីរ

ផ្លូវជាតិ៣ខ្សែ ប្រវែងសរុបជាង២០០គ.ម ភាគនិរតីនៃប្រទេស នឹងសម្ពោធដាក់ឲ្យប្រើប្រាស់ជាផ្លូវក្រោមអធិបតីភាពសម្តេចធិបតី នាយករដ្ឋមន្ត្រី នាថ្ងៃស្អែកនេះ

អាជ្ញាធរខេត្តបន្ទាយមានជ័យ ចុះជួយជួសជុលផ្ទះដល់ប្រជាពលរដ្ឋរងគ្រោះដោយសារខ្យល់កន្ត្រាក់ចំនួន ៣៤ខ្នង ក្នុងស្រុកភ្នំស្រុក

សម្តេចតេជោ ហ៊ុន សែន ជួបសំណេះសំណាលជាមួយសមាជិកព្រឹទ្ធសភា៣រូបមកពីបក្សជំទាស់

ព័ត៌មានជាតិ

ជ្រូករស់រាប់រយក្បាលនាំពីថៃមកកម្ពុជា តាមច្រកអូរស្មាច់ ដោយអះអាងមានច្បាប់អនុញ្ញាត

នៅថ្ងៃទី១៩ មិថុនាឆ្នាំ២០២៤នេះ មានរថយន្តដឹកសត្វជ្រូករាប់រយក្បាលចាកចេញពីប្រទេសថៃមកកម្ពុជា តាមច្រកព្រំដែនអន្តរជាតិអូរស្មាច់ ខណៈដែលប្រមុខរាជរដ្ឋាភិបាលសម្ដេចធិបតី ហ៊ុន ម៉ាណែត បានហាមឃាត់ការនាំចូលសាច់បង្កកដើម្បីជួយសម្រួលលើកស្ទួយដល់ជីវភាពប្រជាពលរដ្ឋ ចិញ្ចឹមសត្វនៅក្នុងស្រុក ។តាមការឲ្យដឹងពីមន្រ្តីស្នាក់ការច្រកទ្វារព្រំដែនអូរស្មាច់ បានបញ្ជាក់ថា ការនាំចេញសត្វជ្រូកដឹកចេញពីប្រទេសថៃមកកម្ពុជាឆ្លងកាត់តាមច្រកអូរស្មាច់ ក្នុងភូមិសាស្រ្តខេត្តឧត្តរមានជ័យ ខាងក្រុមហ៊ុនមានច្បាប់អនុញ្ញាតត្រឹមត្រូវពីអគ្គនាយកដ្ឋានសុខភាពសត្វ និងផលិតកម្មសត្វឲ្យនាំចេញ ចុះថ្ងៃទី១៤ មិថុនា ឆ្នាំ២០២៤ ចំនួនទឹកប្រាក់១៧០ក្បាល×២០០០រៀល= ៣៤០០០០រៀលចេញដោយអគ្គនាយកដ្ឋានសុខភាពសត្វ និងផលិតកម្មសត្វ យោបល់របស់បសុពេទ្យជ្រូករស់ត្រូវមានសុខភាពល្អគ្មានរោគសញ្ញានៃជំងឺឆ្លងមុនពេលដឹកជញ្ជូនលិខិតអនុញ្ញាតនេះ មានសុពលភាពសម្រាប់ការដឹកជញ្ជូនតែមួយលើកគត់។ជុំវិញករណីនេះលោក តាញ់ បុត្តា ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្ដឧត្ដរមានជ័យ បានឱ្យដឹងថា សត្វជ្រូករស់នាំចូលពីប្រទេសថៃតាមច្រកអូរស្មាច់ ក្នុងភូមិសាស្រ្តខេត្តឧត្តរមានជ័យ និងដឹកជញ្ជូនបន្ត គឺមានច្បាប់អនុញ្ញាត ស្របច្បាប់ត្រឹមត្រូវរបស់ក្រុមហ៊ុន ឌឿន សាមិត ចេញពីអគ្គនាយកដ្ឋានសុខភាពសត្វ និងផលិកម្មសត្វផងដែរ៕ ដោយ៖ សារិទ្ធ

សម្តេចធិបតី ហ៊ុន ម៉ាណែត ធ្វើទស្សនកិច្ចនៅអគារហេដ្ឋារចនាសម្ព័ន្ធ របស់ក្រុមហ៊ុន Keppel

ភ្នំពេញ ៖ ក្នុងឱកាសដំណើរទស្សនកិច្ចផ្លូវការនៅប្រទេសសិង្ហបុរី នារសៀល ថ្ងៃទី១៩ ខែមិថុនាឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូបំពេញទស្សនកិច្ចនៅអគារហេដ្ឋារចនាសម្ព័ន្ធ របស់ក្រុមហ៊ុន Keppel (Keppel’s Infrastructure@Changi) ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ អគារ Keppel’s Infrastructure@Changi ប្រើប្រាស់បច្ចេកវិទ្យាចុងក្រោយក្នុងការផ្តល់នូវដំណោះស្រាយនានាដល់អ្នកប្រើប្រាស់ ប្រកបដោយប្រសិទ្ធភាពខ្ពស់។ អគារនេះគឺជាគំរូសម្រាប់ការរចនាអគារប្រកបដោយនិរន្តរភាព និងការគ្រប់គ្រងការប្រើប្រាស់ថាមពល ការប្រើប្រាស់ទឹក និងប្រព័ន្ធត្រជាក់ នៅក្នុងសិង្ហបុរី ព្រមទាំងបង្ហាញពីភាពច្នៃប្រឌិតក្នុងវិស័យហេដ្ឋារចនាសម្ព័ន្ធ ដោយផ្តល់នូវដំណោះស្រាយដ៏មានតម្លៃ និងប្រសិទ្ធភាព សម្រាប់អនាគតប្រកបដោយនិរន្តរភាពអគារ Keppel’s Infrastructure@Changi មានចំណុចពិសេសៗមួយចំនួន រួមមាន៖ (១) ប្រសិទ្ធភាពថាមពល៖ អគារនេះត្រូវបានរៀបចំយ៉ាងទំនើបលើប្រព័ន្ធម៉ាស៊ីនត្រជាក់ និងប្រព័ន្ធខ្យល់ចេញចូល ដែលធ្វើឱ្យមានប្រសិទ្ធភាពថាមពលខ្ពស់ (២) ការបង្កើតថាមពលកកើតឡើងវិញ៖ អគារនេះត្រូវបានបំពាក់ដោយបន្ទះស្រូបពន្លឺព្រះអាទិត្យ និងបច្ចេកវិទ្យាទំនើបផ្សេងៗទៀត ដើម្បីបង្កើតថាមពលកកើតឡើងវិញនៅនឹងកន្លែង (៣) បច្ចេកវិទ្យាឆ្លាតវៃ៖ អគារនេះប្រើប្រាស់ឧបករណ៍ឆ្លាតវៃដូចជា ឧបករណ៍ចាប់សញ្ញាអំពូល LED និងហេដ្ឋារចនាសម្ព័ន្ធសម្រាប់ការសាកយានយន្តអគ្គិសនី (៤) ការរចនាប្រកបដោយនិរន្តរភាព៖ អគារនេះរួមបញ្ចូលឧបករណ៍ប្រើប្រាស់ទឹកដោយសន្សំសំចៃ ប្រព័ន្ធស្តុកទឹកភ្លៀង និងសម្ភារៈសម្រាប់ការសាងសង់ប្រកបដោយនិរន្តរភាព និង (៥) អគារបៃតង៖ អគារនេះមានលក្ខណៈបៃតងយ៉ាងទូលំទូលាយ ដែលរួមចំណែកដល់ការបង្កើតបរិយាកាសត្រជាក់ ប្រកបដោយផាសុកភាព៕ ដោយ ៖ ដារ៉ា

ឯកឧត្តមបណ្ឌិត លី ធុជ ៖ ការរួមចំណែកពីវិស័យឯកជន ដល់កិច្ចខិតខំប្រឹងប្រែងសកម្មភាពមីនមនុស្សធម៌ នឹងអាចជួយដោះស្រាយវិបត្តិមីនជាសកល និងបង្កើនល្បឿននៃការធ្វើដំណើរឆ្ពោះទៅកាន់ពិភពលោកដែលគ្មានមីន

ស្វីស ៖ ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០២៤ បានដឹកនាំកិច្ចប្រជុំស្តីពី “ភាពជាដៃគូវិស័យឯកជនឆ្ពោះទៅរកពិភពលោកមួយដែលគ្មានមីន” “Side Event: Private Sector Partnership Towards A Mine-Free World” ។ ក្នុងកិច្ចប្រជុំនេះ តំណាងវិស័យឯកជនកម្ពុជា ក៏បានចូល រួមជាវគ្មិនចែករំលែកនូវទស្សនៈវិស័យ និងទិដ្ឋភាពទូទៅរបស់ខ្លួន សម្រាប់កម្មវិធីសកម្មភាពមីនមនុស្សធម៌នៅកម្ពុជា រួមមាន លោក Gabriel Tan តំណាងមូលនិធិ ព្រីនស៍ លោកឧកញ៉ា Tan Khee Meng ប្រធានសភាពាណិជ្ជកម្ពុជាប្រចាំកម្ពុជា និងលោក Albert Tan អនុ ប្រធាន TAFTAC។កិច្ចប្រជុំនេះ បានផ្តោតលើភាពជាដៃគូដ៏មានសក្ដានុពល និងអាចដោះស្រាយវិបត្តិមីនជាសកល ក៏ដូចជាបង្ហាញពីវិធីជាច្រើនដែលវិស័យឯកជនអាចរួម ចំណែកដល់កិច្ចខិតខំប្រឹងប្រែងការបោសសម្អាតមីនមនុស្សធម៌ និងបង្កើនល្បឿននៃការធ្វើដំណើរឆ្ពោះទៅកាន់ពិភពលោកមួយដែលគ្មានមីន។កិច្ចប្រជុំនេះនឹងផ្តល់ការ យល់ដឹងនិងយុទ្ធសាស្ត្រដ៏មានតម្លៃសម្រាប់ការជំរុញភាពជាដៃគូដ៏រឹងមាំរវាងវិស័យឯកជន និងភាគីពាក់ព័ន្ធការ បោសសម្អាតមីនមនុស្សធម៌។ ឯកឧត្តមបណ្ឌិត លី ធុជ បានលើកឡើងថា គ្រាប់មីនបន្តគំរាមកំហែងដល់អាយុជីវិតរំខានដល់ការចិញ្ចឹមជីវិត និងរារាំងដល់ការអភិវឌ្ឍន៍សេដ្ឋកិច្ច-សង្គម ដែលជាឧបសគ្គដ៏ធំធេងចំពោះសុខសន្តិភាពប្រកបដោយនិរន្តរភាពនៅទូទាំងពិភពលោក។ទោះបីជាមានការវិវឌ្ឍន៍គួរឱ្យកត់សម្គាល់ដែលធ្វើឡើងតាមរយៈសន្ធិសញ្ញាអន្តរជាតិ និងការផ្តួចផ្តើមការដោះមីនក៏ដោយ ក៏បញ្ហាប្រឈមនៅតែមានច្រើន និងទាមទារឱ្យមានកិច្ចខិតខំប្រឹងប្រែងរួមគ្នានៅគ្រប់វិស័យ។ ឯកឧត្តមបណ្ឌិត លី ធុជ បន្តទៀតថា វិស័យឯកជនដែលមានធនធានច្រើន មានជំនាញ និងសមត្ថភាពច្នៃ ប្រឌិត គឺមិនអាចខ្វះបាននៅក្នុងបេសកកម្មនេះ។ការរួម ចំណែកពីវិស័យឯកជន នឹងអាចជួយដោះស្រាយវិបត្តិមីនជាសកល និងបង្កើនល្បឿននៃការធ្វើដំណើរឆ្ពោះទៅកាន់ពិភពលោកដែលគ្មានមីន។ ការរួមចំណែកនេះ កំពុងជំរុញការច្នៃប្រឌិត និងការបង្កើតការគាំទ្រប្រកបដោយនិរន្តរភាពសម្រាប់គំនិតផ្តួចផ្តើមការដោះមីន និងសុខុមាលភាពសង្គម៕ អត្ថបទ ៖ ភារម្យ

កងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យ២នាក់ ទៅសាលាដំបូងខេត្តអនុវត្តតាមនីតិវិធី ជាមួយថ្នាំញៀនជិត១គីឡូក្រាម

បន្ទាយមានជ័យ ៖ កងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យ២នាក់ ទៅសាលាដំបូងខេត្តអនុវត្តតាមនីតិវិធី នៅរសៀលថ្ងៃទី១៩ ខែមិថុនា ឆ្នាំ២០២៤ ពាក់ព័ន្ធករណីជួញដូរ និងរក្សាទុកដោយខុសច្បាប់នូវសារធាតុញៀនជិត១គីឡូក្រាម បង្ក្រាបនៅក្នុងភូមិសាស្រ្តក្រុងប៉ោយប៉ែត។ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានប្រាប់ឱ្យដឹងថា កាលពីវេលាម៉ោង១៧និង០០នាទីថ្ងៃទី១៧ ខែមិថុនា ឆ្នាំ២០២៤កម្លាំងមូលដ្ឋានកងរាជអាវុធហត្ថក្រុង បានទទួលព័ត៌មានពីសន្តិសុខរាយការណ៍មកថា មានករណី ជួញដូរ និងរក្សាទុកដោយខុសច្បាប់នូវសារធាតុញៀន នៅចំណុចផ្ទះល្វែងមួយកន្លែងស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។ បន្ទាប់ពីទទួលបានព័ត៌មាននេះភ្លាម កម្លាំងចុះទៅដល់ចំណុចផ្ទះល្វែងខាងលើរបស់ជនសង្ស័យម្នាក់១-ឈ្មោះ ឌុច គឹមហួត ហៅ ហួត ភេទប្រុស អាយុ៥៨ឆ្នាំ ជនជាតិខ្មែរមុខរបរលក់ដូរ រស់នៅចំណុចខាងលេី។ ដោយមានការអនុញ្ញាតពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត កម្លាំងបានធ្វើការឆែកឆេរលំនៅឋានរបស់ជនសង្ស័យ រកឃេីញវត្ថុតាង គ្រឿងញៀនប្រភេទម្ស៉ៅក្រាមពណ៌សថ្លា (ICE) ចំនួន ២១៩ថង់កិប (ធំ០៣ថង់) ទម្ងន់៩៧១,៩០ក្រាម, ជញ្ជីងសម្រាប់ថ្លឹងគ្រឿងញៀន ចំនួន០២គ្រឿង, ថង់សម្រាប់វេចខ្ចប់គ្រឿងញៀនមួយចំនួន។ ក្នុងពេលចុះប្រតិបត្តិការខាងលេី ដោយមានការសង្ស័យផ្ទះល្វែងមួយកន្លែងក្បែរគ្នាត្រូវជាប្អូនថ្លៃស្រីរបស់ជនសង្ស័យឈ្មោះ ជួន ដា ភេទស្រី អាយុ ៤០ឆ្នាំ កម្លាំងបានសុំគោលការពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត បានធ្វេីការឆែកឆេរឃើញវត្ថុតាងរួមមាន ៖ គ្រឿងញៀនប្រភេទម្ស៉ៅក្រាមពណ៌សថ្លា (ICE) ចំនួន ១៥កូនថង់កិប ទម្ងន់ ៩,៤០ក្រាម, ជញ្ជីងសម្រាប់ថ្លឹងគ្រឿងញៀន ចំនួន ០២គ្រឿង, ថង់សម្រាប់វេចខ្ចប់គ្រឿងញៀនមួយចំនួន។ បន្ទាប់មកនាំមកកាន់មូលដ្ឋានកងរាជអាវុធហត្ថក្រុង និងបញ្ជូនបន្តមកកាន់បញ្ជាការដ្ឋានកងរាជអាវុធហត្ថខេតត្ត ដេីម្បីចាត់ការតាមនីតិវិធី។ បច្ចុប្បន្នជនសង្ស័យ រួមនឹងវត្ថុតាង ត្រូវបានកម្លាំងការិយាល័យប្រឆាំងគ្រឿងញៀន បញ្ជូនទៅសាលាដំបូងខេត្ត ហើយ អនុវត្តតាមនីតិវិធី ៕ អត្ថបទ៖ រឿង ចន្ទ្រា

ផ្លូវជនបទមួយខ្សែស្ថិតក្នុងខេត្តកំពង់ចាម បានផ្តល់អត្ថប្រយោជន៍យ៉ាងខ្លាំងប្រជាពលរដ្ឋមូលដ្ឋាន

កំពង់ចាម ៖ ផ្លូវជនបទមួយខ្សែនៅក្នុងខេត្តកំពង់ចាម ស្ថិតក្រោមក្របខណ្ឌក្រសួងអភិវឌ្ឍន៍ជនបទ បានផ្តល់អត្ថប្រយោជន៍យ៉ាងខ្លាំងដល់ ប្រជាពលរដ្ឋនៅមូលដ្ឋាន ជាពិសេសការដឹកជញ្ជូនកសិផល ការតភ្ជាប់ទៅកាន់តំបន់ផ្សេងៗ ការសម្រួលធ្វើដំណើរប្រជាពលរដ្ឋមូលដ្ឋាន និងសាធារណជនទូទៅជាដើម។ឯកឧត្តម ជា ស៊្រុន រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នៅថ្ងៃទី ១៩ ខែ មិថុនា ឆ្នាំ ២០២៤ នេះ បានដឹកនាំក្រុមការងារអន្តរក្រសួង ចុះត្រួតពិនិត្យ វាយតម្លៃប្រគល់-ទទួលបញ្ចប់ជាស្ថាពរ រយៈពេលធានា សុពលភាពការងារស្ថាបនាផ្លូវក្រាលកៅស៊ូ DBST ចំនួន ១ ខ្សែ ប្រវែង ៣ ៥០០ ម៉ែត្រ, ទទឹង ៧ ម៉ែត្រ, ចិញ្ចើមផ្លូវសងខាងក្រាល ដីល្បាយក្រួសទទឹងម្ខាងៗ ១ ម៉ែត្រ, និងសាងសង់លូមុខមួយចំនួន ២កន្លែង, ស្ថិតនៅភូមិស្រក ឃុំស្រក ស្រុកកំពង់សៀម ទៅភូមិ តាម៉ៅ ឃុំបុសខ្នុរ ស្រុកចំការលើ ខេត្តកំពង់ចាម។ក្នុងការចុះពិនិត្យគម្រោងផ្លូវខាងលើនេះ, លោកឧត្តមសេនីយ៍ត្រី នាន់ បូរ៉េត នាយករងនាយកដ្ឋានវិស្វកម្ម តំណាងឯកឧត្ដម ឧត្តមសេនីយ៍ឯក សឿន រឿត នាយក នាយកដ្ឋានវិស្វកម្ម ក្រសួងការពារជាតិ លើកឡើងថា បន្ទាប់ពីបានគោលការណ៍ឯកភាពពី ក្រសួងអភិវឌ្ឍន៍ជនបទរួចមក នាយកដ្ឋានវិស្វកម្មនៃក្រសួងការពារជាតិ ក៏បានអនុវត្តការងារនេះ ក្នុងគោលដៅជួយសម្រួលដល់ ប្រជាពលរដ្ឋក្នុងមូលដ្ឋាន ដើម្បីផ្តល់ភាពងាយស្រួលក្នុងការធ្វើចរាចរទៅមក ការដឹកជញ្ជូនកសិផល និងដំណាំបន្ទាប់បន្សំរបស់ ប្រជាពលរដ្ឋមកកាន់ទីផ្សារ ជួយសម្រួលដល់សិស្សានុសិស្ស ធ្វើដំណើរទៅកាន់សាលារៀនជាដើម។ ផ្លូវនិងលូខាងលើនេះ បានធ្វើ ការត្រួតពិនិត្យ និងវាយតម្លៃលើលទ្ធផលការងារអនុវត្តសម្រេចបាន ១០០ភាគរយ កាលពីឆ្នាំ២០២៣ គិតមកដល់ពេលនេះ ឃើញថា មានរយៈពេលជាង ១២ ខែ ក្នុងរយៈពេលធានាសុពលភាព។ជុំវិញគម្រោងផ្លូវខាងលើនេះ ឯកឧត្តម ជា ស៊្រុន បានវាយតម្លៃខ្ពស់ ចំពោះការខិតខំប្រឹងប្រែងស្ថាបនាផ្លូវខាងលើនេះ សម្រេច បានតាមផែនការស្ថិតក្នុងសុពលភាព និងប្រកបដោយគុណភាព ព្រោះផ្លូវនៅជនបទមានសារៈសំខាន់ណាស់ ជាពិសេសផ្លូវនៅតំបន់ ខាងលើ ព្រោះកសិករនៅមូលដ្ឋាននេះ ភាគច្រើនជាអ្នកប្រកបការដាំដុះដាំកសិកម្មដ៏សំខាន់មួយនៅខេត្តកំពង់ចាម។ ចំពោះបញ្ហាផ្លូវ និងស្ពាននេះដែរ ក្រសួងបានផ្តោតយកចិត្តទុកដាក់យ៉ាងខ្លាំងក្នុងក្របខណ្ឌទូទាំងប្រទេស ដោយគិតគូរពីភាពធន់ និងការប្រែប្រួល អាកាសធាតុ ទាំងផ្លូវដីស, ផ្លូវល្បាយ ក្រួស, និងផ្លូវក្រាសកៅស៊ូ ឬក្រាលបេតុងនេះជាដើម។បន្ទាប់ពីចុះពិនិត្យគម្រោងផ្លូវនិងលូខាងលើរួច, ឯកឧត្តម ជា ស៊្រុន និងក្រុមការងារអន្តរក្រសួង បានចុះជួបសំណេះសំ ណាល ជាមួយអាជ្ញាធរមូលដ្ឋាន និងប្រជាពលរដ្ឋចំនួន ៣០ គ្រួសារ ដោយក្នុងពិធីនោះ ឯកឧត្តមក៏បានផ្តាំផ្ញើដល់អាជ្ញាធរមូលដ្ឋាន និងប្រជាពលរដ្ឋទាំងអស់ សូមចូលរួមថែទាំផ្លូវ និងលូ នៅក្នុងមូលដ្ឋានរបស់ពួកគាត់ឲ្យបានគង់វង់យូរអង្វែង និងចាត់ទុកផ្លូវ និងលូ ទាំងនោះជារបស់ពួកគាត់។ ក្នុងពិធីសំណេះសំណាលនេះដែរ ឯកឧត្តម ក៏បាននាំយកអំណោយដ៏ថ្លៃថ្លា របស់ឯកឧត្តមរដ្ឋមន្ត្រី ចែកជូនប្រជាពលរដ្ឋ ដោយក្នុងមួយគ្រួសារទទួលបានក្រម៉ាចំនួន ១ ផងដែរ៕

ប្រជាកសិករសប្បាយចិត្ត និងអរគុណរាជរដ្ឋាភិបាល ពេលពួកគាត់ធ្វើស្រែបាន៣លើក និងទទួលទិន្នផលខ្ពស់

កំពង់ឆ្នាំង៖ នៅថ្ងៃទី១៩ ខែមិថុនា ឆ្នាំ២០២៤នេះ មេភូមិ និងប្រជាកសិករក្នុងឃុំកោះថ្កូវ ស្រុកជលគីរី ខេត្តកំពង់ឆ្នាំង បានសំដែងការសប្បាយរីករាយ និងអរគុណដល់ប្រមុខរាជរដ្ឋាភិបាលកម្ពុជា ដែលបានជួយជីកប្រឡាយខ្វាត់ខ្វែង នាំទឹកពីទន្លេសាប ស្រោចស្រពនៅលើដីស្រែប្រាំងពួកគាត់រហូតដល់ជាង៧ពាន់ហិកតា បានធ្វើស្រែរហូតដល់៣ដងក្នុង១ឆ្នាំ និងទទួលទិន្នផលចាប់ពី៦ទៅ៨តោនក្នុង១ហិកតា។មេភូមិ និងប្រជាកសិករ បានបន្តថា៖ សព្វថ្ងៃដោយសារកត្តាសុខសន្តិភាព និងសន្តិសុខនៅតាមមូលដ្ឋានមិនមានបញ្ហាអ្វីនោះ នាំអោយប្រជាជនតាមភូមិឃុំរស់នៅដោយក្តីសុខសាន្ត ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ។ នៅក្នុងស្រុកជលគីរី ឃុំកោះថ្កូវគឺជាឃុំមួយដែលប្រជាជនបានប្រកបមុខរបរធ្វើស្រែប្រាំងច្រើនជាងគេរហូតដល់ជាង៩០% និងមិនសូវមានអ្នកចំណាកស្រុកឡើយ ។ ឆ្នាំនេះ ក៏ដូចជាឆ្នាំមុនៗ ប្រជាកសិករក្នុងឃុំ បានធ្វើស្រែប្រាំងប្រមូលផលលើកទី១ និងលើកទី២រួចហើយ តែនៅក្នុងខែមិថុនានេះ បងប្អូនប្រជាកសិករយើងចំនួនជាង៤៥% កំពុងសាបព្រួស និងខ្លះកំពុងប្រមូលផលស្រូវប្រាំងជាបន្តបន្ទាប់ ដោយមិនគិតខ្វល់ពីការខ្វះទឹកធ្វើស្រែនោះឡើយ។ នៅក្នុងឃុំកោះថ្កូវនេះ ប្រជាជនប្រមាណ៩៥%មានជីវភាពធូរធារដោយសារស្រូវប្រាំង ខ្លះបានសង់ផ្ទះថ្មីៗប្រដេញគ្នា ខ្លះទិញរថយន្តដឹកស្រូវ ខ្លះទិញម៉ូតូ ឡានតូចជិះសឹងគ្រប់ផ្ទះ។ ដោយឡែកឧបករណ៍ធ្វើស្រែប្រាំងវិញ មានគោយន្តកន្ត្រៃ មានម៉ាស៊ីនបូមទឹកគ្រប់គ្នា មានត្រាក់ទ័រ ម៉ាស៊ីនព្រួសគ្រាប់ស្រូវ និងម៉ាស៊ីនច្រូតស្រូវជាដើម ។ ពួកគាត់បានថ្លែងអំណរគុណដល់សម្តេច ហ៊ុន សែន អតីតនាយករដ្ឋមន្ត្រី ប្រធានព្រឹទ្ធសភា ដែលបានជួយប្រជាពលរដ្ឋពីបាតដៃទទេរហូតមានអ្វីៗគ្រប់យ៉ាង និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាដែលបានបន្តផ្តល់នូវការផ្គត់ផ្គង់ជាប្រឡាយខ្វាត់ខ្វែងនៅពេលនេះ ។លោក ប៊ុន សុផាន មេឃុំកោះថ្កូវ ស្រុកជលគីរី បានថ្លែងថា៖ ប្រជាកសិករប្រមាណជាង៩៥%ក្នុងឃុំ បានធ្វើស្រែប្រាំង ពួកគាត់មានត្រាក់ទ័រផ្ទាល់ខ្លួនជិត៣០គ្រឿង និងម៉ាស៊ីនច្រូត៨គ្រឿង រួមនិងម៉ាស៊ីនបូមទឹកតូចៗគ្រប់គ្នាទៀតផង ។ ដោយឡែកម៉ាស៊ីនបូមទឹករបស់សហគមន៍ និងម៉ាស៊ីនបូមទឹករបស់ខាងមន្ទីរធនធានទឹក គឺនៅប្រចាំការបូមទឹកបញ្ចូលប្រឡាយពួកគាត់ជារៀងរាល់ថ្ងៃ ។ ការខិតខំរបស់ប្រជាកសិករក្នុងឃុំ និងការជួយជ្រោមជ្រែងពីរដ្ឋបាលឃុំស្រុកខេត្ត និងពីរាជរដ្ឋាភិបាលកម្ពុជា ធ្វើអោយជីវភាពរបស់ពួកគាត់បានធូរធារយ៉ាងច្រើន មិនចាញ់អ្នកទីក្រុងនោះឡើយ ។ជីវភាពប្រជាកសិករនៅក្នុងឃុំកោះថ្កូវបានរីកចម្រើនពី១ឆ្នាំទៅ១ឆ្នាំ មិនសូវមានអ្នកចំណាកស្រុកឡើយ មានតែអ្នកទៅធ្វើការនៅរោងចក្រក្នុងខេត្ត និងអ្នកធ្វើស្រែតែប៉ុណ្ណោះ ដែលកត្តាទាំងនេះដោយសារការជួយជ្រោមជ្រែងលើប្រព័ន្ធធារាសាស្ត្រពីរាជរដ្ឋាភិបាលកម្ពុជា ៕ ដោយ ៖ កាំង ហុងវាស្នា

កាកបាទក្រហមទទួលអង្ករវីតាមីន៤០០កេសពីសាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ក្រសួងព័ត៌មាន

ភ្នំពេញ ៖ កាលពីព្រឹកថ្ងៃទី១៩ ខែមិថុនា ឆ្នាំ២០២៤នេះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានទទួលជួបសវនាការ និងទទួលអំណោយពី សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មាន ចំនួន៤០០ កេស នៅអគារទីស្នាក់ការកណ្តាល កាកបាទក្រហមកម្ពុជា។ក្នុងឱកាសទទួលជួបសវនាការនោះ លោកជំទាវអគ្គលេខាធិការ បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តាំផ្ញើសួរសុខទុក្ខ និងការថ្លែងអំណរគុណយ៉ាងជ្រាលជ្រៅ ចំពោះទឹកចិត្តសប្បុរសធម៌របស់ សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មាន ដែលបានបរិច្ចាគអង្ករវីតាមីនចំនួន៤០០កេស ដែលជាការឧបត្ថមលើកទី៣ជូនដល់ កាកបាទក្រហមកម្ពុជា សម្រាប់ប្រតិបត្តិការមនុស្សធម៌ ជួយសម្រាលការលំបាកដល់ប្រជាពលរដ្ឋរងគ្រោះ និងងាយរងគ្រោះបំផុត។លោកជំទាវអគ្គលេខាធិការបានឱ្យដឹងថា ជារៀងរាល់ឆ្នាំ កាកបាទក្រហមកម្ពុជា ទាំងថ្នាក់កណ្តាល និងសាខាទាំងអស់ តែងតែធ្វើការកៀងគរ រកជំនួយពីសប្បុសជននានា ក្នុងឱកាសទិវា៨ឧសភា ដើម្បីទុកជួយទៅដល់ប្រជាពលរដ្ឋ ដែលត្រូវការជំនួយជាចាំបាច់។ លោកជំទាវបានបញ្ជាក់ថា ការកៀងគររកជំនួយនេះដែរ បើសាខាណាមិនមានលទ្ធភាពគ្រប់គ្រាន់ និងផ្តល់ជំនួយទៅដល់ប្រជាពលរដ្ឋបានទាន់ពេលវេលាទេ ថ្នាក់កណ្តាលនឹងយកទៅបំពេញបន្ថែម ហើយអំណោយទាំងអស់ និងយកទៅចែកជូនដល់ដៃប្រជាពលរដ្ឋដោយផ្តាល់។ លោកជំទាវបញ្ជាក់ថា អំណោយដែលទទួលបានពីសប្បុរសនានា កាកបាទក្រហមកម្ពុជា នឹងយកទៅប្រើប្រាស់ឱ្យចំគោលដៅមនុស្សធម៌ ដោយមិនប្រកាន់ពូជសាសន៍ ពណ៌សម្បុរ ឬនិន្នាការនយោបាយណាមួយឡើយ។ ជាពិសេសជនចាស់ជរាឥតទីពឹង និងកុមារកំព្រា ស្ត្រីមេម៉ាយកូនច្រើន និងផ្ទុកមេរោគអេដស៍ជាដើម។ជាមួយគ្នានេះលោកជំទាវ ទុយ សិរីរតនៈ ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មានបានឱ្យដឹងថា លោកជំទាវនិងក្រុមការងារ មានការពេញចិត្តគោរពស្រឡាញ់ និងកោតសសើរយ៉ាងខ្លាំងក្លា ចំពោះកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន តែងតែជួយទៅដល់ប្រជាពលរដ្ឋ ដែលមានជីវភាពខ្សត់ខ្សោយ និងជួបទុក្ខលំបាកបានទាន់ពេលវេលា។ លោកជំទាវសង្ឃឹមថាអង្ករវីតាមីនទាំងនេះ នឹងទៅដល់ដៃប្រជាពលរដ្ឋងាយគ្រោះ និងជួយឱ្យប្រជាពលរដ្ឋមានសុខភាពល្អ ហើយលោកជំទាវនិងបន្តជួយដល់ កាកបាទក្រហមកម្ពុជា នូវអង្ករវីតាមីននេះជាបន្តបន្ទាប់ទៀត។សូមជម្រាបថា សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មាន បានឧបត្ថមអង្ករវីតាមីនដល់ កាកបាទ ក្រហមកម្ពុជាចំនួន៣លើករួចមកហើយ ដោយលើកទី១ នៅថ្ងៃទី២៣ ខែកក្តដា ឆ្នាំ២០១៦ ឧបត្ថមអាហារវីតាមីន ចំនួន២០០កេស, លើកទី២ នៅថ្ងៃទី៨ ខែធ្នូ ឆ្នាំ២០២៣ ឧបត្ថមអង្ករវីតាមីនចំនួន២០០កេស, និងលើកទី៣ នៅថ្ងៃទី ១៩ ខែមិថុនា ឆ្នាំ២០២៤នេះ បានឧបត្ថមអង្ករវីតាមីនចំនួន៤០០កេស៕អត្ថបទ ៖ សំ ងីម

ឧកញ៉ា ស្រី ស៊ីណា និងមនុស្សពីរនាក់ទៀតត្រូវបានបញ្ជូនខ្លួនទៅកាន់អយ្យការអមសាលាដំបូងរាជធានីភ្នំពេញ

ភ្នំពេញ ៖ នគរបាលបញ្ជូនខ្លួនឧកញ៉ា ស្រី ស៊ីណា ដែលជាខ្មាន់កាំភ្លើងបាញ់សម្លាប់មនុស្ស និងមនុស្សពីរនាក់ទៀតទៅកាន់អយ្យការអមសាលាដំបូងរាជធានីភ្នំពេញ។នៅរសៀលថ្ងៃទី១៩ ខែមិថុនា ឆ្នាំ២០២៤ នគរបាលបានបញ្ជូនខ្លួនឧកញ៉ា ស្រី ស៊ីណា និងមនុស្សពីរនាក់ទៀត ដែលម្នាក់គឺជាអ្នកដឹកទៅធ្វើសកម្មភាពបាញ់ប្រហារ និងម្នាក់ទៀតជាអ្នកដឹកគេចខ្លួនក្រោយធ្វើសកម្មភាព ទៅកាន់អយ្យការអមសាលាដំបូងរាជធានីភ្នំពេញ ដើម្បីអនុវត្តតាមនីតិវិធីច្បាប់។នៅក្នុងដំណាក់កាលនគរបាលសំណុំរឿងបាញ់ប្រហារនេះត្រូវបាននគរបាលធ្វើសេចក្ដីសន្និដ្ឋាន និងចោទប្រកាន់កសាងសំណុំរឿងករណីមនុស្សឃាតគិតទុកជាមុន។ ទោះជាយ៉ាងណានៅរសៀលថ្ងៃទី១៩ មិថុនានេះ តំណាងអយ្យការមិនទាន់ធ្វើការចោទប្រកាន់ជាផ្លូវការនៅឡើយទេ។លោក ឆាយ ហុង ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញបានឲ្យដឹងថា សំណុំរឿងទើបតែបញ្ជូនមកដល់ស្ថាប័នអយ្យការ។ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានឲ្យដឹងថា ករណីឃាតករឈ្មោះ ស្រី ស៊ីណា ដែលមានគោរម្យងារជា ឧកញ៉ា សមត្ថកិច្ចបានរៀបចំសំណុំរឿង សាក្សី និងភស្តុតាងមួយចំនួន ដោយអនុវត្តនូវវិធានការជំនាញ និងវិធានការច្បាប់យ៉ាងតឹងរឹងបំផុតចំពោះករណីបាញ់ប្រហារនៅខណ្ឌច្បារអំពៅនេះ។បើតាមចម្លើយសារភាពរបស់ឃាតករឈ្មោះ ស្រី ស៊ីណា បានប្រាប់នគរបាលពេលចាប់ខ្លួនថា ការបាញ់ប្រហារនេះ គឺផ្ដើមចេញពីទំនាស់គ្នារវាងអ្នកជិតខាង។សូមជម្រាបជូនថា ករណីឃាតកម្មគិតទុកជាមុននេះបានកើតឡើងកាលពីរសៀលថ្ងៃទី១៧ ខែមិថុនា ឆ្នាំ២០២៤ នៅក្នុងបុរី ប៉េង ហួត បឹងស្នោរ គម្រោងទី៧ ស្ថិតក្នុងសង្កាត់និរោធ ខណ្ឌច្បារអំពៅ ដែលបណ្តាលឲ្យមនុស្ស២នាក់បានស្លាប់ និងមានអ្នករងរបួសម្នាក់ ចំពោះខ្មាន់កាំភ្លើងជាឃាតករត្រូវបាននគរបាលចាប់ខ្លួនក្រោយប្រព្រឹត្តិបទល្មើស និងរត់គេចខ្លួនតាមរថយន្តដល់ស្រុកអង្គស្នួល ខេត្តកណ្តាល និងបានឃាត់ខ្លួនជនសង្ស័យមួយចំនួននៅក្នុងករណីនេះផងដែរ៕អត្ថបទ ៖ ប្រាក់ វ៉ាន់ដា

សម្តេចធិបតី ហ៊ុន ម៉ាណែត អញ្ជើញទស្សនាអគារហេដ្ឋារចនាសម្ព័ន្ធ របស់ក្រុមហ៊ុន Keppel

នារសៀលថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូ អញ្ជើញទស្សនាអគារហេដ្ឋារចនាសម្ព័ន្ធ របស់ក្រុមហ៊ុន Keppel ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ក្រុមហ៊ុន Keppel គឺជាក្រុមហ៊ុនគ្រប់គ្រង និងប្រតិបត្តិលើសេវាកម្មទ្រព្យសកម្ម នៅទូទាំង ពិភពលោក និងមានប្រតិបត្តិការជាង ២០ប្រទេសនៅទូទាំងពិភពលោក ដោយផ្តល់នូវសេវាកម្ម សម្រាប់វិស័យថាមពលកកើតឡើងវិញ ថាមពលស្អាត ការបញ្ចេញកាបូនិក ការកសាងទីក្រុង ប្រកបដោយនិរន្តរភាព និងការតភ្ជាប់ប្រព័ន្ធឌីជីថល ។

កម្ពុជា និងសិង្ហបុរី មានសក្តានុពលក្នុងការពង្រីកកិច្ចសហប្រតិបត្តិការជាច្រើនបន្ថែមទៀត សម្រាប់ជាផលប្រយោជន៍នៃប្រទេសទាំងពីរ

នារសៀល ថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួបពិភាក្សាជាមួយឯកឧត្តម Lee Hsien Loong អតីតនាយករដ្ឋមន្ត្រី និងជាទេសរដ្ឋមន្ត្រី នៃសាធារណរដ្ឋសិង្ហបុរី នាឱកាសនៃដំណើរទស្សនកិច្ចផ្លូវការនៅសាធារណរដ្ឋសិង្ហបុរី ពីថ្ងៃទី១៨-១៩ ខែមិថុនា ឆ្នាំ២០២៤។ ឯកឧត្តមទេសរដ្ឋមន្ត្រីនៃសាធារណរដ្ឋសិង្ហបុរី បានសម្តែងនូវកិច្ចស្វាគមន៍ចំពោះការអញ្ជើញបំពេញទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រីរបស់សម្តេចធិបតី និងគណៈប្រតិភូជាន់ខ្ពស់កម្ពុជា នៅសាធារណរដ្ឋសិង្ហបុរី ព្រមទាំងបានបង្ហាញក្តីរីករាយ ដែលបានជួបជាមួយសម្តេចធិបតី ជាថ្មីម្តងទៀត បន្ទាប់ពីបានជំនួបពិភាក្សាគ្នានាពេលកន្លងមក ជាពិសេសក្នុងអំឡុងពេលកិច្ចប្រជុំកំពូលពិសេស អាស៊ាន-អូស្រ្តាលី នៅប្រទេសអូស្ត្រាលី កាលពីខែមីនា ឆ្នាំ២០២៤។ ទន្ទឹមនោះ ឯកឧត្តមទេសរដ្ឋមន្ត្រី ក៏បានវាយតម្លៃខ្ពស់ចំពោះលទ្ធផល ប្រកបដោយផ្លែផ្កា នៃកិច្ចប្រជុំពិភាក្សាការងាររបស់សម្តេចធិបតី ជាមួយឯកឧត្តមប្រធានាធិបតី Tharman Shanmugaratnam និងឯកឧត្តមនាយករដ្ឋមន្រ្តី Lawrence Wong កាលពីថ្ងៃទី១៨ ខែមិថុនា ឆ្នាំ២០២៤ ផងដែរ។ជាការឆ្លើយតប សម្ដេចធិបតី បានថ្លែងអំណរគុណ ចំពោះបដិសណ្ឋារកិច្ចដ៏កក់ក្តៅពីសំណាក់រដ្ឋាភិបាល និងប្រជាជនសិង្ហបុរី ព្រមទាំងបានគូសរំលេចអំពីកិច្ចពិភាក្សាលើវិស័យផ្សេងៗ នៃកិច្ចសហប្រតិបត្តិការសំខាន់ៗរវាងកម្ពុជា និងសិង្ហបុរី ដែលជាចំណងការទូតដ៏យូរអង្វែង ជាពិសេសចាប់តាំងពីប្រទេសកម្ពុជាបានទទួលស្គាល់ឯករាជ្យភាពរបស់សិង្ហបុរីនៅឆ្នាំ១៩៦៥ ហើយ សម្តេចធិបតី ក៏បានបញ្ជាក់ថា ប្រទេសសិង្ហបុរីបានដើរតួនាទីយ៉ាងសំខាន់ក្នុងការចូលរួមចំណែកអភិវឌ្ឍន៍សង្គម-សេដ្ឋកិច្ចរបស់ព្រះរាជាណាចក្រកម្ពុជា នាពេលកន្លងមក។ សម្ដេចធិបតី និងឯកឧត្តមទេសរដ្ឋមន្ត្រី ក៏បានគូសរំលេចផងដែរថា កម្ពុជា និងសិង្ហបុរី មានសក្តានុពលក្នុងការពង្រីកកិច្ចសហប្រតិបត្តិការជាច្រើនបន្ថែមទៀតសម្រាប់ជាផលប្រយោជន៍នៃប្រទេសទាំងពីរ ដោយផ្តោតសំខាន់លើវិស័យសក្តានុពលមួយចំនួន ដូចជា៖ ការបណ្តុះបណ្តាលវិជ្ជាជីវៈ ការអប់រំ សន្តិសុខថាមពល ការការពារបរិស្ថាន ការថែរក្សាសុខសន្តិភាពនៅក្នុងតំបន់ និងការធានាបាននូវវិបុលភាពក្នុងតំបន់។ ឆ្លៀតក្នុងឱកាសនេះ ឯកឧត្តមទេសរដ្ឋមន្រ្តី ក៏បានក្រាបបង្គំថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសនៃព្រះរាជពិធីចម្រើនជន្មាយុរបស់សម្ដេចព្រះមហាក្សត្រី ព្រះវររាជមាតាជាតិខ្មែរ គម្រប់៨៨ ឈានចូល៨៩ ព្រះសិរីវស្សា។ មុននឹងបញ្ចប់ ឯកឧត្តមទេសរដ្ឋមន្ត្រី បានផ្តាំផ្ញើការសួរសុខទុក្ខជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ហើយឯកឧត្តមសង្ឃឹមថានឹងបានទទួលស្វាគមន៍ដ៏កក់ក្តៅចំពោះសម្តេចតេជោ បំពេញទស្សនកិច្ចនៅសិង្ហបុរី នាពេលខាងមុខនេះ៕

បណ្ដាញសង្គម

ព័ត៌មានថ្មីៗ

ប្រទេសចិន និយាយពី «ផ្នែកត្រឹមត្រូវនៃប្រវត្តិសាស្ត្រ» ក្នុងភាពជាប់គាំងខាងពាណិជ្ជកម្មជាមួយអាមេរិក

ជនស៊ីវិលជាង៣០នាក់ត្រូវបានសម្លាប់ដោយកងកម្លាំងយោធាប៉ារ៉ានៅក្រុង Omdurman ប្រទេសស៊ូដង់

កាណាដា ត្រៀមបោះឆ្នោតនៅថ្ងៃចន្ទនេះ ក្នុងព្រឹត្តិការណ៍ដែលគ្របដណ្ដប់ដោយសង្គ្រាមពាណិជ្ជកម្ម

ភ្លៀងធ្លាក់លាយឡំខ្យល់កន្រ្តាក់ បណ្តាឲ្យផ្ទះពលរដ្ឋរងការប៉ះពាល់ចំនួន២១ខ្នង ក្នុងឃុំចំនួនបួន

ប្រឡាយមេរំដោះទឹកមួយខ្សែបន្ថែមទៀតស្ថិតនៅក្រុងបាវិតត្រូវបានជីកស្ដាររួចរាល់

ផ្សារហ៊ុនអាស៊ីឡើងខ្ពស់ក្នុងពេលមានភាពមិនច្បាស់លាស់លើគោលនយោបាយពាណិជ្ជកម្មអាមេរិកនៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877