BTV NEWS

សង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីកងកម្លាំងយោធាថៃបន្តការបាញ់ប្រហារ មកលើកងកម្លាំងកម្ពុជានៅយោធភូមិភាគទី៤ គិតចាប់ពីម៉ោង ៤:០០នាទីទៀបភ្លឺ រហូតដល់ម៉ោង ១៧:០០នាទី ថ្ងៃទី១៥ ខែធ្នូ ឆ្នាំ២០២៥

រដ្ឋមន្រ្តីសុខាភិបាល «ការសង្រ្គោះព្យាបាលវីរកងទ័ព គឺជាអាទិភាពខ្ពស់បំផុត ទោះស្ថិតក្នុងស្ថានការណ៍លំបាកយ៉ាងណាក៏ដោយ»

កាណាដា ស្នើឱ្យអាជ្ញាធរមីនជាអ្នករៀបចំចាត់អាទិភាពលើកិច្ចការសកម្មភាពមីននៅកម្ពុជា និងសម្របសម្រួលជាមួយប្រតិបត្តិករដោះមីនដែលបានដាក់សំណើសុំឱ្យកាណាដាគាំទ្រដល់គម្រោងបោសសម្អាតមីនរបស់ខ្លួន

ថៃពង្រីកការឈ្លានពានចូលដល់ទឹកដីខេត្តសៀមរាប និងបង្កើនការបាញ់ប្រហារនៅតំបន់មួយចំនួន

ព័ត៌មានជាតិ

ឯកឧត្តមកិត្តិសង្គហបណ្ឌិត ហ៊ីង ប៊ុនហៀង៖ សន្តិភាពមានតម្លៃធំធេងមិនអាចកាត់ថ្លៃបាន ជាមរតកដ៏មហាសាលរបស់សម្តេចតេជោ អតីតប្រមុខនៃរាជរដ្ឋាភិបាលកម្ពុជា

កំពង់ធំ៖ ឯកឧត្តមកិត្តិសង្គហបណ្ឌិត ហ៊ីង ប៊ុនហៀង បានបញ្ជាក់ថា សន្តិភាពមានតម្លៃធំធេងមិនអាចកាត់ថ្លៃបាន ជាមរតកដ៏មហា សាលរបស់សម្តេចតេជោ ហ៊ុន សែន អតីតប្រមុខនៃរាជរដ្ឋាភិបាលកម្ពុជា បច្ចុប្បន្នជាប្រធានព្រឹទ្ធសភា ដែលបានដាក់ចេញនយោ បាយឈ្នះឈ្នះ ដោយសារនយោបាយនេះហើយ ដែលធ្វើឲ្យកម្ពុជាក្លាយពីប្រទេសមួយដែលមានតំបន់ត្រួតត្រាច្រើន ទៅជាប្រទេសដែលមានតំបន់ត្រួតត្រាមួយ រដ្ឋធម្មនុញ្ញតែមួយ ព្រះមហាក្សត្រតែមួយ រាជរដ្ឋាភិបាលតែមួយ និងកងកម្លាំងប្រដាប់អាវុធតែមួយ។ឯកឧត្តមកិត្តិសង្គហបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចធិបតីនាយករដ្ឋ មន្ត្រីនៃកម្ពុជា សមាជិកគណៈអចិន្ត្រៃយ៍គណៈ កម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខុទ្ទកាល័យសម្តេចធិបតី ហ៊ុន ម៉ាណែត បានថ្លែងដូចនេះ ក្នុងឱកាសជួបសំណេះសំណាលជាមួយមន្ត្រីគណបក្សស្រុកប្រាសាទបល្ល័ង្ក ខេត្តកំពង់ធំ នាព្រឹកថ្ងៃទី៨ ខែមិនា ឆ្នាំ២០២៥ ។ឯកឧត្តមបានថ្លែងថា សន្តិភាពនៅកម្ពុជា រកបានមកដោយលំបាក សម្តេចតេជោ ហ៊ុន សែន រួមនិងឥស្សរជនជាថ្នាក់ដឹកនាំនៅក្នុងជួរកងយោធពលខេមរភូមិន្ទជាច្រើនទៀត បានធ្វើពលកម្មប្តូរជីវិតចូលទៅតំបន់ខ្មែរក្រហម ដើម្បីស្វែងរកការចចារ ផ្សះផ្សារ បង្រួបបង្រួម ស្វែងរកសន្តិភាពតាមនយោបាយឈ្នះឈ្នះ ហើយឥឡូវនេះសន្តិភាពបានកើតមានពេញលេញទូទាំងផ្ទៃប្រទេស ប្រជាពលរដ្ឋធ្វើដំណើរទៅគ្រប់ទីកន្លែងដោយគ្មានការភ័យខ្លាច រួមនិងសង្គមជាតិមានការអភិវឌ្ឍលើគ្រប់វិស័យ។ ដូច្នេះអ្នកណាក៏ ដោយ ដែលមានចេតនា ចង់បំផ្លាញសុខសន្តិភាព ស្ថិរភាពសង្គមគឺមិនអនុញ្ញាតិដាច់ខាត ។ឯកឧត្តមបានបន្ថែមថា ក្រោមការដឹកនាំដ៏វាងវៃរបស់គណបក្ស ប្រជាជនកម្ពុជា សម្តេចតេជោ ហ៊ុនសែន ជាប្រធាន និងរាជរដ្ឋា ភិបាលកម្ពុជា ក្នុងនីតិកាលទី៧ថ្មីនេះ ដែលមានសម្តេចធិបតី ហ៊ុន ម៉ាណែត ជាប្រមុខ បាននិងកំពុងការសម្រេចជោគជ័យសមិទ្ធផលជាតិធំៗជាបន្តបន្ទាប់ ស្របតាមយុទ្ធសាស្ត្របច្ចកោណដំណាក់កាលទី១ ដែលបានដាក់ចេញ ជាពិសេសការកែទម្រង់រាជរដ្ឋាភិបាលឱ្យក្លាយទៅជារារដ្ឋាភិបាលឌីជីថល ដោយផ្តោតយកកត្តាធនធាន មនុស្សជាអាទិភាពជាគន្លឹះក្នុងការអភិវឌ្ឍន៍ សំដៅឈានទៅសម្រេចបានផែនការចក្ខុវិស័យទៅជាប្រទេសមានចំណូលមធ្យមកម្រិតខ្ពស់ឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ សម្តេចធិបតី ហ៊ុន ម៉ា ណែត បាននិងកំពុងបន្តសកម្មភាពក្នុងការកសាងបណ្តុះគំនិត ស្មារតីស្រឡាញ់សន្តិភាព ដែលជាបំណងប្រាថ្នារបស់ប្រជាពលរដ្ឋកម្ពុជាទូទាំងប្រទេស។ឯកឧត្តម បានពន្យល់ដល់មន្ត្រីគណបក្ស និងប្រជាជនទាំងអស់ ឲ្យចេះពិចារណាបែងចែកឱ្យបានច្បាស់លាស់ នូវព័ត៌មានបំផ្លើសការពិត ព័ត៌មានដែលមានលក្ខណៈញុះញង់ ហើយត្រូវមានការប្រុងប្រយ័ត្នខ្ពស់កុំចាញ់ល្បិចកលក្រុមជ្រុលនិយមមួយក្តាប់តូចដែលមានបំណងតែម៉្យាងគឺចង់ផ្ដួលរំលំរាជរដ្ឋាភិបាលស្របច្បាប់តែប៉ុណ្ណោះ ។ ក្នុងស្មារតីនេះ ឯកឧត្តមកិត្តិសង្គហបណ្ឌិតបានអំពាវ នាវដល់មន្ត្រីគណបក្ស និងប្រជាពលរដ្ឋគ្រប់រូប ត្រូវខិតខំបន្តពង្រឹងការពារ ថែរក្សាសន្តិភាព និងលើកកម្ពស់ស្មារតីទទួលខុសត្រូវចំពោះជោគវាសនាប្រទេសជាតិ ពង្រឹងការឯកភាពជាតិ ជៀសវាងរាល់អំពើទាំងឡាយណា ដែលនាំឲ្យខ្មែរបែកបាក់ ដោយគោរពនូវវប្បធម៌អហឹង្សា និងរក្សាការពារបាននូវសន្តិសុខសណ្តាប់ធ្នាប់សង្គម ។ក្នុងឱកាសនោះ ឯកឧត្តម កិត្តិសង្គហបណ្ឌិត ហ៊ីង ប៊ុនហៀង បាននាំយកអំណោយដ៏ថ្លៃថ្លារបស់សម្តេចតេជោ សម្តេចកិត្តិព្រឹទ្ធបណ្ឌិត សម្តេចធិបតី និងលោកជំទាវបណ្ឌិត ឧបត្ថម្ភដល់គណបក្សស្រុកប្រាសាទបល្ល័ង្ក ខេត្តកំពង់ធំ មានថវិកាចំនួន ៤លានរៀល និង វិទ្យុទាក់ទង ចំនួន ១០គ្រឿង, ឧបត្ថម្ភដល់នគរបាលស្រុក ថវិកា ២លានរៀល និងវិទ្យុ ទាក់ទង ១០គ្រឿង, កងរាជអាវុធហត្ថស្រុក ថវិកា ២លានរៀល និងវិទ្យុទាក់ទង ១០គ្រឿង និងបានឧបត្ថម្ភផ្នែកសឹករងស្រុក ថវិកា ១ លានរៀល និងវិទ្យុទាក់ទង ចំនួន ១០គ្រឿង ព្រមទាំងបានឧបត្ថម្ភកៅអីសិស្ស មានចំនួន ៥៧០ កៅអី និងម៉ាស៊ីនកំព្យូទ័រ ៥គ្រឿង ដល់សាលារៀននៅទូទាំងស្រុកប្រាសាទបល្ល័ង្កផងដែរ ៕ អត្ថបទ,ភារម្យ

អ្នកស្រាវជ្រាវសង្គម៖ ស្រ្តីត្រូវបានលើកកម្ពស់នៅក្នុងវិស័យការងារ និងទទួលបានកិច្ចគាំពារពេញលេញ

ភ្នំពេញ៖ អ្នកជំនាញនៃរាជបណ្ឌិត្យសភាកម្ពុជា បានលើកឡើងថា សិទ្ធិស្រ្តីនៅកម្ពុជាត្រូវបានលើកកម្ពស់ និងទទួលបានកិច្ចគាំពារសង្គមពេញលេញពីសំណាក់រាជរដ្ឋាភិបាលកម្ពុជា។ ទន្ទឹមនឹងនេះ ស្រ្តីបាននិងកំពុងដើរតួរនាទីយ៉ាងសំខាន់នៅក្នុងសង្គមសេដ្ឋកិច្ចកម្ពុជា និងមានភាពស្មើមុខស្មើមាត់ដូចទៅនឹងបុរសផងដែរ។ លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានលើកឡើងថា បើនិយាយពីសិទ្ធិវិញ ស្រ្តីនៅកម្ពុជាត្រូវបានលើកកម្ពស់ពីគ្រប់ភាគីពាក់ព័ន្ធ ជាងនេះទៀតស្រ្តីបានចូលរួមយ៉ាងសកម្មនៅក្នុងចរន្តសេដ្ឋកិច្ច រួមទាំងនយោបាយ សង្គមនៅកម្ពុជា។ ស្រ្តីមានភាពស្មើមុខស្មើមាត់ជាមួយបុរសនៅគ្រប់វិស័យ ជាពិសេសស្រ្តីបានដើរតួនាទីយ៉ាងសំខាន់នៅក្នុងគ្រួសារ។ លោកបណ្ឌិតបានសង្កត់ធ្ងន់បន្ថែមថា បើនិយាយនៅក្នុងវិស័យការងារវិញ ស្រ្តីត្រូវបានគិតគូរពេញលេញពីសំណាក់រាជរដ្ឋាភិបាលកម្ពុជា។ ជាពិសេសស្រ្តីនៅក្នុងវិស័យកាត់ដេរសម្លៀកបំពាក់វិញ ទទួលបាននូវកិច្ចគាំពារសង្គមតាមរយៈការប្រើប្រាស់បណ្ណ ប.ស.ស. ពិនិត្យសុខភាពដោយឥតគិតថ្លៃ និងអត្ថប្រយោជន៍ដ៏ទៃទៀតផងដែរ ជាពិសេសស្រ្តីមានផ្ទៃពោះ។ ចំណែកបណ្តាមេដឹកនាំសហជីពនៅកម្ពុជាក៏បានគូសបញ្ជាក់ដែរថា រាជរដ្ឋាភិបាលកម្ពុជាអាណត្តិមុនៗក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី ស្រ្តីនៅក្នុងវិស័យការងារត្រូវបានលើកកម្ពស់សិទ្ធិ ទទួលបានកិច្ចគាំពារពេញលេញ និងទទួលបានភាពកក់ក្តៅ។ ទន្ទឹមនឹងនេះដែរ រាជរដ្ឋាភិបាលអាណត្តិទី៧នេះ ស្រ្តីនៅក្នុងវិស័យការងារមិនថាក្នុងប្រព័ន្ធ និងក្រៅប្រព័ន្ធ នៅតែទទួលបានការលើកកម្ពស់ និងការគាំពារយ៉ាងពេញលេញ។ លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC) បានលើកឡើងថា ស្រ្តីនៅក្នុងវិស័យការងារនៅប្រទេសកម្ពុជាត្រូវបានលើកកម្ពស់ និងមានការយកចិត្តទុកដាក់ខ្ពស់ពីសំណាក់ប្រមុខរាជរដ្ឋាភិបាលកម្ពុជា មិនថាឱកាសការងារ កិច្ចគាំពារសង្គម និងអត្ថប្រយោជន៍ផ្សេងៗទៀតនោះទេ។ ប្រធានសហជីពរូបនេះបន្ថែមថា បើនិយាយនៅក្នុងវិស័យការដេរសម្លៀកបំពាក់វិញ ស្រ្តីមានជិត១លាននាក់ ច្រើនជាងបុរសដាច់ ដូច្នេះវាបានបង្ហាញថាស្រ្តីនៅកម្ពុជាបានដើរតួនាទី និងចូលរួមចំណែកយ៉ាងសំខាន់នៅក្នុងវិស័យការងារនៅកម្ពុជា។ ទន្ទឹមនឹងនេះ វាក៏បានបង្ហាញថា ស្រ្តីជាចំណែកមួយយ៉ាងសំខាន់នៅក្នុងសង្គមសេដ្ឋកិច្ច ខណៈដែលកត្តាយេនឌ័រត្រូវបានលើកកម្ពស់ស្មើភាពគ្នារវាងស្ត្រី និងបុរស៕

ក្រុមការងារ និងនិស្សិតអាហារូបករណ៍ អ.ម.ត រាជធានីភ្នំពេញ ចូលរួមរត់ និងសហការសម្របសម្រួលរៀបចំ "ទិវារត់ប្រណាំងឆ្ពោះទៅមុខដើម្បីស្រ្តី ៨មីនា ២០២៥”

នាព្រឹកថ្ងៃទី៨ ខែមីនា ឆ្នាំ២០២៥ ក្រុមការងារ និងនិស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) រាជធានីភ្នំពេញ ចំនួនប្រមាណជាង ៥០ រូប បានចូលរួមរត់ និងសហការសម្របសម្រួលរៀបចំ "ទិវារត់ប្រណាំងឆ្ពោះទៅមុខដើម្បីស្រ្តី ៨មីនា ២០២៥” ដែលបានប្រព្រឹត្តទៅនៅមុខវត្តបុទុមវតី ដើម្បីអបអរសាទរ ខួបលើកទី ១៤៤ ទិវាអន្តរជាតិនារី ៨ មីនា ក្រោមប្រធានបទ៖ " សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប "។ក្រុមនិស្សិតអាហារូបករណ៍ អ.ម.ត បានគោរពថ្លែងអំណរគុណជូនចំពោះ សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលបានអនុញ្ញាតឱ្យពួកគេទទួលបានឱកាសចូលរួមកិច្ចការងារសង្គមនានា។ ជាក់ស្តែង តាមរយៈព្រឹត្តិការណ៍ខាងលើ ក្រុមនិស្សិត អ.ម.ត ពិតជាទទួលបាននូវចំណេះដឹង ចំណេះធ្វើ បទពិសោធ ការសាមគ្គី ការធ្វើការងារជាក្រុម និងការទំនាក់ទំនងល្អ បន្ថែមពីលើការសិក្សា នៅក្នុងសាលាមួយកម្រិតថែមទៀត៕

សប្បុរសជនចាត់ទុកការបរិច្ចាកឈាមមានសារៈសំខាន់បំផុត ដើម្បីជួយសង្គ្រោះអ្នកត្រូវការឈាម

ភ្នំពេញ ÷ សប្បុរសជនដែលចូលរួមបរិច្ចាគឈាម ចាត់ទុកការបរិច្ចាកឈាមរបស់ពួកគាត់មានសារៈសំខាន់បំផុត ក្នុងការចូលរួមជួយ សង្គ្រោះដល់អ្នកដែលត្រូវការឈាម ព្រមទាំងបានប្តេជ្ញាចិត្តខ្ពស់លើការចូលរួមបរិច្ចាកឈាមជាបន្តបន្ទាប់ ជាពិសេសការជួយគៀងគរ បំផុសចលនាឲ្យយុវជន និងប្រជាពលរដ្ឋចូលរួមឱ្យបានកាន់តែច្រើនថែមទៀត។សមាគមធនាគារនៅកម្ពុជា (ABC) និងសមាគមមីក្រូហិរញ្ញវត្ថុកម្ពុជា (CMA) សហការជាមួយមជ្ឈមណ្ឌលជាតិផ្តល់ឈាម កម្ពុជា នៅថ្ងៃម្សិលមិញនេះបានរៀបចំកម្មវិធីបរិច្ចាគឈាម ដោយព្រឹត្តិការណ៍នេះមានគោលបំណងចូលរួមចំណែកបំពេញតម្រូវការផ្គត់ផ្គង់ឈាម នៅតាម មន្ទីរពេទ្យនៃប្រទេសកម្ពុជា ព្រមទាំងលើកកម្ពស់វប្បធម៌នៃការបរិច្ចាគឈាមដោយស្ម័គ្រចិត្តនៅក្នុងវិស័យធនាគារ និងហិរញ្ញវត្ថុ ជាក់ ស្តែងកម្មវិធីបរិច្ចាគឈាមនេះមានការចូលយ៉ាងច្រើនកុះករ ពីថ្នាក់ដឹកនាំធនាគារជាតិនៃកម្ពុជា ថ្នាក់ដឹកនាំគ្រឹះស្ថានធនាគារ និងមីក្រូ ហិរញ្ញវត្ថុ មន្រ្តី និងបុគ្គលិកធនាគារជាតិនៃកម្ពុជា និងបុគ្គលិកគ្រឹះស្ថានធនាគារ និងមីក្រូហិរញ្ញវត្ថុ ប្រមាណជា ៥០០ នាក់។ ជុំវិញការបរិច្ចាគឈាមនេះ មន្រ្តីរាជការ និងបុគ្គលិកមកពីគ្រឹះធនាគារនិងហិរញ្ញវត្ថុនានា បានបង្ហាញនូវសកម្មភាពមនុស្សធម៌ ដ៏ប្រពៃ និងមានតម្លៃបំផុត ក្នុងការចូលរួមលើកស្ទួយការងារសង្គម ខណៈដែលសង្គមបច្ចុប្បន្នកំពុងមានតម្រូវការឈាម ដើម្បីជួយដល់ អ្នករងគ្រោះ និងងាយរងគ្រោះ។ មន្រ្តីរាជការ និងបុគ្គលិកទាំងនោះ បានប្តេជ្ញាចិត្តខ្ពស់ នឹងចូលរួមជាមួយសកម្មភាពបរិច្ចាកឈាម នេះជាបន្តបន្ទាប់ទៀត ព្រោះការបរិច្ចាកឈាមពិតជាមានសារៈសំខាន់បំផុត និងជាបច្ច័យដ៏ថ្លៃថ្លារ ដើម្បីជួយសង្គ្រោះជីវិតអ្នកដែលត្រូវ ការឈាម ពោលគឺយើងត្រូវចេះជួយគ្នា នៅគ្រាដែលត្រូវការ ដូចជាការបរិច្ឆាកឈាមនេះជាដើម។ លោកស្រីវេជ្ជបណ្ឌិត ហេង សុខចម្រើន អនុប្រធាននៃមជ្ឈមណ្ឌលជាតិផ្តល់ឈាម ក្រសួងសុខាភិបាល លើកឡើងថា ក្នុង រយៈពេលកន្លងមកក៏ដូចបច្ចុប្បន្ន ការចូលរួមផ្តល់ឈាមរបស់សប្បុរសជនគឺមានជាបន្តបន្ទាប់ តែទោះបីយ៉ាងណាការចូលរួមពី សប្បុរសជន មិនទាន់ឆ្លើយតបទៅនិងតម្រូវការនៅឡើយទេ ខណៈបច្ចុប្បន្នទើបទទួលបានជាង ២២ ភាគរយ នៃប្រជាជនសរុប ប៉ុណ្ណោះ សម្រាប់ពេលតម្រូវការឈាមក្នុងមួយថ្ងៃៗ ត្រូវការប្រមាណពី ៣០០ ទៅ ៣៨០ ប្លោកក្នុងមួយថ្ងៃ ដែលជាចំនួនមួយខ្ពស់ គួរសម ស្របពេលដែលវិស័យសុខាភិបាលនៅកម្ពុជាកំពុងមានការជឿនលឿន។លោក Ong Ming Teck សមាជិកក្រុមប្រឹក្សាភិបាល សមាគមធនាគារនៅកម្ពុជា បានថ្លែងអំណរគុណដល់ថ្នាក់ដឹកនាំ និង បុគ្គលិកគ្រឹះស្ថានធនាគារ និងហិរញ្ញវត្ថុទាំងអស់ ដែលបានចូលរួមក្នុងកម្មវិធីបរិច្ចាគឈាម ក្នុងនោះជុំវិញវិស័យធនាគារ និងហិរញ្ញវត្ថុ បានកសាងឡើងតាមរយៈការបង្កើនទំនុកចិត្តពីសាធារណជន និងផ្អែកលើការប្រតិបត្តិអាជីវកម្មប្រកបដោយការទទួលខុសត្រូវ និង ការប្តេជ្ញាចិត្តចំពោះសង្គម និងសហគមន៍។ ទំនួលខុសត្រូវរបស់យើង ក្រៅពីការផ្តល់សេវា និងផលិតផលហិរញ្ញវត្ថុ គឺបានរួមបញ្ចូលនូវ ការបណ្តុះនូវស្មារតីសាមគ្គី ក្តីមេត្តា និងសុខមាលភាពរបស់ប្រជាជនកម្ពុជា ជាក់ស្តែងគំនិតផ្តួចផ្តើមនៃការរៀបចំកម្មវិធីការបរិច្ចាគឈាម នេះ គឺស្របតាមយុទ្ធសាស្រ្តបញ្ចកោណរបស់រាជរដ្ឋាភិបាល ដែលផ្តល់អាទិភាពដល់សុខភាព និងភាពធន់របស់ប្រទេសកម្ពុជា៕អត្ថបទ៖ សុន រ៉ាឌី

រដ្ឋមន្រ្តីកសិកម្មបើកកិច្ចជាមួយបណ្តារោងម៉ាស៊ីនកិនស្រូវ ដើម្បីស្វែងរកដំណោះស្រាយអំពីតម្លៃទីផ្សារជូនកសិករ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបពិភាក្សាការងារជាមួយបណ្តារោងម៉ាស៊ីនកិនស្រូវ នៅមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង នៅរសៀលថ្ងៃទី៧ ខែមីនា ឆ្នាំ២០២៥។យោងតាមក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា កិច្ចប្រជុំនេះមានគោលបំណងពិនិត្យមើលស្ថានភាពការទម្លាក់ទុនពិសេសរបស់រាជរដ្ឋាភិបាលដល់រោងម៉ាស៊ីនកិនស្រូវក្នុងស្រុក ក្នុងការប្រើប្រាស់ ដើម្បីទិញស្រូវពីកសិករឱ្យមានប្រសិទ្ធភាពខ្ពស់ និងជួយដល់កសិករបានពិតប្រាកដ។ ក្នុងរយៈពេលប៉ុន្មានឆ្នាំចុងក្រោយនេះ បង្ហាញថា ទុនពិសេសដែលបញ្ចេញដើម្បីរក្សាស្ថិរភាពថ្លៃ និងលំនឹងជីវភាពរបស់ប្រជាកសិករពិតជាមានប្រសិទ្ធភាពខ្ពស់។ទន្ទឹមនឹងនេះ ឯកឧត្តមរដ្ឋមន្រ្តី បានលើកឡើងពីការធ្វើស្តង់ដាមួយដែលបម្រើផលប្រយោជន៍សម្រាប់ផលិតផលអង្ករក្រអូបប្រណីតរបស់កម្ពុជា និងនាំឱ្យកម្ពុជាមានឧត្តមភាពពិតប្រាកដនៅលើទីផ្សារអន្តរជាតិ។ ឯកឧត្តម បញ្ជាក់បន្ថែមថា ពូជស្រូវក្រអូបមានច្រើនប្រភេទរួមមានសែនក្រអូប ចំប៉ីស៧០ ស្រងែថ្មី ដែលរោងម៉ាស៊ីនកិនស្រូវត្រូវផ្តល់តម្លៃដល់ពូជស្រូវក្នុងស្រុកនេះដូចគ្នា សំដៅទទួលបានផលប្រយោជន៍រួមគ្នារវាងកសិករដាំដុះ និងរោងម៉ាស៊ីន និងបង្កើនភាពជឿជាក់ជាមួយគ្នា។ជាទីបញ្ចប់ ឯកឧត្តមរដ្ឋមន្រ្តី ណែនាំឱ្យរោងម៉ាស៊ីនកិនស្រូវក្នុងស្រុក ត្រៀមកំណត់នូវតម្រូវការបរិមាណស្រូវក្រអូបសម្រាប់ទីផ្សារដែលខ្លួនត្រូវការ ដើម្បីជាទិន្នន័យងាយស្រួលក្នុងការរៀបចំសហគមន៍ឱ្យស្របទៅតាមការផ្គត់ផ្គង់ និងមានផែនការជាក់លាក់៕

អ្នកស្រុកអង្គជ័យ ទទួលបានអណ្តូងទឹកស្អាតចំនួន១០ ពីលោកជំទាវ ឌី សុខីទីឃាយុកោ

ក្នុងថ្ងៃទិវាសិទ្ធិនារីអន្តរជាតិ ៨មីនា ២០២៥នេះ លោកជំទាវ ឌី សុខីទីឃាយុកោ ភរិយាឯកឧត្តម ហ៊ុន ម៉ានិត ប្រធានមូលនិធិអណ្តូងទឹកស្អាត អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និង មហា ឧបាសិកា ឌី ប៉ុក រួមទាំងក្រុមការងារបានអញ្ជើញប្រគល់អណ្តូងទឹកស្អាតចំនួន១០ជូន ប្រជាពលរដ្ឋ អាស្រ័យផលនៅភូមិចំនួន៧ នៃឃុំដំបូកខ្ពស់ ស្រុកអង្គជ័យ ខេត្តកំពត។មានប្រសាសន៍សំណេះសំណាលមួយប្រជាពលរដ្ឋ ក្នុងពិធីប្រគល់អណ្តូងទឹកស្អាតទាំងអស់ លោក ជំទាវប្រធានមូលនិធិបាននាំនូវការផ្ដាំផ្ញើសួរសុខទុក្ខពីសំណាក់សម្ដេចតេជោ ហ៊ុន សែន សម្ដេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និង លោកជំទាវបណ្ឌិត ជូនចំពោះបងប្អូនប្រជាពលរដ្ឋ ដែលបានចូលរួមថា សម្តេច លោកតែងតែគិតគូរជានិច្ច ចំពោះសុខទុក្ខប្រជាពលរដ្ឋគ្រប់ទិសទី បើទោះបីសម្តេច លោកមិនបាន អញ្ជើញមកផ្ទាល់ក៏ដោយ។លោកជំទាវប្រធានមូលនិធិឱ្យដឹងទៀតថា អំណោយអណ្តូងទឹកទាំងនេះ គឺជាអំណោយសប្បុរសធម៌ដ៏ថ្លៃថ្លា របស់អ្នកឧកញ៉ា មហាភក្តីសប្បុរិសភោគាធិបតី ហ៊ុន នាង និង មហាឧបាសិកា ឌី ប៉ុក និងអ្នកឧកញ៉ា ព្រឹទ្ធមហាឧបាសិកាធម្មញាណវិវឌ្ឍនា ប៊ុន ស៊ាងលី និងឧបាសក លីន គ្រី ដែល លោកតា លោកយាយសន្សំទុក ធ្វើជូនប្រជាពលរដ្ឋនៅទូទាំងប្រទេស ទោះជាលោក ចែកឋានទៅហើយក្តី ក៏ទុកអោយកូនចៅធ្វើចែកជូនប្រជាជន ដែលរស់នៅជួបការខ្វះខាតទឹកស្អាតប្រើប្រាស់ប្រចាំថ្ងៃនៅទូទាំងប្រទេសកម្ពុជា។លោកជំទាវឱ្យដឹងថា មូលនិធិអណ្តូងទឹកស្អាតបានបង្កើតឡើងជាង១០ឆ្នាំមកហើយ ក្រោមការដឹកនាំដោយលោកជំទាវ ហ៊ុន ម៉ាណា បុត្រីទី២ របស់សម្តេចតេជោ និង សម្តេចកិត្តិព្រឹទ្ធ ប៊ុន រ៉ានី ហ៊ុនសែន បន្ទាប់មកលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តែបច្ចុប្បន្នលោកជំទាវបណ្ឌិត មានភារកិច្ច ច្រើនដែលត្រូវបំពេញ ទើបផ្ទេរការងារនេះមកលោកជំទាវជាអ្នកដឹកនាំបន្ត។ ដូច្នេះលោកជំទាវរួមទាំងស្វាមី តំណាងអោយក្រុមគ្រួសារទាំងមូល បានរួមកំលាំងគ្នាបន្តខិតខំដោយសុទ្ធចិត្ត មិនថាខែប្រាំងឬវស្សា ក្នុងការប្រគល់ក៏ដូចជាពិនិត្យអណ្តូងជូន លោកតាលោក យាយ បង ប្អូន បានប្រើប្រាស់ក្នុងគោលបំណងជួយសម្រួលដល់ជីវភាពប្រចាំថ្ងៃរបស់បងប្អូន។ប្រជាពលរដ្ឋដែលទទួលផលពីអណ្តូងទឹកទាំងអស់ សូមថ្លែងអំណរគុណយ៉ាងជ្រាលជ្រៅ ចំពោះ ម្ចាស់ អំណោយខាងលើ ជាពិសេសក្រុមគ្រួសារសម្តេចតេជោ ហ៊ុន សែន និងសម្តេចកិត្តិ ព្រឹទ្ធបណ្ឌិត ដែលលោកតែងតែគិតគូរពីជីវភាពរស់នៅរបស់ប្រជាពលរដ្ឋ ជាពិសេស អណ្តូងទឹកទាំងនេះបានរួមចំណែកកាត់បន្ថយការចំណាយរបស់ពួកគាត់បានមួយផ្នែក ខណៈ ពីមុនត្រូវចំណាយថវិកាទិញទឹកគេ រឺទៅរកទឹកនៅកន្លែងឆ្ងាយៗយកមកប្រើប្រាស់ប្រចាំថ្ងៃ។សូមបញ្ជាក់ថា នៅក្នុងឱកាសនេះដែរ លោកជំទាវប្រធានមូលនិធិ និងក្រុមការងារបាននាំយក អំណោយរទេះរុញចំនួន២គ្រឿងជូន លោកអាយុ៧៣មួយគ្រឿង និងលោកយាយអាយុ៩៣មួយគ្រឿង និងអំណោយទ្រនប់ដៃរបស់សម្តេចតេជោ និងសម្តេចកិត្តិព្រឹទ្ធបណ្ឌិត ចែកជូនលោកយាយ លោកតា បងប្អូន អុំពូមីង ដែលបានចូលរួមក្នុងពិធី រួមមានថ្នាំពេទ្យ ក្រណាត់ស ក្រមា និងថវិកា មួយចំនួន ។ ដោយឡែក កុមារា កុមារី តូចៗទទួលបានកាបូបស្ពាយ ទៅសាលាម្នាក់មួយៗផងដែរ៕ អត្ថបទ៖ សំ ងីម

ក្រសួងកសិកម្មរៀបចំពិធីអបអរសាទរទិវាអន្តរជាតិនារី ដេីម្បី អរគុណដល់ស្ត្រីដែលដេីរតួនាទីដ៏សំខាន់ក្នុងការអភិវឌ្ឍសង្គមជាតិ

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោកជំទាវ បានអញ្ជេីញជាគណៈអធិបតីក្នុងពិធី អបអរសាទរ ទិវាអន្តរជាតិនារី ៨មីនា ខួបលេីកទី១១៤ ឆ្នាំ២០២៥ នៅទីស្តីការក្រសួង កាលពីកន្លងទៅនេះ។ ស្ថិតក្រោមមូលបទ “សិទ្ធិ សមភាព និងភាពអង់អាចចំពោះស្រ្តីនិងក្មេងស្រីគ្រប់រូប" ឯកឧត្តមរដ្ឋមន្ត្រី បានសម្តែងនូវការអបអរសាទរ និងក្តីសោមនស្សរីករាយ ចំពោះការប្រារព្ធពិធីដ៏មានអត្ថន័យនេះ ដែលការចូលរួមរបស់ស្រ្តីពិតជាមានសារៈសំខាន់ណាស់ក្នុងការរួមចំណែកអភិវឌ្ឍសង្គមជាតិ។ឯកឧត្តមរដ្ឋមន្ត្រី បានលេីកទឹកចិត្តឱ្យមានការគិតគូរលេីមន្រ្តីរាជការជាស្ត្រី ដោយត្រូវវាយតម្លៃឱ្យបានល្អិតល្អន់ ឈ្វេងយល់ពីស្ថានភាព ផ្តល់ឱកាសការងារ ផ្តល់សិទ្ធិអាទិភាពដល់បងប្អូនស្ត្រីដែលមានសមត្ថភាព មានចំណង់ចំណូលចិត្តពិតប្រាកដ មានលទ្ធភាពបំពេញការងារពេញលេញ មានការទទួលខុសត្រូវ និងចូលរួមជាកម្លាំងជាមួយបុរសដើម្បីភាពរីកចម្រើនក្នុងវិស័យកសិកម្ម និងសង្គមជាតិ ប្រកបដោយភាពរឹងមាំ និងភាពជឿជាក់។ជាថ្មីម្តងទៀត ក្នុងមនោសញ្ចេតនាអបអរសាទរទិវាអន្តរជាតិនារី ៨មីនា ខួបលេីកទី១១៤ ឆ្នាំ២០២៥ ឯកឧត្តមរដ្ឋមន្ត្រី និងលោកជំទាវ ថ្លែងអំណរគុណដល់ថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់ដែលបានសហការការងារក្នុងវិស័យកសិកម្ម និងចូលរួមដោះស្រាយការងារចំពោះមុខប្រកបដោយប្រសិទ្ធភាព និងសូមជូនពរដល់ស្រ្តី និងក្មេងស្រីគ្រប់រូប ទទួលបានសេចក្តីសុខ សុភមង្គលក្រោមម្លប់សុខសន្តិភាព៕

គណបក្សហ៊្វុនស៊ិនប៉ិច ប្រារព្ធពិធីអបអរសាទរខួបអនុស្សាវរីយ៍លើកទី១១៤ នៃទិវាអន្តរជាតិនារី ៨មីនា

ភ្នំពេញ៖ គណបក្សរាជានិយមហ៊្វុនស៊ិនប៉ិច នៅព្រឹកថ្ងៃទី ៨ ខែមីនា ឆ្នាំ២០២៥ បានប្រារព្ធពិធីអបអរសាទរខួបអនុស្សាវរីយ៍លើកទី ១១៤ នៃទិវាអន្តរជាតិនារី ៨មីនា ក្រោមប្រធានបទ «សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប »។ កម្មវិធីនេះ ប្រព្រឹត្តិទៅក្រោមអធិបតីភាពព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច នៅទីស្នាក់ការកណ្តាលគណបក្ស ស្ថិតក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ដោយមានការចូលរួមពីថ្នាក់ដឹកនាំ សមាជិកា ជាស្រ្តីប្រមាណ១០០នាក់ ។

រឿងរ៉ាវស្នើរសុំដកមេភូមិព្រែកតាគង់១ ត្រូវបានបញ្ចប់ ដោយអាជ្ញាធរអញ្ជើញពលរដ្ឋមកពន្យល់អំពីតួនាទីមេភូមិ និងនីតិវិធី

ភ្នំពេញ៖ រឿងរ៉ាវស្នើរសុំដកដំណែងមេភូមិព្រែកតាគង់១ ជាភូមិចំណុចសង្កាត់ចាក់អង្រែលើ នៃខណ្ឌមានជ័យ ត្រូវបានបញ្ចប់ទៅវិញហើយ ដោយអាជ្ញាធរបានអញ្ជើញបងប្អូនប្រជាពលរដ្ឋមកពន្យល់អំពីនីតិវិធីឱ្យបានច្បាស់លាស់ លើការដក ឬដាក់ដំណែងរបស់មេភូមិនីមួយៗ ។កាលពីរសៀលថ្ងៃទី០៧ ខែមិនា ឆ្នាំ២០២៥ រដ្ឋបាលខណ្ឌមានជ័យ បានកោះអញ្ជើញបងប្អូនប្រជាពលរដ្ឋឱ្យមកសាលាខណ្ឌមានជ័យ ដើម្បីធ្វើបទបង្ហាញ និងពន្យល់ឱ្យបានច្បាស់ លើតួនាទី និងភារកិច្ចរបស់មេភូមិ ក្រោយពលរដ្ឋមានការអាក់អន់ស្រពោនចិត្តជាមួយលោកឡុង ហឿន ប្រធានភូមិព្រែកតាគង់១ រហូតមានការផ្តិតមេដៃស្នើរសុំដកដំណែង ដោយសារតែលើកហេតុផលថា លោកមេភូមិមិនសូវខ្វល់ខ្វាយជាមួយពលរដ្ឋ ពិសេសការបង្ក្រាបល្បែងស៊ីសង , ក្មេងទំនើង និងគ្រឿងញៀនជាដើម ។ វេទិការជួបគ្នាដើម្បី ពន្យល់ណែនាំ និងពិគ្រោះយោបល់នេះ ធ្វើឡើងក្រោមវត្តមានលោក សេង គន្ធ អភិបាលខណ្ឌមានជ័យ និងដោយមានការចូលរួមពីលោកអធិការ , លោកមេបញ្ជាការកងរាជអាវុធហត្ថ , លោកចៅសង្កាត់ចាក់អង្រែលើ និងអស់លោកលោកស្រីមន្ត្រីជំនាញ រួមទាំងបងប្អូនប្រជាពលរដ្ឋជាង២០០នាក់ផងដែរ ។ លោកកែវ សាវឿន ចៅសង្កាត់ចាក់អង្រែលើ បានឱ្យដឹងថា ក្នុងមេភូមិម្នាក់ៗ មុនជាប់ជាភូមិបាន ត្រូវឆ្លងកាត់ការបោះឆ្នោតជ្រើសរើសពីសំណាក់សមាជិកក្រុមប្រឹក្សាសង្កាត់ ដោយបេក្ខភាពមេភូមិរូបនោះត្រូវជាប្រជាជនដែលរស់នៅក្នុងតំបន់នោះ , មានសញ្ចាតិខ្មែរ , មានអាយុលើសពី២៥ និងមានលំនៅឋានអចិន្ត្រៃយ៍ច្រើនជាង៦ខែនៅភូមិឋាននោះ ទើបអាចឋិតក្នុងការបោះឆ្នោតជ្រើសរើសជាមេភូមិបាន ។ ចំពោះការត្រូវបាត់បង់តួនាទីជាមេភូមិទៅវិញ គឺដោយសារកត្តា ៖ មរណះភាព , លាឈប់ , បាត់បង់សតិ ឬកាយសម្បទា ដោយមានការបញ្ជាក់មន្ទីរពេទ្យ , ត្រូវបានតុលាការផ្តន្ទាទោស ពីបទល្មើសឧក្រិដ្ឋ , មានទីលំនៅនៅភូមិផ្សេង , មានកំហុសឆ្គងការងារមិនស្តាប់តាមការណែនាំ ទើបត្រូវបញ្ឈប់ដំណែងដោយក្រុមប្រឹក្សាសង្កាត់ ។ លោកចៅសង្កាត់បន្ថែមថា មេភូមិ គឺជាសេនាធិការរបស់អាជ្ញាធរសង្កាត់ ដោយលោជាភ្នែកជាច្រមុះ ក្នុងការទទួលដឹងលឺពីបញ្ហា និងសុខទុក្ខនានារបស់ពលរដ្ឋ ប៉ុន្តែលោកពុំមានសមត្ថកិច្ច ឬសិទ្ធិអំណាចណាមួយ ដើម្បីដោះស្រាយជូនពលរដ្ឋនោះឡើយ លើកលែងតែរឿងនោះជារឿងតូចតាចបំផុត ហើយជារឿងដែលអាចចចារដោយផ្ទាល់មាត់ ទើបលោកមានសិទ្ធិក្នុងការសម្របសម្រួល ។ ក្រៅពីនោះ លោកត្រូវចាំបាច់រាយការណ៍បន្តមកកាន់អាជ្ញាធរថ្នាក់លើ ដែលជារដ្ឋអំណាចមានសមត្ថកិច្ចក្នុងដៃ ដើម្បីទៅអន្តរាគន៍ ឬដោះស្រាយចំពោះបញ្ហានានារបស់ប្រជាពលរដ្ឋ ដែលកំពុងកើតមាន ឬកំពុងជួបប្រទះ ។ ក្នុងពិធីនោះ បងប្អូនប្រជាពលរដ្ឋ បានទទួលជ្រាបកាន់តែច្បាស់ អំពីការពន្យល់ណែនាំរបស់អាជ្ញាធរ ប៉ុន្តែពួកគាត់បានលើកឡើងជាសំណើរសំណូមពរជាច្រើនទៅកាន់អាជ្ញាធរដើម្បីជួយដោះស្រាយ លើបញ្ហាដែលពួកគាត់កំពុងជួបប្រទះ មានដូចជាបញ្ហាផ្លូវ , បញ្ហាភ្លើង , គ្រឿងញៀន និងបញ្ហាអសន្តិសុខនានា ដែលឧស្សាហ៍កើតមាន ។ ពិសេសពួកគាត់ស្នើរឱ្យលោកមេភូមិ បន្តយកចិត្តទុកដាក់ និងនៅឱ្យគៀកកើយស្និទ្ធិស្នាលជាមួយពួកគាត់ឱ្យបានច្រើន ដើម្បីពួកគាត់ទទួលបានភាពកក់ក្តៅ ងាយផ្តល់ព័ត៌មានផ្សេងៗ ។ក្នុងឱកាសដដែល លោក សេង គន្ធ អភិបាលខណ្ឌមានជ័យ បានឡើងមានមតិទទួលយកសំណើរសំណូមពររបស់ប្រជាពលរដ្ឋទាំងអស់ ដោយលោកក៏សុំការអភ័យទោស និងអាធ្យាស្រ័យ ចំពោះការចន្លោះប្រហោងតិចតួច ក្នុងការបម្រើបងប្អូន ។ លោកអភិបាលបានបញ្ជាក់ថា ការដកដាក់មេភូមិ មិនមែនជាសមត្ថកិច្ចរបស់ក្រសួងមហាផ្ទៃ , របស់រដ្ឋបាលរាជធានី ឬសមត្ថកិច្ចរបស់រដ្ឋបាលខណ្ឌឡើយ វាជាសមត្ថកិច្ចតែមួយគត់របស់ក្រុមប្រឹក្សាសង្កាត់ ដែលជាមូលមតិជាឯកច្ឆន្ទ ដើម្បីជ្រើសតាំងតែប៉ុណ្ណោះ ។ លោកអភិបាលខណ្ឌ ក៏បានណែនាំដល់កងកម្លាំងប្រដាប់អាវុធទាំង២ប្រភេទ ពិសេសគណះបញ្ជាការឯកភាពរដ្ឋបាលសង្កាត់ចាក់អង្រែលើ ឱ្យសហការគ្នា ចុះជាប់លាប់ជាប្រចាំនៅតំបន់ភូមិព្រែកតាគង់១ខាងលើ ដើម្បីបង្ការទប់ស្កាត់បទល្មើសកុំឱ្យកើតមាន ក្នុងគោលដៅធានារក្សាបានសន្តិសុខសុវត្ថិភាពល្អជូនពលរដ្ឋនៅតំបន់នោះ ពិសេសត្រូវរងចាំទទួលព័ត៌មានជាប្រចាំរាល់ពេលមានទុក្ខកង្វល់របស់ពលរដ្ឋ ដែលមានតម្រូវការចំបាច់ ឱ្យអាជ្ញាធរចុះទៅធ្វើការដោះស្រាយជូនពួកគាត់ ពេលពួកគាត់ជួបបញ្ហា ៕ លីហេង

អង្គភាពស៊ីម៉ាក់មានមោទនភាពចំពោះមន្ត្រីបុគ្គលិកជាស្រ្តីជាពិសេសស្រ្តី មានជំនាញផ្នែកប្រតិបត្តិការបោសសម្អាតមីន

ភ្នំពេញ៖ ឯកឧត្តម ហេង រតនា បានសង្កត់ធ្ងន់ថា អង្គភាពស៊ីម៉ាក់ ពិតជាមានមោទនភាពចំពោះបងប្អូនមន្រ្តីបុគ្គលិកជាស្រ្តី ជា ពិសេសអ្នកជំនាញផ្នែកប្រតិបត្តិការបោសសម្អាតមីននៅតាមទីវាលដែលមានសេចកី្តអង់អាចក្លាហាននិងមានស្មារតីគោរពស្រឡាញ់ការងារ មានវិន័យខ្ពស់ដែលធ្វើឱ្យកិច្ចប្រតិបតិ្តការទទួលបានជោគជ័យ។ និងបានរួមចំណែកយ៉ាងសកម្មក្នុងបុព្វហេតុបោសសម្អាតគ្រាប់មីន និងសំណល់ជាតិផ្ទុះពីសង្គ្រាម ដើម្បីផ្តល់នូវសេចកី្តសុខសុវតិ្ថភាពជូនជាតិ និងប្រជាជនកម្ពុជា ព្រមទាំងចូលរួមចំណែកគាំទ្រដល់ការអភិវឌ្ឍមាតុភូមិកម្ពុជាឡើងវិញ។ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គ នាយកមជ្ឈមណ្ឌលសកម្មភាពកំចាត់មីនកម្ពុជាថ្លែងដូចន្នេះក្នុងខណះជាអធិបតីក្នុងពិធីអបអរសាទរទិវាអន្តរជាតិនារី ០៨មីនា ខួបលើកទី១១៤ ក្រោមប្រធានបទ «សិទ្ធិ សមភាព និងភាពអង់អាច ចំពោះស្រ្តីនិងក្មេងស្រីគ្រប់រូប» នាថ្ងៃទី៧ ខែមីនា ឆ្នាំ២០២៥ នៅទីបញ្ជាការកណ្តាលស៊ីម៉ាក់ភ្នំពេញ ។ឯកឧត្តម បានថ្លែងបន្តថា នេះគឺជាព្រឹត្តការណ៍សាកលដើម្បីរំលឹកពីការតស៊ូទាមទារសិទ្ធិ សេរីភាព និងឆ្លុះបញ្ចាំងអំពីវឌ្ឍនភាព សមិទ្ធផល បញ្ហាប្រឈម កាលានុវត្តភាពនានា និងបង្ហាញពីការប្តេជ្ញាចិត្តក្នុងការលើកកម្ពស់សមភាពយេនឌ័រនិងបង្កើនភាពអង់អាចដល់ស្រ្តីនិងក្មេងស្រីគ្រប់រូប។ក្នុងឱកាសនោះដែរលោកជំទាវ ហេង សោភ័ណ អនុប្រធានក្រុមការងារយេនឌ័រស៊ីម៉ាក់ ក្រៅពីបានថ្លែងអំណរគុណយ៉ាងជ្រាល ជ្រៅចំពោះថ្នាក់ដឹកនាំមជ្ឈមណ្ឌលសកម្មភាពកំចាត់មីនកម្ពុជា ដែលតែងតែបានយកចិត្តទុកដាក់លើកកំពស់សមភាពយេនឌ័រ ក៏ដូចជាបានបង្កើតនិងបង្កើនឲ្យមានឱកាសនិងការចូលរួមរបស់បុគ្គលិកស្រ្តី ជារៀងរាល់ឆ្នាំ នោះលោកជំទាវបានសំណូមពរ ដល់បងប្អូនស្រ្តី ៖ទី១ សូមឲ្យមានការជឿជាក់លើខ្លួនឯងក្នុងការចូលរួមក្នុងសកម្ម ភាពអភិវឌ្ឍន៏សង្គមដើម្បីលើកកំពស់សមភាពក្នុងសង្គម ។ទី២ ស្រ្តីខ្លួនឯង ត្រូវខិតខំបង្កើនសមត្ថភាព កំរិតយល់ដឹង ដើម្បីគោរពអនុវត្តនូវគោលការនីតិរដ្ឋនិង ច្បាប់ផ្សេងៗ ចូលរួមទប់ស្កាត់កាត់បន្ថយនូវគ្រោះ ថ្នាក់ អំពើហឹង្សាមាក់ងាយក្នុងគ្រួសារ,ក្រុមការងារ ភាពក្រីក្រ ,បង្កើនចំណូលសេដ្ឋកិច្ច គ្រួសារ ... ជាពិសេសដោយសារមីននិងយុទ្ធភណ្ឌ័មិនទាន់ផ្ទុះ។ ទី៣ ចូលរួមបង្កើនការហ្វឹកហ្វឺនបន្ថែមលើចំណេះដឹងទូទៅ ទាំងភាសានិងជំនាញបច្ចេកទេសផ្សេងៗ ដើម្បីពង្រឹងសមត្ថភាពឲ្យស្របទៅតាមតំរូវការនៃតួនាទីនិងមុខងាររបស់ស៊ីម៉ាក់ ក៏ ដូចជាសង្គមបច្ចុប្បន្ន ដែលអាចនាំឲ្យបាននូវការកើនឡើងនូវប្រាក់ ចំណូលប្រាក់បៀវត្សផងដែរ ។ និងទី៤ត្រូវប្រកាន់យកនូវលក្ខណ:សម្បត្តិថ្លៃថ្នូរ ឲ្យសមជាស្រ្តីដែលមានឥទ្ធិពលល្អ របស់ស្រ្តីនៅក្នុងសង្គមខ្មែរនិងគ្រួសារ ជាអ្នកនាំសារដ៏មានប្រសិទ្ធិភាពនៅ ក្នុងសហគមន៍ឲ្យជៀសផុតពីគ្រឿងញៀន ជម្ងឺអេដស៍ ។ ជាអ្នកណែ នាំពិភាក្សាផ្តល់យោបល់ ដើម្បីឲ្យមានការផ្លាស់ប្តូរឥរិយាបទដ៏គ្រោះ ថ្នាក់ទាំងឡាយ .។ ហើយត្រូវធ្វើជាបងស្រីជាម្តាយ ប្រកបដោយក្តី មេត្តាករុណា ទទួលខុសត្រូវណែនាំ ផ្គត់ផ្គង់ និងបញ្ជូនប្អូននិងកូនស្រីៗ ឲ្បបានរៀនសូត្រដល់កំរិតសិក្សាខ្ពស់ដូចប្អូននិងកូនប្រុសៗដែរ ។និង ជាដៃគូ ដ៏សកម្មនិងទន់ភ្លន់ ក្នុងការដឹកនាំណែនាំអប់រំ ពិភាក្សាផ្តល់យោបល់ឲ្យមានការផ្លាស់ប្តូរឥរិយាបទ ចូលរួមក្នុងការសំរេចចិត្ត ដែលមិនអាចអត់បាននៅក្នុងសង្គម គ្រួសារនិមួយៗ ដូច ជាការរៀបចំផែនការអនាគតគ្រួសារនិងកូនចៅ ការប្រកបមុខរបររកប្រាក់ចំណូល ។ល។ លោកជំទាវក៏បានថ្លែងអំណរគុណចំពោះថ្នាក់ដឹកនាំស៊ីម៉ាក់ ដែលតែងតែបានខិតខំប្រឹងប្រែងស្វះស្វែងគិតគូរ រិះរក មិនខ្លាចហត់ នឿយ ពុះពារគ្រប់បញ្ហាលំបាកៗជាច្រើនដែលមិនត្រឹមតែក្នុងកិច្ចការប្រតិបត្តិការ បោសសម្អាតមីន/យុទ្ធភ័ណ្ឌមិនទាន់ផ្ទុះ ដោយបញ្ចូលសមាសភាពនារីទៅក្នុងគម្រោងនានា ពោលគឺថែមទាំងបាននិងកំពុងគិតគូ ដល់កិច្ចការសេវាសុខមាលភាព ព្រមទាំងការបង្កើនជំនាញបច្ចេកទេស និងចំណូលសេដ្ឋកិច្ចដល់គ្រួសាររបស់បុគ្គលិកទៀតផង។ សូមជម្រាបថា បើតាមរបាយការណ៍ស្ថិតិសម្រាប់ឆ្នាំ២០២៥ នេះក្នុងចំណោមមន្រ្តីបុគ្គលិកស៊ីម៉ាក់ទាំងអស់ មានបុគ្គលិកជាស្រ្តីចំនួន២០ភាគរយ ហើយក្នុងនោះបុគ្គលិកជាស្រ្តីមានចំនួនប្រហែល ៧០ភាគរយ ជាបុគ្គលិកបម្រើការនៅទីវាល៕អត្ថបទ,ភារម្យ

បណ្ដាញសង្គម

ព័ត៌មានថ្មីៗ

បេសកជនចិនអំពាវនាវឲ្យប្រទេសចិន និងអាល្លឺម៉ង់សរសេរសករាជថ្មីនៃមិត្តភាព

លោកស្រី Kallas៖សហភាពអឺរ៉ុប នឹងដាក់នាវាដឹកប្រេងថ្មីចំនួន ៤០គ្រឿង ចូលក្នុងបញ្ជីខ្មៅ ជុំវិញការដឹកប្រេងរបស់រុស្ស៊ី

[UPDATE] មនុស្សយ៉ាងហោច៣៧នាក់ស្លាប់ ក្រោយទឹកជំនន់ដ៏គំហុសវាយប្រហារខេត្ត Safi របស់ប្រទេសម៉ារ៉ុក

អ៊ីស្រាអែល និងក្រុមហាម៉ាស ដាក់ការស្តីបន្ទោសគ្នា លើការពន្យាពេលដំណាក់កាលទី ២នៃបទឈប់បាញ់តំបន់ហ្កាហ្សា

មនុស្ស ២នាក់ រងការដេញចាក់នៅមជ្ឈមណ្ឌលកម្សាន្តនៅភាគខាងត្បូងប្រទេសជប៉ុន

អ៊ីរ៉ង់និយាយថា ភាគីខ្លះមិនអើពើនឹងការទូតលើបញ្ហានុយក្លេអ៊ែរទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877