BTV NEWS

ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រែអំបិល ជំរុញដល់យុវជន និងពលរដ្ឋសិក្សាជំនាញបច្ចេកទេសឱ្យបានច្រើន

ក្រសួងធនធានទឹក និងអាជ្ញាធរទន្លេសាប ទុកពេលអោយក្រុមហ៊ុនទឹកស្អាតអានកូក្រុងកំពង់ឆ្នាំ១ថ្ងៃទៀត

កម្ពុជា-រុស្ស៊ី ឯកភាពគ្នាជំរុញកិច្ចសហប្រតិបត្តិការលើវិស័យសំខាន់ៗជាច្រើន

ក្រុមការងារចុះមូលដ្ឋានស្រុកបរិបូណ៌ ចុះដោះស្រាយករណីទីលានចាក់សម្រាមឆេះ ហុយផ្សែងប៉ះពាល់សុខភាពប្រជាពលរដ្ឋ ទទួលបានជោគជ័យ

ព័ត៌មានជាតិ

ឯកឧត្តម អ៊ុំ រាត្រី ជំរុញដល់រដ្ឋបាលក្រុង ស្រុក ក្រុមប្រឹក្សាក្នុងអាណត្តិថ្មី ផ្ដល់សេវាសាធារណៈជូនប្រជាពលរដ្ឋឱ្យកាន់តែល្អប្រសើរ

បន្ទាយមានជ័យ ៖ នៅសៀលថ្ងៃទី១១ ខែមិថុនា ឆ្នាំ២០២៤នេះ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ឯកឧត្ដម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធី កាន់មុខតំណែងក្រុមប្រឹក្សាក្រុងសិរីសោភ័ណ អាណត្តិទី៤។ថ្លែងក្នុងពិធីប្រកាសក្រុមប្រឹក្សាក្រុង ឯកឧត្តម អ៊ុំ រាត្រី អភិបាល នៃគណៈអភិបាល ខេត្តបន្ទាយមានជ័យ បានជំរុញណែនាំដល់រដ្ឋបាលក្រុង ស្រុក ក៏ដូចជាក្រុមប្រឹក្សាក្នុងអាណត្តិថ្មី ចូលរួមលើកិច្ចការងារផ្ដល់សេវាសាធារណៈជូនដល់ប្រជាពលរដ្ឋឱ្យកាន់តែល្អប្រសើរបន្ថែមទៀត។ ឯកឧត្តម អ៊ុំ រាត្រី ក៏បានផ្តោតទៅលើការផ្តល់សេវាសាធារណៈសំខាន់ចំនួនពីរចំណុចធំៗដែលត្រូវដោះស្រាយ ទី១-សេវាសំណូមពរ, ទី២-សេវាតម្រូវការ។ ក្នុងចំណោមសេវាទាំង២ ឯកឧត្តម បានសង្កត់ធ្ងន់ទៅលើការផ្តល់សេវាតម្រូវការ គឺជារឿងចាំបាច់បំផុតដែលយើងត្រូវដោះស្រាយជូនប្រជាពលរដ្ឋឱ្យបានលឿន ដូចជាការធ្វើសំបុត្រកំណើត សៀវភៅស្នាក់នៅ សំបុត្រអាពាហ៍ពិពាហ៍ជាដើម ដែលជាតម្រូវការចំបាច់របស់ប្រជាពលរដ្ឋ ក្នុងនាមយើងជាអ្នកផ្តល់សេវាត្រូវដោះស្រាយជូនពួកគាត់ឱ្យបានឡើយតាមតែអាចធ្វើទៅបាន។ ដោយឡែកពាក់ព័ន្ធទៅនឹងបញ្ហាប្រឈមនានានៅមូលដ្ឋាន ឯកឧត្តម អភិបាលខេត្ត ណែនាំទៅដល់មូលដ្ឋានទាំងអស់ ត្រូវធ្វើការដោះស្រាយអស់លទ្ធភាពតាមអ្វីដែលអាចធ្វើទៅបាន។ ហើយឯកឧត្តម ក៏បានសង្កត់ធ្ងន់ផងដែរថា ការដោះស្រាយបញ្ហាក្រៅប្រព័ន្ធតុលាការ គឺជាផ្នែកមួយក្នុងការជួយសម្រួលដោះស្រាយរាល់បញ្ហាប្រឈមនៅមូលដ្ឋាន ដូច្នេះថ្នាក់ដឹកនាំក្រុង-ស្រុក ឃុំ-សង្កាត់ទាំងអស់ ត្រូវយកចិត្តទុកដាក់ទៅលើការដោះស្រាយបញ្ហាក្រៅប្រព័ន្ធតុលាការទៅតាមលទ្ធភាពអាចធ្វើទៅបាន ដោយផ្អែកតាមយុទ្ធសាស្រ្តឈ្នះឈ្នះ៕ អត្ថបទ រឿង ចន្ទ្រា

ក្រសួងការបរទេស និងក្លឹបអ្នកកាសែតកម្ពុជា រៀបចំវេទិកាពិភាក្សាសារព័ត៌មាន លើប្រធានបទ «គោលនយោបាយការបរទេសកម្ពុជា ក្នុងបរិបទអាស៊ាន»

ក្រសួងការបរទេស និងក្លឹបអ្នកកាសែតកម្ពុជា នៅថ្ងៃទី១២ ខែមិថុនានេះ រៀបចំវេទិកាពិភាក្សាសារព័ត៌មាន លើប្រធានបទ «គោលនយោបាយការបរទេសកម្ពុជា ក្នុងបរិបទអាស៊ាន» នៅទីស្តីការក្រសួងការបរទេស ។ការរៀបចំវេទិកានេះឡើង ដើម្បីផ្តល់ឱកាសដល់អ្នកសារព័ត៌មានជាតិ និងអន្តរជាតិ បានស្វែង យល់បន្ថែមទៀតអំពីគោលនយោបាយការបរទេសរបស់ប្រទេសកម្ពុជាក្នុងបរិបទអាស៊ាន រួមទាំងព្រឹត្តិការណ៍សំខាន់ៗក្នុងតំបន់អាស៊ាន ដែលជះឥទ្ធិពលដល់គោលនយោបាយការបរទេសកម្ពុជា ។ វេទិកានេះ មានសារសំខាន់ ដែលមិនគ្រាន់តែផ្ដល់ឱកាសដល់អ្នកសារព័ត៌មានបានស្វែងយល់ដឹងកាន់តែច្បាស់អំពី គោលនយោបាយការបរទេសកម្ពុជាប៉ុណ្ណោះទេ ប៉ុន្តែជាឱកាសដែលអ្នកសារព័ត៌មានលើកជាសំណួរផ្សេងៗទាក់ទងនឹងគោលនយោបាយការបរទេសរបស់ប្រទេសកម្ពុជា ក្នុងបរិបទអាស៊ានផងដែរ៕

ឯកឧត្តមរដ្ឋមន្រ្តី ហួត ហាក់ ជួបពិភាក្សាការងារជាមួយ លោកជំទាវ ជា គឹមថា ឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម

រសៀលថ្ងៃអង្គារ ទី១១ ខែមិថុនា ឆ្នាំ២០២៤ ឯកឧត្តមរដ្ឋមន្រ្តី ហួត ហាក់ បានដឹកនាំគណៈប្រតិភូជាន់ខ្ពស់ក្រសួងអធិការកិច្ច នៃព្រះរាជាណាចក្រកម្ពុជា អញ្ជើញជួបពិភាក្សាការងារជាមួយលោកជំទាវ ជា គឹមថា ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាចក្រកម្ពុជាប្រចាំសាធារណរដ្ឋសង្គមនិយមវៀតណាម នៅស្ថានទូតកម្ពុជាប្រចាំសាធារណរដ្ឋសង្គមនិយមវៀតណាម ក្នុងរដ្ឋធានីហាណូយ។

ប្រតិភូជាន់ខ្ពស់ក្រសួងអធិការកិច្ចកម្ពុជា ចូលជួបសម្តែងការគួរសមជាមួយនាយករដ្ឋមន្រ្តីវៀតណាម

ភ្នំពេញ ៖ ក្នុងឱកាសបំពេញទស្សនកិច្ចផ្លូវការនៅសាធារណរដ្ឋសង្គមនិយមវៀតណាម ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានដឹកនាំគណៈប្រតិភូជាន់ខ្ពស់ក្រសួងអធិការកិច្ចកម្ពុជា អញ្ជើញចូលជួបសម្តែងការគួរសមជាមួយ ឯកឧត្តម ផាម មិញជិញ (H.E Mr. Pham Minh Chinh) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម នៅវិមានរដ្ឋាភិបាល រដ្ឋធានីហាណូយ នាល្ងាចថ្ងៃទី១០ ខែមិថុនា ឆ្នាំ២០២៤។ក្នុងជំនួបនាឱកាសនោះ ឯកឧត្តម ផាម មិញជិញ បានសម្តែងការអបអរសាទរចំពោះ ឯកឧត្តមរដ្ឋមន្ត្រី ហួត ហាក់ ដែលបានអញ្ជើញមកបំពេញទស្សនកិច្ចនៅវៀតណាមលើកដំបូង ក្នុងតួនាទីជារដ្ឋមន្ត្រីក្រសួងអធិការកិច្ចកម្ពុជា ហើយឯកឧត្តម បានជូនពរគណៈប្រតិភូក្រសួងអធិការកិច្ចកម្ពុជា បំពេញទស្សនកិច្ចទទួលបានជោគជ័យនៅវៀតណាម ដើម្បីរួមចំណែក ពង្រឹងកិច្ចសហប្រតិបត្តិការ រវាងប្រទេសយើងទាំងពីរឱ្យកាន់មានប្រសិទ្ធភាព និងបន្តអភិវឌ្ឍចំណងមិត្តភាពប្រទេសទាំងពីរអោយកាន់តែរីកចំរើនបន្ថែមទៀត។ឯកឧត្តម ផាម មិញជិញ បានបញ្ជាក់ថា ប្រទេសទាំងពីរកម្ពុជា វៀតណាម មានទំនាក់ទំនងជាប្រវត្តិសាស្រ្តជាមួយគ្នាតាំងពីយូរលុងណាស់មកហើយ ហើយធ្លាប់បានប្រកៀកស្មារួបរួមសាមគ្គីគ្នា តស៊ូជំនះរាល់ការលំបាក និងមានកិច្ចសហប្រតិបត្តិការជាមួយគ្នាយ៉ាងល្អប្រសើរលើគ្រប់វិស័យ។ ក្នុងឱកាសនោះដែរ ឯកឧត្តមនាយករដ្ឋមន្រ្តី បានវាយតម្លៃខ្ពស់ចំពោះកិច្ចសហប្រតិបត្តិការលើវិស័យអធិការកិច្ចនៃប្រទសទាំងពីរ ដែលបានប្រព្រឹត្តទៅយ៉ាងល្អ ប្រសើរ ក្នុងរយៈពេលកន្លងមកនេះ ក្នុងនោះអគ្គអធិការកិច្ចរដ្ឋាភិបាលវៀតណាម និងក្រសួងអធិការកិច្ច បានសហគ្នាបានយ៉ាងល្អ ដោយឈរលើគោលការណ៍សមភាព មិត្តភាព និងផលប្រយោជន៍ទៅវិញទៅមកស្របតាមច្បាប់ និងបទប្បញ្ញត្តិនៃប្រទេសទាំងពីរ និងច្បាប់អន្តរជាតិ។ជាមួយគ្នានេះ ឯកឧត្តមនាយករដ្ឋមន្រ្តី ក៏បានថ្លែងអំណរគុណចំពោះ សម្តេចកិត្តិសង្គហបណ្ឌិត ម៉ែន សំអន អតីតឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដែលសម្តេចបានចូលរួមចំណែកយ៉ាងច្រើន ក្នុងការពង្រឹងទំនាក់ទំនងប្រទេសទាំងពីរ កម្ពុជា វៀតណាម ដែលត្រូវតែថែរក្សាពូនជ្រុំ កសាងអោយបានរឹងមាំបន្ថែមទៀត ក្នុងកិច្ចសហប្រតិបត្តិការលើវិស័យអធិការកិច្ចប្រទេសទាំងពីរ។ជាការឆ្លើយតប ឯកឧត្តមរដ្ឋមន្រ្តី បានជម្រាបជូនថា នេះជាដំណើរទស្សនកិច្ចលើកដំបូង ក្រោយពីចូលកាន់ដំណែងជារដ្ឋមន្ត្រីក្រសួងអធិការកិច្ច នៃរាជរដ្ឋាភិបាល នីតិកាលទី៧ នៃរដ្ឋសភា ដែលភាគច្រើននៃគណៈរដ្ឋមន្ត្រី ជាយុវជនជំនាន់ថ្មី ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្ទាប់ពីមានការផ្ទេរអំណាចដោយរលូន តាមរយៈការបោះឆ្នោតសកល ពី សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា។ក្នុងនាមយុវជនបន្តវេន ឯកឧត្តមរដ្ឋមន្ត្រី បានសម្តែងនូវការដឹងគុណនិងគុណូបការៈ ដែលថ្នាក់ដឹកនាំ បានបន្សល់ទុកនូវស្នាដៃនិងសមិទ្ធផលជាច្រើន ដែលជាមូលដ្ឋានគ្រឹះដ៏សំខាន់សម្រាប់ការអភិវឌ្ឍនៅពេលបច្ចុប្បន្ន និង ប្តេជ្ញាបន្តថែរក្សាពូនជ្រុំសមិទ្ធផលទាំងនេះ រួមជាមួយការបង្កើនសមិទ្ធផលថ្មីៗបន្ថែមទៀតសម្រាប់ជាឧត្តមប្រយោជន៍របស់ប្រជាពលរដ្ឋ ព្រមទាំងចូលរួមលើកកម្ពស់កិច្ចសហប្រតិបត្តិការទ្វេភាគីឱ្យកាន់តែខ្លាំងក្លាបន្ថែមទៀត។ឆ្លៀតក្នុងឱកាសនោះ ឯកឧត្តមរដ្ឋមន្រ្តី បានសម្តែងនូវក្តីសោមនស្សរីករាយក្រៃលែង និងបានថ្លែងអំណរគុណយ៉ាងជ្រាលជ្រៅ ជូនចំពោះ ឯកឧត្តមនាយករដ្ឋមន្ត្រី ដែលបានឆ្លៀតពេលវេលាដ៏មមាញឹក និងមានតម្លៃ ទទួលស្វាគមន៍យ៉ាងកក់ក្តៅ ចំពោះគណៈប្រតិភូក្រសួងអធិការកិច្ចនាពេលនេះ ព្រមទាំងបានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមនាយករដ្ឋមន្ត្រី ដែលបានអនុញ្ញាតឱ្យមានការចុះហត្ថលេខាលើអនុស្សរណៈនៃការយោគយល់គ្នា រវាងក្រសួងអធិការកិច្ចកម្ពុជា និងអធិការកិច្ចរដ្ឋាភិបាលវៀតណាម ដើម្បីពង្រឹង និងពង្រីកកិច្ចសហប្រតិបត្តិការក្នុងវិស័យអធិការកិច្ចរវាងស្ថាប័នអធិការកិច្ចនៃប្រទេសទាំងពីរ។តាមរយៈកាយវិការដ៏ថ្លៃថ្លានេះ ឯកឧត្តមរដ្ឋមន្រ្តី មានជំនឿយ៉ាងមុតមាំថាជំនួបនាថ្ងៃនេះ នឹងចូលរួមចំណែកយ៉ាងសំខាន់ក្នុងការបន្តពូនជ្រុំទំនាក់ទំនង និងមិត្តភាពជាប្រពៃណី ភាពជាអ្នកជិតខាងល្អ កិច្ចសហប្រតិបត្តិការគ្រប់ជ្រុងជ្រោយ ស្ថេរភាពយូរអង្វែងរវាងប្រទេសទាំងពីរកាន់តែប្រសើរឡើងបន្ថែមទៀត។

ពលរដ្ឋជាង ១០០០នាក់ហើយ ដែលបានប្រគល់សិទ្ធិជូនក្រុមមេធាវីរាជរដ្ឋាភិបាលការពារក្តីក្នុងសំណុំរឿងឡេង ចាន់ណា

ភ្នំពេញ ៖ ឯកឧត្តម គី តិច ទេសរដ្ឋមន្ដ្រីទទួលបន្ទុកបេសកកម្មពិសេស និងជាប្រធានមេធាវីរាជរដ្ឋាភិបាល នៅរសៀលថ្ងៃទី១១ ខែមិថុនា ឆ្នាំ២០២៤នេះ បានបន្ដជួបជាមួយជនរងគ្រោះចំនួន៣១៩នាក់ ក្នុងសំណុំរឿងក្រុមហ៊ុនរបស់អតីតឧកញ៉ា ឡេង ចាន់ណា ដែលជាក្រុមជាទី៤។ ជំនួបនេះធ្វើឡើងនៅទីស្ដីការក្រសួងរៀបចំដែនដី នគរូបនីយកម្ម និងសំណង់។ឯកឧត្តម គី តិច បានបញ្ជាក់ថា ជំនួបបន្ទាប់ អាចធ្វើឡើងនៅ តាមបណ្ដាខេត្តដែលមានពលរដ្ឋរងគ្រោះ ច្រើន ដូចជា នៅខេត្តសៀមរាប និង បន្ទាយមានជ័យជាដើម ដើម្បីផ្ដល់ភាពងាយស្រួលជូនប្រជាពលរដ្ឋ សំដៅកាត់បន្ថយការចំណាយក្នុងការងារធ្វើដំណើរមករាជធានីភ្នំពេញ។ ជាក់ស្តែង ជំនួបលើកទី ៤នេះ ពលរដ្ឋភាគច្រើន មកពីខេត្តសៀមរាប ។ តាមព័ត៌មានដែលពលរដ្ឋរងគ្រោះទាក់ទង ជាបន្តបន្ទាប់ មកក្រុមមេធាវីរាជរដ្ឋាភិបាល គឺ មានប្រជាពលរដ្ឋជាង៣,០០០នាក់ ដែលអះអាងថា ជនរងគ្រោះក្នុងករណីនេះ។ជំនួបនៅពេលនេះ ក៏មិនខុសពីលើកមុនៗដែរ ពោលធ្វើឡើងក្នុងគោលបំណងធំចំនួន២ រួមមាន ទី១៖ ការប្រគល់សិទ្ធិជាតំណាងដោយស្របច្បាប់ជូនមេធាវី តាមរយៈការផ្ដិតមេដៃដោយស្ម័គ្រចិត្តគ្មានការបង្ខិតបង្ខំ និងទី២៖ ប្រមូលយកភស្ដុតាងដែលបញ្ជាក់ថា ពួកគាត់ជាជនរងគ្រោះយ៉ាងពិតប្រាកដ។ ក្រោយពេលជនរងគ្រោះប្រគល់សិទ្ធិរួចរាល់ហើយនោះ មេធាវីមានសិទ្ធិទៅការពារក្ដីក្នុងសំណុំរឿងដែលប្រគល់សិទ្ធិប៉ុណ្ណោះ ពោលមិនអាចទៅអនុវត្តអ្វីដែលលើសនេះឡើយ ដូច្នេះហើយសូមជនរងគ្រោះទាំងអស់កុំព្រួយបារម្ភ។ឯកឧត្តម បានបន្ថែមទៀតថា កន្លងមកសម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា តែងតាមដានជាប់ជាប្រចាំចំពោះការវិវឌ្ឍន៍ថ្មីៗ ក្នុងសំណុំរឿងនេះ។ កន្លងមកការយកចិត្តទុកដាក់បង្ហាញឲ្យបានឃើញ តាមរយៈចាប់ជនពាក់ព័ន្ធ ការបញ្ចប់មុខងារឧកញ៉ា និងកំពុងស្វះស្វែងគ្រប់មធ្យោបាយទាំងអស់ ដើម្បីជួយជនរងគ្រោះ។ បច្ចុប្បន្នបុគ្គល ឡេង ចាន់ណា និង ជនដែលពាក់ពន្ធ័ កំពុងស្ថិតក្នុងពន្ធនាគារ ក្រោមចំណាត់ការច្បាប់យ៉ាងម៉ឺងម៉ាត់។រាជរដ្ឋាភិបាលបានចាត់បញ្ជាក្រុមការងារជំនាញមួយក្រុមទៀត ដើម្បីស្រាវជ្រាវរកទ្រព្យសម្បត្តិរបស់បក្ខពួកអតីតឧកញ៉ា ឡេង ចាន់ណា ដែលបានពីការឆបោកប្រជាពលរដ្ឋនាពេលកន្លងទៅនេះ។សូមរំលឹកថា កាលពីថ្ងៃទី២៩ ខែឧសភា, ថ្ងៃទី០២ និងថ្ងៃទី០៥ ខែមិថុនាកន្លងទៅនេះ មេធាវី គី តិច ក៏បានជួបជាមួយជនរងគ្រោះ ចំនួន៣លើករួចមកហើយ សរុបប្រមាណជាង១,០០០នាក់។ ការជួបនេះនឹងធ្វើឡើងជាបន្ដបន្ទាប់ រហូតទាល់តែគ្រប់ចំនួននៃជនរងគ្រោះ ហើយនេះគឺជាជំនួយផ្នែកច្បាប់ដោយឥតគិតថ្លៃជូនដល់ប្រជាពលរដ្ឋ ដែលមិនធ្លាប់មានពីមុនមក សម្រាប់ក្រុមមេធាវីរាជរដ្ឋាភិបាល៕ អត្ថបទ ៖សូដាវណ្ណ

ឯកឧត្តមសាស្ត្រាចារ្យ ឈាង រ៉ា ធ្វើបាឋកថាស្តីពីភាពជាអ្នកដឹកនាំ និងនវានុវត្តន៍ ដោយបន្តលើឯកសារបណ្តុៈបណ្តាល “ភាពជាអ្នកដឹកនាំ និងការយកចិត្តទុកដាក់មើលថែខ្លួនឯង”

ភ្នំពេញ÷ នៅថ្ងៃទី១១ ខែមិថុនា ឆ្នាំ២០២៤ ចាប់ពីម៉ោង២:០០នាទីរសៀល ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានបន្តដឹកនាំវគ្គបណ្តុះបណ្តាលស្តីពី «ភាពជាអ្នកដឹកនាំ និងនវានុវត្តន៍» សម្រាប់មន្រ្តីរាជការក្រោមឱវាទក្រសួងសុខាភិបាល តាមប្រព័ន្ធវីដេអូសន្និសីទ ដែលមានសមាសភាពចូលរួមសរុបចំនួន ២៣០៣នាក់។ វគ្គបណ្តុះបណ្តាលនេះគឺជាសកម្មភាពមួយសម្រាប់ការពង្រឹងស្ថាប័នដែលជាយុទ្ធសាស្រ្តអាទិភាពមួយ ក្នុងចំណោមអាទិភាពចំនួន៣ បានដាក់ចេញដោយក្រសួងសុខាភិបាល ក្នុងការគាំទ្រកំណែទម្រង់ អនុវត្តយុទ្ធសាស្រ្តបញ្ចកោណ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា, នារសៀលថ្ងៃទី១១ ខែមិថុនា ឆ្នាំ២០២៤នេះ។ក្នុងសប្តាហ៍នេះ ឯកឧត្តមសាស្រ្តាចារ្យ រដ្ឋមន្រ្តីបានណែនាំបញ្ចប់មេរៀន “ភាពជាអ្នកដឹកនាំ និងការយកចិត្តទុកដាក់មើលថែខ្លួនឯង” ដោយបង្ហាញវិធីសាស្រ្តផ្សេងៗសម្រាប់ការមើលថែសុខភាពខ្លួនឯង និងណែនាំអោយអ្នកដឹកនាំបង្កើតជាទម្លាប់ល្អមួយសម្រាប់ខ្លួនឯង(ឧទា. ការសម្រាកបានគ្រប់គ្រាន់ ការហូបអាហារដែលមានសុខភាពល្អ ការហាត់ប្រាណ។ល។)ហើយអនុវត្តទម្លាប់ល្អនោះអោយមាននិរន្តរភាព។ អ្នកដឹកនាំក៏ត្រូវរក្សាអោយបាននូវតុល្យភាពរវាងការងារ និងគ្រួសារ។ ឯកឧត្តម សាស្ត្រាចារ្យ ក៏បានផ្តាំផ្ញើរដល់ថ្នាក់ដឹកនាំគ្រប់លំដាប់ថ្នាក់ពីការឆ្លុះបញ្ចាំងឡើងវិញដើម្បីពិនិត្យលើសកម្មភាពថែទាំខ្លួនឯង និងធ្វើជាគំរូល្អដល់បុគ្គលិកព្រមទាំងទាក់ទាញបុគ្គលិកទាំងអស់ចូលរួមក្នុងសកម្មភាពថែទាំសុខភាពខ្លួនឯងនេះបានជាប្រចាំ។សូមបញ្ជាក់ផងដែរ វគ្គបណ្តុះបណ្តាលនេះត្រូវបានរៀបចំឡើងនៅរៀងរាល់ថ្ងៃអង្គារ ដែលមានវត្តមាន ថ្នាក់ដឹកនាំអង្គភាពថ្នាក់ជាតិ ចាប់ពីប្រធានការិយាល័យថ្នាក់កណ្តាលរហូតដល់រដ្ឋលេខាធិការក្រសួងសុខាភិបាល និងអង្គភាពថ្នាក់ក្រោមជាតិ ចាប់ពីប្រធានមណ្ឌលសុខភាព រហូតដល់ប្រធានមន្ទីរសុខាភិបាលរាជធានី-ខេត្ត៕អត្ថបទ រដ្ឋា

ឯកឧត្តម ហេង សួរ បានជួបពិភាក្សាការងារជាមួយប្រធានការិយាល័យសកម្មភាពកម្មករនិយោជិតរបស់ILO និងអង្គការអន្តរជាតិខាងនិយោជក(IOE) ក្នុងកិច្ចប្រជុំប្រចាំឆ្នាំនៅហ្ស៊ឺណែវ

ភ្នំពេញ ៖ នៅថ្ងៃអង្គារ ទី១១ ខែមិថុនា ឆ្នាំ២០២៤នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានជួបពិភាក្សាការងារជាមួយលោកស្រី Maria Helena ANDRÉ ប្រធានការិយាល័យសកម្មភាពកម្មករនិយោជិត នៃអង្គការអន្តរជាតិខាងការងារ(ILO ACTRAV) ក្នុងអំឡុងពេលចូលរួមកិច្ចប្រជុំប្រចាំឆ្នាំរបស់អង្គការអន្តរជាតិខាងការងារ(ILO)នៅទីក្រុងហ្ស៊ឺណែវ ប្រទេសស្វីស។ ក្នុងជំនួបនោះ ឯកឧត្តមរដ្ឋមន្ត្រី បានបញ្ជាក់ទៅកាន់លោកស្រី Maria Helena ANDRÉ អំពីតួនាទីយ៉ាងសំខាន់របស់ការិយាល័យសកម្មភាពកម្មករនិយោជិតរបស់ILOក្នុងការពង្រឹងសមត្ថភាពភាពជាតំណាងនៃកម្មករនិយោជិត។បន្ថែមពីនេះ ឯកឧត្តមរដ្ឋមន្ត្រី ក៏បានបញ្ជាក់ពីភាពចាំបាច់នៃតួនាទីរបស់ការិយាល័យសកម្មភាពកម្មករនិយោជិតក្នុងការពង្រឹងជំនាញបច្ចេកទេសដល់កម្មករនិយោជិតនៅកម្ពុជាដើម្បីទាក់ទាញបន្ថែមទៀតនូវឧស្សាហកម្មដែលពឹងផ្អែកលើជំនាញដែលជាគោលបំណងដ៏ពិសិដ្ឋរបស់រាជរដ្ឋាភិបាលកម្ពុជា។ជាមួយគ្នានេះ លោកស្រី ប្រធានការិយាល័យ បានថ្លែងអំណរគុណចំពោះរាជរដ្ឋាភិបាលកម្ពុជាដែលតែងតែប្តេជ្ញា និងខិតខំប្រឹងប្រែងធ្វើការជាមួយការិយាល័យលោកស្រីផ្ទាល់ ក៏ដូចជាអង្គការអន្តរជាតិខាងការងារដើម្បីធ្វើយ៉ាងណាឱ្យបរិយាកាសនៅក្នុងរោងចក្រកាន់តែប្រសើរ និងសុខដុម។ ក្រៅពីនេះក្នុងថ្ងៃដដែល ឯកឧត្តមរដ្ឋមន្ត្រី ក៏បានជួបពិភាក្សាការងារជាមួយលោកស្រី Renate Hornung-Draus អនុប្រធាន អង្គការអន្តរជាតិខាងនិយោជក(IOE)ផងដែរដើម្បីបន្តស្វែងយល់ និងកិច្ចសហប្រតិបត្តិការ ក្នុងជំនួបពិភាក្សានោះ ឯកឧត្តមរដ្ឋមន្ត្រី បានថ្លែងអំណរគុណដល់អង្គការអន្តរជាតិខាងនិយោជកដែលបានជួយពង្រឹងសមត្ថភាពដល់សហព័ន្ធនិយោជកកម្ពុជា។ ជាមួយគ្នានេះ លោកស្រីអនុប្រធានថ្លែងអំណរគុណរដ្ឋាភិបាលកកម្ពុជាក្នុងការបន្តគាំទ្រអង្គការរបស់លោកស្រីក្នុងការពង្រឹងកិច្ចសហប្រតិបត្តិការល្អជាមួយសហព័ន្ធនិយោជកម្ពុជាផងដែរ។ ទន្ទឹមនឹងនេះ ឯកឧត្តមរដ្ឋមន្ត្រីក៏បានគូសបញ្ជាក់ពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាជាពិសេសក្រសួងការងារ និងបណ្តុះបណ្តាលវិជ្ជាជីវៈក្នុងការធ្វើឱ្យបរិយាកាសនៃទំនាក់ទំនងវិជ្ជាជីវៈនៅកម្ពុជាកាន់តែល្អប្រសើរបន្ថែមទៀត។ជាមួយគ្នានេះ ថ្នាក់ដឹកនាំទាំងពីរ បានឯកភាពគ្នាបន្តពង្រឹងកិច្ចសហប្រតិបត្តិការ និងគាំទ្រគ្នាទៅវិញទៅមកដើម្បីបន្តជំរុញ និងបង្កលក្ខណៈងាយស្រួលដល់ការវិនិយោគដែលជាបំណងប្រាថ្នារបស់គ្រប់ភាគី៕ ដោយ ៖ វិចិត្រ

ឯកឧត្តម អៀង មូលី អញ្ជើញបិទកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៤

ភ្នំពេញ ៖ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតីក្នុងពិធីបិទកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៤ នៅទីស្តីការគណៈរដ្ឋមន្ត្រី ថ្ងៃទី១១ ខែមិថុនា ឆ្នាំ២០២៤នេះ។ក្នុងឱកាសនោះ ឯកឧត្តមទេសរដ្ឋមន្ត្រី បានលើកឡើងថាអ្នកទាំងអស់គ្នាពិតជាបានខិតខំអនុវត្តផែនការសកម្មភាព រយៈពេល៦ខែដើម ឆ្នាំ២០២៤ ទៅតាមក្រសួង ស្ថាប័ន អង្គការជាតិ និងអន្តរជាតិ សង្គមស៊ីវិល ទាំងនៅថ្នាក់ជាតិ និងថ្នាក់ក្រោមជាតិ។ ឯកឧត្តមទេសរដ្ឋមន្រ្ដី បានលើកទឹកចិត្តជូនគណៈកម្មាធិការប្រយុទ្ធនឹងជំងឺអេដស៍ រាជធានី ខេត្ត ឱ្យបន្តជំរុញ និងចូលរួមសហការជាមួយរដ្ឋបាលថ្នាក់ក្រោមជាតិ ជាពិសេសអាជ្ញាធរឃុំ សង្កាត់ ក្នុងការអនុវត្ត “សេចក្តីជូនដំណឹងលេខ ២១៣ សជណ.សស” ចុះថ្ងៃទី២១ ខែកុម្ភៈ ឆ្នាំ ២០១៩ របស់ទីស្តីការគណៈរដ្ឋមន្ត្រី ក្នុងការឆ្លើយតបនឹងមេរោគអេដស៍ និងជំងឺអេដស៍ នៅថ្នាក់ក្រោមជាតិ និងការប្រើប្រាស់ កញ្ចប់ថវិកា ៨០លានរៀល, ៦០លានរៀល និង៤០លានរៀល បានចំគោលដៅ សំដៅលើកកម្ពស់ស័ក្តិសិទ្ធិភាព និងប្រសិទ្ធភាពនៃការ ឆ្លើយតបនឹងជំងឺអេដស៍ និងបង្កើនប្រសិទ្ធភាព។ ជាមួយគ្នានេះផងដែរ ឯកឧត្តមទេសរដ្ឋមន្រី្ត អៀង មូលី ក៏បានផ្តល់នូវអនុសាសន៍មួយចំនួនដូចខាងក្រោម៖ ១) អគ្គលេខាធិការដ្ឋានអាជ្ញាធរជាតិប្រយុទ្ធនឹងជំងឺអេដស៍ ត្រូវប្រមូលរាល់អនុសាសន៍ទាំង អស់ដែលបានអនុម័តជាគោលការណ៍នៅក្នុងកិច្ចប្រជុំនេះ ដើម្បីយកទៅរៀបចំ និងកែលម្អ សម្រាប់ដាក់ចេញនូវគម្រោងផែនការសកម្មភាពនាពេលខាងមុខ។ ក្នុងនោះ ជំរុញ និងប្រើប្រាស់គ្រប់យន្តការទាំងអស់ ដើម្បីធ្វើឱ្យសម្រេចបានជោគជ័យក្នុងការ អនុវត្តគោលនយោបាយជាតិលុបបំបាត់ជំងឺអេដស៍ និងចីរភាពកម្មវិធីអេដស៍សម្រាប់ឆ្នាំ ២០២៣-២០២៨ ។ ប្រឹងប្រែងអនុវត្តសេចក្តីសម្រេចចិត្តនៃសម័យប្រជុំពេញអង្គ អាជ្ញាធរជាតិប្រយុទ្ធនឹងជំងឺ អេដស៍ លើកទី១ ឆ្នាំ២០២៤ ដែលទើបបានទទួលការអនុម័តនាពេលនេះ។ បន្តជំរុញ និងលើកទឹកចិត្តក្រសួង ស្ថាប័ន ដែលពុំទាន់បានទទួលថវិកាពីក្រសួងសេដ្ឋកិច្ច និងហិរញ្ញវត្ថុ ឱ្យលើកសំណើថវិកាឆ្នាំ២០២៥ ក្នុងកញ្ចប់នៃផែនការថវិការបស់ក្រសួង ស្ថាប័នសាមីឱ្យបានព្រមៗគ្នា។ លើកទឹកចិត្តប្រជាជនគន្លឹះឱ្យមកធ្វើតេស្តឈាមរកមេរោគអេដស៍ ឱ្យបានច្រើនជាទីបំផុត៕ អត្ថបទ ៖ រដ្ឋា

គ្រឿងញៀន និងសារធាតុគីមីផ្សំជាង៧តោន នឹងដុតបំផ្លាញចោលនាថ្ងៃទី១៤ មិថុនា

ភ្នំពេញ ៖ គ្រឿងញៀនជាច្រើនប្រភេទ និងសារធាតុគីមីផ្សំ ដែលសមត្ថកិច្ចជំនាញគ្រប់ស្ថាប័ន អង្គភាពពាក់ព័ន្ធខិតខំប្រឹងប្រែងទប់ស្កាត់បង្ក្រាបសរុបប្រមាណជាង៧តោន នឹងត្រូវដុតបំផ្លាញចោលនាថ្ងៃទី១៤ ខែមិថុនា ឆ្នាំ២០២៤ ខាងមុខនេះ ៕ ដោយ ៖ តារាវុទ្ធី

ក្រុមហ៊ុនគ្រឿងស្រវឹងសហការបង្កើតក្រមលើការធ្វើទីផ្សារ និងផ្សព្វផ្សាយដោយទំនួលខុសត្រូវ

បណ្ដាក្រុមហ៊ុនគ្រឿងស្រវឹង ធំៗ បានសហការគ្នា បង្កើតជាក្រមប្រតិបត្តិសម្រាប់ការធ្វើទីផ្សារ និងការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវ។ ក្រុមហ៊ុនទាំងនេះ បានធ្វើការចុះហត្ថលេខារួមគ្នា ក្រោមវត្តមានរដ្ឋមន្ត្រីក្រសួងព័ត៌មាន និងតំណាងក្រសួងពាណិជ្ជកម្ម ធ្វើជាសាក្សី គាំទ្រលើគំនិតផ្ដួចផ្ដើមមួយនេះ។ក្រុមហ៊ុនគ្រឿងស្រវឹង រួមមានក្រុមហ៊ុន Heineken ក្រុមហ៊ុន Cambrew (ខេមប្រ៊ូវ) សមាគមអ្នកនាំចូល និងចែកចាយស្រាបៀរ និងស្រា និងសម្ព័ន្ធស្រាចម្រុះអន្ដរជាតិអាស៊ីប៉ាស៊ីហ្វិក បានសហការផ្ដួចផ្ដើម បង្កើតជាក្រមប្រតិបត្តិសម្រាប់ការធ្វើទីផ្សារ និងការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវ។ ការផ្ដួចផ្ដើមនេះ បានឈានដល់ការចុះហត្ថលេខារួមគ្នា នៅថ្ងៃទី ១១ ខែមិថុនា ឆ្នាំ ២០២៤ ដោយមានការចូលរួមជាសាក្សីគាំទ្រពី ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន និងឧត្តម ម៉ក់ ពេជ្ជរិទ្ធ រដ្ឋលេខាក្រសួងពាណិជ្ជកម្មផងដែរ។ក្រមប្រតិបត្តិសម្រាប់ការធ្វើទីផ្សារ និងការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវកំណត់ថា ក្រុមហ៊ុនជាហត្ថលេខី ត្រូវប្រកាន់ខ្ជាប់ធានាថា រាល់ការធ្វើទីផ្សារ ការផ្សព្វផ្សាយពាណិជ្ជកម្ម ការផ្សព្វផ្សាយលក់ និងសកម្មភាពនៃការឧបត្ថម្ភកម្មវិធីពាក់ព័ន្ធនឹងផលិតផលគ្រឿងស្រវឹងនៅកម្ពុជា មិនត្រូវធ្វើឡើងដោយលក្ខណៈជំរុញ ឬមិនគិតគូពីការទទួលទានគ្រឿងស្រវឹងក្នុងបរិមាណលើសលុប ឬការប្រើប្រាស់គ្រឿងស្រវឹងមិនសមស្របណាមួយ។លើសពីនេះក្រមប្រតិបត្តិ ផ្តោតលើការធានាថា ការផ្សព្វផ្សាយពាណិជ្ជកម្ម ការផ្សព្វផ្សាយផលិតផលគ្រឿងស្រវឹងនៅកម្ពុជា ត្រូវធ្វើឡើងទៅតាមស្តង់ដា និងមិនផ្ទុយពីបទបញ្ញត្តិជាតិដែលមានជាធរមាន។ ក្រមប្រតិបត្តិនេះ នឹងជួយបំពេញថែម លើក្របខណ្ឌបទបញ្ញត្តិក្នុងស្រុកដែលកំពុងមានស្រាប់ និងផ្ដល់ការការពារបន្ថែម ក្នុងការធ្វើទីផ្សារប្រកបដោយទំនួលខុសត្រូវ និងការពារអនីតិជនពីផលិតផលគ្រឿងស្រវឹង។បទប្បញ្ញត្តិសំខាន់ៗនៃក្រមប្រតិបត្តិរួមមាន៖• ត្រូវធានានូវរាល់សកម្មភាពទីផ្សារ និងការផ្សព្វផ្សាយពាណិជ្ជកម្ម មិនត្រូវលើកទឹកចិត្ត ឬអូសទាញអ្នកប្រើប្រាស់ឱ្យពិសាលើសកម្រិត ឬការពិសាដោយខ្វះការទទួលខុសត្រូវ។• ផ្ដល់អាទិភាពជាចម្បងដល់ទំនួលខុសត្រូវសង្គម តាមរយៈការលុបបំបាត់ការផ្សាយពាណិជ្ជកម្មបោកបញ្ឆោត។• អនុវត្តគោលការណ៍ណែនាំឱ្យបានខ្ជាប់ខ្ជួន ដើម្បីការពារអ្នកដែលមានអាយុក្រោម ១៨ ឆ្នាំពីផលប៉ះពាល់ដែលបណ្ដាលមកពីការធ្វើទីផ្សារគ្រឿងស្រវឹង ដូចជាការពង្រឹងយន្តការផ្ទៀងផ្ទាត់អាយុ និងការកំណត់ស្តង់ដារសម្រាប់បុគ្គលរបស់សាធារណៈជនលើបណ្ដាញផ្សព្វផ្សាយ ដើម្បីធានាថាពួកគេផ្សព្វផ្សាយគ្រឿងស្រវឹងដោយកំណត់គោលដៅ សម្រាប់ទស្សនិកជនដែលពេញវ័យតែប៉ុណ្ណោះ។• ជំរុញការបង្កើតស្តង់ដារផ្សាយពាណិជ្ជកម្មច្បាស់លាស់ និងយុត្តិធម៌នៅក្នុងឧស្សាហកម្មគ្រឿងស្រវឹង នៅគ្រប់បណ្តាញទំនាក់ទំនងនានា រួមទាំងការធ្វើទីផ្សារឌីជីថលផងដែរ។ក្នុងការចូលរួមធ្វើជាសាក្សី ក្នុងការចុះហត្ថលេខានេះដែរ ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន ទទួលស្គាល់ថា ក្រុមហ៊ុនគ្រឿងស្រវឹងមួយចំនួន កំពុងប្រព្រឹត្តិទង្វើខុសឆ្គង ក្នុងការផ្សព្វផ្សាយអូសទាញ ហួសកម្រិតដែលបង្កជាផលអវិជ្ជមាន។ ឯកឧត្តមរដ្ឋមន្ត្រី គាំទ្រចំពោះក្រុមហ៊ុនជាហត្ថលេខី ដែលស្ម័គ្រចិត្តបំពេញលើការងារផ្សព្វផ្សាយឱ្យបានត្រឹមត្រូវ ប្រកបដោយការទទួលខុសត្រូវ។ ឯកឧត្តមរដ្ឋមន្ត្រីលើកឡើងដែរថា បច្ចុប្បន្នអន្តរក្រសួង ដែលរួមមាន ក្រសួងព័ត៌មាន ក្រសួងពាណិជ្ជកម្ម ក្រសួងសុខាភិបាល និងក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៏ រួមទាំងក្រសួងពាក់ព័ន្ធជាច្រើនផ្សេងទៀត បានបង្កើតក្រុមការងារគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង ដើម្បីពិនិត្យលើការងារផ្សព្វផ្សាយអូសទាញហួសកម្រិត ឬប្រាសចាកពីអ្វីដែលកំណត់។លើកឡើងក្នុងឱកាសដដែលនេះ ឯកឧត្តម ម៉ក់ ពេជ្ជរិទ្ធ រដ្ឋលេខាធិការក្រសួងពាណិជ្ជកម្ម ក៏បានបង្ហាញពីការគាំទ្រ លើការបង្កើតឱ្យមាន ក្រមប្រតិបត្តិសម្រាប់ការធ្វើទីផ្សារ និងការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវ។ ឯកឧត្តមលើកឡើងថា ក្រសួងពាណិជ្ជកម្ម កំពុងរៀបចំបទដ្ឋានកិត្តិយុទ្ធក្រមច្បាប់ដែលកំណត់អំពីអាយុក្នុងការទិញនិងទទួលទានគ្រឿងស្រវឹង ដើម្បីការពារអនីតិជន៕ អត្ថបទ៖ គឹម ហុក

បណ្ដាញសង្គម

ព័ត៌មានថ្មីៗ

ភ្ញៀវទេសចរវិលត្រឡប់ទៅកាន់តំបន់កាស្មៀរវិញ ក្រោយការវាយប្រហារស្លាប់មនុស្សរបស់ក្រុមជីវពល

BREAKING NEWS ៖ ការដាច់ចរន្តអគ្គិសនីទ្រង់ទ្រាយធំ បង្កភាពវឹកវរនៅអេស្ប៉ាញ និងព័រទុយហ្គាល់

មានអ្នកស្លាប់យ៉ាងតិច ៨នាក់ ខណៈ ២៩នាក់ត្រូវបានសង្គ្រោះ ក្រោយទូកជនអន្តោប្រវេសន៍ លិចនៅទុយនីស៊ី

ឥណ្ឌាចុះហត្ថលេខាលើកិច្ចព្រមព្រៀង ៧,៤ពាន់លានដុល្លារ ដើម្បីទិញយន្តហោះចម្បាំង Rafale ២៦ គ្រឿង

[UPDATE] លោក Putin ប្រកាសបទឈប់បាញ់ជាឯកតោភាគី ៣ថ្ងៃ នៅអ៊ុយក្រែន ចាប់ពីថ្ងៃទី៨ ឧសភា

ប្រជាជនកាណាដាទៅបោះឆ្នោតនៅក្នុងការបោះឆ្នោតពេញទៅដោយកង្វល់ អំពីលោក Trump

BREAKING NEWS ៖ លោក Putin ប្រកាសបទឈប់បាញ់ជាឯកតោភាគី ៣ថ្ងៃ នៅអ៊ុយក្រែន ចាប់ពីថ្ងៃទី៨ ឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ប្រតិភូជាន់ខ្ពស់ក្រសួងអធិការកិច្ចកម្ពុជា ចូលជួបសម្តែងការគួរសមជាមួយនាយករដ្ឋមន្រ្តីវៀតណាម

ពលរដ្ឋជាង ១០០០នាក់ហើយ ដែលបានប្រគល់សិទ្ធិជូនក្រុមមេធាវីរាជរដ្ឋាភិបាលការពារក្តីក្នុងសំណុំរឿងឡេង ចាន់ណា

ឯកឧត្តម អៀង មូលី អញ្ជើញបិទកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៤

គ្រឿងញៀន និងសារធាតុគីមីផ្សំជាង៧តោន នឹងដុតបំផ្លាញចោលនាថ្ងៃទី១៤ មិថុនា

ក្រុមហ៊ុនគ្រឿងស្រវឹងសហការបង្កើតក្រមលើការធ្វើទីផ្សារ និងផ្សព្វផ្សាយដោយទំនួលខុសត្រូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ប្រតិភូជាន់ខ្ពស់ក្រសួងអធិការកិច្ចកម្ពុជា ចូលជួបសម្តែងការគួរសមជាមួយនាយករដ្ឋមន្រ្តីវៀតណាម

ពលរដ្ឋជាង ១០០០នាក់ហើយ ដែលបានប្រគល់សិទ្ធិជូនក្រុមមេធាវីរាជរដ្ឋាភិបាលការពារក្តីក្នុងសំណុំរឿង​ឡេង ចាន់ណា

ឯកឧត្តម អៀង មូលី អញ្ជើញបិទកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៤

គ្រឿងញៀន និងសារធាតុគីមីផ្សំជាង៧តោន នឹងដុតបំផ្លាញចោលនាថ្ងៃទី១៤ មិថុនា

ក្រុមហ៊ុនគ្រឿងស្រវឹងសហការបង្កើតក្រមលើការធ្វើទីផ្សារ និងផ្សព្វផ្សាយដោយទំនួលខុសត្រូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋជាង ១០០០នាក់ហើយ ដែលបានប្រគល់សិទ្ធិជូនក្រុមមេធាវីរាជរដ្ឋាភិបាលការពារក្តីក្នុងសំណុំរឿងឡេង ចាន់ណា