BTV NEWS

TOP STORY | សម្ដេចតេជោ៖ យើងឈានទៅរកការពឹងពាក់លើកាកបាទក្រហមអន្តរជាតិដើម្បីជួយដល់ទាហានកម្ពុជា១៨រូបដែលថៃចាប់ក្រោយបទឈប់បាញ់ និងមិនទាន់បញ្ជូនមកឱ្យកម្ពុជាវិញ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភកុមារា២នាក់ដែលឱពុកជាប់បំពេញកាតព្វកិច្ចជូនជាតិ

TOP STORY | សម្តេចតេជោប្រកាសមិនចូលរួមប្រជុំព្រឹទ្ធសភាថ្ងៃស្អែកទេដោយជាប់រវល់ប្រចាំការរួមបញ្ជាកងទ័ព២៤ម៉ោងលើ២៤ម៉ោងក្រោយថៃរៀបចំផែនការវាយប្រហារកម្ពុជា

BREAKING NEWS ÷ ក្រសួងការពារជាតិកម្ពុជា៖កងទ័ពថៃគ្រោងនឹងបើកការវាយលុកតាមបណ្តោយព្រំដែនជាមួយកម្ពុជាឆាប់ៗនេះ

ព័ត៌មានជាតិ

ឯកឧត្តម ឌិត ទីណា ទទួលជួបក្រុមហ៊ុនផ្គត់ផ្គង់ម្រេច ដើម្បីពិភាក្សាអំពីការពង្រឹងគុណភាព និងពង្រីកទីផ្សារនាំចេញ

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅព្រឹកថ្ងៃទី១៨ ខែកញ្ញា ឆ្នាំ២០២៤នេះ បានទទួលជួបសម្តែងការគួរសមជាមួយក្រុមហ៊ុន សិលា ផិបភើរ ខូអិលធីឌី ដើម្បីពិភាក្សាគ្នាក្នុងការលើកកម្ពស់បន្ថែមដល់ទីផ្សារនាំចេញ ក៏ដូចជាការពង្រឹងគុណភាពម្រេច។ប្រភពក្រសួងកសិកម្ម រុក្ខាប្រមាញ់ និងនេសាទ បានសសេរក្នុងបណ្តាញសង្គមឲ្យដឹងថា ក្នុងកិច្ចប្រជុំនេះ ឯកឧត្តមរដ្ឋមន្ត្រី បានណែនាំអំពីកម្មវិធីគោលនយោបាយអាទិភាពក្នុងវិស័យកសិកម្មរបស់រាជរដ្ឋាភិបាល ដែលផ្ដោតសំខាន់លើការរក្សាលំនឹងថ្លៃកសិផល និងការកសាងសហគមន៍កសិកម្មទំនើបដែលអាចជួយដោះស្រាយបញ្ហាប្រឈមនានារបស់ប្រជាកសិករ។ លើសពីនេះ ឯកឧត្តម បានលើកទឹកចិត្តដល់ក្រុមហ៊ុនឱ្យមានការអភិវឌ្ឍបន្ថែមទៀត ដោយផ្តោតលើគុណភាពល្អប្រណិត មានស្តង់ដាខ្ពស់ ជួយកសិករនៅផ្នែកកែច្នៃ និងនាំចេញទៅទីផ្សារ ធ្វើយ៉ាងណាឱ្យខ្សែច្រវាក់តម្លៃ មានភាពល្អប្រសើរ ផ្ដោតលើគុណភាព ជាជាងប្រកួតប្រជែងលើបរិមាណ។បើតាមឯកឧត្តមរដ្ឋមន្ត្រី ក្រុមហ៊ុនអាចពិចារណាសហការជាមួយសហគមន៍កសិកម្មទំនើប ដែលអាចផលិតទៅតាមតម្រូវការរបស់ក្រុមហ៊ុន មានគុណភាពល្អ មានធនធានគ្រប់គ្រាន់សម្រាប់ផលិតកម្ម មានប្រសិទ្ធភាពសេដ្ឋកិច្ច ទទួលបានការវិនិយោគ និងចែករំលែកផលចំនេញទាំងអស់គ្នា។ ឯកឧត្តម បានគូសបញ្ជាក់ថា វិស័យកសិកម្មត្រូវការការចូលរួមពីវិស័យឯកជន និងក្រុមហ៊ុន លើកកម្ពស់ការអនុវត្តកសិកម្មតាមកិច្ចសន្យា (Contract Farming) ផលិតកសិផលមានគុណភាព និងមានតម្លៃបន្ថែមខ្ពស់។សម្រាប់កម្ចីដែលមានអត្រាការប្រាក់ទាប ឯកឧត្តមរដ្ឋមន្ត្រី បានណែនាំអោយក្រុមហ៊ុនសហការជាមួយនឹងសាជីវកម្មធានាឥណទានកម្ពុជា (CGCC) ដើម្បីអាចមានលទ្ធភាពក្នុងការធ្វើការជាមួយធនាគារពាក់ព័ន្ធ ក្នុងការផ្តល់កម្ចី ដោយឆ្លងកាត់ការគិតគូរនិងការវាយតម្លៃច្បាស់លាស់ ព្រមទាំងមានលទ្ធភាពសងត្រលប់៕ អត្ថបទ៖ ឈិត បូរ៉ាវី

កម្ពុជា-ចិនសន្យាបន្ដពង្រឹងកិច្ចសហប្រតិបត្តិការលើការងារសន្ដិសុខ និងប្រយុទ្ធប្រឆាំងគ្រឿងញៀន

ឯកឧត្តម សន្ដិបណ្ឌិត នេត សាវឿន ឧបនាយករដ្ឋមន្ដ្រី និងលោក វ៉ាង វិនប៊ីន (Wang Wenbin) ឯកអគ្គរដ្ឋទូតចិនប្រចាំនៅកម្ពុជា នៅព្រឹកថ្ងៃទី១៨ ខែកញ្ញា ឆ្នាំ២០២៤នេះ បានបង្ហាញជំហររួមគ្នា ក្នុងការបន្ដពង្រឹងកិច្ចសហប្រតិបត្តិការទ្វេភាគី លើការងារសន្ដិសុខ អនុវត្តច្បាប់ និងការងារប្រយុទ្ធប្រឆាំងគ្រឿងញៀនជាដើម។នៅក្នុងកិច្ចជំនួបទ្វេភាគីនោះ ឯកឧត្តមឧបនាយករដ្ឋមន្ដ្រី នេត សាវឿន បានសម្ដែងនូវការស្វាគមន៍ចំពោះវត្តមានរបស់លោក វ៉ាង វិនប៊ីន ដែលត្រូវបានតែងតាំងជាឯកអគ្គរដ្ឋទូតចិនប្រចាំកម្ពុជា ដោយតាមបទពិសោធន៍កាទូតដ៏ប៉ិនប្រសប់ និងយូរឆ្នាំរបស់លោកឯកអគ្គរដ្ឋទូត នឹងធ្វើឲ្យទំនាក់ទំនងរវាងកម្ពុជា-ចិនកាន់តែរឹងមាំបន្ថែមទៀត ខណៈកម្ពុជា និងចិនមានទំនាក់ទំនងជាប្រពៃណី កិច្ចសហប្រតិបត្តិការស៊ីជម្រៅ និងគ្រប់ជ្រង់ជ្រោយ និងជាមិត្តដែកថែប។នៅក្នុងកិច្ចជំនួបនោះ ឯកឧត្តមសន្តិបណ្ឌិតបានលើកឡើងអំពីកិច្ចសហប្រតិបត្តិការដ៏ល្អរវាងភាគីទាំងពីរកម្ពុជា និងចិន នាពេលកន្លងមក ក្នុងនោះមានទាំងវិស័យសន្ដិសុខ, សេដ្ឋកិច្ច និងពាណិជ្ជកម្មជាដើម។ យ៉ាងណាក៏ដោយនៅក្នុងកិច្ចជំនួបនោះ ឯកឧត្តមឧបនាយករដ្ឋមន្ដ្រី នេត សាវឿន ក៏បានប្រកាសថ្លែងអំណរគុណជាថ្មីម្តងទៀត ដល់រដ្ឋាភិបាលចិន ដែលបានផ្ដល់កិច្ចសហប្រតិបត្តិការ និងជំនួយនៅក្នុងការអភិវឌ្ឍលើវិស័យមួយជាច្រើនដល់កម្ពុជាផងដែរ ។ថ្លែងនៅក្នុងកិច្ចជំនួបនោះដែរ លោកវ៉ាង វិនប៊ីនក៏បានលើកឡើងផងដែរថា ផ្អែកទៅលើចំណងមិត្តភាពដ៏យូរលង់ និងប្រពៃណី ក៏ដូចជាមិត្តភាពដែកថែប រដ្ឋាភិបាលចិន តាមរយៈស្ថានទូតនឹងបន្ដគាំទ្រកម្ពុជា ដើម្បីសម្រេចចក្ខុវិស័យនៅឆ្នាំ២០៣០ ក្លាយជាប្រទេសដែលមានចំណូលមធ្យមកម្រិតខ្ពស់ និងឆ្នាំ២០៥០ ក្លាយជាប្រទេសដែលមានចំណូលខ្ពស់ សំដៅលើកម្ពស់កម្រិតជីវភាពប្រជាជនឲ្យកាន់តែខ្ពស់ផងដែរ។នៅក្នុងកិច្ចជំនួបនេះ លោក ឯកអគ្គរដ្ឋទូតក៏បានអះអាងផងដែរថា រដ្ឋាភិបាលចិន តាមរយៈស្ថានទូតរបស់ខ្លួនប្រចាំនៅកម្ពុជា នឹងបន្ដកិច្ចសហប្រតិបត្តិការជួយពង្រឹងសមត្ថភាព ការបណ្ដុះបណ្ដាល ផ្លាស់ប្ដូរព័ត៌មាន សំដៅពង្រឹងសន្ដិសុខរវាងប្រទេសទាំងពីរចិន-កម្ពុជា និងទប់ស្កាត់បទល្មើសឆ្លងដែនគ្រប់ប្រភេទឲ្យកាន់តែសកម្មបន្ថែមទៀតផងដែរ ហើយលោកក៏បានវាយតម្លៃខ្ពស់ អំពីកិច្ចសហប្រតិបត្តិការដ៏ល្អរវាងអាជ្ញាធរជាតិប្រយុទ្ធប្រឆាំងគ្រឿងញៀនរបស់កម្ពុជា និងអាជ្ញាធរប្រយុទ្ធប្រឆាំងគ្រឿងញៀនរបស់ចិន និងគូសបញ្ជាក់ថា ស្ថាប័នទាំងពីរ នឹងបន្ដកិច្ចសហការគាំទ្រគ្នាទៅវិញទៅមកឲ្យកាន់តែល្អប្រសើរបន្ថែមទៀតផងដែរ៕ អត្ថបទ បាន ចក់

កម្ពុជាដាក់គោលដៅប្រើប្រាស់រថយន្តអគ្គិសនី ៣ម៉ឺនគ្រឿង នៅត្រឹមឆ្នាំ២០៣០

កម្ពុជាមានគោលនយោបាយច្បាស់លាស់ ក្នុងការជំរុញការប្រើប្រាស់យានយន្តអគ្គិសនីនៅត្រឹមឆ្នាំ ២០៣០ឱ្យសម្រេចឱ្យបានចំនួន៣ម៉ឺនគ្រឿង ទោចក្រយានយន្តអគ្គិសនីសុទ្ធចំនួន ៧២ ម៉ឺនគ្រឿង និងត្រីចក្រយានចំនួន២ម៉ឺនគ្រឿងផងដែរ។ នេះបើតាមការបញ្ជាក់ក្នុងកិច្ចប្រជុំផ្សព្វផ្សាយគោលនយោបាយជាតិស្ដីពី ការអភិវឌ្ឍនវិស័យយានយន្តអគ្គិសនី ២០២៤-២០៣០ នៅព្រឹកថ្ងៃទី១៨ ខែកញ្ញា ឆ្នាំ ២០២៤។ ។ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានលើកឡើងថា គោលនយោបាយជាតិស្ដីពី ការអភិវឌ្ឍនវិស័យយានយន្តអគ្គិសនី ២០២៤-២០៣០ បានកំណត់គោលដៅច្បាស់លាស់ ក្នុងនោះមានការដាក់ចេញជាកញ្ចប់វិធានការគោលនយោបាយគន្លឹះ ក្នុងន័យជំរុញការប្រើប្រាស់ និងការផ្គត់ផ្គង់យានយន្តអគ្គិសនី ក៏ដូចជាការការពារបរិស្ថាន ដោយមានការកំណត់ក្រសួង ស្ថាប័នទទួលខុសត្រូវអនុវត្តច្បាស់លាស់ នៅក្នុងក្របខ័ណ្ឌពេលវេលាជាក់លាក់។ ក្នុងពិធីផ្សព្វផ្សាយនេះដែរ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន លើកឡើងដែរថាវិស័យយានយន្តអគ្គិសនីត្រូវបានកំណត់ជាវិស័យមួយក្នុងចំណោម វិស័យដែលមានសក្តានុពលខ្ពស់ ក្នុងការចូលរួមមិនត្រឹមតែជួយដល់ការលើកកម្ពស់បរិស្ថាន និងធ្វើឱ្យប្រសើរឡើងនូវសុខុមាលភាពសាធារណៈប៉ុណ្ណោះទេ ប៉ុន្តែថែមទាំងជំរុញសន្ទុះនៃការ ធ្វើពិពិធកម្មមូលដ្ឋានសេដ្ឋកិច្ច និងពង្រឹងសន្តិសុខថាមពលផងដែរ។ឯកឧត្តមថ្លែងថា ការជំរុញការប្រើប្រាស់យានយន្តអគ្គិសនី គឺជាការចូលរួម យ៉ាងសំខាន់ក្នុងការកាត់បន្ថយផលប៉ះពាល់ដែលបង្កឡើងដោយការបំភាយឧស្ម័នកាបូនឌីអុកស៊ីត (CO2) ចេញពីយានយន្តប្រភេទប្រេងឥន្ធនៈ។ ខណៈក្រសួងសាធារណការក៏បាននិងកំពុងខិតខំអនុវត្តស្របតាមទិសដៅ និងវិធានការចាំបាច់ដែលរាជរដ្ឋាភិបាល បានកំណត់ ស្របតាមយុទ្ធសាស្ត្រអភិវឌ្ឍន៍រយៈពេលវែងប្រកបដោយអព្យាក្រឹត្យកាបូនដើម្បីជំរុញសម្រេចឱ្យបាននូវការប្រើប្រាស់រថយន្តអគ្គិសនីក្នុងអត្រា៤០% និងទោចក្រយានយន្តអគ្គិសនីក្នុងអត្រា៧០% នៅត្រឹមឆ្នាំ២០៥០។បើតាមក្រសួងសាធារណការ យានយន្តអគ្គិសនីដែលបានចុះបញ្ជីនៅកម្ពុជាគិតត្រឹមខែ សីហា ឆ្នាំ២០២៤ មានចំនួន ៣ ៦៧៦គ្រឿង។ ចំណែកស្ថានីយទីតាំងបញ្ចូលថាមពលអគ្គិសនីគិតត្រឹមដើមឆ្នាំ២០២៤ មានចំនួន២១កន្លែង៕ អត្ថបទ៖ គឹម ហុក

ប្រធានអនុសញ្ញាអូតាវ៉ា អំពាវនាវដល់ប្រទេសនានាបោះឆ្នោតគាំទ្រសេចក្តីថ្លែងការណ៍នយោបាយសៀមរាប-អង្គរ ក្នុងមហាសន្និបាតអង្គការសហប្រជាជាតិលើកទី៧៩

ហ្សឺណែវ៖ ឯកឧត្តមបណ្ឌិត លី ធុជ ទេសរដ្ឋមន្ត្រី អនុ ប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ា នាថ្ងៃទី១៧ ខែកញ្ញា ឆ្នាំ២០២៤ បានដឹកនាំកិច្ចប្រជុំគណៈកម្មការសម្របសម្រួលនៃអនុសញ្ញាអូតាវ៉ា ដើម្បីរាយការណ៍អំពីសកម្មភាពការងាររបស់ប្រធានអនុសញ្ញាពិភាក្សាអំពីតួនាទីរបស់គណៈកម្មការសម្រប សម្រួលនៅក្នុងកិច្ចប្រជុំកំពូលសៀមរាប-អង្គរ និងពិនិត្យលើសេចក្តីព្រាងនៃសេចក្តីថ្លែង ការណ៍ស្តីពីការអនុវត្តអនុសញ្ញាអូតាវ៉ា ដែលនឹងត្រូវដាក់ជូនអង្គការសហប្រជាជាតិ ដើម្បីពិនិត្យ និងអនុម័ត។ គូសបញ្ជាក់ថា ក្នុងនាមជាប្រធានកិច្ចប្រជុំត្រួតពិនិត្យឡើងវិញលើកទី៥នៃអនុសញ្ញាអូតាវ៉ា ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន កម្ពុជា មានកាតព្វកិច្ចរៀបចំសេចក្តីព្រាងនៃសេច ក្តីថ្លែងការណ៍នយោបាយស្តីពីការអនុវត្តអនុសញ្ញាអូតាវ៉ា ដើម្បីដាក់ជូនអង្គការ សហប្រជាជាតិ ដើម្បីពិនិត្យ និងអនុម័ត នៅក្នុងមហាសន្និបាតអង្គការសហប្រជា ជាតិលើកទី៧៩ នាខែតុលា ឆ្នាំ២០២៤ នៅទីក្រុងញូវយ៉ក ។កម្ពុជារួមជាមួយអាល្លឺម៉ង់ ជាប្រធានអនុសញ្ញាឆ្នាំ២០២៣ និងជប៉ុន ជាប្រធានអនុសញ្ញាឆ្នាំ២០២៥ ក្រោមការសម្របសម្រួលពីអង្គភាពគាំទ្រការអនុវត្តអនុសញ្ញាអូតាវ៉ា បានរួមគ្នារៀបចំរួចរាល់នូវសេចក្តីព្រាងនៃសេចក្តីថ្លែងការណ៍នយោបាយនេះ និងដាក់ជូនសមាជិកគណៈកម្មការសម្របសម្រួល ដើម្បីពិនិត្យ និងផ្តល់ធាតុចូលបន្ថែម មុនដាក់ជូនអង្គការសហប្រជាជាតិ។ ជាមួយគ្នានេះ ឯកឧត្តមបណ្ឌិត បានអំពាវនាវដល់សមាជិកគណៈកម្មការសម្របសម្រួលទាំងអស់ ឱ្យបោះឆ្នោតគាំទ្រ និងអំពាវនាវបន្តទៅកាន់ប្រទេសនានា ឱ្យបោះឆ្នោតគាំទ្រ សេចក្តីថ្លែង ការណ៍នយោបាយសៀមរាប-អង្គរ ដ៏មានសំខាន់នេះ។ សូមបញ្ជាក់ថា ឯកឧត្តមបណ្ឌិត លី ធុជ ក្នុងនាមជាប្រធានអនុសញ្ញាអូតាវ៉ា នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំគណៈកម្មការរំសាយសព្វាវុធ និងសន្តិសុខអន្តរជាតិ នៃមហាសន្និបាតអង្គកាសហប្រជាជាតិលើកទី៧៩ ពីថ្ងៃទី៧ ដល់១១ ខែតុលា ឆ្នាំ២០២៤ នៅទីក្រុងញូវយ៉ក ដើម្បីផ្សព្វផ្សាយសេចក្តីថ្លែងការណ៍នេះ ដល់មហាសន្និបាតអង្គការសហប្រជាជាតិ ព្រមទាំងផ្សព្វផ្សាយ និងធ្វើសាកលភាវូបនីយកម្មអនុសញ្ញាអូតាវ៉ា តាមរយៈកិច្ចប្រជុំទ្វេភាគី ពហុភាគី និងការរៀបចំព្រឹត្តិការណ៍អម ក្នុងអំឡុងពេលនៃមហាសន្និបាត។សមាជិកគណៈកម្មការសម្របសម្រួលមាន១៩ប្រទេសគឺ៖ កូឡុំប៊ី ស៊ុយអែត ថៃអង់គ្លេស អាល្លឺម៉ង់ ន័រវែស ប៉េរូ អាហ្វ្រិកខាងត្បូង ស្លូវើនៀ បូគីណាហ្វាសូ ហូឡង់ សំប៊ី អាល់ហ្សេរី ដាណឺម៉ាក ជប៉ុន តួកគី អូស្ត្រាលី បែលហ្ស៊ិក និងកម្ពុជា និងអង្គការចំនួន៤៖ GICHD, ICBL, ICRC, UNODA ៕ ភារម្យ

វេទិកាការងារស្អែកនេះ នឹងតាំងបង្ហាញឱកាសការងារជាង២០០កន្លែង សម្រាប់យុវជន និងអ្នកស្វែងករកការងារ

ភ្នំពេញ៖ ក្រុមហ៊ុនធំៗចំនួន៧ នៅថ្ងៃទី១៩ កញ្ញា ឆ្នាំ២០២៤ស្អែកនេះ នឹងផ្តល់ឱកាសការងារថ្មីបន្ថែមទៀតចំនួន ២៧៤កន្លែង សម្រាប់យុវជន សិស្ស/និស្សិត និងអ្នកស្វែងរកការងារនៅក្នុងវេទិកាការងារ នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។ក្រុមហ៊ុនទាំង៧ ដែលនឹងចូលរួមក្នុងវេទិកាការងារនេះមានដូចជា៖ គ្រឹះស្ថានមីក្រូហិរញ្ញវត្ថុ AMK, គ្រឹះស្ថានមីក្រូហិរញ្ញវត្ថុ Chockchey Finance, ក្រុមហ៊ុន Land &Home, គ្រឹះស្ថានមីក្រូហិរញ្ញវត្ថុ JACCS, ក្រុមហ៊ុន InvestM, ក្រុមហ៊ុន AC និងក្រុមហ៊ុន CBS។វេទិកាការងារនេះ ត្រូវបានរៀបចំឡើងដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជា វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ដើម្បីផ្តល់ភាពងាយស្រួលដល់យុវជន សិស្ស/និស្សិត ក្នុងការដាក់ពាក្យស្វែងរកការងារ និងសម្ភាសការងារជាមួយតំណាងក្រុមហ៊ុនធំៗនៅមួយកន្លែងភ្លាមៗតែម្តង។សូមបញ្ជាក់បន្ថែមថា យុវជន សិស្ស/និស្សិត និងអ្នកកំពុងស្វែងរកការងារធ្វើ ឬចង់ផ្លាស់ប្តូរការងារអាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយតំណាងក្រុមហ៊ុនទាំង៧ នេះបានដោយងាយស្រួល៕

សម្ដេចតេជោ ហ៊ុន សែន បង្ហាញកម្រងរូបភាព អតីតកាល-បច្ចុប្បន្នកាល

តាមរយៈហ្វេសប៊ុកនារសៀលថ្ងៃទី១៨ ខែកញ្ញា ឆ្នាំ២០២៤នេះ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី និងជាប្រធានព្រឹទ្ធសភា នៃព្រះរាជាណាចក្រកម្ពុជា បានបង្ហោះនូវកម្រងរូបភាព ដោយប្រៀបធៀបពីអតីតកាល មកបច្ចុប្បន្នកាល។

ឃុំចំនួនពីរ ក្នុងស្រុកកែវសីមា ខេត្តមណ្ឌលគិរី កំពុងរងការជន់លិចដោយជំនន់ទឹកភ្លៀង

មណ្ឌលគិរី៖ ភូមិជាច្រើនដែលស្ថិតក្នុងឃុំចំនួនពីរ ភូមិសាស្ត្រស្រុកកែវសីមា ខេត្តមណ្ឌលគិរី បាននិងកំពុងរងទទួលនូវជំនន់ទឹកភ្លៀងយ៉ាងខ្លាំង ខណៈដែលទឹកជំនន់បានកាត់ផ្ដាច់ផ្លូវធ្វើដំណើរពីរួមខេត្តទៅកាន់ទីនោះ ហើយផ្ទះសម្បែងពលរដ្ឋជាច្រើនខ្នងបានរងផលប៉ះពាល់ ប៉ុន្តែកម្លាំងសមត្ថកិច្ចបានជម្លៀសប្រជាពលរដ្ឋទៅកាន់ទីទួលសុវត្ថិភាពអស់ហើយ ។ អភិបាលស្រុកកែវសីមា លោក សាន គឹមអ៊ាប បានឲ្យដឹងមុននេះបន្តិចថា ជំនន់ទឹកភ្លៀងបានជនឡើងនៅវេលាទៀបភ្លឺនៅថ្ងៃទី១៨កញ្ញានេះ បានធ្វើឲ្យប៉ះពាល់ដល់ឃុំមេម៉ង់ និងឃុំចុងផ្លាស់ ដែលឃុំទាំងពីរស្ថិតនៅក្បែរគ្នា ។ ក្នុងនោះឃុំមេម៉ងមានការជន់លិចផ្ទះសម្បែងពលរដ្ឋប្រមាណ៥ទៅ៦ភូមិ ចំណែកឃុំចុងផ្លាស់ប៉ះពាល់ប្រមាណ២ភូមិ ។ ហើយក្នុងករណីនេះកម្លាំងសមត្ថកិច្ចក្នុងតំបន់បានធ្វើការជម្លៀសពលរដ្ឋមកកាន់តំបន់មានសុវត្ថិភាពហើយ ។យោងតាមប្រភពពីពលរដ្ឋក្នុងតំបន់ជនលិច បញ្ជាក់ថា ផ្នែកខ្លះនៃឃុំទាំងពីរកំពុងជនលិចខ្លាំង គឺទឹកបានហក់ឡើងខ្ពស់ រហូតកន្លែងខ្លះត្រឹមទ្រូង ឬឡើងខ្ពស់ផុតក្បាលទៅទៀត ។ ហើយផ្លូវសំខាន់ដើម្បីធ្វើដំណើរពីទីរួមខេត្តមកកាន់ឃុំមេម៉ង់បានជនលិចខ្លាំងនៅព្រឹកមិញនេះ ត្រង់ចំណុចអូរឆាង ប៉ុន្តែគិតរហូតដល់ថ្ងៃត្រង់ ទឹកបានស្រកទៅវិញបន្តិច រថយន្តអាចធ្វើដំណើរបាន ។ យ៉ាងណាក៏ដោយ ចំពោះឃុំទាំងពីរជារៀងរាល់ឆ្នាំតែងប្រឈមនឹងជំនន់ទឹកភ្លៀងយ៉ាងឆាប់រហ័ស ប៉ុន្តែប្រសិនបើរាំងភ្លៀង ទឹកក៏ឆាប់ស្រក់ទៅវិញលឿនផងដែរ ។ ហើយជាទូទៅភូមិសាស្ត្រឃុំទាំងពីរ ថ្វីត្បិតមិនស្ថិតជាប់ដងទន្លេ ប៉ុន្តែមានខ្សែអូរជាច្រើន ដែលធ្វើឲ្យស្ថានភាពទឹកហក់ឡើងពីអូរទាំងនោះ បណ្ដាលឲ្យជនលិច ៕

លទ្ធផលប្រាក់ឈ្នួលអប្បបរមាសម្រាប់ឆ្នាំ២០២៥ នឹងបង្ហាញជាផ្លូវការនៅរសៀលថ្ងៃស្អែកនេះ

តាមការកំណត់នៅរសៀលថ្ងៃទី១៩ ខែកញ្ញាស្អែកនេះ ក្រុមប្រឹក្សាជាតិប្រាក់ឈ្នួលអប្បបរមា នឹងជួបប្រជុំគ្នាជាលើកចុងក្រោយ ដើម្បីពិភាក្សាគ្នាក្នុងការកំណត់ប្រាក់ឈ្នួលអប្បបរមារបស់កម្មករនិយោជិតក្នុងវិស័យកាត់ដេរ សម្រាប់ឆ្នាំ២០២៥ខាងមុខ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។លោក គឹម ចាន់សំណាង ប្រធានសហភាពសិទ្ធិកម្មករកម្ពុជា បានឱ្យដឹងនៅព្រឹកថ្ងៃទី១៨ ខែកញ្ញានេះថា កំឡុងរយៈពេលជិត១ខែ នៃកិច្ចប្រជុំចរចាប្រាក់ឈ្នួលអប្បបរមា បានមើលឃើញភាពជាក់ស្តែងទាំងអស់គ្នា ដោយផ្អែកទៅលើកត្តាសំខាន់ៗ២ចំណុច ដូចជាកត្តាសង្គម និងកត្តាផ្នែកសេដ្ឋកិច្ច។ជាមួយការដំឡើងប្រាក់ឈ្នួលអប្បបរមាដល់កម្មករនិយោជិតនេះ លោកសង្ឃឹមថា នៅពេលលទ្ធផលនឹងត្រូវប្រកាសជាផ្លូវការនៅថ្ងៃស្អែកនេះ គ្រប់ភាគីនឹងអាចទទួលយកបានទាំងអស់គ្នា។ លោកបានអំពាវនាវដល់កម្មករនិយោជិតទាំងអស់ត្រូវខិតខំប្រឹងធ្វើការ និងត្រូវយកចិត្តទុកដាក់នូវអ្វីជាការទទួលខុសត្រូវរបស់ខ្លួន។ លោកសង្ឃឹមថា ការដំឡើប្រាក់ឈ្នួលសម្រាប់ឆ្នាំខាងមុខ កម្មករនិយោជិតទទួលយកដោយក្តីរីករាយ ពីព្រោះថាបើប្រៀបធៀបក្នុងរយៈពេលប៉ុន្មានឆ្នាំមកនេះ ស្ថានភាពសេដ្ឋកិច្ចមានភាពមិនប្រក្រតីទាំងប្រទេសកម្ពុជា ក៏ដូចជាទូទាំងពិភពលោក ហើយប្រទេសខ្លះក៏មិនមានការដំឡើងប្រាក់ឈ្នួលអប្បបរមាដូចប្រទេសកម្ពុជាដែរ។អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា សង្ឃឹមថា កម្មករនិយោជិតធ្វើយ៉ាងណាត្រូវខិតខំបំពេញការងារឲ្យបានល្អជាងមុន មានគុណភាព ក៏ដូចជាពង្រឹងផលិតភាពការងារ ដើម្បីរួមសហការគ្នាទៅមុខបន្តទៀត ដោយឈរលើគោលនយោបាយឈ្នះ ឈ្នះទាំងអស់គ្នា។ ពាក់ព័ន្ធការកិច្ចប្រជុំចរចាប្រាក់ឈ្នួលកម្មករដែលនឹងបិទបញ្ចប់នៅថ្ងៃស្អែកនេះ ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា ការងារនេះ ទុកលទ្ធភាពសម្រាប់ភាគីចរចាដើម្បីកំណត់តួរលេខរួមមួយ។ ក្នុងករណីមិនព្រមព្រៀង និងឈានដល់នីតិវិធីបោះឆ្នោតសម្រេចតែម្តង។ ឯកឧត្តម សង្ឃឹមថា ភាគីនិយោជក និងភាគីកម្មករនិយោជិត នឹងមានការឯកភាពគ្នាក្នុងការកំណត់តួរលេខសម្រាប់ប្រាក់ឈ្នួលអប្បបរមាឆ្នាំ២០២៥។ ទោះតិច ឬច្រើន ឃើញថា ភាគីទាំងអស់បានមានឆន្ទៈធ្វើការដំឡើងប្រាក់ឈ្នួលជូនកម្មករនិយោជិតដូចគ្នាផងដែរ។សូមបញ្ជាក់ថា កាលពីកិច្ចប្រជុំចរចាប្រាក់ឈ្នួលលក្ខណៈត្រីភាគី លើកទី៤កន្លងទៅ ភាគីសហជីពតំណាងឲ្យកម្មករនិយោជិត បានស្នើរតួលេខកំណើនរបស់ខ្លួនចំនួន៣ផ្សេងៗគ្នា គឺតួលេខកំណើន ៦ដុល្លារ, ៧ដុល្លារ និង១០ដុល្លារ លើប្រាក់ឈ្នួលបច្ចុប្បន្ន ២០៤ដុល្លារ។ ដោយឡែកភាគីនិយោជក បានរក្សាគោលជំហរនៅដដែល គឺកំណើនចំនួន ២ដុល្លារ លើប្រាក់ឈ្នួលបច្ចុប្បន្ន ចំនួន២០៤ដុល្លារដូចគ្នា៕អត្ថបទ ឈិត បូរ៉ាវី

ឯកឧត្តមបណ្ឌិត ចាន់ ដារ៉ុង អញ្ជើញបើកការដ្ឋានសាងសង់ផ្លូវក្រួសកហម១ខ្សែ ក្នុងឃុំអូរតាប៉ោង ខេត្តពោធិ៍សាត់

ពោធិ៍សាត់ ៖ នៅព្រឹកថ្ងៃទី១៨ ខែកញ្ញា ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតីភាពក្នុងពិធីបើកការដ្ឋានសាងសង់ផ្លូវក្រាលក្រួសក្រហមមួយខ្សែ ស្ថិតក្នុងឃុំអូរតាប៉ោង ស្រុកបាកាន ខេត្តពោធិ៍សាត់ ។ ពិធីនេះមានការអញ្ជើញចូលរួមពីលោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ អាជ្ញាធរមូលដ្ឋានឃុំអូរតាប៉ោង និងតំណាងប្រជាពលរដ្ឋដែលអាស្រ័យផលផ្លូវនេះ ។ ក្នុងឱកាសនោះ ឯកឧត្តមបណ្ឌិត ចាន់ ដារ៉ុង បានពាំនាំមកនូវប្រសាសន៍ផ្តាំផ្ញើសួរសុខទុក្ខពីសំណាក់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទជូនដល់បងប្អូនប្រជាពលរដ្ឋក្នុងឃុំអូរតាប៉ោង ហើយឯកឧត្តមបណ្ឌិត មានប្រសាសន៍លើកឡើងថា ផ្លូវក្រាលក្រួសក្រហមដែលត្រូវបើកការដ្ឋានសាងសង់ក្នុងពេលនេះ គឺឆ្លើយតមតាមតម្រូវការជាក់ស្តែងរបស់បងប្អូនប្រជាពលរដ្ឋក្នុងមូលដ្ឋានឃុំអូរតាប៉ោង ដោយការសាងសង់នេះគឺប្រើប្រាស់ថវិការបស់រាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ និងអនុវត្តន៍គម្រោងដោយនាយកដ្ឋានវិស្វកម្ម នៃក្រសួងការពារជាតិ ។ឯកឧត្តមបណ្ឌិត ចាន់ ដារ៉ុង មានប្រសាសន៍បន្តថា រាជរដ្ឋាភិបាលបច្ចុប្បន្នបាននិងកំពុងខិតខំអភិវឌ្ឍប្រទេសជាតិ លើគ្រប់វិស័យឱ្យកាន់តែមានភាពរីកចម្រើនទៅមុខបន្ថែមទៀត ដោយបានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដែលបានកំណត់អាទិភាពគន្លឹះ៥ គឺ៖ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្រោមបាវចនាដើម្បីកំណើន ការងារ សមធម៌ ប្រសិទ្ធភាព និងចីរភាព ក្នុងគោលដៅអភិវឌ្ឍប្រទេសឈានឆ្ពោះទៅសម្រេចចក្ខុវិស័យកម្ពុជាជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ ជាមួយគ្នានោះឯកឧត្តម សុំការយោគយល់ចំពោះបងប្អូនប្រជាពលរដ្ឋ ដែលមានគេហដ្ឋាន ឬធ្វើដំណើរលើផ្លូវនេះ អាចនឹងជួបការលំបាក ឬហុយធូលីដីជាដើម នៅពេលផ្លូវនេះកំពុងស្ថាបនា ប៉ុន្តែនៅពេលស្ថាបនារួច ច្បាស់ណាស់បងប្អូនប្រជាពលរដ្ឋ នឹងមានភាពងាយស្រួលក្នុងការធ្វើដំណើរជាក់ជាមិនខាន ដូចនេះសូមបងប្អូនក៏ដូចជាអាជ្ញាធរត្រូវចូលរួមថែរក្សាផ្លូវនេះទាំងអស់គ្នាដើម្បីការប្រើប្រាស់ជាប្រយោជន៍រួមបានយូរអង្វែង កុំចាក់ដីលុបផ្លូវទឹកនៅសងខាងផ្លូវដោយពុំបានដាក់លូ កុំទុកដាក់សម្ភារៈផ្សេងៗឬ ហាលស្រូវដំឡូងនៅលើផ្លូវ និងត្រូវទប់ស្កាត់រថយន្តធំៗដឹកលើសទំងន់ ។ជាចុងក្រោយ ឯកឧត្តមបណ្ឌិត ចាន់ ដារ៉ុង សូមឱ្យបងប្អូនប្រជាពលរដ្ឋបន្តចូលរួមការពារសន្តិភាព ដើម្បីប្រទេសជាតិយើងកាន់តែអភិវឌ្ឍន៍រីកចម្រើន និងទទួលបាន សមិទ្ធផលថ្មីៗតូចធំបន្ថែមទៀត ដើម្បីបំពេញសេចក្តីត្រូវការរបស់ប្រជាពលរដ្ឋ ព្រោះថាបើគ្មានសន្តិភាពក៏គ្មានការអភិវឌ្ឍ និងរីកចម្រើនដែរ ។គួរឱ្យដឹងថា ផ្លូវក្រាលក្រួសក្រហមដែលត្រូវបើការដ្ឋានសាងសង់ក្នុងពេលនេះ មានទទឹង៨ម៉ែត្រ បន្ថែមលើផ្លូវលំចាស់ដែលមានទទឹងត្រឹមតែ៤ម៉ែត្រ និងមានបណ្តោយប្រវែង៧០០០ម៉ែត្រ ចាប់ពីចំនុចផ្លូវជាតិលេខ៥ក្នុង ភូមិអូរតាប៉ោង ភ្ជាប់ទៅកាន់ភូមិជាច្រើនទៀតក្នុងឃុំអូរតាប៉ោង រហូតដល់ព្រំប្រទលឃុំមេទឹក ហើយផ្លូវនេះជាផ្លូវមានសារៈសំខាន់សម្រាប់ប្រជាពលរដ្ឋធ្វើដំណើរមកកាន់ទីរួមស្រុកបាកាន មកមន្ទីរពេទ្យ មកផ្សារ មកសាលារៀន ជាពិសេសគឺដឹកកសិផលដែលប្រជាពលរដ្ឋតាមភូមិដាំដុះផលិតបាន ៕

ពុទ្ធបរិស័ទច្រើនកុះករ មកធ្វើបុណ្យនៅវត្តនិរោធរង្ស៊ី ក្នុងថ្ងៃកាន់បិណ្ឌមួយនៃពិធីបុណ្យភ្ជុំបិណ្ឌ

នៅថ្ងៃកាន់បិណ្ឌមួយ ត្រូវនឹងថ្ងៃទី១៨ខែកញ្ញានេះ ពុទ្ធបរិស័ទច្រើនកុះករមកធ្វើបុណ្យនៅវត្តនិរោធរង្ស៊ី ស្ថិតនៅខណ្ឌច្បារអំពៅ រាជធានីភ្នំពេញ ដើម្បីឧទ្ទិសកុសលផលបុណ្យទៅដល់ញាតិសណ្តានដែលបានចែកឋានទៅ។បើតាមការលើកឡើងពីពុទ្ធបរិស័ទបានប្រាប់BTVឲ្យដឹងថា ជាទំនៀមទម្លាប់ប្រពៃណីពីដូនតាមក ឲ្យតែដល់រដូវពិធីបុណ្យកាន់បិណ្ឌ និងភ្ជុំបិណ្ឌ គឺតែងតែរៀបចំម្ហូបអាហារ និងទេយ្យទានផ្សេងៗទៅប្រគេនព្រះសង្ឃគង់នៅក្នុងវត្ត ដើម្បីឧទ្ទិសកុសលផលបុណ្យទៅដល់ញាតិសណ្តានដែលបានចែកឋានទៅ និងសាងបុណ្យកុសលទុកសម្រាប់ខ្លួនឯងទៅជាតិមុខផងដែរ។ព្រះអគ្គញាណ ស្រេង សុខា ព្រះគ្រូចៅអធិការវត្តនរោធរង្ស៊ី មានសង្ឃដីកាថា ដើម្បសម្រេចផលបុណ្យដែលពុទ្ធបរិស័ទបានធ្វើ គប្បីត្រូវមានចិត្តជ្រះថ្លា ធ្វើទៅតាមសទ្ធាដែលយើងមាន និងគោរពប្រតិបត្តិទៅតាមទំនៀមប្រពៃណី។ ព្រះអគ្គញាណ ស្រេង សុខា មានសង្ឃដីកាបន្តថា បច្ចុប្បន្នប្រទេសជាតិមានសុខសន្តិភាពពេញបូរិបូណ៍ ទើបធ្វើឱ្យប្រជាពលរដ្ឋរស់នៅសុខស្រួល និងមានឱកាសអាចធ្វើបុណ្យទានបាន មិនដូចកាលពីសម័យសង្គ្រាមនោះទេ។នៅឆ្នាំ២០២៤ ពិធីបុណ្យកាន់បិណ្ឌ និងភ្ជុំបិណ្ឌ ផ្តើមពីថ្ងៃទី១៨ខែកញ្ញានេះ រហូតដល់ថ្ងៃទី២ ខែតុលា ដែលត្រូវនឹងថ្ងៃ១រោច ដល់ថ្ងៃ១៥រោច ខែភទ្របទ ព.ស ២៥៦៨។ភ្ជុំបិណ្ឌ ជាពិធីបុណ្យមួយ ក្នុងចំណោមពិធីបុណ្យធំៗដទៃទៀតនៃ ព្រះរាជពិធីទា្វរទសមាស ដែលប្រជារាស្រ្តទូទាំងព្រះរាជាណាចក្រកម្ពុជាតាំងពីបុរាណរៀងមកតែងតែប្រារព្ធពិធីនេះ មិនដែលអាក់នោះខានឡើយ។បុណ្យភ្ជុំបិណ្ឌ ត្រូវបានធ្វើឡើងតាមបែបព្រះពុទ្ធសាសនា។តាមទម្លាប់ ជារៀងរាល់ឆ្នាំ នៅពេលដល់ថ្ងៃខែដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយ ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃដែលគង់នៅវត្តអារាម៕ អត្ថបទ៖ទូច សោភ័ណ

បណ្ដាញសង្គម

ព័ត៌មានថ្មីៗ

លោកជំទាវ ហ៊ុន ម៉ាណា អញ្ជើញនាំយកទេយ្យវត្ថុប្រគេនព្រះសង្ឃនៅវត្តគោកត្របែក ក្នុងខេត្តកំពង់ធំ និងចែកអំណោយជូនប្រជាពលរដ្ឋ៣៤៩គ្រួសារ

អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះយោធិន ពិសេសយោធិនពលី និងពលរដ្ឋភៀសសឹក

ព្រះសង្ឃ និងប្រជាពលរដ្ឋខេត្តពោធិ៍សាត់ច្រើនពាន់នាក់ចូលរួម ក្បួនដង្ហែទង់ជាតិខ្មែរ រួមគ្នាថែរក្សាការពារជាតិមាតុភូមិ

សហគមន៍ខ្មែរនៅកូរ៉េប្រមាណជិត២ពាន់នាក់ ប្រមូលផ្តុំអំណរគុណ និងគាំទ្រប្រធានាធិបតីអាមេរិកទទួលពានរង្វាន់សន្តិភាព និងអំពាវនាវឱ្យថៃយល់ព្រមទៅតុលារការអន្តរជាតិ

មនុស្សរាប់ម៉ឺននាក់ប្រមូលផ្ដុំគ្នាទូទាំងពិភពលោកតវ៉ាប្រឆាំងការវាយប្រហាររបស់អ៊ីស្រាអែលនៅហ្កាហ្សា

ប្រតិភូខេត្តកណ្ដាល ចុះសួរសុខទុក្ខ និងនាំយកគ្រឿងឧបភោគបរិភោគដែលទទួលបានពីសប្បជនផ្ដល់ជូនវីរកងទ័ពជួរមុខក្នុងខេត្តព្រះវិហារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

កម្ពុជា-ចិនសន្យាបន្ដពង្រឹងកិច្ចសហប្រតិបត្តិការលើការងារសន្ដិសុខ និងប្រយុទ្ធប្រឆាំងគ្រឿងញៀន

កម្ពុជាដាក់គោលដៅប្រើប្រាស់រថយន្តអគ្គិសនី ៣ម៉ឺនគ្រឿង នៅត្រឹមឆ្នាំ២០៣០

វេទិកាការងារស្អែកនេះ នឹងតាំងបង្ហាញឱកាសការងារជាង២០០កន្លែង សម្រាប់យុវជន និងអ្នកស្វែងករកការងារ

សម្ដេចតេជោ ហ៊ុន សែន បង្ហាញកម្រងរូបភាព អតីតកាល-បច្ចុប្បន្នកាល

ឃុំចំនួនពីរ ក្នុងស្រុកកែវសីមា ខេត្តមណ្ឌលគិរី កំពុងរងការជន់លិចដោយជំនន់ទឹកភ្លៀង

លទ្ធផលប្រាក់ឈ្នួលអប្បបរមាសម្រាប់ឆ្នាំ២០២៥ នឹងបង្ហាញជាផ្លូវការនៅរសៀលថ្ងៃស្អែកនេះ

ឯកឧត្តមបណ្ឌិត ចាន់ ដារ៉ុង អញ្ជើញបើកការដ្ឋានសាងសង់ផ្លូវក្រួសកហម១ខ្សែ ក្នុងឃុំអូរតាប៉ោង ខេត្តពោធិ៍សាត់

ពុទ្ធបរិស័ទច្រើនកុះករ មកធ្វើបុណ្យនៅវត្តនិរោធរង្ស៊ី ក្នុងថ្ងៃកាន់បិណ្ឌមួយនៃពិធីបុណ្យភ្ជុំបិណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កម្ពុជា-ចិនសន្យាបន្ដពង្រឹងកិច្ចសហប្រតិបត្តិការលើការងារសន្ដិសុខ និង​ប្រយុទ្ធ​ប្រឆាំង​គ្រឿងញៀន

កម្ពុជាដាក់គោលដៅប្រើប្រាស់រថយន្តអគ្គិសនី ៣ម៉ឺនគ្រឿង នៅត្រឹមឆ្នាំ២០៣០

វេទិកាការងារស្អែកនេះ នឹងតាំងបង្ហាញឱកាសការងារជាង២០០កន្លែង សម្រាប់យុវជន និងអ្នកស្វែងករកការងារ

សម្ដេចតេជោ ហ៊ុន សែន បង្ហាញកម្រងរូបភាព អតីតកាល-បច្ចុប្បន្នកាល

ឃុំចំនួនពីរ ក្នុងស្រុកកែវសីមា ខេត្តមណ្ឌលគិរី កំពុងរងការជន់លិចដោយជំនន់ទឹកភ្លៀង

លទ្ធផលប្រាក់ឈ្នួលអប្បបរមាសម្រាប់ឆ្នាំ២០២៥ នឹងបង្ហាញជាផ្លូវការនៅរសៀលថ្ងៃស្អែកនេះ

ឯកឧត្តមបណ្ឌិត ចាន់ ដារ៉ុង អញ្ជើញបើកការដ្ឋានសាងសង់ផ្លូវក្រួសកហម១ខ្សែ ក្នុងឃុំអូរតាប៉ោង ខេត្តពោធិ៍សាត់

ពុទ្ធបរិស័ទច្រើនកុះករ មកធ្វើបុណ្យនៅវត្តនិរោធរង្ស៊ី ក្នុងថ្ងៃកាន់បិណ្ឌមួយនៃពិធីបុណ្យភ្ជុំបិណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជា-ចិនសន្យាបន្ដពង្រឹងកិច្ចសហប្រតិបត្តិការលើការងារសន្ដិសុខ និងប្រយុទ្ធប្រឆាំងគ្រឿងញៀន