BTV NEWS

ផ្ទះទេវតា១ ខ្នងដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ត្រូវបានប្រគល់ជូនពលរដ្ឋខ្វះខាតជីវភាពនៅខេត្តកំពង់ធំ

ក្រសួងសុខាភិបាលចេញសេចក្តីប្រកាសព័ត៌មានស្តីពីការការពារខ្លួនពីការឆ្លងវីរុសហាន់តា (Hantavirus)

ក្រសួងការងារ នាំយកឱកាសការងារពិសេសទាំងក្នុង និងក្រៅប្រទេសជូនអតីតពលករ និងយុវជននៅក្នុងខេត្តឧត្តរមានជ័យ

សម្តេចប្រធានរដ្ឋសភា អំពាវនាវដល់ពលរដ្ឋបន្តរក្សាស្មារតីសាមគ្គីជាតិ គាំទ្ររាជរដ្ឋាភិបាល ដើម្បីប្រែក្លាយការគំរាមកំហែង និងបញ្ហាប្រឈមនានា ទៅជាឱកាសពង្រឹងសេដ្ឋកិច្ច និងខឿនការពារជាតិ

ព័ត៌មានជាតិ

អំណោយរបស់សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ត្រូវបានឯកឧត្តម នូ ស៊ីថា នាំយកទៅប្រគល់ជូនវីរកងទ័ព នៅខេត្តប៉ៃលិន

ប៉ៃលិន៖ នៅថ្ងៃទី៣១ ខែកក្កដា ឆ្នាំ២០២៥ ឯកឧត្តម ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញទទួលអំណោយរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី បានអញ្ជើញផ្តល់អំណោយជាគ្រឿងឧបភោគបរិភោគ និងសម្ភារៈប្រើប្រាស់ តាមរយៈ ឯកឧត្តម នូ ស៊ីថា មកប្រគល់ជូនវីរកងទ័ពដែលកំពុងឈរជើងនៅតាមបន្ទាត់ព្រំដែន នៅខេត្តប៉ៃលិន។ពិធីប្រគល់ និងទទួលអំណោយនេះ មានការចូលរួមពី ឯកឧត្តម នាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពារជាតិ, លោកជំទាវ បាន ស្រីមុំ អភិបាលខេត្តប៉ៃលិន, ឯកឧត្តម ប្រធានក្រុមប្រឹក្សាខេត្ត, ស្នងការនគរបាលខេត្ត, មេបញ្ជាការកងរាជអាវុធហត្ថខេត្ត, មេបញ្ជាការតំបន់ប្រតិបត្តិការសឹករងខេត្ត និងមន្ទីរអង្គភាពជុំវិញខេត្តជាច្រើនរូប។ឯកឧត្តម ទេសរដ្ឋមន្ត្រី គន់ គីម បានពាំនាំការផ្ដាំសួរសុខទុក្ខ និងកោតសរសើរពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនថ្នាក់ដឹកនាំ និងវីរកងទ័ពទាំងអស់ ដែលកំពុងបំពេញភារកិច្ចយ៉ាងអង់អាចក្លាហាន មោះមុតការពារបូរណភាពទឹកដី ប្រឆាំងសត្រូវឈ្លានពានមកលើដែនអធិបតេយ្យភាពកម្ពុជា។ឯកឧត្តម ទេសរដ្ឋមន្ត្រី បានចាត់ទុក ការបំពេញភារកិច្ចដ៏ឧដុង្គឧត្តមរបស់វីរកងទ័ព ប្រកបដោយឧត្តមគតិ, ស្មារតីស្នេហាជាតិ និងការលះបង់ខ្ពស់បំផុត ដើម្បីបុព្វហេតុការពារជាតិ និងសេចក្ដីសុខសាន្តរបស់ប្រជាជននឹងត្រូវបានកត់ត្រាជាប្រវត្តិសាស្ត្រ និងចងចាំជារៀងរហូត។ ចំពោះប្រជាពលរដ្ឋភៀសសឹក រាជរដ្ឋាភិបាលបាន និងកំពុងយកចិត្តទុកដាក់ខ្ពស់ និងយ៉ាងមរមាញឹក ដើម្បីឧបត្ថម្ភគាំទ្រទាំងស្មារតី និងសំភារៈសំដៅដោះស្រាយ និងសម្រាលការលំបាករបស់ប្រជាពលរដ្ឋភៀសសឹក។ឯកឧត្តម នាយឧត្តមសេនីយ៍ អ៉ី ឈាន បានថ្លែងអំណរគុណយ៉ាងជ្រាលជ្រៅចំពោះសម្ដេចធិបតី ហ៊ុន ម៉ាណែត នាយករដ្ឋមន្ត្រី ដែលតែងតែគិតគូរគ្រប់សព្វបែបយ៉ាងដល់កងទ័ព និងសូមប្ដេជ្ញាការពារឲ្យខាងតែបានចំពោះជាតិ និងមាតុភូមិ។អំណោយខាងលើ តាមរយៈឯកឧត្តម នូ ស៊ីថា តបតាមការអំពាវនាវរបស់រាជរដ្ឋាភិបាល និងក្នុងស្មារតីសាមគ្គីជាតិ យន្តការការផ្សារភ្ជាប់រវាងសមរភូមិក្រោយជាមួយសមរភូមិមុខ និងទឹកចិត្តមនុស្សធ៌ម/សប្បុរសធ៌ម។ការផ្តល់ជូនអំណោយនេះ រួមមាន អង្ករ ចំនួន ១០តោន, មី ចំនួន ១,៥០០កេស , ត្រីខ ចំនួន ៣៣០កេស,ទឹកសុទ្ធ ចំនួន ២០០កេស, សាច់ក្រក ចំនួន ៣០០គីឡូក្រាម, ទឹកស៊ីអ៊ីវ ចំនួន ១០០យួរ និងឧបករណ៍សម្រាប់សាកថ្ម ចំនួន១០៕

អគ្គនាយកអាជ្ញាធរជាតិអប្សរា យកអំណោយចែកជូនប្រជាពលរដ្ឋភៀសសឹក ចំនួន៩៨គ្រួសារ នៅទីសុវត្ថិភាព ក្នុងសង្កាត់ក្របីរៀល ខេត្តសៀមរាប

នាថ្ងៃទី៣០ ខែកក្កដា ឆ្នាំ២០២៥ ឯកឧត្តម ហង់ ពៅអគ្គនាយកអាជ្ញាធរជាតិអប្សរា បាននាំយកអំណោយចែកជូនប្រជាពលរដ្ឋភៀសសឹក នៃសមរភូមិសង្គ្រាម បង្កឡើងដោយប្រទេសថៃចូលឈ្លានពានដែនដីកម្ពុជា ចំនួន៩៨គ្រួសារ នៅទីសុវត្ថិភាពមកពីខេត្តឧត្តរមានជ័យ បន្ទាយមានជ័យ និងខេត្តព្រះវិហារ ដែលមកស្នាក់នៅជាមួយបងប្អូនក្នុងភូមិទាំង១២ ក្នុងសង្កាត់ក្របីរៀល ខេត្តសៀមរាប។ឯកឧត្តម ហង់ ពៅ បានបញ្ជាក់ថា ទុក្ខលំបាករបស់ប្រជាពលរដ្ឋដែលកំពុងជួបនូវទុក្ខលំបាក គឺជាក្តីកង្វល់របស់ថ្នាក់ដឹកនាំដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តែងតែគិតគូរជានិច្ច និងបានស្វែងរកដំណោះស្រាយមួយដ៏ល្អប្រសើរជូនបងប្អូនប្រជាពលរដ្ឋ។សូមបញ្ជាក់ថា អំណោយដែលចែកជូននាពេលនេះមានដូចជា អង្ករ មី ទឹកត្រី ទឹកស៊ីអ៊ីវ។ អំណោយជាសម្ភារប្រើប្រាស់ទាំងអស់ខាងលើ គឺសុទ្ធសឹងជាតម្រូវការចាំបាច់ក្នុងការប្រើប្រាស់ប្រចាំថ្ងៃរបស់ប្រជាពលរដ្ឋ៕

កម្ពុជាអំពាវនាវឲ្យថៃ បញ្ជូនយុទ្ធជនខ្មែរ ដែលបានចាប់ទៅ មកកម្ពុជាវិញឲ្យឆាប់ ស្របទៅតាមច្បាប់មនុស្សធម៌អន្តរជាតិ

អ្នកនាំពាក្យក្រសួងការពារជាតិកម្ពុជា លោកជំទាវឧត្តមសេនីយ៍ឯក ម៉ាលី សុជាតា បានធ្វើការអំពាវនាវដល់ភាគីថៃបញ្ជូនយុទ្ធជនខ្មែរចំនួន២០នាក់ ដែលទាហានថៃ បានចាប់ទៅ កាលពីថ្ងៃទី២៩ ខែកក្កដា ឆ្នាំ២០២៥នោះ មកកម្ពុជាវិញឲ្យបានឆាប់ៗ ស្របទៅតាមច្បាប់មនុស្សធម៌អន្តរជាតិ។ក្នុងសន្និសីទសារព័ត៌មាន ស្តីពីលទ្ធផលនៃការអនុវត្តបទឈប់បាញ់រវាងកម្ពុជា និងថៃ នាព្រឹកថ្ងៃទី៣១ ខែកក្កដា ឆ្នាំ២០២៥នេះ លោកជំទាវ ម៉ាលី សុជាតា បានបញ្ជាក់ថា វីរកងទ័ពកម្ពុជាចំនួន២១នាក់ ដែលថៃបានចាប់ទៅនោះម្នាក់បានពលី ហើយថៃបានបញ្ជូនសាកសពមកឲ្យកម្ពុជាវិញហើយដែរ ខណៈ២០នាក់ទៀតស្ថិតនៅក្នុងការគ្រប់គ្រងរបស់ថៃនៅឡើយ ប៉ុន្តែកម្ពុជាបានកំពុងយកចិត្តទុកដាក់ និងធ្វើចរចាដើម្បីឲ្យភាគីថៃ បញ្ជូនពួកគាត់មកវិញឲ្យបានឆាប់ៗ នាពេលខាងមុខនេះ។បើតាមអ្នកនាំពាក្យក្រសួងការពារជាតិក៏ បានឲ្យដឹងផងដែរថា ករណីយុទ្ធជនកម្ពុជាដែលត្រូវបាន ទាហានថៃចាប់ខ្លួននេះ អគ្គបញ្ជាការកងទ័ពកម្ពុជា ក៏បានស្នើសុំទៅអគ្គមេបញ្ជាការកងទ័ពម៉ាឡេស៊ីក្នុងនាមអ្នកសម្របសម្រួល និងតាមដាននៃបទឈប់បាញ់នោះ ស្នើទៅអគ្គមេបញ្ជាការកងទ័ពថៃ ជួយជំរុញ ឲ្យមានការដោះលែងបងប្អូនកងទ័ពកម្ពុជាយើងឲ្យបានឆាប់ផងដែរ។តាមរយៈសន្និសីទសារព័ត៌មាននេះដែរ លោកជំទាវ ម៉ាលី សុជាតា ក៏បានឆ្លើយតបចំពោះការចោទសួរហេតុអ្វីបានមិនបញ្ចេញព័ត៌មានភ្លាមៗ ពាក់ព័ន្ធនឹងយុទ្ធជនរបស់កម្ពុជា ដែលត្រូវបានកងទ័ពថៃចាប់ខ្លួនក្រោយពីមានបទឈប់បាញ់នោះ?។ ត្រង់ន័យនេះ អ្នកនាំពាក្យរូបនេះបានបញ្ជាក់ថា ចាប់តាំងពីការប្រយុទ្ធគ្នាបានផ្ទុះឡើងទៅថ្ងៃទី ២៤ កក្កដា ២០២៥ ការយកចិត្តទុកដាក់ចំពោះអាយុជីវិតរបស់កងកម្លាំងរបស់យើងក៏ដូចជារបស់ប្រជាពលរដ្ឋខ្មែរដែលរស់នៅក្នុងតំបន់ប្រយុទ្ធគ្នា គឺជាអាទិភាពធំបំផុតរបស់រាជរដ្ឋាភិបាល។ ហេតុដូច្នេះហើយបានជារាជរដ្ឋាភិបាលខិតខំធ្វើយ៉ាងណាចរចា ដើម្បីឲ្យមានបទឈប់បាញ់ឱ្យបានឆាប់ជាទីបំផុត។ដូច្នេះពាក់ព័ន្ធយុទ្ធជនដែលត្រូវទាហានថៃចាប់នេះគឺមិនមែនមានចេតនាចង់លាក់កំបាំងនោះទេ ប៉ុន្តែនៅក្នុងដំណាក់កាលដែលមិនទាន់មានភាពជាក់លាក់ ចំពោះជោគវាសនារបស់បងប្អូន(យុទ្ធជន)ទាំងអស់នោះថ្នាក់ដឹកនាំរាជរដ្ឋាភិបាល ក៏ដូចជាថ្នាក់ដឹកនាំកងទ័ពត្រូវយកចិត្តទុកដាក់ និង ដាក់ចេញនូវវិធានការយ៉ាងណាដើម្បីធានាឲ្យខាងតែបាននូវសុខសុវត្ថិភាពរបស់ពួកគាត់ រួមទាំងការ បញ្ចេញព័ត៌មានជាសាធារណៈ ព្រោះថា ការបញ្ចេញព័ត៌មានជាសាធារណៈនេះខ្លះអាចបង្កគ្រោះថ្នាក់ដល់ ពួកគាត់ទៅវិញទេ។ យ៉ាងណាក៏ដោយអ្នកនាំពាក្យក្រសួងការពារជាតិកម្ពុជា បានបញ្ជាក់ថា តាំងពីមានការចាប់ខ្លួនភ្លាមៗ អគ្គមេបញ្ជាការកងទ័ពកម្ពុជា ក៏ដូចជាក្រសួងការពារជាតិកម្ពុជាបានធ្វើការចរចាយ៉ាងស្រស្រាក់ស្រស្រាំ ដើម្បីធ្វើយ៉ាងណាឲ្យភាគីថៃបញ្ជូនបងប្អូនវីរកងទ័ពយើងមកវិញឲ្យបានឆាប់ៗស្រប ទៅតាមច្បាប់មនុស្សធម៌អន្តរជាតិនោះ៕អត្ថបទបាន ចក់

ឯកឧត្ដម ហ៊ុន ម៉ានី៖ «ពេលនេះ ម៉ោងនេះ ប្រជាជនខ្មែរ មានទឹកចិត្តតែមួយ សំឡេងតែមួយ ស្មារតីតែមួយ - នេះជាកម្លាំងរបស់ជាតិខ្មែរយើង»

តាមរយៈបណ្ដាញសង្គមនៅព្រឹកថ្ងៃទី៣១ ខែកក្កដា ឆ្នាំ២០២៥នេះ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានលើកឡើងថា ក្រោមដំបូលផ្ទះតែមួយ ឯកឧត្ដមពិតជាមានមោទនភាពដែលបានកើតមកជាកូនខ្មែរ ខណៈពេលនេះ ម៉ោងនេះ ប្រជាជនខ្មែរ មានទឹកចិត្តតែមួយ សំឡេងតែមួយ ស្មារតីតែមួយ ដែលនេះជាកម្លាំងរបស់ជាតិខ្មែរយើង។ឯកឧត្ដមបន្តថា តាមរយៈបញ្ហាដែលបានកើតឡើងនាពេលនេះ បានបង្ហាញឱ្យឃើញកាន់ច្បាស់ បន្ទរកាន់តែឮ ពីទឹកចិត្តស្នេហាជាតិបស់កូនខ្មែរ ដែលបានចេញមករួមគ្នាក្រោកឈរធ្វើសកម្មភាពគ្រប់បែបយ៉ាង ដើម្បីជាតិមាតុភូមិ នៅពេលដែលប្រទេសជាតិត្រូវការ។ ឯកឧត្ដមពិតជាសូមថ្លែងអំណរគុណយ៉ាងជ្រាលជ្រៅបំផុត សម្រាប់ទឹកចិត្តដែលមិនអាចកាត់ថ្លៃបានរបស់កូនខ្មែរគ្រប់រូប ដែលបានចូលរួមតាមរយៈសកម្មភាពតូចធំជាច្រើនរាប់មិនអស់ រួមបញ្ចូលទាំងការផ្ដល់ឱ្យនូវចេកមួយស្និត ទឹកមួយយួរ និងសកម្មភាពសម្បុរសធម៌នានាជាច្រើននៅទូទាំងព្រះរាជាណាចក្រកម្ពុជា។ ឯកឧត្ដម ឧបនាយករដ្ឋមន្ត្រី បានបន្តទៀតថា ក្រោមដំបូលផ្ទះតែមួយ ឯកឧត្ដមពិតជារំភើប និងមានមោទនភាពខ្លាំងបំផុតដែលបានកើតមកជាកូនខ្មែរ។ តាមរយៈសកម្មភាព កាយវិការ និងសំឡេងនៃការគាំទ្ររបស់កូនខ្មែរម្នាក់ៗ គឺជាការបង្ហាញពី ឆន្ទៈដ៏មុះមុតក្នុងការការពារបូរណភាពទឹកដីប្រកបដោយមនោសញ្ចេតនាដែលកើតចេញពី DNA របស់ខ្មែរ៕

អ្នកនាំពាក្យក្រសួងការពារជាតិ៖ កម្ពុជានៅបន្តរក្សាការពារទឹកដី និងអាយុជីវិតរបស់ពលរដ្ឋ និងការពារសន្តិភាពដោយមិនអនុញ្ញាតឱ្យមានសង្គ្រាមកើតឡើងនោះទេ

ភ្នំពេញ៖ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិបានថ្លែងថា បានថ្លែងថា កម្ពុជាបានប្តេជ្ញាចិត្តយ៉ាងពេញលេញចំពោះគោលការណ៍ស្នូលកិច្ចព្រមព្រៀងរួមមាន ការឈប់បាញ់ជាបន្ទាន់ ការរក្សាទីតាំងទ័ព មិនបង្កើនទ័ព និងសព្វាវុធ ហើយកម្ពុជាជំរុញឱ្យគ្រប់ភាគីពាក់ព័ន្ធទាំងអស់ ចូលរួមចំណែកឱ្យអស់លទ្ធភាព ដើម្បីឱ្យទទួលបានលទ្ធផលកាន់តែវិជ្ជមានថែមទៀត។លោកជំទាវឧត្តមសេនីយ៍ឯក ម៉ាលី សុជាតា បានថ្លែងដូចនេះ នៅថ្ងៃទី៣១ ខែកក្តដា ឆ្នាំ២០២៥ ក្នុងឱកាសអញ្ជើញថ្លែងក្នុងសន្និសីទសារព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» ដែលប្រារព្ធធ្វើនៅទីស្តីការគណៈរដ្ឋមន្ត្រី។នាឱកាសនោះផងដែរ លោកជំទាវ បានថ្លែងបន្តថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី ដែលបន្តដឹកនាំបន្ទាប់ពីសម្តេចតេជោ គឺនៅបន្តរក្សាសន្តិភាពដោយឈរលើអភិក្រម នោះគឺការតម្កល់អាយុជីវិត សេចក្តីសុខ ផលប្រយោជន៍របស់ប្រជាជនគ្រប់ៗរូបខ្ពស់បំផុត។ លោកជំទាវបន្តថា គោលដៅសំខាន់បំផុតរបស់កម្ពុជា គឺនៅតែបន្តការពារទឹកដី និងអាយុជីវិតរបស់ប្រជាពលរដ្ឋ និងការពារសន្តិភាពដោយមិនអនុញ្ញាតឱ្យមានសង្គ្រាមកើតឡើងទៀតនោះទេ ដូចអ្វីដែលកម្ពុជាបានកំពុងខិតខំប្រឹងប្រែងចរចាររកសន្តិភាពនាពេលបច្ចុប្បន្ននេះផងដែរ។ ទន្ទឹមនោះ លោកជំទាវ បានថ្លែងបញ្ជាក់ថា សូមប្រជាពលរដ្ឋជឿទុកចិត្តលើរាជរដ្ឋាភិបាល និងកងកម្លាំងប្រដាប់អាវុធដែលកំពុងឈរជើងនៅតាមតំបន់ព្រំដែន ដើម្បីការពារទឹកដីយ៉ាងមុះមុតក្លាហាន ប្រកបដោយស្មារតីស្នេហាជាតិយ៉ាងជ្រាលជ្រៅបំផុត៕

សម្តេចរដ្ឋសភាធិបតី ឃួន សុដារី វាយតម្លៃខ្ពស់ចំពោះការរៀបចំកិច្ចប្រជុំកំពូលប្រធានសភាស្រ្តី និងសន្និសីទប្រធានសភាពិភពលោក របស់ IPU

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានឆ្លៀតពេលនៅក្នុងឱកាសចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦ នៅទីក្រុងហ្សឺណែវ ប្រទេសស្វីស បានជួបពិភាក្សាការងារជាមួយ លោកស្រី ទូលៀ អ៊ែកសិន (Tulia Acson) ប្រធានសភាតង់ហ្សានី និងជាប្រធានសហភាពអន្តរសភា (IPU) នៅថ្ងៃទី៣០ ខែកក្កដាឆ្នាំ២០២៥ នៅ ក្រុងហ្សឺណែវ ប្រទេសស្វីស។ លោកស្រី ទូលៀ អ៊ែកសិន បានអបអរសាទរ និងវាយតម្លៃខ្ពស់ ចំពោះសមិទ្ធផលនានាដែលកម្ពុជាសម្រេចបាន និងការចូលរួមយ៉ាងសកម្មរបស់កម្ពុជាក្នុងក្របខណ្ឌ IPU។ លោកស្រីជឿជាក់ថា កម្ពុជានឹងបន្តលើមាគ៌ាដ៏ត្រឹមត្រូវ ដើម្បីអនាគតមួយដ៏ប្រសើរ សម្រាប់ប្រជាជន និងប្រទេសជាតិ។ ក្នុងជំនួបទ្វេភាគីនេះ ភាគីទាំងពីរបានផ្លាស់ប្តូរយោបល់ទាក់ទងនឹងស្ថានការណ៍តំបន់ និងអន្តរជាតិ ជាពិសេសទំនាក់ទំនងកិច្ចសហប្រតិបត្តិការ រវាងកម្ពុជា- IPU។ លោកស្រីប្រធានIPU បានអបអរសាទរចំពោះបទឈប់បាញ់ដែលកម្ពុជានិងថៃបានព្រមព្រៀងគ្នា។ បទឈប់បាញ់នេះ ពិតជាមានសារៈសំខាន់នៅក្នុងការធានាការពារសុខសន្តិភាព សុវត្ថិភាពជូនពលរដ្ឋទំាងពីរប្រទេស។ ជាមួយគ្នានេះ លោកស្រីបានគូសបញ្ជាក់ថាសុន្ទរកថារបស់សម្តេចពីករណីផ្ទុះអាវុធតាមព្រំដែនប្រទេសទំាងពីរ បានធ្វើឡើងមួយថ្ងៃមុន បទឈប់បាញ់បានឯកភាពគ្នាហើយលោកស្រីជាសាក្សីម្នាក់នៅក្នុងករណីនេះ។ សម្តេចប្រធានរដ្ឋសភានិង លោកស្រី ទូលៀ អ៊ែកសិន បានយល់ស្របដូចគ្នាថា ពិភពលោកកំពុងស្ថិតក្នុងរបត់មួយដ៏គ្រោះថ្នាក់ ពិបាកទាយទុកជាមុន ប្រកបដោយហានិភ័យខ្ពស់។ ក្នុងបរិបទនេះ ការទូតសភាដើរតួនាទីយ៉ាងសំខាន់ ក្នុងការកសាងសន្តិភាព តាមរយៈការគ្រប់គ្រងជម្លោះ និងការបង្ការជម្លោះ។ សភា ដែលជាតំណាងប្រជាពលរដ្ឋ យល់ច្បាស់ពីតម្រូវការ និងក្តីប្រាថ្នារបស់ប្រជាជន នោះគឺសន្តិភាព និងការអភិវឌ្ឍ។បន្ថែមទៅទៀត សម្តេចរដ្ឋសភាធិបតី បានបង្ហាញការគាំទ្រចំពោះលោកជំទាវ ទូលៀ អ៊ែកសិន ក្នុងតួនាទីធ្វើជាប្រធាន IPU ដែលបានខិតខំយ៉ាងខ្លំាងនៅក្នុងការលើកកម្ពស់យន្តការសភា កិច្ចសហប្រតិបត្តិការ ពោលក្រៅពីការរៀបចំមហាសន្និបាតប្រចាំឆ្នាំហើយ បានរៀបចំកិច្ចប្រជុំកំពូលប្រធានសភាស្រ្តី និងសន្និសីទប្រធានសភាពិភពលោកដែលជាការផ្តល់ឱកាសជូនថ្នាក់ដឹកនាំនិងសមាជិក ស្ថាប័ននីតិប្បញ្ញត្តិទូទៅទំាងពិភពលោកបានជួបជុំគ្នា ចែករំលែកបទពិសោធន៍ផ្លាស់ប្តូរទស្សនៈ យោបល់គ្នា ដើម្បីសុខដុមរមនារបស់ពលរដ្ឋប្រកបដោយចីរភាព បរិយាប័ន្ន និងវិបុលភាព៕

អ្នកនាំពាក្យក្រសួងការពារជាតិ អំពាវនាវភាគីថៃ បញ្ជូនកងទ័ពកម្ពុជាទាំង២០រូបត្រឡប់មកវិញឲ្យបានឆាប់

ថ្លែងនៅក្នុងសន្និសីទសារព័ត៌មាននៅទីស្ដីការគណៈរដ្ឋមន្ត្រី នាព្រឹកថ្ងៃព្រហស្បតិ៍ ទី៣១ ខែកក្កដា ឆ្នាំ២០២៥ នេះ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានលើកឡើងថា ចំណាប់ខ្មាំងកម្ពុជាទាំង២១នាក់ ដែលថៃបានចាប់យកទៅ កាលពីថ្ងៃទី២៩ ខែកក្កដា ឆ្នាំ២០២៥ នៅវេលាម៉ោង ៧:៥០ព្រឹក ក្រោយបទឈប់បាញ់ចូលជាធរមាន មកទល់ពេលនេះកម្ពុជាទទួលបានសព១រូប។ រីឯកងកម្លាំងចំនួន ២០រូបផ្សេងទៀត រាជរដ្ឋាភិបាលបាននិងកំពុងចចារ ធ្វើយ៉ាងណាឲ្យពួកគេអាចត្រលប់មកកម្ពុជាវិញបានឆាប់បំផុត និងដោយសុខសុវត្ថិភាព។ លោកជំទាវអ្នកនាំពាក្យបានលើកឡើងថា «ពាក់ព័ន្ធនឹងកម្លាំងរបស់កម្ពុជាចំនួន២០រូប ដែលស្ថិតនៅក្រោមការគ្រប់គ្រងរបស់ភាគីថៃ មកទល់ពេលនេះយើងបានទទួលសពមួយរូប និង២០រូបទៀតដែលនឹងត្រូវបញ្ជូនត្រលប់មកវិញ។ អ្វីដែលជាគោលដៅសំខាន់បំផុតរបស់យើង គឺនៅតែបន្តការពារទឹកដី និងការពារអាយុជីវិតរបស់ប្រជាពលរដ្ឋរបស់យើង និងការពារសន្តិភាពដោយមិនអនុញ្ញាតឱ្យសង្គ្រាមកើតឡើងទៀតនោះទេ ដូចដែលអ្វើដែលយើងបាននិងកំពុងខិតខំប្រឹងប្រែងធ្វើបច្ចុប្បន្ន»។លោកជំទាវ ម៉ាលី សុជាតា បានស្នើឲ្យសាធារណជនជឿជាក់លើចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហានេះ ដោយលោកជំទាវបានគូសបញ្ជាក់ថា «នាងខ្ញុំសូមអំពាវនាវឱ្យបងប្អូនប្រជាពលរដ្ឋរបស់យើង និងកងកម្លាំងរបស់យើង មានលំនឹងចិត្តថា រាជរដ្ឋាភិបាល ថ្នាក់ដឹកនាំក្រសួងការពារជាតិ និងកងយោធពលខេមរភូមិន្ទរបស់យើង មិនដែលលះបង់កងទ័ពរបស់យើងណាម្នាក់នោះឡើយ ទោះក្នុងកាលៈទេសៈណាក៏ដោយ។ […] សូមប្រជាពលរដ្ឋមេត្តាជឿទុកចិត្តលើរាជរដ្ឋាភិបាល និងកងកម្លាំងរបស់យើង ដែលកំពុងឈរជើងការពារទឹកដីយ៉ាងមុះមុតក្លាហាន ប្រកបដោយស្មារតីស្នេហាជាតិដ៏ជ្រាលជ្រៅបំផុត។ យើងនឹងបន្តចរចាឱ្យអស់ពីលទ្ធភាពដើម្បីយកបងប្អូនរបស់យើងត្រលប់មកវិញឱ្យបានឆាប់បំផុត និងដោយសុវត្ថិភាព»។ក្នុងឱកាសនោះអ្នកនាំពាក្យក្រសួងការពារជាតិ ក៏បានអំពាវនាវឲ្យភាគីថៃបញ្ជូនកងទ័ពកម្ពុជា ទាំង២០រូបឲ្យត្រឡប់មកវិញឲ្យបានឆាប់ រួមទាំងកម្លាំងផ្សេងទៀតប្រសិនមានក្រោមការ គ្រប់គ្រងរបស់ភាគីថៃ គួរបញ្ជាក់ថា បើតាមលោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ ដែលបានថ្លែងទៅកាន់អនុព័ន្ធយោធាបរទេសចំនួន១៣ប្រទេស ដែលចុះទៅពិនិត្យតាមព្រំដែន កាលពីថ្ងៃទី៣០ ខែកក្កដា ឆ្នាំ២០២៥ កន្លងទៅ កងទ័ពថៃបានប្រើកលល្បិចបក់ដៃហៅកងទ័ពកម្ពុជាទៅចរចា ហើយនៅពេលកងទ័ពកម្ពុជាទៅដល់ ពួកគេក៏លើកកាំភ្លើងភ្ជង់រួចចាប់កងទ័ពកម្ពុជា២០នាក់ កាលពីថ្ងៃទី២៩ ខែកក្កដា ឆ្នាំ២០២៥ ពោលគឺក្រោយបទឈប់បាញ់រវាងកម្ពុជា-ថៃត្រូវបានចូលជាធរមានរួចទៅហើយ៕

លោកជំទាវ ឡោក ខេង ថ្លែងអំណរគុណជូនចំពោះមិត្តភក្តិអន្តរជាតិ ដែលបានគាំទ្រដល់បទឈប់បាញ់

លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា ( គណៈកម្មការទី៨) បានថ្លែងបទអន្តរាគមន៍ ក្នុងសន្និសីទពិភពលោក នៃប្រធានសភា លើកទី៦ កិច្ចពិភាក្សាវគ្គទី៣ «ការសម្រេចបាន SDGs ក្នុងឆ្នាំ២០៣០៖ តើអ្វីជាកាលានុវត្តភាពថ្មី នៃសហប្រតិបត្តិការអន្តរជាតិ?» នាថ្ងៃទី៣០ ខែកក្កដា ឆ្នាំ២០២៥។ប្រទេសកម្ពុជាប្តេជ្ញាចិត្តយ៉ាងពេញទំហឹងក្នុងការសម្រេចបាននូវ SDGs នៅឆ្នាំ២០៣០ ជាមួយនឹងចក្ខុវិស័យរយៈពេលវែងក្នុងការកសាងប្រទេសជាតិមួយប្រកបដោយវិបុលភាព ស្អិតរមួត សង្គម ការអប់រំ និងវប្បធម៌ដ៏រស់រវើក ដែលត្រូវបានដាក់បញ្ចូលក្នុងក្របខ័ណ្ឌ SDGs កម្ពុជា (២០១៦-២០៣០) ដែលគាំទ្រដោយចក្ខុវិស័យកម្ពុជាឆ្នាំ២០៥០។លោកជំទាវបន្តទៀតថា ការសម្រេចបាននូវចំណុចនេះតម្រូវឱ្យមានកិច្ចសហប្រតិបត្តិការអន្តរជាតិដ៏រឹងមាំ និងនិរន្តរភាព ដោយបើកផ្លូវថ្មីសម្រាប់កិច្ចសហការ។ SDGs គូសបញ្ជាក់ពីសារៈសំខាន់នៃភាពជាដៃគូពហុភាគីដែលពាក់ព័ន្ធនឹងរដ្ឋាភិបាល វិស័យឯកជន និងសង្គមស៊ីវិល។ ម្យ៉ាងទៀត យើងត្រូវពង្រឹងភាពជាដៃគូរវាងសាធារណៈ និងឯកជន និងប្រជាជន។យើងត្រូវការសន្តិភាព និងស្ថិរភាព ដែលយើងមិនអាចសម្រេចបាន SDGs។ផ្សារភ្ជាប់ជាមួយនេះ លោកជំទាវសូមថ្លែងអំណរគុណជូនចំពោះមិត្តភក្តិអន្តរជាតិ ដែលបានគាំទ្រដល់បទឈប់បាញ់ សូមអរគុណដល់ ម៉ាឡេស៊ី និងសហរដ្ឋអាមេរិក ដែលជាសហអ្នករៀបចំកិច្ចប្រជុំថ្ងៃទី២៨ ខែកក្កដា ឆ្នាំ២០២៥ ដោយមានការចូលរួមយ៉ាងសកម្មពីប្រទេសចិន។ ខ្ញុំសូមអរគុណដោយផ្ទាល់ជូនចំពោះ ឯកឧត្តម ដូណាល់ត្រាំ និងសូមអរគុណយោធាកម្ពុជា និងថៃដែលបានអនុវត្តយ៉ាងពេញលេញនូវបទឈប់បាញ់នេះ។ទន្ទឹមនឹងនេះដើម្បីអនុវត្តបទឈប់បាញ់ប្រកបដោយប្រសិទ្ធភាព យើងត្រូវក្រុមអធិការកិច្ចអន្តរជាតិមួយ និងអ្នកសង្កេតការណ៍ដើម្បីត្រួតពិនិត្យកិច្ចព្រមព្រៀងឈប់បាញ់ខាងលើដោយហ្មត់ចត់ និងយុត្តិធម៌។លោកជំទាវ សូមអំពាវនាវដល់សមាជិកសភាទាំងអស់នៅក្នុងកិច្ចប្រជុំនេះរក្សាតម្លៃនៃសន្តិភាព និងប្រកាន់ខ្ជាប់នូវធម្មនុញ្ញអង្គការសហប្រជាជាតិ និងឱ្យរដ្ឋាភិបាលទទួលខុសត្រូវចំពោះការប្តេជ្ញាចិត្ត និងកាតព្វកិច្ចជាសកល រួមទាំងការសម្រេចបាននូវ UNSDGs ផងដែរ៕

TOP STORY | យូណេស្កូ ស៊ើបអង្កេតអំពើហិង្សាតាមព្រំដែនដែលបំផ្លាញបេតិកភណ្ឌនៅកម្ពុជា ដោយគ្រាប់បែកថៃ

អង្គការយូណេស្កូ (UNESCO)បានអនុវត្តការស៊ើបអង្កេតតាមផ្កាយរណបនៃតំបន់បេតិកភណ្ឌវប្បធម៌ក្នុងប្រទេសកម្ពុជា ដើម្បីវាយតម្លៃការខូចខាតដែលបានកើតឡើងក្នុងអំឡុងអំពើហិង្សា តាមព្រំដែន ដោយសន្និដ្ឋានថាការប៉ះទង្គិចនោះ អាចបណ្តាលឱ្យខូចខាតដល់ទីតាំងក្នុងប្រទេសកម្ពុជា រួមទាំងតំបន់បេតិកភណ្ឌពិភពលោកមួយចំនួនរបស់អង្គការយូណេស្កូផងដែរ។ អំឡុងការប្រយុទ្ធគ្នា៥ថ្ងៃដែលបានចាប់ផ្ដើមកាលពីថ្ងៃទី២៤កក្កដា២០២៥ ប្រសាទព្រះវិហាររបស់ខ្មែរ បានរងការខូចខាត បន្ទាប់ពីត្រូវបានដាក់គោលដៅដោយការវាយប្រហារដោយកាំភ្លើងធំដ៏ខ្លាំងក្លាពីសំណាក់ថៃ។ ក្នុងសេចក្តីថ្លែងការណ៍កាលពីថ្ងៃ ៣០កក្កដា ឆ្នាំ២០២៥ អង្គការយូណេស្កូបាននិយាយថា ខ្លួន ត្រៀមខ្លួនជាស្រេចក្នុងការផ្តល់ជំនួយ និងស្វាគមន៍កិច្ចខិតខំប្រឹងប្រែងដើម្បីសម្រេចបាននូវសន្តិភាពយូរអង្វែង ដែលជាលក្ខខណ្ឌចាំបាច់សម្រាប់ការការពារបេតិកភណ្ឌវប្បធម៌នៅកម្ពុជា ។សេចក្តីថ្លែងការណ៍និយាយថា យូណេស្កូបានផ្តួចផ្តើមការត្រួតពិនិត្យទីតាំងបេតិកភណ្ឌវប្បធម៌ដោយប្រើរូបភាពផ្កាយរណប។ អរិភាពអាចបណ្តាលឱ្យខូចខាតដល់បេតិកភណ្ឌវប្បធម៌នៅក្នុងប្រទេសកម្ពុជា រួមទាំងតំបន់បេតិកភណ្ឌពិភពលោកមួយចំនួនរបស់អង្គការយូណេស្កូ។នៅក្នុងសេចក្តីថ្លែងការណ៍នោះ អង្គការយូណេស្កូបានរំលឹកឡើងវិញនូវតម្រូវការសម្រាប់ប្រទេសទាំងពីរដើម្បីធ្វើតាមច្បាប់អន្តរជាតិ ជាពិសេសអនុសញ្ញាទីក្រុងឡាអេឆ្នាំ១៩៥៤ សម្រាប់ការការពារបេតិកភណ្ឌវប្បធម៌ក្នុងព្រឹត្តិការណ៍ជម្លោះប្រដាប់អាវុធ និងអនុសញ្ញាឆ្នាំ១៩៧២ ទាក់ទងនឹងការការពារបេតិកភណ្ឌវប្បធម៌ និងធម្មជាតិពិភពលោក។សេចក្តីថ្លែងការណ៍បាននិយាយថា អង្គការយូណេស្កូបានត្រៀមខ្លួនរួចជាស្រេចក្នុងការផ្តល់ជំនួយបច្ចេកទេសចាំបាច់ដើម្បីធានាការការពារទីតាំង ដើម្បីវាយតម្លៃការខូចខាតដែលអាចកើតមាន និងអនុវត្តសកម្មភាពការពារចាំបាច់ណាមួយ ៕

BREAKING NEWS | សម្ដេចធិបតី៖ ករណីចាប់ខ្លួនយុទ្ធជនយើង ដែលមកដល់ពេលនេះយើងនៅរង់ចាំភាគីថៃបញ្ជូនត្រឡប់មកកម្ពុជាវិញ ខណៈជីវិតរបស់ពួកគាត់គឺជាអាទិភាពចម្បងបំផុត

សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅព្រឹកនេះ បានបញ្ជាក់ថា មានការចោទសួរហេតុអ្វីបានជារដ្ឋាភិបាលមិនបញ្ចេញព័ត៌មានភ្លាមពាក់ព័ន្ធនឹងកងកម្លាំងរបស់កម្ពុជាដែលត្រូវបានកងទ័ពថៃចាប់ខ្លួន ក្រោយពីមានបទឈប់បាញ់នោះ? តើរាជរដ្ឋាភិបាលមិនគិតគូរពីអាយុជីវិតរបស់ពួកគេឬទេ? សម្ដេចធិបតីបញ្ជាក់ថា ចាប់តាំងពីការប្រយុទ្ធគ្នាបានផ្ទុះឡើងទៅថ្ងៃទី ២៤ កក្កដា ២០២៥ ការយកចិត្តទុកដាក់ចំពោះអាយុជីវិតរបស់កងកម្លាំងរបស់យើងក៏ដូចជារបស់ប្រជាពលរដ្ឋខ្មែរដែលរស់នៅក្នុងតំបន់ប្រយុទ្ធគ្នា គឺជាអាទិភាពធំបំផុតរបស់រាជរដ្ឋាភិបាល។ ហេតុដូច្នេះហើយបានជារាជរដ្ឋាភិបាលខិតខំធ្វើយ៉ាងណាដើម្បីឲ្យមានបទឈប់បាញ់ឱ្យបានឆាប់ជាទីបំផុត។ សម្ដេចបានបន្តថា នៅក្នុងនោះ ការគ្រប់គ្រងព័ត៌មានកងទ័ពនៅលើសមរភូមិ គឺមានសារៈសំខាន់ណាស់សម្រាប់ការពារអាយុជីវិតនិងប្រៀបឈ្នះរបស់កងទ័ពរបស់យើង។ ចំពោះករណីចាប់ខ្លួនយុទ្ធជនយើង ដែលមកដល់ពេលនេះយើងនៅរង់ចាំភាគីថៃបញ្ជូនត្រឡប់មកកម្ពុជាវិញនោះ ជីវិតរបស់ពួកគាត់គឺជាអាទិភាពចម្បងបំផុតរបស់រាជរដ្ឋាភិបាលតាំងពីពេលវេលាដែលពួកគេត្រូវចាប់ខ្លួន។ នៅក្នុងដំណាក់កាលដំបូង ដែលមិនទាន់មានព័ត៌មានច្បាស់លាស់អំពីជោគវាសនារបស់ពួកគេនោះ ការគ្រប់គ្រងព័ត៌មានសំខាន់ណាស់ ព្រោះការបញ្ចេញព័ត៌មានមួយចំនួនអាចនឹងនាំគ្រោះថ្នាក់ដល់ជីវិតរបស់ពួកគាត់ ឬក៏អាចបង្កឲ្យមានភាពស្មុគស្មាញកាន់តែខ្លាំងនៅក្នុងការចរចាសម្រាប់ការដោះលែងពួកគាត់ត្រឡប់មកវិញ។ ហេតុដូច្នេះ រវាងជម្រើសក្នុងការផ្សពផ្សាយព័ត៌មានឲ្យសារធារណៈជនបានដឹង និងជម្រើសក្នុងការរក្សាព័ត៌មានដើម្បីធានាអាយុជីវិតរបស់ពួកគាត់នៅក្នុងដំណាក់កាលដំបូងនិងច្បាស់លាស់នោះ គឺរាជរដ្ឋាភិបាលគ្មានជម្រើសអ្វីក្រៅពីគ្រប់គ្រងព័ត៌មានអោយបានល្អនិងបើកការចរចាទាមទារពួកគេមកវិញឲ្យបានឆាប់រហ័សនោះទេ។ មិនមែនរាជរដ្ឋាភិបាលលាក់ព័ត៌ ឬមិនគិតពីអាយុជីវិតរបស់កងកម្លាំង ដូចមជ្ឈដ្ឋានមួយចំនួនបានចោទប្រកាន់នោះទេ។ សម្ដេចបានបញ្ជាក់ថា ថ្នាក់ដឹកនាំកងទ័ពរបស់យើងបានទាក់ទងទៅភាគីថៃដើម្បីស្នើសុំឲ្យមានការដោះលែងកម្លាំងរបស់យើងភ្លាមៗតាំងពីពេលកើតហេតុ។ រដ្ឋមន្ត្រីក្រសួងការពារជាតិ មេបញ្ជាការយោធភូមិភាគរបស់កម្ពុជាបានទាក់ទងជាប្រចាំ ជាមួយសមភាភាគីថៃ ដើម្បីឲ្យមានការដោះយោធិនយើងត្រឡប់មកវិញឲ្យបានឆាប់ជាទីបំផុត។ បន្ថែមលើនោះ អគ្គមេបញ្ជាការកងទ័ពកម្ពុជា ក៏បានស្នើសុំអគ្គមេបញ្ជាការកងទ័ពម៉ាឡេស៊ី ក្នុងនាមគាត់ជាអ្នកសម្របសម្រួលនិងតាមដាននៃបទឈប់បាញ់ ដើម្បីស្នើសុំទៅអគ្គបញ្ជាការកងទ័ពថៃជួយជំរុញការដោះលែងឲ្យបានឆាប់ផងដែរ។ សម្ដេចសង្ឃឹមថា សង្ឃឹមថាកងទ័ពថៃនិងធ្វើការបញ្ជូនយោធិនរបស់យើងទាំងអស់ ដែលកំពុងស្ថិតនៅក្នុងការគ្រប់គ្រងរបស់កងទ័ពថៃ ឲ្យពួកគេបានវិលត្រឡប់មកប្រទេសកម្ពុជាឆាប់រហ័សជាទីបំផុត។

បណ្ដាញសង្គម

ព័ត៌មានថ្មីៗ

ក្រុមហេសបូឡាអះអាងពីការវាយប្រហារថ្មី ដែលកំណត់គោលដៅលើមូលដ្ឋាន យោធានៅអ៊ីស្រាអែល

សហភាពអឺរ៉ុបនឹងរៀបចំកិច្ចប្រជុំកម្រិតខ្ពស់ចំនួន ២ ជាមួយអាជ្ញាធរអន្តរកាលស៊ីរី នៅទីក្រុងប្រ៊ុចសែល

កងទ័ពអ៊ីស្រាអែលអំពាវនាវប្រជាជនឲ្យជម្លៀសចេញពីភូមិចំនួន ៩ នៅភាគខាងត្បូងប្រទេសលីបង់

ប្រមុខការទូតរុស្ស៊ី និងអារ៉ាប៊ីសាអ៊ូឌីតអំពាវនាវឲ្យស្តារឡើងវិញនូវការធ្វើនាវាចរណ៍ដោយសេរី នៅច្រកសមុទ្រហ័រមូស

ស្លូវ៉ាគី៖ អឺរ៉ុបបង្ខូចប្រវត្តិសាស្ត្រ និងខ្វះការគោរពចំពោះព្រឹត្តិការណ៍សង្គ្រាមលោកលើកទី២

លោក TRUMP រំពឹងថា នឹងទទួលបានការឆ្លើយតបពីអ៊ីរ៉ង់ចំពោះសំណើរបស់អាមេរិក ក្នុងរយៈពេលប៉ុន្មានម៉ោងខាងមុខនេះ

អាមេរិកវាយប្រហារទូកដឹកគ្រឿងញៀននៅភាគខាងកើតមហាសមុទ្រប៉ាស៊ីហ្វិក បានសម្លាប់មនុស្សយ៉ាងតិច ២នាក់

ប្រមុខUN ជំរុញឲ្យមានការអត់ធ្មត់អតិបរមា ដើម្បីជៀសវាងការកើនឡើងភាពតានតឹងបន្ថែមទៀត នៅច្រកសមុទ្រហ័រមូស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

អ្នកនាំពាក្យក្រសួងការពារជាតិ អំពាវនាវភាគីថៃ បញ្ជូនកងទ័ពកម្ពុជាទាំង២០រូបត្រឡប់មកវិញឲ្យបានឆាប់

លោកជំទាវ ឡោក ខេង ថ្លែងអំណរគុណជូនចំពោះមិត្តភក្តិអន្តរជាតិ ដែលបានគាំទ្រដល់បទឈប់បាញ់

TOP STORY | យូណេស្កូ ស៊ើបអង្កេតអំពើហិង្សាតាមព្រំដែនដែលបំផ្លាញបេតិកភណ្ឌនៅកម្ពុជា ដោយគ្រាប់បែកថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

អ្នកនាំពាក្យក្រសួងការពារជាតិ អំពាវនាវភាគីថៃ បញ្ជូនកងទ័ពកម្ពុជាទាំង២០រូបត្រឡប់មកវិញឲ្យបានឆាប់

លោកជំទាវ ឡោក ខេង ថ្លែងអំណរគុណជូនចំពោះមិត្តភក្តិអន្តរជាតិ ដែល​បាន​គាំទ្រ​ដល់​បទ​ឈប់​បាញ់

TOP STORY | យូណេស្កូ ស៊ើបអង្កេតអំពើហិង្សាតាមព្រំដែនដែលបំផ្លាញបេតិកភណ្ឌនៅកម្ពុជា ដោយគ្រាប់បែកថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកជំទាវ ឡោក ខេង ថ្លែងអំណរគុណជូនចំពោះមិត្តភក្តិអន្តរជាតិ ដែលបានគាំទ្រដល់បទឈប់បាញ់