BTV NEWS

លទ្ធផលកិច្ចប្រជុំRBC យោធភូមិភាគទី៥កម្ពុជា និងកងទ័ពភូមិភាគទី១ថៃ ភាគីទាំងពីរប្តេជ្ញាចិត្តយ៉ាងមុតមាំ ក្នុងការអនុវត្តបទឈប់បាញ់ និងគោលការណ៍ឯកភាពទាំង១៣ចំណុច

ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញផ្តល់បទឧទ្ទេសនាមក្នុងវគ្គអប់រំនយោបាយរបស់គណបក្ស កម្រិត២ ជំនាន់ទី២០

សាកលវិទ្យាល័យជាតិមានជ័យរៀបចំកម្មវិធីប្រកួតប្រជែងគំរូអាជីវកម្មនិស្សិត

ឯកឧត្តមកិត្តិសង្គហបណ្ឌិត គន់ គីម ណែនាំដល់អាជ្ញាធរខេត្តមានជនភៀសសឹកបន្តយកចិត្តទុកដាក់ពីសុខទុក្ខពួកគាត់ឱ្យបានប្រសើរ

ព័ត៌មានជាតិ

ឯកឧត្តម ប៉ែន បូណា៖ វត្តប៉ាកណាម មិនត្រូវបានវៀតណាមកាន់កាប់ដូចការចោទប្រកាន់របស់ក្រុមប្រឆាំងជ្រុលនិយមនោះទេ

ឯកឧត្តម ប៉ែន បូណា រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានអង្គភាពអ្នកនាំពាក្យរាជរដ្ឋាភិបាល ក្នុងឱកាសអញ្ជើញចូលរួមពិធីកាន់បិណ្ឌ២ នៅវត្តប៉ាកណាម ដែលស្ថិតនៅសង្កាត់ព្រែកជ្រៃ ក្រុងសំពៅពូន ខេត្តកណ្តាល បានថ្លែងថា វត្តប៉ាកណាម គឺជាវត្តរបស់ប្រទេសកម្ពុជាយើង ហើយមិនមានវៀតណាមណាកាន់កាប់ ដូចការចោទប្រកាន់របស់ក្រុមប្រឆាំងជ្រុលនិយមនោះទេ។ឯកឧត្តម ប៉ែន បូណា ក៏បានអំពាវនាវដល់ប្រជាពលរដ្ឋទាំងអស់ កុំឱ្យជឿតាមការឃោសនាកុហកបោកប្រាស់របស់ក្រុមប្រឆាំងជ្រុលនិយមមួយក្តាប់តូចនៅក្រៅប្រទេស ដែលនិយាយថា វត្តប៉ាកណាម ត្រូវបានវៀតណាមកាន់កាប់ ដែលជារឿងមិនពិតនោះទេ ពោលគឺតាមការពិតជាក់ស្តែង វត្តប៉ាកណាម មានព្រះសង្ឃខ្មែរគង់នៅ និងមានប្រជាពុទ្ធបរិស័ទខ្មែរយើងអញ្ជើញទៅធ្វើបុណ្យទានយ៉ាងច្រើនកុះករផងដែរ។ឯកឧត្តម ប៉ែន បូណា ក៏បានបញ្ជាក់ជាថ្មីម្តងទៀតថា វត្តប៉ាកណាម គឺស្ថិតក្នុងទឹកដីខ្មែរ កាន់កាប់ដោយភាគីកម្ពុជាយ៉ាងពេញលេញ ដូច្នេះ សូមក្រុមប្រឆាំងឈប់ធ្វើនយោបាយភូតកុហកតទៅទៀត៕

ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំបូកសរុបលទ្ធផលការងារ១ឆ្នាំ ស្តីពីបញ្ហាដំណើរចេញចូលរបស់ពលករខ្មែរតាមព្រំដែន

ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី និងជាប្រធានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ ចូលរបស់ពលករខ្មែរតាមព្រំដែនកម្ពុជា (គ.ច.ព.ក) នៅព្រឹកថ្ងៃទី២០ ខែកញ្ញា ឆ្នាំ២០២៤នេះ បានដឹកនាំកិច្ចប្រជុំបូកសរុបលទ្ធផលការងាររយៈពេល១ឆ្នាំ និងលើកទិសដៅសម្រាប់អនុវត្តបន្ដរបស់គណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ ចូលរបស់ពលករខ្មែរតាមព្រំដែនកម្ពុជា។កិច្ចប្រជុំនេះ ធ្វើឡើងនៅទីស្ដីការគណៈរដ្ឋមន្ដ្រី ដែលមានការចូលរួមពីលោកសន្ដិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍ គ.ច.ព.ក តំណាងក្រសួង ស្ថាប័នពាក់ព័ន្ធ ថ្នាក់ដឹកនាំ និងសមាជិក សមាជិក នៃគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ ចូលរបស់ពលករខ្មែរតាមព្រំដែនកម្ពុជា។ក្នុងរបាយការណ៍របស់ឯកឧត្តម សន្ដិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍ គ.ច.ព.ក បានឲ្យដឹងថា អស់រយៈពេលមួយឆ្នាំកន្លងមកនេះ គណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញចូលរបស់ពលករខ្មែរតាមព្រំដែនកម្ពុជា បានបំពេញតួនាទីរបស់ខ្លួនយ៉ាងសកម្ម ប្រកបដោយការទទួលខុសត្រូវខ្ពស់ ដោយសម្រេចបានលទ្ធផលជាវិជ្ជមាន ឆ្លើយតបតាម សំណូមពររបស់រាជរដ្ឋាភិបាល និងទទួលបាននូវការសាទរយ៉ាងក្លៀវក្លាពីសំណាក់ប្រជាពលរដ្ឋ ជាពិសេសប្រជាពលករដែលមានតម្រូវការធ្វើដំណើរចេញចូលឆ្លងកាត់ព្រំដែន។ ឯកឧត្តម គៀត ច័ន្ទថារិទ្ធ បានគូសបញ្ជាក់ថា លេខាធិការដ្ឋានប្រចាំការ គ.ច.ព.ក បានរៀបចំបង្កើតប្រព័ន្ធព័ត៌មានទាន់ហេតុការណ៍ ដោយ មានខ្សែទូរស័ព្ទចំនួន១ខ្សែ លេខ១២៤៤ ប្រព័ន្ធតេឡេក្រាម និងហ្វេសប៊ុកផេកដែលមានឈ្មោះថា គណៈកម្មការដោះស្រាយបញ្ហាឆ្លងដែនរបស់ពលករខ្មែរ និងចាត់តាំងឲ្យមានក្រុមប្រចាំការ ក្នុង១ក្រុម មានមន្ត្រីចំនួន៤នាក់ (ប្រចាំការនៅតាមស្ថាប័ន) ដើម្បីប្រមូល ទទួល និងបញ្ជូនព័ត៌មាន ក្នុងករណីដែលមានសំណូមពរ ឬបណ្ដឹងពីពលករដែលធ្វើដំណើរចេញ ចូលឆ្លងកាត់ព្រំដែន។ ប្រព័ន្ធនេះ ត្រូវបានផ្សព្វផ្សាយយ៉ាងទូលំទូលាយជាសាធារណៈជូនប្រជាពលរដ្ឋតាមរយៈក្រសួងព័ត៌មាន និងប្រព័ន្ធទំនាក់ទំនងសង្គម ក្នុងនោះក៏បានទទួលបណ្ដឹង និងដោះស្រាយជូនពលរដ្ឋផងដែរ។សូមបញ្ជាក់ថា បើតាមទិន្នន័យទទួលបានពីអគ្គនាយកដ្ឋានអន្តោប្រវេសន៍ មានប្រជាពលរដ្ឋខ្មែរបានធ្វើដំណើរចេញចូលតាមច្រកទ្វារអន្តរជាតិកម្ពុជា-ថៃ សរុបចំនួន ៦,២២២,០៥៩នាក់ (ស្រី៣,២៤៨,៤២១នាក់) ក្នុងនោះពលករចំនួន ៥,១១៣,៩២៦នាក់ (ស្រី ២,៣៣៧,២៨៥នាក់)៕ អត្ថបទ៖ បាន ចក់

សម្តេចធិបតី៖ រាជរដ្ឋាភិបាលនីតិកាលទី៧ ប្តេជ្ញារក្សាចលនានៃសុខសន្តិភាព កំណើនសេដ្ឋកិច្ច និងការអភិវឌ្ឍជារួម

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា រាជរដ្ឋាភិបាល អាណត្តិទី៧ នៃនីតិកាលរដ្ឋសភានេះ បានដាក់ចេញនូវគោលនយោបាយជាច្រើនដើម្បីឧតុ្តមប្រយោជន៍របស់ជាតិ និងប្រជាជន ហើយបានប្តេជ្ញាថែរក្សាចលនានៃសុខសន្តិភាព កំណើនសេដ្ឋកិច្ច និងការអភិវឌ្ឍជារួមជាដើម។ក្នុងឱកាសអញ្ជើញចូលរួមកិច្ចប្រជុំរដ្ឋសភាជាវិសាមញ នីតិកាលទី៧ ដើម្បីបោះឆ្នោតកែសម្រួលសមាសភាពរដ្ឋមន្រ្តី២រូប គឺរដ្ឋមន្រ្តីក្រសួងទេសចរណ៍ និងរដ្ឋមន្រ្តីក្រសួងអធិការកិច្ច នាព្រឹកថ្ងៃទី២០ ខែកញ្ញា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់អះអាងជាថ្មីថា ផ្នែកតាមកម្មវិធីនយោបាយ សម្រាប់នីតិកាលទី៧នៃរដ្ឋសភានេះ រាជរដ្ឋាភិបាលបានដាក់ចេញនូវយុទ្ធសាស្រ្តបញ្ចកោណ ដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព ដោយបន្តផ្តោយជាសំខាន់លើរបៀបវារៈ ធានាប្រសិទ្ធភាព សមិទ្ធកម្ម តាមរយៈការអនុវត្តអភិក្រម «ឆ្លុះកញ្ចក់ ងួតទឹកដុសក្លែល ព្យាបាល និងវះកាត់» និងអភិក្រមចីរភាពនៃតួអង្គតែមួយ ជាមួយនឹងការកំណត់យកអាទិភាពគន្លឹះ៥គឺ មនុស្ស ផ្លូវ ទឹក ភ្លើង និងបច្ចេកវិទ្យា ជាពិសេសនោះគឺបច្ចេកវិទ្យាឌីជីថលតែម្តង។ជាមួយគ្នានោះដែរ សម្តេចធិបតី នាយករដ្ឋមន្រ្តីក៏បានលើកឡើងផងដែរថា ក្នុងនាមរាជរដ្ឋាភិបាលកម្ពុជា និងក្នុងនាមសម្តេចផ្ទាល់ ក៏បានកោតសរសើរ និងអរគុណចំពោះអង្គរដ្ឋសភា ដែលជានិច្ចកាល ក្នុង នាមស្ថាប័ននីតិបញ្ញត្តិ ដែលទទួលបាននូវសេចក្តីទុកចិត្តយ៉ាងពេញលេញពីសំណាក់បងប្អូនប្រជាពលរដ្ឋ កម្ពុជាទូទាំងប្រទេស តែងតែបង្ហាញការប្តេជ្ញាចិត្តខ្ពស់ក្នុងការបម្រើប្រទេសជាតិ ផ្តល់នូវការគាំទ្រសព្វបែប យ៉ាង ដល់រាជរដ្ឋាភិបាលនៅក្នុងកិច្ចប្រឹងប្រែងជំរុញការអភិវឌ្ឍលើគ្រប់វិស័យ សេដ្ឋកិច្ច និងសង្គមកម្ពុជា ដើម្បីបុព្វហេតុជាតិ និងប្រជាជននោះ៕ អត្ថបទបាន ចក់

គ្រួសារក្រីក្រ និងចាស់ជរាគ្មានទីពឹង៥០គ្រួសារ ទទួលអំណោយពីរាជរដ្ឋាភិបាល តាមរយៈក្រុមការងាររាជរដ្ឋាភិបាលចុះសង្កាត់កំពង់ឆ្នាំង

កំពង់ឆ្នាំង៖ នៅព្រឹកថ្ងៃទី២០ ខែកញ្ញា ឆ្នាំ២០២៤នេះ លោកជំទាវ ទន់ សាអីម ប្រធានក្រុមការងាររាជរដ្ឋាភិបាលចុះសង្កាត់កំពង់ឆ្នាំង លោកជំទាវ សឿ សុជាតា អនុប្រធានក្រុមការងាររាជរដ្ឋាភិបាលចុះសង្កាត់កំពង់ឆ្នាំង និងក្រុមការងារ បានចុះជួបសួរសុខទុក្ខគ្រួសារក្រីក្រ និងចាស់ជរាគ្មានទីពឹង និងផ្តល់អំណោយជូនពួកគាត់ចំនួន៥០គ្រួសារ ស្ថិតក្នុងសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។លោកជំទាវ ទន់ សាអីម បានថ្លែងថា៖ គ្រឿងឧបភោគបរិភោគ ដែលយកមកផ្តល់ជូននាពេលនេះ គឺជាការគិតគូរយកចិត្តទុកដាក់ពីរាជរដ្ឋាភិបាល និងបានពាំនាំការផ្ដាំផ្ញើសួរសុខទុក្ខពីសំណាក់សម្ដេចធិបតី ហ៊ុន ម៉ាណែត នាយករដ្ឋមន្ត្រី ដែលគ្រប់ពេលវេលា សម្ដេចតែងតែគិតគូរពីសុខទុក្ខរបស់ប្រជាពលរដ្ឋដែលងាយរងគ្រោះ ចាស់ជរាគ្មានទីពឹង ជនមានពិការភាព កុមារកំព្រា អ្នករស់នៅជាមួយមេរោគអេដស៍ជាដើម ទោះបីជាអំណោយទាំងនេះមានតិចតួចក្តី ប៉ុន្តែក៏អាចជួយសម្រាលការលំបាកបានមួយកម្រិតក្នុងរដូវបុណ្យភ្ជុំប្រពៃណីខ្មែរនេះ។ លោកជំទាវ ក៏បានអំពាវនាវដល់ប្រជាពលរដ្ឋទាំងអស់ត្រូវចេះថែរក្សាសុខភាព ត្រូវរក្សាអនាម័យដោយការរស់នៅស្អាត ហូបស្អាត ផឹកស្អាត ដើម្បីអោយសុខភាពយើងល្អ និងបានមើលឃើញនូវការអភិវឌ្ឍន៍ប្រទេសជាតិគ្រប់ទីកន្លែងរបស់រាជរដ្ឋាភិបាលកម្ពុជា។ប្រជាពលរដ្ឋចាស់ជរា និងគ្រួសារក្រីក្រ បានថ្លែងអំណរគុណរាជរដ្ឋាភិបាល ជាពិសេសសម្តេចធិបតី ហ៊ុន ម៉ាណែត នាយករដ្ឋមន្ត្រីដែលបានយកចិត្តទុកដាក់ពីសុខទុក្ខប្រជាពលរដ្ឋទាំងអស់ និងបានជួយដល់ពួកគាត់ក្នុងគ្រាលំបាកគ្រប់ពេលវេលា។ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា អាណត្តិទី៧នេះ បានបន្តធ្វើឲ្យប្រទេសមានសុខសន្តិភាព និងបានកសាងអភិវឌ្ឍន៍ហេដ្ឋរចនាសម្ព័ន្ធ លើគ្រប់វិស័យ ព្រមទាំងបានយកចិត្តទុកដាក់គិតគូសុខទុក្ខរបស់ប្រជាពលរដ្ឋទូទាំងប្រទេស គឺមិនឲ្យប្រជាពលរដ្ឋខ្វះខាតលំបាកអ្វីឡើយ ជាក់ស្តែងដូចដែលក្រុមការងារបានចុះមកដល់នៅទីនេះស្រាប់៕ កាំង ហុងវាស្នា

កម្មករ-កម្មការនី អរគុណរដ្ឋាភិបាលចំពោះការដំឡើងប្រាក់ឈ្នួលបន្ថែមទៀតសម្រាប់ឆ្នាំខាងមុខ

ក្រុមកម្មករ-កម្មការនីរោងចក្រកាត់ដេរ នៅរាជធានីភ្នំពេញ បានបង្ហាញទឹកមុខសប្បាយរីករាយ និងថ្លែងអំណរគុណជូនដល់ថ្នាក់ដឹកនាំ នៃរាជរដ្ឋាភិបាលកម្ពុជា ក៏ដូចជាភាគីសហជីព និងនិយោជក ដែលបានគិតគូរ និងតម្លើងប្រាក់ឈ្នួលអប្បបរមាបន្តទៀតនៅឆ្នាំ២០២៥ ខាងមុខ និងអះអាងទៀតថា នឹងខិតខំបំពេញការងារឲ្យកាន់តែល្អថែមទៀត ដើម្បីអរគុណដល់ថ្នាក់ដឹកនាំគ្រប់ភាគី ដែលខ្នះខ្នែងចរចាក្នុងការតម្លើងប្រាក់ឈ្នួលដល់កម្មករ។លោក សំ វុទ្ធី ប្រធានសហជីពសំឡេងយុវជនខ្មែរប្រចាំនៅរោងចក្រកាត់ដេរ ស៊ីជី ក្លូរី ស្ថិតនៅតំបន់ទ្រុងមាន់ ខណ្ឌមានជ័យ បានឲ្យព័ត៌មាន ប៊ីធីវី ដឹងនៅព្រឹកថ្ងៃទី២០ ខែកញ្ញានេះថា ពាក់ព័ន្ធការបន្តមានកំណើនប្រាក់ឈ្នួលអប្បបរមានេះ បងប្អូនកម្មករពិតជាមានការសប្បាយចិត្ត ដែលពីមួយឆ្នាំទៅមួយឆ្នាំបានឡើងប្រាក់ឈ្នួល ទោះបីឡើងមិនបានច្រើន ក៏ប៉ុន្តែគឺដំឡើងជារៀងរាល់ឆ្នាំមិនដែលខាន។ ជាក់ស្តែងក្នុងវិបត្តិសាកលកូវីដ១៩ រហូតមកដល់ពេលនេះឃើញថាតួលេខប្រាក់ឈ្នួលនៅតែបន្តមានកំណើន។លើកឡើងស្រដៀងគ្នាខាងលើនេះ ក្រុមកម្មកររោងចក្រ សៀងហៃ សាន់វីន ហ្វឺសថេក ស្ថិតនៅក្បែគ្នាខាងលើនេះ បាននិយាយថា ការចរចាដំឡើងប្រាក់ឈ្នួលឆ្នាំនេះ ពិតជាដំណឹងល្អ ព្រោះអាចតម្លើងបានថែមទៀត ទោះបីជាចំនួនមិនច្រើននិងសមបំណង ប៉ុន្តែពិតជាអស្ចារ្យ ព្រោះថាតួលេខឃើញថាកើនថែមទៀត។ កម្មករ កម្មការនី បានសន្យាថា ដើម្បីជាការឆ្លើយតបចំពោះការយកចិត្តទុកដាក់ក្នុងការចចារតម្លើងប្រាក់ឈ្នួលអប្បបរមា និងដើម្បីទាក់ទាញអ្នកវិនិយោគិនមកបណ្តាក់ទុនបន្ថែមនៅកម្ពុជា ក៏ដូចជាអូសទាញការបញ្ជាទិញក្នុងតម្លៃខ្ពស់ ពួកគាត់នឹងខិតខំប្រឹងប្រែងយ៉ាងណាបំពេញការងារឲ្យអស់លទ្ធភាព និងចូលរួមគោរពវិន័យឲ្យបានល្អដែលថ្នាក់ដឹកនាំដាក់ចេញ។លោក ហ្វា សាលី ប្រធានសម្ព័ន្ធសហជីពជាតិ បានលើកឡើងថា ការស្នើសុំដំឡើងប្រាក់ឈ្នួលអប្បបរមាសម្រាប់ឆ្នាំ២០២៥ ទោះបីមិនសមបំណងទៅតាមអ្វីដែលជាការចង់បានរបស់កម្មករ កម្មការិនី ប៉ុន្តែសហជីព គឺបានខិតខំអស់ពីលទ្ធភាពហើយ។ ជាមួយនេះ លោកក៏បានអរគុណជូនចំពោះសម្តេចធិបតីនាយករដ្ឋមន្រ្តីនៃកម្ពុជា ដែលតែងតែគិតគូរជាប់ជានិច្ចនូវសុខទុក្ខរបស់កម្មករនិយោជិត។ លោកសង្ឃឹមទៀតថា កម្មករនិយោជិតក៏ត្រូវតែខិតខំ ធ្វើយ៉ាងណាបណ្តុះបណ្តាលជំនាញខ្លួនឯងឲ្យមានជំនាញពិតប្រាកដ ហើយសូមជឿទុកចិត្តលើរាជរដ្ឋាភិបាលគ្រប់អាណត្តិ ដែលតែងតែលើកទឹកចិត្តក្នុងការដាក់ឲ្យមានកិច្ចចរចាប្រាក់ឈ្នួលអប្បបរមាដល់កម្មករនិយោជិតជារៀងរាល់ឆ្នាំផងដែរ។ក្រោយពីឆ្លងកាត់ការពិភាក្សាគ្នាក្នុងការកំណត់ប្រាក់ឈ្នួលអប្បបរមារបស់កម្មករនិយោជិតផ្នែកវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប ក្រុមប្រឹក្សាជាតិប្រាក់ឈ្នួលអប្បបរមា បានសម្រេចលទ្ធផលផ្លូវការចំនួន ២០៦ដុល្លារ ដោយមានការបន្ថែមពីលើ ២ដុល្លារទៀត សរុបគឺចំនួន ២០៨ដុល្លារ ដែលដាក់ឲ្យអនុវត្តចាប់ពីខែមករា ឆ្នាំ២០២៥តទៅ។ ក្រៅពីការតម្លើងប្រាក់ឈ្នួលអប្បបរមា ចំពោះប្រាក់អត្ថប្រយោជន៍ផ្សេងៗទៀត ដែលកម្មករនិយោជិតធ្លាប់ទទួលបានកន្លងមក ត្រូវបានរក្សាទុកនៅដដែល មានដូចជា រង្វាន់ធ្វើការទៀងទាត់ , ប្រាក់សោហ៊ុយធ្វើដំណើរ និងស្នាក់នៅ , ប្រាក់រង្វាន់អតីតភាពការងារ , ប្រាក់ថ្លៃបាយធ្វើការថែមម៉ោង និងប្រាក់ឈ្នួលធ្វើការថែមម៉ោងជាមធ្យម។ ក្រៅពីនេះ កម្មករនិយោជិតក៏ទទួលបានផលប្រយោជន៍ពីកម្មវិធីបេឡាជាតិសន្តិសុខសង្គម (ប.ស.ស) ផងដែរក្នុងករណីជាសមាជិក ប.ស.ស ដូចជា ផ្នែកថែទាំសុខភាពនិងគ្រោះថ្នាក់ការងារ និងរបបប្រាក់សោធនជាដើម៕ អត្ថបទ៖ ឈិត បូរ៉ាវី

សម្ដេចធិបតី៖ ប្រាក់ឈ្នួលអប្បបរមានៅប្រទេសកម្ពុជាបានបន្តកើនឡើងជារៀងរាល់ឆ្នាំមិនថានៅក្នុងបរិបទកូវីដ-១៩ ឬក៏វិបត្តិសេដ្ឋកិច្ចសកលក៏ដោយ

ភ្នំពេញ៖ សម្ដេចមហាបវរធីបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាព្រឹកថ្ងៃទី២០ ខែកញ្ញា ឆ្នាំ ២០២៤នេះ មានប្រសាសន៍តាមបណ្ដាញសង្គមថា ប្រាក់ឈ្នួលអប្បបរមានៅប្រទេសកម្ពុជា បានបន្តកើនឡើងជារៀងរាល់ឆ្នាំ មិនថានៅក្នុងបរិបទកូវីដ-១៩ ឬក៏វិបត្តិសេដ្ឋកិច្ចសកលក៏ដោយ រាជរដ្ឋាភិបាលកម្ពុជា តែងបានគិតគូរជាប់ជាប្រចាំដល់សុខទុក្ខបងប្អូនកម្មករ-និយោជិតជានិច្ច។ សម្ដេចធិបតីនាយករដ្ឋមន្រ្ដីបញ្ជាក់ថា ទោះបីជាប្រាក់ឈ្នួលអប្បបរមានៅប្រទេសដទៃ រួមទាំងប្រទេសដែលមានសេដ្ឋកិច្ចជឿនលឿន មានភាពនឹងថ្កល់ ឬត្រូវបានកាត់បន្ថយ ដោយសារវិបត្តិសកលក្តី ក៏កម្ពុជាបន្តប្តេជ្ញាតំឡើងប្រាក់ឈ្នួលអប្បបរមាជារៀងរាល់ឆ្នាំផងដែរ មិនថាតិចក្តី ច្រើនក្តី ដែលនេះ ជាការបង្ហាញនូវឆន្ទៈដ៏មោះមុតរបស់រាជរដ្ឋាភិបាល ក្នុងការលើកកម្ពស់កម្រិតជីវភាព និងការយកចិត្តទុកដាក់ខ្ពស់ដល់បងប្អូនកម្មករ-និយោជិត៕

[BREAKING NEWS] ឯកឧត្ដម ហួត ហាក់ ប្តូរទៅកាន់ជា រដ្ឋមន្ត្រីក្រសួងទេសចរណ៍ ខណៈឯកឧត្ដម សុខ សូកេន ប្តូរទៅកាន់ជា រដ្ឋមន្រ្តីក្រសួងអធិការកិច្ច

ភ្នំពេញ៖រដ្ឋសភាជាតិ នៅព្រឹកថ្ងៃទី២០ ខែកញ្ញា ឆ្នាំ២០២៤ បានបោះឆ្នោតសម្រេចផ្ដល់សេចក្តីទុកចិត្តកែសម្រួលសមាសភាពរាជរដ្ឋាភិបាលចំនួន២រូប ដោយឯកឧត្តម ហួត ហាក់ ជារដ្ឋមន្ត្រីក្រសួងទេសចរណ៍ និងឯកឧត្ដម សុខ សូកេន ជារដ្ឋមន្ត្រីក្រសួងអធិការកិច្ច។ការអនុម័តរបស់រដ្ឋសភា បានធ្វើឡើងនៅព្រឹកថ្ងៃទី២០ ខែកញ្ញា ឆ្នាំ២០២៤នេះ ក្នុងកិច្ចប្រជុំវិសាមញ្ញ ក្រោមអធិបតីភាព សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា ដោយមានសំឡេងសមាជិកសភាគាំទ្រ១០៦/១០៦។ការកែសម្រួលសមាសភាពរាជរដ្ឋាភិបាលនេះ ធ្វើឡើងតបតាមសំណើរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ នេះគឺជាការកែសម្រួលសមាសភាពរាជរដ្ឋាភិបាល លើកដំបូងហើយ សម្រាប់នីតិកាលទី៧ នៃរដ្ឋសភា ដែលបានធ្វើដំណើររយៈពេលជាង១ឆ្នាំកន្លងមកនេះ៕

អបអរសាទរដល់បេក្ខជន ៧៤ នាក់ ទទួលបានលទ្ធផលល្អក្នុងវេទិកាការងាររបស់ NEA ថ្ងៃនេះ

ភ្នំពេញ ÷ វេទិកាការងារមួយថ្ងៃពេញរបស់ NEA ដែលសហការរៀបចំជាមួយនឹង ស.ស.យ.ក វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ បានបញ្ចប់ទៅដោយរលូន ដោយមានបងប្អូន យុវជន សិស្ស/និស្សិត អ្នកស្វែងរកការងារធ្វើចំនួន ១៧៥ នាក់បានចូលរួមដាក់ពាក្យ និងសម្ភាសការងារភ្លាមៗ។ជាលទ្ធផល បេក្ខជនបានសម្ភាសបឋម ចំនួន ៧៤ នាក់ ហើយនឹងត្រូវទៅសម្ភាសបន្តជាមួយក្រុមហ៊ុននាពេលឆាប់ៗខាងមុខនេះ។

ឯកឧត្តមឧបនាយករដ្ឋមន្រ្តី អញ្ជើញជាអធិបតីបើកវគ្គបណ្តុះបណ្តាលស្តីពីការទូតអាហារកម្ពុជា

ភ្នំពេញ ÷ នៅព្រឹកថ្ងៃទី១៩ ខែកញ្ញា ឆ្នាំ២០២៤ ឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអញ្ជើញជាអធិបតីដ៏ខ្ពង់ខ្ពស់ នៅក្នុងពិធីបើកវគ្គ បណ្តុះបណ្តាលស្តីពី ការទូតអាហារកម្ពុជា ក្រោមមូលបទ «ការលើកកម្ពស់មិត្តភាព និងកិច្ចសហប្រតិបត្តិការ តាមរយៈម្ហូបអាហារ» នៅវិទ្យាស្ថានជាតិការទូត និងទំនាក់ទំនងអន្តរជាតិ។ វគ្គបណ្តុះបណ្តាលនេះត្រូវបានសហការរៀបចំដោយវិទ្យាស្ថានជាតិការទូត និងទំនាក់ទំនងអន្តរជាតិ និងមូលនិធិអាស៊ីប្រចាំប្រទេសកម្ពុជា ចាប់ពីថ្ងៃទី ១៩-២១ ខែកញ្ញា ឆ្នាំ២០២៤ នៅរាជធានីភ្នំពេញ និងខេត្តកំពត។វគ្គបណ្តុះបណ្តាលនេះ មានគោលបំណងផ្សព្វផ្សាយម្ហូបអាហារខ្មែរ និងផ្តល់ឱកាសដល់មន្ត្រីការទូតបរទេសនៅកម្ពុជា ទទួលបានបទពិសោធន៍នៃការធ្វើម្ហូបខ្មែរដំបូង រួមទាំងបន្ថែមនូវចំណេះដឹងដល់ពួកគាត់អំពីវប្បធម៌ម្ហូបអាហារកម្ពុជា ពោលគឺ ភាពពិសេសប្លែកពីគេ ភាពល្អឥតខ្ចោះ និងកេរដំណែលមរតកម្ហូបអាហារខ្មែរមិនអាចកាត់ថ្លៃបានរាប់ពាន់ឆ្នាំមកហើយ។ កម្មវិធីនេះ ក៏ផ្តល់នូវកាលានុវត្តភាពដ៏ល្អសម្រាប់ការលើកកម្ពស់មិត្តភាព និងផ្សារភ្ជាប់ទំនាក់ទំនងរវាងអង្គទូតបរទេសនៅកម្ពុជាជាមួយប្រជាជនកម្ពុជាផងដែរ។

រដ្ឋមន្រ្តីក្រសួងបរិស្ថាន៖ ក្រមបរិស្ថាននិងធនធានធម្មជាតិជាផែនទីចង្អុលផ្លូវ និងជាអាវក្រោសការពារខ្លួនចំពោះមន្រ្តីអនុវត្តច្បាប់ ក្នុងការគ្រប់គ្រងធនធានធម្មជាតិនិងបរិស្ថានកាន់តែប្រសើរ

ភ្នំពេញ ÷ ក្រសួងបរិស្ថាន នៅរសៀលថ្ងៃទី១៩ ខែកញ្ញា ឆ្នាំ២០២៤ បានរៀបចំពិធីផ្សព្វផ្សាយនិងបញ្រ្ជាបចំណេះដឹងពាក់ព័ន្ធនឹងក្រមបរិស្ថាន ជាមួយថ្នាក់ដឹកនាំ មន្រ្តីរាជការក្រសួងបរិស្ថានទាំងនៅថ្នាក់ជាតិ និងនៅថ្នាក់ក្រោមជាតិ។ ឯកឧត្តបណ្ឌិត អ៊ាង សុផល្លែត រដ្ឋមន្ដ្រីក្រសួងបរិស្ថាន បានថ្លែងថា ក្រមបរិស្ថាននិងធនធានធម្មជាតិ ដែលបានប្រកាសដាក់ឱ្យប្រើប្រាស់នាពេលកន្លងទៅនេះ គឺជាផែនទីចង្អុលផ្លូវក្នុងការអនុវត្តច្បាប់របស់កម្ពុជា និងជាអាវក្រោសការពារខ្លួនចំពោះមន្រ្តីអនុវត្តច្បាប់ ដើម្បីគ្រប់គ្រងបរិស្ថាន និងធនធានធម្មជាតិ ឱ្យកាន់តែប្រសិទ្ធភាពថែមទៀត។ឯកឧត្តមរដ្ឋមន្ដ្រី បានមានប្រសាសន៍ថា ប្រសិនបើគ្មានច្បាប់ទេ ក៏មិនអាចមានបរិស្ថាន ប្រសិនជាគ្មានច្បាប់ទេ ក៏គ្មានធនធានធម្មជាតិដែរ ហើយបើគ្មានច្បាប់ទេ យើងក៏មិនអាចអនុវត្តការងារឱ្យសម្រេច តាមគោលនយោបាយរបស់រាជរដ្ឋាភិបាល ដែលបានដាក់ចេញបានដែរ។ ជាមួយគ្នានេះ ឯកឧត្តមបណ្ឌិត អ៊ាង សុផល្លែត បានជំរុញដល់មន្រ្តីទាំងអស់ត្រូវយល់ដឹងអំពីក្រមបរិស្ថាន និងធនធានធម្មជាតិ និងយកទៅប្រើប្រាស់ក្នុងបុព្វហេតុការពារបរិស្ថាន និងធនធានធម្មជាតិ ការអភិវឌ្ឍសេដ្ឋកិច្ចជាតិ និងសង្គម និងការឆ្លើយតបកាន់តែមានប្រសិទ្ធភាពចំពោះការប្រែប្រួលអាកាសធាតុ។ ក្នុងឱកាសនេះដែរ ឯកឧត្តមបណ្ឌិត អ៊ាង សុផល្លែត បានរំលឹកដល់មន្រ្តីក្រសួងបរិស្ថាន ឱ្យចូលរួមសហការជាមួយអាជ្ញាធរដែនដី និងបណ្តាភាគីពាក់ព័ន្ធទាំងអស់ ជំរុញនិងបង្កើនប្រសិទ្ធភាពនៃការចូលរួម អនុវត្តក្រមបរិស្ថាន និងធនធានធម្មជាតិ ដើម្បីសម្រេចបាននូវ ភាពស្អាត ភាពបៃតង និងចីរភាព ព្រមទាំងដើម្បីឧត្តមប្រយោជន៍របស់ប្រជាជនកម្ពុជា។ សូមបញ្ចាក់ថា ក្រមបរិស្ថាន និងធនធានធម្មជាតិ បានប្រកាសដាក់ឱ្យប្រើប្រាស់ជាផ្លូវការនៅថ្ងៃទី២៨ ខែមិថុនា ឆ្នាំ២០២៤ ដែលក្រមនេះ ត្រូវបានក្រសួងចំណាយពេលវេលាជាង៨ឆ្នាំ ដើម្បីចងក្រង និងឆ្លងកាត់ការពិនិត្យ សម្រេច និងអនុម័ត្រតាមដំណាក់កាលច្បាប់ជាបន្តបន្ទាប់។ ក្រមនេះត្រូវបានចែកជា១២កន្ថី និងមានមាត្រាសរុប៨៦៥៕

បណ្ដាញសង្គម

ព័ត៌មានថ្មីៗ

មនុស្សយ៉ាងហោចណាស់១៨នាក់ស្លាប់ក្នុងការវាយប្រហារ២លើកនៅប្រទេសកូឡុំប៊ី

ផ្ទុះឃ្លាំងកាំជ្រួចនៅប្រទេសប៉ាគីស្ថាន បណ្តាលឲ្យមនុស្ស៤នាក់ស្លាប់និងជាង៣០នាក់រងរបួស

ឃាតកម្មនៅប្រទេសអេក្វាឌ័រ កើនឡើង៤០% ក្នុងរយៈពេល៧ខែដំបូងនៃឆ្នាំ២០២៥

ប្រទេសលីបង់ ចាប់ផ្តើមឲ្យក្រុមប៉ាឡេស្ទីនរំសាយអាវុធ នៅក្នុងជំរំជនភៀសខ្លួន

ចំហេះព្រៃនៅសហភាពអឺរ៉ុប បានបំបែកកំណត់ត្រាថ្មី ខណៈអណ្តាតភ្លើងដុតបំផ្លាញផ្ទៃដីជាង ១លានហិកតា

ទិន្នន័យរបស់អ៊ីស្រាអែល បង្ហាញថា ៨៣ភាគរយនៃអ្នកស្លាប់ ក្នុងសង្រ្គាមនៅហ្កាហ្សាគឺជាជនស៊ីវិល

អ៊ីស្រាអែល ប្រាប់ក្រុមគ្រូពេទ្យ និងក្រុមជំនួយ ឱ្យត្រៀមលក្ខណៈសម្រាប់ការជម្លៀសដ៏ធំនៅទីក្រុងហ្កាហ្សា

សហរដ្ឋអាមេរិក ដាក់ទណ្ឌកម្មបន្ថែមទៀតលើបណ្តាញ និងនាវាពាក់ព័ន្ធនឹងការលក់ប្រេងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877