BTV NEWS

សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត

រដ្ឋបាលខេត្តកែបទទួលស្វាគមន៍ដំណើរទស្សនកិច្ចរបស់ឯកអគ្គរដ្ឋទូតចិនប្រចាំកម្ពុជា

ប្រធានក្រុមការងារចុះមូលដ្ឋានខេត្តកំពង់ធំ សម្ពោធដាក់ឱ្យប្រើប្រាស់អគារទីស្នាក់ការបក្សស្រុកស្ទោង

ពលរដ្ឋមានជីវភាពខ្វះខាតចំនួន ៣០០គ្រួសារ ទទួលបានអំណោយពីយុវជនគណបក្សខេត្តបាត់ដំបង

ព័ត៌មានជាតិ

ឯកឧត្តមសាស្រ្តាចារ្យ ឈាង រ៉ា បើកកិច្ចប្រជុំពិនិត្យវឌ្ឍនភាពគម្រោងកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្រ្ត សម្រាប់មន្ទីរពេទ្យបង្អែកកម្រិត ១ និងកម្រិត២ (CPA1 & CPA2)

ភ្នំពេញ ៖ នាទីស្តីការក្រសួង ថ្ងៃទី១១ ខែកក្កដា ឆ្នាំ២០២៥នេះ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តី បានដឹកនាំកិច្ចប្រជុំពិនិត្យវឌ្ឍនភាពគម្រោងកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្រ្ត សម្រាប់មន្ទីរពេទ្យបង្អែកកម្រិត ១ និងកម្រិត២ (CPA1 & CPA2) ចំនួន៦១មន្ទីរពេទ្យ ក្រោមការចង្អុលបង្ហាញ និងណែនាំដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។គោលបំណងនៃកិច្ចប្រជុំខាងលើនេះ គឺដើម្បីពិនិត្យមើលវឌ្ឍនភាពនៃការអនុវត្តគម្រោង ពិនិត្យមើលបញ្ហាប្រឈម និងដំណោះស្រាយ ដើម្បីធ្វើយ៉ាងណាឱ្យគម្រោងអនុវត្តតាមផែនការ និងបញ្ចប់តាមពេលវេលាដែលបានកំណត់។ ឯកឧត្តមសាស្រ្តាចារ្យរដ្ឋមន្រ្តី បានផ្តល់អនុសាសន៍ណែនាំ សូមឱ្យថ្នាក់ដឹកនាំទទួលបន្ទុក និងក្រុមការងារជំនាញ ជំរុញពន្លឿនការអនុវត្តនីតីវិធី តាមផែនការគ្រោងទុក និងត្រូវមានការរាយការណ៍ឱ្យបានទៀងទាត់ពីវឌ្ឍនភាព នៃគម្រោងនេះ។ ឯកឧត្តមសាស្ត្រាចារ្យ ឈាង រ៉ា បានសម្តែងនូវការកោតសសើរ ចំពោះការខិតខំបំពេញការងាររបស់ក្រុមការងារកន្លងមក និងការប្តេជ្ញាចិត្តក្នុងការបន្តបេសកកម្មរបស់ខ្លួន ឱ្យកាន់តែប្រសើរឡើងថែមទៀត៕អត្ថបទ រដ្ឋា

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញប្រគេនទៀនវស្សាដល់វត្តមុនីសុវណ្ណ

ភ្នំពេញ ៖ សៀលថ្ងៃទី១១ ខែកក្កដា ឆ្នាំ២០២៥នេះ ដែលជាថ្ងៃបុណ្យចូលព្រះវស្សា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំក្រុមគ្រួសារ និងថ្នាក់ដឹកនាំ កាកបាទក្រហមកម្ពុជា អមជាមួយមន្ត្រីរាជការជាច្រើននាក់ទៀត នាំយកទេយ្យ ទាន ទេយ្យវត្ថុ និងទៀនព្រះវស្សា ប្រេង ព្រមទាំងបច្ច័យវេរប្រគេនដល់ព្រះសង្ឃ ដែលគង់ចាំព្រះវស្សាចំនួន៣ខែ ចាប់ពីថ្ងៃ១រោច ខែអាសាឍ ដល់ថ្ងៃទី១៥កើត ខែអស្សុជ ឆ្នាំ២០២៥ នៅវត្តមុន្នីសុវណ្ណ ហៅវត្តចំពុះក្អែក ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ក្នុងឱកាសអញ្ជើញដល់ទីអារាមខាងលើ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបូជាទៀនធូប និងថ្វាយគន្ធពិដោ ចំពោះព្រះពុទ្ធបដិមាស្នងអង្គ ព្រះសម្មាសម្ពុទ្ធ នៅលើមហាកុដិ ជាកិច្ចរំលឹកនឹកដល់គុណបុណ្យ ព្រះរតនត្រ័យ តាមប្រពៃណីព្រះពុទ្ធសាសនា ដ៍រុងរឿងនៃយើង និងបានធ្វើបទនមសិកា ថ្វាយបង្គំព្រះពុទ្ធរូប ថ្វាយបង្គុំព្រះសង្ឃជាសាវ័គ និងសមាទានសីល ដើម្បីរំលឹកនឹកដល់ ព្រះសម្មាសម្ពុទ្ធ ព្រះបរមគ្រូនៃយើង។ បន្ទាប់ពីប្រារព្ធពិធីនានាតាមគន្លងប្រពៃណី ព្រះពុទ្ធសាសនារួចមក សម្តេចកិត្តិព្រឹទ្ធបណ្ឌិត និងក្រុមគ្រួសារព្រមទាំងឯកឧត្តម លោកជំទាវ ជាពុទ្ធបរិស័ទទាំងអស់បាន វេរទៀនវស្សា ប្រេង គ្រឿងឧបភោគបរិភោគ ភេសជ្ជៈ និងគ្រឿងបរិក្ខា ថ្វាយសម្តេចព្រះមហាសុមេធាធិបតី កិត្តិបណ្ឌិត អំ លឹមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា និងព្រះថេរានុថេរៈគ្រប់ព្រះអង្គ ដែលគង់ចាំព្រះវស្សា អស់កាលត្រីមាសក្នុងវត្តមុនីសុវណ្ណ ប្រកបដោយសទ្ធាជ្រះថ្លាបំផុត ជាមួយនិងបច្ចេយ ចំនួន៤០លានរៀល និង៣ម៉ឺនដុល្លារ រួមជាមួយបច្ច័យជាសទ្ធាជ្រះថ្លារបស់ សម្តេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ពុទ្ធបរិស័ទអញ្ជើញចូលរួមអមដំណើរ ចំនួន២៨លានរៀល និង ២៦៨១០ដុល្លារ ថ្វាយសម្តេចព្រះមហាសុមេធាធិបតី កិត្តិបណ្ឌិត អំ លឹមហេង សម្តេចព្រះសង្ឃនាយក សម្រាប់តម្កល់ទុកប្រើប្រាស់ក្នុងវិស័យព្រះពុទ្ធសាសនា និងបវរណាថ្វាយសម្តេចផ្ទាល់ នូវបច្ច័យចំនួន១ពាន់ដុល្លារ, ព្រះសង្ឃគង់អមចំនួន៨អង្គ ក្នុងមួយអង្គៗ បច្ច័យ៥រយដុល្លារ,ឧបត្ថមលោកអាចារ្យធំ១នាក់៤០ម៉ឺនរៀល, លោកអាចារ្យ១១នាក់ក្នុងម្នាក់ៗ២០ម៉ឺនរៀល, លោក តាជី យាយជី៧០នាក់ ក្នុងម្នាក់ៗ៥ម៉ឺនរៀល, ជូនអ្នកភ្លេង១លានរៀល, ឧបត្ថមកូនសិស្សលោកសរុប៥លានរៀល។ដោយឡែកទេយ្យវត្ថុប្រគេនវត្តមុនីសុវណ្ណ ហៅ (វត្តចំពុះក្អែក) នាឱកាសនេះរួមមាន៖ អង្គរ៥តោន, មី១00កេសតូច,ត្រីខ២០កេស, ទឹកស៊ីអ៊ីវ៥០យយួរ, ទឹកត្រី៥០យូរ, ទឹកក្រូចចំរុះ៥០កេស, ទឹកសណ្តែក៤០កេស, មៀនកំប៉ុង៥កេស, ទឹកអ៊ិនសួរ២កន្ត្រក, ទឹកត្រជៀកកាំ២កន្ត្រក, កាហ្វេ២កន្ត្រកនិង៥កេស, អូរវ៉ាន់ទីន១0កេស, ទឹកដោះគោខាប់១0កេស, ស្ករស៥០គីឡូក្រាម, តែ៥គីឡូក្រាម, ទឹកបរិសុទ្ធអារុណា១00កេស, ត្រីងៀត១២គីឡូក្រាម, សាច់ក្រក១២គីឡូក្រាម។សូមបញ្ជាក់ថា ក្នុងឱកាសនៃពិធីបុណ្យចូលព្រះវស្សានេះដែរ សម្តេចតេជោ និង សម្តេចកិត្តិព្រឹទ្ធបណ្ឌិត ក៏បានប្រគេនទេយ្យទាន និងទៀនចំណាំព្រះវស្សា ដល់វត្តចំនួន២៦វត្តផ្សេងទៀតផងដែរ។ ដោយវត្តនីមួយៗ ប្រគេនទៀន សម្តេចតេជោ និង សម្តេចកិត្តិព្រឹទ្ធបណ្ឌិត១គូ, ទៀនមហាឧបាសិកា ប៊ុន ស៊ាងលី ១គូ, ទឹកសុទ្ធ១០កេស, ទឹកក្រូច៥កេស, ទឹកផ្លែឈើ៥កេស, មៀនកំប៉ុង២កេស, ទឹកដោះគោខាប់១កេស, មី១កេស, ធំត្រីខ១កេស, កាកាវ១កេស, តែ៥គីឡូក្រាម, ស្ករស១០គីឡូក្រាម, ត្រីងៀត១កន្ត្រក, សាច់ក្រក១កន្ត្រក, អង្ករ៥០គីឡូក្រាម, ប្រេងម៉ាស៊ូត១កាន=៣០លីត្រ, និងបច្ច័យ១លានរៀល។ កុសលផលបុណ្យដែលកើតឡើងពីសទ្ធាជ្រះថ្លា នៃការប្រគេនទៀនព្រះវស្សានាថ្ងៃនេះ សម្តេចព្រះមហាសុមេធាធិបតី កិត្តិបណ្ឌិត អំ លឹមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា និងព្រះសង្ឃគ្រប់ព្រះអង្គ ក្នុង វត្តមុនីសុវណ្ណ សូមឧទ្ទិសជូនវិញ្ញាណក្ខ័ន្ធបុព្វការីជន ក្នុងនោះមានវិញ្ញាណក្ខន្ធ មហាឧបាសក លីន គ្រី, វិញ្ញាណក្ខន្ធអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ជាបិតា មាតាបង្កើត សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, វិញ្ញាណក្ខន្ធអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និង មហាឧបាសិកា ឌី ប៉ុក បិតាមាតាបង្កើត សម្តេចអគ្គមហាសេនាបតីតេជោ ហ៊ុន សែន, ព្រមទាំងវិញ្ញាណក្ខន្ធ ញាតិការទាំង៧សណ្តាន ដែលបានចែកឋានទៅកាន់វរៈលោកខាងមុខហើយនោះ។ នៅកិច្ចបញ្ជាប់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំក្រុមគ្រួសារ និងថ្នាក់ដឹកនាំ កាកបាទក្រហមកម្ពុជា រួមជាមួយមន្ត្រីរាជការអមដំណើរទាំងអស់ ធ្វើពិធីព្រលែងសត្វចាប ដើម្បីបរវៀសឆ្ងាយនៅឧបទ្របទាំងឡាយ ទាំងពួង និង សូមឱ្យប្រជាជន និងប្រទេសកម្ពុជាទាំងមូល ជួបប្រទះតែសចក្តីសុខចម្រើនជារៀងរហូត៕អត្ថបទ៖ សំ ងីម

ក្រសួងពាណិជ្ជកម្មអំពាវនាវផលិតករត្រូវផលិតទំនិញឱ្យមានគុណភាព ដើម្បីបង្កើនទំនុកចិត្តដល់អ្នកប្រើប្រាស់

ភ្នំពេញ៖ បន្ទាប់ពីធ្វើការអំពាវនាវដល់អ្នកប្រើប្រាស់គ្រប់រូប បន្តគាំទ្រប្រើប្រាស់ផលិតផលក្នុងស្រុក ដើម្បីជួយលើកទឹកចិត្តដល់ផលិតករកម្ពុជា។ ក្រសួងពាណិជ្ជកម្ម បានជំរុញលើកទឹកចិត្តទៅដល់ផលិតករកម្ពុជា ត្រូវខិតខំផលិតទំនិញឱ្យមានគុណភាព សុវត្ថិភាព ស្តង់ដាអនាម័យ ព័ត៌មានផលិតផលគ្រប់គ្រាន់ ព្រមទាំងបិទកាលបរិច្ឆេទថ្ងៃផលិត និងថ្ងៃផុតកំណត់ប្រើប្រាស់ ដើម្បីបង្កើនទំនុកចិត្តដល់ប្រជាជនកម្ពុជា និងអ្នកទេសចរបរទេស ព្រមទាំងរួមចំណែកអភិវឌ្ឍន៍ប្រទេសជាតិ។សូមជំរាបជូនថា កាលពីទី៩ ខែកក្កដា ឆ្នាំ២០២៥កន្លងទៅ ក្រសួងពាណិជ្ជកម្ម សហការជាមួយរដ្ឋបាលខេត្តរតនគិរី បានរៀបចំសិក្ខាសាលាស្តីពី “ការកំណត់អត្តសញ្ញាណ និងការផ្សព្វផ្សាយផលិតផលសក្តានុពលកម្ពុជា” ដោយមានការអញ្ជើញចូលរួមពីមន្ទីរ អង្គភាពពាក់ព័ន្ធ សភាពាណិជ្ជកម្មកម្ពុជា ក្រុមហ៊ុន សហគ្រាស សហគមន៍ សមាគម ផលិតករ និងអាជីវករ ក្នុងខេត្តរតនគិរី ជាច្រើនរូប។ សិក្ខាសាលានេះ រៀបចំឡើងក្នុងគោលបំណង ដើម្បីចងក្រងអត្តសញ្ញាណ និងទិន្នន័យផលិតផលសក្តានុពលខេត្តរតគិរី ផ្សព្វផ្សាយឱ្យផលិតករ សាធារណជនបានស្គាល់កាន់តែទូលំទូលាយ ក្នុងការឈានចាប់យកចំណែកទីផ្សារក្នុងប្រទេស និងក្រៅប្រទេស សំដៅស្វែងរកអ្នកវិនិយោគ ដៃគូសហការ ដើម្បីអភិវឌ្ឍផលិតផលឱ្យឈានដល់ស្តង់ដារសម្រាប់ទីផ្សារក្នុងស្រុក និងក្រៅស្រុក ដោយគោរពតាមបទដ្ឋាននៃតម្រូវការទីផ្សារ៕

អតីតយុទ្ធជនគាំទ្រឱ្យមានច្បាប់ដកសញ្ជាតិក្រុមជ្រុលនិយមឃុបឃិតនឹងបរទេស

ស្វាយរៀង ៖ អតីតយុទ្ធជន នៅខេត្តស្វាយរៀង បានសម្ដែងការគាំទ្រវិសោធនកម្មធម្មនុញ្ញដកសញ្ជាតិជនជ្រុលនិយមនៅក្រៅប្រទេស ដែលឃុបឃិតនឹងបរទេស។អតីតយុទ្ធជនខេត្តស្វាយរៀង នៅថ្ងៃទី១១ ខែកក្កដា ឆ្នាំ២០២៥នេះ បានមប្រកាសគាំទ្រយ៉ាងពេញទំហឹងចំពោះការធ្វើវិសោធនកម្មច្បាប់ដកសញ្ជាតិពួកជ្រុលនិយមក្រៅប្រទេសដើម្បីការពារប្រយោជន៍ជាតិ ខណៈក្រុមនេះ គ្មានបេះដូងជាតិនិយម តែបែរទៅឃុបឃិតជាមួយបរទេសចង់មកបំផ្លាញជាតិខ្លួនវិញ ពិសេសក្នុងពេលកម្ពុជាកំពុងមានបញ្ហាជម្លោះព្រំដែនជាមួយថៃ។តំណាងអតីតយុទ្ធជន បានបញ្ជាក់ថាការដែលសម្ដេចតេជោ ស្នើឱ្យរាជរដ្ឋាភិបាលធ្វើកំណែច្បាប់ដកសញ្ជាត្តិ ពួកជ្រុលនិយម ពិតជាត្រឹមត្រូវ ពីព្រោះពួកជ្រុលនិយម មិនដែលមើលឃើញរាល់ទង្វើរបស់រាជរដ្ឋាភិបាលធ្វើអ្វីល្អម្តងណានោះទេ ហើយពួកនេះតែងតែ ធ្វើការ រិះគន់មកលើការដឹកនាំរបស់រាជរដ្ឋាបាល ហើយពិសេសពួកនេះ តែងតែដើរញុះញង់ដល់ប្រទេសនានាឲ្យផ្អាកការធ្វើវិនិយោគក៏ដូចជាទំនាក់ទំនងការទូតជាមួយនឹងកម្ពុជាផងដែរ ដែលក្នុងន័យនេះ គឺគ្មានស្មារតីស្នេហាជាតិ គិតពីជាតិនោះទេ ៕អត្ថបទៈ ភា សារិត

មេពូជត្រី និងកូនត្រីជាង៣៥,០០០ក្បាល ត្រូវបានប្រលែងក្នុងទិវាមច្ឆជាតិ ១កក្កដា ឆ្នាំ២០២៥ នៅខេត្តព្រះវិហារ

រដ្ឋបាលខេត្តព្រះវិហារ រៀបចំពិធីប្រលែងកូនត្រី និងត្រីមេពូជ ជាង៣៥,០០០ក្បាល ចូលទៅក្នុងស្រះធម្មជាតិ ដើម្បីបង្កើនធនធានជលផលឡើងវិញ ក្នុងឱកាសអបអរសាទរ «ទិវាមច្ឆាជាតិ ០១កក្កដា» ឆ្នាំ២០២៥។ ពិធីនេះត្រូវបានធ្វើឡើងនៅបរិវេណវត្តពោធិ៍ ៥០០០ដើម ស្ថិតនៅភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារក្រោមអធិបតីភាពឯកឧត្តម គីម រិទ្ធី អភិបាល នៃគណៈអភិបាល ដោយមានការអញ្ជើញចូលរួមពី ឯកឧត្តម ខូយ ខុនហ៊ សមាជិកក្រុមប្រឹក្សាខេត្ត ព្រមទាំងលោក លោកស្រី អភិបាលរងខេត្ត ប្រធានមន្ទីរអង្គភាពជុំវិញខេត្ត កងកម្លាំងទាំងបី អាជ្ញាធរមូលដ្ឋាន និងបងប្អូនប្រជាពលរដ្ឋយ៉ាងច្រើនកុះករ។ក្នុង ឱកាសនោះ ឯកឧត្តម គីម រិទ្ធី បានឱ្យដឹងថា រាជរដ្ឋាភិបាលកម្ពុជាបានកំណត់យកថ្ងៃទី១ ខែកក្កដា ជារៀងរាល់ឆ្នាំ ដើម្បីរៀបចំប្រារព្ធទិវាមច្ឆជាតិនេះឡើងក្នុងគោលបំណង ដើម្បីផ្សព្វផ្សាយ និងបំផុសស្មារតីឱ្យគ្រប់តួអង្គពាក់ព័ន្ធ ជាពិសេស ប្រជាពលរដ្ឋ និងប្រជានេសាទមូលដ្ឋាន ចូលរួមការពារ និងអភិរក្សធនធានជលផលធម្មជាតិឱ្យស្ថិតស្ថេរគង់វង្សសម្រាប់កូនចៅជំនាន់ក្រោយរបស់យើង ហើយថ្ងៃទី០១ ខែកក្កដានេះ ក៏ជាថ្ងៃក្នុងរយៈពេលបិទនេសាទទូទាំងប្រទេសដែរ ចាប់ពីដើមខែមិថុនា ដល់ចុងខែតុលា ដើម្បីឱ្យពពួកមច្ឆា មេត្រីបានពងកូនបន្តពូជ សម្រាប់ឆ្នាំក្រោយៗទៀត។ឯកឧត្តម បានបន្តថា តាមរយៈរបាយការណ៍របស់ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារគឺពិតជាបានឆ្លុះបញ្ចាំងឱ្យឃើញនូវលទ្ធផល ដ៏ល្អប្រសើរនៃការគ្រប់គ្រង និងការអភិរក្សធនធានជលផល ធម្មជាតិ អំពីសារៈប្រយោជន៍ នៃការប្រារព្ធទិវាមច្ឆាជាតិនេះ ជាពិសេសគឺ លទ្ធផលការងារសម្រេចបានជាច្រើនគួរជាទីកត់សម្គាល់។ជាមួយគ្នានេះឯកឧត្តមក៏បានអំពាវនាវដល់ថ្នាក់ដឹកនាំមន្ទីរជំនាញ អាជ្ញាធរ កងកម្លាំងមានសមត្ថកិច្ច វិស័យឯកជន និងអង្គការដៃគូរអភិវឌ្ឍន៍នានា និងបងប្អូនប្រជាពលរដ្ឋយកចិត្តទុកដាក់ និងចូលរួមអនុវត្តនូវវិធានការ ដូចជាត្រូវចាត់វិធានការឱ្យបានតឹងរឹងបំផុតបន្ថែមទៀត ចំពោះការទប់ស្កាត់បង្ក្រាបបទល្មើសនេសាទដោយប្រើប្រាស់ឧបករណ៍ នេសាទខុសច្បាប់ដូចជា ឧបករណ៍ឆក់ ឧបករណ៍ស្បៃមុង ថ្មស្អុយគ្រឿងផ្ទុះ ជាពិសេសការចាប់ត្រីក្នុងរដូវហាមឃាត់ គឺរដូវត្រីពង ឬនៅតំបន់ត្រីពងជាដើម និងបន្តចូលរួមបំផុសចលនាប្រលែងត្រីនេះ នៅគ្រប់កន្លែង តាមមូលដ្ឋាន ដើម្បីឱ្យក្លាយទៅជាប្រពៃណីប្រលែងត្រី បង្កើន ស្មារតីអភិរក្សជលផល ក៏ដូចជាការបង្កើនផលត្រី សំដៅរួមចំណែករក្សាសន្តិសុខស្បៀង លើកកម្ពស់ជីវភាពប្រជាពលរដ្ឋ កាត់បន្ថយភាពក្រីក្រ និងទ្រទ្រង់កំណើនសេដ្ឋកិច្ច ដោយរក្សាបាននូវតុល្យភាព រវាងការអភិរក្ស និងការអភិវឌ្ឍ ជាពិសេសសុំឱ្យបងប្អូនប្រជាពលរដ្ឋ អាជ្ញាធរ និងកងកម្លាំងមានសមត្ថកិច្ចទាំងអស់ ចូលរួមការពារមេពូជត្រី និងកូនត្រី ដែលប្រលែងក្នុងឱកាសនេះ ឱ្យបានស្ថិតស្ថេរគង់វង្ស និងបន្តពូជកើនឡើងសម្រាប់កូនចៅយើងជំនាន់ ក្រោយៗទៀត៕

គណៈកម្មាធិការអចិន្ត្រៃយ៍ព្រឹទ្ធសភាបញ្ជូនសេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣ទៅគណៈកម្មការនីតិកម្ម និងយុត្តិធម៌ ពិនិត្យ និងផ្តល់យោបល់

ភ្នំពេញ ៖ នៅរសៀលថ្ងៃសុក្រ ទី១១ ខែកក្កដា ឆ្នាំ២០២៥នេះ នៅវិមានព្រឹទ្ធសភា គណៈកម្មាធិការអចិន្ត្រៃយ៍ព្រឹទ្ធសភានីតិកាលទី៥ បានរៀបចំកិច្ចប្រជុំក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដើម្បីពិនិត្យសំណើរបស់រដ្ឋសភា សុំពិនិត្យហើយឱ្យយោបល់លើសេចក្តីស្នើច្បាប់ធម្មនុញ្ញ ស្តីពីវិសោធនកម្មមាត្រា៣៣ នៃរដ្ឋធម្មនុញ្ញនៃព្រះរាជាណាចក្រកម្ពុជា។បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភាបានសម្រេច បញ្ជូនសេចក្តីស្នើច្បាប់ធម្មនុញ្ញ ស្តីពីវិសោធនកម្មមាត្រា៣៣ នៃរដ្ឋធម្មនុញ្ញនៃព្រះរាជាណាចក្រកម្ពុជា ទៅគណៈកម្មការនីតិកម្ម និងយុត្តិធម៌ នៃព្រឹទ្ធសភា ដើម្បីពិនិត្យសិក្សា និងផ្តល់យោបល់។ សូមជម្រាបថា រដ្ឋសភានៃព្រះរាជាណាចក្រកម្ពុជា នៅក្នុងសម័យប្រជុំលើកទី៤ នីតិកាលទី៧ ក្រោមអធិបតីភាពដ៏ខ្ពង់ខ្ពស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងមានវត្តមានសមាជិកសមាជិកា ១២៥ រូប នៅព្រឹកថ្ងៃទី១១ ខែកក្កដា ឆ្នាំ២០២៥នេះ បានសម្រេចអនុម័តជាឯកច្ឆន្ទដោយសំឡេងគាំ ទ្រ១២៥លើ១២៥សំឡេង នៃសមាជិករដ្ឋសភាទាំងអស់ លើសេចក្តីព្រាងច្បាប់រដ្ឋធម្មនុញ្ញធ្វើវិសោធនកម្ម មាត្រា ៣៣ នៃរដ្ឋធម្មនុញ្ញនៃព្រះរាជាណាចក្រកម្ពុជា។ ការធ្វើវិសោធនកម្មច្បាប់នេះ គឺដើម្បីបើកផ្លូវអនុញ្ញាតឱ្យមានការរៀបចំក្របខណ្ឌច្បាប់ សម្រាប់ដកសញ្ជាតិខ្មែរពីប្រជាពលរដ្ឋខ្មែរណា ដែលបានប្រព្រឹត្តអំពើក្បត់ជាតិ ឬការធ្វើសកម្មភាពប៉ះពាល់ធ្ងន់ធ្ងរដល់ផលប្រយោជន៍នៃព្រះរាជាណាចក្រកម្ពុជា និងប្រជាពលរដ្ឋខ្មែរដោយឃុបឃិត ជាមួយបរទេស។ ការធ្វើវិសោធនកម្មមាត្រា៣៣នៃរដ្ឋធម្មនុញ្ញក៏នឹងរួមចំណែកយ៉ាងសំខាន់ក្នុងការប្រឆាំងនឹងការជ្រៀតជ្រែកពីខាងក្រៅចូលមកក្នុងកិច្ចការផ្ទៃក្នុងរបស់កម្ពុជា ពិសេសការប្រឆាំងនឹងអំពើក្បត់ជាតិ និងអំពើឃុបឃិតគ្នាជាមួយបរទេសដែលនឹងធ្វើឱ្យប៉ះពាល់ធ្ងន់ធ្ងរដល់វិស័យសន្តិសុខជាតិ សេចក្ដីសុខសាន្តរបស់ប្រជាជន និងឧត្តមប្រយោជន៍របស់ប្រទេសជាតិ។សូមបញ្ជាក់ថា សេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជាមានពីរមាត្រា។ មាត្រា៣៣ នៃរដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានធ្វើវិសោធនកម្ម ដូចតទៅ៖«ប្រជាពលរដ្ឋខ្មែរមិនត្រូវបាននិរទេស ឬចាប់បញ្ជូនខ្លួនទៅឱ្យប្រទេសក្រៅណាមួយឡើយលើកលែងតែមានកិច្ចព្រមព្រៀងជាមួយគ្នាទៅវិញទៅមក។ ប្រជាពលរដ្ឋខ្មែរដែលកំពុងរស់នៅឯបរទេសត្រូវបានរដ្ឋគំាពារ។ ការទទួលសញ្ជាតិខ្មែរ និងការបាត់សញ្ជាតិខ្មែរ ដោយរួមទំាងការដកសញ្ជាតិខ្មែរត្រូវបានកំណត់ក្នុងច្បាប់។ សូមជម្រាបថា តំណាងរាស្រ្តហត្ថលេខីទំាង១២៥រូប ដែលស្មើនឹង ១០០% នៃតំណាងរាស្រ្តសរុបមកពីចម្រុះគណបក្សទំាងអស់មានអាសនៈក្នុងរដ្ឋសភា និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាបានដាក់សំណើជូនរដ្ឋសភា ដើម្បីធ្វើវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា៕អត្ថបទ៖ វ៉ន ដារ់ា

ផ្ទះទេវតា១ខ្នងជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានលោកជំទាវ ហ៊ុន ម៉ាណា ប្រគល់ជូនប្រជាពលរដ្ឋនៅខេត្តកំពង់ចាម

នៅព្រឹកថ្ងៃសុក្រ ទី១១ ខែកក្កដា ឆ្នាំ២០២៥ លោកជំទាវ ហ៊ុន ម៉ាណា អគ្គនាយិកាវិទ្យុ-ទូរទស្សន៍បាយ័ន បានអញ្ជើញប្រគល់អំណោយផ្ទះទេវតា១ខ្នងជូន ដល់ប្រជាពលរដ្ឋខ្វះខាតជីវភាព ១គ្រួសារ នៅស្រុកកំពង់សៀម ខេត្តកំពង់ចាម ។ អំណោយផ្ទះទេវតានេះ ត្រូវបានប្រគល់ជូនបងប្អូនកំព្រា ០៣នាក់បងប្អូន ដោយត្រូវឪពុកម្ដាយស្លាប់ចោលដោយសារជំងឺ ក្នុងនោះរួមមាន៖ ប្អូនប្រុស យ៉ុន ម៉េងយាត អាយុ២៦ឆ្នាំ(កូនច្បង) មានគ្រួសារ និងកូន២នាក់,ក្មួយស្រី យ៉ុន ឡៃអ៊ី អាយុ១២ឆ្នាំ (កូនទី២) និងក្មួយប្រុស យ៉ុន ម៉េងយិត អាយុ៩ឆ្នាំ(កូនទី៣) រស់នៅភូមិអូរឈ្លើង ឃុំកោះរកា ស្រុកកំពង់សៀម ខេត្តកំពង់ចាម ។ ក្នុងឱកាសនេះ លោកជំទាវ ហ៊ុន ម៉ាណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលជានិច្ចកាលលោកតែងគិតគូរពីសុខទុក្ខដល់ប្រជាពលរដ្ឋគ្រប់ទីកន្លែង និងគ្រប់ពេលវេលា។ បន្ថែមលើអំណោយផ្ទះខាងលើ លោកជំទាវ ក៏បានផ្តល់នូវអណ្តូងទឹកស្អាត និងបំពាក់ភ្លើងសូឡានៅមុខផ្ទះអោយផងដែរ។ លោកជំទាវក៏បាននាំយកនូវអំណោយសម្តេចតេជោ និងសម្តេចកិត្តិព្រឹទ្ធបណ្ឌិតបន្ថែមមួយចំនួនទៀតផងដែរ រួមមាន ៖ អង្ករ១០០គីឡូក្រាម, ត្រីខ១កេស, មីចំនួន៥កេស, ទឹកដោះគោខាប់ ១កេស, ពួក១, ប្រេងកូឡូ១ប្រអប់ធំ, ប្រេងខ្យល់១ប្រអប់ធំ ,ចានដែក១, ឆ្នាំងតូច១, ឆ្នាំងធំ១, ខ្ទះឆា១, វែងឆា១, វែងបាយ១, វែងសំឡ១, ស្លាបព្រា និងសម១ឡូ, កំសៀវ១, ចានបាយចំនួន៥, ចានសម្លចំនួន៥, តែ ១ គីឡូក្រាម , ខ្នើយចំនួន២, មុងចំនួន២, ភួយចំនួន២, កន្ទេលចំនួន២, ស្ករសចំនួន៥គីឡូក្រាមទឹកស៊ីអ៊ីវចំនួន៣យួរ, វិទ្យុ FM១គ្រឿង, ថ្មដាក់វិទ្យុចំនួន២ ស្បែកជើងចំនួន២គូរ, ថ្នាំនឹងច្រាសដុសធ្មេញចំនួន៥ឈុត, សាប៊ូដុំចំនួន១២ដុំតូច, ថ្នាំពេទ្យចំនួន៥ប្រអប់តូច, ខោអាវចំនួន២កំប្លេរ និងថវិកាចំនួន ៥០ម៉ឺនរៀល ព្រមទាំងអំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត ជាឃីត (កញ្ចប់ៗ) មានជាសម្ភារៈប្រើប្រាស់ សំលៀកបំពាក់ និងថវិកា ចែកជូនលោកយាយ លោកតាដែលបានចូលរួមនាឱកាសនោះ។ ក្រោយចប់ពិធីប្រគល់ផ្ទះទេវតា លោកជំទាវក៏បានអញ្ជើញធ្វើដំណើរមកកាន់វត្តព្រះធាតុមានជ័យរតនារាម ស្ថិតនៅភូមិដំបងដែក ឃុំកោះរកា ស្រុកកំពង់សៀម ខេត្តកំពង់ចាម ដើម្បីនាំយកនូវបច្ច័យមួយចំនួនមកចូលបុណ្យ(ចូលព្រះវស្សា) និងចែកអំណោយដល់លោកយាយ លោកតា ដែលបានចូលរួមពិធីបុណ្យចូលព្រះវស្សាប្រកបដោយសទ្ធាជ្រះថ្លានាឱកាសនេះផងដែរ៕

អ្នកស្ម័គ្រចិត្តជាងពីររយអង្គ/នាក់ រួមគ្នាសម្អាតទន្លេបាសាក់នៅក្រុងតាខ្មៅ ខេត្តកណ្តាល

អង្គការសំអាតទន្លេសមុទ្រ(ROC) និងក្រុមហ៊ុន River Cleanup Belgium (RCB) នៅព្រឹកថ្ងៃទី១១ខែកក្កដានេះ បានសហការជាមួយអាជ្ញាធរក្រុងតាខ្មៅ និងមន្ទីបរិស្ថានខេត្តកណ្តាល រៀបចំកម្មវិធីសម្អាតសំណល់ប្លាស្ទិកក្រោមស្ពានព្រែកសំរោង ស្ថិតនៅសង្កាត់តាខ្មៅ ខេត្តកណ្តាល។ ការសម្អាតនេះ មានអ្នកស្ម័គ្រចិត្តចូលរួមជាង២០០នាក់/អង្គ មានទាំងព្រះសង្ឃ យុវជនសហភាពសហព័ន្ធយុវជនកម្ពុជា សិស្សានុសិស្ស មន្ត្រីរាជការ និងអាជ្ញាធរមូលដ្ឋានផងដែរ។បើតាមលោក ហុង គីបូរ៉ា ប្រធានបេសកកម្មនៃអង្គការសំអាតទន្លេ សមុទ្រ បានប្រាប់BTVឱ្យដឹងថា ការៀបចំកម្មវិធីនេះ ធ្វើឡើងក្នុងគោលបំណងប្រមូលសំរាមនៅទន្លបាសាក់ ដើម្បីលើកកម្ពស់សោភ័ណបរិស្ថានទន្លេឱ្យបានស្អាត និងជាការដាស់តឿនដល់ប្រជាពលរដ្ឋចូលរួមទុកដាក់សំរាមឱ្យបានត្រឹមត្រូវ។លោក Thomas De Groote ស្ថាបនិកនៃ River Cleanup Belgium (RCB ) បានលើកឡើងដែរថា មធ្យោបាយដ៏មានប្រសិទ្ធភាព និងមានប្រសិទ្ធភាពបំផុតក្នុងការសម្អាតទន្លេ គឺការបញ្ឈប់ការចោលប្លាស្ទិកទៅក្នុងកន្លែងដំបូង។ ដូច្នេះហើយបានជាយើងផ្តោតលើការសម្អាតសំណល់ប្លាស្ទិកតាមមាត់ទន្លេមុនពេលវាហូរចូលផ្លូវទឹក។លោក ពៅ សោម៉ាណាក់ ប្រធានមន្ទីរបរិស្ថានខេត្តកណ្តាល បានកោតសរសើរចំពោះសកម្មភាពសម្អាតទន្លេក្នុងពេលនេះដោយបានចូលរួមចំណែកដោយផ្ទាល់ដល់យុទ្ធសាស្រ្តចក្រារបស់ក្រសួងបរិស្ថានគឺ« ស្អាត បៃតង និងចីរភាព»។ លើសពីនេះ លោកបានបន្តគាំទ្រចំពោះអង្គការសំអាតទន្លេ សមុទ្រ និង អង្គការសំអាតទន្លេ ប្រទេសបែលហ្សិក (River Cleanup) ក្នុងការរក្សាទន្លេមេគង្គ ទន្លេសាប និងទន្លេបាសាក់ គ្មានប្លាស្ទិក។ ជាមួយគ្នានេះ អ្នកចូលរួមបានប្តេជ្ញាចូលរួមថែរក្សាបរិស្ថានឱ្យបានស្អាត ដោយទុកដាក់សំរាមឱ្យបានត្រឹមត្រូវ។តាមការសង្កេតប្រជាពលរដ្ឋនៅក្នុងប្រទេសកម្ពុជាភាគច្រើន បានយល់ដឹងពីការទុកដាក់សំរាមបានត្រឹមត្រូវ និងបានចូលរួមកាត់បន្ថយការប្រើប្រាស់ថង់ប្លាស្ទិក បន្ទាប់ពីរាជរដ្ឋាភិបាល ដែលមានក្រសួងបរិស្ថានជាសេធិការ និងដៃគូពាក់ព័ន្ធនានាបានអប់រំ និងផ្សព្វផ្សាយពីផលប៉ះពាល់នៃសំរាមគ្រប់ប្រភេទ៕ អត្ថបទ៖ទូច សោភ័ណ

អាជ្ញាធរខណ្ឌ៧មករា ចុះផ្អាកការដ្ឋានសំណង់ខាងក្រោយ របស់ភោជនីយដ្ឋាន ថ្មដា សង់រំលោភលំហ ផ្លូវសាធារណៈ

ភ្នំពេញ៖ អាជ្ញាធរខណ្ឌ៧មករា បានដឹកនាំមន្រ្តីជំនាញពាក់ព័ន្ធ ចុះត្រួតពិនិត្យ និងណែនាំធ្វើកិច្ចសន្យា ក្រោយការដ្ឋានសំណង់មួយកន្លែងផ្នែកខាងក្រោយរបស់ ភោជនីយដ្ឋាន ថ្មដា បានបណ្ដុះសរសៃដែករំលោភលើលំហ ផ្លូវសាធារណៈ ធ្វើឲ្យប៉ះពាល់ដល់សណ្ដាប់ធ្នាប់សាធារណៈ និងសោភ័ណភាព។ប្រតិបត្តិការចុះត្រួតពិនិត្យនិងធ្វើកិច្ចសន្យានេះ បានធ្វើឡើងចំនួន០២លើក កាលពីរសៀលថ្ងៃទី០៩ និងព្រឹកថ្ងៃទី១០ ខែកក្កដា ឆ្នាំ២០២៥ ដោយមានការណែនាំពីលោក ថេង សុថុល អភិបាលខណ្ឌ៧មករា ចាត់ឲ្យលោក ណុប វណ្ណា នាយករងរដ្ឋបាល ដឹកនាំជំនាញពាក់ព័ន្ធ ប្រធានការិយាល័យរៀបចំដែនដីខណ្ឌ ចៅសង្កាត់ មេភូមិ និងមន្រ្តីជំនាញ ចុះផ្ទាល់មើលការដ្ឋាននោះ។ក្នុងការចុះត្រួតពិនិត្យនេះដែរ មន្ត្រីជំនាញបានពិនិត្យឃើញជាក់ស្ដែង ដោយម្ចាស់សំណង់របស់ភោជនីយដ្ឋានថ្មដា បានបណ្ដុះសរសៃដែកធ្នឹមមកលើលំហផ្លូវសាធារណៈ បណ្ដោយ១៣ម៉ែត្រនិងទទឹង ១ម៉ែត្រ ៦តឹក ហើយម្ចាស់ការដ្ឋានបានសាងសង់ដោយពុំមានលិខិតអនុញ្ញាតសាងសង់ឡើយ។ មន្រ្តីជំនាញនៃការិយាល័យរៀបចំដែនដីខណ្ឌ៧មករា បានបញ្ជាក់ថា ក្រោយពិនិត្យឃើញការរំលោភ និងសាងសង់គ្មានលិខិតអនុញ្ញាតបែបនេះមន្ត្រីជំនាញបានផ្អាកការសាងសង់ជាបណ្ដោះអាសន្ន ហើយម្ចាស់សំណង់ត្រូវសុំច្បាប់អនុញ្ញាតសាងសង់នៅសាលាខណ្ឌឲ្យបានត្រឹមត្រូវ។ បន្ថែមទៀតនោះ ម្ចាស់សំណង់ត្រូវផ្អាកការងារចាក់បេតុងវេរ៉ងដា និងត្រូវកាត់សរសៃដែកដែលបណ្ដុះចេញមករំលោភលំហផ្លូវសាធារណៈនេះចេញជាដាច់ខាត់។អាជ្ញាធរបញ្ជាក់ថា ក្នុងករណីម្ចាស់ការដ្ឋានសំណង់មិនអនុវត្តតាមការណែនាំ និងកិច្ចសន្យារបស់រដ្ឋបាលខណ្ឌ ហើយនៅតែបន្តសាងសង់ឬជួលជុល នោះរដ្ឋបាលខណ្ឌនិងចាត់វិធានការរដ្ឋបាល រាល់ការខូចខាតឬបាត់បង់សម្ភារៈ មិនទទួលខុសត្រូវឡើយ៕ អត្ថបទ៖ កុម្ភៈ

សហជីពសង្ឃឹមថា ការចរចាប្រាក់ឈ្នួលអប្បបរមាសម្រាប់កម្មករឆ្នាំនេះបន្តទទួលសញ្ញាវិជ្ជមានដូចឆ្នាំកន្លងទៅ

ភ្នំពេញ៖ យោងតាមច្បាប់ស្តីពីប្រាក់ឈ្នួលអប្បបរមា កិច្ចប្រជុំចរចាប្រាក់ឈ្នួលអប្បបរមារបស់កម្មករនិយោជិតក្នុងវិស័យឧស្សាហកម្មកាត់ដេរ នឹងចាប់ផ្តើមបើកដំណើរពីខែកក្កដាតទៅ។ ជាមួយនេះ ភាគីសហជីព សង្ឃឹមទុកថា ការចរចាឆ្នាំនេះ អាចនឹងទទួលសញ្ញាវិជ្ជមានដូចជារៀងរាល់ឆ្នាំ ដោយសារជំនឿទុកចិត្ត និងជឿជាក់ជានិច្ចចំពោះការដឹកនាំរបស់រាជរដ្ឋាភិបាលកម្ពុជា ដែលតែងតែគិតគូរសុខទុក្ខប្រជាពលរដ្ឋ ក៏ដូចជាកម្មករ កម្មការិនីរោងចក្រ។នៅក្នុងបទសម្ភាសន៍ជាមួយព័ត៍មាន ប៊ីធីវី នៅព្រឹកថ្ងៃទី១១ ខែកក្កដានេះ លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC) បានមានប្រសាសន៍ឱ្យដឹងថា សម្រាប់កិច្ចប្រជុំចរចាដំឡើងប្រាក់ឈ្នួលអប្បបរមា គឺមានយន្តការជាត្រីភាគី គឺក្រុមប្រឹក្សាជាតិប្រាក់ឈ្នួល ក្នុងនោះភាគីរាជរដ្ឋាភិបាល ភាគីតំណាងនិយោជក និងភាគីសហជីព តំណាងឱ្យកម្មករនិយោជិត។ លោកបានបន្តថា ដូច្នេះកិច្ចប្រជុំនេះ នឹងធ្វើឡើងដោយផ្អែកទៅតាមលក្ខណវិនិច្ឆ័យបែបសង្គម និងសេដ្ឋកិច្ចទាំង៧ចំណុច ក្នុងនោះលក្ខណវិនិច្ឆ័យបែបសង្គម គឺផ្តោតទៅលើស្ថានភាពគ្រួសារ អាត្រាអតិផរណា និងការចំណាយក្នុងការរស់នៅ។ ដោយឡែក លក្ខណវិនិច្ឆ័យបែបសេដ្ឋកិច្ច គឺផ្តោតទៅលើផលិតភាព ភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ ក៏ដូចជាបន្ទាត់ភាពក្រីក្រ សម្រាប់ធ្វើជាមូលដ្ឋានក្នុងការពិភាក្សាប្រាក់ឈ្នួលអប្បបរមានៅកម្ពុជា។ ប៉ុន្តែ ទោះបីជាយ៉ាងណាក៏ដោយ លោកនៅតែសង្ឃឹមនិងជឿជាក់ក្នុងការពិភាក្សា ហើយនឹងខិតខំព្យាយាមប្រឹងប្រែងដើម្បីឱ្យទឡ្ហីករណ៍ណាមួយដើម្បីឱ្យមានការកើនឡើងប្រាក់ឈ្នួលអប្បបរមាជាបន្តបន្ទាប់។យោងតាមតួលេខចុងក្រោយរបស់ក្រសួងការងារ និងបណ្តុះបណ្តាលវិជ្ជាជីវៈ គិតត្រឹមរយៈពេល ៣ខែ ដើមឆ្នាំ២០២៥ ការនាំចេញផលិតផលសម្លៀកបំពាក់ ស្បែកជើង និងផលិតផលធ្វើដំណើរ និងការបូបរបស់កម្ពុជា មានទឹកប្រាក់ប្រមាណ ៣,៥ពាន់លានដុល្លារ ដែលបានកើនឡើង២០.១% បើប្រៀបធៀបរយៈពេលដូចគ្នាកាលពីឆ្នាំ២០២៤។ ក្នុងនោះទីផ្សារអាស៊ាន មានកំណើន ២៤% ខណៈដែលទីផ្សារសហភាពអឺរ៉ុបមានចំនួន ២០.៨% ដោយឡែក ទីផ្សារប្រទេសជប៉ុន ក៏មានកំណើន ១៩,៩% និងទីផ្សារសហរដ្ឋអាមេរិក ក៏មានការកើនឡើងជិត ២៥,៧%។សូមបញ្ជាក់ថាគិតត្រឹមឆ្នាំ២០២៥នេះ ប្រាក់ឈ្នួលអប្បរមារបស់កម្មករនិយោជិត មានចំនួន ២០៨ដុល្លារអាមេរិក ក្នុងមួយខែៗ។ សព្វថ្ងៃនេះ ក្រៅពីប្រាក់ឈ្នួលអប្បបរមា កម្មករនិយោជិតទទួលបានបន្ថែមនូវប្រាក់ប្រយោជន៍ផ្សេងៗទៀត ដូចជារង្វាន់ធ្វើការទៀងទាត់ ,ប្រាក់សោហ៊ុយធ្វើដំណើរ និងស្នាក់នៅ , ប្រាក់រង្វាន់អតីតភាពការងារ , ថ្លៃបាយធ្វើការថែមម៉ោង និងប្រាក់ឈ្នួលធ្វើការថែមម៉ោងជាមធ្យម។ ក្រៅពីនេះ កម្មករនិយោជិត ក៏ទទួលបានផលប្រយោជន៍ពីកម្មវិធីបេឡាជាតិសន្តិសុខសង្គម (ប.ស.ស) ផងដែរ ក្នុងករណីជាសមាជិក ប.ស.ស ដូចជា ផ្នែកថែទាំសុខភាព និងគ្រោះថ្នាក់ការងារ និងរបបប្រាក់សោធនជាដើម៕ អត្ថបទ ឈិត បូរ៉ាវី

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីពិចារណាផែនការវាយប្រហារប្រទេសសមាជិកអង្គការណាតូ ចេញពីបេឡារុស

សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត

មន្ត្រីជំនាញចុះពិនិត្យវឌ្ឍនភាពការអនុវត្តគម្រោង និងតម្រង់ទិសជំរុញផលិតកម្មដំណាំស្រូវខេត្តត្បូងឃ្មុំ

កម្ពុជាចូលរួមមហាសន្និបាតសុខភាពពិភពលោក លើកទី៧៩ (WHA79) នៅទីក្រុងហ្សឺណែវ ប្រទេសស្វីស

ព្រឹត្តិការណ៍ដង្ហែគោមឈូកព្រះពុទ្ធសាសនា «Lantern Parade/ Lotus Lantern Festival 2026» កណ្តាលទីក្រុងសេអ៊ូល សាធារណរដ្ឋកូរ៉េ

មេបញ្ជាការទី ២របស់ក្រុម ISIS ត្រូវបានសម្លាប់ ដោយកងកម្លាំងរបស់អាមេរិក និងនីហ្សេរីយ៉ា

អ៊ីរ៉ាក់នាំចេញប្រេងត្រឹម ១០លានបារ៉ែលប៉ុណ្ណោះតាមច្រកសមុទ្រ Hormuz អំឡុងខែមេសា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញប្រគេនទៀនវស្សាដល់វត្តមុនីសុវណ្ណ

ក្រសួងពាណិជ្ជកម្មអំពាវនាវផលិតករត្រូវផលិតទំនិញឱ្យមានគុណភាព ដើម្បីបង្កើនទំនុកចិត្តដល់អ្នកប្រើប្រាស់

អតីតយុទ្ធជនគាំទ្រឱ្យមានច្បាប់ដកសញ្ជាតិក្រុមជ្រុលនិយមឃុបឃិតនឹងបរទេស

មេពូជត្រី និងកូនត្រីជាង៣៥,០០០ក្បាល ត្រូវបានប្រលែងក្នុងទិវាមច្ឆជាតិ ១កក្កដា ឆ្នាំ២០២៥ នៅខេត្តព្រះវិហារ

អ្នកស្ម័គ្រចិត្តជាងពីររយអង្គ/នាក់ រួមគ្នាសម្អាតទន្លេបាសាក់នៅក្រុងតាខ្មៅ ខេត្តកណ្តាល

អាជ្ញាធរខណ្ឌ៧មករា ចុះផ្អាកការដ្ឋានសំណង់ខាងក្រោយ របស់ភោជនីយដ្ឋាន ថ្មដា សង់រំលោភលំហ ផ្លូវសាធារណៈ

សហជីពសង្ឃឹមថា ការចរចាប្រាក់ឈ្នួលអប្បបរមាសម្រាប់កម្មករឆ្នាំនេះបន្តទទួលសញ្ញាវិជ្ជមានដូចឆ្នាំកន្លងទៅ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញប្រគេនទៀនវស្សាដល់វត្តមុនីសុវណ្ណ

ក្រសួងពាណិជ្ជកម្មអំពាវនាវផលិតករត្រូវផលិតទំនិញឱ្យមានគុណភាព ដើម្បីបង្កើនទំនុកចិត្តដល់អ្នកប្រើប្រាស់

អតីតយុទ្ធជនគាំទ្រឱ្យមានច្បាប់ដកសញ្ជាតិក្រុមជ្រុលនិយមឃុបឃិតនឹងបរទេស

មេពូជត្រី និងកូនត្រីជាង៣៥,០០០ក្បាល ត្រូវបាន​ប្រលែង​ក្នុងទិវាមច្ឆជាតិ ១កក្កដា ឆ្នាំ២០២៥ នៅខេត្តព្រះវិហារ

អ្នកស្ម័គ្រចិត្តជាងពីររយអង្គ/នាក់ រួមគ្នាសម្អាតទន្លេបាសាក់នៅក្រុងតាខ្មៅ ខេត្តកណ្តាល

អាជ្ញាធរខណ្ឌ៧មករា ចុះផ្អាកការដ្ឋានសំណង់ខាងក្រោយ របស់ភោជនីយដ្ឋាន ថ្មដា សង់​រំលោភ​លំហ ផ្លូវសាធារណៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេពូជត្រី និងកូនត្រីជាង៣៥,០០០ក្បាល ត្រូវបានប្រលែងក្នុងទិវាមច្ឆជាតិ ១កក្កដា ឆ្នាំ២០២៥ នៅខេត្តព្រះវិហារ

អាជ្ញាធរខណ្ឌ៧មករា ចុះផ្អាកការដ្ឋានសំណង់ខាងក្រោយ របស់ភោជនីយដ្ឋាន ថ្មដា សង់រំលោភលំហ ផ្លូវសាធារណៈ