នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ប្រកាសទទួលរ៉ាប់រងក្នុង ជួយព្យាបាលទាំងស្រុងអ្នកគ្រូបង្រៀនម្នាក់ដែលមានជំងឺតម្រង់នោមដំណាក់កាលចុងក្រោយ
AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ឃុំអូរបីជាន់
សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត
រដ្ឋបាលខេត្តកែបទទួលស្វាគមន៍ដំណើរទស្សនកិច្ចរបស់ឯកអគ្គរដ្ឋទូតចិនប្រចាំកម្ពុជា

ព័ត៌មានជាតិ

ឯកឧត្តម ហ៊ុន ម៉ានី បំផុសចលនាបរិស្ថានតាមរយៈការជំរុញឱ្យពលរដ្ឋ កងកម្លាំង មន្ត្រីរាជការ សិស្ស និស្សិត ចូលរួមដាំកូនឈើទាំងអស់គ្នាចាប់ផ្តើមពីក្នុងភូមិសាស្ត្រខេត្តកំពង់ស្ពឺ

2025/07/06 03:12:05 pm        331
Facebook Telegram Linkin
កំពង់ស្ពឺ៖ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានអញ្ជើញប្រគល់កូនឈើជានិមិត្តរូប ជូនដល់អភិបាលក្រុង ស្រុក ចំនួន៣ នៃខេត្តកំពង់ស្ពឺ ដើម្បីដាំលម្អសងខាងដងផ្លូវជាតិលេខ៤ ពីព្រំប្រទល់ខេត្តកណ្តាល រហូតដល់ព្រំប្រទល់ខេត្តព្រះសីហនុ លើប្រវែងផ្លូវប្រមាណ ៨១គីឡូម៉ែត្រ ក្នុងភូមិសាស្ត្រខេត្តកំពង់ស្ពឺ ដែលដើមឈើទាំងអស់ ជាប្រភេទកូនឈើ ចាន់គិរី ចំនួន ១៦,០០០ដើម។ការប្រគល់កូនឈើនេះ ធ្វើឡើងនាព្រឹកថ្ងៃទី៦ ខែកក្កដា ឆ្នាំ២០២៥ ក្នុងពិធី «ដាំកូនឈើតាមបណ្តោយផ្លូវជាតិលេខ៤ ក្នុងភូមិសាស្ត្រខេត្តកំពង់ស្ពឺ» ក្នុងគោលបំណង ដើម្បីបំផុសចលនាប្រជាពលរដ្ឋ កងកម្លាំងប្រដាប់អាវុធ មន្ត្រីរាជការគ្រប់ជាន់ថ្នាក់ សិស្ស និស្សិត ឱ្យចូលរួមយុទ្ធនាការសម្អាតបរិស្ថាន ស្របតាមផែនការយុទ្ធសាស្ត្ររបស់ក្រសួងបរិស្ថាន ដែលបានដាក់ចេញនូវយុទ្ធសាស្រ្តចក្រាវិស័យបរិស្ថាន ឆ្នាំ២០២៣-២០២៨ សំដៅលើ «ភាពស្អាត ភាពបៃតង និងចីរភាព» និងដើម្បីបណ្តុះផ្នត់គំនិតឱ្យកាន់តែស្រលាញ់ដើមឈើ តាមរយៈការបង្កើនការយល់ដឹងអំពីអត្ថប្រយោជន៍នៃព្រៃឈើ និងជាការចូលរួមដោយផ្ទាល់ក្នុងការដាំដើមឈើជាដើម។នៅក្នុងពិធីចែកកូនឈើជានិមិត្តរូបនេះ ឯកឧត្តមឧបនាយករដ្ឋមន្ត្រី ហ៊ុន ម៉ានី បានមានប្រសាសន៍ថា "សម្រាប់ការរៀបចំកម្មវិធីដាំកូនឈើនាពេលនេះ គឺជាការបង្ហាញអំពីសុឆន្ទៈ និងការប្តេជ្ញាចិត្តរបស់យើងទាំងអស់គ្នា ក្នុងការចូលរួមចំណែកជាមួយរាជរដ្ឋាភិបាល ដើម្បីដោះស្រាយការប្រែប្រួលអាកាសធាតុ បញ្ហាបរិស្ថានជាសកល ក្នុងនាមកម្ពុជា ជាប្រទេសមួយនៃសហគមន៍អន្តរជាតិ និងដើម្បីជំរុញឱ្យកម្ពុជា សម្បូរទៅដោយភាពបៃតង និង បង្កើនសោភ័ណ្ឌភាពនៅតាមដងវិថីផ្លូវជាតិលេខ៤ ឱ្យកាន់តែមានភាពស្រស់ស្អាត។ ជាពិសេស ជាឱកាសក្នុងការបង្ហាញនូវមនោសញ្ចេតនា និងស្មារតីរួមគ្នា ជាធ្លុងមួយ រួមគ្នាដើម្បីកំពង់ស្ពឺទាំងអស់គ្នាផងដែរ។ "ឯកឧត្តមឧបនាយករដ្ឋមន្ត្រី បានយកឱកាសនេះថ្លែងអំណរគុណដល់អាជ្ញាធរ និងភាគីពាក់ព័ន្ធទាំងអស់ ដែលរៀបចំកម្មវិធីនេះឡើង ដោយជឿជាក់ថា កម្មវិធីដាំកូនឈើនេះ បានផ្តល់ជាឱកាសដ៏ល្អ សម្រាប់ឱ្យយើងទាំងអស់គ្នា បានស្វែងយល់បន្ថែម អំពីសារៈសំខាន់របស់ព្រៃឈើ ធនធានធម្មជាតិ សម្រាប់ការរក្សាលំនឹងបរិស្ថាន និងការរួមចំណែកលើកកម្ពស់ដល់ផាសុខភាព ការរស់នៅប្រចាំថ្ងៃរបស់ប្រជាជន និងជាការផ្លាស់ប្តូរនូវមុខមាត់ថ្មីរបស់ខេត្តកំពង់ស្ពឺយើងផងដែរ៕

សម្តេច ម៉ែន សំអន អញ្ជើញជាអធិបតីក្នុងពិធីបុណ្យផ្កាប្រាក់មហាសាមគ្គី ដើម្បីកសាងព្រះវិហារ ស្ថិតក្នុងវត្តជ័យមុនី ទំហំទទឹង ១២ម៉ែត្រ និងបណ្តោយ ២៤ម៉ែត្រ

2025/07/06 02:55:32 pm        327
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតីក្នុងពិធីបុណ្យផ្កាប្រាក់មហាសាមគ្គី ដើម្បីកសាងព្រះវិហារ ស្ថិតក្នុងវត្តជ័យមុនី ដែលមានទំហំទទឹង ១២ម៉ែត្រ និងបណ្តោយ ២៤ម៉ែត្រ និងពិធីសំណេះសំណាលជាមួយបងប្អូនប្រជាពលរដ្ឋចំនួន ១.០០០គ្រួសារ ស្ថិតក្នុងស្ថិតក្នុងឃុំម៉ឺនជ័យ ស្រុករំដួល ខេត្ដស្វាយរៀង នាព្រឹកថ្ងៃអាទិត្យ ១១ កើត ខែអាសាឍ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី៦ ខែកក្កដា ឆ្នាំ២០២៥។ថ្លែងក្នុងឱកាសនោះ សម្តេចកិត្តិសង្គហបណ្ឌិត ក៏បានពាំនាំនូវការផ្តាំផ្ញើសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនដល់អង្គពិធីទាំងមូលដោយសេក្តីនឹករលឹក និងការគិតគូរអំពីសុខទុក្ខប្រជាពលរដ្ឋនៅគ្រប់ទីកន្លែង។ថ្លែងមានប្រសាសន៍ក្នុងអង្គពិធី សម្តេចកិត្តិសង្គហបណ្ឌិត ក៏បានថ្លែងកោតសសើរដល់ថ្នាក់ដឹកនាំគ្រប់លំដាប់ថ្នាក់ ចំពោះសមិទ្ធិផលនានាក្នុងស្រុករំដួល ក៏ដូចក្នុងខេត្ដស្វាយរៀងទាំងមូលមានការរីកចម្រើនគ្រប់វិស័យគួរឲ្យកត់សម្គាល់ ជាពិសេស លើការកសាងហេដ្ឋារចនាសម្ព័ន្ធ ដូចជា សាលារៀន មន្ទីរពេទ្យ វត្តអារាម ស្ពាន ផ្លូវ ថ្នល់ ជាដើម ការកែលម្អជួសជុលសំណង់ អគារ ផ្លូវថ្នល់ ផ្លូវខេត្ត ផ្លូវលំ ទំនប់ទឹក ប្រឡាយទឹក មានតំបន់សេដ្ឋកិច្ចពិសេស មានរោងចក្រឧស្សាហកម្ម ដែលបានបង្កើតការងារជូនដល់កម្មករ កម្មការិនីរាប់ម៉ឺននាក់ ជូនដល់កូនចៅប្រជាពលរដ្ឋ ធ្វើឱ្យជីវភាពរស់នៅរបស់ប្រជាជនកាន់តែប្រសើរឡើងជាលំដាប់ ហើយបណ្តាសមិទ្ធិផលទាំងអស់នេះ បានធ្វើឱ្យខេត្តស្វាយរៀងប្រែមុខមាត់ថ្មីយ៉ាងស្រស់បំព្រង និងមានសកម្មភាពសង្គមសេដ្ឋកិច្ច ប្រទាក់ក្រឡាគ្នាយ៉ាងសកម្ម និងរស់រវើកគួរជាទីមោទនៈភាពក្រៃលែង ក្នុងនោះវិស័យព្រះពុទ្ធសាសនាក៏មានការរីកចម្រើនគួរឲ្យកត់សម្គាល់។ សម្តេចកិត្តិសង្គហបណ្ឌិតបានបន្តទៀតថា តាមរយៈ បុណ្យផ្កានេះ ក៏បានបង្ហាញអំពីការចូលរួមពីសំណាក់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោក លោកស្រី និងពុទ្ធបរិស័ទ្ធជិតឆ្ងាយ ដោយទឹកចិត្តសទ្ធាជ្រះថ្លាក្នុងការចាប់មគ្គផល ក្នុងការកសាងសមិទ្ធិផលនានានៅវត្តម៉ឺនជ័យ និងបានចូលរួមចំណែកក្នុងការលើកស្ទួយវិស័យព្រះពុទ្ធសាសនានៅកម្ពុជាផងដែរ។ សម្តេចកិត្តិសង្គហបណ្ឌិត ក៏បានផ្តាំផ្ញើរដល់អង្គពិធី ដូចតទៅ ៖១.រួមគ្នាថែរក្សាសុខសន្តិភាព និងការអភិវឌ្ឍ និងរួមគ្នាថែរក្សានូវសមិទ្ធផលនានារបស់រាជរដ្ឋាភិបាល ដែលបានផ្តល់ជូនឱ្យបានគង់វង្សសម្រាប់ទុកដល់កូនចៅជំនាន់ក្រោយៗទៀត២.រួមគ្នាជាធ្លុងមួយគាំទ្រដល់រាជរដ្ឋាភិបាល និងកងកម្លាំងជួរមុខកម្ពុជាក្នុងការការពារឃឿនការពារជាតិ។៣.មន្ត្រីរាជការគ្រប់លំដាប់ថ្នាក់ ត្រូវតែប្រព្រឹត្តអំពើល្អ និងបម្រើសេវាសាធារណៈឱ្យបានល្អប្រសើរ ជូនប្រជាពលរដ្ឋនៅមូលដ្ឋាន។៤.ចូលរួមពង្រឹង និងថែរក្សាឲ្យបាននូវភូមិឃុំមានសុវត្ថិភាព។គួររំលឹកផងដែរថា កាលពីរសៀលថ្ងៃទី ០៥ ខែកក្កដា ឆ្នាំ២០២៥ ក៏មានពិធីសូត្រមន្ត និមន្តព្រះសង្ឃចម្រើនព្រះបរិត្ត និងសម្តែងធម្មទេសនា នៅវត្តមណិរតនរាម (ហៅវត្តទួលទំពូង) ស្ថិតក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញផងដែរ៕

អ្នកនាំពាក្យសម្ដេចតេជោ ផ្ដាំទៅក្រុមអ្នកស្ទង់មតិថៃ «កុំបារម្ភរឿងប្រជាប្រិយភាពសម្ដេចតេជោ និងសម្ដេចធិបតី ប៉ុន្ដែគួរខិតខំដោះស្រាយបញ្ហាផ្ទៃ ក្នុងរបស់ខ្លួនវិញ»

2025/07/06 02:28:23 pm        687
Facebook Telegram Linkin
ភ្នំពេញ៖ លោក ជា ធីរិទ្ធ អ្នកនាំពាក្យសម្តេចតេជោ ហ៊ុន សែន នៅថ្ងៃទី៦ ខែកក្កដានេះ បានបង្ហាញការអស់សំណើច និងបានចាត់ទុកការស្ទង់មតិរបស់សារព័ត៌មានថៃមួយ ពីប្រជាពលរដ្ឋពលរដ្ឋថៃ លើការពេញចិត្ត ឬមិនពេញចិត្ត របស់ពលរដ្ឋថៃចំពោះសម្ដេចតេជោ ហ៊ុន សែន ខណៈសម្ដេចជាមេដឹកនាំកំពូលមួយរបស់របស់កម្ពុជា ដ៏មានប្រជាប្រិយភាព និងមានប្រជាពលរដ្ឋខ្មែរគោរពស្រឡាញ់បំផុតរួចទៅហើយ។ លោក ជា ធីរិទ្ធ បានលើកឡើងថា កាលពីពេលថ្មីៗនេះ សារព័ត៌មាន ខាវស៊ុតរបស់ថៃ ពួកគេស្ទង់មតិប្រជាពលរដ្ឋថៃ ដែលមិនមានការពាក់ព័ន្ធនឹងសម្តេចតេជោទាល់តែសោះ ខណៈសម្តេចតេជោ មានពលរដ្ឋខ្មែស្រឡាញ់គាំទ្រលោករួចហើយ។អ្នកនាំពាក្យសម្ដេចតេជោ បានផ្ដាំទៅក្រុមអ្នកស្ទង់មតិរបស់ថៃវិញថា កុំបារម្ភអីអំពីរឿងប្រជាប្រិយភាពរបស់សម្ដេចតេជោ និងសម្ដេចធិបតី ហ៊ុន ម៉ាណែត គឺមិនចាំបាច់មកឈឺក្បាលជាមួយកម្ពុជា ជាមួយប្រជាជនកម្ពុជាទេ ហើយខិតខំគិតគូររឿងផ្ទៃក្នុងប្រទេសរបស់ខ្លួនឱ្យបានល្អ ឱ្យត្រូវរូវគ្នាទៅហើយដោះស្រាយបញ្ហាព្រំដែនជាមួយកម្ពុជាឱ្យមានសំឡេងតែមួយទៅ វាឆាប់ដោះស្រាយចេញ។ អីចឹងរឿង សម្ដេចតេជោ ប្រជាជនកម្ពុជាចង់ចាំនូវគុណូបការរបស់លោកដែលបានលះបង់ស្ទើតែពេញមួយជីវិតដើម្បីកម្ពុជា ដូច្នេះប្រជាជនកម្ពុជាដឹងច្បាស់ និងគោរពឱ្យតម្លៃច្បាស់ណាស់ចំពោះមេដឹកនាំកម្ពុជា គឺសម្ដេចតេជោ និងបន្ដដឹកនាំដោយសម្ដេចធិបតី ហ៊ុន ម៉ាណែត៕

ក្រសួងការងារ នាំយកឱកាសការងារជិត១ម៉ឺនកន្លែង សម្រាប់ប្រជាពលរដ្ឋ និងពលករក្នុងខេត្តព្រៃវែង ដែលទើបត្រឡប់មកពីប្រទេសថៃ

2025/07/06 01:50:51 pm        231
Facebook Telegram Linkin
ព្រៃវែង ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី០៦ ខែកក្កដា ឆ្នាំ២០២៥ អមដោយឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង និងថ្នាក់ដឹកនាំខេត្ត មន្ទីរការងារ និងអាជ្ញាធរពាក់ព័ន្ធ បានអញ្ជើញបើក «វេទិកាការងារ» របស់ទីភ្នាក់ងារជាតិមុខរបរ និងការងារ (NEA) ក្នុងស្រុកស្វាយអន្ទរ និងស្រុកកំចាយមារ ខេត្តព្រៃវែងដើម្បីផ្តល់ឱកាសការងារជូនប្រជាពលរដ្ឋ និងជាពិសេសបងប្អូនពលករដែលទើបត្រឡប់មកពីប្រទេសថៃ ឱ្យទទួលបានការងារភ្លាមៗ ពីក្រុមហ៊ុនធំៗចំនួន ៨ ដែលមានតម្រូវការកម្លាំងពលកម្មប្រមាណជិត ១ម៉ឺនកន្លែង៕

រដ្ឋបាលខេត្តពោធិ៍សាត់ ប្រារព្ធខួបអនុស្សាវរីយ៍លើកទី៧៤ ថ្ងៃបង្កើតគណបក្សប្រជាជនកម្ពុជា

2025/07/06 01:22:22 pm        239
Facebook Telegram Linkin
នៅថ្ងៃទី៥ ខែកក្កដា ឆ្នាំ២០២៥ គណបក្សប្រជាជនកម្ពុជាខេត្តពោធិ៍សាត់ បានរៀបចំប្រារព្ធពិធីអបអរសាទរខួបអនុស្សាវរីយ៍ លើកទី៧៤ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១ - ២៨ មិថុនា ឆ្នាំ២០២៥)។ ពិធីនេះរៀបចំឡើងធ្វើនៅទីស្នាក់ការគណបក្សខេត្ត ស្ថិតនៅសង្កាត់ព្រៃញី ក្រុងពោធិ៍សាត់ ក្រោមអធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានខេត្តពោធិ៍សាត់ និង ឯកឧត្តម ខូយ រីដា អភិបាលខេត្ត និងជាប្រធានគណៈកម្មាធិការគណបក្សប្រជាជនកម្ពុជាខេត្តពោធិ៍សាត់ និងដោយមានការចូលរួមពីឯកឧត្តម លោកជំទាវ ក្រុមការងារចុះជួយតាមក្រុងស្រុក និងសមាជិកគណបក្សខេត្តសរុបប្រមាណ១៥០០នាក់ ។ក្នុងឱកាសនោះ ឯកឧត្តម កែវ រតនៈ បានលើកឡើងថា គណបក្សប្រជាជនកម្ពុជា បានបដិសន្ធិឡើង កាលពីថ្ងៃទី២៨ ខែមិថុនា ឆ្នាំ១៩៥១ មកដល់ពេលនេះមានអាយុកាល ៧៤ឆ្នាំហើយ ដោយបានប្រកាន់ខ្ជាប់នូវគោលបំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិ មាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាពដើម កំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិ ឱ្យរួចផុតពីការឈ្លានពានការ ត្រួតត្រា ការជិះជាន់ ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាងប្រទេសកម្ពុជា ជាមួយនឹងឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម។ ជាមួយគ្នានោះ ឯកឧត្តម កែវ រតនៈ បានថ្លែងអំណរគុណដល់សមាជិក សមាជិកា និងថ្នាក់ដឹកនាំគណបក្សប្រជាជនកម្ពុជា ចុះមូលដ្ឋានទាំងអស់ ដែលបានខិតខំប្រឹងប្រែងគោរពតាមគោលនយោបាយគណបក្ស ដើម្បីបម្រើដល់ប្រជាពលរដ្ឋ និងប្រទេសជាតិ តាំងពីដើមរហូតដល់សព្វថ្ងៃ និងទៅអនាគត។ ឯកឧត្តម កែវ រតនៈ ក៏បានជម្រាបជូន អំពីសភាពការណ៍នៅតាមព្រំដែន កម្ពុជា-ថៃ ដែលកំពុងមានភាពតានតឹង ដោយស្នើដល់សមាជិកគណបក្ស ក៏ដូចជាប្រជាពលរដ្ឋ ត្រូវរួមឯកភាពគ្នា បន្តការជៀរជាក់លើរាជរដ្ឋាភិបាលកម្ពុជា ព្រោះថាថ្នាក់ដឹកនាំកំពុងតែធ្វើកិច្ចការនេះយ៉ាងយកចិត្តទុកដាក់ជាទីបំផុត។ ពិសេសកុំចែកចាយចំពោះព័ត៌មានក្លែងក្លាយគ្មានប្រភពច្បាស់លាស់ ដែលធ្វើឱ្យមានការយល់ច្រឡំវឹកវរក្នុងសង្គម ត្រូវតាមដានព័ត៌មាន តាមរយៈបណ្តាញសង្គមផ្លូវការ របស់សម្ដេចតេជោ, សម្ដេចធិបតី និងក្រសួងការពារជាតិ ព្រមទាំងបណ្ដាញព័ត៌មានធំៗ ក្នុងស្រុកមួយចំនួនទៀត ដើម្បីទទួលបានព័ត៌មានពិត និងច្បាស់ការ ៕

ឯកឧត្ដម ឃួង ស្រេង ជំរុញការផ្សព្វផ្សាយជូនពលរដ្ឋឱ្យបានដឹង និងបានយល់ច្បាស់អំពីវីរភាពដ៏​ឧត្តុង្គឧត្ដម​​របស់ថ្នាក់ដឹកនាំគណបក្សប្រជាជនកម្ពុជា

2025/07/06 01:09:51 pm        317
Facebook Telegram Linkin
ភ្នំពេញ៖ ឯកឧត្ដម ឃួង ស្រេង ប្រធានគណៈកម្មាធិការគណបក្សកម្ពុជារាជធានីភ្នំពេញបានលើកឡើងពីគំរូវីរភាពរបស់ថ្នាក់ដឹកនាំគណបក្សប្រជាជនកម្ពុជា ដើម្បីឱ្យមន្ត្រីរបស់គណបក្ស ដែលជាឃោសនិកដ៏សំខាន់របស់បក្សយកមកធ្វើជាត្រីវិស័យក្នុងការផ្សព្វផ្សាយជូនប្រជាពលរដ្ឋឱ្យបានដឹង និងបានយល់ច្បាស់អំពីវីរៈភាពដ៏ឧត្តុង្គឧត្តមរបស់ថ្នាក់ដឹកនាំគណបក្ស ក៏ដូចជាបន្តយកទៅផ្សព្វផ្សាយដល់កូនចៅជំនាន់ក្រោយៗទៀតបានដឹងឮ។ការលើកឡើងរបស់ឯកឧត្ដម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សរាជធានីភ្នំពេញ គឺបានធ្វើឡើងនាព្រឹកថ្ងៃទី០៦ ខែកក្កដា ឆ្នាំ២០២៥ ក្នុងពិធីសំណេះសំណាលជាមួយសមាជិកសមាជិកាគណបក្សប្រជាជនកម្ពុជា សង្កាត់បឹងទំពន់ទី១ ខណ្ឌមានជ័យ នៅទីស្នាក់ការគណបក្សប្រជាជនកម្ពុជាសង្កាត់បឹងទំពន់ទី១ ដោយមានការចូលរួមពីឯកឧត្ដម ម៉ប់ សារិន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានប្រចាំការគណៈកម្មាធិការគណបក្សប្រជាជនកម្ពុជារាជធានីភ្នំពេញ និងលោក សេង គន្ធ ប្រធានគណៈកម្មាធិការគណបក្សប្រជាជនកម្ពុជាខណ្ឌមានជ័យ។ក្នុងឱកាសនោះ លោក លោកស្រីជាប្រធានភូមិទាំង១១ និងលោកចៅសង្កាត់បឹងទំពន់ទី១ បានរាយការណ៍ពីសមិទ្ធផលការងារនានាដែលសម្រេចបាន និងកិច្ចការពារសន្តិសុខ សុវត្ថិភាពជូនប្រជាពលរដ្ឋ ហើយក៏បានលើកឡើងពីចំណុចខ្វះខាត និងបញ្ហាប្រឈមនានានៅក្នុងមូលដ្ឋានរបស់ខ្លួនផងដែរ ដើម្បីយកបញ្ហាទាំងនោះមកដោះស្រាយឱ្យបានទាន់ពេលវេលា។ ជាមួយគ្នានោះដែរ លោក លោកស្រីជាប្រធានភូមិ និងលោកចៅសង្កាត់បឹងទំពន់ទី១ សុទ្ធតែបានឡើងប្តេជ្ញាចិត្តក្នុងការកសាងសហជិកបក្សឱ្យបាន៨០% ទៅតាមផែនការ ដើម្បីឈានទៅយកជ័យជំនៈក្នុងការបោះឆ្នោយនៅឆ្នាំ២០២៧-២០២៨ខាងមុខនេះ។ឯកឧត្ដម ឃួង ស្រេង មានប្រសាសន៍ថា ក្នុងនាមមន្ត្រីរបស់គណបក្សប្រជាជនត្រូវខិតខំបន្តបំរើប្រជាពលរដ្ឋឱ្យកាន់តែល្អប្រសើរថែមទៀត ដោយត្រូវចិញ្ចឹមចលនាប្រជាពលរដ្ឋ បើពួកគាត់ខ្វះខាតត្រូវជួយឧបត្ថមភ្លាម ដូចសម្តេចតេជោ ហ៊ុន សែន ប្រធានគណបក្សប្រជាជនកម្ពុជាធ្លាប់មានប្រសាសន៍ហើយ គឺមិនទុកឱ្យពលរដ្ឋណាម្នាក់ស្លាប់ដោយអត់បាយនោះទេ។ មិនត្រឹមតែមើលប្រជាពលរដ្ឋទេ ប្រជាការពារក៏មិនធូធារដែរ ដូច្នេះត្រូវគិតគូឧបត្ថមពួកគាត់ផងដែរ។ សម្តេចតេជោ ហ៊ុន សែន បានត្រួសត្រាយអស់ហើយ នៅតែមន្ដ្រីគណបក្សទេ ដែលត្រូវបន្តអនុវត្តឱ្យល្អប្រើសើរទៅតាមការដឹកនាំចង្អុលបង្ហាញរបស់ប្រធានគណបក្សប៉ុណ្ណោះ។ឯកឧត្ដម ឃួង ស្រេង បានបន្តទៀតថា សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃកម្ពុជា បានប្រគល់ភារកិច្ចឱ្យក្រសួងធនធានទឹកនិងឧតុនិយម ក្រសួងសាធារការ និងដឹកជញ្ជូន និងរដ្ឋបាលរាជធានីភ្នំពេញ ស្ថាបនាប្រឡាយ និងលូនៅក្នុងភូមិសាស្ត្ររាជធានីភ្នំពេញ ដើម្បីរំដោះទឹកចេញពីរាជធានីភ្នំពេញ។ នេះជាកាដូដ៏ធំមួយរបស់សម្តេចមហាបវរធិបតី ហ៊ុន ម៉ាណែត ផ្តល់ជូនប្រជាពលរដ្ឋនៅភ្នំពេញ។ឯកឧត្ដម ឃួង ស្រេង បានបន្តទៀតថា សាមគ្គីភាពផ្ទៃក្នុងរបស់បក្សគឺជារឿងសំខាន់ណាស់ ដូច្នេះត្រូវសាមគ្គីភាពគ្នាឱ្យកាន់តែល្អប្រសើរ។ ចំណែកប្រាក់រង្វាន់របស់បក្សក៏ជារឿងសំខាន់ខ្លាំងដែរ ដែលត្រូវយកថវិកានេះទៅប្រើប្រាស់ឱ្យចំគោលដៅ។ យើងពិតជាមានសំណាងណាស់ដែលមានថ្នាក់ដឹកនាំដ៏ល្អបំផុត នោះគឺសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្ត្រី ខណៈប្រឈមមុខដាក់គ្នានៅតាមព្រំដែនរវាងកម្ពុជានិងថៃ បើមិនមានថ្នាក់ដឹកនាំល្អបែបនេះទេ កម្ពុជាមិនដឹងថាទៅជាយ៉ាងណានោះទេ។ កម្ពុជាស្អប់សង្រ្គាម តែកម្ពុជាក៏មិនខ្លាចសង្គ្រាមដែរ មិនអាចឱ្យប្រទេសណាមួយរំលោភបំពានលើបូរណភាពទឹកដីកម្ពុជាបានឡើយ។ក្នុងឱកាសនោះ ឯកឧត្ដម ឃួង ស្រេង ក៏បានថ្លែងនូវការអរគុណចំពោះមន្ត្រីគណបក្សប្រជាជនកម្ពុជាទាំងអស់ដែលបានលះបង់កំលាំងកាយ កំលាំងចិត្តរហូតធ្វើឱ្យគណបក្សប្រជាជនកម្ពុជាឈ្នះក្នុងការបោះឆ្នោតឃុំ សង្កាត់ និងបោះឆ្នោតជ្រើសរើសតំណាងរាស្រ្តរហូតមក៕

សមត្ថកិច្ចចម្រុះដុតបំផ្លាញចោលគ្រឿងញៀនជាង២តោន ក្នុងទិវារអន្ដរជាតិប្រយុទ្ធប្រឆាំងគ្រឿងញៀន

2025/07/06 12:43:03 pm        104
Facebook Telegram Linkin
អគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន និងរដ្ឋបាលខេត្តព្រះសីហនុ ព្រមទាំងសមត្ថកិច្ចចម្រុះ រៀបចំពិធីអបអរសាទរទិវារអន្ដរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៥ ក្រោមប្រធានបទ “រួមគ្នាបង្ការ ទប់ស្កាត់ និងកាត់ផ្តាច់ឬសគល់ នៃបញ្ហាគ្រឿងញៀននៅកម្ពុជា" និងដុតបំផ្លាញចោលគ្រឿងញៀនជាង ២តោន នៅសង្កាត់លេខ១ ក្រុង-ខេត្តព្រះសីហនុ, ថ្ងៃទី០៥ ខែកក្កដា ឆ្នាំ២០២៥ ។គោលនយោបាយប្រយុទ្ធប្រឆាំងគ្រឿងញៀនរបស់រដ្ឋាភិបាលកម្ពុជាតែងតែមានភាពមុតស្រួចប្រកដនិយម និងជាទិសដៅអាទិភាព។ ទិវារអន្ដរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ត្រូវបានបារព្ធឡើងជារៀងរាល់ឆ្នាំ សម្រាប់ឆ្នាំ២០២៥ នេះ គឺត្រូវបានប្រារព្ធឡើង ក្រោមប្រធានបទ “រួមគ្នាបង្ការ ទប់ស្កាត់ និងកាត់ផ្តាច់ឬសគល់ នៃបញ្ហាគ្រឿងញៀននៅកម្ពុជា" ។តំណាងយុវជន យុវតី បានប្តេជ្ញាចិត្តចូលរួមគាំទ្រទិវារអន្ដរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៥ ក្រោមប្រធានបទ “រួមគ្នាបង្ការ ទប់ស្កាត់ និងកាត់ផ្តាច់ឬសគល់ នៃបញ្ហាគ្រឿងញៀននៅកម្ពុជា" ។

ឯកឧត្តម កែវ រតនៈ ជួបសំណេះសំណាលជាមួយក្រុមគ្រួសារម៉ូតូឌុបចំនួន ៤៨៣នាក់ ក្នុងក្រុងពោធិ៍សាត់

2025/07/06 12:20:40 pm        287
Facebook Telegram Linkin
នៅថ្ងៃទី៥ ខែកក្កដា ឆ្នាំ២០២៥ នៅទីស្នាក់ការគណបក្សខេត្ត ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារថ្នាក់ជាតិចុះមូលដ្ឋានខេត្តពោធិ៍សាត់ ដោយមានការអញ្ជើញចូលរួម ពីឯកឧត្តម ខូយ រីដា អភិបាលនិងជាប្រធានគណបក្សខេត្ត ព្រមទាំងថ្នាក់ដឹកនាំក្រុមការងារក្នុងខេត្តមួយចំនួនទៀត បានជួបសំណេះសំណាលសួរសុខទុក្ខ បងប្អូនម៉ូតូឌុប មកពីសង្កាត់ទាំង០៧ក្នុងក្រុងពោធិ៍សាត់។ លោក ផាយ ឡេង អភិបាល និងជាប្រធានគណបក្សក្រុងពោធិ៍សាត់ បានរាយការណ៍ថា គ្រួសារម៉ូតូឌុបដែលមកចូលរួមថ្ងៃនេះ មានចំនួន៤៨៣នាក់ មកពីសង្កាត់ផ្ទះព្រៃ សង្កាត់ព្រៃញី សង្កាត់ស្វាយអាត់ សង្កាត់លលកស សង្កាត់រលាប សង្កាត់បន្ទាយដី និងសង្កាត់ចំរើនផល ។ឯកឧត្តម កែវ រតនៈ បានសម្ដែងទឹកចិត្តសប្បាយរីករាយ​ ដែលបានជួបសំណេះសំណាល ជាមួយ​បងប្អូន​ម៉ុតូឌុប ផាសស្អាប់ និងអ្នករត់កង់បីនាពេលនេះ ​ដើម្បីដឹងសុខដឹងទុក្ខគ្នាទៅវិញទៅមក។ ឯកឧត្តម បានលើកឡើងអំពីការខិតខំប្រឹងប្រែង របស់ក្រុមការងារថ្នាក់ជាតិ ក្នុងការចុះជួយ​ប្រជាពលរដ្ឋតាមមូលដ្ឋាន ក៏ដូចឯកឧត្តមអភិបាលខេត្ត ក្នុងការរៀបចំសោភ័ណភាព សណ្ដាប់ធ្នាប់សាធារណៈ អនាម័យបរិស្ថាន និងការអភិវឌ្ឍខេត្តឲ្យមានការរីកចម្រើន ប្រែមុខមាត់ថ្មីជាបន្តបន្ទាប់។ ដោយឡែករាជរដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ទិសដៅចម្បងៗ ក្នុងការកែទម្រង់ការងារមន្ត្រីរាជការ កងកម្លាំងប្រដាប់អាវុធ ការងារអភិវឌ្ឍប្រទេស ការទប់ទល់ជាមួយពួកអគតិនិងពួកជ្រុលនិយម ដែលមានគំនិតញុះញង់ ក្នុងគោលបំណងផ្ដួលរំលំរាជរដ្ឋាភិបាលស្របច្បាប់ និងការដោះស្រាយបញ្ហា ទំនាស់ព្រំដែនកម្ពុជា-ថៃជាដើម។ឯកឧត្តម កែវ រតនៈ អំពាវនាវដល់បងប្អូនក្រុមគ្រួសារម៉ូតូឌុបទាំងអស់ ខិតខំ​ប្រកប​របរ​ទទួលទាន​ដោយសុច្ចរិត សន្សំលុយកាក់ដែលរកបាន​ផ្គត់ផ្គង់​ក្រុមគ្រួសារ​ បញ្ជូនកូនទៅរៀនឲ្យមានចំណេះដឹង និងអប់រំពួកគេឲ្យមានសីលធម៌ល្អ ​ចៀសឲ្យឆ្ងាយពីគ្រឿងញៀន ក្មេងទំនើង និង​ប្រព្រឹត្តអំពើ​អបាយមុខផ្សេងៗ ដែលសង្គមស្អប់ខ្ពើម។ ឯកឧត្តមបានលើកឡើងថា ទោះបីប្រទេសថៃបិទព្រំដែនឯកតោភាគី ព្រមទាំងផ្ដាច់ភ្លើង ផ្ដាច់​អ៊ីនធ័រណែត និងមិនឲ្យនាំប្រេងឧស្ម័នចូលក៏​ដោយ ក៏ប្រទេស​កម្ពុជា​មានប្រើប្រាស់​គ្រប់គ្រាន់​ទាំងអស់ គ្មានអ្វីគួរឲ្យព្រួយបារម្ភនោះទេ។ ក្នុង​ឱកាសនោះឯកឧត្តម កែវ រតនៈ បាន​ជូន​អាវម៉ូតូ​ឌុបម្នាក់០១ អាវយឺតដៃវែងចំនួន០២ ប្រេងសាំង១០លីត្រ​ និងអង្ករ០១ការ៉ុង ដល់បងប្អូនក្រុមគ្រួសារ​ម៉ូតូឌុបទាំង៤៨៣នាក់ ដែលអញ្ជើញចូលរួមផងដែរ៕ 

ពលករខ្មែរធ្វើការចំណាក់ស្រុកថៃ នៅតែបន្តឆ្លងដែនមកកម្ពុជា តាមច្រកទ្វារព្រំដែនអូរស្មាច់

2025/07/06 12:04:08 pm        263
Facebook Telegram Linkin
នៅព្រឹកថ្ងៃអាទិត្យទី៦ ខែកក្កដា ឆ្នាំ២០២៥នេះ ចំនួនពលករខ្មែរធ្វើការចំណាក់ស្រុកនៅប្រទេសថៃ នៅតែបន្តធ្វើការឆ្លងដែនមកកម្ពុជា តាមច្រកទ្វារព្រំដែនអន្តរជាតិអូរស្មាច់ ក្នុងភូមិសាស្រ្តខេត្តឧត្តរមានជ័យ។តាមការបញ្ជាក់ពីមន្រ្តីច្រកទ្វារព្រំដែនអន្តរជាតិអូរស្មាច់ ចាប់តាំងពីភាគគីថៃ បានបិទច្រកព្រំដែន​ជា​ឯកតោភាគីកន្លងមកនោះ ដោយបញ្ហាព្រំដែនជាមួយកម្ពុជា យើងសង្កេតឃើញថាបងប្អូន ប្រជា​ពលករ​ខ្មែរដែលធ្វើការចំណាក់ស្រុកនៅឯកប្រទេសថៃ ​ចាប់​ផ្តើមធ្វើដំណើរចាកចេញ​ពីប្រទេសថៃ ជាបន្តបន្ទាប់​ជារៀងរាល់​ថ្ងៃចូលមកកម្ពុជាវិញតាមច្រកទ្វារព្រំដែន អន្តរជាតិអូរស្មាច់ ខេត្តឧត្តរមានជ័យ។ក្នុងការឆ្លងដែនរបស់បងប្អូនពលករខ្មែរគ្រប់រូបបើទោះបីមានឯកសារ ឬអត់ឯកសារយ៉ាងណាក្តី​ក៏ក្រុមការងារច្រកទ្វារព្រំដែន និងក្រុមការងាររបស់ក្រសួងការងារ និងអាជ្ញាធរខេត្ត រួមទាំងមន្រ្តី ជំនាញពាក់ព័ន្ធដែលប្រចាំការនៅច្រកទ្វារព្រំដែន​តែងតែ​ជួយ​សម្របសម្រួល​រាល់​បញ្ហា​ប្រឈមនានា ជូន​ដល់បងប្អូន​ពលករ ​ដើម្បីអន្តរាគមន៍​ឲ្យលឿនឆាប់រហ័ស​ងាយស្រួល​បានវិលត្រឡប់មកស្រុកកំណើរវិញ ប្រកបដោយសុវត្ថិភាពផងដែរ។យ៉ាងណាម៉ិញក្នុងនោះដែរក្រុមការងាររបស់ក្រសួងការងារ និងមន្រ្តីជំនាញ​ស្ថាប័នពាក់ព័ន្ធផ្សេងៗ​ទៀត បានណែនាំ និងផ្តល់ព័តមានល្អៗ សម្រាប់ឱកាសការងារធ្វើជូនបងប្អូន​ពលករមកកម្ពុជា​ដែលមានបំណងចង់ធ្វើការ ខណៈបច្ចប្បន្ននៅកម្ពុជាកំពុងត្រូវកម្លាំងពលកម្មជាច្រើនកន្លែង សម្រប់បងប្អូនប្រជាពលរដ្ឋខ្មែរនោះ។សូមបញ្ជាក់ថា បច្ចុប្បន្នខាងភាគគីថៃ​បើកច្រក​នៅម៉ោង ៦.០០នាទីព្រឹកកម្ពុជា បើក​នៅ​ម៉ោង​៩.០០នាទីបិទនៅម៉ោង២២.០០នាទី​អនុញ្ញាត​ឲ្យឆ្លងដែន​ចេញចូលបានតែសិស្ស និងពលករ អ្នក​ជំងឺតែប៉ុណ្តោះ ៕ ឃិនសារិទ្ធ

អាជ្ញាធររៀបចំប្រព័ន្ធលូថ្មី ដើម្បី​បញ្ចៀស​ការជនលិចដោយទឹកភ្លៀង ក្នុងក្រុងប៉ោយប៉ែត

2025/07/06 11:39:38 am        337
Facebook Telegram Linkin
អាជ្ញាធរក្រុងប៉ោយប៉ែត ខេត្តបន្ទាយមានជ័យ ធ្វើការរៀបចំហេដ្ឋារចនាសម្ព័ន្ធដោយការកាយប្រព័ន្ធលូថ្មី ដាក់ជាច្រើនកន្លែង ក្នុងក្រុងប៉ោយប៉ែត ដើម្បីបញ្ចៀសការកក់ស្ទះប្រព័ន្ធលូទឹកស្អុយដោយសារមានទឹកភ្លៀងធ្លាក់មកម្តងៗក្នុងមូលដ្ឋានក្រុងប៉ោយប៉ែតបណ្តាលឲ្យមានការកកើស្ទះ និងជនលិចក្រុងនោះ នាព្រឹកថ្ងៃទី៥ កក្កដា ឆ្នាំ២០២៥។មន្រ្តីជំនាញ បានឲ្យដឹងថា ការកាយប្រព័ន្ធលូទឹកស្អុយជាច្រើនកន្លែងក្នុងក្រុងប៉ោយប៉ែត គឺដោយសារកន្លងមកនោះ នៅទីតាំងក្នុងមូលដ្ឋានក្រុងប៉ោយប៉ែតទាំងស្រុង តែងតែរងផល​ប៉ះពាល់ ដោយ​សារការកក់ស្ទះប្រព័ន្ធលូទឹកស្អុយបណ្តាលឲ្យមានការជនលិចជា​រៀងរាល់​ពេល នៅគ្រប់ទីកន្លែង​ក្នុងក្រុង​ មើលឃើញពីបញ្ហាប្រឈមទាំងអស់នេះ​ហើយ​ ទើបអាជ្ញាធរក្រុង និង​សង្កាត់បានធ្វើការរុករកទីតាំងដែលមាន​បញ្ហាប្រឈមជាងគេ ដើម្បីធ្វើការកែ​សម្រួល​ប្រព័ន្ធលូទាំង​នោះកុំឲ្យមានការកក់ស្ទះបន្តទៀតនៅពេលមានភ្លៀងធ្លាក់មកម្តងៗវាបណ្តាលឲ្យមានការជនលិចក្នុងមូលដ្ឋានក្រុងនោះ។ជាមួយគ្នានោះដែរ មន្រ្តីជំនាញ​ក៏បានអំពាវនាវស្មើរដល់បងប្អូនប្រជាពលរដ្ឋទាំងអស់ ត្រូវទុកដាក់​សំរាម​ឲ្យបានល្អប្រសើរកុំបោះចោល​ពាសវាលពាសកាល​នាំ​ឲ្យមានការកក់ស្ទះចូល​ក្នុង​ប្រព័ន្ធវាអាច​បណ្តាល​ឲ្យមានការកក់ស្ទះជនលិចនៅពេលមានភ្លៀងមកម្តងៗ ហូរពុំរួច​ដោយសារ​តែ​កក់ស្ទះ​សំរាមនេះ។ បញ្ហាទាំងអស់នេះ ហើយយើងត្រូវចូលរួមទាំងអស់គ្នា ដើម្បី​បញ្ចៀស​បាននូវការកក់ស្ទះប្រព័ន្ធលូទឹកក្នុងមូលដ្ឋានបានផងដែរ៕ ឃិនសារិទ្ធ

បណ្ដាញសង្គម

ព័ត៌មានថ្មីៗ

សម្ដេចតេជោ ប្រកាសទទួលរ៉ាប់រងក្នុង ជួយព្យាបាលទាំងស្រុងអ្នកគ្រូបង្រៀនម្នាក់ដែលមានជំងឺតម្រង់នោមដំណាក់កាលចុងក្រោយ
05/17/2026 10:05 PM
Facebook Telegram Linkin
AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ឃុំអូរបីជាន់
05/17/2026 03:05 PM
Facebook Telegram Linkin
លោក Zelenskiy ៖ រុស្ស៊ីពិចារណាផែនការវាយប្រហារប្រទេសសមាជិកអង្គការណាតូ ចេញពីបេឡារុស
05/17/2026 02:05 PM
Facebook Telegram Linkin
សហគមន៍អេកូទេសចរណ៍កោះផ្តៅ ក្នុងខេត្តក្រចេះ ជាតំបន់គួរទៅកម្សាន្ត
05/17/2026 01:05 PM
Facebook Telegram Linkin
រដ្ឋបាលខេត្តកែបទទួលស្វាគមន៍ដំណើរទស្សនកិច្ចរបស់ឯកអគ្គរដ្ឋទូតចិនប្រចាំកម្ពុជា
05/17/2026 01:05 PM
Facebook Telegram Linkin
ប្រធានក្រុមការងារចុះមូលដ្ឋានខេត្តកំពង់ធំ សម្ពោធដាក់ឱ្យប្រើប្រាស់អគារទីស្នាក់ការបក្សស្រុកស្ទោង
05/17/2026 01:05 PM
Facebook Telegram Linkin
ពលរដ្ឋមានជីវភាពខ្វះខាតចំនួន ៣០០គ្រួសារ ទទួលបានអំណោយពីយុវជនគណបក្សខេត្តបាត់ដំបង
05/17/2026 01:05 PM
Facebook Telegram Linkin
មន្ត្រីជំនាញចុះពិនិត្យវឌ្ឍនភាពការអនុវត្តគម្រោង និងតម្រង់ទិសជំរុញផលិតកម្មដំណាំស្រូវខេត្តត្បូងឃ្មុំ
05/17/2026 12:05 PM
Facebook Telegram Linkin
កម្ពុជាចូលរួមមហាសន្និបាតសុខភាពពិភពលោក លើកទី៧៩ (WHA79) នៅទីក្រុងហ្សឺណែវ ប្រទេសស្វីស
05/17/2026 12:05 PM
Facebook Telegram Linkin
ព្រឹត្តិការណ៍​ដង្ហែគោមឈូកព្រះពុទ្ធសាសនា «Lantern Parade/ Lotus Lantern Festival 2026»​ កណ្តាលទីក្រុងសេអ៊ូល​ សាធារណរដ្ឋ​កូរ៉េ​
05/17/2026 12:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.