នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋបាលខណ្ឌប្ញស្សីកែវបង្ក្រាបឃ្លាំងស្តុកសាច់បង្កករាប់សិបតោនដែលនាំចូលមកពីប្រទេសថៃ
សល់៤ថ្ងៃទៀតប្រតិភូពិភពលោក ត្រៀមជួបជុំនៅខេត្តសៀមរាប ក្នុងមហាសន្និបាតកាយឫទ្ធិនារីពិភពលោក(WAGGGS) លើកទី៣៩
ក្រុមភ្លេងកាយរឹទ្ធិខេត្តប៉ៃលិនត្រៀមប្រកួតក្រុមភ្លេងកាយរឹទិ្ធថ្នាក់ជាតិ លើកទី៣
អ្នកវិនិយោគទុនចិននៅជុំវិញពិភពលោកនាំគ្នាមកបើកប្រជុំត្រៀមរៀបចំមហាសន្និបាតធុរកិច្ចនៅកម្ពុជាចុងឆ្នាំនេះ

ព័ត៌មានជាតិ

ឯកឧត្តម ឌិត ទីណា លើកទឹកចិត្តសហគមន៍ និងក្រុមហ៊ុន​បន្តស្មារតី​សាមគ្គីភាព ដើម្បី​ទទួល​ផល​ចំណេញ​ទាំងអស់គ្នាថែមទៀត

2025/07/22 04:07:07 pm        650
Facebook Telegram Linkin
ក្នុងជំនួបសំណេះសំណាលជាមួយប្រជាកសិករដែលស្ម័គ្រចិត្តចងក្រងជាសហគមន៍កសិកម្មក្នុងវិស័យដំណាំស្រូវ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បាន​លើក​ទឹក​ចិ​ត្ត​កសាងទំនុកចិត្តជាមួយគ្នាក្នុងសហគមន៍ និងវិស័យឯកជន ស្មោះត្រង់ជាមួយគ្នា បន្ត​ស្មារតី​សាមគ្គីភាព តម្លាភាព ពោលគឺតម្កល់ផលប្រយោជន៍រួមជាធំ ដើម្បីទទួល​ផល​ចំណេញ​ទាំងអស់​គ្នា​ទៅមុខបន្តទៀត។ក្រោយចុះពិនិត្យការច្រូតស្រូវ និងស្ថានភាពជាក់ស្តែង នៅស្រុកបារាយណ៍ ខេត្តកំពង់ធំ នា​ថ្ងៃ​ទី​២១ ខែកក្កដា ឆ្នាំ២០២៥កន្លងទៅ ឯកឧត្តមរដ្ឋមន្រ្តី ឌិត ទីណា បានជួប​សំណេះ​សំណាល​ជាមួយ​សហគមន៍​កសិកម្មទំនើបដំណាំស្រូវបារាយណ៍តាំងគោក។ ក្នុងឱកាសនោះ ឯកឧត្តម​រដ្ឋ​មន្រ្តី​ បានកោតសរសើរនូវការខិតខំប្រឹងប្រែងរបស់សហគមន៍ និងបានផ្សារភ្ជាប់​ជាមួយ​វិស័យ​ឯកជន​ត្រៀមប្រ​មូលទិញស្រូវសែនក្រអូប០១ និងស្រង៉ែស្រាល ដែលមានតម្រូវការទីផ្សារ។ ក្នុងនោះ សហគមន៍ខាងលើ គ្រោងនឹងចាប់ផ្តើមរដូវដាំដុះថ្មីលើផ្ទៃដីទំហំប្រមាណ ៥ ០០០​ហិកតា មកពី ១៧៨គ្រួសារ ដែលបានចូលជាសមាជិកសហគមន៍កសិកម្មទំនើបជាបន្តបន្ទាប់។ឧកញ៉ា គឹម សាវុធ ប្រធានក្រុមប្រឹក្សាភិបាល ខ្មែរហ្វូត គ្រុប ជាក្រុមហ៊ុន​ដែល​បាន​ចុះ​កិច្ច​សន្យា​ជាមួយ​សហគមន៍កសិកម្មទំនើបដំណាំស្រូវបារាយណ៍តាំងគោក បានមានប្រសាសន៍ឱ្យដឹងថា នេះ​ជា​ការងារល្អប្រសើរណាស់ ដែលមានការជួយជ្រោមជ្រែងបន្ថែមរបស់រាជរដ្ឋាភិបាលកម្ពុជា ជា​ពិសេសតាមរយៈក្រសួងកសិកម្ម រុក្ខាប្រមាញ់ និងនេសាទ ជាសេនាធិកា ដែល​តែង​តែ​ចុះ​តាម​ដាន ត្រួតពិនិត្យ និងសួរសុខទុក្ខជាប់ជានិច្ច រវាងប្រជាកសិករ និងក្រុមហ៊ុន ដែល​ក្រៅ​ពីការ​ជួយ​បង្កើន​តម្លៃ​ឱ្យកសិករ ខាងក្រុមហ៊ុនវិញ ក៏មានស្ថិរភាពក្នុង​ការ​ទទួល​ស្រូវ​ដែល​ផ្គត់​ផ្គង់​ពី​កសិករ​នា​រដូវ​ច្រូត​កាត់។ឧកញ៉ាប្រធាន បានបញ្ជាក់បន្ថែមថា សរុបសេចក្តី កិច្ចសន្យាជាមួយសហគមន៍កសិកម្មទំនើប ជា​គុណសម្បតិ្តល្អសម្រាប់ទាំងអ្នកផលិត និងអ្នកទិញ។ រឿងដែលសំខាន់ គឺស្នើ​អ្នក​ផលិត​សុំ​ឱ្យ​រក្សា​គុណ​ភាព ធ្វើម៉េចរក្សាទិន្នផលច្រើន ហើយខាងរោងចក្រដែលជាអ្នកទិញ ក៏ហ៊ានធានាដែរថា មិន​យឺត​យ៉ាវក្នុងការផ្តល់ប្រាក់ត្រឡប់ទៅវិញទេ ដើម្បីបង្កើនទំនុកចិត្តគ្នាទៅវិញទៅមក ធ្វើយ៉ាង​ណា​គឺ​ទៅមុខទាំងអស់គ្នា ដើម្បីប្រយោជន៍ជារួម។ពាក់ព័ន្ធការលើកឡើងខាងលើនេះ អ្នកស្រី ឯក ចាន់សុផល្លី ប្រធាន​សហគមន៍​កសិកម្ម​ទំនើប​ដំណាំ​ស្រូវ​បារាយណ៍ តាំងគោក បានបង្ហាញទឹកមុខសប្បាយរីករាយ និងលើកឡើងថា ជួស​មុខ​ឱ្យ​កសិករទាំងអស់ គឺសូមថ្លែងអំណរគុណដល់រាជរដ្ឋាភិបាល ជាពិសេស​ក្រោម​ការ​ដឹកនាំ​ប្រកប​ដោយ​គតិ​បណ្ឌិតរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងថ្នាក់ដឹកនាំ​គ្រប់​ជាន់​ថ្នា​ក់នៃក្រសួងកសិកម្ម រុក្ខាប្រមាញ់ និងនេសាទ ដែលបង្កើត​ឱ្យមា​ន​សហគមន៍​កសិកម្ម​នេះ​ឡើង​ ដើម្បីជំរុញដល់ការធ្វើផលិតកម្មធំរួម ដាក់ដី និងទុនរួមគ្នា ដើម្បីទទួល​បាន​ផល​ចំណេញ​ទាំង​អស់​គ្នា ដោយមិនប្រកួតប្រជែងគ្នាថែមទៀត។សូមបញ្ជាក់ថា សហគមន៍កសិកម្មទំនើប បង្កើតឡើងដោយ ក្រសួងកសិកម្ម រុក្ខាប្រមាញ់ និង​នេសាទ ក្នុងគោលបំណង ដើម្បីប្រែក្លាយវិស័យកសិកម្មកម្ពុជា ពីលក្ខណៈ​គ្រួសារ​ឱ្យ​ទៅ​ជា​សហ​គ្រាស សេដ្ឋកិច្ចកសិកម្មដ៏រឹងមាំ មានសមាហរណកម្មខ្ពស់ មានសេដ្ឋកិច្ចមាត្រដ្ឋាន និង​មាន​សមត្ថ​ភាព​ប្រកួត​ប្រជែងទាំងបរិមាណ តម្លៃ និងគុណភាព។ ការចងក្រងសហគមន៍កសិកម្មទំនើប ជួយ​ឱ្យ​កសិករ​ទទួលបានផលចំណេញច្រើន តាមរយៈការកាត់បន្ថយថ្លៃដើមផលិត, ការទទួល​បាន​ទុន​កម្ចី​ក្នុងអត្រាការប្រាក់ទាប, ការទទួលបានទីផ្សារ និងការគាំទ្រផ្នែកបច្ចេកទេសជាដើម។ ចំពោះ​លក្ខខណ្ឌក្នុងការចូលជាសហគមន៍កសិកម្មទំនើប គឺត្រូវមា​ន​សមាជិក​ចាប់​ពី​៥០​គ្រួសារ​ឡើង​។ រហូតមកដល់ពេលនេះ ប្រជាកសិករចំនួនជាង ១ ៤០០គ្រួសារហើយ បានងាក​មក​ចង​ក្រង​គ្នា​ជាសហគមន៍កសិកម្មទំនើប នៅលើផ្ទៃដីជាង ១ម៉ឺនហិចតា៕ អត្ថបទ៖ឈិត បូរ៉ាវី

អ្នកនាំពាក្យក្រសួងសាធារណការ៖ ដំណើរការបោះបង្គោលព្រែកជីកហ្វូណនតេជោ គ្រោង​បញ្ចប់​នៅ​ចុង​សប្តាហ៍​នេះហើយ

2025/07/22 03:50:03 pm        982
Facebook Telegram Linkin
ភ្នំពេញ៖ ឯកឧត្ដម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា ដំណើរ​ការ​ចុះ​ពិនិត្យ​ទីតាំង ប្រមូលទិន្នន័យ ផ្ទៀងផ្ទាត់និយាមកា និងបោះបង្គោលព្រំ​ដីព្រែក​ជីក​ហ្វូណន​តេជោ នឹងបញ្ចប់នៅថ្ងៃទី២៥ ខែកក្កដា ឆ្នាំ២០២៥ចុងសប្តាហ៍នេះហើយ។ឯកឧត្ដម បានឱ្យដឹងថា នៅថ្ងៃទី២២ ខែកក្កដា ឆ្នាំ២០២៥នេះ ក្រុម​ការងារ​បាន​ធ្វើ​សកម្មភាព​នៅ​តំបន់​ចុងទី ដោយបាន​ចុះបោះបង្គោល​និយាមកា​ដំបូង​លើ​ផ្ទៃ​សមុទ្រ​(ខេត្តកែប) បាន​ដោយ​ជោគជ័យ​។ ក្រុមការងារនឹងបន្តបោះបន្ថែមទៀត ទៅតាមផែនការ និងតាមគោលដៅ ដែលបាន​គ្រោង​ទុក​នៅ​លើផ្ទៃសមុទ្រ។គួរបញ្ជាក់ថា បច្ចុប្បន្ននេះក្រុមការងារបច្ចេកទេសបានចុះពិនិត្យទីតាំង ប្រមូលទិន្នន័យ ផ្ទៀង​ផ្ទាត់​និយាមកា​ និងបោះបង្គោលព្រំដី តាមបណ្តោយ​ព្រែក​ជីកហ្វូណន​តេជោ​បាន​ដោយ​ជោគ​ជ័យ​តាម​កំណាត់​ ឆ្លងកាត់ំ់ភូមិសាស្ត្រខេត្តនីមួយៗ ក្នុងនោះរួមមាន៖ កំណាត់ទី១​ប្រវែងជាង២១គីឡូម៉ែត្រ ពីចំណុចដើមទី នៃតំបន់ព្រែកតាកែវ(ទន្លេមេគង្គ)-ព្រែកពោធិ៍​(ទន្លេបាសាក់) ក្នុងភូមិស្រ្តាខេត្តកណ្តាលចំនួន ១៥៥បង្គោល។ កំណាត់ទី២ ពី​ចំណុច​ព្រែក​តាហ៊ីង(ទន្លេបាសាក់) ខេត្តកណ្តាល រហូតដល់ព្រំប្រទល់ខេត្តតាកែវចំនួន ២៣២​បង្គោល​, ខេត្តតាកែវចំនួន ៥៥២បង្គោល ,ខេត្តកំពតចំនួន ៨០១បង្គោល និងខេត្តកែប​មាន​ចំនួន​១៨០​បង្គោល ដោយសរុបទាំងអស់មានចំនួន១៩២០បង្គោល។ដំណាក់កាល​បន្ទាប់ ក្រុមការងារដោះស្រាយផលប៉ះពាល់របស់ក្រសួងសេដ្ឋកិច្ច និងហិរញ្ញវត្ថុ នឹង​ចុះ​វាស់​វែងក្បាលដីប្រជាពលរដ្ឋដែលរងផលប៉ះពាល់ តាមយន្តការ​ដោះស្រាយ​ផលប៉ះ​ពាល់​របស់​រាជ​រដ្ឋាភិបាល ដោយមិនឱ្យបងប្អូនប្រជាពលរដ្ឋណាមួយបាត់បង់ផលប្រយោជន៍ឡើយ។គម្រោង​ព្រែកជីហ្វូណនតេជោ គឺជាការបោះជំហានដ៏សំខាន់មួយក្នុងការកែប្រែមុខមាត់កម្ពុជា នៅ​ក្នុ​ងវិស័យនាវាចរណ៍ ក៏ដូចជាការដឹកជញ្ជូនតាមផ្លូវទឹក និងផ្លូវសមុទ្រ។ផ្លូវ​ទឹក​មួយខ្សែនេះ ឆ្លងកាត់ខេត្តចំនួន៤ រួមមាន៖ ខេត្តកណ្តាលប្រវែង៥៤គ.ម ខេត្តតាកែវប្រវែង ៦០គ.ម ខេត្តកំពតប្រវែង ៤៣គ.ម និងខេត្តកែបប្រវែង១៧,៥ គ.ម ហើយត្រូវ​បាន​រចនា​ឡើង​ដើម្បី​ផ្ទុក​នាវា​ដែលមានទម្ងន់រហូតដល់ ៣ ០០០ DWT។ការងារស្ថាបនា​ហេដ្ឋារចនាសម្ព័ន្ធពាក់ព័ន្ធគម្រោងនេះរួមមាន៖ ការងារស្តារទន្លេ, ការងារជីក​ប្រឡាយ​, ការសាងសង់ស្ថានីយជលសាស្ត្រសន្ទះផ្លូវទឹក, ការសាងសង់ទំនប់ការពារច្រាំងទន្លេ, ការសាងសង់ជម្រាលជើងទេរ និងហេដ្ឋារចនាសម្ព័ន្ធជំនួយដល់វិស័យនាវាចរណ៍ផ្សេងៗទៀត។គម្រោងនេះនឹងបង្កើតបណ្តាញផ្លូវទឹកក្នុងស្រុកមួយដែលមានភាពសព្វជ្រុងជ្រោយ ព្រម​ទាំង​ចូល​រួម​បំពេញ​បន្ថែម​នូវ​ចន្លោះ​ប្រហោង​មួយ​ចំនួន​នៅ​ក្នុង​ប្រព័ន្ធ​ដឹក​ជញ្ជូន​តាម​ផ្លូវ​ទឹក​របស់​កម្ពុជា​នា​ពេល​បច្ចុប្បន្ន និងបង្កើនសុវត្ថិភាពនៃការដឹកជញ្ជូនតាមផ្លូវទឹកផងដែរ។នៅពេលគម្រោងនេះបញ្ចប់ការស្ថាបនាជាស្ថាពរ នឹងចូលរួមលើកកម្ពស់ការតភ្ជាប់, ពន្លឿន​ការ​ធ្វើ​ទំនើប​កម្ម​ហេដ្ឋារចនាសម្ព័ន្ធដឹកជញ្ជូន, និងរួមចំណែក​ដល់​ការ​អភិវឌ្ឍ​ប្រកប​ដោយ​ចីរភាព​នៃ​ទំនាក់​ទំនង និងការធ្វើពាណិជ្ជកម្មប្រកបដោយប្រសិទ្ធភាពនិងភាពងាយស្រួល រវាងកម្ពុជា​ទៅ​កាន់​តំបន់​នានាដែលជាដៃគូពាណិជ្ជកម្ម និងសេដ្ឋកិច្ចរបស់ខ្លួន។ លើសពីការដឹកជញ្ជូន គម្រោង​នេះ​រួម​បញ្ចូលការគ្រប់គ្រងធនធានទឹក ប្រព័ន្ធធារាសាស្រ្ត និងកសិកម្ម ដែលមាន​ចក្ខុ​វិស័​យ​ឆ្ពោះ​ទៅ​មុខ ហើយត្រូវបានរំពឹងថានឹងបង្កើនផលិតភាពកសិកម្មតាមបណ្តោយខ្សែផ្លូវទឹកមួយនេះ។ បន្ថែម​ពីនេះ វាក៏នឹងជំរុញការធ្វើសមាហរណកម្មនៃវិស័យសំខាន់ៗ នៅទូទាំងកម្ពុជា ទៅកា​ន់​តំបន់ និងពិភពលោក ជាអាទិ៍រួមមាន៖ ឧស្សាហកម្ម, កសិកម្ម, ភស្តុភារកម្ម, និងវិស័យកំពង់ផែ។គួររម្លឹកដែរថា គម្រោងដ៏ធំសម្បើមនេះ ជាគំនិតផ្តួច​ផ្តើម​ដ៏​ខ្ពង់​ខ្ពស់​ប្រក​ប​ដោយ​ចក្ខុ​វិស័យ​ដ៏​វែង​ឆ្ងាយ​របស់ សម្តេចអគ្គមហាសេនាបតីតេជោ ហ៊ុន សែន ដែលកាលនោះស​ម្តេចជា​នាយករដ្ឋ​មន្ត្រី​នៃ​ព្រះរាជាណាចក្រកម្ពុជា ហើយបច្ចុប្បន្នជាប្រធានព្រឹទ្ធសភា។ បច្ចុប្បន្នគម្រោងនេះ បាននិង​កំពុង​អនុវ​ត្តដោយរាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំ​ប្រកប​ដោយ​គតិ​បណ្ឌិត​របស់​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។គម្រោងនេះ ត្រូវប្រារព្ធពិធីបើកការដ្ឋានជាផ្លូវការយ៉ាងមហោឡារិកនិងអធិកអធម កាលពីថ្ងៃទី៥ ខែ​សីហា ឆ្នាំ២០២៤ ក្រោមអធីបតីភាពដ៏ខ្ពង់ខ្ពស់ សម្តេចធិបតីនាយករដ្ឋមន្ត្រី ដោយ​មាន​ការ​ចូល​រួម​គាំ​ទ្រយ៉ាងកងរំពងពីសំណាក់បងប្អូនប្រជាពលរដ្ឋខ្មែរនៅទូទាំងប្រទេស។ គម្រោងព្រែក​ជីក​នេះ​ ត្រូវបានរំពឹងទុកថានឹងត្រូវបានស្ថាបនារួចរាល់នៅអំឡុង ឆ្នាំ២០២៨ខាងមុខ៕

ប្រតិភូអន្តរក្រសួងចុះវាយតម្លៃគុណភាពសំណង់ព្រះវិហារ និងសាលាបាលីវត្តពិជ័យលង្កា ហៅ​វត្ត​ឈើ​ខ្មៅដើ​ម្បីធ្វើការអភិរក្ស

2025/07/22 03:19:29 pm        647
Facebook Telegram Linkin
បាត់ដំបង៖ ក្រុមការងារអន្តរក្រសួងដឹកនាំដោយ ឯកឧត្តម ទេព ធន រដ្ឋលេខាធិការ​ក្រសួង​រៀប​ចំ​ដែន​ដី នគរូបនីយកម្ម និងសំណង់ នៅថ្ងៃទី២១ ខែកក្កដា ឆ្នាំ២០២៥ បានចុះពិនិត្យ និង​វាយ​តម្លៃ​គុណ​ភាពសំណង់ព្រះវិហារ និងសាលាបាលីវត្តពិជ័យលង្កា ហៅវត្តឈើខ្មៅ ដែល​មាន​ចម្ងាយ​៥៤​គីឡូម៉ែត្រ ពីទីរួមខេត្តបាត់ដំបងដោយធ្វើដំណើរតាមផ្លូវទឹកដងស្ទឹងសង្កែ។ បន្ទាប់​ពី​បានចុះពិនិត្យទៅលើសំណង់ព្រះវិហារ សាលាបាលី និងសាលាឆាន់រួច ក្រុមការងារអ​ន្តរ​ក្រសួង​បានរៀបចំកិច្ចប្រជុំពិភាក្សាជាមួយព្រះចៅអធិការវត្តព្រះនាម ច្រឹង ស៊ីវី និងគណៈកម្មការ​អាចារ្យ​វត្ត ព្រមទាំងពុទ្ធបរិស័ទចំណុះជើងវត្តពិជ័យលង្កា ហៅវត្តឈើខ្មៅ ហើយបាន​ឯកភាព​គ្នា​ធ្វើ​ការ​អភិរក្សសំណង់បេតិកភណ្ឌ និងជួសជុលជាបន្ទាន់ ដើម្បីប្រែក្លាយ​ទៅ​គោល​ដៅ​ផលិត​ផ​ល​ទេសចរណ៍​បែប​ជំនឿសាសនារួមមានសក្ការដ្ឋានពុទ្ធសាសនា ,អភិរក្សសំណង់​បេតិកភណ្ឌ​ដែល​មាន​តម្លៃ​ជាប្រវត្តិសាស្ត្រ,បង្កើនសក្តានុពលទេសចរណ៍បែបជំនឿព្រះពុទ្ធសាសនាក្នុងតំបន់ និង​កែ​លម្អ​សោភ័ណភាពសំណង់បេតិកភណ្ឌដើម្បីទាក់ទាញភ្ញៀវទេសចរជាតិ និងអន្តរជាតិ។សូមជម្រាបថា វត្តឈើខ្មៅ គឺជាទីអារាមដែលមានអាយុកាលរាប់រយឆ្នាំកំពុងសម្ងំលាក់ខ្លួន នៅ​កណ្ដាល​ព្រៃ​រនាមដៃបឹងទន្លេសាប ត្រូវបានសាងសង់នៅលើទីទួលអណ្ដែតកណ្ដាលផ្ទៃទឹក។ វត្ត​មួយ​នេះមានទីតាំងស្ថិតនៅក្នុងភូមិកោះជីវាំង ឃុំព្រៃចាស់ ស្រុកឯកភ្នំ ខេត្តបាត់ដំបង ជាប់​ព្រំ​ប្រទល់​ជាមួយភូមិទ្រាយ ឃុំពោធិ៍ទ្រាយ ស្រុកពួក ខេត្តសៀមរាប។ វត្ត​ឈើ​ខ្មៅគឺ​ជា​ឈ្មោះដែ​ល​គេតែង​តែ​ហៅតៗគ្នា ដោយសារតែនៅទីនោះ មានព្រះវិហារមួយត្រូវបានគេសាងសង់ឡើងនៅឆ្នាំ ១៨៨៧ ពីរុក្ខជាតិឈើខ្មៅ។ លក្ខណៈពិសេសមួយទៀតនៃវត្តនេះគឺ មានសាលា​បាលី​មួយ​សង់​ពី​ឈើ ប្រក់ស័ង្កសីមានបីជាន់ និងមានអាយុកាលជាង៦០ឆ្នាំផុសនៅលើផ្ទៃទឹក។ សព្វ​ថ្ងៃ​នេះ​សាលា​បាលី​នេះ មានសភាពចាស់ទ្រុឌទ្រោមខ្លាំង និងពិបាកក្នុងការចូលទៅទស្សនានៅខាងក្នុង ដោយសារ​តែ​ឈើខ្លះមានភាពពុកផុយអាចប្រឈមនឹងគ្រោះថ្នាក់។ដើម្បីទៅទស្សនាវត្តឈើខ្មៅ ភ្ញៀវ​ទេសចរអាចជ្រើសរើសការធ្វើដំណើរតាមម៉ូតូឬទូកម៉ាស៊ីន។ ពេល​ដែល​កំពុង​ធ្វើ​ដំណើរ​តាម​ទូក​ យើងបានឃើញនូវផ្ទាំងទស្សនីយភាពស្អាតៗជាច្រើនដែលកម្រ នឹងបានឃើញ ដូច​ជា​ផ្ទះ​បណ្ដែត​ទឹក​តូចៗ​នៅ​តាម​ដង​ស្ទឹង​សង្កែ​រួម​ជាមួយ​ការ​ប្រកបរបរ​ក​ស៊ី​ចិញ្ចឹម​ជីវិត​របស់​ប្រជាជន​ដែល​រ​ស់នៅក្នុងតំបន់នោះ ក៏ដូចជាទេសភាពស្អាតៗជាច្រើនទៀត ដែលមិនធ្វើ​ឱ្យ​លោក​អ្នក​ខក​បំណង​ឡើយ​៕

រដ្ឋមន្ត្រីក្រសួងការងារ ស្នើភាគីពាក់ព័ន្ធពិភាក្សាឱ្យបានផុលផុសលើសេចក្ដីព្រាង “គោលនយោបាយជាតិ ស្ដីពី​មុខរបរនិងការងារ ឆ្នាំ២០២៦-២០៣៥”

2025/07/22 02:58:13 pm        393
Facebook Telegram Linkin
ភ្នំពេញ៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ បាន​ស្នើ​ភាគី​ពាក់​ព័ន្ធ​ដែល​រៀប​ចំ​សេចក្ដីព្រាង «គោលនយោបាយជាតិ ស្ដីពីមុខរបរនិងការងារ ឆ្នាំ២០២៦-២០៣៥» ពិភាក្សាគ្នាឱ្យបានផុសផុលលើតម្រូវការធ្វើពិពិធកម្មសេដ្ឋកិច្ច ការ​រី​កច​ម្រើន​នៃ​បច្ចេក​វិទ្យា​ ការផ្លាស់ប្តូរទៅរកសេដ្ឋកិច្ចចក្រា កម្លាំងពលកម្មវ័យក្មេងដែលមានសមត្ថភាព និង​ការ​ចាក​ចេញ​របស់​កម្ពុជាពីក្រុមប្រទេសអភិវឌ្ឍន៍តិចតួច។ការលើកឡើងនេះរបស់ឯកឧត្តមរដ្ឋមន្រ្តី បានធ្វើឡើង​ក្នុង​ឱកាស​អញ្ជើញ​ជា​អធិបតី​ក្នុង​ការ​បើក​សិក្ខា​សាលា​ពិគ្រោះយោបល់ថ្នាក់ជាតិ លើសេចក្ដីព្រាង «គោលនយោបាយជាតិ ស្ដីពី​មុខ​របរ និង​ការងារ​ ឆ្នាំ២០២៦-២០៣៥» ដែលក្រសួងការងារ និងបណ្ដុះបណ្ដាលវិជ្ជាជីវៈ បាន​សហការ​ជាមួយ​អង្គការអន្តរជាតិខាងការងារ (ILO) រៀបចំធ្វើឡើង នាព្រឹកថ្ងៃទី២២ ខែកក្កដា ឆ្នាំ​២០២៥ នៅរាជធានីភ្នំពេញ។ជាមួយគ្នានេះ ឯកឧត្តម​រដ្ឋ​មន្រ្តី​បានបញ្ជាក់​ពី​ភាព​សំខាន់​នៃ​«គោល​នយោបាយ​ជាតិ​ស្តីពី​មុខ​របរ និង​ការងារ​ឆ្នាំ២០២៦-២០៣៥ ព្រោះគោលនយោបាយនេះ នឹងដើរតួនាទីយ៉ាង​សំខាន់​ក្នុង​ការ​រួម​ចំណែក​ជាមួយនឹងគោលនយោបាយជាតិផ្សេងៗទៀត រួមទាំងយុទ្ធសាស្រ្ត​បញ្ច​កោណ​គ្រប់​ដំណាក់​​កាល ដែលពាក់ព័ន្ធជាមួយគោលនយោបាយជាតិស្តីពីមុខរបរនិងការងារ បាន ធ្វើឱ្យ​សេដ្ឋ​កិច្ច បានធ្វើឱ្យទំនាក់ទំនងវិជ្ជាជីវៈ និងពិភពការងារនៅកម្ពុជាកាន់តែមានលក្ខណៈល្អប្រសើរ ដែល​បម្រើឱ្យផលប្រយោជន៍រួមរបស់កម្មករនិយោជិត និងនិយោជក។ឯកឧត្តមរដ្ឋមន្រ្តី បានមានប្រសាសន៍បន្តថា សេចក្តី​ព្រាង​គោល​នយោបាយ​ជាតិ​ស្តីពី​មុខ​របរ​និង​ការ​ងារ​ឆ្នាំ២០២៦-២០៣៥ នេះនឹងមានដាក់ចេញនូវយុទ្ធសាស្ត្រ ផែនការសកម្មភាព និង​ការ​ពិនិត្យ​តាម​ដាន និងវាយតម្លៃជូនដល់អង្គភាពពាក់ព័ន្ធក្នុងការអភិវឌ្ឍវិស័យមុខរបរ និងការងារ​សម្រាប់​រយៈ​ពេល ១០ឆ្នាំខាងមុខ ក្នុងចក្ខុវិស័យ​បង្កើត​កម្លាំង​ពលកម្ម​ដែល​មាន​ភាព​ប្រកួត​ប្រជែង បរិយាបន្ន និងកម្លាំងពលកម្មដែលត្រៀមសម្រាប់ការងារនាពេលអនាគត តាម​រយៈ​ការ​អប់រំ ការសិក្សាពេញមួយជីវិត និងប្រព័ន្ធទីផ្សារការងារដ៏រឹងមាំ ការពង្រឹងស្ថាប័ន និងបទ​ប្បញ្ញត្តិ​ទីផ្សារ​ការងារ ក៏ដូចជាការគាំទ្រ និងការពារពលករទេសន្តរប្រវេសន៍ ការឆ្លើយតប​ប្រក​ប​ដោយ​ប្រសិទ្ធ​ភាព​ចំពោះបញ្ហាប្រឈម និងឱកាសនៃការចាកចេញពីក្រុមប្រទេសអភិវឌ្ឍន៍តិចតួច និង​ការ​រីក​ចម្រើនផ្នែកបច្ចេកវិទ្យា តាមរយៈប្រព័ន្ធព័ត៌មានទីផ្សារការងារដ៏រឹងមាំ សមភាពយេនឌ័រ និង​បរិយាបន្ន​សង្គម។ក្នុង​ឱកាសនោះដែរ លោក ទុន សុភ័ណ អ្នកសម្របសម្រួលរបស់អង្គការអន្តរជាតិខាងការងារ (ILO) បានគាំទ្រអនុសាសន៍របស់ឯកឧត្តមរដ្ឋមន្រ្តី និងថ្លែងអំណរគុណចំពោះក្រសួងការងារ និង​បណ្ដុះបណ្ដាលវិជ្ជាជីវៈដែលតែងតែផ្ដល់កិច្ចសហការល្អជាអង្គការអន្តរជាតិខាងការងារ (ILO) ក្នុងការរៀបចំសេចក្តីព្រាងគោលនយោបាយជាតិស្តីពីមុខរបរនិងការងារឆ្នាំ២០២៦-២០៣៥នេះឱ្យមានដំណើរការល្អ។លោកបន្តថា គោលនយោបាយជាតិស្តីពីមុខរបរនិងការងារឆ្នាំ២០២៦-២០៣៥នេះ នឹងគាំទ្រ​ដល់​ការ​ធ្វើពិពិធកម្មសេដ្ឋកិច្ច និងជាក្របខ័ណ្ឌឆ្ពោះទៅមុខ ដែលស្រប​តាម​បរិបទ​សេដ្ឋ​កិច្ច​សង្គម​របស់​ប្រទេស​កម្ពុជា ដែលកំពុងរៀបចំ​ខ្លួន​សម្រាប់​ការចាក​ចេញ​ពី​ក្រុម​ប្រទេស​អភិវឌ្ឍន៍​តិច​តួច​នៅ​ឆ្នាំ២០២៩៕

សមាគមអតីតយុទ្ធជនខេត្តកំពង់ឆ្នាំង សាងសង់ផ្ទះ និងផ្តល់ដីអោយអតីតយុទ្ធជនបាន១០៥ខ្នង និងកំពុងបន្តសាងសង់១០០ខ្នងទៀត

2025/07/22 02:46:08 pm        123
Facebook Telegram Linkin
កំពង់ឆ្នាំង៖ លោកឧត្តមសេនីយ៍ត្រី អ៊ុ សុភា ប្រធានសមាគមអតីតយុទ្ធជនខេត្តកំពង់ឆ្នាំង នៅថ្ងៃទី២២ ខែកក្កដា ឆ្នាំ២០២៥នេះបានអោយដឹងថា នៅឆ្នាំ២០២២ សមាគមអតីតយុទ្ធជនដែលមានសម្តេចតេជោ ហ៊ុន សែន ជាប្រធានសមាគមអតីតយុទ្ធជន បានសាងសង់ផ្ទះ និងប្រគល់ដីជូនអតីតយុទ្ធជន បានចំនួន១០៥ខ្នង និងកំពុងបន្តសាងសង់ផ្ទះធ្វើពីបេតុងចំនួន១០០ខ្នងបន្ថែមទៀតជូនអតីតយុទ្ធជន ដែលមកដល់ពេលនេះក្រុមការងារ សាងសង់បានចំនួន៣៧ខ្នងរួចហើយ។ លោកឧត្តមសេនីយ៍ត្រី អ៊ុ សុភា បន្តថា៖ ក្រោមការយកចិត្តទុកដាក់ពីសម្តេចតេជោ ហ៊ុន សែន ប្រធានសមាគមអតីតយុទ្ធជន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅក្នុងឆ្នាំ២០២២ សម្តេចទាំងពីរ បានប្រគល់អំណោយជូនអតីតយុទ្ធជននូវដី និងផ្ទះ ជូនអតីតយុទ្ធជនចំនួន១០៥ខ្នង ស្ថិតនៅភូមិអូរកាខុប ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ដើម្បីតបស្នងនូវគុណបំណាច់នៃការបូជាសាច់ស្រស់ឈាមស្រស់ជូនជាតិមាតុភូមិរបស់ពួកគាត់ ហើយសម្តេចតេជោ និងសម្តេចកិត្តិព្រឹទ្ធបណ្ឌិត តែងនឹករលឹក និងគិតគូរជាប់ជានិច្ចចំពោះសុខទុក្ខរបស់អតីតយុទ្ធជនទាំងអស់។ នៅក្នុងរាជរដ្ឋាភិបាលអាណត្តិទី៧ ដែលដឹកនាំដោយសម្តេចធិបតី ហ៊ុន ម៉ាណែត ជានាយករដ្ឋមន្ត្រី ក៏បាន និងកំពុងយកចិត្តទុកដាក់យ៉ាងខ្លាំងដល់អតីតយុទ្ធជនបន្ថែមទៀត ដោយសម្តេចបានប្រគល់ដី និងផ្ទះចំនួន១០០ខ្នងទៀតជូនអតីតយុទ្ធជនដែលគ្មានដី និងផ្ទះរស់នៅ។ មកដល់ពេលនេះក្រុមការងារបានសាងសង់បានផ្ទះចំនួន៣៧ខ្នងហើយ។អតីតយុទ្ធជន ដែលទទួលបានដី និងផ្ទះ បានសម្តែងការរីករាយ ហើយក៏បានប្រកាសបង្ហាញពីចងចាំ និងដឹងគុណសម្តេចតេជោ និងសម្តេចកិត្តិព្រឹទ្ធបណ្ឌិត និងសម្តេចធិបតី ហ៊ុន ម៉ាណែត ជាប់ជានិច្ច។ ពួកគាត់បានលើកឡើងថាដី និងផ្ទះ ដែលជាការរៀបចំជូនដោយសម្តេចតេជោ និងសម្តេចកិត្តិព្រឹទ្ធបណ្ឌិត និងសម្តេចធិបតី ជាសម្បត្តិដ៏មានតម្លៃមិនអាចកាត់ថ្លៃបាននៅក្នុងជីវិត។សម្តេចតេជោ និងសម្តេចកិត្តិព្រឹទ្ធបណ្ឌិត លោកមិនដែលភ្លេចនូវគុណបំណាច់របស់បងប្អូនអតីយុទ្ធជនយើងនោះឡើយ។ ប្រទេសមានភាពសុខសន្តិភាព និងសុខសាន្តត្រាណបែបនេះ គឺដោយសារការធ្វើពលីកម្មរបស់បងប្អូននេះហើយ។ ដូច្នេះជាតិ និងមន្ត្រីទាំងអស់ ត្រូវយកចិត្តទុកដាក់ឆ្លើយតប និងដោះស្រាយរាល់បញ្ហាក្នុងជីវភាព ដើម្បីឱ្យស័ក្តិសមនឹងការលះបង់របស់បងប្អូន៕ កាំង ហុងវាស្នា

មន្ត្រី​វប្បធម៌ជាង​១០០នាក់ ទទួលការបណ្តុះបណ្តាលស្តីពីគរុកោសល្យ វិធីសាស្រ្តនៃការបង្រៀន និង​ការគ្រប់គ្រងថ្នាក់រៀន

2025/07/22 02:36:31 pm        509
Facebook Telegram Linkin
សាលាបណ្តុះបណ្តាលក្របខ័ណ្ឌវប្បធម៌ នៃក្រសួងវប្បធម៌ និងវិចិត្រសិល្បៈ ព្រឹកថ្ងៃទី២២ ខែ​កក្កដា​ ឆ្នាំ​២០២៥នេះ បានរៀបចំបើកវគ្គបណ្តុះបណ្តាល គរុកោសល្យ វិធីសាស្រ្តនៃការបង្រៀន និង​ការ​គ្រប់​គ្រង​ថ្នាក់រៀន (ជំហានទី៣ ក្រុមទី២) សម្រាប់មន្រ្តីរាជការ និងលោកគ្រូ អ្នកគ្រូ នៃ​សាលា​មធ្យម​វិចិត្រសិល្បៈ។លោក ជ័យ វឌ្ឍនា នាយកស្តីទីសាលាបណ្តុះបណ្តាលក្របខ័ណ្ឌវប្បធម៌ បានលើកឡើងថា វគ្គ​បណ្តុះ​បណ្តាល​ថ្ងៃ​នេះ បានផ្តោតលើការអភិវឌ្ឍឱ្យកាន់តែប្រសើរ ឡើងនូវកម្មវិធីសិក្សា វិធីសាស្ត្រ​នៃ​ការ​បង្រៀន សំដៅបង្កើននូវគុណភាព ប្រសិទ្ធភាពនៃការបង្រៀន របស់លោកគ្រូ អ្នកគ្រូ ដែល​ជា​កូន​សោរ​ដ៏សំខាន់ក្នុងការបណ្តុះបណ្តាលនូវធនធានមនុស្សជំនាន់ក្រោយ ឱ្យក្លាយ​ទៅ​ជា​មូល​ធន​មនុស្ស​វិស័យវប្បធម៌ដ៏មានសក្តានុពលនាពេលអនាគត។ តាមកម្មវិធីដែលបានគ្រោងទុកវគ្គបណ្តុះបណ្តាលលើកនេះ សាលាបានកំណត់យកមុខវិជ្ជា សំខាន់​គឺ​វិធីសាស្ត្រអនុវត្តន៍ ចំនួន២ ក្នុងនោះរួមមាន៖ ទី១. ការ​អភិវឌ្ឍប្លង់នៃមុខវិជ្ជាសិក្សា ធ្វើបទឧទ្ទេសដោយ លោកបណ្ឌិត សឿង សុផា គ្រូឧទ្ទេស​កម្រិត​ឧត្តម នៃវិទ្យាស្ថានជាតិអប់រំ នៃក្រសួងអប់រំ យុវជន និងកីឡា។ទី២. ការអភិវឌ្ឍប្លង់នៃមុខវិជ្ជាសិក្សា ធ្វើបទឧទ្ទេសដោយ លោក ផ្លុង តូន អនុប្រធាន​ក្រុម​បច្ចេក​ទេស​សីលធម៌ ពលរដ្ឋ និងទស្សនវិជ្ជា និងជាគ្រូឧទ្ទេសកម្រិតឧត្តម នៃវិទ្យាស្ថានជាតិអប់រំ នៃ​ក្រសួង​អប់រំ យុវជន និងកីឡា។សម្រាប់​វគ្គសិក្សានេះសាលាបានកំណត់ជ្រើសយកមន្រ្តីរាជការ និងគ្រូបង្រៀន សរុបចំនួន ១០២​នាក់​ ក្នុងនោះសិក្ខាកាមជាស្រ្តីមានចំនួន ៥០នាក់ មកពីសាលាមធ្យមវិចិត្រសិល្បៈ។លោក ហេង កំសាន្ត នាយកសាលាមធ្យមវិចិត្រសិល្បៈ បានមានប្រសាសន៍ថា គិតមកដល់ថ្ងៃនេះ យើង​បាន​បើកវគ្គបណ្តុះបណ្តាលចំនួន៦លើករួចមកហើយ ក្នុងរយៈពេល០៣ឆ្នាំកន្លងមក ដោយ​មួយ​ឆ្នាំ​យើង​បើកវគ្គបណ្តុះបណ្តាលចំនួន២លើក ក្នុងជំហានទី១ ជំហានទី២ និងជំហានទី៣ ដែល​សរុប​នៃការចូលរួមរៀនសូត្រនេះ បានសិក្ខាកាម អ្នកគ្រូ លោកគ្រូ ចំនួនជាង២០០នាក់។នាឱកាសនោះដែលឯកឧត្តម ធៀង វណ្ណដារ៉ុង អនុរដ្ឋលេខាធិការ តំណាង​ដ៏​ខ្ពង់​ខ្ពស់​លោក​ជំទាវ​បណ្ឌិត​សភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានថ្លែងថា ជា​ការ​ពិត​ណាស់​វគ្គបណ្តុះបណ្តាល ដែលសាលាបណ្តុះបណ្តាលក្របខ័ណ្ឌវប្បធម៌បានរៀបចំនៅថ្ងៃនេះ គឺ​ផ្អែក​លើ​គោលនយោបាយ និងយុទ្ធសាស្រ្តកែទម្រង់របស់រាជរដ្ឋាភិបាលកម្ពុជា ក្នុងការ​កសាង​គោល​នយោបាយ​ស្តីពី​ធនធានមនុស្សគ្រប់វិស័យជំនាញ សំដៅបង្កើនគុណភាព ប្រសិទ្ធភាព ភាព​ស័ក្តិ​សិទ្ធិ ជំនឿទុកចិត្ត ហើយវាក៏ស្របទៅនឹងយុទ្ធសាស្រ្តបញ្ចកោណទី១ ស្តីពី​ការ​អភិវឌ្ឍ​មូល​ធន​មនុស្ស សំដៅលើការពង្រឹងគុណភាពអប់រំ កីឡា វិទ្យាសាស្រ្ត និងបច្ចេកវិទ្យា ការ​បណ្តុះ​បណ្តាល​ជំនាញ​បច្ចេកទេសជាដើម ដើម្បីឆ្លើយ​តប​ទាន់​ពេល​វេលា​ទៅ​នឹង​តម្រូវ​ការ​នៃ​ការ​ផ្តល់​សេវា​អប់រំ​ដល់​សិស្ស លើចំណេះដឹងទូទៅ ជំនាញវិជ្ជាជីវៈ និងជំនាញមរតកដូនតាឱ្យស្របតាមស្តង់ដារជាតិ តំបន់​ និងអន្តរជាតិ៕ អត្ថបទ រដ្ឋា 

ឯកឧត្តម ឃួង ស្រេង ណែនាំឱ្យស្នងការរាជធានីភ្នំពេញ និងអភិបាលខណ្ឌទាំង១៤ រៀបចំ​ផែន​ការ​បន្ត​បង្ក្រាប​ការឆបោកតាមប្រព័ន្ធបច្ចេកវិទ្យា (ONLINE SCAMS) ឱ្យបានម៉ឺងម៉ាត់បំផុត

2025/07/22 02:17:16 pm        441
Facebook Telegram Linkin
ភ្នំពេញ ៖ ឯកឧត្តម ឃួង ស្រេង អភិបាលនៃគណៈអភិបាល​រាជ​ធានី​ភ្នំពេញ​បាន​ណែនាំ​​ឱ្យ​ស្នង​ការ​រាជ​ធានីភ្នំពេញ រៀបចំផែនការបន្តបង្ក្រាបការឆបោកតាមប្រព័ន្ធបច្ចេកវិទ្យា (ONLINE SCAMS) ឱ្យបានម៉ឺងម៉ាត់បំផុត និងបានណែនាំឱ្យអភិបាលខណ្ឌទាំង១៤ ចុះសង្កេត ហើយ​បង្ក្រាប​ឱ្យ​ទទួលបានជោគជ័យទៅតាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយក​រដ្ឋ​មន្ត្រី។ការណែនាំរបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជា​ប្រធាន​គណៈ​បញ្ជាការឯកភាពរដ្ឋបាលរាជធានីភ្នំពេញបានធ្វើឡើងនាព្រឹកថ្ងៃទី២២ ខែកក្កដា ឆ្នាំ​២០២៥ ក្នុងកិច្ចប្រជុំដកស្រង់បទពិសោធន៍នៃការងារបង្ក្រាបការឆបោកតាមប្រព័ន្ធបច្ចេកវិទ្យា (ONLINE SCAMS) នៅសាលារាជធានីភ្នំពេញ។ឯកឧត្តម ឃួង ស្រេង មានប្រសាសន៍ថា ការងារបង្ក្រាបការឆបោកតាមប្រព័ន្ធបច្ចេកវិទ្យា (ONLINE SCAMS) នៅរាជធានីភ្នំពេញជាបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដូច្នេះមន្ត្រី និងកងកម្លាំងមានសមត្ថកិច្ចទាំងអស់ត្រូវអនុវត្តឱ្យបានម៉ឺងម៉ាត់បំផុត ដើម្បីឱ្យការងារនេះទទួលបានជោគជ័យ បើទោះបីជាអនុវត្តបានល្អប្រសើរមួយកម្រិតហើយក្តី។ឯកឧត្តម ឃួង ស្រេង បានបន្តថា ការងារនេះជាការងារ ដែលដាច់ខាតត្រូវរួមគ្នាធ្វើ ដូចពាក្យមួយនិយាយថា កង្កែបក៏ប្រឹង ពស់ក៏ប្រឹង គឺត្រូវប្រឹងប្រែងទាំងអស់គ្នា ដោយសង្កេតឃើញកន្លែងណាសង្ស័យ ត្រូវបង្ក្រាបកន្លែងនោះ ពិសេសគឺយកភស្តុតាងឱ្យបាន។ ឯកឧត្តម ឃួង ស្រេង សង្កត់ធ្ងន់ថា ក្នុងនាមអាជ្ញាធរ កងកម្លាំងមានសមត្ថកិច្ច ស្អាតស្អំ មិនទាន់គ្រប់គ្រាន់ទេ លុះត្រាតែបង្ក្រាបលុបបំបាត់បទល្មើសឱ្យអស់ពីក្នុងមូលដ្ឋានរបស់ខ្លួនទើបគ្រប់គ្រាន់។ សូមពិនិត្យទីតាំងស្នាក់នៅរួមរបស់ជនបរទេសឱ្យបានម៉ត់ចត់ និងម៉ឺងងម៉ាត់ បើជនបរទេសស្របច្បាប់ សូមកុំរំខានគាត់ សូមធ្វើអ្វីដោយភាពត្រឹមត្រូវ។ឯកឧត្តម ឃួង ស្រេង អភិបាលរាជធានីក្នុងកិច្ចប្រជុំនោះក៏បានណែនាំឱ្យអភិបាលខណ្ឌទាំង១៤ ត្រូវដាក់ផែនការឱ្យបានច្បាស់លាស់ដល់មេភូមិ ចៅសង្កាត់ តាមដានទីតាំងឆបោកតាមប្រព័ន្ធបច្ចេកវិទ្យា (ONLINE SCAMS) នេះ។ការងារនេះនៅតែបន្តធ្វើដោយភាពម៉ឺម៉ាត់ និងគ្មានទីបញ្ចប់ រហូត ONLINE SCAMS អស់ពីរាជធានីភ្នំពេញ។ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានលើកឡើងថា ចាប់ពីថ្ងៃទី២ ខែកក្កដា ឆ្នាំ២០២៥ រហូតមកដល់ថ្ងៃទី១៩ ខែកក្កដា ឆ្នាំ២០២៥ កម្លាំងគណៈបញ្ជាការឯកភាពរាជធានីភ្នំពេញបង្ក្រាបការឆបោកតាមប្រព័ន្ធបច្ចេកវិទ្យា (ONLINE SCAMS) បានចំនួន១៦ទីតាំង និងឃាត់មនុស្ស៧៣៤នាក់ ហើយចាប់ពីថ្ងៃទី៣ ខែកក្កដា ដល់ថ្ងៃទី២១ ខែកក្កដាក្នុងចំនួននេះមានជនសង្ស័យមួយចំនួនត្រូវបានកសាងសំណុំរឿងបញ្ជូនទៅកាន់តុលាការ។ឧត្តមសេនីយ៍ឯក ជួន ណារិន្ទ ក៏បានបញ្ជាក់ផងដែរថា ក្នុងចំនួនទីតាំងដែលបង្ក្រាបបាននេះមានចំនួន២ទីតាំងដែលបង្ក្រាបចំគោលដៅនៃការឆបោកតាមប្រព័ន្ធបច្ចេកវិទ្យា (ONLINE SCAMS) នេះតែម្តង ដោយដកហូតបានវត្ដុតាងមួយចំនួនធំ៕ អត្ថបទ ៖ ប្រាក់ វ៉ាន់ដា

អាជ្ញាធរមីន និងសាកលវិទ្យាល័យ​លេនកាហ្សៀរនៃចក្រភពអង់គ្លេស ចុះ​អនុស្សារ​ណៈ​យោគ​យល់​គ្នា ពង្រឹង​ភាពជាដៃគូក្នុងការអភិវឌ្ឍបច្ចេកវិទ្យាថ្មី​ដ្រូន​គ្មាន​មនុស្ស​បើក

2025/07/22 02:08:41 pm        1147
Facebook Telegram Linkin
នៅ​ថ្ងៃទី២២ ខែកក្កដា ឆ្នាំ២០២៥ នៅទីស្នាក់ការអាជ្ញាធរមីន ឯកបណ្ឌិត លី ធុជ ទេសរដ្ឋមន្រ្តី និង​ជា​អនុប្រធានទី១ អាជ្ញាធរមីន បានអញ្ជើញ​ជា​អធិបតី​ក្នុង​ពិធី​ចុះ​អនុស្សា​រណៈ​យោគ​យល់​គ្នា​រវាង​អាជ្ញាធរ​មីន និងសាកលវិទ្យាល័យលេនកាហ្សៀរ (University of Lancashire) នៃចក្រភព​អង់គ្លេស ដើម្បីពង្រឹង​ភាព​ជាគូ​ក្នុង​ការ​អភិវឌ្ឍ​បច្ចេក​វិទ្យា​ថ្មី​ដ្រូន​គ្មានម​នុស្ស​បើក​គាំទ្រដល់​ការសិក្សាស្រាវជ្រាវ និងកិច្ចប្រតិបត្តិការសកម្មភាពមីន។ការចុះអនុស្សារណៈនេះ បានផ្តោតសំខាន់លើការគាំទ្រគោលដៅរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី ឆ្ពោះទៅរកកម្ពុជាមួយគ្មានផលប៉ះពាល់ដោយសារមីន និងសំណល់​ជាតិ​ផ្ទុះ​ពី​សង្រ្គាម ក៏ដូចជាផ្តោតសំខាន់ផងដែរលើការប្រើប្រាស់បច្ចេកវិទ្យាថ្មីៗ ដើម្បី​ជួយ​ពន្លឿន​បង្កើន​សមត្ថភាពកាត់បន្ថយហានិភ័យ និងគាំទ្រក្នុងអំឡុងកិច្ចប្រតិបត្តិការសកម្មភាពមីន។ក្នុងឱកាសនោះ ឯកឧត្តមបណ្ឌិត តាងនាមឱ្យរាជរដ្ឋាភិបាល បានកោតសរសើរ និងថ្លែង អំណរ​គុណ​ដល់​សាកលវិទ្យាល័យលេនកា ហ្សៀរ សម្រាប់កិច្ចខិតខំ​ប្រឹង​ប្រែង​ក្នុង​ការ​អភិវឌ្ឍ​ឧបករណ៍​ប្រកប​ដោយ​នវានុវត្តន៍ ជាពិសេសការប្រើប្រាស់​ដ្រូនគ្មាន​មនុស្សបើក​ក្នុង​គោល​បំណង​គាំទ្រ​ដល់​ការ​សកម្មភាព​មីនមនុស្សធម៌នៅកម្ពុជា។ ឯកឧត្តមបណ្ឌិត លី ធុជ បានលើកឡើងថា ប្រទេសកម្ពុជា ក្រោមការ​ដឹកនាំ​ប្រកប​ដោយ​ចក្ខុ​វិស័យ​របស់​សម្តេចធិបតី ហ៊ុន ម៉ាណែត នាយករដ្ឋមន្រ្តី បានប្តេជ្ញាចិត្តឥត​ងាករេចំ​ពោះ​សកម្ម​ភាព​មីន​ សន្តិភាព និងសន្តិសុខរបស់មនុស្សជាតិ។ កម្ពុជា បាននឹងកំពុងបន្តពង្រឹងភាពជាដៃគូ និង​កិច្ច​សហ​ប្រតិបត្តិការយ៉ាងជិតស្និទ្ធជាមួយប្រទេសជាមិត្ត ដៃគូអភវិឌ្ឍន៍ និងប្រតិបត្តករដោះមីន ដើម្បី​បន្តបោះ ជំហានយ៉ាងសំខាន់ឆ្ពោះទៅរកគោលដៅកម្ពុជាគ្មានមីន ដែលជាក់ស្តែងថ្ងៃនេះ អាជ្ញាធរ​មីន ជាសេនាធិការឱ្យរាជរដ្ឋាភិបាល បានពង្រឹងភាពជាដៃគូថ្មី ក្នុងការស្រាវជ្រាវ និង​ប្រើ​ប្រាស់​បច្ចេក​វិទ្យាដ្រូនគ្មានមនុស្សបើកជាមួយសាកលវិទ្យាល័យ​នៃចក្រភពអង្គគ្លេស គាំទ្រដល់​វិស័យ​សកម្ម​ភាព​មីនផងដែរ។ ភាពជាដៃគូនេះ មិនត្រឹមតែជួយកម្ពុជាក្នុងការ ស្វែង​រ​ក​វិធី​សា​ស្រ្ត​​ថ្មី​សម្រាប់​ការ​សិក្សាស្រាវជ្រាវ និងការបោស សម្អាតមីនប៉ុណ្ណោះទេ ប៉ុន្តែថែមទាំង​ពង្រឹង​សមត្ថ​ភាព​ជាតិ​ បង្កើនការបណ្តុះបណ្តាល និងការផ្លាស់ប្តូរចំណេះដឹង និងនាំមកនូវការចាប់ អារម្មណ៍ជា​សកល​ដល់​ភាពជាអ្នកដឹកនាំរបស់កម្ពុជាក្នុងវិស័យសកម្មភាពមីន។ឯកឧត្តមបណ្ឌិត លី ធុជ បានថ្លែងទៀតថា ទោះបីមានការ​រីក​ចម្រើន​គួរ​ឱ្យ​កត់​សំគាល់​នូវ​បច្ចេក​វិទ្យាថ្មី​ៗ​ សម្រាប់ប្រើប្រាស់គាំទ្រក្នុងវិស័យសកម្មភាពមីនក៏ដោយ កម្ពុជានៅ​តែ​ស្ថិត​ជា​ប្រទេស​មួយ​ក្នុង​ចំណោមប្រទេសដែលរងផលប៉ះពាល់ខ្ពស់ដោយសារមីនលើពិភពលោក។ វត្តមាន​គ្រាប់​មីន​ដែល​នៅ​សេសសល់ តែងតែបង្កគ្រោះថ្នាក់ដល់អាយុជីវិតប្រជាពលរដ្ឋ និងរាំងស្ទះដល់​ការអ​ភិវ​ឌ្ឍ​ប្រទេស ជាពិសេសប៉ះពាល់ដល់សេចក្តីថ្លៃថ្នូរ និង ការស្តារឡើងវិញរបស់សហគមន៍។ ជា​មួយ​គ្នា​នោះ ឯកឧត្តមបណ្ឌិត លី ធុជ លើក ទឹកចិត្តឱ្យសាកលវិទ្យាលេនកាហ្សៀនបន្តធ្វើ ការជា​មួយ​កម្ពុជា មិនត្រឹមតែជាអ្នកស្រាវជ្រាវបង្កើតបច្ចេក វិទ្យាថ្មីប៉ុណ្ណោះទេ ប៉ុន្តែជាដៃ​គូ​ដែល​ដើរ​ទន្ទឹម​គ្នា​ជាមួ​យ​កម្ពុជានៅលើផ្លូវទៅកាន់សន្តិភាព។លោកសាស្រ្តាចារ្យ Darren Anzell បានលើកឡើងថា សាកលវិទ្យាលេនកាហ្សៀរ គឺជា​សាកល​វិទ្យា​ល័យ​ធំ​ជាងគេមួយរបស់ចក្រភពអង់គ្លេស បង្កើតឡើងក្នុងឆ្នាំ ១៨២៨ ដោយផ្តោតសំខាន់​លើ​ផ្នែក​វិទ្យា​សាស្រ្ត សិល្បៈ និងអក្សរសាស្រ្ត។ ចាប់ពីឆ្នាំ២០១៥ សាកលវិទ្យាល័យ បានធ្វើជា​ដៃ​គូ​ជា​មួយ​អាជ្ញាធរមីន កងយោធ ពលខេមរភូមិន្ទ និងអង្គភាពនានា គាំទ្រដល់កិ​ច្ច​ខិត​ខំ​ប្រឹង​ប្រែង​របស់​រាជរដ្ឋាភិបាលកម្ពុជាលើការបោសសម្អាតមីន និងសំណល់ជាតិផ្ទុះពីសង្រ្គាម។លោកសាស្រ្តាចារ្យ Darren Anzell មានមោទនភាព​ក្នុង​ការ​ចូល​រួម​ចំណែក​បណ្តុះ​បណ្តាល​ដល់​សិក្ខា​កាម​កម្ពុជា​លើកា​រ​ប្រើប្រាស់​ដ្រូន​គ្មាន​មនុស្ស​បើក​ដែលជា​បច្ចេក​វិទ្យា​ថ្មី​សម្រា​ប់​វិស័យ​សកម្ម​ភាព​មីន​នៅកម្ពុជា ក្រោមកិច្ចសហការជាមួយអាជ្ញាធរមីន ហើយលោកសង្ឃឹមថា ការប្រើប្រាស់ប​ច្ចេក​វិទ្យា​ថ្មីនេះ នឹងគាំទ្រដល់គោលដៅកម្ពុជាគ្មានមីនឆ្នាំ២០៣០ ៕ អត្ថបទ,ភារម្យ

សម្តេច ម៉ែន សំអន ៖ អតីតនិស្សិតកម្ពុជា ដែលបានបណ្តុះបណ្តាល ពីប្រទេសនានា​បានចូលរួមអភិវឌ្ឍន៍ធនធានមនុស្សដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការឈានឆ្ពោះទៅសម្រេចចក្ខុវិស័យរបស់ខ្លួននៅត្រឹមឆ្នាំ ២០៣០ និងឆ្នាំ ២០៥០

2025/07/22 12:53:04 pm        257
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តភាពកម្ពុជា-វៀតណាម បានទទួលជួបជាមួយប្រតិភូសមាគមអតីតនិស្សិតកម្ពុជាមកពីប្រទេសវៀតណាម ដែលដឹកនាំដោយ លោក អ៊ុច លាង ប្រធានសមាគម ចូលជួបសម្តែងការគួរសម នៅរាជធានីភ្នំពេញ នាព្រឹកថ្ងៃចន្ទ ១១រោច ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២១ ខែកក្កដា ឆ្នាំ២០២៥។ក្នុងជំនួបនោះ លោក អ៊ុច លាង ប្រធានសមាគមអតីតនិស្សិតកម្ពុជាមកពីប្រទេសវៀតណាម បានលើកឡើងពីវឌ្ឍនភាពការងាររបស់សមាគម ជូនសម្តេចបានជ្រាបជារបាយការណ៍ និងបានបញ្ជាក់អំពីតួនាទីរបស់សមាគម គឺជាស្ពានភ្ជាប់ទំនាក់ទំនងរវាង​ប្រជាជន​កម្ពុជានិងប្រជាជនវៀតណាម ជាពិសេស ក្នុងវិស័យ ពាណិជ្ជកម្ម វិនិយោគ អប់រំ ទេសរណ៍ សេដ្ឋកិច្ច សុខាភិបាល ជាដើម។ ក្នុងនោះផងដែរ សមាគមបានបន្តដាក់ចេញទិសដៅ​អនុវត្តការងារឆ្នាំ២០២៥ ដើម្បីបន្តអភិវឌ្ឍន៍សមាគមឱ្យកាន់ តែមានភាពរឹងមាំបន្ថែមទៀត ឱ្យស្របទៅតាមលក្ខន្តិកៈ និងបទបញ្ជាផ្ទៃក្នុងរបស់ខ្លួន ក៏ដូចជាបទប្បញ្ញត្តិ និងច្បាប់ដែលប្រទេសកម្ពុជាមានធរមាន សំដៅកសាងធនធានមនុស្សរបស់ប្រទេសជាតិ ប្រកបដោយគុណភាព និងមោទនភាពជាតិ។ កន្លងមកសមាគមបានលើកទឹកចិត្តឱ្យ អតីតនិស្សិតសិក្សានៅប្រទេសវៀតណាម បន្តចូលរួមជាមួយសមាគមឲ្យបានគ្រប់ៗគ្នា ដើម្បីបង្ហាញពីស្មារតីសាមគ្គីភាព មិត្តភាពខ្ពស់ សំដៅជួយជ្រោមជ្រែងគ្នាទៅវិញទៅមក ជួយសម្របសម្រួល និងដោះស្រាយបញ្ហាប្រឈមនានា ដែលអតីតនិស្សិតជួបប្រទះ ដើម្បីកសាងបានមហាគ្រួសារអតីតនិស្សិតសិក្សានៅប្រទេសវៀតណាមួយ ពោរពេញទៅដោយមូលធនមនុស្ស ដែលជាសសរទ្រូងដ៏រឹងមាំរបស់ប្រទេសជាតិ។ជាការឆ្លើយតប សម្តេចកិត្តិសង្គហបណ្ឌិត ថ្លែងនូវការកោតសសើរដល់ លោក អ៊ុច លាង ដែលបានបំពេញតួនាទីយ៉ាងសកម្មក្នុងរយៈកាលកន្លងមកនេះ ដោយ​សម្រេចបាននូវលទ្ធផលគួរជាទីមោទនៈ ដើម្បីពង្រឹងសាមគ្គីភាព មិត្តភាព និងសហប្រតិបត្តិការរវាងប្រទេសទាំងពីរ និងជួយគាំទ្រសមាជិកសមាគម នៅពេលដែលមានទុក្ខលំបាកនានា។ សម្តេចបានបន្តទៀតថា ការបណ្តុះបណ្តាល​ធនធានមនុស្សនេះ បានក្លាយទៅជាអាទិភាពមួយ​ដ៏សំខាន់នៅ​ក្នុងយុទ្ធសាស្ត្រ​បញ្ចកោណដំណាក់ទី១ ក្នុងអណត្តិទី ៧ នៃរាជរាដ្ឋាភិបាល ដែលដឹកនាំ​ដោយសម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ទន្ទឹមនឹងនោះផងដែរ រាជរដ្ឋាភិបាល​បានដាក់ចេញគោលនយោបាយជាច្រើនបាននឹងកំពុងអនុវត្ត ក្នុងការជំរុញកសាងធនធាន​មនុស្សគ្រប់ប្រភេទ ដើម្បីឆ្លើយតបទៅនឹងកំណើនរីកចម្រើនយ៉ាង​ឆាប់រហ័ស​នៃសេដ្ឋកិច្ច សង្គម កម្ពុជានាពេលបច្ចុប្បន្ន។ ឆ្លៀតក្នុងឱកាសនោះផងដែរ សម្តេចកិត្តិសង្គហបណ្ឌិតក៏បានសំណូមពរឲ្យ លោក អ៊ុច លាង បន្តបង្កើនកិច្ច​សហប្រតិបត្តិការរបស់សមាគមន៍បន្ថែមទៀតជាមួយក្រសួងស្ថាប័នពាក់ព័ន្ធ ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងការឈានឆ្ពោះទៅសម្រេចចក្ខុវិស័យរបស់ខ្លួននៅត្រឹមឆ្នាំ ២០៣០ និងឆ្នាំ ២០៥០។

វិនិយោគិនមកពីប្រទេសកាតា ជម្រាបសម្ដេចតេជោ ពីការចាប់អារម្មណ៍វិនិយោគលើវិស័យកសិកម្ម និងទេសចរណ៍នៅកម្ពុជា

2025/07/22 12:45:48 pm        279
Facebook Telegram Linkin
នៅព្រឹកថ្ងៃទី២២ ខែកក្កដា ឆ្នាំ២០២៥នេះដែរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឲ្យ លោក Fahd Al-Dosari ប្រធានផ្នែកទំនាក់ទំនងក្រុមហ៊ុន AMH និងប្រតិភូ ចូលជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ។ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបនេះថា ក្នុងជំនួបនោះ សម្ដេចតេជោ បានសម្ដែងនូវការស្វាគមន៍ និងរីករាយចំពោះគណៈប្រតិភូក្រុមហ៊ុនវិនិយោគនៃប្រទេសកាតា AI Mansour Holding (AMH) និងក្រុមហ៊ុន LCH Investment Group Co., Ltd. ដែលបានអញ្ជើញមកទស្សនកិច្ចនៅកម្ពុជា ហើយសម្ដេចតេជោ ក៏បានអរគុណដែលក្រុមហ៊ុនបានចាប់អារម្មណ៍ស្វែងរកឱកាសវិនិយោគនៅក្នុងប្រទេសកម្ពុជា។ សម្ដេចតេជោ បានរម្លឹកថា កន្លងទៅសម្ដេចបានអញ្ជើញទៅបំពេញទស្សនកិច្ចនៅកាតា ក៏ធ្លាប់បានអំពាវនាវដល់អ្នកវិនិយោគនៅប្រទេសកាតាអញ្ជើញមកចាប់យកឱកាសវិនិយោគនៅកម្ពុជាផងដែរ។ ក្នុងឱកាសនោះ លោកអគ្គនាយកក្រុមហ៊ុន AMH បានអរគុណចំពោះសម្ដេចតេជោ ដែលបានអនុញ្ញាតឱ្យរូបលោក និងសហការីបានជួបសម្ដែងការគួរសម និងស្ដាប់នូវមតិយោបល់របស់សម្ដេចតេជោបន្ថែមទៀត ដើម្បីស្វែងរកឱកាវិនិយោគនៅកម្ពុជា។ លោកបញ្ជាក់ថា ក្រុមហ៊ុនរបស់លោក ចាប់អារម្មណ៍ខ្លាំងក្នុងការវិនិយោគនៅកម្ពុជា។ ជាការឆ្លើយតបសម្ដេចតេជោ បានបញ្ជាក់ថា សម្រាប់ប្រទេសកម្ពុជា មានសក្ដានុពលវិនិយោគជាច្រើន ដែលក្រុមហ៊ុនបរស់លោក ក៏ដូចជាវិនិយោគិនរបស់ប្រទេសកាតាអាចមកធ្វើការវិនិយោគ ក្នុងនោះមានទាំងវិស័យកសិកម្ម ឧស្សាហកម្ម និងទេសចរណ៍ជាដើម។ សម្ដេចតេជោបានរំលេចថា វិស័យកសិកម្មផ្ដោតសំខាន់ដែលកម្ពុជាចង់បាននោះគឺការកែច្នៃនៅផលិតផលកសិកម្មកម្ពុជាដើម្បីនាំចេញបន្តទៅកាន់បណ្ដាប្រទេសនានានៅលើពិភពលោក។ ក្នុងឱកាសនោះលោកប្រធានក្រុមហ៊ុន ក៏បានអរគុណដល់សម្ដេចតេជោដែលបានបញ្ជាក់ពីសក្ដានុពលវិនិយោគសំខាន់ៗនៅក្នុងប្រទេសកម្ពុជា, លោកបញ្ជាក់ថា ក្រុមហ៊ុនលោកក៏ចាប់អារម្មណ៍ចំពោះការវិនិយោគលើវិស័យកសិកម្ម និងវិស័យទេសចរណ៍ និងបដិសណ្ឋារកិច្ចនៅកម្ពុជាផងដែរ។ លោកប្រធានក្រុមហ៊ុនបញ្ជាក់ថា លោកចាប់អារម្មណ៍វិនិយោគនៅប្រទេសកម្ពុជា ពីព្រោះប្រទេសកម្ពុជា មានសុវត្ថិភាព សន្ដិសុខល្អ និងមានសន្ដិភាពដែលជាកត្តាអំណោយផលដល់ការវិនិយោគពីបរទេស ដូច្នេះលោកបានជ្រើសរើសយកប្រទេសកម្ពុជាក្នុងការវិនិយោគដំបូងគេសម្រាប់ប្រទេសនៅក្នុងតំបន់អាស៊ីអាគ្នេយ៍៕

បណ្ដាញសង្គម

ព័ត៌មានថ្មីៗ

បឹងធំបំផុតលំដាប់ទី ៣របស់ហុងគ្រីរីងស្ងួត គំរាមកំហែងដល់វិស័យទេសចរណ៍ និងជីវិតសត្វព្រៃ
06/10/2026 09:06 PM
Facebook Telegram Linkin
ក្រុមតាលីបង់៖ ការវាយប្រហារតាមច្រកអាកាសប៉ាគីស្ថាន សម្លាប់មនុស្សយ៉ាងហោច ១៣នាក់ នៅអាហ្វហ្គានីស្ថាន
06/10/2026 08:06 PM
Facebook Telegram Linkin
កូរ៉េខាងត្បូង៖ កូរ៉េខាងជើងទំនង​កាន់តែមិនបោះបង់ចោលកម្មវិធីនុយក្លេអ៊ែរ អំឡុងសង្គ្រាមអាមេរិក-អ៊ីរ៉ង់
06/10/2026 08:06 PM
Facebook Telegram Linkin
ក្រុមឆ្មាំល្បាតឆ្នេរក្រិក សង្រ្គោះជនអន្តោប្រវេសន៍ជិត ៥៥០នាក់នៅជិតកោះ Crete
06/10/2026 08:06 PM
Facebook Telegram Linkin
ចិនព្រមាន EU កុំ​ដាក់​ទណ្ឌកម្ម ដោយ​កំណត់គោលដៅអង្គភាពចិន ជុំវិញទំនាក់ទំនងជាមួយ​រុស្ស៊ី
06/10/2026 08:06 PM
Facebook Telegram Linkin
ប្រធានសិទ្ធិមនុស្ស៖ UN នឹងបញ្ជូនអ្នកស៊ើបអង្កេតទៅលីបង់ ជុំវិញ​លទ្ធ​ភាព​ដែល​មាន​ការរំលោភច្បាប់
06/10/2026 07:06 PM
Facebook Telegram Linkin
អ៊ុយក្រែនវាយប្រហារទីតាំងជាច្រើនកន្លែងនៅកំពង់ផែ Mariupol កាន់កាប់ដោយរុស្ស៊ី
06/10/2026 07:06 PM
Facebook Telegram Linkin
ប្រធានាធិបតីទួរគី៖ វត្តមានរបស់លោក Trump នៅកិច្ចប្រជុំកំពូលណាតូ គឺសំខាន់សម្រាប់ស្ថិរភាពរបស់សម្ព័ន្ធមិត្ត
06/10/2026 07:06 PM
Facebook Telegram Linkin
លោក Trump៖ អ៊ីរ៉ង់បានចំណាយពេលយូរពេក ដើម្បីចរចាកិច្ចព្រមព្រៀង ហើយនឹងត្រូវប្រឈម​ផលវិបាក
06/10/2026 07:06 PM
Facebook Telegram Linkin
កងទ័ពប៉ាគីស្ថាន បញ្ជាក់​ថា ឧទ្ធម្ភាគចក្រធ្លាក់នៅក្បែរទីក្រុង Muzaffarabad ហើយ​បុគ្គលិកទាំងអស់ស្លាប់
06/10/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.