BTV NEWS

ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា

ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា

ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត

ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

នគរបាលបង្ក្រាបកុបកម្មរុស្ស៊ី ប៉ះទង្គិចជាមួយក្រុមបាតុករ បន្ទាប់ពីសកម្មជន មួយរូបត្រូវបានកាត់ទោស

នគរបាលបង្រ្កាបកុប្បកម្មបានបាញ់ឧស្ម័នបង្ហូរទឹកភ្នែក គ្រាប់បែកផ្សែង និងប្រើដំបង បំបែកហ្វូងបាតុករនៅក្នុងតំបន់បាសកូតូស្តាន(Bashkortostan)របស់ប្រទេសរុស្ស៊ី បន្ទាប់ពីសកម្មជនក្នុងតំបន់ម្នាក់ត្រូវបានកាត់ទោសកាលពីថ្ងៃពុធឱ្យជាប់ពន្ធនាគាររយៈពេល ៤ ឆ្នាំ។ យោងតាមប្រព័ន្ធផ្សព្វផ្សាយរដ្ឋរុស្ស៊ី RIA Novosti វីដេអូបង្ហាញពីក្រុមអ្នកគាំទ្រ លោក ហ្វេល អាល់ស៊ីនូវ (Fail Alsynov) កំពុងប៉ះទង្គិចជាមួយនគរបាលនៅជិតតុលាការ ជាទីដែលរូបលោកត្រូវបានផ្តន្ទាទោសពីបទញុះញង់ឱ្យមានការស្អប់ខ្ពើមជនជាតិភាគតិច ។ ក្រសួងកិច្ចការផ្ទៃក្នុងរបស់តំបន់បាសកូតូស្តាន បានហៅបាតុកម្មនេះថាជា ការប្រមូលផ្តុំគ្នាដោយគ្មានការអនុញ្ញាត ហើយបាននិយាយថា នគរបាលបានចាប់ផ្តើមស៊ើបអង្កេត ភាពចលាចលដ៏ធំ នៅក្នុងការបង្ហោះនៅលើបណ្ដាញសង្គម Telegram ។ យោងតាមសារព័ត៌មាន OVD-Info ដែលជាក្រុមឃ្លាំមើលការតវ៉ាឯករាជ្យរបស់រុស្ស៊ី នគរបាលបានចាប់ខ្លួនមនុស្សប្រហែល ២០នាក់។ ទូរទស្សន៍ CNN មិនអាចផ្ទៀងផ្ទាត់ចំនួននេះដោយឯករាជ្យបានទេ ប៉ុន្តែរុស្ស៊ីតែងតែអនុវត្តការចាប់ខ្លួនមនុស្សជាច្រើននៅកន្លែងតវ៉ានានា។ បាតុកររាប់ពាន់នាក់បានប្រមូលផ្តុំគ្នានៅខាងក្រៅអគារសាធារណៈក្នុងទីក្រុងដាច់ស្រយាល បេម៉ាក (Baymak) ដោយខ្លះគ្រវីទង់ពណ៌ខៀវ ស និងបៃតង របស់តំបន់នេះ ដែលនៅជិតខាងនឹងប្រទេសកាហ្សាក់ស្ថាន។ គេអាចលឺសំឡេងក្រុមអ្នកតវ៉ាស្រែកថា សេរីភាព នៅក្នុងវីដេអូបង្ហោះលើបណ្តាញ Telegram ជាសាធារណៈ និងចែករំលែកដោយសារព័ត៌មាន OVD-Info។ក្នុងវីដេអូមួយផ្សេងទៀត គេបានឃើញក្រុម បាតុករកំពុងគប់ដុំព្រិលទៅលើនគរបាល ដែលកំពុងកាន់ខែលការពារកុបកម្ម។ គេក៏បានលឺក្រុមអ្នកតវ៉ាស្រែកផងដែរ ថា អាម៉ាស់ បន្ទាប់ពីនគរបាលបានបាញ់ឧស្ម័នបង្ហូរទឹកភ្នែកទៅលើពួកគេ៕

ហ្វីលីពីន នឹងបង្កើនទំនាក់ទំនងយោធាជាមួយអាមេរិក ស្របពេលមានក្ដីបារម្ភពីឥទ្ធិពលរបស់ចិន

មន្ត្រីការពារជាតិជាន់ខ្ពស់មួយរូបរបស់ហ្វីលីពីន បាននិយាយថា ប្រទេសនៅក្នុងតំបន់អាស៊ីអាគ្នេយ៍ មួយនេះ គ្រោងនឹងបង្កើនសកម្មភាពយោធាកាន់តែរឹងមាំថែមទៀត ជាមួយសហរដ្ឋអាមេរិក និងសម្ព័ន្ធមិត្តរបស់ខ្លួន ដើម្បីទប់ទល់នឹងឥទ្ធិពលយោធារបស់ប្រទេសចិន។ រដ្ឋមន្ត្រីការពារជាតិហ្វីលីពីន លោក ហ្គីប៊ើតូ តេដូរ៉ូ ជូនៀរ(Gilberto Teodoro Jr) បាននិយាយនៅក្នុងបទសម្ភាសន៍មួយជាមួយសារព័ត៌មាន ប្លូមប៊ើក (Bloomberg) កាលពីថ្ងៃពុធក្នុងការិយាល័យរបស់លោកនៅរដ្ឋធានីម៉ានីល ថា សម្ព័ន្ធភាពជាមួយសហរដ្ឋអាមេរិក ពិតជាសំខាន់ខ្លាំងណាស់ ។យើងចង់ពង្រឹងសមត្ថភាពរបស់យើងបន្ថែមទៀត ដើម្បីផ្ដល់ឲ្យយើងនូវសមត្ថភាពកាន់តែមានប្រសិទ្ធភាពក្នុងការទប់ទល់នឹងស្ថានភាពក្នុងតំបន់។ ប្រទេសហ្វីលីពីន កំពុងកសាងភាពជាដៃគូកាន់តែរឹងមាំជាមួយសហរដ្ឋអាមេរិក ក្រោមរដ្ឋបាលលោកប្រធានាធិបតី ហ្វឺឌីណាន ម៉ាកូស ជូនៀរ (Ferdinand Marcos Jr) ដើម្បីពង្រីកទំនាក់ទំនងជាមួយបណ្ដាសម្ព័ន្ធមិត្តផ្សេងទៀត ក៏ដូចជាបណ្ដាប្រទេសដែលមានចិត្តគំនិតដូចហ្វីលីពីន រួមទាំង អូស្ត្រាលី ជប៉ុន អង់គ្លេស និងកាណាដា ស្របពេលមានការគំរាមពីឥទ្ធិពលរបស់ប្រទេសចិន នៅក្នុងសមុទ្រចិនខាងត្បូង ។ ខណៈសហរដ្ឋអាមេរិក ត្រៀមបោះឆ្នោតជ្រើសរើសប្រធានាធិបតី នៅខែវិច្ឆិកាឆ្នាំនេះ លោក តេដូរ៉ូ សង្ឃឹមថា យុទ្ធសាស្ត្រកាពារជាតិរបស់ក្រុងវ៉ាស៊ីនតោន នៅក្នុងតំបន់ឥណ្ឌូ-ប៉ាស៊ីហ្វិក នឹងមិនប្រែប្រួលឡើយ៕

ប្រមុខមន្ត្រីយោធានិយាយថា អង្គការ NATO ត្រូវការបង្កើតកងកម្លាំងប្រយុទ្ធ

ប្រមុខមន្ត្រីយោធារបស់អង្គការណាតូ បានអំពាវនាវដល់ភាគីសាធារណៈ និងឯកជននៅលោកខាងលិចកាលពីថ្ងៃពុធ (១៧ មករា) ឲ្យត្រៀមខ្លួនសម្រាប់សម័យកាលដែលអ្វីៗអាចកើតឡើងគ្រប់ពេលវេលា រួមទាំងការប្រយុទ្ធនឹងសង្រ្គាមផងដែរ។លោកឧត្តមនាវីឯក រ៉ប បោអឺ (Rob Bauer) របស់ហូឡង់ បាននិយាយនៅពេលលោកបើកកិច្ចប្រជុំរយៈពេលពីរថ្ងៃនៃប្រមុខការពារជាតិនៅទីក្រុងប្រ៊ុចសែល ថា «យើងត្រូវការបង្កើតកងកម្លាំងប្រយុទ្ធនឹងសង្គ្រាមរបស់អង្គការណាតូ»។ លោកបានបញ្ជាក់ថា កាលពីមុន បណ្ដារដ្ឋាភិបាល និងក្រុមហ៊ុនរបស់ណាតូ រស់នៅក្នុងយុគសម័យដែលអ្វីៗមានបរិបូរណ៍ អាចមើលឃើញ អាចគ្រប់គ្រងបាន និងផ្តោតលើប្រសិទ្ធភាព។លោកបន្ថែមថា៖ ប៉ុន្តែ ចាប់តាំងពីការឈ្លានពានរបស់រុស្ស៊ី លើអ៊ុយក្រែន នៅឆ្នាំ២០២២ មកពួកគេគួរតែកែសម្រួលការគិតរបស់ពួកគេទៅជា «សម័យកាលដែលអ្វីៗអាចកើតឡើងគ្រប់ពេលវេលា ជាសម័យដែលយើងត្រូវរំពឹងថានឹងមានអ្វីកើតឡើងដែលមិននឹកស្មានដល់ ជាសម័យដែលយើងត្រូវផ្តោតលើប្រសិទ្ធភាព ដើម្បីឲ្យមានប្រសិទ្ធភាពពេញលេញ»។ការថ្លែងរបស់ប្រមុខមន្ត្រីយោធារបស់អង្គការណាតូរូបនេះធ្វើឡើងនៅពេលដែលជំនួយផ្នែកយោធារបស់អ៊ុយក្រែន ត្រូវបានរក្សាទុក ឬជាប់គាំងដោយជម្លោះនយោបាយនៅសហរដ្ឋអាមេរិក និងសហភាពអឺរ៉ុប៕

ចិន និងហ្វីលីពីន ស្វះស្វែងរកការប្រាស្រ័យទាក់ទងល្អជាងមុន និងការគ្រប់គ្រងជម្លោះនៅសមុទ្រចិនខាងត្បូង

ប្រទេសចិន និងហ្វីលីពីន បានព្រមព្រៀងគ្នាក្នុងការធ្វើឱ្យប្រសើរឡើងនូវទំនាក់ទំនងដែនសមុទ្រ និងដើម្បីគ្រប់គ្រងជម្លោះ និងការខ្វែងគំនិតឱ្យបានត្រឹមត្រូវតាមរយៈការពិភាក្សាជាមិត្តភាព ទាក់ទងនឹងបញ្ហាជុំវិញសមុទ្រចិនខាងត្បូង នេះបើយោងតាមសេចក្តីថ្លែងការណ៍របស់ក្រសួងការបរទេសចិន។ជំនួយការរដ្ឋមន្ត្រីការបរទេសចិន លោក ណុង យ៉ុង (Nong Rong) និងអនុរដ្ឋមន្រ្តីក្រសួងការបរទេសហ្វីលីពីន លោកស្រី ថេរ៉េសា ឡាហ្សារ៉ូ (Theresa Lazaro) បានធ្វើការផ្លាស់ប្តូរទស្សនៈដោយស្មោះត្រង់ និងស៊ីជម្រៅអំពីស្ថានភាពនេះ ខណៈធ្វើជាសហប្រធានកិច្ចប្រជុំលើកទីប្រាំបីនៃយន្តការពិគ្រោះយោបល់ទ្វេភាគីចិន-ហ្វីលីពីន ស្តីពីសមុទ្រចិនខាងត្បូងនៅទីក្រុងសៀងហៃ នេះបើតាមសេចក្តីថ្លែងការណ៍ដែលបានចេញផ្សាយកាលពីល្ងាចថ្ងៃពុធ (១៧ មករា)។ក្នុងកិច្ចពិភាក្សា ភាគីទាំងពីរបានបញ្ជាក់ជាថ្មីថា ជម្លោះសមុទ្រចិនខាងត្បូងមិនមែនជារឿងទាំងមូលនៃទំនាក់ទំនងទ្វេភាគីទេ។ ប្រទេសទាំងពីរនេះមានការប្រឈមមុខដាក់គ្នាជាច្រើននាពេលថ្មីៗនេះនៅក្នុងដែនទឹកដែលមានជម្លោះមួយចំនួននៅក្នុងសមុទ្រចិនខាងត្បូង ដោយមានការចោទប្រកាន់ដាក់គ្នាទៅវិញទៅមកថាបានបង្កជម្លោះនៅក្នុងផ្លូវទឹកយុទ្ធសាស្ត្រសេដ្ឋកិច្ចនេះ៕

អារ៉ាប៊ីសាអ៊ូឌីត«ព្រួយបារម្ភយ៉ាងខ្លាំង»អំពីសន្តិសុខក្នុងតំបន់

អារ៉ាប៊ីសាអ៊ូឌីត បាននិយាយថា ខ្លួនមានការព្រួយបារម្ភយ៉ាងខ្លាំងអំពីសន្តិសុខនៅមជ្ឈិមបូព៌ា ខណៈដែលការកើតចេញពីសង្រ្គាមអ៊ីស្រាអែល និងក្រុមហាម៉ាស បានរីករាលដាលទូទាំងតំបន់នេះ។រដ្ឋមន្ត្រីការបរទេសព្រះអង្គម្ចាស់ ហ្វៃសាល ប៊ីន ហ្វាហាន (Faisal Bin Farhan) បានរំលឹកឡើងវិញថា ចាំបាច់ត្រូវមានបទឈប់បាញ់នៅតំបន់ហ្កាហ្សា ដើម្បីជួយនាំមកនូវដំណោះស្រាយចំពោះជម្លោះដ៏សំខាន់ ហើយមហាអំណាចអន្តរជាតិ គួរតែប្រើប្រាស់ការទូត ដើម្បីបញ្ចប់ការវាយប្រហារដឹកជញ្ជូនរបស់ក្រុមហួទីនៅសមុទ្រក្រហម។ព្រះអង្គម្ចាស់ហ្វៃសាល បានមានព្រះបន្ទូលនៅក្នុងក្រុមប្រឹក្សាមួយនៅវេទិកាសេដ្ឋកិច្ចពិភពលោកក្នុងទីក្រុងដាវូស (Davos)ថា៖ «យើងមានការព្រួយបារម្ភយ៉ាងខ្លាំងចំពោះសន្តិសុខក្នុងតំបន់។ «សេរីភាពនៃការធ្វើនាវាចរណ៍នៅសមុទ្រក្រហម ប៉ះពាល់ដល់យើងទាំងអស់គ្នា។ យើងគិតថា អាទិភាពចាំបាច់ត្រូវមានការបន្ធូរបន្ថយ - ការថយចុះនូវភាពតានតឹងនៅសមុទ្រក្រហម និងក្នុងតំបន់នេះទាំងមូល។ ផ្នែកមួយនៃសន្តិសុខក្នុងតំបន់ គឺធ្វើឲ្យប្រាកដថា យើងចូលរួមជាមួយភាគីពាក់ព័ន្ធទាំងអស់»។សមុទ្រក្រហមភាគខាងត្បូង ដែលជាផ្លូវទឹកដ៏សំខាន់សម្រាប់កនាវាពាណិជ្ជកម្ម ត្រូវបានវាយប្រហារដោយក្រុមហួទី ចាប់តាំងពីពាក់កណ្តាលខែវិច្ឆិកា។ ក្រុមយេម៉ែនដែលគាំទ្រដោយអ៊ីរ៉ង់ បានបាញ់មីស៊ីល និងយានដ្រូន ហើយព្យាយាមចាប់យកនាវាដែលជាផ្នែកនៃយុទ្ធនាការដែលខ្លួននិយាយថា គាំទ្រក្រុមហា ម៉ាស។កាលពីចុងសប្តាហ៍មុន បន្ទាប់ពីក្រុមហួទី មិនអើពើនឹងការព្រមានម្តងហើយម្តងទៀត ដើម្បីបញ្ឈប់ការវាយប្រហាររបស់ពួកគេ សហរដ្ឋអាមេរិក និងចក្រភពអង់គ្លេស បានបាញ់មីស៊ីលទៅកាន់គោលដៅក្នុងប្រទេសយេម៉ែនដែលក្រុមនេះប្រើប្រាស់។ ក្រុមហួទី បានឆ្លើយតបដោយនិយាយថា ពួកគេនឹងបង្កើនការឈ្លានពានរបស់ពួកគេ រហូតដល់អ៊ីស្រាអែលដកខ្លួនចេញពីតំបន់ហ្កាហ្សា។ កាលពីថ្ងៃពុធ ពួកគេ បានវាយប្រហារនាវាផ្ទុកទំនិញធំមួយរបស់ប្រទេសក្រិក ក្នុងការវាយប្រហារលើកទីពីរ ក្នុងរយៈពេល២៤ម៉ោង។

តុលាការអាមេរិក នឹងពិចារណាបង្ខំឱ្យរដ្ឋតិចសាស់ ដករបាំងរារាំងជនអន្តោប្រវេសន៍ពីទន្លេ Rio Grande

តុលាការឧទ្ធរណ៍របស់សហរដ្ឋអាមេរិក កាលពីថ្ងៃពុធ (១៧ មករា) បាននិយាយថាខ្លួននឹងពិចារណាឡើងវិញនូវការសម្រេចចិត្តនាពេលថ្មីៗនេះដែលតម្រូវឱ្យរដ្ឋតិចសាស់ ដករបាំងបណ្តែតទឹកប្រវែង ៣០៥ម៉ែត្រ ដែលខ្លួនបានដាក់នៅក្នុងទន្លេ រីអូ ក្រានដេ (Rio Grande) ដើម្បីរារាំងជនអន្តោប្រវេសន៍ពីការឆ្លងដែនខុសច្បាប់ជាមួយប្រទេសម៉ិកស៊ិក។ការសម្រេចដោយសាលាឧទ្ធរណ៍ប្រចាំតំបន់ទី៥ របស់សហរដ្ឋអាមេរិក នៅក្នុងទីក្រុង ញ៉ូវ អរលៀនស៍ (New Orleans) នេះទុកចោលមួយឡែកនូវសេចក្តីសម្រេចក្នុងខែធ្នូ របស់ក្រុមប្រឹក្សាចៅក្រមបីក្រុម ដែលនៅខាងរដ្ឋបាលលោកប្រធានាធិបតី ចូ បៃដិន ហើយបាននិយាយថា រដ្ឋមិនអាចដំឡើងរបាំងដោយគ្មានការអនុញ្ញាតពីរដ្ឋាភិបាលសហព័ន្ធបានទេ។សេចក្តីសម្រេចនោះគឺជាជំហានថយក្រោយសម្រាប់អភិបាលរដ្ឋតិចសាស់ លោក ហ្គ្រេក អាបបុត (Greg Abbott) មកពីគណបក្សសាធារណរដ្ឋ ដែលបានរិះគន់យ៉ាងខ្លាំងចំពោះការចាត់ចែងរបស់ប្រធានាធិបតីប្រជាធិបតេយ្យលោក ចូ បៃដិន លើចំនួនជនអន្តោប្រវេសន៍ដ៏ច្រើនលើសលប់ឆ្លងកាត់ព្រំដែនដោយខុសច្បាប់។ សាលាឧទ្ធរណ៍ប្រចាំតំបន់ទី៥ នេះបាននិយាយថា ខ្លួននឹងស្តាប់ទឡ្ហីករណ៍ក្នុងសំណុំរឿងនេះក្នុងខែឧសភា ខាងមុខ។របាំងអណ្តែតទឹកនេះគឺជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយរបស់លោកអភិបាល អាបបុត ក្នុងការរារាំង និងដាក់ទណ្ឌកម្មលើការឆ្លងកាត់ព្រំដែនខុសច្បាប់ ដែលត្រូវបានគេស្គាល់ថាជាប្រតិបត្តិការ ឡូន ស្តារ (Operation Lone Star)៕

អាមេរិក ដាក់ក្រុមហ៊ួទី ជាក្រុមភេរវករឡើងវិញ ក្នុងការឆ្លើយតបនឹងការវាយប្រហារនៅសមុទ្រក្រហម

រដ្ឋាភិបាលសហរដ្ឋអាមេរិក កាលពីថ្ងៃពុធ (១៧ មករា) បានដាក់ក្រុមឧទ្ទាមហ៊ួទី (Houthi) ដែលមានមូលដ្ឋាននៅយេម៉ែន ទៅក្នុងបញ្ជីក្រុមភេរវករឡើងវិញនៅក្នុងការប៉ុនប៉ងចុងក្រោយដោយទីក្រុងវ៉ាស៊ីនតោន ដើម្បីទប់ស្កាត់ការវាយប្រហារលើការដឹកជញ្ជូនអន្តរជាតិ។ក្រុមមន្ត្រីបាននិយាយថា ការចាត់តាំងជា «ភេរវករសកលកំណត់ជាពិសេស» (SDGT) ដែលវាយប្រហារក្រុមសម្ព័ន្ធមិត្តអ៊ីរ៉ង់នេះជាមួយនឹងការដាក់ទណ្ឌកម្មយ៉ាងធ្ងន់ធ្ងរ គឺសំដៅកាត់ផ្តាច់ការផ្តល់មូលនិធិ និងអាវុធដែលពួកហ៊ួទី បានប្រើដើម្បីវាយប្រហារ ឬប្លន់នាវានៅក្នុងផ្លូវដឹកជញ្ជូនសមុទ្រក្រហមដ៏សំខាន់។រដ្ឋបាលរបស់លោកប្រធានាធិបតីអាមេរិក ចូ បៃដិន (Joe Biden) ក៏បានដាក់ចេញ «ករណីលើកលែង» ក្នុងគោលបំណងជៀសវាងផលប៉ះពាល់ដល់ប្រជាជនយេម៉ែន ដែលពឹងផ្អែកលើការនាំចូលស្បៀងអាហារ និងជំនួយមនុស្សធម៌ ហើយបានសន្យាថានឹងធ្វើការផ្សព្វផ្សាយទៅកាន់ក្រុមនានា រួមទាំងទីភ្នាក់ងារជំនួយ មុនពេលការកំណត់ចូលជាធរមានក្នុងរយៈពេល ៣០ថ្ងៃ។យុទ្ធនាការរបស់ក្រុមហ៊ួទី បានបង្អាក់ពាណិជ្ជកម្មពិភពលោក បង្កការភ័យខ្លាចនៃអតិផរណា និងការព្រួយបារម្ភកាន់តែខ្លាំងឡើងថា ការរាលដាលចេញពីសង្រ្គាមអ៊ីស្រាអែល និងក្រុមហាម៉ាស អាចធ្វើឲ្យមជ្ឈិមបូព៌ាមានអស្ថិរភាព៕

រដ្ឋមន្ត្រីការពារជាតិ៖ កងកម្លាំងអ៊ីរ៉ង់មើលមិនឃើញពីដែនកំណត់ក្នុងការការពារផលប្រយោជន៍ជាតិ និងពលរដ្ឋទេ

រដ្ឋមន្ត្រីការពារជាតិអ៊ីរ៉ង់ បាននិយាយថា កងកម្លាំងប្រដាប់អាវុធរបស់ប្រទេសនេះ ដឹងថា គ្មានព្រំដែនកំណត់ក្នុងការការពារផលប្រយោជន៍ជាតិ និងការពារប្រទេសជាតិនោះទេ បន្ទាប់ពីប្រទេសនេះ បានអនុវត្តប្រតិបត្តិការមីស៊ីលប្រឆាំងនឹងមូលដ្ឋានរបស់ពួកភេរវករប្រឆាំងអ៊ីរ៉ង់ និងទីតាំងគ្រប់គ្រងដោយទីភ្នាក់ងារចារកម្ម ម៉ូសាដ (Mossad) របស់អ៊ីស្រាអែល នៅតំបន់ពាក់កណ្តាលស្វយ័ជនជាតិភាគតិចឃឺដ របស់អ៊ីរ៉ាក់ និងស៊ីរី។លោកឧត្តមសេនីយទោមហាម៉ាដរ៉េហ្សា អាសធៀនី (Mohammad Reza Ashtiani) បានធ្វើអត្ថាធិប្បាយបែបនេះ នៅក្រៅកិច្ចប្រជុំគណៈរដ្ឋមន្ត្រីក្នុងរដ្ឋធានី តេអេរ៉ង់ (Tehran) កាលពីថ្ងៃពុធ។លោកបានសង្កត់ធ្ងន់ថា យើងមើលមិនឃើញពីដែនកំណត់ក្នុងការការពារផលប្រយោជន៍ជាតិនិងប្រជាជនរបស់យើងទេ ហើយប្រាកដជានឹងធ្វើបែបនេះដោយស្របច្បាប់ មិនថាការគំរាមកំហែងប្រឆាំងនឹងសាធារណរដ្ឋឥស្លាមមកពីណាទេ យើងនឹងឆ្លើយតបវិញ ហើយការឆ្លើយតប នឹងប្រាកដជាមានសមាមាត្រ ប្រកបដោយការសម្រេចចិត្តច្បាស់លាស់ និងខ្លាំងខ្លា។ លោកបានបន្ថែមថា យើងថ្កោលទោសអំពើភេរវកម្មគ្រប់ទីកន្លែងក្នុងពិភពលោក។ យើងពិតជានឹងឆ្លើយតបចំពោះសកម្មភាពណាមួយដែលមានបំណងរំលោភលើសិទ្ធិរបស់ប្រជាជាតិអ៊ីរ៉ង់ ក៏ដូចជាអំពើភេរវកម្មណាមួយដែលដាក់គោលដៅលើមនុស្ស។ យើងបានតវ៉ាដោយបង្ខំរួចហើយ ហើយមើលពុំឃើញមានការកំណត់ក្នុងរឿងនេះទេ។ លោកបាននិយាយថា អ៊ីរ៉ង់គោរពអធិបតេយ្យភាព ផលប្រយោជន៍ សិទ្ធិ ច្បាប់ និងបូរណភាពទឹកដីរបស់ប្រទេសទាំងអស់ ពិសេសប្រទេសជិតខាងរបស់យើង ប៉ុន្តែ នឹងមិនអត់ឱនឲ្យសកម្មភាពព្យាបាទណាមួយនៅតាមព្រំដែនរបស់ខ្លួនឡើយ។ កងកម្លាំងឆ្នាំបដិវត្តន៍អ៊ីស្លាមអ៊ីរ៉ង់ បាននិយាយកាលពីថ្ងៃអង្គារថា ខ្លួនបានបាញ់មីស៊ីលបាលីស្ទីកចំនួន២៤គ្រាប់ ទៅលើមូលដ្ឋាននានារបស់ក្រុមភេរវករ នៅក្នុងប្រទេសស៊ីរី និងទីស្នាក់ការចារកម្មម៉ូសាដ របស់អ៊ីស្រាអែលនៅក្នុងតំបន់ឃឺដ អ៊ីរ៉ាក់ ជាការសងសឹកទៅនឹងការវាយប្រហារភេរវកម្មនៅក្នុងភាគខាងត្បូងអ៊ីរ៉ង់ និងការស្លាប់ថ្មីៗរបស់ជនជាតិអ៊ីរ៉ង់ និងក្រុមមេបញ្ជាការអ៊ីរ៉ង់ក្រោមការវាយប្រហាររបស់អ៊ីស្រាអែល។ លើសពីនេះទៅទៀត កាលពីថ្ងៃពុធប៉ាគីស្ថានបានចោទអ៊ីរ៉ង់ពីបទបំពានដែនអាកាសរបស់ខ្លួនដែលបានសម្លាប់កុមារ២នាក់ បន្ទាប់ពីសារព័ត៌មានអ៊ីរ៉ង់បានរាយការណ៍ថាអ៊ីរ៉ង់បានបើកការវាយប្រហារកាលពីថ្ងៃអង្គារលើមូលដ្ឋានក្រុមភេរវករនៅក្នុងខេត្តបាលូជីស្ថានរបស់ប៉ាគីស្ថាន៕

មនុស្ស២៣នាក់បានស្លាប់ ក្នុងហេតុការណ៍ផ្ទុះឆេះរោងចក្រផលិតកាំជ្រួចភ្ញី នៅក្នុងខេត្តភាគកណ្ដាលប្រទេសថៃ

អភិបាលខេត្តបាននិយាយថា មនុស្ស២៣នាក់បានស្លាប់ បន្ទាប់ពីហេតុការណ៍ផ្ទុះឆេះនៅរោងចក្រផលិតកាំជ្រួចភ្ញីក្នុងខេត្តភាគកណ្ដាលប្រទេសថៃកាលពីថ្ងៃពុធទី១៧ខែមករាសប្ដាហ៍នេះ។ ហេតុការណ៍ផ្ទុះនេះ បានកើតឡើងនៅម៉ោងប្រហែល៣រសៀល ជិតទីក្រុងសាលាខាវ (Sala Khao) ក្នុងខេត្តស៊ូផាន ប៊ូរី (Suphan Buri) ភាគកណ្ដាល។ អភិបាលខេត្តស៊ូផាន ប៊ូរី លោក ណាតាផាត់ ស៊ូវ៉ាន់ប្រាទីប (Nattapat Suwanprateep) បានប្រាប់សារព័ត៌មាន AFP ដោយសំដៅលើការផ្ទុះនៅរោងចក្រនោះថា យើងទទួលបានរាបាយការណ៍ពីក្រុម EOD ថាមនុស្ស២៣នាក់ ត្រូវបានបញ្ជាក់ថាបានស្លាប់។ លោក ក៏បានប្រាប់សារព័ត៌មាន Reuters ផងដែរថា ពួកគេមិនអាចប្រាប់បានទេថាតើ អ្នកស្លាប់ទាំងអស់គឺជាកម្មករ ឬយ៉ាងណា ហើយថាការស៊ើបអង្កេតកំពុងធ្វើនៅឡើយ។ពុំមានតម្រុយណាមួយបញ្ជាក់ពីមូលហេតុបណ្ដាលឲ្យមានការផ្ទុះនេះកើតឡើងទេ។ លោកថាមានមនុស្សជាមធ្យមប្រហែលចន្លោះពី២០ទៅ៣០នាក់កំពុងបម្រើការនៅរោងចក្រនេះជារៀងរាល់ថ្ងៃ នៅក្នុងសេចក្ដីថ្លែងការណ៍ជាផ្លូវការណ៍មួយតាមអនឡាញ លោកនាយករដ្ឋមន្ត្រីថៃ សេដ្ឋ (Srettha)បានបង្ហាញការសោកស្ដាយសម្រាប់ក្រុមគ្រួសាររបស់ជនរងគ្រោះក្នុងហេតុការណ៍នោះ។ លោក ក៏បានបញ្ជាឲ្យបើកការស៊ើបអង្កេតផងដែរថាតើរោងចក្រនោះត្រូវបានដំណើរការដោយខុសច្បាប់ឬយ៉ាងណា ក៏ដូចជាមូលហេតុនាំឲ្យមានការផ្ទុះនេះកើតឡើងផងដែរ៕

អ្នកស្លាប់ និងរងរបួសជាង៦ពាន់នាក់ដោយសារគ្រោះថ្នាក់ចរចរណ៍ក្នុងឆ្នាំ២០២៣កន្លងទៅ

ភ្នំពេញ÷ មនុស្សយ៉ាងតិចចំនួន១,៥៩០នាក់បានស្លាប់ និងចំនួន៤,៥១៥នាក់បានរងរបួសធ្ងន់ស្រាល ដោយសារ ពេជ្ឈឃាតតាមផ្លូវ(គ្រោះថ្នាក់ចរាចរណ៍) នៅក្នុងឆ្នាំ២០២៣កន្លងទៅនេះ មូលហេតុដែលបណ្តាលឲ្យ គ្រោះថ្នាក់ច្រើនជាងគេ គឺដោយសារល្បឿន។ យោងតាមរបាយការណ៍របស់អគ្គស្នងការនគរបាលជាតិ ដែលទូរទស្សន៍BTVទទួលបាននាយប់ ថ្ងៃទី១៧ ខែមករា ឆ្នាំ២០២៤នេះ បានឲ្យដឹងថា ចាប់ពីខែមករា ដល់ខែធ្នូ ឆ្នាំ២០២៣នេះ គ្រោះថ្នាក់ចរាចរណ៍បានកើតឡើងចំនួន៣,៣១៧លើក កើនឡើងចំនួន៣៤១លើក ស្មើនិង១១ភាគរយ ដែលឆ្នាំ ២០២២គ្រោះថ្នាក់បានកើតឡើងត្រឹមតែចំនួន២៩៧៦លើក។របាយការណ៍បានបញ្ជាក់បន្ថែមទៀតថា អ្នកស្លាប់ដោយសារគ្រោះថ្នាក់ចរាចរណ៍នេះនៅក្នុងឆ្នាំ ២០២៣ គឺមានចំនួន១,៥៩០នាក់ ថយចុះចំនួន១១៩នាក់ស្មើនឹង៧ភាគរយ ដោយឆ្នាំ២០២២បានស្លាប់រហូតដល់១,៧០៩នាក់ ខណៈអ្នករងរបួសបានកើតឡើងចំនួន៤,៥១៥នាក់កើនឡើងចំនួន ៤៨៩នាក់ស្មើនឹង១២ភាគរយ។ របាយការណ៍របស់អគ្គស្នងការនគរបាលជាតិដដែល ក៏បានបញ្ជាក់ឲ្យដឹងផងដែរថា មូលហេតុ ដែលបណ្តាលឲ្យមានគ្រោះថ្នាក់ចរាចរណ៍ គឺដោយសារតែល្បឿន៤១ភាគរយ, មិនគោរពសិទ្ធ ២២ភាគ រយ, មិនប្រកាន់ស្ដាំ ៩ភាគរយ បត់មិនប្រយ័ត្ន៩ភាគរយ, ជែងគ្រោះថ្នាក់៧ភាគរយ, កត្តយាន ៥ភាគរយ, ស្រវឹង ៣ភាគរយ, សញ្ញាចរាចរណ៍ ១ភាគរយ, ងងុយដេក១ភាគរយ, ខណៈបណ្តាលមកពីអាកាសធាតុ១ភាគរយ។ ប្រភពបានបញ្ជាក់បន្ថែមទៀតថា ប្រភេទយានដែលបានបង្ករឲ្យមានគ្រោះថ្នាក់មានម៉ូតូ, ៤៧ភាគរយ រថយន្តធុនស្រាល ៣៤ភាគរយ, រថយន្តធុនធ្ងន់ ១១ភាគរយ, យានផ្សេងៗចំនួន៧ភាគរយខណៈថ្មើរជើង២ភាគរយ៕អត្ថបទ ÷ បាន ចក់

បណ្ដាញសង្គម

ព័ត៌មានថ្មីៗ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចាត់តំណាងចូលរួមរំលែកទុក្ខសិស្សសាលា ប៊ែលធី អន្ដរជាតិ ចំនួន ៥រូប ដែលស្លាប់ក្នុងហេតុការណ៍រថយន្ដធ្លាក់ទឹក នៅស្រុកខ្សាច់កណ្ដាល ខេត្តកណ្តាល…!!

កាតាបញ្ជាក់ថា អាមេរិក និងអ៊ីរ៉ង់ ផ្ដល់ការឆ្លើយតបវិជ្ជមាន ចំពោះកិច្ចប្រឹងប្រែងសម្របសម្រួល

ប៉ាគីស្ថានបង្កើនវិធានការបង្ក្រាបការបំភាយឧស្ម័នពុលរបស់រថយន្ត ខណៈផ្សែងអ័ព្ទកាន់តែធ្ងន់ធ្ងរនៅទីក្រុង Lahore

ប៉ាគីស្ថាន៖ ការដុតកាំជ្រួចភ្ញី ក្នុងពិធីបុណ្យ Diwali របស់ឥណ្ឌា បង្កឱ្យមានខ្យល់ពុល នៅទីក្រុង Lahore

សិស្សានុសិស្ស នៅបារាំង បិទសាលារៀនរាប់សិបកន្លែង ដើម្បីបន្តដាក់សម្ពាធរដ្ឋាភិបាល

ផ្លូវជនបទកំពុងផ្តល់ក្តីសង្ឃឹមដល់ប្រជាពលរដ្ឋ តាមរយៈការជំរុញដំណើរអន្តរកម្មផ្នែកសេដ្ឋកិច្ច

ការវាយប្រហាររុស្ស៊ីលើទីក្រុង Odesa របស់អ៊ុយក្រែន សម្លាប់មនុស្ស ៣នាក់ និងមនុស្សម្នាក់រងរបួស

ម៉ិកស៊ិកចាប់ខ្លួនមេខ្លោងគ្រឿងញៀន ក្នុងប្រតិបត្តិការដោយមានជំនួយពីចារកម្មអាមេរិក

រដ្ឋមន្រ្តីការបរទេសបារាំងជួបសមភាគីមកពីអ៊ីតាលី កូរ៉េខាងត្បូង ប្រេស៊ីល និងអារ៉ាប៊ីសាអ៊ូឌីត

នាយករដ្ឋមន្ត្រី៖ ហុងគ្រីឃាត់ខ្លួនប្អូនប្រុសរបស់លោក Viktor Orban ពាក់ព័ន្ធសំណុំរឿងជួញដូរមនុស្ស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877