BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ទីភ្នាក់ងារប៉ាឡេស្ទីនរបស់អង្គការសហប្រជាជាតិនិយាយថា ប្រតិបត្តិការនៅតំបន់ហ្កាហ្សា ត្រូវបានដាក់សម្ពាធដោយចេតនា

ប្រធានទីភ្នាក់ងារជនភៀសខ្លួនប៉ាឡេស្ទីនរបស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ ទី១៦ ខែវិច្ឆិកាថា លោកជឿថាមានការប៉ុនប៉ងដោយចេតនាដើម្បី «ដាក់សម្ពាធ» ការងារមនុស្សធម៌នៅក្នុងតំបន់ហ្កាហ្សា ដោយព្រមានថាទីភ្នាក់ងារនេះប្រហែលជាត្រូវផ្អាកប្រតិបត្តិការរបស់ខ្លួនទាំងស្រុងដោយសារតែខ្វះប្រេងឥន្ធនៈ។ ទីភ្នាក់ងារដែលគាំទ្រជនភៀសខ្លួនជាង ៨០០.០០០នាក់នៅតំបន់ហ្កាហ្សាហ៊ុមព័ទ្ធដោយអ៊ីស្រាអែលបាននិយាយថា សេវាជាច្រើនត្រូវបានបិទរួមទាំងអណ្តូងទឹករាប់សិបអណ្តូង រោងចក្រផលិតទឹកចំនួនពីរកន្លែង និងស្ថានីយ៍បូមលូ។អគ្គស្នងការទីភ្នាក់ងារការងារនិងផ្តល់ជំនួយបន្ទាន់របស់អង្គការសហប្រជាជាតិ(UNRWA) លោក Philippe Lazzarini បានប្រាប់អ្នកសារព័ត៌មាននៅទីក្រុងហ្សឺណែវថា អង្គការបានស្នើសុំរយៈពេលជាច្រើនសប្តាហ៍មកហើយសម្រាប់ដំណើរការដើម្បីទទួលបានប្រេងឥន្ធនៈ ដែលកាលពីថ្ងៃពុធ ទី១៥ ខែវិច្ឆិកា ប្រេងត្រូវបានគេដឹកចូលទៅក្នុងហ្កាហ្សាជាលើកដំបូងចាប់តាំងពីការចាប់ផ្តើមសង្រ្គាមរបស់អ៊ីស្រាអែលជាមួយក្រុមហាម៉ាស។ លោក Lazzarini និយាយថា ប្រេងឥន្ធនៈនោះ មានប្រេងម៉ាស៊ូត ២៤.០០០លីត្រ សម្រាប់រថយន្តចែកចាយជំនួយរបស់អង្គការសហប្រជាជាតិ គឺពុំនៅជិតអ្វីដែលពលរដ្ឋតំបន់ហ្កាហ្សាត្រូវការដើម្បីរស់រានមានជីវិតនោះទេ។ អ៊ីស្រាអែល បដិសេធការនាំចូលប្រេង ដោយនិយាយថា វាអាចត្រូវបានប្រើប្រាស់ដោយក្រុមហាម៉ាសក្នុងគោលបំណងយោធា។ លោក Lazzarini បានព្រមានថា បើគ្មានប្រេងឥន្ធនៈទេ ការស្លាប់របស់ជនស៊ីវិលដែលមិនជាប់ទាក់ទងដោយផ្ទាល់ទៅនឹងយុទ្ធនាការយោធាសងសឹករបស់អ៊ីស្រាអែល ប្រឆាំងក្រុមហាម៉ាស សម្រាប់ការវាយប្រហារកាលពីថ្ងៃទី ៧ ខែតុលា គឺជៀសមិនរួចនោះទេ។ ក្រុមហ៊ុនទូរគមនាគមន៍សំខាន់ៗនៅតំបន់ហ្កាហ្សា មានក្រុមហ៊ុន Paltel និង Jawwal បាននិយាយកាលពីថ្ងៃព្រហស្បតិ៍ថា សេវាកម្មទូរគមនាគមន៍ទាំងអស់នៅក្នុងតំបន់ហ៊ុមព័ទ្ធដែលមានប្រជាជនរស់នៅច្រើន គ្មានសេវាកម្ម ដោយសារតែប្រភពផ្តល់ថាមពលទាំងអស់បានបាត់បង់។

គណបក្សប្រឆាំង បដិសេធការបោះឆ្នោតនៅប្រទេសម៉ាដាហ្គាស្ការ ខណៈការរាប់សន្លឹកឆ្នោតកំពុងដំណើរការ

ការបោះឆ្នោតបានបិទនៅក្នុងជុំទីមួយនៃការបោះឆ្នោតប្រធានាធិបតីប្រទេសម៉ាដាហ្គាស្ការ កាលពីថ្ងៃព្រហស្បតិ៍ដែលបានធ្វើឡើង ទោះបីជាមានការធ្វើពហិការដោយបេក្ខជនគណបក្សប្រឆាំងភាគច្រើន និងការតវ៉ាដោយហិង្សាជាច្រើនសប្តាហ៍នៅក្នុងដំណើរការរហូតដល់ថ្ងៃបោះឆ្នោតក៏ដោយ។ ការបោះឆ្នោតបានប្រព្រឹត្តទៅដោយសន្តិវិធី ដោយមានវត្តមានសន្តិសុខតិចនៅទូទាំងរដ្ឋធានី ប៉ុន្តែពលរដ្ឋចេញមកបោះឆ្នោតមានចំនួនតិច។ នៅក្នុងសង្កាត់ Antananarivo ដ៏ពេញនិយមមួយ អ្នកបោះឆ្នោតមួយចំនួនមិនបានទៅបោះឆ្នោតរបស់ពួកគេបានទេ ដោយសារពួកគេពុំអាចស្វែងរកឈ្មោះឃើញនៅលើបញ្ជីបោះឆ្នោត។គណបក្សប្រឆាំង បាននិយាយនៅក្នុងសេចក្តីថ្លែងការណ៍កាលពីល្ងាចថ្ងៃព្រហស្បតិ៍ថា អត្រានៃការចូលរួមគឺទាបបំផុតក្នុងប្រវត្តិសាស្ត្ររបស់ប្រទេសម៉ាដាហ្គាស្ការទាំងមូល ដោយលើកឡើងពីតួលេខបណ្តោះអាសន្នពីក្រុមអ្នកសង្កេតការណ៍ក្នុងការបោះឆ្នោត។ក្រុមយុទ្ធនាការតម្លាភាពអន្តរជាតិ បានព្រមានអាជ្ញាធរ ធ្វើឱ្យស្របច្បាប់លទ្ធផលនៃដំណើរការបោះឆ្នោតដែលពួកគេចាត់ទុកថា «មិនច្បាស់លាស់ »។ការបោះឆ្នោតប្រធានាធិបតីប្រទេសម៉ាដាហ្គាស្ការ ត្រូវបានធ្វើពហិការដោយបេក្ខជនគណបក្សប្រឆាំងចំនួន១០ ក្នុងចំណោម១២គណបក្ស ហើយត្រូវបានរំខានដោយការតវ៉ាហិង្សារយៈពេលជាច្រើនសប្តាហ៍មកនេះ។

ការងារសំណង់ ត្រូវបានផ្អាក ខណៈទីក្រុងញូវដេលី ប្រទេសឥណ្ឌា ទប់ស្កាត់ផ្សែងអ័ព្ទជាប់រហូត

នៅប៉ុន្មានថ្ងៃនេះ កម្មករនៅទីក្រុងញ៉ូវដេលី បានមកដល់កន្លែងធ្វើការជាធម្មតា។ ប៉ុន្តែ ពួកគេគ្មានការងារធ្វើនោះទេ ខណៈរដ្ឋាភិបាលស្វែងរកដំណោះស្រាយចំពោះផ្សែងអ័ព្ទពុលដែលកំពុងវាយប្រហាររដ្ឋធានីរបស់ប្រទេសឥណ្ឌា។ ដើម្បីទប់ទល់នឹងបញ្ហានេះ ទីក្រុង បានហាមឃាត់រាល់ការសាងសង់សំណង់ បញ្ជូនសិស្សពីសាលារៀនទៅផ្ទះវិញ និងកំពុងរារាំងរថយន្តមិនឱ្យចូលមកទីក្រុង។ កាលពីថ្ងៃព្រហស្បតិ៍ ទីក្រុងញ៉ូវដេលី បានជាប់ចំណាត់ថ្នាក់កំពូលជាទីក្រុងមានកង្វក់ខ្យល់ខ្លាំងបំផុតរបស់ពិភពលោក នេះបើយោងតាមក្រុមអង្គការប្រទេសស្វីស IQAir ដែលបានចាត់ថ្នាក់គុណភាពខ្យល់ថា «មានគ្រោះថ្នាក់»។ ស្រទាប់ក្រាស់នៃផ្សែងអ័ព្ទពុល គឺជាការកើតឡើងរាល់ឆ្នាំនៅក្នុងទីក្រុងនេះ ទោះបីជារដ្ឋាភិបាលបានសន្យាថានឹងដោះស្រាយបញ្ហាបែបនេះក៏ដោយ។បម្រាមលើការសាងសង់ បានដាក់ទុក្ខលំបាកដល់កម្មកររាប់ពាន់នាក់។ បុរសម្នាក់និយាយថា យើងត្រូវតែបន្តធ្វើអ្វីមួយផ្សេងទៀត ដើម្បីចិញ្ចឹមខ្លួនយើង និងកូនៗរបស់យើង ព្រោះលោកជាអ្នកផ្គត់ផ្គង់តែម្នាក់ឯងគត់សម្រាប់គ្រួសារ។ មន្ត្រីនាយកដ្ឋានឧតុនិយម បាននិយាយថា ផ្នែកមួយនៃបញ្ហាគឺសន្ទុះខ្យល់ដែលនាំមកនូវផ្សែងពាសពេញទីក្រុងពីការដុតសំណល់នៅកសិដ្ឋាន នៅវាលស្រែចំការក្បែរនោះ។តុលាការកំពូល បានសេចក្តីបង្គាប់ឱ្យហាមឃាត់ការដុតសំណល់ដំណាំ ប៉ុន្តែរបាយការណ៍ប្រព័ន្ធផ្សព្វផ្សាយក្នុងតំបន់និយាយថា កសិករកំពុងប្រឆាំងនឹងសេចក្តីបង្គាប់នេះ។ ទាំងនេះគឺជាកាណុងបាញ់ទឹកប្រឆាំងផ្សែងអ័ព្ទ ដែលកំពុងត្រូវបានដាក់ពង្រាយក្នុងបំណងដោះស្រាយបញ្ហាធូលី ដោយបាញ់ទឹកនៅពាសពេញទីក្រុង។ អ្នកវិទ្យាសាស្ត្រដែលដឹកនាំការសាកល្បង ដើម្បីបណ្តុះពពកផលិតទឹកភ្លៀង បានប្រាប់សារព័ត៌មាន Reuters ថា ផែនការត្រូវបានកំណត់ពេលឡើងវិញដោយសារតែលក្ខខណ្ឌអាកាសធាតុមិនអំណោយផល។ ជារៀងរាល់រដូវរងា គុណភាពខ្យល់ កាន់តែអាក្រក់នៅភាគខាងជើងប្រទេសឥណ្ឌា។

បាតុករប្រឆាំងសង្រ្គាមអ៊ីស្រាអែល បិទស្ពាន San Francisco Bay ក្នុងអំឡុងវេទិកា APEC

នគរបាលទីក្រុង San Francisco បានចាប់ផ្តើមចាប់ខ្លួនក្រុមបាតុករដែលកំពុងអំពាវនាវឱ្យមានបទឈប់បាញ់ក្នុងសង្គ្រាមអ៊ីស្រាអែល-ក្រុមហាម៉ាស កាលពីថ្ងៃព្រហស្បតិ៍ បន្ទាប់ពីបាតុកម្ម បានបិទស្ពាន ជាផ្លូវធ្វើដំណើរដ៏សំខាន់ចូលទៅក្នុងទីក្រុង ដែលកំពុងរៀបចំវេទិកាកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ។ អ្នករៀបចំបាននិយាយថា មនុស្ស ២០០នាក់ បានចូលរួមក្នុងបាតុកម្ម ដែលអំពាវនាវឱ្យបញ្ចប់ការផ្តល់ជំនួយយោធារបស់សហរដ្ឋអាមេរិកដល់ប្រទេសអ៊ីស្រាអែល។ នគរបាលរាប់រយនាក់ បានចាប់ផ្តើមចាប់ខ្លួន និងឲ្យក្រុមបាតុករចាកចេញឆ្ងាយ បន្ទាប់ពីក្រុមល្បាតផ្លូវ Highway រដ្ឋកាលីហ្វ័រនីញ៉ា បានចេញបញ្ជាឲ្យបំបែកក្រុមដែលបានមកប្រមូលផ្តុំគ្នា។ អាជ្ញាធរ បានដាក់ពង្រាយរថយន្តសណ្តោងដើម្បីនាំយកចេញរថយន្តរបស់ក្រុមអ្នកតវ៉ាដែលបានដាក់បិទស្ពាន។អង្គភាពសេវាសង្គ្រោះបន្ទាន់ក្នុងតំបន់ បានព្រមានពីការកកស្ទះក្នុងអំឡុងពេលម៉ោងមមាញឹកនៅពេលព្រឹកនៅលើស្ពានដែលភ្ជាប់ទីក្រុង Oakland និងទីក្រុងនៅជ្រោយខាងកើត East Bay ផ្សេងទៀតទៅកាន់ទីក្រុង San Francisco ។ យោងតាមសេចក្តីប្រកាសព័ត៌មានបាននិយាយថា ក្រុមជាច្រើនបានមកចូលរួមនៅក្នុងបាតុកម្ម រួមមានទាំងចលនាយុវជនប៉ាឡេស្ទីន និងសាមគ្គីភាពប៉ាឡេស្ទីននៅតំបន់ជ្រោយ Bay Area ។ ការបង្ហោះតាមប្រព័ន្ធផ្សព្វផ្សាយសង្គមបានបង្ហាញថា មុនពេលការបំបែក ក្រុមអ្នកតវ៉ាបានដាក់ច្រវាក់ខ្លួនឯងរួមគ្នានៅតាមរថយន្តដែលតុបតែងដោយស្លាកសញ្ញាសរសេរថា «សេរីប៉ាឡេស្ទីន» ក្នុងចំណោមស្លាកសញ្ញាដទៃទៀត។ ចរាចរណ៍ ធ្វើដំណើរនៅលើស្ពានឆ្ពោះទៅកាន់ទីក្រុង San Francisco បានចាប់ផ្តើមដំណើរការវិញនៅម៉ោងប្រហែល ១០:៤៥ នាទីព្រឹក ម៉ោងក្នុងតំបន់ បន្ទាប់ពីបានរៀបចំឡើងវិញ។

បុគ្គលិកហាងកាហ្វេស្តាបាក់ស៍ រាប់រយទីតាំងនៅសហរដ្ឋអាមេរិក ចេញតវ៉ា

បុគ្គលិកនៅហាងកាហ្វេស្តាបាក់ស៍ (Starbucks) របស់ទីក្រុងញ៉ូវ យក និងរាប់រយទីតាំងផ្សេងទៀតនៅសហរដ្ឋអាមេរិក បានចេញតវ៉ាក្នុងអំឡុងពេលព្រឹត្តិការណ៍ផ្សព្វផ្សាយដ៏សំខាន់មួយកាលពីថ្ងៃព្រហស្បតិ៍ (១៦ វិច្ឆិកា) នេះបើយោងសហជីពរួបរួមកម្មករ បាននិយាយនៅលើវេទិកាប្រព័ន្ធផ្សព្វផ្សាយសង្គម X ។អ្នកតវ៉ាម្នាក់និយាយថា «យើងចង់ធ្វើឱ្យប្រាកដថា យើងមានប្រាក់បៀវត្សរ៍ប្រសើរជាងមុន អត្ថប្រយោជន៍បុគ្គលិក ការរៀបចំកាលវិភាគ ហើយយើងមានម៉ោងធ្វើការត្រឹមត្រូវ។ យើងពិបាកធ្វើការខ្លាំងណាស់ ហើយពេលខ្លះមានអារម្មណ៍ថាយើងម្នាក់ឯងធ្វើការលើសមនុស្សពីរនាក់ទៅតៀត។ យើងពិតជាធុញទ្រាន់នឹងការធ្វើការលើសកំណត់នេះណាស់»។ការតវ៉ានេះបានធ្វើឡើងនៅក្នុងព្រឹត្តិការណ៍ទិវាកែវក្រហម (Red Cup Day) របស់សម្ព័ន្ធខ្សែសង្វាក់កាហ្វេ ក្នុងអំឡុងពេលដែលហាង Starbucks ផ្ដល់កែវកាហ្វេពណ៌ក្រហម ដែលអាចប្រើឡើងវិញបាន និងដោយឥតគិតថ្លៃ ដល់អតិថិជនលើការទិញកាហ្វេរបស់ពួកគេ។ ក្រុមហ៊ុន Starbucks បាននិយាយកាលពីថ្ងៃព្រហស្បតិ៍ថា ហាងជាច្រើនរបស់ខ្លួននៅសហរដ្ឋអាមេរិក បានបើកដំណើរការវិញហើយ ប៉ុន្តែហាងរាប់សិបកន្លែងទៀតនៅតែត្រូវបិទដោយសារបុគ្គលិកធ្វើកូដកម្ម។សហជីពរួបរួមកម្មករ ដែលតំណាងឱ្យបុគ្គលិកក្រុមហ៊ុនកាហ្វេ Starbucks ជាង ៩.០០០នាក់ នៅហាងប្រហែល ៣៦០ទីតាំង នៅសហរដ្ឋអាមេរិក បាននិយាយថាព្រឹត្តិការណ៍នេះគឺជា «ថ្ងៃដ៏លំបាកបំផុត និងមិនសូវមានបុគ្គលិកធ្វើការ» ដោយសារតែការបញ្ជាទិញភេសជ្ជៈកើនឡើង ហើយបុគ្គលិកទទួលរងការរំលោភបំពាន និងស្ដីបន្ទោសពីអតិថិជនដោយសារការរង់ចាំយូរ៕

មេដឹកនាំបក្សប្រឆាំងអ៊ីស្រាអែល និយាយថាដល់ពេលត្រូវមានអ្នកជំនួសលោក ណាតាន់យ៉ាហ៊ូ ហើយ

មេដឹកនាំប្រឆាំងអ៊ីស្រាអែល លោក យែរ ឡាភីដ (Yair Lapid) បាននិយាយកាលពីថ្ងៃព្រហស្បតិ៍ (១៦ វិច្ឆិកា) ថា វាដល់ពេលហើយក្នុងការមានអ្នកទៅជំនួសតំណែងនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ហើយថានឹងមានការគាំទ្រយ៉ាងទូលំទូលាយដើម្បីបង្កើតរដ្ឋាភិបាលរួបរួមមួយ ដែលដឹកនាំដោយគណបក្សស្តាំនិយម លីគុត (Likud) របស់លោក ណេតាន់យ៉ាហ៊ូ។អ្នកនយោបាយកណ្ដាលនិយម លោក Lapid ដែលបានបម្រើការជានាយករដ្ឋមន្ត្រីរយៈពេលខ្លីកាលពីឆ្នាំមុនបាននិយាយថា លោកជឿថាភាគច្រើននៃសមាជិកសភា ១២០រូប នៅក្នុងសភាអ៊ីស្រាអែល នឹងចុះហត្ថលេខាលើក្រុមចម្រុះបែបនេះ។ លោកបានធ្វើអត្ថាធិប្បាយបែបនេះនៅពេលដែលអ៊ីស្រាអែល បានសង្កត់ធ្ងន់លើការវាយលុកយោធារបស់ខ្លួននៅក្នុងតំបន់ហ្កាហ្សា បន្ទាប់ពីការវាយលុកដ៏បង្ហូរឈាមរបស់ក្រុមសកម្មប្រយុទ្ធហាម៉ាស កាលពីថ្ងៃទី៧ ខែតុលា ឆ្លងកាត់ភាគខាងត្បូងអ៊ីស្រាអែល។លោក Lapid បានសរសេរនៅលើបណ្តាញសង្គម X ថា «ពេលវេលាបានមកដល់ហើយ យើងត្រូវបង្កើតរដ្ឋាភិបាលកសាងជាតិឡើងវិញ។ គណបក្សស្តាំនិយម លីគុត នឹងដឹកនាំរបស់បក្សនេះគឺលោក ណាតាន់យ៉ាហ៊ូ ព្រមទាំងពួកជ្រុលនិយម នឹងត្រូវបានជំនួស ហើយសមាជិកសភាជាង ៩០រូប នឹងក្លាយជាដៃគូនៅក្នុងសម្ព័ន្ធសម្រាប់ការផ្សះផ្សារ និងការតភ្ជាប់ទំនាក់ទំនងឡើងវិញ»។គណបក្ស លីគុត របស់លោក ណេតាន់យ៉ាហ៊ូ គឺជាគណបក្សដ៏ធំបំផុតនៅក្នុងក្រុមចម្រុះដែលកំពុងកាន់អំណាចរបស់អ៊ីស្រាអែល ដែលរួមមានគណបក្សជាតិនិយមជ្រុល និងបណ្ដាគណបក្សសាសនា។ ពួកគេរួមគ្នាគ្រប់គ្រងបាន ៦៤អាសនៈក្នុងសភា។ លោក Lapid បានបដិសេធមិនចូលរួមក្នុងគណៈរដ្ឋមន្ត្រីសង្គ្រាមរបស់លោក ណេតាន់យ៉ាហ៊ូ នៅពេលចាប់ផ្តើមសង្រ្គាមនោះទេ ទោះបីជាសមាជិកសភាកណ្តាលនិយមផ្សេងទៀតបានយល់ព្រមចូលរួម និងជួយគ្រប់គ្រងជម្លោះក៏ដោយ៕

ហ្វីលីពីនច្រានចោលការអំពាវនាវរបស់ចិន ក្នុងការជូនដំណឹងជាមុនពីបេសកកម្មផ្គត់ផ្គង់ឡើងវិញនៅដែនទឹកជម្លោះ

ក្រសួងការបរទេសហ្វីលីពីន បាននិយាយកាលពីថ្ងៃព្រហស្បតិ៍ (១៦ វិច្ឆិកា) ថា ហ្វីលីពីនមិនត្រូវផ្តល់ការជូនដំណឹងជាមុនដល់ប្រទេសចិន អំពីបេសកកម្មផ្គត់ផ្គង់ឡើងវិញនៅក្នុងទឹកដីរបស់ខ្លួនក្នុងសមុទ្រចិនខាងត្បូងនោះទេ ដោយនិយាយថាប្រតិបត្តិការនានា រួមទាំង «ការថែរក្សា» នាវាកងទ័ពជើងទឹករបស់ខ្លួនគឺស្របច្បាប់។នាយកដ្ឋានកិច្ចការបរទេស (DFA) របស់ហ្វីលីពីន ក៏បានអំពាវនាវឱ្យប្រទេសចិនដក «រចនាសម្ព័ន្ធខុសច្បាប់» ទាំងអស់ដែលខ្លួនបានសាងសង់នៅក្នុងតំបន់សេដ្ឋកិច្ចផ្តាច់មុខ (EEZ) របស់ប្រទេសហ្វីលីពីន ដោយបញ្ឈប់ការរុះរើឡើងវិញនៅក្នុងតំបន់ទាំងនោះ និងទទួលខុសត្រូវចំពោះការខូចខាតទាំងឡាយដែលសកម្មភាពនោះបានបង្កឡើង។ប្រទេសចិន បានចោទប្រកាន់ហ្វីលីពីន ម្តងហើយម្តងទៀតថាបានចូលក្នុងដែនទឹករបស់ខ្លួនដោយខុសច្បាប់ដោយគ្មានការអនុញ្ញាត ក្នុងអំឡុងពេលបេសកកម្មដឹកជញ្ជូនអាហារ និងទឹកដល់ទាហានហ្វីលីពីនដែលរស់នៅលើនាវាកងទ័ពជើងទឹកដែលទីក្រុងម៉ានីល បានចុះចតនៅច្រកសមុទ្រកោះប៉ប្រះទឹក Thomas Shoal ទីពីរដែលមានជម្លោះ។ ប្រទេសចិន ទាមទារអធិបតេយ្យភាពលើស្ទើរតែទាំងមូលលើសមុទ្រចិនខាងត្បូង ដោយចង្អុលទៅបន្ទាត់នៅលើផែនទីរបស់ខ្លួនដែលកាត់ចូលទៅក្នុងតំបន់សេដ្ឋកិច្ចផ្តាច់មុខរបស់វៀតណាម ហ្វីលីពីន ម៉ាឡេស៊ី ប្រ៊ុយណេ និងឥណ្ឌូនេស៊ី។ កោះតៃវ៉ាន់ ដែលចិនអះអាងសិទ្ធថាជាផ្នែកនៃទឹកដីរបស់ខ្លួន បាននិយាយថាខ្លួនមិនទទួលយកផែនទីរបស់ទីក្រុងប៉េកាំង នោះទេ៕

អំពើហិង្សាបានផ្ទុះឡើងនៅក្នុងទីក្រុងសូហ្វីយ៉ា ខណៈក្រុមអ្នកគាំទ្រប៊ុលហ្ការី តវ៉ាប្រឆាំងសហព័ន្ធបាល់ទាត់

ក្រុមអ្នកគាំទ្រប៊ុលហ្ការី បានប៉ះទង្គិចគ្នាដោយហិង្សាជាមួយនគរបាលនៅក្នុងទីក្រុងស៊ូហ្វីយ៉ា (Sofia) កាលពីថ្ងៃព្រហស្បតិ៍១៦វិច្ឆិកា មុនការប្រកួតរបស់ប្រទេសពួកគេ ជាមួយក្រុមបាល់ទាត់ហុងគ្រី ក្នុងវគ្គ ជម្រុះបាល់ទាត់ពានរង្វាន់ទ្វីបអឺរ៉ុប ២០២៤។ កងកម្លាំងនគរបាលកងអនុសេនាធំបង្ក្រាបកុបកម្ម បានប្រឈមជាមួយក្រុមអ្នកតវ៉ាគាំទ្រ ដែលបានគប់វត្ថុផ្សេងៗ លើនគរបាល ដោយជំរុញឲ្យកងកម្លាំងឆ្លើយតបដោយការប្រើប្រាស់ម្ស៉ៅម្រេច និងកាណុងបាញ់ទឹក ដើម្បីបំបែកក្រុមនេះ។ ក្រុមអ្នកគាំទ្រនៃក្លឹបផ្សេងៗគ្នា បានប្រមូលផ្ដុំតវ៉ាចំពោះគណៈកម្មការប្រតិបត្តិបាត់ទាត់របស់ប្រទេសនេះ ដោយអំពាវនាវឲ្យពួកគេលាលែងពីតំណែង ស្របពេលជួបប្រទះបញ្ហាដ៏ធំក្នុងយុទ្ធនាការប្រកួតជម្រុះបាល់ទាត់ពានរង្វាន់ទ្វីបអឺរ៉ុប ២០២៤ សម្រាប់ប្រទេស ប៊ុលហ្ការី ។ដោយឈរនៅបាតតារាងក្នុងពូល G ប៊ុលហ្ការី បានធ្លាក់ពីការប្រកួតជម្រុះពានរង្វាន់នេះ ដែល អាល្លឺម៉ង់ធ្វើជាម្ចាស់ផ្ទះនៅឆ្នាំក្រោយ៕

ការបាញ់ផ្លោងកាន់តែខ្លាំងឡើងនៅព្រំដែនប្រទេសលីបង់ និងអ៊ីស្រាអែល

ការបាញ់ផ្លោងកាន់តែខ្លាំងក្លាឡើងនៅទូទាំងព្រំដែននៃប្រទេសលីបង់ ជាមួយអ៊ីស្រាអែល កាលពីថ្ងៃព្រហស្បតិ៍ (១៦ វិច្ឆិកា) ដោយក្រុមប្រដាប់អាវុធលីបង់ ហេសបូឡា បាននិយាយថា ខ្លួនបានបាញ់មីស៊ីលទៅកាន់ទីតាំងចំនួនប្រាំបីឆ្លងកាត់ព្រំដែន ហើយអ៊ីស្រាអែលបាននិយាយថា ខ្លួនបានសងសឹកដោយការវាយប្រហារដោយកាំភ្លើងធំ។នៅក្នុងសេចក្តីថ្លែងការណ៍ពេញមួយថ្ងៃ ក្រុមហេសបូឡា ដែលគាំទ្រដោយអ៊ីរ៉ង់ បាននិយាយថា ខ្លួនបានវាយប្រហារទីតាំងចំនួនប្រាំបីនៅក្នុងអ៊ីស្រាអែល រួមទាំងក្រុមទាហានអ៊ីស្រាអែលមួយក្រុម បន្ទាយ និងប៉ុស្តិ៍យោធាផ្សេងទៀត។ ប្រភពសន្តិសុខលីបង់បាននិយាយថា ការទម្លាក់គ្រាប់បែករបស់អ៊ីស្រាអែល រួមទាំងការវាយប្រហារដោយយានដ្រូន បានវាយប្រហារភូមិរាប់សិបនៅតាមបណ្តោយព្រំដែនភាគខាងត្បូងនៃប្រទេសលីបង់។យោធាអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា ខ្លួនបានវាយប្រហារបន្ទាយ នៅក្នុងប្រទេសលីបង់ ដែលបានព្យាយាមបាញ់មីស៊ីលប្រឆាំងរថក្រោះ ឆ្ពោះទៅរកអ៊ីស្រាអែល និងកំពុងបាញ់កាំភ្លើងធំទៅកាន់គោលដៅផ្សេងទៀត ដោយបន្ថែមថា មិនមានអ្នករងរបួសត្រូវបានរាយការណ៍ក្នុងការបាញ់ផ្លោងលើអ៊ីស្រាអែលទេ។ប្រភពសន្តិសុខលីបង់បាននិយាយថា នោះជាថ្ងៃមួយក្នុងចំណោមថ្ងៃដែលមានអំពើហិង្សាបំផុតនៅទីនោះ ចាប់តាំងពីក្រុមហេសបូឡា បានចាប់ផ្តើមការប្រយុទ្ធជាមួយកងកម្លាំងអ៊ីស្រាអែល បន្ទាប់ពីការផ្ទុះនៃសង្គ្រាមរវាងក្រុមហាម៉ាស-អ៊ីស្រាអែល កាលពីថ្ងៃទី៧ ខែតុលា មក៕

UN ជំរុញឱ្យមានការស៊ើបអង្កេតអន្តរជាតិលើការរំលោភបំពានក្នុងសង្គ្រាមអ៊ីស្រាអែល និងក្រុមហាម៉ាស

ប្រធានសិទ្ធិមនុស្សរបស់អង្គការសហប្រជាជាតិ លោក Volker Turk កាលពីថ្ងៃព្រហស្បតិ៍ (១៦ វិច្ឆិកា) បានគូសបញ្ជាក់ពីការចោទប្រកាន់អំពីការរំលោភសិទ្ធិធ្ងន់ធ្ងរនៅក្នុងសង្គ្រាមអ៊ីស្រាអែល និងក្រុមហាម៉ាស ដែលលោកបាននិយាយថាត្រូវការ «ការទទួលខុសត្រូវពេញលេញ»។ លោក Turk បាននិយាយថា «ការចោទប្រកាន់ដ៏ធ្ងន់ធ្ងរបំផុតនៃការរំលោភបំពានជាច្រើន និងយ៉ាងជ្រាលជ្រៅនៃច្បាប់មនុស្សធម៌អន្តរជាតិ ដែលអ្នកណាក៏ដោយដែលប្រព្រឹត្តអំពើទាំងនោះ ទាមទារឱ្យមានការស៊ើបអង្កេតយ៉ាងម៉ត់ចត់ និងការទទួលខុសត្រូវពេញលេញ»។ស្នងការជាន់ខ្ពស់អង្គការសហប្រជាជាតិទទួលបន្ទុកសិទ្ធិមនុស្សរូបនេះមិនបានបញ្ចេញឈ្មោះថាជាអ៊ីស្រាអែល ឬក្រុមហាម៉ាសទេ ប៉ុន្តែលោកបាននិយាយបែបនេះបន្ទាប់ពីដំណើរទស្សនកិច្ចកាលពីសប្តាហ៍មុនទៅកាន់មជ្ឈិមបូព៌ា ជាទីដែលលោកបានព្រមានថា ភាគីទាំងពីរកំពុងប្រព្រឹត្តឧក្រិដ្ឋកម្មសង្គ្រាមនៅក្នុងជម្លោះដែលបានសម្លាប់មនុស្សរាប់ពាន់នាក់។អ៊ីស្រាអែល បានប្តេជ្ញាថានឹងកម្ទេចក្រុមហាម៉ាស ឲ្យបាត់ពីផែនដីជាការសងសឹកចំពោះការវាយប្រហារកាលពីថ្ងៃទី៧ តុលា ដែលខ្លួននិយាយថាបានសម្លាប់មនុស្ស១.២០០នាក់ ភាគច្រើនជាជនស៊ីវិល។ យោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស បានឲ្យដឹងថា ការទម្លាក់គ្រាប់បែក និងការវាយលុកដោយឥតឈប់ឈររបស់អ៊ីស្រាអែល លើតំបន់ហ្កាហ្សា បានសម្លាប់មនុស្សជាង ១១.៥០០នាក់ ភាគច្រើនជាជនស៊ីវិល និងរួមទាំងកុមាររាប់ពាន់នាក់៕

បណ្ដាញសង្គម

ព័ត៌មានថ្មីៗ

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន

ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ

ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង

ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin

ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស

នាយករដ្ឋមន្ត្រីដាណឺម៉ាក និយាយថា លោក Netanyahu បានប្រែទៅជាបង្ក «បញ្ហាដោយខ្លួនលោកផ្ទាល់»

ឯកឧត្តមសាស្ត្រាចារ្យ ប៉ិច សុធី អញ្ជើញបើកសន្និសីទប្រចាំឆ្នាំលើកទី១ របស់សមាគមគ្រូពេទ្យបង្កកំណើតកម្ពុជា

មេដឹកនាំអឺរ៉ុបស្វាគមន៍កិច្ចប្រឹងប្រែងរបស់លោក Trump ប៉ុន្តែបញ្ជាក់ថា សម្ពាធលើរុស្ស៊ី ត្រូវតែមានបន្ត

មេភូមិភាគ៣កម្ពុជាស្នើថៃជៀសវាងសកម្មភាពទាំងឡាយដែលនាំឲ្យមានភាពតានតឹងនៅតាមព្រំដែនជាយថាហេតុ

[UPDATE] ក្រុមអ្នកជួយសង្គ្រោះប៉ាគីស្ថាន ពិបាកស្រង់សាកសព ក្រោយភ្លៀងរដូវមូសុង សម្លាប់មនុស្សយ៉ាងតិច ៣២០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877