BTV NEWS

ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្តប្រកបដោយក្រមសីលធម៌វិជ្ជាជីវៈនគរបាល

ក្មេងទំនើង៣នាក់បំផ្លាញទ្រព្យសម្បត្តិសាធារណៈត្រូវបានឃាត់ខ្លួន ធ្វើកិច្ចសន្យាអប់រំណែនាំដោយមានការធានាពីអាណាព្យាបាល ដើម្បីអប់រំនៅមូលដ្ឋានបន្ត

រយៈពេល១ខែកន្លះចុងឆមាសទី១នេះ សមត្ថកិច្ចរាជធានី បង្ក្រាបបទល្មើសគ្រឿងញៀន ឃាត់មនុស្ស៧៣នាក់

កម្លាំងនគរបាលស្រុកស្វាយជ្រំយកចិត្តទុកដាក់ទប់ស្កាត់និងបង្ក្រាប ធ្វើឱ្យបទល្មើសថយចុះស្ទើរទាំងស្រុង

សន្តិសុខ និង សង្គម

អគ្គិភ័យឆេះរថយន្តបែនដឹកដីអស់២គ្រឿង ទាំងកណ្តាលអធ្រាត្រ នៅសង្កាត់បឹងទំពុនទី២

ភ្នំពេញ៖ រថយន្តបែនដឹកដី២គ្រឿង ចតនៅក្នុងឃ្លាំង សម្រាប់ជួលដឹកដី ត្រូវបានអគ្គិភ័យឆាបឆេះស្ទើរទាំងស្រុង តែសំណាងល្អមិនបណ្ដាលឲ្យមានមនុស្សរងរបួសឡើយ។ហេតុការណ៍នេះបានកើតឡើង កាលពីវេលាម៉ោង១២រំលងអធ្រាត្រ ឈានចូលថ្ងៃទី១២ ខែមករា ឆ្នាំ២០២៣ ស្ថិតនៅឃ្លាំងជួល សម្រាប់ដាក់រថយន្តមួយកន្លែង នៅចំណុចផ្លូវចូលតាមស្ថានីយ៍បូមទឹកបឹងទំពុន ស្ថិតនៅក្នុងភូមិត្នោតជ្រុំ ស្ថិតនៅក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញអណ្តាតភ្លើងឆាបឆេះចេញពីរថយន្តបែនដឹកដីមួយគ្រឿង នៅក្នុងចំណោមរថយន្តដឹកដីជាច្រើនគ្រឿង ដែលស្ថិតនៅក្នុងឃ្លាំងខាងលើ។ ភ្លាមៗនោះអ្នកបើករថយន្តបែនដឹកដីម្នាក់ ដែលកំពុងគេងក្នុងរថយន្តមួយគ្រឿងទៀតបានឃើញភ្លើងឆេះ ក៏ស្រែកហៅគ្នាអោយនាំគ្នាជួយពន្លត់ ប៉ុន្តែអណ្តាតភ្លើងខ្លាំងពេកមិនអាចគ្រប់គ្រងបាន ទើបនាំគ្នាផ្តល់ដំណឹងទៅកាន់សមត្ថកិច្ចមូលដ្ឋាន ដើម្បីសុំជំនួយពីរថយន្តពន្លត់អគ្គិភ័យ។ក្រោយទទួលដំណឹងនេះភ្លាម ការិយាល័យនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០៣គ្រឿង មកកាន់ទីតាំងកើតហេតុ ធ្វើការអន្តរាគមន៍បាញ់ពន្លត់ភ្លាមៗ។ ក្នុងហេតុការណ៍ អគ្គិភ័យនេះ ត្រូវបានរលត់ទាំងស្រុងក្រោយការអន្តរាគមន៍របស់មន្ត្រីជំនាញ ក្នុងនោះរថយន្តបែនដឹកដីចំនួន២គ្រឿងត្រូវបានឆាបឆេះស្ទើរទាំងស្រុង។ចំពោះមូលហេតុនៃការឆាបឆេះ មន្ត្រីជំនាញបានសាកសួរទៅកាន់អ្នកម្ចាស់រថយន្តបែនដឹកដី និងបានបញ្ជាក់ថា សង្ស័យបណ្តាលមកពីការឆ្លងចរន្តនៃអាគុយរថយន្ត ទើបបង្កជាអគ្គិភ័យឆាបឆេះតែម្តង៕ អត្ថបទ៖កុម្ភៈ

អគ្គិភ័យឆេះរថយន្តទំនើប ៣គ្រឿង ក្នុងឃ្លាំងរថយន្តមួយកន្លែង នៅសង្កាត់ផ្សារដេប៉ូទី១

ភ្នំពេញ៖ អគ្គិភ័យឆេះរថយន្តសេរីទំនើបចំនួន ០៣គ្រឿង ក្នុងឃ្លាំងស្ទុករថយន្តមួយកន្លែងបង្កការភ្ញាក់ផ្អើលយ៉ាងខ្លាំង តែសំណាងល្អមិនបណ្ដាលឲ្យមនុស្សរងរបួស និងមិនរាលដាលដល់ផ្ទះពលរដ្ឋផ្សេងទៀតឡើយ។ ហេតុការណ៍នេះបានកើតឡើងកាលពីវេលាម៉ោង៥ព្រឹក ថ្ងៃទី១០ ខែមករា ឆ្នាំ២០២៣ ស្ថិតនៅចំណុចឃ្លាំងលេខ២៣៤ ស្ថិតនៅតាមបណ្តោយផ្លូវ១៨៨ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញផ្សែងហ៊ុយចេញពីឃ្លាំងខាងក្រោយ នៃទីតាំងកើតហេតុ បន្ទាប់មកស្រាប់តែមានអណ្តាតភ្លើងឆាបឆេះរថយន្តមួយគ្រឿងម៉ាក Lexus LM300h បង្កការភ្ញាក់ផ្អើលយ៉ាងខ្លាំង។ ភ្លាមៗនោះប្រជាពលរដ្ឋ បានយកបំពុងឧស្ម័នបាញ់ពន្លត់ជាបឋម ប៉ុន្តែដោយសារតែឆាបឆេះខ្លាំង បណ្តាលឲ្យរាលដាលទៅដល់រថយន្តចំនួន ២គ្រឿងទៀតម៉ាក ប៊េនលី និង 4Runner ទើបប្រជាពលរដ្ឋ ទាក់ទងទៅកាន់សមត្ថកិច្ចមូលដ្ឋាន ដើម្បីសុំការអន្តរាគមន៍ពីរថយន្តពន្លត់អគ្គិភ័យ។ ក្រោយពីទទួលដំណឹងនេះ ការិយាល័យនគរបាលបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យអន្តរាគមន៍ភ្លាមៗផងដែរ។ នៅក្នុងហេតុការណ៍អគ្គិភ័យនេះ មិនបានបណ្តាលឲ្យនរណាម្នាក់រងរបួសនោះទេ ចំពោះមូលហេតុនៃការឆាបឆេះ សមត្ថកិច្ចជំនាញកំពុងធ្វើការស្រាវជ្រាវ។ មន្ត្រីការិយាល័យបង្ការ និងពន្លត់អគ្គិភ័យបានឲ្យដឹងថា អគ្គិភ័យដែលបានឆាបឆេះឃ្លាំងស្តុករថយន្ត ដោយប្រើប្រាស់រថយន្តពន្លត់អគ្គិភ័យ អស់ចំនួន១៧គ្រឿង បាញ់ទឹកអស់ទាំង១៧គ្រឿង ទើបគ្រប់គ្រងអគ្គិភ័យបានរលត់ជាស្ថាពរ៕ អត្ថបទ៖ កុម្ភៈ

សមត្ថកិច្ចនឹងពង្រឹងវិធានការទប់ស្កាត់ឱ្យកាន់តែខ្លាំងនៅឆ្នាំនេះ ខណៈករណីបទល្មើសគ្រឿងញៀន កើនឡើងកាលពីឆ្នាំមុន

ភ្នំពេញ៖ ក្នុងឆ្នាំ២០២២ ការបង្ក្រាបបទល្មើសគ្រឿញៀន មានការកើនឡើងជាងឆ្នាំ២០២១ សមត្ថកិច្ចពាក់ព័ន្ធ នឹងពង្រឹងវិធានការទប់ស្កាត់ការជួញដូរគ្រឿងញៀនកាន់តែខ្លាំងបន្ថែមទៀត នៅឆ្នាំ២០២៣ ។នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំង គ្រឿងញៀន បានប្រាប់BTVនៅថ្ងៃនេះថា ជាលទ្ធផលនៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី៧ ឆ្នាំ២០២២ ការបង្ក្រាបគ្រឿងញៀន មានជាង៦ពាន់ករណី កើនឡើងជាង ៤០ករណី ប្រៀបធៀបនឹងឆ្នាំ២០២១, កាចាប់យកសាធាតុញៀនមានទម្ងន់ជាង ១៤តោន កើនឡើងជាង ១០តោន ធៀបនឹងឆ្នាំ២០២១ និងឃាត់ខ្លួនជនសង្ស័យមានជាង ១ម៉ឺននាក់ជាដើម ។នាយកឧត្តមសេនីយ៍ បានបញ្ជាក់ថា ការកើនឡើងនៃការជួញដូរគ្រឿងញៀននៅឆ្នាំ២០២២ គឺ ដោយសារក្រុមឧក្រិដ្ឋជនអន្តរជាតិ បានលបលួចទឹកដីកម្ពុជា ជាមូលដ្ឋានធ្វើការចរាចរគ្រឿងញៀនឆ្លង កាត់ដើម្បីឆ្ពោះទៅរកប្រទេសទី៣ ។ដើម្បីទប់ស្កាត់ជួញដូរគ្រឿងញៀនក្នុងឆ្នាំ២០២៣នេះ នាយឧត្តមសេនីយ៍ មាស វិរិទ្ធ បានលើក ឡើងពីផែនការសំខាន់រួមមាន៖ អាជ្ញាធរជាតិប្រយុទ្ធប្រឆាំងគ្រឿងញៀន នៅបន្តអនុវត្តគោលនយោបាយ ប្រយុទ្ធប្រឆាំងការជួញដូរគ្រឿងញៀនរបស់រាជរដ្ឋាភិបាល, អាជ្ញាធរជាតិប្រយុទ្ធប្រយុទ្ធប្រឆាំងគ្រឿងញៀន បានស្នើទៅរាជរដ្ឋាភិបាល ពីគោលនយោបាយថ្មីមួយទៀត គឺការបង្កើតកសាងភូមិ-ឃុំ/សង្កាត់ ស គ្មានគ្រឿងញៀន នៅតាមខេត្តជាប់ព្រំដែន និងការបំពេញបន្ថែមចំណុចខ្វះខាតនៅឆ្នាំ២០២២ជាដើម៕អត្ថបទ៖ ទូច សោភ័ណ

Updat៖ ករណីហិង្សាបណ្ដាលឱ្យផ្ទុះអាវុធមួយគ្រាប់រងរបួសក្មេងៗចំនួន០៣ នាក់

ភ្នំពេញ៖ ជនសង្ស័យចំនួន០៣នាក់ត្រូវបានសមត្ថកិច្ចឃាត់ខ្លួន បញ្ជូនទៅកាន់ប៉ុស្តិ៍នគរបាលរដ្ឋបាលគោករកា បន្ទាប់ពីពាក់ព័ន្ធនៅក្នុងករណីហិង្សារហូតឈានដល់បាញ់បោះ និងបង្កស្នាមរបួសដល់មនុស្ស០៣នាក់។ ហេតុការណ៍នេះ បានកើតឡើងកាលពីវេលាម៉ោង៩និង៣០នាទីយប់ ថ្ងៃទី៣ ខែមករា ឆ្នាំ២០២៣ ស្ថិតនៅ ភូមិអណ្តូង៣ សង្កាត់គោករកា ខណ្ឌព្រែកព្នៅ រាជធានីភ្នំពេញ។យោងតាមលោកអនុសេនីយ៍ឯក អ៊ុន ផុស នាយរងប៉ុស្តិ៍ទទួលផែនព្រហ្មទណ្ឌនៃប៉ុស្តិ៍រដ្ឋបាលគោករកា បានឲ្យដឹងថា រហូតមកដល់ពេលនេះ កម្លាំងសមត្ថកិច្ចបានឃាត់ខ្លួនជនសង្ស័យចំនួន ០៣នាក់ ដែលភាគីពីរនាក់បង្កហិង្សារហូតឲ្យជនបង្កដែលកាន់កាប់អាវុធឈានដល់ផ្ទុះអាវុធមួយគ្រាប់ ប្រើប្រាស់អាវុធម៉ាក់lock ដើម្បីគំរាម។ ក៏ប៉ុន្តែជាអកុសលបាញ់មួយគ្រាប់សំដៅទៅផ្លូវបេតុងបណ្ដាលឱ្យបំណែកបេតុងខ្ទាតទៅត្រូវ ក្មេងៗចំនួនបីនាក់ដែលកំពុងអង្គុយលេងក្បែរនោះ។លោកនាយរងប៉ុស្តិ៍ បានឲ្យដឹងថា មុនឈានដល់ករណីហិង្សានិងផ្ទុះអាវុធនេះដំបូងឡើយគឺយុវជនពីរនាក់ដែលត្រូវបាននគរបាលឃាត់ខ្លួនដែរនោះចោទទៅលើបុរសម្នាក់ដែលជាមន្រ្តីយោធាមានអាវុធ ថាយកដបទឹកសុទ្ធគប់ទៅលើពួកគេ ពេលនោះបុរសដែលកាន់កាប់អាវុធឆ្លើយថាមិនដឹងនោះទេ ស្រាប់តែបុរសពីរនាក់នោះហក់ទៅបង្កហិង្សារហូតឱ្យបុរសកាន់អាវុធសម្រេចចិត្តបាញ់មួយគ្រាប់ចុចទៅផ្លូវបេតុងដើម្បីគំរាម។សូមបញ្ជាក់ផងដែរ បើតាមប្រភពព័ត៌មានពីប្រជាពលរដ្ឋនៅកន្លែងកើតហេតុ បានអោយដឹងថា នៅមុនពេលកើតហេតុ មានក្មេងមួយក្រុមអង្គុយលេងហ្គេមតាមទូរស័ព្ទដៃ នៅចំណុចកើតហេតុ ស្រាប់តែមានជនសង្ស័យ៣នាក់ ដើរមកជិតរួចប្រើអោយទៅទិញអីវ៉ាន់ (គ្រឿងញៀន) តែក្មេងៗទាំងនោះបដិសេធ មិនព្រមទៅតាមបញ្ជា ជនសង្ស័យក៏បានដើរទៅវិញបាត់។ក្មេងប្រុសម្នាក់ក្នុងចំណោមក្មេងរងគ្រោះ បានឲ្យដឹងថា ខ្លួនបានទៅផ្ទះ រួចត្រឡប់មកទិញអីញាំ ស្រាប់តែប្រទះឃើញជនបង្ក ឈ្លោះគ្នាជាមួយក្មេងៗឯទៀត ខ្លួនក៏ដើរចេញ ភ្លាមៗនោះជម្លោះកាន់តែខ្លាំង ធ្វើអោយជនបង្កខឹងដកកាំភ្លើងបាញ់មួយគ្រាប់ទៅដី បណ្តាលឲ្យខ្ទាតត្រូវក្មេងៗ ដែលកំពុងលេងសប្បាយជុំគ្នានៅក្នុងភូមិ ចំនួន០៥នាក់ រួមទាំងខ្លួនម្នាក់ សរុប០៦នាក់ របួសធ្ងន់៣នាក់ និងស្រាល៣នាក់។តាមសម្តីក្មេងរងគ្រោះ បានបន្ថែមថា កន្លងមកជនបង្ក ធ្លាប់បានដកកាំភ្លើង ភ្ជង់គំរាមគេរួចម្តងមកហើយ។បច្ចុប្បន្នជនសង្ស័យទាំង០៣នាក់ ត្រូវបានសមត្ថកិច្ចឃាត់ខ្លួនកំពុងធ្វើការសាកសួរនិងកសាងសំណុំរឿងចាត់ការតាមនីតិវិធី៕ អត្ថបទ៖ កុម្ភៈ

ក្រុមអ្នកប្រើលំពែង និងដំបង វាយដំលើមនុស្សមួយក្រុមនៅខណ្ឌមានជ័យ ត្រូវបានឃាត់ខ្លួន

ភ្នំពេញ៖ ក្រុមយុវជនទំនើងមួយក្រុម ដែលបានប្រើដំបង និងលំពែង វាយទៅលើមនុស្សប្រុសស្រីមួយក្រុម កាលពីវេលាម៉ោង ៤ជិតភ្លឺនាថ្ងៃទី៣ ខែមករា ឆ្នាំ២០២៣នេះ ត្រូវបានកម្លាំងសមត្ថកិច្ចខណ្ឌមានជ័យ បើកការស្រាវជ្រាវតាមចាប់ខ្លួន បានអស់ហើយក្រោយការធ្វើសកម្មភាពរួចប្រមាណ ៦ម៉ោង។ ករណីនេះ កើតឡើងនៅមុខផ្ទះលក់ទឹកកកមួយកន្លែង ស្ថិតតាមបណ្តោយផ្លូវបេតុង ក្នុងភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ។ អំពើហិង្សានេះ បានបង្កឱ្យមានការភ្ញាក់ផ្អើលជាខ្លាំង នៅលើបណ្តាញសង្គម ក្រោយពីមានហ្វេសប៊ុកមួយ បានបង្ហោះវីឌីអូឃ្លីប ដែលយកចេញពីកាមេរ៉ាសុវត្ថិភាព ដែលបង្ហាញពីសកម្មភាពយ៉ាងសាហាវរបស់ក្រុមក្មេងទំនើងទាំងនេះ។ បន្ទាប់ពីមានករណីនេះកើតឡើង កម្លាំងសមត្ថកិច្ចចម្រុះដែលដឹកនាំដោយលោក ហែម ដារិទ្ធិ អភិបា លខណ្ឌមានជ័យ និងលោកវរសេនីយ៍ទោ អ៊ុក បូនីន អធិការនគរបាលខណ្ឌ បានចុះពិនិត្យជាក់ស្តែងដល់ទីតាំងកើតហេតុ និងបានបើកការស្រាវជ្រាវ រហូតឈានទៅចាប់ខ្លួនក្រុមក្មេងទំនើងទាំងនេះ ដល់ផ្ទះរបស់ពួកគេតែម្តង។ អធិការខណ្ឌមានជ័យ លោកវរសេនីយ៍ទោ អ៊ុក បូនីន ឱ្យដឹងបន្ថែមថា បច្ចុប្បន្នជនសង្ស័យទាំង ០៣ ត្រូវឃាត់ខ្លួនបណ្តោះអាសន្ន នឹងត្រៀមកសាងសំណុំរឿងបញ្ចូនទៅតុលាការផងដែរ៕ អត្ថបទ៖ លីហេង

កម្លាំងគណៈបញ្ជាការឯកភាពខណ្ឌដូនពេញ បានចុះរៀបចំសណ្ដាប់ធ្នាប់ និងបាញ់ទឹកលាងសម្អាតនៅបេនឡានផ្សារថ្មី

ភ្នំពេញ៖ អាជ្ញាធរខណ្ឌដូនពេញចុះរៀបចំសណ្ដាប់ធ្នាប់ អនាម័យ បរិស្ថាននិងបាញ់ទឹកលាងសម្អាតនៅតំបន់បេនឡានផ្សារថ្មី ដើម្បីឱ្យមាសសោភណ្ឌភាពឡើងវិញ ព្រោះនៅចំណុចនេះគឺចំកណ្ដាលទីក្រុងផងដែរ ដែលក្រុមអ្នករត់រថយន្តឈ្នួលបានចោលសំរាម និងបន្ទោសបង់ ធ្វើឱ្យជះក្លិន ដល់ពលរដ្ឋដែលមានផ្ទះរស់នៅក្បែរនោះ ។សូមជម្រាបជូនថា ទីតាំងបេនឡានផ្សារថ្មីនេះ ស្ថិតនៅតាមបណ្ដោយមហាវិថីមុនី្នវង្សកែងជាមួយនឹងផ្លូវលេខ១២៦ មូលដ្ឋានសង្កាត់ផ្សារថ្មីទី២ ខណ្ឌដូនពេញរាជធានីភ្នំពេញ។លោក ចាប ឌីណា អភិបាលរងនៃគណៈអភិបាល ខណ្ឌដូនពេញ បានឲ្យដឹងថា តំបន់នេះត្រូវបានពលរដ្ឋដែលមានផ្ទះរស់នៅក្បែរនោះសំណូមពរមកអាជ្ញាធរ ឲ្យជួយរៀបចំសណ្ដាប់ធ្នាប់បរិស្ថានអនាម័យឡើងវិញ ។ លោក បានបន្ថែមថា មានក្រុមអ្នករត់រថយន្តឈ្នួល បានចតរថយន្តគ្មានសណ្ដាប់ធ្នាប់បង្ករមានការកកស្ទះ និងចោលសំរាមគ្មានសណ្ដាប់ធ្នាប់ត្រឹមត្រូវ ថែមទាំងបន្ទោសបង់ក្បែរៗកង់ឡានរបស់ខ្លួន បណ្ដាលឱ្យជះក្លិនដល់ការរស់នៅរបស់ពួកគាត់។ដូច្នេះនៅព្រឹកថ្ងៃទី០៣ ខែ មករា ឆ្នាំ២០២៣ ដោយមានការណែនាំពីលោក ជា ខេមា អភិបាលនៃខណៈអភិបាលខណ្ឌដូនពេញបានឲ្យលោក ចាប ឌីណា អភិបាលរងទទួលបន្ទុកសណ្ដាប់ធ្នាប់អនាម័យ បរិស្ថាន ដឹកនាំកម្លាំងគណៈបញ្ជាការឯកភាពខណ្ឌចុះរៀបចំសណ្ដាប់ធ្នាប់នៅតំបន់បេនឡានផ្សារថ្មីនេះដើម្បីឲ្យមានសោភណភាពឡើងវិញ និងមានបាញ់ទឹកលាងសម្អាតនៅតំបន់នោះ ដែលក្រុមអ្នករត់រថយន្តឈ្នួលបានបន្ទោសបង់ និងចោលសំរាមជាដើម។ជាចុងក្រោយអភិបាលរងសំណូមពរដល់ក្រុមអ្នករថយន្តឈ្នួលទាំងអស់សូមជួយចូលរួមសហការជាមួយនឹងអាជ្ញាធរ កុំចតរថយន្ត ជាពីរ បី ជួរលើផ្លូវ បង្ករការកក់ស្ទះ និងថែរក្សាអនាម័យបរិស្ថានឲ្យបានល្អប្រសើរ ដើម្បីសោភណភាពទីក្រុងស្អាតទាំងអស់គ្នា៕ អត្ថបទ៖ កុម្ភៈ

នគរបាលចរាចរណ៍ផ្លូវគោក អំពាវនាវពលរដ្ឋបង្កើនការប្រុងប្រយ័ត្នក្នុងពេលបើកបរ ក្នុងថ្ងៃចូលឆ្នាំសកល

ភ្នំពេញ៖ នគរបាលចរាចរណ៍ផ្លូវគោក បានអំពាវនាវទៅកាន់អ្នកប្រើប្រាស់ផ្លូវ សូមបង្កើនការ ប្រុងប្រយ័ត្នឱ្យបានខ្ពស់បំផុតក្នុងពេលបើកបរ នាឱកាសបុណ្យចូលឆ្នាំសកល ខណៈនៅកម្ពុជាឱ្យតែមានពិធីបុណ្យទានធំៗម្ដងៗ តែងមានករណីគ្រោះថ្នាក់ចរាចរណ៍ កើនឡើងច្រើន ហើយបណ្ដាលឲ្យមានស្លាប់ និងរបួសជាច្រើននាក់ ។លោកឧត្ដមសេនីយ៍ត្រី ថី វិសាល អនុប្រធាននាយករដ្ឋាននគរបាលចរាចរណ៍សណ្ដាប់ធ្នាប់សាធារណៈ បានឲ្យដឹងថា តាមផែនការរបស់អគ្គស្នងការដ្ឋាននគរបាលជាតិ គឺនាយកដ្ឋាននគរបាលចរាចរណ៍ ក៏ដូចជាបណ្ដាស្នងការដ្ឋានរាជធានី-ខេត្ត បានដាក់ចេញនូវវិធានការ រក្សាសណ្ដាប់ធ្នាប់ សុវត្ថិភាពចរាចរណ៍ឲ្យបានកាន់តែល្អប្រសើរ និងវិធានការរឹតបន្ដឹងច្បាប់ ស្តីពីចរាចរណ៍ផ្លូវគោក ដើម្បីបង្ការ ទប់ស្កាត់គ្រោះថ្នាក់ចរាចរណ៍ ដែលកើតមានឡើងនៅតាមដងផ្លូវ ។លោក បានបន្តថា ស្ថានភាពចរាចរណ៍តាមដងផ្លូវបច្ចុប្បន្ននេះ គឺសង្កេតឃើញថា មាន សណ្ដាប់ធ្នាប់ល្អប្រសើរហើយ ប៉ុន្តែគ្រោះថ្នាក់ចរាចរណ៍នៅតែជាបញ្ហាប្រឈមដដែលដោយក្នុងមួយថ្ងៃជាមធ្យមមានមនុស្សស្លាប់ចំនួន៥នាក់ និងរបួសប្រមាណ ១០នាក់ ដែលភាគច្រើន គឺកើតឡើងចំពោះអ្នកបើកបរម៉ូតូ ។លោកឧត្ដមសេនីយ៍ត្រី បានគូសបញ្ជាក់ថា ពេលវេលាគ្រោះថ្នាក់កើតឡើងច្រើន នៅពេល មានពិធីបុណ្យទានផ្សេងៗ ឬថ្ងៃចុងសប្ដាហ៍ ដែលពលរដ្ឋធ្វើដំណើរច្រើននៅលើដងផ្លូវ បញ្ហា នេះហើយ សូមអំពាវនាវដល់ប្រជាពលរដ្ឋ ពិសេសអ្នកប្រើប្រាស់ផ្លូវ សូមចូលរួមគោរពច្បាប់ ចរាចរណ៍ឲ្យបានខ្ជាប់ខ្ជួន ។លោកឧត្ដមសេនីយ៍ត្រី ថី វិសាល បានបន្ថែមថា សូមពលរដ្ឋខ្លាចច្បាប់ ជាជាងខ្លាចនគរបាល ចរាចរណ៍ ហើយបើកបរដោយមានការចេះយោគយល់អធ្យាស្រ័យខ្ពស់នៅលើដងផ្លូវ បើកបរ ដោយស្មារតីប្រុងប្រយ័ត្នជានិច្ច ពោលមិនលើសល្បឿនកំណត់ គោរសិទ្ធិអទិភាព និងកុំបើក បរនៅពេលស្រវឹង ៕ អត្ថបទ បាន សុខរិទ្ធិ

អាជ្ញាធររាជធានីដាក់វេនប្រចាំការ និងសមត្ថកិច្ចប្រមាណ១ពាន់នាក់ការពារសន្តិសុខឆ្លងឆ្នាំសកលឆ្នាំនេះ

ភ្នំពេញ៖ អភិបាលរាជធានីភ្នំពេញ បានណែនាំឲ្យអាជ្ញាធរខណ្ឌ និងសមត្ថកិច្ចទាំងអស់ត្រូវមានក្រុមប្រចាំការ ២៤ម៉ោងលើ២៤ម៉ោង ខណៈនគរបាលប្រើប្រាស់កម្លាំងប្រមាណ១០០០នាក់ ដើម្បីការពារសន្តិសុខ សុវត្ថិភាព និងដោះស្រាយបញ្ហាចរាចរណ៍ បង្កលក្ខណៈសប្បាយភាពជូនប្រជាពលរដ្ឋក្នុងពិធីបុណ្យឆ្លងឆ្នាំសកលឆ្នាំនេះ ។អភិបាលរាជធានីភ្នំពេញ ឯកឧត្តម ឃួង ស្រេង បានណែនាំឲ្យអាជ្ញាធរខណ្ឌទាំងអស់ និងកងកម្លាំងមានសមត្ថកិច្ចទាំង២ប្រភេទ សហការគ្នា ពិនិត្យដោះស្រាយ ចំពោះទីតាំងសប្បាយភាពនានា នៅរាជធានីភ្នំពេញ ដើម្បីបង្កលក្ខណៈជូនប្រជាពលរដ្ឋបានសប្បាយរីករាយក្នុងឱកាសចូលឆ្នាំសកល នារាត្រីថ្ងៃទី៣១ធ្នូនេះ។ការណែនាំរបស់ ឯកឧត្តម ឃួង ស្រេង បានធ្វើឡើងនៅរសៀលថ្ងៃទី៣០ ខែធ្នូ ឆ្នាំ២០២២ ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញ នៅសាលារាជធានីភ្នំពេញ។ឯកឧត្តម ឃួង ស្រេង បានលើកឡើងថា នៅរាត្រីថ្ងៃទី៣១ធ្នូ បុណ្យចូលឆ្នាំសកលបានចាប់ផ្តើម ពេលនោះហើយដែលប្រជាពលរដ្ឋសម្រុកចូលទៅលេងនៅកន្លែងសប្បាយភាពនានា។ ដូច្នេះទេ សម្រាប់អាជ្ញាធរខណ្ឌពាក់ព័ន្ធ និងកម្លាំងសមត្ថកិច្ចតាមខណ្ឌ រួមទាំងកម្លាំងស្នងការដ្ឋាន ត្រូវពិនិត្យកន្លែងសប្បាយភាពនានា ជាមួយនិងការដោះស្រាយបញ្ហាកកស្ទះចរាចរណ៍ សន្តិសុខនិងសណ្តាប់ធ្នាប់ជូនប្រជាពលរដ្ឋ ពិសេសនៅមូលដ្ឋានខណ្ឌដូនពេញ ខណ្ឌចំការមន ខណ្ឌជ្រោយចង្វារ និងខណ្ឌច្បារអំពៅជាដើម ដែលខណ្ឌទាំងនេះជាខណ្ឌដែលមានទីតាំងសប្បាយភាពច្រើនជាងគេ ហើយទីតាំងទាំងនេះតែងទទួលរងនូវការកកស្ទះចរាចរជាច្រើនម៉ោង នាបុណ្យឆ្លងឆ្នាំសកលនេះ។ឯកឧត្តម ឃួង ស្រេង បានបញ្ជាក់ថា គណៈបញ្ជាការឯកភាពរដ្ឋបាលរាជធានីភ្នំពេញនឹងត្រូវបង្កើតឲ្យមានក្រុមប្រចាំការ២៤ម៉ោងលើ២៤ម៉ោង ក្នុងពិធីបុណ្យឆ្លងឆ្នាំនេះ ។ ដូច្នេះទេមន្ត្រី និងកម្លាំងសមត្ថកិច្ចទាំងអស់ត្រូវមានមុខប្រចាំការ និងបំពេញការងាររបស់ខ្លួន។ ក្នុងនាមជាមន្ត្រី និងកម្លាំងសមត្ថកិច្ចត្រូវដឹងខ្លួនថា ពេលមានពិធីបុណ្យធំៗ គឺមានកន្លែងសប្បាយភាព មន្ត្រី និងសមត្ថកិច្ចមិនអាចសប្បាយដូចប្រជាពលរដ្ឋទេ តែជាអ្នកការពារភាពសប្បាយជូនប្រជាពលរដ្ឋ។បន្ថែមពីនេះទៀត ឯកឧត្តម ឃួង ស្រេង ក៏បានណែនាំឲ្យអាជ្ញាធរ និងកម្លាំងសមត្ថកិច្ចទាំងអស់ផ្សព្វផ្សាយ ដើម្បីឲ្យប្រជាពលរដ្ឋចូលរួមបង្ការទប់ស្កាត់គ្រោះអគ្គីភ័យ បង្ក្រាបល្បែងស៊ីសងខុសច្បាប់ បង្ក្រាបគ្រឿងញៀន ក្មេងទំនើង និងការជួញដូរមនុស្ស នៅរាជធានីភ្នំពេញផងដែរ។លោកឧត្តមសេនីយ៍ សុង លី ស្នងការរងនគរបាលរាជធានីភ្នំពេញ បានឲ្យដឹងដែរថា ស្នងការដ្ឋាននគរបាលរាជធានីភ្នំពេញ តាមផែនការនឹងប្រើប្រាស់កម្លាំងប្រមាណ ១០០០នាក់ ដើម្បីការពារសន្តិសុខ សុវត្ថិភាព និងដោះស្រាយបញ្ហាចរាចរ បង្កលក្ខណៈសប្បាយភាពជូនប្រជាពលរដ្ឋបានសប្បាយរីករាយក្នុងឱកាសចូលឆ្នាំសកល នារាត្រីថ្ងៃទី៣១ធ្នូនេះ៕ អត្ថបទ ៖ ប្រាក់ វ៉ាន់ដា

អាជ្ញាធរខណ្ឌដូនពេញ បន្តចុះគូសគំនូសជូនដល់អាជីវករ ដែលកំពុងធ្វើអាជីវកម្មរំលោភលើផ្លូវសាធារណៈ

ភ្នំពេញ៖ ដោយមានការចង្អុលបង្ហាញពីលោក ជា ខេមា អភិបាលនៃគណៈអភិបាលខណ្ឌដូនពេញ ចាត់ឱ្យក្រុមការងារសណ្តាប់ធ្នាប់ខណ្ឌដូនពេញ បន្តចុះគូសគំនូសជូនដល់អាជីវករ ដែលកំពុងធ្វើអាជីវកម្មរំលោភលើផ្លូវសាធារណៈ សម្រាប់អ្នកដំណើរថ្មើជើង ដើម្បីរក្សាសណ្ដាប់ធ្នាប់អនាម័យបរិស្ថានក៏បានល្អប្រសើរ។សូមជម្រាបជូនថា នៅព្រឹកថ្ងៃទី៣០ ខែធ្នូ ឆ្នាំ២០២២ លោក ចាប ឌីណា អភិបាលរងនៃគណៈអភិបាលខណ្ឌដូនពេញ បានដឹកនាំកម្លាំងគណៈប្រជាការឯកភាពខណ្ឌ ចុះគូសគំនូសជូនដល់អាជីវក គឺគោលបំណង ដើម្បីជួយសម្រួលដល់ការលក់ដូរ ការធ្វើអាជីវកម្មរបស់ពួកគាត់ ព្រោះ ខណ្ឌដូនពេញ ជាតំបន់ទីប្រជុំជនដែលមានភ្ញៀវជាតិ អន្តរជាតិ អញ្ជើញមកកំសាន្ត ហាត់ប្រាណមិនដែលដាច់នោះទេ។លោក ចាប ឌីណា បានលើកឡើងថា គោលដៅសំខាន់របស់អាជ្ញាធរដែលយកចិត្តទុកដាក់បំផុតនោះគឺការរក្សាបានសន្តិសុខ សណ្តាប់ធ្នាប់ អនាម័យ បរិស្ថានល្អជូនភ្ញៀវជាតិ អន្តរជាតិ ។ ដូច្នេះ ការចុះរៀបចំសណ្តាប់ធ្នាប់ របៀបរៀបរយ នៅតាមដងផ្លូវ តាមទីតាំងអាជីវកម្មនានាពិតណាស់មិនទាន់បានគ្រប់ជ្រុងជ្រោយនៅឡើយទេ តែងតែមានការខ្វះចន្លោះខ្លះ។ តែយ៉ាងណាអាជ្ញាធរស្នើសុំបងប្អូនដោយទទួចចូលរួមសហការជាមួយអាជ្ញាធរ ដើម្បីឲ្យទីតាំងយើងស្អាត មានរបៀបរៀបរយ សណ្តាប់ធ្នាប់ អនាម័យ បរិស្ថានល្អ និងមានអតិថិជនច្រើន។ ជាចុងក្រោយអាជ្ញាធរមានសមត្ថកិច្ច ស្នើសុំបងប្អូនកុំចតយាន្តជំនិះនៅទីតាំងដែលមានស្លាកសញ្ញាហាមឃាត ចតតម្រៀបគ្នាពីរបីជួរ និងការយកថូរផ្កាផើងផ្កា...ដាក់នៅលើផ្លូវសម្រាប់អ្នកដំណើរថ្មើជើងជាដើម៕ អត្ថបទ៖ កុម្ភៈ

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

Update៖ គិតត្រឹមម៉ោងជាង ១០ព្រឹក ថ្ងៃទី៣០ ខែធ្នូនេះ ក្រុមអ្នករុករក កម្ពុជា-ថៃ បានរកឃើញសាកសពជនរងគ្រោះក្នុងករណីឆាបឆេះអគារកាស៊ីណូ នៅក្រុងប៉ោយប៉ែត ខេត្តបន្ទាយមានជ័យចំនួន ១១នាក់ទៀត ។ ដូចនេះសាកសពកើនដល់ជាង ២០នាក់ហើយ ។ ក្រុមអ្នករុករក នៅតែបន្តប្រតិបត្តិការដោយភាពសស្រាក់សស្រាំបំផុត។

បណ្ដាញសង្គម

ព័ត៌មានថ្មីៗ

ឯកឧត្តម ប៉េង ពោធិ៍នា អញ្ជើញចុះជួបសំណេះសំណាល និងសួរសុខទុក្ខកងទ័ពនៅទីបញ្ជាការជួរមុខ សមរភូមិទិសទី៣ យោធាភូមិភាគទី៤ ខេត្តឧត្តរមានជ័យ

សេចក្ដីរាយការណ៍៖ លោក Trump គ្រោងជួបនាយករដ្ឋមន្រ្តីកាតា ដើម្បីពិភាក្សាបទឈប់បាញ់ហ្កាហ្សា

ភ្នំភ្លើងនៅប្រទេសអ៊ីស្លង់ បានផ្ទុះឡើងជាលើកទី១២ ចាប់តាំងពីឆ្នាំ២០២១ មក

សម្ដេចតេជោ ប្រាប់សមាជិកក្រុមប្រឹក្សាពិគ្រោះយោបល់ប្រធានាធិបតីឥណ្ឌូណេស៊ីថា កម្ពុជាប្រកាន់យកគោលជំហរប្តឹងទៅ ICJ គឺជាជម្រើសសន្តិវិធី

រដ្ឋមន្រ្តីពាណិជ្ជកម្ម ស្នើក្រុមហ៊ុន VISA បន្តកិច្ចសហប្រតិបត្តិការជាមួយកម្ពុជាបន្ថែមទៀត ដើម្បីលើកកម្ពស់ពាណិជ្ជកម្មតាមប្រព័ន្ធអេទ្បិចត្រូនិក

តវ៉ាចំពោះការធ្វើអន្តោប្រវេសន៍ខុសច្បាប់ក្នុងពេលមានភាពវឹកវរនៅភាគខាងត្បូងអេស្ប៉ាញ

ពលរដ្ឋសហគមន៍ Druze ប្រមូលផ្តុំគ្នានៅជិតរបងតំបន់ខ្ពង់រាប Golan កាន់កាប់ដោយអ៊ីស្រាអែលDruze gather

កងទ័ពអាមេរិក និងប៉ាណាម៉ា ធ្វើសមយុទ្ធយោធានៅជុំវិញតំបន់ព្រែកជីក

អ្នកនាំពាក្យរងក្រសួងមហាផ្ទៃ៖ ស្ថាប័ន Interpol នឹងមិនខ្វល់រឿងបន្ដឹងនយោបាយផ្ទៃក្នុងថៃទេ ហើយកម្ពុជាក៏មិនរងសម្ពាធណាមួយពីបណ្ដឹងរបស់ថៃដែរ

តុលាការ៖ លោក Trump មិនអាចរារាំងជនភៀសខ្លួនមិនឲ្យចូលសហរដ្ឋអាមេរិកដោយបម្រាមធ្វើដំណើរទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អគ្គិភ័យឆេះរថយន្តបែនដឹកដីអស់២គ្រឿង ទាំងកណ្តាលអធ្រាត្រ នៅសង្កាត់បឹងទំពុនទី២

អគ្គិភ័យឆេះរថយន្តទំនើប ៣គ្រឿង ក្នុងឃ្លាំងរថយន្តមួយកន្លែង នៅសង្កាត់ផ្សារដេប៉ូទី១

Updat៖ ករណីហិង្សាបណ្ដាលឱ្យផ្ទុះអាវុធមួយគ្រាប់រងរបួសក្មេងៗចំនួន០៣ នាក់

ក្រុមអ្នកប្រើលំពែង និងដំបង វាយដំលើមនុស្សមួយក្រុមនៅខណ្ឌមានជ័យ ត្រូវបានឃាត់ខ្លួន

កម្លាំងគណៈបញ្ជាការឯកភាពខណ្ឌដូនពេញ បានចុះរៀបចំសណ្ដាប់ធ្នាប់ និងបាញ់ទឹកលាងសម្អាតនៅបេនឡានផ្សារថ្មី

នគរបាលចរាចរណ៍ផ្លូវគោក អំពាវនាវពលរដ្ឋបង្កើនការប្រុងប្រយ័ត្នក្នុងពេលបើកបរ ក្នុងថ្ងៃចូលឆ្នាំសកល

អាជ្ញាធររាជធានីដាក់វេនប្រចាំការ និងសមត្ថកិច្ចប្រមាណ១ពាន់នាក់ការពារសន្តិសុខឆ្លងឆ្នាំសកលឆ្នាំនេះ

អាជ្ញាធរខណ្ឌដូនពេញ បន្តចុះគូសគំនូសជូនដល់អាជីវករ ដែលកំពុងធ្វើអាជីវកម្មរំលោភលើផ្លូវសាធារណៈ

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អគ្គិភ័យឆេះរថយន្តបែនដឹកដីអស់២គ្រឿង ទាំងកណ្តាលអធ្រាត្រ នៅសង្កាត់បឹងទំពុនទី២

អគ្គិភ័យឆេះរថយន្តទំនើប ៣គ្រឿង ក្នុងឃ្លាំងរថយន្តមួយកន្លែង នៅសង្កាត់ផ្សារដេប៉ូទី១

Updat៖ ករណីហិង្សាបណ្ដាលឱ្យផ្ទុះអាវុធមួយគ្រាប់រងរបួសក្មេងៗចំនួន០៣ នាក់

ក្រុមអ្នកប្រើលំពែង និងដំបង វាយដំលើមនុស្សមួយក្រុមនៅខណ្ឌមានជ័យ ត្រូវបានឃាត់ខ្លួន

កម្លាំងគណៈបញ្ជាការឯកភាពខណ្ឌដូនពេញ បានចុះរៀបចំសណ្ដាប់ធ្នាប់ និងបាញ់ទឹកលាងសម្អាតនៅបេនឡានផ្សារថ្មី

នគរបាលចរាចរណ៍ផ្លូវគោក អំពាវនាវពលរដ្ឋបង្កើនការប្រុងប្រយ័ត្នក្នុងពេលបើកបរ ក្នុងថ្ងៃចូលឆ្នាំសកល

អាជ្ញាធររាជធានីដាក់វេនប្រចាំការ​ និងសមត្ថកិច្ចប្រមាណ១ពាន់នាក់ការពារសន្តិសុខឆ្លងឆ្នាំសកលឆ្នាំនេះ

អាជ្ញាធរខណ្ឌដូនពេញ បន្តចុះគូសគំនូសជូនដល់អាជីវករ ដែលកំពុងធ្វើអាជីវកម្មរំលោភលើផ្លូវសាធារណៈ

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធររាជធានីដាក់វេនប្រចាំការ និងសមត្ថកិច្ចប្រមាណ១ពាន់នាក់ការពារសន្តិសុខឆ្លងឆ្នាំសកលឆ្នាំនេះ