នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនសង្ស័យម្នាក់ ត្រូវបានឃាត់ខ្លួន ក្រោយញុះញង់ឱ្យចូលរួមធ្វើ​បដិវត្តពណ៌​ផ្ដួល​រំលំ​រាជ​រដ្ឋាភិបាល​
១សប្តាហ៍ គ្រោះថ្នាក់ចរាចរណ៍ បន្តឆក់យកជីវិតមនុស្ស២៨នាក់ របួសជិត៧០នាក់
ឃាត់ខ្លួនជនសង្ស័យម្នាក់ក្នុងចំណោមបក្ខពួក ៤នាក់ ករណីឆក់ប្រដាប់អាវុធ ៣ករណី
នគរបាលមន្ទីរប្រឆាំងបទល្មើស គ្រឿងញៀន​ចុះឆ្មក់​បង្ក្រាប​ទីតាំង​អគារ​មួយ​កន្លែង​ឃាត់​ខ្លួន​បាន​មនុស្ស​ប្រុសស្រីជាច្រើននាក់

សន្តិសុខ និង សង្គម

សមត្ថកិច្ចចុះពិនិត្យទីតាំងតារាងបាល់មួយកន្លែង នៅសង្កាត់បឹងត្របែក សង្ស័យមានបង្កប់ល្បែងស៊ីសង

2023/02/09 07:56:17 pm        184
Facebook Telegram Linkin
ភ្នំពេញ ៖ នៅវេលាម៉ោង១៨ និង៣០នាទីយប់ថ្ងៃ០៩ ខែកុម្ភៈ ឆ្នាំ២០២៣ កម្លាំងអាជ្ញាធរចម្រុះខណ្ឌចំការមន ដឹកនាំដោយលោក ម៉ៅ បូណែត អភិបាលរងខណ្ឌ បានបើកការឆ្មក់ចុះពិនិត្យទីតាំងតារាងបាល់ទះមួយកន្លែង ស្ថិតនៅចំណុចផ្ទះលេខ១៨ ផ្លូវលេខ៤៧៤ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ដោយសង្ស័យមានបង្កប់ល្បែងស៊ីសង ។លោក ម៉ៅ បូណែត អភិបាលរងខណ្ឌ បានបញ្ជាក់អោយដឹងថា ការចុះពិនិត្យខាងលើនេះ ធ្វើឡើង​បន្ទាប់ពី​មានបងប្អូនពលរដ្ឋ ក៏ដូចជាអ្នកសារព័ត៌មាន រាយការណ៍ទៅកាន់អាជ្ញាធរអំពីទីតាំងតារាងបាល់ខាងលើ ថាមានលួចលាក់លេងនូវល្បែងស៊ីសងខុសច្បាប់ជាច្រើនប្រភេទ ដោយជ្រកក្រោមអាជីវកម្មតារាងបាល់ទះ និងបោះបូលកម្សាន្ត ។បន្ទាប់ពីមានការចុះពិនិត្យរួចមក ក្រុមអាជ្ញាធរចម្រុះ មិនបានរកឃើញមានការលេងល្បែងស៊ីសង ក៏ដូចជាការលេងភ្នាល់ខុសច្បាប់ណាមួយឡើយ ហើយកម្លាំងអាជ្ញាធរ ក៏បានធ្វើកិច្ចសន្យាជាមួយម្ចាស់ទីតាំង ដោយមិនត្រូវអោយមានការលេងល្បែងស៊ីសងនោះទេ បើពុំនោះទេ ក្រុមមន្ត្រី នឹងមានវិធានការផ្លូវច្បាប់។សូមបញ្ជាក់ថា កន្លងទៅទីតាំងខាងលើនេះដែរ ធ្លាប់ត្រូវបានបងប្អូនប្រជាពលរដ្ឋ រិះគន់ចំៗ​ថា មានការបើកលួចលាក់លេងល្បែងភ្នាល់មួយចំនួន​ដូចជា បៀ អាប៉ោងជាដើម ដោយការលួចលេងនោះ តែងតែមានការភ្នាល់ក្នុងទំហំសាច់ប្រាក់ជាច្រើនសន្ធប់ សូម្បីតែកីឡាបាល់ទះ និងបោះបូលផងដែរ​។ ហើយជាប្រចាំថ្ងៃ​គេក៏តែងសង្គេតឃើញមាន ក្រុមមនុស្សជាច្រើន នាំជិះម៉ូតូ ក៏ដូចជាបើករថយន្តស៊េរីទំនើបជាច្រើនគ្រឿង តែងទៅឈប់ចត​សងខាងផ្លូវនៅមុខទីតាំងតារាងបាល់​ដូចការដង្ហែរក្បួន ដើម្បីទៅលេងការភ្នាល់នៅទីនោះ។ ​ទន្ទឹមនឹងនោះកន្លងទៅ ក៏ធ្លាប់មានបងប្អូនអ្នកសារព័ត៌មានជាច្រើន តែងចុះផ្សាយជាបន្តបន្ទាប់ តាមការសំណូមពរពីពលរដ្ឋ​អោយមានការចុះបង្ក្រាបពីសំណាក់ក្រុមអាជ្ញាធរខណ្ឌ​។ប៉ុន្តែ អ្វីជាការកត់សម្គាល់ គឺបើទោះជាមានការរាយការណ៍ពីពលរដ្ឋ មានការចុះផ្សាយព័ត៌មានយ៉ាងណាក៏ដោយ ក៏កន្លងទៅ និងជាបន្តបន្ទាប់​ទីតាំងខាងលើនេះ នៅដំណើរការបានធម្មតា ហើយនៅពេលដែលក្រុមមន្ត្រីអាជ្ញាធរ បានត្រឹមចុះដល់មិនឃើញអ្វីទាំងអស់ ពោលហាក់ដូចជាមានការរៀបចំយ៉ាងស្អាត មុនពេលអាជ្ញាធរ ចុះទៅពិនិត្យម្តងៗ ហើយការចុះពិនិត្យពីសំណាក់ក្រុមអាជ្ញាធរខាងលើនេះ ក៏ពុំមែនជាលើកទី១នោះឡើយ៕ ដោយ ៖ លីហេង

រថយន្តដឹករបងដែកលួស បើកលឿនបួងចង្កូតមិនប្រយ័ត្ន បណ្តាលអោយក្រឡាប់ផ្ញារជើង នៅស្តុបវត្តនិរោធ

2023/02/09 03:33:05 pm        302
Facebook Telegram Linkin
​ភ្នំពេញ ៖ រថយន្តដឹករបងដែកលួស មួយគ្រឿង បានបើកបរក្នុងល្បឿនលឿន ខណៈ​ដល់ចំណុច​ផ្លូវ​ប្រសព្វភ្លើង​ស្តុប​ ដោយមិនបង្អង់ល្បឿន បណ្តាល​អោយបួង​ចង្កូតរថយន្ត​ជ្រុល​រេក្រឡាប់​ផ្ញារជើង​ច្រងាង ​បង្ក​អោយ​មាន​ការ​ភ្ញាក់ផ្អើល​ កាល​ពី​វេលា​ម៉ោង១៣ និង៤០នាទីថ្ងៃទី០៩ ខែកុម្ភះ ឆ្នាំ២០២៣ នៅ​តាម​បណ្តោយ​ផ្លូវជាតិលេខ១ ចំណុច​ស្តុបវត្តនិរោធ ​ក្នុង​សង្កាត់និរោធ ​ខណ្ឌច្បារអំពៅ ។ រថយន្ត​ខាងលើ ជារថយន្តកូរ៉េដឹកទំនិញ ពណ៌ស ពាក់ស្លាកលេខ ភ្នំពេញ 3D-7947 បើកបរ​ដោយ​បុរសម្នាក់ ​រួម​ដំណើរ​ដោយព្រូល២នាក់ផ្សេងទៀត ។ យោងតាមប្រភពព័ត៌មាន នៅកន្លែងកើតហេតុ អោយដឹងថា ដំបូងឡើយគេសង្គេត​ឃើញ​រថយន្ត​បង្ក​បើកបរ​ធ្វើ​ដំណើរ​ចេញពីផ្លូវប៉េតុងដែលនោជាប់នឹងរបងវត្តនិរោធ សំដៅឡើង​ទៅលើ​ផ្លូវ​ជាតិ​លេខ១​ ពោលក្នុងទិស​ដៅពីជើង​ទៅទិស​ខាងកើតវិញ ដោយបត់ទៅខាងឆ្វេងដៃ បំណង​សំដៅ​ឡើង​ទៅ​ស្ពានព្រះមុន្នីវង្ស ។ លុះកំឡុងពេលនោះ ដោយ​រថយន្តបើកលឿន ហើយបានបួង​ចង្កូតទាំង​ប្រញ៉ាប់​មិន​បាន​ប្រយ័ត្ន បណ្តាលអោយរេចង្កូតរថយន្ត ហើយដួលបោក​ទៅនឹងផ្លូវក្រឡាប់​ផ្ញារជើង​ទាំងកំរោលតែម្តងទៅ ។ ភ្លាមៗនោះ តៃកុងរថយន្តបង្ក បានបើកទ្វាររថយន្តចេញទៅហើយ ហើយរត់គេចបាត់ស្រមោលសូន្យ នៅសល់​តែព្រូល​រថយន្ត២នាក់ប៉ុណ្ណោះ ត្រូវសមត្ថកិច្ចឃាត់សួរនាំ ដើម្បីទំនាក់ទំនង​ទៅខាង​ក្រុមហ៊ុន ​អោយចូលដោះស្រាយ ស្ទូចរថយន្តរបស់ខ្លួនចេញវិញ ។ សូមបញ្ជាក់ថា ក្នុងហេតុការណ៍នេះ មិនមានប៉ះពាល់អ្វីដល់ទ្រព្យសម្បត្តិសាធារណះឡើយ ហើយ​ក៏មិនបាន​បណ្តាល​អោយមនុស្សណាម្នាក់រងរបួសឡើយ ព្រោះកំឡុងពេលក្រឡាប់ គឺមិន​មាន​ពលរដ្ឋ​អ្នកដំណើរដទៃ ធ្វើដំណើរ​ស្របគ្នាជា​មួយនោះ ប៉ុន្តែប្រសិនបើមានអ្នក​ធ្វើ​ដំណើរ​ស្របវិញ ក៏អាចនឹងបង្កជាហនិភ័យធ្ងន់ធ្ងរផងដែរ ព្រោះរថយន្តដឹកស្តុកពេញ​ទៅដោយរបង​ដែកដែល​មុតស្រួច ៕ អត្ថបទ ៖ លីហេង

ពលរដ្ឋសំណូមពរអាជ្ញាធរខណ្ឌ៧មករា ជួយរំដោះចិញ្ចើមផ្លូវជាប់របងវត្តមង្គលវ័ន

2023/02/08 11:06:16 am        400
Facebook Telegram Linkin
ភ្នំពេញ៖ ពលរដ្ឋដែលធ្វើដំណើរតាមដងផ្លូវក្នុងមូលដ្ឋានខណ្ឌ ៧មករា ជាពិសេសចំណុចផ្លូវលេខ ១២៤ជាប់របងវត្តមង្គលវ័ន ឃើញថា មានការចតរថយន្តអមសងខាងផ្លូវតែម្ដងបង្ក​ឲ្យលំបាក​ក្នុងការធ្វើដំណើរ និងសម្រាប់អ្នកថ្មើជើងដើរលើផ្លូវអាទិភាពសម្រាប់យានយន្ត ដែលអាចបង្ក​គ្រោះថ្នាក់​បានជាយថាហេតុ។សូមជម្រាបជូនថា ទីតាំងដែលមានការចតរថយន្តអមសងខាងផ្លូវនេះស្ថិតនៅ​តាមបណ្ដោយផ្លូវលេខ១២៤ កែងនឹងផ្លូវសុកហុក(១០៧) ជាប់របងវត្តបង្គោលវ័នផ្នែកខាងត្បូងវត្ត មូលដ្ឋានសង្កាត់មនោរម្យ ខណ្ឌ៧មករា រាជធានីភ្នំពេញ។ប្រជាពលរដ្ឋ បានសំណូមពរដល់អាជ្ញាធរសង្កាត់ និងអាជ្ញាធរផ្នែកសណ្ដាប់ធ្នាប់ខណ្ឌ៧មករា ជួយចុះធ្វើការអប់រំណែនាំដើម្បីរំដោះចិញ្ចើមផ្លូវរក្សាទុកសម្រាប់អ្នកថ្មើជើងធ្វើដំណើរផង និងដើម្បីរក្សារបរិស្ថាន អនាម័យ សណ្ដាប់ធ្នាប់សាធារណៈ តាមដងផ្លូវផងដែរ។គួរបញ្ជាក់ផងដែរ បញ្ហាបរិស្ថាន អនាម័យ សណ្ដាប់ធ្នាប់ នេះអាជ្ញាធរខណ្ឌ៧ មករា ក៏បានចុះធ្វើការងារនេះជាប្រចាំផងដែរ ជាក់ស្ដែងកាលពីរសៀលថ្ងៃអង្គារទី០៧ ខែ កុម្ភៈ ឆ្នាំ២០២៣ ម្សិលមិញ គណៈបញ្ជាការឯកភាពរដ្ឋបាលខណ្ឌ៧មករា បានដឹកនាំកម្លាំងចុះរៀបចំ​សណ្ដាប់​ធ្នាប់តាមបណ្ដោយផ្លូវមួយចំនួន ក្នុងមូលដ្ឋានផងដែរ រួមមានផ្លូវលេខ១១៨. ផ្លូវលេខ១០៧ ផ្លូវលេខ ១០៥ ផ្លូវលេខ១៨២ និងផ្លូវលេខ៩៣៕ អត្ថបទ៖ កុម្ភៈ

អគ្គិភ័យឆេះផ្ទះមួយខ្នងណ្តាលឲ្យស្លាប់មនុស្ស៣នាក់ និងរបួស២នាក់ នៅស្រុកកងមាស

2023/02/07 10:56:49 am        405
Facebook Telegram Linkin
កំពង់ចាម៖ យ៉ាងហោចណាស់មានមនុស្ស៣នាក់បានស្លាប់ និង២នាក់រងរបួស ដោយគ្រោះអគ្គីភ័យអស់ផ្ទះមួយខ្នង នៅថ្ងៃទី០៧ ខែកុម្ភៈ ឆ្នាំ២០២៣ វេលាម៉ោង ៤:៤៥នាទី ទាបភ្លឺ នៅចំណុចភូមិអង្គរបាន ឃុំអង្គរបាន ស្រុកកងមាស ។ បើតាមសមត្ថកិច្ចប៉ុស្តិ៍នគរបាលរដ្ឋបាលឃុំអង្គរបាន បានឲ្យដឹងថា នៅវេលាកើតហេតុ សមត្ថកិច្ច​បានទទួលព័ត៌មានពីប្រជាពលរដ្ឋរាយការណ៍ថា មានករណីនៅចំណុចដូចខាងលើ ។ ក្រោយពីទទួលព័ត៌មានភ្លាមកម្លាំងអធិការដ្ឋាននគរបាលកងមាស បានសហការជាមួយកម្លាំង​ប៉ុស្តិ៍​នគរបាលរដ្ឋបាលអង្គរ ចុះជួយពន្លត់ម្ចាស់ផ្ទះ ឈ្មោះ យ៉ា អ៊ែល ភេទប្រុស អាយុ ៥៦ឆ្នាំ នៅភូមិឃុំខាងលើ។សមត្ថកិច្ចឲ្យដឹងទៀតថា ករណីនេះ បណ្តាលអោយស្លាប់មនុស្ស ៣នាក់ ប្រុស ១ នាក់ និង​រងរបួស​មនុស្ស ២នាក់ ទៀត ស្រី១ នាក់ បញ្ជូនទៅសង្គ្រោះនៅមន្ទីរពេទ្យ។ប្រភពពីប្រជាពលរដ្ឋ បានឲ្យដឹងថា នៅ ករណីខាងលើនោះមានការខូចខាតផ្ទះសង់អំពីឈើ ដំបូលប្រក់ក្បឿង រៀបបន្ទប់សង្ក័សីក្រោមទំហំ (៦មែត្រ ×៨ម៉ែត្រ) ឆេះអស់ទាំងស្រុង ។ជាមួយគ្នានោះដែរ សមត្ថកិច្ច បានអន្តរាគមន៍ ពន្លត់អគ្គីភ័យរលត់អស់ ១០០% នៅវេលាម៉ោង ៦:៣០នាទីព្រឹក ​ដោយក្នុងកិច្ចប្រតិបត្តិការនេះ ​សមត្ថកិច្ចបានប្រើប្រាស់រថយន្តពន្លត់អគ្គីភ័យ ចំនួន ០៤ គ្រឿង និងប្រើប្រាស់អស់ទឹក ០៦ រថយន្ត ក្នុងនោះរថយន្តពន្លត់អគ្គីភ័យរថយន្តខេត្ត ​២គ្រឿង ស្រុកព្រៃឈរ ១គ្រឿង ​ស្រុកកងមាស ១គ្រឿង ។មូលហេតុនៃករណីខាងលើ សមត្ថកិច្ចជំនាញ​កំពុងធ្វើការស្រាវជ្រាវ ៕

រយៈពេល៣ថ្ងៃសិស្សវិទ្យាល័យ ហ៊ុន សែន ប្រម៉ោយ បានដួលសន្លប់ជាបន្តបន្ទាប់ ដោយពុំមានមូលហេតុ

2023/02/06 01:52:54 pm        776
Facebook Telegram Linkin
ពោធិ៍សាត់៖ នៅវិទ្យាល័យ ហ៊ុន សែន ប្រម៉ោយ ស្ថិតក្នុងឃុំប្រម៉ោយ ស្រុកវាលវែង មាន​ករណីសិស្សានុសិស្ស បានដួលសន្លប់ក្នុងម៉ោង​សិក្សា​ជា​​បន្តបន្ទាប់ ក្នុងរយៈពេល០៣ថ្ងៃ ដោយពុំដឹងពីមូលហេតុ​។ចំនួន៣លើក សរុបចំនួន៨២នាក់ដោយ៖ -លើកទី១នៅថ្ងៃទី៣ ខែកុម្ភៈ មានសិស្សស្រីដួលសន្លប់ចំនួន១៣នាក់ ។-លើកទី២នៅថ្ងៃទី៤ ខែកុម្ភៈ មានសិស្សស្រីដួលសន្លប់ចំនួន១៨នាក់ ។-លើកទី៣នៅថ្ងៃទី៥ ខែកុម្ភៈ មានសិស្សដួលសន្លប់ចំនួន៥១នាក់ ក្នុងនោះសិស្សប្រុស០១ម្នាក់ ។នេះបើយោងតាមតួលេខដែលទទួលបានពីរដ្ឋបាលស្រុកវាលវែង ។ឯកឧត្តម ទី ថានី ប្រធានក្រុមការងាររាជរដ្ឋាភិបាលចុះជួយស្រុកវាលវែង រួមនិងអាជ្ញាធរស្រុក និង​មន្ទីរពាក់ព័ន្ធបានចុះធ្វើការស្រាវជ្រាវរកមូលហេតុ ​និងអន្តរាគមន៍ជួយសង្គ្រោះភ្លាមៗ ដល់​ទីតាំងកើតហេតុ​ ហើយបញ្ជូនសិស្សរងគ្រោះមកព្យាលបាលនៅមណ្ឌលសុខភាពប្រម៉ោយ ហើយបញ្ជូនទៅមន្ទីរពេទ្យបង្អែកខេត្តសម្រាប់អ្នកមានសភាព​ធ្ងន់ធ្ងរ។ ក្នុងនោះដែរ ឯកឧត្តម ខូយ រីដា អភិបាលខេត្តពោធិ៍សាត់ ​បាន​អញ្ជើញទាំងយប់​ដើម្បី​ចុះជួប​សួរ​សុខទុក្ខ ចំពោះសិស្សរងគ្រោះមានសភាពធ្ងន់ធ្ងរ​ កំពុងសម្រាក់ព្យាលបាល​ នៅមន្ទីរពេទ្យ​បង្អែក​ខេត្តពោធិ៍សាត់ផងដែរ ។ចំពោះសិស្សរងគ្រោះគឺមានអាយុ ចាប់ពី ១៣ឆ្នាំ ដល់ ១៩ឆ្នាំ ​រោគសញ្ញាដែលសង្កេត​ឃើញពេ​លបញ្ជូនមក មណ្ឌលសុខភាព និងមន្ទីរពេទ្យខេត្ត រួមមាន៖ -ឈឺក្បាលវិលមុខ -ត្រជាក់ចុងដៃចុងជើង -ថប់ៗដង្ហើម-សន្លប់ -ហ៊ឹងត្រចៀក -សម្ពាធឈមប្រហាក់ប្រហែលធម្មតា -និងមិនមានរោគសញ្ញាទាក់ទងនិងជំងឺប្រចាំកាយគួរឱ្យកត់សម្គាល់នោះទេ ។ចំពោះ​សិស្សដែល​មានសភាពល្អប្រសើរវិញក្រោយសម្រាក់ព្យាលបាលត្រូវបានអនុញ្ញាតអោយត្រឡប់ទៅផ្ទះវិញជាបន្តបន្ទាប់ ។ ក្នុងនោះដែរវិទ្យាល័យ ហ៊ុន សែន ប្រម៉ោយ ត្រូវបានដាក់អោយឈប់សម្រាក រយៈពេល៣ថ្ងៃ ពីថ្ងៃទី០៦ ដល់ថ្ងៃទី០៨ កុម្ភៈ រង់ចាំស្ថានការណ៍​ស្ងប់ស្ងាត់​ឡើងវិញ ។រហូតមកដល់ព្រឹកថ្ងៃទី៦ ខែកុម្ភៈ ឆ្នាំ២០២៣នេះ សិស្សភាគច្រើនត្រូវបានជួយសង្គ្រោះដោយពុំ​មាន​ប៉ះពាលដល់អាយុជីវិតនោះទេ ហើយនៅមានសិស្សរងគ្រោះចំនួន០៨នាក់​កំពុង​សម្រាក​ព្យាលបាលនៅឡើង ក្នុងនោះសិស្សចំនួន០៣នាក់មានសភាពធ្ងន់ធ្ងរ​កំពុង​សម្រាកព្យាលបាលនៅមន្ទីរពេទ្យបង្អែកខេត្តពោធិ៍សាត់​ ក្រុងពោធិ៍សាត់ និងសិស្ស០៥នាក់ទៀត កំពុងសម្រាក់ព្យាបាលនៅមណ្ឌលសុខភាពប្រម៉ោយ ក្នុងស្រុកវាលវែង ចាប់ផ្តើមធូរស្រាល​ជាបណ្តើរៗហើយ ៕

សមត្ថកិច្ចឃាត់ខ្លួនមនុស្ស៣នាក់ ក្រោយបង្កឱ្យមានអគ្គីភ័យឆេះផ្ទះ និងហាងស្លាប់មនុស្ស៣នាក់

2023/02/03 12:48:26 pm        164
Facebook Telegram Linkin
ភ្នំពេញ៖ ពាក់ព័ន្ធនឹងករណីអគ្គិភ័យឆាបឆេះផ្ទះនិងហាងបណ្ដាលឲ្យមនុស្សស្លាប់០៣នាក់ស្លាប់ នៅខណ្ឌទួលគោក លោកវរសេនីយ៍ឯក ស៊ឹម ពិសិដ្ឋអធិការ នៃអធិការរដ្ឋាននគរបាល​ខណ្ឌទួលគោក បានឱ្យដឹងនៅព្រឹកថ្ងៃទី០៣ ខែកុម្ភៈ នេះថា កម្លាំងសមត្ថកិច្ចនៃអធិការរដ្ឋាន​នគរបាលខណ្ឌទួលគោកបានឃាត់ខ្លួនមនុស្ស០៣ នាក់ ដែលជាមេការម្នាក់ និងកូនជាង​ចំនួនពីរនាក់ បានកសាងសំណុំរឿងបញ្ជូនខ្លួន​ទៅអយ្យការអមសាលាដំបូង​រាជធានីភ្នំពេញដើម្បីចាត់ការតាមនីតិវិធី។ គួរបញ្ជាក់ផងដែរ កាលពីវេលាម៉ោង១០ និង៣០នាទីព្រឹកថ្ងៃទី៣១ ខែមករា ឆ្នាំ២០២៣ មាន​ហេតុការណ៍អគ្គីភ័យមួយបានឆាបឆេះទីតាំងហាងកំពុងជួសជុលមួយកន្លែង ស្ថិតតាមបណ្តោយផ្លូវលេខ១៣៨ កែងនឹងផ្លូវលេខ២៣៣ ស្ថិតក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ បង្កឲ្យមានមនុស្សប្រុសស្រី០៣នាក់ បានរងរបួស និងស្លាប់៕

អាជ្ញាធរទុកពេល៣ខែ ឱ្យអ្នកលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវ៥៩៨ រើចេញឱ្យអស់

2023/02/01 09:15:21 am        270
Facebook Telegram Linkin
ភ្នំពេញ៖ អាជ្ញាធរខណ្ឌសែន ជូនដំណឹងក្នុងការរៀបចំសណ្តាប់ធ្នាប់សាធារណៈតាមបណ្ដោយ​ផ្លូវលេខ៥៩៨ ជាពិសេសកន្លែងលក់ដូរ និងចែកចាយគ្រឿងសមុទ្រ ភូមិសេប៉េសេ សង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយទុកកំណត់រយៈពេល ៣ខែ ត្រូវរុះរើរកកន្លែងថ្មីឱ្យអស់ ។យោងតាមសេចក្តីជូនដំណឹងរបស់អាជ្ញាធរខណ្ឌសែនសុខ ដែល BTV ទទួលបាននាព្រឹកថ្ងៃទី៣១ មករា បានឱ្យដឹងថា កន្លងមកនេះរដ្ឋបាលខណ្ឌសែនសុខ បានពិនិត្យឃើញថា លោក-លោកស្រី ដែលជាម្ចាស់អាជីវកម្មលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវលេខ៥៩៨ ភូមិសេរប៉េសេ សង្កាត់ទឹកថ្លា ខណ្ឌសែនសុខ បានយកផ្លូវ និងចិញ្ចើមផ្លូវសាធារណៈ ធ្វើជាចំណត​រថយន្ត ដើម្បីទម្លាក់ ផ្ទេរទំនិញ និងចែកចាយគ្រឿងសមុទ្រ ដែលធ្វើឱ្យប៉ះពាល់ដល់សណ្តាប់ធ្នាប់ និងអនាម័យសាធារណៈ បង្កឱ្យមានការកកស្ទះចរាចរណ៍ និងមានក្លិនស្អុយដល់អ្នកធ្វើ ដំណើរ​ឆ្លងកាត់ និងប្រជាពលរដ្ឋដែលរស់នៅជុំវិញ ។ដូចនេះ រដ្ឋបាលខណ្ឌសែនសុខ សូមជូនដំណឹងដល់លោក-លោកស្រី ដែលជាម្ចាស់អាជីវកម្ម​ខាងលើ ឱ្យបានជ្រាបថា ដើម្បីរក្សាបាននូវសណ្តាប់ធ្នាប់ អនាម័យ និងរបៀបរៀបរយ ដែលជា​ប្រយោជន៍​សាធារណៈ រដ្ឋបាលខណ្ឌសែនសុខ ទុករយៈពេល ០៣ខែ គិតចាប់ពីថ្ងៃជូនដំណឹងនេះ ដើម្បីឱ្យលោក-លោកស្រីរកទីតាំងថ្មី ដើម្បីប្រកបអាជីវកម្មលក់ដូរ និងចែកចាយគ្រឿងសមុទ្រ ដែលមិនប៉ះពាល់ដល់សណ្តាប់ធ្នាប់សាធារណៈ និងរំខានដល់អ្នកធ្វើ ដំណើរ និងអ្នករស់នៅជិតខាង ។ ក្នុងករណីលោក-លោកស្រីមិនអនុវត្តតាមសេចក្តីជូនដំណឹង ក៏ដូចជាការណែនាំរបស់រដ្ឋបាល​ខណ្ឌសែនសុខនោះ រដ្ឋបាលខណ្ឌនឹងចុះអនុវត្តវិធានការរដ្ឋបាល ដោយមិនទទួលខុសត្រូវរាល់​ការខូចខាតទ្រព្យសម្បត្តិ និងសម្ភាររបស់លោក-លោកស្រីឡើយ ៕តារាវុទ្ធី

ជនរងគ្រោះប្រុសស្រី០៣នាក់ បានស្លាប់ជាបន្តបន្ទាប់ក្នុងហេតុការគ្រោះ​អគ្គីភ័យ​នៅខណ្ឌទួលគោកម្សិលមិញ

2023/02/01 08:18:07 am        284
Facebook Telegram Linkin
ភ្នំពេញ៖ តាមការបញ្ជាក់ពីមន្ត្រីបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាល​រាជធានី​ភ្នំពេញ បានឲ្យដឹង នៅព្រឹកថ្ងៃទី០១ ខែកុម្ភៈ ឆ្នាំ២០២៣នេះថា ជនរងគ្រោះម្នាក់ទៀត​ដែលរង​របួស​ធ្ងន់ធ្ងរក្នុងហេតុការណ៍គ្រោះអគ្គីភ័យនៅខណ្ឌទួលគោកម្សិលមិញបានស្លាប់ហើយនៅព្រឹកនេះ បើទោះបីជាក្រុមគ្រូពេទ្យខិតខំជួយសង្រ្គោះក៏ដោយ។មន្ត្រីបញ្ជាក់ថា ដូច្នេះហេតុការគ្រោះអគ្គីភ័យនេះធ្វើឲ្យមនុស្សស្លាប់ចំនួន០៣នាក់។ជនរងគ្រោះដែលស្លាប់ក្នុងគ្រោះអគ្គីភ័យនេះ ទី១.ឈ្មោះ កែម កូលីន ភេទប្រុស អាយុ៤២ ឆ្នាំ មុខរបរលក់កាហ្វេ មានស្រុកកំណើតនៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង ស្លាប់នៅកន្លែងកើតហេតុ ទី២.ឈ្មោះ ធឹម ផល ភេទស្រី អាយុ២៨ឆ្នាំ មុខរបរជាអ្នករត់តុ មាន​ស្រុកកំណើតនៅភូមិក្រាំងឬស្សី ឃុំមហាឬស្សី ស្រុកគង់ពិសី ខេត្តកំពង់ស្ពឺ បានស្លាប់នៅពេល​បញ្ជូន​ទៅដល់មន្ទីរពេទ្យ និងទី៣ ឈ្មោះ សេង សំអាង ភេទប្រុស អាយុ២៩ឆ្នាំ មុខរបរជាអ្នករត់តុ មានស្រុកកំណើតនៅភូមិកោះកាពិ ឃុំកោះកាពិ ស្រុកកោះកុង ខេត្តកោះកុង បានរងរបួសរលាកភ្លើងធ្ងន់ធ្ងរ និងស្លាប់ពេលបញ្ជូនទៅសង្រ្គោះបន្ទាន់នៅមន្ទីពេទ្យបាន១យប់។គួរបញ្ជាក់ថា កាលពីវេលាម៉ោង១០ និង៣០នាទីព្រឹកថ្ងៃទី៣១ ខែមករា ឆ្នាំ២០២៣ មានហេតុការណ៍អគ្គីភ័យមួយបានឆាបឆេះទីតាំងហាងកំពុងជួសជុលមួយកន្លែង ស្ថិតតាមបណ្តោយផ្លូវលេខ១៣៨ កែងនឹងផ្លូវលេខ២៣៣ ស្ថិតក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ ។ទីតាំងដែលឆាបឆេះ គឺជាហាងដែលកំពុងជួសជុលធ្វើជាប្រភេទ ផាប់ នាពេលរាត្រី ដោយសង់នៅ​ជាប់នឹងហាងមួយយីហោ « កន្លែងថ្មី » ដែលជាហាងមានម្ចាស់រួមតែមួយ ៕ អត្ថបទ៖ កុម្ភះ

សមត្ថកិច្ចស្រុកបូទុមសាគរ ឃាត់ខ្លួនជនសង្ស័យ ៣នាក់ ក្នុងសំណុំរឿងចាក់សម្លាប់គ្នាក្នុងវង់រាំកម្សាន្ត

2023/01/30 04:41:41 pm        1165
Facebook Telegram Linkin
កោះកុង៖ កម្លាំងនគរបាលស្រុកបូទុមសាគរ ខេត្តកោះកុង បានបំបែករឿងក្តី ដោយឃាត់ខ្លួន​ជន​សង្ស័យ៣នាក់ រហូតដល់ស្រុកលើកដែក ខេត្តកណ្តាល ក្នុងករណីឃាតកម្មចាក់សម្លាប់យុវជនម្នាក់​ទៀត ​ក្នុងវង់រាំកម្សាន្ត ​ស្ថិតនៅភូមិអណ្តូងទឹក ឃុំអណ្តូងទឹក។នគរបាលស្រុកបូទុមសាគរ បានប្រើពេលវេលា២៨ម៉ោង រហូតដល់ឈានដល់ការចាប់ខ្លួន​ជន​ដៃ​ដល់​ម្នាក់ឈ្មោះ ផន ចាន់រ៉ា ហៅ លៀន មុខរបរជាកម្មករសំណង់ផ្ទះត្រចៀក មាន​ស្រុកកំណើត ភូមិមុន្នីសិលា ឃុំបន្ទាយចក្រី ស្រុកព្រះស្តេច ខេត្តព្រៃវែង រួមទាំង​បក្ខពួក​២នាក់ផងដែរ​។ ​ជនសង្ស័យរូបនេះ បានធ្វើសកម្មភាពយកកាំបិតចុងស្រួចវែងចាក់សម្លាប់យុវជនម្នាក់ឈ្មោះ ឡាយ សុធារិទ្ធ អាយុ១៨ឆ្នាំ​ រស់នៅភូមិជីមាល ឃុំអណ្តូងទឹក បណ្តាលឱ្យស្លាប់ភ្លាមៗនៅវង់រាំកម្សាន្ត​ប្រគុំ​តន្រ្តី និងតាំងពិព័រណ៍​ កាលពីយប់ម៉ោង១០និង៣០នាទី ថ្ងៃទី២៧ ខែមករា ​កន្លងទៅ។លោក យេន ទូច អធិការនគរបាលស្រុកបូទុមសាគរ បានឱ្យដឹងនៅរសៀលថ្ងៃទី៣០​ ខែមករា ឆ្នាំ២០២៣នេះថា មូលហេតុដែលបង្កឱ្យជម្លោះឈានដល់ចាក់សម្លាប់គ្នា​នៅពេលនេះ ដោយ​សារតែការរាំជាន់ជើងគ្នា ទោះបីជាភាគីជនរងគ្រោះមានការសុំទោសក៏ដោយ។កងកម្លាំងនគរបាលស្រុកបូទុមសាគរ បានសុំកិច្ចសហការជាមួយនាយកដ្ឋានព្រហ្មទណ្ឌ ស្នងការ​នគរបាលខេត្តកណ្តាល​ និងស្នងការនគរបាលខេត្តព្រៃវែង​ ទំរាំ​បង្រ្កាប​ជនសង្ស័យបាន​ ដោយ​សមត្ថកិច្ច​បញ្ចូន​មកកាន់​អធិការស្រុកបូទុមសាគរ និងបន្តកសាងសំណុំរឿង​ទៅស្នងការនគរបាល​ខេត្តកោះកុង ​អនុវត្តនីតិវិធីច្បាប់។បើតាមលោក យេន ទូច អធិការនគរបាលស្រុកបូទុមសាគរ បន្ថែមថា នេះជា​ករណី​ឃាតកម្មដំបូងគេ​ហើយ​ដែលកើតមាននៅក្នុងមូលដ្ឋានរបស់លោក ចាប់តាំងពីលោកឡើង​កាន់តែតំណែងជាអធិការនគរបាលស្រុក។ ទោះបីជាសមត្ថកិច្ចបង្កើនការ​ទប់ស្កាត់ និងល្បាតរក្សា​សុវត្ថិភាពជូនប្រជាពលរដ្ឋយ៉ាងណាក្តី។លោកអធិការនគបាលស្រុក ​សង្កត់ធ្ងន់ដែរថា លោកនឹងបន្តអនុវត្តតាមបទបញ្ជារបស់​លោកឧត្តម​សេនីយ៍ទោ គង់ មនោ ​ស្នងការនគរបាលខេត្តកោះកុង ដាក់វេនប្រចាំការចុះល្បាត​នៅតាមគោល​ដៅសំខាន់ៗ ​និងផ្សព្វផ្សាយ​អប់រំគោលនយោបាយភូមិឃុំ​មាន​សុវត្ថិភាពកាន់តែខ្លាំងក្លាបន្ថែមទៀត។អត្ថបទ៖ មករា 

កុមារពីរនាក់បាត់ពីផ្ទះអស់មួយយប់ រកឃើញស្លាប់ក្នុងព្រែកកំចាយ សង្ស័យជាករណីលង់ទឹកស្លាប់

2023/01/30 03:36:59 pm        578
Facebook Telegram Linkin
កំពត៖ សពកុមារាពីរនាក់ត្រូវបានរកឃើញក្នុងព្រែកកំចាយ ដោយក្រុមអ្នកស៊ីឈ្មួលមុជទឹក កាលពីវេលាថ្ងៃត្រង់ថ្ងៃទី៣០ ខែមករា ឆ្នាំ២០២៣ ក្រោយបាត់ពីផ្ទះអស់មួយយប់។ ហេតុការណ៍បានកើតឡើងនៅភូមិកំពង់គ្រែង ឃុំកំពង់គ្រែង ស្រុកទឹកឈូ។មន្ត្រីសមត្ថកិច្ចមូលដ្ឋាន បានប្រាប់ឲ្យដឹងថា កុមារារងគ្រោះខាងលើ រួមមាន ១.ឈ្មោះ ឆក សម្បត្តិ អាយុ ៨ឆ្នាំ។ ២. ឈ្មោះថន សុខគា អាយុ ៧ឆ្នាំ ។ កុមារាទាំងពីរនាក់ មានទីលំនៅភូមិឃុំកើតហេតុខាងលើ។ ក្រុមគ្រួសារកុមាររងគ្រោះ សមត្ថកិច្ចបានរៀបរាប់ថា កាលពីម៉ោងប្រហែល៥ល្ងាចថ្ងៃទី២៩ ខែមករា ឆ្នាំ២០២៣ កុមារទាំងពីរនាក់​បាននាំគ្នាជិះកង់ដើរលេងក្នុងភូមិ រហូតដល់យប់ តាមរកមិនឃើញ លុះព្រឹកថ្ងៃទី៣០ ​ខែមករា ក៏បន្តដើររកស្រាប់តែឃើញកង់​ដែលកុមារទាំងពីរនាក់​បាន​ជិះដាក់ផ្អែក​ដើមស្វាយ និងស្បែកជើងពីរគូនៅក្បែរព្រែកកំចាយក្នុងដីអ្នកភូមិមួយកន្លែង។ប្រភពដដែល បានបន្តថា ព្រោះតែសង្ស័យជាករណីចុះលេង ​ហើយលង់ទឹក​សមត្ថកិច្ច និងអាជ្ញាធរ​មូលដ្ឋានបានខ្នះខ្នែងប្រមូលថវិកា រួចជួលអ្នកមុជទឹករាវរករហូតដល់ម៉ោង ​១២ថ្ងៃត្រង់​ក៏បានរក​ឃើញ​សពកុមារាទាំង២នាក់ ត្រង់ចំណុចសង្ស័យក្នុងព្រែកកំចាយនេះតែម្តង។ផ្អែកតាមលទ្ធផលនៃការធ្វើ​កោសលវិច័យ​របស់សមត្ថកិច្ចជំនាញ​គឺកុមារទាំងពីរនាក់​បានស្លាប់​ដោយសារលង់ទឹក​ពិតប្រាកដមែន៕

បណ្ដាញសង្គម

ព័ត៌មានថ្មីៗ

លោកជំទាវ ចម និម្មល អញ្ជើញជាអធិបតីក្នុងពិធីបើក “វេទិកាពាណិជ្ជកម្មស្វាយចន្ទី និងម្រេចកម្ពុជា” ក្រោមមូលបទ “ការបើកច្រកទីផ្សារទៅកាន់សហភាពអឺរ៉ុប”
10/23/2025 04:10 PM
Facebook Telegram Linkin
កំណាត់ផ្លូវជាតិលេខ២៣ (ផ្លូវកាត់ពីកោះធំទៅលើកដែក) ប្រវែង១៩,៨ គីឡូម៉ែត្រ ស្ថាបនារួចរាល់ហើយ!
10/23/2025 04:10 PM
Facebook Telegram Linkin
លេខាធិការគណៈកម្មការកិច្ចការបរទេសរដ្ឋសភាចូលរួមកិច្ចប្រជុំពាក់ព័ន្ធចំនួនបីក្នុងមហាសន្និបាតសហភាពអន្តរសភា IPU លើកទី១៥១ នៅក្រុងហ្សឺណែវ
10/23/2025 04:10 PM
Facebook Telegram Linkin
គណៈប្រតិភូសភាកម្ពុជានិយាយភាសាបារាំងចែករំលែកបទពិសោធន៍ និងការអនុវត្ត​របស់​រដ្ឋសភា​កម្ពុជាក្នុងសិក្ខាសាលា នៅប្រទេសឡាវ
10/23/2025 03:10 PM
Facebook Telegram Linkin
ទេសរដ្ឋមន្ត្រី​ លី​ ធុជ​ ស្នើឱ្យជប៉ុន បន្តគាំទ្រកម្ពុជាក្នុងសកម្មភាពមីនមនុស្សធម៌ ដើម្បីបន្តផ្តល់ក្តី​សង្ឃឹមដល់​ប្រជាជនកម្ពុជា
10/23/2025 03:10 PM
Facebook Telegram Linkin
EU ប្រឹងប្រែងគាំទ្រអ៊ុយក្រែន ខណៈលោក Trump ជំរុញកិច្ចប្រឹងប្រែងសន្តិភាពជាមួយរុស្ស៊ី
10/23/2025 03:10 PM
Facebook Telegram Linkin
អ្នកជំនាញ៖ ទោះបីកម្ពុជាមានជម្លោះជាមួយថៃ ប៉ុន្ដែការធ្វើពាណិជ្ជកម្ម​អន្តរជាតិ​បន្តមាន​កំណើន​ខ្ពស់
10/23/2025 03:10 PM
Facebook Telegram Linkin
ICJ៖ អ៊ីស្រាអែលត្រូវតែអនុញ្ញាតឲ្យ UN ផ្តល់ជំនួយដល់ហ្កាហ្សា និងធានាតម្រូវការមូលដ្ឋានរបស់ប៉ាឡេស្ទីន
10/23/2025 03:10 PM
Facebook Telegram Linkin
រដ្ឋាភិបាលរបស់លោកស្រីនាយករដ្ឋមន្ត្រីជប៉ុន Takaichi ចេញដំណើរដោយមានការគាំទ្រខ្លាំង
10/23/2025 03:10 PM
Facebook Telegram Linkin
លោក Rubio៖ ការបញ្ចូលតំបន់ West Bank ជាដែនដីឧបសម្ព័ន្ធរបស់អ៊ីស្រាអែល «គំរាមដល់សន្តិភាពហ្កាហ្សា»
10/23/2025 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.