BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

កម្ពុជារកឃើញមនុស្ស៣៥៨នាក់ទៀតឆ្លងកូវីដ-១៩ ខណៈជំងឺនេះសម្លាប់មនុស្ស៥នាក់ផ្សេងទៀត

ភ្នំពេញ ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥នាក់ទៀតបានស្លាប់ដោយសារជំងឺកូវីដ-១៩ ខណៈមនុស្ស ៣៥៨នាក់បន្ថែមទៀត ត្រូវបានរកឃើញឆ្លងមេរោគផ្លូវដង្ហើមមួយនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាល បញ្ជាក់ថា ករណីឆ្លងថ្មី ៣៥០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ៨នាក់ទៀត គឺជាករណីនាំចូល។ក្រសួងសុខាភិបាលក៏បានឱ្យដឹងផងដែរថា មនុស្ស ៥នាក់ទៀត បានស្លាប់បាត់បង់ជីវិតដោយសារជំងឺកូវីដ-១៩នេះ ដែលនាំឱ្យតួលេខអ្នកស្លាប់សរុបកើនដល់ ១៤៧នាក់ហើយនៅក្នុងរយៈពេល ៦៣ថ្ងៃចុងក្រោយមកនេះ។បើតាមក្រសួងសុខាភិបាល តួលេខអ្នកឆ្លងសរុបនៅពេលនេះ បានកើនឡើងដល់ ២១ ៤៩៩នាក់ ខណៈអ្នកជាសះស្បើយបានកើនដល់ ៩ ៨៦៧នាក់ ក្នុងនោះ មានទាំងអ្នកជាសះស្បើយថ្មី ៣៤៨នាក់ ដែលក្រសួងប្រកាសនៅថ្ងៃនេះផងដែរ៕

រដ្ឋលេខាធិការម្នាក់ បម្រើការនៅទីស្ដីការគណៈរដ្ឋមន្ត្រី ត្រូវបានរកឃើញឆ្លងមេរោគកូវីដ-១៩

ភ្នំពេញ៖ ទីស្ដីការគណៈរដ្ឋមន្រ្ដី បានប្រកាសថា រដ្ឋលេខាធិការម្នាក់បម្រើការនៅទីស្ដីការគណៈរដ្ឋមន្រ្ដី បានឆ្លងមេរោគកូវីដ-១៩។ក្នុងសេចក្ដីប្រកាសព័ត៌មាននៅថ្ងៃនេះ ទីស្ដីការគណៈរដ្ឋមន្ត្រី បានបញ្ជាក់ថា លោកជំទាវមួយរូបដែលមានឋានៈជារដ្ឋលេខាធិការបានចាប់ផ្ដើមមិនស្រួលខ្លួននៅថ្ងៃទី៦-៧ ខែឧសភា បន្ទាប់ពីលោកជំទាវបានទៅចាក់វ៉ាក់កូវីដ-១៩លើកទី២ នៅមន្ទីរពេទ្យកាល់ម៉ែតនៅថ្ងៃទី៣ ខែឧសភា។សេចក្ដីប្រកាសព័ត៌មានដដែលនេះ បានឱ្យដឹងថា លោកជំទាវបានធ្វើតេស្ដរកមេរោគកូវីដ-១៩នៅគេហដ្ឋានរបស់ខ្លួនដែលស្ថិតនៅសង្កាត់ទន្លេបាសាក់ ខណ្ឌចំការមន កាលពីម្សិលមិញនេះ និងបានទទួលលទ្ធផលវិជ្ជមាន។គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ២១ ១៤១នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

ខេត្តកំពង់ចាម រកឃើញមនុស្ស១៣នាក់ទៀតឆ្លងមេរោគកូវីដ-១៩ ក្នុងនោះមានពលរដ្ឋ៤នាក់មកពីខេត្តត្បូងឃ្មុំ

កំពង់ចាម៖ រដ្ឋបាលខេត្តកំពង់ចាម បានប្រកាសពីការរកឃើញមនុស្ស១៣នាក់ទៀតឆ្លងមេរោគកូវីដ-១៩ នៅក្នុងស្រុកចំនួន៣ ក្នុងនោះអ្នកឆ្លង៤នាក់ធ្វើដំណើរមកពីខេត្តត្បូងឃ្មុំ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា ករណីឆ្លងថ្មីទាំង១៣នាក់នេះ ត្រូវបានរកឃើញលើពលរដ្ឋ៣នាក់ នៅក្នុងស្រុកកងមាស ពលរដ្ឋ៣នាក់ផ្សេងទៀតនៅស្រុកស្រីសន្ធរ ខណៈអ្នកឆ្លងកូវីដ-១៩ចំនួន ៣នាក់ទៀត ត្រូវបានរកឃើញនៅស្រុកបាធាយ។ចំណែកអ្នកឆ្លងកូវីដ-១៩ចំនួន ៤នាក់ផ្សេងទៀត ត្រូវបានរដ្ឋបាលខេត្តកំពង់ចាម បញ្ជាក់ថា ជាពលរដ្ឋធ្វើដំណើរមកពីស្រុកពញាក្រែក ស្រុកមេមត់ និងក្រុងសួង នៃខេត្តត្បូងឃ្មុំ។រដ្ឋបាលខេត្តកំពង់ចាម បញ្ជាក់ថា ពលរដ្ឋឆ្លងជំងឺកូវីដ-១៩ ដែលទើបរកឃើញថ្មីចំនួន ១៣នាក់នេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម ហើយអាជ្ញាធរខេត្តនេះកំពុងស្រាវជ្រាវរកអ្នកប៉ះពាល់នឹងអ្នកជំងឺកូវីដ-១៩ទាំង ១៣នាក់នេះ៕

អាជ្ញាធរខេត្តកំពង់ឆ្នាំង សម្រេចបិទខ្ទប់ភូមិមួយក្នុងក្រុងក្រោយមានករណីវិជ្ជមានកូវីដ-១៩

កំពង់ឆ្នាំង ៖ អាជ្ញាធរខេត្តកំពង់ឆ្នាំង នៅថ្ងៃនេះ បានសម្រេចបិទខ្ទប់ភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង ក្រោយពីបានរក ឃើញករណីវិជ្ជមានកូវីដ-១៩ លើគ្រួសារអ្នកកាសែតចំនួន៤នាក់ និងបានឆ្លងរាលដល់មនុស្ស២នាក់ បន្ថែមទៀត។លោក ស្រ៊ន សំឫទ្ធី អភិបាលរងខេត្ត និងជាអ្នកនាំពាក្យសាលាខេត្តកំពង់ឆ្នាំង បានឱ្យដឹងថា ក្រោយពីបានរកឃើញ មនុស្ស៤នាក់មានវិជ្ជមានកូវីដ១៩ នៅក្នុងភូមិកណ្តាល សង្កាត់ផ្សារឆ្នាំងរួចមក ក្រុមការងារឆ្លើយតបបន្ទាន់ និងអាជ្ញាធរមាន សមត្ថកិច្ច បានខិតខំស្រាវជ្រាវកំណត់មុខសញ្ញា និងទីតាំងភ្លាមៗ ក្នុងនោះក្រុមការងារ បានបន្តរកឃើញមនុស្ស២នាក់ បន្ថែមទៀត មានផ្ទុកវិជ្ជមានកូវីដ១៩ ម្នាក់រស់នៅក្នុងសង្កាត់ប្អេរ និងម្នាក់ទៀតរស់នៅក្នុងសង្កាត់កំពង់ឆ្នាំង។ ចំណែកភូមិ កណ្តាល សង្កាត់ផ្សារឆ្នាំង ដែលជាកន្លែងផ្ទុះការឆ្លងរាលដាលកូវីដ១៩ចំនួន៤នាក់ ក្នុងគ្រួសារតែ១នោះ ត្រូវបានបិទខ្ទប់ ដោយមិនអនុញាតឱ្យមានអ្នកចេញចូលឡើយ ហើយការបិទខ្ទប់នេះត្រូវបន្តរហូតមានការជូនដំណឹងជាថ្មី។ ចំណែក អ្នកជាប់ ពាក់ព័ន្ធជិត១០០នាក់ កំពុងដាក់ឱ្យធ្វើចត្តាឡីស័ក នៅតាមផ្ទះ រង់ចាំការយកសំណាកតេស្តរកមេរោគកូវីដ១៩។លោក បានបន្តថា ក្រៅពីបិទខ្ទប់ភូមិកណ្តាល សង្កាត់ផ្សារឆ្នាំងហើយ ក្រុមការងារចម្រុះរបស់អាជ្ញាធរក្រុងកំពង់ឆ្នាំង សហការជាមួយកងកម្លាំងនគរបាល និងអាវុធហត្ថ កំពុងបន្តចុះស្រាវជ្រាវរកទីតាំង និងអ្នកពាក់ព័ន្ធនៅក្នុងផ្សារឆ្នាំង សង្កាត់ ផ្សារឆ្នាំង និងផ្សារលើ សង្កាត់ផ្សារឆ្នាំង បន្តទៀត ព្រោះអ្នកកើតកូវីដ១៩ បានចេញចូលផ្សារទាំង២នេះ មុនរកឃើញវិជ្ជមាន កូវីដ១៩។លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល បានបញ្ជាក់ថា នៅថ្ងៃទី១១ ទី១២ និងទី១៣ ខែឧសភានេះ មន្ទីរសុខាភិបាល បានរកឃើញអ្នកផ្ទុកវិជ្ជមានកូវីដ១៩ ចំនួន៨នាក់ ក្នុងនោះ មានកុមារចំនួន២នាក់ នៅក្នុងក្រុងកំពង់ឆ្នាំង។ ចាប់តាំងពីព្រឹត្តិការណ៍២០កុម្ភៈ មកដល់ថ្ងៃទី១៣ ខែឧសភានេះ នៅក្នុងខេត្តកំពង់ឆ្នាំង មានអ្នកឆ្លងកូវីដ១៩ ចំនួន៣៧នាក់ ក្នុងនោះស្លាប់២នាក់ ជាសះស្បើយចំនួន៤នាក់ និងកំពុងដាក់ឱ្យសម្រាកព្យាបាលនៅមន្ទីរពេទ្យបង្អែកស្រុកកំពង់ត្រឡាច និងមន្ទីរពេទ្យបង្អែកខេត្តកំពង់ឆ្នាំង ចំនួន៣១នាក់។ អាជ្ញាធរខេត្ត និងមន្ទីរសុខាភិបាល បានត្រៀមរួចរាល់ហើយនូវទីតាំង សម្រាប់ដាក់ឱ្យសម្រាកព្យាបាលជំងឺកូវីដ១៩ ដែលមាននៅស្រុកកំពង់ត្រឡាច ស្រុកទឹកផុស និងស្រុកបរិបូណ៌ផងដែរ ព្រោះ ចំនួនអ្នកវិជ្ជមាន កាន់តែច្រើនឡើង តែសុទ្ធតែជាករណីនាំចូលពីភ្នំពេញទាំងអស់៕អត្ថបទ៖ ហុង វាស្នា

រថយន្តដឹកកម្មករមួយគ្រឿងរអិលធ្លាក់ផ្លូវ នៅស្រុកសាមគ្គីមានជ័យ របួសកម្មករ៤៦នាក់

កំពង់ឆ្នាំង ៖ រថយន្តដឹកកម្មករមួយគ្រឿង ដោយសារតែអ្នកបើកបរខ្វះ ការប្រុងប្រយ័ត្ន បានរអិលធ្លាក់ផ្លូវ រងរបួសកម្មការិនីចំនួន៤៦នាក់ ក្នុងនោះ ម្នាក់រងរបួសធ្ងន់ ។ ហេតុការណ៍គ្រោះថ្នាក់ ចរាចរណ៍នេះ កើតឡើងនៅប្រមាណម៉ោង៦ព្រឹកថ្ងៃទី១៣ ខែឧសភា ឆ្នាំ២០២១ លើផ្លូវក្រាលកៅស៊ូលេខ១៣៧ ស្ថិតក្នុងភូមិក្រសាំងពុល ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ។សមត្ថកិច្ច មូលដ្ឋាន បានឲ្យដឹងថា រថយន្តបង្ករម៉ាក HYU NDAI ពណ៌ស ពាក់ផ្លាកលេខ ភ្នំពេញ 3D-5860 អ្នកបើកបរឈ្មោះ ឈឿន ឆុន ភេទប្រុស អាយុ៣៥ឆ្នាំ រស់នៅភូមិក្ងោកពង់ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង ( រត់គេចខ្លួនពីកន្លែងកើតហេតុ) ដោយបានបើកបរ ក្នុងទិសដៅពីលិចទៅកើត លុះមកដល់ចំណុចខាងលើ បានរេចង្កូតធ្លាក់ផ្លូវទៅខាងឆ្វេង បណ្តាលឲ្យកម្មការិនីរោងចក្ររងរបួសចំនួន ៤៦នាក់ ក្នុងនោះ១នាក់ របួសធ្ងន់។សមត្ថកិច្ច បានឲ្យដឹងទៀតថា មធ្យោបាយបង្ករត្រូវបានយកមករក្សាទុក្ខនៅប៉ុស្តិ៍នគរបាល រដ្ឋបាលស្វាយដើម្បីកសាងសំណុំរឿង ចាត់ការតាមនីតិវិធី ។ ចំណែកកម្មការិនីម្នាក់ ដែលរងរបួសធ្ងន់ ត្រូវបានបញ្ជូនទៅកាន់មណ្ឌលសុខភាព ដើម្បីសង្គ្រោះបន្ទាន់ ៕

តំណាងអយ្យការសាលាដំបូង សម្រេចឲ្យ កញ្ញា មាន ពេជ្ររីតា នៅក្រៅឃុំបណ្តោះអាសន្ន

ភ្នំពេញ ៖ នៅព្រឹកថ្ងៃទី ១៣ ខែ ឧសភា ឆ្នាំ ២០២១នេះ តំណាងអយ្យការសាលាដំបូងរាជធានីភ្នំពេញ បានសម្រេចឱ្យកញ្ញា មាន ពេជ្ររីតា នៅក្រៅឃុំបណ្តោះអាសន្ន តាមការស្នើសុំរបស់មេធាវីការពារសិទ្ធិ។ឯកឧត្តម គី តិច ប្រធានក្រុមមេធាវីស្ម័គ្រចិត្តសម្តេចតេជោ បានបញ្ជាក់ប្រាប់ BTVឲ្យដឹងថា បន្ទាប់ពីការសាកសួរតាំងពីម្សិលមិញ រហូតមកដល់ព្រឹកថ្ងៃទី ១៣ ឧសភា ឆ្នាំ២០២១នេះ ចៅក្រុមស៊ើបសួរនៃសាលាដំបូងរាជធានីភ្នំពេញ បានសម្រេចអោយ កញ្ញា មាន ពេជ្ររីតា នៅក្រៅឃុំបណ្តោះអាសន្ន ដោយជំនួសមកវិញនូវការដាក់អោយជនជាប់ចោទស្ថិតនៅក្រោមការត្រួតពិនិត្យតាមផ្លូវតុលាការ។ ឯកឧត្តម បានបន្ថែមទៀតថា បន្ទាប់ពីចៅក្រុមស៊ើបសួរ សម្រេចបែបនេះ មិនមែនជាការបញ្ចប់សំណុំរឿងនោះទេ ប៉ុន្តែភាគីពាក់ព័ន្ធនឹង បន្តសិក្សាស្រាវជ្រាវអង្គហេតុបន្តទៀត។សូមបញ្ជាក់ថា ការសាកសួរកញ្ញា មាន ពេជ្ររីតា បានចាប់ផ្តើមតាំងពីល្ងាចម្សិលមិញ បន្ទាប់ពីមេធាវីសម្តេចតេជោ ចេញមុខស្រាវជ្រាវករណីបឋម ក្រោយពីនាង ត្រូវបានតុលាការសម្រេចឃុំខ្លួនបណ្តោះអាសន្ននៅពន្ធនាគារម២ តាំងពីថ្ងៃទី១១ ខែឧសភា ឆ្នាំ២០២១ បន្ទាប់ពីចាប់ខ្លួនបាន២ថ្ងៃ។ ការឃុំខ្លួន កញ្ញា មាន ពេជ្ររីតា ធ្វើឡើងបន្ទាប់ពីមាន ពាក្យបណ្តឹងឧកញ៉ា ហេង សៀ កាលពីថ្ងៃទី១០ ខែឧសភា ឆ្នាំ២០២១ ដោយចោទប្រកាន់លើ កញ្ញា មាន ពេជ្ររីតា ថាបានយកកាំបិតចុងស្រួច ចាក់ទៅលើរូបលោកចំនួន២កំបិត ហើយយកទូរស័ព្ទដៃមួយគ្រឿងម៉ាក iPhone 12 pro max នៅចំណុចផ្លូវកែងលេខ១៣៨ កែងនឹងផ្លូវ២៥៩ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ កាលពីថ្ងៃទី០៤ ខែឧសភា ឆ្នាំ២០២១។ ប៉ុន្តែករណីខាងលើនេះ ត្រូវបានកញ្ញា មាន ពេជ្ររីតា សម្រេចដាក់ពាក្យប្តឹងបកវិញ ដោយចោទប្រកាន់ថា ឧកញ៉ារូបនោះបានប៉ុនប៉ងរំលោភលើរូបនាង នៅក្នុងរថយន្ត បន្ទាប់ពីបានខលហៅនាងឱ្យទៅយកអំណោយទុកចែកជូនជនរងគ្រោះដោយសារកូវីដ១៩ និងពិភាក្សាការងារ។ការដាក់ពាក្យប្តឹងបកទៅកាន់ឧកញ៉ា ហេង សៀ នេះ កញ្ញា មាន ពេជ្ររីតា បានប្តឹង និងទាមទារសំណងមួយចំនួនដូច ដូចជា ១៖ ប្តឹងឧកញ៉ា ពីបទ «ប៉ុនប៉ងរំលោភសេពសន្ថវៈ» ដោយមានស្ថានទម្ងន់, ២៖ ទាមទារសំណង់ជំងឺចិត្ត ចំនួនទឹកប្រាក់ ១០ម៉ឺនដុល្លារ និង៣៖ ទាមទារការខាតបង់ និងខូចខាតពេលវេលា និងសេវាផ្លូវច្បាប់ចំនួន ១ម៉ឺនដុល្លារ៕អត្ថបទ៖ សូដាវណ្ណ

កម្ពុជារកឃើញមនុស្ស៤៤៦នាក់ទៀតឆ្លងមេរោគកូវីដ-១៩ ខណៈមេរោគនេះសម្លាប់មនុស្ស៦នាក់បន្ថែមទៀត

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៦នាក់ទៀត បានស្លាប់បាត់បង់ជីវិតដោយសារជំងឺកូវីដ-១៩ ខណៈរកឃើញមនុស្ស ៤៤៦នាក់បន្ថែមទៀត បានឆ្លងមេរោគផ្លូវដង្ហើមនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាល បានបញ្ជាក់ថា តួលេខអ្នកស្លាប់សរុបដោយសារជំងឺកូវីដ-១៩ បានកើនឡើងទៅដល់ ១៤២នាក់ហើយ ក្នុងនោះមានទាំងអ្នកស្លាប់ថ្មី ៦នាក់ដែលក្រសួងប្រកាសនៅព្រឹកនេះផងដែរ។ក្រសួងសុខាភិបាល បានឱ្យដឹងទៀតថា មនុស្ស ៤៤៦នាក់ផ្សេងទៀត ត្រូវបានរកឃើញឆ្លងមេរោគកូវីដ-១៩ ក្នុងនោះអ្នកឆ្លងថ្មីដល់ទៅ ៤៣១នាក់ បានឆ្លងមេរោគនេះបន្ទាប់ពីពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លងថ្មី ១៥នាក់ទៀត គឺជាករណីនាំចូល។គិតត្រឹមថ្ងៃនេះ ក្រសួងសុខាភិបាលបញ្ជាក់ថា មានមនុស្សដល់ទៅ ២១ ១៤១នាក់ហើយត្រូវបានរកឃើញឆ្លងមេរោគកូវីដ-១៩នៅទូទាំងប្រទេសគិតចាប់តាំងពីថ្ងៃទី២៧ ខែមករា ឆ្នាំ២០២០មក នៅពេលដែលកម្ពុជាប្រកាសរកឃើញករណីឆ្លងលើកដំបូង។ចំណែកឯតួលេខអ្នកជាសះស្បើយវិញ ក្រសួងសុខាភិបាលបញ្ជាក់ថា បានកើនឡើងដល់ ៩ ៥១៩នាក់ហើយ ក្នុងនោះមានទាំងអ្នកជាសះស្បើយថ្មីរហូតដល់ ៩៨០នាក់ ដែលក្រសួងទើបប្រកាសនៅថ្ងៃនេះផងដែរ៕

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

តាកែវ ៖ យុទ្ធនាការចាក់វ៉ាក់សាំងជូនមន្ត្រីរាជការ អតីតយុទ្ធជន និងអ្នកពាក់ព័ន្ធនានា នៅទូទាំងខេត្តតាកែវ ចាប់តាំងពីខែកុម្ភៈ រហូតមកដល់ពេលនេះ គឺសម្រេចបានជិតបីម៉ឺននាក់ហើយ គឺបានចាក់ទាំងពីរលើក។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា មន្ត្រីជំនាញសុខាភិបាល បានធ្វើយុទ្ធនាការចាក់វ៉ាក់សាំងចំនួន២លើក ជូនមន្ត្រីរាជការនៅក្នុងខេត្ត និងអតីតយុទ្ធជន ដោយសម្រេចបានលទ្ធផលចំនួន២ម៉ឺន៨ពាន់នាក់ ដោយក្នុងនោះ អ្នកចាក់ចំនួន២លើក សម្រេចបាន៥០ភាគរយ និងលើកទី១ បាន៥០ភាគរយ។លោកប្រធានមន្ទីរសុខាភិបាលខេត្តតាកែវ បានបន្តថា មន្ត្រីជំនាញសុខាភិបាល កំពុងតែបន្តសកម្ម ភាពចាក់វ៉ាក់សាំងជូនមន្ត្រីរាជការលើកទី២ ជារៀងរាល់ថ្ងៃ ហើយបានធ្វើសកម្មភាពក្នុងការយកសំណាក និងព្យាបាលកម្មករ ប្រជាពលរដ្ឋមួយចំនួន ដែលផ្ទុកមេរោគកូវីដ១៩ ដែលកំពុងតែសម្រាកព្យាបាលនៅតាមមន្ទីរពេទ្យបង្អែកក្រុងស្រុកមួយចំនួនផងដែរ។ដោយឡែកចំពោះកម្មកររោងចក្រមួយចំនួន នៅក្នុងខេត្តតាកែវ ដែលកំពុងតែឆ្លងជំងឺកូវីដ១៩ជាពិសេសកម្មករ នៅក្នុងស្រុកបាទី ត្រូវបានលោកវេជ្ជបណ្ឌិត នុត ស៊ីណាត បានបញ្ជាក់ថា មិនទាន់ដឹងច្បាស់ថា នឹងចាក់ជូនកម្មករ នៅពេលណានៅឡើយនោះទេ ដោយបញ្ហានេះ ថ្នាក់លើកំពុងតែធ្វើការផ្ដោតចាក់វ៉ាក់សាំងនៅរាជធានីភ្នំពេញ និងខេត្តកណ្ដាល ដែលមានការឆ្លងរីករាលដាលខ្លាំង៕អត្ថបទ៖ គុជ វិភាគ

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

បាត់ដំបង ៖ នៅដើមឆ្នាំ២០២១នេះ អាជ្ញាធរខេត្តបាត់ដំបង បានឃាត់ខ្លួនពួកមេខ្យល់ ដែលប្រព្រឹត្តបទល្មើស លួចនាំពលករឆ្លងដែនដោយខុសច្បាប់ទៅប្រទេសថៃ ជាង៥០នាក់ ហើយបានបញ្ជូនពួកគេទាំងនោះទៅតុលាការ ដើម្បីចាត់ការតាមនីតិវិធីច្បាប់ ។លោកស្រី រស់ ជីវី ស្នងការរងនគបាលខេត្តបាត់ដំបង ទទួលបន្ទុកការងារជួញដូរមនុស្ស បានឲ្យដឹងថា ចាប់តាំងពីដើមឆ្នាំ២០២១ ដល់ថ្ងៃទី១១ ខែឧសភា សមត្ថកិច្ចខេត្តបាត់ដំបង បានសហការបង្ក្រាបការនាំមនុស្សឆ្លងដែនចេញ និងចូល រវាងប្រទេសថៃ និងកម្ពុជាដោយខុសច្បាប់ ចំនួន៣៤ករណី ឃាត់ខ្លួនពួកមេខ្យល់បានចំនួន៥៦នាក់ (ស្រី៣នាក់) ហើយពលករចំនួន១២៥នាក់ (ស្រី៥៥នាក់) និងអនីតិជន៥នាក់ ត្រូវបានអប់រំ និងយកទៅធ្វើចត្តាឡីស័កទាំងអស់។លោកស្រី បានបន្តថា បើប្រៀបធៀបចំនួនពលករ ដែលមេខ្យល់នាំចេញចូលដោយខុសច្បាប់ រវាងប្រទេសថៃ និងកម្ពុជា ទាំង៣៤ករណីនេះ មានចំនួនប្រហាក់ប្រហែលគ្នា ហើយនៅដើមខែឧសភានេះ ខណៈពលករត្រឡប់មកពីប្រទេសថៃ រកឃើញមានវិជ្ជមានកូវីដ១៩ ជាបន្តបន្ទាប់នោះ សមត្ថកិច្ចពាក់ព័ន្ធ នៅតាមបណ្តាច្រកជាប់ព្រំដែនប្រទេសថៃ បានបង្កើននូវការប្រុងប្រយ័ត្នខ្លាំងជាងមុន។លោកស្រីស្នងការរង បានបញ្ជាក់ថា អាជ្ញាធរ មិនឲ្យពលករត្រឡប់មកពីប្រទេសថៃ ចូលសហគមន៍ ដោយមិនបានត្រួតពិនិត្យ និងដាក់ឲ្យធ្វើចត្តាឡីស័ក នោះឡើយ ហើយក៏បានបង្ក្រាបក្រុមមេខ្យល់នាំពលករលួចនាំពលករឆ្លងដែនដោយខុសច្បាប់ បញ្ជូនទៅកាន់តុលាការជាបន្តបន្ទាប់ ។ពាក់ព័ន្ធ នឹងការបង្ក្រាបបទល្មើស លួចនាំពលករឆ្លងដែនខុសច្បាប់ ទៅប្រទេសថៃនោះ សមត្ថកិច្ចការពារព្រំដែន កាលពីយប់ថ្ងៃទី១០ ខែឧសភា នេះ បានឃាត់ខ្លួនពួកមេខ្យល់ចំនួន៣នាក់ ដែលប្រុងនាំពលករចំនួន១៤នាក់ លួចឆ្លងដែនទៅថៃ ហើយអាជ្ញាធរ បានបញ្ជូនខ្លួនពួកមេខ្យល់ទាំងអស់នោះទៅតុលាការហើយដែរ ។បើតាមរបាយការណ៍ របស់មន្ទីរសុខាភិបាលខេត្តបាត់ដំបង ចាប់ពីមានការផ្ទុះឆ្លងរាលដាលក្នុងសហគមន៍ខេត្តសាមុទសាខន ប្រទេសថៃ គិតត្រឹមថ្ងៃទី១១ ខែឧសភា ពលករ ដែលបានត្រឡប់មកពីប្រទេសថៃ តាមច្រកនានាជាប់ខេត្តបាត់ដំបង មានចំនួនជាង២ម៉ឺននាក់៕អត្ថបទ៖ បាន សុខរិទ្ធ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ

តាខ្មៅ ៖ រដ្ឋបាលខេត្តកណ្តាល នៅព្រឹកថ្ងៃទី១២ ខែឧសភានេះ នឹងធ្វើការវិនិច្ឆ័យភូមិតាខ្មៅ២ ឬហៅតំបន់ភូមិវប្បធម៌ នៅក្នុងសង្កាត់តាខ្មៅ ដែលកន្លងមក បានចាត់ជាតំបន់ក្រហម នឹងធ្វើការវិនិច្ឆ័យប្រែជាតំបន់លឿងទុំវិញ ហើយតាមរយៈការវិនិច្ឆ័យឡើងវិញ គឺបានធ្វើអោយក្រុងតាខ្មៅទាំងមូលក្លាយជាតំបន់លឿងទាំងស្រុង។ឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងប្រាប់BTV ថា នៅទូទាំងក្រុងតាខ្មៅ គិតមកដល់ព្រឹកថ្ងៃទី១២ ខែឧសភានេះ គឺមានតែភូមិចំនួនមួយប៉ុណ្ណោះ គឺភូមិតាខ្មៅ២ ឬហៅភូមិវប្បធម៌ កំពុងស្ថិតក្នុងតំបន់ក្រហម ហើយនៅថ្ងៃនេះ រដ្ឋបាលខេត្តកណ្តាល នឹងធ្វើការវិនិច្ឆ័យឡើងវិញកំណត់ភូមិនេះ ទៅជាតំបន់លឿងទុំវិញ ខណៈនៅថ្ងៃចុងក្រោយនេះ តាមរយៈឧបករណ៍ Rapid Test គឺយើងបានយកទៅធ្វើតេស្តពិនិត្យសំណាករកមេរោគកូវីដ-១៩ លើអ្នកភូមិដែលកំពុងបិទខ្ទប់នោះ បានរកឃើញអ្នកភូមិនេះ មានឆ្លងថ្មីចំនួនតែ៤នាក់ បន្ថែមទៀត និងបានបញ្ជូនទៅព្យាបាលយ៉ាងត្រឹមត្រូវ។ឯកឧត្តម បញ្ជាក់ថា កាលពីមុននៅក្រុងតាខ្មៅ មានសង្កាត់ចំនួន៤ ក្នុងចំណោមសង្កាត់ចំនួន១០ បានចាត់ជាតំបន់លឿងទុំ មកដល់បច្ចុប្បន្ននេះ គឺបានចាត់ជាតំបន់លឿងអស់ហើយ។ ហើយបើយើងពិនិត្យស្ថានភាពក្រុងតាខ្មៅជារួម នៅក្នុងរយៈពេល៦ថ្ងៃ បន្ទាប់ពីរាជរដ្ឋាភិបាលបានប្រកាសបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនេះ កត់សំគាល់ឃើញថា ចរាចរណ៍ធ្វើដំណើរនៃអ្នកដំណើរនៅតាមដងផ្លូវ គឺមានការពាក់ម៉ាស់ទាំងអស់គ្នា ហើយ ស្ទើរគ្រប់មូលដ្ឋានអាជីវកម្មតូចធំ ហាងលក់ទំនិញ ភោជនីយដ្ឋាន ហាងអាហារដ្ឋាននៅតាមទីសាធារណៈនានា ត្រូវបានបើកដំណើរការឡើងវិញជាធម្មតា លើកលែងតែផ្សារតាខ្មៅថ្មី និងផ្សារតាខ្មៅចាស់ គឺមិនទាន់បានបើកដំណើរការឡើងវិញ ហើយមូលដ្ឋានអាជីវកម្មនានាដែលច្បាប់បានតម្រូវអោយបិទជាបណ្តោះអាសន្ន មានដូចជា ហាងលក់ស្រាបៀរ ក្លឹបបៀរហ្គាឌិន KTV ខារ៉ាអូខេ និងមណ្ឌលកម្សាន្តនានាទៀត គឺមិនទាន់អនុញ្ញាតអោយបើកឡើងវិញនោះទេ។ឯកឧត្តម គង់ សោភ័ណ្ឌ បន្តថា ដោយឡែកគ្រប់ស្រុកនានា ដែលនៅជាប់នឹងបណ្តាខណ្ឌនានារបស់រាជធានីភ្នំពេញ វាអាចឈានទៅរកការធូរស្រាលបាន គឺអាស្រ័យទៅស្ថានការណ៍កូវីដ១៩ នៅក្នុងរាជធានីភ្នំពេញ ព្រោះប្រជាពលរដ្ឋនៅតាមបណ្តាស្រុកជាប់រាជធានីភ្នំពេញទាំងនោះ គឺមានទំនាក់ទំនងលំហូរចេញចូលធ្វើការងារពីគ្នាទៅវិញទៅមក៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន

ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី

អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ

អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល

តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ

ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល

អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់

ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន

អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់

អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជារកឃើញមនុស្ស៣៥៨នាក់ទៀតឆ្លងកូវីដ-១៩ ខណៈជំងឺនេះសម្លាប់មនុស្ស៥នាក់ផ្សេងទៀត

រដ្ឋលេខាធិការម្នាក់ បម្រើការនៅទីស្ដីការគណៈរដ្ឋមន្ត្រី ត្រូវបានរកឃើញឆ្លងមេរោគកូវីដ-១៩

ខេត្តកំពង់ចាម រកឃើញមនុស្ស១៣នាក់ទៀតឆ្លងមេរោគកូវីដ-១៩ ក្នុងនោះមានពលរដ្ឋ៤នាក់មកពីខេត្តត្បូងឃ្មុំ

អាជ្ញាធរខេត្តកំពង់ឆ្នាំង សម្រេចបិទខ្ទប់ភូមិមួយក្នុងក្រុងក្រោយមានករណីវិជ្ជមានកូវីដ-១៩

រថយន្តដឹកកម្មករមួយគ្រឿងរអិលធ្លាក់ផ្លូវ នៅស្រុកសាមគ្គីមានជ័យ របួសកម្មករ៤៦នាក់

តំណាងអយ្យការសាលាដំបូង សម្រេចឲ្យ កញ្ញា មាន ពេជ្ររីតា នៅក្រៅឃុំបណ្តោះអាសន្ន

កម្ពុជារកឃើញមនុស្ស៤៤៦នាក់ទៀតឆ្លងមេរោគកូវីដ-១៩ ខណៈមេរោគនេះសម្លាប់មនុស្ស៦នាក់បន្ថែមទៀត

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​រក​ឃើញ​មនុស្ស​៣៥៨​នាក់​ទៀត​ឆ្លង​កូវីដ-១៩ ខណៈ​ជំងឺ​នេះ​សម្លាប់​មនុស្ស​៥​នាក់​ផ្សេង​ទៀត

រដ្ឋលេខាធិការ​ម្នាក់ ​បម្រើ​ការ​នៅ​ទីស្ដីការ​គណៈ​រដ្ឋ​មន្ត្រី​ ត្រូវ​បាន​រក​ឃើញ​​ឆ្លង​មេរោគ​កូវីដ-១៩​

អាជ្ញាធរខេត្ត​កំពង់ឆ្នាំង​ សម្រេច​បិទ​ខ្ទប់​ភូមិ​មួយ​ក្នុង​ក្រុង​ក្រោយ​មាន​ករណី​វិជ្ជមាន​កូ​វីដ​-១៩

រថយន្ត​ដឹក​កម្មករ​មួយ​គ្រឿង​រអិល​ធ្លាក់​ផ្លូវ​ នៅ​ស្រុក​សាមគ្គី​មានជ័យ​ របួស​កម្មករ៤៦​នាក់

តំណាង​អយ្យការ​សាលាដំបូង​ សម្រេច​ឲ្យ​ កញ្ញា មាន ពេជ្រ​រីតា​ នៅក្រៅ​ឃុំ​បណ្តោះអាសន្ន​

កម្ពុជា​រក​ឃើញ​មនុស្ស​៤៤៦​នាក់​ទៀត​ឆ្លង​មេរោគ​កូវីដ-១៩ ខណៈ​មេរោគ​នេះ​សម្លាប់​មនុស្ស​៦​នាក់​បន្ថែមទៀត

មនុស្ស​ជិត​៣ម៉ឺន​នាក់ ​នៅក្នុង​ខេត្តតាកែវ​ បាន​ចាក់​វ៉ាក់សាំង​ទាំងពីរ​លើក

អាជ្ញាធរខេត្ត​បាត់ដំបង​ បញ្ជូន​ក្រុម​មេខ្យល់​ជាង​៥០​នាក់​ ទៅ​តុលាការ

ក្រុង​តាខ្មៅ​ បាន​វិនិច្ឆ័យ​ជា​តំបន់​លឿង ​ខណៈ​តំបន់​ក្រហម​ ក្នុងភូមិ​តាខ្មៅ​២ ​ប្រែជា​តំបន់​លឿងទុំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជារកឃើញមនុស្ស៣៥៨នាក់ទៀតឆ្លងកូវីដ-១៩ ខណៈជំងឺនេះសម្លាប់មនុស្ស៥នាក់ផ្សេងទៀត

រដ្ឋលេខាធិការម្នាក់ បម្រើការនៅទីស្ដីការគណៈរដ្ឋមន្ត្រី ត្រូវបានរកឃើញឆ្លងមេរោគកូវីដ-១៩

អាជ្ញាធរខេត្តកំពង់ឆ្នាំង សម្រេចបិទខ្ទប់ភូមិមួយក្នុងក្រុងក្រោយមានករណីវិជ្ជមានកូវីដ-១៩

រថយន្តដឹកកម្មករមួយគ្រឿងរអិលធ្លាក់ផ្លូវ នៅស្រុកសាមគ្គីមានជ័យ របួសកម្មករ៤៦នាក់

តំណាងអយ្យការសាលាដំបូង សម្រេចឲ្យ កញ្ញា មាន ពេជ្ររីតា នៅក្រៅឃុំបណ្តោះអាសន្ន

កម្ពុជារកឃើញមនុស្ស៤៤៦នាក់ទៀតឆ្លងមេរោគកូវីដ-១៩ ខណៈមេរោគនេះសម្លាប់មនុស្ស៦នាក់បន្ថែមទៀត

មនុស្សជិត៣ម៉ឺននាក់ នៅក្នុងខេត្តតាកែវ បានចាក់វ៉ាក់សាំងទាំងពីរលើក

អាជ្ញាធរខេត្តបាត់ដំបង បញ្ជូនក្រុមមេខ្យល់ជាង៥០នាក់ ទៅតុលាការ

ក្រុងតាខ្មៅ បានវិនិច្ឆ័យជាតំបន់លឿង ខណៈតំបន់ក្រហម ក្នុងភូមិតាខ្មៅ២ ប្រែជាតំបន់លឿងទុំ