BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

ក្រុមយុវជនអាយុក្រោម ១៧ឆ្នាំ Tiify Army Fc គ្រោងចេញទៅប្រកួតពានរង្វាន់មិត្តភាពយុវជនអន្តរជាតិនៅប្រទេសចិន

ដោយមានការយកចិត្តទុកដាក់ ព្រមទាំងខ្នះខ្នែង ជួយសម្រួសនូវកិច្ចការងារជាច្រើនពីឯកឧត្តម ឧត្តមសេនីយ៍ទោ ខូវ ឆាយ ជាអនុប្រធានក្រុមប្រឹក្សាកីឡាកងយោធពលខេមរភូមិន្ទ ជានាយកមជ្ឈមណ្ឌលកីឡាកងយោធពលខេមរភូមិន្ទ និងជាអគ្គលេខាធិការសមាគមក្លិបកីឡាបាល់ទាត់កងយោធពលខេមរភូមិន្ទ Tiffy Army FC ផងនោះ ក្រុមយុវជនអាយុក្រោម ១៧ឆ្នាំរបស់Tiffy Army FC និងមានគម្រោងចេញទៅប្រកួតបាល់ទាត់មិត្តភាពយុវជនអន្តរជាតិជាលើកដំបូង ក្នុងពានរង្វាន់ « Funlin Cup» ខេត្តយូណាន នៃប្រទេសចិន ដោយទទួលបានការអញ្ជើញជាពិសេសឲ្យចូលរួមប្រកួតពីសំណាក់ក្លិបបាល់ទាត់ YUNNAN Fulin Football club ដែលជាអ្នករៀបចំកម្មវិធីប្រកួតមួយនេះ។យ៉ាងណាមិញ សម្រាប់ការចេញទៅប្រកួតលក្ខណៈអន្តរជាតិលើកដំបូងរបស់ ក្រុមយុវជន អាយុក្រោម ១៧ឆ្នាំ Tiffy Army FC នេះ ដែលគ្រោងនិងចេញដំណើរ នៅថ្ងៃទី២៨ ខែមករា ឆ្នាំ២០២៤ខាងមុខនេះ គឺទទួលការជួយជ្រោមជ្រែង រាប់រងនូវការចំណាយផ្សេងៗ ពីសំណាក់ លោកបណ្ឌិត សុផាឆៃ វិរៈភុជ ប្រធានសមាគមក្លិបកីឡាបាល់ទាត់កងយោធពលខេមរភូមិន្ទ Tiffy Army FC តាមរយៈ ឯកឧត្តម ឧត្តមសេនីយ៍ទោ ខូវ ឆាយ ជាអគ្គលេខាធិការក្លិប និងជាអ្នកទទួលបន្ទុកចាត់ចែងការដឹកនាំចេញទៅ ប្រកួតផងដែរ។គួររំលឹកថា ក្រុមយុវជន អាយុក្រោម១៧ ឆ្នាំ Tiffy Army FC ដែលគ្រោងចេញទៅប្រកួតលក្ខណៈអន្តរជាតិ នៅប្រទេសចិននេះគឺជាអតីតម្ចាស់ជើងឯកពានរង្វាន់ អាយុក្រោម១៦ ឆ្នាំ Smart Youth League ប្រចាំ ឆ្នាំ២០២៣ ដោយសព្វថ្ងៃបាននិងកំពុងតែធ្វើការហ្វឹកហាត់ជាប្រចាំ នៅកីឡដ្ឋាន Tiffy Army Stadium ក្រោមការបង្ហាត់ដោយផ្ទាល់ពីសំណាក់លោកគ្រូ អ៊ុំ សាវង្ស ជាគ្រូបង្គោលយុវជន Tiffy Army FC ។ទាំងគ្រូបង្វឹកយុវជន និងក្រុមកីឡាករជាយុវជន ក៏បានបង្ហាញការតាំងចិត្តសម្រាប់ការប្រកួតនៅក្រៅស្រុក ហើយក៍បានថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់នៃក្លិប ដែលបានផ្ដល់ឱកាសមាស ក្នុងការចេញទៅប្រកួតនៅលើឆាកអន្តរជាតិ ផងដែរ៕

បេក្ខភាព ៨ក្រុម ត្រៀមប្រជែងលីគបាល់ទះសម្តេចតេជោ ហ៊ុន សែន លើកដំបូង នាដើមឆ្នាំក្រោយ

សហព័ន្ធកីឡាបាល់ទះកម្ពុជា បានជូនដំណឹងពីកាលបរិច្ឆេទ នៃការប្រកួតលីគបាល់ទះសម្ដេចអគ្គមហាសេនាបតីតេជោ ហ៊ុន សែន ដែលសហព័ន្ធប្រសិទ្ធនាមថា «លីគតេជោ» ហើយ ដោយព្រឹត្តិការណ៍ដ៏ធំលើកដំបូងនេះ គ្រោងនឹងធ្វើការប្រកួតពីថ្ងៃទី១២ ខែមករា ដល់ថ្ងៃទី១៨ ខែមីនា ឆ្នាំ២០២៤ ខាងមុខ នៅពហុកីឡដ្ឋានជាតិអូឡាំពិក ។តាមការបញ្ជាក់របស់មន្ដ្រីសហព័ន្ធ លីគបាល់ទះសម្ដេចតេជោ ហ៊ុន សែន លើកដំបូងនេះ នឹងមានក្រុមខ្លាំងៗ ៨ក្រុមចូលរួមប្រកួតប្រជែង រួមមានក្រុមបាល់ទះវិសាខា, ក្រសួងមហាផ្ទៃ, បញ្ជាការដ្ឋានអង្គរក្ស, កងពលធំអន្តរាគមន៍លេខ៣, រដ្ឋបាលរាជធានីភ្នំពេញ, ខេត្តព្រះសីហនុ, ស្នងការដ្ឋាននគរបាលពោធិសាត់ និងក្រុមស្នងការដ្ឋាននគរបាលកណ្តាល ។ចំពោះរូបមន្ដនៃការប្រកួតវិញ គឺបែងចែកជា ៣ជុំ រួមមានជុំទី១ បេក្ខភាពទាំង ៨ក្រុម ត្រូវជួបគ្នា ១ជើង បន្ទាប់មកក្រុមឈរលេខ១ ដល់លេខ៦ នឹងត្រូវជួបគ្នា ១ជើងទៀត នៅជុំទី២ ដើម្បីចម្រាញ់យកក្រុមខ្លាំង ៤ក្រុមចុងក្រោយ ធ្វើការប្រកួតនៅជុំទី៣ ដែលជាការប្រកួតខ្វែង មានន័យថា ក្រុមលេខ១ ត្រូវជួបក្រុមលេខ៣ និងក្រុមលេខ២ ត្រូវជួបក្រុមលេខ៤ ដើម្បីស្វែងរកក្រុមខ្លាំងឡើងវគ្គផ្ដាច់ព្រ័ត្រ និងប្រកួតដណ្ដើមជើងឯកតែម្ដង គ្រាដែលប្រាក់រង្វាន់ក្រុមជើងឯក នឹងទទួលបាន ៦០លានរៀល ។លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធ បានបញ្ជាក់ថា គោលបំណង នៃការរៀបចំលីគសម្ដេចតេជោនេះ គឺសហព័ន្ធចង់បើកឱកាសឲ្យក្លិបបាល់ទះអាជីពនៅកម្ពុជា មានការប្រកួតប្រជែងកម្រិតស្ដង់ដារមួយ ដើម្បីឈានទៅរកការទទួលស្គាល់ ទាំងថ្នាក់តំបន់អាស៊ី និងពិភពលោក ។ លោកថា សហព័ន្ធនឹងព្យាយាម ដើម្បីឲ្យសហព័ន្ធបាល់ទះអន្ដរជាតិ ទទួលស្គាល់ ដើម្បីកម្ពុជាមានឱកាសចូលរួមការប្រកួតជើងឯកអន្ដរជាតិនានា ។មួយវិញទៀត ការប្រកួតលីគនេះ ក៏ដើម្បីជំរុញការផ្សព្វផ្សាយវិស័យកីឡាបាល់ទះកម្ពុជាឲ្យកាន់តែល្បីល្បាញ ពិសេសជំរុញសមត្ថភាព និងបច្ចេកទេសកីឡា ដើម្បីពង្រឹងធនធានកីឡាករជម្រើសជាតិត្រៀមការប្រកួតកីឡាស៊ីហ្គេម ឆ្នាំ២០២៥ នៅប្រទេសថៃ ។ តាមរយៈនេះ សហព័ន្ធប្ដេជ្ញានឹងបន្ដរៀបចំការប្រកួតលីគនេះឲ្យបានរៀងរាល់ឆ្នាំ និងធ្វើឲ្យមានភាពអស្ចារ្យ ដោយអនុញ្ញាតឲ្យមានការចូលរួមពីកីឡាករបរទេស ដើម្បីបង្កើនការប្រកួតប្រជែងផង និងទាក់ទាញទស្សនិកជនកាន់តែច្រើនផង។ជាមួយការប្រកួតក្របខណ្ឌលីគនេះដែរ មន្ដ្រីជាន់ខ្ពស់សហព័ន្ធដដែល រំពឹងថា នឹងក្លាយជាវេទិកាមួយដ៏សំខាន់ ដើម្បីបើកទីផ្សារដោះដូរកីឡាករកាន់តែទូលំទូលាយ ឧទាហរណ៍ដូចជាកីឡាករ វឿន វាសនា ដែលត្រូវបានក្លិបបរទេសជាច្រើនចាប់អារម្មណ៍ ហើយបានទៅលេងនៅក្លិបប្រទេសវៀតណាម មុនផ្ទេរទៅលេងឲ្យក្លិប នៅតៃវ៉ាន់នាពេលបច្ចុប្បន្ន៕ អត្ថបទ លី ឈុនឡា

កីឡាករក្នុងស្រុកបាកានជិត ១០០០នាក់ ចូលរួមប្រកួតកីឡា ដើម្បីអបអរសាទរទិវាជ័យជម្នះ ៧មករា

ពោធិ៍សាត់៖ នេះជាលើកទីមួយហើយដែល ក្រុមការងារចុះជួយមូលដ្ឋានស្រុកបាកាន បានរៀបចំអោយមានការប្រកួតកីឡា ដណ្ដើមពានរង្វាន់ប្រាក់លាន ឯកឧត្តម កែវ រតនៈ និងឯកឧត្តមបណ្ឌិត ទី នរិន្ទ ក្នុងស្រុកបាកាន ដើម្បីអបអរសាទរ ទិវាបុណ្យជាតិ ៧ មករា ១៩៧៩-២០២៤ ។ ព្រឹត្តិការណ៍កីឡានេះដឹកនាំរៀបចំដោយ ឯកឧត្តមបណ្ឌិត ទី ថានី អនុប្រធានក្រុមការងារចុះជួយស្រុកបាកាន និងឯកឧត្តម ជៀប សួរ រួមនិងក្រុមការងារ ក្រោមការឧបត្ថម្ភ ដោយឯកឧត្តម កែវ រតនៈ ប្រធានក្រុមការងារចុះជួយមូលដ្ឋានខេត្តពោធិ៍សាត់ និងឯកឧត្តមបណ្ឌិត ទី នរិន្ទ ប្រធានក្រុមការងារចុះជួយស្រុកបាកាន រួមនិងសសប្បុរសជននានា ។ ដោយមានកីឡាករបាល់ទាត់ បាល់ទះ ស្ម័គ្រចិត្តចូលរួមសរុបជិត១០០០នាក់ ដោយបែកចែកជា៣៩ក្រុម ក្នុងនោះ ៣៤ក្រុមជាក្រុមយុវជន និងមហាជន ចំណែក៥ក្រុមទៀតជាក្រុមកិត្តិយស ។ ក្នុងឱកាសអញ្ជើញជា អធិបតីភាពក្នុងពិធីបើកព្រឹត្តិការណ៍កីឡានេះ ឯកឧត្តមបណ្ឌិត ទី នរិន្ទ បានលើកឡើងថា យើងជួបជុំគ្នារៀបចំកម្មវិធីនេះឡើងគឺក្នុងគោលបំណង សម្តែងការដឹងគុណ និងអបអរសាទរដល់ថ្ងៃជ័យជម្នះ៧មករា ដែលជាថ្ងៃកំណើតទី២របស់យើង បើគ្មានថ្ងៃ៧មករា ១៩៧៩ យើងក៏គ្មានថ្ងៃនេះដែរ ។ ហើយក្រៅពីផ្តល់ប្រយោជន៍ដល់សុខភាព កីឡាបាននាំមកនូវសាមគ្គីភាព និងមិត្តភាព ជាពិសេសធ្វើអោយយើងជៀសផុតពីអំពើរអបាយមុខផ្សេងៗដូចជាគ្រឿងញៀន និងល្បែងស៊ីសងជាដើម ។សូមបញ្ជាក់ដែរថា ព្រឹត្តិការណ៍កីឡានេះ រួមមានវិញ្ញាសារបាល់ទាត់មានផ្នែកបុរស- ផ្នែកនារី និងផ្នែកគូរកិត្តិយស ដែលត្រូវប្រកួតតាមទីលានចំនួន៥ទីតាំង ចំណែកវិញ្ញាសាបាល់ទះមានផ្នែកបុរស និងផ្នែកនារី ដោយធ្វើការប្រកួតចំនួន៣ទីតាំងផ្សេងគ្នា ចំពោះការប្រកួត គឺជារៀងរាល់ចុងសប្តាហ៍ ចាប់ពីថ្ងៃទី១៦ ខែធ្នូ ឆ្នាំ២០២៣ រហូតដល់ថ្ងៃទី៧ ខែមករា ឆ្នាំ២០២៤៕ អត្ថបទ ៖ ភិរុណ

កម្ពុជាឈរលេខ២ ចំបាប់ជើងឯកអាស៊ាន ខណៈកីឡាករ-កីឡាការិនីកើនបច្ចេកទេសជាងមុន

ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២៣ នៅកម្ពុជា បានបញ្ចប់ដោយជោគជ័យ ក្រោយដំណើរការប្រកួតរយៈពេល ៤ថ្ងៃកាលពីចុងសប្ដាហ៍កន្លងទៅ ដោយក្រុមម្ចាស់ផ្ទះកម្ពុជា ឈរចំណាត់ថ្នាក់លេខ២ក្នុងតារាងមេដាយ ដោយដណ្ដើមបានមេដាយសរុប ៤៨គ្រឿង គ្រាដែលកីឡាករ-កីឡាការិនីមានការកើនឡើងនូវបច្ចេកទេសខ្ពស់គួរឲ្យកត់សម្គាល់ ។លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងប្រធានសហព័ន្ធកីឡាចំបាប់អាស៊ីអាគ្នេយ៍បានបញ្ជាក់ថា ការប្រកួតថ្នាក់តំបន់ ដែលកម្ពុជាទទួលបានសិទ្ធធ្វើម្ចាស់ផ្ទះ ២ឆ្នាំជាប់គ្នានេះបានប្រព្រឹត្ដទៅដោយរលូន និងជោគជ័យ រហូតទទួលបានការកោតសរសើរពីបណ្ដាប្រទេសចូលរួមលើការរៀបចំ និងការទទួលបដិសណ្ឋារកិច្ច ដែលស្របតាមស្ដង់ដារអន្ដរជាតិ ។ជាមួយការរៀបចំដ៏ល្អអមជាមួយកិច្ចសហការ និងមានការជួយគាំទ្រផ្ទាល់ពីមន្ដ្រីបច្ចេកទេសមកពីសហព័ន្ធកីឡាចំបាប់អន្ដរជាតិផងនោះបានធ្វើឲ្យបណ្ដាលប្រទេសក្នុងតំបន់ សប្បាយរីករាយ និងមានភាពកក់ក្ដៅ ហើយថែមទាំងស្នើឲ្យកម្ពុជាបន្ដធ្វើម្ចាស់ផ្ទះព្រឹត្តិការណ៍នេះជាបន្ដបន្ទាប់នាឆ្នាំក្រោយទៀតផង។ ដូច្នេះប្រសិនបើឆ្នាំក្រោយ ពុំមានប្រទេសណាទទួលរៀបចំនោះទេ កម្ពុជាអាចនឹងធ្វើម្ចាស់ផ្ទះជាថ្មីម្ដងទៀត។ក្រៅពីជោគជ័យលើការងាររៀបចំកម្ពុជាក៏ទទួលបានជោគជ័យផ្នែកបច្ចេកទេសផងដែរ ដ្បិតកីឡាករ-កីឡាការិនីកម្ពុជាកើនបច្ចេកទេសខ្ពស់ជាងមុន បើធៀបការហ្វឹកហាត់មុន និងក្រោយស៊ីហ្គេមបន្ទាប់ពីពួកគេមានការប្រកួតច្រើន ទាំងកម្រិតតំបន់ ទ្វីប និងពិភពលោក ដែលធ្វើឲ្យកីឡាករ-កីឡាការិនីមានភាពរីកចម្រើនស្របតាមផែនការ ដែលសហព័ន្ធចង់រក្សា និងជំរុញបច្ចេកទេសបន្ថែម ដើម្បីត្រៀមដូចជាស៊ីហ្គេម ឆ្នាំ២០២៥ នៅថៃ និងកីឡាយុវជនអាស៊ី ឆ្នាំ២០២៩នៅកម្ពុជាជាដើម ។សូមបញ្ជាក់ថា សម្រាប់ការប្រកួតកីឡាចំបាប់ជើងឯកអាស៊ីអាគ្នេយ៍ ឆ្នាំ២០២៣ នៅកម្ពុជា ចំពោះលទ្ធផលបច្ចេកទេសទាំង ៣ប្រភេទអាយុ រួមមានអាយុក្រោម ១៧ឆ្នាំ, អាយុក្រោម ២០ឆ្នាំ និងក្រុមពេញវ័យ គឺក្រុមអត្តពលិកវៀតណាម ដណ្ដើមបានមេដាយច្រើនជាងគេសរុប ៨៤គ្រឿង (មាស ៦៩,ប្រាក់ ១៤ និងសំរឹទ្ធ ១) ខណៈកម្ពុជា ឈរលេខ២ ដណ្ដើមបានមេដាយសរុប ៤៨គ្រឿង(មាស ៤ ប្រាក់ ២៧ និងសំរឹទ្ធ ១៧) ឈរលើក្រុមថៃ ដែលឈរលេខ៣ ដណ្ដើមបានមេដាយសរុប១៨គ្រឿង (មាស ៣ ប្រាក់ ៩ និងសំរឹទ្ធ ៦) ។ ចំណែកក្រុមកីឡាចំបាប់ហ្វីលីពីនដណ្ដើមបានមេដាយសរុប ២៥គ្រឿង (មាស ១ ប្រាក់ ១៤ និងសំរឹទ្ធ ១០) ឈរលេខ៤លើក្រុមសិង្ហបុរី ដែលដណ្ដើមបានមេដាយសរុប ១៣គ្រឿង (មាស ១ ប្រាក់ ៧ និងសំរឹទ្ធ ៥) ។ រីឯឥណ្ឌូនេស៊ី គឺឈរលេខ៦ ដោយដណ្ដើមបានមេដាយប្រាក់ ៥ និងសំរឹទ្ធ ១១ សរុប ១៦គ្រឿង និងក្រុមកីឡាចំបាប់ឡាវ ឈរលេខ៧ ក្នុងតារាងមេដាយដណ្ដើមបានមេដាយ ២គ្រឿង (ប្រាក់ ១ និងសំរឹទ្ធ ១) ៕ អត្ថបទ លី ឈុនឡា

ចាន់ វឌ្ឍនាកា និង ស៊ូ យ៉ាទី ទទួលបានបទពិសោធន៍ថ្មីពីបាល់ទាត់អឺរ៉ុប

កីឡាករបាល់ទាត់កម្ពុជា ចាន់ វឌ្ឍនាកា និង ស៊ូ យ៉ាទី បានទទួលបទពិសោធន៍ថ្មីពីវិស័យបាល់ទាត់អឺរ៉ុប បន្ទាប់ពីបានចូលទស្សនាផ្ទាល់ការប្រកួតក្របខណ្ឌលីគកំពូលអង់គ្លេស Premier League ដែលក្រុមកំពុងឡើងជើង Aston Villa បានយកឈ្នះក្រុមកាំភ្លើងធំ Arsenal ដោយលទ្ធផល ១-០ កាលពីចុងសប្ដាហ៍កន្លងទៅ នៅកីឡដ្ឋាន Villa Park ។តាមការបញ្ជាក់របស់លោក យ៉ង់ វិចិត្រ អ្នកសម្របសម្រួលកីឡាករកម្ពុជា ដែលអញ្ជើញដោយក្លិប Aston Villa បានឲ្យដឹងថា ចាន់ វឌ្ឍនាកា និង ស៊ូ យ៉ាទី បានចូលទស្សនាដល់ទីលានផ្ទាល់ ដើម្បីមើលការហ្វឹកហាត់កម្ដៅសាច់ដុំមុនការប្រកួត ក៏ដូចជាការប្រកួតរវាង Aston Villa និងក្រុម Arsenal ដែលជាបទពិសោធន៍មួយដ៏ល្អសម្រាប់កីឡាករអាជីពកម្ពុជាទាំងពីរ ស្វែងយល់ពីកម្រិតលេងរបស់កីឡាករអឺរ៉ុប ។បន្ទាប់ពីបានចូលរួមទស្សនាការប្រកួតដ៏ធំនេះហើយ នៅថ្ងៃទី១១-១២ ខែធ្នូនេះ សមាជិកក្លិបបឹងកេត និងណាហ្គាវើលដ៏ដដែល នឹងត្រូវបានរៀបចំឲ្យជួបកីឡាករ ៣រូប ដែលកំពុងលេងឲ្យក្លិប Aston Villa និងមានការលេងប្រកួតប្រជែងបែងផ្លាស់ប្ដូរបទពិសោធន៍ និងបច្ចេកទេសគ្នា ហើយនឹងដំណើរទស្សនកិច្ចកីឡដ្ឋាន និងហេដ្ឋារចនាសម្ព័ន្ធផ្សេងៗ ក្នុងកីឡដ្ឋាន Villa Park របស់ក្រុមកំពុងឈរលេខ៣ នៃលីគកំពូលអង់គ្លេសនេះទៀតផង ។គួរដឹងថា នេះជាលើកដំបូងហើយ ដែលក្លិប Aston Villa FC បានអញ្ជើញកីឡាករកម្ពុជា ទៅទស្សនកិច្ច និងទស្សនាការប្រកួតផ្ទាល់របស់ខ្លួន ក្នុងក្របខណ្ឌ English Premier League ហើយក្រៅពីកីឡាករកម្ពុជា ពួកគេក៏បានអញ្ជើញកីឡាករក្នុងតំបន់អាស៊ានមួយចំនួនផងដែរ ដូចជាវៀតណាម ថៃ ម៉ាឡេស៊ី និងឥណ្ឌូនេស៊ីជាដើម៕ អត្ថបទ លី ឈុនឡា

ទីបំផុត Unai Emery ដឹកនាំក្រុមឈ្នះ Pep Guardiola លើកដំបូង

ទីបំផុតអ្នកចាត់ការ Unai Emery បានស្គាល់ជ័យជំនះដំបូងទៅលើលោក Pep Guardiola បន្ទាប់ពី Aston Villa យកឈ្នះ Manchester City ១-០ យប់មិញនៃក្របខណ្ឌ English Premier League។គ្រាប់បាល់ជ័យជំនះរបស់ Aston Villa សម្រេចបានដោយ Leon Bailey នៅនាទីទី ៧៤ ដែលធ្វើឱ្យ Aston Villa ឡើងមកលេខ ៣ ក្នុងតារាង ខណៈ Manchester City មិនស្គាល់ឈ្នះ ៤ ប្រកួតជាប់គ្នានៅ Premier League ជាលើកដំបូងក្នុងរយៈពេលជាង ៧ ឆ្នាំចុងក្រោយនេះ។ ជាការប្រកួតដ៏អស្ចារ្យមួយរបស់ Aston Villa ក្រោមការដឹកនាំរបស់លោក Unai Emery ដោយ Aston Villa មានសាច់បាល់គ្រប់គ្រងត្រឹម ៤៦% មែនតែមានឱកាសស៊ុត ២២ លើកចំគោលដៅ ៧ លើក សម្រេចទី ១ គ្រាប់ខណៈដែល Manchester City ដែលអវត្តមានកីឡាករមួយចំនួនដោយសារជាប់ពិន័យនោះមានឱកាសគ្រប់គ្រងបាល់ ៥៤% តែស៊ុតបានត្រឹម ២ លើក ចំគោលទាំងពីរ តែមិនអាចសម្រេចទីបាន។ រំលឹកថាលោក Unai Emery មានប្រវត្តិដឹកនាំក្រុមទល់នឹងក្រុមរបស់លោក Pep Guardiola សរុប ១៤ ប្រកួតហើយគិតមកដល់ពេលនេះ ហើយនេះជាជ័យជំនះដំបូង ធ្លាប់ស្មើ ៤ ប្រកួត និងចាញ់ ៩ ប្រកួត។ ងាកមកការប្រកួតនៅទឹកដី Old Trafford ក្រុមម្ចាស់ផ្ទះ Manchester United រកបានបីពិន្ទុដ៏មានសារសំខាន់ក្រោយយកឈ្នះក្រុមតោខៀវ Chelsea ២-១។ Bruno Fernandes ខកខានស៊ុតបាល់ ១១ ម៉ែត្រមិនបានសំរេច មុនពេលដែល Scott McTominay រកបានគ្រាប់នាំមុខនៅនាទីទី ១៩ តែ Cole Palmer តាមស្មើឱ្យ Chelsea វិញនៅចុងវគ្គទី ១។ខ្សែបម្រើស្កុតឡេន McTominay ដដែលគឺជាអ្នកសំរេចគ្រាប់បាល់ជ័យជំនះនៅនាទីទី ៦៩ ធ្វើឱ្យក្រុមរបស់លោក Erik ten Hag ឡើងមកលេខ ៦ មាន ២៧ ពិន្ទុខណៈ Chelsea ឈរលេខ ១០ មាន ១៩ ពិន្ទុ។ Arsenal បន្តនាំមុខគេមាន ៣៦ ពិន្ទុដាច់ក្រុមលេខ ២ Liverpool ២ ពិន្ទុបន្ទាប់ពីក្រុមរបស់លោក Jurgen Klopp យកឈ្នះនៅទឹកដី Sheffield United ២-០ ដោយគ្រាប់បាល់របស់ Virgil van Dijk និង Dominik Szoboszlai៕ អត្ថបទ៖នាង សុភាវុធ

Kevin de Bruyne ស្ថិតក្នុងបញ្ជីរបស់ Manchester City ចេញទៅ FIFA Club World Cup

ខ្សែបម្រើប៊ែលហ្ស៊ិកដែលមានរបួស Kevin de Bruyne ស្ថិតក្នុងបញ្ជីរបស់ Manchester City សម្រាប់ការប្រកួត ពានរង្វាន់ FIFA Club World Cup ទោះបីអវត្តមានមិនបានចូលលេងសោះតាំងពីខែសីហា។កីឡាករវ័យ ៣២ ឆ្នាំរូបនេះចូលលេងចុងក្រោយបំផុតតាំងពីថ្ងៃទី ១១ ខែសីហានៅពេល Manchester City ឈ្ននៅទឹកដី Burnley និងជាប្រកួតដែល Kevin de Bruyne រងរបួសសសៃពួរ ចំរបួសចាស់ដែលខ្លួនរងរបួសពេលឈ្នះ Inter Milan វគ្គផ្តាច់ព្រ័ត្រ UEFA Champions League ពីរខែមុន។ Manchester City ដែលរងបរាជ័យនៅទឹកដី Aston Villa យប់មិញនោះ នឹងត្រូវជួបជាមួយ Club Leon របស់ម៉ិកស៊ិក រឺក្រុមជប៉ុន Urawa Red Diamonds នៅវគ្គពាក់កណ្តាលផ្តាច់ព្រ័ត្រថ្ងៃទី១៩ ខែធ្នូនេះ។ ព្រឹត្តិការណ៍ក្លិបបាល់ទាត់ពិភពលោក FIFA Club World Cup នឹងចាប់ផ្តើមដំណើរការពីថ្ងៃទី ១២ ខែធ្នូនេះដល់ថ្ងៃទី ២២ នៅទឹកដីអារ៉ាប៊ីសាអ៊ូឌីតជាលើកដំបូង៕ អត្ថបទ៖នាង សុភាវុធ

Carlos Queiroz លាលែងពីតំណែងគ្រូបង្វឹកកាតា ១ ខែមុនព្រឹត្តិការណ៍បាល់ទាត់ជើងឯកអាស៊ី

លោក Carlos Queiroz បានសំរេចចែកផ្លូវគ្នាហើយជាមួយក្រុមជម្រើសជាតិកាតា ស្របពេលដែលនៅសល់ត្រឹម ១ ខែទៀតប៉ុណ្ណោះនឹងឈានដល់ព្រឹត្តិការណ៍បាល់ទាត់ជើងឯកអាស៊ី។អតីតអ្នកចាត់ការ Real Madrid និងព័រទុយហ្កាល់រូបនេះ ទទួលបានតំណែងជាគ្រូបង្វឹកក្រុមជម្រើសជាតិកាតាកាលពីខែកុម្ភៈ និងចុះហត្ថលេខារយៈពេល ៤ ឆ្នាំជំនួសលោក Felix Sanchez។ លោក Carlos Queiroz បានដឹកនាំកាតាឈ្នះអាហ្វហ្គានីស្ថាន និង ឥណ្ឌា ពីរប្រកួតដំបូង នៃការប្រកួតជម្រុះបាល់ទាត់ពិភពលោក ២០២៦ ជុំទី ២ ខណៈកាតាកំពុងស្វែងរកការបង្ហាញខ្លួននៅ World Cup លើកទី ២។ ចំណែកឯព្រឹត្តិការណ៍បាល់ទាត់អាស៊ីវិញ កាតាគឺជាក្រុមការពារតំណែងជើងឯក បន្ទាប់ពីលោក Felix Sanchez ដឹកនាំក្រុមឈ្នះជើងឯកកាលពីឆ្នាំ ២០១៩ ខណៈដែលពួកគេនឹងត្រូវការពារជើងឯកក្នុងនាមជាម្ចាស់ផ្ទះស្ថិតក្នុងពូលជាមួយ ចិន តាជីគីស្ថាន និង លីបង់។ សូមបញ្ជាក់ថា កាតាទទួលសិទ្ធិរៀបចំជើងឯកទ្វីបអាស៊ីនេះ បន្ទាប់ពីចិនបានដកខ្លួន៕ អត្ថបទ៖នាង សុភាវុធ

អ្នកចាំទី Newcastle, Nick Pope ប្រឈមអវត្តមានដល់ ៤ខែ ដោយសាររបួសស្មា

អ្នកចាំទី Newcastle និងក្រុមជម្រើសជាតិអង់គ្លេស Nick Pope នឹងត្រូវអវត្តមានពីការប្រកួតយ៉ាងហោចណាស់ ៤ ខែដោយសាររបួសស្មា ដែលទាមទារឱ្យមានការវះកាត់។កីឡាករវ័យ ៣១ ឆ្នាំរូបនេះមានរបួសភ្លាត់ឆ្អឹងស្មានៅពេលហក់សង្គ្រោះបាល់អំឡុងជ័យជំនះ ១-០ ទល់នឹង Manchester United កាលពីថ្ងៃអាទិត្យចុងសប្តាហ៍កន្លងទៅ។ អ្នកចាត់ការ Newcastle លោក Eddie Howe សង្ឃឹមថា Nick Pope នឹងជាសះស្បើយទាន់ពេលព្រឹត្តិការណ៍បាល់ទាត់អឺរ៉ុប Euro 2024 រដូវក្តៅឆ្នាំក្រោយ។ Newcastle នៅពេលនេះកាន់តែលំបាកខណៈក្រុមមានកីឡាកររបួសច្រើនរួមមាន Callum Wilson, Harvey Barnes, Jacob Murphy, Joe Willock, Sven Botman និង Dan Burn។អតីតអ្នកចាំទី Burnley ដែលផ្លាស់មកកាន់ St. James Park កាលពីខែមិថុនាឆ្នាំ ២០២២ រូបនេះបានចូលលេងរាល់ការប្រកួតទាំងអស់របស់ Newcastle ទាំងនៅ Premier League និង UEFA Champions League រដូវកាលនេះ៕ អត្ថបទ៖នាង សុភាវុធ

ក្រុមកីឡាទោចក្រយានកម្ពុជា ឈ្នះជើងឯក និងជើងឯករង ក្នុង ការប្រកួតមិត្តភាពអន្ដរជាតិ នៅឡាវ

ក្រុមកីឡាទោចក្រយានជម្រើសជាតិកម្ពុជា បានបញ្ចប់យុទ្ធនាការប្រកួតកីឡាទោចក្រយានមិត្ដភាពអន្ដរជាតិកម្ពុជា វៀតណាម ឡាវ នៅទីក្រុងវៀងច័ន្ទន៍ ប្រទេសឡាវ នៅថ្ងៃទី០៦ ខែធ្នូ ឆ្នាំ២០២៣ ដោយដណ្ដើមបានជើងឯកលើវិញ្ញាសាកង់គួកបុរសជាតិក្រុម ១ អមជាមួយជើងឯករងលើវិញ្ញាសាកង់គួរបុរសឯកត្តជនផងដែរ ។យោងតាមមន្ដ្រីសហព័ន្ធកីឡាទោចក្រយានកម្ពុជា សម្រាប់លទ្ធផល នៃការប្រកួតមិត្តភាពអន្ដរជាតិ ចំពោះវិញ្ញាសាកង់គួកបុរសជាក្រុម គឺក្រុមកីឡាករកម្ពុជា ទទួលបានចំណាត់ថ្នាក់លេខ១ គ្រាដែលលេខ២ បានទៅក្រុមម្ចាស់ផ្ទះឡាវ និងលេខ៣ បានទៅក្រុមវៀតណាម ។ រីឯវិញ្ញាសាកង់គួកបុរសឯកកត្តជន កីឡាករកម្ពុជា សាន ណាម៉ាវ ទទួលបានចំណាត់ថ្នាក់លេខ២ គ្រាដែលកីឡាករ និត សីហា ទទួលបានចំណាត់ថ្នាក់លេខ៤ ។គួរដឹងថា បេសកកម្មនេះ ក្រុមកីឡាទោចក្រយានកម្ពុជា បានចាកចេញពីមាតុភូមិ កាលពីថ្ងៃអាទិត្យកន្លងទៅ ក្រោមការដឹកនាំរបស់លោក នូ ចំរើន អគ្គលេខាធិការ សហព័ន្ធកីឡាទោចក្រយានកម្ពុជា តបតាមការអញ្ជើញសហព័ន្ធកីឡាទោចក្រយានឡាវ ដើម្បីអបអរសាទរ ក្នុងឱកាសដែលប្រទេសឡាវធ្វើជាម្ចាស់ផ្ទះលើកទី១ រៀបចំកិច្ចប្រជុំកំពូលសភាកម្ពុជា-ឡាវ-វៀតណាម ឆ្នាំ២០២៣ ហើយក៏ជាឱកាសវាស់ស្ទង់ និងពង្រឹងសមត្ថភាពក្រុមកីឡាទោចក្រយានកម្ពុជា ក្រោយបញ្ចប់យុទ្ធនាការស៊ីហ្គេម កាលពីថ្មីៗ ដើម្បីត្រៀមការប្រកួតអន្ដរជាតិនាពេលខាងមុខផងដែរ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមយុវជនអាយុក្រោម ១៧ឆ្នាំ Tiify Army Fc គ្រោងចេញទៅប្រកួតពានរង្វាន់មិត្តភាពយុវជនអន្តរជាតិនៅប្រទេសចិន

បេក្ខភាព ៨ក្រុម ត្រៀមប្រជែងលីគបាល់ទះសម្តេចតេជោ ហ៊ុន សែន លើកដំបូង នាដើមឆ្នាំក្រោយ

កីឡាករក្នុងស្រុកបាកានជិត ១០០០នាក់ ចូលរួមប្រកួតកីឡា ដើម្បីអបអរសាទរទិវាជ័យជម្នះ ៧មករា

កម្ពុជាឈរលេខ២ ចំបាប់ជើងឯកអាស៊ាន ខណៈកីឡាករ-កីឡាការិនីកើនបច្ចេកទេសជាងមុន

ចាន់ វឌ្ឍនាកា និង ស៊ូ យ៉ាទី ទទួលបានបទពិសោធន៍ថ្មីពីបាល់ទាត់អឺរ៉ុប

ទីបំផុត Unai Emery ដឹកនាំក្រុមឈ្នះ Pep Guardiola លើកដំបូង

Kevin de Bruyne ស្ថិតក្នុងបញ្ជីរបស់ Manchester City ចេញទៅ FIFA Club World Cup

Carlos Queiroz លាលែងពីតំណែងគ្រូបង្វឹកកាតា ១ ខែមុនព្រឹត្តិការណ៍បាល់ទាត់ជើងឯកអាស៊ី

អ្នកចាំទី Newcastle, Nick Pope ប្រឈមអវត្តមានដល់ ៤ខែ ដោយសាររបួសស្មា

ក្រុមកីឡាទោចក្រយានកម្ពុជា ឈ្នះជើងឯក និងជើងឯករង ក្នុង ការប្រកួតមិត្តភាពអន្ដរជាតិ នៅឡាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមយុវជនអាយុក្រោម ១៧ឆ្នាំ Tiify Army Fc គ្រោងចេញទៅប្រកួត​ពានរង្វាន់មិត្តភាព​យុវជនអន្តរជាតិនៅប្រទេសចិន

បេក្ខភាព ៨ក្រុម ត្រៀមប្រជែងលីគបាល់ទះសម្តេចតេជោ ហ៊ុន សែន លើកដំបូង នាដើមឆ្នាំក្រោយ

កីឡាករក្នុងស្រុកបាកានជិត ១០០០នាក់ ចូលរួមប្រកួតកីឡា ដើម្បីអបអរសាទរទិវាជ័យជម្នះ ៧មករា

កម្ពុជាឈរលេខ២ ចំបាប់ជើងឯកអាស៊ាន ខណៈកីឡាករ-កីឡាការិនីកើនបច្ចេកទេសជាងមុន

ចាន់ វឌ្ឍនាកា និង ស៊ូ យ៉ាទី ទទួលបានបទពិសោធន៍ថ្មីពីបាល់ទាត់អឺរ៉ុប

ទីបំផុត Unai Emery ដឹកនាំក្រុមឈ្នះ Pep Guardiola លើកដំបូង

Kevin de Bruyne ស្ថិតក្នុងបញ្ជីរបស់ Manchester City ចេញទៅ FIFA Club World Cup

Carlos Queiroz លាលែងពីតំណែងគ្រូបង្វឹកកាតា ១ ខែមុនព្រឹត្តិការណ៍​បាល់ទាត់ជើងឯកអាស៊ី

អ្នកចាំទី Newcastle, Nick Pope ប្រឈមអវត្តមានដល់ ៤ខែ ដោយសាររបួសស្មា

ក្រុមកីឡាទោចក្រយានកម្ពុជា ឈ្នះជើងឯក និងជើងឯករង ក្នុង​ ការប្រកួតមិត្តភាពអន្ដរជាតិ នៅឡាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមយុវជនអាយុក្រោម ១៧ឆ្នាំ Tiify Army Fc គ្រោងចេញទៅប្រកួតពានរង្វាន់មិត្តភាពយុវជនអន្តរជាតិនៅប្រទេសចិន

Carlos Queiroz លាលែងពីតំណែងគ្រូបង្វឹកកាតា ១ ខែមុនព្រឹត្តិការណ៍បាល់ទាត់ជើងឯកអាស៊ី

ក្រុមកីឡាទោចក្រយានកម្ពុជា ឈ្នះជើងឯក និងជើងឯករង ក្នុង ការប្រកួតមិត្តភាពអន្ដរជាតិ នៅឡាវ