BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

ក្លិបបាល់ទាត់អ៊ីតាលី AC Milan បានប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan និងចាកចេញពីកីឡដ្ឋានចាស់ San Siro របស់ខ្លួន។ក្លិបបានដាក់លិខិតស្នាមទៅកាន់សាលាក្រុងហើយ នូវគម្រោងសាងសង់កីឡដ្ឋានថ្មីរបស់ខ្លួនដែលអាចផ្ទុកទស្សនិកជនបាន ៧០០០០ នាក់ នៅតំបន់ក្រុងរណប San Donato។កីឡដ្ឋានប្រវត្តិសាស្រ្ត San Siro គឺជាទឹកដីរបស់ AC Milan តាំងពីឆ្នាំ ១៩២៦ តែក្រោយមកក៏ត្រូវបានសាងសង់ កែលម្អរ តាំងពី World Cup ១៩៩០។San Siro គឺជាផ្ទះរបស់ក្លិបអ៊ីតាលីធំពីរ AC Milan និង Inter Milan ហើយកន្លងមកក្លិបទាំងពីរក៏ធ្លាប់ចរចាជាមួយគ្នាក្នុងការបន្តកែលំអរបន្ថែមផងដែរ តែមិនត្រូវរ៉ូវគ្នា។ គម្រោងសាងសង់កីឡដ្ឋានថ្មីរបស់ AC Milan នេះ រួមមានការសាងសង់ជាទីស្នាក់ការកណ្តាលរបស់ក្លិប សណ្ឋាគារ ហាងលក់សម្លៀកបំពាក់ និងសារមន្ទីរជាដើម។ ជាមួយគ្នានោះដែរ សារព័ត៌មានអ៊ីតាលីបានចុះផ្សាយថា Inter Milan ក៏មានគម្រោងសាងសង់កីឡដ្ឋានថ្មីរបស់ខ្លួនផងដែរនៅតំបន់ Assago ក៏ស្ថិតនៅភាគខាងត្បូងទីក្រុង Milan ផងដែរ៕ អត្ថបទ៖នាង សុភាវុធ

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អត្តពលិកកម្ពុជា ៥ប្រភេទកីឡា បានបញ្ចប់ភារកិច្ចក្នុងការប្រកួតកីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន ដោយពុំទទួលបានមេដាយនោះទេ រួមមានកីឡាហែលទឹក, តេក្វាន់ដូ WT, យូដូ, គុនដាវ និងកីឡាបាល់ទះបុរសក្នុងសាល ។ រីឯក្រុមបាល់បោះកម្ពុជា បានស្គាល់ជ័យជម្នះលើកដំបូងក្នុងពូលD ក្រោយយកឈ្នះក្រុមគៀហ្ស៊ីគីស្ថាន ១៧-១៥ពិន្ទុ កាលពីម្សិលមិញ ។សម្រាប់កីឡាហែលទឹក បានបញ្ចូនអត្តពលិក ៤រូបចូលរួមប្រកួតកីឡាអាស៊ីឆ្នាំនេះ ហើយកីឡាការិនី ២នាក់ចុងក្រោយ ដែលបានប្រកួតពីម្សិលមិញ គឺកីឡាការិនី ឃឺន ច័ន្ទចរិយា ប្រកួតវិញ្ញាសាហែលផ្ងារ ១០០ម៉ែត្រ ឈរលេខ៨ ក្នុងស៊េរី ប្រើថិរវេលា ១នាទី និង ១០.១០វិនាទី និងកីឡាការិនី សុខ វរល័ក្ខណ វិញ្ញាសាហែលកង្កែប ១០០ម៉ែត្រ ឈរលេខ៧ ក្នុងស៊េរី ប្រើថិរវេលា ១នាទី និង ១៥.៧៤វិនាទី ពុំបានឡើងវគ្គបន្ដឡើយ ។ចំណែកកីឡាតេក្វាន់ដូវិញ អត្តពលិកចុងក្រោយរបស់ខ្លួន គឺកីឡាករ វ៉ា មិថុនា បានប្រកួតចាញ់កីឡាករនេប៉ាល់ Baral Abhishek ទាំងប្រផិតប្រផើយ បន្ទាប់ពីស្មើពិន្ទុគ្នា ៣-៣ពិន្ទុ ក្នុងទឹកទី១ តែសោកស្ដាយទឹកទី២ មិថុនា បានចាញ់ ៥-៨ពិន្ទុ នាំឲ្យអតីតម្ចាស់មេដាយមាសស៊ីហ្គេម លើកទី៣១ រូបនេះ អស់ឱកាសឡើងវគ្គបន្ដ ដូចមិត្តរួមជាតិ ៤រូបផ្សេងទៀតដែរ ។ រីឯក្រុមអត្តពលិកកីឡាគុនដាវ យូដូ និងបាល់ទះបុរសក្នុងសាល សុទ្ធតែបានធ្លាក់ត្រឹមវគ្គជម្រុះដូចគ្នា ។ដោយឡែកក្រុមបាល់បោះជម្រើសជាតិកម្ពុជា លើវិញ្ញាសា ៣នាក់ ទល់ ៣នាក់វិញ បន្ទាប់ពីរងបរាជ័យ ២ប្រកួតផ្ទួនៗ ក្រោមថ្វីដៃក្រុមជម្រើសជាតិថៃ និងកាហ្សាក់ស្ថាន កម្ពុជាបានស្គាល់ជ័យជម្នះលើកដំបូងលើក្រុមគៀហ្ស៊ីគីស្ថាន ក្នុងលទ្ធផល ១៧-១៥ពិន្ទុ មុនបន្ដប្រកួតបញ្ចប់ពូលD ជាមួយក្រុមខ្លាំងកាតា នាថ្ងៃទី២៩ ខែកញ្ញា ឆ្នាំ២០២៣ ស្អែក។រីឯវិញ្ញាសាកីឡាក្រុម ១ប្រភេទទៀត គឺកីឡាគ្រិកឃីត ដែលបានចាប់ផ្ដើមការប្រកួតដំបូងរបស់ខ្លួន កាលពីម្សិលមិញ បានចាញ់ក្រុមខ្លាំងជប៉ុន ទាំងប្រផិតប្រផើយ ដោយលទ្ធផល ១២៦-១២៥ពិន្ទុ ។ បរាជ័យនេះ នាំឲ្យក្រុមគ្រិកឃីតកម្ពុជា ត្រូវរង់ចាំអ៊ុតការប្រកួតចុងក្រោយ ជាមួយក្រុមហុងកុង និងជំនួបរវាងជប៉ុន និងហុងកុង ដើម្បីដឹងថា ក្រុមណានឹងឈរកំពូលតារាង ហើយបន្ដដំណើរទៅវគ្គ ៨ក្រុមចុងក្រោយ ។គួរដឹងថា មកទល់ពេលនេះ កម្ពុជានៅសល់កីឡា ១២ប្រភេទទៀត នឹងត្រូវបន្ដការប្រកួត ខណៈនៅថ្ងៃទី២៨ ខែកញ្ញានេះ ពុំមានអត្តពលិកកម្ពុជាត្រូវធ្វើការប្រកួតនោះទេ៕ អត្ថបទ លី ឈុនឡា

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

ក្រុមបាល់ឱបអ៊ុយរូហ្កាយបានយកឈ្នះក្រុមណាំមីប៊ីនៅទីក្រុង Lyon ប្រទេសបារាំង ដែលជាជ័យជំនះក្នុងពូលដំបូងក្នុងព្រឹត្តិការណ៍បាល់ឱបជើងឯកពិភពលោក។ គ្រាប់បាល់ Try ពីរលើកដើមវគ្គទី ១ រកបានដោយ Gerswin Mouton និង JC Greyling ក៏ដូចជាបាល់ពិន័យរបស់ Tiaan Swanepoel បានធ្វើឱ្យណាំមីប៊ីនាំមុខមុនក្នុងវគ្គទី ១។ ចូលវគ្គទី ២ អ៊ុយរូហ្កាយក៏តបតរវិញដោយគ្រាប់បាល់ Try បីរបស់ Baltazar Amaya, Santiago Arata និង Bautista Basso។ណាំមីប៊ីក្រោយមកក៏បាត់បង់កីឡាករម្នាក់នៅពេល Desiderius Sethie ត្រូវបានបណ្តេញចេញ ធ្វើឱ្យណាំមីប៊ីបាត់បង់ឱកាសស្វែងរកជ័យជំនះដំបូងក្នុងប្រវត្តិសាស្រ្តរបស់ខ្លួននៅបាល់ឱបពិភពលោក។ ជ័យជំនហរបស់អ៊ុយរូហ្កាយធ្វើឱ្យពួកគេឈរលេខ ៤ នៅក្នុងពូលនៅឡើយមាន ៥ ពិន្ទុក្រោយលេងបាន៣ ប្រកួតខណៈនូវែហ្ស៊ីឡង់មាន ៥ ពិន្ទុដែរតែលេងបានតែ ២ ប្រកួត។ បារាំង និងអ៊ីតាលីកាន់កាប់កំពូលតារាងនៃពូល A នេះដោយម្ចាស់ផ្ទះបារាំងមាន ១៣ ពិន្ទុ ខណៈអ៊ីតាលីមាន ១០ ពិន្ទុ៕ អត្ថបទ៖នាង សុភាវុធ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

ក្រុមបាល់ទាត់ឈើតុំ-ខេត្តពោធ៍សាត់ បានបញ្ចប់ក្ដីសង្ឃឹមរបស់ក្រុមយុវជនខេត្តបាត់ដំបងហើយ បន្ទាប់ពីវាយបកយកឈ្នះក្រុមម្ចាស់ផ្ទះខេត្តឧត្តរមានជ័យ ដោយលទ្ធផល ៥-១ ក្នុងជំនួបបញ្ចប់ពូលC កាលពីថ្ងៃទី២៧ ខែកញ្ញា ឆ្នាំ២០២៣ ដើម្បីឡើងទៅវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣/២៤ ។ជំនួបដ៏សំខាន់នេះ កីឡាករ ឈាវ ជិនឈាន បានរកគ្រាប់បាល់ជួយឲ្យខេត្តឧត្ដរមានជ័យ នាំមុខគូប្រកួត ១គ្រាប់មុន នៅវគ្គទី១ ប៉ុន្ដែចូលវគ្គទី២ ក្រុមភ្ញៀវឈើតុំ-ខេត្តពោធ៍សាត់ ក៏វាយបករកបាន ៥គ្រាប់ជាបន្ដបន្ទាប់វិញ ដោយកីឡាករ ប៉ាក់ វិសាល ២គ្រាប់ ព្រមទាំងមិត្តរួមក្រុមកីឡាករ ហ៊ន លីហេង, សេន យ៉ារី និង ម៉ាត់ អូម៉ីត ម្នាក់ ១គ្រាប់ ដើម្បីធានា ៣ពិន្ទុបន្ថែមតែម្ដង ។ជ័យជម្នះនេះ នាំឲ្យក្រុមឈើតុំ-ខេត្តពោធ៍សាត់ ឡើងទៅឈរលេខ២ ក្នុងពូលC ដោយមាន ១៥ពិន្ទុ ស្មើក្រុមកំពូលតារាងខេត្ដបន្ទាយមានជ័យ ហើយក្រុមទាំងពីរ បានដឹកដៃគ្នាឡើងវគ្គ ៨ក្រុមចុងក្រោយ ស្របពេលក្រុមយុវជនខេត្តបាត់ដំបង ដែលរកបាន ១៤ពិន្ទុ បានត្រឹមសោកស្ដាយ ដោយធ្លាក់មកឈរលេខ៣ វិញ ពុំទទួលបានឡើងវគ្គបន្ដនោះឡើយ ។ដោយឡែកការប្រកួតបង្គ្រប់កិច្ច ២ប្រកួតទៀត រួមមានខេត្តស្វាយរៀង បានយកឈ្នះក្រុមម្ចាស់ផ្ទះខេត្តកណ្ដាល ៨-២ មុនអស់ភារកិច្ច ដោយឈរចំណាត់ថ្នាក់លេខ៣ ក្នុងពូលB ។ រីឯក្រុមកំពូលតារាងពូលD គឺក្រុមបាល់ទាត់សន្ដិភាព-ខេត្តកំពង់ធំ បានយកឈ្នះក្រុមភ្ញៀវសមាគមកីឡាខេត្តមណ្ឌលគិរី ដោយលទ្ធផល ៤-០ មុនបន្ដដំណើរទៅវគ្គបន្ដ ។គួរដឹងថា មកទល់ពេលនេះ ពានរង្វាន់សម្ដេចតេជោ ហ៊ុន សែន ថ្នាក់ខេត្ត បានរកឃើញបេក្ខភាពឡើងវគ្គ ៨ក្រុមចុងក្រោយហើយ រួមមានពូលA គឺមានក្រុមភ្នំពេញហ្គាឡាក់ស៊ី និងខេត្តព្រះសីហនុ ។ ពូលB មានខេត្តត្បូងឃ្មុំ និងខេត្តកំពង់ចាម ។ ពូលC មានខេត្តបន្ទាយមានជ័យ និងក្រុមឈើតុំ-ខេត្ដពោធិ៍សាត់ និងពូលD មានក្រុមសន្ដិភាព-ខេត្តកំពង់ធំ ខណៈខេត្តសៀមរាប ត្រូវចាំការប្រកួតរបស់រតនៈគិរី និងខេត្តកំពង់ធំថ្ងៃទី២៩ ខែកញ្ញានេះ បើរតនៈគិរីឈ្នះរឺស្មើសៀមរាបធ្លាក់ ផ្ទុយទៅវិញបើរតនៈគិរីចាញ់ សៀមរាបឡើង៕ អត្ថបទ លី ឈុនឡា

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

កីឡាករវាយកូនបាល់លេខ ១ ពិភពលោក Novak Djokovic ដែលជាជើងឯកកម្មវិធី Rome Masters ៦ លើកនោះ បានទំលាក់រ៉ាកែតវាយកូនបាល់របស់ខ្លួនមួយឡែក ស្រវាមកចាប់ដងវាយកូនគោល បង្ហាញនៅក្នុងព្រឹត្តិការណ៍វាយកូនគោល Ryder Cup លើកទី ៤៤ តែជាការបង្ហាញដោយតារាចម្រុះ។កីឡាករស៊ែបរូបនេះទើបឈ្នះជើងឯក Grand Slam លើកទី ២៤ ក្នុងអាជីពស្មើនឹងកំណត់ត្រារបស់អតីតកីឡាការិនី Margaret Court ក្រោយឈ្នះពាន US Open កាលពីដើមខែ។ Djokovic បានចូលរួមលេងកូនគោលជាមួយកីឡាករលេខ ១ ពិភពលោកផ្នែកពិការ Kipp Popert នៃក្រុម Ryder Cup អឺរ៉ុបដឹកនាំដោយ Colin Montgomerie រួមជាមួយនឹងវត្តមាន Gareth Bale ផងដែរ។Djokovic បានចាប់ដៃគូជាមួយ Kipp Popert ប្រកួតជាមួយកីឡាករ F1 អេស្ប៉ាញ Carlos Sainz ដែលទើបឈ្នះការប្រកួតនៅសិង្ហបុរី រួមជាមួយនឹងកីឡាករវាយកូនគោលអ៊ីតាលី Tommaso Perrino ដោយជ័យជំនះបានទៅក្រុម Djokovic ៣-១។ព្រឹត្តិការណ៍វាយកូនគោល Ryder Cup នឹងចាប់ផ្តើមនៅថ្ងៃសុក្រស្អែកនេះដែលជាព្រឹត្តិការណ៍ទី ៤៤ រវាងក្រុមអាមេរិក និងអឺរ៉ុប នៅលើទឹកដីទីក្រុងរ៉ូមប្រទេសអ៊ីតាលី៕ អត្ថបទ៖នាង សុភាវុធ

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា

ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ ទទួលការងារអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ និងជាប្រធានសហព័ន្ធកីឡាសូហ្វតិន្នីស បានជំរុញឲ្យកីឡាករ-កីឡាការិនី ពិសេសយុវជនត្រូវបន្ដខំប្រឹងកាន់តែខ្លាំង ដើម្បីត្រៀមការប្រកួតនានា ក៏ដូចជាការក្របខណ្ឌអន្ដរជាតិជាដើម ។ការជំរុញនេះ ធ្វើឡើងក្នុងពិធីបិទការប្រកួតកីឡាសូហ្វតិន្នីសជ្រើសរើសជើងឯកថ្នាក់ជាតិ ឆ្នាំ២០២៣ កាលពីល្ងាចថ្ងៃទី២៧ ខែកញ្ញា នៅទីលានសហព័ន្ធ ក្នុងពហុកីឡដ្ឋានជាតិ(ស្ដាតអូឡាំពិក) បន្ទាប់ពីដំណើរការប្រកួតរយៈពេល ៥ថ្ងៃ ដែលចាប់ផ្ដើមកាលពីថ្ងៃទី២៣ ខែកញ្ញាកន្លងមក។ប្រធានសហព័ន្ធដដែល បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងរៀបចំរបស់មន្ដ្រីបច្ចេកទេសហព័ន្ធ ពិសេសការចូលរួមរបស់កីឡាករ-កីឡាការិនី តាមក្រសួង និងរាជធានី-ខេត្តនានា ។ ឯកឧត្តមថា ការប្រកួតមានឈ្នះ និងចាញ់ តែក្នុងកម្មវិធីប្រកួតឆ្នាំនេះ គឺជាឱកាសវាស់ស្ទង់សមត្ថភាពកីឡាករ-កីឡាការិនី បន្ទាប់ពីការខំប្រឹងហ្វឹកហាត់ ហើយបន្ទាប់ពីចប់ ទាំងអ្នកទទួលបានជយលាភី និងពុំទទួលបានជយលាភី ត្រូវបន្ដខំប្រឹងបន្ថែមទៀត ដើម្បីសម្រួចសមត្ថភាពឆ្ពោះទៅការប្រកួតអន្ដរជាតិនានា ពិសេសដំណើរឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី ឆ្នាំ២០២៩ តែម្ដង ។យោងតាមរបាយការណ៍ការប្រកួត ព្រឹត្តិការណ៍ប្រចាំឆ្នាំ ដែលឧបត្ថម្ភគាំទ្រដោយក្រសួងអប់រំ យុវជន និងកីឡា នេះ គឺមានប្រតិភូកីឡាចូលរួមសរុប ៩៥នាក់ មកពី ៧សមាគម ដែលធ្វើការប្រកួតលើ ១២វិញ្ញា ។ ជាលទ្ធផលសមាគមដណ្ដើមបានមេដាយច្រើនជាងគេ គឺមានសមាគមកីឡាសូហ្វតិន្នីសក្រសួងមហាផ្ទៃ ជាប់ចំណាត់ថ្នាក់លេខ១, សមាគមកីឡាសូហ្វតិន្នីសអគ្គស្នងការនគរបាលជាតិ ជាប់ចំណាត់ថ្នាក់លេខ២ និងសមាគមកីឡាសូហ្នតិន្នីស ខេត្តកំពង់ស្ពឺ ជាប់ចំណាប់ថ្នាក់លេខ៣៕ អត្ថបទ លី ឈុនឡា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

ការប្រកួតកីឡាបាល់ទាត់ក្នុងព្រឹត្តិការណ៍កីឡាអាស៊ីលើកទី ១៩ នៅទីក្រុងហាន់ចូវប្រទេសចិន រកបានក្រុមឡើងវគ្គ ៨ ក្រុមចុងក្រោយបណ្តើៗហើយ ខណៈម្ចាស់ផ្ទះចិន និងបងប្អូនកូរ៉េទាំងពីរសុទ្ធតែកក់កៅអីវគ្គបន្ត។គូដំបូងនេះ ក្រុមម្ចាស់ផ្ទះចិនបានយកឈ្នះក្រុមកាតា ១-០ ដោយគ្រាប់បាល់របស់ Tao Qianglong តាំងពីនាទីទី ៣ និងមិនមានគ្រាប់បន្ថែមឡើយ តែវគ្គទី ២ ក្រុមទាំងពីរមានការប៉ះទង្គិចគ្នាមុនចប់ការប្រកួត។ ម៉ោងដំណាល់គ្នាដែរ ហុងកុងក៏បានបន្តដំណើរទៅវគ្គ ៨ ក្រុមចុងក្រោយដែរក្រោយយកឈ្នះប៉ាឡេស្ទីន ១-០ ដូចគ្នា ដោយគ្រាប់បាល់របស់ Matthew Orr នៅនាទីទី ៤៨។ ងាកមកក្រុមការពារមេដាយមាសកូរ៉េ មិនមានឧបសគ្គធំដុំឡើយនៅពេលជួបជាមួយគីជីស្ថាន ក្រោយយកឈ្នះលទ្ធផលធំធេង ៥-១។ ពីរគ្រាប់នាំមុខរបស់កូរ៉េកើតឡើងតាំងពី ២ ដំបូងមុនពេលដែលគីជីស្ថានតបបានមួយគ្រាប់វិញ តែកូរ៉េក៏បន្ថែមការនាំមុខ ៣ គ្រាប់ទៀតនៅវគ្គទី ២។ គូបន្តទៀតនេះ អ៊ីរ៉ង់ទំលាកថៃជាមួយនឹងជ័យជំនះ ២-០ ខណៈដែលកូរ៉េខាងជើងបន្តជ័យជំនះទី ៤ របស់ខ្លួននៅកីឡាអាស៊ីឆ្នាំនេះក្រោយយកឈ្នះបារ៉ែន ២-០ ផងដែរ។ វគ្គ ១៦ ក្រុមចុងក្រោយនឹងត្រូវប្រកួតបន្តទៀតថ្ងៃនេះ តែវគ្គ ៨ ក្រុមចុងក្រោយបានគូជួបគ្នាខ្លះដែររួមមានចិន ត្រូវជួបក្រុមការពារមេដាយកូរ៉េ អ៊ីរ៉ង់ជួបហុងកុង ខណៈកូរ៉េខាងជើងរង់ចាំជួបអ្នកឈ្នះរវាងជប៉ុន និងមីយ៉ាន់ម៉ា៕ អត្ថបទ៖នាង សុភាវុធ

Jessica Hawkins ក្លាយជាកីឡាការិនីដំបូងបើកបរសាកល្បងរថយន្ត F1 តាំងពីឆ្នាំ ២០១៨

កីឡាការិនីប្រណាំងរថយន្តអង់គ្លេស Jessica Hawkins បានក្លាយជាអ្នកបើកបរជានារីដំបូងក្នុងរយៈពេល ៥ឆ្នាំ ដែលបានបើកបរសាកល្បងរថយន្ត Formula One។ក្រុមប្រណាំង Aston Martin បានប្រកាសនៅថ្ងៃអង្គារថា Jessica Hawkins បានបំពេញរួចរាល់ការបើកបរសាកល្បងលើករថយន្តឆ្នាំ ២០២១ របស់ Aston Martin ចំនួន ២៦ ជុំនៅទីលាន Hungaroring ទីក្រុង Budapest ប្រទេសហុងគ្រីសប្តាហ៍មុន។ អតីតកីឡាការិនីដែលធ្លាប់ប្រណាំងការប្រកួតរបស់នារី Women Series វ័យ ២៨ ឆ្នាំរូបនេះបានបើកបរសាកល្បង ជាមួយនឹងកីឡាករបម្រុងរបស់ Aston Martin ម្នាក់ទៀត Felipe Drugovich។សូមរំលឹកថា កន្លងមកក៏ធ្លាប់មានអ្នកបើកបរជានារីបើកបរសាកល្បងរថយន្ត Formula One ដែរកីឡាការិនីកូឡុំប៊ី Tatiana Calderon ដែលបានបើកបររថយន្ត Sauber បច្ចុប្បន្ន Alfa Romeo នៅទីលានប្រណាំង Hermanos Rodriguez ប្រទេសម៉ិកស៊ិកកាលពីខែតុលាឆ្នាំ ២០១៨៕ អត្ថបទ៖នាង សុភាវុធ

កីឡាករវាយកូនបាល់រុស្ស៊ី Karen Khachanov ឈ្នះពានដំបូងក្នុងរយៈពេល ៥ ឆ្នាំ

កីឡាករវាយកូនបាល់រុស្ស៊ី Karen Khachanov ដណ្តើមបានជើងឯកនៅក្នុងក្របខណ្ឌ Tour លើកដំបូងក្នុងរយៈពេល ៥ ឆ្នាំក្រោយយកឈ្នះកីឡាករជប៉ុន Yoshihito Nichioka នៅវគ្គផ្តាច់ព្រ័ត្រក្របខណ្ឌ ATP 250 ពានរង្វាន់ Zhuhai Championship នៅលើទឹកដីចិន។នេះជាការវិលត្រលប់មកការប្រកួតទីពីរប៉ុណ្ណោះសម្រាប់ Karen Khachanov តាំងពីចាញ់នៅវគ្គ ៨ នាក់ចុងក្រោយ French Open កាលពីខែឧសភាដោយសារបញ្ហារបួសខ្នង។មុនឡើងដល់វគ្គផ្តាច់ព្រ័ត្រនេះ កីឡាករវ័យ ២៧ ឆ្នាំរុស្ស៊ីរូបនេះចាញ់តែ ១ សិតប៉ុណ្ណោះ ខណៈវគ្គផ្តាច់ព្រ័ត្របានយកឈ្នះកីឡាករជប៉ុន Nishioka ពីរសិតផ្ទួនៗ ៧-៦(៧-២) និង ៦-១។ រំលឹកថា Karen Khachanov ធ្លាប់ឈ្នះជើងឯកនៅក្របខណ្ឌ Tour ៤ លើករួចមកហើយ ខណៈចុងក្រោយបំផុតគឺឈ្នះនៅទីក្រុងប៉ារីសប្រទេសបារាំងតាំងពីឆ្នាំ ២០១៨៕ អត្ថបទ៖នាង សុភាវុធ

UEFA អនុញ្ញាតឱ្យក្រុម U17 រុស្ស៊ីប្រកួតនៅក្របខណ្ឌអឺរ៉ុបបានវិញ

សមាគមបាល់ទាត់អឺរ៉ុប UEFA បានបញ្ជាក់ថា ក្រុមយុវជនអាយុក្រោម ១៧ ឆ្នាំរុស្ស៊ីនឹងត្រូវបានអនុញ្ញាតឱ្យចូលរួមការប្រកួតក្របខណ្ឌអឺរ៉ុបលើកដំបូងតាំងពីរុស្ស៊ីធ្វើសង្គ្រាមលើទឹកដីអ៊ុយក្រែន ១៩ ខែមុន។ UEFA បានបញ្ជាក់ក្នុងសេចក្តីថ្លែងការរបស់ខ្លួនថា ក្មេងប្រុស និងក្មេងស្រីមិនគួរទទួលទណ្ឌកម្មតាមរយៈសកម្មភាពរបស់មនុស្សពេញវ័យឡើយ។ រំលឹកថា UEFA បានសម្រេចដាក់បម្រាមឱ្យក្រុមកីឡារុស្ស៊ីចូលរួមការប្រកួតកីឡានានានៅក្របខណ្ឌអឺរ៉ុបតាំងពីសង្រ្គាមឈ្លានពានរបស់រុស្ស៊ីនៅលើទឹកដីអ៊ុយក្រែនកាលពីខែកុម្ភៈឆ្នាំ ២០២២។ តាំងពីពេលនោះមក វិធានការហាមប្រាមផ្សេងៗក៏ត្រូវបានដាក់ឡើងពី UEFA ដូចជា ការដកសិទ្ធិធ្វើម្ចាស់ផ្ទះវគ្គផ្តាច់ព្រ័ត្រ UEFA Champions League ២០២២ ដែលគ្រោងធ្វើនៅទីក្រុង St. Petersburg និងវគ្គផ្តាច់ព្រ័ត្រ UEFA Super Cup ២០២៣ ដែលគ្រោងធ្វើទៅទីក្រុង Kazan ក៏ដូចជាផ្តាច់ទំនាក់ទំនងជាមួយដៃគូឧបត្ថម្ភជាមួយក្រុមឧស្ម័នរុស្ស៊ី Gazprom ផងដែរ។ សម្រាប់ការអនុញ្ញាតឱ្យក្រុមយុវជនរុស្ស៊ីចូលរួមការប្រកួតនោះរួមមានការប្រកួតបាល់ទាត់អឺរ៉ុបអាយុក្រោម ១៧ ឆ្នាំដែលគ្រោងធ្វើនៅកោះស៊ីបឆ្នាំក្រោយ និងផ្នែកយុវនារីធ្វើឡើងនៅប្រទេសស៊ុយអែតឆ្នាំក្រោយដូចគ្នា។ តែការចូលរួមរបស់ក្រុម U17 រុស្ស៊ីទាំងពីរភេទមិនត្រូវអនុញ្ញាតឱ្យពាក់ឯកសណ្ឋានជម្រើសជាតិរុស្ស៊ី មានទង់ជាតិរុស្ស៊ី និងគោរពភ្លេងជាតិរុស្ស៊ីឡើយ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

Jessica Hawkins ក្លាយជាកីឡាការិនីដំបូងបើកបរសាកល្បងរថយន្ត F1 តាំងពីឆ្នាំ ២០១៨

កីឡាករវាយកូនបាល់រុស្ស៊ី Karen Khachanov ឈ្នះពានដំបូងក្នុងរយៈពេល ៥ ឆ្នាំ

UEFA អនុញ្ញាតឱ្យក្រុម U17 រុស្ស៊ីប្រកួតនៅក្របខណ្ឌអឺរ៉ុបបានវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះ​លើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូង​នៅការប្រកួតបាល់ឱប​ពិភពលោកឆ្នាំនេះ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹង​ត្រៀមការ​ប្រកួតអន្ដរជាតិនានា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

Jessica Hawkins ក្លាយជាកីឡាការិនីដំបូងបើកបរសាកល្បងរថយន្ត F1 តាំងពីឆ្នាំ ២០១៨

កីឡាករវាយកូនបាល់រុស្ស៊ី​ Karen Khachanov ឈ្នះពានដំបូងក្នុងរយៈពេល ៥ ឆ្នាំ

UEFA អនុញ្ញាតឱ្យក្រុម U17 រុស្ស៊ីប្រកួតនៅក្របខណ្ឌអឺរ៉ុបបានវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា

កីឡាករវាយកូនបាល់រុស្ស៊ី Karen Khachanov ឈ្នះពានដំបូងក្នុងរយៈពេល ៥ ឆ្នាំ