BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

ការបង្ហាញខ្លួនដំបូងឱ្យ Real Madrid របស់កីឡាករវ័យក្មេងទួកគី Arda Guler ត្រូវពន្យាពេលដោយសាររបួស

កីឡាករចំនូលថ្មីវ័យ ១៨ ឆ្នាំទួកគីរបស់ Real Madrid, Arda Guler បានទទួលរងរបួសភ្លៅមួយទៀត នេះបើតាមការបញ្ជាក់របស់ Real Madrid ដែលធ្វើឱ្យការបង្ហាញខ្លួនដំបូងឱ្យក្លិបត្រូវពន្យាពេលបន្ថែមទៀត។កីឡាករវ័យ ១៨ ឆ្នាំរូបនេះបានត្រលប់ពីការប្រកួតមិត្តភាព Pre-Season នៅអាមេរិកមុនគេដោយសារបញ្ហាជង្គង់ ដែលត្រូវបានវះកាត់ជោគជ័យកាលពីខែសីហា។Guler ក៏បានវិលត្រលប់មកធ្វើការហ្វឹកហាត់វិញចុងសប្តាហ៍កន្លងទៅ តែក៏មានរបួសផ្សេងមួយទៀត បង្អាក់ការបង្ហាញខ្លួនដំបូងទល់នឹង Las Palmas យប់ថ្ងៃពុធនេះ។ Real Madrid មិនបានបញ្ជាក់ពេលវេលានៃការវិលត្រលប់ពីរបួសរបស់ Arda Guler ឡើយ តែសារព័ត៌មាននៅអេស្ប៉ាញថា នឹងត្រូវសម្រាកប្រហែលបីសប្តាហ៍។របួសរបស់ Arda Guler ជាបញ្ហាបន្ថែមទៀតសម្រាប់ Real Madrid ដែលកំពុងមានកីឡាកររបួសមួយចំនួនរួមមាន Dani Carvajal, Vinicius Junior មានរបួសភ្លៅ ខណៈអ្នកចាំទី Thibaut Courtios និង Eder Militao មានរបួសដែលត្រូវសម្រាកពេញមួយរដូវកាល។ Real Madrid កំពុងឈរលេខ ៣ នៅ La Liga រដូវកាលនេះក្រោយលេងបាន ៦ ប្រកួតឈ្នះ ៥ ចាញ់ ១ ខណៈថ្ងៃសៅរ៍នេះនឹងត្រូវធ្វើដំណើរទៅទឹកដីក្រុមលេខ ២ Girona៕ អត្ថបទ៖នាង សុភាវុធ

ក្រុមការពារជើងឯក Manchester United ឈ្នះ Crystal Palace ឡើងជុំទី ៤ Carabao Cup

ក្រុមការពារតំណែងជើងឯក Carabao Cup បិសាចក្រហម Manchester United បានបន្តដំណើរទៅជុំទី ៤ ហើយក្រោយជ័យជំនះ ៣-០ ក្នុងទឹកដីរបស់ខ្លួនលើក្រុមភ្ញៀវ Crystal Palace។គ្រាប់បាល់ពីរគ្រាប់នៅវគ្គទី ១ ដោយកីឡាករអាហ្សង់ទីន Alejandro Garnacho និងកីឡាករប្រេស៊ីល Casemiro នាំផ្លូវ Manchester United ទៅវគ្គទី ១៦ ក្រុមចុងក្រោយទៅហើយមុនពេលដែលខ្សែប្រយុទ្ធបារាំង Anthony Martial បន្ថែមមួយគ្រាប់ទៀតនៅវគ្គទី ២។ក្រុមរបស់លោក Erik ten Hag ប្រឈមនឹងបញ្ហាមិនចេះចប់ពីមួយសប្តាហ៍ទីមួយសប្តាហ៍ ខណៈជ័យជំនះ ៣-០ លើ Crystal Palace នេះជាជ័យជំនះដែលមានគំលាតគ្រាប់ច្រើនបំផុតក្នុងរដូវកាលនេះ។ ប្រកួតនេះដែរកីឡាករដែលរបួសមួយចំនួនបានវិលត្រលប់មកវិញដូចជា Mason Mount និងកីឡាករចំនូលថ្មី Sofyan Amrabat ស្ថិតក្នុងជម្រើស ១១ នាក់ដំបូង។ ក្រុមទាំងពីរ Manchester United និង Crystal Palace នឹងត្រូវជួបគ្នាម្តងទៀតចុងសប្តាហ៍នេះនៅក្របខណ្ឌ English Premier League នៅទឹកដី Old Trafford ដដែល៕ អត្ថបទ៖នាង សុភាវុធ

Bayern Munich ឈ្នះនៅទឹកដីក្រុមលីគទី ៣ អាល្លឺម៉ង់ជុំទី German Cup តែអ្នកគាំទ្រមិនសប្បាយចិត្ត

ក្រុមជើងឯក Bundesliga, Bayern Munich បានឆ្លងផុតជុំទី ១ ពានរង្វាន់ German Cup ក្រោយជ័យជំនះ ៤-០ នៅទឹកដីក្លិបលីគទី ៣ អាល្លឺម៉ង់ Preussen Muenster តែអ្នកគាំទ្រ Bayern Munich មួយចំនួនមិនសប្បាយចិត្ត។ បន្ទាប់ពីគ្រាប់បាល់នាំមុខដោយ Choupo-Moting នៅនាទីទី ៩ អ្នកគាំទ្រក៏បានចោលគ្រាប់បាល់តិន្នីសមកលើទីលាន ដោយពួកគេមិនសប្បាយចិត្តចំពោះកាលវិភាគប្រកួតរបស់សហព័ន្ធបាល់ទាត់អាល្លឺម៉ង់។ ការប្រកួតនេះត្រូវបានលើកពេលស្ទើពេញមួយខែ បន្ទាប់ពីកាលវិភាគប្រកួតកាលពីខែសីហានោះត្រូវជំនួសដោយ ការប្រកួតពានរង្វាន់ German Super Cup ទៅវិញ។ ជើងឯក ២០ សម័យ Bayern Munich បានទុកកីឡាករសំខាន់ៗមួយចំនួនឱ្យសម្រាកដូចជាខ្សែប្រយុទ្ធអង់គ្លេស Harry Kane ជាដើមតែនៅតែមិនមានបញ្ហារកគ្រាប់បាល់ឡើយ។ Konrad Laimer ជាអ្នកតែបញ្ចូលទីគ្រាប់ទីពីរមុនចប់វគ្គទី ១ នាទីទី ៤០ មុនពេលដែល Frans Kraetzig បន្ថែមគ្រាប់ទីបីនៅនាទីទី ៤៥+៥។ កីឡាករវ័យ ១៨ ឆ្នាំ Mathys Tel ជាអ្នកសំរេចគ្រាប់បាល់ទី ៤ នៅចុងវគ្គទី ២ ឱ្យ Bayern Munich ឈ្នះនៅទឹកដី Preussen Muenster ៤-០ បន្តទៅជុំទី ២ German Cup។Bayern Munich នឹងត្រូវធ្វើដំណើរទៅទឹកដី Leipzig ចុងសប្តាហ៍នេះក្របខណ្ឌអាល្លឺម៉ង់ Bundesliga៕ អត្ថបទ៖នាង សុភាវុធ

អត្តពលិកជាង ១០០នាក់ចូលរួមប្រកួតកីឡាអត្តពលកម្មជើងឯកថ្នាក់ជាតិ ឆ្នាំ២០២៣

ការប្រកួតកីឡាអត្តពលកម្មជ្រើសរើសជើងឯកថ្នាក់ជាតិ ឆ្នាំ២០២៣ បានចាប់ផ្ដើមដំណើរការប្រកួតហើយ ដោយមានអត្តពលិកចូលរួមសរុប ១២៣នាក់ មកពី ១១រាជធានី-ខេត្ត និង ៣ក្រសួង ។ នេះបើយោងតាមរបាយការគណៈកម្មការរៀបចំការប្រកួត ។មន្ដ្រីរៀបចំការប្រកួតបានបញ្ជាក់ថា ព្រឹត្តិការណ៍ប្រចាំឆ្នាំ ដែលឧតបត្ថម្ភគាំទ្រដោយក្រសួងអប់រំ យុវជន និងកីឡានេះ មានរយៈពេល ៣ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែកញ្ញា ឆ្នាំ២០២៣ ។ ចំពោះវិញ្ញាសាប្រកួត សរុបមាន ២០វិញ្ញាសា ដែលធ្វើការប្រកួតនៅទីតាំងធំៗពីរ រួមមាននៅពហុកីឡដ្ឋានជាតិ(ស្ដាតអូឡាំពិក) និងនៅវិទ្យាស្ថានជាតិអប់រំកាយ និងកីឡា ។ការប្រកួតនេះ ត្រូវបានចាត់ទុកជាផ្នែកមួយដ៏សំខាន់ នៃផែនការយុទ្ធសាស្ដ្ររបស់សហព័ន្ធ ដើម្បីជំរុញការអភិវឌ្ឍន៍សមត្ថភាពកីឡាករ-កីឡាការិនី មកពីបណ្ដារាជធានី-ខេត្ត និងក្រសួង-ស្ថាប័ននានា ឆ្ពោះទៅរកចម្រាញ់រកធនធានកីឡាករ-កីឡាការិនីឆ្នើម សម្រាប់ចូលរួមជំរំហ្វឹកហាត់ជាមួយក្រុមជម្រើសជាតិ ដើម្បីត្រៀមការប្រកួតអន្ដរជាតិនានា ពិសេសអត្តពលិកវ័យក្មេង សម្រាប់ត្រៀមការប្រកួតកីឡាយុវជនអាស៊ី ឆ្នាំ២០២៩ ដែលកម្ពុជាធ្វើជាម្ចាស់ផ្ទះតែម្ដង៕ អត្ថបទ លី ឈុនឡា

Real Madrid គ្រោងយក Xabi Alonso ពី Leverkusen មកជំនួស Carlo Ancelotti

អតីតខ្សែបម្រើអេស្ប៉ាញ Xabi Alonso នឹងក្លាយជាអ្នកចាត់ការ Real Madrid រដូវកាលក្រោយជំនួសលោក Carlo Ancelotti នេះបើតាមការចុះផ្សាយជាច្រើនលើទំព័រសារព័ត៌មានកីឡាធំនៅអឺរ៉ុប។អតីតខ្សែបម្រើ Liverpool រូបនេះទើបទទួលបានតំណែងជាអ្នកចាត់ការនៅក្របខណ្ឌកំពូលមិនទាន់បានមួយឆ្នាំនៅឡើយ បន្ទាប់ពីត្រូវបានតែងតាំងឱ្យដឹកនាំក្លិបអាល្លឺម៉ង់ Bayer Leverkusen កាលពីខែតុលារដូវកាលមុន ក្រោយចាកចេញពីការដឹកនាំក្រុម Real Sociedad B រយៈពេល ៣ ឆ្នាំ។ សារព័ត៌មានអេស្ប៉ាញ Marca បានឱ្យដឹងថា Real Madrid បានចាត់ទុក Xabi Alonso គឺជាជម្រើសដំបូងដែលនឹងមកជំនួសតំណែងលោក Carlo Ancelotti ដែលនឹងអាចទៅដឹកនាំក្រុមជម្រើសជាតិប្រេស៊ីលនៅឆ្នាំក្រោយ។ បុរសវ័យ ៤១ ឆ្នាំ Xabi Alonso បានក្លាយជាបេក្ខភាពឈានមុខគេ បន្ទាប់ពីការចាប់ផ្តើមរដូវកាលដ៏អស្ចារ្យរបស់ Bayer Leverkusen រដូវកាលនេះតាមរយៈជ័យជំនះ ៤ ប្រកួតស្មើ ១ ប្រកួតមាន ១៣ ពិន្ទុស្មើគ្នាជាមួយ Bayern Munich។ ជាងនេះទៅទៀត Alonso ដែលទទួលតំណែងពីលោក Gerardo Seoane នៅខែតុលាឆ្នាំមុននោះ គឺចំពេលដែល Leverkusen ឈរបាតតារាង និងជួយឱ្យ Leverkusen បញ្ចប់រដូវកាលមុននៅចំណាត់ថ្នាក់លេខ ៦ រដូវកាលមុន និងឡើងដល់វគ្គពាក់កណ្តាលផ្តាច់ព្រ័ត្រ Europa League ទៀតផង៕ អត្ថបទ៖នាង សុភាវុធ

Asian Games៖ គ្រិកឃីតចាប់ផ្ដើមប្រកួតថ្ងៃនេះ ខណៈកីឡាមួយចំនួន ពុំទាន់គាប់ប្រសើរនៅឡើយ

ក្រុមកីឡាគ្រិកឃីតជម្រើសជាតិកម្ពុជា នឹងត្រូវបើកយុទ្ធនាការប្រកួតកីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន នារសៀលថ្ងៃទី២៧ ខែកញ្ញា ឆ្នាំ២០២៣ ស្របពេលប្រភេទកីឡាផ្សេងៗ ហាក់មិនទាន់គាប់ប្រសើរនៅឡើយ ដូចជាកីឡាហែលទឹក តេក្វាន់ដូ និងបាល់បោះជាដើម ។សម្រាប់ក្រុមគ្រិកឃីតកម្ពុជា គឺស្ថិតក្នុងពូលB ជាមួយក្រុមជប៉ុន និងហុងកុង ខណៈប្រកួតបើកឆាកនារសៀលនេះ កម្ពុជាត្រូវជួបជប៉ុនមុនគេ មុនជួបក្រុមហុងកុង នាថ្ងៃទី២៩ ខែកញ្ញា ។ វិញ្ញាសាគ្រិកឃីតបុរសនេះ គឺបែងចែកជា ៣ពូល ដើម្បីចម្រាញ់រកក្រុមលេខ១ នៃពូលនីមួយៗ ឡើងទៅវគ្គ ៨ក្រុមចុងក្រោយ ដែលមានក្រុមខ្លាំង ៥ ទៀត កំពុងឈរចាំ រួមមានឥណ្ឌា ប៉ាគីស្ថាន ស្រីលង្ការ បង់ក្លាដែស និងអាហ្វហ្គានីស្ថាន ។ក្រឡេកទៅចាប់អារម្មណ៍កីឡាផ្សេងៗ ដែលចាប់ផ្ដើមការប្រកួតមុន មកទល់ពេលនេះ ពុំទាន់មានអត្តពលិកណាធ្វើបានល្អនោះទេ ជាក់ស្ដែងកាលពីម្សិលមិញ ក្រុមបាល់បោះកម្ពុជា បន្ដចាញ់ក្រុមកាហ្សាក់ស្ថាន ២១-១៣ពិន្ទុ ក្នុងពូលD មុនបន្ដជួបក្រុមគៀហ្ស៊ីគីស្ថាន នៅរាត្រីថ្ងៃពុធនេះ ។ រីឯកីឡាការិនីតេក្វាន់ដូ WT ឈឿង អាលីហ្សា និង ម៉ម ជូលី ក៏បានធ្លាក់ត្រឹមវគ្គជម្រុះដែរ ។ចំណែកកីឡាករទូកក្ដោង ៣រូប បន្ទាប់ពីឆ្លងកាត់ការប្រកួតសន្សំពិន្ទុ ៣ថ្ងៃកន្លងមក កីឡាករ កែវ ភារុណ កំពុងឈរលេខ៥/៦ ខណៈកីឡាករ កែវ ភានុន ឈរលេខ៨/៩ និងកីឡាករ ញ៉ូវ ចាន់ ឈរលេខ១២/១៣ ជាបណ្ដោះអាសន្ននៅឡើយ មុនបន្ដការប្រកួតសន្សំពិន្ទុ នៅថ្ងៃទី២៧ ខែកញ្ញា តាមវិញ្ញាសារៀងៗខ្លួនទៀត ។គួរដឹងថា មកទល់ពេលនេះ ក្នុងចំណោមអត្តពលិក ១៧ប្រភេទកីឡា ដែលកម្ពុជាបញ្ជូនទៅចូលរួមប្រកួតកីឡាអាស៊ី នៅទីក្រុង Hangzhou គឺមាន ២ប្រភេទកីឡា បានបញ្ចប់ភារកិច្ចរបស់ខ្លួន រួមមានក្រុមបាល់ទះ និងកីឡាយូដូ ។ រីឯកីឡា ២ប្រភេទទៀត នឹងបញ្ចប់ការប្រកួតរបស់ខ្លួនថ្ងៃនេះ ប្រសិនបើពុំមានអត្តពលិករបស់ខ្លួនឡើងវគ្គបន្ដ គឺកីឡាតេក្វាន់ដូ ដែលសល់កីឡាករ វ៉ា មិថុនា ត្រូវប្រកួតជម្រុះជាមួយកីឡាករឥណ្ឌូនេស៊ី Tyagi Shivansh និងកីឡាការិនីហែលទឹក ២រូប ត្រូវប្រកួតជម្រុះ នៅថ្ងៃពុធនេះ ៕ អត្ថបទ លី ឈុនឡា

ម្ចាស់ផ្ទះចិនឈ្នះមេដាយមាសកីឡាអេឡិចត្រូនិចដំបូងក្នុងព្រឹត្តិការណ៍កីឡាអាស៊ី

ម្ចាស់ផ្ទះដណ្តើមបានមេដាយមាសដំបូង ក្នុងប្រភេទកីឡាអេឡិចត្រូនិចនៅព្រឹត្តិការណ៍កីឡាអាស៊ីក្រោយយកឈ្នះក្រុមម៉ាឡេស៊ីនៅវគ្គផ្តាច់ព្រ័ត្រ។បន្ទាប់ពីក្លាយជាកីឡាបង្ហាញនៅកាកីឡាអាស៊ីឆ្នាំ ២០១៨ ប្រទេសឥណ្ឌូនេស៊ី វាជាផ្នែកមួយនៃការប្រកួតដណ្តើមមេដាយជាលើកដំបូងក្នុងឆ្នាំនេះ។កីឡាអាស៊ីនៅទីក្រុង Hangzhou ឆ្នាំនេះមានហ្គេមកុំព្យូទ័រចំនួន ៥ វិញ្ញាសា និងហ្គេមទូរស័ព្ទចំនួន ២ វិញ្ញាសា ដែលត្រូវយកមកប្រកួតលើសង្វៀនប្រយុទ្ធតាមអ៊ីនធឺណិតដែលមានទាំងឯកត្តជន និងជាក្រុម។ហ្គេមអនឡាញកំពុងរីកដុះដាលទូទាំងពិភពលោកចំពោះអ្នកលេង និងប្រាក់ចំណូល ហើយការប្រកួតកីឡាអេឡិចត្រូនិកនៅកីឡដ្ឋាន ៤៥០០ កៅអីដែលសាងសង់ឡើងក្នុងទីក្រុង Hangzhou បានបង្ហាញថាជាព្រឹត្តិការណ៍ដ៏ពេញនិយមបំផុតមួយនៅក្នុងហ្គេមនៅឆ្នាំនេះ។គណៈកម្មាធិការអូឡាំពិកអន្តរជាតិធ្លាប់មានបំណងដាក់បញ្ចូលកីឡាអេឡិចត្រូនិចនេះ នៅក្នុងព្រឹត្តិការណ៍កីឡាអូឡាំពិកដែរដោយសារតែលទ្ធភាពនៃប្រាក់ចំណូល ប៉ុន្តែប្រធាន IOC លោក Thomas Bach បានប្រឆាំងនឹងអំពើហឹង្សាដែលបានបង្ហាញនៅក្នុងកីឡាអេឡិចត្រូនិក។Arena of Valor Asian Games Version ដែលត្រូវបានគេស្គាល់ផងដែរថាជា Honor of Kings គឺជាហ្គេមទូរស័ព្ទដែលដាក់ក្រុមពីរដែលមានប្រាំនាក់ទល់នឹងគ្នានៅលើសមរភូមិ។ហ្គេមផ្សេងទៀតនៅក្នុងការប្រកួតក្នុងឆ្នាំនេះគឺ៖ League of Legends; Peace Elite Asian Games Version (ត្រូវបានគេស្គាល់ផងដែរថាជា PUBG Mobile); Dota 2; Dream Three Kingdoms 2; Street Fighter V: Champion Edition; និង EA Sports FC (ត្រូវបានគេស្គាល់ផងដែរថាជា FIFA Online 4)៕ អត្ថបទ៖នាង សុភាវុធ

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

សហព័ន្ធកីឡាកាយសម្ព័ន្ធកម្ពុជា បានរៀបចំវគ្គបណ្ដុះបណ្ដាលគ្រូបង្វឹកអាអេរ៉ូប៊ិកកម្រិត១ និងបោះជំរំ រយៈពេល ៥ថ្ងៃ ចាប់ពីថ្ងៃទី២២-២៦ ខែកញ្ញា ឆ្នាំ២០២៣ នៅខេត្តកំពង់ឆ្នាំង ដើម្បីពង្រឹងជំនាញគ្រូបង្វឹកតាមក្លិប និងធានាបាននូវនិរន្ដរភាពនៃការអភិវឌ្ឍ តាមរយៈការរួមចំណែកបណ្ដុះបណ្ដាលធនធានកីឡាករ-កីឡាការិនីបន្ដវេន ។លោក ណយ ផាណា អគ្គលេខាធិការសហព័ន្ធ បានបញ្ជាក់ថា វគ្គបណ្ដុះបណ្ដាល ទទួលបានការឧបត្ថម្ភគាំទ្រពីក្រសួងអប់រំ យុវជន និងកីឡានេះ មានសិក្ខាកាមចូលរួម ២២នាក់ ក្នុងនោះមានស្ដ្រី ៤នាក់ មកពី ៤រាជធានី-ខេត្ត រួមមានរាជធានីភ្នំពេញ ខេត្តកំពង់ចាម ខេត្តក្រចេះ និងម្ចាស់ផ្ទះខេត្តកំពង់ឆ្នាំង ។ លោកថា វគ្គនេះ ពិតជាមានសារៈសំខាន់ ដើម្បីបញ្ជ្រាបចំណេះដឹង បង្កើននូវសមត្ថភាពបច្ចេកទេសជូនដល់លោកគ្រូ-អ្នកគ្រូ តាមបណ្ដាក្លិបកីឡាកាយសម្ព័ន្ធ ក៏ដូចជាកីឡាករ-កីឡាការិនីវ័យក្មេង ដែលបានចូលរួមបោះជំរំ។មន្ដ្រីជំនាញដដែលបន្ដថា ដោយសារគ្រូបង្វឹកតាមក្លិប នៃខេត្តមួយចំនួន នៅមានកម្រិត ដូច្នេះទើបសហព័ន្ធរៀបចំវគ្គនេះ ដោយអញ្ជើញគ្រូឧទ្ទេសកម្រិតអន្ដរជាតិពីរាជធានីភ្នំពេញ ដើម្បីចែករំលែកចំណេះដឹង និងពន្យល់ពីគន្លឹះសំខាន់ៗ ដើម្បីអភិវឌ្ឍន៍ធនធានកីឡាករ-កីឡាការិនីកីឡាកាយសម្ព័ន្ធឲ្យកាន់តែប្រសើរឡើង ស្របតាមនិយាមអន្ដរជាតិ ពិសេសដើម្បីចូលរួមផលិតធនធានកីឡាករ-កីឡាការិនីវ័យក្មេង ត្រៀមឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី លើកទី៥ ឆ្នាំ២០២៩ នៅកម្ពុជាផងដែរ ៕ អត្ថបទ លី ឈុនឡា

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាករហែលទឹកកូនកាត់ខ្មែរ-បារាំង កូសុងដឹ ឡាប៉ារង់អង់ត្វ័នម៉ាកាំងក្ដូឌ (Antoine) បានបំបែកកំណត់ត្រាជាតិ(National Record) លើវិញ្ញាសាហែលរបៀបផ្ងារ ៥០ម៉ែត្របុរស បន្ទាប់ពីប្រើថិរវេលាត្រឹម ២៦.៧៧វិនាទី នៅក្នុងការប្រកួតកីឡាអាស៊ី(Asian Games) លើកទី១៩ នៅទីក្រុង Hangzhou ប្រទេសចិន កាលពីថ្ងៃទី២៥ ខែកញ្ញា ឆ្នាំ២០២៣ ។យោងតាមគ្រូបង្វឹកលោក ហែមថុន ពន្លឺ បានបញ្ជាក់ថា Antoine មិនបានឡើងវគ្គបន្ដក្នុងព្រឹត្តិការណ៍ប្រជុំដោយកីឡាករជើងខ្លាំងនេះទេ ប៉ុន្ដែថិរវេលា ដែលរូបគេធ្វើបានលើវិញ្ញាសាហែលផ្ងារ ៥០ម៉ែត្រ គឺប្រកៀកប្រកិតជាមួយបណ្ដាកីឡាករអាស៊ាន ហើយបើធៀបនឹងលទ្ធផលស៊ីហ្គេម ឆ្នាំ២០២៣ កីឡាករជម្រើសជាតិកម្ពុជារូបនេះ ឈរលំដាប់លេខរៀងទី៦ ។គ្រូបង្វឹកដដែលរំលឹកថា កាលពីស៊ីហ្គេម លើកទី៣២ ក្នុងវិញ្ញាសាដូចគ្នា កីឡាករកូនកាត់ខ្មែរ-បារាំងរូបនេះ ប្រើថិរវេលា ២៦.៩៦វិនាទី តែពេលនេះ គេប្រើថិរវេលាត្រឹម ២៦.៧៧វិនាទីប៉ុណ្ណោះ ដែលនាំឲ្យគេបានបំបែកកំណត់ត្រាចាស់របស់ខ្លួន ពិសេស Antoine បានបំបែកកំណត់ត្រាជាតិ ដោយបានក្លាយជាកីឡាករកម្ពុជាដំបូង ដែលប្រើថិរវេលាតិចជាងគេទៀតផង ។ដំណាលគ្នានឹងការបំបែកកំណត់ត្រាជាតិលើវិញ្ញាហែលផ្ងារ ៥០ម៉ែត្រ កីឡាករ កូសុងដឹ ឡាប៉ារង់អង់ត្វ័នម៉ាកាំងក្ដូឌ ដដែល ក៏ធ្វើបានល្អលើវិញ្ញាសាហែល ៥០ម៉ែត្រសេរីផងដែរ ដោយប្រើថិរវេលា ២៤.៥៣វិនាទី ឈរលេខរៀងទី២ ក្នុងស៊េរី តែសោកស្ដាយគេមិនបានឈានទៅវគ្គបន្ដ ដោយសារចាញ់ប្រៀបគូប្រជែងនៅស៊េរីផ្សេងៗ ។គួរដឹងថា កីឡាហែលទឹក បានបញ្ជូនកីឡាករ-កីឡាការិនី ៤រូបចូលរួមប្រកួតកីឡាអាស៊ី លើកទី១៩ នៅចិន តែមកទល់ពេលនេះ ពុំទាន់មានកីឡាករ ឬកីឡាការិនីណាឡើងវគ្គបន្ដនោះទេ ហើយកីឡាករ ២រូប មានកីឡាករខ្មែរ-បារាំង Antoine និងកីឡាករខ្មែរ-អាមេរិក មនត្រស ផានសុវណ្ណអារុន បានបញ្ចប់ភារកិច្ចរបស់ខ្លួន នៅសល់តែកីឡាការិនី សុខ វរល័ក្ខណ៍ និងកីឡាការិនី ឃឺន ច័ន្ទចរិយា ដែលត្រូវបន្ដប្រកួត ២វិញ្ញាសាចុងក្រោយ នាថ្ងៃទី២៧ ខែកញ្ញាស្អែក៕ អត្ថបទ លី ឈុនឡា

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ

កីឡាការិនីបាល់ទាត់ឆ្នើមអាមេរិក Megan Rapinoe បានឈានមកដល់ពេលវេលាចូលនិវត្តន៍ពីក្រុមជម្រើសជាតិហើយ ក្រោយចូលលេងការប្រកួតចុងក្រោយឱ្យក្រុមនារីអាមេរិកយកឈ្នះអាហ្វ្រិកខាងត្បូង ២-០ នៅទីក្រុង Chicago។ មុន World Cup 2023 កីឡាការិនីវ័យ ៣៨ ឆ្នាំរូបនេះធ្លាប់បានប្រាប់ពីគំរោងចូលនិវត្តន៍របស់ខ្លួនក្រោយចប់រដូវកាលនៃក្របខណ្ឌលីគបាល់ទាត់នារីអាមេរិក។ ម្ចាស់ជយលាភី World Cup ២ សម័យជាមួយក្រុមអាមេរិក Megan Rapinoe នឹងចូលនិវត្តន៍ជាមួយក្លិបបាល់ទាត់ OL Reign នៅក្របខណ្ឌ NWSL អាមេរិកដែលនឹងបញ្ចប់រដូវកាលនៅថ្ងៃទី ១១ ខែវិច្ឆិកាចុងឆ្នាំនេះ។កាលពីឆ្នាំ ២០១៩ Megan Rapinoe ត្រូវបានបោះឆ្នោតជាកីឡាការិនីឆ្នើមបំផុតប្រចាំឆ្នាំរបស់ FIFA ឈ្នះស្បែកជើងមាស និងបាល់មាស មុនឈានដល់ Ballon d’Or។គិតមកដល់ពេលនេះ Megan Rapinoe បង្ហាញខ្លួនឱ្យក្រុមជម្រើសជាតិអាមេរិកសរុប ២០៣ លើករកបាន ៦៣ គ្រាប់ តាំងពីចូលប្រកួតដំបូងនៅឆ្នាំ ២០០៦ ក្នុងជំនួបមិត្តភាពទល់នឹងអៀកឡង់ និងបានជួយក្រុមអាមេរិកឈ្នះជើងឯកពិភពលោក ២ សម័យនៅឆ្នាំ ២០១៥ និង ២០១៩។Megan Rapinoe ថែមទាំងឈ្នះមេដាយមាសអូឡាំពិក ២០១២ នៅទីក្រុងឡុងដ៍ផងដែរ។ ជាមួយក្លិបអាជីព Rapinoe ចាប់ផ្តើមអាជីពនៅឆ្នាំ ២០០២ ជាមួយក្រុមបាល់ទាត់នារី Elk Grove Pride នៅក្របខណ្ឌ Women’s Premier Soccer League មុនពេលចំណាយពេលនៅទឹកដីអូស្រ្តាលី និង បារាំង ហើយត្រលប់មកអាមេរិកវិញជាមួយក្លិប Seattle Reign រឺឈ្មោះ OL Reign នាពេលបច្ចុប្បន្ន ឈ្នះជើងឯកលីគ ៣ លើក និងខាប់មួយលើក៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ការបង្ហាញខ្លួនដំបូងឱ្យ Real Madrid របស់កីឡាករវ័យក្មេងទួកគី Arda Guler ត្រូវពន្យាពេលដោយសាររបួស

ក្រុមការពារជើងឯក Manchester United ឈ្នះ Crystal Palace ឡើងជុំទី ៤ Carabao Cup

Bayern Munich ឈ្នះនៅទឹកដីក្រុមលីគទី ៣ អាល្លឺម៉ង់ជុំទី German Cup តែអ្នកគាំទ្រមិនសប្បាយចិត្ត

អត្តពលិកជាង ១០០នាក់ចូលរួមប្រកួតកីឡាអត្តពលកម្មជើងឯកថ្នាក់ជាតិ ឆ្នាំ២០២៣

Real Madrid គ្រោងយក Xabi Alonso ពី Leverkusen មកជំនួស Carlo Ancelotti

Asian Games៖ គ្រិកឃីតចាប់ផ្ដើមប្រកួតថ្ងៃនេះ ខណៈកីឡាមួយចំនួន ពុំទាន់គាប់ប្រសើរនៅឡើយ

ម្ចាស់ផ្ទះចិនឈ្នះមេដាយមាសកីឡាអេឡិចត្រូនិចដំបូងក្នុងព្រឹត្តិការណ៍កីឡាអាស៊ី

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ការបង្ហាញខ្លួនដំបូងឱ្យ Real Madrid របស់កីឡាករវ័យក្មេងទួកគី Arda Guler ត្រូវពន្យាពេលដោយសាររបួស

ក្រុមការពារជើងឯក Manchester United ឈ្នះ Crystal Palace ឡើងជុំទី ៤ Carabao Cup

Bayern Munich ឈ្នះនៅទឹកដីក្រុមលីគទី ៣ អាល្លឺម៉ង់ជុំទី German Cup តែអ្នកគាំទ្រមិនសប្បាយចិត្ត

អត្តពលិកជាង ១០០នាក់ចូលរួមប្រកួតកីឡាអត្តពលកម្មជើងឯកថ្នាក់ជាតិ ឆ្នាំ២០២៣

Real Madrid គ្រោងយក Xabi Alonso ពី Leverkusen មកជំនួស Carlo Ancelotti

Asian Games៖ គ្រិកឃីតចាប់ផ្ដើមប្រកួតថ្ងៃនេះ ខណៈកីឡាមួយចំនួន ពុំទាន់គាប់ប្រសើរនៅឡើយ

ម្ចាស់ផ្ទះចិនឈ្នះមេដាយមាសកីឡាអេឡិចត្រូនិចដំបូងក្នុងព្រឹត្តិការណ៍កីឡាអាស៊ី

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាព​នៃការអភិវឌ្ឍ

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍​ពីក្រុមជម្រើសជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ