BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ខ្សែប្រយុទ្ធអេស៊ីប Mohamed Salah នៅតែជាកីឡាកររបស់ហង្សក្រហម Liverpool ដដែល ស្របពេលដែលទីផ្សារទិញកីឡាករចូលនៅក្របខណ្ឌលីគអារ៉ាប៊ីសាអ៊ូឌីត Saudi Pro League បានបិទបញ្ចប់។ Liverpool ធ្លាប់បានបដិសេធសំណើ ១៥០ លានផោនចប់បានកីឡាករវ័យ ៣១ ឆ្នាំរូបនេះពី Al-Itthad កាលពីសប្តាហ៍មុន ស្របពេលដែលមានដំណឹងមួយទៀតថា Al-Ittihad Al-Ittihad ហ៊ានឱ្យប្រាក់ឈ្នួល Salah ច្រើនជាងគេនៅ Saudi Pro League រឺលើស Cristiano Ronaldo ទៅទៀត។ជុំវិញរឿងផ្ទេរនេះដែរអ្នកចាត់ការ Liverpool លោក Jurgen Klopp ធ្លាប់បាននិយាយក្នុងសន្និសីទសារព័ត៌មានក្រោយឈ្នះ Aston Villa ៣-០ សប្តាហ៍មុនថា ទំរង់លេងរបស់ Mohamed Salah បានបញ្ជាក់ច្បាស់ថា គេប្តេជ្ញាចិត្តស្ម័គ្រស្មោះជាមួយ Liverpool។ កីឡាករវ័យ ៣១ ឆ្នាំ Mohamed Salah បានមកកាន់ Liverpool តាំងពីឆ្នាំ ២០១៧ ផ្ទេរពី Roma នៅសល់កិច្ចសន្យា ២ ឆ្នាំទៀតជាមួយ Liverpool បន្ទាប់ពីទើបចុះកិច្ចសន្យាថ្មីរដូវកាលមុន។គិតមកដល់ពេលនេះ Salah បានស៊ុតបញ្ចូលទី ១៨៨ គ្រាប់ហើយ បូកនឹង ៧៦ បាល់បញ្ជូនក្នុងការបង្ហាញខ្លួន ៣០៩ ប្រកួតឱ្យ Liverpool ឈ្នះពាន English Premier League, UEFA Champions League, FA Cup, League Cup, FIFA Club World Cup និង UEFA Super Cup។Liverpool រដូវកាលនេះបាត់បង់កីឡាករជាច្រើនដែលបានចាកចេញរួមមាន James Milner, Alex Oxlade-Chamberlain, Naby Keita, Fabinho និង Jordan Henderson។ ចំណែក Al-Ittihad របស់អារ៉ាប៊ីសាអ៊ូឌីតរដូវក្តៅនេះបាននាំយក Karim Benzema, Fabinho, N’Golo Kante និង Jota ពី Celtic៕ អត្ថបទ៖នាង សុភាវុធ

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា នៅថ្ងៃទី០៧ ខែកញ្ញា បានកោះប្រជុំជាមួយថ្នាក់ដឹកនាំ និងមន្ដ្រីតាមអង្គភាពចំណុះអគ្គនាយដ្ឋានកីឡា ដើម្បីជំរុញភាពស្និទ្ធស្នាល និងស្គាល់គ្នាផង និងបញ្ជ្រាបកែទម្រង់ និងអភិវឌ្ឍន៍វិស័យអប់រំកាយ និងកីឡា នៅក្នុងរាជរដ្ឋាភិបាល នីតិកាលទី៧ នៃរដ្ឋសភាព ដែលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា ។ឯកឧត្តមមានប្រសាសន៍ថា កិច្ចប្រជុំជំហានដំបូងនេះ ស្របតាមការណែនាំរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា ដើម្បីបញ្ជ្រាប និងរៀបចំនូវយុទ្ធសាស្ដ្រកែទម្រង់ និងអភិវឌ្ឍន៍ការងារអប់រំកាយ និងកីឡា ស្របតាមគោលនយោបាយកីឡារបស់រាជរដ្ឋាភិបាល អាណត្តិថ្មី ពិសេសលើការងារអភិបាលកិច្ចល្អ ការអភិវឌ្ឍធនធានមនុស្ស និងការជំរុញការអភិវឌ្ឍកីឡាកម្រិតខ្ពស់ ឆ្ពោះទៅរកឧត្តមភាពលើឆាកជាតិ និងអន្ដរជាតិ ។រដ្ឋលេខាធិការដដែលបន្ដថា ការអនុវត្ដការងារជាក់ស្ដែងរបស់នាយកដ្ឋាននានា នៃអគ្គនាយកដ្ឋានកីឡា ដែលជាសេនាធិការរបស់ក្រសួងអប់រំ យុវជន និងកីឡា ត្រូវធ្វើឲ្យមានលទ្ធផលប្រែប្រួលច្បាស់លាស់ ព្រោះការអប់រំកាយ និងកីឡា គឺជាវិស័យប្រកួតប្រជែងជាមួយបណ្ដាប្រទេសផ្សេងៗ។ ដើម្បីទទួលបានកំណើនលទ្ធផលការងារក្នុងវិស័យអប់រំកាយ និងកីឡាច្បាស់លាស់ គឺត្រូវផ្ដើមចេញពីប្រឹងប្រែងឲ្យអស់ពីសមត្ថភាព ប្រើធនធានមនុស្សឲ្យត្រូវកន្លែង ហើយបន្ដបណ្ដុះធនធានកីឡាថ្មីៗឲ្យច្រើន ទាំងថ្នាក់ដឹកនាំ មន្ដ្រីបច្ចេកទេស និងកីឡាករ-កីឡាការិនី ៕ អត្ថបទ លី ឈុនឡា

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

ខ្សែប្រយុទ្ធ Everton, Demarai Gray បានក្លាយជាកីឡាករពី Premier League មួយរូបទៀត ផ្លាស់ទៅកាន់ក្របខណ្ឌលីគកំពូលអារ៉ាប៊ីសាអ៊ូឌីត Saudi Pro League ដោយចូលរួមជាមួយ Al-Ettifaq។មិនមានការបញ្ជាក់ផ្លូវការពីតម្លៃនៃការផ្ទេរនេះឡើយ តែសារព័ត៌មានអង់គ្លេសមួយបានចុះផ្សាយថា កីឡាករជម្រើសជាតិសាម៉ាអ៊ិរូបនេះផ្លាសទៅ Al-Ettifaq ក្នុងតម្លៃ ៨ លានផោន និងកិច្ចសន្យា ៤ ឆ្នាំ។ កីឡាករវ័យ ២៧ ឆ្នាំរូបនេះមានទំនាក់ទំនងមិនល្អឡើយជាមួយអ្នកចាត់ការ Everton បច្ចុប្បន្នលោក Sean Dyche បន្ទាប់រិះគន់ពីការដឹកនាំរបស់អតីតអ្នកចាត់ការ Burnley រូបនេះនៅលើបណ្តាញសង្គម ពាក់ព័ន្ធនឹងការផ្ទេរមិនជោគជ័យទៅកាន់ Fulham។មកទល់ពេលនេះ Demarai Gray មិនបានចូលលេងឱ្យ Everton ឡើយរដូវកាលនេះ និងធ្លាប់មានទំនាក់ទំនងផ្ទេរទៅកាន់ក្លិបទួកគី Besiktas ផងដែរ។ Gray ស៊ុតបញ្ចូលទីបាន ៩ គ្រាប់ក្នុងការបង្ហាញខ្លួន ៦៧ ប្រកួតនៅ Premier League តាំងពីមកដល់ Goodison Park នៅឆ្នាំ ២០២១។Al-Ettifaq បច្ចុប្បន្នស្ថិតក្រោមការដឹកនាំរបស់អតីតខ្សែបម្រើ Liverpool, Steven Gerrard និងបាននាំយកកីឡាករពី Premier League មួយចំនួនរួមមាន Jordan Henderson ពី Liverpool និង Georginio Wijnaldum ក៏ដូចជាខ្សែការពារ Jack Hendry និង Moussa Dembele៕ អត្ថបទ៖នាង សុភាវុធ

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

ក្រុមជើងឯកពិភពលោក ២ សម័យបារាំងបានបន្តជ័យជំនះរបស់ខ្លួននៅក្នុងពូល B នៃវគ្គជម្រុះបាល់ទាត់អឺរ៉ុប ២០២៤ ក្រោយឈ្នះសាធារណរដ្ឋអៀកឡង់ ២-០។ ពីរគ្រាប់ជ័យជំនះរបស់បារាំងសំរេចបានដោយខ្សែបម្រើ Real Madrid, Aurelien Tchouameni នៅនាទីទី ១៩ មុនពេលដែលកីឡាករបម្រុង Marcus Thuram ធានាជ័យជំនះនៅវគ្គទី ២។ នេះជាជ័យជំនះ ៥ ប្រកួតផ្ទួនៗនៅក្នុងពូល B សម្រាប់បារាំង ពោលគឺ ៥ ប្រកួតឈ្នះទាំង ៥ មាន ១៥ ពិន្ទុពេញ ខណៈដែលអៀកឡង់ជាបរាជ័យទី ៣ របស់ពួកគេក្រោយលេងបាន ៤ ប្រកួតឈ្នះ ១ ប្រកួតមាន ៣ ពិន្ទុឈរលេខ ៤ ក្នុងពូល។នៅក្នុងពូល B នេះដែរ ក្រុមទឹកក្រូចហូឡង់ក៏រកបានបីពិន្ទុពីការប្រកួតក្នុងទឹកដីរបស់ខ្លួនដែរ ក្រោយយកឈ្នះក្រិក ៣-០។ បីគ្រាប់របស់ហូឡង់សម្រេចបាននៅវគ្គទី ១ ទាំងអស់ដោយខ្សែបម្រើ Atalanta, Marten de Roon ខ្សែប្រយុទ្ធ Liverpool, Cody Gakpo និងអតីតខ្សែប្រយុទ្ធ Man United, Wout Weghorst។ ហូឡង់ទើបលេងបាន ៣ ប្រកួតប៉ុណ្ណោះក្នុងពូល B នេះឈ្នះ ២ ចាញ់ ១ មាន ៦ ពិន្ទុឈរលេខ ២ ក្នុងពូលពីក្រោមបារាំង៕ អត្ថបទ៖នាង សុភាវុធ

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា បានដឹកនាំប្រតិភូ ចុះពិនិត្យការស្នាក់នៅ-ហូបចុក និងសួរសុខទុក្ខកីឡាករ-កីឡាការិនី ដែលចូលរួមការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ នៅភោជនីយដ្ឋានឡាក់គីស្ដារ កាលពីថ្ងៃទី៧ ខែកញ្ញាម្សិលមិញ ។គួរដឹងថា ការប្រកួតកីឡាសិស្សមធ្យមសិក្សាថ្នាក់ជាតិឆ្នាំនេះ មានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៣,២៥៧នាក់ ។ ក្រោមការរៀបចំរបស់ក្រសួងអប់រំ យុវជន និងកីឡា បានរៀបចំកន្លែងស្នាក់នៅ និងហូបចុក ព្រមទាំងការដឹកជញ្ជូន គ្រប់ទីតាំងប្រកួត តាមប្រភេទកីឡានីមួយៗ ។ទន្ទឹមជាមួយការចុះពិនិត្យ និងសួរសុខទុក្ខពីសំណាក់មន្ដ្រីជាន់ខ្ពស់ក្រសួងអប់រំនេះ កីឡាករ-កីឡាការិនី បានសម្ដែងសេចក្ដីរីករាយ និងសប្បាយចិត្ត ចំពោះការយកចិត្តទុកដាក់របស់ថ្នាក់ដឹកនាំក្រសួង ដែលបានរៀបចំកន្លែងស្នាក់នៅសណ្ឋាគារលំដាប់ផ្កាយ ព្រមទាំងអាហារហូបចុកគ្រប់គ្រាន់ ធ្វើឲ្យពួកគេមានភាពកក់ក្ដៅ និងទំនុកចិត្តក្នុងការប្រកួតកីឡាមធ្យមសិក្សា និងបន្ដលេងកីឡា ដើម្បីមានឱកាសចូលរួមប្រកួតក្រោយៗទៀត ។សូមបញ្ជាក់ថា កីឡាមធ្យមសិក្សាថ្នាក់ជាតិឆ្នាំនេះ ប្រព្រឹត្តិទៅរយៈពេល ១០ថ្ងៃ ចាប់ពីថ្ងៃទី០១ ដល់ថ្ងៃទី១១ ខែកញ្ញា ឆ្នាំ២០២៣ នៅរាជធានីភ្នំពេញ ដែលប្រកួតលើ ១២ប្រភេទកីឡា ស្មើនឹង ១០៥វិញ្ញាសា ។ គិតត្រឹមថ្ងៃទី០៨ ខែកញ្ញានេះ មានកីឡាមួយចំនួន បានបញ្ចប់ ខណៈកីឡាមួយចំនួនធំ ទើបចាប់ផ្ដើមការប្រកួត ៕ អត្ថបទ លី ឈុនឡា

ហ្កាណា កក់កៅអីជើងឯកទ្វីបអាហ្រ្វិកឆ្នាំក្រោយ បន្ទាប់ពីយកឈ្នះសាធារណរដ្ឋអាហ្វ្រិកកណ្តាល

ក្រុមបាល់ទាត់ជម្រើសជាតិហ្កាណា បានកក់កៅអីនៅព្រឹត្តិការណ៍បាល់ទាត់ទ្វីបអាហ្វ្រិក Africa Cup of Nations ឆ្នាំក្រោយដែលរៀបចំនៅលើទឹកដីកូឌីវ័រហើយ បន្ទាប់ពីវាយបកយកឈ្នះក្រុមបាល់ទាត់សាធារណរដ្ឋអាហ្វ្រិកកណ្តាល ២-១ ក្នុងវគ្គជម្រុះជុំចុងក្រោយក្នុងពូល។ ដឹកនាំក្រុមអតីតអ្នកចាត់ការ Newcastle Brighton និង Norwich លោក Chris Hughton ក្រុមដែលមានរហ័សនាមផ្កាយខ្មៅត្រូវបានអាហ្វ្រិកកណ្តាលនាំមុខ ដែលអាចនឹងឈានដល់បរាជ័យដ៏ភ្ញាក់ផ្អើល។ យ៉ាងណាក្តី កីឡាករចំនូលថ្មីរបស់ West Ham ដែលទើបទិញពី Ajax តម្លៃ ៣៨ លានផោន Mohamed Kudus ជាអ្នកតាមស្មើវិញមុនចប់វគ្គទី ១ មុនពេលដែលខ្សែប្រយុទ្ធ Lyon, Ernest Nuamah សម្រេចគ្រាប់បាល់ជ័យជំនះនៅនាទីទី ៨៨។ លទ្ធផលនេះធ្វើឱ្យមានការខកបំណងខ្លាំងពីក្រុមអាហ្វ្រិកកណ្តាលដែលសង្ឃឹមថា នឹងអាចមានមុខនៅ Africa Cup of Nations ជាលើកដំបូង។ លទ្ធផលផ្សេងទៀតមាន អង់ហ្គោឡាក៏ទទួលបានកៅអីដែរក្រោយម៉ាដាហ្កាស្កាដើម្បីបញ្ចប់លេខ ២ ក្នុងពូល E នេះ។ វគ្គជម្រុះមិនទាន់បញ្ចប់នៅឡើយទេ ពោលគឺពូលផ្សេងទៀតនឹងត្រូវសម្រេចកៅអីជុំផ្តាច់ព្រ័ត្រនៅថ្ងៃទី១២ ខែកញ្ញានេះមានដូចជា កាមេរូន សាធារណរដ្ឋកុងហ្គោ និង ហ្កាំបាជាដើមកំពុងសំឡឹងឃើញជ័យជំនះ។សូមបញ្ជាក់ថា ព្រឹត្តិការណ៍បាល់ទាត់ទ្វីបអាហ្វ្រិក Africa Cup of Nations នឹងចាប់ផ្តើមនៅថ្ងៃទី ១៣ ខែមករាដើមឆ្នាំ ២០២៤ ដោយពិធីបើធ្វើឡើងនៅកីឡដ្ឋាន Alassane Ouattara រដ្ឋធានី Abidjan ប្រទេសកូឌីវ័រ ខណៈវគ្គផ្តាច់ព្រ័ត្រនឹងធ្វើឡើងនៅថ្ងៃទី ១១ ខែកុម្ភៈ៕ អត្ថបទ៖នាង សុភាវុធ

កីឡា ៨ប្រភេទចុងក្រោយ ចាប់ផ្ដើមការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣

កីឡាចំនួន ៨ប្រភេទទៀតហើយ ដែលចាប់ផ្ដើមការប្រកួតរបស់ខ្លួន នៅក្នុងព្រឹត្តិការណ៍កីឡាសិស្សមធ្យមសិក្សាថ្នាក់ជាតិ ឆ្នាំ២០២៣ បន្ទាប់ពីកីឡាបាល់ទាត់ បាល់ទះ បាល់បោះ និងកីឡាការ៉ាតេ ដែលធ្វើការប្រកួតមុន តាំងពីថ្ងៃទី០៣ ខែកញ្ញា ។សម្រាប់ ៨ប្រភេទកីឡាចុងក្រោយ ដែលទើបចាប់ផ្ដើមការប្រកួតថ្ងៃដំបូង កាលពីថ្ងៃទី០៧ ខែកញ្ញាម្សិលមិញ រួមមានអត្តពលកម្ម, វាយកូនឃ្លីលើតុ, វាយសី, តេក្វាន់ដូ WT, តេក្វាន់ដូ ITF, ប៉េតង់, ល្បុក្កតោ និងកីឡាហែលទឹក ។គួរដឹងថា កីឡាសិស្សមធ្យមសិក្សាថ្នាក់ជាតិឆ្នាំនេះ ក្រសួងអប់រំ យុវជន និងកីឡា បានកំណត់យកកីឡាចំនួន ១២ប្រភេទ សម្រាប់រៀបចំការប្រកួតពីថ្ងៃទី២ ដល់ថ្ងៃទី១១ ខែកញ្ញា ឆ្នាំ២០២៣ នៅតាមបណ្ដាទីលានមួយចំនួន ក្នុងរាជធានីភ្នំពេញ ។មកទល់ពេលនេះ ចំពោះប្រភេទកីឡាជាក្រុម មានបាល់ទាត់ បាល់ទះ និងបាល់បោះ ទោះបីធ្វើការប្រកួតមុនគេ តែពុំទាន់បញ្ចប់ឡើយ ដោយវិញ្ញាសាខ្លះ ទើបរកឃើញក្រុមឡើងវគ្គពាក់កណ្ដាលផ្ដាច់ព្រ័ត្រ និងវិញ្ញាសាខ្លះ រកឃើញបេក្ខភាពវគ្គផ្ដាច់ព្រ័ត្រ ។ រីឯកីឡា បញ្ចប់ការប្រកួតមុនគេ មានតែមួយប្រភេទប៉ុណ្ណោះ គឺកីឡាការ៉ាតេ ដែលបានបិទបញ្ចប់កាលពីថ្ងៃពុធកន្លងទៅ ៕ អត្ថបទ លី ឈុនឡា

ជើងឯកប្រណាំងម៉ូតូ Superbike ពិភពលោក ៦ សម័យ Jonathan Rea ប្រកាសចាកចេញពី Kawasaki ទៅ Yamaha

កីឡាករប្រណាំងម៉ូតូសញ្ជាតិអៀកឡង់ខាងជើង Jonathan Rea នឹងបញ្ចប់អាជីពប្រណាំងម៉ូតូរយៈពេល ៩ ឆ្នាំជាមួយក្រុមប្រណាំង Kawasaki នៅដំណាច់រដូវកាលនេះ ដោយសម្រេចផ្លាស់ទៅចូលរួមជាមួយ Yamaha វិញ។ជើងឯកប្រណាំងម៉ូតូ Superbike ពិភពលោក ៦ សម័យកាលរូបនេះ នៅមានកិច្ចសន្យារយៈពេល ១ ឆ្នាំទៀតជាមួយ Kawasaki Racing តែភាគីទាំងពីរព្រមព្រៀងបញ្ចប់កិច្ចសន្យារៀងខ្លួន។Jonathan Rea បានសំរេចចុះហតហត្ថលេខារយៈពេល ២ ឆ្នាំជាមួយក្រុមថ្មី Yamaha ចាប់ពីឆ្នាំ ២០២៤ ទៅចាប់ដៃគូជាមួយ Andrea Locatelli។កីឡាករវ័យ ៣៦ ឆ្នាំ Jonathan Rea បានគ្រងជើងឯក Superbike ពិភពលោកទាំង ៦ សម័យកាលជាមួយ Kawasaki រាប់ពីឆ្នាំ ២០១៥ ដល់ ២០២០។Jonathan Rea នឹងចូលទៅជំនួសតំណែងកីឡាករទួកគី Toprak Razgatlioglu ដែលនឹងចាកចេញទៅចូលរួមជាមួយ BMW នៅឆ្នាំក្រោយ៕ អត្ថបទ៖នាង សុភាវុធ

កីឡាករកូឡុំប៊ី Juan Sebastian Molano ឈ្នះដំណាក់កាលទី ១២ Vuelta a Espana តែអ្នកនាំមុខនៅដដែល

កីឡាករប្រណាំងកង់កូឡុំប៊ី Juan Sebastian Molano បានប្រជែងឈ្នះដំណាក់កាលទី ១២ នៃព្រឹត្តិការណ៍ប្រណាំងកង់លំដាប់ Grand Tour ប្រចាំឆ្នាំ Vuelta a Espana នៅលើទឹកដីអេស្ប៉ាញ តែអ្នកនាំមុខរួមមិនទាន់ផ្លាស់ប្តូរមុខឡើយ ពោលគឺនៅតែជាកីឡាករអាមេរិក Sepp Kuss ដដែល។ដំណាក់កាលទី ១២ ដែលមានចំងាយផ្លូវ ១៥១ គីឡូម៉ែត្របញ្ចប់នៅទីក្រុង Zaragoza កីឡាកររបស់ក្រុម UAE Team Emirate, Juan Sebastian Molano បានចំណាយពេល ៣ ម៉ោង ២៣ នាទី ៥៥ វិនាទី ដើម្បីមកដល់ទីព្រ័ត្រមុនគេ នៅចំពោះមុខកីឡាករអូស្រ្តាលី Kaden Groves របស់ក្រុម Alpecin-Deceuninck និងលេខ ៣ កីឡាករហូឡង់ Boy van Poppel របស់ក្រុម Intermarche-Circus-Wanty ស្ថិតក្នុងថេរវេលាដូចគ្នា។យ៉ាងណាក្តី មិនមានបម្រែប្រមួលថេរវេលាច្រើនឡើយនៅក្នុងតារាងរួម ពោលគឺកីឡាករអាមេរិក Sepp Kuss ជិះឱ្យក្រុម Jumbo-Visma បន្តនាំមុខអ្នកលេខ ២ Marc Soler របស់អេស្ប៉ាញ ២៦ វិនាទីដដែល ខណៈអ្នកការពារតំណែងជើងឯក កីឡាករប៊ែលហ្ស៊ិក Remco Evenepoel បន្តឈរលេខ ៣ ហើយលេខ ៤ គឺជើងឯក ៣ សម័យ Primoz Roglic រំកិលបាន ៤ វិនាទី។សម្រាប់ដំណាក់កាលទី ១៣ ថ្ងៃសុក្រនេះ Vuelta a Espana នឹងរំកិលចូលព្រំដែនទឹកដីបារាំងលើចំងាយផ្លូវ ១៣៥ គីឡូម៉ែត្រ រួមហើយដំណាក់កាលទី ១៤ ស្អែកមានចំងាយផ្លូវ ១៥៧ គីឡូម៉ែត្រចេញពីទឹកដីបារាំងចូលមកប្រទេសអេស្ប៉ាញ៕ អត្ថបទ៖នាង សុភាវុធ

កម្ពុជា តាមស្មើហុងកុង ១-១ នៅចុងម៉ោង បន្ទាប់ពី ចាន់ វឌ្ឍនាកា ខកខានឱកាសទាត់ប៉េណាល់ទី

ក្រុមបាល់ទាត់ជម្រើសជាតិកម្ពុជា បានវាយបកតាមស្មើក្រុមភ្ញៀវហុងកុង ដោយលទ្ធផល ១-១ នៅចុងម៉ោង ក្នុងជំនួបមិត្តភាពអន្តរជាតិ កាលពីរាត្រីថ្ងៃទី០៧ ខែកញ្ញា ឆ្នាំ២០២៣ នៅពហុកីឡដ្ឋានជាតិ ។ជំនួបដ៏ជក់ចិត្តនេះ ហុងកុង បានព្យាយាមដាក់សម្ពាធខ្លាំង លើក្រុមគោព្រៃកម្ពុជា នៅវគ្គទី១ និងរកបានគ្រាប់នាំមុខ ១គ្រាប់មុន នៅនាទី២១ ដែលធ្វើសម្រេចដោយកីឡាករ Everton Camargo។ប៉ុន្ដែនៅវគ្គទី២ ក្រុមជម្រើសជាតិកម្ពុជា បានផ្លាស់ប្ដូរទម្រង់លេង ដោយបង្កើតឱកាសច្រើនដងលើគូប្រកួត រហូតដល់នាទី៨៦ បន្ទាប់ពីអ្នកចាំទី Yapp Hung Fai បង្កកំហុសលើខ្សែប្រយុទ្ធ រ៉ឹង ប៊ុនហៀង អាជ្ញាកណ្ដាលក៏សម្រេចផ្ដល់បាល់ពិន័យឲ្យកម្ពុជា តែសោកស្ដាយកីឡាករ ចាន់ វឌ្ឍនាកា ស៊ុតពុំបានសម្រេច ធ្វើឲ្យរបូតឱកាសតាមស្មើ ។យ៉ាងណាក្ដីក្រុមគោព្រៃកម្ពុជា នៅតែព្យាយាមប្រយុទ្ធដល់នាទីចុងក្រោយ ពិសេសក្រោយទាត់ប៉េណាល់ទីមិនបានសម្រេច ចាន់ វឌ្ឍនាកា ក៏បង្កើតឱកាសរកគ្រាប់តាមស្មើជាថ្មី ដោយការលើកបាល់ចេញពីជ្រុងបញ្ជូនឲ្យមិត្តរួមក្រុមកីឡាករ ស៊ិន សុផាណាត់ បញ្ចប់ទីគ្រាប់តាមស្មើ នៅនាទី៩០ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោង ដោយកម្ពុជា ស្មើហុងកុង ១-១ តែម្ដង។ជាមួយលទ្ធផលស្មើគ្នានេះដែរ បានធ្វើឲ្យក្រុមជម្រើសជាតិកម្ពុជា បានអាចបង្កើតកំណត់ត្រាមិនស្គាល់ជ័យជម្នះលើក្រុមហុងកុងបានឡើយ បន្ទាប់ពីជួបគ្នាចំនួន ៩លើក គិតចាប់ពីឆ្នាំ១៩៥៧ រហូតដល់បច្ចុប្បន្ន គឺហុងកុងឈ្នះ ៧ប្រកួត និងស្មើ ២ប្រកួត ។គួរដឹងថា ក្រោយជួបហុងកុង ក្រុមគោព្រៃកម្ពុជា នឹងបន្ដជួបក្រុមម៉ាកាវ ក្នុងជំនួបមិត្តភាពអន្តរជាតិ ១ប្រកួតទៀត នាថ្ងៃទី១១ ខែកញ្ញាខាងមុខ នៅពហុកីឡដ្ឋានជាតិអូឡាំពិកដដែល ដើម្បីត្រៀមលក្ខណៈប្រកួតជម្រុះពានរង្វាន់បាល់ទាត់ពិភពលោក ជាមួយក្រុមជម្រើសជាតិប៉ាគីស្ថាន នាខែតុលាខាងមុខ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

រដ្ឋមន្រ្តីក្រសួងបរិស្ថានជំរុញឱ្យមន្រ្តីគ្រប់លំដាប់ថ្នាក់ពង្រឹងការគ្រប់គ្រងធនធានធម្មជាតិ ជំហានទី២ តាមរយៈយុទ្ធសាស្ត្រចក្រាវិស័យបរិស្ថាន និងជំរុញការផ្សព្វផ្សាយការងារបរិស្ថានជូនសាធារណជន

ការជាប់ជាមន្ត្រីកិច្ចព្រមព្រៀងការងារ នៃវិទ្យាស្ថានជាតិស្ថិតិអាចទទួលប្រាក់បៀវត្សរហូតដល់ ៦លានរៀល

ឯកឧត្តមកិត្តិសង្គហបណ្ឌិត គន់ គីម អញ្ជើញដឹកនាំកិច្ចប្រជុំពិនិត្យផលប៉ះពាល់ស្រូវដោយសារគ្រោះរាំងស្ងួត ក្នុងខេត្តពោធិ៍សាត់

ពលរដ្ឋខេត្តកណ្ដាល សប្បាយរីករាយ និងថ្លែងអំណរគុណរាជរដ្ឋាភិបាល បន្ទាប់ពីទទួលបានបណ្ណកម្មសិទ្ធិដីធ្លីស្របច្បាប់

វិទ្យាស្ថានអភិវឌ្ឍន៍បៃតងសកល (GGGI) បន្តពង្រឹងនិងពង្រីកកិច្ចសហប្រតិបត្តិការ ជាមួយក្រសួងបរិស្ថាន លើការអភិរក្សជីវៈចម្រុះ និងការឆ្លើយតបទៅនឹងការប្រែប្រួលអាកាសធាតុ

ឯកអគ្គរដ្ឋទូតប្រេស៊ីល ប្តេជ្ញាចិត្តខ្ពស់ជំរុញការតភ្ជាប់វិនិយោគិន និងធុរជននៃប្រទេសទាំងពីរ

ផលិតផលសក្តានុពលចំនួន៥ បានគាំទ្រដល់កំណើនខ្ពស់នៃនាំចេញរបស់កម្ពុជា ក្នុងឆមាសទី១ឆ្នាំនេះ

អ៊ីរ៉ង់ ស្នើផែនការគ្រប់គ្រងបណ្ដោះអាសន្នកាន់តែធំធេងនៅច្រកសមុទ្រ Hormuz លើការដឹកជញ្ជូនឆ្លងកាត់

អារ៉ាប៊ីសាអ៊ូឌីត ចោទក្រុមសម្ព័ន្ធមិត្តអ៊ីរ៉ង់ពីការវាយប្រហារគ្មានការទទួលខុសត្រូវ

ចរាចរណ៍នៅច្រកសមុទ្រ Bab al-Mandeb ឈានដល់កម្រិតខ្ពស់បំផុតចាប់តាំងពីថ្ងៃទី១៩ កក្កដាមក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

ហ្កាណា កក់កៅអីជើងឯកទ្វីបអាហ្រ្វិកឆ្នាំក្រោយ បន្ទាប់ពីយកឈ្នះសាធារណរដ្ឋអាហ្វ្រិកកណ្តាល

កីឡា ៨ប្រភេទចុងក្រោយ ចាប់ផ្ដើមការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣

ជើងឯកប្រណាំងម៉ូតូ Superbike ពិភពលោក ៦ សម័យ Jonathan Rea ប្រកាសចាកចេញពី Kawasaki ទៅ Yamaha

កីឡាករកូឡុំប៊ី Juan Sebastian Molano ឈ្នះដំណាក់កាលទី ១២ Vuelta a Espana តែអ្នកនាំមុខនៅដដែល

កម្ពុជា តាមស្មើហុងកុង ១-១ នៅចុងម៉ោង បន្ទាប់ពី ចាន់ វឌ្ឍនាកា ខកខានឱកាសទាត់ប៉េណាល់ទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡា​ដល់មន្ដ្រីក្រោមឱវាទ

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

ហ្កាណា កក់កៅអីជើងឯកទ្វីបអាហ្រ្វិកឆ្នាំក្រោយ បន្ទាប់ពីយកឈ្នះសាធារណរដ្ឋអាហ្វ្រិកកណ្តាល

កីឡា ៨ប្រភេទចុងក្រោយ ចាប់ផ្ដើមការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣

ជើងឯកប្រណាំងម៉ូតូ Superbike ពិភពលោក ៦ សម័យ Jonathan Rea ប្រកាសចាកចេញពី​ Kawasaki ទៅ Yamaha

កីឡាករកូឡុំប៊ី Juan Sebastian Molano ឈ្នះដំណាក់កាលទី ១២ Vuelta a Espana តែអ្នកនាំមុខនៅដដែល

កម្ពុជា តាមស្មើហុងកុង ១-១ នៅចុងម៉ោង បន្ទាប់ពី ចាន់ វឌ្ឍនាកា ខកខានឱកាស​ទាត់ប៉េណាល់ទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ

ជើងឯកប្រណាំងម៉ូតូ Superbike ពិភពលោក ៦ សម័យ Jonathan Rea ប្រកាសចាកចេញពី Kawasaki ទៅ Yamaha

កម្ពុជា តាមស្មើហុងកុង ១-១ នៅចុងម៉ោង បន្ទាប់ពី ចាន់ វឌ្ឍនាកា ខកខានឱកាសទាត់ប៉េណាល់ទី