BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Tyson Fury និង Francis Ngannou បង្ហាញមុខក្នុងសន្និសីទសារព័ត៌មានមុនជួបគ្នានៅខែតុលា

ម្ចាស់ខ្សែក្រវាត់ទម្ងន់ធ្ងន់ WBC កីឡាករ Tyson Fury នឹងត្រូវឡើងសង្វៀនជួបជាមួយអតីតម្ចាស់ខ្សែក្រវាត់ទម្ងន់ធ្ងន់ UFC Francis Ngannou នៅអារ៉ាប៊ីសាអូឌីត នៅថ្ងៃទី ២៨ ខែតុលា ក្នុងការប្រកួតប្រើច្បាប់ប្រដាល់សកល។ មុនព្រឹត្តិការណ៍ប្រកួតនេះមកដល់ អ្នកទាំងពីរបានបង្ហាញខ្លួននៅចំពោះមុខអ្នកសារព័ត៌មាននៅទីក្រុង Riyadh ប្រទេសអារ៉ាប៊ីសាអ៊ូឌីតថ្ងៃព្រហស្បតិ៍ម្សិលមិញនេះ។ មិនមានការឌឺដងគ្នាឡើយ ផ្ទុយទៅវិញកីឡាករទាំងពីរបាននិយាយចំអកគ្នាតាមបែបលេងសើច ហើយក៏កោតសរសើរគ្នាទៅវិញទៅមក ជាពិសេសម្ចាស់ខ្សែក្រវាត់ទំងន់ធ្ងន់ WBC, Tyson Fury និយាយថា ការប្រកួតទល់នឹងកីឡាករកាមេរូន Ngannou នឹងជាការប្រកួតដ៏លំបាកសម្រាប់រូបគេ។ តាមពិតទៅ Fury មានគំរោងជួបជាមួយកីឡាករអ៊ុយក្រែន Oleksandr Usyk ដែលជាម្ចាស់ជើងឯក IBF, IBO, WBO និង WBA ប៉ុន្តែការចរចាបរាជ័យកាលពីខែមីនា។កីឡាករវ័យ ៣៤ ឆ្នាំ Tyson Fury ខកខានមិនបានឡើងសង្វៀនប្រកួតចាប់តាំងពីការប្រកួតដែលគេអាចការពារខ្សែក្រវាត់ WBC របស់ខ្លួនបាននៅពេលយកឈ្នះនៅទឹកទី ១០ លើមិត្តរួមជាតិអង់គ្លេស Derek Chisora កាលពីខែធ្នូឆ្នាំមុន ដើម្បីបន្តស្ថិតិមិនដែលចាញ់របស់ខ្លួន។ចំណែកឯកីឡាករបារាំងកាត់កាមេរូន Francis Ngannou ត្រូវបានដកខ្សែក្រវាត់ទម្ងន់ធ្ងន់របស់ខ្លួនបន្ទាប់ពីមានជម្លោះកិច្ចសន្យាជាមួយ UFC កាលីខែមករាឆ្នាំ ២០២៣ នេះ។ កីឡាករវ័យ ៣៦ ឆ្នាំរូបនេះមានបទពិសោធប្រកួតលក្ខណៈ MMA ចំនួន ២០ លើក ឈ្នះ ១៧ ចាញ់ ៣ និងផ្តួលគូប្រកួតនៅលើសង្វៀន ១២ លើក៕ អត្ថបទ៖នាង សុភាវុធ

Daniil Medvedev ឡើងវគ្គពាក់កណ្តាលផ្តាច់ព្រ័ត្រ US Open ក្រោយឈ្នះមិត្តរួមជាតិរុស្ស៊ី Ruben Rublev

កីឡាករវាយកូនបាល់រុស្ស៊ី Daniil Medvedev បានកក់កៅអីនៅវគ្គ ៤ នាក់ចុងក្រោយ Grand Slam, US Open ហើយក្រោយទំលាក់មិត្តរួមជាតិ Ruben Rublev។ ការប្រកួតរវាងកីឡាករទាំងពីរ ត្រូវប្រឈមតទល់នឹងសីតុណ្ហភាពក្តៅខ្លាំងនៅទីក្រុងញូយ៉ក សហរដ្ឋអាមេរិកដែលចំរដូវក្តៅនៅពេលនេះ។ យ៉ាងណាក្តី ការប្រកួតក៏មិនអូសបន្លាយច្រើនសិតដែរដោយ Medvedev បានយកឈ្នះ Rublev ៣ សិតផ្ទួនៗ ៦-៤ ៦-៣ និង ៦-៤ ដើម្បីបន្តដំណើរឡើងវគ្គពាក់កណ្តាលផ្តាច់ព្រ័ត្រដោយនឹងត្រូវជួបជាមួយអ្នកឈ្នះរវាងកីឡាករអេស្ប៉ាញ Carlos Alcaraz រឺកីឡាករអាល្លឺម៉ង់ Alexander Zverev។ មួយប្រកួតទៀតលេងមុននៅថ្ងៃពុធម្សិលមិញ កីឡាករអាមេរិក Ben Shelton ក៏បានកក់កៅអីនៅវគ្គពាក់កណ្តាលផ្តាច់ព្រ័ត្រផងដែរក្រោយទំលាក់មិត្តរួមជាតិអាមេរិក Frances Tiafoe។ Ben Shelton នឹងត្រូវជួបជាមួយ Novak Djokovic ដើម្បីកៅអីវគ្គផ្តាច់ព្រ័ត្រ Grand Slam លើកដំបូងក្នុងអាជីព៕ អត្ថបទ៖នាង សុភាវុធ

Jorge Vilda៖ បណ្តេញគ្រូបង្វឹកដែលទើបឈ្នះ World Cup ជារឿងអយុត្តិធម៌បំផុត

ការសំរេចបណ្តេញគ្រូបង្វឹកដែលទើបដឹកនាំក្រុមឈ្នះជើងឯកពិភពលោក គឺជារឿងអយុត្តិធម៌បំផុត នេះជាការលើកឡើងរបស់លោក Jorge Vilda ដែលទើបត្រូវបានបញ្ចប់តំណែងក្រោយដឹកនាំក្រុមជម្រើសជាតិនារីអេស្ប៉ាញឈ្នះជើងឯកពិភពលោក។សហព័ន្ធកីឡាបាល់ទាត់អេស្ប៉ាញ RFEF បានសំរេចបញ្ចប់តំណែងលោក Jorge Vilda កាលពីថ្ងៃអង្គារកន្លងទៅ ដោយតែងតាំងលោកស្រី Montse Tome បន្តតំណែង។ការចែកផ្លូវគ្នានេះ ត្រូវបានគេសង្ស័យថាមានពាក់ព័ន្ធនឹងរឿងអាស្រូវជាមួយអតីតប្រធានសហព័ន្ធកីឡាបាល់ទាត់ អេស្ប៉ាញ Luis Rubiales ដែលទើបត្រូវបានបញ្ចប់តំណែង និងបញ្ឈរជើងដោយ FIFA ក្រោយថើបមាត់កីឡាការិនីអេស្ប៉ាញ Jennifer Hermoso ក្រោយឈ្នះនៅវគ្គផ្តាច់ព្រ័ត្រ World Cup នារីកាលពីខែមុន។ បុរសវ័យ ៤២ ឆ្នាំ Jorge Vilda បាននិយាយប្រាប់សារព័ត៌មានអេស្ប៉ាញ Cadena SER ថា ក្នុងន័យកីឡា លោកសូមទទួលយកការរិះគន់គ្រប់ទម្រង់ទាំងអស់ តែក្នុងរឿងផ្ទាល់ខ្លួន លោកគិតថាជារឿងអយុត្តិធម៌បំផុត។ លោកបានបន្តថា វាជាឆ្នាំដ៏អស្ចារ្យមួយរបស់ក្រុមនារីអេស្ប៉ាញ តែផ្ទុយទៅវិញលោកមិនបានទទួលការវែកញែក រឺជជែកគ្នាដោយផ្ទាល់ទល់មុខគ្នាឡើយ មិនតែលឺពីក្រោយខ្នង ហើយក៏ឈានដល់ការចែកផ្លូវតែម្តង។ រំលឹកថា អេស្ប៉ាញបានយកឈ្នះអង់គ្លេសនៅវគ្គផ្តាច់ព្រ័ត្រកាលពីថ្ងៃទី ២០ ខែសីហាកន្លងទៅដើម្បីគ្រងជើងឯកបាល់ទាត់នារីពិភពលោកលើកដំបូងក្នុងប្រវត្តិសាស្រ្ត មុនពេលដែលការអបអរដោយរំភើបចិត្តថើបមាត់ខ្សែប្រយុទ្ធអេស្ប៉ាញ Jennifer Hermoso ដោយប្រធានសហព័ន្ធដែលត្រូវបានដកតំណែង Luis Rubiales៕ អត្ថបទ៖នាង សុភាវុធ

អតីតអ្នកចាំទី Leicester City, Kasper Schmeichel ទទួលបានកិច្ចសន្យា ១ ឆ្នាំជាមួយ Anderlecht

អតីតអ្នកចាំទី Leicester City, Kasper Schmeichel រកបានទ្រនំថ្មីហើយ ដោយទទួលបានកិច្ចសន្យា ១ ឆ្នាំលេងឱ្យក្លិបប៊ែលហ្ស៊ិក Anderlecht។កីឡាករវ័យ ៣៦ ឆ្នាំរូបនេះនៅទំនេរពីអាជីពកីឡាករបាល់ទាត់របស់ខ្លួន ក្រោយចាកចេញពីក្លិបបារាំង Nice សប្តាហ៍មុន។ Kasper Schmeichel បង្ហាញខ្លួនបាន ៤៦ គ្រប់ក្របខណ្ឌឱ្យ Nice រដូវកាលមុន បន្ទាប់ពីចាកចេញពី Leicester City។កូនប្រុសរបស់អតីតអ្នកចាំទី Manchester United, Peter Schmeichel រូបនេះ ធ្លាប់បង្ហាញខ្លួនឱ្យក្រុមជម្រើសជាតិដាណឺម៉ាកសរុប ៩៣ លើក។ Schmeichel ក៏ធ្លាប់ជាសមាជិកសំខាន់របស់ Leicester City ផងដែរក្នុងអាជីពរយៈពេល ១១ ឆ្នាំនៅអង់គ្លេស ដោយបង្ហាញខ្លួនសរុបបាន ៤៧៩ ប្រកួតឈ្នះជើងឯក English Premier League, FA Cup និង Community Shield៕ អត្ថបទ៖នាង សុភាវុធ

Aryna Sabalenka បញ្ចប់ក្តីស្រម៉ៃកីឡាការិនីចិន Zhang Qinwen ត្រឹមវគ្គ ៨ នាក់ចុងក្រោយ US Open

កីឡាការិនីវាយកូនបាល់បេឡារុស Aryna Sabalenka បានបន្តដំណើរឡើងវគ្គពាក់កណ្តាលផ្តាច់ព្រ័ត្រ Grand Slam, US Open បីឆ្នាំជាប់គ្នាហើយ ក្រោយបញ្ចប់ក្តីស្រម៉ៃរបស់កីឡាការិនីចិន Zhang Qinwen នៅវគ្គ ៨ នាក់ចុងក្រោយ។Sabalenka ដែលនឹងឡើងឈរតំណែងលេខ ១ ពិភពលោកក្រោយចប់ព្រឹត្តិការណ៍នេះ បានយកឈ្នះ Qinwen ៦-១ និង ៦-៤។ ជុំបន្តកីឡាការិនីវ័យ ២៥ ឆ្នាំបេឡារុសរូបនេះនឹងត្រូវជួបជាមួយអតីតជើងឯករងឆ្នាំ ២០១៧ កីឡាការិនីអាមេរិក Madison Keys ដែលបានយកឈ្នះជើងឯក Wimbledon, Marketa Vondrousova ៦-១ និង ៦-៤។ Sabalenka នឹងក្លាយជាកីឡាការិនីទី ២៩ ក្នុងប្រវត្តិសាស្រ្តដែលកាន់កាប់តំណែងលេខ ១ ពិភពលោក និងជាកីឡាការិនីទី ៨ ប៉ុណ្ណោះដែលឈរជើងតំណែងលេខ ១ ពិភពលោកទាំងឯកតជន និងវាយគូនៅក្នុងអាជីព។ កីឡាការិនីប៉ូឡូញ Iga Swiatek បានកាន់កាប់តំណែងលេខ ១ នេះតាំងពីខែមេសាឆ្នាំ ២០២២ បន្ទាប់ពីការចូលនិវត្តន៍របស់កីឡាការិនីអូស្រ្តាលី Ashleigh Barty ហើយក៏បានគ្រងជើងឯក Grand Slam ៣ លើកបន្ថែមទៀត បន្ទាប់ពីឈ្នះលើកដំបូងនៅ French Open ឆ្នាំ ២០២០៕ អត្ថបទ៖នាង សុភាវុធ

បញ្ជីឈ្មោះ ៣០ នាក់ចុងក្រោយ Ballon d’Or មិនមានវត្តមាន Ronaldo លើកដំបូងក្នុងរយៈពេល ២០ ឆ្នាំ

ខ្សែប្រយុទ្ធព័រទុយហ្កាល់ Cristiano Ronaldo មិនស្ថិតក្នុងបញ្ជីកីឡាករ ៣០ នាក់ចុងក្រោយដែលអាចឈ្នះពាន កីឡាករឆ្នើមប្រចាំឆ្នាំ Ballon d’Or ជាលើកដំបូងក្នុងរយៈពេល ២០ ឆ្នាំ។ ខ្សែប្រយុទ្ធរបស់ក្លិបអារ៉ាប៊ីសាអ៊ូឌីត Al-Nassr រូបនេះ ធ្លាប់ឈ្នះពានជ័យលាភី នៃទស្សនាវដ្តីបារាំងមួយនេះចំនួន ៥ លើករួចមកហើយ។ ខ្សែប្រយុទ្ធអាហ្សង់ទីន Lionel Messi ដែលជួយអាហ្សង់ទីនលើកពាន World Cup នៅកាតាឆ្នាំមុនស្ថិតក្នុងបញ្ជីនេះ ហើយក៏ជាបេក្ខភាពជួរមុខដែលគេគិតថាអាចឈ្នះពាននេះជាលើកទី ៨ ក្នុងអាជីព។ ចំណែកឯខ្សែប្រយុទ្ធ Manchester City, Erling Haaland ក៏មិនអាចរំលងបានដែរ ដោយកីឡាករន័រវេសរូបនេះទើបឈ្នះពានកីឡាករឆ្នើមបំផុតប្រចាំទ្វីបអឺរ៉ុបក្រោយជួយ City ឈ្នះពាន ៣ ក្នុងមួយរដូវកាលរួមមាន English Premier League, FA Cup និង UEFA Champions League ជាលើកដំបូងក្នុងប្រវត្តិសាស្រ្តក្លិប។ ជាមួយគ្នានោះដែរខ្សែប្រយុទ្ធបារាំង Kylian Mbappe ក៏ស្ថិតក្នុងបញ្ជី ៣០ នាក់ចុងក្រោយផងដែរ។ចំណែកផ្នែកនារី ខ្សែប្រយុទ្ធ Barcelona, Alexia Putellas ដែលឈ្នះពាននេះ ២ ឆ្នាំជាប់គ្នាមកហើយនោះ មិនស្ថិតក្នុងបញ្ជី ៣០ នាក់ចុងក្រោយឡើយ។ខ្សែប្រយុទ្ធ Chelsea, Sam Kerr និងខ្សែប្រយុទ្ធ PSG, Kadidiatou Diani ស្ថិតក្នុងបញ្ជី ៣០ នាក់រួមជាមួយកីឡាការិនីរបស់ Barcelona, Aitana Bonmati ដែលទើបជួយអេស្ប៉ាញឈ្នះជើងឯកបាល់ទាត់នារីពិភពលោកខែមុន។ពិធីប្រគល់ពានជ័យលាភី Ballon d’Or នឹងត្រូវប្រកាស និងធ្វើឡើងនៅថ្ងៃទី ៣០ ខែតុលាខាងមុខ៕ អត្ថបទ៖នាង សុភាវុធ

Felix ថា មានផលវិបាកខ្លះ ចំពោះការប្រកួតមិត្តភាពត្រៀមជម្រុះ World Cup ជាមួយប៉ាគីស្ថាន

លោក Felix Dalmas គ្រូបង្វឹកក្រុមជម្រើសជាតិកម្ពុជា បានចាត់ទុកការប្រកួតមិត្តភាពអន្ដរជាតិ ជាមួយហុងកុង និងម៉ាកាវ គឺជាការត្រៀមខ្លួនមួយដ៏សំខាន់ សម្រាប់ការប្រកួតជម្រុះពានរង្វាន់បាល់ទាត់ពិភពលោក ជុំទី១ ជាមួយក្រុមជម្រើសជាតិប៉ាគីស្ថាននាខែក្រោយ ។ទន្ទឹមជាមួយគ្នា លោកក៏បានបង្ហាញនូវផលវិបាកខ្លះ ចំពោះការត្រៀមនេះដែរ ដ្បិតដំណាលគ្នានឹងការប្រកួតមិត្តភាពទាំងពីរ កីឡាករស្នូលមួយចំនួនធំ ត្រូវបំពេញបេសកកម្មក្នុងការប្រកួតជម្រុះពានរង្វាន់ AFC U23 Asian Cup Qatar 2024 ពូលJ នៅប្រទេសអារ៉ាប់ប៊ីសាអូឌីត ។តាមរយៈនេះ លោក Felix បានព្យាយាមស្វែងរកតុល្យភាព រវាងក្រុមជម្រើសជាតិ(ក្រុមធំ) និងក្រុមជម្រើសជាតិ U23 កម្ពុជា ដើម្បីរៀបចំក្នុងពេលវេលាសមស្របមួយ មុនការប្រកួតជាមួយប៉ាគីស្ថាន ក្នុងវគ្គជម្រុះពានរង្វាន់បាល់ទាត់ពិភពលោក ដែលជាក្រុមខ្លាំងមួយ មិនអាចធ្វើប្រហែសបាន។ការគូសបញ្ជាក់នេះ ធ្វើឡើងក្នុងសន្និសីទសារព័ត៌មាន មុនការប្រកួតមិត្តភាពអន្ដរជាតិ រវាងក្រុមជម្រើសជាតិកម្ពុជា និងហុងកុង ដែលនឹងប្រព្រឹត្តទៅ នាវេលាម៉ោង ៧យប់ថ្ងៃទី០៧ ខែកញ្ញានេះ នៅពហុកីឡដ្ឋានជាតិ(ស្ដាតអូឡាំពិក) មុនកម្ពុជា បន្ដជួបម៉ាកាវ នាថ្ងៃទី១១ ខែកញ្ញាចុងសប្ដាហ៍នេះ នៅពហុកីឡដ្ឋានជាតិដដែល ៕ អត្ថបទ៖ លី ឈុនឡា

Jesus Herrada ឈ្នះដំណាក់កាលទី ១១ Vuelta a Espana តែ Sepp Kuss បន្តនាំមុខ

កីឡាករប្រណាំងកង់អេស្ប៉ាញ Jesus Herrada បានប្រជែងឈ្នះដំណាក់កាលទី ១១ នៃព្រឹត្តិការណ៍ប្រណាំងកង់ Grand Tour, Vuelta a Espana ខណៈដែលអ្នកនាំមុខគេនៅតែជាកីឡាករអាមេរិក Sepp Kuss ដដែល។កីឡាករវ័យ ៣៣ ឆ្នាំរបស់ក្រុម Cofidis, Jesus Herrada បានប្រជែងខ្លាំងនៅចំនុចឡើងទួលចុងក្រោយដើម្បីមកដល់ទីព្រ័ត្រមុនគេប្រើពេល ៣ ម៉ោង ២៩ នាទី ១៧ វិនាទី តាមពីក្រោយដោយកីឡាករបារាំង Romain Gregoire របស់ក្រុម FDJ យឺតជាង ៣ វិនាទី និងលេខ ៣ កីឡាករដាណឺម៉ាក Andreas Kron យឺតជាង ៨ វិនាទី។យ៉ាងណាក្តី មិនមានការកែប្រែច្រើនឡើយនៅតំបន់ Top10 នៃតារាងវេលារួមដោយកីឡាករអាមេរិក Sepp Kuss ជិះឱ្យក្រុម Jumbo-Visma នៅតែបន្តនាំមុខគេ ២៦ វិនាទីដដែលពីអ្នកលេខ ២ កីឡាករអេស្ប៉ាញ Marc Soler និងលេខ ៣ កីឡាករប៊ែលហ្ស៊ិកជើងឯកពិភពលោក Remco Evenepoel យឺតជាង ១ នាទី ៩ វិនាទីដដែល។រីឯអតីតជើងឯក Tour de France កីឡាកររ៉ូម៉ានី Primoz Roglic នៅតែឈរលេខ ៤ ដដែលយឺតជាង ១ នាទី ៣៦ វិនាទី។សម្រាប់ដំណាក់កាលទី ១២ ថ្ងៃព្រហស្បតិ៍នេះមានចំងាយផ្លូវ ១៥១ គីឡូម៉ែត្របញ្ចប់នៅទីក្រុង Zaragoza៕ អត្ថបទ៖នាង សុភាវុធ

AFC U23៖ កម្ពុជា ចែក ១ពិន្ទុ ជាមួយលីបង់ ក្រោយប្ដូរទម្រង់លេងគួរឲ្យចាប់អារម្មណ៍នៅវគ្គទី២

ក្រុមបាល់ទាត់ជម្រើសជាតិអាយុក្រោម ២៣ឆ្នាំកម្ពុជា បានចែក ១ពិន្ទុម្នាក់ ជាមួយក្រុមជម្រើសជាតិ U23 លីបង់ បន្ទាប់ពីប្រកួតស្មើគ្នា ២-២ ក្នុងជំនួបបើកឆាកវគ្គជម្រុះជើងឯកយុវជនអាស៊ី AFC U23 Asian Cup Qatar 2024 នៅប្រទេសអារ៉ាប់ប៊ីសាអូឌីត កាលពីយប់មិញ ។ជំនួបបើកឆាកពូល J នេះ ក្រុម U23 លីបង់ បានដាក់សម្ពាធខ្លាំងលើក្រុមគោព្រៃជំទង់កម្ពុជា នៅវគ្គទី១ តែយ៉ាងណាលទ្ធផល ៤៥នាទីដំបូង ក្រុមទាំងពីរ បានត្រឹមស្មើគ្នា ១-១ បន្ទាប់ពីកីឡាករ Mohammad Nasser រកបានគ្រាប់នាំមុខឲ្យក្រុម U23 លីបង់ តាំងពីនាទីទី៧ មុនកម្ពុជា តាមស្មើវិញ ១-១ នៅចុងម៉ោង ក្រោយខ្សែប្រយុទ្ធ សារ ទី ទប់បាល់ដែលបញ្ជូនពីមិត្តរួមក្រុម ហើយក្រឡកទៅប៉ះជើងខ្សែការពារលីបង់ភ្លាត់ចូលទីខ្លួនឯងតែម្ដង(Own Goal) ។ចូលវគ្គទី២ ក្រុមជម្រើសជាតិ U23 កម្ពុជា ក្រោមការដឹកនាំរបស់គ្រូបង្វឹកជនជាតិជប៉ុនលោក Gyotoku Koji បានផ្លាស់ប្ដូរទម្រង់លេងគួរឲ្យចាប់អារម្មណ៍ ជាមួយការបង្កើតឱកាសក្នុងតំបន់គ្រោះថ្នាក់របស់គូប្រកួតច្រើន ផ្ទុយពីវគ្គទី១ ដែលត្រូវលីបង់ស៊ុតម្ដងហើយម្ដងទៀត តែត្រូវបានរារាំងដោយអ្នកចាំទី រ៉េត លីហេង ។ អ្វីដែលពិសេសនោះ គឺកម្ពុជា បានរកគ្រាប់បាល់នាំមុខលីបង់វិញ ដោយកីឡាករ ស រតនា នៅនាទី៦៥ មុនកីឡាករ Karim Mekkaoui រកបានគ្រាប់តាមស្មើឲ្យលីបង់ នៅនាទី៧៤ ហើយលទ្ធផលនេះ បានរក្សាដល់ចប់ការប្រកួតពេញម៉ោងតែម្ដងតាមរយៈការប្រកួតស្មើប្រទេស ដែលកំពុងឈរលេខរៀងទី១០០ នៃតារាងចំណាត់ថ្នាក់បាល់ទាត់ពិភពលោក ផ្នែកបុរសនេះ ត្រូវបានអ្នកគាំទ្រជាច្រើន ស្ងើចសរសើរចំពោះការខិតខំប្រឹងប្រែងរបស់ក្រុមការងារគ្រូ ក៏ដូចជាកីឡាករ ហើយសង្ឃឹមថា ការប្រកួតបន្ដបន្ទាប់ ក្រុមជម្រើសជាតិ U23 កម្ពុជា នឹងធ្វើបានកាន់តែប្រសើរថែមទៀត ។គួរដឹងថា ក្នុងយុទ្ធនាការប្រកួតជម្រុះជើងឯកយុវជនអាស៊ីនេះ ក្រុម U23 កម្ពុជា ស្ថិតក្នុងពូល J ជាមួយលីបង់ ម៉ុងហ្គោលី និងក្រុមម្ចាស់ផ្ទះអារ៉ាប់ប៊ីសាអូឌីត ។ ចំពោះកម្មវិធីប្រកួត ក្រោយប្រកួតស្មើក្រុម U23 លីបង់ កម្ពុជា នឹងបន្ដជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា មុនធ្វើការប្រកួតបញ្ចប់ពូល ជាមួយក្រុមម្ចាស់ផ្ទះ U23 អារ៉ាប់ប៊ីសាអូឌីត នាថ្ងៃទី១២ ខែកញ្ញា ឆ្នាំ២០២៣ ខាងមុខ៕ អត្ថបទ៖ លី ឈុនឡា

បាល់បោះជើងឯកពិភពលោករកឃើញ ៤ក្រុម ឡើងវគ្គពាក់កណ្តាលផ្តាច់ព្រ័ត្រ

ព្រឹត្តិការណ៍បាល់បោះជើងឯកពិភពលោក FIBA Basketball World Cup ដែលរៀបចំនៅប្រទេសហ្វីលីពីន ជប៉ុន និងឥណ្ឌូនេស៊ី បានរកឃើញ ៤ ក្រុមឡើងវគ្គពាក់កណ្តាលផ្តាច់ព្រ័ត្រ។ ការប្រកួតវគ្គ ៨ ក្រុមចុងក្រោយដែលសុទ្ធតែរៀបចំនៅលើទឹកដីហ្វីលីពីនទាំងអស់ ជំនួបចុងក្រោយបំផុតកាណាដាបានយកឈ្នះស្លូវេនីដោយលទ្ធផល ១០០-៨៩ ដោយក្នុងនោះកីឡាកររបស់ក្រុម Oklahoma city Thunder, Gilgeous-Alexander បោះបាន ៣១ ពិន្ទុម្នាក់ឯងបួករួមនឹង១០ បាល់រីបោន និង ៤ បាល់បញ្ជូន។ ការប្រកួតក្នុងថ្ងៃជាមួយគ្នាដែរ អាល្លឺម៉ង់បានយកឈ្នះឡេតូនីប្រផិតប្រផើយ ៨១-៧៩។ ដោយឡែកសម្រាប់វគ្គ ៨ ក្រុមចុងក្រោយ ២ ក្រុមផ្សេងទៀតបញ្ចប់កាលពីថ្ងៃអង្គារដោយលីទុយអានីចាញ់ស៊ែប ៦៨-៨៧ និង អាមេរិកយកឈ្នះអ៊ីតាលី ១០០-៦៣។ ការប្រកួតវគ្គពាក់កណ្តាលផ្តាច់ព្រ័ត្រនឹងធ្វើឡើងនៅថ្ងៃសុក្រស្អែកនេះរួមមានជំនួបរវាង ស៊ែបជួបកាណាដា និងអាល្លឺម៉ង់ជួបអាមេរិក ខណៈវគ្គផ្តាច់ព្រ័ត្រនឹងធ្វើឡើងនៅថ្ងៃអាទិត្យទី ១០ ចុងសប្តាហ៍នេះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្ពាធកើនឡើងលើអធិការបតីអាល្លឺម៉ង់ លោក Merz ក្រោយមានការរុះរើគណៈរដ្ឋមន្ត្រីដ៏ចម្រូងចម្រាស

ចិនថ្កោលទោសវិធានការរបស់សហរដ្ឋអាមេរិក ក្នុងការដាក់ទណ្ឌកម្មលើស្ថាប័នស្រាវជ្រាវចិន

ទោះប្រឈមភាពមិនប្រាកដប្រជាសកល និងការឈ្លានពានពីថៃ កម្ពុជានៅតែទាក់ទាញ FDI កើន ១៨%

រដ្ឋបាលលោក Trump ហាមឃាត់មនុស្សយន្តរូបរាងដូចមនុស្សថ្មីរបស់ចិន ដើម្បីការពារ AI របស់អាមេរិក

Bloomberg៖ EU គ្រោងនឹងអនុម័តកញ្ចប់ទណ្ឌកម្មទី២២ នៅខែតុលា និងដាក់ក្រុមហ៊ុន ១.៦០០ ក្នុងបញ្ជីខ្មៅ

ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជួបសំណេះសំណាល និងផ្តល់អនុសាសន៍ដល់ក្រុមនិស្សិតជ័យលាភីអាហារូបករណ៍រដ្ឋាភិបាលហុងគ្រី ឆ្នាំសិក្សា ២០២៦-២០២៧

ការគាំទ្រជាច្រើនទសវត្សរ៍របស់អាមេរិក ចំពោះអ៊ីស្រាអែល ប្រឈមបាត់បង់ក្រុមប្រជាធិបតេយ្យ

ក្រុមនិយោជកកូរ៉េ សរសើរពលករកម្ពុជាឧស្សាហ៍ និងស្មោះត្រង់លើការងារ ហើយគ្រោងស្នើរដ្ឋាភិបាលខ្លួន បន្ថែមកូតាពលករកម្ពុជា

ការវាយប្រហារតាមអាកាសរបស់អ៊ីស្រាអែល ធ្លាក់លើវិហារអ៊ីស្លាមនៅតំបន់ហ្កាហ្សាបណ្តាលឲ្យផ្ទុះខ្លាំង

ពិព័រណ៍ និងសន្និសីទអន្តរជាតិនៅកម្ពុជាឆ្នាំ២០២៦ មានស្តង់ជាងពីររយមកពីប្រទេសចំនួន ១៥ បានចូលរួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Tyson Fury និង Francis Ngannou បង្ហាញមុខក្នុងសន្និសីទសារព័ត៌មានមុនជួបគ្នានៅខែតុលា

Daniil Medvedev ឡើងវគ្គពាក់កណ្តាលផ្តាច់ព្រ័ត្រ US Open ក្រោយឈ្នះមិត្តរួមជាតិរុស្ស៊ី Ruben Rublev

Jorge Vilda៖ បណ្តេញគ្រូបង្វឹកដែលទើបឈ្នះ World Cup ជារឿងអយុត្តិធម៌បំផុត

អតីតអ្នកចាំទី Leicester City, Kasper Schmeichel ទទួលបានកិច្ចសន្យា ១ ឆ្នាំជាមួយ Anderlecht

Aryna Sabalenka បញ្ចប់ក្តីស្រម៉ៃកីឡាការិនីចិន Zhang Qinwen ត្រឹមវគ្គ ៨ នាក់ចុងក្រោយ US Open

បញ្ជីឈ្មោះ ៣០ នាក់ចុងក្រោយ Ballon d’Or មិនមានវត្តមាន Ronaldo លើកដំបូងក្នុងរយៈពេល ២០ ឆ្នាំ

Felix ថា មានផលវិបាកខ្លះ ចំពោះការប្រកួតមិត្តភាពត្រៀមជម្រុះ World Cup ជាមួយប៉ាគីស្ថាន

Jesus Herrada ឈ្នះដំណាក់កាលទី ១១ Vuelta a Espana តែ Sepp Kuss បន្តនាំមុខ

AFC U23៖ កម្ពុជា ចែក ១ពិន្ទុ ជាមួយលីបង់ ក្រោយប្ដូរទម្រង់លេងគួរឲ្យចាប់អារម្មណ៍នៅវគ្គទី២

បាល់បោះជើងឯកពិភពលោករកឃើញ ៤ក្រុម ឡើងវគ្គពាក់កណ្តាលផ្តាច់ព្រ័ត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Tyson Fury និង Francis Ngannou បង្ហាញមុខក្នុងសន្និសីទសារព័ត៌មាន​មុនជួបគ្នានៅខែតុលា

Daniil Medvedev ឡើងវគ្គពាក់កណ្តាលផ្តាច់ព្រ័ត្រ US Open ក្រោយឈ្នះមិត្តរួមជាតិរុស្ស៊ី Ruben Rublev

Jorge Vilda៖ បណ្តេញគ្រូបង្វឹកដែលទើបឈ្នះ World Cup ជារឿងអយុត្តិធម៌បំផុត

អតីតអ្នកចាំទី Leicester City, Kasper Schmeichel ទទួលបានកិច្ចសន្យា ១ ឆ្នាំជាមួយ Anderlecht

Aryna Sabalenka បញ្ចប់ក្តីស្រម៉ៃកីឡាការិនីចិន Zhang Qinwen ត្រឹមវគ្គ ៨ នាក់ចុងក្រោយ US Open

បញ្ជីឈ្មោះ ៣០ នាក់ចុងក្រោយ Ballon d’Or មិនមានវត្តមាន Ronaldo លើកដំបូង​ក្នុងរយៈពេល ២០ ឆ្នាំ

Felix ថា មានផលវិបាកខ្លះ ចំពោះការប្រកួតមិត្តភាពត្រៀមជម្រុះ World Cup ជាមួយប៉ាគីស្ថាន

Jesus Herrada ឈ្នះដំណាក់កាលទី ១១ Vuelta a Espana តែ Sepp Kuss បន្តនាំមុខ

AFC U23៖ កម្ពុជា ចែក ១ពិន្ទុ ជាមួយលីបង់ ក្រោយប្ដូរទម្រង់លេងគួរឲ្យចាប់អារម្មណ៍នៅវគ្គទី២

បាល់បោះជើងឯកពិភពលោករកឃើញ ៤ក្រុម ឡើងវគ្គពាក់កណ្តាលផ្តាច់ព្រ័ត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Tyson Fury និង Francis Ngannou បង្ហាញមុខក្នុងសន្និសីទសារព័ត៌មានមុនជួបគ្នានៅខែតុលា

បញ្ជីឈ្មោះ ៣០ នាក់ចុងក្រោយ Ballon d’Or មិនមានវត្តមាន Ronaldo លើកដំបូងក្នុងរយៈពេល ២០ ឆ្នាំ