BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

៤រាជធានី-ខេត្ត ឈ្នះមេដាយមាសកីឡាការ៉ាតេ នៃកីឡាមធ្យមសិក្សាថ្នាក់ជាតិ ឆ្នាំ២០២៣

កីឡាការ៉ាតេ បានបញ្ចប់ការប្រកួតរបស់ខ្លួនមុនគេ ក្នុងការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ បន្ទាប់ពីដំណើរការប្រកួតរយៈពេល ៤ថ្ងៃ ចាប់ពីថ្ងៃទី០៣ ដល់ថ្ងៃទី០៦ ខែកញ្ញា នៅសាលដំបូលទូក នៃសាកលវិទ្យាល័យភូមិន្ទភ្នំពេញ ខណៈមានអត្តពលិកមកពី ៤រាជធានី-ខេត្ត ដណ្ដើមបានមេដាយមាស ។សម្រាប់អត្តពលិកដណ្ដើមបានមេដាយច្រើនជាងគេ លើប្រភេទកីឡាការ៉ាតេនេះ គឺរាជធានីភ្នំពេញ ដែលដណ្ដើមបានមេដាយសរុប ៨គ្រឿង រួមមានមេដាយមាស ៤ ប្រាក់ ២ និងសំរឹទ្ធ ២ ខណៈខេត្តព្រះសីហនុ ឈរលេខ២ ដណ្ដើមបានមេដាយមាស ៣ និងសំរឹទ្ធ ២ សរុប ៥គ្រឿង ។ រីឯខេត្តកណ្ដាល ឈរលេខ៣ ឈ្នះមេដាយមាស ២ ប្រាក់ ២ និងសំរឹទ្ធ ៣ សរុប ៧គ្រឿង និងខេត្តបាត់ដំបង ឈរលេខ៤ ឈ្នះមេដាយមាស ១ ប្រាក់ ៤ និងសំរឹទ្ធ ៣ សរុប ៨គ្រឿង ។ថ្លែងក្នុងពិធីបិទការប្រកួតកីឡាដំបូង នៃកីឡាសិស្សមធ្យមសិក្សាថ្នាក់ជាតិនេះដែរ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា បានថ្លែងកោតសរសើរ និងអរគុណ ចំពោះថ្នាក់ដឹកនាំរាជធានី-ខេត្ត ដែលបានដឹកនាំកីឡាករ-កីឡាការិនីជាសិស្សានុសិស្សចូលរួមការប្រកួតនេះ ។ ឯកឧត្តមបានលើកទឹកចិត្តដល់កីឡាករ-កីឡាការិនីទាំងអស់ ទោះបីទទួលបានមេដាយ ឬអត់ តែត្រូវខិតខំហ្វឹកហាត់បន្ថែម ពេលទំនេរពីការសិក្សា ព្រោះការលេងកីឡានាំមកនូវអត្ថប្រយោជន៍ជាច្រើន ទាំងការសិក្សា និងសុខភាព ។មួយវិញទៀត ឯកឧត្តម វ៉ាត់ ចំរើន បានជំរុញដល់សាលារៀន ក៏ដូចជាក្លិបតាមរាជធានី-ខេត្តទាំងអស់ បន្ដយកចិត្តទុកដាក់ ដើម្បីអភិវឌ្ឍន៍ជំនាញកម្រិតខ្ពស់ដល់សិស្សានុសិស្ស ដែលមានឧបនិស្ស័យជាមួយវិស័យកីឡាបន្ថែមទៀត ដើម្បីរួមចំណែកអភិវឌ្ឍវិស័យកីឡាជាតិ ស្របតាមកំណែទម្រង់របស់ក្រសួង និងការយកចិត្តទុកដាក់ខ្ពស់ ពីឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា ដែលនឹងជំរុញឲ្យមានការប្រកួតនេះរៀងរាល់ឆ្នាំ សម្រាប់ផ្ដល់ឱកាសឲ្យសិស្សានុសិស្សបានចូលរួម ៕ អត្ថបទ៖ លី ឈុនឡា

គ្រូបង្វឹកឈ្នះពាន World Cup នារីអេស្ប៉ាញត្រូវដកតំណែង

លោក Jorge Vilda គ្រូបង្វឹកក្រុមបាល់ទាត់នារីជម្រើសជាតិអេស្ប៉ាញដែលទើបឈ្នះជើងឯកពិភពលោកថ្មីនោះ ត្រូវបានដកតំណែងហើយ សង្ស័យពាក់ព័ន្ធរឿងអាស្រូវជាមួយប្រធានសហព័ន្ធបាល់ទាត់ Luis Rubiales។លោកស្រី Montse Tome ត្រូវបានជ្រើសរើសជាអ្នកបន្តតំណែង និងបានក្លាយជាគ្រូបង្វឹកជានារីដំបូងដឹកនាំក្រុមនារីជម្រើសជាតិអេស្ប៉ាញ។អេស្ប៉ាញគឺជាជើងឯកបាល់ទាត់ពិភពលោកថ្មីៗ តែមិនបានអបអរពេញដៃពេញជើងឡើយ ដោយសារពពកខ្មៅ ជុំវិញរឿងប្រធានសហព័ន្ធបាល់ទាត់អេស្ប៉ាញលោក Luis Rubiales ថើបមាត់កីឡាការិនីខ្សែប្រយុទ្ធអេស្ប៉ាញ Jennifer Hermoso ក្រោយចប់ការប្រកួតវគ្គផ្តាច់ព្រ័ត្រ។ លោក Luis Rubiales ក៏ត្រូវបានថ្កោលទោសដោយមហាជន ចំពោះទង្វើអសីលធម៌នេះ និងឈានដល់ការដកតំណែង និងបញ្ឈជើងមិនឱ្យពាក់ព័ន្ធបាល់ទាត់ពី FIFA ផងដែរ។ពាក់ព័ន្ធនឹងរឿងនេះ គ្រូបង្វឹកក្រុមនារីអេស្ប៉ាញលោក Jorge Vilda ដែលធ្លាប់មានបញ្ហាជាមួយក្រុមកីឡាការិនីដែរនោះ ត្រូវបានគេសង្ស័យថាមានពាក់ព័ន្ធនឹង Luis Rubiales ទោះបីសេចក្តីថ្លែងការរបស់សហព័ន្ធបាល់ទាត់អេស្ប៉ាញពីការបញ្ចប់តំណែងនេះ មិនបានបញ្ជាក់ពីមូលហេតុក៏ដោយ។លោក Jorge Vilda ធ្លាប់មានបញ្ហាជាមួយកីឡាការិនីជម្រើសជាតិកាលពីដើមឆ្នាំ តែក្រោយមកក៏រកបានដំណោះស្រាយ តែនៅពេលនេះត្រូវបានគេដឹងថាក្រុមការងាររបស់លោក Vilda បានលាឈប់ ខណៈកីឡាការិនី ៨១ នាក់ផ្សេងទៀតបានបដិសេធមិនលេងឱ្យក្រុមអេស្ប៉ាញឡើយប្រសិនបើមានលោក Jorge Vilda ជាគ្រូបង្វឹក៕ អត្ថបទ៖នាង សុភាវុធ

Bukayo Saka ឈ្នះពានកីឡាករឆ្នើមរបស់អង់គ្លេស ២ ឆ្នាំជាប់គ្នា

ខ្សែប្រយុទ្ធស្លាប Arsenal, Bukayo Saka ត្រូវបានប្រកាសជាកីឡាករឆ្នើមបំផុតរបស់អង់គ្លេស ២ ឆ្នាំជាប់គ្នា។កីឡាករវ័យ ២២ ឆ្នាំរូបនេះ ទទួលបានសំលេងគាំទ្រច្រើនលើសលុបដើម្បីទទួលបានតំណែងនេះ ២ រដូវកាលជាប់គ្នា។ខ្សែបម្រើ Real Madrid, Jude Bellingham ឈរលេខ ២ ខណៈដែលប្រធានក្រុមជម្រើសជាតិ អ្នកស៊ុតបញ្ចូលទីច្រើនជាងគេឱ្យអង់គ្លេស Harry Kane ឈរលេខ ៣។Bukayo Saka បានស៊ុតបញ្ចូលទី ៧ គ្រាប់ក្នុងការបង្ហាញខ្លួន ១០ លើកឱ្យអង់គ្លេស បូករួមទាំង Hat-Trick ដំបូងក្នុងអាជីពក្នុងជ័យជំនះរបស់អង់គ្លេស ៧-០ លើ ម៉ាសេដ្វាន់ខាងជើងនៅ Old Trafford កាលពីខែមិថុនាក្នុងការប្រកួតជំរុះ Euro 2024។កាលពីនៅ World Cup 2022 ប្រទេសកាតា Saka រកបាន ៣ គ្រាប់ខណៈអង់គ្លេសឡើងដល់វគ្គ ៨ ក្រុមចុងក្រោយចាញ់បារាំង។ អង់គ្លេសនឹងត្រូវជួបអ៊ុយក្រែនថ្ងៃសៅរ៍នេះវគ្គជម្រុះ Euro 2024 មុនបន្តជួបជាមួយស្កុតឡេននៅថ្ងៃអង្គារលក្ខណៈមិត្តភាព៕ អត្ថបទ៖នាង សុភាវុធ

Mason Greenwood ទទួលការស្វាគមន៍ពីអ្នកគាំទ្រ Getafe នៅពេលហ្វឹកហាត់

ខ្សែប្រយុទ្ធចំនូលថ្មី Mason Greenwood បានទទួលការស្វាគមន៍យ៉ាងកក់ក្តៅអំឡុងពេលហ្វឹកហាត់ជាមួយក្រុមថ្មី Getafe ក្នុងកិច្ចសន្យាខ្ចីជើងពី Manchester United។ កីឡាករវ័យ ២១ ឆ្នាំរូបនេះបានផ្លាស់ទៅកាន់ក្លិបនៅលីគកំពូលអេស្ប៉ាញមួយនេះ កាលពីថ្ងៃសុក្រសប្តាហ៍មុន។កាលពីខែមុន Manchester United ធ្លាប់ឱ្យដឹងថា Mason Greenwood អាចនឹងចាកចេញពីក្លិបដោយកិច្ចព្រមព្រៀងមួយ បន្ទាប់ពីត្រូវបានលើកលែងទោសបាន ៦ ខែ។ បញ្ហារបស់ Greenwood នៅ Manchester United គឺជុំវិញរឿងអាស្រូវប៉ុនប៉ងរំលោភ និងប្រើប្រាស់ហឹង្សាលើ នារីភេទ តែក៏ត្រូវបានលើកលែងនឹងឱ្យនៅក្រៅឃុំកាលពីខែកុម្ភៈ។ Greenwood មិនបានហ្វឹកហាត់ រឺចូលលេងជាមួយ Manchester United តាំងពីត្រូវបានឃាត់ខ្លួនកាលពីខែមករាឆ្នាំ ២០២២។ បើតាមវីដេអូដែលបង្ហោះនៅលើបណ្តាញសង្គមផ្លូវការរបស់ Getafe គេឃើញមានអ្នកគាំទ្រស្រែកហ៊ោរ រីករាយចំពោះវត្តមានរបស់ Greenwood ហ្វឹកហាត់នៅកីឡដ្ឋាន Coliseum Alfonso Perez របស់ Getafe មុនធ្វើពិធីបង្ហាញផ្លូវការនៅថ្ងៃអង្គារម្សិលមិញ។ Getafe ចាប់ផ្តើមរដូវកាលបាន ៤ ប្រកួតនៅ La Liga ឈ្នះ ១ ស្មើ ១ ចាញ់ ២ ឈរលេខ ១៤ ក្នុងតារាងខណៈបរាជ័យចុងក្រោយបំផុតគឺនៅទឹកដី Real Madrid ២-១ ចុងសប្តាហ៍កន្លងទៅ៕ អត្ថបទ៖នាង សុភាវុធ

ចាប់ឆ្នោត FIFA Club World Cup, Man City រង់ចាំជួប Club Leon រឺ Urawa Red នៅវគ្គ ៤ ក្រុម

ក្រុមជើងឯកក្លិបកំពូលអឺរ៉ុប UEFA Champions League, Manchester United នឹងត្រូវរង់ចាំនៅវគ្គពាក់កណ្តាលផ្តាច់ព្រ័ត្រ ជួបជាមួយក្រុមឈ្នះរវាងជើងឯកអាមេរិកកណ្តាលក្លិបម៉ិកស៊ិក Club Leon រឺជើងឯកអាស៊ី AFC Champions League, Urawa Red Diamonds របស់ជប៉ុន បន្ទាប់ពីការចាប់ឆ្នោតថ្ងៃអង្គារម្សិលមិញ។ការប្រកួតដែលនឹងរៀបចំនៅខែធ្នូនៅអារ៉ាប៊ីសាអ៊ូឌីត ក្រុមជើងឯកអាមេរិកខាងត្បូង Libertadores ដែលរកមិនទាន់ឃើញនៅឡើយ នឹងត្រូវជួបជាមួយក្រុមម្ចាស់ផ្ទះ Al-Ittihad ជើងឯកអូសេអានី Auckland City របស់នូវែស៊ីឡង់ រឺជើងឯកអាហ្វ្រិក Al Ahly របស់អេស៊ីប។ក្រុមម្ចាស់ផ្ទះ ដែលជាជើងឯកលីគកំពូលអារ៉ាប៊ីសាអ៊ូឌីត Al-Ittihad នឹងបើកឆាកជួបជាមួយ Auckland City ហើយអ្នកឈ្នះនឹងឡើងជួបជាមួយ Al-Ahly។ Al-Ittihad ដែលចំណាយលុយច្រើនសន្ធឹកសន្ធាប់នាំយកកីឡាករល្បីៗពីអឺរ៉ុបដូចជា Karim Benzema ជាដើមនោះ សង្ឃឹមថានឹងអាចធ្វើបានដូច Al-Hilal ឆ្នាំមុន ដែលក្លាយជាក្លិបអារ៉ាប៊ីសាអ៊ូឌីតដំបូងឡើងដល់វគ្គផ្តាច់ព្រ័ត្រមុនពេលចាញ់ Real Madrid ដែលជាក្លិបជោគជ័យបំផុតនៅ FIFA Club World Cup ធ្លាប់ឈ្នះជើងឯក ៥ ដង។ សម្រាប់ឆ្នាំនេះ ៦ ក្រុមដែលចូលរួមសុទ្ធតែជាន់ជាមួយក្រុមដែលចូលរួមឆ្នាំមុនទាំងអស់ប្រសិនបើ Boca Junior អាចយកឈ្នះ Flamengo នៅវគ្គផ្តាច់ព្រ័ត្រ Copa Libertadores បាន។FIFA Club World Cup នឹងចាប់ផ្តើមនៅថ្ងៃទី ១២ ខែធ្នូ ខណៈវគ្គផ្តាច់ព្រ័ត្រធ្វើឡើងនៅថ្ងៃទី ២២ ខែធ្នូនៅកីឡដ្ឋានចំនួនពីរក្នុងទីក្រុង Jeddah ប្រទេសអារ៉ាប៊ីសាអ៊ូឌីត៕ អត្ថបទ៖នាង សុភាវុធ

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

ខ្សែការពារក្រុមបិសាចក្រហម Manchester United, Eric Bailly បានសំរេចក្នុងការផ្លាស់ផ្លូវការទៅកាន់ក្លិបទួកគី Besiktas ហើយ។ កីឡាករជម្រើសជាតិកូឌីវ័រវ័យ ២៩ ឆ្នាំរូបនេះ មិនស្ថិតក្នុងគម្រោងរបស់អ្នកចាត់ការ Erik ten Hag ឡើយ និងបានចំណាយពេលពេញមួយរដូវកាលមុននៅក្លិបបារាំង Olympique Marseille។Eric Bailly ជាកីឡាករដែលផ្ទេរមកកាន់ Manchester United ដំបូងបំផុតក្រោមការដឹកនាំរបស់អតីតអ្នកចាត់ការ Jose Mourinho ផ្លាស់ពី Villarreal នៅឆ្នាំ ២០១៦។មកដល់ពេលនេះ Bailly បង្ហាញខ្លួនសរុបបាន ១១៣ លើក រកបាន ១ គ្រាប់ តែញាំញីដោយសាររបួស។Eric Bailly ចូលលេងឱ្យ Man United ចុងក្រោយបំផុតក្នុងជ័យជំនះ ៣-១ លើ Burnley តាំងពីខែធ្នូឆ្នាំ ២០២១។Eric Bailly បានក្លាយជាកីឡាករ Man United ទីពីរដែលផ្លាស់ទៅកាន់ទឹកដីទួកគីរដូវក្តៅនេះ បន្ទាប់ពីខ្សែបម្រើប្រេស៊ីល Fred ផ្លាស់ទៅ Fenerbahce។ លីគកំពូលទួកគីនៅសល់ពេលដល់ថ្ងៃទី ១៥ ខែកញ្ញានេះដើម្បីទិញកីឡាករបន្ថែម។ Besiktas ចាប់ផ្តើមរដូវកាលថ្មីលីគកំពូលទួកគីបាន ៣ ប្រកួតឈ្នះ ២ ស្មើ ១ មិនដែលចាញ់ឈរលេខ ៤ ក្នុងតារាង៕ អត្ថបទ៖នាង សុភាវុធ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់

គណៈកម្មាធិការជាតិអូឡាំពិកកម្ពុជា(NOCC) និងក្រុមហ៊ុន អេ អាយ អេ ខេមបូឌា បានប្រកាសសហការគ្នារៀបចំព្រឹត្តិការណ៍រត់ប្រណាំង AIA Pink Run ដើម្បីអបអរសាទរភាពជោគជ័យ នៃព្រឹត្តិការណ៍ស៊ីហ្គេម-អាស៊ានប៉ាហ្គេម ឆ្នាំ២០២៣ ផង និងជំរុញការយល់ដឹងពីជំងឺមហារីកសុដន់ផងដែរ។ការប្រកាសនេះ ធ្វើឡើងក្នុងពិធីចុះហត្ថលេខាលើអនុស្សារណៈនៃការយោគយល់គ្នារយៈពេល ៣ឆ្នាំ ក្រោមវត្តមានឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការ CAMSOC-CAMAPGOC និងលោក Andrew Loh អគ្គនាយកក្រុមហ៊ុន អេ អាយ អេ ខេមបូឌា ព្រមទាំងវត្តមានលោក សែម ផល្លា នាយកចាត់ការទូទៅនៃគណៈកម្មការរៀបចំទិវារត់ប្រណាំងម៉ារ៉ាតុង កាលពីថ្ងៃទី០៥ ខែកញ្ញា ឆ្នាំ២០២៣ នៅទីស្នាក់ការ NOCC។ឯកឧត្តម វ៉ាត់ ចំរើន មានប្រសាសន៍ថា ព្រឹត្តិការណ៍រត់ប្រណាំង AIA Pink Run គ្រោងនឹងរៀបចំនាថ្ងៃទី២២ ខែតុលា ឆ្នាំ២០២៣ នៅរាជធានីភ្នំពេញ លើវិញ្ញាសារត់ចម្ងាយ ១០គីឡូម៉ែត្រ, ៥គីឡូម៉ែត្រ និងការត់កម្សាន្ដចម្ងាយ ២,៥គីឡូម៉ែត្រ ។ កម្មវិធីនេះ រៀបចំឡើងក្នុងគោលបំណងធំៗពីរ ទី១-ដើម្បីអបអរសាទរសមិទ្ធផល និងជោគជ័យនៃព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ និងទី២-លើកកម្ពស់ការយកចិត្តទុកដាក់ និងការយល់ដឹងដល់ស្ត្រី ដែលមានជំងឺមហារីកសុដន់ ដែលកំពុងរីករាលដាលលើពិភពលោក។ឯកឧត្តមបន្ដថា ការរៀបចំព្រឹត្តិការណ៍ ដើម្បីអបអរ ក៏ដូចជារំឮកពីមរតកស៊ីហ្គេម និងអាស៊ានប៉ារ៉ាហ្គេម ដែលបញ្ចប់ដោយជោគជ័យ គឺជាផ្នែកមួយ នៃការចងចាំព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ ហើយការផ្សព្វផ្សាយ និងជំរុញការយល់ដឹងពីជំងឺមហារីកសុដន់ ក៏ជារឿងសំខាន់ ដែលគ្រប់ភាគីពាក់ព័ន្ធត្រូវយកចិត្តទុកដាក់ផងដែរ ។ ហេតុនេះ ទើបគណៈកម្មាធិការជាតិអូឡាំពិកកម្ពុជា សម្រេចសហការជាមួយដៃគូ ដើម្បីរៀបចំកម្មវិធីរត់លក្ខណៈកម្សាន្ដនេះឡើង ដើម្បីលើកកម្ពស់សុខមាលភាពប្រជាពលរដ្ឋ ពិសេសពាក់ព័ន្ធសុខភាពរបស់ស្ដ្រីតែម្ដង ។ឆ្លៀតឱកាសនោះដែរ ឯកឧត្តម វ៉ាត់ ចំរើន ក៏បានអំពាវនាវដល់ស្ដ្រីទាំងអស់ ត្រៀមខ្លួនចូលរួមទទួលនូវការពិនិត្យ និងពិគ្រោះពាក់ព័ន្ធនឹងជំងឺមហារីកសុដន់ ដែលក្រុមហ៊ុន AIA នឹងមានរៀបចំក្រុមគ្រូពេទ្យជំនាញ ដើម្បីពិនិត្យដោយឥតគិតថ្លៃរយៈពេល ៣ថ្ងៃ មុនពិធីរត់ប្រណាំង AIA Pink Run ពោលគឺចាប់ពីថ្ងៃទី១៩ ដល់ថ្ងៃទី២១ ខែតុលាខាងមុខ៕ អត្ថបទ៖ លី ឈុនឡា

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

គ្មាននរណាអាចបង្អាក់ភាពជោគជ័យរបស់ កំពូលកីឡាករវាយកូនបាល់ស៊ែប Novak Djokovic បានឡើយបើទោះឈានដល់វ័យ ៣៦ ឆ្នាំក៏ដោយ បន្ទាប់ឈានឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤២ ក្នុងអាជីព បំបែកកំណត់ត្រារបស់ Roger Federer។ កីឡាករវ័យ ៣៦ ឆ្នាំរូបនេះហាក់មិនលំបាកខ្លាំងឡើយដើម្បីយកឈ្នះគូប្រកួតម្ចាស់ទឹកដីអាមេរិក Taylor Fritz នៅវគ្គ ៨ នាក់ចុងក្រោយតាមរយៈជ័យជំនះ ៣ សិតផ្ទួនៗ ៦-១ ៦-៤ និង ៦-៤ បន្តដំណើរស្វែងរកពាន Grand Slam លើកទី ២៤ ក្នុងអាជីពឱ្យស្មើកំណត់ត្រារបស់កីឡាការិនី Margaret Court។ជើងឯក US Open ៣ សម័យរូបនេះនឹងបន្តជួបជាមួយអ្នកឈ្នះរវាងកីឡាករអាមេរិកទាំងពីរ Frances Tiafoe រឺ Ben Shelton ដែលប្រកួតថ្ងៃនេះ។ ចំណែកការប្រកួតវគ្គ ៨ នាក់ចុងក្រោយពីរគូផ្សេងទៀតត្រូវប្រកួតយប់នេះ និងព្រឹកស្អែករួមមាន Daniil Medvedev ត្រូវជួបមិត្តរួមជាតិរុស្ស៊ី Ruben Rublev និងកីឡាករអេស្ប៉ាញ Carlos Alcaraz ជួបកីឡាករអាល្លឺម៉ង់ Alexander Zverev។ ងាកមកការប្រកួតផ្នែកនារីវិញ កីឡាការិនីក្តីសង្ឃឹមរបស់ម្ចាស់ផ្ទះអាមេរិក Coco Gauff មិនធ្វើឱ្យអ្នកគាំទ្រខកបំណងឡើយ បន្ទាប់ពីយកឈ្នះកីឡាការិនីមកពីឡេតូនី Jelena Ostapenko មិនលំបាក ៦-០ និង ៦-២ ប្រើពេលត្រឹម ៦៧ នាទីដើម្បីឈានឡើងវគ្គពាក់កណ្តាលផ្តាច់ព្រ័ត្រ។Coco Gauff ដែលមកដល់ US Open នេះជាមួយទំនុកចិត្តបន្ទាប់ពីទើបឈ្នះពីរកម្មវិធីជាប់គ្នានៅ Washington និង Cincinnati នោះ នឹងបន្តជួបជាមួយកីឡាការិនីឆេកលំដាប់លេខ ១០ ពិភពលោក Karolina Muchova ដែលបានយកឈ្នះកីឡាការិនីរ៉ូម៉ានី Sorana Cirstea ៦-០ និង ៦-៣៕ អត្ថបទ៖នាង សុភាវុធ

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

ក្រុមជម្រើសជាតិអាយុក្រោម ២៣ឆ្នាំកម្ពុជា នឹងត្រូវជួបក្រុមជម្រើសជាតិ U23 លីបង់ នាវេលាម៉ោង ៨យប់នេះ(ម៉ោងនៅកម្ពុជា) ដែលជាជំនួបបើកឆាកវគ្គជម្រុះជើងឯកយុវជនអាស៊ី AFC U23 Asian Cup Qatar 2024 ពូលJ នៅកីឡដ្ឋាន Prince Sultan Bin Abdulaziz Sports City ប្រទេសអារ៉ាប់ប៊ីសាអូឌីត ។ការប្រកួតនេះ ធ្វើឡើង ២ថ្ងៃ បន្ទាប់ពីក្រុមគោព្រៃជំទង់កម្ពុជា បានធ្វើដំណើរទៅដល់ប្រទេសអារ៉ាប់ប៊ីសាអូឌីត កាលពីថ្ងៃទី០៤ ខែកញ្ញាកន្លងទៅ ក្រោមការដឹកនាំរបស់គ្រូបង្វឹកជនជាតិជប៉ុន លោក Gyotoku Koji ។គួរដឹងថា បេសកកម្ម នៃការប្រកួតជម្រុះជើងឯកយុវជនអាស៊ីនេះ ក្រុម U23 កម្ពុជា ស្ថិតក្នុងពូលJ ជាមួយគូប្រជែង ៣ក្រុមទៀត ខណៈក្រោយជួបលីបង់ ក្រុមគោព្រៃជំទង់កម្ពុជា នឹងត្រូវជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា និងចុងក្រោយជួបក្រុមម្ចាស់ផ្ទះ U23 អារ៉ាប់ប៊ីសាអូឌីត នាថ្ងៃទី១២ ខែកញ្ញាខាងមុខ ។ចំពោះព្រឹត្តិការណ៍បាល់ទាត់យុវជនប្រចាំទ្វីបអាស៊ីនេះដែរ គឺមាន ៤៣ក្រុម និងចែកចេញជា ១១ពូល សម្រាប់ធ្វើការប្រកួតជម្រុះ ចាប់ពីថ្ងៃទី០៤-១២ ខែកញ្ញា ឆ្នាំ២០២៣ ដើម្បីចម្រាញ់រកក្រុមកំពូលតារាង នៃពូលនីមួយៗ ព្រមទាំងក្រុមលេខ២ ល្អជាងគេ ៤ក្រុម ឡើងទៅប្រកួតជុំផ្ដាច់ព្រ័ត្រ ដែលគ្រោងធ្វើការប្រកួតពីថ្ងៃទី១៥ ខែមេសា ដល់ថ្ងៃទី០៣ ខែឧសភា ឆ្នាំ២០២៤ នៅប្រទេសកាតា៕ អត្ថបទ៖ លី ឈុនឡា

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

កីឡាករប្រណាំងកង់អ៊ីតាលី Filippo Ganna បានស្គាល់ជ័យជំនះដំបូងក្នុងដំណាក់កាលនៅព្រឹត្តិការណ៍ប្រណាំងកង់ Grand Tour, Vuelta a Espana បន្ទាប់ពីឈ្នះដំណាក់កាលទី ១០ ប្រណាំងយកថេរវេលាផ្ទាល់ខ្លួន។ដំណាក់កាលទី ១០ ដែលមានចំងាយផ្លូវ ២៦ គីឡូម៉ែត្រនៅទីក្រុង Valladolid កីឡាកររបស់ក្រុមប្រណាំង Ineos Grenadiers, Filippo Ganna ប្រើពេល ២៧ នាទី ៣៩ វិនាទី ល្អជាងគេ ខណៈអ្នកលេខ ២ គឺកីឡាករប៊ែលហ្ស៊ិក ជើងឯកពិភពលោកថ្មីថ្មោង Remco Evenepoel យឺងជាង ១៦ វិនាទី និងអ្នកលេខ ៣ ជើងឯក Vuelta ៣ សម័យ Primoz Roglic យឺតជាង ២០ វិនាទី។ ក្រោយ ១០ ដំណាក់កាលនេះ កីឡាករអាមេរិក Sepp Kuss នៅតែបន្តនាំមុខគេដដែល តែកាត់បន្ថយថេរវេលានាំមុខមកត្រឹម ២៦ វិនាទីបន្ទាប់ពីកីឡាកររបស់ក្រុម Jumbo-Visma រូបនេះបញ្ចប់នៅដំណាក់កាលទី ១០ នេះនៅចំណាត់ថ្នាក់លេខ ១៣។ លេខ ២ ក្នុងតារាងរួមគឺកីឡាករអេស្ប៉ាញ Marc Soler ខណៈអ្នកលេខ ៣ Remco Evenepoel យឺងជាង ១ នាទី ៩ វិនាទី និងលេខ ៤ Primoz Roglic យឺងជាង ១ នាទី ៣៦ វិនាទី។ សម្រាប់ដំណាក់កាលទី ១១ ថ្ងៃពុធនេះមានចំងាយផ្លូវ ១៦៣.៥ គីឡូម៉ែត្រ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការចាប់អារម្មណ៍ខ្លាំងដោយរដ្ឋមន្ត្រីការបរទេសអាមេរិក លើគុយបា គឺជាផ្នែកនៃក្តីស្រមៃអាមេរិករបស់លោក

FT៖ កម្លាំងមីស៊ីលរបស់អ៊ីរ៉ង់នៅតែមានប្រសិទ្ធភាព ទោះបីរងការវាយប្រហារពីអាមេរិករយៈពេល ៥ ខែក៏ដោយ

របាយការណ៍៖ កងទ័ពលីបង់រកឃើញឃ្លាំងអាវុធរបស់ក្រុមហេសបូឡា នៅតំបន់សាកល្បង

បារាំងជម្លៀសមនុស្ស ៤ពាន់នាក់បន្ថែម ខណៈចំហេះព្រៃនាំឱ្យជាង ៣០ម៉ឺននាក់ភៀសខ្លួន នៅភាគនិរតីទ្វីបអឺរ៉ុប

សម្ពាធកើនឡើងលើអធិការបតីអាល្លឺម៉ង់ លោក Merz ក្រោយមានការរុះរើគណៈរដ្ឋមន្ត្រីដ៏ចម្រូងចម្រាស

ចិនថ្កោលទោសវិធានការរបស់សហរដ្ឋអាមេរិក ក្នុងការដាក់ទណ្ឌកម្មលើស្ថាប័នស្រាវជ្រាវចិន

ទោះប្រឈមភាពមិនប្រាកដប្រជាសកល និងការឈ្លានពានពីថៃ កម្ពុជានៅតែទាក់ទាញ FDI កើន ១៨%

រដ្ឋបាលលោក Trump ហាមឃាត់មនុស្សយន្តរូបរាងដូចមនុស្សថ្មីរបស់ចិន ដើម្បីការពារ AI របស់អាមេរិក

Bloomberg៖ EU គ្រោងនឹងអនុម័តកញ្ចប់ទណ្ឌកម្មទី២២ នៅខែតុលា និងដាក់ក្រុមហ៊ុន ១.៦០០ ក្នុងបញ្ជីខ្មៅ

ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជួបសំណេះសំណាល និងផ្តល់អនុសាសន៍ដល់ក្រុមនិស្សិតជ័យលាភីអាហារូបករណ៍រដ្ឋាភិបាលហុងគ្រី ឆ្នាំសិក្សា ២០២៦-២០២៧

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

៤រាជធានី-ខេត្ត ឈ្នះមេដាយមាសកីឡាការ៉ាតេ នៃកីឡាមធ្យមសិក្សាថ្នាក់ជាតិ ឆ្នាំ២០២៣

គ្រូបង្វឹកឈ្នះពាន World Cup នារីអេស្ប៉ាញត្រូវដកតំណែង

Bukayo Saka ឈ្នះពានកីឡាករឆ្នើមរបស់អង់គ្លេស ២ ឆ្នាំជាប់គ្នា

Mason Greenwood ទទួលការស្វាគមន៍ពីអ្នកគាំទ្រ Getafe នៅពេលហ្វឹកហាត់

ចាប់ឆ្នោត FIFA Club World Cup, Man City រង់ចាំជួប Club Leon រឺ Urawa Red នៅវគ្គ ៤ ក្រុម

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

៤រាជធានី-ខេត្ត ឈ្នះមេដាយមាសកីឡាការ៉ាតេ នៃកីឡាមធ្យមសិក្សាថ្នាក់ជាតិ ឆ្នាំ២០២៣

គ្រូបង្វឹកឈ្នះពាន World Cup នារីអេស្ប៉ាញត្រូវដកតំណែង

Bukayo Saka ឈ្នះពានកីឡាករឆ្នើមរបស់អង់គ្លេស ២ ឆ្នាំជាប់គ្នា

Mason Greenwood ទទួលការស្វាគមន៍ពីអ្នកគាំទ្រ Getafe នៅពេលហ្វឹកហាត់

ចាប់ឆ្នោត FIFA Club World Cup, Man City រង់ចាំជួប Club Leon រឺ Urawa Red នៅវគ្គ ៤ ក្រុម

ខ្សែការពារ​ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹង​ជំងឺមហារីកសុដន់

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់