BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Georginio Wijnaldum ចាកចេញពី PSG ទៅចូលរួមមួយក្លិបអារ៉ាប៊ីសាអ៊ូឌីត Al-Ettifaq

ខ្សែបម្រើហូឡង់ Georginio Wijnaldum បានសំរេចក្នុងការផ្លាស់ចាកចេញពីក្លិបបារាំង Paris Saint Germain ទៅចូលរួមជាមួយក្លិបអារ៉ាប៊ីសាអ៊ូឌីត Al-Ettifaq នៅក្របខណ្ឌ Saudi Pro League ដែលកំពុងដឹកនាំដោយអតីតខ្សែបម្រើ Liverpool, Steven Gerrard។កីឡាករវ័យ ៣២ ឆ្នាំរូបនេះនឹងចូលរួមជាមួយអតីតមិត្តរួមក្រុមនៅ Liverpool, Jordan Henderson ដែលផ្លាស់ទៅទីនោះកាលពីខែកក្កដា។ក្លិបទាំងពីរមិនបានបង្ហាញពីតម្លៃលំអិតនៃកិច្ចសន្យាផ្ទេរនេះឡើយ។Wijnaldum បានចំណាយពេលពេញមួយរដូវកាលមុននៅក្លិបអ៊ីតាលី AS Roma តែរបួសបាក់ជើងដែលធ្វើឱ្យអវត្តមានពីក្រុមជម្រើសជាតិហូឡង់នៅ World Cup ឆ្នាំមុន និងអវត្តមានពី Roma ៦ ខែនៃក្របខណ្ឌ Serie A។កីឡាករវ័យ ៣២ ឆ្នាំរូបនេះធ្លាប់ឈ្នះជើងឯក UEFA Champions League នៅឆ្នាំ ២០១៩ និង English Premier League នៅឆ្នាំ ២០២០ ជាមួយហង្សក្រហម Liverpool ក្នុងរយៈពេល ៥ ឆ្នាំនៃអាជីពនៅ Anfield។អតីតខ្សែបម្រើ Newcastle រូបនេះធ្លាប់បង្ហាញខ្លួនឱ្យក្រុមជម្រើសជាតិហូឡង់ ៩០ លើក តែមិនជោគជ័យឡើយជាមួយ PSG ដោយបង្ហាញខ្លួនបានត្រឹម ៣៨ លើកប៉ុណ្ណោះ។Al-Ettifaq ដែលកំពុងដឹកនាំដោយ Steven Gerrard កំពុងឈរលេខ ៥ ក្នុងតារាងនៃក្របខណ្ឌ Saudi Pro League ក្រោយចាប់រដូវកាលបាន ៥ ប្រកួត៕ អត្ថបទ៖នាង សុភាវុធ

អតីតខ្សែបម្រើអេស្ប៉ាញ Juan Mata ផ្លាស់ទៅក្លិបជប៉ុន Vissel Kobe

អតីតខ្សែបម្រើក្រុមជម្រើសជាតិអេស្ប៉ាញ Juan Mata បានសំរេចក្នុងផ្លាស់ទៅកាន់ក្លិបជប៉ុន Vissel Kobe នៃក្របខណ្ឌលីគកំពូលជប៉ុន។ កីឡាករវ័យ ៣៥ ឆ្នាំដែលធ្លាប់ចំណាយពេលនៃអាជីពរបស់ខ្លួនជាមួយ Chelsea និង Manchester United នៅទឹកដីអង់គ្លេសរូបនេះ នៅទំនេរពីអាជីពកីឡាករបាល់ទាត់របស់ខ្លួនតាំងពីចាកចេញពីក្លិបទួកគី Galatasaray កាលពីថ្ងៃទី ១ ខែកក្កដា។ មុននឹងចាកចេញនោះ Mata បានជួយ Galatasaray ឈ្នះជើងឯកលីគកំពូលទួកគី តែពេលវេលាលេងបាល់ ១១ នាក់ដំបូងមានកំរិត។ សមិទ្ធផលធំបំផុតរបស់ Juan Mata នៅក្នុងអាជីពគឺឈ្នះជើងឯក World Cup 2010 នៅអាហ្វ្រិកខាងត្បូងជាមួយក្រុមជម្រើសជាតិអេស្ប៉ាញ មុននឹងបន្តឈ្នះជើងឯក UEFA Champions League ជាមួយតោខៀវ Chelsea នៅឆ្នាំ ២០១៣ ក្រោយផ្លាស់ពី Valencia ក៏ដូចជាឈ្នះជើងឯក Europa League និង FA Cup ជាមួយ Chelsea និង Manchester United៕ អត្ថបទ៖នាង សុភាវុធ

Aleix Espargaro ឈ្នះការប្រណាំងម៉ូតូ GP នៅទីលាន Catalunya ប្រទេសអេស្ប៉ាញ

កីឡាករប្រណាំងម៉ូតូអេស្ប៉ាញ Aleix Espargaro បានប្រជែងឈ្នះការប្រណាំងម៉ូតូ GP ពិភពលោកនៅទីលាន Catalunya ទឹកដីកំណើតអេស្ប៉ាញនៅចំពោះមុខអ្នកគាំទ្ររបស់ខ្លួន។ ការប្រកួតចាប់ផ្តើមបានត្រឹមផ្លូវបត់ទី ២ ប៉ុណ្ណោះ កីឡាករអ៊ីតាលី Francesco Bagnaia របស់ក្រុម Ducati ដែលចេញដំណើរមុខគេនោះ ក្រឡាច់ចង្កូចដួលម្នាក់ឯង ខណៈដែលការប្រកួតត្រូវផ្អាកមួយអន្លើ។ ការប្រកួតចាប់ផ្តើមសាជាថ្មី Maverick Vinales ជាអ្នកនាំមុខគេ មុនពេលដែល Brad Binder របស់ក្រុម KTM ត្រូវដើរចេញពីការប្រកួត។ Aleix Espargaro ជិះម៉ូតូលេខ ៤១ ក៏បានវ៉ាជែងផុត Maverick Vinales មុនបន្តមកដល់ទីព្រ័ត្រមុនគេនៅចំពោះមុខមិត្តរួមជាតិអេស្ប៉ាញ Maverick Vinales និងកីឡាករអេស្ប៉ាញមួយរូបទៀត Jorge Martin ទទួលបានចំណាត់ថ្នាក់លេខ ៣ ពោលគឺនៅលើវេទិកាកិត្តិយសសុទ្ធតែជាកីឡាករអេស្ប៉ាញ។ យ៉ាងណាក្តីក្រោយ ១១ ទីលានរដូវកាលនេះ កីឡាករអ៊ីតាលី Francesco Bagnaia នៅតែបន្តនាំមុខគេដដែលមានសរុប ២៦០ ពិន្ទុ តាមពីក្រោយដោយ Jorge Martin មាន ២១០ ពិន្ទុ និងលេខ ៣ កីឡាករអ៊ីតាលី Matteo Bezzecchi។ ទីលានទី ១២ រដូវកាលនេះ ម៉ូតូ GP នឹងបន្តដំណើរទៅប្រទេសឥណ្ឌាចុងសប្តាហ៍នេះ៕ អត្ថបទ៖នាង សុភាវុធ

កីឡាករស៊ុយអែត Ludvig Aberg គ្រងជើងឯកវាយកូនគោល DP World Tour លើកដំបូង

កីឡាករវាយកូនគោលស៊ុយអែត Ludvig Aberg បានដណ្តើមយកជើងឯក DP World Tour ជាលើកដំបូងក្នុងអាជីព បន្ទាប់ពីឈ្នះការប្រកួត European Masters ដែលរៀបចំនៅ Crans-Montana ប្រទេសស្វ៊ីស។ កីឡាករវ័យ ២៣ ឆ្នាំរូបនេះធ្វើបាន ៤ Birdies ជាប់គ្នានៅឡូទី ១៤ ដើម្បីបញ្ចប់ការប្រកួតជាមួយ ៦ អាន់ឌើផា និងសរុបរួម ១៩ អាន់ឌើផា ឈ្នះអ្នកលេខ ២ មិត្តរួមជាតិស៊ុយអែត Alexander Bjork ដែលមាន ១៧ អាន់ឌើផា។ ចំណែកឯកីឡាករអង់គ្លេស Matt Fitzpatrick បានក្រឡាប់ចាកនៅថ្ងៃចុងក្រោយ បន្ទាប់ពីចាប់ផ្តើមថ្ងៃចុងក្រោយជាមួយនឹងការនាំមុខ ២ ស្ត្រូក តែធ្វើមិនបានល្អដោយបញ្ចប់ថ្ងៃចុងក្រោយត្រឹម ១ អាន់ឌើផា និងសរុបរួម ១៦ អាន់ឌើផា ធ្លាក់ទៅឈរលេខ ៣ រួមជាមួយកីឡាករស្កុតឡេន Connor Syme។ យ៉ាងណាក្តី Matt Fitzpatrick ធ្វើបានគ្រប់គ្រាន់ហើយដើម្បីកៅអី Ryder Cup រួមជាមួយកីឡាករស្កុតឡេន Robert MacIntyre៕ អត្ថបទ៖នាង សុភាវុធ

Max Verstappen បំបែកកំណត់ត្រាកីឡាករ F1 ដំបូងឈ្នះការប្រកួត ១០ ទីលានជាប់គ្នា

ជើងឯក Formula One ពិភពលោក ២ សម័យ Max Verstappen បានសរសេរទំព័រថ្មីនៃប្រវត្តិសាស្រ្ត F1 ក្លាយជាកីឡាករទី ១ ឈ្នះការប្រកួត ១០ ទីលានជាប់គ្នា ក្រោយឈ្នះការប្រកួតនៅទីលាន Monza ប្រទេសអ៊ីតាលីកាលពីថ្ងៃអាទិត្យម្សិលមិញ។ កីឡាកររហូឡង់របស់ក្រុម Red Bull រូបនេះចេញដំណើរពីក្រោយ Carlos Sainz របស់ Ferrari ដែលជាអ្នកឈ្នះការប្រណាំងយកទីចេញដំណើរ Pole Position កាលពីថ្ងៃសៅរ៍ និងបានវ៉ាជែងផុតកីឡាករអេស្ប៉ាញរូបនេះនៅជុំទី ១៤ នៅពេលកំហុសរបស់ Sainz ដែលរងសំពាធពីការប្រដេញប្រកៀកប្រកិតដោយ Verstappen។Carlos Sainz ក្រោយមកក៏បាត់បង់តំណែងលេខ ២ ទៀតដោយកីឡាកររបស់ Red Bull មួយរូបទៀត Sergio Perez ហើយក៏ត្រូវការពារតំណែងលេខ ៣ របស់ខ្លួនដ៏តានតឹងជាមួយមិត្តរួមក្រុម Ferrari, Charles Leclerc ផងដែរ។ ជ័យជំនះរបស់ Max Verstappen នៅពេលនេះគឺជាជ័យជំនះ ១០ ទីលានជាប់គ្នា បំបែកកំណត់ត្រារបស់កីឡាករអាល្លឺម៉ង់ជើងឯកពិភពលោក ៤ សម័យ Sebastian Vettel ដែលធ្លាប់ឈ្នះ ៩ ទីលានជាប់គ្នាអំឡុងពេលប្រកបអាជីពជាមួយ Red Bull ផងដែរកាលពីឆ្នាំ ២០១៣។គិតមកដល់ពេលនេះ រដូវកាលនេះ Red Bull ឈ្នះការប្រកួតទាំង ១៤ ទីលាន ខណៈ Max Verstappen កាន់ ៣៦៤ ពិន្ទុ ដាច់ពីមិត្តរួមក្រុម Sergio Perez ដែលមាន ២១៩ ពិន្ទុ ខណៈ Fernando Alonso លេខ ៣ មាន ១៧០ ពិន្ទុ។ សម្រាប់ទីលានបន្ទាប់ Formula One ពិភពលោកនឹងធ្វើដំណើរមកកាន់តំបន់អាស៊ីអាគ្នេយ៍នៅលើទឹកដីសិង្ហបុរីនៅថ្ងៃអាទិត្យទី ១៧ ខែកញ្ញានេះ៕ អត្ថបទ៖នាង សុភាវុធ

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា បានគូសបញ្ជាក់ថា ការប្រកួតកីឡាមធ្យមសិក្សា មិនមែនជាជាវេទិការ ឬសមរភូមិ សម្រាប់ប្រកួតស្លាប់-រស់ ឬដើម្បីតែឈ្នះ-ចាញ់នោះទេ តែជាកន្លែងប្រកួត ដើម្បីរឹងចំណងមិត្តភាព សាមគ្គីភាព និងបង្កើនបញ្ញាស្មារតី ក៏ដូចជាសុខភាព ទាំងផ្លូវការ និងផ្លូវចិត្ដ ។ការគូសបញ្ជាក់នេះ ធ្វើឡើងក្នុងពិធីបើកការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ កាលពីល្ងាចថ្ងៃទី០៣ ខែកញ្ញា នៅវិមានពហុកីឡដ្ឋានជាតិ គ្រាដែលព្រឹត្តិការណ៍ប្រចាំឆ្នាំនេះ មានប្រតិភូ និងកីឡាករ-កីឡាការិនីចូលរួមប្រកួតសរុបចំនួន ៣,២៥៧នាក់ មកពី ២៥រាជធានី-ខេត្ត ។ ការប្រកួតនេះ គឺធ្វើឡើងពីថ្ងៃទី០២ ដល់ថ្ងៃទី១១ ខែកញ្ញា ឆ្នាំ២០២៣ ខាងមុខ នៅរាជធានីភ្នំពេញ ។ក្នុងនាមឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ឯកឧត្តម វ៉ាត់ ចំរើន បានថ្លែងអំណរគុណប្រតិភូ និងកីឡាករ-កីឡាការិនីទាំងអស់ ដែលបានចូលរួមការប្រកួតកីឡាមធ្យមសិក្សាឆ្នាំនេះ ដើម្បីបង្ហាញពីការគាំទ្រនូវកំណែទម្រង់ស៊ីជម្រៅនៃវិស័យអប់រំកាយ និងកីឡា ដើម្បីជំរុញវិស័យមួយនេះឲ្យកាន់តែរីកចម្រើន ស្របតាមយុទ្ធសាស្ដ្ររបស់រាជរដ្ឋាភិបាល ដែលដឹកនាំដោយសម្ដេចមហាបរវធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា ដែលបានដាក់ចេញនូវយុទ្ធសាស្ដ្រជាច្រើន ក្នុងនោះក៏មានការជំរុញការអភិវឌ្ឍន៍យុវជន និងកីឡា ឲ្យកាន់តែស៊ីជម្រៅផងដែរ ។ឯកឧត្តមរដ្ឋលេខាធិការបន្ដថា ការប្រកួតនេះ គឺជាឱកាសបង្ហាញសមត្ថភាព និងជំនាញ តែក្រៅពីនេះ ការប្រកួតនេះ ក៏ផ្ដល់ឱកាសឲ្យសិស្សានុសិស្សទូទាំងប្រទេសបានជួបជុំគ្នា ដើម្បីកសាងមិត្តភាព សាមគ្គីភាព និងសុខដុមនីយកម្មក្នុងរង្វង់គ្រួសារកីឡាជាតិ នៃក្របខណ្ឌកីឡាមធ្យមសិក្សាទូទាំងប្រទេស ។ ដូច្នេះការប្រកួតមិនមែនផ្ដោយតែលើលទ្ធផលឈ្នះ-ចាញ់នោះទេ សំខាន់បំផុត ត្រូវគោរពវិន័យ និងរក្សាឲ្យបាននូវស្មារតីកីឡា ដើម្បីចំណងសាមគ្គីភាព និងមិត្តភាព បង្កើនបញ្ញាស្មារតី ស្របតាមពាក្យស្លោក នៃព្រឹត្តិការណ៍កីឡាសិស្សមធ្យមសិក្សាឆ្នាំនេះគឺ «កីឡាអភិវឌ្ឍន៍មនុស្ស មនុស្សអភិវឌ្ឍន៍សង្គម» ។សូមបញ្ជាក់ថា កីឡាមធ្យមសិក្សាថ្នាក់ជាតិឆ្នាំនេះ មានកីឡា ១២ប្រភេទ ស្មើនឹង ១០៥វិញ្ញាសា ។ ចំពោះកីឡាទាំង ១២ប្រភេទ ដែលត្រូវបានក្រសួងអប់រំកំណត់ដាក់ក្នុងការប្រកួតឆ្នាំនេះ រួមមានកីឡាបាល់ទាត់ បាល់ទះ បាល់បោះ អត្តពលកម្ម វាយកូនឃ្លីលើតុ វាយសី តេក្វាន់ដូ WT តេក្វាន់ ITF ប៉េតង់ ល្បុក្កតោ ហែលទឹក និងកីឡាការ៉ាតេ៕ អត្ថបទ៖ លី ឈុនឡា

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

កីឡាករប្រណាំងកង់អាល្លឺម៉ង់ Lennard Kemna បានប្រជែងឈ្នះដំណាក់កាលទី ៩ នៃព្រឹត្តិការណ៍ប្រណាំងកង់ Grand Tour, Vuelta a Espana តែអ្នកនាំមុខរួមនៅតែជាកីឡាករអាមេរិក Sepp Kuss ពីរដំណាក់កាលជាប់គ្នា។ដំណាក់កាលទី ៩ ដែលមានចំងាយផ្លូវ ១៨៤.៥ គីឡូម៉ែត្រ កីឡាកររបស់ក្រុមប្រណាំង Bora-Hansgrohe, Lennard Kemna បានមកដល់ទីព្រ័ត្រមុនគេប្រើពេល ៤ ម៉ោង ២៨ នាទី ៥៩ វិនាទី តាមពីក្រោយ ១៣ វិនាទីដោយកីឡាករអ៊ីតាលី Matteo Sobrero និងលេខ ៣ កីឡាករអូស្រ្តាលី Chris Hamilton យឺតជាង ១ នាទី ១២ វិនាទី។ យ៉ាងណាក្តី កីឡាករអាមេរិក Sepp Kuss របស់ក្រុម Jumbo-Visma ដែលបានឡើងមកនាំមុខគេក្នុងតារាងរួមនៅដំណាក់កាលទី ៨ នោះ នៅតែបន្តនាំមុខដដែលក្រោយដំណាក់កាលទី ៩ នេះដោយវេលាចំណេញពីអ្នកលេខ ២ កីឡាករអេស្ប៉ាញ Marc Soler ៤៣ វិនាទី និងលេខ ៣ កីឡាករបារាំង Lenny Martinez យឺតជាង ១ នាទី ២ វិនាទី។ មិនមានការប្រកួតឡើយនៅថ្ងៃចន្ទនេះ ជាថ្ងៃសម្រាប់ ខណៈដំណាក់កាលទី ១០ នឹងបន្តនៅថ្ងៃអង្គារលើចំងាយផ្លូវ ២៥.៨ គីឡូម៉ែត្រ ដែលជាដំណាក់កាលប្រណាំងយកថេរវេលាផ្ទាល់ខ្លួននៅទីក្រុង Valladolid៕ អត្ថបទ៖នាង សុភាវុធ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024

អ្នកចាត់ការក្រុមជម្រើសជាតិអង់គ្លេសលោក Gareth Southgate បានសំរេចកោះហៅ Jordan Henderson និង Harry Maguire ចូលរួមជាមួយក្រុមជម្រើសជាតិត្រៀមសម្រាប់ការប្រកួតវគ្គជម្រុះ Euro 2024 ទល់នឹងអ៊ុយក្រែន និងស្កុតឡេនលក្ខណៈមិត្តភាពក្នុងខែកញ្ញានេះ។ខ្សែបម្រើវ័យ ៣៣ ឆ្នាំ Jordan Henderson បានចាកចេញពី Liverpool នៅទីកាន់ក្លិបអារ៉ាប៊ីសាអ៊ូឌីត Al-Ettifaq កាលពីខែកក្កដា ខណៈខ្សែការពារកណ្តាល Harry Maguire មិនទាន់បានចូលលេងនៅឡើយនៅ Manchester United រដូវកាលថ្មីនេះ។ខ្សែប្រយុទ្ធ Arsenal, Eddie Nketiah និងខ្សែការពារកណ្តាល Chelsea, Levi Colwill ត្រូវបានកោះហៅជាលើកដំបូង ខណៈខ្សែបម្រើ Man City, Kalvin Phillipe ក៏មានវត្តមានដែរទោះមិនទាន់ចូលលេងរដូវកាលថ្មីនេះក្តី តែខ្សែប្រយុទ្ធ Chelsea, Raheem Sterling បែជាអវត្តមានទៅវិញ។ខ្សែការពារ Tyrone Mings, Luke Shaw និង John Stones សុទ្ធតែរបួស ជំនួសដោយ Ben Chilwell និង Fikayo Tomori។ អង់គ្លេសនឹងត្រូវជួបអ៊ុយក្រែននៅថ្ងៃទី ៩ ខែកញ្ញាខាងមុខនៃវគ្គជម្រុះ Euro 2024 មុនបន្តជួបស្កុតឡេនលក្ខណៈមិត្តភាពនៅថ្ងៃទី ១២ ខែដដែល៕ អត្ថបទ៖នាង សុភាវុធ

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

ក្លិបនៅលីគបារាំង AS Monaco បានសំរេចក្នុងការនាំយកខ្សែប្រយុទ្ធអាមេរិក Folarin Balogun ពីកាំភ្លើងធំ Arsenal ក្នុងតម្លៃ ៣៥ លានផោន កិច្ចសន្យា ៥ ឆ្នាំ។កីឡាករវ័យ ២២ ឆ្នាំរូបនេះបានត្រលប់មកពីលីគកំពូលបារាំងក្រោយចំណាយពេលពេញមួយរដូវកាលជាកីឡាករខ្ចីជើងនៅក្លិបបាល់ទាត់ Reims ដែលគេស៊ុតបញ្ចូលទីបាន ២២ គ្រាប់រដូវកាលមុន។ Folarin Balogun មិនទាន់បានបង្ហាញខ្លួននៅឡើយជាមួយ Arsenal រដូវកាលថ្មីនេះ បើទោះជាខ្សែប្រយុទ្ធជួរមុខ Gabriel Jesus កំពុងមានរបួសក៏ដោយ។ Balogun បង្ហាញខ្លួនជាមួយក្រុមធំ Arsenal ត្រឹម ២ ប្រកួតប៉ុណ្ណោះនៅ Premier League តាំងពីឡើងមកពីក្រុមយុវជននៅវ័យ ១៧ ឆ្នាំ។ កើតនៅទីក្រុងញូយ៉ក សហរដ្ឋអាមេរិក Folarin Balogun បានផ្លាស់មករស់នៅទីក្រុងឡុងដ៍ចក្រភពអង់គ្លេស តាំងពីក្មេង និងបានចូលហាត់ និងលេងឱ្យថ្នាលយុវជនរបស់ Arsenal តាំងពីនៅតូច។មុន Arsenal ព្រមទទួលសំណើទិញពី Monaco, Folarin Balogun ធ្លាប់ចំណាយពេលជាកីឡាករខ្ចីជើងនៅ Middlesbrough និង Reims និងធ្លាប់មានការទាក់ទងពី Chelsea ផងដែរ៕ អត្ថបទ៖នាង សុភាវុធ

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

កីឡាករប្រណាំង F1 អង់គ្លេសទាំងពីរនាក់ Lewis Hamilton និង George Russell នឹងបន្តបើកបរឱ្យក្រុមប្រណាំង Mercedes យ៉ាងហោចណាស់ ២ ឆ្នាំទៀត។ កីឡាករវ័យ ៣៨ ឆ្នាំជើងឯកពិភពលោក ៧ សម័យ Lewis Hamilton បានចុះហត្ថលេខាបន្តកិច្ចសន្យាថ្មីជាមួយ Mercedes រយៈពេល ២ ឆ្នាំទៀត ស្របពេលដែល George Russell ក៏ដូច្នោះដែរ ដោយនឹងបន្តបើកបរឱ្យ Mercedes ដល់ឆ្នាំដំណាច់រដូវកាលថ្មី ២០២៥។សម្រាប់ Hamilton ការបន្តកិច្ចសន្យានេះនឹងធ្វើឱ្យគេបន្តស្វែងរកជើងឯកពិភពលោកជាកំណត់ត្រាលើកទី ៨ តែទន្ទឹមនឹងគ្នាដែរ Mercedes ត្រូវរងការប្រកួតប្រជែងខ្លាំងពី Red Bull។Hamilton និង Mercedes បានចោទប្រកាន់ថា ជើងឯកពិភពលោករបស់ Hamilton ត្រូវបានគេឆក់យកនៅទីលានចុងក្រោយទីក្រុង Abu Dhabi អារ៉ាប់រួមកាលពីឆ្នាំ ២០២១ ហើយតាំងពីពេលនោះមក Red Bull ដែលមាន Max Verstappen ស្ថិតនៅជួរមុខជានិច្ច។រំលឹកថា Lewis Hamilton បានឈ្នះជើងឯកពិភពលោកជាមួយ Mercedes ចំនួន ៦ លើក ខណៈមួយលើកដំបូងឈ្នះជាមួយ McLaren ដែលនៅពេលនោះ McLaren ក៏ប្រើប្រាស់ម៉ាស៊ីន Mercedes ផងដែរ។F1 ពិភពលោករដូវកាល ២០២៣ នេះ Lewis Hamilton កំពុងឈរលេខ ៤ ក្នុងតារាងជើងឯក ខណៈ George Russell ឈរលេខ ៧៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រភព៖ មេបញ្ជាការអាមេរិក ព្រមានកងទ័ពថា វីដេអូរបស់ពួកគេ ជួយដល់អ៊ីរ៉ង់កំណត់គោលដៅ

ក្រុមហ៊ុន BMW នឹងបញ្ឈប់បុគ្គលិកចំនួន ៨.០០០នាក់ ភាគច្រើន នៅអាល្លឺម៉ង់

ចិនជំរុញឱ្យមានការបន្ធូរបន្ថយភាពតានតឹង នៅសមុទ្រក្រហម

រដ្ឋមន្ត្រីករបរទេសជម្រាបជូនឯកអគ្គរដ្ឋទូតអាល្លឺម៉ង់អំពីការវិវត្តថ្មីនៃបញ្ហាព្រំដែនកម្ពុជា-ថៃ

អ៊ីរ៉ង់បដិសេធការគ្រប់គ្រងរួមរបស់តំបន់ លើច្រកសមុទ្រ Hormuz ដោយបំផ្លាញក្តីសង្ឃឹមទម្លាយភាពទាល់ច្រក

អ៊ីរ៉ាក់ និងទួរគីមានគោលបំណងបង្កើនពាណិជ្ជកម្មទ្វេភាគីឲ្យដល់ ៣០ ពាន់លានដុល្លារ ខណៈភាពជាដៃគូសេដ្ឋកិច្ចកាន់តែស៊ីជម្រៅ

អំពើហិង្សាកាន់តែខ្លាំងនៅវេសបែង បានគ្របដណ្ដប់លើផែនការស្តារតំបន់ហ្កាហ្សាឡើងវិញ នៅជំនួប ក្រុមប្រឹក្សាសន្តិសុខ UN

អ្នកជំនាញ UN៖ យន្តហោះ Boeing ដែល Reuters កំណត់អត្តសញ្ញាណ បានដឹកអាវុធឱ្យក្រុម RSF នៅស៊ូដង់

GCC ប្រកាសគាំទ្រទាំងស្រុងចំពោះវិធានការរបស់អារ៉ាប៊ីសាអ៊ូឌីត ដើម្បីការពារអធិបតេយ្យភាពរបស់ខ្លួន

អ្នករាយការណ៍ពិសេស UN បង្ហាញពីចំណាប់អារម្មណ៍ពាក់ព័ន្ធលទ្ធផលនៃការបោសសម្អាត Online Scams

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Georginio Wijnaldum ចាកចេញពី PSG ទៅចូលរួមមួយក្លិបអារ៉ាប៊ីសាអ៊ូឌីត Al-Ettifaq

អតីតខ្សែបម្រើអេស្ប៉ាញ Juan Mata ផ្លាស់ទៅក្លិបជប៉ុន Vissel Kobe

Aleix Espargaro ឈ្នះការប្រណាំងម៉ូតូ GP នៅទីលាន Catalunya ប្រទេសអេស្ប៉ាញ

កីឡាករស៊ុយអែត Ludvig Aberg គ្រងជើងឯកវាយកូនគោល DP World Tour លើកដំបូង

Max Verstappen បំបែកកំណត់ត្រាកីឡាករ F1 ដំបូងឈ្នះការប្រកួត ១០ ទីលានជាប់គ្នា

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Georginio Wijnaldum ចាកចេញពី PSG ទៅចូលរួមមួយក្លិបអារ៉ាប៊ីសាអ៊ូឌីត Al-Ettifaq

អតីតខ្សែបម្រើអេស្ប៉ាញ Juan Mata ផ្លាស់ទៅក្លិបជប៉ុន Vissel Kobe

Aleix Espargaro ឈ្នះការប្រណាំងម៉ូតូ GP នៅទីលាន Catalunya ប្រទេសអេស្ប៉ាញ

កីឡាករស៊ុយអែត Ludvig Aberg គ្រងជើងឯកវាយកូនគោល DP World Tour លើកដំបូង

Max Verstappen បំបែកកំណត់ត្រាកីឡាករ F1 ដំបូងឈ្នះការប្រកួត ១០ ទីលានជាប់គ្នា

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេស​នៅវគ្គជម្រុះ Euro 2024

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024