BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

ខ្សែបម្រើម៉ារ៉ុក Hakim Ziyech ឈានដល់កិច្ចព្រមព្រៀងហើយក្នុងការផ្ទេរពីតោខៀវ Chelsea ទៅកាន់ក្លិបទួកគី Galatasaray។ កីឡាករវ័យ ៣០ ឆ្នាំរូបនេះនឹងត្រូវពិនិត្យសុខភាព និងសម្រេចការផ្ទេរផ្លូវការក្នុងសប្តាហ៍នេះ បន្ទាប់ពីកន្លងមកការចរចាផ្លាស់ទៅក្លិបអារ៉ាប៊ីសាអ៊ូឌីត Al-Nassr បរាជ័យ។ Hakim Ziyech បានមកដល់ Chelsea នៅឆ្នាំ ២០២០ ក្នុងតម្លៃផ្ទេរ ៤៤ លានអឺរ៉ូ និងបានបង្ហាញខ្លួនមកទល់ពេលនេះ ១០៧ ប្រកួតរកបាន ១៤ គ្រាប់។ រដូវកាលមុនអតីតកីឡាកររបស់ Ajax រូបនេះចូលលេងបាន ១៨ ប្រកួតនៅ Premier League តែមិនស្ថិតក្នុងគំរោងរដូវកាលនេះក្រោមការដឹកនាំរបស់អ្នកចាត់ការថ្មី Mauricio Pochettino ឡើយ ហើយក៏មិនមានឈ្មោះក្នុងបញ្ជីដែរ ពេល Liverpool ស្មើ Chelsea ថ្ងៃបើករដូវកាល English Premier League ចុងសប្តាហ៍កន្លងទៅ៕ អត្ថបទ៖នាង សុភាវុធ

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក

គ្រូបង្វឹកក្រុមបាល់ទាត់នារីអាមេរិកលោក Vlatko Andonovski បានប្រកាសលាលែងពីតំណែងហើយ ក្រោយបរាជ័យនៅព្រឹត្តិការណ៍បាល់ទាត់នារីពិភពលោកលើទឹកដីអូស្រ្តាលី និងនូវែស៊ីឡង់។ការសំរេចចិត្តបែបនេះ បន្ទាប់ពីក្រុមនារីអាមេរិកធ្លាក់ត្រឹមវគ្គ ១៦ ក្រុមចុងក្រោយ ពោលគឺជាស្ថិតិអាក្រក់បំផុត ដែលអាមេរិកបានឈានដល់ត្រឹមវគ្គនេះ។ ជើងឯក ៤ សម័យអាមេរិកចាប់ផ្តើមការប្រកួត World Cup របស់ខ្លួនដោយឈ្នះវៀតណាម បន្ទាប់មកស្មើពីរប្រកួតទល់នឹងហូឡង់ និងព័រទុយហ្កាល់ គ្រប់គ្រាន់ដើម្បីឡើងវគ្គបន្ត។ អាមេរិកក៏ធ្វើបានល្អដែរនៅវគ្គ ១៦ ក្រុមចុងក្រោយទល់នឹងស៊ុយអែតតែគ្មានសំណាង មុនចាញ់នៅវគ្គ ១១ ម៉ែត្រកាត់សេចក្តី។ រំលឹកថាអាមេរិកមានស្ថិតិក្នុងព្រឹត្តិការណ៍បាល់ទាត់នារីពិភពលោកយ៉ាងអន់ណាស់ បញ្ចប់នៅចំណាត់ថ្នាក់លេខ ៣។ បុរសវ័យ ៤៦ ឆ្នាំ Vlatko Andonovski ត្រូវបានតែងតាំងឱ្យដឹកនាំក្រុមនារីអាមេរិកតាំងពីខែតុលា ឆ្នាំ២០១៩ បន្តតំណែងពីលោកស្រី Jill Ellis ដែលធ្លាប់ដឹកនាំអាមេរិកឈ្នះជើងឯកពិភពលោក។ មិនត្រឹមតែបរាជ័យនៅ World Cup ទេ អាមេរិកថែមទាំងមិនអាចការពារមេដាយមាសអូឡាំពិកថែមទៀត ពោលគឺបានត្រឹមមេដាយសំរិទ្ធប៉ុណ្ណោះនៅអូឡាំពិកទីក្រុងតូក្យូប្រទេសជប៉ុន៕ អត្ថបទ៖នាង សុភាវុធ

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

ក្រុមជើងឯកពាន ៣ រដូវកាលមុន Manchester City បានក្រសោបយកពានមួយទៀតដើមរដូវកាលនេះគឺ UEFA Super Cup ជាលើកដំបូងក្នុងប្រវត្តិសាស្រ្តក្លិបក្រោយយកឈ្នះ Sevilla ដោយបាល់ ១១ ម៉ែត្រកាត់សេចក្តី។ ក្រុមរបស់លោក Pep Guardiola ត្រូវតាមពីក្រោយបន្ទាប់ពីក្រុមជើងឯក Europa League រដូវកាលមុន Sevilla បើកការនាំមុខមុននៅនាទីទី ២៥ ដោយ Youssef En-Nesyri មុនពេលដែល Cole Palmer តែតបញ្ចូលទីតាមស្មើវិញ នៅវគ្គទី ២ នាទីទី ៦៣។ អ្នកចាំទីក្រុមទាំងពីររួមមានអ្នកចាំទី Sevilla, Bono និងអ្នកចាំទី Man City, Ederson សុទ្ធតែធ្វើបានល្អដូចគ្នា ក្នុងការប្រកួត ៩០ នាទី មុនក្រុមទាំងពីរត្រូវសម្រេចជើងឯកដោយបាល់ ១១ ម៉ែត្រកាត់សេចក្តី។ឈានដល់វគ្គ ១១ ម៉ែត្រកាត់សេចក្តី កីឡាករ ៩ នាក់បានស៊ុតបញ្ចូលទីលើកលែងកីឡាកររបស់ Sevilla, Nemanja Gudelj។ បន្ទាប់ពីធ្លាប់ដឹកនាំ Barcelona និង Bayern Munich ឈ្នះជើងឯក លោក Pep Guardiola ក៏បានក្លាយជាអ្នកចាត់ការដំបូងដែលដឹកនាំក្រុម ៣ ផ្សេងគ្នាឈ្នះពាន UEFA Super Cup នេះ៕ អត្ថបទ៖នាង សុភាវុធ

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

ខ្សែការពារអង់គ្លេស Harry Maguire បានសំរេចចិត្តស្នាក់នៅបន្តជាមួយ Manchester United ដើម្បីប្រជែងជម្រើសដំបូង និងមិនផ្លាស់ទៅ West Ham ឡើយ។ខ្សែការពារកណ្តាលវ័យ ៣០ ឆ្នាំរូបនេះ សប្តាហ៍មុនត្រូវបាន Manchester United យល់ព្រមសំណើ ៣០លានផោនពី West Ham ទៅហើយ។ Harry Maguire មានរដូវកាលមិនល្អឡើយរដូវកាលមុន និងត្រូវបានដកតំណែងប្រធានក្រុមមុនរដូវកាលថ្មីនេះ។ យ៉ាងណាក្តី Manchester United បានគោរពការសម្រេចចិត្តរបស់កីឡាករវិញដោយសាមីខ្លួន Harry Maguire មានបំណងនៅបន្តជាមួយក្លិប និងពុះពា ដើម្បីតំណែងជម្រើសដំបូងមកវិញ ខណៈក្លិបក៏មិនបង្ខំឱ្យកីឡាករចេញដែរ។Harry Maguire ជាកីឡាករបម្រុងដែលមិនបានត្រូវបានប្រើប្រាស់អំឡុងជ័យជំនះកាលពីថ្ងៃចន្ទលើ Wolverhampton។ រំលឹកថា Harry Maguire បានមកដល់ Old Trafford កាលពីឆ្នាំ ២០១៩ ក្នុងតម្លៃផ្ទេរ ៨០ លានផោនពី Leicester City ដែលជាតម្លៃផ្ទេរខ្សែការពារខ្ពស់បំផុតក្នុងប្រវត្តិសាស្រ្ត៕ អត្ថបទ៖នាង សុភាវុធ

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

អ្នកចាំទីបារាំង Hugo Lloris ខិតជិតបញ្ចប់អាជីព ១១ ឆ្នាំរបស់ខ្លួននៅក្លិបអង់គ្លេស Tottenham Hotspur ហើយ បន្ទាប់ពីក្លិបកំពុងចរចាជុំវិញការផ្ទេរជាមួយក្លិបអ៊ីតាលី Lazio។អតីតអ្នកចាំទីជម្រើសជាតិបារាំងរូបនេះ ត្រូវបានដកឈ្មោះពីបញ្ជីនៅពេល Spurs ប្រកួតបើករដូវ កាលថ្មី English Premier League ស្មើនៅទឹកដី Brentford ២-២ ចុងសប្តាហ៍កន្លងទៅ។ កីឡាករវ័យ ៣៦ ឆ្នាំរូបនេះធ្លាប់បានបង្ហើបគំរោងចាកចេញរបស់ខ្លួន ក្នុងរដូវក្តៅនេះបន្ទាប់ពីមិនចូលរួមជាមួយ Spurs ក្នុងការប្រកួត Pre-Season នាពេលកន្លងទៅ។ រយៈពេល ១១ ឆ្នាំតាំងពីផ្លាស់ពី Lyon នៅឆ្នាំ ២០១២ ក្នុងតម្លៃ ១០ លានអឺរូ Hugo Lloris បង្ហាញខ្លួនសរុបបាន ៤៤៧ ប្រកួត រក្សាសំណាញ់មិនឱ្យមានគ្រាប់បាល់ ១១២ ប្រកួត៕ អត្ថបទ៖នាង សុភាវុធ

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

ក្រុមបាល់ទាត់ភ្នំពេញក្រោន របស់កម្ពុជា បានឡើងវគ្គបន្ដ នៃពានរង្វាន់ AFC Cup 2023-2024 ហើយ បន្ទាប់ពីទម្លាក់ក្រុម Young Elephants FC ដែលជាក្រុមជើងឯកលីគកំពូលឡាវ ដោយលទ្ធផល ៣-០ ក្នុងជំនួបវគ្គជម្រុះបឋម(Preliminary Stage) កាលពីព្រលប់ថ្ងៃទី១៦ ខែសីហា នៅកីឡដ្ឋាន Smart RSN ។ការប្រកួតជម្រុះក្នុងតំបន់អាស៊ីអាគ្នេយ៍ រវាងក្រុមទាំងពីរ វគ្គទី១ បានរក្សាលទ្ធផលស្មើគ្នា ០-០ បន្ទាប់ពីទាត់បាល់ពិន័យ ១១ម៉ែត្រមិនបានសម្រេចរបស់កីឡាករភ្នំពេញក្រោន Yudai Ogawa ។ យ៉ាងណាក្ដី វគ្គទី២ ភ្នំពេញក្រោន បានព្យាយាមដាក់សម្ពាធខ្លាំង លើគូប្រកួត រហូតរកបាន ៣គ្រាប់ ដោយការទាត់បាល់ពិន័យ ១១ម៉ែត្ររបស់កីឡាករ Shimizu Shintaro នៅនាទី៥៨, ការទាត់បាល់ហ្វ្រីឃីតរបស់កីឡាករ Yudai Ogawa នៅនាទី៧៨ មុនកីឡាករ Andres Nieto បន្ថែមគ្រាប់ចុងក្រោយ នៅនាទី៩០+៣ ដើម្បីធានាកៅអីវគ្គបន្ដរបស់ក្រុមជើងឯកលីគកំពូលកម្ពុជាតែម្ដង ។តាមរយៈជ័យជម្នះ ដោយគ្មានការតបតរពីសំណាក់ក្រុមភ្ញៀវនេះដែរ នាំឲ្យក្រុមភ្នំពេញក្រោន បន្ដទៅជួបក្រុម Tampines Rovers របស់សិង្ហបុរី នៅវគ្គជម្រុះ Play-Off ដែលនឹងត្រូវប្រកួតនាថ្ងៃទី២៣ ខែសីហាសប្ដាហ៍ក្រោយ ដើម្បីកាត់សេចក្ដីរកក្រុមឈ្នះឡើងទៅវគ្គចែកពូល ឬវគ្គ Group Stage នៃពានរង្វាន់កម្រិតទី២ ប្រចាំទ្វីបអាស៊ីនេះ ដែលគ្រោងនឹងធ្វើការប្រកួតពីពាក់កណ្ដាលខែកញ្ញា រហូតដល់ចុងឆ្នាំ២០២៣ ខាងមុខ៕ អត្ថបទ៖ លី ឈុនឡា

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

ខ្សែការពារក្រុមជម្រើសជាតិអេស្ប៉ាញ Aymeric Laporte បានឈានដល់កិច្ចព្រមព្រៀងហើយក្នុងការផ្ទេរពី Manchester City ទៅចូលរួមជាមួយ Cristiano Ronaldo នៅក្លិបអារ៉ាប៊ីសាអ៊ូឌីត Al-Nassr។កីឡាករវ័យ ២៩ ឆ្នាំរូបនេះក៏បានរួមដំណើរជាមួយ City ដែរក្នុងការយកឈ្នះ Sevilla លើកពាន UEFA Super Cup យប់មិញ។ រដូវកាលថ្មីនេះតាំងពីការមកដល់របស់ Josko Gvardiol ពី Leipzig ធ្វើឱ្យឱកាសលេងរបស់ Laporte មានកំរិត និងខិតជិតឈានដល់ទីបញ្ចប់នៃអាជីព ៥ ឆ្នាំនៅ Etihad។រំលឹកថា Aymeric Laporte បានមកដល់ Manchester City តាំងពីឆ្នាំ ២០១៨ ក្នុងតម្លៃផ្ទេរ ៥៧លានផោន និងក្លាយជាសមាជិកសំខាន់របស់ក្រុមភ្លាមៗដែរ និងបានបង្ហាញខ្លួនសរុប ១២១ លើក រកបាន ៨ គ្រាប់ ឈ្នះជើងឯក English Premier League ៥ លើក FA Cup ២ លើក EFL Cup ៣ លើក និង UEFA Champions League ១ លើក រដូវកាលមុន។ ការចាកចេញទៅកាន់ Al-Nassr, Aymeric Laporte នឹងរួមក្រុមជាមួយ Cristiano Ronaldo, Sadio Mane, Marcelo Brozovic និង Alex Telles៕ អត្ថបទ៖នាង សុភាវុធ

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

បេក្ខភាពកក់កៅអីវគ្គបន្ដ សម្រាប់ពូលB នៃពានរង្វាន់សម្ដេចតេជោ ហ៊ុន សែន(Hun Sen Cup) លើកទី១៧ ថ្នាក់ខេត្ត ឆ្នាំ២០២៣ បានបន្ថែមពិន្ទុរៀងៗខ្លួន ក្នុងការប្រកួតសប្ដាហ៍ទី១៦ ជើងទី២ ក្នុងនោះក្រុមមន្ទីរអប់រំ យុវជន និងកីឡា ខេត្តត្បូងឃ្មុំ បានយកឈ្នះខេត្ដកណ្ដាល ៥-២ និងក្រុមមន្ទីរអប់រំ យុវជន និងកីឡាខេត្តកំពង់ចាម រកបាន ១ពិន្ទុប៉ុណ្ណោះ ពីការប្រកួតចុងក្រោយក្នុងពូលរបស់ខ្លួន ក្រោយប្រកួតស្មើក្រុមមន្ទីរអប់រំ យុវជន និងកីឡា ខេត្តកំពង់ឆ្នាំង ២-២ កាលពីល្ងាចថ្ងៃទី១៦ ខែសីហាម្សិលមិញ ។ជ័យជម្នះរបស់ក្រុមមន្ទីរអប់រំ យុវជន និងកីឡា ខេត្តត្បូងឃ្មុំ បានធ្វើឲ្យពួកគេ បន្ដកំណត់ត្រាឈ្នះ ៧ប្រកួតជាប់ៗគ្នា ដោយមិនទាន់ស្គាល់ស្មើ ឬចាញ់ម្ដងឡើយ ។ ចំពោះគ្រាប់បាល់ជ័យជម្នះ ក្នុងការប្រកួតទី៧ នេះដែរ ធ្វើសម្រេចដោយកីឡាករ ស្លេះទ័រ រ៉ម៉ាន ២គ្រាប់ នៅនាទី១៩ និងនាទី៦៣ និងមិត្តរួមក្រុម កើ ហ្វីន រកបាន ៣គ្រាប់ នៅនាទី៥៨, ៨៧ និងនាទី៩០+១ ។ ចំណែក ២គ្រាប់របស់ខេត្តកណ្ដាល បញ្ចប់ទីដោយកីឡាករ ឡាយ ស៊ីយុទ្ធ និងកីឡាករ ពុធ ក្រីយ៉ា នៅក្នុងទី១ ដូចគ្នា ។ដោយឡែកការប្រកួតបញ្ចប់ពូលB របស់ក្រុមមន្ទីរអប់រំ យុវជន និងកីឡា ខេត្តកំពង់ចាម បន្ទាប់ពីបើកការនាំមុខក្រុមភ្ញៀវ ១គ្រាប់មុន តាំងពីនាទីទី៥ ដែលធ្វើសម្រេចដោយកីឡាករ ស្មាន រ៉ូសាវី ក៏ត្រូវបានកីឡាករ ទួន នី រកបានគ្រាប់តាមស្មើឲ្យខេត្តកំពង់ឆ្នាំងវិញ នៅនាទី៣២ ។ លុះចូលវគ្គទី២ ក្រុមទាំងពីរ ក៏បានបន្ថែម ១គ្រាប់ម្នាក់ទៀត នៅចុងម៉ោង ដែលគ្រាប់ទី២ របស់ក្រុមម្ចាស់ផ្ទះ រកបានដោយកីឡាករ ប៉ុន ស៊ីបប្រី នៅនាទី៨៥ ខណៈគ្រាប់ទី២ របស់ខេត្តកំពង់ឆ្នាំង ធ្វើសម្រេចដោយកីឡាករ ទួន នី ដោយការទាត់បាល់ពិន័យ ១១ម៉ែត្រដូចគ្នា ។យ៉ាងណាមិញ ការប្រកួតសេសសល់ក្នុងពូល B នេះ គ្រាន់តែជាការប្រកួតបង្គ្រប់កិច្ចប៉ុណ្ណោះ បន្ទាប់ពីរកឃើញបេក្ខភាពឡើងវគ្គបន្ដ គឺក្រុមកំពូលតារាង ខេត្តត្បូងឃ្មុំ ដែលរកបាន ២១ពិន្ទុពេញ និងខេត្តកំពង់ចាម ដែលរកបាន ១៦ពិន្ទុ ក្រោយឆ្លងកាត់ ៨ប្រកួតឈ្នះ ៥ ស្មើ១ និងចាញ់ ២ប្រកួត មុនក្រុមទាំងពីរ ត្រូវដឹកដៃគ្នាឡើងទៅប្រកួតវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន ថ្នាក់ខេត្ត នាពេលខាងមុខ ៕ អត្ថបទ៖ លី ឈុនឡា

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

កីឡាការិនីវាយកូនបាល់វ័យចំណាស់អាមេរិក Venus Williams រកបានជ័យជំនះលើកដំបូងក្នុងរយៈពេល ៤ ឆ្នាំ ចុងក្រោយនេះ លើកីឡាការិនីដែលមានលំដាប់ថ្នាក់ពិភពលោក Top20។ កីឡាការិនីវ័យ ៤៣ ឆ្នាំរូបនេះបានវាយបកយកឈ្នះកីឡាការិនីរុស្ស៊ី Veronika Kudermetova ដែលឈ្នះលេខ ១៦ ពិភពលោកដោយលទ្ធផល ៦-៤ និង ៧-៥។ ម្ចាស់ជើងឯក Grand Slam ៧ លើក Venus Williams បានបង្ហាញក្តីរំភើបចំពោះជ័យជំនះដំបូងនៅទឹកដីអាមេរិកក្នុងរយៈពេលជិត ៤ ឆ្នាំនេះ។Venus Williams បច្ចុប្បន្នកំពុងឈរលេខ ៥៣៣ ពិភពលោកនឹងត្រូវជួបជាមួយកីឡាការិនីចិន Qinwen Zheng រឺកីឡាការិនីបេឡារុស Aliaksandra Sasnovich នៅជុំទី ២ នៃកម្មវិធី Cincinnati Open៕ អត្ថបទ៖នាង សុភាវុធ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

ក្រុមបាល់ទាត់នារីអេស្ប៉ាញ បានបន្តបង្កើតប្រវតិ្តសាស្រ្តថ្មីរបស់ខ្លួន ក្រោយយកឈ្នះអតីតក្រុមជើងឯករងស៊ុយអែត នៅនាទីចុងក្រោយឡើងវគ្គផ្តាច់ព្រ័ត្រជាលើកដំបូង។ក្រោមក្រសែភ្នែកអ្នកគាំទ្រជាង ៤ ម៉ឺននាក់ គ្រាប់បាល់បញ្ចូលទីត្រូវរង់ចាំដល់នាទីទី ៨១ ទើបអេស្ប៉ាញរកបានគ្រាប់នាំមុខដោយ Salma Paralluelo តែក៏ត្រូវស៊ុយអែតតាមស្មើវិញនៅនាទីទី ៨៨ ដោយ Rebecka Blomqvist។ តែការត្រេកអររបស់ស៊ុយអែតបានត្រឹម ២ នាទី បន្ទាប់ពីប្រធានក្រុមអេស្ប៉ាញ Olga Carmona ស៊ុតគ្រាប់ជ័យជំនះនៅនាទីទី ៩០។ ជ័យជំនះនេះធ្វើឱ្យអេស្ប៉ាញឈានទៅវគ្គផ្តាច់ព្រ័ត្រ បាល់ទាត់នារីពិភពលោកជាលើកដំបូងក្នុងប្រវត្តិសាស្រ្តដោយរង់ចាំជួបជាមួយអូស្រ្តាលី រឺអង់គ្លេសនៅថ្ងៃអាទិត្យចុងសប្តាហ៍នេះ។ ចំណែកបរាជ័យរបស់ស៊ុយអែត គឺជាបរាជ័យនៅវគ្គពាក់កណ្តាលផ្តាច់ព្រ័ត្រលើកទី ៤ រាប់ពីឆ្នាំ និងធ្លាប់ឡើងវគ្គផ្តាច់ព្រ័ត្រមួយលើកនៅឆ្នាំ ២០០៣ តែចាញ់អាល្លឺម៉ង់៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យ​នៅបាល់ទាត់នារីពិភពលោក

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក