BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

ក្លិបបាល់ទាត់កាំភ្លើងធំ Arsenal បានចុះហត្ថលេខានាំយកអ្នកចាំទីអេស្ប៉ាញ David Raya ពី Brentford ក្នុងលក្ខខណ្ឌខ្ចីជើងពេញមួយរដូវកាល អមជាមួយលក្ខខណ្ឌទិញផ្តាច់ក្រោយចប់កិច្ចសន្យាខ្ចី។បើតាមការចុះផ្សាយពីសារព័ត៌មានថា Arsenal ព្រមចំណាយ ៣ លានផោនក្នុងការខ្ចី កីឡាករវ័យ ២៧ ឆ្នាំរូបនេះ រួមជាមួយនឹង ២៧ លានផោនផ្សេងទៀតនៅពេលទិញផ្តាច់។David Raya បង្ហាញខ្លួនបាន ១៦០ ប្រកួតឱ្យ Brentford តាំងពីផ្លាស់មករួមក្លិបនៅឆ្នាំ ២០១៩ និងជាសមាជិកសំខាន់របស់ក្រុមដែលឡើងមកកាន់ក្របខណ្ឌកំពូល English Premier League នៅឆ្នាំ ២០២១។David Raya ក៏ធ្លាប់បង្ហាញខ្លួនឱ្យក្រុមជម្រើសជាតិអេស្ប៉ាញ ២ លើកផងដែរនៅឆ្នាំ ២០២២ និងជាសមាជិករបស់ក្រុមរបស់អេស្ប៉ាញនៅ World Cup 2022 ឆ្នាំមុន។ ការមកដល់របស់ David Raya មកកាន់ Arsenal គឺដើម្បីដាក់ឱ្យមានការប្រកួតប្រជែងតំណែងជម្រើសដំបូងជាមួយអ្នកចាំទីអង់គ្លេស Aaron Ramsdale បន្ទាប់ពីអ្នកចាំទីដៃទី ២ Matt Turner ចាកចេញទៅ Nottingham Forest សប្តាហ៍មុន៕ អត្ថបទ៖នាង សុភាវុធ

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

ខ្សែប្រយុទ្ធប្រេស៊ីល Neymar បានសម្រេចជាផ្លូវការក្នុងការផ្លាស់ពី Paris Saint Germain ទៅកាន់ក្លិបអារ៉ាប៊ីសាអ៊ូឌីត Al-Hilal ក្នុងតម្លៃផ្ទេរ ៩០ លានអឺរ៉ូ។Neymar មិនស្ថិតក្នុងគំរោងរបស់អ្នកចាត់ការថ្មី PSG សញ្ជាតិអេស្ប៉ាញ Luis Enrique ឡើយ រដូវកាលនេះ។ការមកដល់ទឹកដីអារ៉ាប៊ីសាអ៊ូឌីតនៅពេលនេះ Neymar ត្រូវបានគេដឹងថា ទទួលប្រាក់ឈ្នួល ១៥០លានអឺរ៉ូក្នុងមួយឆ្នាំជាមួយនឹងកិច្ចសន្យា ២ ឆ្នាំ ពោលគឺប្រាក់ឈ្នួលនេះស្មើនឹងប្រាក់ឈ្នួលនៅ PSG គុណនឹង ៦។ ក្រោយការផ្លាស់ផ្លូវការនេះ Neymar បានឱ្យដឹងថា នេះជាការសរសេរទំព័រថ្មីនៃអាជីពរបស់ខ្លួន ហើយសូមអរគុណ PSG ជាពិសេសអ្នកគាំទ្រដែលធ្លាប់រួមរស់ជាមួយគ្នាអស់រយៈពេល ៦ ឆ្នាំ។ Neymar មកដល់ PSG កាលពីឆ្នាំ ២០១៧ ផ្ទេរពី Barcelona ក្នុងតម្លៃផ្ទេរបំបែកកំណត់ត្រាពិភពលោកនៅពេលនោះតម្លៃ ២២២ លានអឺរ៉ូ រឺ ២០០ លានផោន ហើយក៏មិនទាន់មានកំណត់ត្រាថ្មីលើសនេះដែរ។តាំងពីពេលនោះមក Neymar បានឈ្នះជើងឯកលីគបារាំង ៥ លើក តែមិនទាន់ឈ្នះ UEFA Champions League តាមគោលដៅរបស់ក្លិបនៅឡើយ៕ អត្ថបទ៖នាង សុភាវុធ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

ខ្សែបម្រើប៊ែលហ្ស៊ិក Kevin de Bruyne ប្រឈមនឹងអវត្តមានយ៉ាងហោចណាស់ ៤ ខែ ស្របពេលដែល Manchester City នឹងត្រូវសម្រេចចិត្តលើការវះកាត់បញ្ហាសសៃពួររឺក៏អត់ នេះបើតាមការលើកឡើងរបស់អ្នកចាត់ការ Pep Guardiola។កីឡាករវ័យ ៣២ ឆ្នាំរូបនេះត្រូវបានប្តូរចេញនៅនាទីទី ៣២ ក្នុងជ័យជំនះបើករដូវកាលថ្មីរបស់ Manchester City នៅទឹកដី Burnley កាលពីយប់ថ្ងៃសុក្រសប្តាហ៍មុន។ Kevin de Bruyne ក៏ត្រូវបានប្តូរចេញដែរកាលពីប្រកួតវគ្គផ្តាច់ព្រ័ត្រ UEFA Champions League យកឈ្នះ Inter Milan កាលពីខែមិថុនា។ក្រោយមកទៀតអតីតខ្សែបម្រើ Wolfsburg រូបនេះបានអវត្តមានពីការប្រកួត Pre-Season ទាំងអស់របស់ Manchester City មុននឹងត្រលប់មកវិញជាកីឡាករបម្រុងដូរចូលលេងពេល City ចាញ់ Arsenal ពានរង្វាន់ Community Shield។Kevin de Bruyne ស៊ុតបញ្ចូលទីបាន ១០ គ្រាប់ ប៉ះបញ្ជូន ៣១ គ្រាប់ក្នុងរដូវកាលមុនដែល Manchester City ឈ្នះពាន ៣ Premier League, Champions League និង FA Cup។Manchester City នឹងត្រូវជួប Sevilla រាត្រីនេះក្នុងការប្រកួតពានរង្វាន់ UEFA Super Cup នៅទីក្រុងអាតែន ប្រទេសក្រិក៕ អត្ថបទ៖នាង សុភាវុធ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន

ក្លិបបាល់ទាត់តោខៀវ Chelsea បានឈានដល់កិច្ចព្រមព្រៀងហើយក្នុងការផ្ទេរខ្សែបម្រើប៊ែលហ្ស៊ិក Romeo Lavia ពី Southampton ក្នុងតម្លៃ ៥៣ លានផោន។កីឡាករវ័យ ១៩ ឆ្នាំដែលធ្លាប់បង្ហាញខ្លួនឱ្យក្រុមជម្រើសជាតិប៊ែលហ្ស៊ិកមួយលើករូបនេះ ក៏ទទួលបានការចាប់អារម្មណ៍ពី Liverpool ផងដែរ។ Liverpool ទើបតែបរាជ័យថ្មីៗក្នុងការប្រជែងយក Moises Caicedo ដែលបានសម្រេចទៅ Chelsea ហើយនៅពេលនេះ Chelsea ម្តងទៀតបានប្រជែងឈ្នះលើកិច្ចព្រមព្រៀង Romeo Lavia។Liverpool បានព្យាយាមចរចាយក Lavia មកកាន់ Anfield មួយរយៈចុងក្រោយនេះ តែសំណើចុងក្រោយលើកទីបី ៤៦ លានផោនត្រូវបានបដិសេធដោយ Southampton។Romeo Lavia បង្ហាញខ្លួនបាន ៣៤ ប្រកួតឱ្យ Southampton រដូវកាលមុន តែមិនអាចជួយក្រុមគេចផុតពីការកាត់ចេញទៅក្របខណ្ឌទី ២ League Championship បាន។Romeo Lavia ជាកីឡាករដែលចេញពីថ្នាលយុវជនរបស់ Anderlecht មុនពេលផ្លាស់ទៅ Manchester City នៅឆ្នាំ ២០២០ និងធ្លាប់បង្ហាញខ្លួនបាន ២ លើក មុនពេលផ្លាស់ទៅ Southampton នៅឆ្នាំ ២០២២ ក្នុងតម្លៃ ១០.៥ លានផោន។ប្រសិនការផ្ទេរនេះបានសំរេច Manchester City នឹងទទួលបាន ២០% នៃតម្លៃផ្ទេរនេះផងដែរ តាមរយៈលក្ខខណ្ឌកិច្ចសន្យានៅពេល Southampton ទិញពី Man City៕ អត្ថបទ៖នាង សុភាវុធ

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

ម្ចាស់ផ្ទះរៀបចំបាល់ទាត់នារីជើងឯកពិភពលោក នូវែស៊ីឡង់បានបង្ហាញចំណាប់អារម្មណ៍ក្នុងការរៀបចំព្រឹត្តិការណ៍បាល់ទាត់ពិភពលោកបុរសជាមួយអូស្រ្តាលីម្តងទៀត នេះបើតាមការលើកឡើងរបស់នាយកប្រតិបត្តិ Andrew Pragneli។ព្រឹត្តិការណ៍បាល់ទាត់នារីពិភពលោកដែលមាន ៣២ ក្រុមជាលើកដំបូង និងជាលើកដំបូងមួយទៀតដែលមានប្រទេសពីរចាប់ដៃគ្នាជាម្ចាស់ផ្ទះ កំពុងដំណើរការបានយ៉ាងល្អប្រសើរ ហើយក៏បានបំបែកកំណត់ត្រាអ្នកគាំទ្រចូលទស្សនា ច្រើនជាងមុនដែរ។ប្រធានសហព័ន្ធបាល់ទាត់អូស្រ្តាលីលោក James Johnson ធ្លាប់បាននិយាយថា អូស្រ្តាលីមានលទ្ធភាពរៀបចំបាល់ទាត់ពិភពលោកបុរសបាន តែត្រូវការសាងសង់កីឡដ្ឋានថ្មីបន្ថែមឱ្យត្រូវបានបទដ្ឋានរបស់ FIFA។FIFA តម្រូវឱ្យប្រទេសម្ចាស់ផ្ទះ World Cup ត្រូវបានកីឡដ្ឋានដែលអាចផ្ទុកអ្នកទស្សនាយ៉ាងតិច ៤ម៉ឺននាក់ នៅវគ្គចែកពូល ផ្ទុកបាន ៦ ម៉ឺននាក់នៅវគ្គពាក់កណ្តាលផ្តាច់ព្រ័ត្រ និងផ្ទុកបាន ៨ ម៉ឺននាក់នៅវគ្គផ្តាច់ព្រ័ត្រ។បច្ចុប្បន្ននៅនូវែស៊ីឡង់ មានតែកីឡដ្ឋាននៅទីក្រុង Auckland មួយទេដែលអាចផ្ទុកបានដល់ ៥ ម៉ឺននាក់ ដែលត្រូវបទដ្ឋានរបស់ FIFA ត្រឹមវគ្គចែកពូលប៉ុណ្ណោះ៕ អត្ថបទ៖នាង សុភាវុធ

Hun Sen Cup៖ កំពតស្ទើរអស់ឱកាស ក្រោយចែក ១ពិន្ទុជាមួយខេត្តកែប ក្នុងជើងទី២

ក្រុមបាល់ទាត់កំពតអេហ្វស៊ី ស្ទើរអស់ឱកាសប្រជែងកៅអីវគ្គបន្ដ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣-២០២៤ ទៅហើយ ក្រោយប្រកួតស្មើក្រុមភ្ញៀវខេត្តកែប ដោយលទ្ធផល ៣-៣ ក្នុងជំនួបវគ្គសន្សំពិន្ទុ សប្ដាហ៍ទី១៦ ជើងទី២ កាលពីល្ងាចថ្ងៃទី១៥ ខែសីហាម្សិលមិញ ។ជំនួបនៅកីឡដ្ឋានខេត្តកំពតនេះ វគ្គទី១ ក្រុមម្ចាស់ផ្ទះ បានបើកការនាំមុខខេត្តកែប ២-១ ដែលធ្វើសម្រេចដោយកីឡាករ អង់ យុធារិទ្ធ នៅនាទីទី៦ និងមិត្ដរួមក្រុម ហ៊ីម ហ្សះរី នៅនាទី៣១ ខណៈ ១គ្រាប់របស់ក្រុមភ្ញៀវ បញ្ចប់ទីដោយកីឡាករ ឃីម ភ័ក្ដ្រា នៅនាទី១២ ។ចូលវគ្គទី២ ខេត្តកែប បានបន្ថែម ២គ្រាប់ នាំមុខក្រុមម្ចាស់ផ្ទះវិញ ត្រឹមនាទី៧០ ដែលរកបានដោយកីឡាករ ឃីម ភ័ក្ដ្រា និង ខន ជីវ៉ា ។ ប៉ុន្ដែនៅចុងម៉ោង ដោយសារការបង្កកំហុសក្នុងប្រអប់ទីខេត្តកែប បានផ្ដល់ឱកាសឲ្យកីឡាករ ថៃ ចំរុង ទាត់បាល់ពិន័យ ១១ម៉ែត្របានសម្រេចជួយឲ្យខេត្តកំពត តាមស្មើ ៣-៣ ហើយលទ្ធផលនេះ ក៏បានរក្សាដល់ចប់ការប្រកួត ។ជាមួយការចែកគ្នា ១ពិន្ទុម្នាក់នេះ នាំឲ្យក្រុមកំពតអេហ្វស៊ី បន្ដឈរលេខ៣ និងមាន ៧ពិន្ទុ សល់ ១ប្រកួតក្នុងដៃ តាមពីក្រោយខេត្តព្រះសីហនុ មាន ៩ពិន្ទុ និងភ្នំពេញហ្គាឡាក់ស៊ី មាន ១៤ពិន្ទុ តែនៅសល់ ២ប្រកួតដូចគ្នា ។ ដូច្នេះកំពត ហាក់សល់ឱកាសតិចតួចបំផុត ក្នុងការប្រជែងកៅអីវគ្គបន្ដ ពោលគឺលុះត្រាតែពួកគេ ទទួលបានជ័យជម្នះក្នុងការប្រកួតចុងក្រោយ ហើយខេត្តព្រះសីហនុ បរាជ័យទាំង ២ប្រកួត ទើបពួកគេមានសង្ឃឹម ។ រីឯខេត្តកែប បានអស់ឱកាសទៅហើយ ក្រោយឆ្លងកាត់ ៧ប្រកួត រកបានត្រឹម ៥ពិន្ទុ ទោះបីពួកគេនៅសល់ ១ប្រកួតទៀតក៏ដោយ ។ដោយឡែកការប្រកួតសប្ដាហ៍ទី១៦ ក្នុងពូលA ១គូទៀត រវាងក្រុមម្ចាស់ផ្ទះខេត្តព្រះសីហនុ និងក្រុមភ្នំពេញហ្គាឡាក់ស៊ី ដែលគ្រោងធ្វើការប្រកួតដំណាលគ្នា កាលពីម្សិលមិញ ត្រូវបានលើកពេល ដោយសារមានភ្លៀងខ្លាំង មិនអាចរៀបចំការប្រកួតបាន ៕អត្ថបទ លី ឈុនឡា

វាយកូនគោលអឺរ៉ុប DP World Tour ឆ្នាំក្រោយមានកញ្ចប់ប្រាក់រង្វាន់ជាកំណត់ត្រា ១១៧ លានផោន

កីឡាករវាយកូនគោលដែលមានមូលដ្ឋាននៅតំបន់អឺរ៉ុប នឹងទទួលបានកញ្ចប់ទឹកប្រាក់ ១១៧ លានផោន សម្រាប់រដូវកាល ២០២៤ DP World Tour ដែលមានការកើនឡើងជាង ៣ លានផោនបើប្រៀបធៀបនឹងឆ្នាំមុន។ DP World Tour ក៏បានប្រកាសពីកាលវិភាគរដូវកាល ២០២៤ ផងដែរ ដែលរួមមានទាំងកម្មវិធីថ្មីនៅឌូបៃ បារ៉ែន និងការវិលត្រលប់មកវិញនៅទឹកដីចិន។សម្រាប់រដូវកាល ២០២៤ ខាងមុខ DP World Tour នឹងមានសរុប ៤៤ កម្មវិធី រៀបចំនៅប្រទេសចំនួន ២៤ លើទ្វីបចំនួន ៥។ ការប្រកួតបិទរដូវកាល DP World Tour Championship នឹងធ្វើនៅទីក្រុងឌូបៃនៅខែវិច្ឆិកា៕ អត្ថបទ៖នាង សុភាវុធ

Novak Djokovic នៅតែស្រែកឃ្លានជើងឯកស្របពេលត្រៀមលក្ខណៈសម្រាប់ការវិលត្រឡប់មកទឹកដីអាមេរិក

កីឡាករវាយកូនបាល់ស៊ែប Novak Djokovic នៅតែស្រែកឃ្លានជ័យជំនះ មិនដែលនឿយណាយ ស្របពេលដែលម្ចាស់ជើងឯក Grand Slam ២៣ លើករូបនេះត្រៀមលក្ខណៈ សម្រាប់ការវិលត្រឡប់មកកាន់ទឹកដីអាមេរិក មុនការប្រកួត Cincinnati Open សប្តាហ៍នេះ។Djokovic បានយកឈ្នះជើងឯក Grand Slam ២ លើកក្នុងឆ្នាំនេះនៅ Australian Open និង French Open មុនពេលមកចាញ់ Carlos Alcaraz នៅវគ្គផ្តាច់ព្រ័ត្របាត់បង់ពាន Wimbledon កាលពីខែមុន។ យ៉ាងណាក្តី កីឡាករវ័យ ៣៦ ឆ្នាំរូបនេះ បាននិយាយថា គេប្រើពេលត្រឹម ១ ថ្ងៃប៉ុណ្ណោះដើម្បីបំភ្លេចការខកចិត្ត មិនឈ្នះជើងឯក Wimbledon នេះ។កីឡាករស៊ែបរូបនេះ នឹងងាកមកផ្តោតអារម្មណ៍លើការប្រកួតនៅទឹកដីអាមេរិក ដែលខកខានមកកាន់ទីនេះរយៈពេល ២ ឆ្នាំមកហើយដោយសារបញ្ហាវ៉ាក់សាំង Covid-19។ Novak Djokovic នឹងចូលរួមការប្រកួត Cincinnati Open ជាលើកដំបូងតាំងពីឆ្នាំ ២០១៩ ដែលជាការប្រកួតកម្មវិធីត្រៀមលក្ខណៈមួយមុនព្រឹត្តិការណ៍ Grand Slam ចុងក្រោយប្រចាំឆ្នាំ US Open ឈានចូលមកដល់នៅចុងខែសីហានេះ៕ អត្ថបទ៖នាង សុភាវុធ

PSG និង Al-Hilal ព្រមព្រៀងតម្លៃ ៩០ លានអឺរ៉ូក្នុងការផ្ទេរខ្សែប្រយុទ្ធប្រេស៊ីល Neymar

ក្លិបបាល់ទាត់បារាំង Paris Saint Germain បានឈានដល់កិច្ចព្រមព្រៀងក្នុងការផ្ទេរចេញខ្សែប្រយុទ្ធប្រេស៊ីល Neymar ទៅកាន់ក្លិបអារ៉ាប៊ីសាអ៊ូឌីត Al-Hilal ហើយក្នុងតម្លៃ ៩០ លានអឺរ៉ូ។កីឡាករវ័យ ៣១ ឆ្នាំរូបនេះ នឹងក្លាយជាកីឡាកររបស់ Al-Hilal ក្នុងកិច្ចសន្យា ២ ឆ្នាំជាមួយនឹងប្រាក់ឈ្នួលប្រចាំឆ្នាំដែលត្រូវបានគេរាយការណ៍ថាប្រមាណ ១៥០ លានអឺរ៉ូក្នុងមួយឆ្នាំ ពោលគឺស្មើនឹងប្រាក់ឈ្នួលនៅ PSG គុណនឹង ៦។ Neymar នៅជាមួយ PSG ទទួលបានប្រាក់ឈ្នួលត្រឹម ២៥ លានអឺរ៉ូប៉ុណ្ណោះក្នុងមួយឆ្នាំ។Neymar មកដល់ PSG កាលពីឆ្នាំ ២០១៧ ផ្ទេរពី Barcelona ក្នុងតម្លៃផ្ទេរបំបែកកំណត់ត្រាពិភពលោកនៅពេលនោះតម្លៃ ២២២ លានអឺរ៉ូ រឺ ២០០ លានផោន។ តាំងពីពេលនោះមក Neymar បានឈ្នះជើងឯកលីគបារាំង ៥ លើក តែមិនទាន់ឈ្នះ UEFA Champions League តាមគោលដៅរបស់ក្លិបនៅឡើយ៕ អត្ថបទ៖ នាង សុភាវុធ

Real Madrid ខ្ចីអ្នកចាំទី Chelesa, Kepa ពេញមួយរដូវកាលជំនួស Courtois ដែលរបួស

ក្លិបបាល់ទាត់អេស្ប៉ាញ Real Madrid បានចុះហត្ថលេខានាំយកអ្នកចាំទីអេស្ប៉ាញ Kepa Arrizabalaga ពីក្លិប តោខៀវ Chelsea ក្នុងលក្ខខណ្ឌខ្ចីជើងពេញមួយរដូវកាល។កីឡាករវ័យ ២៨ ឆ្នាំរូបនេះនឹងជំនួសតំណែងកីឡាករជម្រើសដំបូង Thibaut Courtois ដែលមានរបួសត្រូវ សម្រាកស្ទើពេញមួយរដូវកាលថ្មីនេះ។ Kepa បង្ហាញខ្លួនបាន ១៦៣ ប្រកួតឱ្យ Chelsea តាំងពីផ្លាស់ពី Athletic Bilbao នៅឆ្នាំ ២០១៨ ក្នុងតម្លៃ ៧១ លានផោន ដែលជាតម្លៃផ្ទេរអ្នកចាំទីថ្លៃបំផុត។ មុនការចាកចេញទៅមាន់ Real Madrid នេះ Kepa ប្រឈមនឹងការប្រកួតប្រជែងជាមួយកីឡាករចំនូលថ្មីរបស់ Chelsea, Robert Sanchez ដែលផ្ទេរពី Brighton ក្នុងតម្លៃ ២៥ លានផោន។ Chelsea បើករដូវកាលថ្មី Premier League ស្មើគ្នា ១-១ ទល់នឹង Liverpool ខណៈ Robert Sanchez ជាជម្រើសដំបូង។ចំណែក Real Madrid បើករដូវកាលថ្មី La Liga យកឈ្នះ Athletic Bilbao ២-០ ចុងសប្តាហ៍កន្លងទៅ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

Hun Sen Cup៖ កំពតស្ទើរអស់ឱកាស ក្រោយចែក ១ពិន្ទុជាមួយខេត្តកែប ក្នុងជើងទី២

វាយកូនគោលអឺរ៉ុប DP World Tour ឆ្នាំក្រោយមានកញ្ចប់ប្រាក់រង្វាន់ជាកំណត់ត្រា ១១៧ លានផោន

Novak Djokovic នៅតែស្រែកឃ្លានជើងឯកស្របពេលត្រៀមលក្ខណៈសម្រាប់ការវិលត្រឡប់មកទឹកដីអាមេរិក

PSG និង Al-Hilal ព្រមព្រៀងតម្លៃ ៩០ លានអឺរ៉ូក្នុងការផ្ទេរខ្សែប្រយុទ្ធប្រេស៊ីល Neymar

Real Madrid ខ្ចីអ្នកចាំទី Chelesa, Kepa ពេញមួយរដូវកាលជំនួស Courtois ដែលរបួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ​ ៥៣ លានផោន

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

Hun Sen Cup៖ កំពតស្ទើរអស់ឱកាស ក្រោយចែក ១ពិន្ទុជាមួយខេត្តកែប ក្នុងជើងទី២

វាយកូនគោលអឺរ៉ុប DP World Tour ឆ្នាំក្រោយមានកញ្ចប់ប្រាក់រង្វាន់ជាកំណត់ត្រា ១១៧ លានផោន

Novak Djokovic នៅតែស្រែកឃ្លានជើងឯក​ស្របពេលត្រៀមលក្ខណៈ​សម្រាប់ការវិលត្រឡប់មកទឹកដីអាមេរិក

PSG និង Al-Hilal ព្រមព្រៀងតម្លៃ ៩០ លានអឺរ៉ូក្នុងការផ្ទេរខ្សែប្រយុទ្ធប្រេស៊ីល Neymar

Real Madrid ខ្ចីអ្នកចាំទី Chelesa, Kepa ពេញមួយរដូវកាលជំនួស Courtois ដែលរបួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន

Novak Djokovic នៅតែស្រែកឃ្លានជើងឯកស្របពេលត្រៀមលក្ខណៈសម្រាប់ការវិលត្រឡប់មកទឹកដីអាមេរិក