BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន

កីឡាករជប៉ុន Yu Shoji បានក្លាយជាម្ចាស់មេដាយមាសនៃការប្រកួតកីឡាកង់ក្បាច់ BMX Freestyle Flatland នៅក្នុងព្រឹត្តិការណ៍កីឡាករកង់ពិភពលោក UCI Cycling World Championship នៅទីក្រុង Glasgow ប្រទេសស្កុតឡេន។Yu Shoji ធ្វើបានល្អដាច់គេក្នុងការប្រកួតវគ្គផ្តាច់ព្រ័ត្រ ដោយរកបានពិន្ទុ ៩៤.១៦។លេខ ២ មេដាយប្រាក់បានទៅមិត្តរួមជាតិជប៉ុន Kio Hayakawa រកបាន ៩១.១៦ ពិន្ទុ ខណៈកីឡាករបារាំង Matthias Dandois ទទួលបានមេដាយសំរិទ្ធក្រោយរកបាន ៨៨ ពិន្ទុ៕ អត្ថបទ៖នាង សុភាវុធ

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

ក្លិបបាល់ទាត់ Manchester City បានដាក់សំណើលើកដំបូងរបស់ខ្លួនតម្លៃ ៧០ លានផោនទៅកាន់ក្លិបញញួរធំ West Ham ក្នុងការចង់បានកីឡាករប្រេស៊ីល Lucas Paqueta មកកាន់កីឡដ្ឋាន Etihad។ខ្សែបម្រើប្រេស៊ីលវ័យ ២៥ ឆ្នាំរូបនេះបានផ្លាស់មកកាន់ West Ham រដូវកាលមុនក្នុងតម្លៃផ្ទេរ ៣៦.៥ លានផោន ពីក្លិបបារាំង Olympique Lyon និងបានក្លាយជាសមាជិកសំខាន់ជួយ West Ham ឈ្នះជើងឯក UEFA Europa Conference League ក្នុងរដូវកាលដំបូងរបស់ខ្លួន។អ្នកចាត់ការ Man City លោក Pep Guardiola បាននិងកំពុងស្វែងតំណែងខ្សែបម្រើមកជំនួសការចាកចេញរបស់ Ilkay Gundogan និង Riyad Mahrez។តម្លៃ ៧០ លានផោននេះ គេមិនទាន់រំពឹងថា West Ham ព្រមលក់រឺយ៉ាងណានៅឡើយស្របពេលក្លិបទើបបាត់បង់ប្រធានក្រុមសញ្ជាតិអង់គ្លេស Declan Rice ដែលចាកចេញទៅ Arsenal ក្នុងតម្លៃ ១០៥ លានផោន។អ្វីដែលជាបញ្ហានោះគឺ Man City អាចត្រូវចំណាយលុយច្រើនជាងនេះ ដោយសារ Lucas Paqueta នៅសល់កិច្ចសន្យាជាមួយ West Ham ៤ ឆ្នាំទៀតឯណោះ៕ អត្ថបទ៖នាង សុភាវុធ

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

ក្លិបបាល់ទាត់ញញួរធំ West Ham បានឈានដល់កិច្ចព្រមព្រៀងហើយក្នុងការផ្ទេរយកខ្សែការពារអង់គ្លេស Harry Maguire ពីបិសាចក្រហម Manchester United ក្នុងតម្លៃ ៣០ លានផោន។ Harry Maguire ដែលចាប់ផ្តើម ១១ នាក់ដំបូងរដូវកាលមុនត្រឹម ៨ លើកនៅ Premier League ត្រូវបាន West Ham ទាក់ទងច្រើនសប្តាហ៍មកហើយខណៈ Manchester United បានបដិសេធសំណើដំបូង ២០ លានផោនម្តងរួចមកហើយ។ តំណែងការពារកណ្តាលរបស់ Harry Maguire បានបាត់បង់ បន្ទាប់ពីទំរង់លេងរបស់គេធ្លាក់ចុះខ្លាំង ស្របពេលដែលអ្នកចាត់ការ Erik ten Hag ផ្តល់ទំនុកចិត្តលើ Raphael Varane និង Lisandro Martinez ខណៈដែល Vintor Lindelof ក៏ជាជម្រើស ហើយខ្សែការពារឆ្វេង Luke Shaw អាចលេងកណ្តាលបានដែរ។រំលឹកថា Harry Maguire បានមកដល់ Old Trafford កាលពីឆ្នាំ ២០១៩ ក្នុងតម្លៃផ្ទេរ ៨០ លានផោនពី Leicester City ដែលជាតម្លៃផ្ទេរខ្សែការពារខ្ពស់បំផុតក្នុងប្រវត្តិសាស្រ្ត។ជាមួយគ្នានោះដែរ West Ham ក៏បានឈានដល់កិច្ចព្រមព្រៀងក្នុងតម្លៃ ៣០ លានផោនដូចគ្នានេះក្នុងការផ្ទេរយកខ្សែបម្រើ Southampton, James Ward-Prowse ផងដែរ។កីឡាករវ័យ ២៨ ឆ្នាំរូបនេះបានចូលលេងប្រកួតដំបូងបើករដូវកាលនេះឱ្យ Southampton ទល់នឹង Sheffield Wednesday កាលពីថ្ងៃសៅរ៍ផងដែរ មុនពេល Southampton ចាញ់ Gillingham កាលពីថ្ងៃអង្គារធ្លាក់ពី Carabao Cup ជុំដំបូង៕ អត្ថបទ៖នាង សុភាវុធ

កីឡាករចំនូលថ្មី ៥ នាក់នៅ Premier League ដែលគួរតាមដាន

ក្លឹបបាល់ទាត់នៅក្របខណ្ឌ English Premier League បានចំណាយប្រាក់ជាង ១ ពាន់លានផោន (១.៣ ពាន់លានដុល្លារ) ហើយគិតមកដល់ពេលនេះ ដើម្បីនាំយកកីឡាករចំនូលថ្មីដើម្បីពង្រឹងក្រុមរបស់ខ្លួនមុនរដូវកាលថ្មីខាងមុខ។ត្រឹមពេលនេះ ជាក្រុមឈានមុខគេដោយចំណាយប្រាក់ជាង ២០០ លានផោនលើ Declan Rice, Kai Havertz និង Jurrien Timber ខណៈដែលពួកគេមានគោលបំណងផ្តួលក្រុមការពារជើងឯក Manchester City ។Manchester United, Newcastle, Liverpool និង Chelsea ក៏មមាញឹកនឹងការប្រកួតប្រជែងយ៉ាងស្វិតស្វាញដើម្បីប្រជែងតំណែង Top4 ផងដែរប៉ុន្តែក្រុមជើងឯក ៣ ពាន Man City នៅតែជាក្រុមដែលអាចយកឈ្នះបាន ខណៈដែលពួកគេដាក់គោលដៅឈ្នះជើងឯកលីគកំពូលអង់គ្លេសជាប្រវត្តិសាស្ត្រជាលើកទីបួនជាប់ៗគ្នា។ខាងក្រោមជាកីឡាករចំនូលថ្មី ៥ នាក់ដែលជាទីចាប់អារម្មណ៍ និងគួរតាមដានរដូវកាលថ្មីនេះ៖ - Declan Rice (Arsenal) Arsenal គឺជាក្រុមប្រជែងជើងឯកដ៏គួរឱ្យភ្ញាក់ផ្អើលមួយទល់នឹង Manchester City រដូវកាលមុន បន្ទាប់ពីនាំមុខគេស្ទើពេញមួយរដូវកាល មុនពេលក្រឡាប់ចាក់ប៉ុន្មានប្រកួតចុងក្រោយ។ ខ្សែបម្រើអង់គ្លេស Declan Rice បានមកដល់ទឹកដី Emirate ក្នុងតម្លៃផ្ទេរបំបែកកំណត់ត្រាអង់គ្លេស ១០៥ លានផោន បន្ទាប់ពីក្រុមរបស់ Mikel Arteta ដណ្តើមបានពីការប្រជែងទិញដោយ Manchester City ផងដែរ។ ជាមួយនឹងតម្លៃផ្ទេរកប់ពពក ក្តីរំពឹងរបស់ក្លិប និងអ្នកគាំទ្រ ក៏ដូចជាភ្នែកទស្សនាបាល់ទាត់ក៏ទន្ទឹងរង់ចាំសក្តានុពលភាពរបស់កីឡាករវ័យ ២៤ ឆ្នាំរូបនេះផងដែរ។ - Rasmus Hojlund (Manchester United) តាមពិតទៅ Manchester United មានគោលដៅដំបូងគឺចង់បានខ្សែប្រយុទ្ធអង់គ្លេស Harry Kane មកកាន់ Old Trafford តែការចរចាយកខ្សែប្រយុទ្ធរូបនេះពី Spurs មានសភាពស្មុគស្មាញ ដែលធ្វើឱ្យ Man United ផ្លាស់ប្តូរគោលដៅមករកកីឡាករវ័យ ២០ ឆ្នាំដាណឺម៉ាក Rasmus Hojlund វិញ។ តម្លៃនៃការផ្ទេរ Rasmus Hojlund ពី Atalanta គឺ ៦៤ លានផោន ដែលជាការវិនិយោគចំណេញកប់ក្តោងរបស់ Atalanta ដែលទិញ Hojlund ពីក្លិបអូទ្រីស Sturm Graz រដូវកាលមុខត្រឹម ១៧លានផោន។ កីឡាករវ័យ ២០ ឆ្នាំរូបនេះស៊ុតបញ្ចូលទី ៩ គ្រាប់ក្នុងរដូវកាលដំបូងរបស់ខ្លួននៅ Serie A តែ ៦ គ្រាប់ផ្សេងទៀតជាមួយក្រុមជម្រើសជាតិដាណឺម៉ាកពិតជាបានបង្ហាញការចាប់អារម្មណ៍សម្រាប់ Manchester United ដែលមាន Christian Eriksen ជាអ្នកណែនាំ។ - Josko Gvardiol (Manchester City) Manchester City មិនឆ្អែតឆ្អន់ឡើយក្នុងការប្រជែងជើងឯក ដោយគោលដៅរបស់ពួកគេគឺដណ្តើមពាន EPL បួនរដូវកាលជាប់គ្នា ដូច្នេះខ្ទង់ចំណាយនៅតែបើកបន្ទាប់ពីនាំយកខ្សែការពារក្រូអាស៊ី Josko Gvardiol ពីក្លិបអាល្លឺម៉ង់ Leipzig ក្នុងតម្លៃ ៧៨ លានផោន។ ទម្រង់លេងដ៏គួរឱ្យទាក់ភ្នែករបស់កីឡាករវ័យ ២១ ឆ្នាំរូបនេះ គឺនៅពេលជួយក្រុមក្រូអាស៊ីនៅ World Cup 2022 ទឹកដីកាតាឆ្នាំមុនដែលឈានដល់វគ្គពាក់កណ្តាលផ្តាច់ព្រ័ត្រ។- Dominik Szoboszlai (Liverpool) Liverpool បញ្ចប់រដូវកាលមុនដោយការខកចិត្តនៅលំដាប់លេខ ៥ ខកខានមិនបានលេងនៅ UCL ស្របពេ ដែលខ្សែបម្រើជាច្រើនចាកចេញទៀតនោះ Liverpool បាននាំយកកីឡាករហុងគ្រី Dominik Szoboszlai ពី Leipzig តម្លៃ ៦០ លានផោន។ Jordan Henderson, Fabinho, Naby Keita, Alex Olade-Chamberlain សុទ្ធតែចាកចេញ ហើយនៅពេលនេះក្រុមរបស់លោក Jurgen Klopp មានខ្សែបម្រើថ្មីច្រឺងទាំងពីរនាក់គឺ Szoboszlai និង Alexis Mac Allister។ កីឡាករវ័យ ២២ ឆ្នាំ Szoboszlai ស៊ុតបញ្ចូលទីបាន ២០ គ្រាប់និង ២២ បាល់បញ្ជូនក្នុងការបង្ហាញខ្លួន ៩១ ប្រកួតឱ្យក្លិបអាល្លឺម៉ង់ RB Leipzig។ - Sandro Tonali (Newcastle) ទឹកប្រាក់បានស្រោចលើកីឡាករ Premier League ក្នុងការផ្ទេរទៅកាន់ទឹកដីអារ៉ាប៊ីសាអ៊ូឌីត មួយរយៈចុងក្រោយនេះ តែ Newcastle ដែលស្ថិតក្រោមការវិនិយោគដោយអារ៉ាប៊ីសាអ៊ូឌីតដែរនោះ មិនជះឥទ្ធិពលប៉ុន្មានទេ។ Newcastle ដែលនឹងត្រលប់មកបង្ហាញខ្លួននៅ UEFA Champions League វិញនោះក៏បានចាយលុយច្រើនដែរក្នុងការនាំយកកីឡាករចំនូលថ្មីមកពង្រឹងក្រុម។ គិតមកទល់ពេលនេះ Newcastle បានចំណាយជាង ១០០ លានផោនផងដែរ ដែលក្នុងនោះថ្លៃជាងគេគឺខ្សែបម្រើអ៊ីតាលីSandro Tonali ពី AC Milan តម្លៃ ៦០ លានផោន។ កីឡាករវ័យ ២៣ ឆ្នាំរូបនេះគឺជាកំលាំងស្នូលខ្វះមិនបានរបស់ AC Milan ក្នុងការប្រជែងឈ្នះជើងឯកអ៊ីតាលី Serie A លើកដំបូងក្នុងរយៈពេល ១១ ឆ្នាំកាលពីឆ្នាំ ២០២២ និងជាសមាជិកសំខាន់ដែលនាំ AC Milan ឡើងដល់វគ្គពាក់កណ្តាលផ្តាច់ព្រ័ត្រ UCL រដូវកាលមុន៕ អត្ថបទ៖នាង សុភាវុធ

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

ក្រុមបាល់ទាត់សន្ដិភាព ខេត្តកំពង់ធំ បានកក់កៅអីវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣ ហើយ ក្រោយបន្ដយកឈ្នះក្រុមមន្ទីរអប់រំ យុវជន និងកីឡា ខេត្តសៀមរាប ដោយលទ្ធផល ២-០ កាលពីល្ងាចថ្ងៃទី០៩ ខែសីហាម្សិលមិញ ។ ជ័យជម្នះនេះដែរ ក៏បើកផ្លូវឲ្យក្រុមអធិរាជដំរីឦសាន ខេត្តរតនគិរី មានសង្ឃឹមឡើងវគ្គបន្ដផងដែរ បន្ទាប់ពីពួកគេវាយបកឈ្នះមណ្ឌលគិរីវង់ ៣-២ ។សម្រាប់គ្រាប់បាល់ជ័យជម្នះរបស់ក្រុមសន្ដិភាព ខេត្តកំពង់ធំ លើក្រុមភ្ញៀវខេត្តសៀមរាប ធ្វើសម្រេចដោយកីឡាករ ឆាំ ប៊ុនឈីត នៅនាទីទី៨ និងកីឡាករ រ៉ាន់ សិទ្ធ នៅនាទី៧២ ។ ដូច្នេះក្រុមមន្ទីរអប់រំ យុវជន និងកីឡា ខេត្តសៀមរាប គឺរងបរាជ័យទាំង ២ជើង ក្នុងជំនួបជាមួយក្រុមកំពូលតារាងនេះ ដ្បិតកាលពីជើងទី១ គឺចាញ់ក្នុងលទ្ធផល ១-០ ។រីឯជំនួបជើងទី២ នៅទីលានបឋមសិក្សា ហ៊ុន សែន សែនមនោរម្យវិញ ក្រុមម្ចាស់ផ្ទះខេត្តមណ្ឌលគិរី បានបើកការនាំមុខក្រុមអធិរាជដំរីឦសាន ២គ្រាប់មុន នៅចុងវគ្គទី១ ដោយកីឡាករ ណូ សូទី នៅនាទី៤៤ និងកីឡាករ ធិ ផៃយ៉ា នៅនាទី៤៥+២ ។ ប៉ុន្ដែវគ្គទី២ ក្រុមអធិរាជដំរីឦសាន ខេត្តរតនគិរី ក៏វាយបកបាន ៣គ្រាប់វិញ ដោយកីឡាករ កវី ស៊ីយ៉ា នៅនាទី៥៦, កីឡាករ ហ៊ីង វ៉ាយលេស នៅនាទី៧៨ និងគ្រាប់បាល់ជ័យជម្នះ ដោយបានដោយកីឡាករ សម្បត្តិ បញ្ញា នៅនាទី៨៨ ។ជាមួយលទ្ធផលក្នុងសប្ដាហ៍ទី១៥ នេះដែរ នាំឲ្យក្រុមបាល់ទាត់សន្ដិភាពខេត្តកំពង់ធំ បន្ដឈរកំពូលតារាងពូលD ដោយរកបាន ១៥ពិន្ទុ និងបានកក់កៅអីវគ្គ ៨ក្រុមចុងក្រោយដោយស្វ័យប្រវត្តិ ទោះបីពួកគេនៅសល់ ២ប្រកួតក្នុងដៃទៀតក៏ដោយ ។ ចំណែកក្រុមសៀមរាប បន្ដឈរលេខ២ តែមាន ១០ពិន្ទុស្មើគ្នាជាមួយក្រុមអធិរាជដំរីឦសាន ខេត្តរតនគិរី ដែលឡើងមកឈរលេខ៣ ។ ប៉ុន្ដែខេត្តសៀមរាប នៅសល់តែ ១ប្រកួតទៀតប៉ុណ្ណោះ ស្របពេលក្រុមអធិរាជដំរីឦសាន នៅសល់ ២ប្រកួតទៀត ។ ដូច្នេះក្រុមទាំងពីរ សុទ្ធតែមានឱកាសប្រជែងកៅអីវគ្គបន្ដ ពិសេសក្រុមអធិរាជដំរីឦសាន ខេត្ដរតនគិរី ដែលនៅសល់ប្រកួតច្រើនជាងតែម្ដង៕ អត្ថបទ លី ឈុនឡា

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់

កំពូលកីឡាករប្រដាល់សកលរបស់អង់គ្លេស Anthony Joshua ត្រូវប្រកួតជាមួយគូប្រកួតដែលខុសពីការគ្រោងទុក បន្ទាប់ពីការណាត់គ្នាទល់នឹង Dillian Whyte ត្រូវបានកែប្រែ បន្ទាប់ពី Whyte មានផ្ទុកសារធាតុហាមឃាត់។ការផ្លាស់ប្តូរគូប្រកួតភ្លាមៗនេះធ្វើឡើងត្រឹម ២៤ ម៉ោងប៉ុណ្ណោះមុនសន្និសីទសារព័ត៌មានថ្ងៃពុធម្សិលមិញ បន្ទាប់ពីការធ្វើតេស្តសុខភាពឃើញថា Dillian Whyte មានផ្ទុកសារធាតុហាមឃាត់ តែមិនមែនជាសារធាតុញៀនឡើយ តាមរយៈការពិនិត្យដោយ សមាគមស្ម័គ្រចិត្តប្រយុទ្ធប្រឆាំងនឹងសារធាតុហាមឃាត់ (VADA) ដែលធ្វើឱ្យកីឡាករអង់គ្លេសរូបនេះ ត្រូវប្រមូលព័ត៌មានឱ្យបានច្បាស់លាស់ ដើម្បីបញ្ជាក់ថាខ្លួនឯងស្អាតស្អំ។ ដោយឡែកសំរាប់គូប្រកួតថ្មីរបស់ Anthony Joshua ដែលត្រូវបានចាប់ដាក់ភ្លាមៗនោះគឺកីឡាករប្រដាល់ហ្វាំងឡង់ Robert Helenius ដែលនឹងក្លាយជាជំនួបដំបូងរវាងកីឡាករទាំងពីរ។ កីឡាករវ័យ ៣៩ ឆ្នាំ Robert Helenius មានបទពិសោធប្រកួត ៣៦ លើកឈ្នះ ៣២ ចាញ់ ៤ ផ្តួលគូប្រកួតឱ្យបោះបង់ ២១ លើក៕ អត្ថបទ៖នាង សុភាវុធ

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

កីឡាករប្រដាល់ម៉ិកស៊ិក Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោករបស់ខ្លួននៅថ្ងៃទី៣០ ខែកញ្ញាខាងមុខ ដោយនឹងត្រូវជួបជាមួយជើងឯកទម្ងន់មធ្យមយុវជនពិភពលោក Jermell Charlo នៅកីឡដ្ឋាន T-Mobile Arena ទីក្រុង Las Vegas សហរដ្ឋអាមេរិក។ Canelo Alvarez មានស្ថិតិប្រកួតរបស់ខ្លួន ឈ្នះ ៥៩ ចាញ់ ២ ស្មើ ២ ផ្តួលគូប្រកួតឱ្យបោះបង់ ៣៩លើក គឺជាអ្នកគ្រប់គ្រងខ្សែក្រវាត់ពីរបន្ទាប់ពីដណ្តើមខ្សែក្រវាត់ IBF ពី Caleb Plant កាលពីខែវិច្ឆិកាឆ្នាំ ២០២១ ក្រោយមកការពារខ្សែក្រវាត់របស់ខ្លួនបានតាមរយៈជ័យជំនះលើ Gennadiy Golovkin និង John Ryder។ នៅក្នុងចន្លោះនៃការប្រកួតខាងលើ Canelo Alvarez ក៏បានព្យាយាមទំលាក់ទម្ងន់របស់ខ្លួន ដើម្បីប្រជែងខ្សែក្រវាត់ WBA តែចាញ់ Dmitriy Bivol។ចំណែកគូប្រកួតនៅខែកញ្ញាខាងមុខ Jermell Charlo មានបទពិសោធប្រកួតឈ្នះ ៣៥ ស្មើ ១ ចាញ់១ ផ្តួលគូប្រកួតឱ្យបោះបង់ ១៩ លើក និងបានគ្រប់គ្រងខ្សែក្រវាត់យុវជននេះ តាមរយៈការផ្តួល Brian Castano កាលពីខែឧសភាឆ្នាំមុន៕ អត្ថបទ៖នាង សុភាវុធ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) បានណែនាំឲ្យរៀបចំធ្វើការផែនការមេ ដើម្បីដាក់ឆ្លងរាជរដ្ឋាភិបាល ក្នុងដំណើរឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី លើកទី៥ ឆ្នាំ២០២៩ (The 5th Asian Youth Games 2029) នៅកម្ពុជា ។ការណែនាំនេះ បន្ទាប់ពីគណៈកម្មាធិការជាតិអូឡាំពិកកម្ពុជា បានចាប់ផ្ដើមបើកកិច្ចប្រជុំគណៈកម្មាធិការប្រតិបត្តិរបស់ខ្លួនឡើងវិញ កាលពីថ្ងៃទី០៨ ខែសីហាម្សិលមិញ ដើម្បីពង្រឹងការងាររដ្ឋបាល និងការគ្រប់គ្រង សម្រាប់ត្រៀមចូលរួម និងរៀបចំប្រកួតនានា ពិសេសការត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ បន្ទាប់ពីគណៈកម្មាធិការជាតិអូឡាំពិកកម្ពុជា ទទួលបានសិទ្ធិធ្វើម្ចាស់ផ្ទះរួចរាល់ពីក្រុមប្រឹក្សាកីឡាអូឡាំពិកអាស៊ី ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ថា បន្ទាប់ពីរួមចំណែកជាមួយភាពជោគជ័យ នៃព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ គណៈកម្មាធិការប្រតិបត្តិ នៃគណៈកម្មាធិការជាតិអូឡាំពិកកម្ពុជា ត្រូវចាប់ផ្ដើមពង្រឹងការងាររដ្ឋបាល ដឹកនាំ និងគ្រប់គ្រងឡើងវិញ ដើម្បីត្រៀមចូលរួម និងរៀបចំការប្រកួតនានា ដូចជាការត្រៀមចូលរួមប្រកួតកីឡាអាស៊ី លើកទី១៩ ឆ្នាំ២០២៣ នៅចិន, ការត្រៀមចូលរួមប្រកួតកីឡាអូឡាំពិក ឆ្នាំ២០២៤ នាទីក្រុងប៉ារីស ប្រទេសបារាំង ពិសេសការត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ ។ពាក់ព័ន្ធនឹងការប្រកួតកីឡាយុវជនអាស៊ីនេះ គឺជាបញ្ហាសំខាន់ ដែលត្រូវបានអង្គប្រជុំកំណត់ថា នឹងរៀបចំផែនការយុទ្ធសាស្ដ្រ សម្រាប់ផែនការមេឲ្យបានរួចរាល់ ដើម្បីឆ្លងទៅរាជរដ្ឋាភិបាលអនុម័ត ក្នុងនោះឯកឧត្តមបណ្ឌិត ថោង ខុន បានណែនាំឲ្យចាប់ផ្ដើមរៀបចំធ្វើផែនការមេនេះ ព្រោះគណៈកម្មាធិការជាតិអូឡាំពិកកម្ពុជា បានទទួលធ្វើម្ចាស់ផ្ទះពីក្រុមប្រឹក្សាកីឡាអូឡាំពិកអាស៊ីរួចហើយ ដែលបានចុះហត្ថលេខាលើលិខិតអនុញ្ញាត កាលពីខែវិច្ឆិកា ឆ្នាំ២០២១ ។ ដូច្នេះគណៈកម្មាធិការប្រតិបត្តិទាំងអស់ ត្រូវរួបរួមគ្នាធ្វើកិច្ចការនេះឲ្យហើយ ៤-៥ឆ្នាំមុន ដើម្បីត្រៀមធ្វើម្ចាស់ផ្ទះនាឆ្នាំ២០២៩ ។ចំណែកការងាររដ្ឋបាល និងការគ្រប់គ្រងវិញ ត្រូវបានឯកឧត្តមរដ្ឋមន្ដ្រី ជំរុញឲ្យពង្រឹងយន្ដការការងារឡើងវិញ ក្នុងការបែងចែកនាយកដ្ឋាន សម្រាប់ការគ្រប់គ្រងនាយកដ្ឋានជំនាញនីមួយៗ ពិសេសឯកឧត្តម បានជំរុញ និងលើកទឹកចិត្តឲ្យគណៈកម្មការជំនាញ អមគណៈកម្មាធិការជាតិអូឡាំពិកកម្ពុជា ធ្វើការងារឡើងវិញ ហើយឲ្យគណៈកម្មាធិការប្រតិបត្តិទទួលខុសត្រូវក្នុងការធ្វើកិច្ចសហការត្រួតពិនិត្យការងារជាប្រចាំ ។ ចំពោះរចនាសម្ព័ន្ធ និងការកែសម្រួលតួនាទីភារកិច្ច នឹងធ្វើឡើងក្នុងពេលឆាប់ៗនេះ ដោយកំណត់ឲ្យបាននូវគោលដៅ នៃការអភិវឌ្ឍធនធនាមនុស្ស អភិវឌ្ឍន៍រចនាសម្ព័ន្ធ ឲ្យមានភាពរឹងមាំ ដើម្បីទទួលភារកិច្ចសំខាន់ៗរបស់ព្រឹត្តិការណ៍កីឡាជាតិ ឬព្រឹត្តិការណ៍អន្ដរជាតិផ្សេងៗទៀតឲ្យបានសម្រេចតាមជំនាញ ដែលបានធ្វើរួចមកហើយ ។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន៕ អត្ថបទ លី ឈុនឡា

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ក្រុមបាល់ទាត់នារីបារាំងបានបញ្ចប់ក្តីសង្ឃឹមរបស់ម៉ារ៉ុក ក៏ដូចជាក្តីសង្ឃឹមរបស់ក្រុមមកពីអាហ្វ្រិក ដើម្បីឡើងវគ្គ ៨ ក្រុមចុងក្រោយបាល់ទាត់នារីជើងឯកពិភពលោក។កីឡាការិនី Kadidiatou Diani និង Kenza Dali រកបានម្នាក់មួយគ្រាប់នៅវគ្គទី ១ ខណៈ Eugenie Le Sommer រកបានពីរគ្រាប់ម្នាក់ឯងឱ្យអតីតក្រុមលេខ ៤ World Cup ឆ្នាំ ២០១១ បារាំងយកឈ្នះដោយលទ្ធផល ៤-០ ឡើងវគ្គ ៨ ក្រុមចុងក្រោយ។ បារាំងនឹងបន្តទៅជួបជាមួយម្ចាស់ផ្ទះអូស្ត្រាលី នៅទីក្រុង Brisbane ថ្ងៃសៅរ៍នេះ។ ចំណែកឯក្រុមនារីម៉ារ៉ុក សង្ឃឹមថានឹងក្លាយជាក្រុមនារីអាហ្វ្រិកដំបូងដែលឈ្នះការប្រកួតនៅវគ្គ Knockout តែអ្វីៗប្រែក្រឡាប់ចាក់បន្ទាប់ពីគ្រាប់នាំមុខ ២ គ្រាប់របស់បារាំងលឿនៗ។ ងាកមកការប្រកួតមួយគូទៀត កូឡុំប៊ីក៏បានបន្តដំណើរទៅវគ្គ ៨ ក្រុមចុងក្រោយដែរក្រោយយកឈ្នះក្រុមនារី សាម៉ាអ៊ិកតានតឹង ១-០។ កីឡាការិនី Cataline Usme គឺជាអ្នកស៊ុតបញ្ចូលទីគ្រាប់ជ័យជំនះយ៉ាងអស្ចារ្យនៅនាទីទី ៥១។មួយគ្រាប់នេះ គឺជាគ្រាប់ដំបូងដែលសាម៉ាអ៊ីករបូតគ្រាប់បាល់នៅ World Cup ឆ្នាំនេះ តែពួកគេក៏មិនអាចរកបានគ្រាប់តាមស្មើដែរ។ លទ្ធផលនេះធ្វើឱ្យក្រុមនារីកូឡុំប៊ីឡើងវគ្គ ៨ ក្រុមចុងក្រោយ World Cup ជាលើកដំបូងដោយនឹងត្រូវជួបជាមួយអង់គ្លេសនៅទីក្រុងស៊ីដនីប្រទេសអូស្រ្តាលីថ្ងៃសៅរ៍នេះ៕ អត្ថបទ៖នាង សុភាវុធ

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

ព្រឹត្តិការណ៍កីឡានិស្សិតសាកលវិទ្យាល័យពិភពលោក World University Games លើកទី ៣១ ដែលរៀបចំនៅទីក្រុងឆឹងទូប្រទេសចិន បានបិទបញ្ចប់ជាផ្លូវការប្រកបដោយភាពជោគជ័យ។ទង់សហព័ន្ធកីឡាសាកលវិទ្យាល័យអន្តរជាតិ FISU ត្រូវបានបង្ហូតចុះ និងប្រគល់ជូនម្ចាស់ផ្ទះបន្ទាប់នៅឆ្នាំ២០២៥ ទីក្រុង Rhine-Ruhr ប្រទេសអាល្លឺម៉ង់។តាមពិតទៅទីក្រុងឆឹងទូគ្រោងរៀបចំព្រឹត្តិការណ៍កីឡាពីរឆ្នាំម្តងនេះកាលពីឆ្នាំ ២០២១ តែក៏ត្រូវពន្យាពេល ២ ឆ្នាំ ដោយសារវិបត្តិ Covid-19។ក្រុមម្ចាស់ផ្ទះចិនបញ្ចប់ដោយភាពជោគជ័យត្រចះត្រចង់ ពោលគឺឈ្នះដាច់ក្នុងតារាងមេដាយសរុបដោយមានមេដាយមាស ១០៣ គ្រឿង មេដាយប្រាក់ ៤០ គ្រឿង និងមេដាយសំរិទ្ធ ៣៥ សរុប ១៧៨ គ្រឿង។ ជប៉ុនឈរលេខ ២ មានមេដាយមាសសរុបត្រឹម ២១ គ្រឿង និងសរុប ៩៣ គ្រឿង ខណៈកូរ៉េឈរលេខ ៣ មានមេដាយមាស ១៨ គ្រឿង និងសរុប ៥៨ គ្រឿង៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

កីឡាករចំនូលថ្មី ៥ នាក់នៅ Premier League ដែលគួរតាមដាន

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោក​នៅស្កុតឡេន

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

កីឡាករចំនូលថ្មី ៥ នាក់នៅ Premier League ដែលគួរតាមដាន

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែ​បើក​ផ្លូវ​ឲ្យ​រតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មាន​ផ្ទុក​សារធាតុ​ហាម​ឃាត់

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់