BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Spurs បដិសេធសំណើលើកទី៣ របស់ Bayern Munich ចង់បាន Harry Kane

ក្លិបបាល់ទាត់ Tottenham Hotspur បានបដិសេធសំណើរបស់ Bayern Munich ជាលើកទី ៣ ក្នុងការចង់បាន ខ្សែប្រយុទ្ធអង់គ្លេស Harry Kane ទៅកាន់ទឹកដីអាល្លឺម៉ង់។ សំណើចុងក្រោយដែលត្រូវបានគេដឹងថាមានតម្លៃដល់ទៅ ១០០ លានអឺរ៉ូនោះ នៅតែមិនអាចធ្វើឱ្យក្លិបទាំងពីរខិតទៅជិតគ្នាក្នុងការចរចាជាមួយកីឡាករវ័យ ៣០ ឆ្នាំរូបនេះនៅឡើយ។ សារព័ត៌មានអង់គ្លេសមួយបានចុះផ្សាយថា ខ្សែប្រយុទ្ធអង់គ្លេស Harry Kane ត្រូវបាន Tottenham Hotspur គ្រោងផ្តល់ប្រាល់ឈ្នួលដល់ ៤០ ម៉ឺនផោនក្នុងមួយសប្តាហ៍ ប្រសិនព្រមបន្តនៅជាមួយក្លិបដែលមានមូលដ្ឋាននៅក្នុងទីក្រុងឡុងដ៍មួយនេះ។ មួយរយៈចុងក្រោយនេះ អនាគតរបស់កីឡាករវ័យ ២៩ ឆ្នាំរូបនេះតែងតែស្ថិតនៅទំព័រមុខនៃសារព័ត៌មានបាល់ទាត់អឺរ៉ុប ស្របពេលដែលក្លិបជើងឯកអាល្លឺម៉ង់ Bayern Munich ឈានមុខគេ។មិនត្រឹមតែ Bayern Munich ទេខ្សែប្រយុទ្ធអង់គ្លេសរូបនេះបានក្លាយជាគោលដៅចំបងរបស់ Real Madrid ផងដែរ និងធ្លាប់ជាគោលដៅចង់បានរបស់ក្លិបអេស្ប៉ាញមួយនេះច្រើនឆ្នាំមកហើយ។ កីឡាករវ័យ ២៩ ឆ្នាំរូបនេះ នឹងមិនមានឱកាសលេងនៅ UEFA Champions League ឡើយរដូវកាលក្រោយ ដែលជាមូលហេតុចំបងដែលគេគិតថានឹងចាកចេញពី Spurs៕ អត្ថបទ៖នាង សុភាវុធ

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ក្លិបជើងឯកបារាំង Paris Saint Germain បានចុះហត្ថលេខានាំយកខ្សែប្រយុទ្ធព័រទុយហ្កាល់ Goncalo Ramos ក្នុងកិច្ចសន្យាខ្ចីពេញមួយរដូវកាល។នៅក្នុងកិច្ចសន្យាខ្ចីនោះដែរ ក៏មានចងភ្ជាប់ជាមួយលក្ខខណ្ឌទិញផ្តាច់ក្រោយផុតកិច្ចសន្យាខ្ចីក្នុងតម្លៃ ៦៥ លានអឺរ៉ូ និងប្រាក់បន្ថែម ១៥ លានអឺរ៉ូផ្សេងទៀត។កីឡាករវ័យ ២២ ឆ្នាំរូបនេះគឺជាអ្នកស៊ុតបញ្ចូលទី ៣ គ្រាប់ម្នាក់ឯងនៅ World Cup ឆ្នាំមុន ដែលធ្វើឱ្យក្លិបធំៗ នៅអឺរ៉ុបចាប់អារម្មណ៍។រដូវកាលមុន Ramos ស៊ុតបញ្ចូលទីបាន ២៧ គ្រាប់ក្នុងការបង្ហាញខ្លួន ៤៧ ប្រកួតឱ្យ Benfica។ការមកដល់របស់ Ramos ស្របពេលដែលអនាគតរបស់ Kylian Mbappe មិនទាន់ដឹងថាទៅជាយ៉ាងណា ក៏ស្របពេលដែល Neymar ចង់ចាកចេញពីក្លិបផងដែរ។Ramos មកដល់ PSG គឺជាកីឡាករទី ៩ ហើយ បន្ទាប់ពីអ្នកចាំទី Arnau Tenas, Milan Skriniar, Lucas Hernandez, Marco Asencio, Manuel Ugarte, Lee Kang-in, Xavi Simons និង Hugo Ekitike។លីគកំពូលបារាំង Ligue1 នឹងចាប់ផ្តើមរដូវកាលថ្មីចុងសប្តាហ៍នេះហើយដោយ PSG ត្រូវបើកទ្វាផ្ទះទទួល Lorient នៅថ្ងៃអាទិត្យ៕ អត្ថបទ៖នាង សុភាវុធ

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

ការប្រកួតបាល់ទាត់ ៤ នាក់ទល់នឹង ៤ នាក់ជើងឯកពិភពលោករឺហៅថា World Final of Red Bull Four 2 Score ត្រូវបានរៀបចំឡើងជាលើកដំបូងនៅទីក្រុង Leipzig ប្រទេសអាល្លឺម៉ង់។ ការប្រកួតដែលមានរយៈពេលត្រឹម ២ ថ្ងៃនេះមានអ្នកចូលរួមសរុប ១៧ប្រទេស ជុំវិញពិភពលោក។ មួយប្រកួតត្រូវលេងត្រឹម ១០ នាទីប៉ុណ្ណោះ ដោយគ្មានអ្នកចាំទីឡើយ ហើយការស៊ុតបញ្ចូលទីបាននៅនាទីដំបូង និងចុងក្រោយរាប់គុណនឹង ២។ ប្រសិនស្មើគ្នា រកឈ្នះចាញ់មិនឃើញ នឹងលេងបន្ថែម ហើយក្រុមណាស៊ុតចូលមុនជាអ្នកឈ្នះ។ ការប្រកួតត្រូវបានរៀបចំឡើងនៅទីលានបាល់ទាត់តូចមួយ ពោលគឺនៅចំពីមុខកីឡដ្ឋានបាល់ទាត់នៃក្លិបបាល់ទាត់ RB Leipzig តែម្តង ដែលមានការចូលរួមទស្សនាដោយខ្សែប្រយុទ្ធអាល្លឺម៉ង់ Timo Werner និង David Raum៕ អត្ថបទ៖នាង សុភាវុធ

Chris Buescher ឈ្នះការប្រកួតប្រណាំងរថយន្ត NASCAR Cup Series ២ ប្រកួតជាប់គ្នា

កីឡាករប្រណាំងរថយន្ត Chris Buescher បានឈ្នះការប្រណាំង NASCAR Cup Series លើកទីពីរជាប់ៗគ្នារបស់ខ្លួនដោយការរារាំងការប្រជែអរបស់ Martin Truex នៅចុងម៉ោង ក្នុងព្រឹត្តិការណ៍ FireKeepers 400 កាលពីថ្ងៃចន្ទ។Buescher ដែលបានឈ្នះកាលពីសប្តាហ៍មុននៅ Richmond នោះបានឡើងនាំមុខនៅជុំទី ១៣៣ ក្នុងរថយន្ត Ford លេខ 17 ហើយមិនចុះចាញ់ឡើយ។ ជាមួយនឹង ១២ ជុំចុងក្រោយក្នុងចំណោម ២០០ ជុំ Truex បានប្រកួតប្រជែងBuescher ខ្លាំង។ Buescher ដែលជាកីឡាកររបស់ក្រុម RFK Racing លើរថយន្ត Ford បានប្រជែងឈ្នះជាប់ៗគ្នាទីប្រាំបួនរបស់ខ្លួននៅឯរដ្ឋ Michigan ដើម្បីពង្រីកការឈ្នះច្រើនបំផុតដោយ Ford នៅទីលានប្រណាំងដែលទទួលការប្រកួតនេះតាំងពីឆ្នាំ ១៩៦៩៕ អត្ថបទ៖នាង សុភាវុធ

កម្ពុជាបង្កើតកំណត់ត្រាថ្មី ក្នុងការប្រកួតកីឡាប៉ូលិសពិភពលោក នៅកាណាដា

ក្រុមកីឡានគរបាលជាតិកម្ពុជា បានបង្កើតកំណត់ត្រាថ្មី ក្នុងព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី២០ ឆ្នាំ២០២៣ (The 20th World Police & Fire Games 2023) នាទីក្រុង Winnipeg ប្រទេសកាណាដា ក្រោយដណ្ដើមបានមេដាយរហូតដល់ ៥២គ្រឿង ដែលស្ទើរតែកើនឡើងទ្វេដង បើធៀបកាលពីឆ្នាំមុន ។គិតត្រឹមថ្ងៃទី០៤ ខែសីហានេះ មានអត្តពលិក នៃក្រសួងមហាផ្ទៃ ចំនួន ៨ប្រភេទកីឡាហើយ ក្នុងចំណោមកីឡា ១៣ប្រភេទ ដែលដណ្ដើមបានមេដាយអង្គភាព និងប្រទេសជាតិ រួមមានកីឡាហែលទឹក ដណ្ដើមបានមេដាយសរុប ១៥គ្រឿង (មាស ៦ ប្រាក់ ៦ និងសំរឹទ្ធ ៣) ។ កីឡាចំបាប់ ដណ្ដើមបានមេដាយសរុប ៨គ្រឿង (មាស ៤ និងប្រាក់ ៤) ។ កីឡាការ៉ាតេ ដណ្ដើមបានមេដាយសរុប ៨គ្រឿង (មាស ៣ ប្រាក់ ៣ និងសំរឹទ្ធ ២) ។កីឡាបាល់ទះ ដណ្ដើមបានមេដាយ ២គ្រឿង រួមមានមេដាយមាស លើវិញ្ញាសាបាល់ទាត់បុរសក្នុងសាល និងមេដាយប្រាក់ លើវិញ្ញាសាបាល់ទះបុរសឆ្នេរខ្សាច់ ។ កីឡាវាយកូនឃ្លីលើតុ ដណ្ដើមបានមេដាយសរុប ៤គ្រឿង (មាស ២ និងប្រាក់ ២) ។ កីឡាចំបាប់កាច់ដៃ ដណ្ដើមបានមេដាយសរុប ១១គ្រឿង (មាស ៧ ប្រាក់ ២ និងសំរឹទ្ធ ២) ។ កីឡាលើកទម្ងន់ ដណ្ដើមបានមេដាយមាស ២គ្រឿង និងកីឡាយូដូ ដណ្ដើមបានមេដាយប្រាក់ ២គ្រឿង ។សរុបលទ្ធផលបណ្ដោះអាសន្នពេលនេះ ក្រុមកីឡានគរបាលជាតិកម្ពុជា ដណ្ដើមបានមេដាយសរុបចំនួន ៥២គ្រឿង រួមមានមេដាយមាស ២៤ ប្រាក់ ២១ និងសំរឹទ្ធ ៧គ្រឿង ដែលជាចំនួនមេដាយដ៏ច្រើន បើធៀបកាលពីឆ្នាំមុន ដែលក្រុមកីឡានគរបាលជាតិកម្ពុជា ដណ្ដើមបានមេដាយសរុប ៣៣គ្រឿង រួមមានមេដាយមាស ១៥ ប្រាក់ ៨ និងសំរឹទ្ធ ១០គ្រឿង ក្នុងការប្រកួតកីឡាប៉ូលិសពិភពលោក នៅប្រទេសហូឡង់ ។សូមរំឮកថា ព្រឹត្តិការណ៍ The 20th World Police and Fire Games 2023 នៅប្រទេសកាណាដា គឺចាប់ផ្ដើមការប្រកួតពីថ្ងៃទី២៨ ខែកក្កដា រហូតដល់ថ្ងៃទី០៦ ខែសីហា ឆ្នាំ២០២៣ ដោយមានអត្តពលិកជានគរបាលជាង ៧០ប្រទេសចូលរួម ខណៈកម្ពុជា បានបញ្ជូនក្រុមកីឡានគរបាលជាតិចំនួន ១៣ប្រភេទកីឡាចូលរួម៕ អត្ថបទ៖ លី ឈុនឡា

កីឡាករ-កីឡាការិនីជាតិ និងអន្ដរជាតិជាង ២,៥០០នាក់ ត្រៀមរត់ប្រណាំងម៉ារ៉ាតុងចក្រភពខ្មែរ ចុងសប្ដាហ៍នេះ

ទិវារត់ប្រណាំងម៉ារ៉ាតុងអន្ដរជាតិ ចក្រភពខ្មែរ លើកទី៨ (Khmer Empire Marathon 2023) នឹងរៀបចំនៅតំបន់អង្គរ ខេត្តសៀមរាប នាថ្ងៃទី០៦ ខែសីហា ឆ្នាំ២០២៣ ចុងសប្ដាហ៍នេះ ខណៈមានកីឡាករ-កីឡាការិនីជាតិ និងអន្ដរជាតិប្រមាណជាង ២,៥០០នាក់ បានចុះឈ្មោះ និងត្រៀមខ្លួនរួចរាល់ ដើម្បីចូលរួមព្រឹត្តិការណ៍កីឡាទេសចរណ៍ប្រចាំឆ្នាំ ដែលរៀបចំដោយក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា សហការជាមួយអាជ្ញាធរខេត្តសៀមរាបនេះ ។លោក សែម ផល្លា នាយបច្ចេកទេសរៀបចំព្រឹត្តិការណ៍ម៉ារ៉ាតុង បានឲ្យដឹងពីខេត្តសៀមរាបថា គិតត្រឹមថ្ងៃនេះ គណៈកម្មការរបស់ខ្លួន បានទទួលអ្នកចុះឈ្មោះជាង ២,៥០០នាក់ មកពី ៤៥ប្រទេសជុំវិញពិភពលោក ។ ទន្ទឹមជាមួយគ្នា គណៈកម្មការក៏ចាប់ផ្ដើមធ្វើការចែកសម្ភារៈសម្រាប់រត់ដល់កីឡាករ-កីឡាការិនី នៅថ្ងៃទី០៤ និងថ្ងៃទី០៥ ខែសីហានេះដែរ នៅសណ្ឋាគារអង្គរមិរ៉ាខល មុនទិវារត់ប្រណាំង ១ថ្ងៃ ។ជាមួយគ្នា គណៈកម្មការបានជូនដំណឹងដល់កីឡាករ-កីឡាការិនី ដែលមិនបានចុះឈ្មោះទុកជាមុន ឬគ្មានស្លាកលេខបំពាក់លើខ្លួន ចូលរួមការរត់ប្រណាំងឡើយ ដោយក្រុមការងារនឹងមានការត្រួតពិនិត្យបន្ថែម មុនពេលចេញដំណើរ ដើម្បីចៀសវាងបញ្ហាប៉ះពាល់ដល់ការរៀបចំអាហារសម្រន់ សម្រាប់បំប៉នសុខភាពដល់កីឡាករ-កីឡាការិនី ដែលបានចុះឈ្មោះជាក់ស្ដែង ក៏ដូចជារក្សាសុវត្ថិភាព និងទិន្នន័យសម្គាល់ខ្លួនរបស់កីឡាករ-កីឡាការិនីជាដើម ។ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) នេះគឺជាឆ្នាំទី២ ហើយ ដែលព្រឹត្តិការណ៍ម៉ារ៉ាតុង លើទឹកដីអង្គរ ត្រូវបានរៀបចំព្រឹត្តិការណ៍នេះឡើងវិញ ក្រោយជំងឺរាតត្បាតសកលកូវីដ-១៩ ដោយកាលពីឆ្នាំ២០២២ គឺមានអ្នកចូលរួមជាង ១ពាន់នាក់ ខណៈឆ្នាំនេះ គឺមានចំនួនអ្នកចុះឈ្មោះចូលរួមកើនឡើងទ្វេដង ដែលជាសញ្ញាមួយដ៏ល្អ ក្នុងការទាក់ទាញភ្ញៀវទេសចរ ពិសេសទេសចរបរទេសមកកាន់ប្រទេសកម្ពុជា ក៏ដូចជាខេត្តសៀមរាប ដើម្បីលើកកម្ពស់សេដ្ឋកិច្ចក្រៅប្រទេសផង និងរួមចំណែកការងារសប្បុរសធម៌ផងដែរ ។គួរដឹងថា ទិវារត់ម៉ារ៉ាតុងអន្ដរជាតិ ចក្រភពខ្មែរ លើកទី៨ គឺមាន ៤វិញ្ញាសា រួមមានរត់ចម្ងាយ ៤២គីឡូម៉ែត្រ ២១គីឡូម៉ែត្រ ១០គីឡូម៉ែត្រ និងរត់កម្សាន្ដ ៣គីឡូម៉ែត្រ ។ សម្រាប់វិញ្ញាសារត់ ៤២គីឡូម៉ែត្រ នឹងត្រូវចេញដំណើរមុនគេ នៅវេលាម៉ោង ៤៖៣០នាទីព្រឹកថ្ងៃទី០៦ ខែសីហា ឆ្នាំ២០២៣ ចុងសប្ដាហ៍នេះ នៅមុខប្រាសាទអង្គរវត្ត៕ អត្ថបទ៖ លី ឈុនឡា

ជើងឯក ២ សម័យអាល្លឺម៉ង់ធ្លាក់ពីការប្រកួតបាល់ទាត់នារីពិភពលោកក្រោយស្មើកូរ៉េ

ជើងឯកបាល់ទាត់នារីពិភពលោក ២ សម័យអាល្លឺម៉ង់ បានធ្លាក់ត្រឹមវគ្គវិលជុំក្នុងពូលហើយក្រោយស្មើនឹងក្រុមនារី កូរ៉េប្រកួតចុងក្រោយក្នុងពូល H។នេះជាការលទ្ធផលដែលធ្វើឱ្យមានការភ្ញាក់បំផុតមួយនៅ World Cup នាទីឆ្នាំនេះ ដែលជាប្រវត្តិសាស្រ្តដំបូងក្រុម នារីអាល្លឺម៉ង់មិនអាចឆ្លងផុតវគ្គចែកពូលបាន។ អាល្លឺម៉ង់ត្រូវការលទ្ធផលយ៉ាងណាឱ្យល្អជាងម៉ារ៉ុកដើម្បីឡើងវគ្គបន្ត តែផ្តើមការប្រកួតបានត្រឹម ៦ នាទីកូរ៉េក៏បើកការនាំមុខមុនដោយកីឡាការិនី Cho So-hyun មុនពេលដែលប្រធានក្រុម Alexandra Popp តាមស្មើវិញនៅនាទីទី ៤២ តែមិនគ្រប់គ្រាន់ឡើយ។ សម្រាប់ក្រុមកូរ៉េវិញ ចាញ់ពីរប្រកួតផ្ទួនៗមកហើយ និងធ្លាក់ពីការប្រកួតស្វ័យប្រវត្តិតែបែជាមកស្មើប្រកួតចុងក្រោយរបស់អាល្លឺម៉ង់ ដែលធ្វើឱ្យគេនឹកឃើញ World Cup បុរសឆ្នាំ ២០១៨ ដែលកូរ៉េយកឈ្នះអាល្លឺម៉ង់ទំលាក់ក្រុមការពារជើងឯកឆ្នាំ ២០១៤ ធ្លាក់ត្រឹមវគ្គចែកពូលដូចគ្នា។ នៅក្នុងពូលនេះដែរ ម៉ារ៉ុកធ្វើឱ្យមានការភ្ញាក់ផ្អើលដូចគ្នាក្រោយយកឈ្នះកូឡុំប៊ី ១-០ ដឹកដៃគ្នាឡើងវគ្គបន្តជាមួយក្រុមលេខ ១ កូឡុំប៊ីតែម្តង។ វគ្គ ១៦ ក្រុមចុងក្រោយកូឡុំប៊ីនឹងត្រូវជួបជាសាម៉ាអ៊ីកនៅថ្ងៃអង្គារ ខណៈម៉ារ៉ុកជួបបារាំង៕ អត្ថបទ៖នាង សុភាវុធ

Newcastle ព្រមព្រៀងទិញខ្សែការពារ Southampton, Tino Livramento ៤០ លានផោន

ក្លិបបាល់ទាត់សារិកាព្រៃ Newcastle បានឈានដល់កិច្ចព្រមព្រៀងហើយក្នុងការនាំយកខ្សែការពារស្តាំ Southampton, Tino Livramento ក្នុងតម្លៃ ៤០ លានផោន។កីឡាករវ័យ ២០ ឆ្នាំរូបនេះបានផ្លាស់ពី Chelsea ទៅកាន់ Southampton កាលពីឆ្នាំ ២០២១ ក្នុងតម្លៃ ៥ លានផោន។កីឡាកររបស់ក្រុមជម្រើសជាតិអង់គ្លេសអាយុក្រោម ២១ ឆ្នាំរូបនេះបង្ហាញខ្លួនបានត្រឹម ២ លើកប៉ុណ្ណោះរដូវកាលមុនជាមួយ Southampton ដោយសាររបួសធ្ងន់កាលពីខែមេសាឆ្នាំមុន ពោលគឺ ២ ប្រកួតដែលចូលលេងគឺចុងរដូវកាលទៅហើយ និងជាកីឡាករបម្រុងផ្លាស់ប្តូរចូល ស្របពេល Southampton ធ្លាក់ទៅកាន់ក្របខណ្ឌ League Championship។កាលពីរដូវកាល ២០២១-២២ Livramento បង្ហាញខ្លួនបាន ៣២ ប្រកួតឱ្យ Southampton ក្នុងនោះ ២៨ ប្រកួតនៅ Premier League។Tino Livramento នឹងក្លាយជាកីឡាករទី ៣ ដែលផ្លាស់មកកាន់ Newcastle រដូវក្តៅនេះបន្ទាប់ពី Sandro Tonali ពី AC Milan និង Harvey Barnes ពី Leicester City។ក្រុមរបស់លោក Eddie Howe នឹងចាប់ផ្តើមរដូវកាលថ្មី English Premier League នៅថ្ងៃទី ១២ ខែសីហានេះទទួលស្វាគមន៍ Aston Villa៕ អត្ថបទ៖នាង សុភាវុធ

Chelsea ព្រមព្រៀងទិញអ្នកចាំទី Brighton, Robert Sanchez តម្លៃ ២៥ លានផោន

ក្លិបបាល់ទាត់តោខៀវ Chelsea បានឈានដល់កិច្ចព្រមព្រៀងក្នុងការនាំយកអ្នកចាំទីអេស្ប៉ាញ Robert Sanchez ពី Brighton ក្នុងតម្លៃ ២៥ លានផោន បន្ទាប់ពីការចាកចេញរបស់ Edouard Mendy ទៅកាន់ក្លិបអារ៉ាប៊ីសាអ៊ូឌីត Al-Ahli។កីឡាករវ័យ ២៥ ឆ្នាំរូបនេះនឹងត្រូវប្រជែងអ្នកចាំទីដៃមួយនៅ Chelsea ជាមួយមិត្តរួមជាតិ Kepa Arrizabalaga នៅរដូវកាលថ្មីខាងមុខនេះ។Robert Sanchez បាននៅជាមួយ Brighton តាំងពីវ័យ ១៥ ឆ្នាំដោយផ្លាស់ពីយុវជនថ្នាល Levante កាលពីឆ្នាំ ២០១៣ មុនពេលចាកចេញទៅ Forest Green និង Rochdale លក្ខខណ្ឌខ្ចីជើង និងបង្ហាញខ្លួននៅក្រុមធំ Brighton ដំបូងនៅខែវិច្ឆិកាឆ្នាំ ២០២០។ Sanchez ក៏ត្រូវបានកោះហៅចូលក្រុមជម្រើសជាតិអេស្ប៉ាញដែរនៅ Euro ២០២០ ដែលលើកមកពី ២០២១។Robert Sanchez បានបាត់បង់តំណែងជម្រើសដំបូងរបស់ខ្លួននៅ Brighton នៅពាក់កណ្តាលរដូវកាល ២០២២-២៣ បន្ទាប់ពីបង្ហាញខ្លួនសរុបឱ្យ Brighton បាន ៩០ ប្រកួត៕ អត្ថបទ៖ នាង សុភាវុធ

អតីតកីឡាករ Super Bowl អាមេរិក Tom Brady ទិញភាគហ៊ុនចំណែកនៅក្លិបអង់គ្លេស Birmingham

ជើងឯកកីឡា Super Bowl អាមេរិក ៧ សម័យ Tom Brady បានប្រកាសទិញយកភាគហ៊ុនមួយចំណែកនៅក្លិប បាល់ទាត់អង់គ្លេស Birmingham City។ ក្លិបអង់គ្លេសមួយនេះបានបញ្ជាក់ថា Tom Brady នឹងក្លាយជាសហប្រធានក្លិបមួយរូប ដែលកាន់តួនាទីអភិវឌ្ឍន៍ និងគ្រប់គ្រង ក៏ដូចជាការផ្សព្វផ្សាយពាណិជ្ជកម្មជាដើម។ Birmingham City បច្ចុប្បន្នស្ថិតក្រោមការវិនិយោគ និងគ្រប់គ្រងភាគហ៊ុនធំដោយក្រុមហ៊ុន Knighthead Capital Management។ រំលឹកថាកំពូលតារាបាល់ឱបអាមេរិក NFL រឺហៅថា Super Bowls កីឡាករ Tom Brady បានប្រកាសចូលនិវត្តន៍ពីអាជីព រយៈពេល ២៣ រដូវកាលរបស់ខ្លួនហើយនៅក្នុងវ័យ ៤៥ ឆ្នាំ។កីឡាករដែលលេងឱ្យក្លិបបាល់ឱបនៅក្របខណ្ឌ NFL, The Tampa Bay Buccaneers ធ្លាប់ឈ្នះជើងឯក NFL Super Bowls ៧ លើកនោះ ធ្លាប់បានប្រកាសថាចូលនិវត្តន៍ម្តងកាលពីឆ្នាំ ២០២២ មុនពេលផ្លាស់ប្តូរចិត្តចូលប្រកួតវិញប៉ុន្មានសប្តាហ៍បន្ទាប់។ ក្នុងចំណោមជើងឯកទាំងនោះមាន ៦ លើកគេឈ្នះជាមួយក្លិប New England Patriots មុននឹងឈ្នះចុងក្រោយបំផុតឆ្នាំមុនជាមួយ Tampa Bay។ ក្រៅពីជាឈ្នះជើងឯកកីឡាដែលមានប្រជាប្រិយបំផុតនៅសហរដ្ឋអាមេរិកមួយនេះ Tom Brady ធ្លាប់ឈ្នះជ័យលាភីកីឡាករឆ្នើមបំផុតប្រចាំ Super Bowls ៥ លើក។Birmingham City បញ្ចប់រដូវកាលមុននៃក្របខណ្ឌលីគទី ២ អង់គ្លេស League Championship នៅចំណាត់ថ្នាក់លេខ ១៧៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Spurs បដិសេធសំណើលើកទី៣ របស់ Bayern Munich ចង់បាន Harry Kane

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

Chris Buescher ឈ្នះការប្រកួតប្រណាំងរថយន្ត NASCAR Cup Series ២ ប្រកួតជាប់គ្នា

កម្ពុជាបង្កើតកំណត់ត្រាថ្មី ក្នុងការប្រកួតកីឡាប៉ូលិសពិភពលោក នៅកាណាដា

កីឡាករ-កីឡាការិនីជាតិ និងអន្ដរជាតិជាង ២,៥០០នាក់ ត្រៀមរត់ប្រណាំងម៉ារ៉ាតុងចក្រភពខ្មែរ ចុងសប្ដាហ៍នេះ

ជើងឯក ២ សម័យអាល្លឺម៉ង់ធ្លាក់ពីការប្រកួតបាល់ទាត់នារីពិភពលោកក្រោយស្មើកូរ៉េ

Newcastle ព្រមព្រៀងទិញខ្សែការពារ Southampton, Tino Livramento ៤០ លានផោន

Chelsea ព្រមព្រៀងទិញអ្នកចាំទី Brighton, Robert Sanchez តម្លៃ ២៥ លានផោន

អតីតកីឡាករ Super Bowl អាមេរិក Tom Brady ទិញភាគហ៊ុនចំណែកនៅក្លិបអង់គ្លេស Birmingham

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Spurs បដិសេធសំណើលើកទី៣ របស់ Bayern Munich ចង់បាន Harry Kane

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

Chris Buescher ឈ្នះការប្រកួតប្រណាំងរថយន្ត NASCAR Cup Series ២ ប្រកួតជាប់គ្នា

កម្ពុជាបង្កើតកំណត់ត្រាថ្មី ក្នុងការប្រកួតកីឡាប៉ូលិសពិភពលោក នៅកាណាដា

កីឡាករ-កីឡាការិនីជាតិ និងអន្ដរជាតិជាង ២,៥០០នាក់ ត្រៀមរត់ប្រណាំង​ម៉ារ៉ាតុងចក្រភពខ្មែរ ចុងសប្ដាហ៍នេះ

ជើងឯក ២ សម័យអាល្លឺម៉ង់ធ្លាក់ពីការប្រកួតបាល់ទាត់នារីពិភពលោក​ក្រោយស្មើកូរ៉េ

Newcastle ព្រមព្រៀងទិញខ្សែការពារ Southampton, Tino Livramento ៤០ លានផោន

Chelsea ព្រមព្រៀងទិញអ្នកចាំទី Brighton, Robert Sanchez តម្លៃ ២៥ លានផោន

អតីតកីឡាករ Super Bowl អាមេរិក Tom Brady ទិញភាគហ៊ុនចំណែកនៅក្លិបអង់គ្លេស Birmingham

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករ-កីឡាការិនីជាតិ និងអន្ដរជាតិជាង ២,៥០០នាក់ ត្រៀមរត់ប្រណាំងម៉ារ៉ាតុងចក្រភពខ្មែរ ចុងសប្ដាហ៍នេះ

ជើងឯក ២ សម័យអាល្លឺម៉ង់ធ្លាក់ពីការប្រកួតបាល់ទាត់នារីពិភពលោកក្រោយស្មើកូរ៉េ