BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

កីឡាការិនីជប៉ុន Hinako Shibuno នាំមុខបណ្តោះអាសន្នវាយកូនគោល Scottish Open

កីឡាការិនីវាយកូនគោលជប៉ុន Hinako Shibuno គឺជាអ្នកនាំមុខគេបណ្តោះអាសន្នក្រោយការប្រកួតថ្ងៃដំបូងនៃ ការប្រកួតកម្មវិធី Scottish Open។ Shibuno ដែលជាជើងឯក The Open ផ្នែកនារីកាលពីឆ្នាំ ២០១៩ ធ្វើបាន ៥ Birdies នៅ ៧ ឡូដំបូង និងរក្សាការនាំមុខក្នុងថ្ងៃដំបូង ៨ អាន់ឌើផា ឈ្នះអ្នកលេខ ២ កីឡាការិនីស៊ុយអែត Madelene Sagstrom ដែលធ្វើបាន ៦ អាន់ឌើផា ខណៈលេខ ៣ បណ្តោះអាសន្នក្នុងតារាងគឺកីឡាការិនីអាមេរិក Caroline Inglis។ ជើងឯក Evian Championship សប្តាហ៍មុនកីឡាការិនីបារាំង Celine Boutier និងជាជើងឯករង Scottish Open នេះឆ្នាំមុន ធ្វើបានត្រឹម ៣ អាន់ឌើផាថ្ងៃដំបូងនេះ៕ អត្ថបទ៖នាង សុភាវុធ

កំណត់ត្រាពិភពលោកថ្មី ប្រណាំងកង់ក្នុងសាលធ្វើបានដោយក្រុមកីឡាការិនីអាល្លឺម៉ង់

ក្រុមកីឡាការិនីប្រណាំងកង់អាល្លឺម៉ង់បានបំបែកកំណត់ត្រាថ្មី ក្រោយយកឈ្នះក្រុមកីឡាការិនីអង់គ្លេសវគ្គផ្តាច់ព្រ័ត្រកាលពីថ្ងៃព្រហស្បតិ៍នៃការប្រកួតប្រណាំងកង់ក្នុងសាលពិភពលោក UCI Track Cycling World Championship។កីឡាការិនីបីនាក់របស់អាល្លឺម៉ង់រួមមាន Pauline Grabosch, Emma Hinze និង Lea Friedrich បានបំបែកកំណត់ត្រាចាស់របស់ខ្លួនជាមួយនឹងថេរវេលា ៤៥ វិនាទី ៨៤៨ ពោលគឺល្អជាងកំណត់ត្រាចាស់ត្រឹម ០ វិនាទី ០៧៥។ នេះជាមេដាយមាសបួនលើកជាប់គ្នាហើយសម្រាប់កីឡាការិនីទាំងបីរបស់អាល្លឺម៉ង់ដែលជាក្រុមនឹងគ្នា ខណៈមេដាយប្រាក់បានទៅអង់គ្លេស និងមេដាយសំរិទ្ធបានទៅក្រុមចិន។ ងាកមកការប្រណាំងឯកត្តជនផ្នែកនារីដែរ កីឡាការិនីអាមេរិក Chloe Dygert ក៏ដណ្តើមបានមេដាយមាសពិភពលោកលើកទី ៤ ដែរក្រោយយកឈ្នះអ្នកការពារតំណែងជើងឯកអាល្លឺម៉ង់កីឡាការិនី Franziska Brausse៕ អត្ថបទ៖នាង សុភាវុធ

លីគកំពូលកម្ពុជា ចាប់ផ្ដើមរដូវកាលថ្មីចុងសប្ដាហ៍នេះ ជាមួយក្ដីរំពឹងប្រកួតប្រជែងខ្ពស់

ការប្រកួតបាល់ទាត់ជម្រើសជើងឯក Cambodian Premier League 2023/2024 នឹងចាប់ផ្ដើមការប្រកួតរដូវកាលថ្មី នាចុងសប្ដាហ៍នេះហើយ ដោយមានបេក្ខភាព ១០ក្រុមចូលរួម ខណៈមហាជន ពិសេសថ្នាក់ដឹកនាំក្លិបនីមួយៗ រំពឹងនឹងមានការប្រកួតប្រជែងកាន់តែខ្លាំង បើធៀបរដូវកាលមុន។គួរដឹងថា រដូវកាលថ្មី នៃលីគកំពូលកម្ពុជា ត្រូវបានក្រុមហ៊ុនខេមបូឌានព្រីមៀរលីគ សម្រេចធ្វើកំណែទម្រង់ ជាមួយការប្រកួតឆ្លងឆ្នាំលើកដំបូង ដើម្បីឲ្យស្របតាមបរិបថបាល់ទាត់ពិភពលោក ជាមួយចំនួនក្រុម និងចំនួនប្រកួតច្រើនជាងមុន ព្រមទាំងលក្ខខណ្ឌពិសេសផ្សេងៗទៀត ដូចជាការបន្ថែមកូតាកីឡាករអាស៊ានជាដើម ។ទាំងអស់នេះ ត្រូវបានថ្នាក់ដឹកនាំក្លិបនីមួយៗ សម្ដែងការគាំទ្រ ហើយជឿជាក់ថា នឹងជំរុញឲ្យមានការប្រកួតប្រជែងកាន់តែខ្ពស់ សម្រាប់ក្រុមនីមួយៗ និងជាសករាជថ្មីមួយ ដែលគេជឿថា នឹងជះឥទ្ធិពលវិជ្ជមានច្រើន សម្រាប់វិស័យកីឡាបាល់ទាត់កម្ពុជា ទាំងការអភិវឌ្ឍសមត្ថភាពធនធានកីឡាករ និងបង្កើនប្រជាប្រិយភាព ក្នុងតំបន់ និងលើឆាកអន្ដរជាតិផងដែរ ។សម្រាប់បេក្ខភាព ១០ក្រុម ដែលត្រូវប្រជែងពានរង្វាន់ Cambodian Premier League 2023/2024 រួមមានក្រុមការពារតំណែងជើងឯកភ្នំពេញក្រោន, វិសាខា, ព្រះខ័នរាជស្វាយរៀង, បឹងកេត, ណាហ្គាវើលដ៏, សមាគមកីឡាបាល់ទាត់កងយោធពលខេមរភូមិន្ទ, អង្គរថាយហ្គឺរ, គិរីវង់សុខសែនជ័យ និងក្រុមទើបឡើងមកពីលីគទី២ គឺក្រុម ISI ដង្កោសែនជ័យ និងព្រៃវែងអេហ្វស៊ី ។ចំពោះកម្មវិធីប្រកួតសប្ដាហ៍ទី១ ក្នុងសករាជថ្មី នៃលីគកំពូលកម្ពុជា នាចុងសប្ដាហ៍នេះ រួមមានថ្ងៃទី០៥ ខែសីហា មាន ២គូ រួមមានក្រុមព្រៃវែង ជួបណាហ្គាវើលដ៏ នៅកីឡដ្ឋានខេត្តព្រៃវែង និងវិសាខា ជួបក្រុមភ្ញៀវគិរីវង់សុខសែនជ័យ លើកទឹកដីខ្លួន ។ ចំណែកថ្ងៃទី០៦ ខែសីហា មាន ៣គូ គឺក្រុមកងយោធពលខេមរភូមិន្ទ ជួបព្រះខ័នរាជស្វាយរៀង នៅកីឡដ្ឋានស្ដាតចាស់, ភ្នំពេញក្រោន បើកទ្វារផ្ទះទទួលក្រុមនាគខៀវបឹងកេត និងក្រុមចំណូលថ្មី ISI ដង្កោសែនជ័យ ជួបក្រុមភ្ញៀវអង្គរថាយហ្គឺរ៕ អត្ថបទ៖ លី ឈុនឡា

តារាយូធូប Jake Paul ថានឹងផ្តួលអតីតកីឡាករ UFC, Nate Diaz ឱ្យដេកលក់ស្រួលលើសង្វៀន

តារាល្បីឈ្មោះដែលមានចំនួនអ្នកតាមដានរាប់លាននាក់នៅលើបណ្តាញសង្គមវីដេអូ YouTube, Jake Paul នឹងឡើងសង្វៀនប្រដាល់ទៀតហើយ ដោយនឹងជួបជាមួយអតីតកីឡាករ UFC, Nate Diaz ថ្ងៃសៅរ៍នេះនៅទីក្រុង Dallas រដ្ឋតិចសាស សហរដ្ឋអាមេរិក។ Jake Paul វ័យ ២៦ ឆ្នាំបានឡើងសង្វៀនប្រដាល់ ៩ លើកហើយតាំងពីចាប់ផ្តើមដំបូងនៅឆ្នាំ ២០១៩ តែចុងក្រោយបំផុតទើបតែចាញ់ Tommy Fury កាលពីខែកុម្ភៈ។ ព្រឈមមុខគេពេលថ្លឹងទំងន់ព្រឹកនេះ Jack Paul បាននិយាយថា គេនឹងធ្វើឱ្យ Nate Diaz ដេកលក់ស្រួលលើសង្វៀន។Nate Diaz វ័យ ៣៧ ឆ្នាំ ជាកីឡាករដែលប្រកបអាជីពនៅសង្វៀន UFC រយៈពេល ១៥ មកហើយ មុនពេលបញ្ចប់អាជីពឆ្នាំមុន។ ការប្រកួតរវាងអ្នកទាំងពីរគឺលើប្រភេទទំងន់ ៨៤ គីឡូក្រាម ប្រកួតចំនួន ៨ ទឹក។ Jake Paul ដែលមានចំនួនអ្នកតាមដាននៅលើ YouTube ជាង ២០ លានគណនីនោះ ធ្លាប់ឈ្នះកីឡាករមកពី UFC ពីរនាក់រួចមកហើយរួមមាន Tyron Woodley និង Anderson Silva៕ អត្ថបទ៖នាង សុភាវុធ

វីរបុរសបាល់ទាត់អ៊ីតាលីអ្នកចាំទី Gianluigi Buffon ប្រកាសចូលនិវត្តន៍ពីបាល់ទាត់ក្នុងវ័យ ៤៥ ឆ្នាំ

អតីតអ្នកចាំទីក្រុមជម្រើសជាតិអ៊ីតាលី ឈ្នះជយលាភី World Cup, Gianluigi Buffon បានសំរេចចិត្តចូលនិវត្តន៍ ពីអាជីពបាល់ទាត់ហើយនៅក្នុងវ័យ ៤៥ ឆ្នាំ។ ការប្រកាសចូលនិវត្តន៍របស់ Buffon ធ្វើឡើងនៅលើបណ្តាញសង្គម និងបានអរគុណអ្នកគាំទ្រគ្រប់ទិសទីចំពោះអាជីពបាល់ទាត់រយៈពេល ២៨ ឆ្នាំ ដែលធ្លាប់លើកពាន World Cup 2006 ពានអ៊ីតាលី Serie A ដប់លើកជាមួយ Juventus និងបារាំង Ligue1 មួយលើកជាមួយ Paris Saint Germain។Buffon បានសំរេចចិត្តចូលនិវត្តន៍ជាមួយក្លិបបាល់ទាត់ Parma ដែលគេចាប់ផ្តើមអាជីពនៅឆ្នាំ ១៩៩៥ និងបញ្ចប់នៅទីនេះដដែល។Buffon ដែលមានកិច្ចសន្យាជាមួយ Parma ដល់ឆ្នាំ ២០២៤ នោះ បង្ហាញខ្លួនបាន ១៩ លើករដូវកាលមុន ខណៈរដូវកាលរបស់គេមានការរំខានដោយសាររបួស។រំលឹកថា Gianluigi Buffon ជាកីឡាករដែលចេញពីថ្នាលយុវជនរបស់ Parma និងបានចូលលេងក្រុមធំ Parma នៅ Serie A នៅឆ្នាំ ១៩៩៥ មុនពេលផ្លាស់ទៅកាន់សេះបង្កង់ Juventus នៅឆ្នាំ ២០០១ ក្នុងតម្លៃ ៣២.៦ លានផោន ដែលជាតម្លៃផ្ទេរអ្នកចាំទីខ្ពស់បំផុតនៅពេលនោះ។Buffon បានចំណាយពេលស្ទើពេញមួយអាជីពរបស់ខ្លួននៅទីក្រុង Turin ដោយបានបង្ហាញខ្លួនសរុប ៦៥៧ ប្រកួតនៅលីគកំពូលអ៊ីតាលី និងជាអ្នកចាំទីដែលបង្ហាញខ្លួនបានច្រើនបំផុតឱ្យក្រុមជម្រើសជាតិអ៊ីតាលីសរុប ១៧៦ ប្រកួត។ Buffon បានសំរេចចិត្តចូលនិវត្តន៍ពីក្រុមជម្រើសជាតិនៅឆ្នាំ ២០១៨ បន្ទាប់ពីអ៊ីតាលីខកខានមិនបានចូលលេង World Cup នៅឆ្នាំនោះ។ សមិទ្ធផលអស្ចារ្យបំផុតរបស់ Buffon គឺជាជួយអ៊ីតាលីឈ្នះជើងឯកពិភពលោកនៅឆ្នាំ ២០០៦ នៅលើទឹកដី អាល្លឺម៉ង់ក្រោយឈ្នះបារាំងនៅវគ្គផ្តាច់ព្រ័ត្រដោយបាល់ ១១ ម៉ែត្រកាត់សេចក្តី ៥-៣៕ អត្ថបទ៖នាង សុភាវុធ

អតីតខ្សែការពារ Barcelona, Dani Alves ត្រូវចៅក្រមអេស្ប៉ាញចោទប្រកាន់ពីបទរំលោភបំពានផ្លូវភេទ

អតីតខ្សែការពារក្រុមជម្រើសជាតិប្រេស៊ីល និង Barcelona, Dani Alves បានទទួលរងការចោទប្រកាន់ផ្លូវការដោយចៅក្រមអេស្ប៉ាញ ជុំវិញរឿងក្តីវាយដំ រំលោភបំពានផ្លូវភេទកាលពីខែមករា។Dani Alves ត្រូវបានឃាត់ខ្លួនកាលពីខែមករានោះ ក្រោមការចោទប្រកាន់ប្រើអំពើហិង្សាលើនារីម្នាក់នៅក្នុងរង្គសាលមួយកន្លែងនៅទីក្រុង Barcelona។ ចៅក្រមអេស្ប៉ាញបានបញ្ជាក់ថា នៅពេលនេះភស្តុតាងប្រមូលបានគ្រប់គ្រាន់ហើយជុំសកម្មភាពខុសច្បាប់របស់កីឡាករវ័យ ៤០ ឆ្នាំរូបនេះ។ Alves ដែលត្រូវបានឃុំខ្លួនក្នុងពន្ធនាគារ ទោះមានសំណើសុំដោះលែងត្រូវបានច្រានចោលនោះ អះអាងថាគាត់បានរួមភេទដោយយល់ព្រមជាមួយជនរងគ្រោះ។ មេធាវីរបស់ Alves បាននិយាយថា កីឡាករនឹងមិនបង្អង់ដំណើរការដោយប្តឹងឧទ្ធរណ៍ប្រឆាំងនឹងការចោទប្រកាន់នោះទេ។នៅអេស្បាញ ការអះអាងពីការរំលោភត្រូវបានស៊ើបអង្កេតក្រោមការចោទប្រកាន់ជាទូទៅអំពីការរំលោភផ្លូវភេទ ហើយការកាត់ទោសអាចនាំឱ្យជាប់ពន្ធនាគារពី ៤ ទៅ ១៥ ឆ្នាំ។ពេលនេះ តំណាងអយ្យការត្រូវបញ្ជូនការចោទប្រកាន់ជាផ្លូវការទៅតុលាការ និងកំណត់កាលបរិច្ឆេទនឹងត្រូវកំណត់សម្រាប់ការជំនុំជម្រះ។រំលឹកថា Dani Alves ធ្លាប់បង្ហាញខ្លួន ៤០៨ ប្រកួតឱ្យ Barcelona ឈ្នះជើងឯក La Liga ៦ លើក UEFA Champions League ៣ លើក ហើយក៏ជាសមាជិករបស់ក្រុមជម្រើសជាតិប្រេស៊ីលផងដែរនៅ World Cup 2022 ទឹកដីកាតាឆ្នាំមុន។ក្លិបចុងក្រោយបំផុតដែល Alves រួមអាជីពគឺក្លិបម៉ិកស៊ិក Pumas UNAM ដែលក្រោយមកលុបចោលកិច្ចសន្យាកីឡាករប្រេស៊ីលរូបនេះកាលពីខែមករា៕ អត្ថបទ៖នាង សុភាវុធ

ប្រធានក្លិប Wrexham ទិញភាគហ៊ុន ២៤% វិនិយោគក្រុម F1 Alpine

ប្រធានក្លិបបាល់ទាត់ Wrexham ដែលជាតារាហូលីវូដ Ryan Reynold និង Rob McElhenney បានសំរេចទិញយកភាគហ៊ុន ២៤% ដើម្បីវិនិយោគក្រុមប្រណាំង F1, Alpine។ Alpine ដែលស្ថិតក្រោមក្បាលម៉ាស៊ីនរបស់ Renault បានប្រកាសបែបនេះកាលពីថ្ងៃចន្ទ ក្នុងការអនុញ្ញាតឱ្យតារាហូលីវូដទាំងពីរសហការវិនិយោគជាមួយក្រុមហ៊ុន Otro Capital និង RedBird Capital។ ភាគហ៊ុន ២៤% នេះមានតម្លៃប្រមាណជា ១៧១ លានផោន ខណៈក្រុមប្រណាំង Alpine Racing ដែលមានមូលដ្ឋាននៅចក្រភពអង់គ្លេសមួយរូបនេះមានតម្លៃភាគហ៊ុនសរុបប្រហែល ៧០០ លានផោន។Alpine F1 កំពុងឈរលេខ ៦ ក្នុងតារាងក្រុមស្ថាបនិករដូវកាលនេះដែលមានអ្នកបើកបរសញ្ជាតិបារាំងទាំងពីរនាក់ Esteban Ocon និង Pierre Gasly។រំលឹកថាតារាហូលីវូដទាំងពីរ Ryan Reynold និង Rob McElhenney ទើបតែទិញយកភាគហ៊ុនធំរបស់ក្លិបបាល់ទាត់ Wrexham កាលពីឆ្នាំ២០២១ ហើយក្លិបដែលមានមូលដ្ឋាននៅប្រទេសវែលមួយនេះ ទើបតែបានឡើងមកកាន់ក្របខណ្ឌ English Football League ក្រោយអវត្តមានអស់រយៈពេល ១៥ ឆ្នាំបន្ទាប់ពីឈ្នះជើងឯក National League កាលពីខែមេសា៕ អត្ថបទ៖នាង សុភាវុធ

Sadio Mane ចាកចេញពី Bayern Munich ទៅចូលរួមជាមួយ Al-Nassr ផ្លូវការ

ខ្សែប្រយុទ្ធសេណេហ្កាល់ Sadio Mane បានសម្រេចផ្លូវការពីការផ្ទេរពី Bayern Munich ទៅកាន់ក្លិបអារ៉ាប៊ីសាអ៊ូឌីត Al-Nassr។ កីឡាករវ័យ ៣១ ឆ្នាំរូបនេះមិនមែនជាជម្រើសដំបូងឡើយជាមួយក្រុមជើងឯកអាល្លឺម៉ង់ Bayern Munich ក្នុងរដូវកាលដំបូង បន្ទាប់ពីផ្លាស់ពី Liverpool ក្នុងតម្លៃផ្ទេរ ៣៥ លានផោនបន្ទាប់ពីអំពើហឹង្សាជាមួយមិត្តរួមក្រុម។មិនមានការបញ្ជាក់ច្បាស់លាស់ពីតម្លៃនៃការផ្ទេរនេះឡើយ តែសារព័ត៌មានអឺរ៉ុបបានចុះផ្សាយថា Bayern Munich ទទួលបានតម្លៃផ្ទេរពី Al-Nassr ប្រហាក់ប្រហែលនឹងតម្លៃដែល Bayern Munich ទិញពី Liverpool ដែរ។វត្តមានរបស់ Mane នៅ Al-Nassr មានន័យថាគេនឹងចូលរួមជាមួយអតីតខ្សែប្រយុទ្ធ Liverpool, Cristiano Ronaldo, Alex Telles និងកីឡាករក្រូអាស៊ី Marcelo Brozovic។ បន្ទាប់ពីអាជីពដ៏ជោគជ័យជាមួយ Liverpool រួមមានការឈ្នះបាន Premier League និង Champions League, Mane បានសំរេចចិត្តចាកចេញពី Anfield ដោយចង់មានការប្រកួតប្រជែងថ្មី។តែអ្វីៗមិនដូចការរំទុក ពេលវេលារបស់គេនៅ Bayern Munich ប្រែជាល្អក់កករក្រោយអំពើហឹង្សាវាយមិត្តរួមក្រុមខ្លួនឯង Leroy Sane ក្នុងបន្ទប់ផ្លាស់សម្លៀកបំពាក់នៅពេល Bayern Munich ចាញ់ Manchester City កាលពីខែមេសា។ Sadio Mane បង្ហាញខ្លួនបាន ៣៨ ប្រកួតឱ្យ Bayern Munich រដូវកាលមុនរកបាន ១២ គ្រាប់៕ អត្ថបទ៖នាង សុភាវុធ

Jurgen Klopp បារម្ភនៅពេលទីផ្សារទិញកីឡាករនៅអារ៉ាប៊ីសាអ៊ូឌីតបិទក្រោយអឺរ៉ុបជិត ១ ខែ

អ្នកចាត់ការ Liverpool លោក Jurgen Klopp បានបង្ហាញក្តីបារម្ភនៅពេលទីផ្សារទិញកីឡាករនៅអារ៉ាប៊ីសាអ៊ូឌីត បិទយឺតជាងអឺរ៉ុបដល់ទៅ ៣សប្តាហ៍ និងទទូចឱ្យមានចំណាត់ការពី UEFA រឺ FIFA ផងដែរជុំវិញបញ្ហានេះ។ទីផ្សារទិញកីឡាករនៅអឺរ៉ុបនឹងត្រូវបិទបញ្ចប់នៅថ្ងៃទី១ ខែកញ្ញាខាងមុខ ខណៈនៅអារ៉ាប៊ីសាអ៊ូឌីតនឹងបន្តរហូតដល់ថ្ងៃទី២០ ខែកញ្ញា ដែលមានន័យថាក្លិបនៅ Saudi Pro League អាចបន្តទិញកីឡាករពីអឺរ៉ុប រឺ Premier League បន្តទៀតខណៈដែលលីគនៅអឺរ៉ុបចាប់ផ្តើមបណ្តើៗទៅហើយ។ក្លិបនៅអារ៉ាប៊ីសាអ៊ូឌីតបានស្រូបយកកីឡាករជាច្រើនពីអឺរ៉ុប និង Premier League តាមរយៈទឹកលុយសន្ធឹកសន្ធាប់ ហើយ Liverpool ច្បាស់ណាស់ក៏ជាក្លិបដែលរងឥទ្ធិពលមួយដែរ បន្ទាប់ពីការចាកចេញរបស់ខ្សែបម្រើទាំងពីរ Jordan Henderson និង Fabinho ក្នុងសប្តាហ៍តែមួយ។ បើតាមការការចុះផ្សាយរបស់គេហទំព័រ Trasnfermarkt ឱ្យដឹងថា ក្លិបនៅ Saudi Pro League បានចាយលុយសរុប ៤០៩ លានអឺរ៉ូហើយនៅក្នុងរដូវក្តៅនេះ ឈរចំណាត់ថ្នាក់លេខ ៥ លើលោកសម្រាប់លីគដែលចាយលុយច្រើនជាងគេក្នុងការទិញកីឡាកររដូវកាលនេះ ច្រើនជាងទាំង La Liga អេស្ប៉ាញដែលទើបតែចាយអស់ ២៥៤ លានអឺរ៉ូប៉ុណ្ណោះ។ Premier League កំពុងនាំមុខគេដោយបានចំនាយអស់ ១.៣៧ ពាន់លានអឺរ៉ូហើយគិតត្រឹមពេលនេះ តាមពីក្រោយដោយអ៊ីតាលី Serie A ៥៤៨ លានអឺរ៉ូ បារាំង Ligue1 ៤៥៨ លានអឺរ៉ូ និងអាល្លឺម៉ង់ Bundesliga ៤៥១ លានអឺរ៉ូ៕ អត្ថបទ៖នាង សុភាវុធ

FIFA Club World Cup ២០២៣ នឹងរៀបចំនៅទីក្រុង Jeddah អារ៉ាប៊ីសាអ៊ូឌីតចុងឆ្នាំនេះ

ព្រឹត្តិការណ៍ជើងឯកក្លិបបាល់ទាត់ពិភពលោក FIFA Club World Cup ២០២៣ នឹងត្រូវរៀបចំនៅទីក្រុង Jeddah ប្រទេសអារ៉ាប៊ីសាអ៊ូឌីត នេះបើតាមសេចក្តីប្រកាសរបស់ FIFA។ការសំរេចចិត្តជ្រើសរើសយកទីក្រុង Jeddah នេះ បន្ទាប់ពីប្រតិភូរបស់ FIFA បានធ្វើដំណើរទៅទីក្រុង Jeddah នាពេលកន្លងមក និងឃើញពីសក្តានុពលគ្រប់គ្រាន់ដើម្បីរៀបចំព្រឹត្តិការណ៍នេះ។ទីក្រុង Jeddah ជាមូលដ្ឋានរបស់ក្លិបបាល់ទាត់ Al-Ittihad ជាក្លិបធំមួយនៅអារ៉ាប៊ីសាអ៊ូឌីត ខណៈថ្មីៗនេះទើបនាំយកខ្សែប្រយុទ្ធបារាំង Karim Benzema។បាល់ទាត់ជើងឯកក្លិបពិភពលោកនឹងចាប់ផ្តើមពីថ្ងៃទី ១២ ដល់ថ្ងៃទី ២២ ខែធ្នូឆ្នាំ ២០២៣ ចុងឆ្នាំនេះ។ FIFA Club World Cup ជាការប្រកួតប្រជែងរវាងក្លិបជើងឯកប្រចាំទ្វីបនៅមួយៗ រួមមាន Al-Ittihad ចូលរួមក្នុងនាមជាម្ចាស់ផ្ទះ Auckland City ជាជើងឯកទ្វីបអូសេអានី Leon ជាជើងឯកអាមេរិកកណ្តាល Al Ahly ជាជើងឯកអាហ្វ្រិក Urawa Red Diamonds ជាជើងឯកអាស៊ី Manchester City ជាជើងឯកអឺរ៉ុប និងជើងឯកអាមេរិកខាងត្បូងរកមិនទាន់ឃើងនៅឡើយ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាការិនីជប៉ុន Hinako Shibuno នាំមុខបណ្តោះអាសន្នវាយកូនគោល Scottish Open

កំណត់ត្រាពិភពលោកថ្មី ប្រណាំងកង់ក្នុងសាលធ្វើបានដោយក្រុមកីឡាការិនីអាល្លឺម៉ង់

លីគកំពូលកម្ពុជា ចាប់ផ្ដើមរដូវកាលថ្មីចុងសប្ដាហ៍នេះ ជាមួយក្ដីរំពឹងប្រកួតប្រជែងខ្ពស់

តារាយូធូប Jake Paul ថានឹងផ្តួលអតីតកីឡាករ UFC, Nate Diaz ឱ្យដេកលក់ស្រួលលើសង្វៀន

វីរបុរសបាល់ទាត់អ៊ីតាលីអ្នកចាំទី Gianluigi Buffon ប្រកាសចូលនិវត្តន៍ពីបាល់ទាត់ក្នុងវ័យ ៤៥ ឆ្នាំ

អតីតខ្សែការពារ Barcelona, Dani Alves ត្រូវចៅក្រមអេស្ប៉ាញចោទប្រកាន់ពីបទរំលោភបំពានផ្លូវភេទ

ប្រធានក្លិប Wrexham ទិញភាគហ៊ុន ២៤% វិនិយោគក្រុម F1 Alpine

Sadio Mane ចាកចេញពី Bayern Munich ទៅចូលរួមជាមួយ Al-Nassr ផ្លូវការ

Jurgen Klopp បារម្ភនៅពេលទីផ្សារទិញកីឡាករនៅអារ៉ាប៊ីសាអ៊ូឌីតបិទក្រោយអឺរ៉ុបជិត ១ ខែ

FIFA Club World Cup ២០២៣ នឹងរៀបចំនៅទីក្រុង Jeddah អារ៉ាប៊ីសាអ៊ូឌីតចុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាការិនីជប៉ុន Hinako Shibuno នាំមុខបណ្តោះអាសន្នវាយកូនគោល Scottish Open

កំណត់ត្រាពិភពលោកថ្មី ប្រណាំងកង់ក្នុងសាលធ្វើបានដោយក្រុមកីឡាការិនីអាល្លឺម៉ង់

លីគកំពូលកម្ពុជា ចាប់ផ្ដើមរដូវកាលថ្មីចុងសប្ដាហ៍នេះ ជាមួយក្ដីរំពឹង​ប្រកួតប្រជែងខ្ពស់

តារាយូធូប Jake Paul ថានឹងផ្តួលអតីតកីឡាករ UFC, Nate Diaz ឱ្យដេកលក់ស្រួលលើសង្វៀន

វីរបុរសបាល់ទាត់អ៊ីតាលីអ្នកចាំទី Gianluigi Buffon ប្រកាសចូលនិវត្តន៍ពីបាល់ទាត់ក្នុងវ័យ ៤៥ ឆ្នាំ

អតីតខ្សែការពារ Barcelona, Dani Alves ត្រូវចៅក្រមអេស្ប៉ាញចោទប្រកាន់​ពីបទរំលោភបំពានផ្លូវភេទ

ប្រធានក្លិប Wrexham ទិញភាគហ៊ុន ២៤% វិនិយោគក្រុម F1 Alpine

Sadio Mane ចាកចេញពី Bayern Munich ទៅចូលរួមជាមួយ Al-Nassr ផ្លូវការ

Jurgen Klopp បារម្ភនៅពេលទីផ្សារទិញកីឡាករ​នៅអារ៉ាប៊ីសាអ៊ូឌីត​បិទក្រោយអឺរ៉ុបជិត ១ ខែ

FIFA Club World Cup ២០២៣ នឹងរៀបចំនៅទីក្រុង Jeddah អារ៉ាប៊ីសាអ៊ូឌីតចុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លីគកំពូលកម្ពុជា ចាប់ផ្ដើមរដូវកាលថ្មីចុងសប្ដាហ៍នេះ ជាមួយក្ដីរំពឹងប្រកួតប្រជែងខ្ពស់

អតីតខ្សែការពារ Barcelona, Dani Alves ត្រូវចៅក្រមអេស្ប៉ាញចោទប្រកាន់ពីបទរំលោភបំពានផ្លូវភេទ

Jurgen Klopp បារម្ភនៅពេលទីផ្សារទិញកីឡាករនៅអារ៉ាប៊ីសាអ៊ូឌីតបិទក្រោយអឺរ៉ុបជិត ១ ខែ