BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Manchester City ឈ្នះ Bayern Munich ២-១ ការប្រកួតមិត្តភាពនៅទឹកដីជប៉ុន

ក្រុមជើងឯក ៣ ពានរដូវកាលមុន Manchester City បានយកឈ្នះក្រុមជើងឯកអាល្លឺម៉ង់ Bayern Munich ២-១ ក្នុងការប្រកួតមិត្តភាព Pre-Season នៅទឹកដីជប៉ុន។ អ្នកចាត់ការ Man City លោក Pep Guardiola បានដាក់កីឡាករយុវជនរបស់ក្លិបមួយចំនួនធំចូលប្រកួត ហើយជាក់ស្តែងកីឡាករវ័យ ២០ ឆ្នាំ James McAtee បើកការនាំមុខឱ្យ City ក្រោយការសហការយ៉ាងល្អជាមួយីឡាករវ័យ ១៨ ឆ្នាំ Rico Lewis។Mathys Tel គឺជាអ្នកតាមស្មើឱ្យ Bayern Munich នៅនាទីទី ៨១ តែខ្សែការពារអេស្ប៉ាញ Aymeric Laporte ជាអ្នកសំរេចគ្រាប់ជ័យជំនះឱ្យ Man City។ នេះជាជ័យជំនះទី ២ របស់ Manchester City ក្នុងដំណើរប្រកួត Pre-Season នៅទឹកដីជប៉ុននេះ បន្ទាប់ពីឈ្នះ Yokohama F Marinos ៥-៣ ចុងសប្តាហ៍កន្លងទៅ។ ថ្ងៃនេះក៏នឹងមានការប្រកួត Pre-Season ផ្សេងទៀតនៅទឹកដីជប៉ុនផងដែរ ដោយក្រុមមកពីអារ៉ាប៊ីសាអ៊ូឌីត Al-Nassr នឹងត្រូវជួបជាមួយ Inter Milan ថ្ងៃនេះ។ចំណែកឯនៅទឹកដីសិង្ហបុរីឯណេះវិញ Tottenham Hotspur បានយកឈ្នះក្រុមម្ចាស់ផ្ទះសិង្ហបុរី Lion City Sailor ៥-១ ដោយគ្រាប់បាល់បីគ្រាប់ម្នាក់ឯងរបស់ខ្សែប្រយុទ្ធប្រេស៊ីល Richarlison។ ព្រឹកមិញនេះដែរនៅសហរដ្ឋអាមេរិក Real Madrid បានយកឈ្នះ Manchester United ២-០៕ អត្ថបទ៖នាង សុភាវុធ

Brighton ទិញបានខ្សែការពារប្រេស៊ីល Igor Julio ពី Fiorentina តម្លៃ ១៧ លានអឺរ៉ូ

ក្លិបបាល់ទាត់អង់គ្លេស Brighton បានសម្រេចក្នុងការនាំយកខ្សែការពារកណ្តាលប្រេស៊ីល Igor Julio ពីក្លិបអ៊ីតាលី Fiorentina ក្នុងតម្លៃផ្ទេរ ១៧ លានអឺរ៉ូ។កីឡាករវ័យ ២៥ ឆ្នាំរូបនេះ បានចុះហត្ថលេខាលើកិច្ចសន្យារយៈពេល ៤ ឆ្នាំ។អ្នកចាត់ការ Brighton លោក Roberto de Zerbi បានសម្រេចផ្លាស់ប្តូរចិត្តមកមើលឃើញ Igo Julio បន្ទាប់ពីសំណើទិញខ្សែការពារជម្រើសជាតិអង់គ្លេសអាយុក្រោម ២១ ឆ្នាំរបស់ Chelsea, Levi Colwill ត្រូវបានបដិសេធ ដែលសំណើរបស់ Brighton នោះគឺហ៊ានឱ្យថ្លៃដល់ទៅ ៤០ លានផោន។Levi Colwill គឺជាសមាជិករបស់ Brighton កាលពីរដូវកាលមុនក្នុងកិច្ចសន្យាខ្ចីជើងពេញមួយរដូវកាល និងជួយក្រុម Brighton ទទួលបានចំណាត់ថ្នាក់លេខ ៦ នៅ Premier League មានកៅអីវគ្គជម្រុះ Europa League រដូវកាលនេះ។ចំណែកឯ Igor Julio បានចំនាយពេល ៣ ឆ្នាំមកហើយជាមួយ Fiorentina ក្រោយផ្លាស់ពី SPAL កាលពីខែមករាឆ្នាំ ២០២០ ខណៈរដូវកាលចុងក្រោយរបស់គេជួយ Fioretnina ឡើងដល់វគ្គផ្តាច់ព្រ័ត្រ UEFA Europa Conference League តែចាញ់ West Ham កាលពីខែមិថុនា៕ អត្ថបទ៖នាង សុភាវុធ

កីឡាការិនីហូឡង់ Yara Kastelijn ឈ្នះដំណាក់កាលទី ៤ Tour de France នាទីតែអ្នកនាំមុខនៅដដែល

កីឡាការិនីប្រណាំងកង់ហូឡង់ Yara Kastelijn រកបានជ័យជំនះក្នុងដំណាក់កាលលើកដំបូង នៅក្នុងព្រឹត្តិការណ៍ ប្រណាំងកង់លំដាប់ World Tour បន្ទាប់ពីឈ្នះដំណាក់កាលទី ៤ ប្រណាំងកង់ Tour de France ផ្នែកនារី។ ដំណាក់កាលទី ៤ ដែលមានចំងាយផ្លូវ ១៧៧ គីឡូម៉ែត្រ កីឡាការិនីដែលជិះឱ្យក្រុម Fenix-Deceuninck រូបនេះបានមកដល់ទីព្រ័ត្រមុនគេប្រើពេល ៤ ម៉ោង ៣៨ នាទី ៣៩ វិនាទី តាមពីក្រោយដោយមិត្តរួមជាតិហូឡង់ Demi Vollering និង Anouska Koster សុទ្ធតែជាងលើសពី ១ នាទី។ យ៉ាងណាក្តីក្រោយឆ្លងកាត់ ៤ ដំណាក់កាលនេះ អ្នកនាំមុខគេក្នុងតារាងវេលារួមនៅតែជាកីឡាការិនីប៊ែលហ្ស៊ិក Lotte Kopecky ដដែល មានថេរវេលាសរុបល្អជាងអ្នកលេខ ២ កីឡាការិនីហូឡង់ Demi Vollering ៤៣ វិនាទី ខណៈ លេខ ៣ គឺកីឡាការិនីអាហ្វ្រិកខាងត្បូង Ashleigh Moolman ដដែលយឺតជាងអ្នកនាំមុខ ៥១ វិនាទី។ សម្រាប់ដំណាក់កាលទី ៥ ថ្ងៃនេះមានចំងាយផ្លូវ ១២៦ គីឡូម៉ែត្រ ហើយការប្រកួតនឹងបិទបញ្ចប់ទាំងស្រុងនៅដំណាក់កាលទី៨ ថ្ងៃអាទិត្យនេះ៕ អត្ថបទ៖នាង សុភាវុធ

Fulham បដិសេធសំណើ ២៥ លានផោនពី Al-Hilal ចង់បានខ្សែប្រយុទ្ធស៊ែប Mitorvic

ក្លិបបាល់ទាត់អង់គ្លេស Fulham បានបដិសេធសំណើ ២៥ លានផោនពី Al-Hilal ដែលចង់បានខ្សែប្រយុទ្ធស៊ែប Aleksandar Mitrovic ស្របពេលសារព័ត៌មានកំពុងផ្ទុះរឿងផ្ទេរបស់ Kylian Mbappe មកកាន់ក្លិបបាល់ទាត់អារ៉ាប៊ីសាអ៊ូឌីតមួយនេះ។កីឡាករវ័យ ២៨ ឆ្នាំដែលផ្លាស់មកកាន់ Fulham ពី Newcastle តម្លៃ ២២ លានផោមកាលពីឆ្នាំ ២០១៨ នោះ នៅសល់កិច្ចសន្យា ៣ ឆ្នាំទៀតជាមួយ Fulham។បើតាមប្រភពជិតស្និតនឹង Fulham ឱ្យដឹងថា ក្លិបគ្មានគោលបំណងក្នុងការលក់ចេញ Mitrovic ឡើយ។ក្លិបបាល់ទាត់អារ៉ាប៊ីសាអ៊ូឌីត Al-Hilal មកទល់ពេលនេះបាននាំយកកីឡាករមកពីអឺរ៉ុបមួយចំនួនរួមមានខ្សែការពារ Chelsea, Kalidou Koulibaly និងខ្សែបម្រើ Wolves, Ruben Neves។Aleksandar Mitrovic បានស៊ុតបញ្ចូលទី ១៤ គ្រាប់នៅ Premier League រដូវកាលមុនខណៈ Fulham ឈរលេខ ១០ ក្នុងរដូវកាលដំបូងនៃការវិលត្រលប់មកកាន់ក្របខណ្ឌកំពូល។ Mitrovic បានបំបែកកំណត់ត្រាស៊ុតបញ្ចូលទីច្រើនបំផុតនៅក្របខណ្ឌទី ២ League Championship ចំនួន ៤៣ គ្រាប់ក្នុង ៤៤ ប្រកួតមុនឡើងមកកាន់ Premier League។ Mitrovic ក៏ធ្លាប់ត្រូវបានពិន័យ ៨ ប្រកួត និងប្រាក់ ៧៥០០០ ផោនផងដែរ ក្រោយប៉ះទង្គិចជាមួយអាជ្ញាកណ្តាល Chris Kavanagh ក្នុងការប្រកួតវគ្គ ៨ ក្រុមចុងក្រោយ FA Cup ចាញ់នៅទឹកដី Manchester United កាលពីខែមេសា៕ អត្ថបទ៖នាង សុភាវុធ

Fulham ទិញខ្សែប្រយុទ្ធម៉ិកស៊ិក Raul Jimenez ពី Wolves តម្លៃ ៥ លានផោន

ក្លិបបាល់ទាត់ Fulham បានសំរេចក្នុងការនាំយកខ្សែប្រយុទ្ធម៉ិកស៊ិក Raul Jimenez ពីក្លិបរួមលីគ Wolverhampton ក្នុងតម្លៃផ្ទេរ ៥ លានផោន។ កីឡាករវ័យ ៣២ ឆ្នាំរូបនេះបានចុះហត្ថលេខារយៈពេល ២ ឆ្នាំជាមួយ Fulham ជាមួយនឹងជម្រើសបន្តបន្ថែម ១ ឆ្នាំទៀត។ Raul Jimenez ស៊ុតបញ្ចូលទីបាន ៥៧ គ្រាប់ក្នុងការបង្ហាញខ្លួនសរុប ១៦៦ ប្រកួតរយៈពេល ៥ រដូវកាលជាមួយ Wolverhampton បន្ទាប់ពីផ្លាស់មកពី Benfica ក្នុងតម្លៃបំបែកកំណត់ត្រាក្លិប ៣០លានផោន។ Raul Jimenez មានស្ថិតិស៊ុតបញ្ចូលទីល្អជាមួយ Wolves ដែលរួមមាន ៣៤ គ្រាប់ក្នុងការបង្ហាញខ្លួន ៨៦ ប្រកួតដំបូងនៅ Premier League មុនពេលកីឡាករម៉ិកស៊ិករូបនេះមានរបួសក្បាលពេលប៉ះទង្គិចជាមួយខ្សែការពារ Arsenal, David Luiz កាលពីឆ្នាំ ២០២០ ដែលធ្វើឱ្យគេអវត្តមាន ៩ ខែពីទីលាន។ ការមកដល់របស់ Raul Jimenez ស្របពេលខ្សែប្រយុទ្ធស៊ែប Aleksandar Mitrovic មិនទាន់ច្បាស់ពីអនាគតរបស់ខ្លួនថាត្រូវនៅរឺចាកចេញ បន្ទាប់ពីទទួលបានសំណើពីក្លិបអារ៉ាប៊ីសាអ៊ូឌីត Al-Hilal ២៥ លានផោនតែត្រូវ Fulham បដិសេធ៕ អត្ថបទ៖នាង សុភាវុធ

Anthony Elanga ផ្លាស់ពី Manchester United ទៅ Nottingham Forest ផ្លូវការតម្លៃ ១៥ លានផោន

ខ្សែប្រយុទ្ធស៊ុយអែត Anthony Elanga បានចាកចេញពីក្លិបបិសាចក្រហម Manchester United ហើយ ទៅចូលរួមជាមួយ Nottingham Forest ក្នុងតម្លៃផ្ទេរ ១៥ លានផោន។ កីឡាករវ័យ ២១ ឆ្នាំរូបនេះ បានចុះហត្ថលេខារយៈពេល ៥ ឆ្នាំជាមួយ Nottingham Forest។ Elanga គឺជាកីឡាករដែលចេញពីយុវជនថ្នាលរបស់ Manchester United និងនៅជាមួយក្លិបតាំងពីវ័យ ១២ឆ្នាំ និងទទួលបានកៅអីនៅក្រុមធំនៅឆ្នាំ ២០២១ បង្ហាញខ្លួនបាន ៥៥ ប្រកួត មុនឈានដល់ការចាកចេញទៅ Nottingham Forest នេះ។Elanga ស្ថិតនៅជាមួយក្រុម Manchester United ក្នុងដំណើរប្រកួតមិត្តភាព Pre-Season នៅសហរដ្ឋអាមេរិក តែបានត្រលប់មកមុនគេដើម្បីបំពេញកិច្ចសន្យាផ្ទេរនេះ និងបានក្លាយជាកីឡាករទីពីរផ្លាស់មកកាន់ Forest ក្នុងរដូវក្តៅនេះបន្ទាប់ពីខ្សែការពារនីហ្សេរីយ៉ា Ola Aina ផ្ទេរពី Torino។រដូវកាលមុន Anthony Elanga បង្ហាញខ្លួនបាន ២៦ ប្រកួត ក្នុងនោះមាន ៧ ប្រកួតចាប់ផ្តើម ១១ នាក់ដំបូង និងស៊ុតបញ្ចូលទីបាន ៤ គ្រាប់៕ អត្ថបទ៖នាង សុភាវុធ

Davis Cup៖ កម្ពុជា ស្ថិតក្នុងពូលB ប្រជុំដោយក្រុមខ្លាំង តែគ្រូបង្វឹកថា ត្រៀមខ្លួនរួចរាល់ ដើម្បីតតាំង

ក្រុមកីឡាវាយកូនបាល់ជម្រើសជាតិកម្ពុជា បានធ្វើការចាប់ឆ្នោតប្រកួតព្រឹត្តិការណ៍កីឡាវាយកូនបាល់អន្ដរជាតិប្រចាំតំបន់អាស៊ី/អូសេអានី Davis Cup Group III ឆ្នាំ២០២៣ នៅប្រទេសស្រីលង្ការរួចហើយ ដោយលទ្ធផលកម្ពុជា ស្ថិតក្នុងពូលB ជាមួយក្រុមប៉ាស៊ីហ្វិចអូសេអានី, ហ្សកដានី និងម៉ាឡេស៊ី ខណៈពូលA មានម្ចាស់ផ្ទះស្រីលង្កា, អារ៉ាប់ប៊ីសាអ៊ូឌីត, អ៊ីរ៉ង់ និងវៀតណាម ។លោក ជា ពៅ ប្រធានប្រតិភូដឹកនាំ និងជាគ្រូបង្វឹកក្រុមជម្រើសជាតិកម្ពុជា បានឲ្យដឹងថា បេក្ខភាពប្រកួតប្រជែងក្នុងពូល B នេះ សុទ្ធតែជាក្រុមខ្លាំង ដែលជម្រុះមកពី Group II កាលពីឆ្នាំមុន ។ ហើយក្នុងនាមប្រតិភូកីឡាកម្ពុជា ពិតជារីករាយ ដែលបានលេងទល់ជាមួយក្រុមខ្លាំងៗទាំងអស់នោះ ដ្បិតកម្ពុជា បានត្រៀមខ្លួនរួចរាល់ ដើម្បីតតាំងជាមួយពួកគេ បន្ទាប់ពីក្រុមកម្ពុជា បានហ្វឹកហាត់ត្រៀមតាំងពីមុនស៊ីហ្គេម ។ក្នុងចំណោមបេក្ខភាពប្រកួតប្រជែងទាំង ៣ក្រុមជាមួយកម្ពុជា ក្នុងពូលB នេះដែរ លោកមានសុទិដ្ឋិនិយមថា ក្រុមកីឡាករវាយកូនបាល់កម្ពុជា នឹងអាចស្វែងរកជ័យជម្នះក្នុងការប្រកួតមួយចំនួន ។ ជារួមកីឡាករគ្រប់រូបនេះ បានត្រៀម និងការប្ដេជ្ញាចិត្តខ្ពស់ នឹងធ្វើឲ្យបានល្អប្រសើរ ដើម្បីឈានទៅប្រជែងកៅអី Group II សម្រាប់ព្រឹត្តិការណ៍ Davis Cup ឆ្នាំ២០២៤ ខាងមុខ ។សូមបញ្ជាក់ថា ការប្រកួត Davis Cup Group III ក្រុមនីមួយៗ ត្រូវប្រកួតវិលជុំសន្សំពិន្ទុ ហើយក្រុមលេខ១ និងលេខ២ ក្នុងពូលA និងពូលB ត្រូវប្រកួតខ្វែងគ្នា ហើយក្រុមទទួលបានជ័យជម្នះក្នុងវគ្គខ្វែង នឹងទទួលបានកៅអី Group II ឆ្នាំ២០២៤ ។ ចំណែកក្រុមចាញ់ ក៏ត្រូវជួបគ្នា ដើម្បីស្វែងរកក្រុមឈ្នះ ១ក្រុមទៀត ឡើងទៅ Group II នាឆ្នាំក្រោយផងដែរ៕ អត្ថបទ៖ លី ឈុនឡា

កីឡាការិនីហូឡង់ Lorena Wiebes ឈ្នះដំណាក់កាលទី៣ ប្រណាំងកង់ Tour de France នារី

កីឡាការិនីប្រណាំងកង់ហូឡង់ Lorena Wiebes បានប្រជែងឈ្នះដំណាក់កាលទី៣ នៃព្រឹត្តិការណ៍ប្រណាំងកង់ Tour de France ផ្នែកនារី បន្ទាប់ពីប្រជែងឈ្នះ Julie van de Velde នៅពេលសល់ ២០០ ម៉ែត្រចុងក្រោយ។ដំណាក់កាលទី ៣ ដែលមានចំងាយផ្លូវ ១៤៧ គីឡូម៉ែត្រ Lorena Wiebes ដែលជិះឱ្យក្រុម SD Worx បានមកដល់ទីព្រ័ត្រមុនគេប្រើពេល ៣ ម៉ោង ៤៩ នាទី ៤៧ វិនាទី តាមពីក្រោយដោយមិត្តរួមជាតិ Marianne Vos របស់ក្រុម Jumbo-Visma និងលេខ ៣ កីឡាការិនីប៊ែលហ្ស៊ិក Lotte Kopecky ដោយសុទ្ធតែស្ថិតក្នុងថេរវេលាដូចគ្នា។ យ៉ាងណាក្តី ក្រោយដំណាក់កាលទី ៣ នេះ Lotte Kopecky ដែលជាជិះឱ្យក្រុម SD Worx ដែរនោះ នៅតែបន្តនាំមុខគេដដែលដោយមានវេលាចំណេញ ៥៥ វិនាទី ពីអ្នកលេខ ២ កីឡាការិនីអាល្លឺម៉ង់ Liane Lippert និងលេខ ៣ កីឡាការិនីអាហ្វ្រិកខាងត្បូង Ashleigh Moolman យឺងជាង ១ នាទី ៥ វិនាទី។ សម្រាប់ដំណាក់កាលទី ៤ ថ្ងៃនេះមានចំងាយផ្លូវ ១៧៧ គីឡូម៉ែត្រ៕ អត្ថបទ៖នាង សុភាវុធ

កូនប្រុសច្បង LeBron James មានស្ថានភាពប្រសើរឡើងវិញក្រោយដួលសន្លប់អំឡុងការហ្វឹកហាត់

Bronny James ដែលជាកូនប្រុសច្បងរបស់តារាបាល់បោះអាមេរិក LeBron James បានស្ថិតក្នុងស្ថានភាពប្រសើរឡើងវិញហើយក្រោយដួលសន្លប់អំឡុងការហ្វឹកហាត់។ បើតាមការចុះផ្សាយរបស់សារព័ត៌មាន ESPN ឱ្យដឹងថា កីឡាករវ័យ ១៨ ឆ្នាំរូបនេះបានធ្វើការហ្វឹកហាត់ជាមួយក្រុមបាល់បោះ University of Southern California និងជាពេលដែលហេតុការណ៍កើតឡើងកាលពីថ្ងៃចន្ទ។ ភ្លាមៗនៅពេល Bronny ដួលសន្លប់ ក៏ត្រូវបានបញ្ជូនដោយរថយន្តសង្គ្រោះបន្ទាន់ទៅមន្ទីរពេទ្យតែម្តង។ Broony James ត្រូវបានគេស្គាល់ថាជាក្មេងប្រុសដែលចង់ដើរតាមគន្លងជោគជ័យរបស់ឪពុក និងចង់សម្រេចក្តី ស្រមៃរបស់ខ្លួនលេងនៅក្របខណ្ឌកំពូល NBA។ចំណែក LeBron James ដែលបច្ចុប្បន្នលេងនៅ Los Angeles Lakers និងទើបតែសម្រេចបន្តលេងមួយឆ្នាំទៀតនោះ រំពឹងថានឹងបានលេងរួមក្រុមជាមួយកូនប្រុសរបស់ខ្លួននៅពេលណាមួយមុនពេលចូលនិវត្តន៍ពីអាជីពកីឡាករបាល់បោះ៕ អត្ថបទ៖នាង សុភាវុធ

កម្ពុជា ក៏ដូចជាជម្រើសជាតិអាស៊ីទាំងអស់នឹងដឹងគូប្រកួតរបស់ខ្លួនក្នុងការប្រកួតជម្រុះបាល់ទាត់ពិភពលោក២០២៦ ស្អែកនេះ

(អាស៊ី)៖ ក្រុមបាល់ទាត់ជម្រើសជាតិកម្ពុជា និងក្រុមបាល់ទាត់ជម្រើសជាតិផ្សេងៗទៀតនៅអាស៊ី នឹងដឹងគូប្រកួតរបស់ខ្លួន ក្នុងការប្រកួតជម្រុះបាល់ទាត់ពិភពលោក ២០២៦ អាមេរិក កាណាដា ម៉ិចស៊ិក នៅតំបន់អាស៊ី ជុំទីមួយ និងជុំទីពីរ នៅរសៀលថ្ងៃទី២៧ ខែកក្កដា ឆ្នាំ២០២៣នេះ។យើងតាមសហព័ន្ធកីឡាបាល់ទាត់អាស៊ី បញ្ជាក់ថាការចាប់ឆ្នោតនេះ ធ្វើឡើងនៅម៉ោង ២និង០០នាទីរសៀលនៅទីក្រុងកូឡាឡាំពួរ ប្រទេសម៉ាឡេស៊ី ត្រូវនឹងម៉ោង ០១ និង០០នាទីម៉ោងនៅកម្ពុជា នៅទីស្នាក់ការសហព័ន្ធ។ក្រុមបាល់ទាត់ទាំង៤៨ នៅអាស៊ីនឹងប្រជែងគ្នាដើម្បី ឆ្ពោះទៅការប្រកួតឆ្នាំ២០២៦ ហើយការប្រកួតជុំទី១ និងទី២ ក៏ត្រូវប្រើសម្រាប់ការប្រកួតជម្រុះបាល់ទាត់ពានរង្វាន់ទ្វីបអាស៊ី ២០២៧ អារ៉ាប៊ីសាអូឌីត(AFC Asian Cup Saudi Arabia 2027™) ផងដែរ។យោងនីតិវិធីនៃការប្រកួតជុំទីមួយ ១៨ក្រុមដែលមានចំណាត់ថ្នាក់ក្រោមគេ ត្រូវចាប់ឆ្នោតឱ្យជួបគ្នា លេងក្នុងរូបភាពពីរជើង (ក្នុងដី ក្រៅដី) នៅថ្ងៃទី១២ និង១៧ ខែតុលាខាងមុខ ហើយ៩ក្រុមជម្រើសជាតិដែលឈ្នះឡើងទៅជុំទីពីរបន្តរួមជាមួយ២៧ក្រុមរង់ចាំ សរុប៣៦ក្រុមក្នុងជុំទីពីរ។ ក្នុងជុំទីពីរនេះ ៣៦ក្រុមជម្រើសជាតិ ត្រូវបែងចែកជា៩ពូលបន្តទៀត ដោយក្នុងមួយពូលមាន៤ក្រុម ហើយត្រូវប្រកួតវិលជុំដូរដីក្នុងពូលនីមួយ ចន្លោះខែវិច្ឆិកា ឆ្នាំ២០២៣ និងខែមិថុនា ឆ្នាំ២០២៤។ បន្ទាប់មកក្រុមលេខ១ និងលេខ២ ទាំងអស់ក្នុងពូលទាំង៩ (សរុប១៨ក្រុម) ឡើងទៅជុំទីបី ប្រកួតបាល់ទាត់ពិភពលោក ២០២៦ ជាមួយគ្នាក៏បានឡើងទៅជុំចុងក្រោយការប្រកួតបាល់ទាត់ពានរង្វាន់អាស៊ី ២០២៧នៅអារ៉ាប៊ីសាអូឌីត។សម្រាប់ជុំទីបី នៃការប្រកួតជម្រុះបាល់ទាត់ពិភពលោក ២០២៦ ១៨ក្រុមដែលចម្រាញ់បានពីពីរជុំក្នុងតំបន់អាស៊ីមកនេះ ត្រូវចែកជាបីពូលបន្តទៀត ក្នុងមួយពូលមាន៦ក្រុមជម្រើសជាតិ ដោយត្រូវលេងវិលជុំដូរដី ក្នុងពូលនីមួយៗ ហើយក្រុមលេខ១ និងលេខ២ ក្នុងពូលទាំងបី សរុប៦ក្រុម ឡើងទៅជុំចុងក្រោយនៅអាមេរិក កាណាដា ម៉ិចស៊ិកតែម្តង។ ដោយកូតាអាស៊ីត្រូវមាន៨ក្រុម រឺ៩ក្រុមឡើងទៅជុំចុងក្រោយបាល់ទាត់ពិភពលោក ២០២៦ ជុំទីបួនត្រូវធ្វើឡើងដើម្បីជ្រើសរើសយកពីរក្រុមបន្ថែមទៀត ដោយក្រុមដែលបញ្ចប់នៅចំណាត់ថ្នាក់លេខ៣ និងលេខ៤ ៦ក្រុមក្នុងជុំទីបី ត្រូវចែកចែកជាពីរពូលទៀត មួយពូលមាន៣ក្រុមលេងនៅទឹកដីកណ្តាល ក្រុមលេខ១ ក្នុងពូលទាំងពីរនេះ ឡើងទៅបង្គ្រប់៨ក្រុម កៅអីបាល់ទាត់ពិភពលោកតំបន់អាស៊ី។ ដោយឡែក ក្រុមលេខពីរក្នុងពូលទាំងពីរនេះ ប្រកួតជាមួយគ្នាក្នុងជុំទីប្រាំ ដើម្បីយកមួយក្រុមទៅលេងជម្រុះអន្តរទ្វីប ហើយបើក្រុមអាស៊ីធ្វើបានល្អ អាស៊ីអាចមាន៩ក្រុម។សូមជម្រាបជូនថាបាល់ទាត់ពិភពលោក ២០២៦ ដំណើរការប្រកួតពីខែមិថុនា ដល់ខែកក្កដា ឆ្នាំ២០២៦ ដោយក្រុមតម្លើងដល់៤៨ប្រទេស ក្នុងនោះអាស៊ីមាន៨ រឺ៩ប្រទេស អាហ្វ្រិកមាន៩ រឺ១០ អឺរ៉ុប១៦ អាមេរិកខាងជើង កណ្តាល ការ៉ាអ៊ីប មាន៦ រឺ៨ អាមេរិកខាងត្បូង ៦រឺ៧ និងអូសេអានី ១រឺ២ប្រទេស៕

បណ្ដាញសង្គម

ព័ត៌មានថ្មីៗ

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

រដ្ឋអាជ្ញា៖ យុវជន ៣នាក់ ត្រូវបានចាប់ខ្លួនក្នុងការស៊ើបអង្កេតអំពើភេរវកម្មហូឡង់

ចិនចូលរួមរំលែកទុក្ខដល់ពលរដ្ឋស្លាប់ និងបន្តតាមដានសុវត្ថិភាពលដ្ឋរបស់ខ្លួន ក្រោយការរញ្ជួយដីនៅ ជប៉ុន

បារាំងបណ្តេញពិធីការិនីទូរទស្សន៍គាំទ្រវិមានក្រឹមឡាំងចេញពីប្រទេស

នេប៉ាល់ដាក់បំរាមគោចរ ក្រោយការប៉ះទង្គិចគ្នាហិង្សាកើតឡើងនៅស្រុក Sunsari

ចិនរិះគន់បំរាមសហរដ្ឋអាមេរិកលើការនាំចូលរូបយន្តរបស់ទីក្រុងប៉េកាំង

សាកសពត្រូវបានទាញចេញពីមន្ទីរពេទ្យក្រុង Mosul បន្ទាប់ពីការវាយប្រហាររបស់អាមេរិក-អារ៉ាប៊ីសាអ៊ូឌីតលើអ៊ីរ៉ាក់

ព្យុះផ្គររន្ទះដ៏ធ្ងន់ធ្ងរ វាយប្រហារទីក្រុងវ៉ាស៊ីនតោន ឌីស៊ី សហរដ្ឋអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Manchester City ឈ្នះ Bayern Munich ២-១ ការប្រកួតមិត្តភាពនៅទឹកដីជប៉ុន

Brighton ទិញបានខ្សែការពារប្រេស៊ីល Igor Julio ពី Fiorentina តម្លៃ ១៧ លានអឺរ៉ូ

កីឡាការិនីហូឡង់ Yara Kastelijn ឈ្នះដំណាក់កាលទី ៤ Tour de France នាទីតែអ្នកនាំមុខនៅដដែល

Fulham បដិសេធសំណើ ២៥ លានផោនពី Al-Hilal ចង់បានខ្សែប្រយុទ្ធស៊ែប Mitorvic

Fulham ទិញខ្សែប្រយុទ្ធម៉ិកស៊ិក Raul Jimenez ពី Wolves តម្លៃ ៥ លានផោន

Anthony Elanga ផ្លាស់ពី Manchester United ទៅ Nottingham Forest ផ្លូវការតម្លៃ ១៥ លានផោន

Davis Cup៖ កម្ពុជា ស្ថិតក្នុងពូលB ប្រជុំដោយក្រុមខ្លាំង តែគ្រូបង្វឹកថា ត្រៀមខ្លួនរួចរាល់ ដើម្បីតតាំង

កីឡាការិនីហូឡង់ Lorena Wiebes ឈ្នះដំណាក់កាលទី៣ ប្រណាំងកង់ Tour de France នារី

កូនប្រុសច្បង LeBron James មានស្ថានភាពប្រសើរឡើងវិញក្រោយដួលសន្លប់អំឡុងការហ្វឹកហាត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Manchester City ឈ្នះ Bayern Munich ២-១ ការប្រកួតមិត្តភាពនៅទឹកដីជប៉ុន

Brighton ទិញបានខ្សែការពារប្រេស៊ីល Igor Julio ពី Fiorentina តម្លៃ ១៧ លានអឺរ៉ូ

កីឡាការិនីហូឡង់ Yara Kastelijn ឈ្នះដំណាក់កាលទី ៤ Tour de France នាទីតែអ្នកនាំមុខនៅដដែល

Fulham បដិសេធសំណើ ២៥ លានផោនពី Al-Hilal ចង់បានខ្សែប្រយុទ្ធស៊ែប Mitorvic

Fulham ទិញខ្សែប្រយុទ្ធម៉ិកស៊ិក Raul Jimenez ពី Wolves តម្លៃ ៥ លានផោន

Anthony Elanga ផ្លាស់ពី Manchester United ទៅ Nottingham Forest ផ្លូវការតម្លៃ ១៥ លានផោន

Davis Cup៖ កម្ពុជា ស្ថិតក្នុងពូលB ប្រជុំដោយក្រុមខ្លាំង តែគ្រូបង្វឹកថា ត្រៀមខ្លួនរួចរាល់ ដើម្បីតតាំង

កីឡាការិនីហូឡង់ Lorena Wiebes ឈ្នះដំណាក់កាលទី៣ ប្រណាំងកង់ Tour de France នារី

កូនប្រុសច្បង LeBron James មានស្ថានភាពប្រសើរឡើងវិញ​ក្រោយដួលសន្លប់​អំឡុងការហ្វឹកហាត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូនប្រុសច្បង LeBron James មានស្ថានភាពប្រសើរឡើងវិញក្រោយដួលសន្លប់អំឡុងការហ្វឹកហាត់