BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក

កីឡាករប្រណាំងរថយន្តហ្វាំងឡង់ Kalle Rovanpera បានប្រជែងឈ្នះការប្រណាំង Rally នៅប្រទេសអេស្តូនៀ ៣ ឆ្នាំជាប់គ្នាកាលពីថ្ងៃអាទិត្យ និងពន្លាតការនាំមុខក្នុងតារាងជើងឯកពិភពលោក World Rally Championship។កីឡាករវ័យ ២២ ឆ្នាំដែលបើកបរឱ្យក្រុម Toyota រូបនេះបានយកឈ្នះកីឡាករប៊ែលហ្ស៊ិករបស់ក្រុម Hyundai, Thierry Neuville ៥២.៧ វិនាទី ពោលគឺបន្ទាប់ពីយកឈ្នះទាំង ៤ ដំណាក់កាលក្នុងថ្ងៃអាទិត្យ។កីឡាកររបស់ក្រុម Hyundai សញ្ជាតិហ្វាំងឡង់មួយរូបទៀត Esapekka Lappi ទទួលបានតំណែងចុងក្រោយគេនៃវេទិកាកិត្តិយស។ ជ័យជំនះរបស់ Kalle Rovanpera ធ្វើឱ្យគេបន្តពន្លាតពិន្ទុក្នុងតារាងជើងឯកពិភពលោកដល់ ៥៥ ពិន្ទុពីលើអ្នកលេខ ២ កីឡាករវែល Elfyn Evans។ Rovanpera កាលពីឆ្នាំ ២០២១ ឈ្នះត្រឹមមួយប្រកួតប៉ុណ្ណោះ បានក្លាយជាកីឡាករវ័យក្មេងបំផុតត្រឹមវ័យ ២០ ឆ្នាំឈ្នះការប្រកួតក្នុងរដូវកាល World Rally Championship ហើយឆ្នាំមុនក៏បានក្លាយជាជើងឯក ក្លាយជាកីឡាករវ័យក្មេងបំផុតម្តងទៀតដែលឈ្នះជើងឯកពិភពលោក៕ អត្ថបទ៖នាង សុភាវុធ

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

ខ្សែប្រយុទ្ធឆ្នើមវ័យក្មេងកម្ពុជា សៀង ចន្ធា បានធ្វើដំណើរទៅប្រទេសកាតាហើយ កាលពីចុងសប្ដាហ៍កន្លងទៅ ដើម្បីចូលរួមធ្វើតេស្ដសុខភាពដំណាក់កាលចុងក្រោយ ជាមួយក្លិបលីគទី២ AL Shahaniya ។ ចន្ធា បានចាត់ទុកដំណើរទៅប្រកបអាជីពក្រៅស្រុកដំបូងនេះ គឺជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃរបស់ខ្លួន ក្នុងអាជីពបាល់ទាត់ ។មុនឡើងយន្ដហោះចាកចេញពីកម្ពុជា សៀង ចន្ធា បានសម្ដែងការភ្ញាក់ផ្អើល ដែលមានក្លិបកាតា ចាប់អារម្មណ៍ និងទាក់ទងខ្លួន ។ សមាជិកក្រុមបឹងកេតរូបនេះ បន្ថែមថា ដំណើរឆ្ពោះទៅប្រកបអាជីពនៅកាតា គឺជាជំហានមួយដ៏រីករាយ ដ្បិតរូបគេប៉ងចង់ទៅលេងនៅជប៉ុន មុនមានក្ដីស្រម៉ៃចង់ទៅលេងនៅ Barcelona ។ យ៉ាងណាក្ដី ចន្ធា ប្ដេជ្ញានឹងខំប្រឹង ដើម្បីមានឱកាសលេងនៅលីគកាតាជាមុនសិន ។ក្នុងឱកាសជូនដំណើរកីឡាករ សៀង ចន្ធា ផងដែរ លោកស្រី ពុធ ធីតា ប្រធានក្លិបបឹងកេត បានលើកឡើងថា ក្រៅពីក្លិបកាតា ក៏មានក្លិបអេស្ប៉ាញ ថៃ ម៉ាឡេស៊ី បានទាក់ទង ចន្ធា ដែរ តែចុងក្រោយក្លិបសម្រេចទទួលសំណើរក្លិបកាតា ព្រោះគិតថា ស័ក្ដិសមសម្រាប់ខ្សែប្រយុទ្ធវ័យ ២០ឆ្នាំរូបនេះ អភិវឌ្ឍន៍សមត្ថភាពបន្ថែម ។ លើសពីនេះ លោកស្រីបានចាត់ទុកជាគំរូមួយដ៏ល្អ សម្រាប់យុវជន ក្នុងការបង្កើតក្ដីស្រម៉ៃក្នុងអាជីពបាល់ទាត់នេះផងដែរ ។ទន្ទឹមជាមួយគ្នាលោក សឺ សៀង និងលោកស្រី ហេង សុខា ឪពុក-ម្ដាយបង្កើតកីឡាករ សៀង ចន្ធា បានសម្ដែងនូវការសប្បាយចិត្តជាខ្លាំង ដែលក្ដីស្រម៉ៃរបស់កូនប្រុស បានក្លាយជាការពិត ហើយលោកទាំងពីរ ថែមទាំងផ្ដាំផ្ញើ និងលើកទឹកចិត្តដល់យុវជនដទៃ ត្រូវហានមានសុបិន ខ្លួនស្រឡាញ់អាជីពបាល់ទាត់ ដើម្បីឆ្ពោះទៅសម្រេចនូវក្ដីស្រម៉ៃ និងទទួលបានជោគជ័យក្នុងអាជីពលើវាលស្មៅដូចកូនប្រុសរបស់ខ្លួនផងដែរ ។គួរដឹងថា បន្ទាប់ពីបើកការចរចាជាង ១ខែ ក្លិបបឹងកេត បានឈានដល់កិច្ចព្រមព្រៀងជាច្រើនជាមួយក្លិបលីគទី២ នៃប្រទេសកាតា ពោលគឺនៅសល់តែការធ្វើតេស្ដសុខភាពដំណាក់កាលចុងក្រោយប៉ុណ្ណោះដែល សៀង ចន្ធា បានធ្វើដំណើរទៅតេស្ដកាលពីចុងសប្ដាហ៍កន្លងទៅ ខណៈបើការធ្វើតេស្ដទទួលបានជោគជ័យ ចន្ធា នឹងក្លាយជាកីឡាករខ្មែរដំបូង ដែលបានប្រកបអាជីពនៅលីគកាតាតែម្ដង៕ អត្ថបទ៖ លី ឈុនឡា

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

កីឡាករវាយកូនគោលអាមេរិក Brian Harman បានគ្រងជើងឯកកម្មវិធី The Open ជាលើកដំបូងក្នុងអាជីពក្រោយឈ្នះដាច់ដល់ទៅ ៦ ស្ត្រូកនៅទីលានវាយកូនគោល Royal Liverpool។ Brian Harman ធ្វើបានត្រឹម ១ អាន់ឌើផាប៉ុណ្ណោះនៅថ្ងៃចុងក្រោយ តែគ្រប់គ្រាន់នឹងគ្រងជើងឯកដោយមានសរុប ១៣ អាន់ឌើផា ដាច់អ្នកលេខ ២ កីឡាករកូរ៉េ Tom Kim កីឡាករលំដាប់លេខ៣ ពិភពលោក Jon Rahm និងកីឡាករអូទ្រីស Sepp Straka ដែលឈរលេខ ២ រួមមាន ៧ អាន់ឌើផាដូចគ្នា។ កីឡាករវ័យ ៣៦ ឆ្នាំ Brian Harman ដែលឈរលេខ ២៦ ពិភពលោកនាពេលបច្ចុប្បន្ន បានក្លាយជាកីឡាករដែលជំនាញដៃឆ្វេងទី ៣ ប៉ុណ្ណោះដែលឈ្នះជើងឯក The Open នេះ បន្ទាប់ពី Bob Charles នៅឆ្នាំ ១៩៦៣ និង Phil Mickelson នៅឆ្នាំ ២០១៣។ ក្នុងនាមជាជើងឯក The Open Championship នេះ Brian Harman ទទួលបានប្រាក់រង្វាន់ ២.៣ លានផោន៕ អត្ថបទ៖ នាង សុភាវុធ

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

អ្នកការពារតំណែងជើងឯក Formula One ពិភពលោក Max Verstappen នៅតែបន្តជ័យជំនះរបស់ខ្លួនក្នុងរដូវកាលនេះ បន្ទាប់ពីយកឈ្នះការប្រកួតនៅប្រទេសហុងគ្រី ដែលជាជ័យជំនះទី ៩ រដូវកាលនេះ ក៏ដូចជាជ័យជំនះ ៧ ប្រកួតជាប់គ្នាផងដែរ។ចំណែកក្រុមប្រណាំង Red Bull ដែលបានយកឈ្នះ ១២ ទីលានជាប់គ្នានោះ បានបំបែកកំណត់ត្រាចាស់របស់ ក្រុមប្រណាំង McLaren ឈ្នះ ១១ ទីលានជាប់គ្នាកាលពីឆ្នាំ ១៩៨៨ ដែលធ្វើបានដោយ Ayrton Senna និង Alain Prost។ ជុំវិញ McLaren ផងដែរ កីឡាករអង់គ្លេស Lando Norris ទទួលបានចំណាត់ថ្នាក់លេខ ២ នៅហុងគ្រីនេះ ខណៈលេខ ៣ កីឡាករម៉ិកស៊ិក Sergio Perez របស់ក្រុម Red Bull ផងដែរ។ ជើងឯកពិភពលោក ៧ សម័យ Lewis Hamilton ដែលចេញដំណើរមុខគេនោះ មិនអាចរក្សាការនាំមុខរបស់ខ្លួនបានតាំងពីផ្លូវបត់ទី ១ នៃជុំដំបូង និងរបូតតំណែងរបស់ខ្លួនជាបន្តបន្ទាប់ធ្លាក់ដល់លេខ៤ នៅទីបញ្ចប់។ ជ័យជំនះភ្លក់ទឹកភ្លក់ដីរបស់ Red Bull នៅពេលនេះធ្វើឱ្យ Max Verstappen កាន់តែដាច់គេក្នុងតារាងពិន្ទុជើងឯមពិភពលោកពិបាករកគូប្រជែងពោលគឺដាច់មិត្តរួមក្រុម Sergio Perez ដែលកំពុងឈរលេខ ២ ដល់ទៅ ១១០ ពិន្ទុ។ ទីលានបន្ទាប់ Formula One ពិភពលោកនឹងបន្តទៅទីលាន Spa-Francorchamps ប្រទេសប៊ែលហ្ស៊ិកចុងសប្តាហ៍នេះ៕ អត្ថបទ៖នាង សុភាវុធ

ទីបំផុត Jonas Vingegaard អាចការពារជើងឯកប្រណាំងកង់ Tour de France បាន

ព្រឹត្តិការណ៍ប្រណាំងកង់លំដាប់ Grand Tour, Tour de France បានបិទបញ្ចប់ជាផ្លូវការហើយ ដោយជាទីបញ្ចប់ កីឡាករដាណឺម៉ាក Jonas Vingegaard អាចការពារតំណែងជើងឯករបស់ខ្លួនបាន។ ដំណាក់កាលចុងក្រោយដែលមានចំងាយផ្លូវ ១១៥ គីឡូម៉ែត្រ កីឡាករប៊ែលហ្ស៊ិក Jordi Meeus ក្រោយមកដល់ទីព្រ័ត្រប្រើពេល ២ ម៉ោង ៥៦ នាទី ១៣ វិនាទី តាមពីក្រោយដោយកីឡាករប៊ែលហ្ស៊ិក Jasper Philipsen និងលេខ ៣ កីឡាករហូឡង់ Dylan Groenewegen។ ក្រោយ ២១ ដំណាក់កាលនេះ កីឡាកររបស់ក្រុម Jumbo-Visma បានក្លាយជាជើងឯកក្រោយឈ្នះដាច់អ្នកលេខ ២ Tadej Pogacar ដល់ទៅជាង ៧ នាទី ខណៈលេខ ៣ បានទៅកីឡាករអង់គ្លេស Adam Yates។ សម្រាប់លទ្ធផលផ្សេងទៀតរួមមាន កីឡាករប៊ែលហ្ស៊ិក Jasper Philipsen ឈ្នះតាមលក្ខខណ្ឌបូកពិន្ទុដោយមានសរុប ៣៧៧ ពិន្ទុបន្ទាប់ពីឈ្នះច្រើនជាងគេសរុប ៤ ដំណាក់កាល។ កីឡាករអ៊ីតាលី Giulio Ciccone ទទួលបានពិន្ទុ ១០៦ ច្រើនជាងគេសម្រាប់ការបែងចែកគិតតែដំណាក់កាលឡើងចុះភ្នំ។ អតីតជើងឯក កីឡាករស្លូវេនៀ Tadej Pogacar ឈ្នះជើងឯកផ្នែកយុវជន ខណៈជើងឯកក្រុមបប្រណាំងបានទៅ Jumbo-Visma៕ អត្ថបទ៖នាង សុភាវុធ

ប្រេស៊ីលប្រកាសពន្យាពេលចូលធ្វើការ ឱ្យប្រជាជនអាចមើលការប្រកួតបាល់ទាត់នារីពិភពលោក

មិនចាំបាច់ប្រើលេសនៅពេលទៅធ្វើការយឺតពេលឡើយ រដ្ឋាភិបាលប្រេស៊ីលបានប្រកាសពន្យាម៉ោងចូលធ្វើការនៅពេលព្រឹក ដើម្បីអាចឱ្យប្រជាជនរបស់ខ្លួន អាចមានពេលទស្សនាការប្រកួតបាល់ទាត់នារីពិភពលោកនៅអូស្រ្តាលី និងនូវែស៊ីឡង់បាន។ការប្រកួតបាល់ទាត់នារីពិភពលោកដែលរៀបចំនៅទ្វីបអូសេអានីនេះ ចំពេលព្រឹកនៅប្រទេសប្រេស៊ីល ខណៈដែលរដ្ឋាភិបាលប្រេស៊ីលបានប្រកាសអនុញ្ញាតឱ្យបុគ្គលិក មន្ត្រីរាជការ អាចពន្យាពេលចូលធ្វើការពីរម៉ោងក្រោយការប្រកួតចប់បានពោលគឺបើការប្រកួតចាប់ផ្តើមនៅម៉ោង ៨ ចប់នៅម៉ោង១០ មានន័យថា បុគ្គលិក មន្ត្រីរាជការអាចចូលធ្វើការនៅម៉ោង ១២ ថ្ងៃត្រង់។ ក្រុមបាល់ទាត់ស្រ្តីប្រេស៊ីលទើបតែឈ្នះជើងឯក Copa America លើកទី ៨ តែនៅ World Cup ស្ថិតិល្អបំផុតនោះគឺនៅឆ្នាំ ២០០៧ ដែលឡើងដល់វគ្គផ្តាច់ព្រ័ត្រតែចាញ់អាល្លឺម៉ង់។ ប្រេស៊ីលស្ថិតក្នុងពូល F ដោយនឹងត្រូវាប់ផ្តើមប្រកួតដំបូងទល់នឹងប៉ាណាម៉ានៅថ្ងៃចន្ទ មុនបន្តជួបបារាំង និងហ្សាម៉ាអ៊ិក៕ អត្ថបទ៖ នាង សុភាវុធ

Benjamin Mendy ទទួលបានកិច្ចសន្យាលេងឱ្យក្លិបបារាំង Lorient ក្រោយជ្រះស្រឡះរឿងក្តីចាប់រំលោភ

អតីតខ្សែការពារ Manchester City, Benjamin Mendy បានចុះហត្ថលេខាលើកិច្ចសន្យាលេងក្លឹបបាល់ទាត់បារាំង Lorient ៥ ថ្ងៃបន្ទាប់ពីជ្រះស្រឡះពីរឿងក្តីចាប់រំលោភ។ ខ្សែការពារឆ្វេងវ័យ ២៩ ឆ្នាំ ដែលផុតកិច្ចសន្យាជាមួយ Manchester City កាលពីខែមុន បានចុះហត្ថលេខា ២ឆ្នាំលេងឱ្យក្លិបបារាំងមួយនេះ។ Mendy ត្រូវបានតុលាការ Chester Crown កាត់ក្តីសម្រេចចុងក្រោយកាលពីថ្ងៃសុក្រថា មិនមានពាក់ព័ន្ធនឹងការចោទប្រកាន់រំលោភនារីម្នាក់ និងការប៉ុនប៉ងមួយករណីផ្សេងទៀតឡើយ។ Benjamin Mendy ធ្លាប់ជាខ្សែការពារដែលមានតម្លៃថ្លៃបំផុតនៅពេល Manchester City ទិញយកពី Monaco ក្នុងតម្លៃ ៥២ លានផោនកាលពីឆ្នាំ ២០១៧។ ក្នុងការមកដល់ City ដំបូង Manchester City បានឈ្នះពាន English Premier League រដូវកាលដំបូងតែម្តង មុនពេលមានឈ្មោះជាមួយក្រុមជម្រើសជាតិបារាំងឈ្នះជើងឯក World Cup ២០១៨ នៅរុស្ស៊ី។ ឈានមកដល់ឆ្នាំ ២០២១ Mendy លេងប្រកួតចុងក្រោយឱ្យ City ទល់នឹង Spurs នៅខែសីហា មុនពេលត្រូវបានឃាត់ខ្លួនក្នុងខែសីហានោះ ក្រោមការចោទប្រកាន់ពីបទរំលោភ និងជាប់ពន្ធនាគារ ៥ខែ។ ជុំវិញការចោទប្រកាន់ទៅលើ Mendy នេះដែរ ក្រុមអ្នកវិភាគបាល់ទាត់ បានចោទសួរពីការទទួលខុសត្រូវ នៅពេលកីឡាករបាល់ទាត់ម្នាក់ត្រូវបានចោទប្រកាន់ ឈានដល់ជាប់ពន្ធនាគារ ខកខានពីការប្រកួត ហើយចុងក្រោយបែជា ជ្រះស្រឡះថាមិនមានរឿងអ្វីសោះ។ ក្លិបបាល់ទាត់បារាំង Lorient បញ្ចប់រដូវកាលមុននៅចំណាត់ថ្នាក់លេខ ១០ ក្របខណ្ឌបារាំង Ligue 1 នឹងជួបជាមួយ Bournemouth នៅថ្ងៃទី ៥ ខែសីហាខាងមុខលក្ខណៈមិត្តភាព មុនចាប់ផ្តើមរដូវកាលថ្មីជួប Paris Saint Germain នៅថ្ងៃទី ១៣ ខែសីហា៕ អត្ថបទ៖នាង សុភាវុធ

Van der Beek ស៊ុតគ្រាប់ជ័យជំនះឱ្យ Man United ក្នុងជំនួបមិត្តភាពលើ Lyon តែមិនច្បាស់ពីអនាគតរបស់ខ្លួន

ខ្សែបម្រើហូឡង់ Donny van der Beek គឺជាអ្នកស៊ុតបញ្ចូលទីគ្រាប់ជ័យជំនះឱ្យ Manchester United លើ Lyon ក្នុងជំនួបមិត្តភាព Pre-Season នៅទឹកដីស្កុតឡេន តែបាននិយាយក្រោយចប់ការប្រកួតថា គេមិនច្បាស់ពីអនាគតរបស់ខ្លួនឡើយនៅពេលនេះ។កីឡាករវ័យ ២៦ ឆ្នាំរូបនេះ មិនអាចរកទម្រង់លេងកំពូលរបស់ខ្លួនឡើយតាំងពីផ្លាស់មក Old Trafford តម្លៃ ៣៥ លានផោនកាលពីខែកញ្ញាឆ្នាំ ២០២០ ពី Ajax តែក៏ធ្លាប់ត្រូវបញ្ចេញឱ្យ Everton ខ្ចីកាលពីឆ្នាំ ២០២២ មុនត្រលប់មកវិញពាក់កណ្តាលរដូវកាលមុន ហើយក៏មានរបួសជង្គង់។ក្រោយចប់ការប្រកួត Van der Beek បាននិយាយថា ពិបាកនិយាយថាអនាគតរបស់គេនៅឯណា នេះជាការវិលត្រលប់ក្រោយជាពីរបួស ហើយក៏ត្រូវការពេលវេលាច្រើនទៀត ដើម្បីសម្រួចសមត្ថភាព និងកាយសម្បទា។ Manchester United នៅសល់ការប្រកួតមិត្តភាព Pre-Season ៦ ប្រកួតទៀត មុនរដូវកាលថ្មីចាប់ផ្តើមរួមមានជួប Arsenal, Wrexham, Real Madrid, Dortmund, Lens និង Athletic Bilbao មុនចាប់ផ្តើមសប្តាហ៍ទី ១ Premier League ជួប Wolverhampton នៅថ្ងៃទី ១៥ ខែសីហាខាងមុខ៕ អត្ថបទ៖ នាង សុភាវុធ

Manchester City ព្រមព្រៀងជាមួយ Al-Ahli តម្លៃ ៣០លានផោនក្នុងការផ្ទេរ Riyad Mahrez

ក្រុមជើងឯកបីពានរដូវកាលមុន Manchester City បានឈានដល់កិច្ចព្រមព្រៀងជាមួយក្លិបអារ៉ាប៊ីសាអ៊ូឌីត Al-Ahli ហើយក្នុងការផ្ទេរខ្សែបម្រើស្លាបអាល់ហ្សេរី Riyad Mahrez។កីឡាករវ័យ ៣២ ឆ្នាំរូបនេះបានទទួលការអនុញ្ញាតមិនរួមក្រុមធ្វើឱ្យដំណើរទៅកាន់ទឹកដីជប៉ុន និងកូរ៉េ ក្នុងការប្រកួតមិត្តភាព Pre-Season របស់ Manchester City។Riyad Mahrez នៅសល់កិច្ចសន្យា ២ ឆ្នាំទៀតជាមួយ Manchester City។ Mahrez បានមកកាន់ City កាលពីឆ្នាំ ២០១៨ តម្លៃ ៦០ លានផោនផ្ទេរពី Leicester City ខណៈរដូវកាលមុនបង្ហាញខ្លួនបាន ៤៧ ប្រកួតរកបាន ១៥ គ្រាប់ជួយ Manchester City ឈ្នះពាន ៣ ក្នុងមួយរដូវកាល៕ អត្ថបទ៖ នាង សុភាវុធ

Liverpool និង Al-Ettifaq ព្រមព្រៀងតម្លៃ ១២ លានផោនក្នុងការផ្ទេរ Jordan Henderson ហើយ

ក្លិបបាល់ទាត់ហង្សក្រហម Liverpool និង Al-Ettifaq បានឈានដល់កិច្ចព្រមព្រៀងនឹងគ្នាតម្លៃ ១២ លានផោន ហើយក្នុងការផ្ទេរខ្សែបម្រើអង់គ្លេស Jordan Henderson ទៅកាន់ទឹកដីអារ៉ាប៊ីសាអ៊ូឌីត។Henderson បានធ្វើដំណើរជាមួយ Liverpool ទៅទឹកដីអាល្លឺម៉ង់ក្នុងជំនួបមិត្តភាពយកឈ្នះ Karlsruher ៤-២ យប់មិញ តែមិនបានចូលលេងឡើយ។ កីឡាករវ័យ ៣៣ ឆ្នាំរូបនេះនៅសល់កិច្ចសន្យាជាមួយ Liverpool ២ ឆ្នាំទៀត។ អតីតប្រធានក្រុម Liverpool, Steven Gerrard ទើបតែត្រូវបានតែងតាំងជាអ្នកចាត់ការ Al-Ettifaq។ Jordan Henderson ផ្លាស់មកកាន់ Liverpool កាលពីខែមិថុនាឆ្នាំ ២០១១ ក្នុងតម្លៃ ២០ លានផោនពី Sunderland បង្ហាញខ្លួនសរុប ៤៩១ ប្រកួតរកបាន ៣៣ គ្រាប់ និង ៥៨ បាល់បញ្ជូន ជួយ Liverpool ឈ្នះជើងឯក UEFA Champions League, English Premier League, FA Cup, League Cup, UEFA Super Cup និង FIFA Club World Cup ផងដែរ។ Liverpool កាលពីសប្តាហ៍មុនក៏ព្រមព្រៀងបញ្ចេញខ្សែបម្រើប្រេស៊ីល Fabinho ៤០ លានផោនទៅកាន់ Al-Ittihad ផងដែរ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

ទីបំផុត Jonas Vingegaard អាចការពារជើងឯកប្រណាំងកង់ Tour de France បាន

ប្រេស៊ីលប្រកាសពន្យាពេលចូលធ្វើការ ឱ្យប្រជាជនអាចមើលការប្រកួតបាល់ទាត់នារីពិភពលោក

Benjamin Mendy ទទួលបានកិច្ចសន្យាលេងឱ្យក្លិបបារាំង Lorient ក្រោយជ្រះស្រឡះរឿងក្តីចាប់រំលោភ

Van der Beek ស៊ុតគ្រាប់ជ័យជំនះឱ្យ Man United ក្នុងជំនួបមិត្តភាពលើ Lyon តែមិនច្បាស់ពីអនាគតរបស់ខ្លួន

Manchester City ព្រមព្រៀងជាមួយ Al-Ahli តម្លៃ ៣០លានផោនក្នុងការផ្ទេរ Riyad Mahrez

Liverpool និង Al-Ettifaq ព្រមព្រៀងតម្លៃ ១២ លានផោនក្នុងការផ្ទេរ Jordan Henderson ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាត​ពិន្ទុ​នាំមុខ​ក្នុងតារាងជើងឯកពិភពលោក

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

ទីបំផុត Jonas Vingegaard អាចការពារជើងឯកប្រណាំងកង់ Tour de France បាន

ប្រេស៊ីលប្រកាសពន្យាពេលចូលធ្វើការ ឱ្យប្រជាជនអាចមើល​ការប្រកួតបាល់ទាត់​នារីពិភពលោក

Benjamin Mendy ទទួលបានកិច្ចសន្យាលេងឱ្យក្លិបបារាំង Lorient ក្រោយ​ជ្រះស្រឡះ​រឿងក្តីចាប់រំលោភ

Van der Beek ស៊ុតគ្រាប់ជ័យជំនះឱ្យ Man United ក្នុងជំនួបមិត្តភាពលើ Lyon តែមិនច្បាស់ពីអនាគតរបស់ខ្លួន

Manchester City ព្រមព្រៀងជាមួយ Al-Ahli តម្លៃ ៣០លានផោនក្នុងការផ្ទេរ Riyad Mahrez

Liverpool និង Al-Ettifaq ព្រមព្រៀងតម្លៃ ១២ លានផោនក្នុងការផ្ទេរ Jordan Henderson ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក

ប្រេស៊ីលប្រកាសពន្យាពេលចូលធ្វើការ ឱ្យប្រជាជនអាចមើលការប្រកួតបាល់ទាត់នារីពិភពលោក

Benjamin Mendy ទទួលបានកិច្ចសន្យាលេងឱ្យក្លិបបារាំង Lorient ក្រោយជ្រះស្រឡះរឿងក្តីចាប់រំលោភ