BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ស្លាប់ពីរនាក់ក្នុងការហេតុការណ៍បាញ់បោះនៅទីក្រុង Auckland មុន World Cup នារីចាប់ផ្តើម

មានហេតុការបាញ់បោះមួយនៅកណ្តាលទីក្រុង Auckland នៃប្រទេសនូវេស៊ីឡង់ បណ្តាលឱ្យមានមនុស្ស ២នាក់ស្លាប់ ខណៈដែលព្រឹត្តិការណ៍បាល់ទាត់នារីពិភពលោកនឹងចាប់ផ្តើមនៅថ្ងៃនេះ។ មនុស្ស ៦ នាក់ផ្សេងទៀតរួមជាមួយនឹងមន្ត្រីមានសមត្ថកិច្ចបានរងរបួស ខណៈដែលជនបង្ករហេតុក៏បានបាត់បង់ជីវិតផងដែរ ក្នុងការប៉ះទង្គិចមួយប្រដាប់អាវុធនៅតំបន់ការដ្ឋានសាងសង់មួយកន្លែងនៅកណ្តាលទីក្រុង Auckland។មន្រ្តីមានសមត្ថកិច្ចថា ហេតុការនេះមិនមានពាក់ព័ន្ធនឹងរឿងភេវរកម្មឡើយ តែនឹងមានការស៊ើបអង្កេតបន្ថែមទៀត និងមានការពង្រាយកំលាំងការពារបន្ថែមទៀត។ មិនមានផលប៉ះពាល់អ្វីដល់ក្រុមបាល់ទាត់ និងប្រតិភូឡើយ ដោយក្នុងហេតុការណ៍នោះមានតែអ្នកចាត់ការទូទៅក្រុមបាល់ទាត់នារីអាមេរិកប៉ុណ្ណោះនៅក្បែនោះ តែមិនមានគ្រោះថ្នាក់អ្វីឡើយ។ ការប្រកួតបាល់ទាត់នារីពិភពលោកនឹងចាប់ផ្តើមនៅថ្ងៃព្រហស្បតិ៍នេះវេលាម៉ោង ២ រសៀលនេះដែលជាជំនួបរវាង ម្ចាស់ផ្ទះនូវេស៊ីឡង់ និងន័រវេសនៅកីឡដ្ឋាន Eden Park៕ អត្ថបទ៖ នាង សុភាវុធ

Jordi Alba នឹងផ្លាស់ទៅ Inter Miami រួមជាមួយ Messi និង Busquet ដែរ

ក្លិបបាល់ទាត់អាមេរិក Inter Miami នឹងនាំយកខ្សែការពារ Barcelona មួយរូបទៀត គឺខ្សែការពារឆ្វេងអេស្ប៉ាញ Jordi Alba មករួមក្លិបជាមួយ Lionel Messi និង Busquet នេះបើតាមការលើកឡើងរបស់ប្រធានក្លិបលោក Jorge Mas។លោក Jorge Mas បាននិយាយថា កីឡាករវ័យ ៣៤ ឆ្នាំរូបនេះបានចុះហត្ថលេខារួចរាល់ជាមួយ Inter Miami ហើយក៏នឹងបង្ហាញខ្លួននៅពេលប្រកួតជាមួយ Atlanta នៅថ្ងៃអង្គារសប្តាហ៍ក្រោយ។ Jordi Alba ដែលបានចាកចេញពី Barcelona ក្រោយចប់រដូវកាលមុន បានចំណាយពេល ១០ ឆ្នាំជាមួយក្លិបយក្សអេស្ប៉ាញ ដែលរួមមានការបង្ហាញខ្លួនសរុប ៤៥៩ ប្រកួតរកបាន ២៧ គ្រាប់ឈ្នះពាន La Liga ៦ លើក និង UEFA Champions League នៅឆ្នាំ ២០១៥។ Jordi Alba នឹងចូលរួមជាមួយមិត្តចាស់នៅ Barcelona ទាំងពីរនាក់គឺ Messi និង Busquet ដែលអ្នកទាំងពីរសុទ្ធតែបានចុះហត្ថលេខាលេងឱ្យ Inter Miami ដល់ឆ្នាំ ២០២៥៕ អត្ថបទ៖នាង សុភាវុធ

Jonas Vingegaard កាន់តែកៀកក្នុងការការពារជើងឯក Tour de France ក្រោយនាំមុខដាច់ជាង ៧នាទី

កីឡាករប្រណាំងកង់ដាណឹម៉ាក Jonas Vingegaard កាន់តែកៀកក្នុងការការពារតំណែងជើងឯកប្រណាំងកង់ Tour de France ហើយ បន្ទាប់ពីពន្លាតការនាំមុខក្នុងតារាងរួមដល់ទៅជាង ៧ នាទី។កីឡាកររបស់ក្រុម Jumbo-Visma រូបនេះធ្វើបានយ៉ាងល្អនៅចំណុចឡើងភ្នំចុងក្រោយ នៃដំណាក់កាល ផ្ទុយពីគូប្រជែងកីឡាករស្លូវេនី Tadej Pogacar ដែលមានបញ្ហា។ ដំណាក់កាលទី ១៧ ដែលមានចំងាយផ្លូវ ១៦៦ គីឡូម៉ែត្រ កីឡាករអូទ្រីស Felix Gall របស់ក្រុម Citroen ទេ ដែលមកដល់ទីព្រ័ត្រមុនគេប្រើពេល ៤ ម៉ោង ៤៩ នាទី ៨ វិនាទី តាមពីក្រោយដោយកីឡាករអង់គ្លេស Simon Yates ៣៤ វិនាទី និងលេខ ៣ កីឡាករអេស្ប៉ាញ Pello Bilbao ខណៈលេខ ៤ គឺ Jonas Vingegaard។ក្រោយ ១៧ ដំណាក់កាលនេះ Jonas Vingegaard បានពន្លាតការនាំមុខក្នុងតារាងរួមពីលើ Tadej Pogacar ដល់ទៅ ៧ នាទី ៣៥ វិនាទី និងដាច់អ្នកលេខ ៣ Adam Yates ជាង ១០ វិនាទីទៀតខណៈការប្រកួតនៅសល់ត្រឹម ៤ ដំណាក់កាលទៀតប៉ុណ្ណោះនឹងបញ្ចប់។ សម្រាប់ដំណាក់កាលទី ១៨ ថ្ងៃព្រហស្បតិ៍នេះមានចំងាយផ្លូវ ១៨៥ គីឡូម៉ែត្រ៕ អត្ថបទ៖ នាង សុភាវុធ

មនុស្ស៣នាក់ស្លាប់ ក្នុងការបាញ់ប្រហារនៅទីក្រុងអូកលែន ប្រទេសនូវ៉ែលហ្សេឡង់ មុនចាប់ផ្ដើមព្រឹត្តិការណ៍ World Cup

នូវ៉ែលហ្សេឡង់៖ មនុស្ស២នាក់ និងខ្មាន់កាំភ្លើងម្នាក់បានស្លាប់និង៦នាក់ផ្សេងទៀតរងរបួសក្នុងការបាញ់ប្រហារមួយ នៅឯទីតាំងសំណង់មួយកន្លែង ក្នុងទីក្រុងធំបំផុតអូកលែន(Auckland) របស់ប្រទេសនូវ៉ែលហ្សេឡង់ នៅថ្ងៃព្រហស្បតិ៍នេះ ប៉ុន្មានម៉ោងមុន បើកការប្រកួតពានរង្វាន់ World Cup បាល់ទាត់ស្ត្រី ក្នុងទីក្រុងនេះ ។លោកនាយករដ្ឋមន្ត្រី គ្រីស ហ៊ីប គីនស៍ (Chris Hipkins) បាននិយាយថាការប្រកួត នឹងដំណើរតាមផែនការដោយបន្ថែមថា ការបាញ់ប្រហារនេះ ទំនងជាទង្វើរបស់បុគ្គលម្នាក់ប៉ុណ្ណោះ ហើយថា នគរបាលពុំបានស្រាវជ្រាវរកអ្នកណាម្នាក់ជាប់ពាក់ព័ន្ធក្នុងឧបទ្ទវហេតុនេះទេ។ លោក Hipkins បាននិយាយអំឡុងសន្និសីទសារព័ត៌មានតាមទូរទស្សន៍ថា ពុំត្រូវបានកំណត់ពីសកម្មភាពពាក់ព័ន្ធនយោបាយ ឬ មនោគមន៍វិជ្ជាចំពោះការបាញ់ប្រហារនេះ ទេ និងពុំបានបង្កហានីភ័យដល់សន្តិសុខជាតិឡើយ ។ នគរបាលនិយាយថា ខ្មាន់ប្រដាប់អាវុធប្រដាប់ដោយកាំភ្លើងវែងមួយដើមដែលបានដើចូលទៅក្នុងអគារ ហើយបន្ទាប់ពីឡើងដល់ជាន់ខាងលើ បានជាប់ខ្លួននៅក្នុងជណ្តើរយន្ត។ នគរបាលបាននិយាយថា មានការបាញ់បោះ ជាច្រើនបន្ថែមទៀត ចេញពីបុរសរូបនេះ ហើយ ក្រោយមកត្រូវបានរកឃើញសាកសពរបស់ខ្មាន់កាំភ្លើងរូបនេះ។ការបាញ់ប្រហារនេះ បានកើតឡើងនៅក្បែរកន្លែងស្នាក់នៅរបស់ក្រុមកីឡាករមួយចំនួន ។ ពួកគេមួយចំនួនបានសរសេរនៅលើបណ្ដាញសង្គមថា ពួកគេមានសុវត្ថិភាពទេ៕

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

ខ្សែប្រយុទ្ធក្លិបបាល់ទាត់ Al-Nassr, Cristiano Ronaldo បានបញ្ជាក់ថា លីគបាល់ទាត់ដែលគេកំពុងប្រកបអាជីព គឺលីគបាល់ទាត់អារ៉ាប៊ីសាអ៊ូឌីត Saudi Pro League មានគុណភាពល្អជាងលីគបាល់ទាត់អាមេរិក Major League Soccer។ ការលើកឡើងបែបនេះ គឺមួយថ្ងៃប៉ុណ្ណោះបន្ទាប់ពី Lionel Messi ផ្លាស់ទៅលេងនៅ Inter Miami ផ្លូវការ។ Messi កន្លងមក បានទទួលសំណើដែលមានតម្លៃដ៏សម្បើមមួយផ្ទេរមកកាន់អារ៉ាប៊ីសាអ៊ូឌីត តែម្ចាស់ជយលាភី World Cup ២០២២ រូបនេះបែជាសំរេចចិត្តផ្លាស់ទៅលេងលីគអាមេរិកជំនួសវិញ។ Ronaldo បាននិយាយថា ត្រឹមរយៈពេលមួយឆ្នាំកីឡាករល្បីៗមកពីអឺរ៉ុបជាច្រើនបានផ្លាស់មកកាន់ទីនេះ ហើយឆ្នាំបន្តបន្ទាប់ទៀត អ្នកទាំងអស់គ្នានឹងឃើញមានកីឡាករពីអឺរ៉ុបផ្លាស់មកមជ្ឈឹមបូព៌ាកាន់តែច្រើន។ អតីតខ្សែប្រយុទ្ធ Real Madrid រូបនេះបន្ថែមទៀតថា គេនឹងមិនវិលទៅអឺរ៉ុបវិញឡើយ ជាក់ស្តែងលីគបាល់ទាត់នៅអឺរ៉ុបកំពុងធ្លាក់ចុះ លើកលែងតែ Premier League មួយដែលតែងតែឈានមុខគេជានិច្ច។Cristiano Ronaldo បានចុះហត្ថលេខា ២ ឆ្នាំលេងឱ្យ Al-Nassr ក្រោយចាកចេញពី Manchester United ពេញដោយរឿងចម្រូងចម្រាស។ បន្ទាប់ពីការមកដល់របស់ Ronaldo គេសង្កេតឃើញមានការផ្ទេរជាច្រើនទៀតពីអឺរ៉ុបមកកាន់អារ៉ាប៊ីសាអ៊ូឌីតដូចជា Karim Benzema, N’Golo Kante, Kalidou Koulibaly, Edouard Mendy និង Roberto Firmino ជាដើម៕ អត្ថបទ៖នាង សុភាវុធ

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

ខ្សែប្រយុទ្ធអង់គ្លេស Marcus Rashford បានចុះហត្ថលេខាបន្តកិច្ចសន្យានៅជាមួយក្រុមបិសាចក្រហម Manchester United ដល់ឆ្នាំ ២០២៨ អមជាមួយការតម្លើងប្រាក់ឈ្នួលដល់ ៣២៥០០០ ផោនក្នុងមួយសប្តាហ៍។ កីឡាករវ័យ ២៥ ឆ្នាំរូបនេះ បានបើកការចរចាជាមួយក្លិបមួយរយៈចុងក្រោយនេះ ខណៈដែលកិច្ចសន្យាចាស់របស់គេនឹងអស់សុពលភាពនៅដំណាច់រដូវកាលថ្មីខាងមុខ។ Marcus Rashford មានរដូវកាលដ៏ល្អក្រោមការដឹកនាំរបស់អ្នកចាត់ការហូឡង់ Erik ten Hag រដូវកាលមុន ដែលគេឃើញកីឡាករវ័យ ២៥ ឆ្នាំរូបនេះស៊ុតបញ្ចូលទីបាន ៣០ គ្រាប់ក្នុងបង្ហាញខ្លួន ៥៦ ប្រកួត។ តាំងពីបង្ហាញខ្លួនឱ្យ Manchester United ដំបូងនៅឆ្នាំ ២០១៦ ទល់នឹង Midtjylland, Rashford ស៊ុតបញ្ចូលទីបាន ១២៣ គ្រាប់ហើយក្នុងចំណោម ៣៥៩ ប្រកួត។ ទំរង់លេងរបស់ Rashford បានឡើងខ្លាំងក្រោយពីបញ្ចប់ World Cup ពោលគឺបានស៊ុតបញ្ចូលទី១០ គ្រាប់ និងស៊ុតបញ្ចូលទីរៀងរាល់ការប្រកួតដែលចូលលេង ដែលរួមមានជួយ Manchester United លើកពាន Carabao Cup និងឈរក្នុងតំណែងលេខ ៤ នៅ Premier League មានមុខនៅ UEFA Champions League រដូវកាលក្រោយ៕ អត្ថបទ៖នាង សុភាវុធ

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

ខ្សែការពារអៀកឡង់ខាងជើងឯក Jonny Evans បានត្រលប់មកក្លិបបិសាចក្រហម Manchester United វិញ ជាមួយនឹងការចុះហត្ថលេខាលើកិច្ចសន្យាខ្លីមួយ។ កីឡាករវ័យ ៣៥ ឆ្នាំដែលចាកចេញពី Leicester City ក្រោយចប់រដូវកាលមុននោះ ទទួលបានកិច្ចសន្យាខ្លីនេះ បន្ទាប់ពីទទួលបានការចាប់អារម្មណ៍ពីអ្នកចាត់ការ Erik ten Hag អំឡុងការហ្វឹកហាត់។ កិច្ចសន្យាខ្លីនេះនឹងអាចឱ្យ Jonny Evans ចូលលេង Pre-Season ពេល Manchester United ជួប Lyon នៅទឹកដីស្កុតឡេន និង Wrexham នៅទឹកដីអាមេរិក។ Jonny Evans ធ្លាប់បង្ហាញខ្លួន ១៩៨ លើកឱ្យ Manchester United មុនពេលចាកចេញនៅឆ្នាំ ២០១៥ និងធ្លាប់ឈ្នះជើងឯក English Premier League ៣ លើក និង UEFA Champions League ផងដែរ៕ អត្ថបទ៖នាង សុភាវុធ

Brighton បដិសេធសំណើ ៧០ លានផោនពី Chelsea ចង់បាន Moises Caicedo

ក្លិបបាល់ទាត់ Brighton បានបដិសេធសំណើលើកទី ២ របស់ Chelsea ដែលមានតម្លៃ ៧០ លានផោនក្នុងការ ចង់បានខ្សែបម្រើ Moises Caicedo ទៅកាន់ Stamford Bridge។ខ្សែបម្រើក្រុមជម្រើសជាតអេក្វាដ័ររូបនេះ ធ្លាប់ស្នើសុំចាកចេញពីក្លិបកាលពីខែមករា នៅពេលទទួលបានសំណើទិញពីកាំភ្លើងធំ Arsenal តែក្រោយមកក៏បន្តកិច្ចសន្យាថ្មីជាមួយ Brighton ដល់ឆ្នាំ ២០២៧។យ៉ាងណាក្តី កីឡាករវ័យ ២១ ឆ្នាំរូបនេះនៅតែស្ថិតក្នុងចំណាប់អារម្មណ៍ពីក្លិបធំៗនៅ Premier League ខណៈ Chelsea កំពុងឈានមុខគេនៅពេលនេះ។រំលឹកថា Moises Caicedo បានផ្លាស់ពីក្លិបអេក្វាដ័រ Independiente del Valle ក្នុងតម្លៃត្រឹម ៤.៥ លានផោនប៉ុណ្ណោះកាលពីខែកុម្ភៈឆ្នាំ ២០២១ តែក៏ត្រូវបានបញ្ចេញឱ្យក្លិបនៅប៊ែលហ្ស៊ិកខ្ចី។ Caicedo ត្រូវបានកោះហៅត្រលប់មកវិញនៅខែមករាឆ្នាំ ២០២២ និងបានបង្ហាញខ្លួនឱ្យ Brighton តាំងពីពេលនោះមកបង្ហាញខ្លួនបាន ៥៣ លើករកបានពីរគ្រាប់៕ អត្ថបទ៖នាង សុភាវុធ

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

ប្រសិនការប្រកួតរបស់ Bayern Munich ខ្លាំងបែបនេះប្រហែលក្រុមជើងឯកអាល្លឺម៉ង់មួយនេះ មិនត្រូវការខ្សែប្រយុទ្ធអង់គ្លេស Harry Kane ឡើយ បន្ទាប់ពីយកឈ្នះក្រុមក្នុងស្រុក Rottach-Egern ដល់ទៅ ២៧-០ ក្នុងជំនួបមិត្តភាព Pre-Season។ ក្នុងចំណោម ២៧ គ្រាប់នេះ មានកីឡាករដល់ទៅ ១៣ នាក់ស្ថិតក្នុងបញ្ជីអ្នកស៊ុតចូល ខណៈដែលកីឡាករ ៣ នាក់ស៊ុតបាន ៥ គ្រាប់ម្នាក់ឯងរួមមាន Jamal Musiala, Mathys Tel និង Marcel Sabitzer។ ត្រឹមវគ្គទី ១ ប៉ុណ្ណោះ Bayern Munich នាំមុខ ១៨-០ មុនបន្ថែម ៩ គ្រាប់ទៀតនៅវគ្គទី ២។ អ្នកស៊ុតបញ្ចូលទីផ្សេងទៀតរួមមាន Serge Gnabry ៣ គ្រាប់ម្នាក់ឯង ក្រៅពីនោះមាន Alphonso Davies, Konrad Laimer, Noussair Mazraoui, Dayot Upamecano, Leroy Sane, Raphael Guerreiro, Ryan Gravenbach, Kingsley Coman និង Sadio Mane រកបានម្នាក់មួយគ្រាប់។ Bayern Munich ដែលកំពុងមានទំនាក់ទំនងទិញ Harry Kane ពី Spurs នោះ ក៏ធ្លាប់ឈ្នះក្រុមដដែលនេះ ២៣-០ ដែលកាលពីឆ្នាំ ២០១៩៕ អត្ថបទ៖នាង សុភាវុធ

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

ក្លិបបាល់ទាត់ជើងឯកអាល្លឺម៉ង់ច្រើនជាងគេ Bayern Munich បានសម្រេចផ្លូវការ ក្នុងការនាំយកខ្សែការពារកូរ៉េ Kim Min-jae ពីក្លិបជើងឯកអ៊ីតាលី Napoli ជាមួយនឹងកិច្ចសន្យា ៥ឆ្នាំ។កីឡាករវ័យ ២៦ ឆ្នាំរូបនេះ គឺជាកំលាំងស្នូលដ៏សំខាន់នៃការបញ្ចប់ការទន្ទឹងរង់ចាំ ៣៣ ឆ្នាំរបស់ Napoli ក្នុងការឈ្នះជើងឯកអ៊ីតាលី Serie A រដូវកាលមុន។ Kim ត្រូវបានជ្រើសរើសជាខ្សែការពារឆ្នើមបំផុតប្រចាំរដូវកាលមុន តាមរយៈការបង្ហាញខ្លួន ៣៥ លើកក្នុងលីគ នៃរដូវកាលដំបូងរបស់ខ្លួនជាមួយ Napoli។ក្រុមរបស់លោក Thomas Tuchel បានគ្រងជើងឯក Bundesliga រដូវកាលមុន តាមរយៈគ្រាប់បាល់ចំណេញប៉ុណ្ណោះ ខណៈដែលអតីតអ្នកចាត់ការ Chelsea រូបនេះ កំពុងព្យាយាមនាំយកខ្សែប្រយុទ្ធអង់គ្លេស Harry Kane មកបំពេញចន្លោះខ្វះខាតនៅតំបន់ប្រយុទ្ធ ចាប់តាំងពីការចាកចេញរបស់ Robert Lewandowski។ រំលឹកថា Kim បានចាប់ផ្តើមអាជីពបាល់ទាត់របស់ខ្លួនលេងនៅក្លិបមួយនៅក្របខណ្ឌទី ៣ របស់កូរ៉េ មុនពេលឈានឡើងមកលេងនៅលីគកំពូលកូរ៉េ និងបន្តដំណើរទៅលីគចិន និងអឺរ៉ុប៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ស្លាប់ពីរនាក់ក្នុងការហេតុការណ៍បាញ់បោះនៅទីក្រុង Auckland មុន World Cup នារីចាប់ផ្តើម

Jordi Alba នឹងផ្លាស់ទៅ Inter Miami រួមជាមួយ Messi និង Busquet ដែរ

Jonas Vingegaard កាន់តែកៀកក្នុងការការពារជើងឯក Tour de France ក្រោយនាំមុខដាច់ជាង ៧នាទី

មនុស្ស៣នាក់ស្លាប់ ក្នុងការបាញ់ប្រហារនៅទីក្រុងអូកលែន ប្រទេសនូវ៉ែលហ្សេឡង់ មុនចាប់ផ្ដើមព្រឹត្តិការណ៍ World Cup

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

Brighton បដិសេធសំណើ ៧០ លានផោនពី Chelsea ចង់បាន Moises Caicedo

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ស្លាប់ពីរនាក់ក្នុងការហេតុការណ៍បាញ់បោះនៅទីក្រុង Auckland មុន World Cup នារីចាប់ផ្តើម

Jordi Alba នឹងផ្លាស់ទៅ Inter Miami រួមជាមួយ Messi និង Busquet ដែរ

Jonas Vingegaard កាន់តែកៀកក្នុងការការពារជើងឯក Tour de France ក្រោយនាំមុខ​ដាច់ជាង ៧នាទី

មនុស្ស៣នាក់ស្លាប់ ក្នុងការបាញ់ប្រហារនៅទីក្រុងអូកលែន ប្រទេសនូវ៉ែលហ្សេឡង់ មុនចាប់ផ្ដើមព្រឹត្តិការណ៍ World Cup

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

Brighton បដិសេធសំណើ ៧០ លានផោនពី Chelsea ចង់បាន Moises Caicedo

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Jonas Vingegaard កាន់តែកៀកក្នុងការការពារជើងឯក Tour de France ក្រោយនាំមុខដាច់ជាង ៧នាទី