BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Gundogan៖ ការផ្លាស់ទៅកាន់ Barcelona គឺដើម្បីចែករំលែកបទពិសោធដល់កីឡាករវ័យក្មេង

ខ្សែបម្រើអាល្លឺម៉ង់ Ilkay Gundogan បានបង្ហាញខ្លួនផ្លូវការនៅចំពោះមុខអ្នកសារព័ត៌មាន ជាកីឡាកររបស់ក្លិប អេស្ប៉ាញ FC Barcelona។ កីឡាករជម្រើសជាតិអាល្លឺម៉ង់វ័យ ៣២ ឆ្នាំរូបនេះ បានបង្ហាញខ្លួននៅទីលានហ្វឹកហាត់របស់ក្លិបនៅថ្ងៃចន្ទម្សិលមិញក្រោយចុះហត្ថលេខា ២ ឆ្នាំ បន្ទាប់ពីចាកចេញពី Manchester City។ នៅពេលត្រូវបានអ្នកសារព័ត៌មានសួរពីមូលហេតុនៃការផ្លាស់មកកាន់ Barcelona, Ilkay Gundogan បានឱ្យដឹងថា ការសម្រេចមកកាន់ទីនេះគឺជាការសម្រេចមិនពិបាកឡើយ នៅទីនេះមានកីឡាករដែលលេងតួនាទីដូចរូបគេច្រើនដែលមានទេពកោសលដូចជា Gavi, Pedri និង Luuk de Jong ជាដើម ហើយសង្ឃឹមថាគេនឹងអាចយកបទពិសោធក្រាសក្រែលរបស់ខ្លួនដើម្បីចែករំលែងដល់ពួកគេ។ ក្រោមការដឹកនាំរបស់ Pep Guardiola នៅ Manchester City, Gundogan រំពឹងថាការមកកាន់ Barcelona នឹងអាចសម្របខ្លួនដោយងាយតាមរយៈរបៀបលេងក្រោមការដឹកនាំរបស់អ្នកចាត់ការ Xavi Hernandez ដែលធ្លាប់រួមការយ៉ាងជិតស្និតជាមួយ Pep Guardiola។រំលឹកថាខ្សែបម្រើជាម្រើសជាតិអាល្លឺម៉ង់រូបនេះ បានផ្លាស់មកកាន់ Manchester City នៅឆ្នាំ ២០១៦ ក្នុងផ្ទេរ ២០ លានផោនពី Borussia Dortmund និងបានបង្ហាញខ្លួនមកទល់ពេលនេះសរុប ៣០៤ ប្រកួតរកបាន ៦០ គ្រាប់ ជាពិសេសគឺរដូវកាលចុងក្រោយដែលគេបង្ហាញខ្លួន ៥១ ប្រកួតរកបាន ១១ គ្រាប់ជួយ Manchester City ឈ្នះពានបីក្នុងមួយរដូវកាលរួមមាន English Premier League, FA Cup និង UEFA Champions League៕ អត្ថបទ៖ នាង សុភាវុធ

ជើងឯកប្រណាំងម៉ូតូ GP ពិភពលោក ៨ សម័យ Valentino Rossi ឈ្នះការប្រណាំងរថយន្ត GT នៅអ៊ីតាលី

ជើងឯកប្រណាំងម៉ូតូ GP ពិភពលោក ៩សម័យ កីឡាករអ៊ីតាលី Valentino Rossi រកបានជ័យជំនះដំបូងរបស់ខ្លួននៅក្នុងព្រឹត្តិការណ៍ប្រណាំងរថយន្ត GT World Challenge Europe Race នៅលើទីលាន Misano ទឹកដីអ៊ីតាលី ដែលជាទឹកដីកំណើត។Valentino Rossi និងមិត្តរួមក្រុម WRT BMW, Maxime Martin បានធ្វើការប្រណាំងជុំទី ២ នៃការប្រកួតរដូវកាលនេះពានរង្វាន់ Sprint Cup ដែលជាព្រឹត្តិការណ៍របស់ GT World Challenge Europe Race។នេះជាជ័យជំនះដំបូង និងធំបំផុតសម្រាប់ Valentino Rossi ចាប់តាំងពីចាកចេញពីអាជីពកាន់ចង្កូតម៉ូតូ មកកាន់ចង្កូតឡាន។ជ័យជំនះនេះដែថ ក៏បានធ្វើឱ្យ Valentino Rossi ឡើងឈរលេខ ២ ក្នុងតារាងជើងឯក។ រំលឹកថាកីឡាករវ័យ ៤៤ ឆ្នាំរូបនេះបានប្រកាសចូលនិវត្តន៍ពីអាជីពប្រណាំងម៉ូតូនៅឆ្នាំ ២០២១។ មុនចូលនិវត្តន៍ Rossi ក៏ធ្លាប់បានឆ្លៀតពេលចូលរួមការប្រកួតប្រណាំងរថយន្តមួយចំនួនដែរដូចជា Gulf 12 Hours នៅឆ្នាំ ២០១៩ និង ២០២០ មុនពេលឈានជើងចូលផ្លូវការប្រណាំងឱ្យក្រុម WRT នៅ GT World Challenge Europe Race នៅឆ្នាំ ២០២២៕ អត្ថបទ៖នាង សុភាវុធ

Tyson Fury ប្រកាសផ្លូវការពីការឡើងសង្វៀននៅអារ៉ាប៊ីសាអ៊ូឌីតជួបអតីតជើងឯកទំងន់ធ្ងន់ UFC

ម្ចាស់ខ្សែក្រវាត់ទម្ងន់ធ្ងន់ WBC កីឡាករ Tyson Fury បានប្រកាសជាផ្លូវការក្នុងការឡើងសង្វៀនជួបជាមួយអតីតម្ចាស់ខ្សែក្រវាត់ទម្ងន់ធ្ងន់ UFC Francis Ngannou នៅអារ៉ាប៊ីសាអូឌីត នៅថ្ងៃទី ២៨ ខែតុលា ក្នុងការប្រកួតប្រើច្បាប់ប្រដាល់សកល។ តាមពិតទៅ Fury មានគំរោងជួបជាមួយកីឡាករអ៊ុយក្រែន Oleksandr Usyk ដែលជាម្ចាស់ជើងឯក IBF, IBO, WBO និង WBA ប៉ុន្តែការចរចាបរាជ័យកាលពីខែមីនា។កីឡាករវ័យ ៣៤ ឆ្នាំ Tyson Fury ខកខានមិនបានឡើងសង្វៀនប្រកួតចាប់តាំងពីការប្រកួតដែលគេអាចការពារខ្សែក្រវាត់ WBC របស់ខ្លួនបាននៅពេលយកឈ្នះនៅទឹកទី ១០ លើមិត្តរួមជាតិអង់គ្លេស Derek Chisora កាលពីខែធ្នូឆ្នាំមុន ដើម្បីបន្តស្ថិតិមិនដែលចាញ់របស់ខ្លួន។ចំណែកឯកីឡាករបារាំងកាត់កាមេរូន Francis Ngannou ត្រូវបានដកខ្សែក្រវាត់ទម្ងន់ធ្ងន់របស់ខ្លួនបន្ទាប់ពីមានជម្លោះកិច្ចសន្យាជាមួយ UFC កាលីខែមករាឆ្នាំ ២០២៣ នេះ។ កីឡាករវ័យ ៣៦ ឆ្នាំរូបនេះមានបទពិសោធប្រកួតលក្ខណៈ MMA ចំនួន ២០ លើក ឈ្នះ ១៧ ចាញ់ ៣ និងផ្តួលគូប្រកួតនៅលើសង្វៀន ១២ លើក៕ អត្ថបទ៖នាង សុភាវុធ

Messi ចុះកិច្ចសន្យាផ្លូវការ ២ ឆ្នាំលេងឱ្យក្លិបអាមេរិក Inter Miami

ខ្សែប្រយុទ្ធអាហ្សង់ទីន Lionel Messi បានចុះហត្ថលេខាផ្លូវការលើកិច្ចសន្យារយៈពេល ២ ឆ្នាំលេងឱ្យក្លិបអាមេរិក Inter Miami ដល់ឆ្នាំ ២០២៥។ម្ចាស់ជយលាភី Ballon d’Or ៧ លើកវ័យ ៣៦ ឆ្នាំរូបនេះ បានចាកចេញពីក្លិបបារាំង Paris Saint Germain ក្រោយបញ្ចប់រដូវកាលកន្លងទៅ។ ម្ចាស់ក្លិបបាល់ទាត់ Inter Miami អតីតខ្សែបម្រើក្រុមបិសាចក្រហម Manchester United, David Beckham បានហៅការមកដល់របស់ Lionel Messi ជាក្តីស្រមៃក្លាយជាការពិតរបស់លោក និងសម្រាប់អ្នកគាំទ្រ Inter Miami ក៏ដូចជាប្រជាជនអាមេរិកទាំងអស់។ Lionel Messi មិនដែលប្រកបអាជីពនៅក្រៅដីអឺរ៉ុបឡើយ តាំងពីចាកចេញពីប្រទេសកំណើត ពីក្លិបបាល់ទាត់ Newell’s Old Boys នៅឆ្នាំ ២០០០។ Messi បានឈ្នះពាន Ballon d’Or លើកទី ៧ កាលពីឆ្នាំ ២០២១ និងអាចឈ្នះម្តងទៀតឆ្នាំនេះ ក្រោយជួយអាហ្សង់ទីនលើកពាន World Cup នៅកាតាឆ្នាំមុន។ Lionel Messi បង្ហាញខ្លួនឱ្យ Paris Saint Germain សរុប ៧៥ ប្រកួតរកបាន ៣២ គ្រាប់ ខណៈរដូវកាលចុងក្រោយរបស់គេស៊ុតបញ្ចូលទីបាន ១៦ គ្រាប់ ប៉ះបញ្ជូន ១៦។ ក្នុងឱកាសបង្ហាញខ្លួនផ្លូវការរបស់ Lionel Messi នោះផងដែរ Inter Miami បានប្រកួតចាញ់ St. Louis ៣-០ ក្រោមការដឹកនាំដំបូងរបស់អតីតអ្នកចាត់ការ Barcelona, Tata Martino ខណៈ Inter Miami នៅពេលនេះលេងមិនឈ្នះសោះ ១៣ ប្រកួតចុងក្រោយ៕ អត្ថបទ៖នាង សុភាវុធ

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ខ្សែការពារកណ្តាលអង់គ្លេស Harry Maguire បានឱ្យដឹងថា តំណែងប្រធានក្រុមបិសាចក្រហម Manchester United របស់គេត្រូវបានដកដោយអ្នកចាត់ការ Erik ten Hag។កីឡាករវ័យ ៣០ ឆ្នាំរូបនេះ បានទទួលតំណែងប្រធានក្រុមតាំងពីពេល Ole Gunnar Solskjear នៅដឹកនាំនៅខែមករាឆ្នាំ ២០២០ ពោលគឺ ៥ ខែបន្ទាប់ពីទិញពី Leicester City តម្លៃ ៨០ លានផោន។ កីឡាករអង់គ្លេសរូបនេះ ក៏បានបង្ហាញអារម្មណ៍ខកចិត្តដែរ តែមិនមែនជាឧបសគ្គនៃអាជីពរបស់គេឡើយ។ Harry Maguire ដែលចាប់ផ្តើម ១១ នាក់ដំបូងរដូវកាលមុនត្រឹម ៨ លើកនៅ Premier League ត្រូវបានគេដឹងថាក្លិបញញួរធំ West Ham កំពុងចាប់អារម្មណ៍។ តំណែងការពារកណ្តាលរបស់ Harry Maguire បានបាត់បង់ បន្ទាប់ពីទំរង់លេងរបស់គេធ្លាក់ចុះខ្លាំង ស្របពេលដែលអ្នកចាត់ការ Erik ten Hag ផ្តល់ទំនុកចិត្តលើ Raphael Varane និង Lisandro Martinez ខណៈដែល Vintor Lindelof ក៏ជាជម្រើស ហើយខ្សែការពារឆ្វេង Luke Shaw អាចកណ្តាលបានដែរ។កិច្ចសន្យារបស់ Harry Maguire ជាមួយ Manchester United នៅមានសុពលភាពដល់ឆ្នាំ ២០២៥ ខណៈ West Ham ដែលទើបលក់ Declan Rice ទៅ Arsenal បាន ១០៥ លានផោននោះ រំពឹងថាអាចនាំយកអតីតខ្សែការពារ Leicester City រូបនេះមកកាន់ក្លិបនៅរដូវក្តៅនេះ៕ អត្ថបទ៖នាង សុភាវុធ

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

ម្ចាស់មេដាយមាសស៊ីហ្គេមរបស់កម្ពុជា ឈុន ប៊ុនថន នៅតែរក្សាតំណែងលេខ១ ក្នុងចំណោមអត្តពលិកអាស៊ាន ដែលចូលរួមការប្រកួតកីឡាអត្តពលិកជម្រើសជើងឯកអាស៊ី លើកទី២៥ ឆ្នាំ២០២៣ នៅប្រទេសថៃ កាលពីចុងសប្ដាហ៍កន្លងទៅ ទោះបីរូបគេ ពុំទទួលបានជយលាភីក្នុងការប្រកួតប្រចាំទ្វីបនេះក៏ដោយ ។កីឡាករមានដើមកំណើតពីខេត្តព្រៃវែងរូបនេះ បានប្រកួតលើវិញ្ញាសារត់ចម្ងាយ ៨០០ម៉ែត្រ ជាវិញ្ញាសាដែលរូបគេដណ្ដើមបានមេដាយមាសជូនជាតិ កាលពីស៊ីហ្គេម លើកទី៣២ ឆ្នាំ២០២៣ បន្ទាប់ពីខកខានការប្រកួតវិញ្ញាសារត់ចម្ងាយ ១,៥០០ម៉ែត្រ ។ក្នុងវិញ្ញាសានេះ ប៊ុនថន ប្រើប្រាស់ថិរវេលា ១នាទី និង ៥០.០៩វិនាទី គឺជាកំណត់ត្រាថ្មី និងបំបែកកំណត់ត្រាចាស់លើវិញ្ញាសាដូចគ្នា កាលពីស៊ីហ្គេម ដែលរូបគេប្រើថិរវេលា ១នាទី និង ៥២.៩១វិនាទី។ លទ្ធផលនេះដែរ បានធ្វើឲ្យកីឡាករវ័យ ៣០ឆ្នាំរូបនេះ ឈរចំណាត់ថ្នាក់លេខ៥ ក្នុងវគ្គជម្រុះ(Heat) និងឈរចំណាត់ថ្នាក់លេខ១១ ក្នុងចំណោមអត្តពលិកអាស៊ី ។ប៉ុន្ដែបើក្រឡេកមកចាប់អារម្មណ៍ ក្នុងចំណោមអត្តពលិកអាស៊ីអាគ្នេយ៍ ដែលចូលរួមការប្រកួតជើងឯកអាស៊ីនេះ ផ្អែកលើលទ្ធផលបច្ចេកទេសជារួម ម្ចាស់មេដាយមាសស៊ីហ្គេមរបស់កម្ពុជារូបនេះ នៅតែរក្សាតំណែងលេខ១ ដដែល ដ្បិតក្នុងការប្រកួតនេះ គេក៏មានកីឡាករវៀតណាម ម៉ាឡេស៊ី និងទីម័រខាងកើតចូលរួមប្រកួតផងដែរ ។សូមបញ្ជាក់ថា ការប្រកួតកីឡាអត្តពលកម្មជ្រើសរើសជើងឯកអាស៊ី លើកទី២៥ ឆ្នាំ២០២៣ នៅប្រទេសថៃ បានធ្វើការប្រកួតពីថ្ងៃទី១២ ដល់ថ្ងៃទី១៦ ខែកក្កដាកន្លងទៅ ហើយសហព័ន្ធខ្មែរកីឡាអត្តពលកម្មស្ម័គ្រចិត្ត បានបញ្ជូនកីឡាករ-កីឡាការិនី ៣រូបចូលរួម គឺមានម្ចាស់មេដាយមាសស៊ីហ្គេម ឈុន ប៊ុនថុន, កីឡាករ ណឹប ច័ន្ទយ៉ុរ៉ុង និងកីឡាការិនី ពក ពិសី ក្រោមការដឹកនាំរបស់លោក ប៉ែន វុទ្ធី អនុប្រធានសហព័ន្ធ និងលោក បូរ ពុធរាត្រី ជាគ្រូបង្វឹក ៕ អត្ថបទ៖ លី ឈុនឡា

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករវាយកូនគោលអៀកឡង់ខាងជើង Rory McIlroy បានគ្រងជើងឯកលើកដំបូងនៅលើទឹកដីស្កុតឡេន ក្រោយឈ្នះជើងឯក Scottish Open។ ជាការប្រកួតថ្ងៃចុងក្រោយដ៏ល្អសម្រាប់កីឡាករលំដាប់លេខ ៣ ពិភពលោក Rory McIlroy បន្ទាប់ពីធ្វើបាន Birdie នៅ ២ ឡូចុងក្រោយ។ McIlroy តាមពីក្រោយកីឡាករម្ចាស់ផ្ទះស្កុតឡេន Robert MacIntyre នៅពេលចាប់ផ្តើមឡូទី ១៧ មុនពេលដែល McIlroy ធ្វើបាន Birdie លើកទី ១ ដើម្បីតាមស្មើ និងធ្វើបាន Birdie ម្តងទៀតនៅឡូចុងក្រោយទី ១៨ នៃការប្រកួត ដើម្បីបញ្ចប់ការប្រកួតជាមួយនឹង ១៥ អាន់ឌើផា យកឈ្នះ Robert MacIntye មួយស្ត្រូក។ លទ្ធផលផ្សេងទៀត កីឡាករលំដាប់លេខ ១ ពិភពលោកបច្ចុប្បន្នសញ្ជាតិអាមេរិក Scottie Scheffler បានចំណាត់ថ្នាក់លេខ ៣ មាន ១០ អាន់ឌើផា។ ដោយឡែកសម្រាប់ជើងឯកលើកនេះដែរ Rory McIlroy បានរំកិលឡើងមកឈរលេខ ២ ពិភពលោក ទំលាក់ Jon Rahm ទៅលេខ ៣ វិញ៕ អត្ថបទ៖នាង សុភាវុធ

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

កីឡាករប្រណាំងកង់ហូឡង់ Wout Poels បានប្រជែងឈ្នះដំណាក់កាលទី ១៥ នៃព្រឹត្តិការណ៍ប្រណាំងកង់ Grand Tour, Tour de France នៅលើទឹកដីបារាំង ខណៈដែលអ្នកការពារតំណែងជើងឯក និងជាអ្នកកំពុងនាំមុខគេក្នុងតារាងរួម កីឡាករដាណឺម៉ាក Jonas Vingegaard ត្រូវកាត់បន្ថយពេលវេលានាំមុខ។ដំណាក់កាលទី ១៥ ដែលមានចំងាយផ្លូវ ១៧៩ គីឡូម៉ែត្រ កីឡាកររបស់ក្រុម Team Bahrain Victorious, Wout Poels បានមកដល់ទីព្រ័ត្រមុនគេប្រើពេល ៤ ម៉ោង ៤០ នាទី ១៥ វិនាទី តាមពីក្រោយដោយកីឡាករប៊ែលហ្ស៊ិក Wout van Aert របស់ក្រុម Jumbo-Visma យឺតជាង ២ នាទី៨ វិនាទី និងអ្នកលេខ ៣ កីឡាករម្ចាស់ផ្ទះបារាំង Mathieu Burgaudeau យឺតជាង ៣ នាទីគត់។ យ៉ាងណាក្តី ក្រោយឆ្លងកាត់ ១៥ ដំណាក់កាលកន្លងមកនេះ អ្នកការពារតំណែងជើងឯក Jonas Vingegaard នៅតែរក្សាការនាំមុខដដែល តែមានត្រឹម ១០ វិនាទីប៉ុណ្ណោះពីលើអ្នកលេខ ២ កីឡាករស្លូវេនៀ Tadej Pogacar និងអ្នកលេខ ៣ គឺ កីឡាករអេស្ប៉ាញ Carlos Rodriguez យឺតជាង ៥ នាទី ២១ វិនាទី។ សម្រាប់ថ្ងៃចន្ទនេះ ជាថ្ងៃសម្រាក ខណៈដំណាក់កាលទី ១៦ នឹងបន្តនៅថ្ងៃអង្គារស្អែកលើចំងាយផ្លូវ ២២.៤ គីឡូម៉ែត្រប៉ុណ្ណោះ និងជាដំណាក់កាលសំខាន់ដោយកីឡាករម្នាក់ៗត្រូវប្រជែងយកថេរវេលាផ្ទាល់ខ្លួន មិនពឹងផ្អែកលើកក្រុមទៀតឡើយ។ព្រឹត្តិការណ៍ប្រណាំងកង់ Tour de France នឹងបញ្ចប់ជាស្ថាពរនៅថ្ងៃអាទិត្យចុងសប្តាហ៍នេះនៅទីក្រុងប៉ារីស៕ អត្ថបទ៖ នាង សុភាវុធ

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា បានគូសបញ្ជាក់ថា មានកីឡាករជម្រើសជាតិមួយចំនួនតូច បានធ្លាក់ចុះសមត្ថភាព តែក៏សម្លឹងអ្នកបន្ដវេនល្អៗច្រើនដែរ ក្រោយបញ្ចប់ការប្រកួតជើងឯកថ្នាក់ជាតិ ឆ្នាំ២០២៣ កាលពីថ្ងៃទី១៦ ខែកក្កដាម្សិលមិញ នៅសាលដំបូលទូក នៃសាកលវិទ្យាល័យភូមិន្ទភ្នំពេញ ។ឯកឧត្តមមានប្រសាសន៍ថា ទោះបីកីឡាករ-កីឡាការិនីតេក្វាន់ដូ ITF កម្ពុជា មានទទួលរងផលប៉ះពាល់ផ្លូវអារម្មណ៍ ក្រោយខកខានចូលរួមស៊ីហ្គេម តែពួកគេបានខិតខំប្រឹងប្រែងហ្វឹកហាត់ ដើម្បីរក្សា និងបង្កើននូវគុណភាព ជាក់ស្ដែងឆ្លងកាត់ការប្រកួត ៣ថ្ងៃកន្លងមក គឺមានកីឡាករជម្រើសជាតិភាគច្រើន នៅតែធ្វើបានល្អ គ្រាន់តែមានសមាជិកជម្រើសជាតិមួយចំនួនតូច ហាក់ធ្លាក់ចុះកម្លាំង ។ យ៉ាងណាក្ដី សហព័ន្ធក៏បានសម្លឹងឃើញឈាមថ្មី ដើម្បីបន្ដវេនក្នុងវិស័យកីឡាមួយនេះផងដែរ ។ឯកឧត្តម បួនហ៊ីង សុធីយ៉ា អគ្គលេខាធិការសហព័ន្ធ បានបញ្ជាក់ថា ការប្រកួតប្រចាំឆ្នាំ ដែលឧបត្ថម្ភគាំទ្រដោយក្រសួងអប់រំ យុវជន និងកីឡានេះ បានចាប់ផ្ដើមពីថ្ងៃទី១៤ ដល់ថ្ងៃទី១៦ ខែកក្កដា ឆ្នាំ២០២៣ ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៣៨នាក់ មកពី ១៦ រាជធានី-ខេត្ត និងក្រសួង ។ ជាលទ្ធផលបច្ចេកទេស គឺក្លិបក្រសួងសេដ្ឋកិច្ច និងហិរញ្ញវត្ថុ ដណ្តើមបានមេដាយច្រើនជាងគេសរុប ១១គ្រឿង រួមមានមេដាយមាស ៦ ប្រាក់២ និងសំរឹទ្ធ ៣, លេខ២ ក្លិបក្រសួងមហាផ្ទៃ ឈ្នះមេដាយសរុប ១៥គ្រឿង (មាស ៥ ប្រាក់៦ និងសំរឹទ្ធ ៤) ខណៈលេខ៣ ក្លិបពន្លឺយុវជនខេត្តកំពង់ស្ពឺ ឈ្នះមេដាយសរុប ១១គ្រឿង គឺមានមេដាយមាស ៤ ប្រាក់៣ និងសំរឹទ្ធ ៤គ្រឿង៕ អត្ថបទ៖ លី ឈុនឡា

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់

ឯកឧត្តមបណ្ឌិត មាស សារិន ប្រធានសហព័ន្ធកីឡាទាញព្រ័ត្រកម្ពុជា បានផ្ដាំបណ្ដាក្លិបសមាជិកថា ការចូលរួមការប្រកួតផ្សេងៗ ពិសេសការប្រកួតជើងឯកថ្នាក់ជាតិ គឺពិតជាសំខាន់ មិនអាស្រ័យលើលទ្ធផលឈ្នះ-ចាញ់នោះទេ ។ការលើកឡើងនេះ ក្នុងឱកាសពិធីបិទការប្រកួតកីឡាទាញព្រ័ត្រជើងឯកថ្នាក់ជាតិ ឆ្នាំ២០២៣ បន្ទាប់ពីដំណើរការប្រកួតដ៏ស្វិតស្វិញរយៈពេល ៤ថ្ងៃ កាលពីចុងសប្ដាហ៍កន្លងទៅ ស្របពេលក្នុងចំណោមក្លិបសមាជិកទាំង ២៨ គឺមានក្លិបប្រមាណ ៥០% ប៉ុណ្ណោះបានចូលរួមជើងឯកថ្នាក់ជាតិឆ្នាំនេះ។ឯកឧត្តមបន្ដថា លទ្ធផលឈ្នះ-ចាញ់ ជារឿងកីឡា តែការចូលរួម គឺសំខាន់ជាង ដើម្បីជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើន ហើយបើសិនមានការចូលរួមកាន់តែច្រើន នៅឆ្នាំបន្ដបន្ទាប់ សហព័ន្ធនឹងអាចឈានទៅរៀបចំឲ្យមានការប្រកួតក្របខណ្ឌក១ និងក២ ដើម្បីបំផុសសកម្មភាពកីឡាប្រពៃណីមួយនេះឲ្យកាន់តែផុសផុលថែមទៀតផង ។សូមបញ្ជាក់ថា ការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិ ឆ្នាំ២០២៣ បានដំណើរការប្រកួតពីថ្ងៃទី១២ ដល់ថ្ងៃទី១៥ ខែកក្កដា ឆ្នាំ២០២៣ ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ២៤៤នាក់ មកពី ១២រាជធានី-ខេត្ត និងក្រសួង ។ ជាលទ្ធផល គឺសមាគមកីឡាទាញព្រ័ត្រខេត្តបាត់ដំបង ដណ្ដើមបានមេដាយមេដាយមាស២ និងប្រាក់ ១ ខណៈខេត្តស្វាយរៀង ឈរលេខ២ ដណ្ដើមបានមេដាយមាស ១ និងប្រាក់ ២ និងក្រុមកីឡាទាញព្រ័ត្រកងទ័ពជើងទឹក ដណ្ដើមបានមេដាយមាស ១ ឈរលេខរៀងទី៣ ៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Gundogan៖ ការផ្លាស់ទៅកាន់ Barcelona គឺដើម្បីចែករំលែកបទពិសោធដល់កីឡាករវ័យក្មេង

ជើងឯកប្រណាំងម៉ូតូ GP ពិភពលោក ៨ សម័យ Valentino Rossi ឈ្នះការប្រណាំងរថយន្ត GT នៅអ៊ីតាលី

Tyson Fury ប្រកាសផ្លូវការពីការឡើងសង្វៀននៅអារ៉ាប៊ីសាអ៊ូឌីតជួបអតីតជើងឯកទំងន់ធ្ងន់ UFC

Messi ចុះកិច្ចសន្យាផ្លូវការ ២ ឆ្នាំលេងឱ្យក្លិបអាមេរិក Inter Miami

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Gundogan៖ ការផ្លាស់ទៅកាន់ Barcelona គឺដើម្បីចែករំលែកបទពិសោធដល់កីឡាករវ័យក្មេង

ជើងឯកប្រណាំងម៉ូតូ GP ពិភពលោក ៨ សម័យ Valentino Rossi ឈ្នះការប្រណាំងរថយន្ត GT នៅអ៊ីតាលី

Tyson Fury ប្រកាសផ្លូវការពីការឡើងសង្វៀននៅអារ៉ាប៊ីសាអ៊ូឌីតជួបអតីតជើងឯកទំងន់ធ្ងន់ UFC

Messi ចុះកិច្ចសន្យាផ្លូវការ ២ ឆ្នាំលេងឱ្យក្លិបអាមេរិក Inter Miami

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈ​អ្នកនាំមុខ​ត្រូវ​កាត់បន្ថយវេលា

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់​ជាង​លទ្ធផល​ឈ្នះ-ចាញ់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់