BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Steven Gerrard បដិសេធសំណើដឹកនាំក្លិបនោអារ៉ាប៊ីសាអ៊ូឌីត

អតីតខ្សែបម្រើអង់គ្លេស Steven Gerrard បានបដិសេធសំណើដឹកនាំក្លិបបាល់ទាត់មួយនៅក្របខណ្ឌលីគកំពូល អារ៉ាប៊ីសាអ៊ូឌីត Saudi Pro League។ បុរសវ័យ ៤៣ ឆ្នាំអតីតអ្នកចាត់ការ Rangers រូបនេះ បាននៅទំនេរពីការងារតាំងពីត្រូវបាន Aston Villa បញ្ចប់ តំណែងកាលពីខែតុលា។ អតីតខ្សែបម្រើ Liverpool និងក្រុមជម្រើសជាតិអង់គ្លេសរូបនេះ ត្រូវបានគេឃើញមានវត្តមាននៅប្រទេសអារ៉ាប៊ីសាអ៊ូឌីតកាលពីខែដើមមិថុនា និងត្រូវបានគេដឹងថា ទទួលបានសំណើពីក្លិប Al-Ettifaq។ Gerrard បាននិយាយក្នុងកិច្ចសម្ភាសន៍តាមទូរទស្សន៍មួយមុនការប្រកួតរបស់អង់គ្លេសទល់នឹងម៉ាសេដ្វាន់ខាងជើងនៅវគ្គជម្រុះ Euro ២០២៤ ថា លោកបានពិចារណាច្រើនថ្ងៃហើយ ហើយការសំរេចចិត្តចុងក្រោយគឺបដិសេធ។ Steven Gerrard បានដឹកនាំ Aston Villa ៤០ ប្រកួតឈ្នះ ១៣ ក្នុងរយៈពេល ១១ ខែក្នុងតំណែង បន្ទាប់ពីផ្លាស់ពី Rangers កាលពីខែវិច្ឆិកាឆ្នាំ ២០២១។បន្ទាប់ពីចូលនិវត្តន៍ពីអាជីពកីឡាករកាលពីឆ្នាំ ២០១៦ Gerrard ទទួលបានការងារជាអ្នកចាត់ការដំបូងគឺដឹកនាំ Rangers នៅឆ្នាំ ២០១៨ ហើយ Rangers ក៏ឈ្នះជើងឯកលីគកំពូលស្កុតឡេនលើកដំបូងក្នុងរយៈពេល ១០ ឆ្នាំ៕ អត្ថបទ៖នាង សុភាវុធ

N’Golo Kante ព្រមព្រៀងផ្លាស់ទៅកាន់ក្លិបអារ៉ាប៊ីសាអ៊ូឌីត Al-Ittihad

ខ្សែបម្រើ Chelsea និងក្រុមជម្រើសជាតិបារាំង N’Golo Kante បានឈានដល់កិច្ចព្រមព្រៀងហើយ ក្នុងការផ្លាស់ទៅកាន់ក្លិបអារ៉ាប៊ីសាអ៊ូឌីត Al-Ittihad។កិច្ចសន្យារបស់កីឡាករវ័យ ៣២ ឆ្នាំរូបនេះជាមួយ Chelsea នឹងអស់សុពលភាពនៅដំណាច់ខែមិថុនានេះ។Kante មានបញ្ហារបួសញាំញីក្នុងរដូវកាល ២០២២-២៣ ដែលទើបបញ្ចប់កន្លងមក បង្ហាញខ្លួនបានត្រឹម ៩ ប្រកួតប៉ុណ្ណោះ។ N’Golo Kante នឹងចូលរួមជាមួយ Karim Benzema នៅ Al-Ittihad ដែលទើបចុះហត្ថលេខាលេងឱ្យក្លិបនៅលីគកំពូងអារ៉ាប៊ីសាអ៊ូឌីតមួយនេះ ៣ ឆ្នាំ។ ក្នុងអាជីពនៅទឹកដីអង់គ្លេស ខ្សែបម្រើបារាំង N’Golo Kante មានអាជីពជោគជ័យគួរកត់សំគាល់ ដោយឈ្នះជើងឯក English Premier League ជាមួយ Leicester នៅឆ្នាំ ២០១៦ មុនពេលផ្លាស់មកកាន់ Chelsea។ នៅ Stamford Bridge ទៀតសោត Kante ក៏ជួយ Chelsea ឈ្នះជើងឯក Premier League ម្តងទៀតរួមជាមួយនឹង UEFA Champions League និង Europa League។ N’Golo Kante ដែលជាសមាជិកសំខាន់របស់ក្រុមជម្រើសជាតិបារាំងឈ្នះជើងឯក World Cup នៅឆ្នាំ ២០១៨ នោះ បានចុះហត្ថលេខារយៈពេល ៣ ឆ្នាំលេងឱ្យ Al-Ittihad ជាមួយនឹងប្រាក់ឈ្នួល ៨៦ លានផោន៕ អត្ថបទ៖នាង សុភាវុធ

Christophe Nkunku ផ្លាស់មកកាន់ Chelsea ផ្លូវការតម្លៃ ៥២ លានផោន

ក្លិបបាល់ទាត់តោខៀវ Chelsea បានប្រកាសពីការមកដល់ផ្លូវការរបស់ខ្សែប្រយុទ្ធបារាំង Christophe Nkunku ពី RB Leipzig ក្នុងតម្លៃផ្ទេរ ៥២ លានផោន កិច្ចសន្យារយៈពេល ៦ ឆ្នាំ។កីឡាករវ័យ ២៥ ឆ្នាំរូបនេះស៊ុតបញ្ចូលទីបាន ១៦ គ្រាប់ក្នុងការបង្ហាញខ្លួន ២៥ ប្រកួតរដូវកាលមុននៅក្របខណ្ឌ អាល្លឺម៉ង់ Bundesliga។ Nkunku ដែលធ្លាប់បង្ហាញខ្លួនឱ្យក្រុមជម្រើសជាតិបារាំង ១០ លើកដែរនោះ គឺជាកីឡាករដំបូងដែលផ្លាស់មកកាន់ Chelsea ក្រោមការដឹកនាំរបស់អ្នកចាត់ការថ្មី Mauricio Pochetiino។ Christophe Nkunku ដែលកិច្ចសន្យារបស់ នឹងចាប់ផ្តើមពីថ្ងៃទី ១ ខែកក្កដាខាងមុខនោះ ធ្លាប់ឈ្នះជើងឯកលីគកំពូលបារាំង ៣ លើកនិង French Cup ២ លើកក្នុងរយៈពេល ៤ ឆ្នាំនៅក្លិបបារាំង Paris Saint Germain មុនពេលផ្លាស់ទៅកាន់ RB Leipzig នៅឆ្នាំ ២០១៩។ នៅរដូវកាល ២០២១-២២ Nkunku គឺជាកីឡាករឆ្នើមបំផុតប្រចាំរដូវកាលនៅក្របខណ្ឌអាល្លឺម៉ង់ Bundesliga និង សហព័ន្ធបាល់ទាត់អាល្លឺម៉ង់ បន្ទាប់ពីស៊ុតបញ្ចូលទី ២០ គ្រាប់ បញ្ជូន ១៥ ក្នុងលីគ។ Nkunku ក៏ជាអ្នកស៊ុតបញ្ចូលទីគ្រាប់បាល់ជ័យជំនះឱ្យ Leipzig លើកពាន German Cup ខែមុនដែរ និងបញ្ចប់រដូវកាលនៅចំណាត់ថ្នាក់លេខ ៣ ក្នុងលីគ៕ អត្ថបទ៖នាង សុភាវុធ

សំណើ Arsenal ទិញ Declan Rice ពី West Ham ត្រូវបដិសេធជាលើកទី ២

ក្លិបញញួរធំ West Ham United ជាថ្មីម្តងទៀតបានបដិសេធសំណើទី ២ របស់ Arsenal ក្នុងការចង់បានខ្សែបម្រើអង់គ្លេស Declan Rice។សំណើនៃការចង់បានរបស់ Declan Rice លើកនេះត្រូវបានគេដឹងថា Arsenal ហ៊ានឱ្យថ្លៃដល់ទៅ ៩០លានផោនរួមជាមួយនឹងប្រាក់បន្ថែមផ្សេងៗ តែបើគិតជាតម្លៃផ្ទេរជាគោលគឺ ៧៥ លានផោន។ ប្រធានក្លិប West Ham លោក David Sullivan ធ្លាប់បាននិយាយថា លោកមានជំនឿ ៩៩% ថា Declan Rice ដែលជួយក្រុមឈ្នះជើងឯក Europa Conference League នោះ នឹងចាកចេញពីក្លិបនៅរដូវក្តៅខាងមុខ។ យ៉ាងណាក្តី ទំនិញល្អ អតិថិជនកាន់តែចង់បាន អ្នកលក់កាន់តែតម្លើងថ្លៃ ស្របពេល West Ham សម្លឹងឃើញថា អាចទាមទាបានលើសនេះសម្រាប់ការផ្ទេរកីឡាករវ័យ ២៤ ឆ្នាំរូបនេះ។ សូមរំលឹកថា Declan Rice បានបង្ហាញខ្លួនសរុបឱ្យ West Ham ២៤៥ ប្រកួតរកបាន ១៥ គ្រាប់ បន្ទាប់ពីចាប់ផ្តើមអាជីពដំបូងនៅរដូវកាល ២០១៦-១៧ ក្រោយងើបពីថ្នាលយុវជនរបស់ក្លិបតែម្តង។Rice បង្ហាញខ្លួនឱ្យក្រុមជម្រើសជាតិអង់គ្លេស ៤១ លើក និងបង្ហាញខ្លួនពេញទាំង ៥ ប្រកួតរបស់អង់គ្លេសផងដែរនៅ World Cup ២០២២ ឆ្នាំមុន៕ អត្ថបទ៖នាង សុភាវុធ

Ronaldo កាន់កំណត់ត្រាពិភពលោកជាកីឡាករដំបូងបង្ហាញខ្លួនឱ្យក្រុមជម្រើសជាតិ ២០០ ប្រកួត

ប្រធានក្រុមជម្រើសជាតិព័រទុយហ្កាល់ Cristiano Ronaldo បានស៊ុតបញ្ចូលទីគ្រាប់បាល់ជ័យជំនះចុងម៉ោងឱ្យព័រទុយហ្កាល់យកឈ្នះនៅទឹកដីអ៊ីស្លង់ ក្នុងការប្រកួតទី ២០០ របស់ខ្លួន កាន់កំណត់ត្រាពិភពលោកកីឡាករដែលបង្ហាញខ្លួនឱ្យក្រុមជម្រើសជាតិច្រើនប្រកួតបំផុត។ កីឡាករវ័យ ៣៨ឆ្នាំរូបនេះក៏ជាអ្នកស៊ុតបញ្ចូលទីគ្រាប់ជ័យជំនះផងដែរនៅចុងម៉ោងនាទីទី ៨៩ ទៅហើយឱ្យព័រទុយហ្កាល់យកឈ្នះនៅទឹកដីអ៊ីស្លង់ ១-០ ដែលជាជ័យជំនះ ៤ ប្រកួតផ្ទួនៗឈរលើគេក្នុងពូល J នៃវគ្គជម្រុះ Euro ២០២៤។នេះជាគ្រាប់បាល់ទី ១២៣ របស់ Ronaldo ផងដែរឱ្យក្រុមជម្រើសជាតិ ហើយនេះក៏ជាការពន្លាតកំណត់ត្រាពិភពលោកផងដែរ ក្នុងនាមជាអ្នករកបានគ្រាប់បាល់ច្រើនបំផុតឱ្យក្រុមជម្រើសជាតិ។ខ្សែប្រយុទ្ធរបស់ក្រុម Al Nassr រូបនេះបានបំបែកកំណត់ត្រារបស់ខ្សែប្រយុទ្ធគុយវែត Bader Al-Mutawa ដែលបង្ហាញខ្លនឱ្យក្រុមជម្រើសជាតិសរុប ១៩៦ លើកកាលពីខែមីនា ខណៈប្រកួតទី ២០០ នេះ Ronaldo ទទួលបានប័ណ្ណ កំណត់ត្រារបស់ខ្លួនពី Guinness World Records មុនការប្រកួតចាប់ផ្តើម។ ម្ចាស់ជ័យលាភី Ballon d’Or ៥ លើករូបនេះបានបង្ហាញខ្លួនដំបូងឱ្យក្រុមជម្រើសជាតិព័រទុយហ្កាល់តាំងពីឆ្នាំ ២០០៣ ពោលគឺ ២០ ឆ្នាំមកហើយមកទល់ពេលនេះ និងតែងតែជាជម្រើសជាតិដំបូងជានិច្ចទោះបីផ្លាស់ទៅប្រកបអាជីពនៅទឹកដីអារ៉ាប៊ីសាអ៊ូឌីតក៏ដោយ៕ អត្ថបទ៖នាង សុភាវុធ

Son ចង់បន្តនៅ Premier League បដិសេធព័ត៌មានផ្លាស់ទៅអារ៉ាប៊ីសាអ៊ូឌីត

ខ្សែប្រយុទ្ធ Spurs, Son Heung-min បាននិយាយថា លុយមិនសំខាន់ឡើយ ហើយក៏ចង់បន្តអាជីពរបស់ខ្លួននៅ ក្របខណ្ឌ English Premier League និងបដិសេធព័ត៌មានពីការផ្លាស់ទៅកាន់លីគអារ៉ាប៊ីសាអ៊ូឌីត។ បុរសវ័យ ៣០ឆ្នាំរូបនេះ ត្រូវបានគេដឹងថាមានការទាក់ទងពីក្លិប Al-Ittihad ដែលទើបនាំយកខ្សែប្រយុទ្ធបារាំង Karim Benzema។ប្រធានក្រុមជម្រើសជាតិកូរ៉េរូបដែលស៊ុតបញ្ចូលទី ១៤ គ្រាប់ក្នុងការបង្ហាញខ្លួន ៤៧ ប្រកួតឱ្យ Spurs រដូវកាលមុននោះ បាននិយាយថា គេមានការងារដែលមិនទាន់បញ្ចប់ជាច្រើននៅ Premier League។ លុយមិនមែនជារឿងសំខាន់សំរាប់រូបគេឡើយ រឿងសំខាន់បំផុតនោះគឺចង់លេងបាល់កន្លែងខ្លួនចង់លេងជារឿងសំខាន់បំផុត។Al-Ittihad ដែលដឹកនាំដោយអតីតគ្រូបង្វឹក Wolves និង Spurs លោក Nuno Espirito Santo ត្រូវបានគេដឹងថាបានផ្តល់សំណើកិច្ចសន្យា ៤ ឆ្នាំដល់ Son Heung-min ជាមួយនឹងប្រាក់ឈ្នួល ៣០លានអឺរ៉ូក្នុងមួយឆ្នាំ៕ អត្ថបទ៖នាង សុភាវុធ

កម្ពុជានឹងបញ្ជូនកីឡា ៣ប្រភេទ ចូលរួមប្រកួតកីឡាសាកលវិទ្យាល័យរដូវក្ដៅពិភពលោក នៅចិន

កម្ពុជា នឹងបញ្ជូនប្រតិភូកីឡា ៣ប្រភេទ ស្មើនឹងប្រតិភូ គ្រូបង្វឹក និងកីឡាករ-កីឡាការិនីសរុប ១៩នាក់ ដើម្បីចូលរួមប្រកួតកីឡាសាកលវិទ្យាល័យរដូវក្ដៅពិភពលោក លើកទី៣១ នៅទីក្រុង Chengdu សាធារណរដ្ឋប្រជាមានិតចិន នាចុងខែកក្កដាខាងមុខ ។យោងតាមលិខិតឧទ្ទេសនាមរបស់ក្រសួងអប់រំ សម្រាប់ប្រតិភូកីឡាកម្ពុជា ដែលត្រៀមចូលរួមការប្រកួតកីឡាសាកលវិទ្យាល័យរដូវក្ដៅពិភពលោកនេះ រួមមានកីឡាតេក្វាន់ដូ WT ៥នាក់(គ្រូបង្វឹកម្នាក់) កីឡាគុនដាវ ៥នាក់ (គ្រូបង្វឹកម្នាក់) និងកីឡាករអត្តពលកម្ម ៤នាក់(គ្រូបង្វឹកម្នាក់) ។ បេសកម្មនេះដែរ នឹងដឹកនាំដោយឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា ជាប្រធានប្រតិភូ និងឯកឧត្តម ព្រំ ប៊ុណ្ណយី ជានាយបេសកកម្ម ។សូមបញ្ជាក់ថា សហព័ន្ធកីឡាសាកលវិទ្យាល័យអន្តរជាតិ និងសហព័ន្ធកីឡាសាកលវិទ្យាល័យសាធារណរដ្ឋប្រជាមានិតចិន និងគណៈកម្មការរៀបចំការប្រកួតកីឡាសាកលវិទ្យាល័យរដូវក្ដៅពិភពលោក លើកទី៣១ បានអញ្ជើញកម្ពុជា ដើម្បីបញ្ជូនក្រុមកីឡាចូលរួម ដ្បិតការប្រកួតនៅទីក្រុង Chengdu ឆ្នាំនេះ នឹងប្រព្រឹត្តទៅ ពីថ្ងៃទី២៨ ខែកក្កដា ដល់ថ្ងៃទី០៨ ខែសីហា ឆ្នាំ២០២៣ ខាងមុខ៕ អត្ថបទ៖ លី ឈុនឡា

Arsenal ដាក់សំណើ ៣០លានផោន ទិញខ្សែការពារហូឡង់ Jurrien Timber ពី Ajax

ក្លិបបាល់ទាត់កាំភ្លើងធំ Arsenal បានដាក់សំណើក្នុងការនាំយកខ្សែការពារហូឡង់ Jurrien Timber ពីក្លិបហូឡង់ Ajax Amsterdam ដែលគេជឿថាមានតម្លៃប្រមាណ ៣០លានផោន។ ក្លិបនៅ Premier League មួយចំនួនដូចជា Manchester United ជាដើម រួមជាមួយ Bayern Munich សុទ្ធតែមានទំនាក់ទំនងចង់បានកីឡាករវ័យ ២២ ឆ្នាំរូបនេះ ដែលនៅសល់កិច្ចសន្យាជាមួយ Ajax ២ ឆ្នាំទៀត។ Arsenal ដែលជាជើងឯករង Premier League រដូវកាលមុន ត្រូវបានគេរំពឹងថាឈានមុខគេក្នុងការនាំយក Jurrien Timber តែ Ajax គ្រោងទាមទាតម្លៃច្រើនជាងនេះ។ Jurrien Timber បានបង្ហាញខ្លួនសរុប ៤៧ ប្រកួតគ្រប់ក្របខណ្ឌឱ្យ Ajax រដូវកាលមុន បូករួមទាំង៦ប្រកួតនៅ UEFA Champions League ផងដែរ។ Timber បង្ហាញខ្លួនឱ្យក្រុមជម្រើសជាតិហូឡង់ ១៥ លើក និងជាសមាជិករបស់ក្រុមជម្រើសជាតិហូឡង់នៅ World Cup ២០២២ ចូលលេងពេញទាំង ៤ ប្រកួតខណៈហូឡង់ឡើងដល់វគ្គ ៨ ក្រុមចុងក្រោយមុនពេលចាញ់ក្រុមជើងឯកអាហ្សង់ទីនដោយបាល់ ១១ ម៉ែត្រកាត់សេចក្តី៕ អត្ថបទ៖នាង សុភាវុធ

កីឡាសូហ្វតិន្នីសកម្ពុជា សម្រេចបានលទ្ធផលលើសការរំពឹង ក្នុងការប្រកួតអន្ដរជាតិ នៅកូរ៉េ

ក្រុមកីឡាសូហ្វតិន្នីសកម្ពុជា បានសម្រេចលទ្ធផលយ៉ាងល្អប្រសើរលើសពីការរំពឹងទុក សម្រាប់ការចូលរួមប្រកួតក្នុងព្រឹត្តិការណ៍ Nonghyup Bank Incheon Korea Cup International Soft Tennis Tournament 2023 នៅសាធារណរដ្ឋកូរ៉េ ដោយដណ្ដើមបានមេដាយសរុប ៤គ្រឿង រួមមានមេដាយមាស១ និងសំរឹទ្ធ ៣ ផ្ទុយកាលពីឆ្នាំមុន ដែលទទួលបានត្រឹមមេដាយសំរឹទ្ធ ១គ្រឿងប៉ុណ្ណោះ។គួរដឹងថា សហព័ន្ធកីឡាសូហ្វតិន្នីសកម្ពុជា បានបញ្ជូនកីឡាករ-កីឡាការិនីជម្រើសជាតិរបស់ខ្លួន ៨រូប ចូលរួមកម្មវិធីបោះជំរំហ្វឹកហាត់ Jincheon Training Camps រយៈពេល ១៤ថ្ងៃ ដែលចាកចេញពីមាតុភូមិ កាលពីចុងខែឧសភា និងចូលរួមប្រកួត Korea Cup 2023 ជិត ១សប្ដាហ៍ នៅសាធារណរដ្ឋកូរ៉េ ចាប់ពីថ្ងៃទី១៦ ដល់ថ្ងៃទី២១ ខែមិថុនានេះ ។ជាលទ្ធផលកីឡាករ ចន ម៉ាដា ដណ្ដើមមេដាយមាស១ លើវិញ្ញាសាវាយគូចម្រុះបុរស-នារី ដោយកីឡាករកម្ពុជារូបនេះ បានចាប់ដៃគូជាមួយកីឡាការិនីហ្វីលីពីន ហើយបានយកឈ្នះគូប្រកួតជាបន្ដបន្ទាប់ ក្នុងនោះយកឈ្នះក្រុមកីឡាករ-កីឡាការិនីថៃ និងប៉ូឡូញ នៅជុំទី១ មុនយកឈ្នះក្រុមកីឡាករ-កីឡាការិនីហ្វីលីពីន និងប៉ូឡូញ នៅជុំទី២ និងបន្តយកឈ្នះក្រុមកីឡាករ-កីឡាការិនីម៉ុងហ្គោលី និងថៃ នៅវគ្គផ្ដាច់ព្រ័ត្រ ។លើសពីនេះ កីឡាករ ចន ម៉ាដា និងមិត្តរួមជាតិ ក៏ដណ្ដើមបានមេដាយសំរឹទ្ធ ១គ្រឿងទៀត លើវិញ្ញាសាវាយគូបុរស។ រីឯមេដាយសំរឹទ្ធ២គ្រឿងទៀត ដណ្ដើមបានលើវិញ្ញាសាវាយក្រុមនារី ដោយកីឡាការិនី ឃី ម៉េងជួង ឃន ចន្ទរ៉ូសិកា និងកីឡាការិនី ហូរ ស្រីណុច និងវិញ្ញាសាវាយឯកត្តជនបុរស ដោយកីឡាករ សំ ចាន់កាប៊ី ។តាមរយៈការបោះជំរំហ្វឹកហាត់ និងចូលរួមប្រកួតនេះ ថ្នាក់ដឹកនាំសហព័ន្ធបានបង្ហាញសុទិដ្ឋិនិយមខ្ពស់ នឹងធ្វើឲ្យក្រុមកីឡាករ-កីឡាការិនីសូហ្វតិន្នីសកម្ពុជា កើនទាំងបទពិសោធ និងបច្ចេកទេសទ្វេរដង ពីព្រឹត្តិការណ៍ Korea Cup 2023 ត្បិតព្រឹត្តិការណ៍នេះ មានប្រទេសជាច្រើនទាំងអាស៊ី និងអឺរ៉ុបសរុប ១៤ប្រទេសចូលរួម ដូចជា៖ ជប៉ុន តៃវ៉ាន់ ចិន ប៉ូឡូញ ឆែក ម៉ុងហ្គោលី ប៉ាគីស្ថាន ឥណ្ឌា ថៃ ហ្វីលីពីន វៀតណាម ទីម័រ កម្ពុជា និងម្ចាស់ផ្ទះកូរ៉េជាដើម៕ អត្ថបទ លី ឈុនឡា

Max Verstappen ឈ្នះការប្រកួតនៅកាណាដាតាមស្មើកំណត់ត្រា Ayrton Senna

កីឡាករប្រណាំងរថយន្តហូឡង់ Max Verstappen បានប្រជែងឈ្នះការប្រណាំង Formula One នៅប្រទេសកាណាដា តាមស្មើកំណត់ត្រារបស់ Ayrton Senna ដែលឈ្នះសរុប ៤១ លើកក្នុងអាជីព។ចេញដំណើរមុខគេ ក្រោយឈ្នះការប្រកួតយកទីចេញដំណើរ កីឡាកររបស់ក្រុម Red Bull រូបនេះនាំមុខជាប់រហូតដល់ទីព្រ័ត្រ ជាជ័យជំនះលើកទី ៦ ក្នុងចំណោម ៨ ទីលានរដូវកាលនេះ។ កីឡាកររបស់ក្រុម Aston Martin, Fernando Alonso បានឆក់យកតំណែងលេខ ២ របស់ Lewis Hamilton ខណៈកីឡាករអង់គ្លេសធ្លាក់មកលេខ ៣ តាមពីក្រោយដោយកីឡាកររបស់ Ferrari, Charles Leclerc ដែលចេញដំណើរលេខ ១១ ដល់ទីលេខ ៤។ ជ័យជំនះរបស់កីឡាករវ័យ ២៥ ឆ្នាំរូបនេះធ្វើឱ្យគេពន្លាតការនាំមុខក្នុងតារាងជើងឯកដល់ទៅ ៦៩ ពិន្ទុដាច់ពីអ្នកលេខ ២ មិត្តរួមក្រុម Red Ball, Sergio Perez ខណៈលេខ ៣ គឺ Fernando Alsonso។សម្រាប់ Max Verstappen គិតមកដល់ពេលនេះគេបានប្រជែងឈ្នះសរុប ៤១ លើកហើយ ស្មើនឹងកំណត់ត្រារបស់កីឡាករប្រេស៊ីល Ayrton Senna។ យ៉ាងណាក្តី Max Verstappen នៅតាមពីក្រោយជាងពាក់កណ្តាលផ្លូវទៀតបើប្រៀបធៀបនឹងកីឡាករកំពូលៗផ្សេងទៀតរួមមាន Lewis Hamilton ឈ្នះសរុប ១០៣ លើក Michael Schumacher ៩១ លើក Sebastian Vettel ៥៣ លើក និងកីឡាករបារាំង Alain Prost ៥១ លើក៕ អត្ថបទ៖ នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Steven Gerrard បដិសេធសំណើដឹកនាំក្លិបនោអារ៉ាប៊ីសាអ៊ូឌីត

N’Golo Kante ព្រមព្រៀងផ្លាស់ទៅកាន់ក្លិបអារ៉ាប៊ីសាអ៊ូឌីត Al-Ittihad

Christophe Nkunku ផ្លាស់មកកាន់ Chelsea ផ្លូវការតម្លៃ ៥២ លានផោន

សំណើ Arsenal ទិញ Declan Rice ពី West Ham ត្រូវបដិសេធជាលើកទី ២

Ronaldo កាន់កំណត់ត្រាពិភពលោកជាកីឡាករដំបូងបង្ហាញខ្លួនឱ្យក្រុមជម្រើសជាតិ ២០០ ប្រកួត

Son ចង់បន្តនៅ Premier League បដិសេធព័ត៌មានផ្លាស់ទៅអារ៉ាប៊ីសាអ៊ូឌីត

កម្ពុជានឹងបញ្ជូនកីឡា ៣ប្រភេទ ចូលរួមប្រកួតកីឡាសាកលវិទ្យាល័យរដូវក្ដៅពិភពលោក នៅចិន

Arsenal ដាក់សំណើ ៣០លានផោន ទិញខ្សែការពារហូឡង់ Jurrien Timber ពី Ajax

កីឡាសូហ្វតិន្នីសកម្ពុជា សម្រេចបានលទ្ធផលលើសការរំពឹង ក្នុងការប្រកួតអន្ដរជាតិ នៅកូរ៉េ

Max Verstappen ឈ្នះការប្រកួតនៅកាណាដាតាមស្មើកំណត់ត្រា Ayrton Senna

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Steven Gerrard បដិសេធសំណើដឹកនាំក្លិបនោអារ៉ាប៊ីសាអ៊ូឌីត

N’Golo Kante ព្រមព្រៀងផ្លាស់ទៅកាន់ក្លិបអារ៉ាប៊ីសាអ៊ូឌីត Al-Ittihad

Christophe Nkunku ផ្លាស់មកកាន់ Chelsea ផ្លូវការតម្លៃ ៥២ លានផោន

សំណើ Arsenal ទិញ Declan Rice ពី West Ham ត្រូវបដិសេធជាលើកទី ២

Ronaldo កាន់កំណត់ត្រាពិភពលោកជាកីឡាករដំបូងបង្ហាញខ្លួនឱ្យក្រុមជម្រើសជាតិ ២០០ ប្រកួត

Son ចង់បន្តនៅ Premier League បដិសេធព័ត៌មានផ្លាស់ទៅអារ៉ាប៊ីសាអ៊ូឌីត

កម្ពុជានឹងបញ្ជូនកីឡា ៣ប្រភេទ ចូលរួមប្រកួត​កីឡាសាកលវិទ្យាល័យ​រដូវ​ក្ដៅ​ពិភពលោក នៅចិន

Arsenal ដាក់សំណើ ៣០លានផោន ទិញខ្សែការពារហូឡង់ Jurrien Timber ពី Ajax

កីឡាសូហ្វតិន្នីសកម្ពុជា សម្រេចបានលទ្ធផលលើសការរំពឹង ក្នុងការប្រកួតអន្ដរជាតិ នៅកូរ៉េ

Max Verstappen ឈ្នះការប្រកួតនៅកាណាដាតាមស្មើកំណត់ត្រា Ayrton Senna

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានឹងបញ្ជូនកីឡា ៣ប្រភេទ ចូលរួមប្រកួតកីឡាសាកលវិទ្យាល័យរដូវក្ដៅពិភពលោក នៅចិន