BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

កីឡាករប៊ីយ៉ាជម្រើសជាតិកម្ពុជា ២រូប រួមមានកីឡាករ ឡេង ចន្ទគ្រឹស្នា និងកីឡាករ សោម សំណាង បានឡើងវគ្គបន្ដ នៃការប្រកួតកីឡាប៊ីយ៉ាភូល(Pool)អន្ដរជាតិ Chinese Pool International Elite 2023 នៅខេត្តជាំងស៊ី ប្រទេសចិន ក្រោយយកឈ្នះកីឡាករម៉ុងហ្គោលីរៀងៗខ្លួន ក្នុងវគ្គជម្រុះដំបូង ។សម្រាប់ការប្រកួតថ្ងៃដំបូង កាលពីល្ងាចថ្ងៃទី១២ ខែមិថុនានេះ ក្នុងចំណោមកីឡាករកម្ពុជា ៤រូប ដែលសហព័ន្ធបានបញ្ជូនទៅចូលរួមព្រឹត្តិការណ៍អន្ដរជាតិ កីឡាករ ឡេង ចន្ធគ្រឹស្នា ធ្វើបានយ៉ាងល្អ ដោយយកឈ្នះកីឡាករម៉ុងហ្គោលី ក្នុងពិន្ទុ ៧-៣ ខណៈកីឡាករ សោម សំណាង បានយកឈ្នះកីឡាករម៉ុងហ្គោលី ក្នុងពិន្ទុ ៧-៥ ។លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នូកឃ័រកម្ពុជា បានបញ្ជាក់ថាសម្រាប់ ចន្ទគ្រឹស្នា និង សំណាង នឹងត្រូវដឹកដៃគ្នាឡើងវគ្គបន្ដ នៅថ្ងៃទី១៣ ខែមិថុនានេះ តែកីឡាករកម្ពុជា ២រូបផ្សេងទៀត ដែលបរាជ័យក្នុងការប្រកួតជម្រុះដំបូង ក៏មិនទាន់អស់ឱកាសដែរ ដោយពួកគេនឹងត្រូវប្រកួតបន្ដនាថ្ងៃទី១៧ ខែមិថុនាខាងមុខ ។សូមបញ្ជាក់ថា ការប្រកួតប៊ីយ៉ាភូលអន្ដរជាតិនៅចិន គឺមានបណ្ដាប្រទេសជាច្រើនចូលរួម ចាប់ពីថ្ងៃទី១២ រហូតដល់ថ្ងៃទី២៤ ខែមិថុនា ឆ្នាំ២០២៣ ខាងមុខ ។ សហព័ន្ធកីឡាប៊ីយ៉ា និងស្នូកឃ័រកម្ពុជា បានចាត់ទុកការចូលរួមនេះ គឺជាបទពិសោធន៍ថ្មីមួយទៀត ដើម្បីជំរុញការអភិវឌ្ឍសមត្ថភាពកីឡាករខ្លួនឲ្យកាន់តែខ្លាំង ៕ អត្ថបទ៖ លី ឈុនឡា

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

សហព័ន្ធកីឡាទាញព្រ័ត្រកម្ពុជា បានប្រកាសរៀបចំការប្រកួតកីឡាទាញព្រ័ត្រជើងឯកថ្នាក់ជាតិ “ពានរង្វាន់ធនាគារកាណាឌីយ៉ា” ឆ្នាំ២០២៣ ចាប់ពីថ្ងៃទី១២ ដល់ថ្ងៃទី១៥ ខែកក្កដាខាងមុខ នៅរង្វង់មូលនាងទេពមច្ឆា ខណ្ឌជ្រោយចង្វារ រាជធានីភ្នំពេញ ។សម្រាប់ការប្រកួតជើងឯកប្រចាំឆ្នាំ ដែលគាំទ្រដោយក្រសួងអប់រំ យុវជន និងកីឡា នេះ សហព័ន្ធបានកំណត់វិញ្ញាសាប្រកួតចំនួន ៤ រួមមានវិញ្ញាសា ៤នាក់ ទល់ ៤នាក់ផ្នែកបុរស និងនារី និងវិញ្ញាសា ៨នាក់ ទល់ ៨នាក់ ផ្នែកបុរស-នារី ។ ប៉ុន្ដែមុនការប្រកួតវិញ្ញាសានីមួយៗ ក៏នឹងមានការថ្លឹងទម្ងន់ត្រឹមត្រូវផងដែរ ។យោងតាមការជូនដំណឹងរបស់សហព័ន្ធ សម្រាប់ការប្រកួត ដែលសហការរៀបចំដោយក្រុមហ៊ុន OCIC នេះ រៀបចំឡើងក្នុងគោលបំណងចូលរួមចំណែកបំផុស ពាក្យស្លោករបស់រាជរដ្ឋាភិបាល “ប្រជាជនម្នាក់ លេងកីឡាមួយប្រភេទប្រចាំជីវិត” ដើម្បីបំផុសស្មារតីប្រជាពលរដ្ឋឲ្យលេងកីឡា ដើម្បីទទួលបានសុខភាពល្អ មិត្តភាព សាមគ្គីភាព និងជំរុញការអភិវឌ្ឍវិស័យកីឡាប្រពៃណីមួយនេះឲ្យកាន់តែរីកចម្រើនផងដែរ ៕ អត្ថបទ៖ លី ឈុនឡា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

កីឡាករវាយកូនបាល់ស៊ែប Novak Djokovic ទីបំផុតបានបំបែកកំណត់ត្រាកីឡាករឈ្នះជើងឯក Grand Slam ច្រើនបំផុតសរុប ២៣ លើកក្រោយឈ្នះជើងឯក French Open រឺ Roland Garros តាមរយៈជ័យជំនះលើកីឡាករន័រវេស Casper Ruud នៅវគ្គផ្តាច់ព្រ័ត្រ។កីឡាករវ័យ ៣៦ ឆ្នាំរូបនេះបានទំលាក់កីឡាករលំដាប់លេខ ១ ពិភពលោក Carlos Alcaraz នៅវគ្គពាក់កណ្តាលផ្តាច់ព្រ័ត្រ មុនពេលឡើងមកយកឈ្នះ Casper Ruud នៅវគ្គផ្តាច់ព្រ័ត្រនេះ។Djokovic ហាក់មានការលំបាកនៅសិតដំបូងដែលអូសបន្លាយដល់ Tie Break មុនពេលដែលយកឈ្នះក្នុង Tie Break ៧-៦(៧-១) ហើយក៏បន្តយកឈ្នះពីរសិតបន្ទាប់ទៀត ៦-៣ និង ៧-៥។ ជើងឯក French Open នេះជាជើងឯក Grand Slam លើកទី ២៣ សម្រាប់ Djokovic វ៉ាផុតកំណត់ត្រារបស់ Rafael Nadal ដែលឈ្នះ ២២ លើក។ Djokovic ក៏បានក្លាយជាកីឡាករវាយកូនបាល់ដំបូងដែរដែលឈ្នះជើងឯក Grand Slam នីមួយៗយ៉ាងហោចណាស់ ៣ លើក។ បើប្រៀបធៀបទាំងនារី និងបុរស Djokovic នៅឈរលេខ ២ នៅឡើយមានពាន Grand Slam សរុប ២៣ លើក ដូចគ្នានឹង Serena Williams និងតាមពីក្រោយអ្នកកាន់កំណត់ត្រា Margaret Court ដែលឈ្នះសរុប ២៤ លើក។ សម្រាប់ជើងឯកផ្នែកនារី French Open បានទៅកីឡាការិនីលំដាប់លេខ ១ ពិភពលោកប៉ូឡូញ Iga Swiatek ដែលបានយកឈ្នះកីឡាការិនីឆែក Karolina Muchova ដើម្បីលើកពាននៅទីក្រុងប៉ារីសនេះជាលើកទី ៣ ក្នុងអាជីព និងជាពាន Grand Slam លើកទី ៤ ផងដែរ៕ អត្ថបទ៖នាង សុភាវុធ

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City

ក្លិបបាល់ទាត់ Aston Villa បានឈានដល់កិច្ចព្រមព្រៀងក្នុងការនាំយកខ្សែបម្រើប៊ែលហ្ស៊ិក Youri Tielemans ដែលផុតកិច្ចសន្យានៅ Leicester City។កីឡាករវ័យ ២៦ ឆ្នាំរូបនេះ នឹងផ្លាស់មកកាន់ទឹកដី Villa Park នៅទី ១ ខែកក្កដាខាងមុខនៅពេលអស់សុពលភាពកិច្ចសន្យាជាមួយ Leicester City។បន្ទាប់ពី Leicester បានធ្លាក់ទៅក្របខណ្ឌទី ២ League Championship ក្លិបធំៗនោអង់គ្លេសជាច្រើនសុទ្ធតែចាប់អារម្មណ៍ Tielemans ដូចជា Arsenal, Manchester United និង Roma ជាដើម។ Youri Tielemans នឹងជាកីឡាករដំបូងដែលមកកាន់ Aston Villa មុនរដូវកាលថ្មីខាងមុខ បន្ទាប់ពីផ្លាស់មកលេងឱ្យ Leicester City នៅឆ្នាំ ២០១៩ ឈ្នះពាន FA Cup នៅឆ្នាំ ២០២១។ កីឡាករវ័យ ២៦ ឆ្នាំរូបនេះគឺជាអ្នកស៊ុតបញ្ចូលទីគ្រាប់ជ័យជំនះលើ Chelsea ដើម្បីលើកពាន FA Cup កាលពីឆ្នាំ ២០២១ នោះ។ Touri Tielemans បានបង្ហាញខ្លួនឱ្យ Leicester City សរុប ១៩៥ លើករកបាន ២៨ គ្រាប់៕ អត្ថបទ៖នាង សុភាវុធ

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

ក្រុមបាល់ទាត់ Manchester City បានហោះហើរត្រលប់មកកាន់ទឹកដីអង់គ្លេសពីទីក្រុង Istanbul ប្រទេសទួកគីវិញនៅថ្ងៃអាទិត្យម្សិលមិញក្រោយឈ្នះជើងឯក UEFA Champions League ជាលើកដំបូងក្នុងប្រវត្តិសាស្រ្តក្លិប។Manchester City បានយកឈ្នះ Inter Milan នៅវគ្គផ្តាច់ព្រ័ត្រ ១-០ តាមរយៈគ្រាប់បាល់របស់ Rodri។ ក្រុមរបស់លោក Pep Guardiola មានរដូវកាលដ៏អស្ចារ្យរបស់ខ្លួនក្រោយឈ្នះពាន ៣ បីក្នុងមួយរដូវកាលរួមមាន English Premier League, FA Cup និង UEFA Champions League។ Pep Guardiola ក៏បានក្លាយជាអ្នកចាត់ការទី ២ នៅទឹកដីអង់គ្លេសដែលដឹកនាំក្រុមឈ្នះពាន ៣ ក្នុងមួយរដូវកាល បន្ទាប់ពី Sir Alex Ferguson ដែលដឹកនាំ Manchester United ធ្វើបានបែបនេះកាលពីឆ្នាំ ១៩៩៩។ Manchester City នឹងដង្ហែរពានរង្វាន់ ៣ របស់ខ្លួននៅតាមដងវិធីក្នុងទីក្រុង Manchester នៅថ្ងៃចន្ទនេះ៕ អត្ថបទ៖នាង សុភាវុធ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

កីឡាករប្រណាំងម៉ូតូអ៊ីតាលី Francesco Bagnaia បានប្រជែងឈ្នះការប្រណាំង MotoGP នៅលើទឹកដីអ៊ីតាលី របស់ខ្លួន បន្តពន្លាតពិន្ទុនាំមុខក្នុងតារាងជើងឯកពិភពលោក។ កីឡាកររបស់ក្រុមប្រណាំង Ducati រូបនេះបានមកដល់ទីព្រ័ត្រមុនគេ តាមពីក្រោយដោយ Jorge Martin និង Johann Zarco។កីឡាករម្ចាស់ផ្ទះអ៊ីតាលីមួយរូបទៀត Luca Marini ដែលជិឱ្យក្រុមរបស់ Valentino Rossi, VR46 Racing បានបញ្ចប់នៅចំណាត់ថ្នាក់លេខ ៤។ ចំណែកឯជើងឯកពិភពលោក ៦ សម័យ Marc Marquez មិនអាចបញ្ចប់ការប្រកួតបានឡើយ ដោយដួលម៉ូតូដូចគ្នានឹងប្អូនប្រុស Alex Marquez ផងដែរ។ សូមបញ្ជាក់ថា នេះជ័យជំនះទី ៣ ក្នុងរដូវកាលនេះសម្រាប់អ្នកការពារតំណែងជើងឯក Francesco Bagnaia ដែលធ្វើឱ្យគេមានសរុប ១៣១ ពិន្ទុក្នុងតារាងជើងឯកពិភពលោក ២១ ពិន្ទុនាំមុខ Marco Bezzecchi ដែលបញ្ចប់នៅចំណាត់ថ្នាក់លេខ ៩ ក្នុងការប្រកួតនៅអ៊ីតាលីនេះ៕ អត្ថបទ៖នាង សុភាវុធ

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

ក្រុមជើងឯកពិភពលោកអាហ្សង់ទីន បានប្រមូលផ្តុំហ្វឹកហាត់នៅទីក្រុងប៉េកាំង ប្រទេសចិននៅថ្ងៃអាទិត្យម្សិលមិញ មុនការប្រកួតទល់នឹងក្រុមអូស្រ្តាលីនៅថ្ងៃព្រហស្បតិ៍ខាងមុខ។ Lionel Messi ដែលទើបប្រកាសពីការផ្លាស់ទៅកាន់ទឹកដីអាមេរិកចូលរួមជាមួយ Inter Miami នោះ ក៏មានវត្តមានក្នុងការហ្វឹកហាត់នៅកីឡដ្ឋានអូឡាំពិកទីក្រុងប៉េកាំងផងដែរ។ Messi នឹងដឹកនាំក្រុមអាហ្សង់ទីនជួបអូស្រ្តាលីនៅកីឡដ្ឋាន Worker’ Stadium ដែលទើបសាងសង់ថ្មីនៅទីក្រុងប៉េកាំង។ ក្រុមទាំងពីរអាហ្សង់ទីន និងអូស្រ្តាលីក៏ធ្លាប់ជួបគ្នានៅ World Cup 2022 ទឹកដីកាតាកន្លងមកដែរដោយនៅពេល នោះអាហ្សង់ទីនបានយកឈ្នះ ២-១ នៅវគ្គ ១៦ ក្រុមចុងក្រោយ ដែលរួមមានគ្រាប់បាល់បញ្ចូលទីរបស់ Lionel Messi ផងដែរ៕ អត្ថបទ៖ នាង សុភាវុធ

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

លោក Paul Raguenaud បានស្ញើចសរសើរជាខ្លាំង ចំពោះការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ បានយ៉ាងអស្ចារ្យ ហើយលោករំពឹងថា នឹងមានការប្រកួតបាល់ទាត់ពិភពលោក World Cup នៅកម្ពុជា នាថ្ងៃអនាគត។ការលើកឡើងនេះ បន្ទាប់ពីបុរសជនជាតិបារាំងរូបនេះ បានចូលរួមទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១១ នៅមុខព្រះបរមរាជវាំង កាលពីព្រឹកថ្ងៃទី១១ ខែមិថុនា ឆ្នាំ២០២៣ ដើម្បីអបអរសាទរ ព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល គម្រប់ ៨៧ យាងចូល ៨៨ព្រះវស្សា ក្នុងឆ្នាំ២០២៣ នេះ ។ភ្ជាប់ជាមួយការសរសើរពីការរៀបចំព្រឹត្តិការណ៍កីឡាទេសចរណ៍នេះ លោក Paul Raguenaud បានរំឮក និងសរសើរពីការរៀបចំស៊ីហ្គេម-អាស៊ានប៉ារ៉ាហ្គេមនៅកម្ពុជា កាលពីថ្មីៗ ដែលរៀបចំបានយ៉ាងល្អ ពិសេសពិធីបើក-បិទ ។ រីឯលទ្ធផលបច្ចេកទេសវិញ ក៏ល្អប្រសើរដែរ ។ ហេតុនេះ លោកជឿជាក់ថា កម្ពុជានឹងអាចរៀបចំព្រឹត្តិការណ៍កីឡាធំៗជាច្រើនទៀត ហើយលោករំពឹងថា នៅថ្ងៃអនាគត នឹងមានការប្រកួត World Cup នៅកម្ពុជាដែរ ។គួរដឹងថា ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា កាលពីថ្មីៗ បានក្លាយជាព្រឹត្តិការណ៍ជាប្រវត្តិសាស្ដ្រ និងជាការចងចាំមួយមិនអាចបំភ្លេចបាន សម្រាប់ប្រជាជនកម្ពុជា តំបន់ និងចលនាអូឡាំពិកពិភពលោក ចំពោះទស្សនីយភាពដ៍អស្ចារ្យ ដែលត្រូវបានបង្ហាញក្នុងពិធីបើក-បិទ ក៏ដូចជាការផ្ទុះនូវចលនាមហាជនចូលរួមទស្សនាការប្រកួតកីឡាភ្លុកទឹកភ្លុកដីស្ទើរមិនគួរឲ្យជឿ រហូតទទួលបានការកោតសរសើរមិនដាច់ពីមាត់ពីបណ្ដាប្រតិភូអន្ដរជាតិ និងពិភពលោក ។ក្រឡេកមកចាប់អារម្មណ៍ទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១១ ក៏បានបញ្ចប់ដោយជោគជ័យផងដែរ សម្រាប់ការរៀបចំលើ ៤វិញ្ញាសា រួមមានរត់ចម្ងាយ ២១គីឡូម៉ែត្រ ១០គីឡូម៉ែត្រ ៥គីឡូម៉ែត្រ និង ២,៥០០ម៉ែត្រ ដែលមានអ្នកចូលរួមសរុបជិត ៤ពាន់នាក់៕ អត្ថបទ៖ លី ឈុនឡា

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ក្លិបបាល់ទាត់បឹងកេត និងសហភាពសហព័ន្ធយុវជនកម្ពុជា រាជធានីភ្នំពេញ បានសហការជាមួយក្រុមហ៊ុន AIA បន្ដរៀបចំការប្រកួតបាល់ទាត់ “ជើងឯកកុមារ” លើកទី៣ ឆ្នាំ២០២៣ ដើម្បីអបអរសាទរ “ទិវាកុមារអន្ដរជាតិ” ០១-មិថុនា កាលពីថ្មីៗកន្លងទៅ ។លោកស្រី ពុធ ធីតា ប្រធានក្លិបបឹងកេត បានសម្ដែងសេចក្ដីសោមនស្សរីករាយជាខ្លាំង ដែលការប្រកួតនេះ ក្លាយជាព្រឹត្តិការណ៍ប្រចាំឆ្នាំ ដើម្បីផ្ដល់ឱកាសដល់យុវជនទាំងអស់ បានចូលរួមលេងកីឡា ផ្សារភ្ជាប់មិត្តភាព សាមគ្គីភាព រវាងកីឡាករ និងកីឡាករ ក្រុមនីមួយៗ ក៏ដូចជាអាណាព្យាបាលកីឡាករទាំងអស់ផងដែរ ។ជាមួយគ្នាដែរ លោកស្រីបានថ្លែងអំណរគុណ ថ្នាក់ដឹកនាំសហភាពសហព័ន្ធយុវជនកម្ពុជា ដែលតែងតែយកចិត្តទុកដាក់ស្ទើរគ្រប់វិស័យ ពិសេសវិស័យកីឡា ដែលតែងចូលរួមសហការរៀបចំបង្កើតឲ្យមានកម្មវិធីកីឡាជាច្រើន ដើម្បីឲ្យយុវជនមានសុខភាពល្អ កម្លាំងមាំមួន ដើម្បីជាអនាគតរបស់ប្រទេសជាតិ ។ក្នុងនាមប្រធានក្លិប និងជាម្ដាយរបស់កីឡាករផង លោកស្រី សម្ដែងក្ដីរំភើប ដែលឃើញកុមារ និងយុវជនទាំងអស់ បានបង្ហាញសមត្ថភាពតាមរយៈការប្រកួតនេះ ហើយលោកស្រីក៏បានលើកទឹកចិត្តឲ្យយុវជនទាំងអស់ ប្រកាន់ភ្ជាប់នូវស្មារតីក្រុម គោលការណ៍ Fair Play និងបទបញ្ជាការប្រកួត ដើម្បីក្លាយជាយុវជនបន្ដវេន សម្រាប់វិស័យកីឡាបាល់ទាត់ជាតិទៀតផង ។សូមបញ្ជាក់ថា ការប្រកួតជើងឯកកុមារនេះ មាន ៣កម្រិតអាយុ ក្នុងនោះការប្រកួតជើងឯកកុមារ U11 និង U13 ក្រុមជើងឯក បានទៅក្រុមសាលាបាល់ទាត់បឹងកេត Rouy7 ដូចគ្នា គ្រាដែលការប្រកួតជើងឯក U15 ក្រុមជើងឯក បានទៅក្រុមសាលាបាល់ទាត់ ISI ដង្កោសែនជ័យ៕ អត្ថបទ៖ លី ឈុនឡា

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់

កីឡាការិនីចំបាប់ជម្រើសជាតិកម្ពុជា ឌិត សំណាង បានទទួលកៅអីចូលរួមប្រកួតកីឡាចំបាប់ជើងឯកពិភពលោក ឆ្នាំ២០២៣ នៅកោះបាលី នាខែសីហាខាងមុខ បន្ទាប់ពីកញ្ញាដណ្ដើមមេដាយប្រាក់ នៃការប្រកួតកីឡាចំបាប់ឆ្នេរខ្សាច់ពិភពលោក (Beach Wrestling World Series 2023 នៅប្រទេសសិង្ហបុរី កាលពីល្ងាចថ្ងៃទី១១ ខែមិថុនា ឆ្នាំ២០២៣ នេះ ។តាមការបញ្ជាក់របស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានឲ្យដឹងថា ក្នុងការប្រកួតកម្រិតពិភពលោកនេះ កីឡាការិនី ឌិត សំណាង ធ្វើបានយ៉ាងល្អ ដោយបានយកឈ្នះគូប្រកួត ៥ប្រកួតជាប់ៗគ្នា រួមមានឈ្នះកីឡាការិនីអាហ្វ្រិក កេនយ៉ា បារាំង អេស្ប៉ាញ និងកីឡាការិនីចិន នៅក្នុងវគ្គពាក់កណ្ដាលផ្ដាច់ព្រ័ត្រ ។ ប៉ុន្ដែសោកស្ដាយ នៅវគ្គផ្ដាច់ព្រ័ត្រ សំណាង បានចាញ់កីឡាការិនីរ៉ូម៉ានី Priceputu នាំឲ្យនាងធ្វើបានមេដាយប្រាក់ប៉ុណ្ណោះ ។យ៉ាងណាមិញសមិទ្ធផល នៃការចូលរួមលើកដំបូង ក្នុងព្រឹត្តិការណ៍កីឡាចំបាប់ឆ្នេរខ្សាច់ពិភពលោកនេះ បានធ្វើឲ្យកីឡាការិនី ឌិត សំណាង ក្លាយជាកីឡាការិនីចំបាប់កម្ពុជាដំបូង ដែលទទួលបានកៅអីចូលរួមប្រកួតកីឡាចំបាប់ជ្រើសរើសជើងឯកពិភពលោក នៅកោះបាលី ប្រទេសឥណ្ឌូនេស៊ី នាខែសីហា ឆ្នាំ២០២៣ ខាងមុខ ។ លោក ខេស៊ី រំពឹងថា សំណាង នឹងធ្វើបានកាន់តែល្អ បន្ទាប់ពីកញ្ញាទទួលបានបទពិសោធន៍ និងធ្វើបានល្អក្នុងការប្រកួតឆ្នេរខ្សាច់នេះ ។សូមបញ្ជាក់ថា ព្រឹត្តិការណ៍កីឡាចំបាប់ឆ្នេរខ្សាច់ពិភពលោក ឆ្នាំ២០២៣ នេះ កម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនី ៦រូប ទៅចូលរួមប្រកួត ក្រោមការឧបត្ថម្ភទាំងស្រុងរបស់លោក ខេស៊ី បាណេត ក្នុងនោះមានកីឡាករ ហេង វុទ្ធី ឈឿន ឈាង, ឆាំ ពិស៊ិន កីឡាការិនី ឌិត សំណាង និងកីឡាការិនី សឿន នឿន ដែលធ្វើការប្រកួតពីថ្ងៃទី១០-១១ ខែមិថុនាចុងសប្ដាហ៍កន្លងទៅ នៅប្រទេសសិង្ហបុរី៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយក​ឈ្នះកីឡាករ​ម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូល​នាងទេពមច្ឆា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រា​ជាមួយ Leicester City

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខ​ក្នុងតារាងជើងឯកពិភពលោក

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយ​ជោគជ័យខ្លាំងក្នុងស៊ីហ្គេម

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ឌិត សំណាង បានកៅអីប្រកួតជើងឯកពិភពលោក ក្រោយឈ្នះ​មេដាយប្រាក់​ចំបាប់​ឆ្នេរខ្សាច់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់