BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កុមារីកម្ពុជា ២៤នាក់ ទៅហ្វឹកហាត់ជាមួយគ្រូ Spurs នៅប្រទេសថៃ

កុមារីកម្ពុជា ២៤នាក់ ត្រូវបានអង្គការផ្កាយសមុទ្រ បញ្ជូនទៅហ្វឹកហាត់បាល់ទាត់ជាមួយគ្រូបង្វឹកអាជីពរបស់ក្លិប Tottenham Hotspurs នៅកោះសាម៉ុយ ប្រទេសថៃ រយៈពេលជិត ១សប្ដាហ៍ ចាប់ពីថ្ងៃទី១១ ដល់ថ្ងៃទី១៦ ខែមិថុនា ឆ្នាំ២០២៣ នេះ ។ថ្លែងក្នុងឱកាសជូនដំណើរក្រុមបាល់ទាត់កុមារីកម្ពុជា នៅអាកាសយានដ្ឋានអន្ដរជាតិភ្នំពេញ កាលពីថ្ងៃទី១១ ខែមិថុនា លោកស្រី ជួប វិច្ឆិកា នាយិកាប្រតិបត្តិរបស់អង្គការផ្កាយសមុទ្រ បានសម្ដែងនូវសេចក្ដីរីករាយជាខ្លាំង ដែលកុមារីកម្ពុជា ទទួលបានឱកាសទៅហ្វឹកហាត់ក្រៅប្រទេស ។ លោកស្រីរំពឹងថា បេសកកម្មមួយនេះ នឹងក្លាយជាបទពិសោធន៍ដ៏សំខាន់សម្រាប់ពួកគេនាពេលអនាគត។ជាមួយគ្នាដែរ កុមារី ឈាង ចាន់វត្តី បានថ្លែងទាំងអារម្មណ៍អរផង ភ័យផង មុនឡើងយន្ដថា ខ្លួនពិតជាសប្បាយចិត្ត ហើយបានចាត់ទុកនេះគឺជាឱកាសមួយដ៏ល្អ ដើម្បីពង្រឹងសមត្ថភាព ហើយទទួលបានចំណេះដឹងថ្មីៗ សម្រាប់យកមកអនុវត្តនៅប្រទេសរបស់កម្ពុជាវិញ ។គួរដឹងថា នេះគឺជាលើកដំបូងហើយ ដែលអង្គការផ្កាយសមុទ្រ បានបញ្ជូនកីឡាការិនីទៅហាត់ក្រៅប្រទេសជាមួយគ្រូបង្វឹក Spurs ប៉ុន្ដែកន្លងមក ក្រោមកិច្ចសហការជាមួយក្រុមហ៊ុន AIA អង្គការលេចធ្លោរមួយនេះ ក៏ធ្លាប់មានការអញ្ជើញគ្រូបង្វឹកពីក្លិបលីគកំពូលអង់គ្លេសមួយនេះ មកបង្ហាត់ដល់កុមារ និងយុវជនរបស់ខ្លួន នៅរាជធានីភ្នំពេញផងដែរ៕ អត្ថបទ៖ លី ឈុនឡា

លទ្ធផលក្រោយការប្រកួតកីឡាអ៊ុកជនពិការវិញ្ញាសា Standard Chess ជុំទី៤ នារសៀលថ្ងៃមិញ

ភ្នំពេញ ៖ បន្ទាប់ពីការប្រកួតរបស់ក្រុមកីឡាករកីឡាការិនីប្រទេសចំនួន០៨ ក្នុងកីឡាអ៊ុកជនពិការ នៃព្រឹត្តិការណ៍កីឡា អាស៊ានប៉ារ៉ាហ្គេមលើកទី១២ លើវិញ្ញាសា Standard Chess ជុំទី៤ត្រូវបានបញ្ចប់នៅវេលាល្ងាចថ្ងៃទី០៦ ខែមិថុនា ឆ្នាំ២០២៣នេះរួចមក លទ្ធផលត្រូវបានបង្ហាញ ។វិញ្ញាសា Pi ទាំងផ្នែកបុរស និងនារី គឺក្រុមកីឡាករ និងកីឡាការិនីហ្វីលីពីនជាអ្នកទទួលបានជ័យជំនះ ។ វិញ្ញាសាB1 ផ្នែកបុរស កីឡាករវៀតណាមជាអ្នកទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ទទួលជ័យជំនះ ។ វិញ្ញាសាB2B3 ផ្នែកបុរស កីឡាករហ្វីលីពីនទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ជាអ្នកទទួលបានជ័យជំនះ ។ការប្រកួតលើវិញ្ញាសា Standard Chess នេះគឺមានវិញ្ញាសាចំនួន០៣តូចៗសម្រាប់ផ្នែកបុរស និងនារី នៅក្នុងហ្នឹងផង ដែរ ដោយរួមមាន ៖ វិញ្ញាសារ Pi ជាវិញ្ញាសារសម្រាប់ជនពិការធម្មតា , វិញ្ញាសារB1 ជាវិញ្ញាសារសម្រាប់ជន ពិការភ្នែក ទាំងស្រុង និង វិញ្ញាសា B2B3 ជាវិញ្ញាសាសម្រាប់ជនដែលមានភ្នែកមើលមិនសូវច្បាស់ ឬហៅថា ភ្នៀលៗ និង ជនគរថ្លង់ជាដើម ។ ក្នុងនោះដែរកម្ពុជា គឺបានចូលរួមតែក្នុង១វិញ្ញាសាប៉ុណ្ណោះ គឺប្រកួតក្នុងវិញ្ញាសា Pi ផ្នែកបុរស ។ប្រទេសទាំង០៨ ដែលចូលរួមក្នុងការប្រកួតកីឡាអ៊ុកជនពិការ នៅក្នុងកីឡាអាស៊ានប៉ារ៉ាហ្គេមលើកទី១២នេះ រួមមាន ៖ ប្រទេសកម្ពុជា , ឥណ្ឌូនេស៊ី , ថៃ , ម៉ាឡេស៊ី , ម៉ាយ៉ានម៉ា , ហ្វីលីពិន , ទីម័ន និងប្រទេស វៀតណាម ។ ដែលក្រុមកីឡាករ នៃប្រទេសទាំង០៨ ប្រកួតលើវិញ្ញាសា០៣ធំៗ មាន ៖ Rapid Chess ( ដែលមានថេរវេលា ២៥នាទី បន្ថែមថែម ១០វិនាទី ) , វិញ្ញាសារ Standard chess ( ដែលមានថេរះវេលា ៦០នាទី បន្ថែម១៥វិនាទី ) និងវិញ្ញាសាBlitz Chess ( ដែលមានថេរវេលា ៥នាទី បន្ថែម៣វិនាទី ) ៕ អត្ថបទ ៖ លីហេង

លទ្ធផលក្រោយការប្រកួតកីឡាអុកជនពិការវិញ្ញាសា Standard Chess ជុំទី៣ ព្រឹកមិញ

ភ្នំពេញ៖ បន្ទាប់ពីការប្រកួតរបស់ក្រុមកីឡាករកីឡាការិនីប្រទេសចំនួន០៨ ក្នុងកីឡាអុកជនពិការ នៃព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ លើវិញ្ញាសា Standard Chess ជុំទី៣ ត្រូវបានបញ្ចប់ នៅវេលាថ្ងៃត្រង់ទី០៦ ខែមិថុនា ឆ្នាំ២០២៣នេះរួចមកលទ្ធផលត្រូវបានបង្ហាញ ។ សម្រាប់ការប្រកួតជុំទី៣នេះ វិញ្ញាសា B1 ផ្នែកបុរស ក្រុមកីឡាករឥណ្ឌូនេស៊ី ទទួលបានជ័យជំនះ ។ វិញ្ញាសាផ្នែកនារី ក្រុមកីឡាការិនីវៀតណាម ទទួលជ័យជំនះ ។ វិញ្ញាសា B2B3 ផ្នែកបុរស ក្រុមកីឡាករឥណ្ឌូនេស៊ី ទទួលជ័យជំនះ ។ វិញ្ញាសា ផ្នែកនារី ក្រុមកីឡាការិនីថៃ ទទួលជ័យជំនះ ។ ដោយឡែកវិញ្ញាសា Pi ផ្នែកបុរសឥណ្ឌូនេស៊ី ទទួលជ័យជំនះ ។ វិញ្ញាសាដដែល ផ្នែកនារី ក្រុមកីឡាការិនីហ្វីលីពីន ជាអ្នកទទួលជ័យជំនះ ។សូមបញ្ជាក់ថា ក្រោយចប់ការប្រកួតលើវិញ្ញាសា Standard Chess ជុំទី៣នេះហើយនោះ នៅវេលាម៉ោង១៤ រសៀលថ្ងៃខែដដែល ក៏នឹងមានការប្រកួតលើវិញ្ញាសាដដែល ក្នុងជុំទី០៤បន្តទៀត ។ការប្រកួតលើវិញ្ញាសា Standard Chess នេះ គឺមានវិញ្ញាសាចំនួន០៣តូចៗសម្រាប់ផ្នែកបុរស និងនារី នៅក្នុងហ្នឹងផងដែរ ដោយរួមមាន វិញ្ញាសា Pi ជាវិញ្ញាសាសម្រាប់ជនពិការធម្មតា , វិញ្ញាសាB1 ជាវិញ្ញាសាសម្រាប់ជនពិការភ្នែកទាំងស្រុង និង វិញ្ញាសា B2B3 ជាវិញ្ញាសាសម្រាប់ជនដែលមានភ្នែកមើលមិនសូវច្បាស់ ឬហៅថា ភ្នៀលៗ និងជនគរថ្លង់ជាដើម ។ ក្នុងនោះដែរ កម្ពុជា គឺបានចូលរួមតែក្នុង១វិញ្ញាសាប៉ុណ្ណោះ គឺប្រកួតក្នុងវិញ្ញាសា Pi ផ្នែកបុរស ។ ប្រទេសទាំង០៨ដែលចូលរួមក្នុងការប្រកួតកីឡាអុកជនពិការ នៅពេលនេះ រួមមាន ៖ ប្រទេសកម្ពុជា , ឥណ្ឌូនេស៊ី , ថៃ , ម៉ាឡេស៊ី , ម៉ាយ៉ានម៉ា , ហ្វីលីពិន , ទីម័រ និងប្រទេសវៀតណាម ។ ដែលក្រុមកីឡាករ នៃប្រទេសទាំង០៨ ប្រកួតលើវិញ្ញាសា០៣ធំៗ មាន ៖ Rapid Chess ( ដែលមានថេរះវេលា ២៥នាទី បន្ថែមថែម ១០វិនាទី ) , វិញ្ញាសា Standard chess ( ដែលមានថេរវេលា ៦០នាទី បន្ថែម១៥វិនាទី ) និងវិញ្ញាសា Blitz Chess ( ដែលមានថេរវេលា ៥នាទី បន្ថែម៣វិនាទី ) ៕ អត្ថបទ » លីហេង

អត្តពលិកជនពិការកម្ពុជា សំណូមពរប្រជាពលរដ្ឋចូលរួមគាំឲ្យបានច្រើន ដ្បិតប្រកួតថ្ងៃដំបូង មិនសូវមានអ្នកទស្សនា

ភ្នំពេញ ៖ កីឡាបាល់បោះជិះរទេះជនពិការ គឺជាប្រភេទកីឡា ដែលបានចាប់ផ្ដើមការប្រកួតមុនគេ ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នៅកម្ពុជា លើវិញ្ញាសាបុរស-នារី ៣នាក់ ទល់ ៣នាក់ កាលពីថ្ងៃទី០២ ខែមិថុនា ឆ្នាំ២០២៣ នៅសាលដំរី នៃពហុកីឡដ្ឋានជាតិមរតកតេជោ ។ប៉ុន្ដែអ្វីដែលគួរឲ្យកត់សម្គាល់ ការប្រកួតថ្ងៃដំបូងនេះ ពុំសូវមានទស្សនិកចូលរួមទស្សនានោះទេ បើធៀបនឹងការប្រកួតកីឡាស៊ីហ្គេម លើកទី១២ លើប្រភេទកីឡាបាល់បោះដូចគ្នា នៅទីតាំងដូចគ្នា កាលពីថ្មីៗ ។ តាមរយៈនេះ អត្តពលិកជនពិការកម្ពុជា បានសំណូមពរឲ្យប្រជាពលរដ្ឋចូលរួមទស្សនាឲ្យបានច្រើនកុះករ ដើម្បីលើកទឹកចិត្តដល់កីឡាករ-កីឡាការិនី ក៏ដូចជាលើកមុខមាត់ប្រទេសជាតិផងដែរ ។កីឡាការិនី អាន ស៊ីណែត និងកីឡាករ ចក់ ចាន់ សមាជិកក្រុមបាល់បោះជិះរទេះជនពិការជម្រើសជាតិកម្ពុជា បានលើកឡើងថា ប្រសិនបើមានប្រជាពលរដ្ឋចូលរួមទស្សនាច្រើន នឹងធ្វើឲ្យពួកគេកាន់តែមានកម្លាំងចិត្ត សម្រាប់ការប្រកួតប្រជែង និងដណ្ដើមលទ្ធផលល្អជូនជាតិ ។ ហេតុនេះ ពួកគេសង្ឃឹមថា ការប្រកួតបន្ដបន្ទាប់ ក៏ដូចជាតាមប្រភេទកីឡាផ្សេងៗ នឹងមានអ្នកទស្សនាច្រើន ។គួរដឹងថា មុនឈានដល់ពិធីបើកការប្រកួតផ្លូវការ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នៅល្ងាចថ្ងៃទី០៣ ខែមិថុនា ក្រុមបាល់បោះជិះរទេះជនពិការកម្ពុជា បានឡើងដល់វគ្គដណ្ដើមមេដាយ ទាំងបុរស និងនារី ក្នុងនោះក្រុមបុរស ត្រូវជួបក្រុម៉ាឡេស៊ី ដើម្បីដណ្ដើមមេដាយសំរឹទ្ធ ខណៈក្រុមនារី ត្រូវជួបថៃ ក្នុងវគ្គផ្ដាច់ព្រ័ត្រ ដើម្បីការពារមេដាយមាស នៅព្រឹកថ្ងៃសៅ៍ចុងសប្ដាហ៍នេះ នៅសាលដំរី នៃពហុកីឡដ្ឋានជាតិមរតកតេជោ ។ ដូច្នេះសង្ឃឹមថា បងប្អូនប្រជាពលរដ្ឋ នឹងចូលរួមទស្សនាឲ្យបានច្រើនកុះករក្នុងការប្រកួតដ៏សំខាន់នេះ ៕ អត្ថបទ ៖ លី ឈុនឡា

អាស៊ានប៉ារ៉ាហ្គេម ២០២៣៖ ក្រុមបាល់បោះជិះរទេះកម្ពុជា ឡើងវគ្គដណ្ដើមមេដាយ ខណៈក្រុមនារី ត្រូវជួបថៃ ការពារមេដាយមាស

ភ្នំពេញ ៖ ការប្រកួតកីឡាបាល់បោះជិះរទេះជនពិការ លើវិញ្ញាសាបុរស-នារី ៣នាក់ ទល់ ៣នាក់ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នៅកម្ពុជា បានបញ្ចប់ការប្រកួតវិលជុំសន្សំពិន្ទុហើយ ក្រោយចំណាយពេលប្រកួត ១ថ្ងៃពេញ នៅថ្ងៃទី០២ ខែមិថុនានេះ ដោយក្រុមម្ចាស់ផ្ទះកម្ពុជា បានឈានដល់វគ្គដណ្ដើមមេដាយទាំងបុរស និងនារី ពិសេសក្រុមបាល់បោះជិះរទេះកម្ពុជា ត្រូវជួបក្រុមថៃ ដើម្បីការពារមេដាយមាស នៅវគ្គផ្ដាច់ព្រ័ត្រ ។សម្រាប់ក្រុមបាល់បោះនារីកម្ពុជា បានឆ្លងកាត់ ៣ប្រកួតក្នុងវគ្គសន្សំពិន្ទុ ដោយលឈ្នះ ២ ពោលគឺឈ្នះហ្វីលីពីន ១៤-០ និងឈ្នះឡាវ ១៦-១ និងចាញ់ ១ គឺចាញ់ក្រុមថៃ ១០-៧ រកបាន ៥ពិន្ទុ ឈរលេខ២ ចាញ់ប្រៀបក្រុមថៃ ដែលយកឈ្នះ ៣ប្រកួតជាប់គ្នា រកបាន ៦ពិន្ទុពេញ ។ជាមួយលទ្ធផលនេះ កីឡាការិនី អាន ស៊ីណែត ប្រធានក្រុមកម្ពុជា បានទទួលស្គាល់ថៃ គឺជាក្រុមខ្លាំង ដែលមានបច្ចេកទេសលេងល្អ តែយ៉ាងណាក្នុងវគ្គផ្ដាច់ព្រ័ត្រ លោកស្រីជឿជាក់លើមិត្តរួមក្រុមនឹងធ្វើបានល្អឡើងវិញ ដើម្បីការពារមេដាយមាសជូនជាតិឲ្យបាន ។ដោយឡែកក្រុមបាល់បោះជិះរទេះផ្នែកបុរសកម្ពុជាវិញ បានបញ្ចប់ការប្រកួតសន្សំពិន្ទុ ដោយឈរលេខ៤ បន្ទាប់ពីឆ្លងកាត់ ៤ប្រកួតឈ្នះ ១ និងចាញ់ ៣ ពោលគឺឈ្នះក្រុមឥណ្ឌូនេស៊ី ដែលជាម្ចាស់មេដាយសំរឹទ្ធឆ្នាំចាស់ ធ្វើឲ្យកម្ពុជា មានឱកាសឡើងវគ្គបន្ដ ដោយត្រូវជួបក្រុម៉ាឡេស៊ី ដើម្បីដណ្ដើមមេដាយសំរឹទ្ធ នៅថ្ងៃទី០៣ ខែមិថុនា ឆ្នាំ២០២៣ នេះ ។កីឡាករ ចក់ ចាន់ សមាជិកក្រុមបាល់បោះជិះរទេះកម្ពុជា បានលើកឡើងថា ទោះបីក្រុមខ្លួនរងបរាជ័យ ៣ប្រកួតដំបូង តែក្រុមខ្លួនមិនបោះបង់ការខំប្រឹងនោះទេ ដោយព្យាយាមផ្លាស់ប្ដូរយុទ្ធសាស្ដ្រ រហូតយកឈ្នះឥណ្ឌូនេស៊ី ដើម្បីឡើងវគ្គបន្ដ ។ លោកសង្ឃឹមថា ការដណ្ដើមមេដាយសំរឹទ្ធ ជាមួយម៉ាឡេស៊ី ក្រុមខ្លួននឹងធ្វើបានកាន់តែល្អ ទោះបីធ្លាប់រងបរាជ័យក្នុងវគ្គសន្សំពិន្ទុក៏ដោយ ។សូមបញ្ជាក់ថា ការប្រកួតកាត់សេចក្ដីរកក្រុមជយលាភីមេដាយលើវិញ្ញាសា ៣នាក់ ទល់ ៣នាក់ នៃកីឡាបាល់បោះជិះរទេះ ក្នុងព្រឹត្តិការណ៍កីឡាជនពិការប្រចាំតំបន់លើកដំបូងនៅកម្ពុជា នឹងធ្វើឡើងនាព្រឹកថ្ងៃទី០៣ ខែមិថុនា ឆ្នាំ២០២៣ នៅសាលដំរី នៃពហុកីឡដ្ឋានជាតិមរតកតេជោ មុនពិធីបើកការប្រកួតកីឡាអាស៊ានប៉ារ៉ាហ្គេម លើកទី១២ ជាផ្លូវការ នាល្ងាចថ្ងៃទី០៣ ខែមិថុនា ដែលនឹងប្រព្រឹត្តទៅក្រោមអធិបភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ៕ អត្ថបទ ៖ លី ឈុនឡា

ឯកឧត្តម ហ៊ុន ម៉ានី ស្វាគមន៍យ៉ាងកក់ក្ដៅ ចំពោះប្រតិភូកីឡា ក្នុងពិធីគោរពទង់ជាតិ នៃព្រឹត្តិការណ៍អាស៊ានប៉ារ៉ាហ្គេម លើកទី១២

នៅព្រឹកថ្ងៃទី០២ ខែមិថុនានេះ កម្ពុជាក្នុងនាមម្ចាស់ផ្ទះការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ បានរៀបចំពិធីបង្ហូត និងគោរពទង់ជាតិ ក៏ដូចជាស្វាគមន៍ប្រតិភូកីឡា គ្រប់បណ្ដាប្រទេសសមាជិក ដែលបានអញ្ជើញមកដល់កម្ពុជា ដើម្បីចូលរួមព្រឹត្តិការណ៍កីឡាជនពិការប្រចាំតំបន់លើកដំបូងនៅកម្ពុជា ដែលនឹងប្រារព្ធពិធីបើកការប្រកួតផ្លូវការ នាល្ងាចថ្ងៃទី០៣ ខែមិថុនា ឆ្នាំ២០២៣ ស្អែក នៅពហុកីឡដ្ឋានជាតិមរតកតេជោ ។ក្នុងពិធីនេះដែរ ឯកឧត្តម ហ៊ុន ម៉ានី ប្រធានប្រតិភូកីឡាប៉ារ៉ាឡាំពិកកម្ពុជា និងជាតំណាងដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ (CAMAPGOC) បានសម្ដែងការស្វាគមន៍យ៉ាងកក់ក្ដៅ ចំពោះប្រតិភូកីឡាទាំងអស់ ដែលបានដឹកនាំ និងធ្វើដំណើរមកចូលរួមការប្រកួតកីឡាអាស៊ានប៉ារ៉ាហ្គេមនៅកម្ពុជា ។ឆ្លៀតឱកាសនោះ ឯកឧត្តមក៏បានសុំទោស ចំពោះប្រតិភូទាំងអស់ផងដែរថា ដោយសារសម្ដេចពិជ័យសេនា ទៀ បាញ់ មានបេសកកម្មក្រៅប្រទេស ទើបមិនអាចចូលរួមពិធីគោរពទង់ជាតិ និងស្វាគមន៍ប្រតិភូកីឡានេះបាន ។ យ៉ាងណាមិញឯកឧត្តមបានចាត់ទុកនេះ គឺជាឱកាសមួយដ៏អស្ចារ្យ សម្រាប់កម្ពុជា ក្នុងការធ្វើជាម្ចាស់ផ្ទះការប្រកួតកីឡាអាស៊ានប៉ារ៉ាហ្គេម លើកទី១២ ដើម្បីលើកកិត្តិយស សមត្ថភាព និងការគោរពសិទ្ធរបស់បងប្អូនជនមានពិការភាព។តាមរយៈនេះ ឯកឧត្តម ហ៊ុន ម៉ានី សង្ឃឹមថា ការស្នាក់នៅហូបចុករបស់ប្រតិភូ អត្តពលិក និងមន្ដ្រីបច្ចេកទេសទាំងអស់ នៅកម្ពុជា កំឡុងពេលប្រកួតកីឡាអាស៊ានប៉ារ៉ាហ្គេម លើកទី១២ ប្រកបដោយការពេញចិត្ត ដ្បិតកម្ពុជា បានប្ដេជ្ញា និងយកចិត្តទុកដាក់ខ្ពស់ លើការងារទទួលបដិសណ្ឋារកិច្ច និងការសម្របសម្រួលផ្សេងៗ ដើម្បីជំរុញឲ្យដំណើរការប្រកួតកីឡាសម្រាប់បងប្អូនជនមានពិការភាពនេះ បានប្រព្រឹត្តទៅ ដោយរលូន និងទទួលបានជោគជ័យ ។សូមបញ្ជាក់ថា ការប្រកួតកីឡាអាស៊ានប៉ារ៉ាហ្គេម លើកទី១២ នឹងប្រព្រឹត្តទៅ ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ដោយមានកីឡា ១៣ប្រភេទ និងកីឡាសម្ដែង ១ប្រភេទ រួមមានកីឡាអត្តពលកម្មជនពិការ, ហែលទឹកជនពិការ, បាល់បោះរទេះ, បាល់ទះអង្គុយ, វាយកូនឃ្លីលើតុជនពិការ, វាយសីជនពិការ, បាល់ទាត់ជនពិការភ្នែក, បាល់ទាត់ចលករខួរក្បាល, បាល់បោះជនពិការ, លើកទម្ងន់ជនពិការ, យូដូជនពិការ, បូស្យា និងកីឡាអុក ។ រីឯកីឡាសម្ដែង គឺកីឡាអេឡិចត្រូនិកច សរុបវិញ្ញាសាប្រកួតទាំងអស់ គឺមានចំនួន ៤២៩វិញ្ញាសា ៕ អត្ថបទ៖ លី ឈុនឡា

ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ មានអ្នកសារព័ត៌មានជាតិ និងអន្តរជាតិបានចុះឈ្មោះចូលរួមយកព័ត៌មានចំនួន ៨៥៥នាក់

ភ្នំពេញ៖ នាឱកាសប្រកាសបើកដំណើរការមជ្ឈមណ្ឌលព័ត៌មានកណ្ដាល ហៅកាត់ថា PMC និងមជ្ឈមណ្ឌលផ្សាយព័ត៌មាន IBC នៅពហុកីឡដ្ឋានជារិមរតកតេជោ នាព្រឹកថ្ងៃទី០២ ខែមិថុនានេះ ឯកឧត្តម ផុស សុវណ្ណ ប្រតិភូរាជរដ្ឋាភិបាលទទួលបន្ទុកអគ្គនាយកនៃអគ្គនាយកដ្ឋានព័ត៌មាន និងសោតទស្សន៍ និងជាប្រធានគណៈកម្មការព័ត៌មាន និងផ្សព្វផ្សាយបានឲ្យដឹងថា មកដល់ថ្ងៃទី២ ខែមិថុនា ឆ្នាំ២០២៣មុនព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ តែមួយថ្ងៃនេះ មានអ្នកសារព័ត៌មានជាតិ និងអន្តរជាតិបានចុះឈ្មោះចូលរួមយកព័ត៌មានចំនួន ៨៥៥នាក់ ក្នុងនោះមានសារព័ត៌មានអន្តរជាតិប្រហែល១០០នាក់។ ជាមួយគ្នានេះបានរៀបចំឲ្យមានមជ្ឈមណ្ឌលព័ត៌មានកណ្តាល (MPC) និងរៀបចំមជ្ឈមណ្ឌលផ្សាយព័ត៌មាន (IBC)។ ឯកឧត្តមបន្ថែមថា ទន្ទឹមនេះ ក្រុមការងារប្រយុទ្ធ ប្រឆាំងព័ត៌មានក្លែងក្លាយ ត្រូវបានបង្កើតឡើងដើម្បីតាមដាននូវការផ្សព្វផ្សាយដំណឹងក្លែងក្លាយ និងព័ត៌មានមិនពិតទាក់ទងនិងព្រឹត្តិការណ៍អាស៊ានប៉ារ៉ាហ្គេមតាមសារព័ត៌មាន និងបណ្តាញសង្គម។ ក្រុមការងារនេះក៏មានតួនាទីឆ្លើយបដោយផ្សព្វផ្សាយ នូវព័ត៌មានពិត និងសហការជាមួយក្រុមការងារអន្តរក្រសួង និងស្ថាប័ន ភ្នាក់ងារប្រឆាំងដំណឹងក្លែងក្លាយក្នុងតំបន់។ឆ្លៀតក្នុងនោះ ឯកឧត្តម ផុស សុវណ្ណ បានអំពាវនាវឲ្យអ្នកសារព័ត៌មានទាំងអស់រួមគ្នាប្រយុទ្ធប្រឆាំងព័ត៌មានក្លែងក្លាយដោយផ្សព្វផ្សាយតែព័ត៌មានពិត មានប្រភពច្បាស់លាស់ និងប្រកាន់ខ្ជាប់នូវក្រមសីលធម៌ និងវិជ្ជាជីវៈសារព័ត៌មាន៕(អត្ថបទ ៖ ប្រាក់ វ៉ាន់ដា)

កីឡាករវ័យ ៥៥ឆ្នាំ ជឹម ផាន តាំងចិត្តដណ្ដើមមេដាយអាស៊ានប៉ារ៉ាហ្គេមឲ្យបាន មុនចូលនិវត្ដន៍លើទឹកដីខ្លួន

ភ្នំពេញ៖ កីឡាករអត្តពលិកជនពិការជម្រើសជាតិកម្ពុជា ជឹម ផាន បានសម្ដែងសេចក្ដីរីករាយ និងត្រៀមខ្លួនរួចរាល់ សម្រាប់ការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា នាចុងសប្ដាហ៍នេះ ។ លោកបានប្ដេជ្ញានឹងខំប្រឹងដណ្ដើមមេដាយឲ្យបាន មុនចូលនិវត្តន៍ពីអាជីព ត្រឹមព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ ។កីឡាករវ័យ ៥៥ឆ្នាំរូបនេះ បានបញ្ជាក់ថា អស់រយៈពេលជិត ៣០ឆ្នាំមកហើយ ដែលលោកបានប្រឡូកវិស័យកីឡាជនពិការ ហើយរាល់ការប្រកួតកីឡាអាស៊ានប៉ារ៉ាហ្គេម លោកតែងទទួលបានមេដាយជូនជាតិ លើកលែងការប្រកួតចុងក្រោយ នៅប្រទេសឥណ្ឌូនេស៊ី ដែលលោកពុំទទួលបានមេដាយសោះ ។ យ៉ាងណាដោយមានការយកចិត្តទុកដាក់ពីប្រមុខរាជរដ្ឋាភិបាល ពិសេសឯកឧត្តម ហ៊ុន ម៉ានី បានធ្វើឲ្យលោកខំប្រឹងហ្វឹកហាត់ និងមានទំនុកចិត្តខ្ពស់ សម្រាប់ការប្រកួតកីឡាអាស៊ានប៉ារ៉ាហ្គេម លើកទី១២ ចុងសប្ដាហ៍នេះ ។បុរសពិការជើងស្ដាំរូបនេះ បន្ថែមថា ដោយសារវ័យកាន់តែច្រើន គ្រាដែលការប្រកួតអាស៊ានប៉ារ៉ាហ្គេមលើកដំបូងនៅកម្ពុជាផង លោកប្ដេជ្ញានឹងខំប្រឹងឲ្យអស់ពីលទ្ធភាព ដើម្បីដណ្ដើមមេដាយឲ្យខានតែបាន មុនលោកសម្រេចចិត្តចូលនិវត្តន៍ពីអាជីព ។គួរដឹងថា មុនចូលរួមប្រកួតកីឡាអាស៊ានប៉ារ៉ាហ្គេម លើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនាខាងមុខ លោក ជឹម ផាន ធ្លាប់ជាអតីតកីឡាករបាល់ទះឈរជនពិការ ក្នុងឆ្នាំ១៩៩៧ ធ្លាប់ចូលរួមប្រកួតកម្រិតអន្តរជាតិជាច្រើន និងធ្លាប់ជួយកម្ពុជាឈ្នះមេដាយមាសកម្រិតអាស៊ី កាលពីឆ្នាំ២០០២ នៅសាធារណរដ្ឋកូរ៉េ និងការប្រកួតអន្ដរជាតិធំៗជាច្រើនទៀត ។ បន្ទាប់មកលោកក៏ប្តូរមកហ្វឹកហាត់កីឡាអត្តពលកម្ម ហើយបានទទួលលទ្ធផលល្អប្រសើរ នៅក្នុងការប្រកួតកីឡាជនពិការប្រចាំតំបន់អាស៊ាននេះផងដែរ ៕ អត្ថបទោះ លី ឈុនឡា

កីឡាករ-កីឡាការិនីបាល់បោះជនពិការ ប្ដេជ្ញាធ្វើឲ្យបានល្អបំផុត ក្នុងនាមម្ចាស់ផ្ទះអាស៊ានប៉ារ៉ាហ្គេម

ភ្នំពេញ៖ នៅសល់តែ ២ថ្ងៃទៀតប៉ុណ្ណោះ នឹងឈានដល់ការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នៅកម្ពុជា ។ ចំណែកកីឡាករ-កីឡាការិនី ក៏បានត្រៀមខ្លួនរួចរាល់ សម្រាប់ការប្រកួតកីឡាជនពិការប្រចាំតំបន់នេះដែរ ជាក់ស្ដែងកីឡាករ-កីឡាការិនីបាល់បោះជិះរទេះជនពិការ បានប្ដេជ្ញានឹងធ្វើឲ្យបានល្អបំផុត ក្នុងនាមម្ចាស់ផ្ទះ ។កីឡាការិនី ស៊ឹម ដា សមាជិកក្រុមបាល់បោះជិះរទេះកម្ពុជាថា ក្នុងនាមក្រុមការពារមេដាយមាសលើវិញ្ញាសា ៣ ទល់ ៣ នឹងព្យាយាមរក្សាឲ្យបាន ហើយខំប្រឹងដើម្បីដណ្ដើមមេដាយមាសលើវិញ្ញាសាក្រុម ៥នាក់ ទល់ ៥នាក់បន្ថែមទៀត ។ដោយឡែកកីឡាករបាល់បោះជិះរទេះ សែម គឹមសួរ បានឡើងថា ទោះបីជាក្រុមក្មេងខ្ចីមួយក្នុងតំបន់ តែបើធៀបកាលពីអាស៊ានប៉ារ៉ាហ្គេម លើកទី១១ នៅឥណ្ឌូនេស៊ី គឺក្រុមខ្លួនមានការរីកចម្រើនគួរឲ្យកត់សម្គាល់ ហើយក៏រំពឹងថា នឹងសម្រេចបានលទ្ធផលកាន់តែប្រសើរជាងមុនផងដែរ ។សូមបញ្ជាក់ថា ការប្រកួតកីឡាអាស៊ានប៉ារ៉ាហ្គេម លើកទី១២ នឹងចាប់ផ្ដើមពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ ។ ចំពោះការប្រកួតមានកីឡា ១៣ប្រភេទ និងកីឡាសម្ដែង ១ប្រភេទ គ្រាដែលកីឡាបាល់បោះ នឹងធ្វើការប្រកួតពីថ្ងៃទី០៣ រហូតដល់ថ្ងៃទី០៧ ខែមិថុនាខាងមុខ នៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោ ៕ អត្ថបទ៖ លី ឈុនឡា

ភូមិកីឡាបានរៀបចំរួចរាល់ និងមកដល់ពេលនេះ ទទួលកីឡាករប៉ារ៉ាហ្គេម ចូលស្នាក់បានជិត១៥០០នាក់

ភ្នំពេញ៖ នៅសល់ប្រមាណតែ០៣ថ្ងៃទៀតប៉ុណ្ណោះ ព្រឹត្តិការណ៍ប្រកួតកីឡា ASEAN Para Games លើកទី១២ ដែលកម្ពុជា ធ្វើជាម្ចាស់ផ្ទះនឹងឈានចូលមកដល់។ មកដល់ពេលនេះ គ្រប់បន្ទប់ស្នាក់នៅ ទីតាំងអាហារដ្ឋាន នៅក្នុងភូមិកីឡា នៅក្នុងទីតាំងពហុកីឡដ្ឋានជាតិមរតកតេជោ គឺបានរៀបចំរួចរាល់ និងមានកីឡាករ កីឡាការិនីមានពិការភាព ប្រមាណ១៥០០នាក់ បានចូលស្នាក់នៅ។ក្រុមកីឡាករ កីឡាការិនីមានពិការភាព មកបណ្តាប្រទេសអាស៊ាន បានថ្លែងប្រាប់BTV នៅថ្ងៃទី៣១ ខែឧសភានេះថា នៅក្នុងភូមិកីឡានេះ គឺមានក្រុមកីឡាករប៉ារ៉ាហ្គេមចូលស្នាក់នៅតាំងពី២៨ ខែឧសភា មុនគ្រោងទុក២ថ្ងៃ ហើយការស្នាក់នៅក្នុងភូមិកីឡានេះ គឺមានក្រុមអ្នកស្ម័គ្រចិត្ត និងអ្នករៀបចំ បានជួយសម្របសម្រួលការស្នាក់នៅ និងការហូបអាហារបានល្អប្រសើរ មានការទទួលរាក់ទាក់បំផុត។បើតាមក្រុមយុវជនស្ម័គ្រចិត្តផ្នែករៀបចំបរិស្ថាន សម្អាតបន្ទប់ស្នាក់ ថ្លែងថា គ្រប់បន្ទប់ស្នាក់ នៅក្នុងភូមិកីឡា រហូតមកដល់ពេលនេះ គឺបានរៀបចំរួចរាល់ នៅពេលនេះ គឺសល់តែការងាររៀបចំ និងសម្អាតបន្ទប់ប្រចាំថ្ងៃ ជូនក្រុមកីឡាប៉ារ៉ាហ្គេមតែប៉ុណ្ណោះ ហើយការងារនេះគឺយើងបានរួមសហការរៀបចំឲ្យស្អាតបំផុត ដើម្បីឲ្យក្រុមកីឡាចូលស្នាក់នៅមានផាសុកភាព និងសុវត្ថិភាពបំផុត។ឯកឧត្តម សុង តុងហាប់ រដ្ឋលេខាធិការក្រសួងទេសចរណ៍ និងជាប្រធានគណៈកម្មការហូបចុក ស្នាក់នៅព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២បានថ្លែងថា ភូមិកីឡា នៅក្នុងឱកាសកម្ពុជា រៀបចំព្រឹត្តិការណ៍ប្រកួតកីឡាអាស៊ានប៉ារ៉ាហ្គេមនេះ នឹងមានកីឡាករ កីឡាការនីប៉ារ៉ាហ្គេមចូលស្នាក់នៅសរុបប្រមាណ ២ ៧០០ នាក់ ។ ដោយឡែកថ្នាក់ដឹកនាំ និងប្រតិភូកីឡាអាស៊ានប៉ារ៉ាហ្គេម គឺត្រូវបានរៀបចំស្នាក់នៅ នៅតាមសណ្ឋាគារលំដាប់ផ្កាយ ដែលនៅជិតទីលានប្រកួត៕អត្ថបទ៖ ស៊ុម សុខជា

បណ្ដាញសង្គម

ព័ត៌មានថ្មីៗ

លោក Trump និយាយថាក្រុមប្រឹក្សាសន្តិភាពឈានដល់កិច្ចព្រមព្រៀងរំសាយអាវុធតំបន់ហ្កាហ្សា

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877