BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ឯកឧត្តម វ៉ាត់ ចំរើន៖ បិទស៊ីហ្គេម នឹងមានទស្សនីយភាពអស្ចារ្យ តែអ្នកចូលទស្សនា ត្រូវមានបណ្ណថ្មី

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានបញ្ជាក់ថា ពិធីបិទព្រឹត្តិការណ៍ស៊ីហ្គេម លើកទី៣២ ដែលគ្រោងរៀបចំនាថ្ងៃទី១៧ ខែឧសភាខាងមុខ នឹងមានទស្សនីយភាពអស្ចារ្យ មិនចាញ់ពិធីបើកឡើយ ។ ប៉ុន្ដែអ្នកចូលទស្សនាទាំងអស់ ត្រូវមានបណ្ណចូលទស្សនាថ្មី ដើម្បីការពារសន្ដិសុខ សុវត្ថិភាព និងសណ្ដាប់ធ្នាប់ឲ្យកាន់តែល្អប្រសើរ ។ឯកឧត្តមមានប្រសាសន៍ថា ធម្មតាពិធីបើកព្រឹត្តិការណ៍កីឡាធំៗ តែងមានទស្សនីយភាពច្រើន និងអស្ចារ្យ ជាក់ស្ដែងក្នុងពិធីបើកស៊ីហ្គេម លើកទី៣២ នៅកម្ពុជា កាលពីថ្ងៃទី០៥ ខែឧសភា ដែលធ្វើឲ្យពិភពលោកមានការកោតស្ញប់ស្ញែងជាខ្លាំង ។ ចំពោះពិធីបិទវិញ ក៏នឹងត្រូវរៀបចំក្នុងកម្រិតដ៏អស្ចារ្យផងដែរ ។ តែចំពោះបណ្ណចាស់ ដែលចូលរួមពិធីបើកថ្ងៃមុន ត្រូវបានទុកជាមោឃៈ បន្ទាប់ពីគណៈកម្មាធិការជាតិ CAMSOC សម្រេចធ្វើបណ្ណថ្មី សម្រាប់ប្រើប្រាស់ក្នុងពិធីបិទ ដែលនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។គួរដឹងថា គិតត្រឹមថ្ងៃទី១២ ខែឧសភានេះ គឺមានរយៈពេល ១៤ថ្ងៃហើយ នៃដំណើរការប្រកួតកីឡាស៊ីហ្គេម លើកទី៣២ នៅកម្ពុជា ដែលចាប់ផ្ដើមការប្រកួតតាំងពីថ្ងៃទី២៩ ខែមេសា មុនពិធីបើកផ្លូវការ កាលពីថ្ងៃទី០៥ ខែឧសភា ពោលគឺនៅសល់ ៥ថ្ងៃទៀតប៉ុណ្ណោះ ព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ នឹងឈានដល់ពិធីបិទ ។ទន្ទឹមជាមួយគ្នា គេឃើញសន្ទុះប្រជាពលរដ្ឋជាច្រើន បានសម្រុកទៅគាំទ្រគ្រប់ការប្រកួត ពិសេសលើកទឹកចិត្តដល់អត្តពលិកជាតិ ហើយក៏កំពុងចាប់អារម្មណ៍ និងចង់ចូលរួមពិធីបិទនាពេលខាងមុខយ៉ាងច្រើនកុះករផងដែរ ៕

លទ្ធផលវិញ្ញាសាកង់គួកបុរសនៅមុខអង្គរវត្ដ មេដាយមាសបានទៅលើឥណ្ឌូនេស៊ី, ផ្នែកនារី មេដាយមាសបានទៅលើថៃ

សៀមរាប៖ ការប្រកីឡាស៊ីហ្គេមលើកទី៣២លើវិញ្ញាសាកង់គួក បុរស ដែលមានចំង៉ាផ្លូវជាង៥៥គីឡូម៉ែត្រ និងកង់គួនារីដែលមានចម្ងាយផ្លូវជាង៣៦គីឡូម៉ែត្រ ទីតាំងប្រគួតស្ថិតនៅខាងមុខង្គរវត្ដ ខេត្ដសៀមរាប បានចាប់ផ្ដើមដំណើរការហើយ នៅព្រឹកថ្ងៃទី១១ខែឧសភាឆ្នាំ២០២៣នេះ ។ការប្រកួតកង់គួកបុរសនារីនេះ មានកីឡាករផ្នែកបុរសចំនួន២៤រូប និងកីឡាការីនីចំនួន២០រូប មកពីចំនួន៨ប្រទេស រួមមាន កម្ពុជា ឥណ្ឌូនេស៊ី ម៉ាឡេស៊ី ហ្វីលីពីន ស៊ីងហ្គាពួរ ថៃ វៀតណាម ឡាវ ។ក្រោយពីការប្រកួតដ៏ស្វិតស្វាញនៅលើកំណត់ផ្លូវកោងវិលជុំរយៈពេល៣ម៉ោង ជាលទ្ធផលការប្រកួតកង់គួកបុស ទទួលបានមេដាយមាស បានទៅលើប្រទេសឥណ្ឌូនេស៊ី មេដាយប្រាក់បានទៅលើប្រទេសម៉ាឡេស៊ី និងមេដាយសំរិទ្ធិបានទៅលើប្រទេសហ្វីលីពីន។ដោយឡែកវិញ្ញាសាកង់គួកនារី ដែលមានចម្ងាយផ្លូវជាង៣៦គម ស្មើ២០ជុំ មេដាយមាសបានទៅលើប្រទេសថៃ មេដាយប្រាក់បានទៅលើប្រទេសវៀតណាម និងមេដាសំរិទ្ធិបានទៅលើប្រទេសម៉ាឡេស៊ី។សូមបញ្ជាក់ថា ការប្រកួតកីឡាស៊ីហ្គេមលើវិញ្ញាសាកង់គួកនេះ ធ្វើឡើងមានរយៈពេលបីថ្ងៃចាប់ពីថ្ងៃទី១១ដល់ថ្ងៃទី១៣ខែឧសភាឆ្នាំ២០២៣នេះ ដោយមានចម្ងាយជាង ៥៥ គមស្នើ៣០ជុំ ផ្នែកបុរស និងផ្នែកនារីចង្ងាយផ្លូវជាង៣៦គម ស្មើនឹង២០ជុំ ស្ថិតនៅខាងមុខប្រាសាទអង្គរវត្ដ។ដោយឡែកថ្ងៃទី១២ និងទី១៣ខែឧសភា ការប្រគួតកង់គួកចម្ងាយផ្លូវជាង១៥៥គម ស្ថិតនៅតំបន់រមណីយដ្ឋានអង្គរ(វង្សធំ)៕

ឯកឧត្តម ហ៊ុន ម៉ានី មានមោទនភាពចំពោះយុវជនស្ម័គ្រចិត្តក្នុងការបំពេញភារកិច្ចនាឱកាសស៊ីហ្គេម

ភ្នំពេញៈ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ស.ស.យ.ក នាព្រឹកថ្ងៃទី១១ ខែឧសភា ឆ្នាំ២០២៣នេះ បានសរសេរលើហ្វេសប៊ុក ដោយបានបង្ហាញក្ដីរំភើប និងមានមោទនភាពបំផុតចំពោះកិច្ចខិតខំប្រឹងប្រែងរបស់ក្រុមយុវជនស្ម័គ្រចិត្តកម្ពុជា ដែលបានលះបង់កម្លាំងកាយចិត្តបំពេញភារកិច្ចរបស់ខ្លួនទទួលស្ថាគមន៍ភ្ញៀវ ប្រភិភូកីឡា និងកីឡាករ កីឡាការិនី នាឱកាសកម្ពុជាធ្វើជាម្ចាស់ផ្ទះ ប្រកបដោយ ស្នាមញញឹម ដ៏កក់ក្តៅ ទន់ភ្លន់ ជាមួយនឹងរបៀបរបបធ្វើការងារប្រកបដោយទំនួលខុសត្រូវ។ ឯកឧត្ដមបានថ្លែងថា ការទទួលស្វាគមន៍ និងបដិសណ្ឋារកិច្ចប្រកបស្នាមញញឹម ដ៏កក់ក្តៅ ទន់ភ្លន់ ជាមួយនឹងរបៀបរបបធ្វើការងារប្រកបដោយទំនួលខុសត្រូវ ក៏ដូចជាភាពឈ្លាសវៃក្នុងការដោះស្រាយបញ្ហាប្រឈមនានារបស់ប្អូនៗយុវជនស្ម័គ្រចិត្តយើងទាំងអស់គ្នា ពិតជាធ្វើឲ្យឯកឧត្ដម រីករាយ និងគួរឲ្យកោតសរសើរមែន។ ឯកឧត្ដម ក៏សូមអភ័យទោស ដែលឯកឧត្ដមមិនបានសួរសុខទុក្ខប្អូនៗ (ស្ម័គ្រចិត្ត) ឲ្យបានដល់គ្រប់ទីតាំងទាំងអស់។ ឯកឧត្ដមបន្តថា៖«ក៏ប៉ុន្តែខ្ញុំចង់ប្រាប់ថា ខ្ញុំសូមអរគុណចេញពីបេះដូង និងទទួលស្គាល់តម្លៃ នៃការស្ម័គ្រចិត្តរបស់ប្អូនៗគ្រប់ៗគ្នា ក៏ដូចជាអ្នកចូលរួមនានាគ្រប់ៗរូប។ ខ្ញុំពិតជាមានមោទនភាពចំពោះអ្នកទាំងអស់គ្នា ហើយក៏ចង់ប្រាប់ដែរថា កម្ពុជា ក៏មានមោទនភាពចំពោះអ្នកទាំងអស់គ្នាដូចគ្នា»៕

លោក Honda ផ្ដាំឱ្យក្រុមកម្ពុជាបន្តដើរតាមក្តីស្រមៃ

ភ្នំពេញ៖ លោក Honda បានសរសេរលើហ្វេសប៊ុក នាព្រឹកថ្ងៃទី១១ ខែឧសភានេះ ដោយផ្ដាំឲ្យក្រុមកម្ពុជាបន្តដើរតាមក្តីស្រមៃរបស់ខ្លួន។ លោកបានសរសេរថា អរុណសួស្តី! ដូចអ្នកទាំងអស់គ្នា បានដឹងហើយថា ភារកិច្ចរបស់ខ្ញុំ ក្នុងការដឹកនាំក្រុមជម្រើសជាតិកម្ពុជា បានបញ្ចប់កាលពីយប់មិញ។ លោកបន្តថា ពួកយើងចង់ឲ្យអ្នកទាំងអស់គ្នា សប្បាយចិត្តជាមួយលទ្ធផលល្អប្រសើរមួយ។ ប៉ុន្តែពួកយើង មិនអាចធ្វើបាន។ ពួកយើងមិនគួរសន្យានោះទេ ហើយពេលខ្លះខ្ញុំក៏ពិបាកទទួលយកលទ្ធផលមិនល្អទាំងនោះដែរ។លោកបញ្ជាក់ថា ខ្ញុំមានអារម្មណ៍ថា ការដឹកនាំរបស់ខ្ញុំ បរាជ័យជាច្រើនដង ចាប់ពីឆ្នាំ២០១៨មក ។ ប៉ុន្តែអ្នកទាំងអស់គ្នា (អ្នកគាំទ្រ និងកីឡាករ) ជាកម្លាំងចិត្ត និងក្តីសង្ឃឹមរបស់ខ្ញុំ។ ទាំងនេះ គឺជាមូលហេតុ ដែលខ្ញុំបន្តភារកិច្ចការងារខ្ញុំ រហូតដល់បញ្ចប់រយ:ពេល៥ឆ្នាំនេះ។លោក Honda លើកឡើងថា អ្នកគាំទ្រ និងកីឡាករទាំងអស់ បានផ្ដល់ឲ្យខ្ញុំគ្រប់យ៉ាង។ ខ្ញុំមានមោទកភាពចំពោះអ្នកទាំងអស់គ្នា។លោក Honda ថ្លែងថា ជាចុងក្រោយ ខ្ញុំចង់និយាយពាក្យមួយម៉ាត់ថា " ត្រូវមានក្តីស្រមៃ ហើយដើរតាមក្តីស្រមៃខ្លួន"៕

ដល់វេលាដែលលោកនឹងត្រូវលាកម្ពុជាហើយ!

ភ្នំពេញ ÷ KEISUKE HONDA អ្នកចាត់ការទូទៅនៃក្រុមកីឡាករជម្រើសជាតិកម្ពុជា ដែលជាជនជាតិជប៉ុនម្នាក់នេះ បានជួយច្រើនណាស់ក្នុងវិស័យកីឡាបាល់ទាត់នៅកម្ពុជាចាប់តាំងពីឆ្នាំ ២០១៨ មក។ ដ្បិតថានៅពេលនេះ ក្រុមជម្រើសជាតិកម្ពុជាមិនអាចឈានដល់វគ្គផ្ដាច់ព្រ័ត្រក្នុងការប្រកួតកីឡាស៊ីហ្គេមលើកទី៣២ នៅកម្ពុជា ក៏ដោយ ប៉ុន្តែរយៈពេល ៥ឆ្នាំមកនេះ លោកបានធ្វើឱ្យវិស័យកីឡាបាល់ទាត់ដើរដល់ចំណុចខ្លាំងមួយនៅក្នុងតំបន់ ព្រមទាំងបានបង្វិកកីឡាករកម្ពុជាឱ្យក្លាយជាធនធានកីឡាដ៏ល្អសម្រាប់ជាតិកម្ពុជា។

សហព័ន្ធកីឡាបាល់ទាត់ថ្លែងអំណរគុណអ្នកគាំទ្រ និងលោក Keisuke Honda

ភ្នំពេញ÷ សហព័ន្ធកីឡាបាត់ទាត់កម្ពុជាសម្ដែងការអរគុណដល់អ្នកគាំទ្រក្រុមបាត់ទាត់ជម្រើសជាតិបុរសដែលបានគាំទ្រចេញពីកម្លាំងកាយចិត្តតាំងពីដើមរហូត ដល់ការប្រកួតចុងក្រោយនារាត្រីនេះក្នុងការប្រកួតកីឡាស៊ីហ្គេម ២០២៣។ នេះបើយោងតាមការបង្ហោះសារនៅលើផេកផ្លូវការរបស់សហព័ន្ធបាត់ទាត់កម្ពុជា នារាត្រី ថ្ងៃទី ១០ ខែឧសភា នេះ។សហព័ន្ធកីឡាបាល់ទាត់កម្ពុជាបានលើកឡើងថា ៖ «ពួកយើងទាំងអស់គ្នាពីក្រុមជម្រើសជាតិកម្ពុជា កីឡាករ គ្រូបង្វឹក និងមន្រ្តី ស.ប.ក ទាំងអស់ សូមថ្លែងអំណរគុណចំពោះទឹកចិត្ត ការគាំទ្ររបស់បងប្អូនក្នុងអំឡុងព្រឹត្តិការណ៍នេះ និងសោកស្ដាយដែលមិនអាចបន្តទៅជុំបន្ទាប់។» ជាមួយគ្នានេះ សហព័ន្ធកីឡាបាល់ទាត់កម្ពុជាក៏បានថ្លែងអំណរគុណដល់លោក Keisuke Honda ចំពោះការខិតខំប្រឹងប្រែងក្នុងរយៈពេល ៥ឆ្នាំកន្លងមក ព្រទាំងបានជូនពរលោកជួបប្រទះតែសំណាងល្អ និងជោគជ័យគ្រប់ភារៈកិច្ចនាពេលខាងមុខ។

កីឡាកម្ពុជា ដណ្តើមបានមេដាយសំរិទ្ធទៀត ពីការប្រកួតកីឡា Chinlone ស៊ីហ្គេមលើកទី៣២

ភ្នំពេញ៖ ល្ងាចថ្ងៃទី៩ ខែឧសភានេះ ក្រុមកីឡាករ កីឡាការិនី កម្ពុជា បានប្រកួតដណ្តើមបានមេដាយសំរិទ្ធ២បន្ថែមទៀត នៅក្នុងព្រឹត្តិការណ៍ប្រកួតកីឡាChinlone ស៊ីហ្គេមលើកទី៣២ លើវិញ្ញាសា ប្រកួតជាក្រុម Chinlone Event4 បុរស នារី ។បើតាមតំណាងក្រុមកីឡាករ មេដាយសំរិទ្ធ Chinlone Event4 បានថ្លែងថា នៅក្នុងដំណើរការប្រកួតលើវិញ្ញាសារChinlone Event4នេះ គឺអាជ្ញាកណ្តាលហាក់មានការរឹទ្ធបន្តឹងខ្លាំង ចំពោះការធ្វើក្បាច់ត្រេសបាល់ឲ្យបានត្រូវតាមក្បួន ហើយការប្រកួតទទួលបានមេដាយសំរិទ្ធលើវិញ្ញាសានេះ ក្រុមយើងធ្វើចាញ់ដៃគូប្រកួតមកពីប្រទេសឡាវ តែមួយពិន្ទុប៉ុណ្ណោះ ដែលធ្វើឲ្យយើងមានការសោកស្តាយខ្លាំង។សូមបញ្ជាក់ថា ការប្រកួតកីឡាChinlone ស៊ីហ្គេមលើកទី៣២នេះ គឺមានក្រុមកីឡាករ កីឡាការនីមកពីបណ្តាប្រទេសចំនួន5ចូលរួមរួមមាន៖ ប្រទេសកម្ពុជាយើង មីយ៉ាន់ម៉ា ឡាវ ម៉ាឡេស៊ី និងប្រទេសថៃ ហើយក្នុងព្រឹត្តិការណ៍ប្រកួតកីឡាឈិនឡូន ស៊ីហ្គេមនេះ ក្រុមកីឡាកម្ពុជាយើងប្រកួតដណ្តើមបានមេដាយមាស៤ ប្រាក់១ សំរិទ្ធ៦។សូមបញ្ជាក់ថា កីឡាChinlone គឺមានប្រភពដើមចេញមកពីប្រទេសមីយ៉ាន់ម៉ា ។

ឯកឧត្តម សៅ សុខា លាលែងពីតំណែងជាប្រធានសហព័ន្ធកីឡាបាល់ទាត់កម្ពុជា

កម្ពុជា ៖ បន្ទាប់ពីក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំ ចាញ់ពីរប្រកួតជាប់គ្នា និងសល់ក្តីរំពឹងតិចតួចឡើងទៅវគ្គបន្តក្នុងការប្រកួតស៊ីហ្គេម ២០២៣ ឯកឧត្តម សៅ សុខា បានប្រកាសភ្លាមលាលែងពីតំណែងជាប្រធានសហព័ន្ធកីឡាបាល់ទាត់កម្ពុជា ក្រោយកម្ពុជា ចាញ់សហភាពមីយ៉ាន់ម៉ា ០ទល់នឹង២ យប់ថ្ងៃទី៧ ខែឧសភា ឆ្នាំ២០២៣នេះ។យោងគណនីហ្វេសបុកផ្លូវការ ឯកឧត្តមបានបញ្ជាក់តាមសំណេរថា បន្ទាប់ពីបរាជ័យក្នុងការប្រកួតចម្រុះក្នុងពូលA ក្នុងព្រិត្តិការណ៍ sea games ឯកឧត្តមគោរពនូវការសន្យា ដើម្បីបង្ហាញ នូវស្មារតីទទួលខុសត្រូវ ដោយសូមប្រកាសលាលែងពីតំណែងប្រធានសហពន្ធ័កីឡាបាល់ទាត់កម្ពុជាចាប់ពីរាត្រីថ្ងៃ អាទិត្យ ទី ០៧ ខែ ឧសភា ឆ្នាំ ២០២៣ ហើយប្រគល់ជូនលោកឧ.ខៀវ សាម៉េត អនុប្រធានស.ប.ក (សហព័ន្ធកីឡាបាល់ទាត់កម្ពុជា) ជាប្រធានស្តីទីចាប់ពីពេលនេះតទៅ. ។ឯកឧត្តមក៏សូមអរគុណឯកឧត្តមរដ្ឋមន្ត្រីក្រសួងអប់រំយុវជន និងកីឡា និងបងប្អូនដែលបានបញ្ចេញមតិគាំទ្រអោយបន្តតំណែងជាប្រធានសហពន្ធ័កីឡាបាល់ទាត់កម្ពុជាព្រមទាំងសូមអភ័យទោសដែលឯកឧត្តមពុំអាចនាំកិត្តិយសជូនជាតិបានតាមរយះការប្រកួតបាល់ទាត់ក្នុងព្រិត្តិការណ៍ដែលកម្ពុជាធ្វើជាម្ចាស់ផ្ទះ ។ ឯកឧត្តមក៏បានអរគុណលោកអនុប្រធាន សមាជិកគណះកម្មាធិការប្រតិបត្តិស.ប.ក និងមន្ត្រីបុគ្គលិកទាំងអស់ដែលបានរួមជាមួយជាមួយឯកឧត្តមធ្វើការងារលើវិស័យកីឡាបាល់ទាត់កន្លងមក ។សូមជម្រាបជូនថា ក្រោយឆ្លងកាត់បីប្រកួតម្នាក់ក្នុងពូល A ឥណ្ឌូនេស៊ីឡើងទៅវគ្គពាក់កណ្តាលផ្តាច់ព្រ័ត្រ មាន៩ពិន្ទុ បីប្រកួតឈ្នះទាំងបី សហភាពលេខ២មាន៦ពិន្ទុ បីប្រកួតឈ្នះពីរ ចាញ់មួយ កម្ពុជា មាន៤ពិន្ទុ ឈ្នះមួយ ស្មើមួយ និងចាញ់មួយ។ ដើម្បីបានឡើងទៅវគ្គបន្តកម្ពុជា ត្រូវការឈ្នះដាច់ខាតពេលជួបឥណ្ឌូនេស៊ី ថ្ងៃទី១០ ខែឧសភា ឆ្នាំ២០២៣ និងសហភាពមីយ៉ាន់ម៉ាចាញ់ទីម័រខាងកើត៕

ឯកឧត្តម ហ៊ុន ម៉ានិត ÷ ធម្មតា កីឡា មានចាញ់ មានឈ្នះ

ភ្នំពេញ÷ ឯកឧត្តម ហ៊ុន ម៉ានិត មេបញ្ជាការរងទ័ពជើងគោក បានសរសេរ នៅលើហ្វេសប៊ុន មុននេះថា កីឡារស់ក្នុងសន្តិភាព កីឡាដើម្បីមិត្តភាព។ឯកឧត្តម ថ្លែងថា ទោះថ្ងៃនេះ យើងមិនបានជ័យជំន្នះ តែកីឡាករទាំងអស់បានប្រឹងប្រែងអស់ពីលទ្ធភាព ហើយនេះជាបទពិសោធន៍ដល់កីឡាករទាំងអស់ ដើម្បីហ្វឹកហាត់ ពង្រឹងសមត្ថភាពបន្ថែមទៀត សម្រាប់ការប្រកួតពេលក្រោយ។ឯកឧត្តម សូមអរគុណដល់បងប្អូនទាំងអស់ អ្នកស្នេហាវិស័យកីឡា ដែលតែងតែចំណាយពេលវេលា ចូលរួមទស្សនា ដើម្បីផ្តល់កម្លាំងចិត្តជូនកីឡាករយើងទាំងអស់។

ការប្រកួតកីឡាស្នុកឃ័រ ក្នុងព្រឹត្តិការស៊ីហ្គេម បានចាប់ផ្តើមដំណើរការប្រកួត

ភ្នំពេញ៖ ការប្រកួតកីឡាប៊ីយ៉ា(ស្នុកឃ័រ) ក្នុងព្រឹត្តិការស៊ីហ្គេម លើកទី៣២ ឆ្នាំ២០២៣ បានចាប់ផ្តើមដំណើរការប្រកួតពីថ្ងៃទី៧ខែឧសភានេះ រហូតដល់ថ្ងៃទី១៤ ខែឧសភា ឆ្នាំ២០២៣ ចាប់ពីម៉ោង១០ព្រឹក ដល់ម៉ោង៩យប់ ស្ថិតនៅផ្សារទំនើបអ៊ីអន សែនសុខជាន់ទី៣។ ប្រភេទកីឡានេះ មានប្រទេស១០ចូលរួមប្រកួតដែលក្នុងរួមមាន៖ ប្រទេសកម្ពុជា ប្រទេសប្រុយនេដារ៉ូសាឡឹម ប្រទេសឡាវ ឥណ្ឌូនេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ប្រទេសថៃ និងប្រទេសវៀតណាម។ប្រភេទកីឡាប៊ីយ៉ា ចែកជា១០វិញ្ញាសា ក្នុងនោះរួមមាន៖ទី១. ប៊ីយ៉ាភូល ឯកត្តជនបុសរ ទី២.ប៊ីយ៉ាភូល គូរបុរស ទី៣.ប៊ីយ៉ាស្នូកឃ័រ ឯកត្តជនបុរស ទី៤.ប៊ីយ៉ាស្នូកឃ័រ គូបុរស ទី៥.ប៊ីយ៉ាស្នូកឃ័រគ្រាប់ក្រហម៦ ឯកត្តជនបុរស ទី៦.ប៊ីយ៉ាស្នូកឃ័រគ្រាប់ក្រហម គូរបុសរ ទី៧.ប៊ីយ៉ាអង់គ្លេស ឯកត្តជនបុរស ទី៨.ប៊ីយ៉ាការ៉ុម១បាំង ឯកត្តជននារី ទី៩.ប៊ីយ៉ាការ៉ុម៣បាំង ឯកត្តជននារី និងទី១០.ប៊ីយ៉ាការ៉ុម៣បាំងឯកត្តជន បុរស។

បណ្ដាញសង្គម

ព័ត៌មានថ្មីៗ

អាវុធហត្ថរាជធានីភ្នំពេញ បានបញ្ជូនក្មេងទំនើងដែលបង្កហិង្សា និងអះអាងថា ខ្លួនជាកូនខ្លាមេ០៧ ទៅតុលាការចាត់ការបន្តតាមនីតិវិធី

អ្នកនាំពាក្យក្រសួងព័ត៌មាន៖ គេហទំព័រមន្ទីរព័ត៌មានរាជធានី-ខេត្ត ត្រូវក្លាយជាច្រកផ្តល់ព័ត៌មានផ្លូវការដ៏សំខាន់

អ្នកសម្របសម្រួលប៉ាគីស្ថាននិយាយថា ការចរចាអាមេរិក-អ៊ីរ៉ង់ កំពុងដំណើរការ ខណៈគូជម្លោះបន្តវាយប្រហារដាក់គ្នា

អង្គប្រជុំគណៈកម្មាធិការបេតិកភណ្ឌពិភពលោក លើកទី៤៨ អនុម័តថ្កោលទោសលើការបំផ្លិចបំផ្លាញសម្បត្តិបេតិកភណ្ឌពិភពលោកក្នុងពេលជម្លោះប្រដាប់អាវុធថៃឈ្លានពានកម្ពុជា

លោក Trump និយាយថាក្រុមប្រឹក្សាសន្តិភាពឈានដល់កិច្ចព្រមព្រៀងរំសាយអាវុធតំបន់ហ្កាហ្សា

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877