BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ការប្រកួតកីឡា Aquathlon មានកម្ពុជាឈ្នះមេដាយមាស ឥណ្ឌូនេស៉ី និងហ្វីលីពីន

កែប៖ ការប្រកួតកីឡាអាគ័តថ្លុង មានកម្ពុជា ឥណ្ឌូនេស៉ី និងហ្វីលីពីន ឈ្នះមេដាយមាស លើវិញ្ញសារ៣ផ្សេងគ្នា រួមមាន ហែលទឹក និងរត់។ នៅថ្ងៃទី៦ ខែឧសភា ឆ្នាំ២០២៣នេះ ការប្រកួតកីឡាស៉ីហ្គេម ប្រភេទអាគ័តថ្លុង ដែលជាវិញ្ញសាមួយក្នុងចំណោមវិញ្ញសារធំចំនួន៣ បានចាប់ផ្តើមរកឃើញអ្នកឈ្នះមេដាយមាស ប្រាក់់ និងសំរិទ្ធហើយ ដោយពេញមួយថ្ងៃបានបញ្ចប់ការប្រកួត៣វិញ្ញសារ៖ វិញ្ញសាទី១ កីឡាហែលទឹកនារី វិញ្ញសាទី២ កីឡាហែលទឹកបុរស ដែលមានការប្រកួតដូចគ្នា គឺហែលទឹក ចំងាយ ៥០០ម៉ែត្រ និងរត់ ២,៥គីឡូម៉ែត្រ និងវិញ្ញសាទី៣ អាគ័តថ្លុងបុរស និងនារី ដែលក្នុងប្រទេសនីមួយៗមានកីឡាបុរស ២នាក់ និងនារី ២នាក់ ចូលរួមប្រកួតប្រជែង។ ជាលទ្ធផលនៃវិញ្ញសាអាគ័តថ្លុងនេះ ចំពោះការប្រកួតកីឡាការិនី ហែលទឹក និងរត់ កម្ពុជាឈ្នះមេដាយមាស, ថៃមេដាយប្រាក់, ឥណ្ឌូនេស៉ីមេដាយសំរិទ្ធ, វិញ្ញាសាហែលទឹក និងរត់បុរស ឥណ្ឌូនេស៉ីឈ្នះមេដាយមាស, ហ្វីលីពីនឈ្នះមេដាយប្រាក់, ហ្វីលីពីនឈ្នះមេដាយសំរិទ្ធ ខណៈវិញ្ញសាទី៣ អាគ័តថ្លុងបុរស និងនារី ប្រកួតក្នុងពេលតែមួយនោះ ហ្វីលីពីនឈ្នះមេដាយមាស, ឥណ្ឌូនេស៉ីមេដាយប្រាក់ និងវៀតណាមឈ្នះមេដាយសំរិទ្ធ។ ការបំពាក់មេដាយនេះ មានការចូលរួមពីឯកឧត្តម សោម ពិសិដ្ឋ អភិបាលខេត្តកែប និងគណៈប្រតិភូកីឡានៃប្រទេសនីមួយៗជូនកីឡាករ កីឡាការិនី។ បន្ទាប់ពីបញ្ចប់វិញ្ញាសាអាគ័តថ្លុង នៅថ្ងៃស្អែកនេះជាការប្រកួតកីឡាឌូអាត់ថ្លុង ជាវិញ្ញសា រត់លើកទី១ ៥គីឡូម៉ែត្រ ជិះកង់២០គីឡូម៉ែត្រ និងរត់លើកទី២ ២,៥គីឡូម៉ែត្រ និងថ្ងៃទី៨ ជាវិញ្ញាសាទ្រីយ៉ាថ្លុង ដោយបែងចែកការប្រកួតបុរស និងនារីដាច់ដោយឡែកពីគ្នា និងត្រូវហែលទឹកចំងាយ ៧៥០ម៉ែត្រ ជិះកង់ ២០គីឡូម៉ែត្រ បន្តរត់ទៅគោលដៅចុង ក្រោយចំងាយ ២,៥គីឡូម៉ែត្រ៕ ដោយ ៖ ឧត្ដម

ការប្រកួតម៉ារ៉ាតុង វិញ្ញាសាដើរចំងាយ២០ គម នៅខាងមុខប្រាសាទអង្គរវត្តចាប់ផ្តើមហើយ

សៀមរាប ៖ ការប្រកួតម៉ារ៉ាតុងដើរចំងាយ២០ គម ( បុរស-នារី) នៅម៉ោង៤:២០នាទីរសៀលនេះ បានចាប់ផ្តើមដំណើរការហើយ ដោយមានអត្តពលិកចំនួន១៥.រូប ផ្នែកបុរសចំនួន០៩រូប ផ្នែកនារីចំនួន០៦រូប មកពី៦ប្រទេស រួមមាន : កម្ពុជា ថៃ វៀតណាម មីយ៉ាន់ម៉ា ឥណ្ឌូណេស៊ី និងប្រទេសម៉ាឡេស៊ី ។គួររំលឹកថា ការប្រកួតដើរប្រណាំង គឺជាវិញ្ញាសាចុងក្រោយផ្នែកកីឡាអត្តពលកម្មក្នុងខេត្តសៀមរាប បន្ទាប់ពីការប្រកួតរត់ម៉ារ៉ាតុងចំងាយ៤២.១៩៥គម បានបញ្ចប់កាលពីព្រឹកមិញ ។

កីឡាករ-កីឡាការិនីឥណ្ឌូណេស៊ីពីររូប ឈ្នះមេដាយមាស លើវិញ្ញាសារត់ម៉ារ៉ាតុងនៅអង្គវត្ត

សៀមរាប៖ កីឡាករAgus Prayogo មកពីប្រទេសឥណ្ឌូនេស៊ី បានឈ្នះមេដាយមាស លើវិញ្ញាសា រត់ម៉ារ៉ាតុង ផ្នែក បុរស ខណៈមិត្តរួមជាតិរបស់គាត់ម្នាក់ទៀត កីឡាការិនី Odekta Elvina បានឈ្នះមេដាយមាសលើវិញ្ញាសា រត់ម៉ារ៉ាតុងផ្នែកនារី នៅក្នុងការប្រកួតចម្ចាយ៤២គីឡូម៉ែត្រ ដែលបានធ្វើឡើងនៅព្រឹកថ្ងៃទី០៦ ខែឧសភា នេះ នៅក្នុងតំបន់ឧទ្យានជាតិអង្គរ ក្នុងខេត្តសៀមរាប ។ក្នុងការប្រកួតនេះដែរ មេដាយប្រាក់ បានទៅកីឡាករ Arlan Estobo Arois មកពីប្រទេសហ្វីលីពីន និងមេដាយសំរិទ្ធ បានលើកីឡាករ Ngyen Thanh Hoang មកពីប្រទេសវៀតណាម។ ចំណែកផ្នែកនារី មេដាយប្រាក់ បានទៅកីឡាការិនី Thi Tuyet le មកពីប្រទេសវៀតណាម និងមេ ដាយសំរឹទ្ធ បានទៅកីឡាការិនី Christine Organiza Hallasgo មកពីប្រទេសហ្វីលីពីន ៕

អូឡាំពិកអន្តរជាតិអបអរសាទរកម្ពុជាដែលធ្វើម្ចាស់ផ្ទះកីឡាអាស៊ីអាគ្នេយ៍ និងលើកកម្ពស់សន្តិភាព

កម្ពុជា៖ ក្នុងពិធីបើកការប្រកួតកីឡាអាស៊ីអាគ្នេយ៍លើកទី៣២ឆ្នាំ២០២៣ លោក Ng Ser Miang អនុប្រធានទី១គណៈកម្មាធិការអូឡាំពិកអន្តរជាតិ តំណាងលោក Thomas Bach ប្រធានគណៈកម្មាធិការអូឡាំពិកអន្តរជាតិ បានមានប្រសាសន៍ថាក្នុងនាមប្រធាន Thomas Bach សូមអបអរសាទរ ដល់ព្រះរាជាណាចក្រកម្ពុជា និងប្រជាជន ក្នុងការធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២នាពេលនេះ ។ លោកក៏បានថ្លែងអំណរអរគុណដល់សម្តេចតេជោហ៊ុន សែន ដែលបានដឹកនាំ កីឡាកម្ពុជាមានការរីកចម្រើន ហើយលើសពីនេះការធ្វើម្ចាស់ផ្ទះពហុកីឡាតំបន់អាស៊ីអាគ្នេយ៍ ដោយឈរលើការលើកកម្ពស់សន្តិភាព និងពង្រឹងមិត្តភាព ដែលនេះជាស្មារតីក្នុងកីឡា៕

គណៈកម្មាធិការជាតិអូឡាំពិកកម្ពុជា (IOC) ផ្តល់មេដាយមរតកអូឡាំពិកអន្តរជាតិជូនសម្តេចតេជោ

ភ្នំពេញ៖ គណៈកម្មាធិការអូឡាំពិកអន្តរជាតិ (IOC) បានផ្តល់មេដាយមរតកអូឡាំពិកអន្តរជាតិ ជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីបើកការប្រកួតកីឡាស៊ីហ្គេម លើកទី៣២ឆ្នាំ២០២៣ នៅពហុកីឡដ្ឋានជាតិមរតកតេជោ រាត្រីថ្ងៃទី៥ ខែឧសភា ឆ្នាំ២០២៣។ពិធីប្រគល់នេះធ្វើឡើងដោយលោក Ng Ser Miang អនុប្រធានទី១គណៈកម្មាធិការអូឡាំពិកអន្តរជាតិ តំណាងលោក Thomas Bach ប្រធានគណៈកម្មាធិការអូឡាំពិកអន្តរជាតិ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានប្រាប់ឱ្យដឹងថា ដោយមើលឃើញពីការយកចិត្តទុកដាក់ លើកកម្ពស់ ចលនាអូឡាំពិកឱ្យមានការរីកចំរើន និងជាពិសេសក្រោមការដឹកនាំរបស់សម្តេចអគ្គមហាសេនាបតីតេតេជោហ៊ុន សែន នាយករដ្ឋមន្ត្រី វិស័យកីឡានៅកម្ពុជាមានការអភិវឌ្ឍ រីកចម្រើនយ៉ាងខ្លាំង ជាមួយនឹងការអភិវឌ្ឍនូវហេដ្ឋារចនាសម្ព័ន្ធកីឡា កសាងធនធានកីឡាករ និងធ្វើជាម្ចាស់ផ្ទះការប្រកួតស៊ីហ្គេម អាស៊ានប៉ារ៉ាហ្គេម ២០២៣។ ចំពោះមុខ ផ្នែកមួយនៃចលនាអូឡាំពិក កម្ពុជាបានទទួលសិទ្ធធ្វើជាម្ចាស់ផ្ទះកីឡាអូឡាំពិកយុវជនអាស៊ី ឆ្នាំ២០២៩។មេដាយមរតកអូឡាំពិកអន្តរជាតិ ជាមេដាយដែលត្រូវផ្តល់ជូនដោយគណៈកម្មាធិការអូឡាំពិកអន្តរជាតិ(IOC) ដល់ថ្នាក់ដឹកនាំពិភពលោកដែលបានចូលរួមក្នុងការលើកកម្ពស់ និងអភិវឌ្ឍចលនាអូឡាំពិក។ មេដាយនេះធ្វើឡើងដោយគំនិតផ្តួចផ្តើមរបស់បិតាស្ថាបនិកកីឡាអូឡាំពិកទំនើប Pierre de Coubertin (1896-1925)៕

ស៊ីហ្គេម ២០២៣៖ ត្រឹមមួយថ្ងៃកម្ពុជាដណ្តើមបានមេដាយដល់ទៅ៩គ្រឿង

ភ្នំពេញ ៖ គិតត្រឹមថ្ងៃទី៤ ខែឧសភា ឆ្នាំ២០២៣ ជាថ្ងៃទី៦ ហើយនៃដំណើរការប្រកួតកីឡាក្នុងព្រឹត្តិការណ៍ស៊ីហ្គេម ២០២៣ នៅព្រះរាជាណាចក្រកម្ពុជា ខណៈពិធីបើកផ្លូវការត្រូវធ្វើនៅរាត្រីថ្ងៃទី៥ ខែឧសភា ឆ្នាំ២០២៣។ចំពោះលទ្ធផលបច្ចេកទេសលើប្រភេទកីឡា ត្រឹមតែមួយថ្ងៃទី៤ ខែឧសភានេះកម្ពុជា ឈ្នះមេដាយដល់ទៅ៩គ្រឿង ក្នុងនោះមាស៥គ្រឿង និងប្រាក់៤គ្រឿង ពីប្រភេទកីឡាជូជិតស៊ូ និងកីឡាគុនល្បុក្កតោ។កីឡាករ គង់ម៉ូណា មិថុរ៉ា និង ទូច ពិកក្កដា ជាកីឡាករដែលឈ្នះមេដាយមុនគេក្នុងការប្រកួតស៊ីហ្គេមលើកនេះ លើប្រភេទកីឡាជឺជិតស៊ូ វិញ្ញាសាសម្តែងពីរនាក់។ កីឡាការិនី ខាន់ ជេសា បានត្រឹមមេដាយប្រាក់ ក្រោយចាញ់កីឡាការិនីហ្វីលីពីន ខណៈដែលកីឡាការិនីកម្ពុជាទិន សុវណ្ណលីណា និងហេង ស៊ីវហៀង ដណ្តើមបានមេដាយប្រាក់លើវិញ្ញាសាសម្តែងនារី២នាក់។ ដូច្នោះគិតត្រឹមពេលនេះ កម្ពុជាឈ្នះមេដាយបីគ្រឿងពីកីឡាជូជិតស៊ូ មាស០១គ្រឿង និងប្រាក់០២គ្រឿង។ចំនែកកីឡាគុនល្បុក្កតោ ដំណើរការប្រកួតដែរហើយ ដោយផ្តើមចេញពីវិញ្ញាសាសម្តែង ហើយអត្តពលិកកម្ពុជាលើប្រភេទកីឡាក្បាច់គុនប្រពៃណីដែលដូនតាបន្សល់ទុកនេះ ឈ្នះមេដាយដល់ទៅ០៦គ្រឿង ក្នុងនោះមាស០៤គ្រឿង និងប្រាក់០២គ្រឿង។មេដាយមាសទាំងបួនគ្រឿងធ្វើបានសម្រេចដោយកីឡាករ ពន្លឺពេជ្រ មរកត វិញ្ញាសាសម្តែងព្រលឹងល្បុក្កតោបុរស, កីឡាការិនី ម៉ៅ លក្ខិណា វិញ្ញាសាសម្តែងព្រលឹងល្បុក្កតោនារី,កីឡាករ គីម ទិត្យសុវឌ្ឍនៈ វិញ្ញាសាសម្តែង អាវុធឥតមុខ (ខែលឬស្សី) និងកីឡាការិនី យស សញ្ចនា វិញ្ញាសាសម្តែងទ្វារមេគុននារីរីឯមេដាយប្រាក់ ០២គ្រឿង ធ្វើបានដោយកីឡាការិនី ពុធ ចាន់ឆវី វិញ្ញាសាសម្តែងអាវុធឥតមុខ (ខែលឬស្សី)នារី និងកីឡាករ ពេជ្រ ពន្លឺ វិញ្ញាសាសម្តែងទ្វារមេគុន បុរស។ថ្ងៃទី៥ ខែឧសភា ពុំមានកីឡាណាប្រកួតនោះទេ ដោយប្រតិភូកីឡាករ កីឡាការិនី ប្រទេសអាស៊ានទាំងអស់ត្រូវទៅចូលរួមក្នុងពិធីបើកការប្រកួតផ្លូវការ៕

កម្ពុជាឈ្នះមេដាយ ៦គ្រឿងពីការប្រកួតកីឡាគុនល្បុក្កតោ ក្នុងនោះមាស ៤គ្រឿង និងប្រាក់ ២គ្រឿង

មេដាយមាសល្បុក្កតោ ៤គ្រឿង ១ កីឡាករ ពន្លឺពេជ្រ មរកត វិញ្ញាសាសម្តែងព្រលឹងល្បុក្កតោបុរស២ កីឡាការិនី ម៉ៅ លក្ខិណា វិញ្ញាសាសម្តែងព្រលឹងល្បុក្កតោនារី៣ កីឡាការិនី គីម ទិត្យសុវឌ្ឍនៈ វិញ្ញាសាសម្តែងអាវុធឥតមុខ (ខែលឬស្សី)៤ កីឡាការិនី យស សញ្ចនា វិញ្ញាសាសម្តែងទ្វារមេគុននារីមេដាយប្រាក់ ០២គ្រឿង១ កីឡាការិនី ពុធ ចាន់ឆវី វិញ្ញាសាសម្តែងអាវុធឥតមុខ (ខែលឬស្សី)នារី២ កីឡាករ ពេជ្រ ពន្លឺ វិញ្ញាសាសម្តែងទ្វារមេគុន បុរស

ស៊ីហ្គេម២០២៣៖ គិតត្រឹមរសៀលនេះ កម្ពុជាទទួលឈ្នះមេដាយ ៣គ្រឿង លើប្រភេទកីឡាជឺជីតស៊ូ

គិតត្រឹមរសៀលថ្ងៃទី៤ ខែឧសភានេះ កម្ពុជាដណ្ដើមបានមេដាយចំនួន ៣គ្រឿងហើយ លើប្រភេទកីឡាជឺជីតស៊ូ ក្នុងព្រឹត្ដិការណ៍ស៊ីហ្គេមលើកទី៣២ ក្នុងនោះរួមមាន៖១-ផ្នែកសម្តែងគូរបុរស ទទួលបានមេដាយមាស ១គ្រឿង២-ផ្នែកសម្តែងគូរនារី ទទួលបានមេដាយប្រាក់ ១គ្រឿង៣-ផ្នែកប្រយុទ្ធ កីឡាការិនី ខាន់ ចេសា ទម្ងន់ ៥២kg ទទួលបានមេដាយ ប្រាក់ ១គ្រឿង។

អបអរសាទរ! កីឡាករ គង់ម៉ូណា មិថុរ៉ា និង តូច ពិក្កដា ប្រភេទកីឡាជឺជិតស៊ូ ឈ្នះមេដាយមាសដំបូងគេក្នុងព្រឹត្តិការណ៍ស៊ីហ្គេម

ស៊ីហ្គេម៖ អបអរសាទរ! កីឡាករកម្ពុជា គង់ម៉ូណា មិថុរ៉ា និង តូច ពិក្កដា នៃប្រភេទកីឡាជឺជិតស៊ូ បានឈ្នះមេដាយមាសដំបូងគេ ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ គង់ម៉ូណា មិថុរ៉ា និង តូច ពិក្កដា បានឈ្នះលើវិញ្ញាសាសម្ដែងបុរសជាគូ (Men's DUO) ពិធីបំពាក់មេដាយផ្លូវការនឹងធ្វើឡើងនាល្ងាចថ្ងៃទី០៤ ឧសភា នេះផ្ទាល់តែម្ដង៕

សម្ដេចតេជោ ហ៊ុន សែន អបអរសាទរ និងកោតសរសើរ កីឡាការិនី ខាន់ ចេសា បន្ទាប់ពីយកឈ្នះ៣ប្រកួតជាប់គ្នា

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានអបអរសាទរ និងកោតសរសើរ កីឡាការិនី ខាន់ ចេសា របស់កម្ពុជា បន្ទាប់ពីបានយកឈ្នះ៣ប្រកួតជាប់គ្នា លើកីឡាការិនី សិង្ហបុរី វៀតណាម និងថៃ លើវិញ្ញាសាជូជីតស៊ូរួចមក។ ខាន់ ចេសា នឹងត្រូវប្រកួតផ្តាច់ព្រ័ត្រ នៅវេលាម៉ោង៤រសៀល ថ្ងៃទី៤ ខែឧសភានេះ។សម្ដេច បានជូនពរកីឡាការិនី ខាន់ ចេសា ទទួលបានជោគជ័យក្នុងការប្រកួតជាបន្តទៀត៕

បណ្ដាញសង្គម

ព័ត៌មានថ្មីៗ

៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់ខ្លួនជនបរទេស Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

ចំនួនអ្នកស្លាប់ដោយដំណាក់ដីនៅប្រទេសចិន បានកើនឡើងដល់ជាង ៥០នាក់

ជនអន្តោប្រវេសន៍រាប់រយនាក់ សម្រុកចូលទីក្រុង Ceuta របស់អេស្ប៉ាញ ចេញពីប្រទេសម៉ារ៉ុក

មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បាលម៉ាស៊ីនជំរុញកំណើនសេដ្ឋកិច្ចកម្ពុជា

ប្រមុខការទូតអ៊ីរ៉ង់ជំរុញសមភាគីអឺរ៉ុបជុំវិញការប្រើប្រាស់មូលដ្ឋានទ័ពក្នុងប្រតិបត្តិការរបស់អាមេរិក

[UPDATE] នាយករដ្ឋមន្ត្រីជប៉ុនបញ្ជាក់ជាថ្មីពីការផ្ដល់ការជួយគាំទ្រដល់តំបន់រងគ្រោះរញ្ជួយដីសម្លាប់មនុស្សជាង៣០នាក់

អាវុធហត្ថរាជធានីភ្នំពេញ បានបញ្ជូនក្មេងទំនើងដែលបង្កហិង្សា និងអះអាងថា ខ្លួនជាកូនខ្លាមេ០៧ ទៅតុលាការចាត់ការបន្តតាមនីតិវិធី

អ្នកនាំពាក្យក្រសួងព័ត៌មាន៖ គេហទំព័រមន្ទីរព័ត៌មានរាជធានី-ខេត្ត ត្រូវក្លាយជាច្រកផ្តល់ព័ត៌មានផ្លូវការដ៏សំខាន់

អ្នកសម្របសម្រួលប៉ាគីស្ថាននិយាយថា ការចរចាអាមេរិក-អ៊ីរ៉ង់ កំពុងដំណើរការ ខណៈគូជម្លោះបន្តវាយប្រហារដាក់គ្នា

អង្គប្រជុំគណៈកម្មាធិការបេតិកភណ្ឌពិភពលោក លើកទី៤៨ អនុម័តថ្កោលទោសលើការបំផ្លិចបំផ្លាញសម្បត្តិបេតិកភណ្ឌពិភពលោកក្នុងពេលជម្លោះប្រដាប់អាវុធថៃឈ្លានពានកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877