BTV NEWS

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

អ្នកគ្មានស្លាកលេខរត់ មិនអនុញ្ញាតឲ្យចូលក្នុងបរិវេណរត់ប្រណាំងម៉ារ៉ាតុងចក្រភពអង្គរចុងសប្ដាហ៍នេះឡើយ

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ព័ត៌មានកីឡា

ពិធីព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ចាប់ផ្ដើមហើយជាមួយកំណត់ត្រាថ្មីពីស្ថានទូតកម្ពុជាប្រចាំប្រទេសឡាវ ឆ្ពោះទៅចេតិយវត្ត Pra That Laung

ភ្នំពេញ៖ ពិធីព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានចាប់ផ្ដើមហើយ នៅព្រឹកថ្ងៃទី២៥ ខែមេសានេះ ជាមួយកំណត់ត្រាថ្មី ក្នុងការដង្ហែលើចម្ងាយផ្លូវជិត ៦គីឡូម៉ែត្រ ដែលឆ្ងាយជាងបណ្ដាប្រទេសផ្សេងៗ និងមានអ្នកចូលរួមជាង ១,៥០០នាក់ ដែលចូលរួមដង្ហែផ្ទាល់ និងឈរអបអរសាទរតាមដងផ្លូវ ពីស្ថានទូតកម្ពុជាប្រចាំទីក្រុងវៀងច័ន្ទន៍ ឆ្ពោះទៅចេតិយវត្ត Pra That Laung ។ ពិធីដង្ហែនេះ ធ្វើឡើងក្រោមវត្តមានឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC អមដោយលោកជំទាវ ថោង សុគន្ធារី ឯកអគ្គរាជទូតកម្ពុជាប្រចាំប្រទេសឡាវ និងមានការចូលរួមពីឯកឧត្តម Atsaphangthong Siphansone អភិបាលរដ្ឋធានីវៀងច័ន្ទន៍, ឯកឧត្តម Slunaxay Sounnalath រដ្ឋមន្ដ្រីការិយាល័យនាយករដ្ឋមន្ដ្រី និងជារដ្ឋមន្ដ្រីទីស្ដីការគណៈរដ្ឋមន្ដ្រីឡាវ រួមទាំងមន្ដ្រីជាន់ខ្ពស់ឡាវ និងឯកអគ្គរាជទូតបណ្ដាប្រទេសក្នុងតំបន់ប្រចាំទីក្រុងវៀងច័ន្ទន៍ជាច្រើនផងដែរ៕

ព្រះអគ្គិជ័យកីឡាស៊ីហ្គេម បន្ដដំណើរដល់ឡាវ ដែលជាប្រទេសក្រោយគេ ត្រូវពិធីដង្ហែ មុនត្រឡប់មកកម្ពុជាវិញ

ព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានបន្ដដំណើរទៅដល់ទីក្រុងវៀងច័ន្ទន៍ ប្រទេសឡាវហើយ ក្រោយទទួលបានជោគជ័យ ក្នុងពិធីដង្ហែនៅទីក្រុងយ៉ាំងហ្គូន ប្រទេសមីយ៉ាន់ម៉ា កាលពីថ្មីៗ ។បេសកកម្មដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC នេះ ទទួលបានការអញ្ជើញទទួលស្វាគមន៍ពីលោកជំទាវ ថោង សុគន្ធារី ឯកអគ្គរាជទូតកម្ពុជាប្រចាំប្រទេសឡាវ និងមន្ដ្រីទូត ព្រមទាំងលោក Sengphone Phonamath អនុប្រធាន និងជាអគ្គលេខាធិការគណៈកម្មាធិការជាតិអូឡាំពិកឡាវផងដែរ ។គួរដឹងថា ប្រទេសឡាវ គឺជាប្រទេសក្នុងតំបន់ក្រោយគេ ដែលកម្ពុជានឹងត្រូវរៀបចំពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីក្រុងវៀងច័ន្ទន៍ នាព្រឹកថ្ងៃទី២៥ ខែមេសាស្អែកនេះ នៅស្ថានទូតកម្ពុជាប្រចាំទីក្រុងវៀងច័ន្ទន៍ ។នៅព្រឹកថ្ងៃទី២៤ ខែមេសានេះដែរ ក្រុមប្រតិភូពិសេសកម្ពុជា និងឯកអគ្គរាជទូតកម្ពុជា បានធ្វើការជួយប្រជុំពិភាក្សាការងារជាមួយភាគីឡាវ ពិសេសមន្ដ្រីជាន់ខ្ពស់គណៈកម្មាធិការជាតិអូឡាំពិកឡាវ ដើម្បីត្រៀមរៀបចំពិធីដង្ហែស្អែកនេះ ខណៈតាមការគ្រោងទុកពិធីដង្ហែដ៏មានអត្ថន័យនេះ នឹងមានថ្នាក់ដឹកនាំ ឯកអគ្គរាជទូតបណ្ដាប្រទេសក្នុងតំបន់ប្រចាំនៅប្រទេសឡាវ កីឡាករ-កីឡាការិនី និងសិស្សានុសិស្សជាច្រើនចូលរួម ។សូមរំឮកថា ព្រះអគ្គិជ័យកីឡា បានចាកចេញពីកម្ពុជា កាលពីថ្ងៃទី២២ ខែមីនា ដោយប្រារព្ធពិធីដង្ហែឆ្លងកាត់ប្រទេសវៀតណាម ហ្វីលីពីន ឥណ្ឌូនេស៊ី ទីម័រខាងកើត ម៉ាឡេស៊ី សិង្ហបុរី ថៃ និងមីយ៉ាន់ម៉ា មុនបន្ដដំណើរទៅដល់ប្រទេសឡាវ ដោយទទួលបានការគាំទ្រគួរឲ្យកត់សម្គាល់ពីគ្រប់បណ្ដាប្រទេស ចំពោះពិធីប្រវត្តិសាស្ដ្រ នៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា ។ក្រោយពិធីដង្ហែនៅទីក្រុងវៀងច័ន្ទន៍ ប្រតិភូកម្ពុជា នឹងបន្ដដំណើរទៅទីក្រុងប៉ាក់សេ ខេត្តចំប៉ាក់សាក់ ដែលជាខេត្តជាប់ព្រំដែនខេត្តស្ទឹងត្រែងរបស់កម្ពុជា នាថ្ងៃទី២៦ ខែមេសាស្អែកនេះ មុនពិធីដង្ហែត្រឡប់ចូលប្រទេសកម្ពុជា តាមច្រកទ្វារព្រំដែនអន្ដរជាតិត្រពាំងគ្រៀល-ណងណុកឃៀនវិញ នាថ្ងៃទី២៧ ខែមេសា និងបន្ដដង្ហែទៅរាជធានីភ្នំពេញ នាថ្ងៃទី២៨ ខែមេសាខាងមុខ ៕អត្ថបទ លី ឈុនឡា

សហព័ន្ធកីឡាបាល់ទាត់ប្រកាសឱ្យអ្នកគាំទ្រ ទទួលសំបុត្រនៅទីតាំងមួយចំនួនក្នុងរាជធានីភ្នំពេញ

ភ្នំពេញ៖ ខណៈដែលបាល់ទាត់នៃព្រឹត្តិការណ៍ស៊ីហ្គេម ចូលមកដល់ចុងសប្តាហ៍នេះ ព្រឹកថ្ងៃទី២៤ ខែមេសា សហព័ន្ធកីឡាបាល់ទាត់កម្ពុជា បានប្រកាសឱ្យអ្នកគាំទ្រទៅទទួលសំបុត្រនៅទីតាំងមួយចំនួននៅក្នុងរាជធានីភ្នំពេញ។យោងតាមផេកផ្លូវការសហព័ន្ធកីឡាបាល់ទាត់កម្ពុជា បញ្ជាក់ថា សម្រាប់ការប្រកួតនៅថ្ងៃទី២៩ ខែមេសា ឆ្នាំ២០២៣ រវាងក្រុម ឥណ្ឌូណេស៊ី ទល់នឹង ហ្វីលីពីនម៉ោង៤និង០០នាទីរសៀល និងការប្រកួតកម្ពុជា ទល់នឹងទីម័រខាងកើតម៉ោង៧និង០០នាទីយប់ នៅពហុកីឡដ្ឋានជាតិអូឡាំពិក អ្នកគាំទ្រអាចទៅទទួលសំបុត្រឥតគិតថ្លៃ បានចាប់ពីថ្ងៃចន្ទ វេលាម៉ោង ១២ថ្ងៃត្រង់នេះតទៅ នៅតាមទីតាំងដូចជា ខ្លោងទ្វារធំពហុកីឡដ្ឋានជាតិ, Blue Sports Centerភ្នំពេញថ្មី, Fan Sports Store នៅ Eden Garden, Double H Sport និង Sport Castle Santormok ដោយមិនចាំបាក់ធ្វើការកក់តាម App ទុកជាមុនឡើយ។សហព័ន្ធក៏បានបញ្ជាក់ដែរថាក្នុង ១នាក់ អាចទទួលបាន ២សំបុត្រ និងសំបុត្រ ១សន្លឹក អាចប្រើប្រាស់បាន២ប្រកួត។ ក្រៅពីកីឡាបាល់ទាត់ កីឡាពីរប្រភេទទៀតក៏លេងនៅថ្ងៃទី២៩ ខែមេសាដែរ គឺអុកចត្រង្គ នៅសាកលវិទ្យាល័យភូមិន្ទភ្នំពេញ និងក្រិកឃីតលេងនៅតាមមហាវិថីសម្តេចតេជោសែន (ផ្លូវ៦០ម៉ែត្រ)៕

អគ្គិជ័យកីឡា និងគប់ភ្លើងស៊ីហ្គេម ២០២៣ ត្រូវដង្ហែនៅមីយ៉ាន់ម៉ា ដោយមានអ្នកចូលរួមជាង ១០០០នាក់

សហភាពមីយ៉ាម៉ា៖ ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីក្រុងរ៉ង់ហ្គូន នៃសាធារណរដ្ឋសហភាពមីយ៉ាន់ម៉ា ចាប់ផ្ដើមពិធីដង្ហែ ដោយមានអ្នកចូលរួមរត់ដង្ហែ និងអបអរសាទរតាមដងផ្លូវប្រមាណជាង ១,៣០០នាក់ ។ ពិធីដង្ហែដឹកនាំដោយបេសកជនពិសេសកម្ពុជា ឯកឧត្តម ហោ សារុន រដ្ឋលេខាធិការក្រសួងទេសចរណ៍នេះ មានការអញ្ជើញចូលរួមពីឯកឧត្តម ជុំ អង្គវិចិត្រ ឯកអគ្គរាជទូតកម្ពុជាប្រចាំសាធារណរដ្ឋសហភាពមីយ៉ាន់ម៉ា និងឯកឧត្តម Minn Thein Zan រដ្ឋមន្ដ្រីសហភាពក្រសួងកីឡា និងជាប្រធានគណៈកម្មាធិការជាតិអូឡាំពិកមីយ៉ាន់ម៉ា រួមទាំងថ្នាក់ដឹកនាំជាច្រើនផងដែរ។ឯកឧត្តម ហោ សារុន មានប្រសាសន៍ថា កីឡាបានក្លាយជាចំណងយ៉ាងសំខាន់ក្នុងការភ្ជាប់ទំនាក់ទំនងប្រជាជន និងប្រទេសនីមួយៗ មិនថាយើងស្ថិត នៅទីណា ឬយើងជានរណាឡើយ។ ទោះស្ថិតក្នុងកាលៈទេសៈណាក៏ដោយ កីឡាជាចំណុចបង្កើតមិត្តភាព ដោយគ្មានដែនកំណត់។ កីឡាផ្តល់អត្ថប្រយោជន៍លើសពីការថែរក្សាសុខភាព ដោយកីឡាបានថែរក្សាទំនាក់ទំនង និងពង្រឹងកិច្ចសហប្រតិបត្តិការទៅវិញទៅមកកាន់តែរឹងមាំ។ឯកឧត្តមបេសកជនពិសេសបន្តថា ការប្រារព្ធពិធីដង្ហែព្រះអគ្គីកីឡានៅថ្ងៃនេះគឺជា វិធីដ៏ល្អមួយក្នុងការអបអរសាទរព្រឹត្តិការណ៍ជាប្រវត្តិសាស្ត្ររបស់កម្ពុជា ជាមួយប្រទេសជាមិត្តរបស់កម្ពុជានៅក្នុងតំបន់។ព្រះអគ្គីកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ ត្រូវបានព្រះរាជប្រទានដោយព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅ ប្រាសាទអង្គរវត្ត ដែលជាទីកន្លែងចាប់ផ្តើមពិធីដង្ហែដំបូងគេបន្ទាប់ពីទទួលបានព្រះរាជប្រទាន។នៅកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជា កីឡារបស់យើងរស់ក្នុងសន្តិភាព ហើយឥឡូវនេះយើងមានមោទនភាពសូម ប្រកាសថា កម្ពុជាឆ្នាំ២០២៣ បានត្រៀមខ្លួនរួចជាស្រេចដើម្បីធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍ លើកទី៣២ និងកីឡាអាស៊ានប៉ារ៉ាហ្គេមលើកទី១២។ អ្វីដែលពិសេសនោះគឺព្រឹត្តិការណ៍ប្រកួតនេះអនុញ្ញាតឲ្យ ចូលទស្សនាដោយឥតគិតថ្លៃ ផ្សាយបន្តផ្ទាល់ដោយមិនគិតថ្លៃ រួមជាមួយការមិនតម្រូវឲ្យប្រតិភូកីឡាមិនបង់ ប្រាក់ផងដែរ។ សូមអញ្ជើញអ្នកគាំទ្រមីយ៉ាន់ម៉ា មកកាន់កម្ពុជា និងបង្ហាញការគាំទ្រដល់ក្រុមកីឡាករមីយ៉ាន់ម៉ា។ បន្ទាប់ពីនេះគប់ភ្លើងអគ្គិជ័យកីឡា និងគប់ភ្លើងស៊ីហ្គេម នឹងបន្តដំណើរទៅកាន់ប្រទេសឡាវ ដែលជាប្រទេសគោលដៅចុងក្រោយក្នុងអាស៊ានមុនមកកម្ពុជា រត់ជុំវិញបឹងទន្លេសាប រហូតដល់ថ្ងៃទី០៥ ខែឧសភា ឆ្នាំ២០២៣ ដែលថ្ងៃបើកការប្រកួតផ្លូវការ៕

ម្ចាស់ផ្ទះកម្ពុជាមិនតម្រូវឱ្យប្រទេសចូលរួមបង់ថ្លៃសម្រាប់ចូលរួមការប្រកួតស៊ីហ្គេម អាស៊ានប៉ារ៉ាហ្គេមទេ

ភ្នំពេញ ៖ ដើម្បីផ្តល់ភាពកក់ក្តៅបន្ថែមដល់ប្រតិភូកីឡាស៊ីហ្គេម និងអាស៊ានប៉ារ៉ាហ្គេម ជាប្រវត្តិសាស្ត្រដំបូងរបស់កម្ពុជា ឱ្យទទួលបានជោគជ័យ ជាកំណត់ត្រាថ្មីមួយ ម្ចាស់ផ្ទះកម្ពុជា នឹងមិនតម្រូវឱ្យប្រតិភូកីឡាអាស៊ីអាគ្នេយ៍ទាំងអស់បង់ថ្លៃហូបចុក-ស្នាក់នៅ ក្នុងម្នាក់ៗ ៥០ដុល្លារអាមេរិក ក្នុង១ថ្ងៃៗនោះឡើយ។នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិ CAMSOC-CAMAPGOC នាថ្ងៃទី១៨ ខែមេសា ឆ្នាំ២០២៣ នៅក្រោយកិច្ចប្រជុំពិសេសមួយ ក្រោមវត្តមាន សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ CAMSOC-CAMAPGOC និងឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ CAMSOC-CAMAPGOC ព្រមទាំងថ្នាក់ដឹកនាំគណៈកម្មការជំនាញទាំងអស់។ឯកឧត្តមអគ្គលេខាធិការបន្តថានៅក្នុងកិច្ចប្រជុំដ៏មានសារៈសំខាន់នេះ យើងទាំងអស់គ្នាទទួលបានអនុសាសន៍ដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ដែលបានលើកឡើងពីការសម្រេចដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី ហ៊ុន សែន ថា ប្រតិភូកីឡាមកពីបណ្តាប្រទេសអាស៊ីអាគ្នេយ៍ទាំងអស់ នឹងមិនបង់ថ្លៃចំនួន ៥០ដុល្លារ ក្នុងម្នាក់ៗ ក្នុង១ថ្ងៃៗ ដល់ម្ចាស់ផ្ទះកម្ពុជានោះទេ។ យើងទាំងអស់គ្នា ពិតជាមានភាពកក់ក្តៅ និងរំភើបរីករាយ ប្រកបដោយមោទនភាពជាតិ ក្រោមការដឹកនាំដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដោយយើងទាំងអស់គ្នានឹងគោរពតាមការសម្រេចចិត្តនេះ។ឯកឧត្តមបន្តថាយើងនឹងផ្តល់ជូនព័ត៌មាននេះ ដល់បណ្តាប្រទេសទាំងអស់ ដែលកំពុងត្រៀមចូលរួមប្រកួតស៊ីហ្គេម-អាស៊ានប៉ារ៉ាហ្គេម ២០២៣ ជាប្រវត្តិសាស្ត្រដំបូងរបស់កម្ពុជា ក្នុងបំណងចម្បងជំរុញឱ្យព្រឹត្តិការណ៍កីឡាទាំងមូលនៅកម្ពុជា ទទួលបានភាពកក់ក្តៅ និងជោគជ័យទាំងអស់គ្នា។ ឯកឧត្តម វ៉ាត់ ចំរើន បានចាត់ទុក ការមិនទទួលយកប្រាក់កម្រៃ ឬថ្លៃសេវារបស់ប្រតិភូកីឡា សម្រាប់ការហូបចុក-ស្នាក់នៅ ក្នុងម្នាក់ៗចំនួន៥០ដុល្លារ ក្នុងមួយថ្ងៃៗនេះ ថា ជាសម្រេចចិត្តដ៏វិសេសវិសាលមួយ មិនធ្លាប់មានក្នុងប្រវត្តិស៊ីហ្គេម ហើយក្នុងនាមជាម្ចាស់ផ្ទះ នឹងគោរពនូវការសម្រេចចិត្តដ៏ខ្ពង់ខ្ពស់របស់ថ្នាក់ដឹកនាំរាជរដ្ឋាភិបាលកម្ពុជា។ឯកឧត្តមបានអំពាវនាវដល់សហព័ន្ធកីឡាជាតិ ដែលគ្រប់គ្រងក្រុមកីឡាករ កីឡាការិនីជម្រើសជាតិទាំងអស់ ត្រូវថែទាំសុខភាពពួកគាត់ឱ្យបានល្អប្រសើរ កុំឱ្យមានរបួសស្នាមផ្សេងៗ ជាពិសេសកុំឱ្យមានការប្រកួតណាមួយ ក្នុងអំឡុងត្រៀមព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ២០២៣ ដើម្បីកុំឱ្យប៉ះពាល់ដល់ការត្រៀមខ្លួនប្រកួតប្រជែងមេដាយជូនជាតិ។ នេះគឺជាសារមួយដ៏សំខាន់របស់ថ្នាក់ដឹកនាំគណៈកម្មាធិការជាតិ CAMSOC-CAMAPGOC ដើម្បីថែបំប៉នគុណភាពបច្ចេកទេស សុខភាពអត្តពលិកកម្ពុជាឱ្យមានរឹងមាំ។សូមរំលឹកថាថ្មីៗនេះសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានបញ្ជាក់ប្រាប់ទៅជូនរួមជាតិថាស៊ីហ្គេម និងអាស៊ានប៉ារ៉ាហ្គេម ២០២៣ មិនមានលក់សំបុត្រចូលរួមទស្សនានោះទេ និងសិទ្ធផ្សាយក៏មិនមានលក់ដែរ។ ស៊ីហ្គេម ២០២៣ ដំណើរការពីថ្ងៃទី២៩ ខែមេសា ដល់ថ្ងៃទី១៧ ខែឧសភា ឆ្នាំ២០២៣ ខណៈអាស៊ានប៉ារ៉ាហ្គេម ដំណើរការពីថ្ងៃទី០៣ ដល់ថ្ងៃទី៩ ខែមិថុនា ឆ្នាំ២០២៣៕ ដោយ ៖ គង់ ហួន

សហព័ន្ធកីឡាប្រដាល់គុនខ្មែរពង្រឹងសមត្ថភាពអាជ្ញាកណ្តាល ចៅក្រមនិងគ្រប់គ្រង ថែទាំកីឡាករជម្រើសជាតិឱ្យបានល្អ

យោងសេចក្តីប្រកាសព័ត៌មានសហព័ន្ធកីឡាប្រដាល់គុនខ្មែរបានឱ្យដឹងថា គោរពតាមប្រសាសន៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សហព័ន្ធកីឡាប្រដាល់គុនខ្មែរ បានរៀបចំកិច្ចប្រជុំពិសេសមួយក្រោមការដឹកនាំរបស់ ឯកឧត្តម ឧត្តមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ និង លោកឧកញ៉ា ស្រី ចាន់ថន អនុប្រធានកិត្តិយសសហព័ន្ធកីឡាប្រដាល់គុនខ្មែរ ស្ដីពីសកម្មភាពនៃការប្រកួតកីឡាប្រដាល់គុនខ្មែរ នាថ្ងៃទី១៥ ខែមេសា ឆ្នាំ២០២៣ នៅខេត្តសៀមរាប។សេចក្តីប្រកាសព័ត៌មាននេះបានបញ្ជាក់ដែរថា សម្រាប់លទ្ធផលសហព័ន្ធកីឡាប្រដាល់គុនខ្មែរពិនិត្យ និងពង្រឹងឡើងវិញនូវ៖ បទបញ្ជាការប្រកួតឱ្យកាន់តែមានប្រសិទ្ធភាព, ប្រកាសឱ្យបានច្បាស់លាស់នូវលក្ខខ័ណ្ឌការប្រកួតចំនួនទឹកដល់កីឡាករ កីឡាការិនី និងមហាជនបានជ្រាប, ធ្វើការពង្រឹងសមត្ថភាពរបស់អាជ្ញាកណ្តាល ចៅក្រម ដឹកនាំការប្រកួតបន្ថែមទៀត, គ្រប់គ្រង ថែទាំកីឡាករជម្រើសជាតិឱ្យបានល្អ សម្រាប់ត្រៀមលក្ខណៈចូលរួមការប្រកួតកីឡាស៊ីហ្គេមខាងមុខ។សូមជម្រាបជូនថាប្រដាល់គុនខ្មែរជាប្រភេទកីឡាក្បាច់គុនបុរាណកម្ពុជាដែលដូនតាខ្មែរបានបន្សល់ទុក ហើយស៊ីហ្គេមលើកទី៣២នេះទៀតសោត គុនខ្មែរក៏ជាក្តីសង្ឃឹមរបស់កម្ពុជាក្នុងស្វែងរកមេដាយផងដែរ។ក្នុងព្រឹត្តិការណ៍ស៊ីហ្គេម គុនខ្មែរ ដំណើរការប្រកួតពីថ្ងៃទី៦ ដល់ថ្ងៃទី១១ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ លើ១៩វិញ្ញាសា៕

អគ្គិជ័យកីឡា និងគប់ភ្លើងស៊ីហ្គេម រត់នៅថៃដោយមានអ្នកចូលរួមជាង៤០០នាក់

បាងកក ៖ អគ្គិជ័យកីឡា និងគប់ភ្លើងស៊ីហ្គេមអាស៊ានប៉ារ៉ាហ្គេម កំពុងស្ថិតនៅប្រទេសថៃ និងបានរត់បង្ហាញនៅទីនោះប្រកបដោយជោគជ័យ ខណៈពិធីបើកការប្រកួតស៊ីហ្គេមកាន់តែខិតជិតចូលមកដល់ហើយ។ពិធីដែលដឹកនាំដោយ ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC-CAMPAPGOC នេះមានការចូលរួមពីលោកបណ្ឌិត Gongsak Yodmani អភិបាលនៃអាជ្ញាធរកីឡាថៃ ឯកឧត្តម ហ៊ុន សាវឿន ឯកអគ្គរាជទូតនៃព្រះរាជាណាចក្រកម្ពុជាប្រចាំនៅព្រះរាជាណាចក្រ ឯកឧត្តម Dato' Seri Chaiyapak Siriwat អនុប្រធានគណៈកម្មាធិការជាតិអូឡាំពិកថៃ និងជានាយកប្រតិបត្តិសហព័ន្ធកីឡាអាស៊ីអាគ្នេយ៍ និងឧត្ដមសេនីយ៍ទោ Osoth Bhavila ប្រធានសហព័ន្ធកីឡាអាស៊ានប៉ារ៉ាហ្គេមអាស៊ាន និងមានការចូលរួមផងដែរពីអង្គទូតអាស៊ាន កីឡាករ កីឡាការិនីថៃ និងនិស្សិតកម្ពុជា ប្រមាណ៤០០នាក់នៅពហុកីឡដ្ឋានរាជាម៉ាងហ្កាឡា។ឯកឧត្តម ហោ សារុន មានប្រសាសន៍ថាកម្ពុជា-ថៃ គឺជាប្រទេសជិតខាងដែលមានទំនាក់ទំនង និងសហប្រតិបត្តិការជាមួយគ្នាស្ទើរតែគ្រប់វិស័យ ក្នុងនោះវិស័យកីឡាបានចូលរួមយ៉ាងសំខាន់ក្នុងការពង្រឹងកិច្ចសហប្រតិបត្តិការរវាងប្រទេសទាំងពីរ។ ឡែក ពិធីដង្ហែព្រះអគ្គីកីឡានៅក្នុងប្រទេសថៃ គឺជាឱកាសមួយទៀតពង្រឹងកិច្ចសហប្រតិបត្តិទំនាក់ទំនងកាន់តែខ្លាំងឡើងមួយកម្រិតទៀត។ព្រះអគ្គីកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ ត្រូវបានព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រក ប្រោសព្រះរាជប្រទាននៅប្រាសាទអង្គរវត្ត ដែលជាទីកន្លែងចាប់ផ្តើមពិធីដង្ហែដំបូងគេ។នៅកម្ពុជា កីឡារស់ក្នុងសន្តិភាព ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា យើងធ្វើការរួមគ្នាប្រកបដោយសុខដុម រមណីយកម្ម នៅក្រោមម្លប់សន្តិភាព ហើយឥឡូវនេះយើងមានមោទនភាពសូមប្រកាសថា កម្ពុជាឆ្នាំ២០២៣ បានត្រៀមខ្លួនរួចជាស្រេចដើម្បីធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ា រ៉ាហ្គេមលើកទី១២ ដែលជាព្រឹត្តិការណ៍ប្រកួតអនុញ្ញាតឲ្យចូលទស្សនាដោយឥតគិតថ្លៃ និងផ្សាយ ដោយមិនគិតថ្លៃផងដែរ។ពិធីដង្ហែព្រះអគ្គីកីឡានៅពេលនេះ បានជំរុញឲ្យប្រទេសកម្ពុជា ថៃ សហប្រតិបត្តិការរួមគ្នា មិនត្រឹមតែកីឡាប៉ុណ្ណោះទេ ថែមទាំងជំរុញដល់វិស័យទេសចរណ៍ផងដែរ។ កម្ពុជា "ព្រះរាជាណាចក្រអច្ឆរិយៈ” ទន្ទឹងរង់ចាំស្វាគមន៍ភ្ញៀវមកពីជុំវិញពិភពលោក សូមទទួលបានភាពកក់ក្ដៅក្នុងអំឡុងពេលមកបំពេញទស្សនកិច្ចនៅកម្ពុជាជាពិសេសក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម។បន្ទាប់ពីប្រទេសថៃ ព្រះអគ្គិជ័យ នៃដំណើរឆ្ពោះទៅពិធីបើកព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នេះ នឹងត្រូវបន្ដដំណើរទៅប្រទេសមីយ៉ាន់ម៉ា និងឡាវ មុនដង្ហែចូលប្រទេសកម្ពុជាវិញ នាថ្ងៃទី២៧ ខែមេសាខាងមុខ តាមច្រកអន្ដរជាតិខេត្តស្ទឹងត្រែង ៕

សម្តេចតេជោ៖ កីឡាករណាដែលត្រូវប្រកួតស៊ីហ្គេម មិនគួរឱ្យចូលរួមការប្រកួតណាផ្សេងនោះទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើការណែនាំឱ្យបញ្ឈប់ការយកកីឡាករ ដែលត្រូវប្រកួតស៊ីហ្គេម ទៅចូលរួមក្នុងការប្រកួតណាផ្សេង ដែលវាអាចធ្វើឱ្យកីឡាករបាត់បង់ឱកាសពេលការ ប្រកួតស៊ីហ្គេមចូលមកដល់ ។សម្ដេចតេជោ ហ៊ុន សែន នៅយប់ថ្ងៃទី១៦ ខែមេសានេះ តាមរយៈប្រព័ន្ធតេឡេក្រាម បានថ្លែង សារសំឡេងមួយពាក់ព័ន្ធនឹងបញ្ហាកីឡាករ ដែលនឹងត្រូវចូលប្រកួតស៊ីហ្គេម តែត្រូវបានគេផ្គូផ្គងឱ្យប្រកួត ក្នុងកម្មវិធីផ្សេងមួយ មុនស៊ីហ្គេមមកដល់ ដោយសម្ដេចបានថ្លែងលើកឡើងថា មិនគួរឱ្យមានការចូលប្រកួត ក្នុងព្រឹត្តិការណ៍ណានោះទេ ត្រូវរង់ចាំឱ្យការប្រកួតស៊ីហ្គេម បានចប់។ សម្តេចបានអំពាវនាវឱ្យបញ្ចប់នូវការរិះគន់គ្នា វាយប្រហាគ្នាទៅវិញទៅមក កុំឱ្យបញ្ហាដ៏តូចមួយ នេះ ក្លាយជាបញ្ហាធំ គ្របដណ្តប់សាធារណៈមតិ កុំឱ្យការប្រកួតកីឡាប្រដាល់នៅខេត្តសៀមរាប ក្លាយជា បញ្ហាចាក់ដោតរហូតដល់មានជំម្លោះរវាងប្រទេសទាំងពីរទៀតផង ។សូមជម្រាបជូនថា កាលពីការប្រកួតស៊ីហ្គេម លើកទី៣១ ឆ្នាំ២០២២ ឈឿង ល្វៃ ដណ្តើមបានមេដាយប្រាក់ លើប្រភេទកីឡាប្រដាល់ឃីកបុកស៊ីង ក្នុងទំងន់៧១គីឡូក្រាម ៕អត្ថបទ៖ គង់ ហួន

ស្តេចអុកចត្រង្គអង្គរសង្ក្រាន្ត ២០២៣ បានទៅលើកីឡាករជម្រើសជាតិ សុខ លីមហេង ក្រោយឈ្នះកីឡាករជើងខ្លាំង ឈាវ បូរ៉ា ក្នុងលទ្ធផលឈ្នះមួយស្មើមួយ

កីឡា ៖ តាមរយៈលទ្ធផលនេះ លីមហេង ទទួលបានប្រាក់រង្វាន់លើកទឹកចិត្តពីសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ២០ ០០០ ០០០រៀល និងប្រាក់រង្វាន់របស់គណៈកម្មាធិការរៀបចំអង្គរសង្ក្រាន្ត ១០ ០០០ ០០០រៀល។ ចំណែក ឈាវ បូរ៉ា ទទួលបានប្រាក់រង្វាន់ ១២ ០០០ ០០០រៀល របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន និងប្រាក់រង្វាន់របស់គណៈកម្មាធិការរៀបចំអង្គរសង្ក្រាន្ត ៦ ០០០ ០០០រៀល។ លេខ៣បានទៅកីឡាករ ហេង សៅឌី ជាមួយប្រាក់រង្វាន់សម្តេចតេជោ និងសម្តេចកិត្តព្រឹទ្ធបណ្ឌិត ៨ ០០០ ០០០រៀល និងពីគណៈកម្មាធិការអង្គរសង្ក្រាន្ត ៤ ០០០ ០០០រៀល ខណៈលេខ៤បានទៅកីឡាករ លឹម ផល្លា ប្រាក់រង្វាន់សម្តេចតេជោ និងសម្តេចកិត្តព្រឹទ្ធបណ្ឌិត ៤ ០០០ ០០០រៀល និងពីគណៈកម្មាធិការ៨០០ ០០០រៀល។ ក្រៅពីនោះសម្តេចតេជោ និងសម្តេចកិត្តិព្រឹទ្ធបណ្ឌិតនៅបានឧបត្ថម្ភជូនដល់កីឡាករពីលេខ៥ ដល់លេខ៨ និងអាជ្ញាកណ្តាលនូវទឹកប្រាក់ម្នាក់ៗ ២ ០០០ ០០០រៀល។ ឯកីឡាការិនីអុកចត្រង្គឆ្នើមបួនរូបទទួលបានការលើកទឹកចិត្តពីសម្តេចទាំងទ្វេនូវទឹកប្រាក់លើកទឹកចិត្តម្នាក់ៗ ១ ០០០ ០០០រៀល។ ការប្រកួតកីឡាអុកចត្រង្គអបអរសាទរក្នុងអង្គរសង្ក្រាន្តបានបញ្ចប់ដោយជោគជ័យ និងទទួលបានការចាប់អារម្មណ៍ ពិសេសមានដង្ហែរស្តេចអុកៅកាន់មុខអង្គរវត្តជូនមហាជនបានស្គាល់ផងដែរ៕

កម្រងរូបភាព ការសម្ដែងក្បាច់គុន«ល្បុក្កតោ» ក្នុងព្រឹត្តិការណ៍អង្គរសង្ក្រាន្ត

កម្រងរូបភាព នៃការសម្តែងក្បាច់គុន«ល្បុក្កតោ» នៅបរិវេណលានជល់ដំរី ក្នុងថ្ងៃទី២ នៃព្រឹត្តិការណ៍អង្គរសង្ក្រាន្ត។

បណ្ដាញសង្គម

ព័ត៌មានថ្មីៗ

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អ្នករាយការណ៍ពិសេស UN ប្រចាំកម្ពុជា ធ្វើទស្សនកិច្ចទៅកាន់ជំរុំជនភៀសសឹកក្នុងខេត្តបន្ទាយមានជ័យ ឃើញផ្ទាល់គ្រួសារដែលរងផលប៉ះពាល់ដោយសារជម្លោះតាមព្រំដែន

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

មន្រ្តីជំនាញក្រសួងបរិស្ថាន ពិនិត្យឃើញទីតាំងស្ល និងកែច្នៃលោហៈមួយក្នុងខេត្តកំពង់ស្ពឺ មានកម្រិតសារធាតុបំពុលខ្យល់ខ្ពស់ប៉ះពាល់ដល់សុខភាពពលរដ្ឋ

ប្រធានាធិបតីអ៊ុយក្រែន៖ ការពន្យារពេលមីស៊ីលការពារដែនអាកាស បានធ្វើឱ្យមនុស្សជាច្រើនបាត់បង់ជីវិត

ការវាយប្រហារដោយយានដ្រូននៅអេហ្ស៊ីបបង្កឱ្យមានការព្រួយបារម្ភផ្នែកសន្តិសុខអំពីការនាំចេញប្រេងតាមព្រែកជីកស៊ុយអេ

អតីតសិស្សនិទ្ទេស A ជ្រើសរើសរៀនជំនាញអេឡិចត្រូនិកនៅ NPIC ព្រោះមើលឃើញឱកាសការងារខ្ពស់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877