BTV NEWS

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

អ្នកគ្មានស្លាកលេខរត់ មិនអនុញ្ញាតឲ្យចូលក្នុងបរិវេណរត់ប្រណាំងម៉ារ៉ាតុងចក្រភពអង្គរចុងសប្ដាហ៍នេះឡើយ

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ព័ត៌មានកីឡា

កីឡាករបារាំង Maxime Renaux ឈ្នះការប្រណាំងម៉ូតូហោះ MXGP នៅប្រទេសស្វីស

ប្រណាំងម៉ូតូ៖ កីឡាករប្រណាំងម៉ូតូបារាំង Maxime Renaur គឺជាអ្នកឈរលើគេនៅលើវេទិកាកិត្តិយសក្រោយឈ្នះការប្រកួតប្រណាំងម៉ូតូហោះ MXGP ថ្ងៃចន្ទម្សិលមិញនៅប្រទេសស្វីស។ កីឡាកររបស់ក្រុម Yamaha រូបនេះបានប្រជែងឈ្នះការប្រកួតទី២ ប្រចាំថ្ងៃដោយមកដល់ទីព្រ័ត្រមុនគេប្រើពេលល្អជាង ៧វិនាទី ៨២៥ ពីមុខមិត្តរួមជាតិបារាំង Romain Fabvre ខណៈលេខ៣ គឺកីឡាករអេស្ប៉ាញ Jorge Prado។ Jorge Prado គឺជាអ្នកឈ្នះការប្រកួតទី១ ពេលព្រឹក ដោយមកដល់ទីព្រ័ត្រមុនគេប្រើពេល ៦វិនាទី ២៩៨ ល្អជាងអ្នកលេខ២ Maxine Renaux ខណៈ Romain Fabvre លេខ៣។ ជ័យជំនះជារួមរបស់ Maxime Renaux នាំមុខគេក្នុងតារាងជើងឯកមាន ៤៧ពិន្ទុ តាមពីក្រោយដោយ Jorge Prado មាន ៤៥ពិន្ទុ និងលេខ៣ Romain Fabvre ៤២ពិន្ទុ។ ជុំទី៤ ប្រចាំរដូវកាល MXGP នឹងបន្តទៅតំបន់ Trentino ប្រទេសអ៊ីតាលីនៅថ្ងៃអាទិត្យនេះ៕អត្ថបទ៖នាង សុភាវុធ

អត្តពលិក Mauricio dos Santos រត់ដោះស្បែកជើងឈ្នះការប្រកួតរត់ប្រណាំង U-20 នៅប្រេស៊ីល

រត់ប្រណាំង៖ អត្តពលិករត់ប្រណាំងម្នាក់បានប្រជែងឈ្នះការប្រកួតរត់ប្រណាំង U-20 វគ្គជម្រុះ Athletics Club Tournament នៅប្រទេសប្រេស៊ីលចុងសប្តាហ៍កន្លងទៅ។ Mauricio dos Santos បានប្រើពេល ៥១វិនាទី ៣៧ ដើម្បីមកដល់ទីព្រ័ត្រមុនគេលើវិញ្ញាសារត់ ២០០ម៉ែត្រនៅវគ្គពាក់កណ្តាលផ្តាច់ព្រ័ត្រ តែមិនគ្រប់គ្រាន់ដើម្បីឡើងវគ្គផ្តាច់ព្រ័ត្រឡើយ។ បើតាមការឱ្យដឹង អត្តពលិកវ័យ ១៦ឆ្នាំរូបនេះមានស្រុកកំណើតនៅរដ្ឋ Mato Grosso ប្រទេសប្រេស៊ីលក្នុងគ្រួសារក្រីក្រមួយ។ Santos មិនមានថវិកាគ្រប់គ្រាន់ដើម្បីទិញសម្ភារៈកីឡារបស់ខ្លួនឡើយ ជាពិសេសទ្រនាប់ជើងដែលមានទំហំខុសគេដល់ទៅ ៤៧។ កន្លងមក Santos ធ្លាប់មានទ្រនាប់ជើងទំហំ ៤៦ ដែលមីងរបស់ខ្លួនទិញឱ្យតាមប្រពន្ធអនឡាយ តែក្រោយមកវាបានរហែកពេលហ្វឹកហាត់។ បច្ចុប្បន្ន Santos មានតែទ្រនាប់ជើងបាតាធម្មតា តែសុខចិត្តរត់ដោយជើងទទេទៅវិញ៕អត្ថបទ៖នាង សុភាវុធ

Leicester City តែងតាំងអតីតគ្រូ Norwich, Dean Smith ដឹកនាំដល់ចប់រដូវកាល

បាល់ទាត់៖ ក្លិបបាល់ទាត់ Leicester City បានប្រកាសតែងតាំអ្នកចាត់ការថ្មីលោក Dean Smith ដើម្បីដឹកនាំបណ្តោះអាសន្នដល់ចប់រដូវកាលបន្តពីលោក Brendan Rodgers ដែលត្រូវបានដកតំណែងសប្តាហ៍មុន។ បុរសវ័យ ៥២ឆ្នាំ Dean Smith បានចាកចេញពី Norwich City កាលពីដើមរដូវកាលនេះ បន្ទាប់ពីធ្លាប់ចំណាយពេលដឹកនាំ Aston Villa និង Brentford ផងដែរ។ Leicester City កំពុងភិតភ័យនៅក្បែតំបន់គ្រោះថ្នាក់បន្ទាប់ពីចាញ់ Bournemouth កាលពីថ្ងៃសៅរ៍ធ្វើឱ្យគំលាតពីតំបន់គ្រោះថ្នាក់មានត្រឹម ២ពិន្ទុ។ ការមកដល់របស់លោក Dean Smith គឺមកជាក្រុមតែម្តងរួមមានជំនួយការ Craig Shakespeare ដែលធ្លាប់ជាជំនួយការលោក Claudio Ranieri ក៏ដូចជាមកជាមួយគ្រូបង្វឹកអតីតខ្សែការពារអង់គ្លេស John Terry ផងដែរ។ ប្រកួតដំបូងក្រោមការដឹកនាំរបស់លោក Dean Smith នៅ Premier League, Leicester City នឹងត្រូវធ្វើដំណើរទៅទឹកដី Manchester City ថ្ងៃសៅរ៍នេះ៕អត្ថបទ៖នាង សុភាវុធ

Wawrinka វាយបកយកឈ្នះនៅ Monte Carlo Masters តែ Andy Murray ធ្លាក់ត្រឹមជុំទី១

វាយកូនបាល់៖ អតីតជើងឯក Monte Carlo Masters កីឡាករស្វីស Stanislas Wawrinka បានឈានឡើងជុំទី២ ហើយក្រោយវាយបកយកឈ្នះកីឡាករហូឡង់ Tallon Griekspoor។ កីឡាករវ័យ ៣៨ឆ្នាំ Wawrinka ត្រូវបាន Griekspoor នាំមុខមួយសិតមុន ៧-៥ មុនពេលដែលវាយបកយកឈ្នះ ២សិតផ្ទួនៗ ៦-៣ និង ៦-៤។ ជុំបន្តម្ចាស់ជើងឯក Grand Slam បីលើក Stanislas Wawrinka នឹងត្រូវជួបជាមួយកីឡាករលំដាប់លេខ ១០ ពិភពលោកសញ្ជាតិអាមេរិក Taylor Fritz។ ងាកមកអតីតកីឡាករលំដាប់លេខ ១ ពិភពលោក Andy Murray បានធ្លាក់ត្រឹមជុំទី១ ប៉ុណ្ណោះក្រោយរងបរាជ័យក្រោមស្នាដៃកីឡាករអូស្ត្រាលី Alex de Minaur ៦-១ និង ៦-៣ ប្រើពេល ៨៦នាទី។ Andy Murray មានបញ្ហារបួសអវត្តមានពីការប្រកួតនានាជាច្រើនមកហើយក្នុងឆ្នាំ២០២៣ នេះតែមានឱកាសចូលប្រកួតនៅ Monte Carlo នេះតាមរយៈការដកខ្លួនរបស់កីឡាករលេខ២ ពិភពលោក Carlos Alcaraz និងជើងឯក ១១សម័យ Rafael Nadal។ ងាកមកលទ្ធផលផ្សេងទៀត ជើងឯក US Open, Dominic Thiem យកឈ្នះ Richard Gasquet ៦-១ និង ៦-៤។ កីឡាករអូទ្រីស Dominic Thiem បច្ចុប្បន្នឈរលេខ ១០៦ ពិភពលោក បន្ទាប់ពីអវត្តមានពីការប្រកួតជាច្រើនដោយសារបួសកដៃ។ ជុំបន្ត Dominic Thiem នឹងត្រូវជួបជាមួយកីឡាករដាណឺម៉ាកវ័យ ១៩ឆ្នាំ Holger Rune ដែលកំពុងឈរលេខ ៩ ពិភពលោក៕អត្ថបទ៖នាង សុភាវុធ

ក្រុមលេងមិនឈ្នះ ៦ប្រកួតជាប់គ្នា Inter Milan ជួប Benfica យប់នេះនៅ UCL

បាល់ទាត់៖ ក្រុម Inter Milan នឹងត្រូវប្រឈមមុខជាមួយក្រុមម្ចាស់ផ្ទះព័រទុយហ្កាល់ Benfica រាត្រីនេះជើងទី១ វគ្គ ៨ក្រុមចុងក្រោយ UEFA Champions League។ លោក Simone Inzaghi កំពុងស្ថិតក្នុងសំពាធក្រោយ Inter Milan លេងមិនឈ្នះសោះ ៦ប្រកួតចុងក្រោយនៅគ្រប់ក្របខណ្ឌមុនជួប Benfica យប់នេះ។ អ្នកចាត់ការសញ្ជាតិអ៊ីតាលីរូបនេះបានរិះគន់ខ្សែប្រយុទ្ធរបស់ខ្លួន Romelu Lukaku ពីការខ្ជះខ្ជាយឱកាសស៊ុតបញ្ចូលទី ឆ្លងកាត់ការបរាជ័យទល់នឹង Fiorentina និងស្មើ Salernitana ធ្វើឱ្យ Inter Milan នៅពេលនេះធ្លាក់មកដល់លេខ៥ នៅ Serie A ខណៈនៅសល់ ៩ប្រកួតទៀតចប់រដូវកាល។ ជុំវិញស្ថានភាពក្រុម Inter Milan នឹងមិនមានវត្តមានខ្សែបម្រើទួកគី Hakan Calhanoglu និងខ្សែការពារ Milan Skriniar ឡើយដោយសាររបួស។ សម្រាប់ Benfica មុនមកដល់ការប្រកួតយប់នេះពួកគេទើបតែចាញ់ Porto ១-២ ក្នុងទឹកដីខ្លួនឯងនៅក្របខណ្ឌលីគកំពូលព័រទុយហ្កាល់។ រំលឹកថា ក្រុមទាំងពីរមានប្រវត្តិជួបគ្នា ៣លើក Inter Milan ឈ្នះ១ ស្មើ២ មិនដែលចាញ់៕អត្ថបទ៖នាង សុភាវុធ

Pep លើកការប្រៀបធៀបជាមួយ Jack Nicklaus និង Michael Jordan ការពារស្ថិតិប្រកួតនៅ UCL របស់ Man City

បាល់ទាត់៖ អ្នកចាត់ការសញ្ជាតិអេស្ប៉ាញ Pep Guardiola បានលើកការប្រៀបធៀបកំពូលកីឡាករវាយកូនគោល Jack Nicklaus និង Michael Jordan ការពារស្ថិតិប្រកួតរបស់ Manchester City នៅ UEFA Champions League មុនជួប Bayern Munich យប់នេះ។ Manchester City នៅតែតាមប្រមាញ់ជើងឯក UCL លើកដំបូងរបស់ខ្លួននៅឡើយ តែលោក Pep Guardiola ស្នើឱ្យមានការអត់ធ្មត់ និងលើកឧទាហរណ៍ពីភាពជោគជ័យរបស់ Jack Nicklaus និង Michael Jordan។ លោកបានលើកឡើងថា Jack Nicklaus ចំណាយពេលពេញមួយអាជីពរបស់ខ្លួនចូលរួមកម្មវិធីវាយកូនគោលធំចំនួន ១៦៤ ឈ្នះសរុប ១៨លើក ហើយ Michael Jordan ចំណាយពេលលើអាជីពបាល់បោះរបស់ខ្លួន ១៥ឆ្នាំឈ្នះជើងឯក NBA ៦លើក គ្រប់គ្នាសុទ្ធតែចាញ់ច្រើនជាងឈ្នះក្នុងអាជីពជោគជ័យក៏ដោយ។ មុនខុសអ្វីពី Manchester City ឡើយ គ្រប់គ្នាត្រូវតែអត់ធ្មត់លេងឱ្យអស់លទ្ធភាពគ្រប់ការប្រកួត។ សូមបញ្ជាក់ថា Manchester City មុនមកដល់ការប្រកួតរាត្រីនេះបានយកឈ្នះនៅទឹកដី Southampton ៤-១ នៅ Premier League ខណៈ Erling Haaland ស៊ុតបានពីរគ្រាប់។ ខ្សែប្រយុទ្ធន័រវេសរូបនេះនៅពេលនេះមាន ៤៤គ្រាប់ហើយនៅគ្រប់ក្របខណ្ឌរដូវកាលនេះ ក្នុងនោះមាន ៣០គ្រាប់នៅ Premier League។ គិតតែនៅ UCL, Haaland បង្ហាញខ្លួនសរុប ២៥ប្រកួតរកបាន ៣៣គ្រាប់រាប់តាំងពីនៅជាមួយ Salzburg, Dortmund និង City៕អត្ថបទ៖នាង សុភាវុធ

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

បាល់ឱប៖ ក្រុមបាល់ឱបស្ត្រីបីក្រុម កងយោធពលខេមរភូមិន្ទ ផ្កាឈូក និងក្រុមបាល់ឱបស្ត្រីបាត់ដំបងត្រូវបានបង្ហាញ ប្រកាសទទួលស្គាល់ និងសម្ពោធឱ្យដំណើរការជាផ្លូវការនៅថ្ងៃទី១០ ខែមេសា ឆ្នាំ២០២៣ ក្រោមវត្តមានលោកជំទាវ ស៊ុំ សុខា ប្រធានសហព័ន្ធកីឡាបាល់ឱបកម្ពុជា។ លោកជំទាវប្រធានមានប្រសាសន៍ថា នេះជាការសម្ពោធក្លិបស្ត្រីបាល់ឱបកម្ពុជាទាំងបីក្រុម ដែលកន្លងមកសហព័ន្ធបាល់ឱបកម្ពុជាបានយកចិត្តទុកដាក់ខ្ពស់ ទៅលើការប្រមូលផ្ដុំនៃក្លិបនានាដើម្បីរួមគ្នាតែមួយឆ្ពោះទៅការអភិវឌ្ឍន៍លើវិស័យបាល់ឱប។ លោកជំទាវបន្តថា នេះជាការលើកកម្ពស់ស្ត្រីឲ្យមានសិទ្ធនៅក្នុងការលេងកីឡានានា ពិសេសកីឡាបាល់ឱប។ នេះគឺជាបង្ហាញថា ស្ត្រី និងបុរសមានសិទ្ធស្មើគ្នាក្នុងវិស័យកីឡា និងការងារទូទៅ។ នេះជាមោទនភាពណាស់ដែលបានសម្ពោធក្លិបស្ត្រីបាល់ឱបកម្ពុជាហើយសហព័ន្ធ និងបន្តបង្កើនក្លិបស្ត្រីឲ្យបានច្រើនថែមទៀតនាពេលខាងមុខ។ ក្នុងនោះលោកជំទាវបានបង្ហាញផងដែរថា ជាក់ស្តែងសហព័ន្ធកីឡាបាល់ឱបកម្ពុជាបានទទួលការឧបត្ថម្ភគាំទ្រ និងសហការយ៉ាងទូលំទូលាយជាមួយដៃគូរអភិវឌ្ឍន៍នានា ជាពិសេសឆាលហ្វាន់រ៉ាប៊ី, អូស្ត្រាលីអេដ, ឌីអេចអិល, ស្ថានទូតណូវែលសេឡង់ជាដើម។ សហព័ន្ធកីឡាបាល់ឱបកម្ពុជាប្តេជ្ញា និងគាំទ្រអភិវឌ្ឍន៍ជាមួយគ្រប់ដៃគូសហការ រាល់សកម្មភាពនានាដែលផ្ដោតលើវិស័យកីឡាបាល់ឱបនៅកម្ពុជាឲ្យមានភាពទូលំទូលាយ,បង្កើនសមត្ថភាព និងលក្ខណៈបច្ចេកទេស។ នៅក្នុងពិធីសម្ពោធក្លិបស្ត្រីបាល់ឱបកម្ពុជានោះ តំណាងក្លិបស្ត្រីបាល់ឱបកម្ពុជាទាំងក៏បានបង្ហាញការប្ដេជ្ញាចិត្ត ក្នុងការដើរតាមការចង្អុលបង្ហាញរបស់សហព័ន្ធ ក៏ដូចជាប្រឹងប្រែងបង្កបង្កើនធនធានកីឡាករថ្នាលបន្ថែម ដើម្បីរួមចំណែកអភិវឌ្ឍន៍វិស័យកីឡាបាល់ឱបរបស់កម្ពុជា ស្របតាមផែនការ និងអនុសាសន៍របស់ប្រមុខរាជរដ្ឋាភិបាលកម្ពុជា ប្រជាជនម្នាក់លេងកីឡាមួយប្រភេទផងដែរ៕អត្ថបទ៖ គង់ ហួន

អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ២០២៣ ត្រូវដង្ហែ និងរត់នៅប្រទេសម៉ាឡេស៊ី

ស៊ីហ្គេម៖ អគ្គិជ័យកីឡា និងគប់ភ្លើងស៊ីហ្គេម ២០២៣ ដំណើរការរត់ដង្ហែជាផ្លូវការហើយនៅទីក្រុងពូត្រាចាយ៉ា ប្រមាណ ៣០គីឡូម៉ែត្រពីទីក្រុងកួឡាឡាំពួរ ប្រទេសម៉ាឡេស៊ី ដោយមានការចូលរួមពីឯកឧត្តម ហោ សារុន រដ្ឋលេខាធិការក្រសួងទេសចរណ៍ បេសកជនពិសេស CAMSOC លោកជំទាវ Hannah Yeoh Tseow Suan រដ្ឋមន្ត្រីក្រសួងយុវជន និងកីឡាម៉ាឡេស៊ី ឯកឧត្តម អ៊ុក ចាន់តារា ឯកអគ្គរាជទូតព្រះរាជាណាចក្រកម្ពុជាប្រចាំនៅប្រទេសម៉ាឡេស៊ី ថ្នាក់ដឹកនាំក្រុមប្រឹក្សាកីឡាអូឡាំពិក និងប៉ារ៉ាឡាំពិកម៉ាឡេស៊ី អត្តពលិកម៉ាឡេស៊ី និងនិស្សិតកម្ពុជាសិក្សានៅម៉ាឡេស៊ីជាច្រើនរូប។ ឯកឧត្តម ហោ សារុន មានប្រសាសន៍ថា ឆ្នាំ២០២៣ ជាឆ្នាំដ៏វិសេសវិសាលសម្រាប់កម្ពុជា ហើយនៅសល់ជាង ២០ថ្ងៃទៀតប៉ុណ្ណោះ ព្រឹត្តិការណ៍ដែលកម្ពុជារង់ចាំអស់ ៦៤ឆ្នាំក្នុងការធ្វើម្ចាស់ផ្ទះចូលមកដល់។ កម្ពុជាបានផ្តួចផ្តើមរៀបចំព្រះរាជពិធីបួងសួងសុំព្រះអគ្គិកីឡានៅមុខប្រាសាទអង្គរវត្ត និងរៀបចំដង្ហែទៅតាមបណ្តាប្រទេសនានាក្នុងតំបន់អាស៊ីអាគ្នេយ៍។ ព្រះអគ្គិកីឡានេះគឺជានិមិត្តរូបនៃថាមពល មិត្តភាព សាមគ្គីភាព និងនិរន្តរភាព ដែលទាំងអស់នេះជាតម្លៃសកលនៃទំនាក់ទំនងរវាងការប្រកួតកីឡា និងការរស់នៅប្រចាំថ្ងៃ។ ឯកឧត្តមបន្ថែមទៀតថា កម្ពុជាមិនត្រឹមតែបានត្រៀមខ្លួនរួចរាល់ក្នុងការធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ប៉ុណ្ណោះទេ កម្ពុជាក៏បានត្រៀមខ្លួនរួចជាស្រេចក្នុងការទទួលស្វាគមន៍ភ្ញៀវទេសចរ និងអ្នកទស្សនាផងដែរ។ កម្ពុជាក៏បានចាត់ទុកឆ្នាំ២០២៣ ជាឆ្នាំប្រកបដោយអត្ថន័យដ៏សំខាន់ និងជាឆ្នាំដ៏ល្អ សម្រាប់ទេសចរមកទស្សនាកម្ពុជា ហើយកម្ពុជាក៏បានដាក់ចេញយុទ្ធនាការ “ឆ្នាំទស្សនាកម្ពុជាឆ្នាំ២០២៣” គ្រប់ថ្ងៃ សុទ្ធតែអច្ឆរិយៈផងដែរ។ កីឡាគាំទ្រទេសចរណ៍ ទេសចរណ៍គាំទ្រកីឡា។ កីឡាលើកកម្ពស់ទេសចរណ៍ ទេសចរណ៍ លើកកម្ពស់កីឡា។ កម្ពុជា "ព្រះរាជាណាចក្រអច្ឆរិយៈ” ទន្ទឹងរង់ចាំស្វាគមន៍ភ្ញៀវមកពីជុំវិញពិភពលោក។ សូមទទួលបានភាពកក់ក្ដៅក្នុងអំឡុងពេលមកបំពេញទស្សនកិច្ចនៅកម្ពុជា ជាពិសេសក្នុងព្រឹត្តិការណ៍ប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេម។ ឯកឧត្តមបេសកជនពិសេសលើកឡើងដែរថា ការប្រារព្ធពិធីដង្ហែព្រះអគ្គិកីឡាកម្ពុជា ២០២៣ នៅក្នុងប្រទេសម៉ាឡេស៊ី ហើយជឿជាក់យ៉ាងមុតមាំថា កម្ពុជា និងម៉ាឡេស៊ីនឹងបង្កើនសហប្រតិបត្តិការជាមួយគ្នាកាន់តែជិតស្និទ្ធបន្ថែមទៀត ដើម្បីលើកកម្ពស់វិស័យកីឡា និងវិស័យទេសចរណ៍នៅក្នុងតំបន់ និងពិភពលោក។ បន្ទាប់ពីម៉ាឡេស៊ី អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ត្រូវធ្វើដំណើរទៅកាន់ប្រទេសសិង្ហបុរី និងដំណើរការរត់នៅថ្ងៃទី១៤ ខែមេសា ឆ្នាំ២០២៣ខាងមុខ៕ អត្ថបទ៖ គង់ ហួន

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

បាល់ទាត់៖ អ្នកចាត់ការថ្មី Bayern Munich លោក Thomas Tuchel បានទម្លាយថា លោកមានបញ្ហាដំណេកច្រើនយប់មកហើយមុនជួប Manchester City យប់នេះជើងទី១ វគ្គ ៨ក្រុមចុងក្រោយ UEFA Champions League។ អ្នកចាត់ការសញ្ជាតិអាល្លឺម៉ង់រូបនេះទើបតែចូលដឹកនាំ Bayern Munich កាលពីខែមុនប៉ុណ្ណោះ ហើយក៏ឈានមកដល់ការប្រកួតដ៏តានតឹងមួយ ក៏សង្ឃឹមថានឹងអាចដឹកនាំក្រុមឈ្នះម្តងទៀតដូចដែលលោកដឹកនាំ Chelsea ឈ្នះ Manchester City កាលពីឆ្នាំ២០២១ នៅវគ្គផ្តាច់ព្រ័ត្រ UEFA Champions League។ លោក Thomas Tuchel បានលើកឡើងថា ក្នុងខួរក្បាលរបស់លោកគិតតែពីការប្រកួតទល់នឹង Man City ហើយជាក់ស្តែងពីរបីយប់ចុងក្រោយគេងមិនលក់ គេងមិនគ្រប់គ្រាន់។ បុរសសញ្ជាតិអាល្លឺម៉ង់រូបនេះបន្តថា ក្រុមរបស់លោក Pep តែងតែមានប្រព័ន្ធលេងប្លែកពីគេមួយ ដូច្នេះផែនការជាច្រើនដែលយើងត្រូវរៀបចំមុនការប្រកួតដ៏តានតឹងនេះ ជាពិសេសប្រព័ន្ធការពារដើម្បីទប់ទល់នឹងខ្សែប្រយុទ្ធន័រវេស Erling Haaland។ នេះជាការត្រលប់មកកាន់ទឹកដីអង់គ្លេសវិញលើកដំបូងរបស់លោក Tuchel តាំងពីត្រូវបានដកតំណែងនៅ Chelsea កាលពីខែកញ្ញា ឆ្នាំ២០២២។ ក្នុងជំនួប ១០លើករវាង Thomas Tuchel ទល់នឹង Pep Guardiola អ្នកចាត់ការអាល្លឺម៉ង់រូបនេះធ្លាប់ដឹកនាំឈ្នះតែ ៣លើកប៉ុណ្ណោះ។ សូមបញ្ជាក់ថា ក្រុមដែលកំពុងនាំមុខគេនៅ Bundesliga, Bayern Munich គឺជាជើងឯកក្លិបកំពូលអឺរ៉ុបនេះ ៦លើក ស្របពេលដែល Manchester City នៅតែប្រមាញ់ជើងឯកលើកដំបូងរបស់ខ្លួននៅឡើយ៕អត្ថបទ៖នាង សុភាវុធ

Jon Rahm គ្រងជើងឯកវាយកូនគោលកម្មវិធីធំ The Masters

វាយកូនគោល៖ កីឡាករវាយកូនគោលអេស្ប៉ាញ Jon Rahm បានក្លាយជាជើងឯកនៃព្រឹត្តិការណ៍វាយកូនគោលកម្មវិធីធំប្រចាំឆ្នាំ The Masters ជាលើកដំបូងក្នុងអាជីពវាយបកពីការនាំមុខរបស់ Brooks Koepka នៅថ្ងៃចុងក្រោយ។ កីឡាករវ័យ ២៨ឆ្នាំរូបនេះធ្វើបាន ៣អាន់ឌើផា ៦៩ នៅថ្ងៃចុងក្រោយ និងបញ្ចប់ការប្រកួតទាំងស្រុង ១២អាន់ឌើផា យកឈ្នះអ្នកលេខ២ កីឡាករអាមេរិក Brooks Koepka ដល់ទៅ ៤អាន់ឌើផា។ Brooks Koepka បាននាំមុខគេជាស្ត្រូកមុនចាប់ផ្តើមថ្ងៃចុងក្រោយ តែធ្វើបានល្អនៅថ្ងៃចុងក្រោយតែម្តងដោយបញ្ចប់ជាមួយនឹង ៦អូវើផា និងសរុបរួម ៨អាន់ឌើផាស្មើគ្នាជាមួយមិត្តរួមជាតិ Phil Mickelson។ អតីតជើងឯក Masters កីឡាករ Jordan Spieth និង Patrick Reeds រួមជាមួយនឹង Russell Henley ធ្វើបាន ៧អាន់ឌើផាដូចគ្នា។ សូមបញ្ជាក់ថា Jon Rahm បានក្លាយជាកីឡាករអេស្ប៉ាញទី៤ ប៉ុណ្ណោះដែលឈ្នះជើងឯក The Masters បន្ទាប់ពី Seve Ballesteros ឈ្នះ ២ដង និងចុងក្រោយបំផុត Sergio Garcia ឈ្នះនៅឆ្នាំ២០១៧៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ្នកស្វែងរកការងារជាង ១០០នាក់ ទទួលបានលទ្ធផលល្អក្នុងវេទិកាការងារ និងកិច្ចសម្ភាសន៍ការងាររបស់ NEA

អង្គការមជ្ឈមណ្ឌលវប្បធម៌ខ្មែរកម្ពុជាក្រោម ចុះចែក និងផ្តល់សម្ភារៈសិក្សាដល់សិស្សមានជីវភាពខ្វះខាត និងកុមារកំព្រាចំនួន ៥៤នាក់នៅភូមិគោកឃ្លាង សង្កាត់គោកឃ្លាង ខណ្ឌសែនសុខ

កម្មវិធីបណ្តុះបណ្តាលជំនាញ ១,៥លាននាក់ ជួយឱ្យយុវជនក្រីក្រ និងពលរដ្ឋជាង ២ពាន់នាក់នៅតាកែវ មានជំនាញ និងចំណូលសមរម្យ

មន្រ្តីឧទ្យានុរក្ស ប្តេជ្ញាការពារបេតិកភណ្ឌធម្មជាតិដ៏មានតម្លៃរបស់កម្ពុជាឱ្យនៅស្ថិតស្ថេរគង់វង្ស

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អ្នករាយការណ៍ពិសេស UN ប្រចាំកម្ពុជា ធ្វើទស្សនកិច្ចទៅកាន់ជំរុំជនភៀសសឹកក្នុងខេត្តបន្ទាយមានជ័យ ឃើញផ្ទាល់គ្រួសារដែលរងផលប៉ះពាល់ដោយសារជម្លោះតាមព្រំដែន

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករបារាំង Maxime Renaux ឈ្នះការប្រណាំងម៉ូតូហោះ MXGP នៅប្រទេសស្វីស

អត្តពលិក Mauricio dos Santos រត់ដោះស្បែកជើងឈ្នះការប្រកួតរត់ប្រណាំង U-20 នៅប្រេស៊ីល

Leicester City តែងតាំងអតីតគ្រូ Norwich, Dean Smith ដឹកនាំដល់ចប់រដូវកាល

Wawrinka វាយបកយកឈ្នះនៅ Monte Carlo Masters តែ Andy Murray ធ្លាក់ត្រឹមជុំទី១

ក្រុមលេងមិនឈ្នះ ៦ប្រកួតជាប់គ្នា Inter Milan ជួប Benfica យប់នេះនៅ UCL

Pep លើកការប្រៀបធៀបជាមួយ Jack Nicklaus និង Michael Jordan ការពារស្ថិតិប្រកួតនៅ UCL របស់ Man City

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ២០២៣ ត្រូវដង្ហែ និងរត់នៅប្រទេសម៉ាឡេស៊ី

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

Jon Rahm គ្រងជើងឯកវាយកូនគោលកម្មវិធីធំ The Masters

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​បារាំង Maxime Renaux ឈ្នះ​ការប្រណាំង​ម៉ូតូ​ហោះ MXGP នៅ​ប្រទេស​ស្វីស​

អត្ត​ព​លិ​ក Mauricio dos Santos រត់​ដោះ​ស្បែកជើង​ឈ្នះ​ការប្រកួត​រត់ប្រណាំង U-20 នៅ​ប្រេ​ស៊ី​ល​

Leicester City តែងតាំង​អតីត​គ្រូ Norwich, Dean Smith ដឹកនាំ​ដល់​ចប់​រដូវ​កាល​

Wawrinka វាយបក​យកឈ្នះ​នៅ Monte Carlo Masters តែ Andy Murray ធ្លាក់​ត្រឹមជុំ​ទី១

ក្រុម​លេង​មិន​ឈ្នះ ៦ប្រកួត​ជាប់​គ្នា Inter Milan ជួប Benfica យប់​នេះ​នៅ UCL

Pep លើក​ការប្រៀបធៀប​ជាមួយ Jack Nicklaus និង Michael Jordan ការពារ​ស្ថិតិ​ប្រកួត​នៅ UCL របស់ Man City

ការបង្កើត​ក្រុម​បាល់ឱប​ស្ត្រី​ជាការ​លើកកម្ពស់​សិទ្ធ​នារី​ក្នុង​វិស័យ​កីឡា​

Thomas Tuchel គេង​មិន​លក់​ច្រើន​យប់​ហើយ​មុន Bayern Munich ជួប Man City យប់​នេះ

Jon Rahm គ្រង​ជើងឯក​វាយកូនគោល​កម្ម​វិធី​ធំ The Masters

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករបារាំង Maxime Renaux ឈ្នះការប្រណាំងម៉ូតូហោះ MXGP នៅប្រទេសស្វីស

អត្តពលិក Mauricio dos Santos រត់ដោះស្បែកជើងឈ្នះការប្រកួតរត់ប្រណាំង U-20 នៅប្រេស៊ីល

Leicester City តែងតាំងអតីតគ្រូ Norwich, Dean Smith ដឹកនាំដល់ចប់រដូវកាល

Wawrinka វាយបកយកឈ្នះនៅ Monte Carlo Masters តែ Andy Murray ធ្លាក់ត្រឹមជុំទី១

ក្រុមលេងមិនឈ្នះ ៦ប្រកួតជាប់គ្នា Inter Milan ជួប Benfica យប់នេះនៅ UCL

Pep លើកការប្រៀបធៀបជាមួយ Jack Nicklaus និង Michael Jordan ការពារស្ថិតិប្រកួតនៅ UCL របស់ Man City

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

Jon Rahm គ្រងជើងឯកវាយកូនគោលកម្មវិធីធំ The Masters