BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Firmino តែតមួយក្បាលចុងម៉ោងបង្អាក់ជ័យជំនះរបស់ Arsenal កាត់បន្ថយការនាំមុខនៅ EPL

បាល់ទាត់៖ ខ្សែប្រយុទ្ធប្រេស៊ីលរបស់ Liverpool, Roberto Firmino បានបង្អាក់ជ័យជំនះរបស់ក្រុមកំពូលតារាងកាំភ្លើងធំ Arsenal បន្ទាប់ពីតែតបញ្ចូលទីនៅចុងម៉ោងតាមស្មើឱ្យ Liverpool ២-២ នៅក្របខណ្ឌ English Premier League។ ក្រុមរបស់លោក Mikel Arteta បាននាំមុខពីរគ្រាប់មុនដោយ Gabriel Martinelli នៅនាទីទី៨ មុនពេលដែលកីឡាករប្រេស៊ីលរូបនេះបញ្ជូនឱ្យមិត្តរួមជាតិ Gabriel Jesus បន្ថែមការនាំមុខឱ្យ Arsenal នៅនាទីទី២៨។ តែមុនចប់វគ្គទី១ Mohamed Salah តាមបានមួយគ្រាប់វិញឱ្យ Liverpool នៅនាទីទី៤២ មុនពេលដែលកីឡាករអេស៊ីបរូបនេះស៊ុតបាល់ ១១ម៉ែត្រមិនចូលនៅវគ្គទី២។ យ៉ាងណាក្តី កីឡាករបម្រុង Roberto Firmino ដែលនឹងចាកចេញពី Anfield ក្រោយចប់រដូវកាលនេះនោះបានផ្លាស់ប្តូរចូលជំនួស Fabinho នៅនាទីទី៧៨ និងតែតបញ្ចូលតាមស្មើបានសំរេចនៅនាទីទី៨៧ តែម្តង។ មួយគ្រាប់នេះបានបង្អាក់ជ័យជំនះ ៨ប្រកួតជាប់គ្នារបស់ Arsenal និងបង្អាក់ជ័យជំនះដំបូងរបស់ Arsenal នៅ Anfield តាំងពីឆ្នាំ២០១២។ មិនតែប៉ុណ្ណោះមួយគ្រាប់តាមស្មើនេះក៏បានកាត់បន្ថយការនាំមុខរបស់ Arsenal ពីក្រុមលេខ ២ Manchester City មកត្រឹម ៦ពិន្ទុហើយក្រុមរបស់លោក Pep Guardiola នៅសល់មួយប្រកួតនៅក្នុងដៃ ខណៈជ័យជំនះរបស់ Manchester City នឹងធ្វើឱ្យក្រុមទាំងពីរមានគំលាតត្រឹម ៣ពិន្ទុ៕អត្ថបទ៖នាង សុភាវុធ

Thiago និយាយថា ការដកខ្សែក្រវ៉ាត់របស់ WMO ជាការរើសអើង

ឆ្លើយតបទៅនឹងការដកខ្សែក្រវ៉ាត់របស់ស្ថាប័នប្រដាល់ WMO អ្នកប្រដាល់ប្រេស៊ីល Thiago Teixeira បានធ្វើសន្និសីទសារព័ត៌មាននៅយប់ថ្ងៃទី០៨ ខែមេសា ឆ្នាំ២០២៣ នៅសណ្ឋាគារសុខា រាជធានីភ្នំពេញ។ឆ្លើយទៅនឹងសំនួរអ្នកសារព័ត៌មាន Thiago Teixeira បានសម្តែងនូវការខកចិត្តយ៉ាងខ្លាំងចំពោះ ទង្វើរបស់របស់ស្ថាប័ន WMO ដោយបញ្ជាក់ថានេះជាការរើសអើងមួយ។ ខណៈនោះ Thiago ក៏បានលើកឡើងដែរថា WMO មិនមែនជាអ្វីៗទាំងអស់នោះទេ ព្រោះមិនមែនជាស្ថាប័នធំតែឯងលើពិភពលោកនោះទេ គ្រប់ប្រទេសមានស្ថាប័នប្រដាល់ពិភពលោករបស់គេ។Thiago បានសម្តែងនូវការងឿងឆ្ងល់ផងដែរ ពាក់ព័ន្ធនឹងការតុបតែងខ្លួនរបស់គេ ដោយមានខោគុនខ្មែរ តែអ្នករៀបចំការប្រកួតមិនថាអ្វីនោះទេ នៅតែឱ្យប្រកួត។ កីឡាករប្រេស៊ីលរូបនេះ បានប្រាប់អ្នកសារព័ត៌មានដែរថា គេមិនបានជជែក និងជូនដំណឹងពីការដកខ្សែក្រវ៉ាត់នេះទេ ស្រាប់តែចេញលិខិតតាមផេករបស់គេ ហើយទាក់ទងនឹងតម្លៃខ្លួន ក៏មិនទាន់ផ្តល់ឱ្យដែរ។សូមជម្រាបជូនថា ថ្ងៃទី៨ ខែមេសា ឆ្នាំ២០២៣ ដើម្បីជាការលើកទឹកចិត្ត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចូលរួមជួយឧបត្ថម្ភដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន២០,០០០ដុល្លារ។ សម្តេចបានបន្ថែមថាមួយវិញទៀតប្រសិនបើមិនខុសទាស់ផ្នែកផ្លូវច្បាប់ណាមួយរបស់ប្រេស៊ីល សម្តេចនឹងស្នើទៅព្រះមហាក្សត្រ ដើម្បីផ្តល់សញ្ជាតិខ្មែរជូនកីឡាករ Thiago ។ក្នុងសន្និសីទសារព័ត៌មាននេះដែរ Thiago បានបញ្ជាក់ថាសម្រាប់អនាគត ខ្លួនចង់រស់នៅទីនេះ(កម្ពុជា)ជារៀងរហូត ដោយទីនេះ ជាផ្ទះរបស់គេ។ ចំពោះមុខគោលដៅរបស់គេគឺ ផ្សព្វផ្វាយប្រដាល់គុនខ្មែរ និងបន្តមូលនិធិគុនខ្មែរ ដើម្បីបណ្តុះបណ្តាលគុនខ្មែរ។ ខណៈនោះកីឡាកររូបនេះ ក៏បានថ្លែងអំណរអរគុណដល់សម្តេចតេជោ ហ៊ុន សែន នាយករដ្ឋមន្ត្រី ដែលបានលើកទឹកចិត្ត និងសប្បុរសជននានា ក៏ដូចជាប្រជាជនកម្ពុជាដែលគាំទ្រដល់រូបគេ។កីឡាករសញ្ជាតិប្រេស៊ីលរូបនេះ ត្រូវទទួលបានការគាំទ្រ និងឧបត្ថម្ភជាបន្តបន្ទាប់ ក្រោយពីខ្លួនបានដូរមកហ្វឹកហាត់គុនខ្មែរ បន្ទាប់ពីបានស្វែងយល់ពីឬសគល់ និងមូលដ្ឋានច្បាស់លាស់ នៃក្បាច់គុនបុរាណខ្មែរនេះ ហើយកន្លងទៅដើម្បីឱ្យកាន់តែច្បាស់ និងបង្ហាញពីមោទនភាព Thiago បានទៅកាន់ខេត្តសៀមរាបដើម្បីស្វែងយល់ឱ្យបានកាន់តែស៊ីជម្រៅពីវប្បធម៌ និងក្បាច់គុនបុរាណខ្មែរ ដែលត្រូវបានបុព្វបុរសខ្មែរបានឆ្លាក់យ៉ាងច្បាស់នៅលើជញ្ជាំងប្រាសាទមួយចំនួននៅតំបន់អង្គរ៕

Stephen Hendry មិនអាចប្រកួតជើងឯកពិភពលោកបានក្រោយចាញ់ត្រឹមជុំទី១ វគ្គជម្រុះ

ស្នូកឃ័រ៖ ជើងឯកស្នូកឃ័រពិភពលោក ៧សម័យ Stephen Hendry ដែលប៉ុនប៉ងចង់បង្ហាញខ្លួនក្នុងការប្រកួតជើងឯកពិភពលោកលើកដំបូងតាំងពីឆ្នាំ២០២១ នោះ មិនអាចសម្រេចបំណងឡើយក្រោយចាញ់ត្រឹមជុំទី១ នៃវគ្គជម្រុះ។ កីឡាករស្កុតឡេនវ័យ ៥៤ឆ្នាំរូបនេះបានរងបរាជ័យក្រោមស្នាដៃកីឡាករអង់គ្លេស James Cahill ដោយលទ្ធផល ១០-៤ហ្វ្រេម។ ថ្វីបើចាញ់ Stephen Hendry ក៏បានវាយមួយឈើលើសពី ១០០ពិន្ទុលើកទី៧៧៧ ក្នុងអាជីពរបស់ខ្លួនដែរ តែលើកឡើងថា ខ្លួនពិតជាធ្វើមិនបានល្អសោះក្នុងការប្រកួតនេះ។ សម្រាប់គូប្រកួត James Cahill នឹងបន្តទៅជុំទី២ ជួបជាមួយកីឡាករចិន Lei Peifan។ ចំណែកលទ្ធផលផ្សេងទៀត កីឡាករអៀកឡង់ Ken Doherty ដែលជាអតីតជើងឯកពិភពលោកឆ្នាំ១៩៩៧ បានឈានទៅជុំបន្តហើយ ក្រោយយកឈ្នះកីឡាការិនីជើងឯកពិភពលោកផ្នែកនារី ១២សម័យ Reanne Evans។ ជាមួយគ្នានោះដែរ កីឡាការិនីចិន Ng On Yee អតីតជើងឯកផ្នែកនារី ៣សម័យដែរនោះក៏បានធ្លាក់ត្រឹមវគ្គជម្រុះជុំទី១ ដែរក្រោយចាញ់កីឡាករអង់គ្លេស Michael Holt ១០-៨ហ្វ្រេម៕អត្ថបទ៖នាង សុភាវុធ

Serie A អ៊ីតាលីពិន័យ Juventus បិទកន្លែងអង្គុយមួយផ្នែក ខណៈកីឡាករ ៣នាក់ផ្សេងទៀតត្រូវពិន័យ

បាល់ទាត់៖ ក្រុមសេះបង្កង់ Juventus ត្រូវបានក្របខណ្ឌអ៊ីតាលី Serie A ពិន័យបិទកន្លែងអង្គុយទស្សនាមួយផ្នែកនៃកីឡដ្ឋានសម្រាប់ការប្រកួតបន្ទាប់ ក្រោយពីមានការរើសអើងពីអ្នកគាំទ្រលើ Romelu Lukaku អំឡុងការប្រកួតរវាង Juventus និង Inter Milan កាលពីយប់ថ្ងៃអង្គារ។ ខ្សែប្រយុទ្ធប៊ែលហ្ស៊ិក Romelu Lukaku បានទទួលការរើសអើង មុនពេលបានកាតក្រហមបណ្តេញចេញ។ ឆ្លងតាមការរយៈការប៉ះទង្គិចគ្នារវាង Lukaku និង Juan Cuadrado ក៏ដូចជាការរើសអើងទៀតនោះ Serie A បានសំរេចដាក់ពិន័យរួមមាន Lukaku ត្រូវពិន័យ ១ប្រកួត, Handanovic ១ប្រកួត និងប្រាក់ ១ម៉ឺនអឺរ៉ូ Juan Cuadrado ១ប្រកួត និងប្រាក់ ១ម៉ឺនអឺរ៉ូ ហើយពិន័យ Juventus បិទកន្លែងអង្គុយនៅភាគខាងត្បូងនៃកីឡដ្ឋាន Allianz មួយប្រកួត។ Romelu Lukaku កាលពីថ្ងៃព្រហស្បតិ៍ម្សិលមិញបានទទូចឱ្យសហព័ន្ធបាល់ទាត់អ៊ីតាលី ចាត់វិធានការបន្ទាន់ចំពោះទង្វើនៃការរើសអើងជាតិសាសន៍នេះ ពោលគឺការរើសអើងដដែលនេះបានកើតឡើងម្តងរួចមកហើយនៅកីឡដ្ឋានរបស់ Juventus នេះកាលពីឆ្នាំ២០១៩៕អត្ថបទ៖នាង សុភាវុធ

អាហ្សង់ទីនត្រលប់មកឈរតំណែងលេខ ១ ពិភពលោកលើកដំបូងក្នុងរយៈពេល ៦ឆ្នាំ

បាល់ទាត់៖ ក្រុមជើងឯកពិភពលោកអាហ្សង់ទីន បានទំលាក់ប្រេស៊ីលឡើងមកឈរតំណែងលេខ ១ ក្នុងតារាងចំណាត់ថ្នាក់ពិភពលោកលើកដំបូងក្នុងរយៈពេល ៦ឆ្នាំ។ អាហ្សង់ទីនដែលឆ្នាំមុនគ្រងជើងឯក World Cup 2022 នៅកាតាក្រោយយកឈ្នះបារាំងនៅវគ្គផ្តាច់ព្រ័ត្រនោះ បានឡើងមកាន់តំណែងលេខ ១ បន្ទាប់ពីយកឈ្នះប៉ាណាម៉ា ២-០ និងកោះ Curacao ៧-០ ក្នុងជំនួបមិត្តភាពអន្តរជាតិកាលពីសប្តាហ៍មុន។ ចំណែកក្រុមជើងឯករងបារាំងបានរំកិលឡើងមួយចំណាត់ថ្នាក់មកឈរលេខ ២ បន្ទាប់ពីបារាំងយកឈ្នះហូឡង់ ៤-០ និងឈ្នះសាធារណរដ្ឋអៀកឡង់ ១-០ ក្នុងការប្រកួតជម្រុះ Euro ស្របពេលដែលប្រេស៊ីលធ្លាក់ទៅលេខ ៣ ក្រោយលេងចាញ់ម៉ារ៉ុក ២-១ ក្នុងជំនួបមិត្តភាព។ រីឯក្រុមបិសាចក្រហមប៊ែលហ្ស៊ិកនៅតែបន្តឈរលេខ ៤ តាមពីក្រោយដោយអង់គ្លេសលេខ ៥ ហូឡង់លេខ ៦ ក្រូអាស៊ីលេខ ៧ អ៊ីតាលីលេខ ៨ ព័រទុយហ្កាល់លេខ ៩ និងអេស្ប៉ាញលេខ ១០។ ក្នុងការធ្វើបច្ចុប្បន្នភាពនៃតារាងចំណាត់ថ្នាក់ពិភពលោកចុងក្រោយនេះ ក្រុមបាល់ទាត់សាធារណរដ្ឋអាហ្វ្រិកកណ្តាលហក់ឡើងខ្ពស់ជាងគេចំនួន ១០ ចំណាត់ថ្នាក់ពីលេខ ១៣២ មកលេខ ១២២។ ចំណែកក្រុមជម្រើសជាតិកម្ពុជានៅឈរចំណាត់ថ្នាក់លេខ ១៧៦៕អត្ថបទ៖នាង សុភាវុធ

Jack Harrison បន្តកិច្ចសន្យានៅជាមួយ Leeds United ដល់ឆ្នាំ២០២៨

បាល់ទាត់៖ ខ្សែបម្រើស្លាប Jack Harrison បានចុះហត្ថលេខាលើកិច្ចសន្យាថ្មីដែលនឹងរក្សារូបគេនៅ Leeds United រហូតដល់ឆ្នាំ២០២៨។ កីឡាករវ័យ ២៦ឆ្នាំរូបនេះបានផ្លាស់មកកាន់ Leeds ពី Manchester City នៅឆ្នាំ២០១៨ ក្នុងកិច្ចសន្យាខ្ចីមុនពេលទទួលបានកិច្ចសន្យាទិញផ្តាច់នៅឆ្នាំ២០២១។ រយៈពេល ៥ឆ្នាំកន្លងទៅ Jack Harrison បង្ហាញខ្លួនសរុបបាន ១៩៧ប្រកួតរកបានគ្រាប់បាល់បញ្ចូលទី ៣៣គ្រាប់ ក្នុងនោះមាន ៥គ្រាប់ក្នុងរដូវកាលនេះ។ កាលពីខែមករា Jack Harrison ស្ទើសម្រេចក្នុងការផ្លាស់ទៅកាន់ Leicester City ទៅហើយ តែការចរចាផ្ទេរបរាជ័យនៅថ្ងៃចុងក្រោយនៃទីផ្សារទិញដូរកីឡាករ។ Jack Harrison ក៏ទើបរកបានមួយគ្រាប់ចុងក្រោយពេល Leeds យកឈ្នះ Nottingham Forest ២-១ កាលពីថ្ងៃអង្គារជួយឱ្យក្រុមរបស់លោក Javi Garcia ឡើងមកកាន់លេខ ១៣។ Leeds សប្តាហ៍នឹងបើកទ្វារកីឡដ្ឋាន Elland Road ទទួលស្វាគមន៍ Crystal Palace នៅថ្ងៃអាទិត្យ៕អត្ថបទ៖នាង សុភាវុធ

កីឡាករស៊ុតបញ្ចូលទីលឿនបំផុងក្នុងប្រវត្តិស៊ីហ្គេម សៀង ចន្ធាថា ក្រុមនៅពូលជាមួយកម្ពុជាសុទ្ធតែខ្លាំង

បាល់ទាត់៖ ក្រោយដឹងក្រុមជម្រើសជាតិកម្ពុជាស្ថិតនៅក្នុងពូលជាមួយប្រទេសណាខ្លះនោះ កីឡាករខ្សែប្រយុទ្ធអាយុក្រោម ២២ឆ្នាំកម្ពុជា សៀង ចន្ធា បានប្រាប់អ្នកសារព័ត៌មានថា ក្រុមនៅក្នុងពូលជាមួយកម្ពុជាសុទ្ធតែជាក្រុមខ្លាំង មិនអាចមើលស្រាលក្រុមណាមួយបានឡើយ តែអ្វីដែលត្រូវធ្វើគឺឆ្លងផុតពូល ខណៈឥណ្ឌូនេស៊ីជាក្រុមខ្លាំង។ សៀង ចន្ធា ដែលជាកីឡាករក្មេងបំផុតស៊ុតបញ្ចូលទីលឿនបំផុត ក្នុងប្រវត្តិសាស្ត្រស៊ីហ្គេមជាង ៦០ឆ្នាំបន្តឱ្យដឹងថា ក្រុមតែងតែផ្លាស់ប្តូរទម្រង់លេង ដោយសារយើងហ្វឹកហាត់ច្រើនទម្រង់ ហើយគ្រូចង់តេស្តថា តើរបៀបលេងបែបណាទទួលជោគជ័យ។ ចំពោះមុខមិនមានអ្វីជាបញ្ហាសម្រាប់ប្រកួតជាមួយក្រុមក្នុងពូលននោះទេ ព្រោះបានត្រៀមខ្លួនរួចហើយ។ ទាក់ទងនឹងការហ្វឹកហាត់ និងការប្រកួតអន្តរជាតិថ្មីៗនេះ ចន្ធា ក៏បានរំលេចដែរថា មិនមានបញ្ហាអ្វីនោះទេ ដំណើរការដោយរលួន តាមអ្វីដែលគ្រូបង្វឹកចង់បានដោយធ្វើការហ្វឹកហាត់នៅក្រៅប្រទេស ហើយសម្រាប់ការប្រកួតនៅសិង្ហបុរីថ្មីៗនេះកម្រិតប្រហាក់ប្រហែលគ្នា នៅតែមានចំណុចខ្វះខាតត្រូវកែតម្រូវផងដែរ។ ខ្សែប្រយុទ្ធវ័យក្មេងរបស់បឹងកេតរូបនេះក៏បានបង្ហាញក្តីរីករាយ ដែលជាលើកដំបូងកម្ពុជាធ្វើម្ចាស់ផ្ទះការប្រកួតស៊ីហ្គេម ហើយសម្រាប់លទ្ធផលបែបណា អតីតយុវជនសាលាបាល់ទាត់ជាតិរូបនេះមិនហ៊ាននិយាយមុននោះទេ។ សូមជម្រាបជូនថា ក្នុងយុទ្ធនាការពីរលើកចុងក្រោយសៀង ចន្ធា រកបានគ្រាប់បាល់ ៤គ្រាប់។ ស៊ីហ្គេម ២០១៩ សៀង ចន្ធា រកបានមួយគ្រាប់ក្នុងការប្រកួតដែលកម្ពុជាឈ្នះទីម័រខាងកើត ៥ទល់០ រកបានគ្រាប់ទី២ ក្នុងការប្រកួតកម្ពុជាឈ្នះម៉ាឡេស៊ី ៣ទល់នឹង១ និងគ្រាប់ទីបីក្នុងការប្រកួតស្មើសហភាពមីយ៉ាន់ម៉ា ២ទល់នឹង២ ហើយបានក្លាយជាកីឡាករក្មេងបំផុតស៊ុតគ្រាប់បញ្ចូលទីលឿនបំផុតក្នុងប្រវត្តិសាស្ត្រជាង ៦០ឆ្នាំនៃព្រឹត្តិការណ៍ស៊ីហ្គេម។ ចំនែកគ្រាប់ទី៤ របស់ ចន្ធា គឺក្នុងស៊ីហ្គេម ២០២១ ដែលលើកមកលេងនៅឆ្នាំ២០២២ ក្នុងការប្រកួតដែលឈ្នះឡាវ ៤ទល់១។ ឯការប្រកួតពានមិត្តភាពអន្តរជាតិ Merlion Cup នៅសិង្ហបុរីថ្មីៗនេះ សៀង ចន្ធា ក៏រកបានមួយគ្រាប់បាល់ដែរក្នុងការប្រកួតដែលចាញ់ម៉ាឡេស៊ី ២ទល់នឹង៤។ ស៊ីហ្គេម ២០២៣ កម្ពុជា ស្ថិតនៅក្នុងពូលជាមួយឥណ្ឌូនេស៊ី សហភាពមីយ៉ាន់ម៉ា ហ្វីលីពីន និងទីម័រខាងកើត៕

ផ្លូវការ Frank Lampard ត្រលប់មកដឹកនាំ Chelsea វិញក្នុងតំណែងបណ្តោះអាសន្នដល់ចប់រដូវកាល

បាល់ទាត់៖ អតីតខ្សែបម្រើ និងអ្នកចាត់ការ Chelsea, Frank Lampard បានត្រលប់មកដឹកនាំក្រុមតោខៀវ Chelsea សាជាថ្មីក្នុងតំណែងបណ្តោះអាសន្នដល់ចប់រដូវកាល ដើម្បីកាន់ការបន្តពីលោក Graham Potter ដែលត្រូវបានបណ្តេញចេញ។ បុរសវ័យ ៤៤ឆ្នាំរូបនេះគឺជាអ្នកស៊ុតបញ្ចូលទីច្រើនជាងគេឱ្យ Chelsea សរុប ២១១គ្រាប់ និងធ្លាប់ដឹកនាំ Chelsea ៨៤ប្រកួតចន្លោះឆ្នាំ២០១៩-២០២១។ Chelsea កំពុងដេញពីក្រោយតំបន់ Top4 ដល់ទៅ ១៤ពិន្ទុទោះបីជាបានចំណាយលុយជាង ៦០០លានផោនទិញកីឡាករថ្មីក្នុងរដូវកាលនេះក៏ដោយ។ រំលឹកថា Frank Lampard ធ្លាប់បានដឹកនាំ Chelsea ចន្លោះឆ្នាំ២០១៩ ដល់ ២០២១ ដែលជំនួសតំណែងដោយលោក Thomas Tuchel។ ក្រោយមក Lampard ក៏បានក្លាយជាអ្នកចាត់ការ Everton នៅខែមករា ឆ្នាំ២០២២ តែក៏ត្រូវបានដកតំណែងវិញកាលពីខែមករាកន្លងទៅក្រោយ Everton ចាញ់ ៩ ក្នុងចំណោម ១២ប្រកួតចុងក្រោយនៅ Premier League។ Chelsea ដែលបច្ចុប្បន្នឈរលេខ ១១ នៅ English Premier League នឹងត្រូវទៅទឹកដី Wolves ថ្ងៃសៅរ៍នេះ៕អត្ថបទ៖នាង សុភាវុធ

សម្តេចពិជ័យសេនា ទៀ បាញ់ ចុះពិនិត្យទីលានសម្រាប់ស៊ីហ្គេម ២០២៣ នៅពហុកីឡដ្ឋានជាតិ

ស៊ីហ្គេម៖ ព្រឹកថ្ងៃទី៦ ខែមេសា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) បានដឹកនាំគណៈកម្មាធិការជាតិចុះទៅត្រួតពិនិត្យកន្លែងប្រកួតក្នុងពហុកីឡដ្ឋានជាតិ ដែលជាទីតាំងមួយក្នុងចំណោមទីតាំងបីធំៗនៅរាជធានីភ្នំពេញ ត្រូវបម្រើដល់ការប្រកួតក្នុងព្រឹត្តិការណ៍កីឡាស៊ីហ្គេមឆ្នាំ២០២៣។ យោងមន្ត្រីទទួលបន្ទុកកិច្ចការទីលានបានបញ្ជាក់ថា ពហុកីឡដ្ឋានជាតិត្រូវទទួលធ្វើជាកន្លែងប្រកួត ៩ប្រភេទកីឡា រួមមានបាល់ទាត់បុរស (ពូល A), បាល់ទះ, បាល់ទឹក, កាយសម្ព័ន្ធ, ប៉េតង់, សីដក់, សូហ្វតិន្នីស, លើកទម្ងន់ និងកីឡារាំ។ សម្តេចពិជ័យសេនា ទៀ បាញ់ បានវាយតម្លៃថា ការងារជួសជុលទីលានប្រកួតនានាក្នុងពហុកីឡដ្ឋានជាតិ បានសម្រេចស្ទើរតែរួចរាល់ទាំងស្រុងហើយ ខណៈនៅសល់តែការកែលម្អ និងតុបតែងបន្ថែមទៀតប៉ុណ្ណោះ។ យើងមានភាពកក់ក្ដៅ ហើយក៏មានមោទនភាពចំពោះបណ្ដាទីតាំងទាំង ៩ប្រភេទកីឡាដែលបានពិនិត្យឃើញថា រៀបរយអស់ហើយ នៅសល់តែការតុបតែងមួយចំនួនឱ្យមានសោភ័ណភាពសមស្រប ទៅតាមតម្រូវការផ្នែកកីឡារបស់យើង ដែលយើងត្រូវប្រកួតពេលខាងមុខ។ ស៊ីហ្គេម ២០២៣ ដំណើរការប្រកួតពីថ្ងៃទី២៩ ខែមេសាដល់ថ្ងៃទី១៧ ខែឧសភា ខណៈពេលនេះដំណើរគប់ភ្លើងស៊ីហ្គេមកំពុងសំចតនៅប្រទេសម៉ាឡេស៊ី ហើយរត់ដង្ហែនៅថ្ងៃទី១១ ខែមេសាខាងមុខនេះ៕

បាល់ទាត់លើតុ (Teqball) ជើងឯកអាស៊ីអាគ្នេយ៍ត្រូវរៀបចំមុនស៊ីហ្គេមមកដល់

បាល់ទាត់លើតុ៖ សហព័ន្ធថ្មីកីឡាបាល់ទាត់លើតុកម្ពុជា ក្រោមកិច្ចសហការពីគណៈកម្មាធិការជាតិរៀបចំការប្រកួតស៊ីហ្គេម និងអាស៊ានប៉ារ៉ាហ្គេម ២០២៣ បានរៀបចំប្រកួតកីឡាបាល់ទាត់លើតុអាស៊ីអាគ្នេយ៍រយៈពេល ២ថ្ងៃពីថ្ងៃទី០៦-០៧ ខែមេសា ឆ្នាំ២០២៣ នៅទីលានសហភាពសហព័ន្ធយុវជនកម្ពុជា រាជធានីភ្នំពេញ ត្រៀមស៊ីហ្គេមលើកទី៣២ នាខែឧសភា ឆ្នាំ២០២៣ នៅកម្ពុជា។លោក ញ៉ាន សុខវិសាល ទីប្រឹក្សាក្រសួងទេសចរណ៍ និងជាប្រធាននាយកដ្ឋានទំនាក់ទំនងអន្តរជាតិ នៃគណៈកម្មាធិការជាតិអូឡាំពិកកម្ពុជា (NOCC) តំណាងឯកឧត្តម វ៉ាត់ ចំរើន ប្រធានសហព័ន្ធកីឡាបាល់ទាត់លើតុកម្ពុជាគូសបញ្ជាក់ថា ប្រភេទកីឡាបាល់ទាត់លើតុនេះនឹងត្រូវដាក់ឲ្យប្រកួតក្នុងស៊ីហ្គេមនាខែឧសភា ឆ្នាំ២០២៣ ដោយមានមេដាយដូចប្រភេទកីឡាផ្សេងៗដែរ ប៉ុន្តែគ្រាន់តែមិនរាប់បញ្ជូលក្នុងបញ្ជីមេដាយផ្លូវការប៉ុណ្ណោះ។ មន្ត្រីសហព័ន្ធកីឡាបាល់ទាត់លើតុកម្ពុជាបានឱ្យដឹងថា ការប្រកួតបាល់ទាត់លើតុបុរេស៊ីហ្គេមរយៈពេល ២ថ្ងៃនេះមាន ៤ប្រទេសចូលរួមមានកម្ពុជា ឥណ្ឌូនេស៊ី ថៃ និងម៉ាឡេស៊ី ដោយមាន ៥ក្រុមក្នុងនោះម្ចាស់ផ្ទះ ២ក្រុម។ គោលបំណងចម្បងនៃបុរេប្រកួតស៊ីហ្គេមនេះគឺដើម្បីតេស្តសមត្ថភាពកីឡាករ-កីឡាការិនី និងតេស្តសមត្ថភាពមន្ត្រីអាជ្ញាកណ្តាល ចៅក្រម រួមទាំងការរៀបចំរបស់មន្ត្រីមុនការប្រកួតស៊ីហ្គេមជាផ្លូវការចូលមកដល់នាខែឧសភាខាងមុខ។ប្រកួតនេះមានចំនួន ៥វិញ្ញាសា ដូចគ្នានឹងវិញ្ញាសាដែលត្រៀមប្រកួតស៊ីហ្គេមលើកទី៣២ ដែរ ដោយក្នុងនោះមានវិញ្ញាសាឯកត្តជនបុរស-នារី គូបុរស-នារី និងចម្រុះបុរស-នារី។ សូមបញ្ជាក់ថា កីឡាបាល់ទាត់លើតុនេះលេងដំបូងនៅក្នុងប្រទេសហុងគ្រីនាឆ្នាំ២០១២ ដោយអ្នកចូលចិត្តកីឡាបាល់ទាត់ ៣រូបគឺអតីតកីឡាករអាជីព Gábor Borsányi អ្នកជំនួញ György Gattyán និងអ្នកវិទ្យាសាស្ត្រកុំព្យួទ័រ Viktor Huszár។ Teqball ជាប្រភេទកីឡាលេងជាមួយបាល់លើតុកោង ដោយបញ្ចូលគ្នានូវរបៀបលេងកីឡាសីដក់ និងវាយកូនឃ្លីលើតុ ហើយកីឡានេះត្រូវបង្ហាញផងដែរក្នុងអូឡាំពិកទីក្រុងរីយ៉ូ ប្រទេសប្រេស៊ីលឆ្នាំ២០១៦៕

បណ្ដាញសង្គម

ព័ត៌មានថ្មីៗ

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

នគរបាលទីក្រុងឡុងដ៍ចាប់ខ្លួនមនុស្សជាង ១០០នាក់ ពីបទគាំទ្រចលនា Palestine Action

អ្នកជំនាញ៖ យានដ្រូនជំនាន់ថ្មីជំរុញឲ្យកងទ័ពទូទាំងពិភពលោកផ្លាស់ប្តូរវិធីសាស្ត្រការពារដែនអាកាស

លោក TRUMP បញ្ជាក់ថា ប្រក្រតីភាពទំនាក់ទំនងអារ៉ាប៊ីសាអ៊ូឌីត-អ៊ីស្រាអែល គឺអាចធ្វើទៅបាន

អ៊ីស្រាអែលអះអាងថា ខ្លួនបានបំផ្លាញផ្លូវរូងក្រោមដីរបស់ក្រុមហេសបូឡានៅនៅភាគខាងត្បូងលីបង់

រដ្ឋាភិបាលអង់គ្លេស៖ ជនអន្តោប្រវេសន៍ជាង ៧៥០នាក់ ធ្វើដំណើរឆ្លងសមុទ្រ ជាកំណត់ត្រាប្រចាំថ្ងៃ ក្នុងឆ្នាំ ២០២៦

មេដឹកនាំហ៊ូទីព្រមានថា ភាពតានតឹងនឹងកើនឡើងកាន់តែខ្លាំង បើអារ៉ាប៊ីសាអ៊ូឌីតបង្កើនប្រតិបត្តិការយោធារបស់ខ្លួន

ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវបានអាវុធហត្ថបញ្ជូនដល់ដំណាក់កាលអយ្យការហើយ

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Firmino តែតមួយក្បាលចុងម៉ោងបង្អាក់ជ័យជំនះរបស់ Arsenal កាត់បន្ថយការនាំមុខនៅ EPL

Thiago និយាយថា ការដកខ្សែក្រវ៉ាត់របស់ WMO ជាការរើសអើង

Stephen Hendry មិនអាចប្រកួតជើងឯកពិភពលោកបានក្រោយចាញ់ត្រឹមជុំទី១ វគ្គជម្រុះ

Serie A អ៊ីតាលីពិន័យ Juventus បិទកន្លែងអង្គុយមួយផ្នែក ខណៈកីឡាករ ៣នាក់ផ្សេងទៀតត្រូវពិន័យ

អាហ្សង់ទីនត្រលប់មកឈរតំណែងលេខ ១ ពិភពលោកលើកដំបូងក្នុងរយៈពេល ៦ឆ្នាំ

Jack Harrison បន្តកិច្ចសន្យានៅជាមួយ Leeds United ដល់ឆ្នាំ២០២៨

កីឡាករស៊ុតបញ្ចូលទីលឿនបំផុងក្នុងប្រវត្តិស៊ីហ្គេម សៀង ចន្ធាថា ក្រុមនៅពូលជាមួយកម្ពុជាសុទ្ធតែខ្លាំង

ផ្លូវការ Frank Lampard ត្រលប់មកដឹកនាំ Chelsea វិញក្នុងតំណែងបណ្តោះអាសន្នដល់ចប់រដូវកាល

សម្តេចពិជ័យសេនា ទៀ បាញ់ ចុះពិនិត្យទីលានសម្រាប់ស៊ីហ្គេម ២០២៣ នៅពហុកីឡដ្ឋានជាតិ

បាល់ទាត់លើតុ (Teqball) ជើងឯកអាស៊ីអាគ្នេយ៍ត្រូវរៀបចំមុនស៊ីហ្គេមមកដល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Firmino តែ​ត​មួយ​ក្បាល​ចុង​ម៉ោង​បង្អាក់​ជ័យជំនះ​របស់ Arsenal កាត់បន្ថយ​ការនាំ​មុខ​នៅ EPL

Thiago និយាយថា ការដកខ្សែក្រវ៉ាត់របស់ WMO ជាការរើសអើង

Stephen Hendry មិនអាច​ប្រកួត​ជើងឯក​ពិភពលោក​បាន​ក្រោយ​ចាញ់​ត្រឹម​ជុំ​ទី១ វគ្គ​ជម្រុះ​

Serie A អ៊ីតាលី​ពិន័យ Juventus បិទ​កន្លែង​អង្គុយ​មួយ​ផ្នែក​ ខណៈ​កីឡាករ ៣​នាក់​ផ្សេងទៀត​ត្រូវ​ពិន័យ​

អា​ហ្ស​ង់​ទីន​ត្រលប់​មកឈរ​តំណែង​លេខ ១ ពិភពលោក​លើកដំបូង​ក្នុង​រយៈពេល ៦ឆ្នាំ​

Jack Harrison បន្ត​កិច្ចសន្យា​នៅ​ជាមួយ Leeds United ដល់​ឆ្នាំ២០២៨

ផ្លូវការ Frank Lampard ត្រលប់មក​ដឹកនាំ Chelsea វិញ​ក្នុង​តំណែង​បណ្តោះអាសន្ន​ដល់​ចប់​រដូវ​កាល​

សម្តេច​ពិជ័យ​សេនា ទៀ បាញ់ ចុះពិនិត្យ​ទីលាន​សម្រាប់​ស៊ី​ហ្គេម ២០២៣​ នៅ​ពហុ​កីឡដ្ឋាន​ជាតិ​

បាល់ទាត់​លើ​តុ (Teqball)​ ជើងឯក​អាស៊ីអាគ្នេយ៍ត្រូវ​រៀបចំមុន​ស៊ី​ហ្គេម​មកដល់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Firmino តែតមួយក្បាលចុងម៉ោងបង្អាក់ជ័យជំនះរបស់ Arsenal កាត់បន្ថយការនាំមុខនៅ EPL

Stephen Hendry មិនអាចប្រកួតជើងឯកពិភពលោកបានក្រោយចាញ់ត្រឹមជុំទី១ វគ្គជម្រុះ

Serie A អ៊ីតាលីពិន័យ Juventus បិទកន្លែងអង្គុយមួយផ្នែក ខណៈកីឡាករ ៣នាក់ផ្សេងទៀតត្រូវពិន័យ

អាហ្សង់ទីនត្រលប់មកឈរតំណែងលេខ ១ ពិភពលោកលើកដំបូងក្នុងរយៈពេល ៦ឆ្នាំ

Jack Harrison បន្តកិច្ចសន្យានៅជាមួយ Leeds United ដល់ឆ្នាំ២០២៨

ផ្លូវការ Frank Lampard ត្រលប់មកដឹកនាំ Chelsea វិញក្នុងតំណែងបណ្តោះអាសន្នដល់ចប់រដូវកាល

សម្តេចពិជ័យសេនា ទៀ បាញ់ ចុះពិនិត្យទីលានសម្រាប់ស៊ីហ្គេម ២០២៣ នៅពហុកីឡដ្ឋានជាតិ

បាល់ទាត់លើតុ (Teqball) ជើងឯកអាស៊ីអាគ្នេយ៍ត្រូវរៀបចំមុនស៊ីហ្គេមមកដល់