BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមកីឡាបញ្ចសិលាបង្ហាញទំនុកចិត្តយ៉ាងមុតមាំត្រៀមស៊ីហ្គេម ក្រោយហាត់កន្លះឆ្នាំនៅឥណ្ឌូនេស៊ី

បញ្ចសិលា៖ ក្រុមកីឡាបញ្ចសិលាជម្រើសជាតិកម្ពុជា ដែលកំពុងបោះជំរំហ្វឹកហាត់នៅប្រទេសឥណ្ឌូនេស៊ី បានបង្ហាញទំនុកចិត្តយ៉ាងមុតមាំក្នុងការប្រកួតប្រជែងមេដាយកីឡាស៊ីហ្គេមលើកទី៣២ ឆ្នាំ២០២៣ បន្ទាប់ពីពួកគេបានបោះជំរំហ្វឹកហាត់អស់រយៈពេលកន្លះឆ្នាំនៅប្រទេសឥណ្ឌូនេស៊ី។ កីឡាការិនី ភិរម្យ មុន្នីរ័ត្ន និងកីឡាករ ស៊ឹម សុខដេវីត ដែលសុទ្ធតែជាអត្តពលិកមកពីគុនល្បុក្កតោបានលើកឡើងថា ការហ្វឹកហាត់កីឡាបញ្ចសិលាជាមួយម្ចាស់ផ្ទះនេះពិតជាមានការរីកចម្រើន ហើយពួកគេនឹងបន្ដការខំប្រឹងបន្ថែមទៀត ដើម្បីធានាការប្រកួតប្រជែងមេដាយជូនជាតិនាពេលខាងមុខ។ ដោយឡែកកីឡាការិនីបញ្ចសិលា Selviah Pertiwi ដែលកំពុងហ្វឹកហាត់គុនល្បុក្កតោត្រៀមស៊ីហ្គេមផងនោះ ក៏បានសម្ដែងការកោតសរសើរពីភាពរីកចម្រើនយ៉ាងឆាប់រហ័ស នៃក្រុមកីឡាករ-កីឡាការិនីកម្ពុជាដែលកំពុងហ្វឹកហាត់កីឡាបញ្ចសិលាផងដែរ។ ជាមួយគ្នាលោក សាន អង្គររាជវ័ន្ធ គ្រូបង្វឹកគុនល្បុក្កតោ និងបញ្ចសិលាមើលឃើញថា សមត្ថភាព និងបច្ចេកទេសរបស់សិស្សគុនខ្លួនពិតជាមានការរីកចម្រើន តែយ៉ាងណាការហ្វឹកហាត់រយៈពេលខ្លីនៅតែមានចំណុចខ្វះខាត ដែលទាមទារឲ្យខិតខំហ្វឹកហាត់បន្ថែម ដើម្បីឆ្ពោះទៅរកជោគជ័យក្នុងការប្រកួតកីឡាស៊ីហ្គេមនៅកម្ពុជា។ គួរដឹងថា ការបង្ហាញសុទិដ្ឋិនិយមនេះ ស្របពេលប្រតិភូដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC អមដំណើរដោយលោកបណ្ឌិត សេង ប៊ុនសុង ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា បានអញ្ជើញសួរសុខទុក្ខកីឡាករ-កីឡាការិនីកម្ពុជាដោយផ្ទាល់ នៅមជ្ឈមណ្ឌលជាតិបញ្ចសិលាឥណ្ឌូនេស៊ី Padepokan Panchaksilat កាលពីសប្ដាហ៍កន្លងទៅ៕អត្ថបទ៖ លី ឈុនឡា

កីឡាករ ៤នាក់វាយមួយឈើចូលឡូ ខណៈ Tom Hoge ឈ្នះការប្រកួត Masters Par-3 Contest

វាយកូនគោល៖ Tom Hoge គឺជាអ្នកឈ្នះការប្រកួតនៅទីលានវាយកូនគោល Augusta National Golf Club នៃការប្រកួតលើកទី ៦១ កម្មវិធី Masters Par-3 Contest។ នេះជាលើកទី១ ហើយដែលព្រឹត្តិការណ៍នេះត្រូវបានរៀបចំឡើងវិញចាប់តាំងពីឆ្នាំ២០១៩ ដោយសារវិបត្តិនៃជំងឺរាតត្បាតសកល Covid-19។ Tom Hoge ធ្វើបានសរុប ៦អាន់ឌើផាល្អជាងអ្នកលេខ ២ Bubba Watson និង Kurt Kitayama មួយស្ត្រូក។ ក្នុង ៦អាន់ឌើផារបស់ Tom Hoge ក៏មានការវាយមួយឈើចូលឡូងផងដែរ តែមិនមែនតែម្នាក់ឯងទេមានកីឡាករ ៣នាក់ផ្សេងទៀតសុទ្ធតែវាយមួយឈើចូលឡូដែរ។ កីឡាករ ៤នាក់ក្រៅពី Tom Hoge រួមមាន Bubba Watson, Scottie Scheffler និង Seamus Power វាយមួយឈើចូលឡូពីលើកគឺនៅឡូទី៨ និងទី៩។ Masters Par-3 Contest ជាការប្រកួតតែមួយថ្ងៃរកជើងឯកមាន ៩ឡូ (២៧អាន់ឌើផា) ក្នុងនោះវាយមួយឈើចូលឡូបាន ៣អាន់ឌើផា ហើយកីឡាករចូលរួមអាចយកសមាជិកគ្រួសាររបស់ខ្លួនធ្វើជា Caddie បាន។ តាំងពីបង្កើតឡើងដំបូងនៅឆ្នាំ១៩៦០ ជើងឯក Masters Par-3 Contest មិនដែលឈ្នះជើងឯក Masters Tournament ឡើយ។ ព្រឹត្តិការណ៍វាយកូនគោលកម្មវិធីធំប្រចាំឆ្នាំ Masters Tournament នឹងចាប់ផ្តើមថ្ងៃព្រហស្បតិ៍នេះ៕អត្ថបទ៖នាង សុភាវុធ

ការប្រកួតពានហូឡង់ខាប់ពន្យារជិត ៣០នាទីក្រោយ Davy Klaassen ត្រូវអ្នកគាំទ្រគប់បែកក្បាល

បាល់ទាត់៖ ការប្រកួតបាល់ទាត់ពានរង្វាន់ហូឡង់ខាប់រវាង Ajax Amsterdam និង Feyenoord ត្រូវពន្យារពេលជិត ៣០នាទីបន្ទាប់ពី Davy Klaassen ត្រូវបានអ្នកគាំទ្រគប់បែកក្បាល។ អតីតខ្សែបម្រើ Everton រូបនេះបានស៊ុតបញ្ចូលទីគ្រាប់ជ័យជំនះឱ្យ Ajax នៅដើមវគ្គទី២ មុនពេលដែលត្រូវបានអ្នកគាំទ្រគប់បែកក្បាល អំឡុងពេលឈ្លោះប្រកែកគ្នារវាងកីឡាករទាំងពីរក្រុមនៅអំឡុងនាទីទី៦០។ អាជ្ញាកណ្តាលបានជម្លៀសកីឡាករទាំងអស់ចូលក្នុងបន្ទប់ ខណៈនគរបាលមានសមត្ថកិច្ចបានឃាត់ខ្លួនបុរសវ័យ ៣២ឆ្នាំម្នាក់។ ការប្រកួតក៏បានបន្ត ខណៈ Davy Klaassen ក៏បានត្រលប់ចូលលេងវិញដែរមុនពេលផ្លាស់ប្តូរចេញវិញ បន្ទាប់ពីមានអាការវិលមុខ។ ការប្រកួតបានបន្តដោយ Ajax យកឈ្នះ Feyenoord ២-១ ដើម្បីឡើងទៅកាន់វគ្គផ្តាច់ព្រ័ត្រនៅថ្ងៃទី៣០ ខែមេសានេះជួបជាមួយ PSV Eindhoven៕អត្ថបទ៖នាង សុភាវុធ

Frank Lampard នឹងត្រលប់មកដឹកនាំ Chelsea បណ្តោះអាសន្ន

បាល់ទាត់៖ អតីតខ្សែបម្រើ និងអ្នកចាត់ការ Chelsea, Frank Lampard ត្រូវបានគេដឹងថា បានយល់ព្រមក្នុងការត្រលប់មកដឹកនាំក្រុមតោខៀវ Chelsea បណ្តោះអាសន្ន ស្របពេលប្រធានក្លិបលោក Todd Boehly នៅមិនទាន់រកអ្នកចាត់ការថ្មីបាននៅឡើយ បន្ទាប់ពីការដកតំណែងលោក Graham Potter។ លោក Graham Potter ត្រូវបានដកតំណែងកាលពីថ្ងៃអាទិត្យបន្ទាប់ពី Chelsea ចាញ់ Aston Villa ក្នុងផ្ទះខ្លួនឯងធ្លាក់ដល់លេខ ១១ នៅ Premier League មុនពេលលេងស្មើ ០-០ ទល់នឹង Liverpool កាលពីយប់ថ្ងៃអង្គារ។ Frank Lampard ដែលពាក់កណ្តាលរដូវកាលនេះដឹកនាំ Everton មុនពេលត្រូវបានដកតំណែងកាលពីខែមករានោះ នឹងត្រលប់មកកាន់ Stamford Bridge សាជាថ្មីដូចអ្វីដែលក្លិបធ្លាប់បានលើកឡើងពេលចែកផ្លូវគ្នាកាលពីឆ្នាំ២០២១។ បុរសវ័យ ៤៤ឆ្នាំរូបនេះគឺជាអ្នកស៊ុតបញ្ចូលទីច្រើនជាងគេឱ្យ Chelsea សរុប ២១១គ្រាប់ និងធ្លាប់ដឹកនាំ Chelsea ៨៤ប្រកួតចន្លោះឆ្នាំ២០១៩-២០២១។ តំណែងអ្នកចាត់ការនៅ Chelsea កំពុងស្ថិតក្នុងភាពស្រពិចស្រពិលនៅឡើយ បន្ទាប់ពីមានសារព័ត៌មានជាច្រើនចុះផ្សាយឈ្មោះអ្នកចាត់ការមួយចំនួន ដែលអាចមកកាន់ការនៅ Stamford Bridge មានដូចជា Julian Nagelsmann និង Luis Enrique ជាដើម៕អត្ថបទ៖នាង សុភាវុធ

ក្រុមការពារជើងឯក Leipzig ឈ្នះ Dortmund ឡើងវគ្គពាក់កណ្តាលផ្តាច់ព្រ័ត្រ German Cup

បាល់ទាត់៖ ក្រុមការពារតំណែងជើងឯក RB Leipzig បានយកឈ្នះក្រុមខ្លាំង Borussia Dortmund ២-០ នៅយប់ថ្ងៃពុធម្សិលមិញនេះដើម្បីឡើងវគ្គពាក់កណ្តាលផ្តាច់ព្រ័ត្រ German Cup។ RB Leipzig បានបញ្ចប់ដំណើរប្រកួតចាញ់ផ្ទួនៗរបស់ខ្លួនដែលធ្លាក់ដល់លេខ៥ នៅ Bundesliga តាមរយៈជ័យជំនះនេះ។ អតីតខ្សែប្រយុទ្ធ Chelsea, Timo Werner បានបើកការនាំមុខឱ្យក្រុមម្ចាស់ផ្ទះ Leipzig នៅនាទីទី២២ មុនពេលដែល Willi Orban សំរេចគ្រាប់ទីពីរនៅនាទីទី៩០+៨។ ចំណែក Dortmund វិញនៅពេលនេះឈ្នះតែ ១ប្រកួតគត់ក្នុង ៥ប្រកួតចុងក្រោយគ្រប់ក្របខណ្ឌដែលបូកទាំងចាញ់ Chelsea ធ្លាក់ពីវគ្គ ១៦ក្រុមចុងក្រោយ UCL តែឈរលេខ ២ នៅ Bundesliga តាមពីក្រោយក្រុមកំពូលតារាង Bayern Munich ២ពិន្ទុ។ ដោយឡែកមួយប្រកួតទៀតយប់មិញដែរ Stuttgart យកឈ្នះ Nurnberg ១-០ ដែលគ្រាប់ជ័យជំនះនោះសំរេចបានដោយ Enzo Millot នៅនាទីទី៨៣ ជួយឱ្យ Stuttgart ឡើងវគ្គ ៤ក្រុមចុងក្រោយ German Cup លើកដំបូងក្នុងរយៈពេល ៧ឆ្នាំ។ ដូច្នេះ ៤ក្រុមនៅវគ្គពាក់កណ្តាលផ្តាច់ព្រ័ត្ររកឃើញអស់ហើយរួមមាន Leipzig, Stuttgart, Freiburg និង Frankfurt ខណៈការចាប់ឆ្នោតនឹងធ្វើឡើងនៅថ្ងៃទី៩ ចុងសប្តាហ៍នេះ៕អត្ថបទ៖នាង សុភាវុធ

លោក Aleksander Ceferin ជាប់ឆ្នោតជាប្រធាន UEFA មួយអាណត្តិទៀត

បាល់ទាត់៖ លោក Aleksander Ceferin ត្រូវបានបោះឆ្នោតឱ្យដឹកនាំសមាគមបាល់ទាត់ទ្វីបអឺរ៉ុប UEFA មួយអាណត្តិទៀតដោយគ្មានការជំទាស់ក្នុងមហាសន្និបាទរបស់ UEFA នៅទីក្រុង Lisbon ប្រទេសព័រទុយហ្កាល់ថ្ងៃពុធម្សិលមិញ។ បុរសសញ្ជាតិស្លូវេនីរូបនេះនឹងគ្រប់គ្រងស្ថាប័នកំពូលបាល់ទាត់អឺរ៉ុប ៤ឆ្នាំបន្ថែមដល់ឆ្នាំ២០២៧។ Ceferin ត្រូវបានជ្រើសរើសជាប្រធាន UEFA ក្នុងឆ្នាំ២០១៦ ជំនួសលោក Michel Platini ដែលត្រូវបានដកតំណែងកាលពីឆ្នាំ២០១៥ ពីការបំពានក្រមសីលធម៌ និងបានបង្ខំឱ្យចាកចេញពី UEFA ក្នុងឆ្នាំ២០១៦ បន្ទាប់ពីការប្តឹងឧទ្ធរណ៍បរាជ័យ។ បុរសវ័យ ៥៥ឆ្នាំរូបនេះបានប្រឈមមុខនឹងវិបត្តិដ៏ធំបំផុតរបស់ខ្លួននៅក្នុងខែមេសា ឆ្នាំ២០២១ នៅពេលដែលក្លឹបកំពូលមួយចំនួនរបស់អឺរ៉ុបព្យាយាមបង្កើតក្របខ័ណ្ឌ European Super League។ ការប្រកួតនេះគឺជាការគំរាមកំហែងដោយផ្ទាល់ចំពោះការប្រកួតប្រជែងរបស់ក្របខណ្ឌ UEFA Champions League ហើយ Ceferin បានអំពាវនាវដល់អ្នកគាំទ្រ សហព័ន្ធបាល់ទាត់ និងរដ្ឋាភិបាលនានាឱ្យប្រឆាំងផងដែរ៕អត្ថបទ៖នាង សុភាវុធ

ផ្លូវការ AFC Asian Cup 2023 នឹងធ្វើនៅដើមឆ្នាំ 2024

បាល់ទាត់៖ ព្រឹត្តិការណ៍បាល់ទាត់ជើងឯកទ្វីបអាស៊ី AFC Asian Cup 2023 នឹងត្រូវរៀបចំនៅអំឡុងខែមករា-កុម្ភៈឆ្នាំ ២០២៤ នេះបើតាមសេចក្តីប្រកាសផ្លូវការរបស់ AFC នៅថ្ងៃពុធម្សិលមិញ។ ព្រឹត្តិការណ៍បាល់ទាត់ធំជាងគេប្រចាំទ្វីបអាស៊ីមួយនេះត្រូវបានគេសម្រេចកាលពីឆ្នាំ២០១៩ ថាចិននឹងធ្វើជាម្ចាស់ផ្ទះ តែក្រោយមកប្រទេសដែលមានប្រជាជនច្រើនជាងគេនៅលើលោកមួយនេះ បានដកខ្លួនវិញដោយសារគោលនយោបាយ zero-COVID។ ក្រោយមកកាតាដែលជាម្ចាស់ផ្ទះ World Cup ឆ្នាំមុនប្រកបដោយជោគជ័យនោះត្រូវបានប្រកាសថានឹងរៀបចំជំនួសចិន ទោះបីមានការប្រជែងពីកូរ៉េ និងឥណ្ឌូនេស៊ី។ ការដែល AFC Asian Cup 2023 នេះសម្រេចលើកទៅរៀបចំនៅខែមករា-កុម្ភៈ ឆ្នាំ២០២៤ នោះគឺដោយសារអំឡុងរដូវក្តៅនៅតំបន់មជ្ឈិមបូព៌ាមានអាកាសធាតុក្តៅពេក។ កាតាធ្លាប់ធ្វើម្ចាស់ផ្ទះ Asian Cup ពីរលើករួចហើយកាលពីអតីតកាលគឺនៅឆ្នាំ១៩៨៨ និង ២០១១ ហើយកាតាគឺជាជើងឯកព្រឹត្តិការណ៍ចុងក្រោយបំផុតកាលពីឆ្នាំ២០១៩ នៅទឹកដីអារ៉ាប់រួម។ ម្ចាស់ផ្ទះកាតាបញ្ជាក់ថា កីឡដ្ឋាន ៨ នឹងត្រូវយកមកប្រើប្រាស់ដែលក្នុងនោះមាន ៦កីឡដ្ឋានធ្លាប់ទទួលការប្រកួត World Cup ឆ្នាំមុននៅពេលអាហ្សង់ទីនជាជើងឯក។ AFC Asian Cup ធ្វើនៅដើមឆ្នាំ២០២៤ នោះក៏នឹងជាន់កាលវិភាគជាមួយបាល់ទាត់ជើងឯកទ្វីបអាហ្វ្រិក Africa Cup of Nations ផងដែរដែលនឹងធ្វើឡើងពីថ្ងៃទី១៣ ខែមករាដល់ថ្ងៃទី១១ ខែកុម្ភៈ ឆ្នាំ២០២៤៕អត្ថបទ៖នាង សុភាវុធ

Benzema ស៊ុតបីគ្រាប់ម្នាក់ឯងម្តងទៀតទំលាក់ Barcelona ឡើងវគ្គផ្តាច់ព្រ័ត្រ Copa del Rey

បាល់ទាត់៖ ពីរប្រកួតជាប់គ្នាហើយដែលខ្សែប្រយុទ្ធបារាំង Karim Benzema ស៊ុតបញ្ចូលទី ៣គ្រាប់ម្នាក់ឯង។ បន្ទាប់ពីគ្រាប់បាល់ Hat-Trick កាលពីថ្ងៃអាទិត្យនៅពេល Real Madrid យកឈ្នះ Real Madrid ៤-១ នោះ ម្ចាស់ជ័យលាភី Ballon D’Or រូបនេះក៏រកបាន Hat-Trick ម្តងទៀតក្នុងការប្រកួតពានរង្វាន់ Copa del Rey យកឈ្នះនៅទឹកដី Barcelona។ បន្ទាប់ពីចាញ់ក្នុងទឹកដីខ្លួនឯង ១-០ កាលពីជើងទី១ វគ្គពាក់កណ្តាលផ្តាច់ព្រ័ត្រនោះ Real Madrid ត្រលប់មកទឹកដី Barcelona វិញសងទាំងការទាំងដើម។ ខ្សែប្រយុទ្ធស្លាបប្រេស៊ីល Vinicius Junior បើកការនាំមុខឱ្យ Real Madrid ពីការវាយបកនៅវគ្គទី១ នាទីទី៤៥+១។ បីគ្រាប់ម្នាក់ឯងរបស់ Karim Benzema គឺសំរេចបាននៅវគ្គទី២ នៅនាទីទី៥០ ៥៨ និង ៨០ ដែលជាគ្រាប់បាល់ទី ២៦ គ្រប់ក្របខណ្ឌក្នុងរដូវកាលនេះ។ ជ័យជំនះនេះធ្វើឱ្យ Real Madrid ឡើងវគ្គផ្តាច់ព្រ័ត្រ Copa del Rey ដោយនឹងត្រូវជួបជាមួយ Osasuna នៅថ្ងៃទី៦ ខែឧសភា៕អត្ថបទ៖នាង សុភាវុធ

ព្រះអគ្គិជ័យកីឡា បន្ដដំណើរដល់ទីក្រុងកូឡាឡាំពួរ និងតម្កល់ទុកនៅស្ថានទូតកម្ពុជា

ព្រះអគ្គិជ័យកីឡា នៃព្រឹត្តិការណ៍កីឡាស៊ីហ្គេម-អាស៊ានប៉ាហ្គេម ឆ្នាំ២០២៣ បានបន្ដដំណើរដល់ទីក្រុងគូឡាឡាំពួ ប្រទេសម៉ាឡេស៊ី ហើយ កាលពីរាត្រីថ្ងៃទី០៥ ខែមេសា ក្រោមការដឹកនាំរបស់ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស នៃគណៈកម្មាធិការជាតិ CAMSOC អមដំណើរដោយលោកបណ្ឌិត សេង ហ៊ុនសុង ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា ។បេសកកម្មដ៏មានអត្ថន័យនេះ មុននឹងនាំយកព្រះអគ្គិជ័យកីឡា ទៅតម្កល់ និងរក្សាទុកនៅស្ថានទូតព្រះរាជាណាចក្រកម្ពុជាប្រចាំប្រទេសម៉ាឡេស៊ីនេះ គឺទទួលបានការស្វាគមន៍យ៉ាងកក់ក្ដៅពីឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី ព្រមទាំងវត្តមានលោក Datuk Mohd Nasir Ali នាយបេសកកម្មស៊ីហ្គេម និងជាសមាជិកគណៈកម្មាធិការជាតិអូឡាំពិកម៉ាឡេស៊ីនៅអាកាសដ្ឋានអន្ដរជាតិគូឡាឡាំពួ ។ឯកឧត្តម ហោ សារុន ក៏បានបង្ហាញពីប្រវត្តិខ្លះៗ នៃដំណើរគោលចរព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម មុនដង្ហែតាមបណ្ដាប្រទេសក្នុងតំបន់ ក៏ដូចជាធ្វើដំណើរដល់ទឹកដីម៉ាឡេស៊ី គឺបានឆ្លងកាត់ព្រះរាជពិធីសុំភ្លើងព្រះអគ្គិអាទិទេព និងព្រះរាជពិធីប្រោសព្រះរាជប្រទានព្រះអគ្គិជ័យកីឡា នៅប្រាសាទអង្គរវត្ត ក្រោមព្រះរាជាធិបតីភាពដ៏ខ្ពង់ខ្ពស់បំផុត ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា កាលពីថ្ងៃទី២១ ខែមីនា។ក្រោយទទួលបានព្រះអគ្គិជ័យ សម្រាប់ដំណើរឆ្ពោះទៅពិធីបើកការប្រកួតកីឡាស៊ីហ្គេម-អាស៊ានប៉ារ៉ាហ្គេម ក្នុងនាមបេសកជនពិសេស ឯកឧត្តមបានដឹកនាំប្រតិភូ ៨រូបផ្សេងទៀត ដើម្បីដង្ហែព្រះអគ្គិជ័យកីឡានេះ ចេញពីខេត្តសៀមរាប ទៅកាន់បណ្ដាប្រទេសក្នុងតំបន់ ដោយផ្ដើមពីរដ្ឋធានីហាណូយ ប្រទេសវៀតណាមមុនគេ បន្ទាប់មកមានហ្វីលីពីន ឥណ្ឌូនេស៊ី ទីម័រខាងកើត ដែលបានរៀបចំពិធីដង្ហែដោយជោគជ័យ និងការគាំទ្រគួរឲ្យកត់សម្គាល់ មុនបន្ដដំណើរដល់ប្រទេសម៉ាឡេស៊ី ដែលគ្រោងរៀបចំពិធីដង្ហែនាថ្ងៃទី១១ ខែមេសានេះ ។សូមបញ្ជាក់ថា ពិធីដង្ហែព្រះអគ្គិជ័យកីឡានេះ មិនត្រឹមតែជាពិធីមួយ ដែលជានិមិត្តរូបតំណាងឲ្យការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នោះទេ ប៉ុន្ដែក៏ជាការបង្ហាញពីភាពរឹងមាំ មោះមុត ការរីកចម្រើន និងការអភិវឌ្ឍលើគ្រប់វិស័យក្នុងប្រទេសកម្ពុជា ក្រោមដំបូងសន្ដិភាព ។ លើសពីនេះ ព្រះអគ្គិជ័យកីឡា ដែលដង្ហែគ្រប់បណ្ដាប្រទេសក្នុងតំបន់ គឺជាការពង្រឹងសាមគ្គីភាព ចំណងមិត្តភាព ភាពចុះសម្រុងគ្នា និងសុខដុមរមនាតាមរយៈការប្រកួតកីឡា ដែលជាប្រជាជាតិអាស៊ានតែមួយ មានទស្សនៈតែមួយ អត្តសញ្ញាណតែមួយ សហគមន៍តែមួយ រស់នៅក្នុង «សហគមន៍សន្ដិភាព និងវាសនាតែមួយ» ផងដែរ ៕អត្ថបទលី ឈុនឡា

រតនៈគីរី រកបានបីពិន្ទុ ក្រោយឈ្នះសៀមរាប ការប្រកួតពានសម្តេច ឯព្រះវិហារវាយបកតាមស្មើមណ្ឌលគីរី

កីឡា ៖ បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣ ក្រុមដំរីឦសានរតនគីរី រកបានបីពិន្ទុ ក្នុងពូលD ថ្ងៃទី៥ ខែឧសភា ឆ្នាំ២០២៣ ក្រោយឈ្នះឡាយអិនសៀមរាប ៣ ទល់២ នៅកីឡដ្ឋានខេត្តសៀមរាប ស្វាយធំ ទោះបី ម្ចាស់ផ្ទះ ឡាយអិន សៀមរាប នាំមុខមុន ២ទល់០ យ៉ាងណាក៏ដោយ។ជំនួបនេះ នៅនាទីទី៣២ និង៣៧ កីឡាករម្ចាស់អាវលេខ៩ ឈួន រ៉ានីពោ រកបានពីរគ្រាប់ឱ្យម្ចាស់ផ្ទះសៀមរាប នាំមុខ ២ទល់នឹង០ ប៉ុន្តែ ២នាទីមុនចប់ការប្រកួតកីឡាករ សម្បត្តិ បញ្ញា វាយបកបានមួយគ្រាប់វិញឱ្យ ដំរីឦសាន កាត់បន្ថយគម្លាតនាំមុខ។ ចប់ការប្រកួតម្ចាស់ផ្ទះនាំមុខ ភ្ញៀវ ២ទល់នឹង១។យ៉ាងណាក៏ដោយចាប់ផ្តើមតង់ទី២បានត្រឹមតែ៤នាទី កីឡាករ ម្ចាស់អាវលេខ១០ ចាន់ ម៉ាន់ រកគ្រាប់ស្មើឱ្យក្រុមរបស់ខ្លួនរតនគីរី។ នាទីនៅសេសសល់គ្មានគ្រាប់បាល់បន្ថែមទៀតកើតឡើងនោះទេ តែក្នុងនាទីបន្ថែមបង្គ្រប់កីឡាករដូរចូល វឿន ព្រះគុណ បន្ថែមគ្រាប់ជ័យជំនះឱ្យរតនគីរី ឈ្នះ ៣ទល់២។ថ្ងៃជាមួយគ្នានេះដែរ ក្រុមម្ចាស់ផ្ទះខេត្តព្រះវិហា រកបានត្រឹមមួយពិន្ទុ ក្រោយវាយបកតាមស្មើ មណ្ឌលគីរី ២ទល់នឹង២ នៅទីលានបាល់ទាត់សាលាតម្រង់ទិសវិទ្យាល័យជាស៊ីមត្បែងមានជ័យ។លេងបាន៣១នាទីកីឡាករ មោះ មនោរិទ្ធ រកគ្រាប់បាល់បើកការនាំមុខឱ្យម្ចាស់ផ្ទះព្រះវិហារ ប៉ុន្តែនាទីទី៥៣ កីឡាករព្រះវិហារ ហាក់ ងួនឡៃហេង ធ្វើឱ្យមានកំហុសចូលទីខ្លួនឯង។ ៤នាទីបន្ទាប់ មណ្ឌលគីរី នាំមុខវិញម្តងដោយគ្រាប់បាល់កីឡាករ ឃាង វីរៈ។ លុះ៨នាទីមុនចប់ការប្រកួតកីឡាករ បូ ចាន់ទិត្យតារា បង្កើតគ្រាប់ស្មើឱ្យព្រះវិហារស្មើ មណ្ឌលគីរី ២ទល់២។

បណ្ដាញសង្គម

ព័ត៌មានថ្មីៗ

ក្រុមហាម៉ាសបញ្ជាក់ថា គ្មានការរំសាយអាវុធ មុនពេលអ៊ីស្រាអែលដកទ័ពចេញពីតំបន់ហ្កាហ្សាទេ

ប្រធានាធិបតីលីបង់ ប្តេជ្ញាធានាឲ្យកងទ័ពអ៊ីស្រាអែលដកចេញពីទឹកដីលីបង់

សមាជិកសភា៖ មិនទាន់ដឹងពីជោគវាសនាកុមាររុស្ស៊ី ៤៥.០០០នាក់ ដែលត្រូវបានយកទៅចិញ្ចឹមនៅបរទេសទេ

លោក Erdogan៖ កិច្ចសន្ទនាដែលកំពុងបន្តរវាងលីបង់ និងស៊ីរី មានប្រយោជន៍សម្រាប់ប្រទេសទាំងពីរ

EU យល់ព្រមបង្កើតមជ្ឈមណ្ឌលជួយសង្គ្រោះនៅភាគខាងកើតលីប៊ី ខណៈចំនួនជនអន្តោប្រវេសន៍កំពុងកើនឡើង

CENTCOM អះអាងថា ពុំមានយន្តហោះអាមេរិកណាមួយ ត្រូវរងការខូចខាត ដោយសារការវាយប្រហាររបស់អ៊ីរ៉ង់ទេ

សាម ម៉ីជូ ត្រូវបាននគរបាលនាំខ្លួនដល់អយ្យការអមសាលាដំបូងរាជធានីភ្នំពេញហើយ ដើម្បីចោទប្រកាន់

អាជ្ញាធរ និងមន្ត្រីជំនាញខេត្តកំពង់ចាម ផ្អាកចរាចរបណ្តោះអាសន្ន ចំពោះរថយន្តធន់ធំបើកឆ្លងកាត់«ទំនប់កែប្រែ» ក្រោយបាក់ស្រុតជើងទេរមួយចំហៀងដោយគ្រោះធម្មជាតិ

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

នគរបាលទីក្រុងឡុងដ៍ចាប់ខ្លួនមនុស្សជាង ១០០នាក់ ពីបទគាំទ្រចលនា Palestine Action

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមកីឡាបញ្ចសិលាបង្ហាញទំនុកចិត្តយ៉ាងមុតមាំត្រៀមស៊ីហ្គេម ក្រោយហាត់កន្លះឆ្នាំនៅឥណ្ឌូនេស៊ី

កីឡាករ ៤នាក់វាយមួយឈើចូលឡូ ខណៈ Tom Hoge ឈ្នះការប្រកួត Masters Par-3 Contest

ការប្រកួតពានហូឡង់ខាប់ពន្យារជិត ៣០នាទីក្រោយ Davy Klaassen ត្រូវអ្នកគាំទ្រគប់បែកក្បាល

Frank Lampard នឹងត្រលប់មកដឹកនាំ Chelsea បណ្តោះអាសន្ន

ក្រុមការពារជើងឯក Leipzig ឈ្នះ Dortmund ឡើងវគ្គពាក់កណ្តាលផ្តាច់ព្រ័ត្រ German Cup

លោក Aleksander Ceferin ជាប់ឆ្នោតជាប្រធាន UEFA មួយអាណត្តិទៀត

ផ្លូវការ AFC Asian Cup 2023 នឹងធ្វើនៅដើមឆ្នាំ 2024

Benzema ស៊ុតបីគ្រាប់ម្នាក់ឯងម្តងទៀតទំលាក់ Barcelona ឡើងវគ្គផ្តាច់ព្រ័ត្រ Copa del Rey

ព្រះអគ្គិជ័យកីឡា បន្ដដំណើរដល់ទីក្រុងកូឡាឡាំពួរ និងតម្កល់ទុកនៅស្ថានទូតកម្ពុជា

រតនៈគីរី រកបានបីពិន្ទុ ក្រោយឈ្នះសៀមរាប ការប្រកួតពានសម្តេច ឯព្រះវិហារវាយបកតាមស្មើមណ្ឌលគីរី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ ៤​នាក់​វាយ​មួយ​ឈើ​ចូល​ឡូ​ ខណៈ Tom Hoge ឈ្នះ​ការប្រកួត Masters Par-3 Contest

ការប្រកួត​ពាន​ហូ​ឡង់​ខាប់​ពន្យារ​ជិត ៣០នាទី​ក្រោយ Davy Klaassen ត្រូវ​អ្នកគាំទ្រ​គប់​បែកក្បាល​

Frank Lampard នឹង​ត្រលប់មក​ដឹកនាំ Chelsea បណ្តោះអាសន្ន​

ក្រុម​ការពារ​ជើងឯក Leipzig ឈ្នះ Dortmund ឡើង​វគ្គ​ពាក់កណ្តាល​ផ្តាច់ព្រ័ត្រ German Cup

លោក Aleksander Ceferin ជាប់ឆ្នោត​ជា​ប្រធាន UEFA មួយ​អាណត្តិ​ទៀត​

ផ្លូវការ AFC Asian Cup 2023 នឹងធ្វើ​នៅ​ដើមឆ្នាំ 2024

Benzema ស៊ុត​បី​គ្រាប់​ម្នាក់ឯង​ម្តងទៀត​ទំលាក់ Barcelona ឡើង​វគ្គ​ផ្តាច់ព្រ័ត្រ Copa del Rey

ព្រះអគ្គិជ័យកីឡា បន្ដដំណើរដល់ទីក្រុងកូឡាឡាំពួរ និងតម្កល់ទុកនៅស្ថានទូតកម្ពុជា

រតនៈគីរី រកបានបីពិន្ទុ ក្រោយឈ្នះសៀមរាប ការប្រកួតពានសម្តេច ឯព្រះវិហារវាយបកតាមស្មើមណ្ឌលគីរី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករ ៤នាក់វាយមួយឈើចូលឡូ ខណៈ Tom Hoge ឈ្នះការប្រកួត Masters Par-3 Contest

ការប្រកួតពានហូឡង់ខាប់ពន្យារជិត ៣០នាទីក្រោយ Davy Klaassen ត្រូវអ្នកគាំទ្រគប់បែកក្បាល

Frank Lampard នឹងត្រលប់មកដឹកនាំ Chelsea បណ្តោះអាសន្ន

ក្រុមការពារជើងឯក Leipzig ឈ្នះ Dortmund ឡើងវគ្គពាក់កណ្តាលផ្តាច់ព្រ័ត្រ German Cup

លោក Aleksander Ceferin ជាប់ឆ្នោតជាប្រធាន UEFA មួយអាណត្តិទៀត

ផ្លូវការ AFC Asian Cup 2023 នឹងធ្វើនៅដើមឆ្នាំ 2024

Benzema ស៊ុតបីគ្រាប់ម្នាក់ឯងម្តងទៀតទំលាក់ Barcelona ឡើងវគ្គផ្តាច់ព្រ័ត្រ Copa del Rey