BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Nadal ដកខ្លួនពី Monte Carlo Masters និងកាន់តែមិនច្បាស់លាស់ថាចូលរួម French Open រឺអត់

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានសម្រេចចិត្តដកខ្លួនមិនចូលរួមព្រឹត្តិការណ៍ Monte Carlo Masters ដោយសាររបួសត្រគាករបស់ខ្លួនមិនទាន់ជានៅឡើយ។ កីឡាករលំដាប់លេខ ១៤ ពិភពលោករូបនេះគឺជាអ្នកការពារតំណែងជើងឯក Monte Carlo Masters នេះ និងធ្លាប់ឈ្នះជើងឯកនៅម៉ូណាកូនេះ ១១លើករួចមកហើយ។ កីឡាករវ័យ ៣៦ឆ្នាំរូបនេះមិនបានចូលរួមការប្រកួតនានាតាំងពីចាញ់ត្រឹមជុំទី២ Australian Open កាលពីខែមករាម្ល៉េះ។ តាមរយៈរបួសនៅ Australian Open នោះ Nadal ត្រូវគេរំពឹងថានឹងអវត្តមានយ៉ាងហោចណាស់ ៨សប្តាហ៍ដែលធ្វើឱ្យគេអវត្តមានការប្រកួតនានាជាច្រើនរួចមកហើយ។ ជុំវិញរបួសនេះដែរ Nadal ក៏ត្រូវបានគេរំពឹងថានឹងអាចអវត្តមានពីការប្រកួត Grand Slam, French Open ទៀតផងដែរ ដែលជា Grand Slam កីឡាករអេស្ប៉ាញរូបនេះឈ្នះច្រើនបំផុត។ Monte Carlo Masters នឹងចាប់ផ្តើមនៅសប្តាហ៍ក្រោយនេះ ក្រៅពី Nadal មិត្តរួមជាតិអេស្ប៉ាញ Carlos Alcaraz ក៏បានប្រកាសដកខ្លួនផងដែរដោយសាររបួសដៃ និងខ្នង៕អត្ថបទ៖នាង សុភាវុធ

Luke Shaw បន្តកិច្ចសន្យា ៤ឆ្នាំបន្ថែមជាមួយ Manchester United

បាល់ទាត់៖ ខ្សែការពារក្រុមបិសាចក្រហម Manchester United, Luke Shaw បានចុះហត្ថលេខាបន្តកិច្ចសន្យាថ្មី ៤ឆ្នាំបន្ថែមដែលនឹងរក្សារូបគេនៅ Old Trafford ដល់ឆ្នាំ២០២៧។ ឆ្លងតាមកិច្ចសន្យានេះមានន័យថា កីឡាករវ័យ ២៧ឆ្នាំរូបនេះនឹងរួមរស់ជាមួយ Manchester United ជាងមួយទសវត្សរ៍តាំងពីផ្លាស់ពី Southampton នៅឆ្នាំ២០១៤។ Luke Shaw មានរដូវកាលដ៏អស្ចារ្យរបស់ខ្លួនក្រោមការដឹកនាំរបស់អ្នកចាត់ការ Erik ten Hag ដោយបានបង្ហាញខ្លួន ៣៦ប្រកួតគ្រប់ក្របខណ្ឌ រកបាន ១គ្រាប់ និងបោះបញ្ជូន ៦លើក។ គិតមកទល់ពេលនេះ Luke Shaw បង្ហាញខ្លួនសរុបឱ្យ Manchester United បាន ២៤៩ប្រកួតហើយ និងធ្លាប់ឆ្លងកាត់ឧបសគ្គមួយចំនួនតាមរយៈការផ្លាស់ប្តូរអ្នកចាត់ការកន្លងមក។ Luke Shaw ធ្លាប់ទទួលរងការរិះគន់ពីអតីតអ្នកចាត់ការ Jose Mourinho ដែលទាមទារឱ្យរូបគេអភិវឌ្ឍខ្លួន និងមិនសូវបានចូលលេងពេញលេញឡើយ ក្រោមការដឹកនាំរបស់អ្នកចាត់ការសញ្ជាតិព័រទុយហ្កាល់រូបនេះ។ តែក្រោយពីការមកដល់របស់ Ole Gunnar Solskjaer និងបន្ទាប់មក Erik ten Hag, Luke Shaw មានឱកាសចូលលេងទៀងទាត់។ Luke Shaw ក៏ធ្លាប់បង្ហាញខ្លួនឱ្យក្រុមជម្រើសជាតិអង់គ្លេស ២៩លើកផងដែរ និងស៊ុតបញ្ចូលទី ១គ្រាប់ក្នុងវគ្គផ្តាច់ព្រ័ត្រ Euro ដែលអង់គ្លេសចាញ់អ៊ីតាលីដោយបាល់ ១១ម៉ែត្រកាត់សេចក្តី៕អត្ថបទ៖នាង សុភាវុធ

ខ្សែប្រយុទ្ធ Fulham, Alexandar Mitrovic ត្រូវពិន័យ ៨ប្រកួតរឿងរុញអាជ្ញាកណ្តាល

បាល់ទាត់៖ ខ្សែប្រយុទ្ធ Fulham, Alexandar Mitrovic ត្រូវបានដាក់ពិន័យ ៨ប្រកួតបន្ទាប់ពីការប៉ះទង្គិចជាមួយអាជ្ញាកណ្តាល Chris Kavanagh អំឡុងការប្រកួត FA Cup កាលពីខែមុន។ ខ្សែប្រយុទ្ធជម្រើសជាតិស៊ែបរូបនេះទទួលបានកាតក្រហម អំឡុងការប្រកួតទល់នឹង Manchester United នៅ FA Cup ដែលកាតក្រហមត្រូវជាប់ពិន័យ ៣ប្រកួត តែបូកទាំង ៣ប្រកួតទៀតពីបទហិង្សា និង ២ប្រកួតទៀតពីការប្រើពាក្យសំដីមិនសមរម្យលើអាជ្ញាកណ្តាល ដូច្នេះត្រូវជាប់ពិន័យសរុប ៨ប្រកួត។ មិនត្រឹមតែប៉ុណ្ណោះ Mitrovic ក៏ត្រូវផាកពិន័យជាទឹកប្រាក់ ៧៥០០០ផោន ស្របពេលដែលក្លិប Fulham ក៏ត្រូវបានពិន័យជាទឹកប្រាក់ ៤០០០០ផោនផងដែរ។ អ្នកចាត់ការ Fulham លោក Marco Silva ក៏ត្រូវពិន័យមិនឱ្យដឹកនាំការប្រកួត ២ប្រកួតផងដែរបន្ទាប់ពីទទួលបានកាតក្រហមអំឡុងការប្រកួតជាមួយគ្នានោះ។ លោក Marco Silva ក្រោយមកកបានចេញមុខសុំទោសអាជ្ញាកណ្តាល Chris Kavanagh ផងដែរ និងសោកស្តាយចំពោះទង្វើរបស់ខ្លួនកាលពីថ្ងៃទី១៩ ខែមីនានោះ៕អត្ថបទ៖នាង សុភាវុធ

FIFA ពិន័យអតីតប្រធានសហព័ន្ធបាល់ទាត់ពែរូពេញមួយជីវិតពាក់ព័ន្ធរឿងពុករលួយ

បាល់ទាត់៖ ស្ថាប័នបាល់ទាត់ពិភពលោក FIFA បានសម្រេចដាក់ពិន័យអតីតប្រធានសហព័ន្ធបាល់ទាត់ប្រទេសពែរូលោក Manuel Burga Seoane ពេញមួយជីវិតមិនឱ្យពាក់ព័ន្ធនឹងសកម្មភាពបាល់ទាត់ ដោយសារបញ្ហាពុករលួយស៊ីសំណូកសូកប៉ាន់។ Seoane ក៏ត្រូវបានបញ្ជាឱ្យបង់ប្រាក់ពិន័យចំនួន ១លានហ្វ្រង់ស្វ៊ីស (១.១លានដុល្លារអាមេរិក) សម្រាប់ការបំពាននៅក្នុងក្រមសីលធម៌របស់ FIFA ទាក់ទងនឹងជម្លោះផលប្រយោជន៍ ការស៊ីសំណូក និងអំពើពុករលួយ និងការផ្តល់ជូន និងទទួលយកអំណោយ ឬអត្ថប្រយោជន៍ផ្សេងៗទៀត។ FIFA បានឱ្យដឹងថា "ការដាក់ទណ្ឌកម្មលើលោក Burga Seoane ធ្វើឡើងបន្ទាប់ពីការសម្រេចចិត្តពីមុន ដែលបង្ហាញដោយអង្គជំនុំជម្រះតុលាការក្នុងខែកក្កដា ឆ្នាំ២០១៩"។ ការសម្រេចចិត្តនោះត្រូវបានលុបចោលដោយតុលាការកីឡា (CAS) កាលពីខែមេសាឆ្នាំមុន ហើយបានបញ្ជូនទៅអង្គជំនុំជម្រះស៊ើបអង្កេតនៃគណៈកម្មាធិការសីលធម៌ឯករាជ្យ។ FIFA ក៏បានដាក់ទណ្ឌកម្មលើលោក Bimo Wirjasoekarta ប្រធានក្លឹបឥណ្ឌូនេស៊ី Tira Persikabo រយៈពេលពីរឆ្នាំបន្ទាប់ពីរកឃើញថា គាត់មានទោសពីបទ "ការគំរាមកំហែង ការបង្ខិតបង្ខំ និងការកេងប្រវ័ញ្ចលើកីឡាករ" ផងដែរ៕អត្ថបទ៖នាង សុភាវុធ

ពិធីដង្ហែព្រះអគ្គិជ័យនៅទីម័រខាងកើតកាន់តែមានគុណតម្លៃសម្រាប់ស៊ីហ្គេម-អាស៊ានប៉ារ៉ាហ្គេមនៅកម្ពុជា

ស៊ីហ្គេម៖ ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅទីក្រុង Dili ប្រទេសទីម័រខាងកើតបានបញ្ចប់ដោយជោគជ័យ និងកាន់តែមានគុណតម្លៃសម្រាប់ព្រឹត្តិការណ៍ប្រវត្តិសាស្ដ្រនៅកម្ពុជា បន្ទាប់ពីពិធីដង្ហែកាលពីព្រឹកថ្ងៃទី០៤ ខែមេសាមានថ្នាក់ដឹកនាំជាច្រើនចូលរួម ពិសេសវត្តមានឯកឧត្តម Jose Ramos-Horta ប្រធានាធិបតីទីម័រខាងកើតផងដែរ។ក្រោយពីអនុញ្ញាតឲ្យប្រតិភូកម្ពុជាចូលជួបសម្ដែងការគួរសម និងស្វាគមន៍យ៉ាងកក់ក្ដៅកាលពីម្សិលមិញ ឯកឧត្តមប្រធានាធិបតីទីម័រខាងកើតក៏បានអញ្ជើញចូលរួមដង្ហែព្រះអគ្គិជ័យកីឡានៅព្រឹកថ្ងៃអង្គារនេះដែរ ដោយឯកឧត្តមបានថ្លែងអំណរគុណកម្ពុជាដែលបានរៀបចំពិធីដ៏មានអត្ថន័យនេះលើទឹកដីខ្លួន ហើយបានអញ្ជើញប្រទេសទីម័រខាងកើត ចូលរួមព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជា។ ក្រោយបញ្ចប់ពិធីដង្ហែដោយជោគជ័យ ឯកឧត្តម ហោ សារុន បានវាយតម្លៃខ្ពស់ចំពោះការដង្ហែព្រះអគ្គិជ័យកីឡា និងភ្លើងគប់នៅទីក្រុង Dili ដែលមានអ្នកចូលរួមរហូតដល់ជាង ៨០០នាក់ ពិសេសវត្តមានប្រធានាធិបតីទីម័រ មន្ដ្រីជាន់ខ្ពស់ មន្ដ្រី UN ឯកអគ្គរាជទូតបណ្ដាប្រទេសផ្សេងៗនៅទីម័រ ដែលធ្វើឲ្យពិធីនេះកាន់តែមានគុណតម្លៃ ក្នុងដំណើរឆ្ពោះទៅការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ដោយឡែកឯកឧត្តម អ៊ីវ ហ៊ាង ឯកអគ្គរាជទូតកម្ពុជាប្រចាំនៅប្រទេសទីម័រខាងកើត ដែលមាននិវេសនដ្ឋាននៅរដ្ឋធានីហ្សាកាតាក៏បានបង្ហាញនូវសេចក្ដីសោមនស្សរីករាយ ចំពោះភាគីទីម័រដែលបានទទួលបដិសណ្ឋារកិច្ច និងសហការរៀបចំពិធីដង្ហែនេះប្រកបដោយភាពរលូន។ ឯកឧត្តមសង្ឃឹមថា តាមរយៈនេះនឹងជំរុញការផ្សព្វផ្សាយព្រឹត្តិការណ៍ស៊ីហ្គេមនៅកម្ពុជាកាន់តែទូលំទូលាយថែមទៀត។ ដោយឡែកលោក Laurentino GUTERRES អគ្គលេខាធិការគណៈកម្មាធិការជាតិអូឡាំពិកទីម័រខាងកើត បានសម្ដែងការសេចក្ដីរីករាយចំពោះវត្តមានប្រតិភូកម្ពុជា និងព្រះអគ្គិជ័យកីឡាលើទឹកដីខ្លួន ដូចការលើកឡើងរបស់ឯកឧត្តមប្រធានាធិបតីទីម័រ ហើយលោកសង្ឃឹមថា បណ្ដាប្រទេសទាំងអស់នឹងចូលរួមទាំងអស់គ្នា ដើម្បីគាំទ្រព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមកម្ពុជាឆ្ពោះទៅរកភាពជោគជ័យជាប្រវត្តិសាស្ដ្រ។ សូមបញ្ជាក់ថា ទីម័រខាងកើតគឺជាប្រទេសទី៤ នៃពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បន្ទាប់ពីដង្ហែចេញពីខេត្តសៀមរាបឆ្ពោះទៅរៀបចំនៅប្រទេសវៀតណាមមុនគេ មុនបន្ដទៅប្រទេសហ្វីលីពីន និងឥណ្ឌូនេស៊ីដែលបានបញ្ចប់ការរៀបចំដោយជោគជ័យ និងការគាំទ្រខ្លាំងដូចគ្នា។ សម្រាប់បេសកកម្មបន្ទាប់គឺប្រតិភូកម្ពុជាដឹកនាំដោយឯកឧត្តម ហោ សារុន នឹងធ្វើដំណើរទៅទីក្រុងគូឡាឡាំពួរ ប្រទេសឥណ្ឌូនេស៊ីវិញម្ដង ដោយគ្រោងនឹងចេញដំណើរពីទីក្រុង Dili នាព្រឹកថ្ងៃទី០៥ ខែមេសានេះ៕អត្ថបទ៖ លី ឈុនឡា

ប្រកួតទីពីរក្នុងតំណែងរបស់ Thomas Tuchel, Bayern Munich ធ្លាក់ពី German Cup ត្រឹមវគ្គ ៨ក្រុម

បាល់ទាត់៖ ក្រុមបាល់ទាត់ Freiburg បានធ្វើឱ្យមានរឿងភ្ញាក់ផ្អើលបន្ទាប់ពីទំលាក់ក្រុមជើងឯក ២០សម័យ Bayern Munich ដល់ទឹកដីនៅវគ្គ ៨ក្រុមចុងក្រោយ German Cup រឺ DFB Pokal។ នេះជាបរាជ័យគួរឱ្យភ្ញាក់ផ្អើលរបស់ Bayern Munich ក្រោមការដឹកនាំរបស់អ្នកចាត់ការថ្មីលោក Thomas Tuchel ជាការប្រកួតទីពីរក្នុងតំណែង។ ខ្សែការពារ Dayot Upamecano ជាអ្នកបើកការនាំមុខមុនឱ្យ Bayern Munich នៅនាទីទី១៩ តែ Freiburg ក៏តាមស្មើវិញដោយបាល់ស៊ុតពីចំងាយរបស់ Nicols Hofler នាទីទី២៧។ ការប្រកួតហៀបនឹងចប់ទៅហើយ តែកំហុសបាល់ប៉ះដៃរបស់ Jamal Musiala ក្នុងតំបន់គ្រោះថ្នាក់ធ្វើឱ្យអាជ្ញាកណ្តាលផ្តល់បាល់ពិន័យ ១១ម៉ែត្រទៅ Freiburg ដែលទាត់សំរេចដោយ Lucas Holer នាទីទី៩០+៥។ សូមបញ្ជាក់ថា Bayern Munich ទើបតែប្រកាសតែងតាំងអតីតអ្នកចាត់ការ Chelsea, Thomas Tuchel កាលពីសប្តាហ៍មុន ហើយភ្លាមនោះ Bayern Munich ទើបយកឈ្នះ Dortmund ៤-២ កាលពីថ្ងៃសៅរ៍នៅ Bundesliga។ ធ្លាក់ពី German Cup នៅពេលនេះ Bayern Munich នឹងត្រូវជួប Manchester City សប្តាហ៍ក្រោយវគ្គ ៨ក្រុមចុងក្រោយ UEFA Champions League ជើងទី១។ ដោយឡែកសម្រាប់ Frankfurt ក៏បានកក់កៅអីនៅពាក់កណ្តាលផ្តាច់ព្រ័ត្រដែរក្រោយយកឈ្នះ Union Berlin ២-០ ដោយពីរគ្រាប់របស់ខ្សែប្រយុទ្ធបារាំង Randal Kolo Muani៕អត្ថបទ៖នាង សុភាវុធ

Ronaldo ស៊ុតពីរគ្រាប់ម្នាក់ឯង ខណៈ Al Nassr ឈ្នះ Al Adalah ៥-០ លីគកំពូលអារ៉ាប៊ីសាអ៊ូឌីត

បាល់ទាត់៖ ប្រធានក្រុម Cristiano Ronaldo រកបានពីរគ្រាប់ម្នាក់ឯង ខណៈដែល Al Nassr បានយកឈ្នះលើក្រុម Al Adalah ៥-០ យប់មិញនេះ ដើម្បីរំកិលមួយពិន្ទុតាមពីក្រោយក្រុមនាំមុខ Al Ittihad នៅលីគកំពូលអារ៉ាប៊ីសាអ៊ូឌីត Saudi Pro League។ អតីតខ្សែប្រយុទ្ធក្រុមបិសាចក្រហម Manchester United រូបនេះបានបើកការស៊ុតបញ្ចូលទីដោយការស៊ុតបាល់ពិន័យ ១១ម៉ែត្រ ៥នាទីមុនចប់វគ្គទី ១។ Al Nassr កាន់តែល្អនៅវគ្គទីពីរជាមួយនឹងគ្រាប់បាល់មួយគ្រាប់ទៀតរបស់ Cristiano Ronaldo ក៏ដូចជាពីរគ្រាប់ពីអ្នកស៊ុតបញ្ចូលទីច្រើនជាងគេក្នុងលីគគឺ Anderson Talisca និងគ្រាប់ទីប្រាំដោយខ្សែបម្រើស្លាប Ayman Yahya។ ពីរគ្រាប់នេះមានន័យថា Ronaldo មានសរុប ១១គ្រាប់ក្នុងការបង្ហាញខ្លួន ៩លើកក្នុងលីគ ខណៈដែលមិត្តរួមក្រុម Anderson Talisca មាន ១៦គ្រាប់ពីការបង្ហាញខ្លួន ១៦ប្រកួតក្នុងលីគ។ ឆ្លងកាត់ ២២ប្រកួត Al Nassr បន្តឈរលេខ ២ មាន ៥២ពិន្ទុដេញពីក្រោយក្រុមកំពូលតារាង Al Ittihad ១ពិន្ទុ ខណៈលេខ ៣ Al Hilal មាន ៤៥ពិន្ទុតែសល់មួយប្រកួតក្នុងដៃ៕អត្ថបទ៖នាង សុភាវុធ

ប្រធានក្លិបអង្គរថាយហ្គឺរចង់ឲ្យវិនិយោគិនជប៉ុនដាក់ទុនវិនិយោគនៅកម្ពុជា ជាជាងត្រឹមការស្រលាញ់

បាល់ទាត់៖ លោក Akihiro Kato ប្រធានក្លិបបាល់ទាត់អង្គរថាយហ្គឺរ ចង់ឃើញវិនិយោគិនជប៉ុនដាក់ទុនវិនិយោគកាន់តែច្រើននៅប្រទេសកម្ពុជា ដើម្បីរួមចំណែកជំរុញការអភិវឌ្ឍកម្ពុជាឲ្យរីកចម្រើនកាន់តែឆាប់រហ័ស ជាជាងការពោលពាក្យថា ស្រលាញ់ប្រទេសកម្ពុជាតែមួយមុខ។ ការលើកឡើងរបស់បុរសជនជាតិជប៉ុនដែលរកស៊ីនៅកម្ពុជារូបនេះ ស្របពេលឆ្នាំ២០២៣ គឺជាខួប ៧០ឆ្នាំនៃទំនាក់ទំនងកាទូតរវាងប្រទេសកម្ពុជា និងជប៉ុន។ លោកថា ៧០ឆ្នាំមកនេះទំនាក់ទំនងរវាងប្រទេសទាំងពីរពិតជាល្អមែនទែន។ តែក្នុងនាមពលរដ្ឋជប៉ុន លោកចង់ឃើញវិនិយោគិនជប៉ុនមកវិនិយោគនៅកម្ពុជាកាន់តែច្រើន ដើម្បីជំរុញមិត្តភាពកាន់តែស្អិតរមួត ក៏ដូចជារួមចំណែកអភិវឌ្ឍកម្ពុជាឲ្យកាន់តែរីកចម្រើនផងដែរ។ គួរដឹងថា ក្រៅពីមានមុខជំនួញនៅកម្ពុជា លោក Akihiro Kato បានបង្កើតក្លិបបាល់ទាត់មួយដែលបច្ចុប្បន្នមានមូលដ្ឋាននៅខេត្ដសៀមរាប។ ដើម្បីរួមចំណែកការអភិវឌ្ឍវិស័យកីឡាបាល់ទាត់កម្ពុជាឲ្យកាន់តែរីកចម្រើន ក្នុងពេលដ៏ខ្លីខាងមុខនេះលោកនឹងសហការជាមួយវិនិយោគិនជប៉ុនផ្សេងៗទៀត ដើម្បីសាងសង់កីឡដ្ឋានស្ដង់ដារអន្ដរជាតិមួយលើផ្ទៃដីប្រមាណ ៥ហិកតានៅជាយក្រុងសៀមរាប។សូមរំលឹកថា ក្លិបបាល់ទាត់អង្គរថាយហ្គឺរបានបង្កើតឡើងតាំងពីឆ្នាំ២០១៥ នៅរាជធានីភ្នំពេញ មុនប្ដូរមូលដ្ឋានទៅខេត្តសៀមរាបនៅឆ្នាំ២០១៧ រហូតមកដល់បច្ចុប្បន្ន ដោយប្រើប្រាស់កីឡដ្ឋានមួយចំនួនបម្រើឲ្យការប្រកួតរបស់ខ្លួន មុនក្លិបប្រកាសត្រៀមសាងសង់កីឡដ្ឋានផ្ទាល់ខ្លួននាពេលឆាប់ៗខាងមុខ។ នេះគឺជាដំណឹងល្អមួយសម្រាប់អ្នកគាំទ្រនៅខេត្តសៀមរាប តែលោក Akihiro Kato ពុំទាន់បញ្ជាក់លម្អិតពីទីតាំងត្រូវសាងសង់នោះទេ ដោយគ្រាន់តែអះអាងថាធ្វើដំណើរប្រមាណ ១៥នាទីប៉ុណ្ណោះពីកណ្ដាលក្រុងសៀមរាប៕អត្ថបទ៖ លី ឈុនឡា

ថ្ងៃនេះបាល់ទាត់ និងបាល់ទះកម្ពុជាក្នុងការប្រកួតស៊ីហ្គេម២០២៣ នឹងដឹងគូប្រកួតរបស់ខ្លួន

ស៊ីហ្គេម៖ បាល់ទាត់ និងបាល់ទះកម្ពុជាក្នុងការប្រកួតកីឡាស៊ីហ្គេម ២០២៣ នឹងដឹងគូប្រកួតរបស់ខ្លួននៅថ្ងៃទី០៥ ខែមេសា ឆ្នាំ២០២៣នេះ ខណៈដែលអ្នកគាំទ្រកំពុងទន្ទឹងរង់ចាំ។ គណៈកម្មាធិការជាតិរៀបចំការប្រកួតស៊ីហ្គេម ២០២៣ បានឱ្យដឹងថា នៅថ្ងៃទី០៥ ខែមេសា ឆ្នាំ២០២៣នេះ គណៈកម្មាធិការនឹងរៀបចំការចាប់ឆ្នោតបែងចែកពូល សម្រាប់ការប្រកួតបាល់ទាត់បុរសនារី និងកីឡាបាល់ទះនៅពហុកីឡដ្ឋានជាតិមរតកតេជោ។ ប្រភេទបាល់ទាត់ក្នុងស៊ីហ្គេមមាន ១០ប្រទេសចូលរួម អវត្តមានព្រុយណេដារ៉ូសាឡឹម។ ស៊ីហ្គេមលើកទី៣១ នៅវៀតណាម ក្រុមបាល់ទាត់កម្ពុជាស្ថិតនៅពូល B រួមជាមួយថៃ ម៉ាឡេស៊ី សិង្ហបុរី និងឡាវ ហើយ៤ប្រកួតកម្ពុជាឈ្នះ១ ស្មើ១ និងចាញ់២។ ចំនែកបាល់ទាត់នារីស្ថិតនៅពូល A ជាមួយវៀតណាម និងហ្វីលីពីន។ ក្រុមបាល់ទាត់កម្ពុជាធ្វើបានល្អបំផុតនៅហ្វីលីពីននាឆ្នាំ២០១៩ ដោយបញ្ចប់នៅចំណាត់ថ្នាក់លេខ៤ ក្រោយចាញ់បាល់កាត់សេចក្តី ១១ម៉ែត្រជាមួយសហភាពមីយ៉ាន់ម៉ា។ ថ្មីៗនេះជាការត្រៀមសម្រាប់ស៊ីហ្គេមលើទឹកដីខ្លួនឯង ក្រុមបាល់ទាត់យុវជនអាយុក្រោម ២២ឆ្នាំបានចូលរួមប្រកួតពានរង្វាន់ Merlion Cup ដោយបញ្ចប់នៅចំណាត់ថ្នាក់លេខ៣ ក្រោយឈ្នះម្ចាស់ផ្ទះសិង្ហបុរី ២ទល់នឹង១។ ចំនែកបាល់ទះស៊ីហ្គេម ២០២១ កម្ពុជាបានធ្វើឱ្យមានការភ្ញាក់ផ្អើលយ៉ាងខ្លាំង ដោយដណ្តើមបានមេដាយសំរឹទ្ធ ក្រោយឈ្នះថៃ ៣សិតទល់នឹង២ បន្ទាប់ពីឈ្នះហ្វីលីពីន ៣ទល់នឹង១ និងចាញ់ថៃ ២ទល់នឹង៣ ក្នុងពូល B។ ដើម្បីត្រៀមលក្ខណៈសម្រាប់ស៊ីហ្គេម២០២៣ នេះ បាល់ទះកម្ពុជាបានធ្វើការប្រកួតមិត្តភាពអន្តរជាតិជាច្រើន ដូចជាប្រកួតជាមួយសិង្ហបុរី គុយបា បារាំង ហើយពីថ្ងៃទី២៩ ដល់ថ្ងៃទី៣១ ខែមីនា ក្រុមបាល់ទះជម្រើសជាតិកម្ពុជាបានប្រកួតពានមិត្តភាពបីប្រទេស កម្ពុជា ម៉ាឡេស៊ី សិង្ហបុរីបញ្ចប់នៅចំណាត់ថ្នាក់លេខ២។ ប្រកួតស៊ីហ្គេមដែលដំណើរការប្រកួតពីថ្ងៃទី០៣ ខែឧសភាតទៅ បាល់ទះក្នុងសាលបុរសមានក្រុមចូលរួម ៧ប្រទេស នារី ៨ប្រទេស និងឆ្នេរខ្សាច់ ៩ប្រទេស៕

កីឡាករក្បាច់គុនកងយោធពលខេមរភូមិន្ទ ទទួលបានមេដាយមាស និងប្រាក់

ភ្នំពេញ៖ នៅថ្ងៃទី៤ ខែមេសា ឆ្នាំ២០២៣ កីឡាករក្បាច់គុន កងយោធពលខេមរភូមិន្ទ ចំនួន៣នាក់ ជំនាញគុនល្បុក្កតោរបស់កងពលតូចថ្មើរជើងលេខ៥១ បានចូលរួមប្រកួតកីឡាគុនល្បុក្កតោ ជ្រើសរើសជើងឯកអាស៊ីអាគ្នេយ៍លើកទី១ នៅរាជធានីភ្នំពេញ ទទួលបានមេដាយមាស ចំនួន ២គ្រឿង និងប្រាក់ ចំនួន ១គ្រឿង។គួរបញ្ជាក់ថា កកីឡាករក្បាច់គុនកងយោធពលខេមរភូមិន្ទ ជជំនាញគុនល្បុក្កតោរបស់កងពលតូចថ្មើរជើងលេខ៥១ សរុបចំនួន១២នាក់ ដឹកនាំដោយ ឧត្តមសេនីយ៍ទោ សេង ធារិន មេបញ្ជាការរងនាយសេនាធិការ យោធភូមិភាគទី៥ និងឧត្តមសេនីយ៍ត្រី សឹង្ហ ទុំ មេបញ្ជាការកងពលតូច ថ្មើរ ជើងលេខ៥១ ដែលកំពុងជំរុញការហ្វឹកហាត់ ដោយយកចិត្តទុកដាក់ និងអស់ពីសមត្ថភាព ដើម្បីត្រៀមខ្លួនចូលរួមប្រកួតដណ្តើមមេដាយជូនជាតិមាតុភូមិ ក្នុងព្រឹត្តិការណ៍ប្រវត្តិសាស្រ្ត ដែលកម្ពុជាធ្វើជាម្ចាស់ផ្ទះនៃព្រឹត្តិការណ៍កីឡាស៉ី ហ្គេម លើកទី៣២ នាខែឧសភាខាងមុខ ដែលជាមោទនភាពសម្រាប់ប្រជាជនកម្ពុជាទាំងមូល៕ អត្ថបទ ៖ ឧត្ដម

បណ្ដាញសង្គម

ព័ត៌មានថ្មីៗ

តំបន់មួយចំនួននៅប្រទេសជប៉ុនប្រឈមកម្តៅខ្លាំង រួមទាំងតំបន់រងគ្រោះដោយរញ្ជួយដី

អ៊ីតាលី អាចផ្អាកកិច្ចព្រមព្រៀងតំបន់ Schengen ជាមួយអេស្ប៉ាញ ក្រោយជនអន្តោប្រវេសន៍សម្រុកឆ្លងកាត់

រដ្ឋាភិបាលនេប៉ាល់ ដាក់បម្រាមគោចរ ខណៈភាពតានតឹងរវាងសហគមន៍កើនឡើង

រាជរដ្ឋាភិបាលកំពុងដោះស្រាយបញ្ហាប្រឈម MSMEs ដើម្បីកែលម្អបរិយាកាសធុរកិច្ច

មនុស្ស៩នាក់ស្លាប់ និងច្រើននាក់រងរបួស បន្ទាប់ពីអគារកម្ពស់ច្រើនជាន់បាក់រលំនៅឥណ្ឌា

អ្នកតាំងលំនៅឋានអ៊ីស្រាអែល ដែលត្រូវបានការពារដោយអ៊ីស្រាអែល សម្រុកចូលក្រុង Tal តំបន់West Bank

មនុស្ស ៣៤នាក់ស្លាប់ ក្នុងហេតុការណ៍ផ្ទុះអណ្តូងរ៉ែធ្យូងថ្មនៅតំបន់ភាគខាងត្បូងប៉ាគីស្ថាន

បេសកជន៖ រុស្ស៊ីទទូចឲ្យអូទ្រីសដោះស្រាយបញ្ហាពាក់ព័ន្ធនឹងទិដ្ឋាការការទូត

កម្ពុជាបើក"យុទ្ធនាការផ្សព្វផ្សាយនិងសម្របសម្រួលការចុះបញ្ជីវិញ្ញាបនបត្របញ្ជាក់បច្ចេកទេសស្ដង់ដាផលិតផលហាឡាល"

ក្រុមហាម៉ាសបញ្ជាក់ថា គ្មានការរំសាយអាវុធ មុនពេលអ៊ីស្រាអែលដកទ័ពចេញពីតំបន់ហ្កាហ្សាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Nadal ដកខ្លួនពី Monte Carlo Masters និងកាន់តែមិនច្បាស់លាស់ថាចូលរួម French Open រឺអត់

Luke Shaw បន្តកិច្ចសន្យា ៤ឆ្នាំបន្ថែមជាមួយ Manchester United

ខ្សែប្រយុទ្ធ Fulham, Alexandar Mitrovic ត្រូវពិន័យ ៨ប្រកួតរឿងរុញអាជ្ញាកណ្តាល

FIFA ពិន័យអតីតប្រធានសហព័ន្ធបាល់ទាត់ពែរូពេញមួយជីវិតពាក់ព័ន្ធរឿងពុករលួយ

ពិធីដង្ហែព្រះអគ្គិជ័យនៅទីម័រខាងកើតកាន់តែមានគុណតម្លៃសម្រាប់ស៊ីហ្គេម-អាស៊ានប៉ារ៉ាហ្គេមនៅកម្ពុជា

ប្រកួតទីពីរក្នុងតំណែងរបស់ Thomas Tuchel, Bayern Munich ធ្លាក់ពី German Cup ត្រឹមវគ្គ ៨ក្រុម

Ronaldo ស៊ុតពីរគ្រាប់ម្នាក់ឯង ខណៈ Al Nassr ឈ្នះ Al Adalah ៥-០ លីគកំពូលអារ៉ាប៊ីសាអ៊ូឌីត

ប្រធានក្លិបអង្គរថាយហ្គឺរចង់ឲ្យវិនិយោគិនជប៉ុនដាក់ទុនវិនិយោគនៅកម្ពុជា ជាជាងត្រឹមការស្រលាញ់

ថ្ងៃនេះបាល់ទាត់ និងបាល់ទះកម្ពុជាក្នុងការប្រកួតស៊ីហ្គេម២០២៣ នឹងដឹងគូប្រកួតរបស់ខ្លួន

កីឡាករក្បាច់គុនកងយោធពលខេមរភូមិន្ទ ទទួលបានមេដាយមាស និងប្រាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Nadal ដក​ខ្លួន​ពី Monte Carlo Masters និង​កាន់តែ​មិន​ច្បាស់លាស់​ថា​ចូលរួម French Open រឺ​អត់​

Luke Shaw បន្ត​កិច្ចសន្យា ៤​ឆ្នាំ​បន្ថែម​ជាមួយ Manchester United

ខ្សែប្រយុទ្ធ Fulham, Alexandar Mitrovic ត្រូវ​ពិន័យ ៨​ប្រកួត​រឿង​រុញ​អាជ្ញាកណ្តាល​

FIFA ពិន័យ​អតីត​ប្រធាន​សហព័ន្ធ​បាល់ទាត់​ពែ​រូ​ពេញ​មួយជីវិត​ពាក់ព័ន្ធ​រឿង​ពុករលួយ​

ប្រកួត​ទី​ពីរ​ក្នុង​តំណែង​របស់ Thomas Tuchel, Bayern Munich ធ្លាក់​ពី German Cup ត្រឹម​វគ្គ ៨ក្រុម

Ronaldo ស៊ុត​ពីរ​គ្រាប់​ម្នាក់ឯង​ ខណៈ Al Nassr ឈ្នះ Al Adalah ៥-០ លី​គ​កំពូល​អារ៉ាប៊ីសាអ៊ូឌីត

ថ្ងៃនេះ​បាល់ទាត់ និង​បាល់ទះ​កម្ពុជា​ក្នុង​ការ​ប្រកួត​ស៊ី​ហ្គេម២០២៣ នឹង​ដឹង​គូប្រកួត​របស់​ខ្លួន​

កីឡាករក្បាច់គុនកងយោធពលខេមរភូមិន្ទ ទទួលបានមេដាយមាស និងប្រាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Nadal ដកខ្លួនពី Monte Carlo Masters និងកាន់តែមិនច្បាស់លាស់ថាចូលរួម French Open រឺអត់

Luke Shaw បន្តកិច្ចសន្យា ៤ឆ្នាំបន្ថែមជាមួយ Manchester United

ខ្សែប្រយុទ្ធ Fulham, Alexandar Mitrovic ត្រូវពិន័យ ៨ប្រកួតរឿងរុញអាជ្ញាកណ្តាល

FIFA ពិន័យអតីតប្រធានសហព័ន្ធបាល់ទាត់ពែរូពេញមួយជីវិតពាក់ព័ន្ធរឿងពុករលួយ

ប្រកួតទីពីរក្នុងតំណែងរបស់ Thomas Tuchel, Bayern Munich ធ្លាក់ពី German Cup ត្រឹមវគ្គ ៨ក្រុម

Ronaldo ស៊ុតពីរគ្រាប់ម្នាក់ឯង ខណៈ Al Nassr ឈ្នះ Al Adalah ៥-០ លីគកំពូលអារ៉ាប៊ីសាអ៊ូឌីត

ថ្ងៃនេះបាល់ទាត់ និងបាល់ទះកម្ពុជាក្នុងការប្រកួតស៊ីហ្គេម២០២៣ នឹងដឹងគូប្រកួតរបស់ខ្លួន