BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ឧត្តរមានជ័យ និងបាត់ដំបងបើកការប្រកួតពានសម្តេច ឈ្នះរៀងខ្លួន

ប៉ៃលិន ៖ ក្រុមបាល់ទាត់តំណាងខេត្តប៉ៃលិនសូហ្វីយ៉ា បើកការប្រកួតពូល C កីឡាបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ពានថ្នាក់ខេត្តដោយធ្វើមិនបានល្អនោះទេ ចាញ់ក្រុមភ្ញៀវ ខេត្តឧត្តរមានជ័យ ០ទល់នឹង២ នៅវិទ្យាល័យហ៊ុន សែន ក្រុងទេពនិម្មិតប៉ៃលិន។ជំនួបនេះតង់ទី១ ក្រុមភ្ញៀវឧត្តរមានជ័យដាក់សម្ពាធច្រើនទៅលើម្ចាស់ផ្ទះ រហូតដល់នាទីទី៣៧ ឧត្តរមានជ័យផ្តើមនាំមុខដោយគ្រាប់បាល់ពិន័យ១១ម៉ែត្រ ដែលធ្វើបានសម្រេចដោយកីឡាករម្ចាស់អាវលេខ៧ ជា គ្រីត។នៅតង់ទី២ ឧត្តរមានជ័យនៅតែមានប្រៀបជាងខេត្តម្ចាស់ផ្ទះប៉ៃលិន ហើយនាំមុខបន្ថែមមួយគ្រាប់ទៀត ធ្វើបានសម្រេចដោយកីឡាករដូរចូល សួង ស៊ីថា នៅនាទីទី៦៥។នាទីដែលនៅសេសសល់ ប៉ៃលិនដាកសម្ពាធម្តងម្កាលដែរ ខណៈឧត្តរមានជ័យបន្ថែមសម្ពាធ ប៉ុន្តែគ្មានគ្រាប់បាល់បន្ថែមនោះទេ។ចប់ការប្រកួត ខេត្តឧត្តរមានជ័យ ឈ្នះប៉ៃលិន ២ទល់នឹង០ ហើយមានបីពិន្ទុក្នុងដៃសម្រាប់ថ្ងៃបើកឆាកក្នុងពូល C។ថ្ងៃជាមួយគ្នានោះដែរ យុវជនខេត្តបាត់ដំបងឈ្នះខេត្តបន្ទាយមានជ័យ ២ទល់នឹង១។ នាទីទី២៦ កីឡាករ ទូច គឹមឆាយ រកគ្រាប់បាល់នាំមុខឱ្យម្ចាស់ផ្ទះបាត់ដំបង ប៉ុន្តែ នាទីទី៥៧ កីឡាករ វុត ដេវិត ស៊ុតបញ្ចូលទីឱ្យ បន្ទាយមានជ័យតាមស្មើ ១ទល់នឹង១។ ៤នាទីមុនចប់ការប្រកួតកីឡា សាវុធ សុជា រកគ្រាប់ជ័យជំនះឱ្យបាត់ដំបង ឈ្នះ២ទល់១។បាល់ទាត់ពានរង្វាន់សម្តេចតេជោ ថ្នាក់ខេត្ត២០២៣ នឹងដំណើរការដល់ថ្ងៃទី៧ ខែតុលា ឆ្នាំ២០២៣ ខណៈពានថ្នាក់ជាតិលេងនៅឆ្នាំ២០២៤៕

Brooks Koepka គ្រងជើងឯកវាយកូនគោល LIV Golf Orlando

វាយកូនគោល៖ កីឡាករវាយកូនគោលអាមេរិក Brooks Koepka បានក្លាយជាជើងឯកនៃការប្រកួតកម្មវិធី LIV Golf Orlando ចុងសប្តាហ៍កន្លងទៅក្រោយឈ្នះការប្រកួតថ្ងៃចុងក្រោយត្រឹម ១ស្ត្រូកពីអ្នកលេខ២។ ការប្រកួតនៅទីលានវាយកូនគោល Orange County National ទីក្រុង Orlando រដ្ឋ Florida សហរដ្ឋអាមេរិក Brooks Koepka ធ្វើបាននៅថ្ងៃចុងក្រោយ ៣អាន់ឌើផា និងបញ្ចប់ការប្រកួតទាំងស្រុង ១៥អាន់ឌើផាឈ្នះអ្នកលេខ២ យ៉ាងប្រកៀកប្រកិតត្រឹម ១ស្ត្រូកគឺកីឡាករកូឡុំប៊ី Sebastian Munoz ដែលធ្វើបាននៅថ្ងៃចុងក្រោយត្រឹម ១អាន់ឌើផា សរុបរួម ១៤អាន់ឌើផា។ Brooks Koepka គឺជាកីឡាករទី១ ដែលឈ្នះជើងឯក ២កម្មវិធីនៅក្នុងក្របខណ្ឌ LIV Golf Series ក្រោមការវិនិយោគរបស់អារ៉ាប៊ីសាអ៊ូឌីត បន្ទាប់ពីឈ្នះជើងឯកទី១ នៅទីក្រុង Jeddah ប្រទេសអារ៉ាប៊ីសាអ៊ូឌីតកាលពីខែតុលាឆ្នាំមុន៕អត្ថបទ៖នាង សុភាវុធ

Shaun Murphy ឈ្នះ Kyren Wilson គ្រងជើងឯកស្នូកឃ័រ Tour Championship

ស្នូកឃ័រ៖ កីឡាករស្នូកឃ័រអង់គ្លេស Shaun Murphy បានគ្រងជើងឯកការប្រកួតពានរង្វាន់ Tour Championship ក្រោយយកឈ្នះមិត្តរួមជាតិ Kyren Wilson នៅវគ្គផ្តាច់ព្រ័ត្រ។ នេះជាពានលំដាប់ Ranking ទីពីរសម្រាប់កីឡាករវ័យ ៤០ឆ្នាំរូបនេះនៅក្នុងឆ្នាំ២០២៣ នេះ បន្ទាប់ពីឈ្នះជើងឯក Players Championship កាលពីខែកុម្ភៈម្តងរួចមកហើយ។ Shaun Murphy បានយកឈ្នះ Kyren Wilson ដោយលទ្ធផល ១០-៧ហ្វ្រេមដើម្បីក្លាយជាម្ចាស់ប្រាក់រង្វាន់ ១៥០.០០០ផោន។ សូមបញ្ជាក់ថា Tour Championship មានកីឡាករចូលរួមត្រឹម ៨នាក់ប៉ុណ្ណោះ ដែល ៨នាក់នេះកំណត់ដោយពិន្ទុ Ranking នៃ Tournament ផ្សេងៗដែលស្ថិតក្រោមការគ្រប់គ្រងរបស់ Snooker Tour ក្នុងឆ្នាំ២០២៣ នេះ៕អត្ថបទ៖នាង សុភាវុធ

ត្រឹម ១ឆ្នាំក្លិបនៅ Premier League ចំណាយលុយជាង ៣០០លានផោនគ្រាន់តែលើភ្នាក់ងារ

បាល់ទាត់៖ ក្លិបនៅក្របខណ្ឌ English Premier League បានចំណាយលុយប្រមាណ ៣២០លានផោនក្នុងមួយឆ្នាំចុងក្រោយគិតពីថ្ងៃទី១ ខែកុម្ភៈ ឆ្នាំ២០២២ ដល់ថ្ងៃទី៣១ ខែមករា ឆ្នាំ២០២៣ នេះគ្រាន់តែទៅលើភ្នាក់ងារទិញដូរកីឡាករ នេះបើតាមការបង្ហាញទិន្នន័យដែលប្រមូលដោយ FA។ការចំណាយនេះបានកើនឡើងបើប្រៀបធៀបនឹងឆ្នាំមុនពី ២៧៦.៦លានផោនមក ៣១៨.២លានផោន។ Manchester City បានចំណាយលុយខ្ពស់បំផុត ៥១.៥៦លានផោន ដែលរួមមានទាំងការនាំយកខ្សែប្រយុទ្ធន័រវេស Erling Haaland។ City បានចាយលុយ ៥១.២លានផោនលើការផ្តាច់កិច្ចសន្យារបស់ Haaland ជាមួយ Dortmund។ Chelsea ក៏មានការចំណាយគួរកត់សំគាល់ដែរក្នុងការនាំយកកីឡាករ ១៥នាក់ បូករួមទាំងកីឡាករខ្ចីជើងសរុប ៤៣.១៦លានផោន តាមពីក្រោយដោយ Liverpool ចំណាយអស់ ៣៣.៦៩លានផោន និង Manchester United ២៤.៧៣លានផោន។ចំណែកឯ Nottingham Forest ដែលទិញកីឡាករច្រើនជាងគេនោះ បែជាចំណាយលុយតិចជាងគេវិញទៅលើភ្នាក់ងារត្រឹម ៤.៣៥លានផោនប៉ុណ្ណោះ។ ការចំណាយដែលកត់ត្រាដោយ FA នេះឃើញថា មានការហក់ឡើងខ្លាំងបើប្រៀបធៀបនឹងការចំណាយក្រោយ ៤៧លានផោនប៉ុណ្ណោះកាលពីរដូវកាល ២០១៥-១៦៕អត្ថបទ៖នាង សុភាវុធ

ក្រុមកីឡាបញ្ចសិលាកម្ពុជាអរគុណប្រតិភូដង្ហែព្រះអគ្គិជ័យកីឡា ដែលឆ្លៀតពេលចុះសួរសុខទុក្ខដល់រដ្ឋធានីហ្សាកាតា

បញ្ចសិលា៖ គ្រូបង្វឹក ក៏ដូចជាកីឡាករ-កីឡាការិនីគុនល្បុក្កតោ ដែលកំពុងបោះជំរំហ្វឹកហាត់កីឡាបញ្ចសិលានៅរដ្ឋធានីហ្សាកាតា ប្រទេសឥណ្ឌូនេស៊ី បានថ្លែងអំណរគុណ និងរីករាយជាខ្លាំង បន្ទាប់ពីប្រតិភូពិសេសគណៈកម្មាធិការជាតិ CAMSOC ដែលដឹកនាំដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានអញ្ជើញចុះសួរសុខទុក្ខដោយផ្ទាល់ដល់មជ្ឈមណ្ឌលហ្វឹកហាត់កីឡាបញ្ចសិលា នៃប្រទេសឥណ្ឌូនេស៊ីកាលពីចុងសប្ដាហ៍កន្លងទៅ។ នេះបើតាមការលើកឡើងរបស់លោក សាន អង្គររាជវ័ន្ធ គ្រូបង្វឹកកីឡាគុនល្បុក្កតោ និងជាគ្រូបង្វឹកកីឡាបញ្ចសិលា ដែលកំពុងដឹកនាំកីឡាករ-កីឡាការិនីម្ពុជាហ្វឹកហាត់ផ្ទាល់នៅរដ្ឋធានីហ្សាកាតា បន្ទាប់ពីឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC អមដំណើរដោយលោកបណ្ឌិត សេង ប៊ុនសុង ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា និងជាអ្នកដឹកនាំក្រុមអត្តពលិកកម្ពុជាទៅហ្វឹកហាត់នៅឥណ្ឌូនេស៊ី បានឆ្លៀតពេលមុនពិធីដង្ហែព្រះអគ្គិជ័យកីឡាចុះសួរសុខទុក្ខកីឡាករ-កីឡាការិនីកាលពីថ្ងៃទី០១ ខែមេសាកន្លងទៅ។ លោក សាន អង្គររាជវ័ន្ធ បានចាត់ទុកការឆ្លៀតពេលដ៏មានតម្លៃរបស់ប្រតិភូកម្ពុជា អញ្ជើញសួរសុខទុក្ខកីឡាករ-កីឡាការិនីនេះគឺជាការលើកទឹកចិត្តមួយដ៏សំខាន់ ដើម្បីជំរុញការហ្វឹកហាត់ និងកាន់តែខិតខំប្រឹងប្រែង ដើម្បីសម្រួចសមត្ថភាពត្រៀមប្រកួតដណ្ដើមមេដាយស៊ីហ្គេមលើកទី៣២ នៅកម្ពុជានាពេលខាងមុខ។ គួរដឹងថា ឯកឧត្តម ហោ សារុន និងលោកបណ្ឌិត សេង ប៊ុនសុង បានដឹកនាំប្រតិភូកម្ពុជាចុះសួរសុខទុក្ខកីឡាករ-កីឡាការិនីគុនល្បុក្កតោ និងបញ្ចសិលាកម្ពុជានៅរដ្ឋធានីហ្សាកាតា មុនពិធីដង្ហែព្រះអគ្គិជ័យកីឡាកាលពីថ្ងៃទី០១ ខែមេសា។ ចំពោះការបោះជំរំហ្វឹកហាត់របស់ក្រុមកីឡាកីឡាករ-កីឡាការិនីកម្ពុជារយៈពេលជាងកន្លះឆ្នាំមកនេះ កើតឡើងក្រោយមានការចុះអនុស្សារណយោគយល់គ្នារវាងឯកឧត្តម វ៉ាត់ ចំរើន អគ្គលេខាធិការសហព័ន្ធកីឡាគុនល្បុក្កតោកម្ពុជា ជាមួយឯកឧត្តម ប្រាប៊ូវ៉ូ ស៊ូប៊ីយ៉ានតូ រដ្ឋមន្ត្រីក្រសួងការពារជាតិឥណ្ឌូនេស៊ី និងជាប្រធានសហព័ន្ធកីឡាបញ្ចសិលាអន្តរជាតិ ដោយមានការគាំទ្រពេញទំហឹងពីប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា កាលពីខែមិថុនា ឆ្នាំ២០២២។ ជាមួយការបោះជំរំនេះ កម្ពុជាបានបញ្ជូនគ្រូបង្វឹក និងកីឡាករ-កីឡាការិនីសរុប ៣៣នាក់ដើម្បីទៅបង្ហាត់ក្បាច់គុនល្បុក្កតោដល់កីឡាករ-កីឡាការិនីបញ្ចសិលាឥណ្ឌូនេស៊ីផង និងកីឡាករ-កីឡាការិនីគុនល្បុក្កតោកម្ពុជាទៅហ្វឹកហាត់កីឡាបញ្ចសិលារបស់ឥណ្ឌូនេស៊ីផង ដើម្បីពង្រឹងសមត្ថភាពរៀងៗខ្លួនត្រៀមការប្រកួតកីឡាស៊ីហ្គេមលើកទី៣២ នៅកម្ពុជានាខែឧសភាខាងមុខ៕អត្ថបទ៖ លី ឈុនឡា

ប្រធានាធិបតីទីម័រ ស្វាគមន៍យ៉ាងកក់ក្ដៅ ចំពោះប្រតិភូកម្ពុជា និងវត្តមានព្រះអគ្គិជ័យកីឡា

ភ្នំពេញ ៖ ឯកឧត្តម Jose Ramos-Horta ប្រធានាធិបតីទីម័រខាងកើត នៅថ្ងៃទី០៣ ខែមេសានេះ បានអនុញ្ញាតឲ្យប្រតិភូដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសជនពិសេស អមដំណើរដោយឯកឧត្តម អ៊ីវ ហ៊ាង ឯកអគ្គរាជទូតកម្ពុជា ប្រចាំនៅប្រទេសទីម័រខាងកើត ដែលមាននិវេសនដ្ឋាននៅរដ្ឋធានីហ្សាកាតា ចូលជួបសម្ដែងការគួរសមនៅវិមានប្រធានាធិបតីរបស់ខ្លួន បន្ទាប់ពីប្រតិភូកម្ពុជា បាននាំព្រះអគ្គិជ័យកីឡា ទៅដល់ទីក្រុង Dili នៅរសៀលថ្ងៃច័ន្ទនេះ ។ថ្លែងក្នុងជំនួបសម្ដែងការគួរសមនោះ ឯកឧត្តម Jose Ramos-Horta បានសម្ដែងការស្វាគមន៍យ៉ាងកក់ក្ដៅ ចំពោះវត្តមានប្រតិភូ ក៏ដូចជាវត្តមានព្រះអគ្គិជ័យកីឡា នៅប្រទេសទីម័រខាងកើត ហើយក៏អបអរសាទរប្រទេសកម្ពុជា ដែលត្រៀមទទួលធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេមលើកដំបូង ក្នុងឆ្នាំ២០២៣ នាពេលឆាប់ៗខាងមុខ ។បន្ថែមលើនេះ ឯកឧត្តមប្រធានាធិបតីភាព ក៏បានរំឮកពីទំនាក់ទំនងដ៏ល្អរវាងទីម័រខាងកើត និងកម្ពុជា ពិសេសសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ដែលតែងតែគាំទ្រប្រទេសទីម័រខាងកើតរហូតមក ។ឯកឧត្តមបានគូសបញ្ជាក់ថា ទីម័រខាងកើត តែងតែចូលរួមការប្រកួតនានា ក្នុងតំបន់អាស៊ាន ទោះបីពុំសូវទទួលបានលទ្ធផលល្អប្រសើរ ។ ដូច្នេះឯកឧត្តមបានថ្លែងអំណរគុណប្រតិភូកម្ពុជា ដែលបានដឹកនាំព្រអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ទៅដង្ហែទីក្រុង Dili ហើយទីម័រខាងកើត ក៏ត្រៀមខ្លួនរួចរាល់ ដើម្បីចូលរួមប្រកួតព្រឹត្តិការណ៍កីឡាប្រចាំតំបន់នៅកម្ពុជានាពេលខាងមុខផងដែរ ។ឆ្លៀតឱកាសនោះដែរ ឯកឧត្តម ហោ សារុន បានថ្លែងអំណរគុណឯកឧត្តម Jose Ramos-Horta ដែលអនុញ្ញាតឲ្យប្រតិភូកម្ពុជា បានចូលជួបសម្ដែងការគួរសម និងទទួលបដិសណ្ឋារកិច្ចយ៉ាងល្អ ។ ឯកឧត្តមបានគូសបញ្ជាក់ថា ទីម័រខាងកើត គឺជាប្រទេសទី៤ ដែលព្រះអគ្គិជ័យកីឡា ត្រូវដង្ហែឆ្លងកាត់ បន្ទាប់ពីព្រះរាជពិធីសុំភ្លើង និងព្រះរាជពិធីប្រោយព្រះរាជទានព្រះអគ្គិជ័យកីឡា ដល់ភ្លើងគប់ ក្រោមព្រះរាជវត្តមានដ៏ខ្ពង់ខ្ពស់បំផុតរបស់ព្រះមហាក្សត្រនៃព្រះរាជាណាចក្រកម្ពុជា នៅប្រាសាទអង្គរវត្ត កាលពីថ្ងៃទី២១ ខែមីនាកន្លងទៅ ដោយផ្ដើមពីខេត្តសៀមរាប បន្ដដំណើរទៅប្រទេសវៀតណាមមុនគេ មុនបន្ដទៅហ្វីលីពីន ឥណ្ឌូនេស៊ី និងទីម័រខាងកើត ដែលត្រូវរៀបចំពិធីដង្ហែនាព្រឹកថ្ងៃទី០៤ ខែមេសាស្អែកនេះ ។ឯកឧត្តមបេសកជនពិសេស បានបន្ដថា មកទល់ពេលកម្ពុជា បានត្រៀមខ្លួនរួចរាល់ សម្រាប់ការត្រៀមរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ព្រមទាំងការត្រៀមទទួលបដិសណ្ឋារកិច្ចប្រតិភូ និងអត្តពលិក ក៏ដូចជាភ្ញៀវជាតិ-អន្ដរជាតិទាំងអស់ ដែលចូលរួមព្រឹត្តិការណ៍លើកដំបូង បន្ទាប់ពីកម្ពុជារង់ចាំអស់រយៈពេល ៦៤ឆ្នាំនេះ ។សូមបញ្ជាក់ថា ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីក្រុង Dili ប្រទេសទីម័រខាងកើត នឹងប្រព្រឹត្តទៅ នាព្រឹកថ្ងៃទី០៤ ខែមេសាស្អែក ដោយគ្រោងនឹងមានមន្ដ្រីជាន់ខ្ពស់ ថ្នាក់ដឹកនាំជាច្រើនចូលរួម ពិសេសក៏នឹងមានវត្តមានឯកឧត្តម Jose Ramos-Horta ប្រធានាធិបតីទីម័រខាងកើត ចូលរួមពិធីដង្ហែ និងរត់កាន់ភ្លើងគប់អបអរសាទរកម្មវិធីដ៏មានអត្ថន័យ នៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រនេះផងដែរ ៕អត្ថបទ៖លី ឈុនឡា

៤ឆ្នាំបានបញ្ចប់ Leicester City ចែកផ្លូវគ្នាជាមួយអ្នកចាត់ការ Brendan Rodgers ហើយ

បាល់ទាត់៖ ក្រុមជើងឯក Premier League ឆ្នាំ២០១៦ Leicester City បានឈានដល់ផ្លូវបំបែកជាមួយអ្នកចាត់ការ Brendan Rodgers ហើយក្រោយចាញ់ Crystal Palace ២-១ កាលពីថ្ងៃសៅរ៍។ នោះជាបរាជ័យទី៥ ក្នុងចំណោម ៦ប្រកួតចុងក្រោយដែលធ្វើឱ្យ Leicester ធ្លាក់ចូលក្នុងតំបន់គ្រោះថ្នាក់។ លោក Brendan Rodgers ត្រូវបានតែងតាំងឱ្យដឹកនាំ Leicester កាលពីខែកុម្ភៈ ឆ្នាំ២០១៩ និងធ្លាប់ដឹកនាំក្រុមឈ្នះជើងឯក FA Cup នៅឆ្នាំ២០២១។ ប្រធានក្លិប Leicester ជនជាតិថៃលោក Aiyawatt Srivaddhanaprabha បានឱ្យដឹងថា ការសម្រេចបញ្ចប់តំណែងលោក Rodgers ពិតជារឿងខកចិត្តមួយ តែលទ្ធផលរដូវកាលនេះស្ថិតក្រោមអ្វីដែលក្លិបរំពឹងទុកឆ្ងាយ។ រំលឹកថា បុរសវ័យ ៥០ឆ្នាំរូបនេះធ្លាប់ដឹកនាំ Leicester City បានលេខ៥ ពីរលើកនៅ Premier League ក្នុងតំណែង និងយកឈ្នះ Chelsea នៅវគ្គផ្តាច់ព្រ័ត្រលើកពាន FA Cup នៅឆ្នាំ២០២១។ Leicester City នៅពេលនេះឈរលេខ ១៩ មានត្រឹម ២៥ពិន្ទុក្រោយ ២៨ប្រកួត៕អត្ថបទ៖នាង សុភាវុធ

Chelsea សម្រេចបញ្ចប់តំណែងអ្នកចាត់ការ Graham Potter ក្រោយចាញ់ Aston Villa

បាល់ទាត់៖ ក្លិបតោខៀវ Chelsea បានសម្រេចបញ្ចប់តំណែងអ្នកចាត់ការ Graham Potter ហើយក្រោយដឹកនាំក្រុមបានត្រឹម ៧ខែ និងចុងក្រោយបំផុតចាញ់ Aston Villa ២-០ ក្នុងផ្ទះខ្លួនឯងកាលពីថ្ងៃសៅរ៍។ នេះជាបរាជ័យលើកទី១១ ក្នុងចំណោម ៣១ប្រកួតក្រោមការដឹកនាំរបស់អ្នកចាត់ការសញ្ជាតិអង់គ្លេសរូបនេះ តាំងពីមកជំនួសតំណែងលោក Thomas Tuchel កាលពីថ្ងៃទី៨ ខែកញ្ញា។ Chelsea នៅពេលនេះបានធ្លាក់មកដល់លេខ ១១ នៅ Premier League ១២ពិន្ទុតាមពីក្រោយតំបន់ Top4 ទោះបីបានចំណាយលុយ ៥៥០លានផោនទិញកីឡាកររដូវកាលនេះក្តី។ លោក Bruno Saltor ដែលធ្លាប់ធ្វើការជាមួយ Potter នៅ Brighton នឹងឡើងមកកាន់តំណែងដឹកនាំក្រុមបណ្តោះអាសន្ន។ បន្ទាប់ពីចាញ់ Aston Villa កាលពីថ្ងៃសៅរ៍ Chelsea នឹងត្រូវជួប Liverpool យប់ស្អែកនៅ Premier League មុនពេលជួប Real Madrid ជើងទី១ វគ្គ ៨ក្រុមចុងក្រោយ UEFA Champions League នៅថ្ងៃទី១២ ខែមេសានេះ៕អត្ថបទ៖នាង សុភាវុធ

Max Verstappen ឈ្នះការប្រណាំង F1 នៅអូស្ត្រាលីដែលបញ្ចប់ពីក្រោយរថយន្តសុវត្ថិភាព

ប្រណាំងរថយន្ត៖ ជើងឯកពិភពលោក ២សម័យ Max Verstappen បានប្រជែងឈ្នះការប្រណាំង F1 នៅទឹកដីអូស្ត្រាលីកាលពីថ្ងៃអាទិត្យដែលបញ្ចប់នៅពីក្រោយរថយន្តសុវត្ថិភាព ក្រោយមានទង់ក្រហមដល់ទៅ ៣លើក និង ២លើកនៅពេលជិតចប់ការប្រកួត។ កីឡាករហូឡង់របស់ក្រុម Red Bull, Max Verstappen បាននាំមុខកីឡាករអង់គ្លេស Lewis Hamilton និងកីឡាករអេស្ប៉ាញ Fernando Alonso នៅពេលសល់ប៉ុន្មានជុំចុងក្រោយ មុនពេលដែលកីឡាករដាណឺម៉ាក Kevin Magnussen បើកបររថយន្ត Haas របស់ខ្លួនប៉ះនឹងជញ្ជាំងធ្វើឱ្យមានបំណែកជាច្រើននៅលើទីលាន និងឈានដល់ការលើកទង់ក្រហមផ្អាកការប្រកួត។ ចាប់ផ្តើមឡើងវិញក៏មានការប៉ះទង្គិចគ្នាម្តងទៀត កីឡាកររបស់ក្រុម Alpine ទាំងពីរនាក់ Pierre Gasly និង Esteban Ocon ក៏ប៉ះទង្គិចគ្នាឯងដែលធ្វើឱ្យការប្រកួតឈានដល់មានទង់ក្រហមជាលើកទី៣។ ការប្រកួតនៅសល់តែ ១ជុំធ្វើឱ្យគណៈកម្មការបច្ចេកទេសសម្រេចឱ្យការប្រកួតបញ្ចប់ នៅពីក្រោយរថយន្តសុវត្ថិភាពតែម្តងដែលធ្វើឱ្យ Max Verstappen ឈ្នះលើកទី២ រដូវកាលនេះ តាមពីក្រោយដោយ Lewis Hamilton និង Fernando Alonso ពោលគឺមានរថយន្តតែ ១២ ប៉ុណ្ណោះបញ្ចប់ការប្រកួតក្នុងចំណោម ២០គ្រឿង។ Max Verstappen នៅពេលនេះមាន ៦៩ពិន្ទុ ១៥ពិន្ទុពីលើមិត្តរួមក្រុម Sergio Perez និងលេខ៣ Fernando Alonso មាន ៤៥ពិន្ទុ។ ទីលានបន្ទាប់ Formula One នឹងបន្តទៅដល់ទឹកដីអឺរ៉ុបលើទឹកដីអាស៊ែបៃសង់នៅថ្ងៃទី៣០ ចុងខែមេសានេះ៕អត្ថបទ៖នាង សុភាវុធ

Daniil Medvedev យកឈ្នះ Jannik Sinner លើកពាន Miami Open ជាពានទី៤ ក្នុងឆ្នាំនេះ

វាយកូនបាល់៖ អតីតកីឡាករវាយកូនបាល់លេខ ១ ពិភពលោកសញ្ជាតិរុស្ស៊ី Daniil Medvedev បានគ្រងជើងឯក Miami Open នៅសហរដ្ឋអាមេរិកជាលើកដំបូង ក្រោយយកឈ្នះកីឡាករអ៊ីតាលី Jannik Sinner នៅវគ្គផ្តាច់ព្រ័ត្រ។ កីឡាកររុស្ស៊ីដែលកំពុងលេចធ្លោខ្លាំងក្នុងឆ្នាំ២០២៣ នេះរកបាន Breakpoint ពីរលើកក្នុងសិតដំបូង មុនពេលយកឈ្នះសរុបលទ្ធផល ៧-៥ និង ៦-៣។ នេះជាពានទី៥ នៅក្នុងក្របខណ្ឌ Masters 1000 ក្នុងអាជីពរបស់ Medvedev និងជាពាន ATP លើកទី ៤ គិតតែក្នុងឆ្នាំ ២០២៣ នេះក្រោយគ្រងជើងឯកនៅ Dubai, Doha និង Rotterdam។ ចំណែកកីឡាករអ៊ីតាលី Jannik Sinner មុនឡើងមកដល់វគ្គនេះបានទំលាក់កីឡាករលេខ ១ ពិភពលោក Carlos Alcaraz នៅវគ្គពាក់កណ្តាលផ្តាច់ព្រ័ត្រ តែមិនអាចបន្តរឿងភ្ញាក់ផ្អើលនៅវគ្គផ្តាច់ព្រ័ត្របាន។ ដោយឡែកសម្រាប់ការប្រកួតផ្នែកនារីវិញ ជើងឯក Miami Open បានទៅកីឡាការិនីឆែក Petra Kvitova ដោយបានយកឈ្នះ Elena Rybakina នៅវគ្គផ្តាច់ព្រ័ត្រ។ កីឡាការិនីវ័យ ៣៣ឆ្នាំ Petra Kvitova បានយកឈ្នះអតីតជើងឯក Wimbledon, Rybakina ដោយលទ្ធផល ៧-៦(១៦-១៤) និង ៦-២។ ជ័យជំនះនេះធ្វើឱ្យ Kvitova ឡើងមកលំដាប់ Top10 វិញជាលើកដំបូងតាំងពីខែកញ្ញាឆ្នាំ២០២១៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អាមេរិក និងចិន លេចឡើងនូវភាពតានតឹង ជុំវិញបញ្ហានានា មុនដំណើរទស្សនកិច្ចរបស់លោក Xi នៅខែកញ្ញា

លោក Trump ចុះហត្ថលេខាលើក្រឹត្យ ស្តីពីការរឹតបន្តឹងការនាំចេញ ដើម្បីរក្សារ៉ែសំខាន់ៗ

អ្នករាយការណ៍ពិសេស UN ៖ ជនភៀសសឹកកម្ពុជាគួរត្រូវបានត្រឡប់ទៅភូមិឋានវិញដោយគ្មានការរារាំង

ច្រកចេញចូលតែមួយស្រុករំដួលខេត្ត ស្វាយរៀងផ្ដល់សេវាសាធារណៈជូនពលរដ្ឋមុនថ្ងៃកំណត់

រដ្ឋមន្ត្រីការបរទេសអ៊ីរ៉ង់ក្រើនរំលឹកសមភាគីអឺរ៉ុប ជុំវិញការព្រមឱ្យអាមេរិកប្រើប្រាស់មូលដ្ឋានទ័ពធ្វើប្រតិបត្តិការ

ទឹកជ្រោះ Iguazu ធ្លាក់ខ្លាំងយ៉ាងគំហក់ ពេលដែលកម្រិតទឹកទន្លេឡើងនៅអាមេរិកខាងត្បូង

គុយបានិយាយថា កំណែទម្រង់សេដ្ឋកិច្ចគឺជាជម្រើសអធិបតេយ្យភាព មិនមែនជាការឆ្លើយតបនឹងសម្ពាធ អាមេរិកទេ

ការវាយប្រហារយានដ្រូនបង្កអគ្គិភ័យនៅរោងចក្រថាមពលនៅតំបន់ Volgograd របស់រុស្ស៊ី

យោធាអេស្ប៉ាញ ត្រូវបានដាក់ពង្រាយទៅកាន់ទីក្រុង Ceuta ខណៈការកញ្រ្ជោលឡើងចំនួនជនអន្តោប្រវេសន៍

អ្នកការទូតរុស្ស៊ី៖ ការវាយប្រហាររបស់អ៊ុយក្រែនលើហេដ្ឋារចនាសម្ព័ន្ធថាមពលក្នុងសមុទ្រខ្មៅ បង្កក្តីបារម្ភយ៉ាងខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឧត្តរមានជ័យ និងបាត់ដំបងបើកការប្រកួតពានសម្តេច ឈ្នះរៀងខ្លួន

Brooks Koepka គ្រងជើងឯកវាយកូនគោល LIV Golf Orlando

Shaun Murphy ឈ្នះ Kyren Wilson គ្រងជើងឯកស្នូកឃ័រ Tour Championship

ត្រឹម ១ឆ្នាំក្លិបនៅ Premier League ចំណាយលុយជាង ៣០០លានផោនគ្រាន់តែលើភ្នាក់ងារ

ប្រធានាធិបតីទីម័រ ស្វាគមន៍យ៉ាងកក់ក្ដៅ ចំពោះប្រតិភូកម្ពុជា និងវត្តមានព្រះអគ្គិជ័យកីឡា

៤ឆ្នាំបានបញ្ចប់ Leicester City ចែកផ្លូវគ្នាជាមួយអ្នកចាត់ការ Brendan Rodgers ហើយ

Chelsea សម្រេចបញ្ចប់តំណែងអ្នកចាត់ការ Graham Potter ក្រោយចាញ់ Aston Villa

Max Verstappen ឈ្នះការប្រណាំង F1 នៅអូស្ត្រាលីដែលបញ្ចប់ពីក្រោយរថយន្តសុវត្ថិភាព

Daniil Medvedev យកឈ្នះ Jannik Sinner លើកពាន Miami Open ជាពានទី៤ ក្នុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឧត្តរមានជ័យ និងបាត់ដំបងបើកការប្រកួតពានសម្តេច ឈ្នះរៀងខ្លួន

Brooks Koepka គ្រង​ជើងឯក​វាយកូនគោល LIV Golf Orlando

Shaun Murphy ឈ្នះ Kyren Wilson គ្រង​ជើងឯក​ស្នូកឃ័រ Tour Championship

ត្រឹម ១ឆ្នាំ​ក្លិប​នៅ Premier League ចំណាយលុយ​ជាង ៣០០លាន​ផោន​គ្រាន់តែ​លើ​ភ្នាក់ងារ​

ប្រធានាធិបតីទីម័រ ស្វាគមន៍យ៉ាងកក់ក្ដៅ ចំពោះប្រតិភូកម្ពុជា និងវត្តមានព្រះអគ្គិជ័យកីឡា

៤​ឆ្នាំ​បានបញ្ចប់ Leicester City ចែកផ្លូវ​គ្នា​ជាមួយ​អ្នកចាត់ការ Brendan Rodgers ហើយ

Chelsea សម្រេច​បញ្ចប់​តំណែង​អ្នកចាត់ការ Graham Potter ក្រោយ​ចាញ់ Aston Villa

Max Verstappen ឈ្នះ​ការប្រណាំង F1 នៅ​អូស្ត្រាលី​ដែល​បញ្ចប់​ពីក្រោយ​រថយន្ត​សុវត្ថិភាព​

Daniil Medvedev យកឈ្នះ Jannik Sinner លើក​ពាន Miami Open ជា​ពាន​ទី៤ ក្នុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Brooks Koepka គ្រងជើងឯកវាយកូនគោល LIV Golf Orlando

Shaun Murphy ឈ្នះ Kyren Wilson គ្រងជើងឯកស្នូកឃ័រ Tour Championship

ត្រឹម ១ឆ្នាំក្លិបនៅ Premier League ចំណាយលុយជាង ៣០០លានផោនគ្រាន់តែលើភ្នាក់ងារ

៤ឆ្នាំបានបញ្ចប់ Leicester City ចែកផ្លូវគ្នាជាមួយអ្នកចាត់ការ Brendan Rodgers ហើយ

Chelsea សម្រេចបញ្ចប់តំណែងអ្នកចាត់ការ Graham Potter ក្រោយចាញ់ Aston Villa

Max Verstappen ឈ្នះការប្រណាំង F1 នៅអូស្ត្រាលីដែលបញ្ចប់ពីក្រោយរថយន្តសុវត្ថិភាព

Daniil Medvedev យកឈ្នះ Jannik Sinner លើកពាន Miami Open ជាពានទី៤ ក្នុងឆ្នាំនេះ