BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កីឡាករលោតទឹកអ៊ុយក្រែននឹងពហិការការប្រកួតដែលមានអត្តពលិករុស្ស៊ី និងបេឡារូសចូលរួម

លោតទឹក៖ កីឡាករលោតទឹកអ៊ុយក្រែន Stanislav Oliferchuk កំពុងតែហ្វឹកហាត់នៅទីក្រុងគីវ បន្ទាប់ពីអាងទឹកនៅទីក្រុង Mariupol ត្រូវវាយប្រហារដោយមីសីល ហើយជើងឯកហែលទឹកប្រចាំប្រទេសមួយនេះ ឥឡូវសច្ចាថានឹងមិនចូលរួមព្រឹត្តិការណ៍អន្តរជាតិណាដែលមានអត្តពលិករុស្ស៊ី និងបេឡារួសចូលរួម។ Oliferchuk បានរង់ចាំយ៉ាងអន្ទះសានូវការបើកអាងទឹក Neptun នៅទីក្រុង Mariupol ឡើងវិញបន្ទាប់ពីខូចខាតពីរឆ្នាំមកហើយនោះ។ អាងហែលទឹកនេះជាកន្លែងលេងកីឡាមួយក្នុងចំណោម ៣៤៣កន្លែងដែលរងគ្រោះដោយសារសង្គ្រាមរុស្ស៊ី ដែលរដ្ឋាភិបាលក្រុងម៉ូស្គូហៅថាប្រតិបត្តិការយោធាពិសេស។ "អាងហែលទឹកនេះ ពិតជាមិនគួរឱ្យជឿ ខ្ញុំពិតជារីករាយហ្វឹកហាត់បន្ទាប់ពីជួសជុលរួច។ ពិតជារឿងសោកសៅដែលអាងហែលទឹក និងកន្លែងផ្សេងៗទៀតក្នុងក្រុងត្រូវខ្ទេចខ្ទាំដោយសារសង្គ្រាមបែបនេះ"។ "ពេលមានការប្រកាសអាសន្នពីការវាយប្រហារ យើងក្នុងសំលៀកបំពាក់ហែលទឹកស្ទុះស្ទាចូលកន្លែងគេចគ្រាប់។ គ្មាននរណាម្នាក់ដឹងថា អ្វីនឹងត្រូវរងគ្រោះ ខណៈដែលអត្តពលិករុស្ស៊ីហាត់ដោយគ្មានបារម្ភ។ ពូកគេស្ងប់ស្ងាត់ ហើយទទួលយកអ្វីដែលកំពុងកើតឡើង។ គ្មានផ្លូវដែលឱ្យរុស្ស៊ីចូលរួមប្រកួតទេ បើដូច្នោះមែនខ្លួននឹងពហិការ។" ការលើកឡើងរបស់កីឡាករ Oliferchuk កើតឡើង បន្ទាប់រដ្ឋាភិបាលអ៊ុយក្រែនបាននិយាយថា អត្តពលិកពួកគេនឹងមិនអនុញ្ញាតឱ្យចូលរួមប្រកួតជម្រុះអូឡាំពិកប៉ារីស២០២៤ នោះទេប្រសិនបើប្រកួតប៉ះរុស្ស៊ី។ ថ្មីនេះគណៈកម្មាធិការអូឡាំពិកអន្តរជាតិ(IOC) បានចេញអនុសាសន៍ឱ្យអត្តពលិករុស្ស៊ី និងបេឡារូសមកប្រកួតវិញ តែក្នុងរួបភាពឯកត្តជនក្រោមទង់អព្យាក្រឹត គ្មានទង់ជាតិ និងភ្លេងជាតិ៕អត្ថបទ៖ គង់ ហួន

លោកតាវ័យ ៨៩ឆ្នាំ អ្នកជិះក្តារបន្ទះលើទឹករលកចូលក្នុងកំណត់ត្រាពិភពលោក

ជប៉ុន៖ ម្ចាស់ក្រុមហ៊ុនដ៏មមាញឹកម្នាក់ មួយផ្នែកនៃជីវិតលោក Seiichi Sano បានចាប់ផ្តើមធ្វើរឿងភ្ញាក់ផ្អើលក្នុងវ័យ ៨០ឆ្នាំដោយឡើងភ្នំហ្វូជី។ ថ្មីៗនេះទៀតសោតដោយមិនប្រជែងនឹងកំពូលភ្នំ លោកក៏បានដូរមកលេងកីឡាជិះក្តារលើទឹករលក។ លោកតា Seiichi Sano មានប្រសាសន៍ថា “ខ្ញុំអាចនិយាយបានថា គ្រាន់តែចង់រីករាយខ្លួនឯង ហើយចង់ធ្វើអ្វីដែលត្រូវធ្វើដោយគ្មានស្ត្រេស។ ដូច្នោះយើងចូលចិត្តអី និងពូកែអីធ្វើវាចុះ។ ខ្ញុំសប្បាយពេលត្រូវរលកបោកបក់ម្តងៗ ខ្ញុំគិតថានឹងលេងកីឡានេះដល់អាយុ ១០០ឆ្នាំ។ ចំនែកលោក Kazuto Shimizu ដែលជាគ្រូបង្វឹកក៏បានបញ្ជាក់ដែរថា តាមពិតទៅដំបូងខ្ញុំពិតជាមានការភ្ញាក់ផ្អើលនឹងអាយុរបស់គាត់។ ខ្ញុំបារម្ភថា គាត់រងរបួស។ ខ្ញុំអត់ដឹងថា តើកាយសម្បទារបស់គាត់ល្អកម្រិតណានោះទេ ដូច្នោះពេលលឺថាគាត់ ៨០ឆ្នាំជាង ខ្ញុំគិតថាលំបាកហ្វឹកហាត់។ ខ្ញុំគិតថា គាត់ធ្វើរឿងគួរឱ្យភ្ញាក់ផ្អើល ខ្ញុំគោរពគាត់ ខ្ញុំមានអារម្មណ៍ស្និទ្ធស្នាលជាមួយគាត់ ដូចមិត្តភក្ត្រដូចគ្រូសារ ខ្ញុំអាចនិយាយជាមួយគាត់ដោយងាយស្រួល។ ខ្ញុំគិតថា អាយុមិនមែនជាបញ្ហាក្នុងការលេងកីឡាជិះក្តារលើកទឹករលកនោះទេ។ លោក Sano ចូលអាយុ ៩០ឆ្នាំចុងឆ្នាំនេះ ហើយក្រោយទទួលស្គាល់ដោយកំណត់ត្រាពិភពលោក (Guinness World Records) ជាបុរសវ័យចំណាស់បំផុតដែលអាចលេងកីឡាជិះក្តារលើទឹករលកបាន ក៏បានត្រៀមខ្លួនសម្រាប់សាកល្បងធ្វើរឿងផ្សេងៗទៀតដែរ៕ អត្ថបទ៖ គង់ ហួន

សហព័ន្ធកីឡាបេស្បល សុហ្វបលកម្ពុជាប្រកាសតែងតាំងអាជ្ញាកណ្តាលអន្តរជាតិ១

បេស្បល៖ សហព័ន្ធកីឡាបេស្បល សុហ្វបល ប្រកាសតែងតាំងមន្ត្រីអាជ្ញាកណ្តាលអន្តរជាតិ និងមន្ត្រីទទួលបន្ទុកទំនងអន្តរជាតិ ដើម្បីរួមចំណែកអភិវឌ្ឍវិស័យកីឡាបេស្បល សុហ្វបេសនៅកម្ពុជា។ ហើយសហព័ន្ធកីឡាបេស្បល សុហ្វបលកម្ពុជា បានបន្តចុះអនុស្សារណៈយោគយល់គ្នាជាមួយបណ្ដាដៃគូសហការ ដើម្បីជាការរួមចំណែកសម្រាប់ពន្លឿនការអភិវឌ្ឍវិស័យកីឡាបេស្បល សុហ្វបលនៅកម្ពុជាឲ្យកាន់តែរីកចម្រើន និងមានសក្ដានុពលសម្រាប់ការប្រកួតប្រជែងលើឆាកអន្តរជាតិ។ លោក ឆែម ដារា ប្រធានសហព័ន្ធកីឡាបេស្បល សុហ្វបល មានប្រសាសន៍ថា ការចុះអនុស្សារណៈដែលធ្វើឡើងជាមួយដៃគូសហការជាបន្តបន្ទាប់នេះ បានធ្វើឡើងក្នុងគោលដៅចូលរួមអភិវឌ្ឍវិស័យកីឡាបេស្បល សុហ្វបលរបស់កម្ពុជាឲ្យកាន់តែរីកចំរើន និងមានសក្ដានុពលសម្រាប់ការប្រកួតប្រជែងលើឆាកអន្តរជាតិ។ សូមបញ្ជាក់ថា អនុស្សារណៈយោគយល់គ្នានៃការប្រកាសតែងតាំង របស់សហព័ន្ធកីឡាបេស្បល សុហ្វបលកម្ពុជា ជាមួយដៃគូនេះជាលើកទី២ ហើយ ដោយអនុស្សារណៈលើកទី១ ធ្វើជាមួយដៃគូជប៉ុន តែងតាំងគ្រូបង្វឹកអន្តរជាតិ និងទូតសុច្ឆន្ទៈរបស់សហព័ន្ធ មានតួនាទីគៀងគរស្វែងរកមូលនិធិនៅប្រទេសជប៉ុន ដើម្បីជួយដល់សហព័ន្ធ៕

CAMSOC សម្រេចទទួលយកជាង ៣០០០គ្រែក្នុងភូមិកីឡាស៊ីហ្គេម២០២៣

ស៊ីហ្គេម៖ នាចុងសប្តាហ៍កន្លងមកនេះ សម្តេចពិជ័យ សេនាទៀ បាញ់ ឧបនាយករដ្ឋមន្ត្រី ប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេម ២០២៣ បានដឹកនាំកិច្ចប្រជុំពីវឌ្ឍនភាពចុងក្រោយ នៃដំណើរការសាងសង់ភូមិកីឡានៅពហុកីឡដ្ឋានជាតិមរតកតេជោ មុនចុះពិនិត្យការសាងសង់ផ្ទាល់។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតស៊ីហ្គេម និងអាស៊ានប៉ារ៉ាហ្គេម ២០២៣ មានប្រសាសន៍ថា ក្រោយពីកិច្ចប្រជុំ និងការពិនិត្យជាក់ស្តែង គណៈកម្មាធិការ CAMSOC កំណត់យក ៣៥០០គ្រែ សម្រាប់ទទួលអត្តពលិកមកពីប្រទេសអាស៊ីអាគ្នេយ៍ ដែលមកចូលរួមក្នុងការប្រកួត ស្នាក់នៅក្នុងភូមិកីឡា ហើយដោយសារភូមិកីឡានៅជិតពហុកីឡដ្ឋានជាតិមរតកតេជោ កីឡាករ កីឡាការិនីដែលត្រូវប្រកួតប្រភេទកីឡាលេងនៅក្នុងនោះភាគច្រើនស្នាក់នៅភូមិកីឡា ចំនែកកីឡាមួយចំនួនទៀតដែលលេងនៅពហុកីឡដ្ឋានជាតិអូឡាំពិក នឹងត្រូវស្នាក់នៅក្នុងសណ្ឋាគារក្បែរៗនោះដែលមកដល់ពេលនេះបានរៀបចំរួចរាល់ហើយ។ ក្នុងពិធីប្រគល់ប្រាក់រង្វាន់សម្តេចតេជោជូនជយលាភីស៊ីហ្គេម២០២១ថ្មីៗនេះ សម្តេចពិជ័យសេនាទៀ បាញ់ បានជំរុញគណៈកម្មការស្នាក់នៅ ហូបចុក និងដឹកជញ្ជូនបន្តរៀបចំទីកន្លែងស្នាក់នៅ នៅភូមិកីឡាឱ្យបានហ្មត់ចត់តាមស្មារតី ចុះត្រួតពិនិត្យរសៀលថ្ងៃទី៣១ ខែមីនា ឆ្នាំ២០២៣ ក្នុងនោះត្រូវយកចិត្តទុកដាក់ការធ្វើអនាម័យ ការបំពាក់ម៉ាស៊ីនត្រជាក់ អគ្គិសនី សេវាកម្មគ្រប់គ្រងបន្ទប់ ការបំពាក់សម្ភារៈដំណេកកន្លែងស្នាក់នៅ និងសាងសង់សាលអាហារតាមស្តង់ដារកំណត់។ ជាមួយគ្នានោះត្រូវបន្តធ្វើការបត់បែនកែសម្រួលឡើងវិញនូវផែនការហូបចុក និងដឹកជញ្ជួន ដោយសហការជាមួយគណៈកម្មការសន្តិសុខ និងសណ្តាប់ធ្នាក់ និងគណៈកម្មការជំនាញពាក់ព័ន្ធផ្សេងៗទៀត។ សូមបញ្ជាក់ថា ការប្រកួតស៊ីហ្គេម២០២៣ នេះ កីឡាភាគច្រើនលេងនៅរាជធានីភ្នំពេញ ក្រៅពីនោះដូចជាកីឡាទូកនៅខេត្តកំពត កីឡាទ្រីអាត្លុងនៅខេត្តកែប កីឡាទូកក្តោង បាល់ទះឆ្នេរក្សាច់ និងម៉ូតូទឹកលេងនៅខេត្តព្រះសីហនុ និងកីឡាម៉ារ៉ាតុង ប្រណាំងកង់ និងកង់ភ្នំពេញលេងនៅខេត្តសៀមរាប៕អត្ថបទ៖ គង់ ហួន

ក្រុមបាល់ទឹកកម្ពុជាប្រកួតមិត្តភាពអន្តរជាតិជាមួយសិង្ហបុរីត្រៀមស៊ីហ្គេម២០២៣

បាល់ទឹក៖ ថ្មីៗនេះក្រុមកីឡាបាល់ទឹកកម្ពុជាបានប្រកួតមិត្តភាពអន្តរជាតិជាមួយប្រទេសសិង្ហបុរី ត្រៀមសម្រាប់ការប្រកួតកីឡាស៊ីហ្គេម២០២៣ នៅព្រះរាជាណាចក្រកម្ពុជានៅអាងហែលទឹកក្នុងពហុកីឡដ្ឋានជាតិ ក្រោមអធិបតីភាពឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជួន និងជាប្រធានសហព័ន្ធខ្មែរកីឡាហែលទឹក។ការប្រកួតនេះរៀបចំឡើងដោយសហព័ន្ធខ្មែរកីឡាហែលទឹក ក្នុងគោលបំណងដើម្បីឱ្យកីឡាករបាល់ទឹកកម្ពុជាអាចដកស្រង់បទពិសោធន៍ ក៏ដូចជាផ្ដល់លទ្ធភាពឱ្យពួកគាត់បានសាកល្បងបច្ចេកទេស និងវាស់ស្ទង់កម្រិតសមត្ថភាពរបស់ខ្លួន បន្ទាប់ពីបានហ្វឹកហាត់មួយរយៈពេល និងជាឱកាសមួយសម្រាប់កម្ពុជាអាចពង្រឹងសមត្ថភាព កីឡាករ និងគ្រូបង្វឹករបស់ខ្លួនដើម្បីត្រៀមចូលរួមការប្រកួតកីឡាស៊ីហ្គេមឆ្នាំ២០២៣ នេះ។ សូមជម្រាបជូនថា លទ្ធផលនៃការប្រកួត ក្រុមជម្រើសជាតិបាល់ទឹកសិង្ហបុរីឈ្នះក្រុមជម្រើសជាតិបាល់ទឹកកម្ពុជា ១៥ទល់នឹង៩ ហើយក្រោយចូលឆ្នាំរួចក្រុមទាំងពីរនឹងជួបជាមួយគ្នាម្តងទៀត៕ អត្ថបទ៖ គង់ ហួន

បាល់ទាត់ពានរង្វាន់សម្តេចតេជោ២០២៣ ឈានដល់សប្តាហ៍ទី២

បាល់ទាត់៖ នៅថ្ងៃអង្គារ និងពុធនេះ ការប្រកួតកីឡាបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន ២០២៣ ឈានចូលសប្តាហ៍ទី២ នៃការប្រកួតហើយ បន្ទាប់ពីដំណើរការប្រកួតតាំងពីថ្ងៃទី២៨ ខែមីនា ឆ្នាំ២០២៣។ សម្រាប់ការប្រកួតថ្ងៃអង្គារពូល C យុវជនខេត្តបាត់ដំបងទទួលខេត្តបន្ទាយមានជ័យនៅទីលានបាល់ទាត់សាលាបឋមសិក្សាតាគ្រាម ឯសូហ្វីយ៉ាប៉ៃលិនប្រកួតជាមួយខេត្តឧត្តរមានជ័យ នៅទីលានបាល់ទាត់សាលាតម្រង់ទិសវិទ្យាល័យហ៊ុន សែន ក្រុងទេពនិម្មិតប៉ៃលិន។ ចំនែកថ្ងៃពុធ ការប្រកួតនៅពូក D វិញ ក្រុមបាល់ទាត់ខេត្តព្រះវិហារ ព្រះវិហារអេហ្វស៊ី ទទួលសមាគមកីឡាខេត្តមណ្ឌលគីរីនៅទីលានសាលាតម្រង់វិទ្យាល័យជា ស៊ីមត្បែងមានជ័យ ខណៈដែលខេត្តសៀមរាប ប្រកួតជាមួយដំរីឦសានខេតត្តរតនគីរីនៅកីឡដ្ឋានខេត្តសៀមរាប ស្វាយធំ។ ការប្រកួតទាំងអស់នេះលេងនៅម៉ោង ៣និង៣០នាទីរសៀល ហើយ BTV News និងផេកផ្លូវការរបស់គណៈកម្មការរៀបចំការប្រកួតបាល់ទាត់ពានរង្វាន់សម្តេចតេជោ ហ៊ុនសែន។ ការប្រកួតកីឡាបាល់ទាត់ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣ មាន ២០ក្រុមមកពីទូទាំងព្រះរាជាណាចក្រកម្ពុជាចូលរួម ហើយការប្រកួតឆ្នាំនេះប្រាក់រង្វាន់ទាំងថ្នាក់ខេត្ត ថ្នាក់ជាតិសុទ្ធតែតម្លើង។ លទ្ធផលការប្រកួតសប្តាហ៍កន្លងទៅ ពូល A ខេត្តកែបចាញ់កំពង់ស្ពឺ ១ទល់នឹង២ ខេត្តកំពតស្មើព្រះសីហុន ១ទល់នឹង១ ចំនែកពូល B កំពង់ឆ្នាំងស្មើស្វាយរៀង ១ទល់នឹង១ និងខេត្តកំពង់ចាម ចាញ់ខេត្តត្បូងឃ្មុំ ០ទល១។ ការប្រកួតពានថ្នាក់ខេត្តនឹងបញ្ចប់នៅថ្ងៃទី៧ ខែតុលា ឆ្នាំ២០២៣ ខាងមុខនេះ៕អត្ថបទ៖ គង់ ហួន

ប្រាក់រង្វាន់លើកទឹកចិត្តរបស់សម្តេចតេជោ និងសម្តេចកិត្តិព្រឹទ្ធបណ្ឌិត ត្រូវផ្តល់ជូនម្ចាស់មេដាយស៊ីហ្គេម២០២១

ស៊ីហ្គេម៖ ប្រាក់រង្វាន់លើកទឹកចិត្ត ៤១១,២០០ដុល្លារសហរដ្ឋអាមេរិក (បួនរយដប់មួយពាន់ ពីររយដុល្លារអាមេរិក) ដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ត្រូវបានផ្តល់ជូនកីឡាករ កីឡាការិនីម្ចាស់មេដាយស៊ីហ្គេម ២០២១ នៅវៀតណាម ដែលលើកមកប្រកួតនៅឆ្នាំ២០២២ កំឡុងខែឧសភា ក្រោមអធិបតីភាពសម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នៅក្រសួងការពារជាតិ។ ឯកឧត្តម ថោង ខុន ប្រធានគណៈកម្មាធិការជាតិអូឡាំពិកកម្ពុជា និងជាអនុប្រធានអចិន្ត្រៃយ៍ CAMSOC-CAMAPGOC លើកឡើងថា ការប្រកួតស៊ីហ្គេមនៅវៀតណាមកន្លងទៅជិតមួយឆ្នាំនេះ ប្រតិភូកីឡាកម្ពុជាដណ្តើមបានមេដាយសរុបចំនួន ៦៣ ក្នុងនោះមានមេដាយមាស ៩, មេដាយប្រាក់ ១៣, និងមេដាយសំរឹទ្ធិ ៤១ ដែលជាចំនួនមេដាយខ្ពស់ជាងការប្រកួតកន្លងមក ដូចនេះកម្ពុជាស្ថិតក្នុងចំណាត់ថ្នាក់ប្រទេសទី៨ ក្នុងចំណោម ១១ប្រទេស។ កីឡាដែលដណ្តើមបានមេដាយក្នុងការប្រកួតរួមមាន៖ កីឡាវ៉ូវីណាម ឃីកបុស៊ីង ប៉េតង់ តេក្វាន់ដូ ចំបាប់ ទូករ៉ូវីង ជីជិតស៊ូ វូស៊ូ យូដូ ប្រដាល់សលក កាយសម្ព័ន្ធ ការ៉ាតេ បាល់ទះក្នុងសាល គុនខ្មែរ និងកីឡាហែលទឹក (Finswimming)។ ឯកឧត្តមបន្តថា កន្លងមក សម្តេចពិជ័យសេនា ក៏បានផ្តល់ប្រាក់រង្វាន់របស់រាជរដ្ឋាភិបាលដល់ជ័យលាភី SEA Games លើកទី៣១ តាមរយៈក្រសួងអប់រំ យុវជននិងកីឡា ជាទឹកប្រាក់សរុបចំនួន ៣,៤៥៨,២០០,០០០ រៀល (បីពាន់បួនរយហាសិបប្រាំបីលាន ពីរសែន)។ ឯកឧត្តមក៏បាន ថ្លែងអំណរគុណយ៉ាងជ្រាលជ្រៅជាទីបំផុតចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានយកចិត្តទុកដាក់ខ្ពស់ផ្តល់យន្តហោះពិសេស “Cambodia Airway” ដឹកជញ្ជូនកីឡាករ-កីឡាការិនី និងប្រតិភូកីឡាកម្ពុជាទៅចូលរួមប្រកួតយ៉ាងកក់ក្តៅជាទីបំផុត ហើយពេលនេះ សម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត បានលើកទឹកចិត្តផ្តល់ប្រាក់រង្វាន់ផ្ទាល់របស់សម្តេចទាំងទ្វេ ដល់គ្រូបង្វឹក គ្រូជំនួយ និងកីឡាករ-កីឡាការិនីជ័យលាភីទាំងអស់ក្នុងទឹកប្រាក់សរុបចំនួន ៤១១,២០០ដុល្លារ។សម្តេចពិជ័យសេនា ទៀ បាញ់ បានមានប្រសាសន៍ថា រហូតមកដល់នាពេលបច្ចុប្បន្ននេះ តាមរយៈគណៈកម្មាធិការជាតិរៀបចំការប្រកួតបានត្រៀមលក្ខណៈសម្បត្តិ ទាំងហេដ្ឋារចនាសម្ព័ន្ធកីឡា ហេដ្ឋារចនាសម្ព័ន្ធគាំទ្រដទៃទៀត អភិវឌ្ឍន៍សមត្ថភាពធនធានកីឡា មន្ត្រីជំនាញបច្ចេកទេសប្រភេទកីឡា និងការពង្រឹងសហព័ន្ធកីឡាជាតិ តាមរយៈយន្តការគណៈកម្មការទាំង១៤ ដែលមានបទពិសោធន៍រៀបចំព្រឹត្តិការណ៍ធំៗកន្លងមកទទួលបានជោគជ័យ។ ខណៈនោះសម្តេចពិជ័យសេនា បានថ្លែងអំណរគុណយ៉ាងជ្រាលជ្រៅបំផុត ចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ដែលជានិច្ចកាលតែងតែលើកកម្ពស់វិស័យកីឡា ដែលជាវិស័យអាទិភាពមួយរបស់ជាតិ និងជាកត្តាចម្បងក្នុងការបង្កើនប្រសិទ្ធភាព គុណភាព គុណផលកីឡា ត្រៀមខ្លួនរបស់អត្តពលិក និងពង្រឹងគុណភាពការប្រកួតគ្រប់កម្រិត សំដៅដណ្តើមបានលទ្ធផលល្អប្រសើរ ក្នុងការប្រកួតកីឡាលើឆាកអន្តរជាតិ ពិសេសដំណើរឆ្ពោះទៅស៊ីហ្គេម និងអាស៊ានប៉ារ៉ាហ្គេម២០២៣។សូមជម្រាបជូនថា កីឡាករ កីឡាការិនីដែលជាម្ចាស់មេដាយមាសទទួលបានប្រាក់រង្វាន់ ៥,០០០ដុល្លារ មេដាយប្រាក់ ៣,០០០ដុល្លារ និងមេដាយសំរឹទ្ធិ ២,០០០ដុល្លារ រីឯគ្រូបង្វឹកទទួលដូចមេដាយខ្ពស់បំផុតរបស់កីឡាករ-កីឡាការិនីរបស់ខ្លួន និងគ្រូជំនួយទទួល ៧០% ផងដែរ។ ស៊ីហ្គេម ២០២១ កម្ពុជាបានបញ្ជូនអត្តពលិក ៣៦៣នាក់ ប្រកួតលើ ៣៣ប្រភេទកីឡាក្នុងចំណោម ៤០កីឡាដែលម្ចាស់ផ្ទះវៀតណាមកំណត់ប្រកួត៕ អត្ថបទ៖ គង់ ហួន

Shaun Murphy ឡើងវគ្គពាក់កណ្តាលផ្តាច់ព្រ័ត្រស្នូកឃ័រ Tour Championship

ស្នូកឃ័រ៖ កីឡាករស្នូកឃ័រសញ្ជាតិស្កុតឡែន Shaun Murphy បានបន្តដំណើរឡើងវគ្គពាក់កណ្តាលផ្តាច់ព្រ័ត្រការប្រកួតពានរង្វាន់ Tour Championship ហើយក្រោយយកឈ្នះកីឡាករ Robert Milkins។ ការប្រកួតដែលរៀបចំនៅទីក្រុង Hull ចក្រភពអង់គ្លេស Shaun Murphy ត្រូវតាមពីក្រោយការនាំមុខរបស់ Robert Milkins ៥-១ហ្វ្រេម ដោយបានយកឈ្នះ ៩ ក្នុងចំណោម ១២ហ្វ្រេមចុងក្រោយរហូតយកឈ្នះវិញ ១០-៨ហ្វ្រេមនៅទីបញ្ចប់។ គូប្រកួតបន្ទាប់របស់កីឡាករវ័យ ៤០ឆ្នាំ Shaun Murphy គឺនឹងត្រូវជួបអ្នកឈ្នះរវាងកីឡាករអង់គ្លេស Mark Selby រឺ Ryan day។ លទ្ធផលផ្សេងទៀតរួមមានកីឡាករអង់គ្លេស Kyren Wilson យកឈ្នះមិត្តរួមជាតិ Ali Carter ១០-៤ហ្វ្រេម ដើម្បីជួបជាមួយកីឡាករចិន Ding Junhui ដែលបានយកឈ្នះកីឡាករអៀកឡង់ខាងជើង Mark Allen។ សូមបញ្ជាក់ថា Tour Championship មានកីឡាករចូលរួមត្រឹម ៨នាក់ប៉ុណ្ណោះ ដែល ៨នាក់នេះកំណត់ដោយពិន្ទុ Ranking នៃ Tournament ផ្សេងៗដែលស្ថិតក្រោមការគ្រប់គ្រងរបស់ Snooker Tour ក្នុងឆ្នាំ២០២៣ នេះ។ ជើងឯក Tour Championship នឹងទទួលបានប្រាក់រង្វាន់ ១៥ម៉ឺនផោន៕អត្ថបទ៖នាង សុភាវុធ

Nottingham Forest បាត់បង់ខ្សែប្រយុទ្ធ Chris Wood ដល់ចប់រដូវកាលដោយសាររបួស

បាល់ទាត់៖ ខ្សែប្រយុទ្ធរបស់ក្រុម Nottingham Forest, Chris Wood នឹងត្រូវសម្រាកដល់ចប់រដូវកាលដោយសាររបួសភ្លៅ។ កីឡាករសញ្ជាតិនូវេហ្ស៊ីឡង់ដែលមកកាន់ Forest កាលពីខែមករាក្នុងលក្ខខណ្ឌខ្ចីនោះបានរងរបួសភ្លៅនេះកាលពីថ្ងៃទី១ ខែមីនា តែនៅតែត្រូវបានកោះហៅចូលក្រុមជម្រើសជាតិ ទោះមិនបង្ហាញខ្លួនក៏ដោយ។ អ្នកចាត់ការ Nottingham Forest លោក Steve Cooper បានបន្ថែមទៀតថា ក្រុមរបស់លោកក៏មានបញ្ហារបួសកីឡាករផ្សេងទៀតដែរខ្សែប្រយុទ្ធ Brennan Johnson និង Andre Ayew ក៏ដូចជាខ្សែបម្រើ Serge Aurier និង Gustavo Scarpa។ យ៉ាងណាក្តីខ្សែប្រយុទ្ធ Taiwo Awoniyi ដែលមានរបួសក្រលៀនតាំងពីដើមខែមករា ក៏ដូចជាខ្សែបម្រើ Cheikhou Kouyate ដែលមានរបួសសរសៃពួរតាំងពីខែវិច្ឆិកានោះ បានត្រលប់មកហ្វឹកហាត់ពេញលេងវិញហើយ។ Nottingham Forest កំពុងឈរចំណាត់ថ្នាក់លេខ ១៦ នៅ English Premier League នឹងត្រូវទទួលភ្ញៀវ Wolverhampton នៅថ្ងៃសៅរ៍ស្អែកនេះ៕អត្ថបទ៖នាង សុភាវុធ

អាហ្សង់ទីនដាក់ពាក្យសុំធ្វើម្ចាស់ផ្ទះ U-20 World Cup ក្រោយឥណ្ឌូនេស៊ីត្រូវដកសិទ្ធិ

បាល់ទាត់៖ ប្រធាន FIFA លោក Gianni Infantino បានឱ្យដឹងថា FIFA បានទទួលសំណើពីអាហ្សង់ទីនពីការស្នើសុំធ្វើជាម្ចាស់ព្រឹត្តិការណ៍បាល់ទាត់ពិភពលោកអាយុក្រោម ២០ឆ្នាំ FIFA U-20 World Cup បន្ទាប់ពីឥណ្ឌូនេស៊ីត្រូវបានដកសិទ្ធិ។ ប្រធានសមាគមបាល់ទាត់អាមេរិកឡាទីនលោក Alejandro Dominguez បានប្រគល់សំណើនេះនៅប្រទេសប៉ារ៉ាហ្កាយ មុនមហាសន្និបាទរបស់សហព័ន្ធបាល់ទាត់អាមេរិកខាងត្បូងនៅថ្ងៃសុក្រនេះ។ ស្ថាប័នបាល់ទាត់ពិភពលោក FIFA បានសម្រេចដកសិទ្ធិជាម្ចាស់ផ្ទះរៀបចំបាល់ទាត់ពិភពលោកអាយុក្រោម ២០ឆ្នាំ FIFA U-20 World Cup ពីប្រទេសឥណ្ឌូនេស៊ី បន្ទាប់ពីផ្ទុះការតវ៉ាដែលឈានដល់ការលុបចោលកម្មវិធីចាប់ឆ្នោត ពោលគឺខ្វះតែ ៨សប្តាហ៍ទៀតប៉ុណ្ណោះព្រឹត្តិការណ៍នឹងឈានចូលមកដល។ ឥណ្ឌូនេស៊ីមិនមានទំនាក់ទំនងការទូតផ្លូវការណាមួយជាមួយអ៊ីស្រាអែលទេ ខណៈក្រុមអ្នកតវ៉ាបានធ្វើបាតុកម្មទាមទារមិនឱ្យមានវត្តមានអ៊ីស្រាអែលនៅការប្រកួតនេះ ក្នុងគោលដៅគាំទ្រដល់ប៉ាឡេស្ទីន។ FIFA នឹងប្រកាសពីលទ្ធភាពរបស់អាហ្សង់ទីនសុំធ្វើម្ចាស់ផ្ទះ U-20 World Cup នៅប៉ុន្មានថ្ងៃខាងមុខនេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង

ឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ

កូរ៉េខាងជើង៖ ការពង្រីកកងកម្លាំងអាមេរិក នៅជប៉ុន បង្កើនហានិភ័យនៃការប៉ះទង្គិច នៅឧបទ្វីបកូរ៉េ

តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧

ជប៉ុនបាញ់សាកល្បងមីស៊ីល Tomahawk ជាលើកដំបូង ចេញពីនាវាចម្បាំង

សារព័ត៌មាន៖ សម្ព័ន្ធមិត្តមិនទាន់ត្រៀមផ្តល់ជំនួយយោធាដោយផ្ទាល់ដល់អាមេរិកក្នុងជម្លោះជាមួយអ៊ីរ៉ង់ទេ

ការសិក្សា៖ ក្មេងជំទង់អូស្ត្រាលីភាគច្រើន នៅតែប្រើប្រាស់បណ្ដាញសង្គម ៣ខែក្រោយមានបម្រាម

អាមេរិក និងចិន លេចឡើងនូវភាពតានតឹង ជុំវិញបញ្ហានានា មុនដំណើរទស្សនកិច្ចរបស់លោក Xi នៅខែកញ្ញា

លោក Trump ចុះហត្ថលេខាលើក្រឹត្យ ស្តីពីការរឹតបន្តឹងការនាំចេញ ដើម្បីរក្សារ៉ែសំខាន់ៗ

អ្នករាយការណ៍ពិសេស UN ៖ ជនភៀសសឹកកម្ពុជាគួរត្រូវបានត្រឡប់ទៅភូមិឋានវិញដោយគ្មានការរារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករលោតទឹកអ៊ុយក្រែននឹងពហិការការប្រកួតដែលមានអត្តពលិករុស្ស៊ី និងបេឡារូសចូលរួម

លោកតាវ័យ ៨៩ឆ្នាំ អ្នកជិះក្តារបន្ទះលើទឹករលកចូលក្នុងកំណត់ត្រាពិភពលោក

សហព័ន្ធកីឡាបេស្បល សុហ្វបលកម្ពុជាប្រកាសតែងតាំងអាជ្ញាកណ្តាលអន្តរជាតិ១

CAMSOC សម្រេចទទួលយកជាង ៣០០០គ្រែក្នុងភូមិកីឡាស៊ីហ្គេម២០២៣

ក្រុមបាល់ទឹកកម្ពុជាប្រកួតមិត្តភាពអន្តរជាតិជាមួយសិង្ហបុរីត្រៀមស៊ីហ្គេម២០២៣

បាល់ទាត់ពានរង្វាន់សម្តេចតេជោ២០២៣ ឈានដល់សប្តាហ៍ទី២

Shaun Murphy ឡើងវគ្គពាក់កណ្តាលផ្តាច់ព្រ័ត្រស្នូកឃ័រ Tour Championship

Nottingham Forest បាត់បង់ខ្សែប្រយុទ្ធ Chris Wood ដល់ចប់រដូវកាលដោយសាររបួស

អាហ្សង់ទីនដាក់ពាក្យសុំធ្វើម្ចាស់ផ្ទះ U-20 World Cup ក្រោយឥណ្ឌូនេស៊ីត្រូវដកសិទ្ធិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​លោតទឹក​អ៊ុយ​ក្រែ​ន​នឹង​ពហិការ​ការប្រកួត​ដែល​មាន​អត្ត​ព​លិ​ក​រុស្ស៊ី និង​បេឡា​រូស​ចូលរួម​

លោកតា​វ័យ​ ៨៩​ឆ្នាំ អ្នក​ជិះ​ក្តារ​បន្ទះ​លើ​ទឹក​រលក​ចូល​ក្នុង​កំណត់ត្រា​ពិភពលោក​

សហព័ន្ធ​កីឡា​បេ​ស្ប​ល សុ​ហ្វ​ប​ល​កម្ពុជា​ប្រកាស​តែង​តាំង​អាជ្ញា​កណ្តាល​អន្តរជាតិ​១

CAMSOC សម្រេច​ទទួលយក​ជាង ​៣០០០​គ្រែ​ក្នុង​ភូមិ​កីឡា​ស៊ី​ហ្គេម​២០២៣

ក្រុម​បាល់​ទឹក​កម្ពុជា​ប្រកួត​មិត្តភាព​អន្តរជាតិ​ជាមួយ​សិង្ហ​បុរី​ត្រៀម​ស៊ី​ហ្គេម២០២៣

បាល់ទាត់​ពានរង្វាន់​ស​ម្តេច​តេ​ជោ​២០២៣ ឈានដល់​សប្តាហ៍​ទី​២

Shaun Murphy ឡើង​វគ្គ​ពាក់កណ្តាល​ផ្តាច់ព្រ័ត្រ​ស្នូកឃ័រ Tour Championship

Nottingham Forest បាត់បង់​ខ្សែប្រយុទ្ធ Chris Wood ដល់​ចប់​រដូវ​កាល​ដោយសារ​របួស​

អា​ហ្ស​ង់​ទីន​ដាក់ពាក្យ​សុំ​ធ្វើ​ម្ចាស់ផ្ទះ U-20 World Cup ក្រោយ​ឥណ្ឌូនេស៊ី​ត្រូវ​ដកសិទ្ធិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករលោតទឹកអ៊ុយក្រែននឹងពហិការការប្រកួតដែលមានអត្តពលិករុស្ស៊ី និងបេឡារូសចូលរួម

លោកតាវ័យ ៨៩ឆ្នាំ អ្នកជិះក្តារបន្ទះលើទឹករលកចូលក្នុងកំណត់ត្រាពិភពលោក

សហព័ន្ធកីឡាបេស្បល សុហ្វបលកម្ពុជាប្រកាសតែងតាំងអាជ្ញាកណ្តាលអន្តរជាតិ១

CAMSOC សម្រេចទទួលយកជាង ៣០០០គ្រែក្នុងភូមិកីឡាស៊ីហ្គេម២០២៣

ក្រុមបាល់ទឹកកម្ពុជាប្រកួតមិត្តភាពអន្តរជាតិជាមួយសិង្ហបុរីត្រៀមស៊ីហ្គេម២០២៣

បាល់ទាត់ពានរង្វាន់សម្តេចតេជោ២០២៣ ឈានដល់សប្តាហ៍ទី២

Shaun Murphy ឡើងវគ្គពាក់កណ្តាលផ្តាច់ព្រ័ត្រស្នូកឃ័រ Tour Championship

Nottingham Forest បាត់បង់ខ្សែប្រយុទ្ធ Chris Wood ដល់ចប់រដូវកាលដោយសាររបួស

អាហ្សង់ទីនដាក់ពាក្យសុំធ្វើម្ចាស់ផ្ទះ U-20 World Cup ក្រោយឥណ្ឌូនេស៊ីត្រូវដកសិទ្ធិ