BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Carlos Alcaraz យកឈ្នះ Taylor Fritz ឡើងវគ្គពាក់កណ្តាលផ្តាច់ព្រ័ត្រ Miami Open

វាយកូនបាល់៖ កីឡាករវាយកូនបាល់លេខ ១ ពិភពលោក Carlos Alcaraz ត្រូវការឈ្នះពីរប្រកួតទៀតប៉ុណ្ណោះដើម្បីគ្រងជើងឯកវាយកូនបាល់ Miami Open នៅសហរដ្ឋអាមេរិកក្រោយយកឈ្នះកីឡាករម្ចាស់ស្រុក Taylor Fritz ឡើងវគ្គពាក់កណ្តាលផ្តាច់ព្រ័ត្រ។ ជាការប្រកួតរវាងកីឡាករលំដាប់គុណភាពទាំងពីរនាក់ អ្នកការពារតំណែងជើងឯក Carlos Alcaraz មិនភ្លាត់សូម្បីតែមួយ Breakpoint ដោយយកឈ្នះ Taylor Fritz លទ្ធផល ២សិតផ្ទួនៗ ៦-៤ និង ៦-២។ មុនជួបគ្នានៅវគ្គ ៨នាក់ចុងក្រោយនេះ កីឡាករទាំងពីរឡើងមកដល់វគ្គនេះដោយមិនចាញ់សូម្បីមួយសិតដូចគ្នា។ នៅវគ្គពាក់កណ្តាលផ្តាច់ព្រ័ត្រ Carlos Alcaraz នឹងត្រូវជួបជាមួយកីឡាករលំដាប់លេខ ១០ សញ្ជាតិអ៊ីតាលី Jannik Sinner។ ងាកមកមួយប្រកួតទៀត កីឡាកររុស្ស៊ី Daniil Medvedev ក៏បានកក់កៅអីនៅវគ្គពាក់កណ្តាលផ្តាច់ព្រ័ត្រផងដែរ ក្រោយយកឈ្នះកីឡាករម្ចាស់ផ្ទះអាមេរិកដែលមកពីវគ្គជម្រុះ Christopher Eubank ៦-៣ និង ៧-៥។ ម្ចាស់ជើងឯក US Open ឆ្នាំ២០២១ Daniil Medvedev នឹងបន្តជួបជាមួយមិត្តរួមជាតិរុស្ស៊ី Karen Khachanov នៅវគ្គពាក់កណ្តាលផ្តាច់ព្រ័ត្រ។ ដោយឡែកសម្រាប់ផ្នែកនារីវិញ កីឡាការិនីឆែក Petra Kvitova បានយកឈ្នះកីឡាការិនីរុស្ស៊ី Ekaterina Alexandrova។ ការប្រកួតដែលមានការពន្យាពេលដោយសារភ្លៀងធ្លាក់នោះ ជើងឯក Wimbledon ពីរសម័យ Petra Kvitova បានយកឈ្នះដោយលទ្ធផល ៦-៤, ៣-៦ និង ៦-៣ ដើម្បីឡើងវគ្គពាក់កណ្តាលផ្តាច់ព្រ័ត្រលើកដំបូងក្នុងអាជីពជួបជាមួយកីឡាការិនីរ៉ូម៉ានី Sorana Cirstea៕អត្ថបទ៖នាង សុភាវុធ

រូបសំណាក Messi ត្រូវដាក់តាំងទន្ទឹមគ្នានឹង Pele និង Maradona នៅទីស្នាក់ការ CONMEBOL

បាល់ទាត់៖ រូបសំណាករបស់ Lionel Messi ត្រូវបានដាក់តាំងនៅទន្ទឹមនឹងរូបសំណាករបស់កំពូលកីឡាករអាមេរិកខាងត្បូង Pele និង Diego Maradona នៅទីស្នាក់ការកណ្តាលរបស់សហព័ន្ធអាមេរិកខាងត្បូង (CONMEBOL)។ កីឡាករវ័យ ៣៥ឆ្នាំរូបនេះបានដើរតាមលោក Maradona ដោយដឹកនាំអាហ្សង់ទីនឱ្យឈ្នះពាន World Cup លើកដំបូងរបស់ពួកគេក្នុងរយៈពេល ៣៦ឆ្នាំនៅប្រទេសកាតា។ សហព័ន្ធបាល់ទាត់អាហ្សង់ទីនក៏បានប្តូរឈ្មោះកន្លែងហ្វឹកហាត់របស់ក្រុមជម្រើសជាតិទៅជាឈ្មោះ Messi ផងដែរកាលពីថ្ងៃសៅរ៍ ពីរថ្ងៃបន្ទាប់ពីស៊ុតបញ្ចូលទីគ្រាប់ទី៨០០ របស់ខ្លួនក្នុងការប្រកួតមិត្តភាព ២-០ លើប៉ាណាម៉ា។ Messi បានស៊ុតបញ្ចូលទីគ្រាប់ទី១០០ របស់ខ្លួនឱ្យក្រុមជើងឯកពិភពលោកអាហ្សង់ទីនតាមរយៈគ្រាប់បាល់ Hat-Trick ក្នុងជ័យជំនះ ៧-០ លើ Curacao៕អត្ថបទ៖នាង សុភាវុធ

ឥណ្ឌូនេស៊ីបង្ហាញការស្វាគមន៍ចំពោះពិធីដង្ហែព្រះអគ្គិជ័យកីឡាលើទឹកដីខ្លួន

ឥណ្ឌូនេស៊ី៖ មន្ដ្រីជាន់ខ្ពស់នៃគណៈកម្មាធិការជាតិអូឡាំពិកឥណ្ឌូនេស៊ី បានបង្ហាញការស្វាគមន៍យ៉ាងកក់ក្ដៅចំពោះពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ លើទឹកដីរបស់ខ្លួននាល្ងាចថ្ងៃទី០១ ខែមេសាចុងសប្ដាហ៍នេះនៅជុំវិញពហុកីឡដ្ឋាន Gelora Bung Karno នារដ្ឋធានីហ្សាកាតា។ នេះបើតាមការបញ្ជាក់របស់លោក Harry Warganegara Harun អគ្គលេខាធិការរងទទួលបន្ទុកទំនាក់ទំនងអន្ដរជាតិ តំណាងប្រធានគណៈកម្មាធិការជាតិអូឡាំពិកឥណ្ឌូនេស៊ី ក្នុងជំនួបពិភាក្សាការងារជាមួយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេសដឹកនាំដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម នៅទីស្នាក់ការគណៈកម្មាធិការជាតិអូឡាំពិកឥណ្ឌូនេស៊ី នារដ្ឋធានីហ្សាកាតានៅព្រឹកថ្ងៃទី៣០ ខែមីនា ក្នុងនោះក៏មានការអញ្ជើញចូលរួមពីឯកឧត្តម អ៊ីវ ហ៊ាង ឯកអគ្គរាជទូតកម្ពុជាប្រចាំប្រទេសឥណ្ឌូនេស៊ីផងដែរ។ លោក Harry Warganegara Harun បានបង្ហាញសេចក្ដីរីករាយចំពោះវត្តមានប្រតិភូកម្ពុជា ពិសេសពិធីដង្ហែព្រះអគ្គិជ័យកីឡា និងភ្លើងគប់លើទឹកដីរបស់ខ្លួន ដោយក្នុងនាមគណៈកម្មាធិការជាតិអូឡាំពិកឥណ្ឌូនេស៊ី រីករាយផ្ដល់កិច្ចសហការគ្រប់បែបយ៉ាង ដើម្បីរួមចំណែករៀបចំពិធីដង្ហែនេះឲ្យទទួលបានជោគជ័យ ឆ្ពោះទៅរកពិធីបើកការប្រកួតកីឡាស៊ីហ្គេម-អាស៊ានប៉ារ៉ាប៉ារ៉ាហ្គេមឆ្នាំ២០២៣ នៅកម្ពុជានាពេលឆាប់ៗខាងមុខ។ ជាមួយគ្នាឯកឧត្តម ហោ សារុន បានថ្លែងអំណរគុណអាជ្ញាធរ ក៏ដូចជារដ្ឋអំណាចកីឡាឥណ្ឌូនេស៊ី ពិសេសគណៈកម្មាធិការជាតិអូឡាំពិកឥណ្ឌូនេស៊ីដែលបានគាំទ្រ និងចូលរួមសហការរៀបចំពិធីដង្ហែព្រះអគ្គិជ័យកីឡាដ៏មានអត្ថន័យនេះ។ ឯកឧត្តមបន្ដថា តាមគម្រោងពិធីដង្ហែនាល្ងាចថ្ងៃសៅរ៍នេះនឹងមានអ្នកចូលរួមរត់ប្រមាណជាង ៣០០នាក់ ក្នុងនោះក៏មានមន្ដ្រីទូត និងតំណាងក្រសួងការបរទេស កីឡាករ-កីឡាការិនី ព្រមទាំងវត្តមានកីឡាករ-កីឡាការិនីគុនល្បុក្កតោដែលកំពុងហ្វឹកហាត់នៅទីនោះផងដែរ៕អត្ថបទ៖ លី ឈុនឡា

កីឡាប្រដាល់សកលចេញទៅហាត់នៅកាហ្សាក់ស្ថានត្រៀមស៊ីហ្គេម២០២៣

ប្រដាល់សកល៖ សហព័ន្ធកីឡាប្រដាល់សកលកម្ពុជាបានបញ្ជូនគ្រូបង្វឹក និងកីឡាករ-កីឡាការិនីសរុប ១៩នាក់ទៅបោះជំរំហ្វឹកហាត់នៅប្រទេសកាហ្សាក់ស្ថាន ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមលើកទី៣២ នៅកម្ពុជានាខែឧសភាខាងមុខ។ ថ្លែងក្នុងជំនួបសំណេះសំណាលជាមួយកីឡាករ-កីឡាការិនី មុនចាកចេញពីមាតុភូមិកាលពីថ្ងៃពុធកន្លងទៅ លោក ខេស៊ី បាណេត អនុប្រធានសហព័ន្ធបានលើកទឹកចិត្តគ្រូបង្វឹក និងកីឡាករ-កីឡាការិនី ក៏ដូចជាផ្ដាំផ្ញើត្រូវខិតខំយកចិត្តទុកដាក់ហ្វឹកហាត់ឲ្យបានខ្លាំងក្លា ដ្បិតជាពេលវេលាដ៏សំខាន់ ដើម្បីសម្រួចសមត្ថភាពឲ្យបានមុខស្រួចត្រៀមប្រកួតប្រជែងមេដាយជូនជាតិ ក្នុងការប្រកួតកីឡាស៊ីហ្គេមនាពេលដ៏ខ្លីខាងមុខ។ ជាមួយគ្នានោះដែរក្នុងនាមថ្នាក់ដឹកនាំសហព័ន្ធ លោក ខេស៊ី ក៏បានឧបត្ថម្ភថវិកាសរុបចំនួន ៨,៥០០ដុល្លារដល់ប្រតិភូ គ្រូបង្វឹក និងកីឡាករ-កីឡាការិនី សម្រាប់ការចំណាយផ្សេងៗកំឡុងពេលហ្វឹកហាត់ចាប់ពីថ្ងៃទី៣០ ខែមីនា ដល់ថ្ងៃទី៣០ ខែមេសា ឆ្នាំ២០២៣ ខាងមុខ៕អត្ថបទ លី ឈុនឡា

វេជ្ជបណ្ឌិត សុខ សារឿន៖ ការសង្គ្រោះបន្ទាន់ និងបឋមលើការគាំងបេះដូងដោយសារកម្តៅពិតជាមានសារៈសំខាន់សម្រាប់ស៊ីហ្គេម

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ២០២៣ និងក្រុមហ៊ុន Future Focus Solution រួមគ្នារៀបចំសិក្ខាសាលាស្តីពីការធ្វើរោគវិនិច្ឆ័យ និងការគ្រប់គ្រងស្តីពីការគាំងបេះដូង និងការបាត់ស្មារតីដោយសារកម្តៅថ្ងៃទី៣០ ខែមីនា ឆ្នាំ២០២៣ នៅពហុកីឡដ្ឋានជាតិមរតកតេជោ។ អ្នកឯកទេសមកពីមន្ទីរពេទ្យសិង្ហបុរីលោក Ong Eng Hock, Marcus បានប្រាប់ឱ្យដឹងថា សិក្ខាសាលានេះធ្វើឡើងដើម្បីត្រៀមខ្លួនឆ្លើយតបទៅនឹងករណ៍ដែលត្រូវសង្គ្រោះកីឡាករ ក៏ដូចប្រជាជនទូទៅ។ ចំនែកលោកវេជ្ជបណ្ឌិត សុខ សារឿន ប្រធានគណៈកម្មការវេជ្ជសាស្ត្រកីឡា និងដូពីងបានបញ្ជាក់ថា សិក្ខាសាលានេះមានសារៈសំខាន់ណាស់ ព្រោះជាផ្នែកមួយដ៏សំខាន់ក្នុងការថែរក្សាសុខភាពកីឡាករ ក៏ដូចជាភ្ញៀវដែលអញ្ជើញមកកម្ពុជាកំឡុងស៊ីហ្គេម អាស៊ានប៉ារ៉ាហ្គេម។ សូមជម្រាបជូនថា គណៈកម្មការជំនាញវេជ្ជសាស្ត្រកីឡាបានត្រៀមខ្លួនរួចរាល់ ដើម្បីឆ្លើយតបទៅនឹងបញ្ហាដែលកើតឡើងក្នុងការប្រកួតស៊ីហ្គេមពាក់ព័ន្ធនឹងសុខភាពអត្តពលិក ប្រតិភូចូលរួម ក៏ដូចជាមហាជនដែលចូលរួមគាំទ្រ។ ស៊ីហ្គេម ២០២៣ ដំណើរការពីថ្ងៃទី២៩ ខែមេសាដល់ថ្ងៃទី១៧ ខែឧសភា ខណៈអាស៊ានប៉ារ៉ាហ្គេមពីថ្ងៃទី០៣ ដល់ថ្ងៃទី៩ ខែមិថុនា ឆ្នាំ២០២៣៕

ក្រុមបាល់ទះកម្ពុជាឈ្នះសិង្ហបុរីការប្រកួតពានបីប្រទេសត្រៀមស៊ីហ្គេម

បាល់ទះ៖ ក្រោយពីចាញ់ក្រុមជម្រើសជាតិម្ចាស់ផ្ទះម៉ាឡេស៊ី ម្ចាស់មេដាយសំរឹទ្ធស៊ីហ្គេម ២០២១ កម្ពុជាបានយកឈ្នះសិង្ហបុរីក្នុងលទ្ធផល ៣សិតទល់នឹង១ ការប្រកួតកីឡាបាល់ទះដណ្តើមពានរង្វាន់បីប្រទេស ( Tri-Nation Cup) នៅទីក្រុងកូឡាឡាំពួរយប់ថ្ងៃទី៣០ ខែមីនា ឆ្នាំ២០២៣។ជំនួបនេះពីរសិតដំបូងកម្ពុជានាំមុខក្នុងពិន្ទុ ២៥ ទល់នឹង២០ និង ២៥ទល់នឹង១៩ ប៉ុន្តែសិតទី៣ សិង្ហបុរីវាយបកវិញដោយធ្វើបាន ២៥ទល់នឹង២២ តែយ៉ាងណាក៏ដោយសិតទី៤ កម្ពុជាបានយកឈ្នះ ២៥ទល់នឹង១២។ នេះជាការប្រកួតទី១ របស់ក្រុមបាល់ទះជម្រើសជាតិកម្ពុជា ហើយថ្ងៃនេះត្រូវប្រកួតជាមួយម៉ាឡេស៊ីក្រុម B បើឈ្នះនឹងមានឱកាសឡើងទៅវគ្គបន្ត។នេះជាការប្រកួតត្រៀមស៊ីហ្គេម ២០២៣ ហើយបន្ទាប់ពីត្រឡប់ពីម៉ាឡេស៊ី កម្ពុជាត្រូវលេងមិត្តភាពអន្តរជាតិពីរប្រកួតទៀតជាមួយក្លិបប្រទេសចិនសានតុងថ្ងៃទី៥ និងទី៧ ខែមេសា រួចបន្តហ្វឹកហាត់រហូតដល់ថ្ងៃប្រកួតស៊ីហ្គេម ដែលបាល់ទះនឹងដំណើរការពីថ្ងៃទី០៣ ដល់ថ្ងៃទី១៦ ខែឧសភា ឆ្នាំ២០២៣៕អត្ថបទ៖ គង់ ហួន

កីឡាការិនីហែលទឹកវ័យ ១៦ឆ្នាំកាណាដាបំបែកកំណត់ត្រាហែល ៤០០ម៉ែត្រសេរី

ហែលទឹក៖ កីឡាការិនីហែលទឹកវ័យ ១៦ឆ្នាំកាណាដា Summer McIntosh បានបំបែកកំណត់ត្រាពិភពលោកហែលចំងាយ ៤០០ម៉ែត្រសេរីកាលពីព្រឹកថ្ងៃពុធម្សិលមិញនៅ Pan Am Sports Center ទីក្រុង Toronto ប្រទេសកាណាដា។ Summer McIntosh បានប្រើថេរវេលា ៣នាទី ៥៦វិនាទី ០៨ បំបែកកំណត់ត្រាចាស់ ៣នាទី ៥៦វិនាទី ៤០ ដែលធ្វើបានដោយកីឡាការិនីអូស្ត្រាលី Ariarne Titmus ឆ្នាំមុន។ ការប្រកួតធ្វើឡើងក្នុងន័យជម្រុះរកអត្តពលិកហែលទឹកឆ្នើម ដើម្បីចូលរួមការប្រកួតជើងឯកពិភពលោកនៅ Fukuoka ប្រទេសជប៉ុន និង Pan American Games នៅប្រទេសស៊ីលីឆ្នាំនេះ។ កំណត់ត្រាពិភពលោកនេះក៏បានធ្វើឱ្យ Summer McIntosh មានក្តីសង្ឃឹមខ្ពស់ក្នុងដំណើរឆ្ពោះទៅអូឡាំពិករដូវក្តៅ ២០២៤ នៅទីក្រុងប៉ារីសប្រទេសបារាំងផងដែរ៕អត្ថបទ៖នាង សុភាវុធ

លោក Herve Renard លាលែងពីតំណែងគ្រូបង្វឹកអារ៉ាប៊ីសាអ៊ូឌីតមកដឹកនាំក្រុមនារីបារាំង

បាល់ទាត់៖ លោក Herve Renard បានសម្រេចចាកចេញពីតំណែងគ្រូបង្វឹកក្រុមបាល់ទាត់បុរសជម្រើសជាតិអារ៉ាប៊ីសាអ៊ូឌីតហើយ និងគ្រោងមកដឹកនាំក្រុមបាល់ទាត់នារីជម្រើសជាតិបារាំង។ សហព័ន្ធបាល់ទាត់អារ៉ាប៊ីសាអ៊ូឌីតបានបញ្ជាក់ថា គ្រូបង្វឹកវ័យ ៥៤ឆ្នាំរូបនេះបានស្នើសុំបញ្ចប់កិច្ចសន្យារបស់ខ្លួនកាលពីថ្ងៃអង្គារ។បុរសសញ្ជាតិបារាំងរូបនេះបានមកកាន់តំណែងគ្រូបង្វឹកអារ៉ាប៊ីសាអ៊ូឌីតកាលពីខែកក្កដា ឆ្នាំ២០១៩ និងបានដឹកនាំក្រុមបង្ហាញខ្លួននៅ World Cup លើកទី២ ក្នុងប្រវត្តិសាស្ត្រ ថែមទាំងរកបានជ័យជំនះធំបំផុតលើក្រុមជើងឯកអាហ្សង់ទីន ២-១ នៅ World Cup 2022 កាតាផងដែរ។ លោក Herve Renard ធ្លាប់មានប្រវត្តិដឹកនាំក្រុមជម្រើសជាតិហ្សាំប៊ី និងកូឌីវ័រ ឈ្នះជើងឯកបាល់ទាត់ទ្វីបអាហ្វ្រិក Africa Cup of Nations ផងដែរ។លោក Herve Renard នឹងត្រូវប្រកាសក្លាយជាគ្រូបង្វឹកក្រុមបាល់ទាត់នារីជម្រើសជាតិបារាំងឆាប់ៗនេះជំនួសលោកស្រី Corinne Diacre ដែលត្រូវបានបណ្តេញចេញ ស្របពេលព្រឹត្តិការណ៍បាល់ទាត់នារីជើងឯកពិភពលោកនឹងចាប់ផ្តើមនៅខែកក្កដាខាងមុខ៕អត្ថបទ៖នាង សុភាវុធ

David de Gea បដិសេធសំណើបន្តកិច្ចសន្យាជាមួយ Manchester United

បាល់ទាត់៖ អ្នកចាំទីសញ្ជាតិអេស្ប៉ាញ David de Gea ត្រូវបានគេដឹងថា បានបដិសេធសំណើកិច្ចសន្យាថ្មីជាមួយក្រុមបិសាចក្រហម Manchester United ខណៈកិច្ចសន្យាចាស់នឹងអស់សុពលភាពនៅដំណាច់រដូវកាលនេះ។ កីឡាករវ័យ ៣២ឆ្នាំនេះរូបនេះបានរួមរស់ជាមួយ Manchester United តាំងពីឆ្នាំ២០១១ ម្ល៉េះ និងបានបង្ហាញខ្លួនសរុប ៥២៩ប្រកួតហើយ។ David de Gea ទទួលបានប្រាក់ឈ្នួល ៣៧៥.០០០ផោនក្នុងមួយសប្តាហ៍ ជាអ្នកចាំទីដែលមានប្រាក់ឈ្នួលខ្ពស់បំផុតលើលោក។ ក្នុងការសំណើកិច្ចសន្យាថ្មីនោះត្រូវបានគេដឹងថា David de Gea ត្រូវទម្លាក់ប្រាក់ឈ្នួល តែមិនទាន់មានព័ត៌មានច្បាស់ការណាមួយនៅឡើយ។ ប្រសិនការចរចាកិច្ចសន្យាថ្មីមិនជោគជ័យ Manchester United ក៏មានផែនការត្រៀមរកអ្នកចាំទីថ្មីមកជំនួសដែរ គឺអ្នកចាំទី Brentford បច្ចុប្បន្ន David Raya។ រំលឹកថា David de Gea ធ្លាប់ឈ្នះជើងឯកជាមួយ Manchester United រួមមាន English Premier League, FA Cup Europa League និង League Cup ពីរលើក៕អត្ថបទ៖នាង សុភាវុធ

FIFA ដកសិទ្ធិធ្វើម្ចាស់ផ្ទះ World Cup U-20 ពីឥណ្ឌូនេស៊ី

បាល់ទាត់៖ ស្ថាប័នបាល់ទាត់ពិភពលោក FIFA បានសម្រេចដកសិទ្ធិជាម្ចាស់ផ្ទះរៀបចំបាល់ទាត់ពិភពលោកអាយុក្រោម ២០ឆ្នាំ FIFA U-20 World Cup ពីប្រទេសឥណ្ឌូនេស៊ីហើយ បន្ទាប់ពីផ្ទុះការតវ៉ាដែលឈានដល់ការលុបចោលកម្មវិធីចាប់ឆ្នោតកាលពីថ្ងៃសុក្រសប្តាហ៍មុន។ សមាគមបាល់ទាត់ឥណ្ឌូនេស៊ី PSSI បានបង្ខំចិត្តលុបចោលកម្មវិធីចាប់ឆ្នោតបែងចែកពូល ដែលគ្រោងធ្វើនៅកោះបាលី បន្ទាប់ពីអភិបាលកោះបាលីលោក Wayan Koster បដិសេធមិនទទួលវត្តមានក្រុមអ៊ីស្រាអែល។ ឥណ្ឌូនេស៊ីមិនមានទំនាក់ទំនងការទូតផ្លូវការណាមួយជាមួយអ៊ីស្រាអែលទេ ហើយថ្មីៗនេះក្រុមអ្នកតវ៉ាបានដធ្វើបាតុកម្មទាមទារមិនឱ្យមានវត្តមានអ៊ីស្រាអែលនៅការប្រកួតនេះ ក្នុងគោលដៅគាំទ្រដល់ប៉ាឡេស្ទីន។ ឥណ្ឌូនេស៊ីត្រូវបានប្រកាសទទួលបានរៀបចំ World Cup U-20 នេះកាលពីឆ្នាំ២០១៩ តែនៅពេលនោះមិនទាន់មានការប្រកួតជម្រុះនៅឡើយ ក៏មិនដឹងថាមានវត្តមានក្រុមអ៊ីស្រាអែលរឺអត់។ ជម្លោះអ៊ីស្រាអែល-ប៉ាឡេស្ទីនគឺជាវិបត្តិមួយនៅក្នុងប្រទេសឥណ្ឌូនេស៊ី ដែលមានប្រជាជនភាគច្រើនកាន់សាសនាឥស្លាមច្រើនជាងគេលើពិភពលោក ពោលគឺប្រជាជន ២៧៧លាននាក់គាំទ្រយ៉ាងទូលំទូលាយដល់ប៉ាឡេស្ទីន ទាំងហេតុផលសាសនា និងប្រពៃណីប្រឆាំងអាណានិគមដែលមានតាំងពីឯករាជ្យរបស់ប្រទេសប៉ាឡេស្ទីន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បីបន្ថយការគាំទ្ររបស់អាមេរិកចំពោះអ៊ុយក្រែន

អ៊ីរ៉ង់ព្រមានថា អ៊ីស្រាអែលអាចរៀបចំប្រតិបត្តិការ «ទង់ជាតិក្លែងក្លាយ » បន្ទាប់ពីការវាយប្រហារលើកំពង់ផែអេហ្ស៊ីប

អ៊ីរ៉ង់ទាមទារឲ្យអង្គការសមុទ្រអន្តរជាតិថ្កោលទោសចំពោះការវាយប្រហាររបស់អ៊ុយក្រែនលើនាវារបស់ខ្លួន

IRGC៖ នាវាដឹកប្រេង ២គ្រឿងរងការវាយប្រហារ ហើយ ៤គ្រឿងទៀត ត្រូវបកក្រោយ នៅច្រកសមុទ្រ Hormuz

ចិនធ្វើការល្បាត ក្នុងដែនទឹក នៅភាគខាងកើតនៃកោះតៃវ៉ាន់

ក្រុមហ៊ូទីនៅយេម៉ែន បដិសេធការពាក់ព័ន្ធនឹងការវាយប្រហារដោយយានដ្រូនលើកំពង់ផែអេហ្ស៊ីប

រដ្ឋមន្ត្រីការបរទេសអ៊ីរ៉ង់ ស្នើប៊ុលហ្គារី និងប្រទេសកោះស៊ីបកុំអនុញ្ញាតឲ្យអាមេរិកប្រើមូលដ្ឋានរបស់ខ្លួនវាយប្រហារអ៊ីរ៉ង់

ក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង

ឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ

កូរ៉េខាងជើង៖ ការពង្រីកកងកម្លាំងអាមេរិក នៅជប៉ុន បង្កើនហានិភ័យនៃការប៉ះទង្គិច នៅឧបទ្វីបកូរ៉េ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Carlos Alcaraz យកឈ្នះ Taylor Fritz ឡើងវគ្គពាក់កណ្តាលផ្តាច់ព្រ័ត្រ Miami Open

រូបសំណាក Messi ត្រូវដាក់តាំងទន្ទឹមគ្នានឹង Pele និង Maradona នៅទីស្នាក់ការ CONMEBOL

ឥណ្ឌូនេស៊ីបង្ហាញការស្វាគមន៍ចំពោះពិធីដង្ហែព្រះអគ្គិជ័យកីឡាលើទឹកដីខ្លួន

កីឡាប្រដាល់សកលចេញទៅហាត់នៅកាហ្សាក់ស្ថានត្រៀមស៊ីហ្គេម២០២៣

ក្រុមបាល់ទះកម្ពុជាឈ្នះសិង្ហបុរីការប្រកួតពានបីប្រទេសត្រៀមស៊ីហ្គេម

កីឡាការិនីហែលទឹកវ័យ ១៦ឆ្នាំកាណាដាបំបែកកំណត់ត្រាហែល ៤០០ម៉ែត្រសេរី

លោក Herve Renard លាលែងពីតំណែងគ្រូបង្វឹកអារ៉ាប៊ីសាអ៊ូឌីតមកដឹកនាំក្រុមនារីបារាំង

David de Gea បដិសេធសំណើបន្តកិច្ចសន្យាជាមួយ Manchester United

FIFA ដកសិទ្ធិធ្វើម្ចាស់ផ្ទះ World Cup U-20 ពីឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Carlos Alcaraz យកឈ្នះ Taylor Fritz ឡើង​វគ្គ​ពាក់កណ្តាល​ផ្តាច់ព្រ័ត្រ Miami Open

រូបសំណាក Messi ត្រូវ​ដាក់តាំង​ទន្ទឹមគ្នា​នឹង Pele និង Maradona នៅ​ទីស្នាក់ការ CONMEBOL

ឥណ្ឌូនេស៊ី​បង្ហាញ​ការ​ស្វាគមន៍​ចំពោះ​ពិធី​ដង្ហែ​ព្រះ​អគ្គិ​ជ័យ​កីឡា​លើ​ទឹកដី​ខ្លួន

កីឡាប្រដាល់​សកល​ចេញទៅ​ហាត់​នៅ​កា​ហ្សា​ក់​ស្ថានត្រៀម​ស៊ី​ហ្គេម២០២៣

ក្រុម​បាល់ទះ​កម្ពុជា​ឈ្នះ​សិង្ហ​បុរី​ការប្រកួត​ពាន​បី​ប្រទេស​ត្រៀម​ស៊ី​ហ្គេម

កីឡាការិនី​ហែល​ទឹក​វ័យ ១៦ឆ្នាំ​កាណាដា​បំបែក​កំណត់ត្រា​ហែល ៤០០ម៉ែត្រ​សេរី

លោក Herve Renard លាលែង​ពី​តំណែង​គ្រូបង្វឹក​អារ៉ាប៊ីសាអ៊ូឌីត​មក​ដឹកនាំ​ក្រុម​នារី​បារាំង

David de Gea បដិសេធ​សំណើ​បន្ត​កិច្ចសន្យា​ជាមួយ Manchester United

FIFA ដកសិទ្ធិ​ធ្វើ​ម្ចាស់ផ្ទះ World Cup U-20 ពី​ឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Carlos Alcaraz យកឈ្នះ Taylor Fritz ឡើងវគ្គពាក់កណ្តាលផ្តាច់ព្រ័ត្រ Miami Open

រូបសំណាក Messi ត្រូវដាក់តាំងទន្ទឹមគ្នានឹង Pele និង Maradona នៅទីស្នាក់ការ CONMEBOL

ឥណ្ឌូនេស៊ីបង្ហាញការស្វាគមន៍ចំពោះពិធីដង្ហែព្រះអគ្គិជ័យកីឡាលើទឹកដីខ្លួន

កីឡាប្រដាល់សកលចេញទៅហាត់នៅកាហ្សាក់ស្ថានត្រៀមស៊ីហ្គេម២០២៣

ក្រុមបាល់ទះកម្ពុជាឈ្នះសិង្ហបុរីការប្រកួតពានបីប្រទេសត្រៀមស៊ីហ្គេម

កីឡាការិនីហែលទឹកវ័យ ១៦ឆ្នាំកាណាដាបំបែកកំណត់ត្រាហែល ៤០០ម៉ែត្រសេរី

លោក Herve Renard លាលែងពីតំណែងគ្រូបង្វឹកអារ៉ាប៊ីសាអ៊ូឌីតមកដឹកនាំក្រុមនារីបារាំង

David de Gea បដិសេធសំណើបន្តកិច្ចសន្យាជាមួយ Manchester United

FIFA ដកសិទ្ធិធ្វើម្ចាស់ផ្ទះ World Cup U-20 ពីឥណ្ឌូនេស៊ី