BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Sorana Cirstea ទម្លាក់ Sabalenka ឡើងវគ្គពាក់កណ្តាលផ្តាច់ព្រ័ត្រ Miami Open

វាយកូនបាល់៖ កីឡាការិនីវាយកូនបាល់រ៉ូមេនី Sorana Cirstea បានធ្វើឱ្យមានការភ្ញាក់ផ្អើល បន្ទាប់ពីរកបានជ័យជំនះធំបំផុតក្នុងអាជីពរបស់ខ្លួនក្រោយយកឈ្នះជើងឯក Grand Slam, Australian Open, Aryna Sabalenka ឡើងវគ្គពាក់កណ្តាលផ្តាច់ព្រ័ត្រ Miami Open។ Sorana Cirstea មិនទាន់ចាញ់មួយសិតណាឡើយនៅ Miami Open ឆ្នាំនេះ បន្ទាប់ពីយកឈ្នះកីឡាការិនីលំដាប់លេខ ២ ពិភពលោក Sabalenka ២សិតផ្ទួនៗទៀត ៦-៤ និង ៦-៤។ Sorana Cirstea គឺជាកីឡាការិនីទី៣ ប៉ុណ្ណោះក្នុងឆ្នាំ២០២៣ នេះដែលអាចយកឈ្នះ Aryna Sabalenka។ ជាមួយនឹងជ័យជំនះនេះ កីឡាការិនីវ័យ ៣២ឆ្នាំរូបនេះបានឈានឡើងវគ្គពាក់កណ្តាលផ្តាច់ព្រ័ត្រក្នុងព្រឹត្តិការណ៍ WTA 1000 ជាលើកដំបូងក្នុងរយៈពេល ១០ឆ្នាំ។ ចំណែកការប្រកួតផ្នែកបុរសវិញ កីឡាករអ៊ីតាលី Jannik Sinner បានយកឈ្នះកីឡាករហ្វាំងឡង់ Emil Ruusuvuori ៦-៣ និង ៦-១។ ការប្រកួតនេះត្រូវបានពន្យាពេល ២ម៉ោងដោយសារភ្លៀវធ្លាក់ មុនពេល Jannik Sinner បង្ហើយការប្រកួតយកឈ្នះមិនលំបាក និងចំណាយពេលប្រកួតត្រឹម ១ម៉ោង ១៥នាទី៕អត្ថបទ៖នាង សុភាវុធ

ព្រះអគ្គិជ័យកីឡាស៊ីហ្គេម-អាស៊ានប៉ារ៉ាហ្គេមធ្វើដំណើរដល់រដ្ឋធានីហ្សាកាតា

ស៊ីហ្គេម៖ ព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានធ្វើដំណើរដល់រដ្ឋធានីហ្សាកាតា ប្រទេសឥណ្ឌូនេស៊ីហើយកាលពីល្ងាចថ្ងៃទី២៩ ខែមីនា មុនពិធីដង្ហែផ្លូវការនាល្ងាចថ្ងៃទី០១ ខែមេសា ឆ្នាំ២០២៣ ចុងសប្ដាហ៍នេះ។ ដំណើរគោលចរព្រះអគ្គិជ័យនេះដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស តំណាងគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នឹងមានការអញ្ជើញមកទទួលស្វាគមន៍ពីឯកឧត្តម អ៊ីវ ហ៊ាង ឯកអគ្គរាជទូតកម្ពុជាប្រចាំប្រទេសឥណ្ឌូនេស៊ី និងលោក Wijaya Noeradi អគ្គលេខាធិការរង តំណាងប្រធានគណៈកម្មាធិការជាតិអូឡាំពិកជាតិឥណ្ឌូនេស៊ី នៅអាកាសយានដ្ឋានអន្តរជាតិ Soekarno-Hatta។ បន្ទាប់ពីទៅដល់ទីក្រុងហ្សាកាតា ព្រះអគ្គិជ័យកីឡាត្រូវយកទៅតម្កល់ទុកនៅស្ថានទូតកម្ពុជាប្រចាំប្រទេសឥណ្ឌូនេស៊ី សម្រាប់ត្រៀមរៀបចំពិធីដង្ហែដែលគ្រោងនឹងរៀបចំនាល្ងាចថ្ងៃទី០១ ខែមេសា ក្រោមកិច្ចសហការជាមួយគណៈកម្មាធិការជាតិអូឡាំពិកឥណ្ឌូនេស៊ី ដោយគ្រោងនឹងមានអ្នកចូលរួមប្រមាណ ៣៥០នាក់ទៅ ៤០០នាក់ ក្នុងនោះក៏មានមន្ដ្រីទូតបណ្ដាប្រទេសអាស៊ាននៅទីនោះចូលរួមអបអរសាទរផងដែរ បន្ទាប់ពីបេសកកម្មនៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នេះ បញ្ចប់ការរៀបចំដោយជោគជ័យនៅទីក្រុងហាណូយ ប្រទេសវៀតណាម និងទីក្រុង Tagaytay ប្រទេសហ្វីលីពីនកាលពីថ្មីៗ៕អត្ថបទ៖ លី ឈុនឡា

កម្ពុជាបញ្ចប់នៅចំណាត់ថ្នាក់លេខ១ ការប្រកួតវ៉ូវីណាមជើងឯកអាស៊ីអាគ្នេយ៍២០២៣

វ៉ូវីណាម៖ ការប្រកួតកីឡាវ៉ូវីណាមជើងឯកអាស៊ីអាគ្នេយ៍លើកទី៦ ឆ្នាំ២០២៣ បានបញ្ចប់ដោយជោគជ័យនៅលើទឹកដីកម្ពុជា បន្ទាប់ពីដំណើរការតាំងពីថ្ងៃទី២៥ ខែមីនា ឆ្នាំ២០២៣ នៅសាកលវិទ្យាល័យភូមិន្ទភ្នំពេញ។ ឆ្លងកាត់ការប្រកួតមកនេះក្រុមកីឡាករ កីឡាការិនីកម្ពុជាធ្វើបានល្អមុនការប្រកួតស៊ីហ្គេម ២០២៣ ចូលមកដល់ ដោយដណ្តើមបានមេដាយសរុប ២៩គ្រឿង ក្នុងនោះមេដាយមាស ១០គ្រឿង ប្រាក់ ០៩គ្រឿង និងសំរឹទ្ធ ១០គ្រឿង។ ចំនែកវៀតណាមបញ្ចប់នៅចំណាត់ថ្នាក់លេខ២ ជាមួយមេដាយសរុប ២០គ្រឿង ដែលក្នុងនោះមេដាយមាស ០៩គ្រឿង ប្រាក់ ១១គ្រឿង និងមិនមានមេដាយសំរឹទ្ធនោះទេ។ សហភាពមីយ៉ាន់ម៉ាហក់មកបញ្ចប់នៅចំណាត់ថ្នាក់លេខ៣ ក្រោយឈ្នះមេដាយមាស ០៥គ្រឿង ប្រាក់ ០៤គ្រឿង និងសំរឹទ្ធ ១៩គ្រឿង សរុប ២៨គ្រឿង។ ថៃបញ្ចប់នៅលេខ៤ មេដាយមាស ០៣គ្រឿង ប្រាក់ ០៥គ្រឿង និងសំរឹទ្ធ ០៤គ្រឿង សរុប ១២គ្រឿង។ ឥណ្ឌូនេស៊ីលេខ៥ មេដាយមាស០៣គ្រឿង និងសំរឹទ្ធ ១៦គ្រឿង សរុប ១៩គ្រឿង។ ហ្វីលីពីនឈ្នះមេដាយប្រាក់ ០១គ្រឿង និងមេដាយសំរឹទ្ធ ៦គ្រឿង សរុប ៧គ្រឿង ខណៈឡាវបញ្ចប់នៅក្រោមគេជាមួយមេដាយសំរឹទ្ធ ៤គ្រឿង។ វ៉ូវីណាមជើងឯកអាស៊ីអាគ្នេយ៍លើកនេះដំណើរការប្រកួតពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ ដោយកម្ពុជាមានកីឡាករ កីឡាការិនីចូលរួមប្រកួត ២៧នាក់ ថៃ ១២នាក់ សហភាពមីយ៉ាន់ម៉ា ២០នាក់ ឥណ្ឌូនេស៊ី ២០នាក់ ហ្វីលីពីន ៨នាក់ ឡាវ ១៣នាក់ និងប្រទេសវៀតណាម ៣៧នាក់ សរុបទាំងប្រតិភូដែលចូលរួមការប្រកួតនេះមានជាង ២០០នាក់។ ក្នុងស៊ីហ្គេម ២០២៣ កីឡាវ៉ូវូណាមដំណើរការប្រកួតពីថ្ងៃទី៦ ដល់ថ្ងៃទី៩ ខែឧសភា ដោយមាន ៣០វិញ្ញាសានៅមជ្ឈមណ្ឌលសន្និបាត និងពិព័រណ៍អន្តរជ្រោយចង្វា (CCIC)៕ អត្ថបទ៖ គង់ ហួន

ប្រធាន IOC៖ ការវិលត្រលប់របស់អត្តពលិករុស្ស៊ី និងបេឡារុសលើឆាកអន្តរជាតិគឺជាស្មារតីកីឡាមិនពាក់ព័ន្ធនយោបាយ

អូឡាំពិក៖ គណៈកម្មាធិការអូឡាំពិកអន្តរជាតិនៅថ្ងៃអង្គារម្សិលមិញ បានចេញអនុសាសន៍សម្រាប់ការវិលត្រឡប់បន្តិចម្តងៗ ទៅកាន់ការប្រកួតអន្តរជាតិរបស់អត្តពលិករុស្ស៊ី និងបេឡារុសដោយប្រធាន IOC លោក Thomas Bach ថា ការសម្រេចចិត្តនេះគួរតែផ្អែកលើស្មារតីកីឡាមិនពាក់ព័ន្ធនយោបាយ។ ប្រធាន IOC ដដែលបានឱ្យដឹងដែរថា អនុសាសន៍របស់ក្រុមប្រឹក្សាប្រតិបត្តិ IOC ទាក់ទងនឹងការវិលត្រឡប់មកវិញរបស់អត្តពលិកទាំងរុស្ស៊ី និងបេឡារុសនៅក្នុងការប្រកួតអន្តរជាតិគឺជាការសម្រេចចិត្តមួយ តែអូឡាំពិកឆ្នាំ២០២៤ គឺជាការសម្រេចចិត្តដាច់ដោយឡែកថា រុស្ស៊ី និងបេឡារុសអាចចូលរួមបានរឺអត់ គឺគិតនៅពេលក្រោយ។ IOC បានដាក់ទណ្ឌកម្មលើប្រទេសរុស្ស៊ី និងបេឡារុស បន្ទាប់ពីការលុកលុយអ៊ុយក្រែនខែកុម្ភៈ ឆ្នាំ២០២២ ប៉ុន្តែបច្ចុប្បន្ន IOC បានបន្ធូរបន្ថយទណ្ឌកម្មដោយអត្តពលិកអាចត្រលប់មកចូលរួមប្រកួតលើឆាកអន្តរជាតិវិញ ហើយមានឱកាសទទួលបានសិទ្ធិសម្រាប់កីឡាអូឡាំពិកប៉ារីសឆ្នាំ២០២៤ ផងដែរ។អត្តពលិកប្រទេសទាំង២ អាចទទួលបានកៅអីប្រកួតនៅអូឡាំពិកតាមរយៈការប្រកួតជម្រុះនៅតំបន់អាស៊ី ប៉ុន្តែ IOC បានប្រឈមមុខនឹងភាពស្មុគស្មាញផងដែរ ដោយអ៊ុយក្រែនគំរាមធ្វើពហិការមិនចូលរួមព្រឹត្តិការណ៍អូឡាំពិកទីក្រុងប៉ារីស បើមានវត្តមានអត្តពលិករុស្ស៊ី និងបេឡារុស បើទោះពួកគេមិនប្រកួតតំណាងជាតិក៏ដោយ។ លោក Bach បាននិយាយថា អនុសាសន៍សម្រាប់អ្នករៀបចំព្រឹត្តិការណ៍ និងសហព័ន្ធកីឡាត្រូវអនុវត្តតាម រួមមានអត្តពលិករុស្ស៊ី និងបេឡារុសអាចប្រកួតប្រជែងបានតែមិនតំណាងជាតិ ពោលគឺក្រោមទង់អព្យាក្រឹត មិនមានទង់ជាតិ រឺការគោរពភ្លេងជាតិ។ លើសពីនេះ ពួកគេមិនអាចចូលរួមវិញ្ញាសាកីឡាជាក្រុមបានទេ ហើយអត្តពលិកដែលគាំទ្រសង្គ្រាម ឬជាប់កិច្ចសន្យាយោធា ឬទីភ្នាក់ងារសន្តិសុខជាតិរបស់ប្រទេសរបស់ពួកគេក៏មិនអាចចូលរួមបានដែរ៕អត្ថបទ៖នាង សុភាវុធ

Carlos Alcaraz ឡើងវគ្គ ៨នាក់ចុងក្រោយ ខណៈផ្នែកនារី Rybakina ឡើងវគ្គពាក់កណ្តាលផ្តាច់ព្រ័ត្រ Miami Open

វាយកូនបាល់៖ កីឡាករវាយកូនបាល់លេខ ១ ពិភពលោក Carlos Alcaraz បានបន្តដំណើរឡើងវគ្គ ៨នាក់ចុងក្រោយហើយនៃព្រឹត្តិការណ៍វាយកូនបាល់កម្មវិធី Miami Open នៅលើទឹកដីសហរដ្ឋអាមេរិក។ កីឡាករវ័យ ១៩ឆ្នាំអេស្ប៉ាញរូបនេះបានយកឈ្នះកីឡាករម្ចាស់ផ្ទះអាមេរិក Tommy Paul ៦-៤ និង ៦-៤ ដើម្បីបន្តស្ថិតិឈ្នះ ៩ប្រកួតជាប់គ្នា។ Carlos Alcaraz ត្រូវការឈ្នះជើងឯក Miami Open នេះដើម្បីបន្តឈរតំណែងលេខ ១ ពិភពលោក ខណៈនឹងត្រូវជួបជាមួយកីឡាករអាមេរិកមួយរូបទៀតគឺ Taylor Fritz នៅវគ្គ ៨នាក់ចុងក្រោយ។ កីឡាករលំដាប់លេខ ៩ Taylor Fritz បានយកឈ្នះកីឡាករដាណឺម៉ាក Holger Rune ៦-៣ និង ៦-៤ ក្នុងថ្ងៃជាមួយគ្នានេះ។ ចំណែកឯកីឡាកររុស្ស៊ី Karen Khachanov ក៏បានបន្តដំណើរឡើងវគ្គបន្តផងដែរក្រោយយកឈ្នះកីឡាករក្រិក Stefanos Tsitsipas ជាលើកដំបូងក្នុងអាជីព ៧-៦(៧-៤) និង ៦-៤ ស្របពេលដែលកីឡាករអ៊ីតាលី Jannik Sinner យកឈ្នះកីឡាកររុស្ស៊ី Ruben Rublev ៦-២ និង ៦-៤។ ងាកមកការប្រកួតផ្នែកនារីវិញ ម្ចាស់ជើងឯក Wimbledon, Elena Rybakina បានឈានឡើងវគ្គពាក់កណ្តាល ផ្តាច់ព្រ័ត្រហើយ ក្រោយយកឈ្នះកីឡាការិនីអ៊ីតាលី Martina Travisan ៦-៣ និង ៦-០។ ម្ចាស់ជើងឯក Indian Wells ថ្មីៗសញ្ជាតិកាហ្សាក់ស្ថានកាត់រុស្ស៊ីរូបនេះ មិនទាន់ស្គាល់ពាក្យថាចាញ់នៅឡើយ ១២ប្រកួតជាប់គ្នា៕អត្ថបទ៖នាង សុភាវុធ

គ្រូបង្វឹកកំពត និងព្រះសីហនុថា ក្រុមមានចំណុចខ្វះខាតច្រើន តែពេញចិត្តលទ្ធផលស្មើគ្នានៅពានសម្តេចតេជោថ្នាក់ខេត្ត

បាល់ទាត់៖ ការប្រកួតបាល់ទាត់ពានរង្វាន់សម្តេចតេជោ ហ៊ុន សែន លើកទី១៧ ថ្នាក់ខេត្ត បានចាប់ផ្តើមដំណើរការនៅថ្ងៃអង្គារម្សិលមិញនេះដែលមានការផ្សាយផ្ទាល់ពី BTV ផងដែរ។ ក្រុមម្ចាស់ផ្ទះខេត្តកំពតបានបើកទ្វារផ្ទះទទួលស្វាគមន៍ក្រុមភ្ញៀវខេត្តព្រះសីហនុ នៅទីលានបាល់ទាត់តម្រង់វិទ្យាល័យព្រះរាជសម្ភារខេត្តកំពត ក្រុមម្ចាស់ផ្ទះបានបើកការនាំមុខមុននៅនាទីទី ១១ ដោយបាល់ Freekick យ៉ាងល្អរបស់អតីតកីឡាករដែលធ្លាប់ប្រកបអាជីពជាមួយក្លិបបាល់ទាត់ច្រើននៅលីគកំពូលកម្ពុជា ប្រាក់ ចាន់រតនា។ យ៉ាងណាក្តីភាពសប្បាយរីករាយរបស់ក្រុមកំពតមានត្រឹមនាទីទី៣៩ បន្ទាប់ពីក្រុមភ្ញៀវខេត្តព្រះសីហនុតាមស្មើវិញបានសម្រេចដោយ សុន ផាត់សាន់។ ខេត្តព្រះសីហនុគួរតែមានឱកាសនាំមុខការប្រកួតនៅចុងវគ្គទី១ ទៅហើយតែ សុន ផាត់សាន់ ដដែលទាត់បាល់ពិន័យ ១១ម៉ែត្រមិនបានសម្រេចដោយសង្គ្រោះបានដោយអ្នកចាំទីកំពត លី រ៉ហ្វាត។ លទ្ធផល ១-១ ពីវគ្គទី១ នេះក៏រក្សាដល់ចប់ការប្រកួត ខណៈគ្រូបង្វឹកក្រុមកំពតលោក អ៊ុន រដ្ឋា បានលើកឡើងថា លោកពេញចិត្តចំពោះលទ្ធផលនេះ ខណៈដែលក្រុមរបស់លោករៀបចំមិនបានល្អធ្វើឱ្យមានចំណុចខ្វះខាតច្រើន។ ស្រដៀងគ្នានឹងគ្រូបង្វឹកកំពតដែរលោក គង់ វិច្ឆិកា គ្រូបង្វឹកក្រុមបាល់ទាត់ខេត្តព្រះសីហនុថា ថ្វីបើមានការខ្វះខាតច្រើនតែលទ្ធផលសមនឹងទទួលយក ហើយលោកនឹងកែប្រែចំណុចខ្វះខាតនេះនៅប្រកួតបន្តបន្ទាប់ទៀត។ សូមបញ្ជាក់ថា លទ្ធផលមួយគូទៀតនៅក្នុងពូល A នេះដែលប្រកួតម្សិលមិញផងដែរ ខេត្តកែបចាញ់ក្រុមភ្ញៀវមន្ទីរអប់រំ យុវជន និងកីឡាខេត្តកំពង់ស្ពឺ ១-២។ ប្រកួតបន្ទាប់របស់ពូល A នេះនឹងធ្វើនៅថ្ងៃទី២៥ ខែមេសា ខេត្តកំពង់ស្ពឺទទួលស្វាគមន៍ខេត្តកំពត ខណៈភ្នំពេញហ្កាឡាក់ស៊ីទទួលស្វាគមន៍ខេត្តកែប៕ អត្ថបទ៖នាង សុភាវុធ

បាល់ទះកម្ពុជាត្រូវប្រកួតពានបីប្រទេស មុនលេងមិត្តភាពជាមួយក្លិបចិន

បាល់ទះ៖ ក្រោយធ្វើការប្រកួតមិត្តភាពដកស្រង់បច្ចេកទេសជាបន្តបន្ទាប់ជាមួយសិង្ហបុរី គុយបា និងបារាំង ពេលនេះក្រុមបាល់ទះជម្រើសជាតិកម្ពុជាម្ចាស់មេដាយសំរឹទ្ធស៊ីហ្គេម២០២១ ត្រូវម៉ាឡេស៊ីអញ្ជើញចូលរួមប្រកួតពានរង្វាន់មិត្តភាពបីប្រទេស-កម្ពុជា ម៉ាឡេស៊ី និងសិង្ហបុរី ដំណើរការពីថ្ងៃទី២៩ ដល់ថ្ងៃទី៣១ ខែមីនា ឆ្នាំ២០២៣ នៅទីក្រុងកូឡាឡាំពួរ។ មុនដឹកនាំកីឡាករចេញទៅប្រកួត លោកបណ្ឌិត អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាប្រាប់ឱ្យដឹងថា ជំនួបមិត្តភាពនេះជាការត្រៀមលក្ខណៈសម្រាប់ការប្រកួតស៊ីហ្គេម ២០២៣ ហើយក្រោយការប្រកួតនេះ កម្ពុជានឹងមានប្រកួតជាមួយក្លិបបាល់ទះចិនសានតុងនៅថ្ងៃទី០៥ និងទី៧ ខែមេសា។ លើសពីនេះក៏មានប្រកួតមិត្តភាពអន្តរជាតិបាល់ទះឆ្នេរខ្សាច់ ខណៈដែលសិង្ហបុរី និងម៉ាឡេស៊ីក៏ចង់ឱ្យកម្ពុជារៀបការប្រកួតបាល់ទះឆ្នេរខ្សាច់ប្រទេសដែរ។ សូមជម្រាបជូនថា ថ្ងៃទី២៩ ខែមីនានេះ កម្ពុជាត្រូវប្រកួតជាមួយម៉ាឡេស៊ីក្រុម A, ថ្ងៃទី៣០ ខែមីនាត្រូវប្រកួតជាមួយសិង្ហបុរី និងថ្ងៃទី៣១ ខែមីនា កម្ពុជាត្រូវប្រកួតជាមួយសិង្ហបុរី។ ការចាប់ឆ្នោតបែងចែងពូលលើប្រភេទកីឡាបាល់ទះ បើគ្មានការប្រែប្រួលនឹងធ្វើនៅថ្ងៃទី៥ ខែមេសា មួយខែមុនពិធីបើកការប្រកួតស៊ីហ្គេម ២០២៣ ចូលមកដល់៕អត្ថបទ៖ គង់ ហួន

កម្ពុជាត្រៀមរួចរាល់ហើយសម្រាប់ធ្វើម្ចាស់ផ្ទះអាស៊ានប៉ារ៉ាហ្គេម ២០២៣

ស៊ីហ្គេម៖ ក្នុងកិច្ចប្រជុំចុងក្រោយរបស់គណៈកម្មការសម្របសម្រួល នៃសហព័ន្ធកីឡាជនពិការអាស៊ាន (APSF) និងគណៈកម្មាធិការជាតិរៀបចំការប្រកួតអាស៊ានប៉ារ៉ាហ្គេម (CAMAPGOC) រសៀលថ្ងៃទី២៨ ខែមីនា ឆ្នាំ២០២៣ នៅសណ្ឋាគារហ្គាឌិនស៊ីធី ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជាមានប្រសាសន៍ថា ក្នុងកិច្ចប្រជុំបីថ្ងៃនេះ ម្ចាស់ផ្ទះអាស៊ានប៉ារ៉ាហ្គេមកម្ពុជាជម្រាបជូនអំពីភាពលម្អិតនៃព័ត៌មាននានា ក៏ដូចជាបានបង្ហាញពីវឌ្ឍនភាពការងារថា កម្ពុជាបានត្រៀមលក្ខណៈរួចជាស្រេចហើយ ទាំងការត្រៀមទទួលបដិសណ្ឋារកិច្ច ដឹកជញ្ជូន ហូបចុក ស្នាក់នៅជាដើម។ ឯកឧត្តមបន្តថា សម្រាប់នៅថ្ងៃទី២៩ ខែមីនានេះមានកិច្ចប្រជុំបច្ចេកទេសអន្តរជាតិ ជាមួយគណៈកម្មការជំនាញនៃ CAMAPGOC ចុងក្រោយផងដែរ ដើម្បីរៀបចំផែនការយុទ្ធសាស្ត្រលម្អិតស្តីពីការប្រកួតតែម្តង។ ដោយឡែកនៅថ្ងៃទី៣០ ខែមីនា ឆ្នាំ២០២៣ មានកិច្ចប្រជុំនាយបេសកកម្មនៃប្រទេសអាស៊ានទាំងអស់ដោយ CAMAPGOC និង APSF បញ្ជាក់ជូនដល់ប្រតិភូកីឡាអាស៊ាន អំពីការត្រៀមរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ដែលគ្រោងនឹងប្រារព្ធធ្វើឡើងជាផ្លូវការពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣។ អគ្គលេខាធិការរង CAMAPGOC លើកឡើងដែរ អ្វីដែលជាឆន្ទៈរបស់កម្ពុជាតាមប្រសាសន៍របស់សម្តេចតេជោ ហ៊ុន សែន គឺថាកម្ពុជាជាប្រទេសតូច ប៉ុន្តែមានបេះដូងធំ។ ដូច្នេះកម្ពុជានឹងបើកបេះដូងទទួលស្វាគមន៍យ៉ាងកក់ក្តៅបំផុត ជូនដល់ប្រតិភូកីឡាអាស៊ាន ភ្ញៀវអន្តរជាតិទាំងអស់ប្រកបដោយទឹកមុខញញឹមរីករាយ ស្វាហាប់ ដើម្បីបង្ហាញពីវប្បធម៌ អរិយធម៌របស់ប្រជាជនខ្មែរ រួមទាំងអ្នកស្ម័គ្រចិត្ត គណៈកម្មការបច្ចេកទេស និងថ្នាក់ដឹកនាំយើងទាំងអស់គ្នា។ «ដូច្នេះមិនមានអ្វីទាស់ទៀតទេ ក្នុងការទទួលស្វាគមន៍ភ្ញៀវអន្តរជាតិប្រកបដោយភាពកក់ក្តៅ។ យើងទាំងអស់គ្នាយល់ថា ក្រោយវិលត្រឡប់ទៅវិញ ប្រតិភូកីឡាអាស៊ានទាំងស៊ីហ្គេម និងអាស៊ានប៉ារ៉ាហ្គេម ព្រមទាំងភ្ញៀវអន្តរជាតិនឹងនាំយកទៅជាមួយនឹងការផ្សព្វផ្សាយពីកម្ពុជា ហើយកម្ពុជានឹងបង្កើនបានភ្ញៀវទេសចរ ក្រោយព្រឹត្តិការណ៍កីឡាជាប្រវត្តិសាស្ត្រទាំងពីរនេះ។ កម្ពុជានឹងត្រូវបានពាំនាំនូវសំឡេងនៃការអភិវឌ្ឍ និងសន្តិភាពទៅកាន់ពិភពលោក។ សូមជម្រាបជូនថា កីឡាដាក់ឲ្យប្រកួតក្នុងអាស៊ានប៉ារ៉ាហ្គេមឆ្នាំ២០២៣ មានចំនួនសរុប ១៤ប្រភេទកីឡា បូករួមទាំងកីឡាបង្ហាញមួយប្រភេទ ខណៈការចុះឈ្មោះអត្តពលិកប៉ារ៉ាបានជាង ៥០០នាក់ហើយៗចំនួននេះនឹងបន្តកើនឡើងបន្ថែមទៀត ដោយការចុះឈ្មោះនៅបន្តនៅឡើយ៕

ក្រុមបាល់ទាត់នារីអង្គការ HFCA នឹងចូលរួមប្រកួតបាល់ទាត់ JSSL ប្រទេសសិង្ហបុរី

បាល់ទាត់៖ ក្នុងសន្និសីទសារព័ត៌មាន អង្គការកម្ពុជាអូស្ត្រាលីបាល់ទាត់រីករាយ (HFCA) បានប្រកាសពីការបញ្ជូនក្រុមបាល់ទាត់នារីអាយុក្រោម ១៦ឆ្នាំ ដែលនឹងក្លាយជាក្រុមដំបូងគេរបស់កម្ពុជាចូលរួមការប្រកួតកីឡាបាល់ទាត់ JSSL ម្ខាង ៧នាក់នៅប្រទេសសិង្ហបុរីពីថ្ងៃទី៧ ដល់ថ្ងៃទី៩ ខែមេសា ឆ្នាំ២០២៣។HFCA បានជ្រើសរើសកីឡាការិនី ១២នាក់ ហើយកំពុងហ្វឹកហាត់យ៉ាងស្វាហាប់ដើម្បីត្រៀមខ្លួនចូលរួមប្រកួតចាប់តាំងពីខែវិច្ឆិកា ឆ្នាំ២០២២ មកម្ល៉េះ។ HFCA គឺជាអង្គការមិនមែនរដ្ឋាភិបាលដែលត្រូវបង្កើតឡើងនៅឆ្នាំ២០០៥ ក្នុងគោលបំណងលើកកម្ពស់យុវជនតាមរយៈវិស័យកីឡាបាល់ទាត់។ ការប្រកួតកីឡាបាល់ទាត់ម្ខាង ៧នាក់ JSSL ត្រូវបានបង្កើតឡើងនៅឆ្នាំ២០១៣ ដែលមានសមាជិកក្រុមចំនួន ៤០ចូលរួម ហើយបច្ចុប្បន្នជាខួបលើកទី៨ របស់ព្រឹត្តិការណ៍បាល់ទាត់កុមារនេះ។ឆ្នាំ២០២៣ នឹងមានកីឡាករ កីឡាការិនីចំនួន ៤០០០នាក់ចូលរួមការប្រកួតយុវជនដ៏ធំបំផុតរបស់អាស៊ីនេះ ដែលប្រព្រឹត្តទៅនៅ ៤កន្លែងក្នុងប្រទេសសិង្ហបុរី។ ក្រុមបាល់ទាត់ HFCA នឹងលេងប្រាំប្រកួត ហើយមួយប្រកួតមាន ២២នាទី។ សូមរំលឹកថា ឆ្នាំ២០១៧ JSSL បានដាក់បញ្ចូលសាលាបាល់ទាត់១៦ របស់ក្លិបធំនៅអឺរ៉ុបបន្ថែមទៀតដែលរួមមាន Liverpool, Manchester United, Arsenal FC, FC Barcelona, Atlectico Madrid, និង Valencia៕អត្ថបទ៖ គង់ ហួន

កម្ពុជាដណ្តើមបានមេដាយ ៩គ្រឿងបន្ថែមទៀតពីថ្ងៃទី២ វ៉ូវីណាមជើងឯកអាស៊ីអាគ្នេយ៍

វ៉ូវីណាម៖ ថ្ងៃទី២៨ ខែមីនា ឆ្នាំ២០២៣ ដែលជាថ្ងៃទី២ នៃការប្រកួតកីឡាវ៉ូវីណាមជើងឯកអាស៊ីអាគ្នេយ៍លើកទី៦ កីឡាករ កីឡាការិនីកម្ពុជាដណ្តើមបានមេដាយ ០៩គ្រឿងបន្ថែមទៀត ដែលធ្វើឱ្យម្ចាស់ផ្ទះបន្តឈរនៅកំពូលតារាងមេដាយពីរថ្ងៃជាប់គ្នា។ ក្នុងចំណោមមេដាយថ្មី ០៩គ្រឿងនោះមានមាស ៣គ្រឿងដែលដណ្តើមបានដោយកីឡាការិនី ប៉ាល់ ឆរស្មី លើវិញ្ញាសាមេគុនកាំបិតធំ, កីឡាករ នុត ណាន់ វិញ្ញាសាប្រយុទ្ធ ៦០គីឡូក្រាម និងវិញ្ញាសាដាវក្រុមនារីប្រាំនាក់ដែលមានកីឡាការិនី ពៅ សុខា, សឿ ចាន់លក្ខិណា, សុខ នីដានុត, ឃន ច័ន្ទសុភក្ត្រនាថ និងកីឡាការិនី ប៉ាល់ ឆរស្មី។ ចំនែកមេដាយប្រាក់ ០៤គ្រឿងធ្វើបានដោយកីឡាការិនី ពៅ សុខា វិញ្ញាសាដាវឯកត្តជន, កីឡាការិនី ឃន ច័ន្ទសុភក្ត្រនាថ និងកីឡាការិនី សុខ នីដានុត វិញ្ញសាមេគុនអត់អាវុធ, កីឡាករម៉េត សុភក្ត្រា និងម៉េត សារី វិញ្ញាសា មេគុនការពារខ្លួនមានអាវុធ, និងកីឡាការិនី ពៅ សុខា និងសុខ នីដានុត វិញ្ញាសាមេគុនការពារខ្លួនមានអាវុធ។ ឯមេដាយសំរឹទ្ធពីរគ្រឿងដណ្តើមបានដោយកីឡាករ កៅ វិចិត្ររាជ្យ វិញ្ញាសាប្រយុទ្ធ ៧០គីឡូក្រាម និងកីឡារិនី ហ៊ឹម ដាណេ វិញ្ញាសា ប្រយុទ្ធ ៥០គីឡូក្រាម។គិតត្រឹមថ្ងៃទី២៨ ខែមីនា កម្ពុជាដណ្តើមបានមេដាយសរុប ១៨គ្រឿងក្នុងនោះមាស ០៨គ្រឿង ប្រាក់ ០៦គ្រឿង និងសំរឹទ្ធ ០៤គ្រឿង ហើយបន្តឈរនៅចំណាត់ថ្នាក់លេខ១ ពីរថ្ងៃជាប់គ្នា។ វៀតណាមបន្តឈរនៅចំណាត់ថ្នាក់លេខ២ ជាមួយមេដាយមាស ០៥គ្រឿង ប្រាក់ ០៦គ្រឿងសរុប ១១គ្រឿង។ ថៃឈរនៅចំណាត់ថ្នាក់លេខ៣ ដណ្តើមបានមេដាយមាស ០២គ្រឿង ប្រាក់ ០៤គ្រឿង សំរឹទ្ធ ០៣គ្រឿង សរុប ០៩គ្រឿង។ សហភាពមីយ៉ាន់ម៉ាលេខ៤ មេដាយមាស ០២គ្រឿង ប្រាក់ ០២គ្រឿង សំរឹទ្ធ ១៣គ្រឿង សរុប ១៧គ្រឿង។ ឥណ្ឌូនេស៊ីលេខ៥ មេដាយមាស ០២គ្រឿង និងសំរឹទ្ធ ០៨គ្រឿង សរុប ១០គ្រឿង។ ហ្វីលីពីន និងឡាវមិនទាន់ដណ្តើមបានមេដាយមាសនៅឡើយនោះទេ ខណៈការប្រកួតនឹងបញ្ចប់នៅថ្ងៃទី២៩ ខែមីនា ជាមួយការប្រកួត ១០វិញ្ញាសាទៀត៕ អត្ថបទ៖ គង់ ហួន

បណ្ដាញសង្គម

ព័ត៌មានថ្មីៗ

សភាជិកសភាអាមេរិកជំរុញឱ្យកោះតៃវ៉ាន់អនុម័តច្បាប់យានដ្រូន ដោយព្រមានថា «ពេលវេលាខ្លីណាស់»

ក្រុមអ្នកជំនាញអះអាងថា ទឹកបឹង Constance របស់អាល្លឺម៉ង់ ស្រកដល់កម្រិតទាបជាប្រវត្តិសាស្រ្ត

នីហ្សេរីយ៉ា បំផ្លាញអាវុធខុសច្បាប់ ២.៨១៩ដើម ដែលរឹបអូសបាន អំឡុងពេលបង្ក្រាប

យន្តហោះកងទ័ពជើងទឹកអាមេរិក ចាក់ប្រេងឡើងវិញនៅលើអាកាស ខណៈល្បាតតំបន់មជ្ឈិមបូព៌ា

លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បីបន្ថយការគាំទ្ររបស់អាមេរិកចំពោះអ៊ុយក្រែន

អ៊ីរ៉ង់ព្រមានថា អ៊ីស្រាអែលអាចរៀបចំប្រតិបត្តិការ «ទង់ជាតិក្លែងក្លាយ » បន្ទាប់ពីការវាយប្រហារលើកំពង់ផែអេហ្ស៊ីប

អ៊ីរ៉ង់ទាមទារឲ្យអង្គការសមុទ្រអន្តរជាតិថ្កោលទោសចំពោះការវាយប្រហាររបស់អ៊ុយក្រែនលើនាវារបស់ខ្លួន

IRGC៖ នាវាដឹកប្រេង ២គ្រឿងរងការវាយប្រហារ ហើយ ៤គ្រឿងទៀត ត្រូវបកក្រោយ នៅច្រកសមុទ្រ Hormuz

ចិនធ្វើការល្បាត ក្នុងដែនទឹក នៅភាគខាងកើតនៃកោះតៃវ៉ាន់

ក្រុមហ៊ូទីនៅយេម៉ែន បដិសេធការពាក់ព័ន្ធនឹងការវាយប្រហារដោយយានដ្រូនលើកំពង់ផែអេហ្ស៊ីប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Sorana Cirstea ទម្លាក់ Sabalenka ឡើងវគ្គពាក់កណ្តាលផ្តាច់ព្រ័ត្រ Miami Open

ព្រះអគ្គិជ័យកីឡាស៊ីហ្គេម-អាស៊ានប៉ារ៉ាហ្គេមធ្វើដំណើរដល់រដ្ឋធានីហ្សាកាតា

កម្ពុជាបញ្ចប់នៅចំណាត់ថ្នាក់លេខ១ ការប្រកួតវ៉ូវីណាមជើងឯកអាស៊ីអាគ្នេយ៍២០២៣

ប្រធាន IOC៖ ការវិលត្រលប់របស់អត្តពលិករុស្ស៊ី និងបេឡារុសលើឆាកអន្តរជាតិគឺជាស្មារតីកីឡាមិនពាក់ព័ន្ធនយោបាយ

Carlos Alcaraz ឡើងវគ្គ ៨នាក់ចុងក្រោយ ខណៈផ្នែកនារី Rybakina ឡើងវគ្គពាក់កណ្តាលផ្តាច់ព្រ័ត្រ Miami Open

បាល់ទះកម្ពុជាត្រូវប្រកួតពានបីប្រទេស មុនលេងមិត្តភាពជាមួយក្លិបចិន

កម្ពុជាត្រៀមរួចរាល់ហើយសម្រាប់ធ្វើម្ចាស់ផ្ទះអាស៊ានប៉ារ៉ាហ្គេម ២០២៣

ក្រុមបាល់ទាត់នារីអង្គការ HFCA នឹងចូលរួមប្រកួតបាល់ទាត់ JSSL ប្រទេសសិង្ហបុរី

កម្ពុជាដណ្តើមបានមេដាយ ៩គ្រឿងបន្ថែមទៀតពីថ្ងៃទី២ វ៉ូវីណាមជើងឯកអាស៊ីអាគ្នេយ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Sorana Cirstea ទម្លាក់ Sabalenka ឡើង​វគ្គ​ពាក់កណ្តាល​ផ្តាច់ព្រ័ត្រ Miami Open

ព្រះ​អគ្គិ​ជ័យ​កីឡា​ស៊ី​ហ្គេម​-​អាស៊ាន​ប៉ា​រ៉ា​ហ្គេម​ធ្វើដំណើរ​ដល់​រដ្ឋធានី​ហ្សា​កាតា​

កម្ពុជា​បញ្ចប់​នៅ​ចំណាត់ថ្នាក់​លេខ​១ ការប្រកួត​វ៉ូ​វី​ណា​ម​ជើងឯក​អាស៊ីអាគ្នេយ៍​២០២៣

Carlos Alcaraz ឡើង​វគ្គ ៨នាក់​ចុងក្រោយ​ ខណៈ​ផ្នែក​នារី Rybakina ឡើង​វគ្គ​ពាក់កណ្តាល​ផ្តាច់ព្រ័ត្រ Miami Open

បាល់ទះ​កម្ពុជា​ត្រូវ​ប្រកួត​ពាន​បី​ប្រទេស មុន​លេង​មិត្តភាព​ជាមួយ​ក្លិប​ចិន​

កម្ពុជា​ត្រៀម​រួចរាល់​ហើយ​សម្រាប់​ធ្វើ​ម្ចាស់ផ្ទះ​អាស៊ាន​ប៉ា​រ៉ា​ហ្គេម ២០២៣

ក្រុមបាល់ទាត់​នារី​អង្គការ HFCA នឹងចូលរួម​ប្រកួត​បាល់ទាត់ JSSL ប្រទេស​សិង្ហ​បុរី​

កម្ពុជា​ដណ្តើមបាន​មេដាយ ​៩​គ្រឿង​បន្ថែមទៀត​ពីថ្ងៃ​ទី​២ ​វ៉ូ​វី​ណា​ម​ជើងឯក​អាស៊ីអាគ្នេយ៍​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Sorana Cirstea ទម្លាក់ Sabalenka ឡើងវគ្គពាក់កណ្តាលផ្តាច់ព្រ័ត្រ Miami Open

ព្រះអគ្គិជ័យកីឡាស៊ីហ្គេម-អាស៊ានប៉ារ៉ាហ្គេមធ្វើដំណើរដល់រដ្ឋធានីហ្សាកាតា

កម្ពុជាបញ្ចប់នៅចំណាត់ថ្នាក់លេខ១ ការប្រកួតវ៉ូវីណាមជើងឯកអាស៊ីអាគ្នេយ៍២០២៣

Carlos Alcaraz ឡើងវគ្គ ៨នាក់ចុងក្រោយ ខណៈផ្នែកនារី Rybakina ឡើងវគ្គពាក់កណ្តាលផ្តាច់ព្រ័ត្រ Miami Open

បាល់ទះកម្ពុជាត្រូវប្រកួតពានបីប្រទេស មុនលេងមិត្តភាពជាមួយក្លិបចិន

កម្ពុជាត្រៀមរួចរាល់ហើយសម្រាប់ធ្វើម្ចាស់ផ្ទះអាស៊ានប៉ារ៉ាហ្គេម ២០២៣

ក្រុមបាល់ទាត់នារីអង្គការ HFCA នឹងចូលរួមប្រកួតបាល់ទាត់ JSSL ប្រទេសសិង្ហបុរី

កម្ពុជាដណ្តើមបានមេដាយ ៩គ្រឿងបន្ថែមទៀតពីថ្ងៃទី២ វ៉ូវីណាមជើងឯកអាស៊ីអាគ្នេយ៍