BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កូនប្រុសអតីតនាយករដ្ឋមន្ត្រីកាតាដាក់សំណើថ្មីមួយទៀតតម្លៃ ៥ពាន់លានផោនទិញ Manchester United

បាល់ទាត់៖ Sheikh Jassim bin Hamad Al Thani ដែលជាកូនប្រុសអតីតនាយករដ្ឋមន្ត្រីកាតាបានសំរេចដាក់សំណើលើកទី២ ក្នុងការទិញយកភាគហ៊ុនក្លិបបិសាចក្រហម Manchester United មកគ្រប់គ្រង ដែលលើកនេះមានតម្លៃ ៥ពាន់លានផោន រឺជាង ៦ពាន់លានដុល្លារ។ ក្រុមអ្នកវិនិយោគកាតាដែលដឹកនាំដោយលោក Sheikh Jassim បានធ្វើបទបង្ហាញរបស់ខ្លួនពីសំណើ និងគំរោងអភិវឌ្ឍក្លិបដែលមានឈ្មោះល្បីជាងគេលើលោកមួយនេះ រួមមានការអភិវឌ្ឍកីឡដ្ឋានថ្មី ក្រុមបាល់ទាត់ទាំងបុរស និងនារី រួមទាំងថ្នាលយុវជន ការដោះស្រាយបំណុលទាំងអស់ជាដើម។ គេមិនទាន់ដឹងពីគោលជំហររបស់ក្លិបបិសាចក្រហម Manchester United ដែលកំពុងគ្រប់គ្រងដោយគ្រួសារអាមេរិកត្រកូល Glazers នៅឡើយ ស្របពេលដែលមានភាគីដេញថ្លៃផ្សេងទៀតផងដែរ រួមមានមហាសេដ្ឋីអង់គ្លេសម្ចាស់ក្រុមហ៊ុនគីមី INEOS លោក Jim Ratcliffe និងអ្នកវិនិយោគហ្វាំឡង់ Thomas Zilliacus ផងដែរ។ ម្ចាស់ក្លឹប United ដែលជាគ្រួសារ Glazer ត្រូវបានគេរាយការណ៍ថា ចង់បង្កើតកំណត់ត្រាពិភពលោកលក់ក្លិបក្នុងតម្លៃ ៦ពាន់លានផោន (៧.៣ពាន់លានដុល្លារ) ក្លិបកីឡាដែលមានតម្លៃថ្លៃបំផុតលើលោក។ Manchester United ដែលកំពុងដឹកនាំដោយ Erik ten Hag កំពុងឈរនៅលេខរៀងទី៣ នៅ Premier League ឈានដល់វគ្គ ៨ក្រុមចុងក្រោយ UEFA Europa League និងជាម្ចាស់ពាន Carabao Cup ផងដែរ៕អត្ថបទ៖នាង សុភាវុធ

អ្នកការពារជើងឯក Francesco Bagnaia ឈ្នះការប្រកួតបើករដូវកាលថ្មី MotoGP នៅព័រទុយហ្កាល់

ប្រណាំងម៉ូតូ៖ អ្នកការពារតំណែងជើងឯក MotoGP ពិភពលោករដូវកាលមុន Francesco Bagnaia បានចាប់ផ្តើមរដូវកាលថ្មីជាមួយនឹងជ័យជម្នះទីលានដំបូងនៅលើទឹកដីព័រទុយហ្កាល់។ កីឡាករអ៊ីតាលីរបស់ក្រុម Ducati បានយកឈ្នះការប្រកួត Sprint Race កាលពីថ្ងៃសៅរ៍ និងបន្តឈ្នះការប្រកួតធំនៅថ្ងៃអាទិត្យដើម្បីទទួលបានពិន្ទុពេញ ៣៧ពិន្ទុ។ កីឡាកររបស់ Aprilia, Maverick Vinales បានចំណាត់ថ្នាក់លេខ ២ និងលេខ ៣ បានទៅកីឡាកររបស់ក្រុម Ducati ផងដែរ Marco Bezzecchi។ លទ្ធផលផ្សេងទៀតរួមមានកីឡាករបារាំង Johann Zarco បានលេខ ៤ តាមពីក្រោយដោយកីឡាករអេស្ប៉ាញលេខ ៥ Alex Marquez។ ទីលានទី២ បន្ទាប់ពីព័រទុយហ្កាល់ MotoGP ពិភពលោកនឹងបន្តទៅទឹកដីអាហ្សង់ទីនដើមខែមេសាខាងមុខ៕អត្ថបទ៖នាង សុភាវុធ

កីឡាករអាមេរិក Sam Burns គ្រងជើងឯកវាយកូនគោល WGC Match Play Championship

វាយកូនគោល៖ កីឡាករអាមេរិក Sam Burns បានក្លាយជាជើងឯកវាយកូនគោលកម្មវិធី WGC Match Play Championship ស្របពេល Rory McIlroy ធ្លាក់នៅវគ្គពាក់កណ្តាលផ្តាច់ព្រ័ត្រ។ McIlroy បានរងបរាជ័យក្រោមស្នាដៃកីឡាករអាមេរិក Cameron Young ក្នុងវគ្គបន្ថែមឡូកាត់សេចក្តី។ យ៉ាងណាក្តី Cameron Young ដែលឈរចំណាត់ថ្នាក់លេខ ១៥ ពិភពលោកបែជាមកចាញ់ Sam Burns នៅវគ្គផ្តាច់ព្រ័ត្រ ៦&៥។ មុនមកដល់វគ្គផ្តាច់ព្រ័ត្រ កីឡាករលំដាប់លេខ ១៣ Sam Burns បានយកឈ្នះកីឡាករលំដាប់លេខ ១ ពិភពលោក Scottie Scheffler នៅវគ្គពាក់កណ្តាលផ្តាច់ព្រ័ត្រ។ WGC Match Play Championship គឺជាការប្រកួតវាយកូនគោលជាលក្ខណៈចាញ់ធ្លាក់មួយទល់មួយ ដែលរួមវត្តមានកីឡាករសរុប ៦៤នាក់។ ជើងឯកឆ្នាំនេះទទួលបានប្រាក់រង្វាន់សរុបដល់ទៅ ៣.៥០០.០០០ដុល្លារអាមេរិក៕អត្ថបទ៖នាង សុភាវុធ

Primoz Roglic គ្រងជើងឯកប្រណាំងកង់ Volta a Catalunya នៅអេស្ប៉ាញ

ប្រណាំងកង់៖ កីឡាករស្លូវេនី Primoz Roglic បានក្លាយជាជើងឯកនៃព្រឹត្តិការណ៍ប្រណាំងកង់ Volta a Catalunya នៅប្រទេសអេស្ប៉ាញ បើទោះជាដំណាក់កាលចុងក្រោយអ្នកឈ្នះគឺ Remco Evenepoel ក៏ដោយ។ ដំណាក់កាលចុងក្រោយដែលមានចំងាយផ្លូវ ១៣៥.៨គីឡូម៉ែត្របញ្ចប់នៅទីក្រុង Barcelona កីឡាករប៊ែលហ្ស៊ិក Remco Evenepoel បានមកដល់ទីព្រ័ត្រមុនគេប្រើពេល ២ម៉ោង ៥៩នាទី ២៤វិនាទី តាមពីក្រោយដោយ Primoz Roglic ក្នុងថេរវេលាដូចគ្នា និងលេខ ៣ កីឡាករម្ចាស់ស្រុកអេស្ប៉ាញ Marc Soler។ យ៉ាងណាក្តី Primoz Roglic ដែលចាប់ផ្តើមដំណាក់កាលចុងក្រោយនាំមុខគេ នៅតែរក្សាការនាំមុខក្រោយដំណាក់កាលចុងក្រោយ ១០វិនាទីពីមុខ Remco Evenepoel គ្រប់គ្រាន់នឹងគ្រងជើងឯក Volta a Catalunya នេះ។ មិនទាន់បញ្ចប់ទេសម្រាប់ការប្រជែងគ្នារវាង Primoz Roglic និង Remco Evenepoel ដោយពួកគេទាំងពីរនឹងប្រឈមគ្នាទៀតនៅព្រឹត្តិការណ៍ Grand Tour ប្រចាំឆ្នាំ Giro d’Italia ដែលនឹងចាប់ផ្តើមនៅខែឧសភាខាងមុខ៕អត្ថបទ៖នាង សុភាវុធ

ឯកឧត្តម វ៉ាត់ ចំរើន៖ អ្នកស្ម័គ្រចិត្តត្រូវចាត់ទុកខ្លួនឯងមានមោទកភាពជាតិទាំងអស់គ្នា

ស៊ីហ្គេម៖ ក្នុងឱកាសធ្វើបទបង្ហាញក្នុងវគ្គបណ្ដុះបណ្ដាលអ្នកស្ម័គ្រចិត្ត សម្រាប់ព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ២០២៣ កាលពីថ្ងៃទី២៥ ខែមីនា ឆ្នាំ២០២៣ នៅសាលវិទ្យាស្ថានបច្ចេកវិទ្យាកម្ពុជា ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម (CAMSOC-CAMAPGOG) មានប្រសាសន៍ថា ក្នុងវិស័យកីឡា អ្នកស្ម័គ្រចិត្តគឺជាសរសៃឈាមដ៏មានសារៈសំខាន់ ដើម្បីផ្តល់ថាមពលដល់ដំណើរការហ្គេមទាំងមូលឲ្យរលូន និងជោគជ័យ។ ប្រសិនបើអ្នកស្ម័គ្រចិត្តមិនបានផ្តល់ភាពកក់ក្តៅដល់ប្រតិភូកីឡាឲ្យបានល្អប្រសើរនោះទេ នោះដំណើរការហ្គេមនឹងរអាក់រអួលមិនល្អប្រសើរឡើយ។ ដូច្នេះហើយយើងសុំស្នើដល់អ្នកស្ម័គ្រចិត្រទាំងអស់គ្នា ប្រឹងប្រែងបម្រើប្រតិភូកីឡាឲ្យបានល្អដើម្បីជោគជ័យ ក្នុងនាមជាម្ចាស់ផ្ទះព្រឹត្តិការណ៍កីឡាជាប្រវត្តិសាស្ត្រដំបូង របស់កម្ពុជាយើងទាំងអស់គ្នា។ ឯកឧត្តមបន្តថា អ្នកស្ម័គ្រចិត្តត្រូវចាត់ទុកខ្លួនឯងមានមោទកភាពជាតិទាំងអស់គ្នា ពីព្រោះអ្នកស្ម័គ្រចិត្តបានចូលរួមបំពេញការងារបម្រើជាតិ ដោយហេតុថា ព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេមជាប្រវត្តិសាស្ត្រកម្ពុជាឆ្នាំ២០២៣ មានការចូលរួមពីប្រជាពលរដ្ឋខ្មែរជាង ១៦លាននាក់។ ជាពិសេសគឺអង្គព្រះមហាក្សត្រជាទីសក្ការៈដ៏ខ្ពង់ខ្ពស់បំផុត ព្រះអង្គបានប្រោសព្រះរាជទានព្រះអគ្គិជ័យកីឡា ដើម្បីប្រារព្ធពិធីដង្ហែភ្លើងគប់កីឡាទៅកាន់ប្រទេសអាស៊ាន ហើយក៏មានការចូលរួមពីស្ថាប័នកំពូលៗរបស់កម្ពុជាទាំងអស់គ្នា ដែលនេះអ្នកស្ម័គ្រចិត្តបានចូលរួមធ្វើកិច្ចការជាតិជាមួយនឹងមោទកភាពជាប្រវត្តិសាស្ត្រនេះ។ ឯកឧត្តមអគ្គលេខាធិការក៏បានលើកទឹកចិត្តដល់អ្នកស្ម័គ្រចិត្តទាំងអស់គ្នា យកចិត្តទុកដាក់ឲ្យបានខ្ពស់ក្នុងការជួយជ្រោមជ្រែងដល់សកម្មភាពការងារស្ម័គ្រចិត្តឲ្យបានប្រសើរ។ ជាពិសេសគឺគួរយកចិត្តទុកដាក់លើកីឡាករ កីឡាការិនីមានពិការភាពដែលមកចូលរួមប្រកួតអាស៊ានប៉ារ៉ាហ្គេមលើកទី១២ ដែលនឹងដំណើរការពីថ្ងៃទី០៣-០៩ ខែមិថុនា ឆ្នាំ២០២៣ តាមរយៈការជួយសម្របសម្រួលដល់អត្តពលិកពិការ ដែលមានការលំបាកជាងអត្តពលិកមិនពិការ។ សូមជម្រាបជូនថា ដើម្បីបម្រើដល់ព្រឹត្តិការណ៍កីឡាទាំងពីរនេះ កម្ពុជាត្រូវការអ្នកស្ម័គ្រចិត្តប្រមាណ ៧០០០នាក់។ អ្នកស្ម័គ្រចិត្តជាមនុស្សដ៏មានសារៈសំខាន់ប្រៀបដូចសរសៃឈាមក្នុងខ្លួនមនុស្ស ដែលនឹងទទួលបដិសណ្ឋារកិច្ចដល់ប្រតិភូកីឡាអន្តរជាតិមកពីបណ្តាប្រទេសនានា មុនគេនៅអាកាសយានដ្ឋានអន្តរជាតិ ដោយរឿងទី១ សំខាន់បំផុតមុនគេគឺអ្នកស្ម័គ្រចិត្តត្រូវផ្តល់ស្នាមញញឹម រួសរាយរាក់ដល់ប្រតិភូកីឡា ដើម្បីផ្តល់ភាពកក់ក្តៅក្នុងនាមយើងជាម្ចាស់ផ្ទះទាំងអស់គ្នា។ ស៊ីហ្គេម ២០២៣ ដំណើរការប្រកួតពីថ្ងៃទី២៩ ខែមេសាដល់ថ្ងៃទី១៧ ខែឧសភា ខណៈអាស៊ានប៉ារ៉ាហ្គេមដំណើរការពីថ្ងៃទី០៣ ដល់ថ្ងៃទី៩ ខែមិថុនា ឆ្នាំ២០២៣៕

វ៉ូវីណាមជើងឯកអាស៊ីអាគ្នេយ៍ដំណើរការប្រកួតផ្លូវការដោយមានអត្តពលិកចូលរួមជាង ១០០នាក់

វ៉ូវីណាម៖ កីឡាករ កីឡាការិនីមកពីប្រទេសទាំង៧ នៅតំបន់អាស៊ីអាគ្នេយ៍បានត្រៀមខ្លួនរួចរាល់ក្នុងការប្រកួតកីឡាវ៉ូវីណាមជើងឯកអាស៊ីអាគ្នេយ៍លើកទី៦ ឆ្នាំ២០២៣ នៅរាជធានីភ្នំពេញ ព្រះរាជាណាចក្រកម្ពុជា ខណៈការប្រកួតផ្លូវការ ត្រូវដំណើរការនៅថ្ងៃទី២៧ ខែមីនា ឆ្នាំ២០២៣នេះ។ ក្នុងសន្និសីទសារព័ត៌មានមុនបើកការប្រកួតផ្លូវការ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានលើកឡើងពីគោលបំណង ដែលកម្ពុជាយកការប្រកួតមករៀបចំផ្ទាល់ ដោយសារជាការតេស្តនូវការត្រៀមគ្រប់ផ្នែកទាំងអស់របស់សហព័ន្ធសាមីក្នុងដំណើរឆ្ពោះទៅស៊ីហ្គេម ២០២៣ នាពេលដ៏ខ្លីខាងមុខនេះ។ ទាក់ទងនឹងបច្ចេកទេសនៃការប្រកួត ឯកឧត្តមប្រធានបានបង្ហាញថា ក្រុមជម្រើសជាតិវៀណាម និងសហភាពមីយ៉ាន់ម៉ាជាឧបសគ្គធំសម្រាប់ការប្រជែងរបស់កម្ពុជាក្នុងការដណ្តើមមេដាយ ប៉ុន្តែទោះយ៉ាងនេះ លើកដាក់ជំនឿជឿជាក់លើអត្តពលិករបស់ខ្លួនថានឹងធ្វើបានល្អជាក់ជាមិនខាន។ វ៉ូវីណាមជើងឯកអាស៊ីអាគ្នេយ៍លើកនេះដំណើរការប្រកួតពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ ដោយកម្ពុជាមានកីឡាករ កីឡាការិនីចូលរួមប្រកួត ២៧នាក់, ថៃ ១២នាក់, សហភាពមីយ៉ាន់ម៉ា ២០នាក់, ឥណ្ឌូនេស៊ី ២០នាក់, ហ្វីលីពីន ៨នាក់, ឡាវ ១៣នាក់ និងប្រទេសវៀតណាម ៣៧នាក់ សរុបទាំងប្រតិភូដែលចូលរួមការប្រកួតនេះមានជាង ២០០នាក់។ ក្នុងស៊ីហ្គេម ២០២៣ កីឡាវ៉ូវូណាមដំណើរការប្រកួតពីថ្ងៃទី៦ ដល់ថ្ងៃទី៩ ខែឧសភា ដោយមាន ៣០វិញ្ញាសានៅមជ្ឈមណ្ឌលសន្និបាត និងពិព័រណ៍អន្តរជ្រោយចង្វា (CCIC)៕

គិតមកដល់ពេលនេះមានអ្នកចុះឈ្មោះចូលរួមរត់ប្រណាំងនៅខេត្តព្រះសីហនុប្រមាណជាង ១០០០នាក់

រត់ប្រណាំង៖ ក្នុងសន្និសីទសារព័ត៌មានថ្មីៗនេះ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានបញ្ជាក់ប្រាប់អ្នកសារព័ត៌មានថា ទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី៨ នេះត្រូវបានរៀបចំឡើងវិញ ក្រោយខកខានរយៈពេល ៤ឆ្នាំ។ គោលបំណងចម្បងនៃព្រឹត្តិការណ៍កីឡារត់ប្រណាំងអន្តរជាតិនេះ គឺដើម្បីអបអរសាទរដល់ដំណើរឆ្ពោះទៅរបស់កម្ពុជា ក្នុងនាមជាម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេម ២០២៣ ព្រមទាំងគោលដៅប្រចាំឆ្នាំរបស់ NOCC ដើម្បីគាំទ្រ និងជំរុញវិស័យទេសចរណ៍ បរិស្ថានបៃតង ភាពស្រស់ស្អាតនៃតំបន់ឆ្នេរសមុទ្រខេត្តព្រះសីហនុ ព្រមទាំងស្វែងរកថវិកាដើម្បីបរិច្ចាគដល់ការងារសប្បុរសធម៌។ ឯកឧត្តមបន្ថែមថា គិតមកដល់ពេលនេះមានអ្នកចុះឈ្មោះចូលរួមរត់ប្រណាំងបានប្រមាណ ១០០០នាក់ហើយ ស្របពេលគណៈកម្មការរៀបចំទិវាកីឡានេះកំពុងត្រៀមឲ្យបានគ្រប់ជ្រុងជ្រោយ ដើម្បីជំរុញឲ្យដំណើរការរត់ប្រណាំងអន្តរជាតិនៅតំបន់ឆ្នេរអូរឈើទាល ខេត្តព្រះសីហនុដំណើរការដោយរលូន និងផ្តល់ភាពកក់ក្តៅដល់កីឡាករ កីឡាការិនីជាតិ និងអន្តរជាតិ។លោក សែម ផល្លា នាយកចាត់ការទូទៅទិវារត់ប្រណាំងអន្តរជាតិនៅកម្ពុជាបានបញ្ជាក់ដែរថា សម្រាប់វិញ្ញាសាដាក់ឲ្យប្រកួតក្នុងទិវារត់ប្រណាំងនាដើមខែមេសា ឆ្នាំ២០២៣ នេះមាន ៤វិញ្ញាសាគឺរត់ពាក់កណ្តាលម៉ារ៉ាតុង ២១គីឡូម៉ែត្រ ១០គីឡូម៉ែត្រ ៥គីឡូម៉ែត្រ និង៣គីឡូម៉ែត្រ។ រយៈពេលនៅសល់មិនដល់មួយសប្តាហ៍ទៀត លោកក៏បានអំពាវនាវដល់យុវជន មហាជន ដែលមានបំណងចូលរួមរត់ប្រណាំងសូមចុះឈ្មោះឲ្យបានច្រើនកុះករ និងទាន់ពេលវេលា ដោយសារការទទួលចុះឈ្មោះនឹងត្រូវបិទនាប៉ុន្មានថ្ងៃខាងមុខ។ ដោយសារស្ថានភាពហេដ្ឋារចនាសម្ព័ន្ធផ្លូវថ្នល់មានភាពស្រស់ស្អាត ទាក់ទាញ់ខ្លាំង ហើយវិញ្ញាសារត់ ២១គីឡូម៉ែត្រត្រូវរត់លើដងផ្លូវជាប់មាត់ឆ្នេរសមុទ្រដល់ទៅ ៨គីឡូម៉ែត្រ ដែលធ្វើឲ្យអ្នករត់ប្រណាំងទាំងឡាយកាន់តែស្រស់ស្រាយ សប្បាយរីករាយទ្វេឡើង។ ក្នុងចំណោមអ្នកចុះឈ្មោះប្រមាណ ១០០០នាក់គឺមានអ្នករត់អន្តរជាតិជាង ១០០នាក់មកពី ២៤ប្រទេស ក្នុងនោះ ៣ប្រទេសដែលចូលរួមច្រើនជាងគេគឺមានចិន ថៃ និងម៉ាឡេស៊ី៕

ប្រណាំងកង់ភ្នំ Cape Epic Race បញ្ចប់ដោយជោគជ័យនៅទឹកដីអាហ្វ្រិកខាងត្បូង

ប្រណាំងកង់៖ ព្រឹត្តិការណ៍ប្រណាំងកង់ភ្នំ Cape Epic Race បានបញ្ចប់ដោយជោគជ័យនៅលើទឹកដីអាហ្វ្រិកខាងត្បូង ខណៈជ័យជម្នះបានទៅដៃគូកីឡាករ Matt Beers និង Chris Blevins។ ដំណាក់កាលចុងក្រោយជ័យជម្នះបានទៅដៃគូកីឡាករអាល្លឺម៉ង់ Georg Egger និង Lukas Baum តែអ្នកលេខ២ ក្នុងដំណាក់កាលកីឡាករ Matthew Beers សញ្ជាតិអាហ្វ្រិកខាងត្បូង និងកីឡាកអាមេរិក Christopher Blevins បានក្លាយជាជើងឯក។ ងាកមកការប្រកួតផ្នែកនារី ដំណាក់កាលចុងក្រោយជ័យជម្នះបានទៅក្រុមប្រណាំង Cannondale ដែលរួមមានកីឡាការិនីកូឡុំប៊ី Monica Yuliana និងកីឡាការិនី Greete Steinburg តែជ័យជម្នះទាំងស្រុងបានទៅកីឡាការិនី Kim le Court និង Vera Looser។ Cape Epic Race ដែលត្រូវបានរៀបចំឡើងដំបូងនៅឆ្នាំ២០០៤ ត្រូវបានគេនិយមហៅថា ជាព្រឹត្តិការណ៍ប្រណាំងកង់ភ្នំ Tour de France ដែលមានប្រវែងផ្លូវសរុប ៦៥០គីឡូម៉ែត្រ៕អត្ថបទ៖នាង សុភាវុធ

ពិធីដង្ហែព្រះអគ្គិជ័យកីឡានៅហ្វីលីពីនចាប់ផ្ដើមព្រឹកនេះ

ស៊ីហ្គេម៖ ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅលើទឹកដីប្រទេសហ្វីលីពីនបានចាប់ផ្ដើមហើយនៅព្រឹកថ្ងៃទី២៧ ខែមីនានេះនៅទីក្រុង Tagaytay ដែលជាតំបន់ទេសចរណ៍ដ៏ធំមួយរបស់ហ្វីលីពីនដោយមានអ្នកចូលរួមប្រមាណ ៥០០នាក់។ ពិធីដង្ហែនេះរៀបចំឡើងក្រោមកិច្ចសហការរៀបចំ រវាងប្រតិភូគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស ព្រមទាំងឯកឧត្តម ផន ពៅ ឯកអគ្គរាជទូតកម្ពុជាប្រចាំប្រទេសហ្វីលីពីន សហការជាមួយគណៈកម្មាធិការជាតិអូឡាំពិកហ្វីលីពីន។ ជាមួយដំណើរគោលចរនៃពិធីដង្ហែព្រះអគ្គិជ័យកីឡា ដែលជាព្រឹត្តិការណ៍មួយនៃដំណើរឆ្ពោះទៅពិធីបើកព្រឹត្តិការណ៍ប្រវត្តិសាស្ដ្រស៊ីហ្គេម និងអាស៊ានប៉ារ៉ាហ្គេមលើទឹកដីកម្ពុជានេះ ក្រៅពីកីឡាករ-កីឡាការិនីឆ្នើមៗហ្វីលីពីន ក៏ដូចជាប្រជាពលរដ្ឋហ្វីលីពីនក៏មានឯកអគ្គរាជទូត និងតំណាងទូតបណ្ដាប្រទេសអាស៊ានចូលរួមអបអរសាទរពិធីដង្ហែលើទឹកដីហ្វីលីពីននេះផងដែរ។គួរដឹងថា ពិធីដង្ហែព្រះអគ្គិជ័យកីឡានេះធ្វើឡើង ក្រោយព្រះរាជពិធីសុំភ្លើងព្រះអគ្គិអាទិទេព និងព្រះរាជពិធីសុំភ្លើងព្រះអគ្គិជ័យកីឡាដល់ភ្លើងគប់ ដែលប្រារព្ធធ្វើឡើងក្រោមព្រះរាជវត្តមានជាអធិបតីភាពដ៏ខ្ពង់ខ្ពស់បំផុតរបស់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាកាលពីថ្ងៃទី២១ ខែមីនា នៅប្រាសាទអង្គរវត្ត ដោយផ្ដើមចេញពីវៀតណាមមុនគេដែលបានរៀបចំដោយជោគជ័យ និងទទួលបានការគាំទ្រជាខ្លាំងកាលពីថ្ងៃទី២៤ ខែមីនា ឆ្នាំ២០២៣ កន្លងទៅ៕ អត្ថបទ៖ លី ឈុនឡា

ទីក្រុង Tagaytay ត្រូវជ្រើសរើសជាកន្លែងដង្ហែ និងរត់គប់ភ្លើងស៊ីហ្គេម ២០២៣ ក្នុងដំណើរនៅហ្វីលីពីន

ហ្វីលីពីន៖ ពេលនេះអគ្គិជ័យកីឡា និងគប់ភ្លើងស៊ីហ្គេម ២០២៣ កំពុងតែស្ថិតនៅប្រទេសហ្វីលពីន ដែលជាប្រទេសទីពីរ នៃដំណើរក្នុងប្រទេសអាស៊ីហ្គេម មុនមកដល់កម្ពុជា នាកំឡុងសប្តាហ៍ទី៤ នៃខែមេសា ឆ្នាំ២០២៣ខាងមុខ។ព្រឹកថ្ងៃទី២៦ ខែមីនា នេះ គណៈប្រភូស៊ីហ្គេមកម្ពុជា ដែលដឹកនាំដោយឯកឧត្តម ហោ សារុន រដ្ឋលេខាធិការ ក្រសួងទេសចរណ៍ បេសកជនពិសេសរបស់គណៈកម្មាធិការជាតិរៀបចំការប្រកួតស៊ីហ្គេម និងអាស៊ានប៉ារ៉ាហ្គេម ២០២៣ រួមជាមួយឯកឧត្តម ផន ពៅ ឯកអគ្គរាជទូតព្រះរាជាណាចក្រកម្ពុជា ប្រចាំនៅហ្វីលីពីន បានធ្វើដំណើរដល់ទីក្រុង តាហ្គេតាយ (Tagaytay) ដើម្បីពិនិត្យមើលទីតាំង ត្រូវដង្ហែ និងរត់គប់ភ្លើង នៅព្រឹកថ្ងៃទី២៧ ខែមីនា។យោងប្រភពពីប្រទេសហ្វីលីពីន បានបញ្ជាក់ឱ្យដឹងថា ដំណើរអគ្គិជ័យកីឡា ក៏ដូចជារត់គប់ភ្លើងនេះ ត្រូវបានយកចិត្តទុកដាក់រៀបចំ សម្របសម្រួល ដោយស្ថានទូតព្រះរាជាណចក្រកម្ពុជា គណៈកម្មាធិការជាតិអូឡាំពិកហ្វីលីពីន និងក្រុង Tagaytay ហើយនឹងមានការចូលរួមពីអត្តពលិកហ្វីលីពីនល្បីៗ ដែលសុទ្ធសឹងជាម្ចាស់មេដាយស៊ីហ្គេមកន្លងមក និងនិស្សិតកម្ពុជាជាច្រើនរួមទៀត។សូមបញ្ជាក់ថា ទីក្រុងTagaytay នៃខេត្ត Cavite ស្ថិតនៅភាគខាងត្បូង ចំងាយជិត៧០គីឡូម៉ែត្រពីទីក្រុងម៉ានីល ហើយជាគោលដៅទេសចរណ៍ដ៏មានប្រជាប្រិយរបស់ហ្វីលីពីន។ បន្ទាប់ពីហ្វីលីពីន អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម នឹងធ្វើដំណើរទៅទីក្រុងហ្សាកាតា ប្រទេសឥណ្ឌូនេស៊ី៕

បណ្ដាញសង្គម

ព័ត៌មានថ្មីៗ

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

កម្ពុជាលើកកម្ពស់ការយល់ដឹងនៃការវាយតម្លៃទទួលស្គាល់ ជំរុញនវានុវត្តន៍ និងពង្រឹងទំនុកចិត្តទីផ្សារ

លីបេរី រឹបអូសបានសារធាតុកូកាអ៊ីនតម្លៃ ៣១៧លានដុល្លារ ដែលប្រុងលោតឆ័ត្រទៅកាន់អឺរ៉ុប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កូនប្រុសអតីតនាយករដ្ឋមន្ត្រីកាតាដាក់សំណើថ្មីមួយទៀតតម្លៃ ៥ពាន់លានផោនទិញ Manchester United

អ្នកការពារជើងឯក Francesco Bagnaia ឈ្នះការប្រកួតបើករដូវកាលថ្មី MotoGP នៅព័រទុយហ្កាល់

កីឡាករអាមេរិក Sam Burns គ្រងជើងឯកវាយកូនគោល WGC Match Play Championship

Primoz Roglic គ្រងជើងឯកប្រណាំងកង់ Volta a Catalunya នៅអេស្ប៉ាញ

ឯកឧត្តម វ៉ាត់ ចំរើន៖ អ្នកស្ម័គ្រចិត្តត្រូវចាត់ទុកខ្លួនឯងមានមោទកភាពជាតិទាំងអស់គ្នា

វ៉ូវីណាមជើងឯកអាស៊ីអាគ្នេយ៍ដំណើរការប្រកួតផ្លូវការដោយមានអត្តពលិកចូលរួមជាង ១០០នាក់

គិតមកដល់ពេលនេះមានអ្នកចុះឈ្មោះចូលរួមរត់ប្រណាំងនៅខេត្តព្រះសីហនុប្រមាណជាង ១០០០នាក់

ប្រណាំងកង់ភ្នំ Cape Epic Race បញ្ចប់ដោយជោគជ័យនៅទឹកដីអាហ្វ្រិកខាងត្បូង

ពិធីដង្ហែព្រះអគ្គិជ័យកីឡានៅហ្វីលីពីនចាប់ផ្ដើមព្រឹកនេះ

ទីក្រុង Tagaytay ត្រូវជ្រើសរើសជាកន្លែងដង្ហែ និងរត់គប់ភ្លើងស៊ីហ្គេម ២០២៣ ក្នុងដំណើរនៅហ្វីលីពីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កូនប្រុស​អតីត​នាយករដ្ឋមន្ត្រី​កាតា​ដាក់សំណើ​ថ្មី​មួយទៀត​តម្លៃ ៥ពាន់​លាន​ផោន​ទិញ Manchester United

អ្នកការពារ​ជើងឯក Francesco Bagnaia ឈ្នះ​ការប្រកួត​បើក​រដូវ​កាល​ថ្មី MotoGP នៅ​ព័រទុយហ្កាល់

កីឡាករ​អាមេរិក Sam Burns គ្រង​ជើងឯក​វាយកូនគោល WGC Match Play Championship

Primoz Roglic គ្រង​ជើងឯក​ប្រណាំង​កង់ Volta a Catalunya នៅ​អេ​ស្ប៉ា​ញ​

ឯកឧត្តម វ៉ា​ត់ ចំរើន​៖ អ្នកស្ម័គ្រចិត្ត​ត្រូវ​ចាត់ទុក​ខ្លួនឯង​មាន​មោទកភាព​ជាតិ​ទាំងអស់គ្នា​

វ៉ូ​វី​ណា​ម​ជើងឯក​អាស៊ីអាគ្នេយ៍​ដំណើរការ​ប្រកួត​ផ្លូវការ​ដោយមាន​អត្ត​ព​លិ​ក​ចូលរួម​ជាង ​១០០​នាក់

គិត​មកដល់ពេលនេះ​មាន​អ្នក​ចុះឈ្មោះ​ចូលរួម​រត់​ប្រណាំង​នៅ​ខេត្ត​ព្រះសីហនុ​ប្រមាណ​ជាង ១០០០​នាក់​

ប្រណាំង​កង់​ភ្នំ Cape Epic Race បញ្ចប់ដោយ​ជោគជ័យ​នៅ​ទឹកដី​អាហ្វ្រិក​ខាងត្បូង

ពិធី​ដង្ហែ​ព្រះ​អគ្គិ​ជ័យ​កីឡានៅ​ហ្វីលីពីនចាប់ផ្ដើម​ព្រឹក​នេះ​

ទីក្រុង Tagaytay ត្រូវជ្រើសរើសជាកន្លែងដង្ហែ និងរត់គប់ភ្លើងស៊ីហ្គេម ២០២៣ ក្នុងដំណើរនៅហ្វីលីពីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូនប្រុសអតីតនាយករដ្ឋមន្ត្រីកាតាដាក់សំណើថ្មីមួយទៀតតម្លៃ ៥ពាន់លានផោនទិញ Manchester United

អ្នកការពារជើងឯក Francesco Bagnaia ឈ្នះការប្រកួតបើករដូវកាលថ្មី MotoGP នៅព័រទុយហ្កាល់

កីឡាករអាមេរិក Sam Burns គ្រងជើងឯកវាយកូនគោល WGC Match Play Championship

Primoz Roglic គ្រងជើងឯកប្រណាំងកង់ Volta a Catalunya នៅអេស្ប៉ាញ

ឯកឧត្តម វ៉ាត់ ចំរើន៖ អ្នកស្ម័គ្រចិត្តត្រូវចាត់ទុកខ្លួនឯងមានមោទកភាពជាតិទាំងអស់គ្នា

វ៉ូវីណាមជើងឯកអាស៊ីអាគ្នេយ៍ដំណើរការប្រកួតផ្លូវការដោយមានអត្តពលិកចូលរួមជាង ១០០នាក់

គិតមកដល់ពេលនេះមានអ្នកចុះឈ្មោះចូលរួមរត់ប្រណាំងនៅខេត្តព្រះសីហនុប្រមាណជាង ១០០០នាក់

ប្រណាំងកង់ភ្នំ Cape Epic Race បញ្ចប់ដោយជោគជ័យនៅទឹកដីអាហ្វ្រិកខាងត្បូង

ពិធីដង្ហែព្រះអគ្គិជ័យកីឡានៅហ្វីលីពីនចាប់ផ្ដើមព្រឹកនេះ